LAWMSANGZUALA - 14
LAWMSANGZUALA - 14
.
ELTY LUHLUL AUG HNAMTE
.
Ka hma a thu Irene chu ka en vang vang a, a thusawi chu dawt a ni lovang tih ka ring. Mahse hlauhthawn rukna ka la nei tho. A sawi ang ngei chuan ka pasal hi a hmangaih a ni mahna! Mahse ka pasal a ni tlat. Hmangaih pui tu ka mamawh lo. Ka ta a ni.
.
" Ka ring che em ka hre lo. Mahse i thusawi chu a dik anih chuan address kimchang min pe la, a bak chu nang hi kan nun atang kalbo vang vang ang che" a mit a en kal chung a ka tih chuan a meng khup lap a, ka khawngaih miah lo, mahse a vanduai erawh ka ti.
.
" Ka hrethiam e. Mahse thil pakhat min tihsak la ka duh" a hmel a zamna hmel bo in ka mit ah tak min rawn en a.
.
" Sawi rawh"
.
" Sangzuala chungchang ah hian hriat loh tam tak ila nei a. Mawngkawhur a ni lo a, khawngaihtakin rilru lam doctor a hruai tum in i ngaihtuahna seng tah lovang che. Chuan, a ni hi in chhanchhuak thei anih chuan ngaihdam theih lohna tam tak a nei dawn a, a ni hian a sual vang a hetiang dinhmun a dah hi a ni lova, engkim ah apa, ka pahrawn ni bawk kha a bultumtu a ni. Vawikhat chiah ka hmangaih a ni tih hi nangmah ngeiin min hrilhsak la ka ngen duh che a ni." a thusawi avang chuan ka phu nasa ngei mai. Diktak chuan Sangzuala leh a ni inkar ah chuan ka tan thuthar a awm lem lo. Mahse a hmangaih thu ka pasal hrilh tur em chuan min tih ka ring hauh lo.
.
" Kan nun a i rawn inlan leh anih chuan ka pasal ni lovin keimah min hmachhawn tawh ang tih i theihnghilh tur a ni lo" ka tiam thei lo, mahse ka duhdan a a awm anih phawt chuan ka hrilh ngeiin ka ring.
.
" Ka hrereng ang. Mahse engpawh ka chung ah thleng se ka ruang hian Mizoram a thleng ngei ang tih min tiam thei em?"
.
" Enge a awmzia zawh che ka tum lo. Mahse i nunna thap a ka pasal tan a i thil tih avang hian i duh ang ngei chuan a thleng tur ah ngai ang. Mahse tinge Mizoram ah i awm tawh mai loh?"
.
" Khawi hmun ah pawh awm ila an tan zawnchhuah ka harsa ngai dawn chuang lo. Bakah ka chhungte dinhmun hlauhawm a dah ai chuan ka lo tihsual tawh zawng zawng ah mawhphurhna ka la dawn a ni" a thaw halh a, ka khawngaih ve ta! Ni e, misual ka ni bik lo. A talbuaina ah amahin mawhphurhna a la ngam a, a nunna in a tuar dawn tih hrereng chungin a thup theih reng thil chu a puang chhuak a, a thil lo tih tawh ah ni lovin tun a a thil tih avang hian a huaisen ka ti a, ka khawngaih bawk a ni.
.
Kan eitur chah alo thlen hnu chuan kan ei nghal a. Kan thil ei chhung zawng chuan a tawng bawrh bawrh a, hlim luih a tum tih ka hria, mahse inthup hleithei lo khawpin kan boruak chu a uap a ni. Haider theih a ni lo. Press conference kan neih tur pawh a hria a, chumi awm hman lo tawk a naktuk lam a thlawh thlak a tum thu a sawi chuan a lo let leh tawh lovang tih rinna ka neih len em avang chuan ka tah a chhuak ve lek lek zawk. Thil kan ei zawh chuan kan kalna tur ve ve lam pan tur in kan chhuak zui nghal.
.
" Pangai tak a nun hmang ve thei ngai lo tur a retheihna in a rah beh, tlanchhuahna tur kawng thlang fuh lo hmeichhia ni tur a ka piang hi ka thiam loh a ni bik lo ania. In nupa in duhsakna zawng zawng ka hlan che u. Engpawh tak ila ka nau neichhun sawn ka kawng zawh ang a zawh ve loh nan tawngtaina ah min lo dil sak dawn nia. Mangtha le" tih pah a Irene kalliam ta chu ka en zui vang vang a, ka ngaihtuahna a kal thui ngei mai.
.
Ka pa te chhungkua an lo phei a, Sangzuala leh John leh kei kan awm bawk. Kan boruak chu a rit khawp mai. Sangzuala chuan a ni hruai chhuak tur a kal vat a duh. Mahse ka pa in a remti ta hauh lo mai. A chhan chu press conference koh ni a thleng tawh dawn a, kalbo thei a ni tawh lo a, ka pa leh John a rem chuan Delhi lam ah an chhuk anga, John chu chawlh lak lam ah harsatna a nei lo bawk a, ka pa nen Delhi police te nen tangkawp in Sangzuala ni chu lakchhuah an lo tum ang. Press conference zawh tuk ah kan nupa in Delhi lam ah kan chhuk ve nghal thung ang. Ka nu in ak kal a remti chiah lo a, Sangzuala pawhin a duh chiah lo. Mahse mak tak maiin ka pa in ka kal ve a tul a ti teh mauh thung a, ka pa chung ah ka lawm kher mai.
.
Ka pa te John nen Delhi lam ah an liamthla ve nghal a, keini nupa erawh press conference ko in kan buai em em thung. Buai viau e ti lo chuan rilru erawh a pangkhing reng thung. Ka pa hi a kum ngaihtuah in ala thalai viau a, chubakah sa a ei lo a, zuk leh hmuam a ti lo bawk nen, a hrisel em em a ni. Thlai hring a ei nasa a, chawhmeh hmin lutuk a siam a ngaina lo bawk. Chutihrualin kan unau hian ka nu kan chhun a, sa kan duh em em thung. Ka nu pawh hi nutling tak, mahni lu zo zet, mahni a inhaikaw ve thei tak hmeichhia a ni. Mi chuan ka nu ka chhun tih an sawi fo thin, ka lawm thei hle bawk.
.
" Puite, lo kal ve lo la ka la duh cheu" press conference zawh ah kan pa campaigner leh thian tha thenkhat ten chaw kan eikhawm nghal a, min hawsan hnu chuan kan nupa chauh chuan sitting room lam ah kan thu dun a, Vani erawh kan zin dawn avangin a chhungte in lam a riak turin a kal thung.
.
" Kan tiam tawh a, engpawh ti dawn ila kan nupa zel in kan ti dun ang kan tih tawh kha. Thingpui i in duh em?" ka ti zawm zat.
.
" Duh lo mai. Inbual ila, kan mu mai dawn mi niang. Naktuk ah khan Rintea kha Lengpui a min thlah tur in ka tia, thawh kan hai palh hlauh ange" a ti tha ve mai a, min hnial zui zel ang tih hlau a ka lo ip chu ka thaw huai mai.
.
Lengpui kawng a kan tlan lai chuan ka pum a no nghulh a, ka luak a chhuak up up thei. Motor ka chuang fuh lo ah ka ngai a, kawng ah vawi 4 ngawt kan ding thla. Rintea'n min let san hnu chuan keini nupa pawh kan thlawhna tur a kan luh a hun ve nghal a, Sangzuala awmdan ah chuan a helhhawlh ni ber in ka hria. Nizan lam ah ka pa nen an inbiakna ah Irene pawh ka pa te nen an chhukthla rual a, ka pa te thil tih tum ah puih zel a inhuam thu te, ka pa pawhin kan tangkaipui dawn ni a a hriat avangin a puihna kan mamawh a rin thu te alo sawi a, duh lo ru viau mahila kawng dang thlan tur kan nei chuang lo. Ka nu in kan zin tur min thlah a duh viau nangin kal pahin kan tlawh kawi a, min thlah lo tur a ka hmin hnu ah kan kalsan kha ania, a rilru a nuam dawn lo tih chu ka hria, mahse ka pasal mai bakah ka pa a awm ve dawn a, a hlauthawng lutuk chuan ak ring lo.
.
John remruatna ang in Delhi kan thlen thlak chuan Sangzuala in ah kal lo in Hotel lam kan pan a, a chhan chu Delhi kan kal tih an hriat chuan harsatna kan tawk thei tlat a ni. Ka pa te nen erawh Hotel khat ah kan awm nangin floor hran ah kan thleng thung. Ka awm a nuam thei meuh lo. Mahse engmah ka sawi ri duh lo thung. John remruatna a fing in a fel fai em em a, a hna a tlin zia a tilang a ni ber e. Mahse khawiah pawh chhuak dawn se ka pa emaw, kei emaw, Sangzuala emaw kan tel ve a duh miah lo thung. Aamahin a chhuak a, a hna lam atang a a hmelhriatte a hmu thin tih a sawi mai a, kan ringtawk tak zet a ni.
.
Delhi pawh ni 2 kan cham ve ta. Ka awm a nuam thei lo a, khasik ang deuhin ka awm reng. Tin, engmah ka ei thei lo a, ka inthup hleithei ta meuh lo. Zing ka thochhuak peih ngang lo.
.
" I tha em?" ka pasal chuan chik zet in min en a, diktak chuan ka tha tih hrilh ka duh. A chhan chu a rilru a buai pik naklaiin kei hetia lo nawmloh veleh chu a rilru ka tihah nasa zual dawn tih ka hria, chu chu ka duh lo a ni.
.
" Ka awm a nuam chiah lo a"
.
" Soup sa tha deuh in la a zia lo maw?" soup a sawi zawng ringawt pawh chuan ka luak a chhuak zui nghal. Ka uak tuarh a, rang zet a tho in washroom-ah chuan ka tlan lut a, ka hnung ah chuan Sangzuala chuan min rawn um ve vat bawk. Toilet-ah chuan ka luak a, mahse thil ka ei hleih theih miau loh avangin luak chhuah tur erawh ka nei lo. Ka uak zo chu ka zawi hnawk thei.
.
" I rai a ni" ka pasal chu ka en he haw a, ka ngaihtuah loh lam lutuk a rawn sawi a ni.
.
" Maw?"
.
" I thi neih a pangai em?" chutia a sawi tak ah chuan December thla kha ka period miah lo. Tun ah January a nia, thla a tawp tep tawh bak. Ka la period miah lo bawk.
.
" Mahse..."
.
" Lo awm hahdam rawh. Ka zuk chhuak lawk ang" tih pah chuan min pawm tho a, khum ah chuan dimte in min nghat a, a hmel chu helhhawlhna in a khat a ni ber mai.
.
Sangzuala chhuah hnu chuan ka mu ngawi kar a, ka ngaihtuah a, keihi ka rai ni ve tur a ka ngaihtuah hian mak ka ti. Mahse ka ring chiah lo. Nupa nun kan hmang tam lo a, a chhan chu kan nupa hringnun zawh hi ala khirh ve em a, sex a sang turin rilru hahdam kan nei tlem ve em a ni. Hmang lo tawp chu kan ni hauh lo. Mahse zan tin deuhthaw i pasal/nupui mangchhia vang a a muhil lai veng ve ta la, sex hmang tur hian i peih sek ka ring bik lo.
.
" Ka reilo tiraw?" ka pasal chuan pregnancy tester min pek pah chuan ka bul ah a rawn thu a, a hmel a phurna te, zamna te chu ka hmuh hmaih hauh lo. Keipawh chutiang chiah chu ka ni.
.
Ngawirengin toilet-ah ka lut a, zam chung chung chuan ka zun chu ka test a, a chiang e! Ngawirengin toilet atang chuan ka chhuak a, ka pasal chu sofa-a thu in min lo en kur a, ngawirengin tester chu ka pe a, a kut a khur ve dar dar mai. A rawn tho phut a, min pawm kang nawlh a, a khek ve ruih mai. Ka pasal hlim thawm chuan min ti hlim a ni. Ni e, kan innei chauh a, thla 3 pumhlum pawh kan la innei lo. Mahse ka rai a ni. Mi thenkhat, naupai chak tak tak, rai mai thei lo an awm laiin keini erawh thla 3 pumhlum kan inneih hma in ka rai ta der a, ka vannei tak zet a ni.
.
" I haw a tha ang" khum a kan thut dun hnu chuan a ti sup a, kan hlim ve dawn chauh a, mahse kan hmachhawp thil avangin kan hlim a famkim thei si lo.
.
" Ka pa biak phawt a tha in ka hria" ka lo ti ve thung. Dik tak chuan hawsan ka duh lo a ni. Mahse tunah nau ka pai tih kan hre chiah a, ka nau pai a that leh that loh kan hre lo a, bakah kan hmachhawp nen chuan ka tangkai lo mai pawh ni lovin hnawksak ak tling thei tih ka chiang.
.
Ka pa room-ah kan thu a, John erawh hna vang in a awm ve lo thung. Ka pa in ka rai tih a hriat chuan a lawm ve kher mai. Mahse Sangzuala rawtna ang deuh tho in haw rih tur in min duh ve tho. Mahse keimah chauh ni lovin, Sangzuala nen a ti thung. Sangzuala erawh in haw a tum der lo. Bakah nizan lam a John sawi hmangin Sangzuala ni kan hnai tawh viau anih hmel. Keichuan haw mai ka pawi ti lo. Mahse Sangzuala a haw duh si loh ah chuan ka pa chuan Doctor rawn hmasak a rawt leh ta thung a, chuerawh thil harsa a ni lo. Sangzuala'n Doctor tha a hre nual a, a thiante pawh an awm nangin fimkhur thu hla ah ani chu in lan ve ka pa in a phal leh ta chuang lo. Ka pa hian ka hriat veloh tam tak a hria ang tih ka ring. Chuvang a ani kum upa lam tawh a makpa vang a heng lai thleng thleng smuggler hlauhawm tak te hmachhawn tur a a awm tlat. Ka pa sawi apiang tunah rih chuan zawm ka duh ber rih mai.
.
Doctor hmu tur chuan ka pa nen kan kal dun a, Sangzuala erawh room lam ah a awm thung. Doctor chuan ka nau pai chu thla 2 ala tling lo a, indim ka ngaih thu a sawi bawk. Ka pa chuan thlawhna a chuan a hlauhawm leh hlauhawm loh a zawt uluk hle a, damdawi tha nen a inven chuan hlauhawm anih loh thu a sawi nangin zin lo tur a min duhpui zawk thu erawh a sawi thung. Loh theih loh anih erawh chuan thlawhna ka chuan hma ngei a amah hmu tur a min tih hnu chuan kan let san ve nghal. Ka pa nen chuan bazaar-ah kan kual zawk a, ka pa in Sangzuala nen ngei haw dun se min ti tih leh Sangzuala Ni hi kan la chhuak thei ngei ang tih a chian loh avangin ka pasal rilru hneh turin min nawr ve ta tlat.
.
Hotel kan thlen chuan ka pa chu kan room lam a lutkawi tur a ka sawm tlat avangin min zui ve mai a. Kan pafa chuan kan room lam chu kan pan a, kan room kawngka ka hawng chu ka rinloh lutuk in kan room-ah chuan Sangzuala, John, Irene leh hmeichhe pakhat an lo thu. Sangzuala chuan min hmuh veleh a rawn tho vat a, ka hamhaih lutuk chu min rawn nuih sak a.
.
" Puite, ka ni chu anih hi" Sangzuala'n a tih chuan kan pafa chuan kan mengphawk nasa mai. Engtinnge a thlen theih?
.
" Maw?"
.
" I hria em? John leh Irene hian ka ni an rawn hawn hlawl mai. Ka ni, i monu hi chibai ta che" Sangzuala chuan hmeichhe pakhat lam chu a hawi a, ka pa erawh ala chesawn hauh lo. Mahse chu hmeichhia chu a rawn hawi lo a, a mit chuan hmalam a en ngar a, a chesawn lo hrim hrim.
.
" Puite, ka ni hi a mit leh beng an tihchhiat sak a, engmah a hmu in a hre thei lo" na tih hmel tak a Sangzuala'n a tih leh chuan ka pa chu a rum kawk a, vung zet in Sangzuala ni thutna lam chu a pan a, a hma ah va thingthi in a hmai vel chu ava khawih a, ka pa a tap ta! Tupawh mai chu kan hawi phawk vek a ni ber mai. Ka pa bul ah chuan ka kal phei a, mahse John chuan min lo dang vat thung.
.
" Kan room lam ah ilo zuk chhuk ang u hmiang" John chuan a ti sap a, Sangzuala leh Irene nen kan pali chuan ngawirengin John room lam pan chuan kan chhukthla a, Irene chu a inthlahrun hmel em em bawk. Vawikhatmah ka la be lo. Biakna hun a awm miau lo bawk a. Sangzuala nen chuan sofa-ah kan thu dun a, kan ep ah Irene a thu bawk.
.
" Sangzuala Ni hi Puitei pa ngaihzawng hlui a ni" kan ngawihthap lai chuan John chuan a rawn tichhuak hlawl mai.
.
" Maw?" ka au a ni ber mai. Ka beisei loh lutuk thil a ni.
.
" John, ka nupui hi a rai ania" Sangzuala chuan alo ti sup a, engkim mai chu a mak em em vek a ni. Sangzuala hian ka pa ngaihzawng hmasa ber hi a ni tih a hre sa anih hmel.
.
" Oooh, ka lawmpui che. Puite, i tan chuan hriatthiam a harsa mai thei. Mahse ka hriatchin ka hrilhfiah law law ang che. Chuan, Irene chungchang hi kan sawi hmasa anga. Tunah hian a chhungte hmun him ah ka awmtir vek tawh a, ani pawh ka bul ah a awm ve rih anga, heta kan kal chungchang hi sawrkar laipui pawh in an hre vek tih akn sawi tlang law law ange. Chuan, Irene erawh hi chu thla 1 hnu ah court hma a a inlan a ngai dawn a, chumi hma erawh chuan central lam in a vawikhatna atan mimal kut ah a saltang a dah dawn anih hmel. Keimahin ka thukru dawn a ni" engmah chu ka hrethiam teh nuaih lo. Ka ngawng vek a ni ber mai.
.
" Chuan?"
.
" Ipa leh Nu Rami inngaihzawn hunlai hi chu an nulat tlangval lai a ni. Ipa hnen atang a ka hriat leh ka chhui atang a ka hriat dan chuan Sangzuala pa vang hian ipa hian Sangzuala ni hi a kalsan a ni. A chhan erawh chu a tul anih chuan ipa in la zawt mai ang. Mahse vanneihthlak takin i nu nen hian an inkawpchho a, an innei ta hial a, i nu pawhin engkim a hre vek a, Sangzuala Ni anih vang tak in ipa hi chhanchhuak turin kal ngei se a duh ve miau avangin kum upat lam ah ipa hi a penchhuak veleh ta a ni. A makpa Ni a ni a, a ngaihzang hmasa ber a ni bawk. A fanu pasal Ni anih chuan a fanu Ni a ni ve bawk a, ipa hi hunthawl kan pek a ngai dawn a ni, Chuan, haw lam chu sawrkar lam in min buaipui dawn a, nangpawh thlawhna chhung a nangmah vengtu tur che Doctor naktuk ah a rawn thlawk thla anga, i nu hnen ah a tu tur i pumchhung a a awm thu ila hrilh ve vat thei ang. Doctor chu keimahin ka lo buaipui dawn nia. Ka nau a rawn kal thei ang" John thusawi chhung zawng chuan ka en ngai ka en reng. Sawitur ka hre lo . Ka pasal in ka kut a a rawn vawn chuan ka harhchhuak chiah.
.
" Engkim avangin ka lawm e" ka ti sap a, John chu alo nui hak a, ka han en chho chu a kut in min zap a, lawmthusawi a duh lo tih a entirna ah ka ngai.
.
Sangzuala ni chu engmah hmu thei lo leh hre thei lo a a awm miau avangin biak a sawt lo. Chaw ei dawn pawhin Irene chuan a barh mai a, kei emaw, Sangzuala emaw in barh tur kan ni in ti mai thei. Mahse Irene hi chaw barh thin tu alo ni reng a, chaw barh dawn in a barh tu kut a dap hmasa phawt a, Irene kut chu alo hre nasa mai, kan kut chu a hnawl hmiah a, a tawng thei tho a, a barhtu ngai barh a duhthu a sawi avangin a duhdan kan zah sak a, kan tilui duh ta lo. Irene lo tel ve chu a lawmawm ta phian zawk.
.
" Kan inbe lawk thei angem?" Sangzuala chu engemaw lei tur a a chhuah avangin Irene chuan inthlahrung zet in min rawn bia a, kan inhmuh hnuhnun ber khan kan nun a inralh tah lo tur leh inthiarfihlim tur khan ka hrilh miau a, tunah erawh loh theih loh thil a ni.
.
" Sawi la..."
.
" Eng lo, ka ni hi mitdel hawrawp ang kha a thiam a, a harsat loh chuan ngaihtuah sak thei ula ka ti"
.
" ENgtinnge a thiam?" makti zet chuan ka en a.
.
" A tan khan mi ka ruai thin alawm. Puite, mi tha ka ni miah lo. Mahse i rin ang em em chuan ka sual lo ania a. Ka chung a leng te kha an huaiin thil an ti thei em em a, ka chhungkaw him nan an thu ka zawm lo thei lo a ni. Mahse ka ni hi a ruk chuan ka pui ve reng tho ania" a tih chuan ka en reng a, ni e, kan inhmuh hnuhnun ber khan he dinhmun a a din chhan ni awm tak kha a sawi ngei alawm.
.
" Ka lawm e. Ka lo ngaihtuah dawn nia" ka phone ri chu ka en vat a, John a ni.
.
" Hello"
.
" In room kawngka kalh ula, kei emaw, ipa emaw, i pasal emaw kan nih loh chuan tumah kawng lo han lovang che u"
.
ELTY LUHLUL AUG HNAMTE
.
Ka hma a thu Irene chu ka en vang vang a, a thusawi chu dawt a ni lovang tih ka ring. Mahse hlauhthawn rukna ka la nei tho. A sawi ang ngei chuan ka pasal hi a hmangaih a ni mahna! Mahse ka pasal a ni tlat. Hmangaih pui tu ka mamawh lo. Ka ta a ni.
.
" Ka ring che em ka hre lo. Mahse i thusawi chu a dik anih chuan address kimchang min pe la, a bak chu nang hi kan nun atang kalbo vang vang ang che" a mit a en kal chung a ka tih chuan a meng khup lap a, ka khawngaih miah lo, mahse a vanduai erawh ka ti.
.
" Ka hrethiam e. Mahse thil pakhat min tihsak la ka duh" a hmel a zamna hmel bo in ka mit ah tak min rawn en a.
.
" Sawi rawh"
.
" Sangzuala chungchang ah hian hriat loh tam tak ila nei a. Mawngkawhur a ni lo a, khawngaihtakin rilru lam doctor a hruai tum in i ngaihtuahna seng tah lovang che. Chuan, a ni hi in chhanchhuak thei anih chuan ngaihdam theih lohna tam tak a nei dawn a, a ni hian a sual vang a hetiang dinhmun a dah hi a ni lova, engkim ah apa, ka pahrawn ni bawk kha a bultumtu a ni. Vawikhat chiah ka hmangaih a ni tih hi nangmah ngeiin min hrilhsak la ka ngen duh che a ni." a thusawi avang chuan ka phu nasa ngei mai. Diktak chuan Sangzuala leh a ni inkar ah chuan ka tan thuthar a awm lem lo. Mahse a hmangaih thu ka pasal hrilh tur em chuan min tih ka ring hauh lo.
.
" Kan nun a i rawn inlan leh anih chuan ka pasal ni lovin keimah min hmachhawn tawh ang tih i theihnghilh tur a ni lo" ka tiam thei lo, mahse ka duhdan a a awm anih phawt chuan ka hrilh ngeiin ka ring.
.
" Ka hrereng ang. Mahse engpawh ka chung ah thleng se ka ruang hian Mizoram a thleng ngei ang tih min tiam thei em?"
.
" Enge a awmzia zawh che ka tum lo. Mahse i nunna thap a ka pasal tan a i thil tih avang hian i duh ang ngei chuan a thleng tur ah ngai ang. Mahse tinge Mizoram ah i awm tawh mai loh?"
.
" Khawi hmun ah pawh awm ila an tan zawnchhuah ka harsa ngai dawn chuang lo. Bakah ka chhungte dinhmun hlauhawm a dah ai chuan ka lo tihsual tawh zawng zawng ah mawhphurhna ka la dawn a ni" a thaw halh a, ka khawngaih ve ta! Ni e, misual ka ni bik lo. A talbuaina ah amahin mawhphurhna a la ngam a, a nunna in a tuar dawn tih hrereng chungin a thup theih reng thil chu a puang chhuak a, a thil lo tih tawh ah ni lovin tun a a thil tih avang hian a huaisen ka ti a, ka khawngaih bawk a ni.
.
Kan eitur chah alo thlen hnu chuan kan ei nghal a. Kan thil ei chhung zawng chuan a tawng bawrh bawrh a, hlim luih a tum tih ka hria, mahse inthup hleithei lo khawpin kan boruak chu a uap a ni. Haider theih a ni lo. Press conference kan neih tur pawh a hria a, chumi awm hman lo tawk a naktuk lam a thlawh thlak a tum thu a sawi chuan a lo let leh tawh lovang tih rinna ka neih len em avang chuan ka tah a chhuak ve lek lek zawk. Thil kan ei zawh chuan kan kalna tur ve ve lam pan tur in kan chhuak zui nghal.
.
" Pangai tak a nun hmang ve thei ngai lo tur a retheihna in a rah beh, tlanchhuahna tur kawng thlang fuh lo hmeichhia ni tur a ka piang hi ka thiam loh a ni bik lo ania. In nupa in duhsakna zawng zawng ka hlan che u. Engpawh tak ila ka nau neichhun sawn ka kawng zawh ang a zawh ve loh nan tawngtaina ah min lo dil sak dawn nia. Mangtha le" tih pah a Irene kalliam ta chu ka en zui vang vang a, ka ngaihtuahna a kal thui ngei mai.
.
Ka pa te chhungkua an lo phei a, Sangzuala leh John leh kei kan awm bawk. Kan boruak chu a rit khawp mai. Sangzuala chuan a ni hruai chhuak tur a kal vat a duh. Mahse ka pa in a remti ta hauh lo mai. A chhan chu press conference koh ni a thleng tawh dawn a, kalbo thei a ni tawh lo a, ka pa leh John a rem chuan Delhi lam ah an chhuk anga, John chu chawlh lak lam ah harsatna a nei lo bawk a, ka pa nen Delhi police te nen tangkawp in Sangzuala ni chu lakchhuah an lo tum ang. Press conference zawh tuk ah kan nupa in Delhi lam ah kan chhuk ve nghal thung ang. Ka nu in ak kal a remti chiah lo a, Sangzuala pawhin a duh chiah lo. Mahse mak tak maiin ka pa in ka kal ve a tul a ti teh mauh thung a, ka pa chung ah ka lawm kher mai.
.
Ka pa te John nen Delhi lam ah an liamthla ve nghal a, keini nupa erawh press conference ko in kan buai em em thung. Buai viau e ti lo chuan rilru erawh a pangkhing reng thung. Ka pa hi a kum ngaihtuah in ala thalai viau a, chubakah sa a ei lo a, zuk leh hmuam a ti lo bawk nen, a hrisel em em a ni. Thlai hring a ei nasa a, chawhmeh hmin lutuk a siam a ngaina lo bawk. Chutihrualin kan unau hian ka nu kan chhun a, sa kan duh em em thung. Ka nu pawh hi nutling tak, mahni lu zo zet, mahni a inhaikaw ve thei tak hmeichhia a ni. Mi chuan ka nu ka chhun tih an sawi fo thin, ka lawm thei hle bawk.
.
" Puite, lo kal ve lo la ka la duh cheu" press conference zawh ah kan pa campaigner leh thian tha thenkhat ten chaw kan eikhawm nghal a, min hawsan hnu chuan kan nupa chauh chuan sitting room lam ah kan thu dun a, Vani erawh kan zin dawn avangin a chhungte in lam a riak turin a kal thung.
.
" Kan tiam tawh a, engpawh ti dawn ila kan nupa zel in kan ti dun ang kan tih tawh kha. Thingpui i in duh em?" ka ti zawm zat.
.
" Duh lo mai. Inbual ila, kan mu mai dawn mi niang. Naktuk ah khan Rintea kha Lengpui a min thlah tur in ka tia, thawh kan hai palh hlauh ange" a ti tha ve mai a, min hnial zui zel ang tih hlau a ka lo ip chu ka thaw huai mai.
.
Lengpui kawng a kan tlan lai chuan ka pum a no nghulh a, ka luak a chhuak up up thei. Motor ka chuang fuh lo ah ka ngai a, kawng ah vawi 4 ngawt kan ding thla. Rintea'n min let san hnu chuan keini nupa pawh kan thlawhna tur a kan luh a hun ve nghal a, Sangzuala awmdan ah chuan a helhhawlh ni ber in ka hria. Nizan lam ah ka pa nen an inbiakna ah Irene pawh ka pa te nen an chhukthla rual a, ka pa te thil tih tum ah puih zel a inhuam thu te, ka pa pawhin kan tangkaipui dawn ni a a hriat avangin a puihna kan mamawh a rin thu te alo sawi a, duh lo ru viau mahila kawng dang thlan tur kan nei chuang lo. Ka nu in kan zin tur min thlah a duh viau nangin kal pahin kan tlawh kawi a, min thlah lo tur a ka hmin hnu ah kan kalsan kha ania, a rilru a nuam dawn lo tih chu ka hria, mahse ka pasal mai bakah ka pa a awm ve dawn a, a hlauthawng lutuk chuan ak ring lo.
.
John remruatna ang in Delhi kan thlen thlak chuan Sangzuala in ah kal lo in Hotel lam kan pan a, a chhan chu Delhi kan kal tih an hriat chuan harsatna kan tawk thei tlat a ni. Ka pa te nen erawh Hotel khat ah kan awm nangin floor hran ah kan thleng thung. Ka awm a nuam thei meuh lo. Mahse engmah ka sawi ri duh lo thung. John remruatna a fing in a fel fai em em a, a hna a tlin zia a tilang a ni ber e. Mahse khawiah pawh chhuak dawn se ka pa emaw, kei emaw, Sangzuala emaw kan tel ve a duh miah lo thung. Aamahin a chhuak a, a hna lam atang a a hmelhriatte a hmu thin tih a sawi mai a, kan ringtawk tak zet a ni.
.
Delhi pawh ni 2 kan cham ve ta. Ka awm a nuam thei lo a, khasik ang deuhin ka awm reng. Tin, engmah ka ei thei lo a, ka inthup hleithei ta meuh lo. Zing ka thochhuak peih ngang lo.
.
" I tha em?" ka pasal chuan chik zet in min en a, diktak chuan ka tha tih hrilh ka duh. A chhan chu a rilru a buai pik naklaiin kei hetia lo nawmloh veleh chu a rilru ka tihah nasa zual dawn tih ka hria, chu chu ka duh lo a ni.
.
" Ka awm a nuam chiah lo a"
.
" Soup sa tha deuh in la a zia lo maw?" soup a sawi zawng ringawt pawh chuan ka luak a chhuak zui nghal. Ka uak tuarh a, rang zet a tho in washroom-ah chuan ka tlan lut a, ka hnung ah chuan Sangzuala chuan min rawn um ve vat bawk. Toilet-ah chuan ka luak a, mahse thil ka ei hleih theih miau loh avangin luak chhuah tur erawh ka nei lo. Ka uak zo chu ka zawi hnawk thei.
.
" I rai a ni" ka pasal chu ka en he haw a, ka ngaihtuah loh lam lutuk a rawn sawi a ni.
.
" Maw?"
.
" I thi neih a pangai em?" chutia a sawi tak ah chuan December thla kha ka period miah lo. Tun ah January a nia, thla a tawp tep tawh bak. Ka la period miah lo bawk.
.
" Mahse..."
.
" Lo awm hahdam rawh. Ka zuk chhuak lawk ang" tih pah chuan min pawm tho a, khum ah chuan dimte in min nghat a, a hmel chu helhhawlhna in a khat a ni ber mai.
.
Sangzuala chhuah hnu chuan ka mu ngawi kar a, ka ngaihtuah a, keihi ka rai ni ve tur a ka ngaihtuah hian mak ka ti. Mahse ka ring chiah lo. Nupa nun kan hmang tam lo a, a chhan chu kan nupa hringnun zawh hi ala khirh ve em a, sex a sang turin rilru hahdam kan nei tlem ve em a ni. Hmang lo tawp chu kan ni hauh lo. Mahse zan tin deuhthaw i pasal/nupui mangchhia vang a a muhil lai veng ve ta la, sex hmang tur hian i peih sek ka ring bik lo.
.
" Ka reilo tiraw?" ka pasal chuan pregnancy tester min pek pah chuan ka bul ah a rawn thu a, a hmel a phurna te, zamna te chu ka hmuh hmaih hauh lo. Keipawh chutiang chiah chu ka ni.
.
Ngawirengin toilet-ah ka lut a, zam chung chung chuan ka zun chu ka test a, a chiang e! Ngawirengin toilet atang chuan ka chhuak a, ka pasal chu sofa-a thu in min lo en kur a, ngawirengin tester chu ka pe a, a kut a khur ve dar dar mai. A rawn tho phut a, min pawm kang nawlh a, a khek ve ruih mai. Ka pasal hlim thawm chuan min ti hlim a ni. Ni e, kan innei chauh a, thla 3 pumhlum pawh kan la innei lo. Mahse ka rai a ni. Mi thenkhat, naupai chak tak tak, rai mai thei lo an awm laiin keini erawh thla 3 pumhlum kan inneih hma in ka rai ta der a, ka vannei tak zet a ni.
.
" I haw a tha ang" khum a kan thut dun hnu chuan a ti sup a, kan hlim ve dawn chauh a, mahse kan hmachhawp thil avangin kan hlim a famkim thei si lo.
.
" Ka pa biak phawt a tha in ka hria" ka lo ti ve thung. Dik tak chuan hawsan ka duh lo a ni. Mahse tunah nau ka pai tih kan hre chiah a, ka nau pai a that leh that loh kan hre lo a, bakah kan hmachhawp nen chuan ka tangkai lo mai pawh ni lovin hnawksak ak tling thei tih ka chiang.
.
Ka pa room-ah kan thu a, John erawh hna vang in a awm ve lo thung. Ka pa in ka rai tih a hriat chuan a lawm ve kher mai. Mahse Sangzuala rawtna ang deuh tho in haw rih tur in min duh ve tho. Mahse keimah chauh ni lovin, Sangzuala nen a ti thung. Sangzuala erawh in haw a tum der lo. Bakah nizan lam a John sawi hmangin Sangzuala ni kan hnai tawh viau anih hmel. Keichuan haw mai ka pawi ti lo. Mahse Sangzuala a haw duh si loh ah chuan ka pa chuan Doctor rawn hmasak a rawt leh ta thung a, chuerawh thil harsa a ni lo. Sangzuala'n Doctor tha a hre nual a, a thiante pawh an awm nangin fimkhur thu hla ah ani chu in lan ve ka pa in a phal leh ta chuang lo. Ka pa hian ka hriat veloh tam tak a hria ang tih ka ring. Chuvang a ani kum upa lam tawh a makpa vang a heng lai thleng thleng smuggler hlauhawm tak te hmachhawn tur a a awm tlat. Ka pa sawi apiang tunah rih chuan zawm ka duh ber rih mai.
.
Doctor hmu tur chuan ka pa nen kan kal dun a, Sangzuala erawh room lam ah a awm thung. Doctor chuan ka nau pai chu thla 2 ala tling lo a, indim ka ngaih thu a sawi bawk. Ka pa chuan thlawhna a chuan a hlauhawm leh hlauhawm loh a zawt uluk hle a, damdawi tha nen a inven chuan hlauhawm anih loh thu a sawi nangin zin lo tur a min duhpui zawk thu erawh a sawi thung. Loh theih loh anih erawh chuan thlawhna ka chuan hma ngei a amah hmu tur a min tih hnu chuan kan let san ve nghal. Ka pa nen chuan bazaar-ah kan kual zawk a, ka pa in Sangzuala nen ngei haw dun se min ti tih leh Sangzuala Ni hi kan la chhuak thei ngei ang tih a chian loh avangin ka pasal rilru hneh turin min nawr ve ta tlat.
.
Hotel kan thlen chuan ka pa chu kan room lam a lutkawi tur a ka sawm tlat avangin min zui ve mai a. Kan pafa chuan kan room lam chu kan pan a, kan room kawngka ka hawng chu ka rinloh lutuk in kan room-ah chuan Sangzuala, John, Irene leh hmeichhe pakhat an lo thu. Sangzuala chuan min hmuh veleh a rawn tho vat a, ka hamhaih lutuk chu min rawn nuih sak a.
.
" Puite, ka ni chu anih hi" Sangzuala'n a tih chuan kan pafa chuan kan mengphawk nasa mai. Engtinnge a thlen theih?
.
" Maw?"
.
" I hria em? John leh Irene hian ka ni an rawn hawn hlawl mai. Ka ni, i monu hi chibai ta che" Sangzuala chuan hmeichhe pakhat lam chu a hawi a, ka pa erawh ala chesawn hauh lo. Mahse chu hmeichhia chu a rawn hawi lo a, a mit chuan hmalam a en ngar a, a chesawn lo hrim hrim.
.
" Puite, ka ni hi a mit leh beng an tihchhiat sak a, engmah a hmu in a hre thei lo" na tih hmel tak a Sangzuala'n a tih leh chuan ka pa chu a rum kawk a, vung zet in Sangzuala ni thutna lam chu a pan a, a hma ah va thingthi in a hmai vel chu ava khawih a, ka pa a tap ta! Tupawh mai chu kan hawi phawk vek a ni ber mai. Ka pa bul ah chuan ka kal phei a, mahse John chuan min lo dang vat thung.
.
" Kan room lam ah ilo zuk chhuk ang u hmiang" John chuan a ti sap a, Sangzuala leh Irene nen kan pali chuan ngawirengin John room lam pan chuan kan chhukthla a, Irene chu a inthlahrun hmel em em bawk. Vawikhatmah ka la be lo. Biakna hun a awm miau lo bawk a. Sangzuala nen chuan sofa-ah kan thu dun a, kan ep ah Irene a thu bawk.
.
" Sangzuala Ni hi Puitei pa ngaihzawng hlui a ni" kan ngawihthap lai chuan John chuan a rawn tichhuak hlawl mai.
.
" Maw?" ka au a ni ber mai. Ka beisei loh lutuk thil a ni.
.
" John, ka nupui hi a rai ania" Sangzuala chuan alo ti sup a, engkim mai chu a mak em em vek a ni. Sangzuala hian ka pa ngaihzawng hmasa ber hi a ni tih a hre sa anih hmel.
.
" Oooh, ka lawmpui che. Puite, i tan chuan hriatthiam a harsa mai thei. Mahse ka hriatchin ka hrilhfiah law law ang che. Chuan, Irene chungchang hi kan sawi hmasa anga. Tunah hian a chhungte hmun him ah ka awmtir vek tawh a, ani pawh ka bul ah a awm ve rih anga, heta kan kal chungchang hi sawrkar laipui pawh in an hre vek tih akn sawi tlang law law ange. Chuan, Irene erawh hi chu thla 1 hnu ah court hma a a inlan a ngai dawn a, chumi hma erawh chuan central lam in a vawikhatna atan mimal kut ah a saltang a dah dawn anih hmel. Keimahin ka thukru dawn a ni" engmah chu ka hrethiam teh nuaih lo. Ka ngawng vek a ni ber mai.
.
" Chuan?"
.
" Ipa leh Nu Rami inngaihzawn hunlai hi chu an nulat tlangval lai a ni. Ipa hnen atang a ka hriat leh ka chhui atang a ka hriat dan chuan Sangzuala pa vang hian ipa hian Sangzuala ni hi a kalsan a ni. A chhan erawh chu a tul anih chuan ipa in la zawt mai ang. Mahse vanneihthlak takin i nu nen hian an inkawpchho a, an innei ta hial a, i nu pawhin engkim a hre vek a, Sangzuala Ni anih vang tak in ipa hi chhanchhuak turin kal ngei se a duh ve miau avangin kum upat lam ah ipa hi a penchhuak veleh ta a ni. A makpa Ni a ni a, a ngaihzang hmasa ber a ni bawk. A fanu pasal Ni anih chuan a fanu Ni a ni ve bawk a, ipa hi hunthawl kan pek a ngai dawn a ni, Chuan, haw lam chu sawrkar lam in min buaipui dawn a, nangpawh thlawhna chhung a nangmah vengtu tur che Doctor naktuk ah a rawn thlawk thla anga, i nu hnen ah a tu tur i pumchhung a a awm thu ila hrilh ve vat thei ang. Doctor chu keimahin ka lo buaipui dawn nia. Ka nau a rawn kal thei ang" John thusawi chhung zawng chuan ka en ngai ka en reng. Sawitur ka hre lo . Ka pasal in ka kut a a rawn vawn chuan ka harhchhuak chiah.
.
" Engkim avangin ka lawm e" ka ti sap a, John chu alo nui hak a, ka han en chho chu a kut in min zap a, lawmthusawi a duh lo tih a entirna ah ka ngai.
.
Sangzuala ni chu engmah hmu thei lo leh hre thei lo a a awm miau avangin biak a sawt lo. Chaw ei dawn pawhin Irene chuan a barh mai a, kei emaw, Sangzuala emaw in barh tur kan ni in ti mai thei. Mahse Irene hi chaw barh thin tu alo ni reng a, chaw barh dawn in a barh tu kut a dap hmasa phawt a, Irene kut chu alo hre nasa mai, kan kut chu a hnawl hmiah a, a tawng thei tho a, a barhtu ngai barh a duhthu a sawi avangin a duhdan kan zah sak a, kan tilui duh ta lo. Irene lo tel ve chu a lawmawm ta phian zawk.
.
" Kan inbe lawk thei angem?" Sangzuala chu engemaw lei tur a a chhuah avangin Irene chuan inthlahrung zet in min rawn bia a, kan inhmuh hnuhnun ber khan kan nun a inralh tah lo tur leh inthiarfihlim tur khan ka hrilh miau a, tunah erawh loh theih loh thil a ni.
.
" Sawi la..."
.
" Eng lo, ka ni hi mitdel hawrawp ang kha a thiam a, a harsat loh chuan ngaihtuah sak thei ula ka ti"
.
" ENgtinnge a thiam?" makti zet chuan ka en a.
.
" A tan khan mi ka ruai thin alawm. Puite, mi tha ka ni miah lo. Mahse i rin ang em em chuan ka sual lo ania a. Ka chung a leng te kha an huaiin thil an ti thei em em a, ka chhungkaw him nan an thu ka zawm lo thei lo a ni. Mahse ka ni hi a ruk chuan ka pui ve reng tho ania" a tih chuan ka en reng a, ni e, kan inhmuh hnuhnun ber khan he dinhmun a a din chhan ni awm tak kha a sawi ngei alawm.
.
" Ka lawm e. Ka lo ngaihtuah dawn nia" ka phone ri chu ka en vat a, John a ni.
.
" Hello"
.
" In room kawngka kalh ula, kei emaw, ipa emaw, i pasal emaw kan nih loh chuan tumah kawng lo han lovang che u"
Comments
Post a Comment