LAWMSANGZUALA - 15
LAWMSANGZUALA - 15
.
ELTY LUHLUL AUG HNAMTE
.
A chhan zawh ka tum chu phone a dah zui nghal. Irene chuan zawhna mitmeng zet chuan min lo e a.
.
" John ania. Tumah anmahni lo chu kawngka hawnsak lo tur in min ti a" ka tih chuan a hmel a buai ta nak mai.
.
" Min rawn nangching ta a ni maw.." thawk halh pah a a tih chuan thil awmzia ka hrethiam chiah. Hlauhna in min rawn man nghal.
.
" Ka ni hi room lam ah lo va hruai phei la, curtain vel ka lo zar ang. Sangzuala kan bia ange" ka tih chuan Irene chu a che vat a, ka ni chu kaiin room lam ah a luh pui nghal a, keipawhin Sangzuala leh ka pa phone ka tum ve ve nghal. Mahse tumah ve ve in phone an pick up lo.
.
Kan awmna room kawngka chu a rawn ri dawt dawt a, chhunglam atang a enthlakna atang chuan ka va en a, ka pa a ni. Kawngka chu rangzetin ka hawng a, ka pa chu a rawn lut nghal a, mahse a chetdan chu mak ka ti kher mai. Kan thawmhnaw lo pack tur leh Sangzuala thawmhnaw pawh pack tur in min ti nghut a, zawhna zawh a duh rih loh thu a sawi hmak thung. Pawn ah police motor in min nghah thu leh keini hmeichhe ho chu police venhimna hnuai ah awm kan ngaih thu a sawi a, ka pa hi tiang hian ala awm ngai lo. A hmel a nelawm loh em em a, ka pasal emaw, John emaw hming a lam ri hauh lo bawk.
.
Kan thawmhnaw ka pack zawh chuan ka ni chu ka pa in a pua a, Irene nen chuan kan thawmhnaw chu kan keng thung. Bungrua kan ngah lem loh avangin midang koh buai kan tum lo. Hotel kawt kan thlen chuan police motor alo ding ngei reng a, ka pa te nen an inbiak hnu chuan motor-ah chuan kan thu lut a, ka pa erawh police dang nen tih tur an neih chhuanlam in kan rual in alo kal ve lo. Sangzuala phone ka tum leh a, a pick up chuang lo. Ka awm a nuam lo tak zet tawh a ni.
.
Hmun pakhat, hmun fal deuh, cottage nuam zet ah hian min hruai a, police 3 in pan lam ah min veng vek a, inchhung ah tirhkah tur hmeichhe 2 an awm bawk. Zawhna zawh chu duh viau mahila english an thiam miau loh avangin ka duh ang ka zawt hleithei meuh lo. Bakah an tawng tha duh lo viau bawk. Irene lah a hlauhthawn hmel em em reng bawk si.
.
" Ka ni chu a muhil em ni?" Irene thutna bul ah chuan ka va thu a, engemaw zawh ka duh miau a ni.
.
" Aw, a taksa a chau deuh in ka ring. Motor a chuang khat ve sia"
.
" Engemaw zawh che ka duh a.."
.
" Sangzuala i be thei tawh em?" zawhna zawh ka tum laiin amahin min zawt hmasa zawk chu ka ngaihdan a ni chiah lo.
.
" La thei lo. Enge thil awmzia hi min hrilh thei angem?" ka ti chang fak a, ka lung a awi lo tih hria se ka duh.
.
" A pawi ka ti. Min umzui ngei ang tih chu ka ring. Sangzuala leh nanghi harsatna siamsak che u ka duh lo tak tak asin"
.
" Anih chuan harsatna chu min siam lo la a ni mai alawm. Ka pasal hi i thuihruai ten an khawih a ni thei angem?"
.
" Ka hre miah lo. Hetah ka awm daih alawm" a hmel chu a zam miah lo. He mihring hi eng ang mihring nge anih ang ka hrethiam lo.
.
" Boihi..." ka pa a-ri ka hriat chuan ka zuangtho dawrh a ni mai.
.
" Pa, hetah nang..."
.
" Insiam la, i ni hi keimahin ka hruai anga, ka rualin i rawn kal ve a ngai a ni. Irene nangchu hetah ilo awm...."
.
" In tello in ka awm hauh lovang" Irene aw chang fak avang chuan ka en nghal kawk. Ka pa hian enge a hriat ka hre lo, mahse Irene hnutchhiah a tum dan ah hian thil fello a awm ang tih ka chiang.
.
" Min hnial lo la ka duh a ni. Hetah hian i him zawk dawn. Darkar 2 hnu ah mi pakhat in a rawn lam che anga, harsatna min siam sak lo tur in ka hrilh duh che" ka pa aw-ri chu a ngainatawm loh kher mai.
.
" Ka pui tawh che a, ka nunna venhim i tiam tawh a, i thutiam..."
.
" Ka thutiam ah ka din dawn vang a hetia remruat hi ka ni. Ka thusawi i zawm dawn lo anih chuan ka thutiam ka sut leh ngei ang" ka pa chuan dam dap si, mahse hlauhawm zet a a tih chuan ka lo ui chuang hawi vel mai mai a ni ber mai.
.
" A tha alawm. Mahse tun ah hian in rual a Mizoram ka lut ve anih loh chuan ka tih tur i hriat ka ring" Irene chuan a ti nghat a, ka pa chu a bu nghat a, ka pa hi eng buaina ah nge ka hnuh luh tak ni?
.
" Insiam rawh le. I pasal in a nghak reng tawh che ania" ka pa in a tih chuan phur zet in ka thawmhnaw bawm chu ka la a, ka pasal hmuh hlan mawlh a ni ka nghahhlelh.
.
Ka pa ho chuan hmun pakhat kan pan a, ka ni chuan ka pa kut a hre kher mai. In pakhat a kan lut chu Sangzuala alo thu vang a, mahse a ban a awrh thung. Min hmuh veleh a rawn ding chhuak vat a, min rawn kuah vat a, a awm ah beiin ka tap lo chauh a ni. Ka pa chuan ka ni chu room pakhat ah a luhpui a, kan nupa chuan thutthleng ah thu in thil thlen dan Sangzuala chuan min hrilh malh malh a. Khatia thil lei tur a a chhuak kha Irene thuihruai zing ami pahnih in hnunglam atang silai a tin chung in hmun reh lam an pan pui a, mahse vanneihthlak takin John alo awm hnai hlauh a, alo zui ru hlauh mai a, chutia hmunreh lai an thlen chuan Irene awmna an zawt ta a, a hriat loh thu a chhanna a pek avangin an awmna a thing bung awm chu la in a ban ah an hlap alo nia. John chuan silai kengin a rawn chhanchhuak hlauh a, mahse a ban a nat em avangin John chu a puih theih loh avang a misual pahnih pawh an tlanbo thu chu min hrilh a, an dinhmun a him loh avang leh a ban vang a nikhua a hriat tak loh avangin min biak theih loh thu a sawi a, dam tak a kan inhmuh leh avangin ka lawmzia ka sawi sek ringawt.
.
" Kan naute hi a tha ang chu maw?" tih pah a ka dul a rawn chul chuan ka lo nui ver ver a.
.
" Apa khan a kalsan daih ang tih alo hlau lutuk a, tunah chuan a hahdam tawh e" ka lo ti ve vat a, min thlahlel hmel zet a min melhna chuan amah ka hmangaih zia min hriatchhuah tir nawn leh ta!
.
AFTER 1 WEEK
.
Ka ni chu kan nupa in kan awmpui a, John pawhin Irene te chhungkua chu hmun him lam ah a dah tih ka hria, mahse khawnge an awm tih erawh a sawi anih loh chuan zawh kan tum ngai lo. Ka nu mawlh a ni ka fak ni. Ka ni chu a duat in a ngaihsak em em a, eitur tha ni a a hriat a rawn leisak awl lo a, Sangzuala pawh a nun a pangai leh ta viau e. Inthlan boruak pawh kan luhchilh leh ta. Ka pa erawh a rawn lang khat viau mai. A chau ve pawh aniang.
.
Ka nau pai lawm ka pasal in a tih miau avangin kan chhungkua leh ka pa te chhungkua bakah John kan sawm bawk a, zanriah tui tak kan ei ho a, tumahin kan huntawn hahthlak zet kha sawi rik kan chak lo. Hlim kan phu miau a ni. Ka ni pawh a ziaawm chho ve tawh bawk a, Vani nen an in enkawl tawk viau a ni. Kei raino ka la na deuh a, kan pa inthlanna tur buaipui pawh ka ngaihsak vak hman lo. Amah zawkin min ngaihsak tha em em thung. Ei theih loh lah ka ngah bawk si. Ka hahdam lo tun reng ni ber in ka hria. Chutihrualin hmeichhe thenkhat raino, an pasal te ngei deuh tlat ang kha ka ni ve hauh lo thung. Ka pasal chu ka ngai ngawih ngawih reng zawk a ni.
.
ELTY LUHLUL AUG HNAMTE
.
A chhan zawh ka tum chu phone a dah zui nghal. Irene chuan zawhna mitmeng zet chuan min lo e a.
.
" John ania. Tumah anmahni lo chu kawngka hawnsak lo tur in min ti a" ka tih chuan a hmel a buai ta nak mai.
.
" Min rawn nangching ta a ni maw.." thawk halh pah a a tih chuan thil awmzia ka hrethiam chiah. Hlauhna in min rawn man nghal.
.
" Ka ni hi room lam ah lo va hruai phei la, curtain vel ka lo zar ang. Sangzuala kan bia ange" ka tih chuan Irene chu a che vat a, ka ni chu kaiin room lam ah a luh pui nghal a, keipawhin Sangzuala leh ka pa phone ka tum ve ve nghal. Mahse tumah ve ve in phone an pick up lo.
.
Kan awmna room kawngka chu a rawn ri dawt dawt a, chhunglam atang a enthlakna atang chuan ka va en a, ka pa a ni. Kawngka chu rangzetin ka hawng a, ka pa chu a rawn lut nghal a, mahse a chetdan chu mak ka ti kher mai. Kan thawmhnaw lo pack tur leh Sangzuala thawmhnaw pawh pack tur in min ti nghut a, zawhna zawh a duh rih loh thu a sawi hmak thung. Pawn ah police motor in min nghah thu leh keini hmeichhe ho chu police venhimna hnuai ah awm kan ngaih thu a sawi a, ka pa hi tiang hian ala awm ngai lo. A hmel a nelawm loh em em a, ka pasal emaw, John emaw hming a lam ri hauh lo bawk.
.
Kan thawmhnaw ka pack zawh chuan ka ni chu ka pa in a pua a, Irene nen chuan kan thawmhnaw chu kan keng thung. Bungrua kan ngah lem loh avangin midang koh buai kan tum lo. Hotel kawt kan thlen chuan police motor alo ding ngei reng a, ka pa te nen an inbiak hnu chuan motor-ah chuan kan thu lut a, ka pa erawh police dang nen tih tur an neih chhuanlam in kan rual in alo kal ve lo. Sangzuala phone ka tum leh a, a pick up chuang lo. Ka awm a nuam lo tak zet tawh a ni.
.
Hmun pakhat, hmun fal deuh, cottage nuam zet ah hian min hruai a, police 3 in pan lam ah min veng vek a, inchhung ah tirhkah tur hmeichhe 2 an awm bawk. Zawhna zawh chu duh viau mahila english an thiam miau loh avangin ka duh ang ka zawt hleithei meuh lo. Bakah an tawng tha duh lo viau bawk. Irene lah a hlauhthawn hmel em em reng bawk si.
.
" Ka ni chu a muhil em ni?" Irene thutna bul ah chuan ka va thu a, engemaw zawh ka duh miau a ni.
.
" Aw, a taksa a chau deuh in ka ring. Motor a chuang khat ve sia"
.
" Engemaw zawh che ka duh a.."
.
" Sangzuala i be thei tawh em?" zawhna zawh ka tum laiin amahin min zawt hmasa zawk chu ka ngaihdan a ni chiah lo.
.
" La thei lo. Enge thil awmzia hi min hrilh thei angem?" ka ti chang fak a, ka lung a awi lo tih hria se ka duh.
.
" A pawi ka ti. Min umzui ngei ang tih chu ka ring. Sangzuala leh nanghi harsatna siamsak che u ka duh lo tak tak asin"
.
" Anih chuan harsatna chu min siam lo la a ni mai alawm. Ka pasal hi i thuihruai ten an khawih a ni thei angem?"
.
" Ka hre miah lo. Hetah ka awm daih alawm" a hmel chu a zam miah lo. He mihring hi eng ang mihring nge anih ang ka hrethiam lo.
.
" Boihi..." ka pa a-ri ka hriat chuan ka zuangtho dawrh a ni mai.
.
" Pa, hetah nang..."
.
" Insiam la, i ni hi keimahin ka hruai anga, ka rualin i rawn kal ve a ngai a ni. Irene nangchu hetah ilo awm...."
.
" In tello in ka awm hauh lovang" Irene aw chang fak avang chuan ka en nghal kawk. Ka pa hian enge a hriat ka hre lo, mahse Irene hnutchhiah a tum dan ah hian thil fello a awm ang tih ka chiang.
.
" Min hnial lo la ka duh a ni. Hetah hian i him zawk dawn. Darkar 2 hnu ah mi pakhat in a rawn lam che anga, harsatna min siam sak lo tur in ka hrilh duh che" ka pa aw-ri chu a ngainatawm loh kher mai.
.
" Ka pui tawh che a, ka nunna venhim i tiam tawh a, i thutiam..."
.
" Ka thutiam ah ka din dawn vang a hetia remruat hi ka ni. Ka thusawi i zawm dawn lo anih chuan ka thutiam ka sut leh ngei ang" ka pa chuan dam dap si, mahse hlauhawm zet a a tih chuan ka lo ui chuang hawi vel mai mai a ni ber mai.
.
" A tha alawm. Mahse tun ah hian in rual a Mizoram ka lut ve anih loh chuan ka tih tur i hriat ka ring" Irene chuan a ti nghat a, ka pa chu a bu nghat a, ka pa hi eng buaina ah nge ka hnuh luh tak ni?
.
" Insiam rawh le. I pasal in a nghak reng tawh che ania" ka pa in a tih chuan phur zet in ka thawmhnaw bawm chu ka la a, ka pasal hmuh hlan mawlh a ni ka nghahhlelh.
.
Ka pa ho chuan hmun pakhat kan pan a, ka ni chuan ka pa kut a hre kher mai. In pakhat a kan lut chu Sangzuala alo thu vang a, mahse a ban a awrh thung. Min hmuh veleh a rawn ding chhuak vat a, min rawn kuah vat a, a awm ah beiin ka tap lo chauh a ni. Ka pa chuan ka ni chu room pakhat ah a luhpui a, kan nupa chuan thutthleng ah thu in thil thlen dan Sangzuala chuan min hrilh malh malh a. Khatia thil lei tur a a chhuak kha Irene thuihruai zing ami pahnih in hnunglam atang silai a tin chung in hmun reh lam an pan pui a, mahse vanneihthlak takin John alo awm hnai hlauh a, alo zui ru hlauh mai a, chutia hmunreh lai an thlen chuan Irene awmna an zawt ta a, a hriat loh thu a chhanna a pek avangin an awmna a thing bung awm chu la in a ban ah an hlap alo nia. John chuan silai kengin a rawn chhanchhuak hlauh a, mahse a ban a nat em avangin John chu a puih theih loh avang a misual pahnih pawh an tlanbo thu chu min hrilh a, an dinhmun a him loh avang leh a ban vang a nikhua a hriat tak loh avangin min biak theih loh thu a sawi a, dam tak a kan inhmuh leh avangin ka lawmzia ka sawi sek ringawt.
.
" Kan naute hi a tha ang chu maw?" tih pah a ka dul a rawn chul chuan ka lo nui ver ver a.
.
" Apa khan a kalsan daih ang tih alo hlau lutuk a, tunah chuan a hahdam tawh e" ka lo ti ve vat a, min thlahlel hmel zet a min melhna chuan amah ka hmangaih zia min hriatchhuah tir nawn leh ta!
.
AFTER 1 WEEK
.
Ka ni chu kan nupa in kan awmpui a, John pawhin Irene te chhungkua chu hmun him lam ah a dah tih ka hria, mahse khawnge an awm tih erawh a sawi anih loh chuan zawh kan tum ngai lo. Ka nu mawlh a ni ka fak ni. Ka ni chu a duat in a ngaihsak em em a, eitur tha ni a a hriat a rawn leisak awl lo a, Sangzuala pawh a nun a pangai leh ta viau e. Inthlan boruak pawh kan luhchilh leh ta. Ka pa erawh a rawn lang khat viau mai. A chau ve pawh aniang.
.
Ka nau pai lawm ka pasal in a tih miau avangin kan chhungkua leh ka pa te chhungkua bakah John kan sawm bawk a, zanriah tui tak kan ei ho a, tumahin kan huntawn hahthlak zet kha sawi rik kan chak lo. Hlim kan phu miau a ni. Ka ni pawh a ziaawm chho ve tawh bawk a, Vani nen an in enkawl tawk viau a ni. Kei raino ka la na deuh a, kan pa inthlanna tur buaipui pawh ka ngaihsak vak hman lo. Amah zawkin min ngaihsak tha em em thung. Ei theih loh lah ka ngah bawk si. Ka hahdam lo tun reng ni ber in ka hria. Chutihrualin hmeichhe thenkhat raino, an pasal te ngei deuh tlat ang kha ka ni ve hauh lo thung. Ka pasal chu ka ngai ngawih ngawih reng zawk a ni.
Comments
Post a Comment