ECCITATO - 3

ECCITATO - 3


ELTY LUHLUL AUG HNAMTE


Delhi ka chhuk dawn ni chuan ka peih lo kher mai. Ka nu in min chhukpui se ka tih tehreng ka pa nen a inkalsan an harsat lutuk hi sawm ngam chi ah pawh ka ngai lo. Airport thleng ka U in min thlah a, ka let leh hun ah an lo la awm tur thu a sawi chuan ka hlim kher mai. Unau 2 chauh ni na na na chu kan inkawmngeih em em a, kan inkar a hlat ve deuh avangin min duat thiam em em bawk. Ka savawm in erawh min hau zing malh malh teh e. Sim lah ka tum der lo. Ka thian pakhat ani ve miau a, mi zing ah ka in hran lo a, bakah rui khawpin ka in ngai lem lo. Ka tui in vel mai mai a ni ber mai.


Airport-ah Noah nen kan inhmu a, mahse hmeichhia a kalpui avangin ka be ta lem lo. Min hmu reng tih pawh ka hria, min biak miau loh avangin keipawhin biak tumna ka nei hran lo. A hmeichhe kalpui lah chu ala chhelo hrep zui. An lian tha dun bawk a, an inhmeh phian. A hmeichhia lah chu a lu a zawh hmel vehvawh khawp a, ngeiawm ni si lovin a hawi larh ka ti mai.


Ka exam chhung harsatna ka tawk lova, exam zawh veleh ka bungrua ho ka thawn hmasa phawt a, ka awmna hostel atang in la chhuak in hotel lam ka pan a, Mizo thian inluah hmelhriat nei nual mahila mi bul a inthlahrung tak a va mikhual ai chuan hotel a thlen fel mai hi nuam ka ti zawk daih. Bakah ni 3 vel awm ka la ngai bawk nen, nitin chhuah ziah ka ngai bawk si, midang tihbuai ai chuan a awlsam zawk hrim hrim bawk.


Ka thil tul ang ang ka tihfel hnu chuan Aizawl lam ka pan ve nghal a, Delhi han chhuahsan tawp mai chu ka lung a leng lawk ve reng mai. Kum 2 chhung zet mahni te a ka lo teihawi ve tawhna hmun han chhuahsan hlen chu a harsa ve det chu ka ti. Mahse ka nu leh pa bul a ei han zawn tawh chu ka phur phian thung. Thil tam tak ah ka insiamthat viau erawh a ngai dawn tih ka hria. Kum 25 ka tling ve tawh, puitlin lam ka pan ngei ngei a ngai tawh tih ka hrechiang. Savawm pawh ka thlah ngei a ngai dawn a ni, ka ui ve khep khep khawp ang le. Min hrilh vang a in tawh lo tur ni ta ila ka lung a awi hauh lovang, keima duhthu ngei a thlah tur ka nihna ah erawh ka lung a awi phian.


`Mami, i u Partei nen vawiin chu dawr lo nghak ula, tlai ah ka rawn lamkawi ang che u. Chaw ei ah ka thian te 2 ka sawm dawn a, kan haw hma deuh dawn nia` chaw ei lai a Mama`n a tih chuan ka bu nghauh a, U Partei nen a dawr nghah chu ka hreh loh zawng tak a ni.


`U Parte, Mama thiante chu i hriat mi an ni em?` chhun thingpui in lai chuan ka rilru ah a awm thut a, maktih hmel deuh chuan min en zawk a, mahse a insiamtha leh vat. Nia, nidang ah hetiang hian ka la zawt ngai tlat lo. Mahse nidang a ni bik hleinem.


`Hre mai lo. Nizan kha chuan hna lam thil anih thu a sawi a. Tlangval an nih hlauh chuan lo melh tai ve tawh la a tha ang` nui har har chuan min fiam zui a, ka nuih aza ve hle. Ngaihzawng ngaihsak lo min ti tih ka hria, mahse ka hmanhmawh lem lo miau a. Ka nun ah mi pakhat bak han lut em em awm thei hek lo.


`A pawi miah lovang` ka lo ti let ve vat a, kan hlimpui zui ta viau. Ka pa in min rawn tlawh zawk a, mahse a awm rei lem lo. Anipawh bungrua alo thlen dawn avangin godown lam ah min kalsan zui leh. U Partei a awm hi chuan ka tlei viau zel. Ruatkimi te inneih an tum hnai a, kan inhmu tam thei ta vak lo. Thian a min hman a tum viau nangin ka pha tluan parh. Ka tih mi a ni miau lo a ni. Bakah kei ni lo thian tha tam tak a nei a, KTP lam ah thian a ngah a, chung zing a a tetlai atang a a kawm ber chu a hmang dawn a ni. Ka lawmpui rualin khawhar rukna erawh ka nei ve deuh.


`Mam, enteh, tunlai advocate lar zet Noah hi i hre ve em?` U Partei`n a rawn tih chuan ka tui in lai ka phuhchhuak hman thelh. Ani Aizawl pawh awm ngai lo in a rawn hre nawlh chu mak ka ti nasa mai.


`Mipa vawt zet kha maw?` ka tih chuan a nui hak a.


`Ilo hre ve ani maw? A tak ah ka hmu chak tawp. Enteh, khehpuam lalpa fanu nen an inkawp an tia, mak ka ti lutuk` a tih chuan ka nuih a za ru angreng.


`I thusawi kha in pa in hria se iva chak dawn lo tak` ka lo ti zauh a, a dik reng. Ka U hi ka pa nen thuhmun, mi chanchin chhe lai sawirik hi an phal lo bur a, an chanchin tha lam sawi tur hriat loh chuan ngawih mai tur tih hi an thupui a ni miau a, kan inchhung a mi chanchin chhe lai a ri chhuak ngai meuh lo.


`A awm lo chu ka vannei. Mahse mak ka ti em alawm` inthiam chiah lo hmel a pu chu ka khawngaih letling. Ni e, mak a ti pawh a demawm hran loh. Mi pawhin mak an ti sup miau alawm.


`An induh ani ve mai` ka hriat ang hi hre ta se Spi a lainat ru ve tho ang. Nge ka hriat loh lam ah an lo inkawp viau tawh zawk ka hre lo. Exam tur a ka chhuk hnu khan vawikhatmah kan inbe leh ta lo a, mahse nitin erawh Noah ka stalk ziah tih tumahin an hre lo hlauh.


Mama alo thlen chuan kan insiam zui nghal a, dawr erawh kan manager Siama kut ah kan dah thung. Ani hi kan dawr in kum 16 hmel a hmuh atang a thawk tawh ania, kum 7 zet chu a thawk tawh a ni. Fahrah ve tak ania, ka pa hian fapa ang maiin a en a, kan in atang nupui neiin a indang thlap bawk a ni. A rinawm a, hnathawk ang ni lo in, a neitu ang thlapin a awm a, a lak ah kan thla a muang em em bawk. A taima a, a thluak a tha bawk a, kan sumdawnna ang nei lian tak tak ho pawh in an sawm fo a, mahse ka pa bul a awm a thlang ber thin. A chhuah hlauhthawnna kan nei ngai hek lo.


Mama thiante lo thlen lai chuan ka room lam ah ka awm a, ka zuk chhuah thlak chuan an lo titi tui hlawm viau. Mama`n min hmuh veleh min inhmelhriattirna a nei nghal a, mipa smart tak an ni. Pakhat zawk phei chu Noah nen an in ang phian lehnghal.


`Mami, Jerome hi Aizawl main branch ah a awm tawh dawn a, manager in a awm dawn a, inhre tha ula ka tia. Jerome, ani hi ka nau, kan sumdawnna enkawl tu ber ni tawh tur ania, i puihna a mamawh nasa viau in ak ring. ATM hman hi a thiam hlur a, abak chu i kut ah ka dah ania` ka U in a tih chuan ka zak ve det. Bank dawr zeilo chi ka ni miau a, ka chhungte hian min hrechiang mah mah chu a ni.


`Tehreng mai. Min mamawhna a awm chuan ka tlanchhe thiang hleinem` nui hak pah chuan min en a, a mitmeng thuk raih chuan Noah min hriatchhuah tir tlat pek.


Chaw eikham chuan rei thu lovin an haw zui nghal a, ka U te nupa room lam ah an awm a, ka nu leh pa lah khawharin lam ah an leng bawk si, kan nula nen TV kan en dun a, Turkish movie, Mizotawng a an lehlin kan en dun a, ka hriatthiam loh lai min lo hrilhfiah vel a, kan tui dun phian. Laizawn nei lo tih tak ah kan nula te 2 hi ka kawmngeih ve em em a, pakhat erawh tunah apa damlohna avangin a haw a, pakhat chauh a awm rih.


`U Rs, U Jerome kha a hmeltha tiraw?` tui deuh a TV kan enlai chuan kan nula chuan a rawn tichhuak phawng a, ka nuih aza angreng. Ani hi kan nula pahnih zing a a hawiharh zawk ania, hmeltha te hi a hre ve reuh khawp.


`I U Mama hrilh la, alo tihpui thei ang che chu` ka fiam zauh a, a ngam dawn lo tih ka chiang lutuk tlat.


`Teuh lo. U Mama hrilh miah suh, min hau ang` a tih chuan ka nui hawk a, ka movie en lai a tawp bawk nen, mu turin ka room lam ka pansan ta daih.


Ruatkimi te an innei zo tawh a, ka U te pawh an awmna lam ah an chhuk tawh bawk. Ka U sawi ang tak takin kan sumdawnna vang a bank dawr a ngai zing lutuk chu Jerome nen kan inhnaih phah ta hlauh thung. Mipa smart tak a ni, a tawng duh over lo nangin mipa vawt tak erawh a ni ve lo thung. Noah boruak a hot hle tih ka hria, mahse kan inbe ngai lo mai ni lovin chanchinbu vel a ka hmuh bak ka hmu ngai lo hrim hrim. Spi pawh a thil tih lai bansan in Aizawl ah awmhmun a khuar tawh tih vawikhat alo kalin a sawi a, a lawmpuiawm e.


`Vawiin chu dawr kalsan in min pui ta che` Jerome a ni.


`Engthil nge ni ta?`


`Kan thianpa nupui neih ni ania, midang zawngin kawppui an nei a, hruai tur ka nei ve si lo a` a tih chuan ka nui hawk ringawt. Ni e, thiante kawppui kaih ferna kar a lo single bik nawmlohzia hretu ka ni ve tho.


`Nangberin i tih te chuan kan kal anga ni mai alawm. Mahse dawr ah kual hmasak ka ngai ania` ka tih chuan a remti ve mai bawk. Ka tho a, inhnuai ka chhuk chuan ka pa in chanchinbu alo chhiar a, ka nu erawh kawt ah pangpar a khawih leh tawh ngei ang. Kan nula rawngbawl rim chuan ka hnar a verh zar mai. Phuihnam leh khanghu tlak pawlh a ni tlat. Ka chawhmeh ngainat em em hi ka pa in uih lam ngaithei lo viau mahse an siam leh nge nge thin.


Chaw ei laiin ka tihtur ka pa ka hrilh a, ka nu in haw tlai lo turin min lo hrilh nghal thung. Ka nu leh pa ka fak lehna em em chu an fate nun ah hian inrawlh chintawk an hria a, min ringtawk thiam em em bawk. Aw-ka vin an chhuah ngai lova, an ngaihdan lo deuh a awm pawhin room-ah min ko a, min hrilh chauh thin. Awmpui te awm laiin min khak vawikhatmah ka la hre lo. Min rintawkna hian mahni inrintawkna min pe a, nunkawng daisualna lak ah min veng tha em em bawk. Ka savawm seh thin pawh Aizawl ka awm meuh chuan ka sim chiang hle a ni.


Inneihna ropui zet a ni. Mi an tam em em a, Jerome thiante pawh an fel hlawm kher mai. Inkawmngeih thang anni tih a hriat em em bawk. Inneih inkhawm zawh ah hall lam ah a lawmna an nei nghal a, ruai pawh hall lam a kil nghal tur a ni.


`I nula thar chu min hmelhriattir ve dawn lo mi?` ka hnunglam atang a tih ri chuan ka pum a fan rawih thei. Hmu kher lo mahila tunge anih ka hrechiang ngang mai.


`Hey, dude, iva rawn thleng har ve` Jerome chuan Noah chu a kuah thuak a, Noah sir a ding chu Spi a ni miah lo. Mahse a chhelo em em thung.


`Hna a laklawh alawm mawle` tih pah chuan min rawn melh zauh a, mahse min hre ang in a awm duh leh ta thak lo.


`Hna buai a buai reng mai. tak a, Rsi anih hi. Rs, ani hi kan advocate hot zet mai Noah anih hi` Jerome chuan Noah chu a kawk zauh a, an innel hle tih ka hrethiam mai.


`Kan inhmu chu ka lawm e. Ka unaupa hi ven a ngai ve deuh thin ania` Noah chuan Jerome chu a chhaih zauh a, unau. ummm.... an in ang ka tih kha an lo in unau vang lek anih hi a.


`Loisy, i dam maw?` Noah bul a hmeichhe awm chu Jerome chuan a be leh a, an inhre hlawm viau anih hi a. Spi rilru a na ve khawp ang le.


`Dam alawm. nangzawk?` a hmelthat ang bawkin a aw pawh a nalh.


`Dam e. Helam ah i awm ve tawh dawn tih ka lo hria a, kan ti huk tep tawh ang chu maw`


`Hehe.... Keini lam chu kan inready tawh viau` Noah lo nui hak chu ka va en a, min lo en kur zui. Ka mumang bawk chu ka hrechhuak lehnghal. Hrep tak hian!


`In ti hmasa ang chu le` Noah in alo tih chuan Jerome chu a nui hak hak a, inngaizawng tur a min ngai chu ka nuih aza ve det. Mahse a awm ve tho e, kawppui hruai vek tur an ti miau a, inngaizawng ang a min lo ngai anihpawhin an demawm hran loh.


`Lut phei ang u. Zan lam program kha kan awm ve hman hmel si loh a,` Jerome in a tih chuan ka thaw huai mai. Sawidunna nei lo mahila ka awm ve thei dawn lo hrim hrim bawk nen, a ph nghal chu ka lawm kher mai.


Inchhung a kan inzui lut dam dam chu mi in min enduh hlawm kher mai. Ni e, a awm ve tho, kan inhmeh tlang hlawm a, mahni tawk ah kan chhelo vek bawk. Thutna awl ah chuan kan thu phei a, Jerome a sir ber ah a thu a, a dawt ah kei, ka bul chiah a Noah rawn thu chuan ka boruak a ti rit leh ta vek mai. A taksa si a awm chu thawk lak a har thlawt a ni.


`Ka unaupa hian a vanneih zia a hre tur ah ka ngai` ka msg dawn chu ka en zauh a, thutdun reng msg inthawn chu a tullo ang reng. A thusawi lah chu a ho phian, ka bialpa emaw a ti tlat chu a lawmawm dangdai phian.


Lawmna hun a zo a, pawn kan chhuak chu ka insangmar nasat zia ka hre chiah. Mopa te bulah kan va phei a, an innel tha hlawm tih chu a hriat theih mai. Mopa berin Jerome chu party host turin alo ti si, a buaithlak ta nuaih mai le. Jerome chuan pha viau mahse tumah a lam tang an awm si lo a, mahni a ka haw mai a ngaih hmel. Keipawh awm turin min ti nasa hlawm viau nangin naktuk lam a chalan thehluh tur khawih ka ngai si a, ka pha lui ta ringawt.


`Rsi chu ka lo thlah mai dawn nia. Loisy party a duh tho bawk a, hna tihfel lawk tur ka nei a, ka rawn let leh ang` Noah in a rawn tih chuan midangin an lo Amen liam liam a, ka va haw tak.


`Keimah pawhin ka haw thei lutuk. J, nangchu i tihtur chiah ngaihtuah rawh` ka lo ti vat a, keimah vang a an buai ka duh lo.


`Ni lo e, ka thlah thei tho che a, mahse Noah a haw zawk a ngaih tho si chuan a rualin i phei dawn nia. Loisy, a ni lo mi?` Jerome chuan Loisy chu a va nuih a, Loisy lahin pawi alo ti lo lehzel nen, sawitheih ka nei ta lo.


`Jerome chuan tha tak a a enkawl che ka beisei` rei tawk tak kan ngawihdun hnu chuan a rawn tawngchhuak ve ta.


`Mipa tha tak a ni`


`A vannei hle bawk` a nui suk a, ka en phei a, a zat vang a nui anih loh hmel.


`Mihring vannei tur hi chu an awm ve hrim hrim`


Sawi sual ka nei nge ka hre lo, vawikhatmah a tawng tawh lo. Kan inkawt kan thlen chuan thingpui in turin ka sawm a, a hnial a, hneh zetin a motor chu a her kual a, a tlan zui nghal daih. Ka dar ka chhin ak a, inchhung ah ka lut zui nghal. Ka nu leh pa in min lo chhawn vat a, reivaklo an bul ah ka thu khawmuang a, inthlak turin ka room lam ka pansan lehnghal vat thung. Ka inphelh a, inbual turin bathroom ka pan tur chiah chu ka phone a rawn ri a, kan en chu Ruatkimi a ni.


`Hello`


`Iva reh ve. Enteh, thil min hrilh loh i nei in ka hria` teh tawp chuan. Thuruk hi ka nei lem pawhin ka hre lo.


`Eng chu?`


`Cas thar i nei` ka nui hawk. Mahse engtinnge chutiang thu chu a hriat ang?


`Tunge sawi?` kan pa leh Noah an inbiakna ah an sawi a. Ava rang teh kher ve le.


`A dik lo anihchu. Jerome nen chuan thian satliah, Mama thianpa zawk a ni`


`Mahse vawiin lam ah...`


`Ooohhh, Thiani, nei ila chu ka hrilh hmasa ber ang che. Insawifiah ka peih lo ania. Ka inbual dawn, ruakin ka awm ania` ka tih chuan a nui har har a, dawt ka sawi tlat lo. Ka room hi a him tawk a, ka kalh thlap bawk. Ka inbual dawn hian saruak a tei mai hi ka ching em em a, tumah erawh chuan min la hmu hauh lo.


Ka pa sumdawnna ka enkawlna pawh thla 7 lai a tling ve ta. Nuam ka ti a, ka pa in thurawn min pe nasa bawk a, zauh belh tumin hma ka la mek a ni. Jerome nen pawh kan inkawmngeih sawt viau a, min iai lo tih ka hria, mahse ka duhzawng a ni lo. A hmeichhe mi a, zartu a nei ve reng bawk. Inthup tum viau mahse inthup ngaihna awm thlawt loh chin a awm ve fo. Mahse inkawm kan thulh phah lo. Mama khan min duhpui viau dawn a, ka duh loh chhan ka sawi a, min hnial hran lo. A hmeichhe mi tih loh ah chuan mipa tha tak a ni. Ka mamawh in ka tan a awm lo ngai lo.


`Hey, zanin ah Noah birthday kan lawm dawn a, ka partner crime tello chuan kal ka tum lo ania` ka dawhkan bawhin Jerome chu a rawn awm a, a hna bang hi min tlawh lohin a awm ngai amng lo.


`Sawm ka ni ve ngawt ami?`


`Ka bialnu ang in an ngai vek che a, a hranpa a sawm kher i phut ami?` ka nui hawk a, hepa hi chu a thawveng ve tawk a ni.


`I nula kawp ka dal dawn tihna nia, i thei meuh ang maw?`


`Ngeiawm lutuk lo teh. Ka ring dawn che. Chuan, i haw hma a ngai dawn a ni mai. Ka rawn lam ang che, zing atang motor keng suh`


`Tawp zel a che. Ka pa ka...`


`Problem awm lo. Ipa ka be daih tawh. Vawiin ah office-ah a rawn kal alawm` he mihring hi chu a thluak hi a tha ngar ngar ania.


`An tam dawn em?`


`Nope. I hriat sa ho bak ah Spi alo tel ang. Loisy a tello dawn thung` a nui hak a, ka lo ner nawk thung.


`A tu zawk nge a kawp a?`


`A tu mah mah. Tun aprty pawh hi Spi host tur zawk. Noah lah a phur tehchiam lo zui` a nui hak hak a, Spi hi a lainatawm ak ti tak zet.


`Khawnge Loisy?`


`Ele a pasal tur a a duh berin a hnar a, a liamthla leh daih tawh` a dar a san ak a, Noah mai mai chuh!


Party na hmun kan thlen chuan an lo awm laih laih tawh a, Spi chuan min lo welcome tha ngang mai. Noah erawh a hmel a nelawm lutuk hran lo. A hming lekin min bia a, chhuanlam siamin kan din ho na atang a kalsawn zui nghal. Spi`n a um zui nghal vat bawk. Jerome chuan a no tur a dawm ran a, savawm chuan min hip ru kher ami. Mahse in tum tawh lo ka nih miau avangin juice ka dawm thung. A then an lam a, a then an dawm a, a then thukhawmin an ti ti thung. Jerome sawi lawk aiin an thahnem daih. Spi thuhruai te ho an nih ka ring.


Jerome chu hmeichhe pakhatin lampui a a rawn sawm avangin min lam san a, music ring nen, inchungzawl alm ah boruak thiang dawng turin ka chhohsan ta daih. Bakah lo in ve thin tawh chuan ban phak mai a inhung dul chu enliam a harsa ru ve tlat a ni. Kan party na hmun hi Spi te in pakhat a mi hawh theih a an siam ah a nia, a nuam phian bawk. Inchung zawl ah chuan thutna a awm phauh phauh a, thutna awl pakhat, kawngka atang a hla ber ah chuan ka thu a, thla eng nen a nuam phian mai. Diktak chuan haw ka chak tawh, mahse dar 10-ah cake zai an tih avangin cake zai thleng a awm loh chu mawi ka ti chiah lo. Bakah Jerome ala tui bawk si a, haw lo rawt ngawt chu thil mawi tak a ni hran lo.


`I bialpa nuam tuar rum lai a helai a mahni chauh a thut chu..` ka lehhawi vat a, ka hnung lawk a ban ngheng a lo ding Noah ka hmuh chuan ka nui sak.


`I sawi awmzia...` kan inngaizawng ang in an ngai tih kan theihnghilh palh thut chu.


`Hmeichhe vawt lutuk hi chu flirty man tan chuan han flirt san mai a awlsam ve khawp ang ka tihna ania` a nui suk a, ban phen atang a rawn pen chhuak a, thla eng a eng tha bawk a, hmel pawh a inhmuhchian theih fu a ni.


`Thla hi a eng tha asin` a thusawi ali sawi chhunzawm chu ka chak vak lem lo.


`Zan ninawm tak a ni` ka bul ah a rawn thu a, a rim atang a lem ve tih ka hre thei nghal.


`Mahni birthday zan han nin tlat mai chu a` ka nui hak a, mahse ka nui rei lo. Ka kut ah a rawn vuan a, ka phu nasa lutuk. A lam ah min pawt hani a, chet mai nachang pawh ka hre lo.


`Tikhuan i awm tir mai mai dawn ami?` hnai zet ah min en a, ka khur ru der der. jerome chungchang bawk a sawi leh ta.


`Buaina i nei ami?`


`Nei e. Ni lo, nei hauh lo. Mahse ka bialnu in mipa dang lo mutpui ta se chuan i awm ang hian ka awm hauh lovang` a sehchilh rap a, min vawnna chu ten hmel zetin a paihthal dawrh a, a awmdan chu mak ka ti kher mai.


`Kan lut thla dawn mi niang? Spi pawhin a zawng palh ang che` tih pah chuan ka tho hliai a, kawngka lam ka pan zui nghal.


Inhnuai ka thlen thlak chuan ka hnung mai ah Noah chuan min rawn zui ve nghal tih a thawm ah ka hre chiah. Spi lo hawi kual vat vat chu kan dinna lam ah a mit a rawn fu chat a, Noah a zawng tih ka hrethiam mai. Rangzetin kan awmna lam ah a rawn kal phei a, kan pahnih a min hmu dun chu a lawm hmel vak loh tih hriat takin thip zetin min melh a, minkal pel a, ka hnung a Noah chu a pan nghal. Nuam ka ti chiah lo, a ngai kawi ang tih ak hlau ve det. Jerome ka zawng a, room pakhat lam panna atang a hmeichhe pakhat nen an rawn inzui chhuak ka hmuh chuan ka ke ka pen zui ve nghal. Mahse kut lian takin ka ban a rawn vawn chuan ka ding chawt. Ka hawilet a, Noah a ni. Spi hmel ka hmuh chuan ka ip chawih thei.


`Ka thlah haw ang che` a bul a ding chu hre lo ang hmakin a awm bawk.


`Min thlah rawh` ka ti that a, ka tawng a ring deuh aniang an lo hawi thap a, ka zak kher mai.


`Sawtiang mipa nep lutuk saw i haw pui thei lovang` a hmel chu a dur khup a, Jerome ka bul a rawn thleng chu engmah sawi lovin a hnek thal nghal tawp bawk. Kan buai ta nuaih mai.


`Noah, khawih tawh suh` tih tuarh pah chuan Jerome chu ka zuk bawhbet a, ka hlau lutuk, mahse hlau hman ka ni lo tih ka hria.


Jerome chu a rawn tho tual tual a, a thinrim ka rin tehlul nen a nui sak a, Noah thinrim tak a lo ding chu ava melh a, a hmui thi chu a kutzungpui chuan a nuai zauh a.


`A pawi ka ti hle mai. Kan hawsan phawt ang che u` tih pah chuan Jerome chuan min kai a, pawnlam min pan pui dawr dawr a, mak ka ti zawk. Kutthlak a tawk a, engtinmah a ti let lo chu mak ka ti lutuk.


Kawngtluan chuan kan inbe miah lo. In kan thlen in ngawirengin a chhuk a, min mangtha sup a, a inher a, a tlan liam lehnghal. Ka rilru a nuam thei thlawt lo. Jerome chu call ka tum a, a switch off bawk si, Noah ka be mai dawn mawni ka tia, mahse ka ngam ngang lo. Hrehawm ka ti takzet. Engvang a khatia rawn che mai nge a nih ka hre lo.


`Hei hi enge awmzia?` ka zing tho sitting room a ka pa chanchinbu chhiar chuan ka hma ah chanchinbu a chhiar lai chu a rawn theh thla a, ka la a, kan en chu nizan lam thil thleng kha ani tlat. Jerome ka kuahbet lai thlalak chu a lang chiang ngei mai. Tu hming mah a lang lo, ka hming leh ka pa hming chiah a lang zui. Party ah sumdawng hausa em em Pu Lianmawia fanu in buaina a siam a, amah vangin an insual phah tih a inziak kuau. Mak ka ti ngei mai. Tinge ka hming chiah a lan theih?


`Ka tihpalh. Mahse...`


`Insawithiamna ka mamawh lo. Kum 20 chuang sumdawnna ka kalpui tawh, hetiang hmingchhiatna hi i lak atang ka dawn ak beisei hauh lo` ka pa, min vin ngai reng reng lo tu chu a vin khawp mai. Ka nu a rawn tlan lut vat a, thil awmzia ka pa a rawn zawt a, chanchinbu chu ngawirengin ak pe a, ka nu hmel a mak tihna,pawi tihna leh rilru na hmel hmuh chu hrehawm ka va ti tak em!


`Nu, hei hi ka sawifiah...`


`I room ah chho rawh` ka sawi zawh hma in ka pa in a ti nghut a, zawm loh chi a ni lo. Ka rilru erawh a na kher mai. Ni e, mi hriat hlawh kan ni, ka nun pawh ka uluk, ka tih thin tha lo ka sim vek bawk. Mahse mualphona ka tawk ta tho. He thil ti tu hi ka hrechhuak ngei tur a ni. Party chhung a awm atang lo chuan a chhuak dawn lo tih ka chiang.


Ka phone ri chu ka en vat a, Jerome a ni. Ka chhang chak lo viau nangin ka zawh a ngai tih ka hria.


`Hello`


`Chanchinbu kha ilo hmu ve em?`


`Ummm.... Tunge a ti tu?`


`Chutakchu keipawh ka buaina`


`Party na a kal te kha i hre vek em?`


`Aih, kan thianho bak chu Spi sawm te kha anni hlawm a`


`I thiante lo chhuizui ang che` ka phone ka off hmak. Ruatkimi call alo kal a, ka la peih lo. Whatsapp ah msg a rawn thawn a, nizan lam chungchang bawk. Phone call ka pick peih lo tih ka hrilh a, msg in kan inbe nual. Noah chhuitir turin min rawn a, mahse ka duh lo fithla thak. Amah vang a mualpho ka ni miau alawm. Buaina kha siam lo se hetiang dinhmun ah hian ka ding hauh lovang. Ka U in min rawn phone a, a hre tawh a ni. Ni e, whatsapp ah a darh chak nghal em a ni. Ka U meuh ka biak chuan ka tap ve ta. Thil awmdan engkim ka hrilh a, min hnem a, min rintawk zia min hrilh mawlh mawlh. Ka pa alo biak tur thu a sawi a, ka thla a muang ve deuh.


`Mambawih, chaw ei ila` ka nu alo lut a, chaw chakna ka nei lo. Ka mittui ka hru mawlh mawlh a, ka mutna atang ak chesawn duh chuang lo. Ka khum hnaim sat ah chuan ka nu chu a rawn thu tih ka hrethaim.


`Lo tho teh le. Hetia i mut ringawt hian engmah i siamtha thei dawn lo ania. Thil awmdan min han hrilh teh le` aw-ka dam dap a ka nu in a tih chuan ka tho thut a, ka nu thu lai chu ka kuah a, ka tap zawih zawih ringawt. Ka pa thinrim ka la hmu ngai lo a, ka tihsual ni miah loh a ka pa ka lak ah a thin a rim a, ka thusawi a ngaithla duh lo chu na ka ti takzet a ni.


chaw ei lovin ka insiam a, ka pa ka room ah a rawn lut a, dawr kal lo turin min rawn hrilh. A hma ai chuan a tawngkam pawh a nem leh ta deuh a, ka U nen an inbia anih ka ring. Mahse a lung ala awi kim lo tih erawh a tilang chiang ngei mai. Hrehawm ka ti takzet a ni. Ka room atang a ka pa a chhuah hnu chuan beidawng zetin khum ah chuan ka thu hnawk a, ka tah pawh a chhuak tawh lo. He thil ti tu hi hriat ngei ka tum tur a  ni. Mahse ka pa in pawn chhuah min khap avngin tunmai ah chuan ka chhuak tehi dawn lo tih ka hria. Ka rilru ah Spi alo lang a, nizan a lo kal te kha a hre vek dawn, amah ka va hmuh ngei a ngai tih ka hria. Mahse tunah chuan ka chhuak thei rih si lo.


`U Rs, inleng i nei` kan nula in min rawn ko a, chawhnu her a ni tawh. Vawikhatmah ka room ka chhuahsan lo. Ka nu vawihnih a rawn lut a, hunthawl ka mamawh thu ka hrilh a, huan a a luh tur thu leh mamawhna ka nei anihchuan ko vat turin min chah a, min chhuahsan lehnghal.


Sitting room ka chhuk thla chu ka mi hmuh chuan min ti phu nasa kher mai. Ani ber kher hi ka lo beisei hauh lo.