ECCITATO - 5

ECCITATO - 5


ELTY LUHLUL AUG HNAMTE


`Maw?` ka hresual anih ringin ka pa chu ka en haw a, a hmel lah chu a thutak run mai bawk si.


`Ka rawn lo che tih chu ka hria, mahse pasal nei turin i rilru ilo siam dawn nia` a ti nghut a, ka hamhaih lutuk chu tawngngaihna ka hre lo zawk.


`Pa, i uang tiraw?` ka nui hak a, ka pa chu a uang tur ah ka ngai tlat.


`Ka sawi tawh ang kha a ni mai. Lo inbuatsaih la, hnial ka duh dawn lo ania` a thutna atang chuan a tho a, chetsawn zai pawh ka rel thei lo. Engvang a hetiang thu hi ka pa hian min hrilh nge anih ka hre lo. Ka mumang ram ah ka cheng ni berin ka hria.


Dawr ka kal a, ka rilru a nuam thei chuang lo. Ka nu biak ka duh a, mahse ka pa in thutlukna a siam anih chuan ka nu chuan a hnial dawn hauh lo tih ka hria. Tunge pasal a min neih tir an tum ka hre hek lo. Ka U biak ka tum a, mahse meeting an lo nei a, ka be thei lo. Ka thiante ka ngaihtuah a, mahse hrilh a tha ber em ka hre lo. Ka pa thil tih dan avang chuan ka lawm lo takzet a ni. Pasal min neihtir a duh anihpawhin ngaihzawng ka neih leh enih loh ta, duhzawng ka neih leh neih loh te min zawt ve tur ah ka ngai a, Hindu ho ang mai a a duhzawng alo ti ngawt chu ka lawm lo takzet.


`Pa, pasal ka nei dawn lo` tlai chaw ei laiin ka ti bawl a, ka nu in a chaw bar thulh meuhin min en nghal.


`I nei ang. I mualphona pa hi i nei khawp ang` ka pa chuan a ti leh nghut a, eng mualphona nge a sawi ka hre lo tawp mai. A hma khan chanchinbu ah ka lang vak tawh, mahse kha chu hun liam tawh a ni. A sawi pawh kan sawichhuak tawh ngai lo, bakah mipa hming engmah a lang hek lo.


`Enge awmzia?` makti zet chuan ka pa chu ka en a, ka hre lo takzet miau alawm.


`I chaw kha ei rawh, chaw eikham ah kan room ah i rawn kal dawn nia` ka pa chu a tho nalh a, ka nu ka va melh a, mahse ka pa tho chu umzuiin a tho veleh nghal daih bawk. Ka pa thusawi chuan min thawng lutuk tlat.


Chaw ka eikham a, ka pa te room ah chuan ka lut phei a, ka nu nen khum ah an lo thu dun a, tim dai chuan sofa-ah chuan ka va thu a, an hmel chu a thutak em em lehnghal. Boruak chu a rit tak zet a ni.


`He thil hi engtik a thleng nge?` tih pah chuan ka hma a dawhkan te awm ah chuan ka pa chuan thlalak a rawn theh thla teuh a, kan en chu ka mur vek thei.


`Hei hi khawi ami nge?` reitawk ka ngawih hnu chuan ka tichhuak thei hram.


`Ipa nih hi ka zak takzet a ni` ka pa chu a tho a, tukverh bul ah a ding a, a kut a humruh dan atang chuan a thinrim a insum nasa hle tih ka hria. Thlalak ami chu ka hmel chiah chiah a ni, mahse keimah ka ni lo. Ni lo, a mipa pawh hi ka hre ngai hek lo.


`Pa, keimah ka ni lo` ka tha chu a khur vek thei.


`A tawk. Hei bak a chiang hi a awm dawn ami? Ka rintawkna che hi hetiang zawng hian i chhanglet dawn anihchuan ka bul a awm reng tlak i ni lo` ka pa tawngkam chuan min deng na dawt dawt ngei mai.


`Mambawihi pa...`


`Lo inrawlh suh. I fanu vang hian khua ka hmu ngam tawh dawn em ni? Nge heng zawng zawng hup beh nan hian ka neih zawng zawng ka thap dawn?` ka pa thinrim tak tak hi ka la hmu ngai lo, ka hawi buai vek a ni tawp mai. Kha thlalak ami kha tunge ni ta ang?


`Pa, min ring hram rawh. He thlalak ami hi keimah ka ni lo tak tak` a bak sawi tur pawh ka hre chuang lo. Ka hma a thlalak darh nuaih chu ka melh a, ka hmel ang chiah pu hmeichhia chu keimah ka ni lo tih ka chiang si. Mahse engtinnge ka pa hi ka hrilhfiah tak ang?


`Ka ring lo ngai lo che. Mahse tunah chuan nang rin leh che hi ka bat a ni lo ve` a aw chu a khur ve dar dar mai. Ka tho thut a, ka pa te room atang ka tlanchhuak a, khawnge ka kal dawn ak hre lo, mahse rilru fim pu tur a ka ngaihtuahna sawrbing erawh ka ngai tih ka hre thung.


In ka let leh chuan ka pa a awm tawh lo a, ka nu erawh inchung ah pangpar a khawih tih kan nula pakhatin min lo hrilh a, ngawirengin ka room-ah ka lut a, dawr kal lam pawh ka ngaihsak hek lo. Ka inbualfai a, tlai thlengin ka room atang ka chhuak leh miah lo bawk. Ka nu in vawi tam tak ka room kawngka a rawn kik a, mahse mahni a awm ka duh tih ka hrilh zel avangin a beidawng aniang, min rehsan ta. Engtia hmalak tur nge ka hre lo, mahse engemaw tak ka tih a ngai tih erawh ka hria.


Tlai chaw ei laiin pawimawh ah chhuahna tur ka nei tih ka sawi a, ka pa emaw, ka nu pawhin min chhang lo. Kan chhungkua chu reilote chhungin a inletthawk a ni ber mai. Hrehawm ak ti takzet, mahse kha thlalak ami kha ka ni lo tih fiah turin ka penchhuah a ngai tlat a ni. Hmalak dan tur ka hre lo viau nangin ka thiante ka hmu phawt anga, anni in kanwg min kawhhmuh thei mahnale!


Rosa room ka thlen chuan Ruatkimi alo thleng tawh a, an pa hnen ah ka dil a, a rawn dah a, a haw dawn ah a rawn lam leh tur thu a sawi a, a hawsan leh anih hmel.


`Enge chuti fakau a pawimawh chu ni ta?` Rosa chuan a khum a ka thut rual chuan alo ti nghal vat a, anipawh nidang ang in a thawveng hran lo, ka hmel ah ka lungngaihna a lang chhuak miau a ni.


`Sawitan dan tur ka hre lo. Englo ania, ka pa in thlalak pakhat a kawl a` ka thaw hak a, sawidan tur ka hre thlawt lo a ni.


`Chuan enge ni zel?` Ruatkimi chuan alo ti vat a.


`Chuta thlalak chu ka hmel ang chiah ania` ka tih chuan Rosa chu a nui hak a, rum zetin ka va melh thung.


`Sorry, chuan?` inthiam loh hmel zet chuan min melh a, ka khawngaih leh letling zawk.


`Mipa nen mawi lo tak a an awm lai ania, chu chu ka pa in keimah emaw atia, pasal a nei turin min ti a`


`Maw?` an ti rual thawt. Ni e, mipa nen mawi lo tak a awmdunin thla ka la ngai lovang tih hrechiangtu te an ni tlat a ni.


`Khawi atang nge a neih a sawi lo a, mahse a lungawi lo hle a ni` ka tih chuan Ruatkimi chuan ka kut a rawn vuan a.


`Ipa chu i hrilhfiah lo em ni?`


`Aih, ka tum alawm. Mahse ka thusawi a awih lo. Ka pa mizia chu inhriat kha. A thinrim kha chu ka hrethiam, mahse pasal a min neihtir a tum kha mihring kha ka nei thei lovang. Tunge anih pawh ka hre bawk si lo` ka ti hlak a, ka ngaihtuah zawng ringawt pawhin ka rap zawk.


`Engtia hmalak chi nge niang aw...` Rosa chuan alo ti ve sap a, kan bangbo tlang a ni e.


`Thlalak chu hmuh ve ka van duh` Ruatkimi chuan a rawn ti leh a, ka pa awm loh hun ah ka la chhuak thei ang tih ka sawi a, a bu nghat ringawt.


`Engtinnge ka tih ang ka hre lo ani` khum ah chuan ka mu thla a, ka ipik ngawih ngawih.


`Chhuitir chi a ni lo maw?` Rosa chuan alo ti vat a, chu chu ka ngaihtuah tawh. Mahse kan ram ang ah private a chhui tur rawih tur an awm ka hre tlat lo.


`Mahse tunge rawih tur ni ang?`


`Enteh, Noah khan a hriat ka ring` ka harh hawk. Noah reng reng ka lo ngaihtuah tawh lo. Ani khan tihdan a hre ngei ang. Mahse min pui duh angem ka hre lo. Bakah va biak ka hreh riau bawk.


`Kan pa ka lo biak tir anga, hmuhna remchang kan zawng dawn nia` Ruatkimi hi chuan sawi miah lo mahila min hre teh e.


Kan boruak intanna atang ni 2 a liam ta, Noah pawh hun ala nei lo, ka pa nen kan inbiak awmchhun chu pasal nei tur a inpeih tur a min tih bak a ni lo. Ka nu erawhin thil ei tha turin min hrilh reng a, mahse kan buaina sawipui dawn erawh a ngawi hmak thin. Tiang em em a ka nu leh pa in min hlat ta mai hi ka na ve lutuk. Mahse ka dem hauh lo. Min ringtawk a, zan a ka chhuah duh pawhin min dal ngai lo. Dawtthu vang a na an ni, ka nat tluk zetin an na ve tho ang tih ka hria. Thudik erawh pek ngei ka tum ve tlat a ni.


`Zanin ah palai an rawn kal dawn a, ni kan ruat fel nghal ang` ka pa chuan chaw ei lai chuan a ti nghut a, ka chaw ei a sak ta talh.


`Pasal ka nei dawn lo` dawhkan chu a ri bur a, kan phu nasa hlawm kher mai.


`Ka thu hnial hlek suh Lalruatsang` ka pa in ka hriat theih ata ka hming pum a min koh vawikhatna a ni. Ka chaw ei lai chu ka tlan tho a, min auh zui tuarh chu ka pawisa tawh lo, ka room ah ka tlanchho a, ka inkalhkum nghal. Kawngka ngheng in ka thu a, tap turin ka mittui a tla thei lo. Mahse ka chhungril erawh ava tap nasa si em! Rosa ka phone a, ka chanchin ka hrilh chuan a lawm lo ve kher mai. Mahse tihtheih an neih lo zia ka hria,, lunch ei dun tur a min sawmna chu ka aw rang kher mai. Diktak chuan tih theih nei lo mahse ka thiante bul a ka awm hi chuan ka thawl ve hawk thin tlat a ni.


`Thiani, i buaina leh Spi hian eng inhnamhnawihna nge a neih?` Rosa nen chuan Coco Cafe-ah kan thu dun ran a, a thusawi awmzia chu ka man chiah lo.


`Ka hre hauh lo. Tinge?`


`Nizan khan min rawn be hlawl a, chuan i buaina hi min rawn zawt hlawl a, mak ka ti lutuk` a tih chuan keipawn mak ka ti.


`Ka hre tawh bik lo le. Chuzawngai chuan ka pa in zan in ah kan inneih ni tur a tifel nghal dawn a, ka mang a ang tak zet a ni` thawk halh pah a ka tih chuan min lainat hmel zetin min en a, tih theih kan va nei lo tak em!


`Washroom-ah kan kal lawk aw` Rosa chuan a ti sap a, ka bu nghauh.


Kan thutna hnunglam a nui hak hak ri chuan ka khawvel a ti zim zual. Ka va hawi phei a, ka hawilet lehnghal. Mahse ka hawilet leh rang kher mai. Khapa kha a ni. Ka hai lo. Thlalak ami kha a ni. Enge ka ngaihtuah ak hre lo, ka tho vat a, an thutna lam chu ka pan nghal.


`Min lo hrethiam lawk, nang hi...` chu mihring chu ka lam a rawn hawi a, min hmu chu a nui sak a, a thutpuinu chu a siai zauh bawk.


`Sora, nang hetah maw?`


`Enteh, min hai anih ka ring. Mahse kan inbe lawk thei angem?` a thutpuinu chu ka melh zauh a, chu nu chu alo inthlahrun hmel ang reng khawp mai.


`Tehreng mai. Bawihi...` a lu a thle bak a, ka beng chawrh chak kher mai.


`Enteh, Sora i tih chu tunge anih ka hre lo, mahse nanghian keihi min hria tiraw?` a thiannu kalsawn hnu chuan ka ti nghal a, customer dang awm mahse kan thutna hi midangin tawng an hre pha vak lo tih ka hria, ka tawng pawh ka dim ang reng viau.


`Lalruatsangi, Pu Lianhausa-a fanu duat lai... Ka hria che em?` a mitko a san ak a, a chimawm thiam kher mai.


`Engvang a kha thil kha tinge i nih? Kha hmeichhia kha tunge?` ka thinrim avang chuan ka aw a khur dard ar thei. Rosa lo let pawhin min rawn hmu a, zawhna mitmengin min rawn en a, mahse ka mit in ka lo hnar thung.


`Mi inhmu ta se chuan nangmah ah an ngai vek ngei ang. Nangmah ah nangpawhin ngai ve mai rawh` a mizia chu ka va han haw tehkher em!


`Police-ah FIR ka thehlut ngei ang` engmah ka zawh chhuah ka ring lo.


`Chu chu i tih chuan i nu dinhmun a derthawng khawp ang. Hei hi ka card ania, i duh chuan nakin ah min rawn be dawn nia` tih pah chuan a card chu ka hma ah a rawn dah a, a hming chu Lalhmingliana a ni tih ka hre thei.


Coco cafe atang a kan chhuah hnu chuan Rosa chuan min zawt nghal a, ka hrilh chuan mak a ti nasa mai. A chhan chu kha mihring kha Spi cousin ani tih a sawi miau a ni. Rosa te nen vairam ah an lo awm ho hrep tawh a, misual pawl a zawm thu thlengin a hria. Ka kawchhung chu a so bulh thei. Engvang a kei kher? Sora a tih chu hriatchhuah ngei ka ngai tih sawi ngai lovin a chiang. Engtinnge ka hmel ang chiah a put theih?


`Ka hmu duh che` Noah hnen atang msg ka dawng hlawl. Amah hmuh tumin Ruatkimi`n min biaksak a, hun a nei lo a, tunah min biak duh thu a sawi thung a.


`Khawi ah?`


`Ruatkimi nu te in ah ni rawh se`


Ruatkimi nu te in ka thlen chuan Noah alo awm tawh a, Ruatkimi te nupa an lo awm bawk. Ruatkimi chhungte an zin avangin an nupa in in an nghahsak alo nia. Ti ti pangai kan sawiho hnu ah Ruatkimi te nupa in rawngbawl turin kitchen lam ah min pheisan a, Noah nen chauh chuan kan thudun ta ran.


`Enge min hmuh duh chhan?` ngawireng a awm chu ka ning a ni.


`Phir pui i nei tih i hria em?` ka nui hawk. Keihian phir pui nei ila kan bul ah a awm ang chu.


`Fiamthu thawh a hun lo aw` ka ti hmak a, rilru hah naklaiin.


`I buaina hi nangaiin ka hre hmasa ti ila a dik ang. Thu ka pehhel thiam lem lo. Thlak kha ka dawng ve tho a, ka lo chhui nual tawh a`


`Chuan` sawitur ber pawh ka hre lo e a.


`I phir pui hi khawnge an thuhruk kan hriat a ngai a ni`


`Ka awih i ring em?`


`Thudik a ni tlat a ni. I pasal neih hma ngei a i phirpui hi i hmuh chhuah a ngai ania` a mitmeng thim raih chu ka en a, a uang lo tih ka hria. Mahse kum hei leh chen hnu ah phir pui ka nei tih ka hre thut a, chupawh ka nu leh pa hnen atang ala ni lo zui a.


`Ka nu leh pa ka biak a ngai anihchu`


`I nu leh pa chu hriattir ala rem lovang. Bakah i phirpui kha thi ah an ngai tlat a ni` eng chen chiah nge maw a hriat ni ka hre lo, mahse kei hian phir pui ka lo nei tawh thin tih ka hre lo hrim hrim chu ka lungawi lo. Mahse Noah hian a hriatchian hmel viau bawk si.


`Engtinnge ka awih theih ang che?`


`I awih leh awih loh chu i thu thu a ni e. Chuan, Lalhmingliana kha a hnaih ah lo awm lo hram ang che. He thil ah hian inrawlh an tam viau a, a bul ber erawh hriat ala harsa deuh dawn a ang` a thusawi awmzia hi ka man teh nuaih lo ve. Eng thil ah nge inrawlh tam a tih lah ka hre hek lo.


`I thusawi awmzia hi engmah ka man lo` ka ti ta nge nge, a nui suk a, a ha var rual nalh zet chu a inhmeh thlawt e.


`Ila man chho mai ang. Ka thusawi erawh i zawm viau a ngai ang. Tun atan chuan Spi, Lalhmingliana, i thiannu Rosa ngei pawh an pathum hian i hlat a ngai rih ania`


Engvanginnge Rosa a sawi tel ve chhan?