RUBY (Complete)

ELTY LUHLUL AUG HNAMTE

Ka hma a rose par sen kuhmum par chhuak tep tawh let bal chu ka en reng a, ka rilru chu chemte hriam tak a vih sawk sawk ang maiin a na ani. Ka hmangaih ber Ruby chu tu in nge dawt thu lo fah a ka hmangaihna pawh mamawh tawh lo khawp a lo hruai kawi ta ni? Muangchang in rose chu ka chhar a, tum bik pawh nei lovin ka kal mawp mawp ani.

A hmasain ka hmingpum chu Lalhmachhuana ania, mahse ka chhungte min koh duat dan Sena tih vek in midang pawn min ko ani. Pa te chhe zawk zawk ka ni lova, ka hmel hi tupawh mai hian a cute an ti ziah a, ka duh lo ru viau. Chuan, hmeichhe tam tak aiin ka la ngo zui bawk a....hahaha

Ka bialnu Ruby nen hian kum 4 kan inngaizawng tling ve tep tawh. Tun ah kum 27 na ka hmang mek. Ruby erawh ala upa lova, kum 22 na a hmang ve tan chiah. Hmeichhe hlim thei tak leh funny tak ani. Hmeltha lua ti a sawitur ni lo mahse a ngaihnobei a, bakah a nuih duhna leh engkim mai hlim tak a a hmachhawn theih thin avang hian ka duh phah sawt ni hian ka hre thin. Inngaizawng mah ni ila thian dun kan ang mah mah zawk thin.

Ka phone chu ka lek kang a, ka hmangaih ber in a chawlh neih chhun hmang tur a Mizoram a rawn chhuah chhoh avangin keipawn a tan hunawl ka insiam ve nasa khawp mai. Lawks, ka sawi hmaih. Ruby chuan vairam lam ah Doctor nih tum in a zir mek a, kei erawh sawrkar ah hna chhete vuan in Aizawl ah ka nu leh pa te bul ah ka awm ve ani.

Ka phone ka beng a ka ngaihthlak vung vung hnu chuan thophang aw zet hian min rawn chhang a, ka nuih aza kher mai. Thatchhe aw zet a min chhan hian a lawmawm ka ti tlat zel. Zing thawh hi a harsatna lam ve tak ani bawk.

' Tho rawh lem. Vawiin chu chawlh ka dil a, Aizawl chhirkhawk tur in lo in ready ang che'

' I van lo phone hma tak. Vairam ah chuan kan thawh hun pawh la ni lo asin le...' a ti niah niah ri chu ka nuihpui kur kur a.....

' Bawihi, hei hi vairam ni lovin Mizoram anih hi. Tho vat rawh' min hnial leh hma in phone ka off zui zat a, anih loh chuan hun kan paih tam mai mai dawn. Min hnial anga, ka hnial leh anga, a thinrim khan min hauhna tur a zawng leh anga.... Kan style ve ania. Phone dah mai hi kan harsat tlat thin ani. Nangni pawh in nih ve tho ka ring.

Chaw eikham ka insiam chu ka chhungte pawn min nuih tet tet, a chhan chu ka hna kal tur a ka insiam nen a in ang lo em bawk ani. Darthlalang hma ah ka in en a, ka nui sak. Nia, inchei hi ka taima lo. Ruby pawn min zilh fo mai, mahse ka zawm hleithei lo. Tun tum erawh kum 1 hnu ah ka hmangaih nen kan lenchhuahdun leh hmasakna ber tur ania, ka in uluk ve alawm. T-shirt ai ah jeans kamiz paw tak deuh hlek, velvet uk duk khak leh loafers pawlduk khak in ka inthuam a, ka confi rem rem. Perfume erawh ka duatlaii'n a ngainat lem loh avang in ka hmang lo. Ka rim erawh a fresh tha ve tawk alawm....

Ka bike duat em em, CBR sen chu zingkar ah ka silfai tha bawk a, kan khalh chhuak nghal zak a, ka duati lam tur chuan Laipuitlang lam ka pan nghal vang vang. An in kawt ka thlen chuan horn ka pe zauh a, ka duati chu a rawn chhuak nghal. Tinge inchhung i luh loh? in ti anih chuan kan inkawp rei tawh a, family hriatpui vek kan ni a, ka inla makpa chei ta deuh a, a chang chuan ka lut kher ngai lo. Bakah a awmloh pawn ka lut zing ve bawk em alawm....hahhaha

A hma atang a ka lo plan lawk thlap tawh ang in Hmuifang tlang lam ah chuan ka kalpui nghal a, a phun nawi lem lo. A chhan chu min ringtawk a, keipawh a rin ang thlapin ka awm reng bawk ani.

A hmun kan thleng chu a au chel chul a, keilah in nuam ka ti. Hmangaihte hlim hmel tluk a hmuh nuam dang a awm chuang lo. Kal lam a kan eitur ken zing a a ngainat em em, Uncle Chips, a kawm pawl ngei mai chu kan kheh a, phul ah chuan kan thu dun a, tudang hi kan awt bik lo. Ka kapkar ah chuan a thu a, a rim te chu a tui chek chek hian ka hria ani.

' Bawihi, zir zo vat la ka ti'

' Nia, a rei tawh dawn hleinem. Mahse ka chhungte enkawl leh phawt ka duh dawn sia. Ummm, kum 5 vel chauh ani tawh dawn alawm' ka lam a lo lehhawi pah chuan min nuih ver ver a, piai hrep mai hi ka duh thin.

' I chhungte chu kum 3 chiah ami enkawl ve i tum a?' ami chhan dan tur ka hresa, mahse hetia zawh hi nuam ka ti tlat zel. A chhan hi mawi ka ti thin em asin.

' Ni love, i hre ve reng. Kum 3 tal an bul ah i tello in ka la awm ve anga, chumi zawh chuan kan pahnih in kan chhungte kan enkawl dun dawn alawm' pangchang mitmeng zet a min melh kiau chu ka fawp lo thei lo.

' I tidik. Mark 100 ah mark 100 i hmu' a hmui seh sak zeuh pah chuan ka tawlhsawn nghal. A chhan chu min nem leh pawp dawn tlat.

In hria em? Ka du em em na chhan pakhat chu a chhungte chiah a ngaihtuah lova, kan innei anih pawhin a chhungte leh ka chhungte hi thlahthlam a tum miah lo asin. Kan hma hun kan sawidun reng reng in chhungkua a dah pawimawh thiam em em tlat zel ani.

Nui uarh uarh chung in phul ah chuan kan let dun tawp tawp a, engemaw kawng ah puitling viau mahse naupang chhia ang mai a ring tak anuih hi a sim thei lo. Mahse chu chu ka lawm em em thung. Mi kal ve an awm lem loh avangin han inchhaih vel pawh a inthlahrunawm lem loh.

Hun nuam tak kan hman dun hnu chuan tlai dar 4 velah chuan Aizawl pan in kan haw leh mai a, a chhungte pawn min hrechiang a, ka tel anih chuan an hlauthawng ngai lo. Tin, hei leh chen inzui tawh chung pawn kan la thianghlim tlat ani. A chhan chu ka khawihchhe phal lo. He hmeichhe rilru thianghlim lutuk hi ka nupui anih hma chu a thianghlim tur ani.

RUBY - 2

Nitin a ka tihdan pangai in ka hnathawhna lam chu ka pan leh hnak hnak a, Ruby pawh a zirna lam ah a let leh tawh. In ngaiin in thlahlel viau thin mahila kan hmalam hun atan kan inbuatsaih a ngai si. Hmeichhe duhawm tak, a hun a nu hnap, mahse midang ring chung a din tum hauh si lo anihna te hian min tihlim zual ani.

Office ka thlen chuan thawhpuite ho chuan min lo fiam nak nak a, keipawh ka khi leh sung tawh. Ka thawhpuite ho bul ah hi chuan lunglen vang a han cool vel hi a theih thin loh. Hmangaih berte thlah liam hlim e ti lovin a nui ring ber ah ka tang leh ta, ka pa loh vang amaw ti miah suh u. Nuih hi hmelthatna ani tih ka hre tlat alawm...

Hun pawh a liam ve zel. Keini 2 pawh kan lunglen zualpui a reh ta bawk a, facebook leh thianho whatsapp group vel ah pawh kan thawveng dun leh ta hle mai. Ka zei viau lem lo. A chang chuan Ruby pawh hi mangan chang a neih thin ka ring. Mipa che easy ve tak mai ka nia, a ei chak zawng a rawn sawi ve te hian 'Ka lo thawn ang che' tih nachang ka hre hran lem lo. 'Ilo haw hun ah i ei teuh dawn nia' ka ti liam puat a, vui tange a ti hran chuang lem lo bawk a, thawn lam chu ka ngaihsak ngai hran lo. Ka hmangaih zia a hria a, a tawk viau in ka hre mai thin. Mahse hei hian eng pawi nge ala tawh dawn ka lo thlir pha thin si lova.

AFTER 2 YEARS...

Ruby pawh a zirlai zir zo in Mizoram a rawn chuang chhuak ve ta. Kan hlimdun in hma hun kan thlir nasa dun thei khawp mai. Midang ah inrinhlelhna kan nei ngai hran lo. Mahse nupa mah an inhauh thin chuan keini inngaizawng te chu enge kan inhauh ve loh thin tehlul ang? Mahse inthen phahna khawp erawh chuan kan inhau ngai miah lo thung.

' Vawiin chu ka lo hruai hman hmel loh che' ka msg chu a read chiang e. Lehlawks, Mizoram a rawn chhuah chhoh hnu hian Falkawn ah a thawk zui nghal a, zing ah leh tlai ah ka dah in ka hruai leh thlap thin. Ka hman loh chang chuan taxi in a kal a, midang rualin alo haw veleh mai thin. Awmchilh se ka ti thin. Mahse kan inhmu khat dawn sia. A chang chuan a riak ve thin bawk.

Kan hna kan laklawh avang in ka haw hma lo khawp mai. Hna ban hnu ah meeting kan nei kawi leh bawk nen, in ka thlen meuh chuan zan dar 9 a ri der tawh. Ka intifai a, ka nau in chaw ei min lo siam nghal a, chaw ka ei lai chuan ka inngaihtuah harh thut, Ruby phone call leh msg engmah ka la dawng lo. Ka ngaih a tha chiah lo nangin hlauhthawnna erawh ka nei hran lo.

Chaw ka eikham veleh chuan ka kam ka thuah sawk sawk a, ka room-ah ka lut nghal a, ka phone ka en chu msg a alo awm a, phur deuh a ka en chu Ruby ala ni chuang lo. Kan thawhpui pakhat, ka thlah haw nghal in lawmthu alo sawina lek. Ruby chu ka en vat a, alo online reng a, tinge min biak miah loh le? A msg tur ka type uk a, mahse ka clear leh ta daih. Online reng chung a min biak a tum miah lo chu mak ka ti tlat ani.

Ka phone ka off a, ka mu nghal hmak. Ngaihtha chiah chuang lo chuan ka muhil tui phian tho. Ka harh veleh ka phone ka on a, eng msg mah ka dawng chuang lo. Thil kaldan hi mak ka ti tulh tulh. Ruby ka check lehnghal a, a out deuh chiah tih a last seen atang ka hre thei.

Ka tho lawk a, kan pu ka phone a, chawlh ka dil zui nghal. Chawlh ka lak khat avangin alo remti ve nghal bawk a, chaw pawh ei hman lovin ka pa hnen ah huan chahbi ka dil a, mak tih hmel tak a min en chungin min pe ta tho. Ka hrilhfiah thei rih lo. Thil awmzia ka hriat hma chuan.

Ruby te in ka lut chu Ruby pa leh Ruby an lo awm a, vawiin hi a dayoff ani tih pawh ka hria. Ruby pa chuan min lo be sawt sawt a, Ruby erawh chuan min nuih sak a, min be lem lo.

' Vawiin chu Ruby hi hruai chhuah ka duh deuh a' Ruby pa biak pah chuan Ruby chiah ka en thung. A hmel ah mak ati deuh tih ka hria, mahse a tilang zui hauh lo thung.

Apa in aw min pawh hnu chuan Ruby chu ngawireng in a insiam a, kan awmdan ah chuan kan inkar boruak chu mi a nileng lo tan chuan hriatthiam loh chi ani lo. Ruby pa pawh in sawi tur a hre meuh lo. Ka zah viau nangin ka thil hriat duhna chuan min hneh zawk ania nge, ka insum hleithei thlawt lo. Hetiang hi a thlen vawikhatna ani miau ani.

Ngawirengin kan inzui chhuak a, bike ka tihnun hnu chuan min kuah eih lo. Chak tak a ka khalh pawn bike hnunglam a vuan ngar ngar. Mak ka ti tulh tulh. Huan awmna kan thlen chuan ngawireng in min zui a, he hmun ah hian a mikhual lo. Vawi tam tak kan kal dun tawh a, kan hlim thin hle bawk.

In chhung kan luh chuan thutkhawmna lam ah chuan kuang kuah in tukverh bul ah a ding reng a, tawng hmasak a tum hmel loh kher mai. Helmat chu thutthleng ah chuan ka dah a, ka thu zui nghal. Bultan mai dan tur ka hre lo kher mai.

' I awmdan hi ka hrethiam lo. Enge diklo awm?' ka tawng zawh chuan a khi sak a, mahse a hlim vang ani lo tih ka chiang lutuk tlat.

' Enge awm se i tih?' a awri ah chuan thinrimna a lang chiang khawp mai.

' Enge i lungawi lohna? Min rawn be lova, i online reng tho a'

' Nangpawn min rawn be bik ami?'

' Ka hnathawk ka rei dawn tih i hre ve reng a, ka hah leh hah loh te min zawt ve ang chu ka lo tia'

' I rei dawn tih ka hrelo anih chu'

' Ka rawn msg reng che, i chhiar thlap bawk'

' Min lam hman loh tur thu kha maw? I rei dawn tih i sawi lo ani lo maw?' a tawng dan ah chuan a hma a a thinrim a a tawng dan nen a in ang lo. A cool raih a, thinrim insum tak in a tawng tih ka hrethiam ani.

' Nia. Mahse vawikhat pawh reply min tum chuang lova'

' Ka reply na i nghak tih ka lo hre lo anih chu'

Ka thin in a tuar ta lo, ka tho zawk a, a ban ah hmer in ka lam ah ka pawt pawp a, a lo inring bik lo, ka awm ah a bei thlap a, mahse nidang a min kuahlet ang in min kuahlet miah lo. A ding khawng at a, melh pawh min melh duh hek lo.

' Sawi teh, engvang in nge hetiang hian i awm?' ka au lo chauh tawh. A awmdan hian min ti hrilhhai tak zet ani. Ka vawnna atang chuan a kalsawn a, a din dan ngai chiah chuan a ding leh a, a nui lui sak.

' I zawhna chhanna chu keimah chuan ka kawl hauh lo. Tihian ka dayoff chu ka hmang dawn tihna ami? Haw ka duh a, ka chau. Mut ka duh bawk. Kan haw thei tawh angem?' ka hawi buai tulh tulh. A awmdan hian min rap letling zawk. Khawnge ka hmangaih em em Ruby, hmeichhe hlim thei tak leh engmah thup ngai lo kha a awm tak?

' Ka hriatloh min hrilh hma chuan kan haw lovang' mahse a sawt ka ring hran lo. Enge tihtur ka hrethiam lo takzet ani.

Nileng a kan awmdun pawn engmah a sawi duh miah lo. Thinrim in min ankhum lova, ka biak in tha tak in min chhang a, mahse hetia a awm chhan erawh ka zawh ngat ngat pawn chhanna ka hmu chuang lo.

Tlai dar 5 a rik chuan khua a thim tan tawh a, ka hriat duh ka hre dawn chuang in ka hre lova, kan haw ta nge nge. An in kan thlen pawn ka lut lova, a chhuk a, vawikhat pawh rawn hawilet lovin a lut tlang nghal. Na ka ti takzet ani. A chhan ka hriat ngei a ngai ani.

RUBY - 3

Kar 2 zet aliam ta. Ruby chuan ka msg engmah a reply ngai lova, phone call phei chu bei ti dawng zualtu mai ani. A chhan ka hre thei si lo, a thian te lah in engmah an sawi duh bawk si lo. Ka thin in a tuar ta lo. Zanriah eikham chuan ka insiam mawlh mawlh a, ka nu chuan ka kalna tur min zawt a, ka chhang lo. A chhan chu ka kal tum dan hi an hriat ka duh lo ani.

Kawngka ka kik a, lut tur a sawmna ka hmuh hnu chuan ka lut a, Ruby chuan mak tih hmel deuhin min lo en a, sofa a thu pa chu ka hriat ngai mi ani lo. Thu tur a min sawm hnu chuan ka thu ve mai a, mahse ka bet lo kher mai. Ruby nau chuan min lo be sawt sawt a, mahse Ruby erawh chuan min melh nawn miah lo.

A chiang ta! Mipa dang a neih avangin kei hi min kalsan alo ni. An titi ngaihthlak reng chu ka thei ta ngang lova, ka tho a, Sawmtei, Ruby nau chuan la thu tur a min tih pawh chu chhang mumal lovin ka chhuahsan a, ka thinlung nat dan chu sawi a fiah chi ni pawn ka hre lo.

Khawilam ah nge ka tlan pawh ngaihtuah lo chuan ka hma a kawng awm awm ah chuan ka tlan mawp mawp a, ka harhchhuah chuan tunhma a Ruby nen a kan lenna thin, Zampuimanga thlan bul ah chuan ka ding dat a, ngawirengin ka bike ka stand a, van lam chu ka thlir vang vang.

A fair lo, a fair hlawl lo. Enge ka tihsual? Kha mihring kha enge a that bik vak na? Heti ringawt lo hian tinge min then duh anih pawn min hrilh loh? Mipa hi mipat har ka va ti em! Ka nupui tur ang hial a ka en, ka hmangaih em em, kum tam tak min awmbo san lai pawh a atan a ka rinawm em em na thin chuan hetiang hian min kalsan ta mai chu ania, hriatthiam har ka ti takzet ani.

Ka hna kal tur chu ka rin loh deuhin Ruby hnen atang call ka dawng tlat. Thla 3 lai kan in be tawh lo. Kha thla 3 chhung khan ka tuar nasa a, mahse mipa ka nih ang takin keimah in ka tuar ngat ngat mai ani. Phone chu ka en vang vang a, pick up ka tum lo. Khati khawp a beidawng a min siam hnu ah ka biak leh nachhan tur ka hre tlat lo.

Office ka thlen chuan ka thawhpui te ho nen chuan kan infiam leh bawrh bawrh tawh a, titi ho pah chuan ka hna chu ka thawk mawlh mawlh a, ka hawichhuak lem lo.

'Eheu! Ve teh hlawl che chuan. Saw, a changtupa pawh a hna ah a bur leh ngawr ngawr tawh saw. Va kal rawh' ka thawhpui Pu Muana tih ri ah chuan ka hawichhuak zawk a, ka thil hmuh chuan min barakhaih chiang ngei mai.

'Ka phone I pick up si lova, ka lo kal tawp. Kan in be lawk thei angem?' nuisang, mahse nelawm hauh lo chuan Ruby chuan min bia a, ka hamhaih ang reng khawp mai.

' Ka buai lai ania. Tihian sawi mai la' ka mipa rilru a chhuak thut a, a duh duh na a kaihkual tur ka ni lo ka ti ve tlat.

' Hmundang ah I duh loh chuan a pawi hleinem. I thiannu nge I bialnu ka tih zawk dawn, U Mapuii hian khawngaihin min lo tibuaiin ka nau te thleng chuan lo vau tawh lo rawh se. A duh ang thlapin ka tihsak tawh a, a ti lutuk ta. Ka chhungte lak a ka zahna pawh a tam tawh lutuk e. Khawngaihin ilo control ve deuh tawh dawn nia' a in her nghat a. kawngka lam min pan san nghal.

Ka va hamhaih tehreng em! Ka harhchhuah chuan Ruby chuan ka thawhpuite chu alo bye bye fel chiah a, kawngka ah a chhuak zui nghal. Um nachang pawh ka hre lo. A thusawi chu ka hrethiam lo takzet. U Mapuii chu ka thawhpui ani. Min ngaihzawn awm ka hrelo. Kan intih thiamloh dawn zan a ka thlah haw kha ani bawk.

K thawhpui te chuan Ruby tawng chu an hre pha lem lova. min fiam zui nak nak. Keierawh ka nui hleithei lo. U Mapuii lah building thar lam ah a insawn tawh bawk si, thil awmdan hi ka hrelo takzet ani.

Ka phone ka la chhuak a, Sawmtei chu ka phone vat a, thil awmzia ka zawhchian angai ani.

'Hello' Sawmtei aw ban chat chuan min ti tim kher mai.

'Sawmte, ka hmu duh che, ka lo lam ang che' thupek ang a ka tih loh chuan a duh loh ka hlau ani. Ruby chu biak ala ngamawm rih loh. A mizia ka hrechiang a, engmah ala sawi duh rih dawn lo tih ka hria.

Ruby te inkawt ka thlen chuan Sawmtei chu ka call a, alo chhuak ve nghal mai a, bike a lawn tur a ka signal hnu chuan thuawih tak in a lawn ve nghal a, kan tlanchhuak tur leh Ruby lo thleng chu kan intawk chiah. Mak tih hmel zet chuan min en a, Sawmtei tho kang tep chu ka tlanpui nghal hmak.

Kan in ah ka kalpui a, ka nu chuan mak tih hmel zetin min lo en a, Sawmtei lah a zah hmel ngang mai. Ka nu chu ka nuihsak a,room-ah ka luhpui nghal a, Sawmtei chu chair ah a thu a, ka vei thuak thuak. Bul tan mai dan ka hre lo.

' Mapuii biak dan che ka hre duh' thawr mai a.

' U Sen, A u rilru natdan tur hi pakhatmah I dawn pui ve ngai lo ami? Hetiang mi hi ini tih hria ila chuan a tir atang khan nang hi a kawp miah lovang che' thinrim insum tih hriat tak chuan a tawngkhur dar dar a....

' Enge i sawi awmzia chu? I U hian min tina zawk asin. Mipa dang min kawp.....'

' Dawt sawi suh. Nangmah zawkin U Mapuii i kawpsan zawk anih kha' Sawmtei awri chu a vin khawp mai. Ka tawng zawh hma a min chhan vawikhatna ani ngei ang.

' Sawmte, I hresual ani ngei ang. I U hi vawikhatmah ka la kawp ngai lo'

' U Sen, dawtsawi a ngai tawh lovang. In thlalak ngei ka hmuh hma kha chuan ka awih lo. Mahse a chiang tawk alawm. A U chuan a kalsan tawh che a, U Mapuii hian lo umzui reng lo se kan duh khawp mai. Mutmu pawh tuah thei lo khawp a a nat hnu ah pawh in diriam zui zel hi a tawk tawh lutuk lo ami?' Sawmtei chu a hmai a tai hlar a, a thinrim ve takzet ani. Keilah ka hawi à vek thung.

' Sawmte, Mapuii chungchang chu hriat ka nei hauh lo. Ka thawhpui ani, chzawng chu. Enge inchung ah a tih ka hre miah lo bawk. Min hrilhfiah teh'

' Min hrethiam la, a U in pawn ah min nghak a, ka kal phawt ange' a tho nghal a, umzui ka tum lo. An Unau zia ka hria, mi pawisawi lo mi, unau inhmangaih tak anni. A U phalna lo chuan engmah a sawi hauh lovang. Ka tihtur hmasa ber chu Mapuii hmuh ani. Thil awmzia ka hriattheihna awmchhun ani.

RUBY - 4

Khum ah chuan ka mu vang vang a, Sawmtei thusawi te, Ruby thusawi te chu ka ngaihtuah let a, Mapuii chuan engtaknge a tih? Hetiang ti tur hian ani nen inzawmna engmah kan nei lo. Min ngaihzawn ka hre lova, chutiang lam hawi chuan ka inkawm ngai hek lo. Ruby sawi chauh nise chuan mipa dang vang a chhuanlam ah ka ngai ngei ang. A chhan chu ka va Len khan mipa alo awm ve miau a. Mahse Sawmtei meuhin khatiang a a sawi chuan engemaw chu a awm a ring ani. Mahse ngaihdan erawh ka nei thiam miah lo. A hmasa berin Mapuii te in ah kal in thil awmzia ka zawh phawt angai ani.

Chaw ei lai chuan ka chhungte chuan thil awmzia hriat an chak tih an mitmeng ah hrethiam mahila ka sawi peih rih tlat lo. Min zawt chiah lo bawk a, Mapuii ka hmuh hun ah ka la hrilhfiah hlawm mahna!

Mapuii te in ah chuan ka thu ran a, inleng dang an neih ve avangin sawina remchang ka hmu mai lo. Mahse nghah chhuah ngei ka tum bawk a, dar 10 rik chuan an tin zo ta hlawm. Mapuii chu biak ka duh tih ka sawi tlang mai a, a chhungte pawhin min mutsan ta hlawm.

' Ruby hnen ah enge I sawi?' thu pehhel ka tum buai tawh lo. Ka hre chak takzet tawh ani.

' I sawi awmzia ka va man lo ve' Mapuii chuan alo ti awlsam et a, nuamlo ka ti lek lek zawk.

' Vawiin ah an Unau in ka hmu ve ve a, nang hian Ruby be thin in Sawmtei thleng in ilo vau ni in ka hria a, thil awmzia hriatchian ka duh ani' a hmel ka en a, a hamhaih hmel hle. Keihian thil ka tisual ni in ka hre tlat.

'Sen, Ava mak dawn ve. Hriat pawh ka hrechiang lova, bakah i bialnu ania, enge ka vau ngawt chhan tur? Thian te ngaihzawng vau na chhan tur ka hre lo' a sawi dik viau in ka hria. Ni e, vau na chhan tur a nei lo reng ani.

' Nia. Mak ka ti deuh a.... I lung ka ti awi lo anih chuan pawi ka ti. Kan boruak a fuh vak lova, a chhan hriat ka duh mai Ania. Min hrethiam dawn nia'

' A ho lutuk. Kan thawkho ve bawk sia, hmeichhia chu kan thikthu hi a chhe ve a, min lo thik ve palh te pawh aniang. Keima lam ah chuan inthlahrung reng reng suh. A tul chuan Ruby pawh chu ka la hmu dawn nia. Nge amah zawkin kawp dang alo nei te hi ni lo maw...' ka rinhleh dan ang chiah a rawn sawi chhuah avang chuan ka awm a nuam lo zual.

Mipa dang inleng pawh a neih chian kha maw. In sawifel a duh vangin Mapuii a rawn puh mai ani. Ka thin a rim ru kher mai. Mahse tihlan erawh ka tum hauh lo. Ka tawrh tur ang chu ka tuar fel vek tawh.

' Ni lovang. Kan haw ve tawh ange. Ka men hrep che a, zialo. Naktuk ah hna ah lunch ka treat ang che' nui var var chuan ka tho zui nghal a. Ani pawh a nui zui hak hak a, kawngka thleng min lo thlah a. Ka tlan liam zui nghal.

Karkhat lai a liam ve ta. Ruby chu ka ten ru takzet ani. Khalehchen kan inzui tawh a, ka lo hriatchian loh zia ka inhrechhuak a, ka zak takzet ani. Vawikhatmah biak ka tum leh tawh lo. Ani pawhin min rawn be hran lo. Vawikhat ka hna bang hma in MC ka kal kawi a, ka len zan a lo awm pa nen khan Hi-Five restaurant a an chawldun ka hmu leh zui a, ka ten zual ani.

Mapuii nen pawh kan la inkawm reng a,hmeichhe fel tak ni in ka hria. Min hnem nasa thin a, a chang chuan ka lunglen dual changin Zan ah kan inphurchhuak a, wb road lam ah te kan va kal dun mai mai a, mahse thian ang bak in kan inkawm ngai chuang lo. Ani pawn chumi bak chuan min en lo. Ruby te unau sawi ang em chu alo ni hauh lo.

' U Sen, vawiin ah kan inhmu thei angem?' Sawmtei msg chu ka en a, mak ka ti ang reng. Kan inbiak lohna a rei tawh sia.

' Engnita?'

' Hmuh ngei che ka duh a, a tul chuan in in ah ka lo kal mai ang' Inrinni ani, hna ka chawl a, chutia kan in thleng a lo kal a hreh loh chuan chhan tha tawk tak a awm ngei pawh ka ring ani.

' A pawimawh viau chuan ka rawn kal ang. Mahse I U erawh ka hmu duh lo' ka hmuh chuan ka na zual dawn tih ka inhre sa tlat ani.

' A U chu a duty a, chaw eikham veleh lo phei la'

' Awle'

Zing chaw eikham chuan ka nu hnen ah ka kalna tur ka hrilh a. ka nu chuan rem ati vak lo. Nia, Ruby nen kan inkar ka hrilh vek tawh a, ka chhungte rilru a na ve em ani. An fapa hian ka tawrh natzia an hmuchiang bawk a.

Ruby te in ka thleng chu Sawmtei chiah alo awm a, min hmu chu alo nui sak a, mahse a mitmeng ah erawha nuihzat loh zia ka hmuchiang hle. Sofa-ah chuan ka thu a, Sawmtei chuan a phone chu a hmet niap niap a, ngawirengin min rawn pe.

Ka en chiah chu ka meng phar nasa ngei mai. Ruby nen kan inhauh tan Zan a Mapuii ka thlah haw kan inphur lai te, chuan Mapuii te in ka va kal zan a Mapuii nen kan thu dun lai te, ka lunglen a vawikhat kan lendun tum a Mapuii phone a kan lakdun te, kan office canteen-a thil kan ei dun lai te..... Mak ka ti ngang mai.

' Heng hi khawi ami nge?'

' Tikhan engvang a a U hi na em em nge anih I hrethiam tawh em?'

' Khawi atang a i neih ange?'

' U Mapuii'n a U alo thawn vek anih kha' Sawmtei chu ka hma ah chuan a thu ran a, a tawp thlen a inhuam tih a hmel ah chuan ka hrethiam. Keilah ka hawi buai ang haw a....

' Mahse hetia a lan ang hi engmah a awm lo. Ruby pawn min hrilh ve tur alawm'

' Khami zan khan rawn bia la chu a sawi ngei ka ring. Mahse online reng Chung pawn I be lova, U Mapuii pawh a online ve tho a, a tuk zingkar thleng a nghak che. Mahse U Mapuii nen in out hun a in ang chiah avangin engmah sawi a duh tawh lo anih kha'

' Chutiang engmah a awmlo. Anih leh tinge kan huan a ka hruai pawh khan engmah a sawi duh loh?'

' Chuzawng ka hre tawh lo e. A U hian a lerhsan che ang a I ngai leh U Mapuii'n mi bul a amah thik ang a a sawi reng hi keimah hian ka tuar thei tawh lo ani'

' Mapuii'n chutiang chuan midang bul ah a sawi lovang. Ka thian ani'

' A tawk e. Tunah chuan I hmu a, I hre tawh bawk. Ka U hi thil tisual tu ni lovin nang leh U Mapuii hi ka U natna pe tu in ni. Sawi tur ka nei tawh love' Sawmtei chuan thinrim zet chuan min en a, huissssss..... Engmah hi ka hrethiam thei tawh lo.

' Sawmte, I hresual anih ka ring. A duhzawk mipa dang a tawn avangin midang puh tur a zawng mai ani. Mapuii te chu ka thian tha tak, i U vang a ka nat ngawih² lai pawh a min hnem tu ber ani'

' Huh! Sawi tur ka nei tawh lo. Thingpui ka lum ang che' a tho tharh a, ka ngawireng.

Kawngka rawn inhawng chu ka en hran lo, ka hnuchhawn avang in.A rim ah erawh tunge anih ka hrechiang khawp mai.

' Ehe..... Ilo leng a law?' Ruby awri ah chuan ka hawilet a, mahse ka hawilet chu ka inchhir khawp mai. Khapa bawk kha a tel leh tawh.

' Nia. Sawmtei hian min kawm lawk a duh a'

' Anih chu. U Muan, lo thu rawh. Kan inthlak anga, ka rei lovang' room lam chu a pan zui nghal a. Muana atih pawh chuan a thu ve nghal a, a tlangnel hmel kher asin.

Ka tho nghal a, Sawmtei thingpui siam pawh nghak lo chuan ka chhuak nghal. Tenawm hlawm lutuk. Ruby lerh thup nan Mapuii anla puhchhe zel chu ania. A tawk tawh. Ruby hian a tuar ve khawp ang. Tlai lam ah ka thianpa fapa birthday ania, chaw ei a, chaw ei kham lam ah Hotel Regency ah party buatsaih chhunzawm ani. Ka haw hmasa a, ka insiam zawh chuan Mapuii ka sawm a, kan kal nghal. Ka thianpa Han ti ila kan thawhpui tho ania, office ah chuan kan inkawm ve ber.

Chaw kan eikham chuan nunau nawi lam chu an haw fel ta. Party boruak in a zui. Vawiin lam a ka thil tawn nen vawikhatmah ka la tih ngai loh dan in zu tlem ka in ve. Mahse rui chhia erawh ka ni lo. Mapuii chu tuemaw nen an lamdun a, kei erawh thu chungin no ka dawm a, lam ho chu rilru pe miah lo in ka en.

' Thianpa, ka unaupa hi hmelhriattir ve che ka duh a' kan thawhpui thar pakhat Manuna chuan hnunglam atang min rawn bia a, ka in her vat.

' Anih.....' ka tawp chat. Ruby leh Muana an ni tlat. Anni lah an mengphawk bawk. Manuna lah chuan engmah hre ve hek lo. A kai tawh bawk nen a tawng suam suam a, nuih a za lo kher mai.

Mapuii chuan an lam zawh chuan min rawn pan vat a, kan piah lawk a Ruby te awm ve chu a hmu lem lo anih ka ring. Kan titi dun bawrh bawrh a. Ruby te lam ka va en chu Ruby chuan min lo en reng a, a mitmeng ah khan natna ka hmu tel in ka hria.

Mapuii chuan washroom-ah min luhsan a, Ruby te lam ka va hawi chu amah chauh chuan alo ding a, nuam a tih hmel hran loh. Nia, a ti lem lovang. Hetiang huau huau hi a lawm lo tih ka chiang ani. A kalpui pa chu lamna tual zawlah hmeichhe pakhat nen an lam dun a, bialnu te awm lai a midang lo lampui. Ruby a dah riang kher mai.

' Iva mal ve' a bul ah chuan ka zuk ding a, min melh eih lo thung.

' Mahni a awm hi nuam ka ti zawk'

Ami chhan dan chuan min hnar zia a tilang kher mai. Mahse ka kai ve deuh tlat. Kalsawn san ka tum bau lo. A ban ah ka la lawk a. lamna tual zawl ah ka kalpui nghal. Ka chetran teh thut em avang chuan a inring hman lo a, inhnialna chi ni tawh hek lo. Hmel rum zet chuan kan lamdun a, an music play leh ka lampui nu chu a inrem thlawt ani.

A kawng ah nghet takin ka kuah a, a mawng bawr ka zut thla tel lek lek. Talchhuah a tum poh leh ka vuan nghet a, ka lo kai tawh deuh nen ka duhthawh sawt khawp mai. A rimtui lutuk chuan min zem à vek in ka hria. A beng bul ah chuan ka thaw ham ham a, engemawni a sawi a, mahse ka ngaithla lo.

Hnunglam atang a ka dar rawn vuan tu chu ka haw kher mai. Hnek mai duh khawpin ka lung a awi lo. Ruby hmel kan en chu min nuihzat hmel tlat in ka hria a, min vuantu lam chu muangchangin ka in her a......

RUBY - 5

Ka hawilet chu ka rinloh zawk in Mapuii chuan min lo nuih var var a, ka ngei lek lek. Ka thian tha tak chu ni lo se ka kuk fawk duh in ka ring.

' Ka nu pum a nuam lova, damdawiin lam ah an kal pui a' music ri chu a bengchheng lutuk lem lova, a tawng ring hran lo.

' Anih chu. Kal rawh, damdawiin chu kan pan phei ve ghal dawn nia' Ruby en pah chuan ka ti zui nghal a, ka ui kher mai. Mapuii nu chu na hunlo kher mai.

' A va zialo ve' Ruby mitmeng a min nuihzatna chu ka hmuh hmaih hauh lo. Mahse chutiang ngaihtuahna hun a awm lo. Ka thiannu, ka rilru hah chang pawh a min hnem tu ber thin nu a damlo va, ka kalpui vat angai ani.

' Kan la inhmu leh ang' Ruby melh pah chuan Mapuii chu ka Kai a, ka bike dahna lam chu ka pan pui nghal.

Mapuii nu chu serious alo ni hran lova, kan thlen phei chuan an lo en zo tawh a, haw tur in an lo inbuatsaih lam tawh zawk alo nia. Ka ngei ru ngei mai. Ruby ka lampui laklawh tehreng nen. Mahse lungawi lo ang chuan ka awm hran lova, an in thleng chuan ka zui phei ta zawk a. Rei pawh awm lovin ka haw zui nghal thung.

Ka haw kawng ah chuan Ruby leh Muante haw tur chu ka hmu hram a, ka ner sak. Hmeichhe lerh lo, nungchang tha ve tak ni a ka hriat thin kha alo ni lo chiang anih hi. Mizoram a rawn awm leh hnu chuan a mizia chu a thup rei thei lo chiang ta hle. Tin. Muantea pawh kha Mapuii hnen atangin vairam a an zir pui tho ani thu ka hre bawk a, uak thuiiii..... Min lo va bum nasa tehreng em!!!

Heti mai chuan mipa hi tlawm ka tum hauh lo. Ka bialnu anih lai a ka khawih chhiat phal loh, ka Duat em em thin kha tunah chuan a lakah rilru thalo tak ka pu ta. Mahse ka thiamloh ani lo. Ama cho chhuah ani tlat.

In ka thlen chuan Ruby chu ka phone a, mahse a chhang lo. WhatsApp ka en a, a online. Ka tihtum chu ka hlen ngei ang.

' Nge ka call kha I chhan duh miah loh a?' a read hun ka nghak a, a online reng chungin a read duh thak lo.

' I online reng tho. Biak ringawt pawh chu iva duh awm lo ve' ka nghak leh det a, a read a, mahse min reply chuang lo.

' Min reply lo tawp rawh. Ka rawn kal dawn. Tunah' kal ka tum pawh ani chuang lo. Tihngaihna ka hre tawh lo miau a. Ummm. a typing ve e....

' Mapuii ka ni lo ania' ngeiawm ve asin.

' Mapuii ini ka ti lo. I thik ani maw?'

' Hahahha.... Thik tur in kan inkar ah engmah a awm tawh hleinem'

' Nia, a awm tawh lo. Muantea ta ini tawh alawm' ka type zawng pawn ka thin a ur.

' Lol..... Nangmah ang vek ni tur hian tumah ngai suh'

' Ka lo ngai thin a, mahse ka tisual tih chu nangmah atang hian ka hrechhuak tawh reng alawm'

' Nia. I hrechhuak chu ka lawmpui che. Muttui le' a out zui nghal hmak a, ka va han ngei mai mai tak. Mahse zaidam ka zir a ngai. Ka thil tum hi ka hlawhtlin hma chu ka dawh hram hram a ngai ani.

Nitin morning wish leh good night na thawn lovin ka awm ngai lo. A chhiar ziah a, mahse min reply ngai chuang lo. Kar 2 zet a liam ta, ka beidawng ve lek lek tawh ani. Heti em em a hmeichhe luhlul hi chu a....

' Chikimemu, Zan ah ka lo leng dawn' nidang ang lo takin tunhma a kan inkoh dan thin ang in ka ko lui ve tlat.

' Min kohdan hi ka duh lem lo. Hming pangai ka nei. Zan ah ka awm lovang' min reply ve ta hram e.

' Ka thu thu. Khawnge I kal dawn?'

' U Muantea nu birthday kan lawm dawn' hei zet chu ka thin a khei zar mai.

' A tullo' teh tawng mai a!

' Ka thu thu' ka tawngkam chiah a rawn hmang ve ngat a, ka thin lah ala rim em em zui.

' Ka hruai ang che'

' A ngai lovang. Min lo be tawh suh. In nu in a ngai haw leh ange'

' Nupui ka nei lo. I bialpa Muantuaia aia ka that lohna bik enge?' ka thinrim lutuk chuan ka tawngkam pawh ka duhtui lo ngei mai.

' Fimkhur rawh. Anih phawt le' a out nghal a, tih theih ka va han nei tlem tak.

Zan khua in keimahin ka insawh a, Zan tir ah thenawm lawk a savawm zuar te savawm ka lei a, can 1 lek pawh chu ka Kai pui ngei mai. Dar 10 vel ah chuan ka tho lawk a, Ruby te in lam ah ka inkhalh phei a, enge ka tih dawn pawh ka ngaihtuah hran lo. Ka kal mawl ve tawp mai.

An inkawmchhak ah chuan ka thu reng a, a pa room chu ala eng. An Unau room a thim tawh avangin a haw tawh anih ka ring a, ka bike ka ti nung tur chiah chu Muantea leh Ruby rawn haw ka hmu chiah. Va hnek pawp mai ka chak ani.

Mahse ngawirengin ka en a, Muantea tlan liam tur chu Ruby chuan a ban a Vai lauh lauh a, Ruby ka pan ve nghal.

Ruby chuan min hmu thut chu a phu nasa ngei mai. Keilah ka savawm in nen ka inla pa nasa mai bawk si. A ban ah ka pawt lawp a, nghet fahran in ka kuah a, engtinmah tal a tum eih lo.

' A nuam bawk maw?' harhchhuak thut ang mai in ka nemsawn a, a tlu lek lek.

' Hetiang khawp a mawl hian I chet duh ka lo ring lova' a tawng ring lo. Mahse a awri ah chuan natna thuk tak tuar a ang ber in ka hria.

' Ka mawl zia chu I hre vek tawh ani lawm ni? Bum ka lo nawmzia te....' ka aw chu a khur dat dat thei in ka hria.

'A tawng lo va, an in panna step ah chuan a pen thla nghal. Keilahin rang mangkhengin ka pawt let a, ka chet dan chu a hlauh hmel kher mai. Mahse a awri erawh a chhuah miah lo.

Ngawirengin kan in en a, thla eng hnuai ah chuan a mittui tling pam chu ka hmu thei. Mahse min hmangaih vang ani lo tih ka Chiang lutuk.

' Hetia khawlai a awm hi a tha lo. Inchhung ah lut ila, thingpui ka lum ang che' ati sap a. mahse chu chu zawm ka tum hauh lo.

' In in ah ka lut dawn lo. Hmundang ah sawi dun ang' ka rilru tenawm tak chu keimah ngei pawn mak ka ti.

' A tlai tawh emai. Naktuk ka chawl a, naktuk lam ah kan sawi dun mai dawn nia' a aw chu a confi leh tawh hle.

' Aih. Zan in ah ngei hian' tihpah chuan ka bike lam ah ka pawt phei a, ka awmdan atang hnial chi ka ni vak in a hrelo aniang. Ngawirengin min zui a, ka tumna lam ah chuan ka tlanpui zui nghal.

' Sen, khawiah nge min hruai I tum?' kan huan lam ka pan pui a, a aw ah chuan hlauhthawnna a lang tel.

' Kan huan ah. Kan thlen hun ah I pa I bia anga, kan riak dawn. I duh duh chhuanlam I siam dawn nia' ka ti bul nghat a, a zuan thlak ka hlauh avangin ka speed ka san zui nghal.

Kan thleng chu chahbi ka phawrh a, inchhung kan lut ngal. Current ka on a, a hmel kan en chu a lungawi loh zia leh a hauhthawn hmel zia ka hmu nghal. Ka khi sak.

A phone a phawrh a, a nau a bia , Muantea te in ah a la awm thu leh a haw loh mai theih thu a hrilh nghal. Ka nuih aza ru kher mai. Hmeichhe a lo tak ani. Tun ang hun ah kan huan atang a haw ngaihna a awm lo tih a hrechiang a, ka mizia nen nawrluih chi ka ni lo tih a hrethiam bawk.

' Enge I sawi duh?' ka mit ah chuan min en kal a, mahse a zam mitmeng erawh ka hrethiam Chiang e.

Ngawirengin ka pan phei a, a thutna atang chuan a tho hliai a, a hlauh hmel takzet ani.

' Min va hlau awm ve..... hahaha.... Ka ti na lovang che' ka khi sak a, ka thu zui nghal. Ani erawh tukverh bul ah a ding a, pawnlam a hawi daih thung.

' Engtiknge inneih chu in tum?' a awri chu a chhuak Chang Chang ani mai.

' Tu nen maw?' a thusawi chu ka man lo chiang.

' U Mapuii nen' a nui sak a, mahse a hlim hmel chuang loh.

' Muantea nen in inneih hun ah' ka sawifiah peih tawh lo. Min kawp thup nan a Mapuii min dem ziah hi ka ning.

' Anih chu' a ti nghat a, a nui zui sak bawk.

Sawitur ka ngah vei nen, sawi tur reng reng ka hre tawh lo. Ka en vang vang a, kuah vawng vawng ka chak ani. Mahse mi bialnu ani tlat tawh si.

A phone a rawn ri a, a la vat a, an inbiak dan ah chuan Muante tih ka hrethiam nghal. Ka thinrim lutuk chu ka tho lawk a, a phone phihthlak sak pah chuan ka pawt her lawp a, min hlauh hmel kher mai.

' Ka awmlai pawn ila be tho a....' ka sawi zawm thei lo. A dar ka hmerna chu ana viau ta ve ang.

' Min thlah teh' Ana ti hmel chu ava han duhawm tehreng em. A hmui a khur dar dar bawk.

Engmah sawi lo chuan ka kut chu ka thlahdul a, a hmui chu na fahran in ka zuk fawp a, bang ah ka nawrbet zui nghal. Min chhanglet duh hauh lo. Talchhuah tum chuan a bei ve a, mahse mipa tha chu a hneh lo ani.

Duhthawh zet chuan ka fawp a, ka keih ni ber in ka hria. Reitawk fang ka fawh hnu chuan ka thlah a, chhuat ah chuan a thu hnawk a, keipawh ka thaw kawk kawk mai.

RUBY - 6

Ka hmalam chu ka en tlawk tlawk a, Ruby chu ka bul ah chuan ngawireng in a awm a, ka chetdan chuan ati hamhaih te pawh ani ta ve ang. Mahse ka inchhir eih lo. Zan in ah hian ka lo zah sak em em thin a hmeichhiatna chu phuba lak nan ka hmang dawn ani. Mahse nichin lawk a ka chetdan ang ni lo khan....

' Ka ti na che em?' ka ti sup a, mahse lem ka chang dawn ani. Ka ngaihtuah vang ani lo.

A ngawireng a, a mit atang chuan mittui a luang ngiai ngiai a, nuam chu ka ti chiah bik lo. Mahse min tihnat ngaihtuah chuan ka la dim mah mah ani. A bul ah chuan ka thuhniam a, a insut hlap hlap chu ngawirengin ka kuah a, min hnial hauh lo.

' Mut zai rel phawt ang aw....' awka dam dap chuan ka ti a, a bu ngheuh a, hman a ka Ruby, hmeichhe duhawm tak kha a ang takzet ani.

Kan huan thlam hi in pangai ang vek nia. Mutna tur room a awm ve thlap. Mahse khum dah lovin mutbu erawh a awm a, chhuat a mut mai theih ani. Ka tho a, Ruby pawh ka kaitho nghal. Mutna chu ka siam a, hmun khat ah chiah ka phah avang chuan mak tih hmel deuhin min en a, ka hrelo der tlat thung.

'Mu rawh'

' Khawnge i mut ve dawn?'

'I bul ah' a hmel chu a hlauhthawn hmel takzet ani.

' A theih loh' a awri chu a khur deuh a, mahse ka haider leh hmiah.

' Engmaw theih loh? Hmeichhe thianghlim ang a awmder kual kha a ngai lovang' a hma a dam tak a ka biak ang khan ka be leh tawh hauh lo.

' Sen, hetiang hian awm suh'

' Hetiang a awm tur a min siamtu I nih ang in a man I pe ang chu' tihpah chuan a ban ah ka la thut a, a te thawt a, ka fawh chilh hmiah.

Ka fawhna chuan chhanletna a hmu lo. Mahse pawi ka ti lo. Ka hmangaihna pawn a hmu chuang hleinem. Ka fawhna ka thlah duh loh tlat avang chuan talchhuah a tum chu a inthahdul ve ta nge nge. Mahse min chhanglet duh chuang lo.

Mutna ka phah ah chuan ka nawr mu a, min hnial miah lo chu mak ka ti deuh. Mahse ka chhunzawm zel tho. A mu chu zuk bawh pah chuan a hma ang ni lovin dam tak in ka fawp zui nghal a, a hmel ka en zawk chu a rilru a nat hmel kher mai. Mahse ka ti tlang tho ang.

A kawr hak chhan ah chuan a hnute khal Nalh zet chu a khawih niap niap a, ka fawhna chu ti sawn in a mit ah ka zuk fawp zawk a, a mit huh chap dan ah chuan a mittui a tla tih ka hrethiam. Ka chawl dat a, ka en vang vang a, ani erawha mit a chhing daih thung. Diktak chuan ka chakna pawh a chhuak hran lo. Tihnat ve hrim hrim ka duh vang ani.

Duat takin a sam ka chul a, ka rinloh tak in min rawn kuah ta tlat. Ka phur thar leh nghal. A hmui chu ka fawp nawn leh nghal a, min chhanglet ve ta. Hman a fawh nuam tak, mahse zei hlawl lo kha ala pangai reng. Muantea hian zei alo zirtir ve deuh lo anih hmel.

A biang ka fawp kual a, ani pawn ka beng alo seh ner ner a, ka phur ta khawp mai. A chetdan erawh chuan min ti hrilhhai lek lek thung. A hnute kawhlah chu ka hum sak a, a thaw ve ta ham ham mai. Rang zet chuan ka kekawr ka pawtthla a, a kekawr hak lai chu ka phelhsak ve nghal.

' I lungawina ang zan in ka thianghlimna chu ka hlan ang che' ka tawp dat a, a thusawi chu ka awih lo kher mai. Muantea nen khati khawpin an inzui nasa a, a thianghlim tawh lo hrim hrim.

' Dawt sawi a ngai lovang' nuihsak pah chuan a kekawrte haklai chu ka phih thla a, a bawp alo chip nghal.

' I bialnu Mapuii ang mai mai a tih theih ka ni hauh lo ania. Mahse ka hmangaih che avangin I duh chu ti puitling la, I nun atang min dahbo nghal bawk dawn nia' a hmel chu ka en zawk a, a thutak kher mai.

' Mapuii chu Iva thik awm ve. I tluk hlawl lo ani tiraw...' ka ri chawrh a, ka let hlawm tawp. Ka kap nat dan chu khawvel a tawp dawn ni maiin ka hria.

' Ooohhhh! A na em? Ka tihluih pawh ani miah lo ania' Ruby chuan rawn thut pah chuan min rawn en a, a mitmeng alh phat mai chuan min ti hamhaih lutuk.

' Malsawmtluang, I thil tih hi I hria em?' ka kap ana bawk si Ka ban zuaih a, a tawlhsawn zauh a, a nui sak zui. He mihring hi enge a hriat le?

' I Mapuii tluk tum a khawsa ka ni ngai lova, khalehchen min bum kha tawk I ti viau lo ami?' a thawmhnaw chu a chhar khawm mawlh mawlh a, tunhma a Ruby kha amah ah hmuh tur a awm lo reng reng.

' Mapuii chu enge I sawi ve sek? I bialpa Muantea nen a induhtawk a vairam a inkhawsak lai a ka lo rinawm kha min nuihzat em? Huh! Nang hi I ni bumtu leh phatsantu chu, tenawmnu' ka au ani ber tawh.

' Tumaw bumtu chu? Keimah hi maw? Ka vairam awm lai a I duhtawk a Mapuii nen in leu kual thin kha rinawmna maw? A tha vek e. U Muantea chungchang hi vawikhat pawg sawiri leh tawh ngai suh' a thawmhaw chu a ha mawlh mawlh a, ka tho thut a, a kawr hak tur mek chu ka phih pawp a, a thler nghal thawt.

' I lerh kawh duh vangin dawt a min puh hi sim ang che' tihpah chuan a kawr thler chuan ka vawm a, kutthlak lo tur in ka insum nasa kher mai.

' Nang hian asin dawt sawi chu. A tha vek e. Hlimtak in in awm dawn nia' tihpah chuan kawrhnuai lawng leh kekawr chauh ha chuan a chhuak a, haw na tur a awm dawn lo tih ka chiang a, ka umzui buai peih lo.

Ka kekawr chu ka ha a, pawnlam a motor ri ka hriat chuan mak ka ti ngei mai. Ka tlanchhuak vat a, Ruby chu motor ah chuan a lut nghal a, driver seat lam atang chuan Muantea a rawn chhuak nghal a, min rawn pan ding nghal

RUBY - 7

' Sena, iti lutuk mah mah tawh e. Ruby hnaih ah hian ka hmu leh che anih chuan i tan a pawi zawk tawh ang' hnai setsawt ah chuan min en a, a thinrim hmel kher mai. A sawi zo a, a inher hmak a, engtia tihzui pawh ka tum hran lo. Ka bul a a awm chung pawn a bialpa chu alo han pun hman tho chu ania, tlawm thlak ka ti kher mai.

Inchhung ah ka lut a, haw pawh ka chak rih lo. Mutna phah ah chuan ka mu a, ka tum ang chuan engmah a thleng lo chiang kher mai. Ka inngaihtuah nasa a, Ruby chu hnaih leh tawh loh ka tum ta zawk ani. A duh tak a nei a, a hlim chuan tawk tawh rawh se.

Zing ah chuan ka haw a, chaw pawh ka ei lo, hna kal tur in ka insiam a, vawiin hian Ruby chu ka nun atang ka thlah liam tawh ang. Mahse ka hriatrengna atang erawh a bo ngai lovang. Hna ka thlen chuan kan pu hnen ah kal in ka nawmloh chhuanlam in chawlh ka dil a, alo phal ve mai bawk a, office chhuahsan in ka bike dahna lam chu ka pan a, ka tum sa ang in zu ka lei anga, a tawpna atan ka in leh dawn ani.

Bike dahna ka thlen chuan ka phone a rawn ri a, Mapuii alo nia, ka pick up chak hran lo kher mai. Vawiin chu tuma tihbuai loh in awm ka duh ani.

' Hello'

' Nizan ah ka pum ana a, vawiin chu ka chawl. I hna ban ah lo kawi ta che. Ka chhungte mitthi ah an zin vek a' awki zang vah chuan a rawn ti a, ka tlawh kawi tur thu ka hrilh a, phone dah in ka tlanchhuak zui nghal.

Zu ka lak zawh chuan huan lam pan ka tum zet a, ka inngaihtuah harh thut. Mapuii amhin a awm a, a damlo ania, ka thian tha tak ani bawk. Va awmpui pah in an in ah zu chu ka in anga, a bulah chuan ka rilru na pawh a zia ve deuh mai thei asin. Ka bike ka turn pawp a, Mapuii te veng lam ka pan nghal.

A rinloh deuh a ka kal hma avang chuan alo ri chul a, henu bul a awm hi chu a hahdam ani. Zu ka induh thu ka sawi chuan mak min ti deuh in ka hria. Mahse nuisang chuan no min va lak a, ka lem zui nghal. Kan tit dun nasa mai a, a bulah hi chuan a hahdam thlak reuh thin ani.

No 3 vel ka in chuan ka kaitha tawh viau. Mapuii chuan zu ka in chhan min zawt a, kei a rui tawh lam chuan tap deuh teuh chuan ka sawi a, min thinrim pui ve khawp mai. Mahse thil hi a eng lam zawng hlir a la thin mi ani bawk a, kan pahnih chuan kan nui zui leh bawk bawk a, eng eng nge ka sawi pawh ka hre hlawm tawh lo. A tawp ah Ruby ah bawk ka lut leh nge nge. A harsa dawn anih hi. Mahse Mapuii chuan min hnem mawlh mawlh a, zing chaw ka ei lo bawk nen, ka tawng bual bual a, damlo awmpui e ti lo chuan ka nawi kher mai. Tawng bual bual pah chuan ka chatthla zui ani ngei ang.

Ka harh chuan Mapuii khum ah chuan ka lo mu ran a, tukverh lam kan en chu khua alo thim tawh. Tho tur a ka inbengkang tur chu ka lu ana kher mai. Chu ai mah chuan ka bul ah chuan Mapuii lo mu ve bam chuan min ti phu nasa kher mai. Ka chet tak ah chuan a rawn meng a...

' Hetah ilo mu ve alaw?' phawk zet chuan min melh a, keilah ka lo hawi hu bawk.

' Engtiklaiin nge ka mut a?'

' I chatthla a, thutthleng ah i mu a, ka kai harh zo lo che a, ka pum a nuam lo a, khum ah ka mu phei alawm' a meng a hau bawk sia, kan in en a, kan nui ta ringawt.

' Chaw ei ve nghal la, in lam va phone la, mahni chuan a nuam lo a' a tih zawm zat a, keipawh chuan ka hnial lem lo. A mu tho hmel phelh phang leh a kawrbah pan te hnuai a a taksa thla lang chu ka melh zauh a, ka khi vei suk.

Ka chhungte ka phone a, ka lu a nat deuh avang chuan ka zu in bang chu ka thli lehnghal a, Mapuii chu choka lam ah chuan rawng a bawl zui nghal a, ka zu no nen chuan ka va pawh phei a, a rawngbawlna bul ah chuan ka thu a, zu in pah chuan a titi siam siam a, ka no ka quit chuan a charge leh zui nghal mai.

Mapuii tawng siam siam chu ka ngaithla miah lo. Ka rilru ka kawm daih. Ruby ni ta se, tihian chhungkua indin tan tir ni ila..... Ka mittui a rawn hnam tep a, ka khap sak a, ka hawichhuah chuan Mapuii chuan uluk tak in min lo en a, ka nui sak a, tawng miah lo in min rawn kuah a, min hnem thiam ber dan ani aniang chu.

A rim chu Ruby rim nen a in ang chiah. A ban nel thep a min kuahna chu ka thla ati muang ve tawp. Muangchangin ka kuahlet a, Ruby ni a hriatna ka nei tlat. Muangchang in min kuahna ka thlah a, a khabe ka dawm a, ka fawp vawng vawng a, min chhanglet tha kher mai. Cooker phit ri ah chuan harhchhuak zawk ang maiin a inla hrang nghal a, keipawh chu ka harhchhuak chiang ngei mai.

' Ka tihpalh lutuk' ka ti sap a, ka inthlahrung ngei mai. Engmah a sawi lo, mahse a hmel ah chuan a haw biklo aniang. Thinrim hmel a pu lem lo.

Ka tho a, inpui lam ah chuan ka zu no thli khat tur in ka phei lehnghal. Thu chung chuan zu chu ka dawm a, ka awmdan kha mak ka ti hle mai. Hetiang lam hian Mapuii hi ka en ngai lo, ani pawn min en awm ka hre lo. Mahse tinge zu a in ve si lova, min lo dan loh?

Mapuii'n chaw ei a peih chuan chaw kan ei nghal a, a hma a thil thleng awm lo ang hmiah chuan a titi leh siam siam a, keipawh ka lo lem belh leh sak avang chuan ka ri leh suah suah tawh. Mahse ka chhungril ah chuan fawh a nawm reuh zia erawh a awm kar. Ka inthiam lo ru deuh tho mai.

Chaw eikham ah haw nghal mai a phal loh avangin leh ka la kai deuh avang chuan keipawh ka la thu khawmuang a, a pum chu nuamlo a tih deuh avangin thutthleng ah a mu a, damdawi te a ei a, keipawh rui chhia ka ni miah tawh lo. Tv kan en dun a, kan film en a tawp chuan haw ka duh deuh avang in ka va en a, alo muhil bem a, a pum chu alo dawm bawk a, ka khawngaih reuh tlat.

Ka pa ka phone a, ka thianpa a chhungte an zin sia, a nuamsam lo lutuk a, ka riahpui mai theih thu ka va hrilh a, ka dawtsawi tel zeuh chu alo awih ve mai. Mahse Mapuii hi hawsan ka khawngaih tlat. Ani pawn ka rilru nat leh lunglen lai zawng zawng in min phatsan ngai lova, ka hawsan mai thei lo.

Kan kai harh dawn a, a mut ngheh reuh em avang in a khum ah ka pawm phei a, ka mut tir a, Tv te off in kawngka te ka kalh vek a, engemaw palh a a tan a lo awm ve tur in ka zu in bang no 2 vel la awm chu lo lem pah in a khum bul a sofa awm ah chuan ka phone khawih pah chuan ka mu a, ka dawm pah bawk.

Engtiklaiin nge ka mutthilh ka hre lo. Ka hmui chu dim tak a fawh ang hian ka hria a, mahse ka mumang ni in ka hre bawk. Ka biang chu kut nel thep hian a chul a, ka harh chiang ngei mai. Mahse ka men chuan Mapuii a zak ang tih ka hlau si, ka muhil der a, ka beng lo fawh zeuh pah chuan puan min sin tir a....

' Ka duhzia che hi engmah i hrethiam ve si lova' ti a a phun sep chu ka hre reng a, a kalsawn dawn chuan ka lu chung a light off na chu a off a, a in her a, enge ka ngaihtuah ka hre lo. A ban chu ka vuan chawt a, a inring lo bawk aniang a te that a, ka pawt zui nghal. Ka awm ah chuan a rawn bei thlap a, ka zu no chu ka ban zui nghal chat.

Ka chung a bawk remlo zet chu ka en a, ka nuisak a, a hamhaih chu chetna chang pawh a hre lo. Ka ban veilam in ka kuah bet a, dinglam in rem leh rem lo chuan zu ka tlak bawk. Ka fawp zui nghal a, mahse a duh hauh lo. A tan hmun remlo zawk ka ni bawk nen, a tal tho a, mahse a nui ri hak thung.

' I ruih loh hun a i inchhirna tur engmah ka tihtir hauh lovang che. Ruby ka ni lo ani' a aw chu a ring lo nangin a fiah tha kher thung. Thinrim awri erawh a awm lo.

RUBY - 8

Mapuii chu a mutna lam ah a mu nghal a, keipawh ka mu ngawi kar a, Mapuii chuan min lo ngaizawng reng a maw? Ruby hian enge a hriat? Thil ka ngaihtuah let a, ka hrechhuak thut. RRuby hmuh ngei ka ngai.

Zing ka thawh chuan Mapuii chu ala mu a, ka hawsan nghal. In ka thlen in ka intifai a, chaw eikham veleh office kal tur in ka chhuak nghal. Office ka thlen chuan Ruby ka phone a, vawi 20 vel ka call hnu chuan a rawn chhang ve ta hram.

' Inhmuh ka duh'

' Inhmuh chhan tur kan nei lo'

' Ka ngen a che. Vawikhat chiah'

' Min sual leh duh ami?'

' Ruby, thil thleng kha pawi ka ti. Ka tihpalh takzet. I duhna hmun sawi la, ka lo kal ang'

' Tunbak min tibuai tawh lovang tih intiam rawh'

' Ka intiam e'

' U Muantea nen dine out kan tum a, Hotel Gloria ah dar 9 ah min rawn hmu ang che' phone a dah nghal a, Muantea nen ber kher.

Zan dar 9 ah chuan Hotel Gloria ka thleng a, duhlo vioau mah ila thudik ka hre duh anih chuan ka hnial thei si lova. Chhaklam tukverh bul ah chuan Ruby te chu anlo thu a, thawk la hak pah chuan ka pan nghal a.

' Ilo thleng tawh a.... enge i ei ve dawn?' Muantea chuan awki zangkhai vah chuan min lo welcome a, ka ner sak a, ka thu ve nghal. Ruby erawh chuan melh pawh min melh chhin miah lo.

' Ka puar tawh a, Ruby biak ka duh vang ania ka lo kal'

' Anih chuan lo inbia ula, pawnlam ah phone ka lo va hmang ange' Muantea chu a ding nghal a...

' A ngai lo. U Muante, i hriat ve loh thil sawitur kan nei lo. Thu rawh' Ruby chuan alo ti hmak a, Muantea pawh chu a lai kher mai.

' I sawi duh chu kan pathum awm lai hian sawi mai ta che' min rawn melh pah chuan ati leh nghat a, Muantea lah a lai, keilah ka thinrim kher mai. Min biak dan chu min ngaipawimawh lo kher mai.

' Muante, ni e. Kal bik suh. Ruby, frank tak in ka sawi ang. Mapuii khan engtinnge i bul ah min sawi?' Muantea thu tur chu ka nuihsak a.

' Chutiang mai mai hre duh chuan amah kha zawt mai la ti nia. Ka hun hlu tak hi nangni inkar sawi nan ka phal lo ania'

' Amah ni lovin nangmah alawm zawh hmasak che ka duh' a awmdan chuan min ti thinur takzet ani.

' Chuting thu mai mai a intihbuai ka duh lo ania. I duh a, i pawm a, min kawp a, nizan ah pawh i riak nghe nghe ani lawm ni? Enge keimah ah hian ila duh cheu?' a awri chu a ring lo, mahse a thinrim hle tih ka hrechiang ani.

' Sena, ka sawi ve tur chu a awm hauh lo. Mahse Ruby ni lovin Mapuii zawt zawk la, hei leh chen i ti na tawh a, a tawk tawh e. Ruby tan hian ka awm reng ang. Natna pek belh tawh lo in i thiannu kha Ruby rawn tibuai tawh lo tur in lo hrilh ang che' Muantea chuan dam dap in min tihkhum veleh.

Diktak chuan tawng ngaihna pawh ka hre lo. Nizan ka riah thu chu kei leh Mapuii bak in kan hre lo. Ka rindan chu a dik viau dawn in ka hria. Mahse Ruby ka atang hian hriat tur ka ngah tlat. Ka sawi tir ngei a ngai ani.

' Nizan chu ka riak ngei alawm. Mahse in ngaih ang khan kan awm hauh lo. Nihleh nangni pahnih hi in awmna atang in inkawp a, keihi min bum char char tihna alo nia. Chumi thup nan chuan Mapuii nen min hmehbel in tum a.....'

' Ngawi rawh. Dawt sawi reng hi i zak miah lo ami? Heta tang hian chhuak rawh. I dawtsawi ngaithla tur in hun ka nei lo' Ruby chu a aw a khur dar dar a. a hmai a sen vek bawk. Mahse ka hriat duh hriat nan chuan ka tih thinrim ngei ngei a ngai tlat ani.

' Dawt sawi chu nang hi i ni zawk lo maw? I bialpa bul ah i bialpa hlui pawh i ko ngam a, inlo inthurual tha maw? hahaha..... I ropui hle mai' ka nui lui a, Muantea chu thinrim insum tih hriat tak in min melh a, ka nuih a za kher mai.

' Dawhehpa, i tenawm thlawt e. Engtinnge tun thleng a nangmah vang hian ka lo la in hrem theih le.... Ka inzahpui hial zawk. Kal la, min rawn tibuai tawh suh. I bialnu pawh kha veng ve deuh la, in awmdun dan hi min rawn hrilh ziah a ngai lovang' a sehchilh nawk nawk a, ka plan a fuh dawn viau in ka hria.

' Tihian dawt ila sawi zel dawn ami? Mapuii hian enge i pawi a sawi? Chuti fakau a i huat tur in misual tak ani lo. Nang ang a lepchiah leh dawheh a ni ve lo ania'

' Duhtawk teh. Sena, iti lutuk ta e. Ruby hi ka bialnu ani lova, nitin zan tin i bialnu in a vau leh in awmdun dan a rawn hrilh hi tawrh theih loh hun ka nei hlauh ange. I pawi enge a sawi? A theihtawp a tlanchhiatsan che a tum pawn i um zel a, chu chu i bialnu ngei pawn a duhlo a, Ruby hian a pan hmasa ngai lo che. Mipa i nih ang in mipa tak in i bialnu kha lungawi tak in pawm ve mai rawh' Muantea chuan a rawn ti ve leh ta a, tichuan thil a chiang thawkhat viau. Mahse engtinnge Ruby rilru ka hneh tak ang?

RUBY - 9

Muantea'n Ruby nen an inngaihzawn loh thu a sawi chuan min tihahdam huai mai. Ka khi sak a, anni pahnih lahin chutia ka nui chu mak tih hmel deuhin min lo la en zui.

' Muante, khawngaihin Ruby hi lo enkawl tha la, thudik chu keimah ngeiin ka haichhuak ang. Ruby, ka chikimemuuu, ka la hmangaih reng che. Mahse reilote chhung chu ka kalsan rih che a ngai dawn a, min lo nghak ang che aw...' ka tho a, ka chhuak nghal. An hamhaih dun ngang aniange, min koh let pawh an tum chuang lo.

Pawn ah chuan ka phone ka phawrh a, Mapuii ka call nghal. Alo la rang kher mai.

' Ka lung aleng. Chhuak lawk ila' a thei dawn tih ka chiang ani.

' I lunglen chauh hian min hrechhuak a..... ummm, min lo lam rawh' inla pangchang zet chuan alo ti nghar nghar a, a hma chuan ka lak a a pangchan ve deuh te hian ka lawm thei lutuk. Tunah chuan ka ten ngawih ngawih tawh.

Bawngkawn a ka thianpa inluah ah chuan ka kalpui a, ka thianpa an khawlam a a haw lai ania, chahbi spare ka kawl ve mai thin. Zu in ka tum lo, harhfim ngei in ani thil hriatfiah vek ka tum. Thutthleng sei ah chuan a thu a, a bul ah chuan ka thu a, a lai vel mawle! Tenawm hian!

' Mapui, ka lawm takzet. Ruby engkim ilo hriattir thin hi. Ka hmangaih lutuk avang a khua ka lo hmulo kha a pawi. Min hmangaihtu nang ka lo ti na reng che a, pawi ka ti tak tak' amah kuah pah chuan ka ti sap a, a taksa rawn tang auh chu ka hre thei reng.

' Enge i sawi awmzia?' mitmeng buai nak chuan min en a, keilahin duh hmel zet chuan ka lo melh a...

' Nizan i thil sawi kha ka lo rinhlelh ruk reng thin, mahse ka chian ngam loh ania. Tinge a hma pawn min hrilh miah loh a?'

' Sen, khatin awm suh. Ruby i hmangaih zia ka hre vek a, min hmangaih ve tur in ka phut lo che. I tan a tha ber zel ani ka duh' a tawlh fuh tan ang. Mahse ala tawng fimkhur khawp mai.

' I hmangaih chu i hmangaih zia hrilh ngam lo khawp a dawih ini tihna ami? Nge kei hi i tan ka lo nelawm loh thin ami?' ka theihtawp a ka biahthu viau a ngai a, ka lo thei phian mai.

' Ni lo, chutiang lam ani lo. Sen, hetiang hian ka tan i inhawn ka ring phalo ani. Tinge a hrim hrim in tunah i sawichhuah thut a?' ringhlel mitmeng chuan min rawn en ha a..

' Nizan i thusawi kha zankhua in ka ngaihtuah hnu ah vawiin ah nang hmuh che a sawipui che hi ka ngaihtuah ta alawm. Ruby chuan min kalsan tawh a, ka tan i awm reng ang tiraw?' ka sawi zawng pawn ka luak a chhuak hial in ka hria.

' Sen, iti tak tak ami? I rilru la nat vang leh i lunglen vang mai mai a sawi ini lo maw?' a fimkhur ve hrep mai. Mahse a tlu dawn tih hi ka chiang ve tawk alawm.

' Ni love, hetiang thu sawi tur hian ka nghak phal tawh lo. Tun ah chuan min hmangaih man hi ka pe let ve zel tawh dawn che alawm' a biang ah chuan ka hmui chuan ka nul zauh a, a hlim hmel kher mai.

' Sen, ka lawm e aw..... ka nghah tang tang na che chu a chhanna ka hmu ve thei ta. Min hmangaih ve kher tur in ka beisei ngam lo che. mmahse min phatsan ngai suh aw....' ka kawng ah chuan a rawn kuah a, ka awm ah chuan a bei chial a, ka ten lutuk.

' Tehreng mai. Ruby kha lo va runluih nachang ilo hria kha ka lawm leh hnuhnawh. Engtinnge a nachang ilo hriat zawk?' a khabe ah chuan ka dawm a, duh hmel zet chuan kan nuih vel a, a mitmeng de sawr sawr chu a hlim vang ani tih a hriat kher mai.

' Sen, i hria tih i sawi ngai miah lo. Mahse kan sawi ange aw... Ruby hian a phu hlawl lo che. Muantea nen khan phia a an awmlai atang an inngaizawng tawh a, an bum ngar ngar che a, kan inkawm pawh hi a hua a, a ruk in min vau thin a, ka hrilh che chuan in inthen phah ka hlau bawk sia....'

' I chiang amaw?' nuih sak pah chuan ka lo ti vat a.

' Chiang e. Chutia min vau tak reng ah chuan ka ning ve deuh khan vawi 2 vel chu nangmah nen kan thlalak dun ka thawn a, a bak chu engmah phei chu ka sawi chuang lo. Ta tang khan an unau in min rawn ankhum vak vak zel a, khatihlai a ka rilru nat theih zia kha. I bialnu ani bawk si, hlim der kha i bul ah khan a ngai nasa thin asin' fawh cho zet pah chuan min rawn en a, a chal ah chuan ka fawp zauh a, hriatduh pakhat ka la nei tlat.

' Tak a, vawiin ah min lo call a, nizan in in a ka riah thu te ilo hrilh ani awm a, a rawn vau leh che ami?'

' Kha kha maw...... Nia, englo..... Zan ah i mutthilh hnu khan nanghi kiansan tur che in min rawn msg leh a, a hma lawk a kan infawhna kha hlim tak a mutthilhpui ka tum tehreng nen, ka mood a chhe vek a, ka rilru na deuh nen khan ilo riah thu ka sawi ve hmak a, a fiahna te min rawn dil vel a, chuan i muhil lai kha thla ka la a, ka thawn a.... A pawi em?' pangchan hmel zet chuan min en a... Thu tha deuh pah chuan amh chu ka nawrsawn a.

' Pawi lo e. Pawilo tak ani. Chuan nizan a i thusawi phei kha chu min kaiharhtu tha tak ani. Min duh ruk rengna hi i ka atang a hriat ka nghak ngar ngar a, ka nghak chhuak a, ka lawm tak zet asin. Chuan, kan inthianna chu a tawp ta a' min rawn en a, a nui sak a...

' Chuan kan lo inngaihzawn phah ta a...' alo ti vat a.

' Tichuan sawi ta lo la thudik hi ka la hre kher lovang. Hmeichhe fing tak i ni. Ka ruih lai a khawih che ka tum a ilo in ven avang khan ka lawm hle mai. Tun ah chuan i zar ah Ruby leh Muantea chu an inkawplo tih ka chiang ta hlauh a, Ruby chu an unau in vau thin zawk a...' ka ngawi dat a, a hmel ka va en chu a hlauhthawn hmel nasa mai.

' Nanghi ka bialnu i ni ngai lovang. Ka thian pawh i ni leh tawh ngai lovang. Nangmah vang a Ruby ka tihnat nasat zia hi i hria em? Ka nun thleng a a nghawng natzia te hi. I hlim em? Hetiang lo zawng hian min hmangaihna kha tilang ta la mi thenkhatte vanduaina ang hi i chung ah thleng lovin i hmangaih chu hmelma ni lovin thian atan tal ila nei thei tur. I Thil tih man chu hmelma i insiam anih hi..' ka phone chu ka la chhuank a, ka beng bul ah ka dah a...

' Duat, tikhan thudik chu a chiang ta tiraw?' inchhung kan luhtirh atang khan Ruby ka call a, ka call hma in ka tum dan msg in Mapuii insiam ka nghah chhung in ka hrilh lawk a, Mapuii nen kan inbiak chhung chu alo ngaithla ve anih chu. Loudspeaker ka on zui nghal bawk a.

' Ka lawm e. Engtinmah U Mapuii kha ti suh aw.... Ka hmangaih min hmangaih pui ve tu anih kha. U Mapuii te inkawt ah U Muantea nen kan lo nghak che u. Lo kal vat ru... Ka hmangaih che' ka hmangaih chu ka ta ani leh dawn chiang asin. Phone ka off a..

' Tho la, kal ang' min hnial eih lo. Chak tawkin ka tlan pui a, Mapuii te inkawt kan thlen chuan Ruby te chu an lo awm tawh a, Mapuii chu alo pan ding chat a...

' U Mapuii, ka haw reng reng lo che ania. Sena ilo hmangaih ve avangin ka lawm a, nangpawn hmangaihtu tha tak ila tawng ngei ang. Duhsakna ka hlan che' ati sap a, Mapuii chu ngawireng in a lut hmak a, ka hmangaih hi chu ka va chhuang thin tak em. Hmeichhe thenkhat chu ni se Mapuii kha kutthlak hrep an chak ang. Kei ngei pawn ka chak alawm. Mahse my special Chikimemuu hi chu midang te ang lo tak a thil ngaihtuah thin ani tlat ani.

AFTER 2 YEARS

' Pa-a, lo tlan teh............... Sena, Lalsen, Chikimemuuuuuu..... hmanhmawh rawh. Ka pum a na.......' kan nu awri chu a ring tha asin..... Fa pakhatna tur ani bawk a, kan chhung buai luih luih ani ber mai.

' Pa tak tak i ni ve ta e. Fapa 4kgs in nei e' nurse chu fawh hrep mai ka duh.

Ka nupui leh ka fapa chu an rawn nawr chhuak a, ka nupui chau hmel da lap chu ka en a, ka khawngaih ngei mai. Theih nise a rai ai te kha rai mai kha ka duh a, mahse Pathian ruat dan ni miau hek lo le.

Thawmdim tak in khum ah chuan ka zu mu a, ka hmangaih te nufa chu an muhil a, an va han hmeltha dun tak em! ka fapa chu ka fawp zeuh a, a nu erawh zeuh lova fawh ka tum avang in ka lei thuam ka hlip leh te te a, a harh ngei ngeina thin, a nak ah chuan ka zuk tham deuh sak a, nui ver ver in ka lam a rawn hawi a, alo muhil der chiang lutuk.

' Zan in chu Bawihtea pian hnu a a vawikhatna atan tlaivar ang' kan ti zauh a, ka nupui lai lutuk hmel chu ava han duhawm thin. A hun ah chuan a na thei ang ber in sapatal ve thin mahse tawngka a han fiam vel hian a zah hi a reh thei meuh lo chu anih hi.

' Duat, Bawihtea hming hi a nalh eeeee..... Anu hming ang a put ve i phal avangin ka lawm e aw.....' min kuah chial a, ka lo kuah let vat. A nu hi a boralna a rei veleh tawh a, Bawihtea hi a pian hma atng tawh khan a thiannu Jenny bul ah fa kan neih hun chuan ama nu hming ang chiah hi pu se a duh thu alo sawi ve tawh a, chuvang chuan kan fapa hming phuah kan sawirik hmasak ber in ka duhdan ang anih thu sawiin LALAWMPUIA tihin kan phuah kha ania.

' Anih chuan a lawmman lam hi dawn ava hun tawh ve' mit siai zauh chuan ka lo ti vat a... Nui ver ver in min rawn fawp vang vang a, tlaivar chu kan inhuam hmel dun khawp mai...

A TAWP TA..