YES

'Kan la ni em?'

'Ni lo ami?'

"A that chu...hahahaha'

He pa hian min care hlawl lo hian ka hria, mahse a lerh chuang in ka hre lo. Amah hi a careless ve hrim hrim ani. Then dawn in ka ui bawk si, bialpa nei in tih dawn in ka chiang ngam lo. Hmmmp, pawi lo, mite ang in ka hmeltha ve chuang lova, thla ven nan ka bialpa ni ve mai mai rawh se.

'Vawiin chu MC-ah min lo kalpui teh a....' wow! Thla 3 hnu ah ka bialpa nen kan chhuahdun na hmasa ber ani dawn. Inlo hria em? Kan nih hnu a kan chhuahdun vawikhatna tur!!!!!
Whatsapp msg lo thleng chu ka en vat a, 'In kawmchhak ah ka awm tawh, hmanhmawh la' sawi nawn a ngai lo, anu pawisa ka dil a, Rs.50 min pe a, rangzetin ka tlanchhuak nghal!

Naaaa, ka hlauhthawn ruk ang chiahin a bike a keng! In hria em? Ka tawi si, ka thau bawk si, eng bike mah hi inrahkhalh hmasa lo chuan ka lawn ve thei lo.

A lo nui vur vur a, ka thlan a chhuak dap thei. Ka problem hi ka sawi ngam teuh lo mai! Min nuihzat palh ang! Engtinnge ka tih tak ang?

A bul ka thlen dawn chuan ka tawi hrut hrut a, mak tih hmel deuh chuan min melh zuk a, ka bawp lam a en, Lalpa, ka thi dawn. Engtinnge ka tih dawn?

'A rahchhan hi rap hmasa la, i lawn mai dawn nia, ka chelh nghet viau ang, ka bawp a sei tho' nui vur vur chuan min melh a, ka rilru hahna a hrethiam hlauh! Mahse ka zah dan chu nangni bawpsei leh pian nalh ho hian in hrethiam hian ka ring lo.......

Ka thlan chu ka hru thuak a, tiril khur der der chuan ka lawn ve ta tuih tuih mai! Ah! Ka lawn fel ve mai nia, ka hlauhthawn dang, ka lawn zawng in kan tlu khut ang tih ka hlauhna chu a thleng lo hlauh bawk!

'Inthlahdul la, ka kawng ah lo kuah la' a kawng a kuah tur a min sawm tu ka bialpa chu a tukkhum ka melh zeuh a, lai ru deuh rut chuan kan kuah ve ngial! Ka zei hlawl lo. Bialpa hmasa ber leh chhungte ni lo bike a min phur hmasa ber tu ani miau a! Ka lai ve ani mai ani.

Mc kan thleng a, ui! Problem dang a awm leh ta! Chhuk dan ka thiam lo! Ka kar thlak chuan a sang deuh hret si, rap hmasa a chhuk kha ka tlawm la ve tum hrang tawh bawk si!
'In rahkhalh hmasa leh mai rawh o.....' naaaa, ka va zak tak! Ka lo kalpui kher kher chu ka inchhir ta vang vang ngei mai!

A bike a hun fel zawh chuan kan chhuak nghal a, a speed ala sang hrep zui! Ka bawp mil a kal ve awm hi ania! Mahse ka sawisel zak tlat. Hetiang khawp a hmeltha mipa in a bialnu atan min duh a, keiaia tha a hmuh hnem dawn tehlul nen!

A hnung a ka um ve dar dar lai chuan a rawn hawilet thut a,' Hehehehehe, ka speed in ka lo kalpui che ni maw?' nui var var chung chuan ka kut ah a kai a, ka speed in min kalpui ve ta! Nuam ka va ti hawr hawr tak em!

A thil lei tur a lei zawh chuan ka restaurant duh ber Hi-Five ah min chawlhpui a, min treat ang nge mahni ei man mahni a pek kan ti dawn ka hre si lova, Humburger 1 chiah ka chah ngam! Min treat dawn se chuan an lassi tui tak mai kha ka chah tel ang mawle! Mahse anu in Rs.50 chauh min pe bawk sia!

Ka thil ei tur chu tui nen ka hmeh ta ngawt a, kan titi dun ve a, mahse kan sawi ho rap! Kan titi mawlh mawlh lai chuan ka eitur ka helh ta pek! Tui in theihnghilh thak a 1D ho chanchin kan sawi vang vek!

'Kha, tui in rawh' ka hnung a chum dat dat pah chuan tui in tur min lo pe a, ka helh na ve hrep! Ka mittui a tling pap thei alawm le!

'Tui nen chuan a tui vak awm lo, lassi chah tel ve mai tur ania!' min ti tu chuan ka sum dinhmun mil in ka ei ani tih a hre pek lo aniang!

'Ka pawisa neih in a daih lo miau a!'

'Naaa, i van mawl. Ka treat dawn che alawm. Inngaizawng an chhuahdun reng reng in mipa in a pe tur tih pawh i hre ve nange?' min nuihzat vel lutuk chu ka ngei tawp. Mahnilo mah a zah ve naklaiin!
'A ni kher lo e o..... Thawhchhuah pek kan la neih loh hi, mahni eitur man chu mahni a pek mai tur' tifuh ka inti vah vah asin!

'Aaaaaaa, mahse vawiin chu keima sawm che ania, ka tum tur alawm.....' ka thusawi chu a hnial bik lo, nuam eeee....

'Nia, mahse i sawi si lova. Bakah kan nih hnu ah kan chhuahdun hmasak ber ania, ka ei man pek pawh ka hreh miah lo. Min care lo si' eeehhh, ka titau thar ta vel....

'Hey, i mawl mi? Mipa in hmeichhia an care in biak huam huam tur tihna ani leu. Ka thinlung ah i awm tho, a tawk' naaaa, ka rin ang chiah, a inla man tapssss......

'Mahrere se...... Kan la ni tih thu te hi nitin sawi ve la, ka bialpa hmasa ber inia, i special ka tih tehreng nen i special tawh mai mai lo'

'I ei zawh tawh kha eiman ka pe anga, pawn ah phun rawh, mi thutna tur kan ken a hun tawh' a tho nulh a, eiman a pe fel a, MC kawt, Zarkawt lam side ah chuan kan thu leh a, ka la phun chak tlat.
'Chuan tiang hi mipa style anih chuan bialpa nei lova pasal neih nghal pawp tha daih zawk'
'Naaaaa, keipawh ka bialnu hmasa ber ini ve tho. Nangpawn min good night ngai lo o,,,,keichuan morning wish ka pe ziah che o...'

''Hmmmp, i intithei anih mai chu' ka dang tawp. Dawt a sawi miau lo a, bakah ka bialpa hi ka then phal lo, a hmeltha si....

Karkhat a liam hnu chuan ka good night ta ziah a, ani pawn fb vel ah pawh min care sawt viau, khami ni a kan sawidun rah chu kan hmu ve e, kan ZEI deuh sawt....hahahaha

Karhnih a liam leh ta, kan 2 bawkin MC kawt ah kan thu leh ta vang mai. Tun tum chu lassi pawh ka in tel tawh a, mahse eitur kan ei hma khan a wallet ka check sak kher! A chhan chu a neih zawng zawng a thil min treat a tum ka hlau ani. Keipawn anu hnen ah Rs.200 lai ka dil ve tlat. Mak ti deuh mahse ruihtheihthil ah ka fihlim a, ka leng ngai lem lo a, min pe ui hran lo.

'Hmanni khan kan thupui vai a fuh ta bawk a, kan zei ve tawh tiraw?' nui vur vur a min melh tu ka bialpa chu ka va chhuang tak em!

'Nia, mahse ka hrethiam thei lo, tinge kei kher min duh? Ka thau sia, ka hang sia, ka hmui a duk si, kei aia tha an tam sia'

'A chhan chu maw........ Fb a i story ziah ah khan i zei hmel lutuk a, ilo zei leh tawp si lova, zei zir nan hman che ka tum a, mahse ka zirtir ta daih che nih hi...hahaha'

'Chuvang chauh chuan maw? Story a zei hmel hi an zei kher tihna pawh ani bawk lo. Inzirna tur pawh ka ni bawk lo, min duh chhan a ho emai, intthen ang' ka ngei thut alawm, min duh chhan hi ka story ziah vang mai mai!

'Hey, tikhan ti suh. Ihmaw, i story chhiar lo ila tun ah pawh bialnu ka nei lovang a, chuan hmangaih pawh ka la tawng lo bawk ang' ka kut chu a rawn vuan a, mahse ka rilru ana. Ka story ziah vang mai mai....

'Nih leh tunge i hmangaih chu? Ka hriat ve i phal em?'
'YES' tih pah chuan MC kawt, mi tam tak min hmuh theihna lai tur ah ngei mai chuan ka inrin hma in ka biang ah a rawn seh zeuh a....

'Nangmah, story ziah nuam ti deuh, expi ngah hmel zet, mahse zei miah si lo hi mawle ka hmangaih chu!!!"