ECCITATO - 13

ECCITATO - 13


ELTY LUHLUL AUG HNAMTE


`Ka nu, i thiltihlai hi tawpsan rawh. Anihlohchuan Spi pa nen a in nun tawp tak hi ka phochhuak ve hlauh dah ange` ka kut ka kuang kuah a, ka nu makti mengphar awk chu ka nuih sak. Ni e, Spi pa leh Noah nu hian thuruk an nei miau alawm. An in a ka mo luh lai, min huatna a tihlan hnu khan ka awm mai mai bik tlat hleinem. Amaherawhchu ka tan a hnawksak leh pawina a awm ka hre lo bawk a, engmah ka sawilang ngai lo kha ania.


`I ka bawlhhlawh tak kha chip hmak rawh` ka rinaiin ka nu chu a harsa dawn hrep mai. Ka rindan chuan khathil avang khan a zam ve mai ka ring a, mahse a hmel a buai zawk tihbak kha chu zam hmel pakhatmah a pu leh tawh lo thung.


`Anihchuan police hma ah inkhehpuam dahthatna ka sawi dawn tihna ami? Media ah abak chu a lang vek tawh mai dawn a` chutahzet chuan ka nu hmel a dang ta bawih mai. Diktak chuan risk ka la a ni. An dahthatna hi ka hre hauh lo, mahse hria ang a ka awm der a ngai ka ti mai ania.


`Enge ti tur a min duh?` harsa ti zet chuan a rawn ti hram a. A kut hmalam ah a suih a, a chet sek dan ah a zam tih ka hria.


`Ka pasal kha ka duh let a ni. Chuan kan chhungkaw chungchang hi pakhatmah i ka atang a chhuak tawh tur a ni lo. Anihlohchuan inthuruk hi puanzarin a awm ang`


`Ka fapa chu khawnge a awm ka hre bik hleinem`


`I hriat lohin tunge hre chuang ang? Ka phirpui nen khan khawnge i hren beh?` ka nu hmel chu hmuhnawm tak a ni. Diktak chuan engmah finfiahna ka nei lo. Mahse Noah kalbo hma khan thil tam tak ka chhui chhuak ve nual tlat a ni. Ka nu mai bakah nangni he story chhiartu te ngei pawh hi ala barakhaih fo dawn che u a ni.


`Nang ramhuai....`


`Duhtawk rawh. Ka pasal leh ka unaunu hi min pe let lo anihchuan he thil a inhnamhnawih ho zawng zawng hi ka chhuah hauh lovang che u` ka ti tuarh a, a tawng leh hma in ka inher a, ka chhuak zui nghal.


Gate ka pel chiah chu bang ngheng in ka ding a, ka thaw kawk kawk ringawt. Ka hma a tihtur awm tam tak chu thlawhbosan theih ni se chuan hla tak ah ka thlawk ngei ang. Mahse ka pasal leh ka unaunu ka hmuh hma chuan chawl thei ka ni lo tiherawh ka hrechiang. Tih hmasak ber tur ka hrethiam lo viau nangin ka rilru ah Micky alo lang hmasa ber tlat thung. Noah nen inthiantha tak an ni. Noah bo tak daih pawh khan min rawn be pawp hmasa ber leh min buaipui nasa ber a ni. Noah khan ka hnaih a duh lo viau nangin a duhloh chhan kha kan inkawp emaw a tih vang a ni miau a, mipa tha tak a ni tih erawh ka chiang.


`A tawp ah chuan i rawn harhchhuak ta maw?` ka hma thu mipa, Noah thianpa leh ka thianpa ni bawk, Micky nuisang chu ka en a, ka hmuh duhthu ka sawi avangin a hna atang chhuah a rawn dil a, an office piah a thingpui dawr ah chuan kan thu dun a.


`Englo ania, i puihna ka mamawh a ni`


`Ka theihtawk ah chuan ka tlanchhe lovang. Ka thianpa hmangaih hi a na hmel hmuh ka duh lo a ni` a tih chuan ka then sak a, min hmangaih emaw a ti a ni ngei ang.


`Ihhh, ka nu hi ka ring lo a ni` khehpuam chungchang hi ka sawi angem ka hre lo.


`Chuan?` a mitmeng chu a zim sawt a, ka mit ah uluk takin a en bawk.


`Englo ania, ka nu hian Noah awmna a hriat ka ring a?` ka thaw hak a, engvang a sawi nge ka nih ka hre lo, mahse he mihring hi ka ring tlat alawm.


`Chu chu engvang a ring nge i nih?` he zawhna hi min zawh ngei kha ka ring sa reng a ni.


`Ka hrilh thei rih lo che. A hun ah ila hre ngei ang. Min chhuisak turin ka duh che a ni`


`A tha alawm. Mahse i tan a hlauhawm tur engmah a awm ka duh lo ania` a tih chuan a kut ka vawn sak a, a ngaih tih that nan ka nuih sak a, tunah chuan ka thla a muang ta deuh huai e.


Kan chhungkua leh ka pasalte chhungkua chu Mizoram ti ti ber a ni tawp mai. Khaw hawi a nuam lova, mahse hmalam pan erawh ka tihtur a ni si. Khawiah emaw Noah hi tawn leh ka inbeiseina hi ti reh ka tum reng reng lo. Kha thu, apa chungchang ka hming a thehdarh anih chungchang ah khan hriat ka neih loh thu hrilh tur tal a hmachhawn leh ngei ka tum. Mahse tunah erawh a beidawnthlak tak zet a ni.


3:20pm, Kolkata Airport
.
.
.


Ka pa lung tha lo a zual a, in enkawl turin ka hna atang ka bang a, ka nu nen kan kalpui a ni. Mizoram House-ah thlen duh viau mahila kan boruak neuh neuh avangin midang zing a awm ka chak loh avangin kan inentirna tur hospital hnaih ber Hotel-ah kan lut a, sum lam ah harsatna a awm lo bawk a, 3* hotel ngei ka thlang bawk. A chhan chu ka pa hian bengchheng a ngaithei lo ti ila, a ngeih loh avangin Hotel tha thlang ka ni tlat a ni.


`Pa, lo mu hahdam ula, engtikahnge Doctor kan hmuh theih dawn tih te ka va thlithlai anga, ei chak in nei em?` kan inbual zo a, thutkhawmna an dah ah chuan kan 3 chuan kan thu a, thil kan la ei lo, ka ril a tam ru viau tawh nangin pawnlam a ei ka chak deuh avangin ka nu leh pa chuan Hotel-ah lo ei mai se ka duh a ni. Bakah chawlh hahdam an mamawh hrim hrim bawk.


`I nu hi a tam tawh ang. Va kal rawh, kan eitur chu keimahni in kan lo ngaihtuah mai ang` ka pa chuan alo ti vat a, an chauh hmel dun reuh lutuk. Nia, nizan ah kan mu tlem a, ka nu hi thlawhna chuan hlau chi a nia, ka buaipui dawn in ka pa in a kut ah a dah miau sia, ka pa a hah phah ta bawk nen.


Doctor hmuh theih hun tur ka va tifel a, ka rinaiin a awlsam phian. Bakah ka pa entir in kan kal fo tawh a, ka pa chu an lo hre viau. Tin, in entir tur a a kal thin hma pawhin he hospital hi alo pui fo tawh bawk a ni. Hotel lam a awm reng ai chuan ti in ni 2 hnu ah damdawiin lam ah in admit turin min ti bawk a, Mizo nurse thawk an awm nual bawk. A thlamuanthlak angreng phian mai.


`Rs` restaurant pakhat ah inhnawhpuarin ka lut a, mi an lo tam vaklo bawk a, a hahdamthlak. Tin hnathawkte an hawihhawm em em bawk. Mizo ten vai kan phak lohna lian tak pakhat chu sumdawnna chungchang ah a ni. An customer te nuihmel an hmuh reng thei a, an viak a tha em em bawk. Chubakah an thil zawrh ang ang te lei lo thei lo in min siam thei hi an fakawm ka ti thlawt.


`Nang maw?` ka ti sap a, ka piah lawk a Kimkimi lo thu ve chu ka hmu nghal vat.


`Enge i rawn tih dawn a?` a thutna atang a tho a, ka thutna lam a rawn pan nghal. Ka biak chak loh ber zing ami a ni ngei ang.


`Thil pawimawh ah. Hetah i awm tih ka hre miah lo` Nia, ani chu Bangalore lam ah a awm tih ka hre ve.


`Noah i rawn zawng a ni em lovang chu maw?` ka hma a chair-ah chuan a thu a, a hmel ah chuan min nuihsawh hmel ka hmu. Mahse chu aia pawimawh chu Noah awmna a hria tihna ami?


`Ni lul lo ve. A aia pawimawh a tam alawm` a hmel put ang chu ka pu ve nghal hmak. Hre chak viau mahila ka induhtawk a ngai tih ka chhungril ah chuan ka inhrilh mawlh mawlh.


`I chamrei dawn em?` kan thusawi lai chu a thlak vat a, mahse ka chhanna chuan amah ah danglamna a thlen tih ka hriatna chu a mitmeng buai nak ka hmu hman kha a ni. An rin ang mai mai a hmeichhe dawihzep chu ka ni tawh dawn bik hlek lo.


`Ka tihtur ka zawh hma chuan ka cham a ngai ang`


`Anihchu, khawnge i thlen a?` ka duhaiin a dilchhut hrep mai.


`Ka thlen na ah lo len i tum tihna mi?` ka nui var var a, chutihrualin a mitmeng erawh ka en kar thung.


`Ohh, min sawm te chuan` a nui hak a, min tal-awh tir chu a tum ve khawp mai.


`Sorry. Pasalte nen a inlaichinna ril tak nei tawh inleng a sawm chu a fuh vaklo mai thei` a mitmeng dang zawk chu ka hmu kar.


`Noah nen tunah in awmdun...` a ngawi chat a, a melhna lam ka hawi phei a, vai pakhat, lian lampang, hmeltha zet mai, khabe hmul tlem zuah lo lut chu ka hmu zuinghal.


`I sawi awmzia chu...`


`Ka kal phawt ang. I tihtur chu tluang takin i ti dawn nia. Anih phawt le` a thutna atang a tho vat a, hmanhmawh zetin a tlanchhuak nghal dawr dawr a, mak ka ti angreng viau. Kha vaipa lo luh veleh khan engvang a tlanchhuak nge a nih. Vaipa kha ka va en phei leh a, uluk zetin min lo en ve bawk, ka hawisawn rang ngei mai. He vairam, vai tam em em na ah hian ka chhungril ah hlauhna in min man zuinnghal.


Ka pa damdawiin a kan dahluh hnu chuan ka nu in awmpui a duh tlat avangin a awmpui a, mut hma chu keipawh ka awm a, mut a hun ah kan thlenna lam ka pan leh mai thin. Hetiang vairam ang ah hi chuan zanrei a awm tak tak ngai lova, engtiklaipawhin a ri luih luih  reng a, zan a kan thlenna pan pawh thil hlauhawm a ni hran lo. Micky ka han bia a, Kimkimi nen kan inhmuh thu leh kan inbiakna chungchang ka hrilh a, a phur hmel khawp mai. Ni 3 hnu ah Kolkata pan a a rawn kal tur thu leh hna chungchang anih thu te, a chamrei theih tur thu a sawi a, ka lawm kher mai. Mahni chauh a heng thil han hmachhawn chu ka huphurh ru ve tho. Bakah ka pa dinhmun tur ala hriat loh a, ka dinhmun a buaithlak phian a ni.


`Rs, kan inhmu thei angem?` Kimkimi a ni. A aw a zawi hle a, hlauthawng hmel a pu bawk. Ka number engtinnge a neih ka hre lo, mahse ka number ka thlak lova, Mizoram a rawn chhoh lai khan a nei thei tih erawh ka hria.


`Khawi ah?`


`Airport bul a Holiday Inn hotel-ah khan room no.302 ah ka lo awm ang`


`Dar engzatah?`


`Dar 4 ah. Lo tlai lo la, hun ka nei tlem ania` a tih chuan a hun ah ka thlen tur thu ka sawi a, Micky alo thleng hman dawn a, ka pa ngaihtuahawm a ni lova, hmuah ka lo tum tho bawk a, a tihzia hlauh e.


Dar 1:45pm a ni. Micky te pawh an rawn tum fel chiah a, pawn a rawn chhuah meuh chuan darkar chanve an tum atang a liam leh hman der. A luggage diklo a ak avang a a buai hrep thu a sawi a, a nui hawk hawk a, mipa kawm nuam tak a ni. Kan thil tih tur ka sawi chuan a hlauthawng deuh viau nangin a hlauhawm ka rin loh thu ka sawi ve tlat avang chuan a remti ta nge nge. Mak tak maiin Noah ka hmu dawn ni a hriatna ka nei tlat bawk. Ka thlenna hotel ah Micky pawh thlen ve nghal a pawi ti lo a, ala hma deuh bawk a, ka thlenna nen kan kal leh tumna a inhlat lo bawk nen hotel pan in kan kal hmasa ta zawk a, mahse engeinnge min mawlh ka hre lo, enthlak ni in ka in hre tlat a, taxi a kan luh dawn chuan ka hawikual a, hmelhriat ka hmu chuang si lo. Mahse himlo riau a inhriatna chuan min kiansan thei si lo, ngaih a tha lo ru tlat tawh a ni.


Dar 4 ah chiah chiah kan kal tumna kan thleng a, room no.302 -ah hotel tirhkah pakhat chuan min hruai a, an hotel chu a nuam ve pangai a ni. Room chhung kan lut chu zu leh meizial rim a nam huk a, Kimkimi chu chair-ah parh zet a incheiin alo thu zan a, a hmel a class ang aiin room chhung rim chu a chhe kher mai.


`Oooh, Micky alo tel ve a ni maw?` a lo tho vat a, Micky erawh a ner nak thung.


`Enge min hmuh duh chhan?` thu pehhel ka tum buai lo. Bakah a room chhung rim hi ka ngaithei thlawt lo.


`Hahdam ve phawt ula. In tur induh angem?` nelawm thei ang ber chuan alo ti vat a. Min rawn phone lai a a hlauhthawn hmel tehreng tunah erawh a bu ang thlapin a inrintawk hmel thung.


`Duh lo mai ang. Tihtur kan la nei a` tih pah chuan sofa awl ah chuan ka thu a, Micky pawh ka sir ah a rawn thu ve nghal. Kan luhtirh atang khan vawikhatmah ala tawng ve lo.


`Eng lo ania, naktuk mai hian Bangalore-ah ka let leh tawh dawn a, tunge ka nih chu in hre vek tawh tho a. Noah hian kan zing a tel a thlan zawk avangin rawn umzui lo la i tihfuh ka ring` a thusawiin min thawn zia chu thup buai ngaihna ka hre lo. Noah chuan anni hnen a awm hi a thlang zawk amaw? Ka awih thei lo. Anihchuan khang thuthang kha.... Lalpa, min pui lul teh.


`In blackmail lo a ni tih engtinnge kan hriat theih ang?` a vawikhat nan Micky a rawn tawngchhuak ve ta.


`Haha! A fa meuh pawh a thahsak hnu ah nupui atan mi hausa tawntaw fanu, virgin lehnghal a neih hnu a amah thah tum a beitu ni chung pawhin hmangaihna hi chu a mak khawp, ama duhthlanna ngei a kan hnen a rawn lut a ni` a tawng zawng a a mitmeng buai ve nak chu ka hmuh hmaih lo. Mahse tunah tak hi chuan ka buai nuaih tlat a ni.


`Anihchuan amah chu kan hmu thei angem?` Micky bawk chuan a ti leh a.


`Pawi ka ti hle mai. Nizan ah pawh ka sawipui ngial a, a nupui hlui... ohh... a nupui hi a hmuh peih loh thu a sawi a, a bialpa nen a hmuh phei chu a chaklo lehzual ang` a meng kal ralh a, diktak chuan kutthlak ka chak zek zek tawh a ni, mahse ka chet hma in Micky chuan ka kut ah a rawn vuan a, ka lam hawiin a nui suk a, mahse a mitmeng ah erawh thil tam tak ka chhiar hman. Keipawh ka thu tha leh ta hle hle.


`Anihchu mawle. Anihchuan divorce paper kan thawn che anga, nangin ilo sign tir thei ang chu maw? Rsi pawh dinhmun chiang a dah vat a tha ngai e` Micky chu ka en haw, engvang a chutiang thu chu sawi nge a nih? Noah chu a hmel ka hmu lo anihchuan then tumna ka nei reng reng lo.


`Mahse...`


`Tichuan Noah pawh hahdam takin a awm thei tawh anga, kan lak a inthup kher a ngai tawh lovang` ka tawng tur chu Micky chuan a pawtchat leh hmiah. Enge thil awmzia hi ni ta?


`Mahse a nupui te hian then ava la zuam hmel si loh ve` min thamlo zet a min melhna chu ka en kal a, a mitmeng a buaina ruk chu ka hmuchiang lutuk tlat.


`Engvangin? Tun a ka awmdan hi pasal then nen danglamna a awm hleinem. Inthenna chu tihfel vat a tha zawk. Ni lawm ni Mike?` Micky lam chu ka hawi a, ka nui sang bawk. Micky chu alo khi suk a, Kimkimi ka va en leh chu a hmel a buai nak nak teh e.


`A tha alawm. Min thawn ula, mahse kan va inhmu hman tawh awm love, naktuk a chhuak tur ka nia, hna ka ngah angreng sia` tifuh intih hmel zet chuan a khabe a poh vah a, a nui sang bawk.


`Oooh, a harsa vak lovang. I pasal hotel ah hian ka thleng fo a, fax a hman theih kha, fax hmangin ilo thawn anga, thawnna tur address ka lo hrilh mai dawn che nia` Kimkimi mengphawk lutuk chu hmuh a nuam lo letling zawk. Kei ngei pawh ka hamhaih vek. He hotel hi Kimkimi pasal hotel maw? Anihchuan keimah khan va kal ta ila ka dinhmun hlauhawm dan tur ka ngaihtuah a, ka tha a khur thei hial.


`Aaaa... Aww, nia, ka lo thawn dawn nia` bah nak a Kimkimi`n a tihchuan Micky thusawi dikzia a nemnghet bawk.


`Tichuan helai kan lo kalchhan chu a tawk a ni mai lawm ni?` tih pah chuan a tho a, keipawh ka kut ah vuanin min kaitho chhunzawm nghal.


Kawngka pan a kan kal chu khum awmna lam ni awm tak room pakhat kawngka inkalh lo lam a phe zeuh ka hmuh chuan ka mit a la rang kher mai. Mahse Micky chuan min chhuahpui nghal mai bawk sia, engmah sawina hun ka nei lo. Bakah mi room en ngawt tur thu awm hek lo.


`Enginnge khang zawng zawng...`


`Hna min pe a ni lawm ni?` a nui suk a, a nupui vanneihzia ka ngaihtuah. Mipa hmeltha leh fel tak a ni.


`Mahse engmah ka bulah i sawi si lova` ka thingpui chu ka in hlak a, Micky room-ah thingpui kan indun a ni.


`A chang chuan ngawih a ngaih hun hi a awm ve a. Tak tak a, ka hriatna ala rei lo, chuvang ania chawlh meuh la a helai ka lo kal. He khawpui ah ngei hian ka thianpa chu a awm tih ka chiang a ni` hla tak a melh avangin ka makti lutuk meng phawk chu a hmu lo mai zawk.


`Engtinnge i hriat?`


`Inu chungchang i sawiduh loh kha, a hma daihin kan hre ru tawh a, mahse kan hna chungchang anih avangin sawivek a remlo a nia. II nu hmang a ka thiana hi blackmail anihloh vek pawhin chhan eni lovin heti chen chen a bo lo tawp ang` Micky chuan a ti leh nghut a, chutiang zawng chuan ka lo la ngaihtuah ngai hauh lo. Khangthil avang khan min hua a, min tlanbosan anih ka lo ring ve tawp a, engkim mai hi a mak em em vek a ni mai.


`Mahse ka rindanin khang facebook...`


`I pasal khan apa diktak chu tunge anih a hriatna a rei tawh alawm. Anu avang khan engmah ti thei lovin a awm a, chubakah apa chu apa atan a duh lo bawk a, khatiang thu mai mai vang khan a kalbo hauh lovang, mipa ani tih hre ta che` a tihchuan mak ka ti lehzual. Engkim mai chu mak ka ti vel vek a ni tawp mai.


Ka pa pawh ka rinaiin a tha chak a, bakah zai a ngai dawn lo a, karhnih vel treatment kan lak hnu ah kan haw theih tur thu Doctor in a sawi chuan ka thaw huai thei. Diktak chuan harsatna in min hual vel vek ani ber mai a, ka taksa pawh hian a zo lo lek lek thin chu a ni. Ka pa riahpui a ngai tawh lo nangin doctor fel tak zar ah ka nu in a awmpui thei a, diktak chuan an dan ah chuan anmahni a zunram an thiar theih chuan inriahpui hi an remti meuh lo a, an hnathawkte an fel a, an viak a tha a, damlo an duat thiam em em bawk.  Mahse ka nu erawhchuan ka pa han kalsan kha a hreh tlat avangin kan dilna hrethiamin an riahtir ve a, ka leh awl hlauh thung.


`Vawiin chu mi hmuhtur kan nei a, dar 10-ah lo inpeih ta che aw` Micky msg a ni. A chawlh lak a zawh hun leh kan haw theih hun a inrual hlauh a, a tihzia phian.


Dar 10-ah chiah min rawn sawm a, khawnge kan kal dawn a, enge kan tihdawn ka zawt hran lo. A chhan chu helai a cham ve chhung hian mi hmuh kan ngah tawh viau, nikhat ah mi 4 te kan hmu a, zawh ngai hranpa ah pawh ka ngai tawh lem lo. Hmun pakhat kan thleng a, in nuam tak a ni. A fal raih a, a kawt a phul inohahzui chung ah chuan hmeichhe naupang pakhat leh ui lian tak hi an lo infiam a, chu hmeichhe naupang chu a hmeltha kher mai.


`In lo thleng thei amaw?` an in luh dawn varendah-ah chuan pa upa lampang tawh, hmel fai zet mai hian min lo be vat a, khawiah emaw ka hmu tawh a hriatna ka nei.


`Kan tlai em lovang chu maw. Pu ding, ani hi Rsi chu ania` makti zetin ka ka hau ringawt. Pu Dinga, ani hi Noah nen kan inneih lai khan vawikhat a rawn kal tawh a, chumi tum chuan Noah lo haw hma in ka nu in thinrim zetin alo hnawtchhuak nghe nghe anih kha.


`Ka hre tawh alawm. Ni lawm ni?` a hmel ah vai chiah chiah ni mahse Mizotawng a pai eih lo.


`Kan in ah vawikhat alo kal tawh` ka lo ti vat a, mahse ani hi engvang a hmu nge kan nih ka hrethiam hauh lo.


`Tichuan ka fapa chu a bo ta hmak ah in ngai tihna ami?` inchhung kan luh hnu chuan special room ve deuh ah kan thukhawm a, Pu Dinga nupui pawh alo kal ve a, Mizo diktak a ni bawk.


`Ni e, kan be pawp thei ta miah lova, a nupui tan pawh a hawihhai thlak viau a ni` Micky chuan alo ti nghut a, keierawh sawi mai tur ka hre lo.


`Anu in engmah a hrilh lo che u tihna em ni?` ka hawihai kual vel mai mai a ni.


`Ani kha chu keiniaiin i hrechiang zawk angc hu` Micky chu a nui hak a, Pu Dinga te nupa pawh an nui ve tho. Keiaimahin ka nu chu an hrechiang khawp ang.


`Ni dawn tak e. Ni e, anu suahsual zar a zo kual zel chu ania. Atir ah khan min rawn pan ngei a, mahse karkhat vel kan hnen a a cham hnu ah hnathawh zawh tur a neih thu sawiin ka remti lo chung min chhuahsan lui a, anu pawh hian a dang nasa a, mahse thawh zawh ngei a duhthu leh ngaihtuah lo tur a min chah hnu ah a kalchhuak ta a, anu nen pawh an inbe tho a, mipa ani a, puitling ani tawh bawk a, a hna a thawh zawh ah alo let leh ngei ang tih ka ring tlat bawk a ni` Pu Dinga`n a tih chuan ka thaw hawk ringawt. Ka nu chuan kei chauh ni lo, Mizo mipui zawng zawng min lo bum anihchu! Rapthlak lutuk!


`Enge a hna chu ni ta ang?` a vawikhat nan ka tawngchhuak ve ta. Ka rilru a awm hmasa ber a ni bawk.


`Chuzawng a sawi miah lo. Mahse a tan a pawimawh hle anih ka ring. Lungngai mahtache, i pasal hi a rawn let leh ngei ang, a hmangaih che tih ka hria asin. Kan hnen a a awm lai khan nitin i tan room ah inkalh hnanin i hming lam in a tawngtai thin a, ka fapa a ni a, a vawn tawh chu a thlah hauh lovang tih ka chiang. Mahse anu erawh kha chu ka vuan nghet zo ta lo a ni` a sawi tawp lam chu a zawi sap a a nupui chuan duat deuhin alo kuah a, nupa inhmangaih tak an nih ka ring.