MEZZANOTTED - 1

MEZZANOTTE - 1


ELTY LUHLUL AUG HNAMTE


` Tunah ngei hian ka duh ani` ka thinrim lutuk chu ka hma a dawhkan chu ka hnek chawrh a, engtinnge hetiang hian a thlen theih?


Ka hming chu Lalawmpuia a ni. ECCITATO ah khan ka nu leh pa chu inhre tawh ngei ang. Noah Lalruatfela leh Lalruatsangi fapa naupang zawk ka ni. Kum 32 na ka hmang mek a, nupui ka la nei lo. Mahse hmeichhe kawplai erawh ka nei thung, ka ngah ti ta ila Agatha tihloh hi chu ka chakna hrikthlakna mai an ni. Diktak a sawi chuan call girl changkang chi ka ti mai, ka mutpui a, sum pawh an mamawh ka pe fo thin. Agatha erawh chuan engmah a hre ngai lo thung.


` Man, buaina a awm ami?` ka U hnathawk haw lam chuan min rawn tlawh a, ani hi chu ka pa hnungzuiin Advocate tha tak a ni, anipawh nupui ala nei bik lo. Keiang erawh chuan hmeichhia a kawplawr lem lo a, Remliani nen hian an inneih har ka ring tawh lo. Keierawh ka nu nuam tih zawng tak sumdawnna lam ka khawih a, ka pa in min support viau lo mahse ka nu ka lam ah a tang miau a, kan unau ah a luhlul zawk ka nih miau avangin ka pa pawhin min hnial lutuk ngam bik lo.


` Karhmasa lam a kan contract siam tawh an rawn hnukkir alawm le` ka ti hluk a, ka duhdan ang a thil a kal loh chuan ka thawm hi ana viau zel tih chu ka chhungte hian an hrechiang khawp ang.


` Chuan?`


` Kha thil ah khan 20lacs vel ka thehchhuak tawh, chutimaiin ka chan thei lo`


` Contract ah chuan dan felfai tak a awm ang chu` ka U chuan alo ti leh hmuk a, hemi point tak hi ka sawichak loh ber a ni.


` A awm ngei alawm. Mahse thil pakhat tihsual ka nei a` ka thawhak a, ka unaupa hian min dem ngei dawn tih ka hria. Mahse enge ka tih chuang ang? Sumdawnna chu risk anih miau avangin keipawhin kha product kha risk in ka order ve tho a ni.


` Anihchuan a tha zawk chu ti mai ta la` huiham! Thawpik a ti zual.


` Thei ni ila chuan ka ti ngei ang` ka ti nghut a, enge ka tih dawn ka ngaihtuah that ngei chu a ngai dawn a ni.


` Ka lo nghak dawn che nge?`


` Agatha kha dinner eichhuahpui ka lo tiam tawh a`


` Ok, ka lo va kalsan ang che. Taka, naktuk kha Pa Puia birthday ania, inpui lam ah chaw ei a ngai dawn tih kha theihnghilh lo la` a ti nghut a, inpui lam kal hi ka U hian a peih tehchiam lo tih ka hria, a chhan erawh ka hre hauh lo thung.


` Aw le. Ka rawn haw tlai pawhin ka pa bulah min lo sawisak la` hei hi chu kan unau tihdan fo a ni. Ka pa hi a strict viau a, mahse a friendly em em tho. Zan chhuah rei hi min khak fo a, ka U in min chhan fo thin. Kum puitling ni tawh mahila ka pa a ni miau a, a thuzawm chu kan hna a ni.


` Rawn inhnem tawh lo la` a nui suk a, ka pentawng thinchhia hi min hmu zing em a, ka chhuah dawn chuan inhnem lo turin min chah fo thin a ni.


AFTER 1HOUR....


` Babe, zanin chu chhuak lovin room la mai ila` ka bul a pangchang tak a thu ka bialnu chu ka en zuk a, room lak hi kan tih than fo a ni. Sex ah kan inmil em em a, hmeichhia in a tihtur zawng zawng hi a thiam vel vek a ni mai. Ka hne ngai lo a, ani phei hi chuan hne a hnekin a vawrtawp thlen zawh chiah pawhin tihleh a inpeih nghal at thei. Mak ka ti ru fo thin nangin engmah erawh ka sawichhuak ngai lem lo. Sawrkar officer a ni a, drinks hi a in tam lo nangin a inchhun erawh chuan sex hmanpui a nuam viau zel, a hot thei miau a.


` Ok, mahse zinglam ah ka chhuahsan hma che a ngai dawn ania` ka ti sup a. A chhan chu zingkar ah ka pa in min hmu lo anihchuan hremna ka tawk ngei ang.


` Chumi hma in ka ril a tam tawh lutuk` a ti leh nghat a, a han thlek no kual vel dan hi chu a hnehsawh ve thlawt. Keipawh hian a hmel, a zeizia engkim hi tha ka ti ve thlawt bawk. Min duh viau tih ka hria, keipawhin ka duh viau, mahse ka hmangaih em tih erawh ka hre hauh lo. Ni lo, nupa nih hma chuan hmangaihna hi a awm ka ring lo bur.


` Kal ila` tih pah chuan ka thutna atang chuan ka tho vut a, amah pawh ka kaitho zui ve nghal. Ka dawr piah lawk ah hian Hotel lian ve tawk tak a awm a, a neitu hi hmeichhia a ni. Min be tha thei viau a, a chhan pawh ka hria, mahse beiseina ka siamsak ngai lo. A chhan chu a hnute a lian tawk lova, a incheina lah ka duhzawng ani ip ep lo. Mahse hmeichhia, mahni lu zo ve tawk tak erawh ani tih ka chiang viau thung.


.


.


.


` Bawiha, ipa in a khak leh hma che hian i nundan hi sim then ve deuh teh` in ka luh rual chuan ka nu in min lo khak hlak a, ka hawi kual zuk a, ka pa ka hmu mai lo.


` Khawnge ka pa hi?`


` Ipu te in lam ah a phei anih kha. Han intifai la, vawiin chu i U pawhin chawlh ala a, nangpawh hna kalsan in i pu te in lam ah ilo phei ve a ngai dawn ania` a ti leh hlak a, ka va peih lo ber mai tak! Diktak chuan hna ka ngah lutuk, mahse ka U zawk pawhin chawlh a lak meuh chuan keiin hna lo thawh a tihchi hauh loh tih chu ziak loh dan ah ka ngai hmiah.


Ka khum ah ka let tawp a, nizan lam ka chet nat deuh avangin leh ka lem hnem hret avangin ka zawi kher mai. Agatha bula ka awm hi chuan sex hi chinlem ka nei thei ngai lo, ani lah inpeih at reng bawk si. Diktak chuan indanna hmang lo ta ila a rai zing tawh viau in ka ring, mahse nupa nih hma a fa pai erawh a tum hauh lo thung. Lo pai ta se ka nei ngei ang tih erawh ka chiang! A chhan chu ka nu leh pa in an tu chu fahrah turin an remti dawn lo tih chu sawi kher ngai lo a ka hriatchian a ni.


` Hey, nizan i che leh viau ani maw?` ka U aw-ri ka hriatna lam chu ka thle phei zauh a, ka khi suk ringawt.


` Drawer-ah khan damdawi ka dah, min lo lak teh` ka ti nghut a, anipawh chuan min lo laksak pah chuan ka khum ah chuan a rawn thu ve nghal.


` Vawiin chu chhungkim laiin engemaw puan tur ka nei a` ka U chu ka en vut a, ka rin hi a dik ngei bawk ang. Ka nu a upa tawh a, a fate lah hmeichhia kan awm bawk si lo, awmpui nei tho mahila ka nu hian fanu tak tak a mamawh a, bazar kalpui tur te, ti ti pui tur te, pangpar khawih pui tur te a mamawh ve tawh. Remliani chu kan mo ni turin a tha tawk viau tih pawh ka hria, a chhan chu vawi 2/3 vel alo leng tawh a, ka nu mil zawng tak a ni.


` In puklawk ami?` ka khi suk a, ka U rum nghat ah chuan ka thusawi chu a lawm hran lo tih ka hria, mahse fiam hi nuam ka ti ve tlat thin. Bakah eng ang pawhin chhaih fiam thin mahila a nau ka nihna vang hian min dimdawi thiam em em reng thin. Mipa mah ni ila kan inkawmngeih ve viau. Mahse kan nun duhdan erawh a in ang thak lo thung.


` Nang ang vek hi mipa kan ni lo ania. Nangpawh Agatha hi hetiang ringawt hian ti lo teh, tha takin nupa ah insiam ula, chunglam remtihna thlap in awmdun zawk teh u` ka thaw hak a, he thu hi min hrilh fo tawh thin, nei hlei lo, nghei hlei lo a ka awmdan avang hian min zilh zing viau, mahse ka thluak bur ala thleng pha lem lo thung. Nupui neih tumna ka nei hran lo a, ka nun hi tawk ka ti viau bawk.


` A ngai te in. Chuan, engtiknge in ruahman deuh?`


` Kan duhdan chuan thla thar ni se kan duh a, a birthday ni a inneih hi alo dream ve thin ania, chumi atan chuan ka pa te ka nawr a ngai dawn a` a aw a zamna awm ve chuan ka nuih a ti za viau, a chhan chu ka U hian ka hmuh theih ah zam hmel a put ka la hre ngai tlat lo.


` Wow! In va hmanhmawh si ve. Lungngai suh, i nau ka awm alawm, ka pa chuan a hnial che leh i nupui man tur chu ka va dah mai ang` nui hawk hawk a ka tih chuan ka lu ah a rawn nem zauh a, ka pa in a hnial dawn lo tih erawh a hrechiang tu ve ve kan ni thung. Ka nu leh pa an phur viau ang tih hi ka hnar awmna ka hriatchian tlukin ka hrechiang. Kum 30 pel ve ve tawh fapa min nei a, mo hmel hmuh an chak viau tawh tih ka hria, keimah ah erawh beiseina an nei sang lem lo, ka nun duhdan hi an hre ru ve tho miau alawm le!


.


.


.


` Kan mipa pahnih an lo thleng e` Jenny, Puteliana fanu chu a au chul a, ani hi ka nu U mipa fa a ni. Puteliana ti in ka nu U hi ka ko a, ka U erawh chuan Pa Puia a ti thung. Kan kohdan in ang lo mahse ka nu U anihna a bo chuang lo. A nupui erawh ka ngaina hran lo, a chhan chu a tawngkam hi a tha ka ti hrat thin. A sualna sawitur erawh ka hre hauh lo thung.


` Hey, nula lerhnu, ilo dam maw?` ka koh thin dan ka sim thei lo. Bakah a dik miau, a lerh ve zia ka hria, mahse a nu leh pa tan erawh fanu tha tak a ni ve tho ang.


` Hmela, ngawi mai teh. U Mam, he mihring hi zilh teh, mi zing ah pawh min koh duhdan hi a sim duh der lo` in ti pangchang tak chuan ka U chu a ban ah a kai a, ka U erawh a insangmar at thung. Ka hriatthiam loh fo chu Puteliana te chhungkaw bul a ka U mizia a danglam ziah hi a ni. Puteliana tak hi chu a nel a, mahse a nupui fanau te erawh a ngaina lutuk lo ni in ka hria.


` Lerh lo la a ko tawh lo che a ni mai` a ti nghut a, Jenny lungawi lo hmui ti pawrh chu mit ka lo siai zauh thung.


` In lo thleng ta maw? Vawiin chu ei siam chawp lo in i Pitei`n catering mai a rawt a, chhungkua a ti ti ho na hun kan nei thei dawn a ni mai` Puteliana chu sitting room atang a rawn phei a, a hmel a nung surh bawk.


` A that hlauh chu. Rawngbawl hi ka ning ania` Jenny chu ka melh kawk a, hmeichhia lehnghalin rawngbawl a nin thu a sawi chu ka ei vak lem lo.


` Lo phei ula, i nu te pawh pangpar an khawih leh tawh kha. Hmeichhe ho hi chu ka hrethiam thei lo, pangpar man ah insen an hreh lo lutuk hi` Puteliana bawk chuan a ti leh hluk a, ka nuih alo za kher mai, a chhan chu ka pa pawh hian ka nu hi a sawisel ve fo thin tlat a ni.


` Pa, ka U hi alo la haw lo ami?` Jenny chuan alo ti leh zat a, U mipa pakhat a nei a, a sual em em bawk. Hnathawk a chhawr tlak loh, chaw ei rual pui theih loh, rui nileng thin a ni. Mahse keichuan a thatna lai ka hmu ve tlat, a rilru a chhe tlat lo. Kan chhungkaw zing ah min ngaina ber a, ka U a zah viau thung. Anu hi a hlau miah lo thung. Diktak chuan kan chhungkua hi a chhungkua aiin a ngaina zawk emaw tih tur in a awm fo bawk.


Jimmy pawh chawhnu lam ah a rawn haw ve hlawl a, a hmel ah rui viau hmel a pu lo, bakah ani lo ang takin a thawmhnaw hak pawh a rawn pangai ve thlup bawk. Sitting room lam ah kan lo awm a, ka nu leh Pitei erawh inchunglam ah an la awm thung.


` Hey bro, engemaw tihtur ka nei a, ka zing chhuah a. In dam maw?` ka bul ah a rawn thu a, apa te erawh a en miah lo thung.


` Dam alawm, nang?`


` Ka tha. Room ah ka han chho lawk` tih pah chuan a tho zui nghal a, a hmel a phurna awm kha ka hmuh hmaih lo. Eng chuan nge chuti tak a phurna pe ang? Ka lo ngaihtuah ve chiam a tulna ka hre lo.


` Jenny, ka nu te han ko la, i U alo haw tawh bawk a, thil sawikhawm lawk ang u hmiang` ka U in a tih chuan ka lo khi suk a, mahse min hmu lo der hmak thung.


.


.


.


` Englo, vawiin hi ka pa birthday anihrualin in hnen ah engemaw sawi ka duh a` ka U hmel chu a thutak ngang mai. `KA PA`


`Puteliana zawk` ka lo ti zauh.


` Ohhh, he thu sawi ngai hi ka naute bulah ka inthlahrung em em. Bawiha, ka pa a ni` ka U in nghet charh a a tih chuan tupawh mai chu kan hawi phawk a ni ber mai. Ka U chu a tho a a ni em lovang chu maw?


` Mama...`


` Ni lo, Nu, engkim ka hre vek tawh. Ka pa ani a, tinge ka Pa Puia anih reng bik ang? Ka pa, piancham chibai le` ka U chuan Puteliana lam hawiin a kut a phar chhuak a, tupawhmai chu akn hamhaih tlang a ni e.


` Ka lawm e` Puteliana chuan a lo chibai let ve a, a ngaihna ka hre lo.


` Enge thil awmzia?` ka ti chhuak hrawk. Ni e, ka U hi Puteliana fapa a ni lo, ka U a ni.


` Bawiha, i hriatthiam a ngai. Nakin ah ka hrilhfiah thei ang che. Chuan, nupui neih ka duh a, thla thar ni 17 hi inneih ni atan kan duhdan ania, ka pa te, inremtihna ka dil a ni e` ka u chuan ka pa zawk chu a en a, ka pa chuan nui var var in a lu a bu a.


` Harsatna a awm lovang`


` Ka U, ka lawmpui che` Jimmy chu a rawn dingchhuak a, ka U chu a rawn kuah a, nidang ah chuan Mama tihin a ko a, tunah erawh ka koh ang in a ko ve ta. Mahse ka hrethiam thei chuang lo.


` Bawiha` ka U min au tuarhna chu hre mahila ngawirengin motor ka ti nung a, khawnge ka kal dawn ka hre lo, mahse boruak thianghlim ka mamawhin ka hria. Ka hmalam ah ka tlan ngat ngat a, khawpui chhung ka tlan pelh tawh hnu chuan hmun pakhat, thing daihlim dap hnuai ah chuan ka ding a, ka car chhung a whisky ka dah chu ka la chhuak zui nghal zat bawk. Ka thuhriat khan min thawng a, ka zawhna ni se ka duh ang chhanna ka hmu hek lo, ka zu um ken chu ka khiat pawp a, ka rum chhuak hak bawk. Ka phone chu ri reng mahse chhan ka tum hauh lo, a chhan chu in lam atang bak phone call a rawn kal dawn lo tih ka chiang. Ka staff te hnen ah family program a awm thu hrilh in min tibuai lo tur in ka chah lawk tlat a ni.


` Hey` chu aw-ri lo chhuahna lam chu ka hawi vat a, hmeichhe pakhat, chauh hmel zet hi suitcase lian vak lo, tha vak tawh lo nen hian ka hma lawk ah chuan alo ding a, tunah rih chuan tumah ka mamawh loh lai tak a ni.


` Enge i duh?` ka aw ah chuan nelawmna pakhatmah a awm lo.


` Enteh, khawngaihin Aizawl Venglai ah min hruai thei angem?` a hmel chu a ti dai a, khua a thim lek lek tawh, tunang hun ah kan veng ah enge tih a tum?


` Min lo hrethiam la, taxi in kal mai ta che` a hmel chu a lainatawm viau nangin tun dinhmun ah chuan khawngaihna ka tlachham viau a ni.


` Ih, englo, taxi fare a to lutuk a, ka pawisa neihin a daih tawh lo a, nakin ah ka pe leh mai ang che, khawngaihin` a aw ah chuan dawt a sawi ka ring lem lo, mahse ka mawhphurhna a ni lo tih ka inhrilh nawn hmiah thung.


` Tunah tak hi chuan tumah ka mamawh lo, hei hi la la, taxi chu lo chang mai rawh` tih pah chuan ka wallet ka phawrh a, Rs.500 chu a kut ah ka hmehbel a, ka hawisan nghal hmak bawk.


` I pawisa hi ka mamawh hauh lo` tih pah in ka bulah a rawn kalphei a, pawisa chu ka kut ah a rawn hmeh bel a, a kal zuinghal hmak bawk. Pawi tihna pakhatmah ka nei lo, tikhan buaina chu a kiang a ni mai.


` Hello` Agatha a ni. Ani bulah hian awm ta ila, ka rilru buaina tireh turin chet a la thiam leh ngei ang.


` Babe, mahni in ka awm a ngai dawn a....` a sawi tum chu ka hrechiang khawp mai. A nu leh pa an zin a ni ngei ang, Kan tihfo dan angin ka riak lut leh anga, kan pahnih chauhin khawvel hurna sual ah tlu lutin a rapthlak leh uar thei ang berin nuam kan chen leh dawn tihna a ni mai. Ka ngaihtuah zawng pawhin ka then ve suk thei.


` Zanin chu uar chin awm lo in aw niang` ka ti sup a, a nui ri ah chuan hurna a kengtel tih pawh hrilh hriat ka ngai hauh lo.


Ka thinurna dahtha in Agatha nen a nuamchen tur chuan ka motor ka ti nung a, ka tlanchhuak zuinghal. Thui pawh ka la tlan hma in kha hmeichhia bawk kha chauh hmel tak a a kal hnak hnak chu ka va umpha a, taxi lakna tur ka pe a, mahse a duh miau loh avangin amah leh amah lo inngaihtuah ve mai rawh se tih rilru pu chungin ka tlan pel hmak a, mahse thui ka tlan hman lo, kawngsir a mipa rual zu in khawm ka hmuh chuan ka ding dat a, an rik lung lung dan ah kha hmeichhia khan buaina a tawh ngei ka ring nghal. Ka motor chu ka back lehnghal a, khua a thim pangai viau tawh bawk.


` Rawn lut rawh` a bul ka thlen chuan ka ti nghut a, min rawn en zawk a, kan piah a mipa rual thawm chu a hre phak a ni ngei ang, engmah sawi lovin a rawn lut ve nghal a, ngawirengin ka tlanchhuak zui nghal hmak bawk.


` Tah hian taxi chang la, Rs.70 in i thleng thei ang` tih pah chuan motor ka ti ding a, taxi stand bul chiah a ni bawk.


` Ka lawm e` tih pah chuan a chhuk zui nghal a, en let tawh hauh lovin ka tlan liam zuinghal.


Agatha te in ka thlen chuan alo reh thiap a, ka tan thil thar a ni hran lo. Doorbell ka hmet a, kawngka kalhna inhawng ri rak ah chuan ka thaw hak a, kha hmeichhia kha ka mitthla ah a rawn lang zawk bawk.


` Hey babe` kawngka a Agatha ka hmuh rual chuan ka khi suk a, thawmhnaw mumal a inbel hauh lo. Engvang a he hmeichhia hi hur em em reng nge anih tih ka ngaihtuah zawk a, mahse ka milpui tak a ni tih ka rilru ah a rawn lut zuinghal bawk.


` I hot lutuk` tih pah chuan ka lut zui nghal a, inchhung chu a rimtui kher mai. Ni e, heti ziah hi alawm a nu leh pa zin hlan a kan awmdan thin chu. Thawmhnaw kan mamawh lo a, zankhua in mihring khawsakin kan khawsa ngai hek lo. Video in la ta se porn movie nen kan danglamna mang a awm lo, chutihrual erawh chuan a mualpho na tur in ka ka hi ka la ang ngai eih lo thung. Ka mamawh min pe a, a mamawh ka pe bawk a, kan induhtawn a, a tawk viau a ni.


` Shower hmasa dawn nge thil ei hmasak i duh?` no zet chuan min melh a, a underwear chung a kawr pan te, engkim lang tlang thei a hak chu a pawt kau zauh a, chutia a tih chuan ka mipatna hi a tho ngei ngei tih a hrechiang lutuk tawh tlat.


` Ka ei hmasa che anga, chumi zawh ah dinner kan buatsaih dun thei ang chu` tih pah chuan ka lam ah ka pawt hnai salh a, ka mal leh ka mal inkar ah a bawp a rawn rawlh zat a, ka mipatna khauh tang tawh chu a khup chuan a rawn si nghal a, he nu hi chuan ka duhdan engkim a hre hneh lutuk ringawt.


Sitting room chhuat ah kan duhtawk a kan chet zawh meuh chuan ka ril a tam ve ta. Engmah inbel lo chuan ka tho a, amah ka kaitho nghal bawk. Kitchen lam ah kan inzui phei a, eitur chu chhuanlum bak a ngai tawh lo. Thil ei na chu a tifel a, keierawh shower nei tur in a room lam ah ka luhsan zui nghal. Ka phone ka off hmak avangin naktuk ah ka pa nen kan inhau nasa khawp ang tih ka chiang, mahse pawi tihna pakhatmah ka nei lo. Ka U ka ngaihtuah a, ka na nawn leh zawk. Ka zawhna kha chhang ta se tiang em em hian ka awm hauh lovang. Ka mit ka chhing a, khanu hmel kha a rawn lang zui nghal zat bawk. Ni lo, ka hriat ngai hmeichhia pawh ni lo, hot bawk si lo chu ka bialnu hot zet, ka duhdan engkim hre tu, hna tha tak nei bawk bul a ka awm laiin khanu kha mitthla chhan tur ka nei hauh lo.


` Babe, ka lo zawm ve dawn che em?` kawngka ah chuan alo ding vang tawh a, ka nui suk a, shower hnuai ah chuan ka duhtawkin ka bialnu chu kan sawh te leh tak hawk hawk kha.


.


.


.


` Lalawmpui, min rawn zui rawh` in ka thlen rual chuan ka pa ka hmu hmasa ber. A hmel ah chuan thinrimna aia nasa a sawi dan awm ta se chutiang vel chu anih ka ring.


` Enge i hriat duh?` ka pa chuan min en ran a, keierawh ka nui lui hak thung.


` Engmah` a vawikhatna atan ka pa kalh zawngin ka chhang ve ta. Inchhirna erawh ka nei hauh lo thung.


` I rilru ana mai thei. Mahse i pawm a ngai, i U hi kan fa a ni lo`


` Buaina ka nei lo`


` Lalawmpui, ka thusawi hi....`


` Ni lo e, ka pa, puitling ka ni ve tawh, in duh chu zep ula, min hrilh kher a ngai lo` tih pah chuan ka inher vut a, kawngka a ka nu lo ding chu ka kal pel a, ka room lam ah ka lut zuinghal.


` Kan inbe lawk thei angem?` ka room kawngka a ding ka U chu ka en a, ka rum nghat thung.


` Nimin khan ka hrilhfiah hman ta lo che a`


` A pawi lo`


` Ni lo, a pawi. I U ka ni reng dawn, mahse min puih ka ngai dawn a ni` ka U chu a thaw halh a, ka va en a, tiang em em a ka U hmel ngui chu ka la hmu ngai hauh lo.


` Sawi la`


` Ka nu, min hringtu ngei mai thlalak hi ka pa in ah sawn tarchhuah ka duh`


` Chungte chu a harsa hleinem` ka lo ti liam puat a.


` Ni lo, Nu Muani sawn a duh lo a. Ka nau, engkim hi ila hre dawn. Chu ka thil duh avang chuan chhungkaw indona a thleng ngei ang. Chumi hun ah chuan ka nu leh pa hi i venghim ang tih min tiam ang che` ka U chu ka en a, a fiamthu hauh lo. Mahse engvang a chu thil vang a chhungkaw buaina thleng tur nge anih ka hrethiam hauh lo thung.


` Min hrilhfiah deuh thei em?`


` Nu Muani saw min haw em em a, ka nu pawh kha a haw tak zet. A chhan ka hre lo. Ka nuapan lai atang tawh hnawk min ti em em a, ka nu leh pa leh midang hriat loh hian vau ka tawk fo. Ka puitlin hun hi ka nghakhlel viau thin, mahse mak tak maiin Jimmy hian min ngaina a, anu thil tihdan hi a hriat ve vek avangin vawi tam tak ka bulah a tap thin, mahse amah hringtu anih miau avangin a tan a harsa viau thin a ni. Enge a duh ka hre lo a, mahse ka duh chu ka nu thlalak hi saw in ah sawn tarchhuah ngei ka tum a, chumi atan chuan engpawh ka huam dawn a, engpawh ti ila, engpawh thleng se ka lam i tang tlat ang tih min tiam rawh` ka U chu ka en a, a ti mai mai lo. A hmel ah tawrhna nasa tak ka hmu bawk.


` Tual hial pawh thah ngai se i tan chuan engpawh ka huam ang` a kut ka vuan a, chu chu ka chhe chham thil a ni. Ka hlawhtlin tir reng bawk ang.