VBR 2 (FULL STORY)

VBR 2 - 1
ELTY LUHLUL AUG HNAMTE
.
Ka hming chu Loretta Lalmuanpuii a ni. Ka nu leh pa chanchin chu VBR Part-1 ah khan in hriat nual tawh ka ring. Keihi an fanu neihchhun ka ni. Tunah hian kum 25-na ka hmang mek bawk. Ka pa sumdawnna ka enkawl ve lo a, school pakhat ah zirtirtu hna chelh in ka awm mek a ni. Ka thawhna hmun hi Aizawl a nih loh avangin keimahin in ka luah ve a, ka thawhna khua chu Lunglei a ni.
.
" Bawihi, naktuk hian i pate Larson-a fapa i awmna lam ah sumdawnna chungchang ah a rawn zin dawn a, hotel an bia a, ruak mai alo awm tawh si lova, ilo mikhual mai thei ang ka lo ti mai a" ka pa in phone atang a a rawn tih chuan ka ner swk mai. Mikhual neih hi ka peih lo. Diktak chuan mahni in ka awm thang lutuk a, thian pawh ka nei lem lo. Ka hnathawhna a ka thawhpui, Tetei chiah hi thian ti a chhal theih ka nei a ni. Ani erawh thian zawng zawng a thian tha ber anih ka ring.
.
" Paaa..."
.
" Ka hria alawm. Mahse i unaupa a ni a, chuti ngawt a baihvai in kan siam thei lovang" ka pa hi chu a mak thin mange!
.
" Tourist Lodge te, Circuit house te pawh a awm a... Bakah Lunglei Hotel zawng zawng a khat vek awm lo emai" ka ti leh hram a, mahse ka pa chuan a thu a ti tlang dawn tih erawh ka chiang em em tho.
.
Ka hna ban chuan chawhmeh ka lei kual a, ka phone rawn ri chu ka pick up a, ka mikhual tur anih hmel.
.
" Hello"
.
" Loretta i ni em?"
.
" Aw, ni e. Tunge?" ka tawngkam hi a ngaihnobei chiam thin lo.
.
" David ka nia. Khawilai tak ah nge i awm?"
.
" Anih chu. Lunglei Venglai, Bazar bul a building hring lian deuh, khami bul a Pu Zakhama in kha. Mi zawt la an hre vek ang"
.
" Ok. Kan inhmu vat dawn nia" tih pah chuan phone a off zui nghal daih a, polite lem loh hmel khawp mai.
.
David hi ka naupan lai a ka hmuh bak ka la hmu leh miah lo a, a chhan chu ani chu Mizoram-ah lehkha zir ve hek lo. Alo haw lai lahin ka hmu ngai chuang hek lo. A bul ber chu chhungkaw inhmuhkhawm tih vel ah hian ka tel ve ngai tlat lo a ni. Ka nu pawhin min tur nasa viau thin a, mahse ka peih lo a ni tawp mai. Chhungkua ah pawh hriat hlawh lo bik ka ni reng bawk. Ka U mipa, Mama erawh chu tupawh a ngaina a, tupawhin an ngaina bawk. Unau ve si ah chuan chhim leh hmar ang hlauh kan ni.
.
In ka thlen chuan kan in kawt ah car nalh zet alo ding a, ka en hu hu pek. Nia, two wheeler aiin keichuan four wheeler hi nalh ka ti zawk fo thin. Mahse ka pa in ka thawhchhuah ngei a lei tur a min tih avangin scooty ka la khalh ve bauh bauh chu a nia.
.
" Ava hmuhnawm awm ve" ka scooty chu ka tlukui teuh kher mai. Thawm lo chhuahna lam ka hawi chuan car bul mai ah chuan mipa lian thelh thawlh, hmel pa zet hi alo ding a. A hmui bul a khuavang atang chuan tunge tih erawh ka hre nghal thung. Kan nauan lai khan nalh ka ti thei em a ni. Khatihlai khan ani erawh tlangval a hre tan tawh a, keichu nu te hnung ngheng a la bawk ngiai ngiai rual lek ka la ni. Anih chuan ani chu kum 30 tam lam chu a ni ve tawh tihna anih ber chu.
.
" E, ilo thlenna a rei tawh em?" lai zet chuan ka ti vat a, a car ka en hu hu lai kha min hmu ngei ang. Engtinnge amah kha ka lo hmuh loh theih zawk le?
.
" 10mins vel bak ala liam lo" a ti nghut a, a ngainatawm fahran hmel loh kher mai. Chutah min la en kul zui.
.
" Anih chu. Chawhmeh ka lei kawi leh lawk a. Lut ila" tih pah chuan ka scooty chu ka hung rem a, ka inluah lian lo ve tak lam chu ka pan zui nghal. KA hnung a thawm ah chuan min rawn zui ve nghal tih pawh ka hre thei mai. Ka pa kher kher hi chu ka haw ngawt mai. Pa Puia chu ni se ka ngaihdan min zawt hmasa leh awm sia.
.
Inchhung kan luh chuan ka thil khai chu chaw ei dawhkan ah ka dah a, ka hnung a rawn lut chu va en lo mahila a lian tih chu a huhang atang a hriat theih vek.
.
" I bungrua chu sawlai room ah sawn dah mai la. Ka in hi a lian lo khawp a, Pa Lar-a bul ah i vui loh hram ka beisei" tih ah chuan nui sangin a room tur lam chu ka kawhhmuh a, a nui ve suk mai.
.
" Ka rawn tibuai viau dawn che a ang khawp mai. Min hrethiam aniang chu" tih pah chuan ka kawhhmuhna lam room chu a pan ve mai a, bungrua a neih lem loh avangin engmah han khaisak ngai a awm lem lo.
.
" Lehlawks, car khu khawnge ka dah theih ang?"
.
" Inneitu ka lo bia anga, garage ah i dah ve thei mai ang" tih pah chuan ka chawhmeh lei chu ka la chhuak a, rawngbawl ka chak lo kher mai. Mikhual neih ka peih lohna akhat chu mumal tak a rawngbawl ngai hi a ni.
.
Rawng ka bawl mawlh mawlh lai chuan David chu a room atang a rawn chhuak a, a inthlak tawh bawk a, a thawmhnaw hak chuan a tilang lian lehzual ngei mai. Pa Lara tlangval lai a chhun an ti fo a, Pa Lara hi a tlangval laiin a chhelo ngawt in ka ring ta.
.
" Enge ka lo tihpui ve ang che?" tih pah chuan chair pawt chhuak in ka behlawi hnah then lai chu a rawn thian ve nghal a, a uap a na hrep mai.
.
" Engmah lo tih a ngai lo. I inbual duh lo ami?"
.
" Chaw eikham lam ah le. Chuan, ilo nula ve tak tak tawh anih hi. I thawhna lam te a nuam em?"
.
" Nuam a ni mai. Eng chungchang ah ber maw ilo kal a? Ka hriat ve chi a ni em?"
.
" Aaaa, Lunglei ah hian sawrkar in office thar sak a tum a, chumi chu ka contract dawn a, office dawr tur in a ni ber ang chu" a tih chuan ka meng phar awk mai. Contractor a ni tih ka hre miah lo. Company lian ve tawk tak a nei tih chu ka hria, mahse eng lampang nge ka hre hauh lo bawk.
.
" Anih chu. Chu, tlangval hausa i ni tihna ni maw?" ka tih chuan a nui hawk a, a thiltih lai chu dah in min en vang vang a, nuam lo ka ti kher mai.
.
" Engtiknge Aizawl lam a lo chhuah phei i tum?" teh daih chuan.
.
" Ka hre lo le. Naupang exam zawh lam ah te chuan ka rawn phei ve ang chu"
.
" Anih chu. Helam ah hian pasal...." a phone rik avang chuan a sawi tur sawi zo lo chuan a phone chu a kekawr hak ipte atang chuan a phawrh a, a thutna atang tho in a room lam ah chuan min luhsan ve nghal.
.
Ni 3 zet a cham ta. Kan inhmu mang lova, a buai hle anih ka ring. Pawi ka ti tehchiam lo. Tetei lo leng in a hmuh hnu chuan kan thian dun chuan David chungchang bak kan sawi meuh lo. Ni lo, ka sawi ve lem lo. Tetei erawhin sawi tur dang a hre meuh lo. Nia, a chhelo a, a pa em em bawk. Tin, midang kawm a thiam em em bawk. Hmeichhe tan chuan atchilh tham a ni tlat a ni. Kei erawh chuan ka unaupa ang chiah in ka en thung.
.
" Vawiin chu ilo haw hma deuh thei angem?" zing chaw kan ei rual ve teh mial a.
.
" Aaaa, engthil nge ni ta? School ban rualin ka rawn haw thei a ni mai a"
.
" Zanin ah chaw ei a chhuahna tur a awm a, kan ei pui tur te hnen ah ilo tel ve tur thu ka lo sawi ve tawp mai a" a tih chuan ka ngaihdan a ni chiah lo. Min rawn miah lovin ka hun hman dan tur alo siam ve ngawt chu a inzah loh thlak ka ti viau a ni.
.
" A pawi hle mai. Midang zing a tei chhuah hi ka nuam tih zawng a ni lo a" ka ti nghat a, a hmel ka va en chuan a inthiam loh hmel ang reng viau a ni.
.
" Ka tihpalh lutuk a ni e. Ka hnathawh tur chungchang ah ka mi biak ten ka thlenna te min zawt ve a, ka unaunu hnen ah ka thleng tih ka sawi hnu in kan 2 a chaw ei pui ah min sawm ve sia. A pawi lo e. Ka..."
.
" Ka rawn tel ve dawn nia. Mahse officer zu heh ho an nih loh hram ka beisei" a sawi zawh hma chuan ka lo ti vat a. Ni e, a unaunu ka ni a, mualpho a siam tur ka ni lo. Mipa in alo sawi tawh a, chaw va ei ve ringawt chu a pawina a awm lem lo ang chu.
.
" Ka lawm e. Harsatna ka siamsak che a, ka tihpalh tak tak. I hreh viau chuan a ngai lo ania"
.
" Ka lo kal ang ka tih chu"
.
Nileng chuan ka rilru ah kan chhuahna tur chu a awm tlat pek. Tetei ka hrilh lah chuan kal ve a chak zia thu a sawi chamchi bawk. Ninawm lutuk. Tinge Tetei hi a unaunu alo nih zawk loh ni??
.
Hotel Elite kan thlen chuan zan dar 7 a ri der tawh. David chuan car a ken tho avangin cooty ka keng buai peih lo. Bakah ka in atang a hla miah lo bawk. Ke a kalna atan erawh inchei chung chuan a nuam chiah lo a, car kan keng ta hram a ni. An restaurant lam ah chuan kan lut tlang nghal a. Lunglei ah hian kum 1 chuang hret ka awm ve tawh a, mahse khawi Hotel mah hi ka la lut chhin lo. Ka awm tirh dawn khan ka thawhpui tur Tetei hi ka be pawp hmasa a, ani in Hotel a ka awm phal lo in in ka hmuh hma min mikhual a, thla 2 hnu ah tun a ka awmna ah hian ka insawn lut ta a ni.
.
" Hrehawm i tih loh hram ka beisei" a rawn tih sup ah chuan ka ngaihtuahna atang ka harhchhuak zawk a, ka la phu uih zui. A lo nui suk lehnghal.
.
" In lo thleng thei maw?" kan hma a mipa chu alo ding vat a, ani pawh mipa hmeltha tak a ni. David aiin a lian lo deuh a, mahse smart tak a ni thung. Ala upa bik vak lo tih a hriat theih.
.
" Min lo nghah rei loh hram ka beisei. hei hi ka nau, Loretta anih hi. Lor, hei hi Valpuia, PWD Lunglei a an hotupa ber anih hi" David chuan a ti dam dup a, nui seih pah chuan ka chibai a, mipa, mahni lu zo ve tak a nih ka ring.
.
Eitur an order a, an 2 chuan an ti ti mawlh mawlh a, mahse mak tih deuh ka nei. Midang an rawn tel ve miah lo hi a ni. David khan 'AN' kha a ti sia, Valpuia chiah kan ei pui bawk sia. Mahse engmah phei chu zawh ka tum chuang hlei lo a. Eitur ka ei mawlh mawlh lai chuan ka hnunglam atang chuan ka aw hriat than tak chuan min rawn ko a, huiham. He mihring nu tak hi chu aw...
.
" Lor, ka tum loh deuh a ka hmuh che chu" Tetei'n a rawn tih chuan ka nuih a za hle a ni. Mahse a sawidik ang. Chaw kan eichhuak dawn tih ka hrilh khan Hotel-ah kan ei dawn tih ka sawi lo. A chhan chu kan ei na tur ka hre tlat lo a ni.
.
" Nangpawh. Enge i tih?"
.
" Ka pa birthday ania, ka nu in surprise dinner a ti ve khanglang a" a tih chuan ka inthiam chiah lo. Apa chu wish tur ka ni. Mahse ka thiamlohna a awm hran lo, a chhan chu ka hre miau lo a.
.
" Chhun ah khan sawi tur che alawm. Ipa chu ka wish ngei a ngai anih chu" ka lo ti vat a. Mahse ka thiani hian min ngaihsak vak lem lo. David leh Valpuia ti ti malwh mawlh chu a melh daih. Hahthlak hian!
.
" Hi, David, i tha maw?" ka lungawi lo kher mai.
.
" Hi. Teh hlawl che chuan. Kan dawhkan min rawn kilpui ve ta che. I thiannu hi a ngawi rei tawh teh mai ania" David chuan alo ti let vat a, ka ei lo dun thlawt.
.
" Min be hleinem" bak hluk a ka tih chuan an nui dar dar a, kei ka thinur zual sauh.
.
" A chakawm rualin kan chhungkua in kan nia. Hun dang ah kan la kil ho dawn nia. Ka kalsan phawt ang che u. Thiannu, nih phawt aw" a ti leh ang zung zung a. He nu tak hi chu aw...
.
" Aw le. Ipa chu piancham chibai min lo buk sak dawn nia" ka tih hnu chuan an thutna lam min pan san ve nghal. Mipa 2 lahin min ngaihsak tehchiam lo bawk. Zan ninawm tak a ni.
.
" Toilet ah ka va kal lawk. Lor, Valpuia nen hian lo inkawm ru aw" David chuan thawh pah chuan a ti zung zung a. He pa pawh chu a.
.
" I unaupa hnen atang i thawhna te ka lo hria a. Lunglei hi nuam i ti em?" Valpuia chu a rawn tawng hmasa a, ka lai deuh reuh tlat pek. Ngaihzawng hi ka la nei ngai miah lo. Dawt a ni lo ania. Lehkhazir ka atchilh a, pawn ka chhuak ngai hek lo. Mipa hi ka ngaihsak lo ani ber mai. Min ngaizawngtu an awm leh awm loh pawh ka he hek lo.
.
" Aaa, ti ve e. Lunglei khua hi ami i nih? Nge i hna vang a awm ve tho?"
.
" Lunglei khawchhuak chu kan nia. Mahse ka naupan laiin Aizawl ah kan pem a, ka pi leh pu te chu Lunglei ah an la awm vek"
.
" Anih chu. Chuti chu nangchu mahni khua a awm ang i ni tihna nih chu"
.
" Nia. Ni ber mai. Ka pu te inhnuai ah ka inbawl hrang ve a, mahse hei, thla 4 vel bak ka awm tawh lovang. Aizawl lam ah min sawn ve dawn anih hmel a"
.
" Vannei ve" sawi tur ka hre lo thei lutuk hi chu ka manganthlak a ni.
.
" I unaupa haw hun ah pawh thian kan ni zel ang chu tiraw?"
.
" Nia" ka melh zuk a, min lo en kar bawk. A nui sak a, a ha var rual fahran mai chu a nalh hrep.
.
" Valpuia kha enge i ngaihdan?" haw kawng ah chuan car khalh pahin David chuan a ti zauh a, mak ti zet in ka en a.
.
" Enge i sawi awmzia chu?"
.
" Mipa fel tak anih i ring em?"
.
" Ka hre nang. Vawikhat chiah ka la hmu a..."
.
" Mi tam zawk chu vawikhat hmuhna ah an mizia awm a hriat theih alawm"
.
" Thawhpui tha tak chu a nih ka beisei pui che" ka tih chuan a nui hak a, engmah sawi zawm tawh lo chuan kan in kawt kan thleng chhunzawm nghal.
.
Ka intihfai zawh chuan ka mu nghal a, David pawh a mu tawh anih ka ring. Ka muhil mai thei lo. Ka mitthla ah Valpuia nui hmel chu a rawn lang leh thin. Keihi ngaihzawng neih ka duh ve tan ani thei angem? Valpuia khan nupui a nei tawh angem? tih vel te chu ka ngaihtuah pek. Atthlak lutuk. Nei tawh pawh ni se enge ka lo buaina tur awm? Mipa hmeltha tak, hna tha tak nei, ngainatawm tak a ni. Nupui tha ta a neih ka ring ve ngawt.
.
David min haw san ni chuan school chawlh a ni a, a reh ve ruih mai. Tetei lah David rualin Aizawl ah apa check up tur in an kal ve daih bawk si. Ka khua a har ruk ruk ngei mai. Zing chaw ei hma a chhuak an nih avangin keimahin chaw ka ei a, chaw eikham ah in su in in ka tifel leh a, tih tur avang ta kher mai. Ka phone khawih pahin ka mu a, ka muhil suar suar tih chuan ka doorbell a rawn kiu vang vang. Peih lo zet chuan ka tho a, mutthilh mai mai ka duh asin le.
.
Kawngka ka va hawng chu ka rin loh lutukin Valpuia alo ding a, alo nui sang bawk. Hamhaih zet chuan ka en reng a.
VBR 2 - 2
ELTY LUHLUL AUG HNAMTE
.
" Lo len i phal em?" aw-ki zang vah a Valpuia'n a tih chuan ka harh chhuak zawk. Rangzetin kawngka chu ka hawng zau a, nui hawk hawk chuan kan inzui lut nghal.
.
" Enge i duh teh mial a?" thutthleng sei a thut pah chuan a thutna tur ka kawhhmuh lam a a thu chu ka ti zui nghal a. Mak ka ti riau alawm. Ka in awmna ka hrilh hauh si lo. Mahse David khan a hrilh pawh a ni mahnale!
.
" Nula in a len te chuan kan duh a hriat mai loh em ni?" nui sang a a tih chuan ka lai nghal ngawt pek. Kum 25 lai ni ve tawh si hi tinge maw mipa lam a ka hawizau loh em em ni.
.
" I uang lutuk. Thingpui in rawh aw" zahzel ah ka kut chu ka kheuh niap niap a. Mipa inleng ka la neih ngai miah loh avangin awmdan tur ka hre tlat lo. Mak min ti suh u. Tleirawl chhuak lehkhazir atchilh, nu te bul a tal tlat thin ka ni miau a. Hna ka neih hnu ah lah mipa lam ka ngaihsak eih bawk si lo.
.
" Haw vat se min tihna em ni?"
.
" Aaaa... chutiang lam a ni lo. Nihleh enge kan tih ang?" huiham. Ka lo lerh har lutuk hi chu a pawi ta. Ka nu tal awm ve se a zia tur a nia.
.
" Hahaha.... David-a sawi kha alo dik hmel riau mai" a rawn tih chuan phawk zet in ka en a. Chupa mai mai chuan ka chanchin alo sawipui mawnile.
.
" Maw? David chuan engmaw a sawi?" ka aw rawl chu a ring angreng hrep.
.
" Hey, au vak kher suh. Mipa lam ah a hawizau lo lutuk a ti mai che a nia. Thingpui chu han lum la" a tih zawm zat a, ka lungawi lo ru angreng viau. David pawh ka chhal khawp ang.
.
Thingpui te kan in zawh chuan rei thu lo in min haw san veleh nghal. Mipa kawm nuam tak a ni. Tin, nupui ala nei lo tih pawh ka hre bawk. Mahse tinge chu chu ka lo buaipui ve em em chhan ka hre lo. A ngainatawm a, a tawng duh a, a bul a awm a hrehawm hauh lo bawk.
.
Tetei te in check up pawh an rawn let tawh a, David-a fel zia leh chhiatloh zia bak sawi tur a hre meuh lo. Tiang unaupa nei si ka zep thei a tih zia thu a sawi sek lehnghal. Keipawhin kan upat hnu a ka hmuh vawikhatna a ni tih a hre miau lo a. Bakah ka duhzawng a ni ve lo. Unau kan ni miau a. Ni ta lo pawh ni ila ka duhzawng a nih ka ring lo. A chhan chu duhaiin a thu a duh mah mah. Apa nen hmel in ang mahse mizia ah an dang hlak thung.
.
Hun pawh a liam ve bek bek a, David te pawhin an hna an rawn tan tawh a, mahse kan inhmu mang lo thung. Sawrkar lam atang a awmna tur an pe a, ka in nen a inhnaih lem lo khawp mai. Engemaw chang chuan a rawn leng veleh zauh thin thung. Mahse mahni hna ah kan buai ve ve a, han inkawmna hun tak tak kan nei chuang lo. Valpuia erawh zan lam ah a rawn lang ve zut reng thung. Ka rin ai mahin a ngainatawm mah mah zawk. A bul ah chuan ka nui ve reng a, ti ti vawrh tur a hre bawk a, a bulah chuan hun a kal ve duak duak thin. Mahse inngaizawng ang a sawi tur erawh kan la ni miah lo thung.
.
" Naktuk ah ka pa te an rawn kal dawn a, ka awmna lam ah rawngbawl a buaithlak deuh sia, i in lam a chaw ei ka lo rawt ve tawp asin" David chuan ka in rawn luh pah chuan a ti mawlh mawlh a. He mihring tak hi chu aw....
.
" Harsatna a awm lovang. A hrim hrim ah Patea chu an lo kal tur te min hrilh ve awm ania" vui hmui pu zet chuan ka lo ti bauh a, David chu a nui hak a.
.
" Keipawh min hrilh hleinem. Mahse Mabiaka'n( David chhang chiah) min rawn hrilh ru alawm. Min surprise an tum ni awm tak a ni" a ti nghut a, ka hmui ka lo pawrh tarh thung. Ka nu leh pa lo kal ve se, anihloh pawhin Mama tal lo kal ve se. Mahse Mama chu a hman hauh lovang. A chhan chu kan chhungkaw sumdawnna enkawl in a buai lutuk a, nupui takngial pawh a nei hman lo a nih hi.
.
" Chaw i ei tawh em?"
.
" Ei tawh e. Ila ei lo ami?"
.
" Ka ei chak vak lo a. Chuan khawnge an riah dawn? Tu tu nge lo kal dawn?"
.
" Ka nu leh pa leh midang 2 an nih hmel. Ka awmna lam ah a riah theih ang. Mikhual i ngaina lo sia" nui vur vur a a tih chuan ka lo ner sawk. Min fiam ve dan lah hi dik deuh deuh si hian min fiam a, a nuihzatthlak loh thei si.
.
" Mikhual an ni ve hleinem. Hetah a riah theih reng ania"
.
" Ka nu leh pa chu mikhual an ni lo a, keichu mikhual ka ni thung a" a tih chuan nuam ka ti chiah lo. Engtinnge chutiang ngaihdan te a neih theih zawk le!
.
" Mikhual ka ti che ami?"
.
" Mikhual ang chuan min en si alawm"
.
" I ngaihdan mai mai anih chu. Chaw kan ei ange, lo ei ve leh la" zahzel ah chuan ka ti hliai a, a nui kur kur zui.
.
" Va ei rawh. Ti hian ka lo thu ang" a tih chuan chaw ei tur in ka kalsan zui ve nghal.
.
Chaw ka eikham hnu lawk chuan Valpuia a rawn kal a, David nen chuan an ti ti bawrh bawrh a, kei erawh ngawirengin an bul ah ka facebook mai mai thung. An ti ti dan atang hna chungchang an sawi tih a hriat mai a, valpuia chuan David chu a fak ve kher mai. Mipa, mahni tawk a mahni hna hre ve tawk ve ve chu an ti ti pawh a sang tha veh vawh khawp mai. A khat tawkin ka lo va tawng ve zauh zauh a, mahse han sawi tur em em ka hre ve lem lo.
.
Ka hna bang chu Pa Larson te an lo thlen dawn avangin chawhmeh ka lei kawi a, in ka thlen chuan ka rin loh lutuk in kan motor alo awm. RRang lutuk in ka scooty ka hung tha a, ka in lam ah ka tlan nghal a, mahse tumah an lo awm lo. Inchung atang chuan ka nu ngei mai chuan min rawn au a, ka buai chhe vek thei. Rang zetin inchung ah ka tlanchho a, kawngka chu ka pawt hanwg rawk rawk a ni ber. Inchhungah chuan ka pa, ka nu, Mama, Pa Lara te nupa leh David an lo awm a, ka inluahna pa alo awm bawk. Min lo nuih sang hlawm a, engmah ka sawi hman lo. Ka nu chu ka kuah a, rangzetin min lo kuah let a, an nui dar dar a, ka lung a chhe pek. Ka rinloh lutukin ka chhungte an rawn kim thap a, ka duhthusam mai mai emaw ka tih kha a dik tlat si.
.
" Min kuah ve dawn nange?" ka pa in a lo tih chuan tah nuih hawk hawk pah chuan ka va kuah a, nuam ka van ti tak. Mama awm ah ka va bei leh tlan bawk. Lunglei ka awm hnu a chhungkim a Lunglei a kan inhmuhkhawm vawikhatna a ni. Ka tan chuan sawifiah thiam bakin a nuam a ni.
.
" Tunah chuan nula chak tak kha alo tap ve thei tih kan hmu ve ta alawm" ka inluahna pa in alo tih chuan kan nui leh dar dar a. Ka nu kut chu ka vuan reng a ni ber mai. Pa Lara te nupa in min fiam nasa bawk.
.
Ka in luah lam a kan chhuk hnu chuan sawitur ngah lutuk kha ka tawng hlei thei meuh lo a ni. Ka pa chuan Pa Lara te chu ka in luah lam a awm ve mai tur chuan ti nasa viau mahse David-a awmna lam a lian zawk bawk nen, chaw erawh ka in a ei tur erawh chuan thu an ti tlu a. Nuam ka va han ti tak em!
.
Ka nu leh Nu Mawitei leh keichuan rawng kan bawl a. Cooker ka neih len loh avangin Mama leh David chuan cooker thar lei tur in an kal a, ka mumang ni maiin ka hria. Ka pa leh Pa Lara an ti ti bawk a, hetiang hian ka inluah ah hian boruak ala thleng ngai lo. Ka nu leh pa chu vawi 3 vel an rawn zin tawh a, mahse Mama erawh amahin vawi 2 chu a rawn kal ve.
.
Chaw ei kan peih chuan ka pa in chhung inkhawmna a hmang a, chumi zawh chuan tlai takin chaw kan ei nghal. Chaw ei lai te chuan kan ti ti mam mam a, nuam ka va ti tak em!
.
Chaw eikham chuan ka pa chuan sitting room lam ah chuan min ko khawm a, keipawh thleng ka sil zawh chuan ka va thu ve nghal.
.
" Hei, thu pawimawh sawi tur a awm a. Aizawl lam chuan kan hre tawh hlawm a. Bawihi, i u hian nupui neih a ngen ve tlat mai a. Phone atang a sawi ringawt ai chuan ti in i Pa Lara te nupa in David-a hnathawh te hmuh ve an chak bawk nen, hmaichhan ngei a hrilh tur che u in kan rawn thleng phei ania" ka pa in a tih chuan Mama chu ka va en a, alo nui vur vur zui.
.
" Congrats Bro" David zawk chu a rawn tawng chhuak hmasa zawk.
.
" Mama..... Awi, Pa, tak tak ami?"
.
" Dawtsawi tur ringawt chuan kan rawn phei hleinem" ka pa chuan alo ti bauh a, ka khek raih thung. Mama ka va melh a, alo lai ve deuh lehnghal.
.
" Khawi ami nge? Ava nuam dawn tak. Unaunu ka nei ve tawh dawn tihna nih chu" ka tho lawk a, Mama chu ka va pawm chuk chuk pek. Tiang hi ka mizia ani ve tlat a ni. Cool tak ni mahila ka chhungte bulah hi chuan ka naupangchhia viau thin a ni.
.
" Ava mak uak uak thin tak. I nulat tawh vei nen hian a che naupangchhia thei lutuk" Mama chuan min lo man bet a, a nui hawk hawk bawk. Unaunu ka awhzia hre tu an ni a, ka phur viau chu an hrethiam lutuk thung.
.
" Bawihi, nang engtikah nge makpa hmel kan hmuh ve dawn?" Pa Lara chuan alo ti zauh a, Mama ka chai lai chu ka tawp chat a, zawhna ka beisei loh lutuk lam thil a ni.
.
" Naaaa, keichu hmanhmawh thlak loh" ka lo ti vat a, ka pa te ho chu an nui dar dar. Mipa ka ngaihsak lo lutuk hi min kamkhat zauh zauh tawh a ni.
.
" Hmanhmawh deuh chu an awm mai thei" David chuan thutak deuh chuan alo ti zauh a, ka pa te ho an lo phur nasa mai.
.
" Tunge niang?" ka nu chuan alo ti vat a, David chu vawm chawrh ka va han chak tak em!
.
" Tumah. A daw mai mai anih kha" ka lo ti vat a. David lah a nui tha duh hauh lo lehnghal.
.
Pa Lara te an haw hnu chuan ka pa chuan Mama nupui neih tur chungchang vel chu chiang zawkin min hrilh a, Pa Lara leh Pa Puia( ani hi VBR 1 a Madinga kha a ni) an palai dawn thu te, a nupui tur chu nula fel tak, hmeithai fa neihchhun anih thu te an sawi a. Mama chu mak ka ti deuh hlek. A chhan chu kan zawlpui deuh a en ka lo ring a. Mahse ka hmusit tihna a ni miah lo. Unaunu ka nei ve tawh tur chu ka lawm em em thung.
.
" Mam, ka rin loh lam daih i nei dawn a?" mutna ah chuan kan unau in kan ti ti a. Khum 2 chiah a awm avangin ka nu leh pa khum pakhat ah an mu a, keini unau chu kan mu dun thung. Nula leh tlang ve uaih tawh si in ti mai thei. Mahse chutiang ngaihdan lam chu kan care vak lo. Unau dang kan nei lova, kan unau hian kan inkawmngeih em em.
.
" Chu, ilo it vak nange?"
.
" Aaaa... Chutiang lam ni lovin. Ih, englo... Mi hausa fanu te ilo en ve ka ring a"
.
" Bawihi, hausa tehna hi enge? Sum leh pai ngah te hi mi hausa an ni vek bik hleinem. Zahawmi(a nupui tur) chu a hming ang chiah hian a zahawm asin. Hmeithai fa tih avangin i hmu hniam tur a ni lo asin. Nang leh ka nu tih loh ah chuan khawvel hmeichhe zing ah ani aia tha leh hausa hi an awm lovang. In leh lo chhuan tur nei lo mahse nun zahawmna chhuan tlak an nei asin. I U anih hun ah chuan ila ngaina ngawt in ka ring" a ti deuh duah a, a sawi dik viau in ka hria. Mahse ka hmusit a ni miah lo. Retheihna awmzia hre lo in ka seilian a, makpa leh mo atan pawh mi hausa fa kan neih ka lo ring ve tawp zawk a ni.
.
" U, Chutiang zawngin ka hmusit miah lo a nia. Ka hmu ve chak tawh hle mai. Mahse school ka chawl thei lo ange aw... Naupang exam chawlh ah ti ula. I hmanhmawh eeee" ka tih chuan Mama chu a nui hak hak a, keilah chawlh theih loh ka hlau em em thung si.
.
" Lungngai suh. Ka unaunu tello in nupui ka neih duh i ring ami? Bakah palai te kan intirh zawh chuan nangmah hmu tur in kan 2 in kan rawn zin ang. I phal angem?" a tih chuan ka lo phur ngang mai. Ka hmu ve chak tak zet a ni. Mama meuh han si thlu tu chu hmeichhe special tak anih ka ring. A chhan chu Minister fanu te meuh pawhin an chhai thluk zawh loh mipa a ni tlat alawm.
.
" Nichin a David-a thusawi kha enge awmzia? Ngaihzanwg i nei ve tihna em ni?" a rawn tih leh chuan ka lo ner sawk a.
.
" Aih. Nei lo e. Valpuia a nia. PWD a SDO hi a nia. David-a hnathawhpui a ni ber ang. David-a min hmelhriattir ania, kan inkawmngeih zui ta phian a. Mahse inngaihzawnna lam a tel lo ania" ka tih zawm zat a.
.
" Anih chu. Mipa hi thlan uluk a ngai a nia. Tin, pasal nei hun i ni ve tawh viau a, mipa tha lo i neih fuh vaih chuan i damchhung nun kha hremhmun ah i awm tir dawn tihna a nia. Hmeichhia chuan mipa aiin kawppui thlan kawng ah fimkhur zual in ngai tih hre reng la. Eng mi pawh ni se hmangaih a i nihna ang ang a pawmtu che, mi puitling an pawimawh ber tih hriat tur" a ti leh dap dap a. Ka U hi chuan Pa Puia zia a la ber in ka hria. A fel khap a, mahni lu a zo em em bawk. Tin, chhungkua min enkawl hneh em em a, ka pa a awl hneh em em bawk. Ka U mah ni se ka chhuang viau thin a ni.
.
Ka chhungte chu ni 4 lai min champui hnu chuan Pa Lara te nupa nen min haw san leh ta. Ka ngai viau na in Mama te an lo kal leh vat dawn tih ka hria a, ka lunglen a zia deuh. Valpuia pawh an cham chhungin alo leng ve reng tho a, ka pa nen an inkawmngeih kher asin. Ka nu erawh a tawng tam lem lo a, a be chhe lova, a be huam lo thung.
.
Ka chhungte haw atang ni tlem a liam leh tawh. Ka pa in palai kal thu min rawn hrilh a, engkim mai a kal tluang em em bawk. Valpuia nen pawh kan inpawh lehzual a, diktak chuan kan inngaizawng chu a ni deuh der tawh. Tetei lah alo phur nasa mai bawk. A awm tho e. Lunglei tlangval to ber mai pawl kha a thiannu bialpa a ni ve miau mai sia. Mahse mak tak maiin David erawh a reh em em thung. Phone in ka be zauh zauh a, a buai thu in min chhang ziah thung. Min be hman lo na na na chu ti in ka be zui ta bik lem lo.
.
Mama te inneih hun tur pawh an ruat fel ta. 14th November ah kan veng kohhran biakin ah dan thianghlim ngeiin an inkutsuih dawn ta a ni. Ka phur ve em em ringawt. Ni e, ka phur alawm. A chhan chu in hriat kha. Tin, kan monu tur chanchin ka hriatte hian min ti phur lehzual. A chanchin chhe lam reng reng hriat tur a awm lo tlat a ni.
.
School chawlh a ni a, ka U te an rawn kal dawn bawk. In ka tifai lawk nasa ngei mai. Room pawh engkim ka remfel a, kei leh Zahawmi kan mu dun anga, Mama amahin a mu ang. Ka ham strict rem rem asin. Chawhnu lam deuh ah Mama te pawh an rawn thleng a. An nu tur ka hmu chiah chu Mamam khan ala fak lo mah mah ka ti hial. Hmeichhe hmeltha tak, hmel dam raih, zaidam hmel zet mai hi a nia. Kan inhmu chu unau ang chiahin kan in en nghal thei.
.
" David-a i hrilh lo em ni kan lo kal tur thu" Mama chuan a inbual zawh chuan Zahawmi nen rawng kan lo bawl na bul ah chuan rawn thut ve pah chuan a ti lang lang a.
.
" A buai thei lutuk a, biakna hun a awm ngai lo"
.
" Anih chu. Kan phone ange. Chaw rawn ei ve se a tha ang. Chaw kha chhum kep ru aw" a ti liam leh puat a, ka hnial vel peih lo. Keichu ka lung a awi tawh tlat lo a ni. Unau kan ni ve a, min biak chu sawi loh, ka biak pawhin min chhang tha mang lova, han biak kawi leh vel kha ka mizia a ni miah lo. A ngawih theih chhung ka ngawi ve thei tlat a ni.
.
David-a chu ka U chuan a sawm thlu aniang, a rawn thlen chuan chaw ei kan lo peih fel chiah a, Zahawmi nen an in chibai a, mak deuhin an inchibai lai chuan U Zahawmi chu a hmel a danglam tlat in ka hria.
.
Chaw eikham chuan rei awm lovin a haw thuai a, keini unau erawh kan la ti ti thung. Kan 3 chuan kan tawng ve bawrh bawrh a, Mama hi ka sawi tawh kha. A tawngduh a, mi zawng zawng hi a ngaina thei nghal vek bawk. Kan in ang lo ania. A awmna chin chu a hriat nalh zel. Kei erawh ka tanwg tlem em em thung.
.
" David kha in cousin a ni tih ka hre miah lo a" Zahawmi chuan a rawn ti chhuak phawng a, mak ti zet in ka en hu pek.
.
" Ka lo hrilh theihnghilh palh che a ni. Ka pa lam a kan cousin a nia. I hria em ni?" Mama chuan alo ti tha ve mai a. Mak ka ti deuh. Inneih hial tum tawh si Mama pawh alo fel fai tawk lo aniange, kan chhungte pawh a hriattir kim lo ania. Pa Lara meuh palai ah kan hmang bawk sia.
.
" Hria a ni mai ang. Ruati nen khan an inkawp reng tawh a. mahse a chhungte ka hre miah lo" Zahawmi chuan a ti veleh mai a.
.
" Ruati chu tunge?" ka lo ti zauh pek.
.
" Best a ka hman tur hi a nia. An inkawp rei tehreng nen chhan awm lovin Vid-a khan a then thut a, Ruati pawhin a la na viau asin" a ti leh siam siam a, ka dar ka lo san ak ringawt.
.
" Ava ti ho ve. An inthenna a rei tawh em?" tinge maw hriat ka chak tlat pek ni.
.
" Rei lo e. Hmanni lawk khan a ni. Lunglei a rawn awm hnu ah. Aaa, a ho lutuk. Mi chanchin ka sawi duah a" inthiamloh hmel deuh chuan a ti hliai a, Mama erawh alo nui hak thung.
.
" Ni e, duhtawk ang. Mi chanchin sawi vak hi a tha ngai lo. Bawihi, i bialpa ava rawn dik dak lo ve" Mama chuan alo ti vat a.
.
" Hna thil ah a zin daih alawm. Naktuk zan ah a rawn let ang"
.
" Mahni a awm i nia, zuamawm zawng te hian ilo awm hlauh ange. Dan thianghlim ngei a pasal i neih loh chuan ka rilru a na viau dawn tih hrereng ang che aw" a tih chuan ka bu nghat a. Ka U min zilhna hi a dik thei fak fak a nia.
.
Hun a liam a, Mama te inneih ni pawh a thleng ve ta reng mai. Keipawh ai kal la in thla 1 lai chawlh ka dil a, David-a rualin Aizawl lam ah ka haw phei ve bawk. Tetei pawh Mama te inneih hmang tur in inneih ni hma chiah in a rawn thleng phei ve bawk a, Valpuia nen an rawn kal dun a ni. Valpuia hi inngaizawng e ti lo hian kan inthain kawm khawp a, chutihrualin mi zing ah pawh min care thiam em em bawk. Mipa zahpuiawm lo tak a ni bawk a, keipawhin mi zing ah ka chhuang thiam viau a ni.
.
" Lor, thil hrilh duh che ka nei a" Tetei chuan inneih inkhawm tur a kan insiam lai chuan a ti sap a, a aw-ri ah chuan thu ho mai mai a sawi dawn lo tih ka chiang a ni.
.
" Enge ni ta?"
.
" Valpuia hi...."
.
" Sawi vat la"
.
" Aaa, ngawirawh, kan tlai dawn. Nakin ah ka hrilh ang che" tih pah chuan a tho hluai a, ka mitko ka san ak a, a ngaihna ka hre lo. Mahse ka nu in min rawn auh tak ah chuan inzawh chhunzawmna hun a awm ta lo.
VBR 2 - 3
ELTY LUHLUL AUG HNAMTE
.
Biakin chhung ah chuan mi an khat hneh viau mai. Kei, Tetei, Valpuia kan thu ho a, ka U te chu an mawi kher asin. Ka hriat theih hnu a ka hlim ber ni ala ni hial in ka ring. Mahse chung zawng zawng aia ka en uluk chu Mo thiannu chu a ani. Nula hmeltha tak, confi hmel zet mai a ni a. Inneih hma a an rawn kal pawhin hmeichhe mahni lu zo tak a ni tih a hriat ngawih ngawih. Engtinnge David hian a then phal zawk le?
.
Inneih boruak vuak vet a zawh a, ruai te kan theh hnu chuan ka pa in tul ti lem lo mahse ka nu in thalai tan party a tih ve miau avangin ka nu U te restaurant, Falkland ami, BON APPETITE chu ka nu u, Nu Puii chuan kan party na tur in alo buatsaih vek bawk a, nuam kan ti tlang hlawm kher mai. Ka nu te unau hi rilru zau tak, midangte chung a rinna nghat thiam mi an ni. Chutihrualin an rin ang in lo awm lo palh ta ila min ring nawn leh tawh ngai lovang. Chu mizia chu keipawhin ka chhun fuh hrep lehnghal.
.
" Bawihi, lo thu ula, pawnlam ah boruak dai ka va dawng ve lawk ange" Valpuia'n a tih chuan ka pawi ti lem lo. Inchhung ah mi kan thahnem ve phian sia, lum ti mi tan chuan pawn boruak fim han hip zawk zawk pawh tih awm loh a ni miah lo.
.
Tetei chu ka U thianpa pakhat in lampui ah a rawn sawm avangin min lam san a, kei erawh ka la thu reng thung.
.
" I bialpa chu i tello in a hlim hle mai maw?" ka beng bul a rawn ti ri ah chuan ka phu zawk thei. Ka hawilet vat a, David lo ding khur ka hmuh chuan ka insangmar teuh pek. He mihring hi vawiin nileng in ka hmu miah lo.
.
" I sawi awmzia...."
.
" Chhuak la, inchung zawl ah chho la ka sawi awmzia chu i hre maiin ka ring" tih nghut pah chuan a kalsawn leh daih a, ka va ngei mai mai thin tak.
.
Mahse a thusawi chuan min ti awm nuam chiah lo. Tetei ka va en chuan an lo la lam tui ang reng sia, tihbuai kher tul in ka hre lo a ni. Ngawirengin pawn ah ka chhuak a, pawnlam chu a reh deuh raih mai. Nia, ka nu khan a sawi sa a, pawnlam a bengchheng siam lo tur in party na a kan kal hma in a kal tur te min chah vek tlat a ni. Thu pawh kan awih tlang teh e.
.
Ka hawi kual a, tumah ka hmu lo. Ka Nu Puii te dawr chung hi la sak zawh loh deuh a nia, a chhung ah erawh tumah a luh theih loh thung. Mahse a sir kil khat ah chuan inchung pan theihna step a awm a, ka en vang vang a, a reh thap si avangin David thusawi kha ngaih zam luih ka tum a, mahse ka chhungril a nawrtu awm chuan ka ke a pen tir tlat thung si. Step pahnihna ka rap tan chiah tih chuan Valpuia nui hawk hawk thawm chu ka hre ta reng bawk. Ka thin chu a phu nasa ngei mai. Nui ri chu alo hnai zel a, hmeichhe nui ri pawh a hriat theih ta. Enge tih tur ka hre lo. Ngawireng chuan ka lo ding tawp a, hmeichhe nui ri chu ka hriat zawng a ni tlat in ka hria.
.
" Ohhh, hey, Bawihi, ilo chho ve dawn em ni? Hei, Ruati pawh a rawn chho ve a, inchhung chu lum kan ti tlang aniang maw?" Valpuia'n min rawn hmuh chuan a ti sawk sawk a, mahse Ruati kut a vawnna a thlah lai chu ka hmu reng thung.
.
" Nia. Lo zuk lut thla rawh u. Reilote kan awm hahdam ve lawk ange" pangai tak chuan ka ti ve mai a, mahse ka chhungril a keimah ka induhtawkna erawh a so sang kher asin.
.
" Ruat, lo zuk lut thla ta mai che. Nakin ah kan rawn lut thla mai dawn nia" Valpuia'n a tih chuan ka lo hnial vat.
.
" A ngai lo. Keimah a awm lawk ka duh rih" ka ti nghat a. Ruati chu ngawirengin a chhukthla a, Valpuia erawh lai zet in a ding a, ka kal pel a, inchung ah chuan ka ding vang vang.
.
" Bawihi...."
.
" Khawngaihin. Keimah a awm rih ka duh"
.
" I ngaih ang kha...."
.
" Enge ka ngaih ang chu. Valpui, keimah a awm ka duh rih ka tih kha i hrethiam em?" chiang fek fawk a ka tih tak ah chuan muangchang in min kalsan ta. Ni e, tun hi inhauhna hun a ni lo. Tin, enge an tih lah ka hre hek lo. Inhauh nan chuan finfiahna a tha tawk tlat lo a ni. Bakah rinhlelh tur in Valpuia hi a awm ngai lo. Rual kawm thiam tak a ni a, a dik lo zawngin ka ngai ngawt thei lo a ni.
.
Mama te inneih atang ni 3 a liam leh ta. Valpuia pawh Lunglei lam ah ala phei lova, Tetei erawh hna avangin a haw hma a ngai thung. David erawh ka hmu nawn leh tawh lo ti ila inneih tuk ah apa te nen an rawn kal ho a, biak erawh kan in be miah lo thung. Ruati pawh a rawn phusa viau a, mahse rinhlelh tur ang in an awm hauh lo bawk. David khan a hresual anih ngei ka ring ta tlat bawk.
.
" Bawihi, i pa Lar-a te khan kan chhungin chaw ei ah min sawm a, tlai lam kha chu rawngbawl lovin kan phei rual vek mai dawn nia" ka pa in zing chaw ei lai a a tih chuan ka chak lem lo kher mai. Bakah Valpuia nen chaw ei chhuah kan lo tum rilru deuh a, sawi ka tum lai tak asin mawle.
.
" Anih chu. Mahse Valpuia khan chaw min ei chhuahpui a tum sia. Engtinnge niang?"
.
" Anih chuan ilo tel ve thei dawn lo tihna nih chu. In rei angem?"
.
" Rei chhan tur a awm dawn mi? Chaw ei a haw leh a ni mai a"
.
" Valpuia chu lo bia a, in eikham lam ah in rawn phei ve anga, David-a kha naktuk lam ah LLunglei phei a tum a ni awm a. Sawta kal saw chuan kan rei hrep zel sia. I pa Puia te pawh an chhungin an lo tel ve dawn ania" ka pa in a tih chuan ka bu nghat a. Pa Puia te tel ve tur chu ka lawm kher mai.
.
Ka sawi hmaih palh chu, ka pa pa diktak zawk leh dik tak lo zawk te hi an boral ve ve tawh a, ka pi, ka pa nuhrawn ti mai ang, ani pawh a boral tawh nghe nghe. Mahse ka pa pa diktak nupui erawh ala dam ve hram hram a. Pitar fel tak a ni. Tin, a tu te ang tak takin min en bawk a, keini unau bakah Pa Puia fa te pawhin kan ngaina tlang hlawm khawp mai.
.
Valpuia nen chaw kan ei zawh chuan Pa Lara te in lam kan pan nghal a, Hetia chhungkaw thil a han hruai mai dawn pawh hian Valpuia hi chu a puitling thlap zel a, ka tan a nuamlo tihna tur in a awm ngai miah lo. Hei tak hi ania ka ngainat em em chhan pawh. Tu bulah pawh a ti ti thei vek a, a bul a awm te azirin a insiamrem mai thin. Ka lo ringhlel ve ngawt pawh kha ka inchhir lek lek zawk a ni. A chhan chu rinhlelh tur in engmah a hnu ah ka hmu miah lo bawk.
.
Pa Lara te in a kan awm chhung chuan vawikhatmah David chuan min be eih lo. Valpuia erawh tha pangai takin alo bia a, a insiam ngai chhuanlam in room lam ah min luhsan daih zui. Polite lo lutuk. A ngaihtuahna atthlak zet khan min tihbuai tak loh ah chuan min haw ta viau pawh aniang. Mahse, chupawh lo ni se Ruati chu amah ngeiin a then tawh a, enge alo buai chiam angaihna? A duh loh a a kalsan tawh hnu nun a inrawlh leh chu mipa hna ni in ka hre tlat lo.
.
Lunglei ka phei ni chuan Valpuia'n min lo hmuak a, ka chau kher mai. Mama te honeymoon hmang a an zinchhuah daih avangin tumah thlah tu ka nei lo a, ka pa ni se a upa tawh a, bakah amah a inkhalh haw leh tur chuan ka ngai ngam meuh lo bawk nen, sumo-in ka phei ve ta kha a nia, ka rui nasa hrep lehnghal.
.
Inchhung kan luh chuan thutthlengsei ah chuan ka let tap a, Valpuia chuan ka bungrua chu a dahfel mawlh mawlh a, ka ngaihsak peih ngang lo. Ka inbualna tur tui a tih lum zawh chuan inbual tur in min rawn kaitho a, peih lo zet a ka va inbual chu ka harh phah kawk thung. Khua a vawh deuh tawh avangin ka inthuam lum sawk sawk a, Valpuia chu chaw ei ve mai tur a ka sawmna chu hnial lem lo in amah zawk chuan rawng a bawl sur sur a, kei erawh ka la phak deuh chual mai. Motor hi ka rui zen zen lo a, mahse kawng kawi nasa lutuk ah hi chuan driver in a khalh chak phei chuan ka rui ve ziah thung.
.
" David nen in inbe tawh em?" chaw ei lai chuan Valpuia chuan a rawn ti chhuak phut a, ka chaw ei ka helh tep lehnghal.
.
" Be lo. Ngatinge? Harsatna a nei ami?"
.
" Nei lo e. Tunlai chu kan in be tlem lutuk a, hnathawhna a kan inbiak bak hi a hranpa in kan in be ngai ta meuh lo a. Chuvang mai mai mawle. Naktuk atang hna i zawm nghal dawn em?" a tih zawm zat a, ngaihthatlohna ka nei hran lo. A chhan chu keipawhin David-a mizia hi ka hrethiam bik miau lo a ni.
.
" Naktuk chu inrinni a nia" nui rah rah a ka tih chuan Valpuia chu a nui ve leh hawk hawk a. A nui hi a ngaihnawm thin a nia.
.
" Ni dawn tak. I bul a ka awm hi chuan engmah hi ka hre thei tawh thin lo. Chuti chu huan kal i peih angem?"
.
" Aaaa... A chakawm rualin naktuk chu mut hahdam ka duh. Bakah Tetei kha thil tih pui ah ka tiam tawh a. Nidang ah kan kal dawn nia" ka lo ti vat a, a bu nghauh nghauh a. Min hriatthiamna a ngah lutuk te hi ka inthlahrung zawk thin.
.
" Tak a, Ruati nen khan in inhresa em ni?" chaw eikham thingpui kan in lai chuan ka zawt a, a hmel danglam zawk chu ka hmuh hmaih miah lo. Mahse a insiamrem rang kher mai.
.
" Aaa... Hresa deuh a ni mai aniang chu. Chawngte lam ka bial lai khan ka hnuai ah a rawn awm ve zawk tawh a, mahse Aizawl lam ah an sawn leh ta daih a. Chutiang a inhre tha em em chu kan ni lo. Ngati teh thut nge?" tih pah chuan ka bul ah rawn insawn in min rawn kuah a, a ban chu ka lo vuan ve nghal chial a. Hetia min kuah hlu hlu hian ka thla a muang ve riau thin.
.
" Ka zawt mai mai che. NNula fel tak a nih ka ring. A hmeltha bawk"
.
" Nia" a tih hul hak ah chuan ka en vat a, a hmel chu sawifiah thiam a har ka ti. Mahse ka hmui a a rawn fawh zeuh ah chuan a hmel landan lam ka ngaihtuah lehpek tawh lo.
.
" Ooohh... Ka lo lut fuh chiah lo ani maw?" ti tu lam chu kan hawi rual thawt a, David-a chu alo ding run a, a hmel chu min nuihsawh hmel a pu ni ber in ka hria.
.
" Kawngka kik nachang...."
.
" Lut fuh lo lo e. Lo kal rawh. Hei, i unaunu hian chaw ei ah min sawm a, kan eikhamna ala rei lo" Valpuia chuan ka tawng lai chu alo pawtchat vat a, kei erawh ka lawm tehchiam lo. Mahse ka ngawi ta reng thung.
.
" Anih chu. Nanghi chu i vannei teh e. Loretta, ka thil tur ka nu in a rawn thawn che anih hmel a, ka rawn lam dawn a" tih pah chuan a khi suk a, mahse a zat vang a nui erawh a ang miah lo.
.
" Ni dawn tak. Kan la ange" tih pah chuan ka room lam chu ka pan nghal a. A lehkha pawimawh ni awm tak ka hawn sak chu ka va la a, ka chhuah leh chuan alo la ding reng. Thut a tum lo anih hmel. Mahse pawi ka ti lem lo. A mizia hi ka ngaina hlawl lo. Nui tlem si, chhan hriat lohin min be duh lo tawp a. Valpuia hek chhiatna a zawng bawk. Chupawh duh loh a a kalsan tawh hmeichhia nen ala ni zui.
.
" Ka lawm e. Ka haw san leh phawt mai ang che u. Hun hman nuamk ule" ka thil hawnsak ka pek a lak rual chuan a ti zui nghal a, tawng ve hma in a kal vut bawk. Mangtha pawh ka ti buai peih lo.
.
" Tunlai chu a mizia hi a dang riau" Valpuia a rawn tawng chhuah chuan ka ngaihtuahna atang ka harhchhuak zawk.
.
" Ho lutuk. A mood ti off tu thil a tawng ve pawh aniang. A reh veleh mai ang" ngaihsam hmel zet chuan ka ti liam puat a. Ka rilru tak erawh chuan ' Nang hi chu i vannei teh e' tih tawngkam Valpuia a hman khum kha ka ngaihtuah reng thung.
.
Tetei nen kan inhmu chu nidang ang lo tak in a tawng tlem riau a, mahse tha tak erawh chuan kan inkawm tho a. Kan thil tih tur kan tih zawh chuan chaw ei ve nghal tur in min tih tlat avangin ka hnial lui duh ta bik lo. Lunglei a ka awm hnu ah an ni in bak ah hian mihran in ah chaw ka la ei ngai hauh lo. Chhungte kan neih lem loh avangin anni hi ka chhungte neihchhun an ni ve tawp mai.
.
" Te, thil hrilh tur che ka nei a" Tetei khum ah chuan kan thiandun in kan mu dun a, chaw ei an la peih loh avangin kan hahchawl rih a ni.
.
" Sawi la"
.
" I van hriat chak loh hmel"
.
" Keipawh sawi duh ka nei a"
.
" Sawi hmasa rawh"
.
" Ummm... Englo, Valpuia hi a awmdan hi ka duh lo a ni"
.
" Enge awmzia?"
.
" Aizawl i phei hnu lawk khan i u nupuiin thian atan a a hman ngei mai nen khan Hotel Elite-ah dinner an ei dun a"
.
" Mahse engtinnge anih theih? Ruati te chu David-a bialnu hlui ania. Bakah khatihlai khan...."
.
" Ka hria alawm. Keipawhin a tir in ka hre bik lo. Mahse i u te inneih hma ni a ka lo kal khan Ruati chu ka hmu a, ka hriat hnu a ang ka tia. Chuan, Valpuia nen pawn a an inbia ka hmu a, ka hrechiang ngam chauh"
.
" Mahse tunhma in Valpuia hnuai ah a thawk thin a, an inhresa ve hrim hrim alawm" ka la ti talh. Mahse ka thinlung erawh chuan thudik a ni tih erawh a hre tlat thung si.
.
" Mai thei le. Mahse an awmdan erawh thawk ho tawh satliah an ni kher in ka ring lo" Tetei chuan a ti leh nghat a, sawi tur ka van riau. Valpuia mizia ka ngaihtuahin chutiang a kawplawr anih ka ring thei bawk si lo.
.
" Enge i sawi tur chu?" ka ngawih tak reng avangin Tetei chuan a rawn ti leh bauh a, ka phu zuk lehnghal.
.
" Eng vak ni lo e. David hi a mizia a danglam lutuk a, chu mai mai chu mawle" ka ti niah niah a, ka sawi tum tak erawh ka sawi ngam ta lo. A chhan chu tun lawk a a thusawi nen sawichhuah ngam chi ni in ka hre lo. Valpuia te huan a kalpui ah khan ka sawm ang ka ti asin le.
.
" Anih chu a. Tak a, i u te inneih party ah khan mitmei deuh tur che in min rawn zauh tak asin. I unaupa hi chu a caring si, min duh se chuan ka va han hlim dawn tak" nui uarh uarh a a tih chuan ka nui ve thei tlat lo. Mahse ka thiannu in ka rilru a hriat hlau chuan a mawi hawi ah ka nui ve sak tho a, mahse a za miah lo. David hi ka biak ngei a ngai in ka hria.
.
" I buai em?" ka call a pick rual chuan ka ti nghal tawng a. Reitak phone ah pawh kan inbe tawh lova, unau mah ni ila a mizia mak tak avang hian kan inhnaih hlei thei tlat lo. Mahse ka biak ngei a ngai si.
.
" Buai lo e. Engenita?" dam dup a a rawn tih chuan ka hamhaih letling phian. Nidang ang bawk a min lo biak bul leh hmuk ka ring a nia. Ka rin loh dan deuhin alo dam dup roh sia.
.
" Ihhh, englo..."
.
" I duh chu sawi tawp rawh" dawhthei lo tih hriat zet chuan a rawn ti leh hluk roh si. He mihring teh hrep tak hi chu a.
.
" A ngai leh lo mai" tih pah chuan phone ka off hmak a. Ka phone chu khum ah ka theh thla thak a, ka ngaihtheih loh dan ber a min chhan avangin ka induhtawkna a cho chhuak tlat a ni.
.
Chawhnu ka inkhawm peih loh avangin rawng ka bawl hma a. Tetei a rawn leng kawi zawk bawk. Mahse rawngbawl a ngaih ve tho avangin a awm rei lo a, min hawsan vat thung. Chawhmeh ka siam zawh chuan tih tur a awm lem loh avangin ka mu zal a, laptop-ah movie en pahin ka lo muhil daih zui. Ka kawngka chum rik bur bur ah chuan ka harh a, khua alo thim vek tawh. Sana ka en zauh a, zan dar 7 a ri tep tawh. Muangchangin ka tho a, ka kawngka ri a reh thei lo. Ka va hawng chu hlauhthawn hmel zetin pawn ah David-a alo ding a, min hmu chiah chu engmah a sawi lo, min kuah vang vang ringawt.
.
Chutiang tehthut a min kuah chu ka hamhaih ta langin talchhuah nachang pawh ka hre lo. Min kuah ang ang chuan ka ding mawl tawp a.
.
" Ava nuam awm vang vang ve" aw-ri lo chhuahna lam chu kan 2 chuan kan hawi rual thawt a, kan bul lawk ah chuan Valpuia alo ding reng mai. Rangzetin David-a min kuahna atang chuan ka tal chhuak a, David erawh a rum nghut thung.
.
" Englo... Ih... Ka lo muhil daih a. Lo lut rawh u" bah niaih a tih pah chuan kawngka ka hawng zau a, anni 2 pawh chu an rawn lut ve nghal mai bawk.
.
" Ka rawn phone thin che a, phone i pick up thei si lo a. Ka rawn tlan thla tawp alawm" Valpuia chuan a ti zung zung a, David-a erawh a ngawireng thung.
.
" Tlai ah khan movie ka en a, ka lo muhil daih alawm" ka ti ve mai a. David-a ngawireng chuan min ti awm nuam tlat lo.
.
" Ka haw san phawt ang che u" tih pah chuan David chu a ding hluai a, makti zet chuan ka en reng ringawt. A awmdan danglam thut thut hi hriatthiam har ka ti takzet a ni.
.
" Ngatimaw? Ilo lut ve chauh a" ka lo ti vat a, mak tak maiin tunah hi chuan Valpuia aiin David hi ka bul a awm tur in ka duh zawk tlat a ni. Zawhna tam tak ka nei a, a chhanna a nei ngei ang tih ka ring tlat a ni.
.
" I ngaihtuahawm tawh lo e. I thianpa a awm tawh alawm" tih nghut pah chuan kawngka lam a pan nghal a, nuam lo ka ti tlat chu mak ka in ti phian zawk.
.
Valpuia chu a ti ti sar sar a, min neih ngei a duh thu te hial a sawi nghe nghe. Mahse Tetei thusawi avang khan pawh takin ka ti ti pui thei ta meuh lo. A mawi ah ka aw e liam vel mai mai a ni ber e. Ka ril a tam deuh avangin chaw ka ei san a, amahin thutthleng sei ah a thu a, a phone a khawih char char bawk.
.
" Ka biak che chu i hre lo ami?" ka tih tuarh ah chuan phawk zet in a rawn hawi chhuak a, tiang ang a aw-ka vin hian ka la tawngkhum ngai tlat lo a ni.
.
" Engenita? Ka phone ka lo en tui deuh a" thupha chawi deuh chuan min rawn en a, ka thaw hak ringawt.
.
" Ok. A ngai leh lo e. Zanin chu mut hma ka duh a, min haw san hma tur in ka ngen mai ang che" tih pah chuan ka chaw ei na hmun chu ka tifai malh malh a. Dik tak chuan mahni a awm rih ka duh a ni.
.
" A tha alawm. Min mamawhna i neih chuan min rawn phone la. I phone pick up thei lo khawp chuan mu tawh suh aw" a ti tha ve mai a, ka nui ringawt.
.
Ngawirengin khum ah chuan ka mu a, ka ngaihtuahna chu a vak kual ve nasa khawp mai. Eng ber hi nge thudik chu ni ta ang? David-a lah ka lo thinrim khum bawk si. Valpuia awmdan ka en in ngaihthat lohna tur ka hmu chuang bawk si lo. Tetei lahin dawt ringawt chu a sawi hauh in ka ring lo. Ka inngaihtuah nasa khawp mai. Ka nu va rawn ta ila keimah ngeiin ka finfiah anih loh chuan ka nu va tihbuai kher kha tul ka ti ber chuang si lo. Ka rilru a buai ve map map khawp mai. Ka phone ri ah chuan ka suangtuahna atang ka harh chhuak hlawl a, ka phone kan en chu David-a a ni tlat.
VBR 2 - 4
ELTY LUHLUL AUG HNAMTE
.
" Hello"
.
" Kawngka rawn hawng rawh" phone chu a dah leh hmak a, sana ka en zauh a, zan dar 11 a pel hret. Tun ang hun ah engemaw rawn tih a tum le?
.
Muangchang chuan ka tho a, kawngka ka va hawng chu kawngka bul ah alo ding run a, mak ka ti kher mai. Khua a vawh tehlul nen engtinnge tun ang zan rei tawh ah pawn ah alo din reng peih ni. Lut tur a ka sawm hma chuan kawngka chu a rawn pawt hawng pawp a, min kal pel in thutthlengsei ah chuan ava thu thun a, a vawt a tih hmel kher mai.
.
" Tunang hun ah engtizia nge?" a hma a thutthleng ah chuan ka va thu ve a, a hmel dang pap leh a hmui vawt tih avang a duk char chu ka en kal a. Mipa hmeltha tak chu a ni chiang e. Tetei khan a sawi dik hle a ni.
.
" Kan inbiak a ngai. Chumi hma in khawngaihin thingpui sa ver vawr min lum sak phawt teh" thu khawr hlun chung chuan alo ti sup a, hnial chi ah ka ngai lo.
.
Ngawirengin ka tho a, thingpui chu ka chhuang a, ka siam sak nghal mawlh mawlh bawk. Ka siam zawh chuan a hma a dawhkan te ka hun ve ah chuan ka va chhawp a, amah hmachhawn zawng bawk chuan ka thu fel leh at nghal bawk.
.
" Enge i sawi duh chu ni ta?" thingpui a in hnu chuan a hmel a pangai leh viau tawh bawk a, a tawng hmasa ah ka tang ta nge nge.
.
" Min lo phone chhan kha ka hre duh a ni"
.
" A pawimawh lem lo. Tun ang hun a ilo kal chhan hi a pawimawh zawk"
.
" Ka lo kal chhan chu min lo phone chhan ka hriat duh vang a ni" a hmel chu a tih-mawh leh tawh kher mai.
.
" Ava ho leh si ve. Unau kan ni a, i chanchin ka rawn ngaihven ve ang ah che ngai rawh" ka dawt sawi avang chuan amah chu ka en ngam hauh lo. Zahzel ah ka kawrlum hak tlang chu ka khawih niap niap ringawt.
.
" Chu chauh chu maw?" awih lo hmel zet chuan a ti nghut a.
.
" Ni mai e"
.
" Loretta, min en teh. Chu chauh chu maw min zawh duh? Ka mit ah tak en chungin sawi la, tichuan ka haw san ang che" a tih tak ah chuan ka thin chu a phu rang ngei mai. Diktak chuan zawh ka duh em em. Mahse a awmdan nelawm loh lutuk avang hian ka tim deuh tlat a ni.
.
" Mut ka duh tawh viau a ni" tih pah chuan ka melh zauh a, min lo en kar avang chuan ka hawisawn leh rang ngei mai.
.
" A tha e. I sawi dawn loh chuan ka riak ve mai ang. I sawi hma chu i in hi ka chhuahsan miah lovang" tih pah chuan thutthlengsei ah chuan mut tum in a insiamtha sut sut a, makti zet chuan ka en hau ringawt. Chuti em em a a hriat duh chu ka lo ring hauh lova. Mahse ka rinaiin a serious tlat mai bawk si.
.
" Enteh, David, ka sawi ang kha a ni mai. Khawngaihin i awmna lam ah min letsan tawh teh" ngen aw zet chuan ka ti ta thlawt. A riak tak tak ang tih ka hlau takzet a ni. A chhan chu zing alo ni anga, a motor mi in an hmu anga, ngaihdan diklo an neih ka hlau takzet.
.
" Sawi la, ka haw mai dawn alawm" mu hlun pah chuan a ti leh nghut a, he mihring tak hi chu aw...
.
" Englo ania... Valpuia leh Ruati kha..."
.
" I hriatchian duh chuan tinge anmahni i zawh mai loh?"
.
" A finfiahna ka nei si lova"
.
" Chuzawng kei a puih theih che ani lo ve. In a awm a, hna kal leh tawp tan chuan bengvar te hi a har ania" tih pah chuan a tho thurh a, vawm tawk mai ka duh.
.
" Nihleh Ruati kha engvang a then nge i nih?" a ding khawng ta luh mai. Muangchangin min rawn en a, a hmel chu a nelawm loh takzet a ni.
.
" Mu tawh rawh. Naktuk ah khawiah emaw ka hruai dawn che. I hna ban ah ka rawn lam ang che. Hna ah scooty keng lovang che" tih nghut pah chuan a chhuak daih a, a awmdan chu ka hrethiam hlawl lo.
.
Duhlo teh mahila ka scooty chu Tetei'n a khalh haw ta nge nge. A thusawi ngaipawimawh duh lo in scooty ka keng lui a, mahse hna kan ban chuan kan school gate bul ah chuan a motor nen alo awm vang tawh. Hnial dawn ila thawhpui dangte an awm bawk si, bah nuaih a ka inhmelhriattir hlawm hnu chuan a motor ah chuan ka lut ta nge nge.
.
" Khawnge kan kal dawn?" ka in awmna lam kan pan lo a, khaw pawn lam kan pan tlat a ni.
.
" Ngawireng khan awm hle hle rawh" tih bak chhanna ka hmu lo. Tun a a awmdan ah hi chuan unau pawh kan ang lo.
.
Kawngpui atang a peng a kawng lian vak lo ah chuan kan tlan chho a, in nawm hmel zet alo ding bawk. Mahse a reh raih dan ah tumah an awm lo ni in a lang. Motor chu a park fel a, motor atang a ka chhuak chiah chu ka rinloh lutuk in Valpuia car alo ding bawk. Angaihna ka hre lo kher mai.
.
" Ngawirengin min zui ang che. Bengchheng siam hlek suh" tih sup pah chuan hmalam a kawngkapui lam ah chuan a pen pawk pawk a, a ngaihna hre lo zet chuan ka um zui ve dat dat bawk. Ka ngaihtuahna chu a buai hman lo ani mah zawk. Ka thluak a chawl deuh thup ni ber in ka hria.
.
Kawngkapui kan luh chiah chuan kan hma lam ah counter ve angreng deuh hi alo awm a, mipa pakhat alo ding bawk. David chuan engemaw sawiin Rs.2000 tlang chu a pe zauh a, chupa chu lu bu nghauh pahin room number ni awm tak a sawi zauh a, ka inngaihtuah harh thut. Enge hetah hian kan tih dawn? Room a la anih chuan he mihring hian min pawngsual a tum a ni ngei ang. Chu thil ka ngaihtuah zawng ringawt pawh chuan ka hmul thi a ding sung sung thei.
.
" Hlauthawng suh. Min zui la, bengchheng siam hauh suh ang che" David chuan ka ngaihtuahna hria ni awm tak in a rawn ti sup a. Enge ka hriat ka hre lo. Thawklehkhat ah ka hlauhthawnna zawng zawng chu a bo duak ni ber in ka hria. A sawi ang chuan ngawirengin ka zui a, step ah chuan thawm dim takin a pen chho a, a thawm dim ang bawk chuan keipawh chuan kan dim ve ngawt pek bawk a.
.
Kawngka pakhatna chu kal pel in corridor lian vak lo ah chuan pheiin kawngka pahnihna zawn ah chuan a ding chat bawk. A kutzungchal chu a hmui bul ah a dah zauh a, thuawih hmel zet chuan ka ding hle hle bawk. Kawngka chu a kik karh karh a, chhunglam ah chuan hmeichhe phun hlak thawm chu ka hre chhunzawm nghal. Inchhunglam atang chuan tunge tih hmeichhe aw hian a rawn zawt a, David chuan a aw ti danglam deuhin hnathawk anih thu leh an bathroom pipe rawn en lawk tur thu anih thu a sawi chuan kawngka a rawn ri rak a, Lalpa leh!
.
Kawngka ah chuan Ruati ngei mai chu thawmhnaw mumal pawh inbel lovin a rawn dak ta heu mai. A hnung chiah ah Valpuia chuan boxer chauh ha in a rawn zui bawk. A boxer hak lah chu hmanhmawh a hak tih hriat zet in a letling in ala ha zui. Ruati lah chu a sam a pawr phang bawk. Chutihlai a kan awmna boruak chu sawithiam bakin a reh ti tawp mai ang.
.
" Lo..."
.
Tlanchhiat tum a ka inher chu rang lutukin David chuan ka ban ah a rawn chelh a.
.
" A pawi ka ti khawp mai. Hei hi i zawhna chhanna chu a ni e" tih pah chuan David chuan min rawn melh a, ka nat zia chu ka sawi thiam lo. Ka thin chu a sawm vek ni ber in ka hria.
.
" Lor, min ngaithla..."
.
" Ngawi hmak rawh" Valpuia tawng lai chu ka lo pawt chat vat a, vuak hlum mai ka duh hial a ni. Ruati erawh chu a ding ngawireng a, a hmel ah erawh a zam hauh lo tih a hriat thung.
.
" I duh chu i hmu ta maw? Nang, hmeichhe duhzawng pawh pe thei lo, mipa pawh..." Ruati tawnglai chu a hmai ah ka beng sawk a, ka unaupa hi khatiang a tawngkhum tur kha a ni lo. Thil an tisual a, zahna pakhatmah an nei lo chu rapthlak ka ti lutuk.
.
" I ka kha veng tha ang che" tih pah chuan David-a chu ka kai a, ani meuh pawh Ruati tawngkam chuan a ti na ngang a niang, a pangai miah lo. Ka kaih ang ang chuan a kal a, motor chhung kan luh thleng chuan engmah a sawi lo.
.
" DaVid, motor i khalh thei angem?" dam dap chuan ka ti sap a, diktak chuan ka rilru a na ngawih ngawih. Mahse keiaiin David hi a ngaihtuahawm zawk tlat a ni. Ka natna chu ka dahtha rih thei, mahse a natna hi ka hmu thei hlawl lo.
.
Tha tak chuan ka inluah chu kan inkhalh thleng ve thei mai a, David pawh chu haw ka remti lo. Amah a awmtir ka duh lo. Ngawirengin ka room-ah chuan ka hruai lut a, ka tih ang ang chuan a awm a ni ber mai. Khum ah chuan ka muttir a, a mit a chhing vang vang a, a kut erawh a inhumruh nasa ngang mai.
.
" Vid, hahdam deuhin awm rawh. Ei rawng ka bawl anga, zanin chu hetah i riak dawn nia" ka tih chuan min chhang lem lo.
.
Ei rawng bawl chung chuan ka inngaihtuah nasa ngei mai. Valpuia awmdan chuan min ti na tak zet a ni. Engtinnge ti chung khan nupui a min neih a duh thu te ala sawi ngam cheu le? Ka ten lutuk hi ka sa pawp pawp thei. Tetei biak tha in ka hre viau nangin David-a chungchang sawi tel a ngai ngei dawn a, tun ah rih chuan ka la be lo mai ang. Naktuk lam ah hmaichhan ah thil awmdan hrilh ka tum ta zawk.
.
" I thinrim miah lo em ni?" David-a tawngri chuan ka ngaihtuahna atang min ti harh chiang ngei mai. Alo thawh lai ka hre miah lo.
.
" Keimah vangin i tawrh ve angai kha pawi ka ti lutuk" ka ti sep a, diktakin pawi ka ti tak tak a ni. Kha zawhna kha lo zawt lo ila Ruati tawngkam hre tur khan kha hmun ah khan kan kal miah lo tur ania.
.
" A man an la pe ve ngei ang" tih nghut pah chuan chair pawt chhuakin ka bul ah a rawn thu a, sawi tur a vang ngei mai.
.
Kha boruak chhe zet kan tawn atang khan karhnih lai a liam leh tawh. Tetei chanchin ka hrilh ni chuan a thinrim ngei mai. Valpuia chu hmuh a, hauh hrep a duh a. Mahse ka remti lo. Valpuia pawhin min rawn phone a tum nasa a, mahse ka pick up ngai lo. Whatsapp thlengin a rawn ti nasa, ka lak ah engmah hlutna a nei tawh lo mai ni lovin ka tan chuan ek ai pawhin a tenawm zawk a ni. Block erawh ka block duh hauh lo thung.
.
David pawh ka hmu lo rei ta. Ka in a a riah zan bak kha min rawn be lova, kan inhmu ngai hek lo. Ka ngaihtuah viau nangin min haw san dawn khan a that thu leh ngaihtuah a duh loh thu a sawi a, mipa a ni a, a ngaihtuahawm ka ring lo bawk. Keihi ka rinai takin ka chhel a. Ka nu chu kan boruak ka hrilh ve nial a, mahse Zahawmi tan hriat a nawm loh kan hlauh avangin Ruati chungchang erawh engmah sawi ri lem lo tur in ka ti thung. A thiannu ve ber a ni si a, a hriat chuan nuam a ti dawn lo chiang sa a, a tihsual a awm ve lo a, a hriat hun hun ah hre tawp se ka duhdan a ni.
.
Naupang exam an zawh tawh avangin keipawh AIZAWL lam ah ka haw phei a, nu leh pa bul nge nge chu a nuam a ni. Ka pa ti ti atang David pawh Aizawl lam a a awmna alo rei veleh tawh a ni awm e. Tin, a hna pawh amahin vil tawh lovin mi a chhawr thu pawh ka hre bawk. Ka khawngaih ve hle a ni.
.
Zahawmi nen kan bazar dun a, kan bawr viau bawk. Zahawmi fel na em em pakhat chu, engemaw hlek a motor kenchhuah a duhlo hi a ni. Thenkhat chu khawi maw hlek a chhuah dawn in an hawl chhuak zel a, ani erawh chuan ke a kal a, ti ti mai mai te hi nuam a tihzawng a nia. Ka rilrem thlap a ni bawk. Bakah inchhung ah a che peih in a tawng duh em em a, ka nu nen hian in nufa awm tak pawh an ni. Ka pa ni se a ngaihsak thiam em em bawk a. Ka nu chu min ruk sak ni ber in ka hria. Chutihrualin min ti lungawi em em tho bawk si. Ka U zet chuan hmeichhe tha a hre teh e. A pasal ai mahin a pasal chhungte min ngaihsak emaw tih mai tur in chhung awm kim lai chuan a awm thiam a, zing thawh hun ah ka U lah lungawi em em in a rawn tho nui sang thei ziah bawk si. Mo ang in a awm lova, mo ang in kan en hek lo.
.
" Hey, Ruati..." Zahawmi hawina lam chu ka hawi phei a, ka rinloh lutuk in Ruati leh David-a an lo inkai rial a, ka ang pham ringawt. Engtinnge a thlen theih?
.
" Awi, thiani, kan va inhmu khat ve. Loretta, i dam maw?" Ruati chuan nuisangin a ti zat zat a, David-a erawh min melh eih lo. Mak ka tih zia chu Ruati min biakna pawh ka chhang thei lo. An 2 chuan ka en reng ringawt.
.
" I lo leng duh lo em alawm. Nangni 2 hi in tha leh tawh em ni? Engmah min hrilh ve duh lova" Zahawmi chuan boruak engmah hre lo chuan a ti tak siam siam a, kei erawh ka lo thinrim ul thung. Khang boruak a thlen hnu ah pawh engtinnge a kawp leh theih?
.
" Hehe... inhrilh tur pawhin kan in be khat lutuk alawm. Pasal i nei fuh bawk a, i reh hmak mai alawm. Mi hmuh tur kan nei a, kan kalsan ang cheu. Thiani, rawn len vat ka tum ang. Big news te pawh a awm nual. i hnung ka rawn zui vat lovang tih pawh a sawi theih loh a nia" nui sang chuan Ruati chuan a ti leh zat zat a, David erawh vawikhatmah a tawng ve lo. Chutiang bawkin keipawh.
.
" An lo inkawp rem leh ta nge nge a ni maw?" Ruati te kalliam hnu chuan Zahawmi chuan a ti siam siam a, engmah hre ve hek lo, ka thinrim zia leh mak ka tih zia chu hria se a sawi ri hauh lo tur a nia.
.
Taxi la in in kan thlen thleng chuan ka tawng mang lo. A khat tawk a Zahawmi ti ti chu ka zawm ve zeuh tih loh chu. In kan thlen chuan kan bazar chu ka nu in alo la sawk sawk a, keichu ka chauh chhuanlam in ka room lam ah ka lut daih thung. Ngawirengin ka inbual a, ka inbual zawh chuan ka khum ah ka mu lum than a, rawngbawl pawh ka va pui peih lem lo. Kan thil tawn khan min tichau zual ngawih ngawih a ni ber mai.
.
Inrinni chhun a ni a, ka nu chuan inchung a pangpar awmna chu a tifai a, Zahawmi'n a pui bawk. Kei erawh in ka tifai hnu ah ka mu zal ar ar a, krismas a hnai tawh khawp mai. Khua a vawt sur bawk a, inchhung chu heater on in kan ti lum vek bawk a ni. Ka pa lah dawr lam kan buai em avangin Mama puiin a kal daih bawk a, ka room lam a mu chawl tur a ka phei tur chiah chu doorbell a rawn ri tlang tlang a, peih lo zet a ka va hawn chuan kawngka bul ah Ruati leh David-a bawk an lo ding dun vang mai.
.
" Nangni..."
.
" Kan lo lut thei angem?" David chuan ka tawnglai chu a rawn pawt chat nghut a, ka hmusit ngawih ngawih. Khatiang khawp a na a tawngkhum tawh tu a kawp leh thei hi nep ka ti hluah hluah a ni ber mai.
.
" Zahawmi a awm nange?" Ruati chuan inchhung an rawn luh hnu chuan a ti vat a, ka chhang peih lo kher mai.
.
" Lo thu ru, kan ko ange" tih pah chuan inchung chhohna step, inchhung lampang ami zawk ah chuan ka chhohsan daih a. Zahawmi chhuk hnu pawh chuan ka chhukthla ve duh lem lo. David-a lo kal tel thu ka sawi ri duh miah lo bawk. A chhan chu ka nu chu chhuk ve kher lo se ka duh a ni.
.
" Ka nu Te, iva buai awm ve" David-a twngri ka hriat chuan ka ding hluai a, ka nu pawh chuan a thil tih lai chu a chawl dat a, aw-ri lo chhuahna lam chu a hawi ve vat bawk.
.
" Aw-haw... Ilo kal a ni maw? Thingpui te i in tawh em?" ka nu chuan alo ti sawk sawk a, ka lo ner nang thung.
.
" Nia, Ruati nen kan lo kal a. Loretta hian a sawi lo mi?" ngeiawm zet a min rawn nuih pah chuan ka nu bul ah min hek zawm zat a, ka va han haw ber mai tak.
.
" AAaa, sawi pawh ka lo hre lo a. Tiru, thingpui i zuk in ang u. Ka ril a tam riau tawh mai" ka nu chuan a hmanrua seng mawlh mawlh pah chuan a ti sawk sawk a, ka peih lo kher mai.
.
" Loretta hi biak lawk ka duh a, kan lo chhuk ve nghal ang" a tih chuan ka nu chuan min chhuksan nghal. A zaklo ka ti kher mai. Khati khawpin ka ngaihtuah ve a, Ruati hmai ah hial ka ben phah a, mahse alo kawp leh tho si. Tenawm lutuk.
.
" Keipawh ka chhuk ve nghal dawn" tih pah chuan ka kal nghal a, mahse ka kal sawn thui hman lo kher mai.
.
" Ka be duh che ka ti a ni lawm ni?" tih pah chuan min rawn pawt let dawrh a, ka phu nasa ngei mai.
.
" Min thlah rawh. Inbiak chhan tur kan nei lo" tih pah chuan ka ban a hmerna chu phelh tumin ka kut lehlam chuan a kut chu a elh ve nasa a, mahse awmzia awm lem lo.
.
" A chhan takngial pawh min zawt dawn lo em ni?"
.
" Eng chu maw?"
.
" Ruati nen kan inkiar hi"
.
" Zawh i ngai em ni? I duh a, i kawp a ni mai alawm. Ka lo sawi ve tur a awm lo ve"
.
" A tha alawm. Min zawh loh chuan i hre ngai dawn lo anih chu" tih pah chuan min hmerna chu a thlah a, hamhaih zet a ka en lai chuan chak zet in inhnuai lam min pan san zui nghal. A awmdan avang hian ka hawi a reng mai dawn a nih hi.
.
In hnuai ka chhuk thlak chuan Zahawmi leh Ruati leh David chu an lo thu thap a, an lo ti ti a, an hlim hmel khawp mai. David tiam loh in. David erawh chu inngaihtuah nasat hmel zet in alo thu ngawi reng a, hmeichhe pahnih ti ti chuan a rilru a luah loh hmel khawp mai.
.
" Bawihi, thingpui ka thlit ve nghal ang che aw" Zahawmi chuan alo ti vat a. Mahse ka in chak rih loh thu leh mut lawk ka duh thu hrilh pahin ka room lam ka pan san zui nghal.
.
Khum ah chuan ka mu a, a vawh avang a intuam khawr hlan chung chuan David thusawi chu ka ngaihtuah neuh neuh a, enge a chhan a tih chu ni ta ang? Huiham. Ka ngaihtuah peih lo ve. A duh a, a kawp leh a, khang boruak thlen lai a hre ve vek tu ka nih avangin ka lak ah a inthlahrung te pawh aniange. Chhuanlam ka hnen a siam a tulna ka hre hauh lo. Duh leh lo inkawp vel mai mai teh se.
.
Ka khum rawn hniam sut ah chuan ka phu nasa ngei mai. Rang zet chuan ka leh hawi a, David chu ka khum ah thu in muk hmel zet in min lo en a, ka te chhuak tur chu ka ka a rawn hup vat a.
.
" Bengchheng suh. Engtinmah ka ti dawn lo che" a ti sup a, a hmel awmdan avang chuan ka ngawi ta hle hle bawk. A hmel chu a khawhar hmel in vei nei hmel a pu a, a mitmeng chuan hrehawm ti hmel a pu bawk.
.
" Enge hetah i rawn tih dawn?" ka hmui a hupna athlah hnu chuan ka ti sap a, diktak chuan a hu-hang hi ka awm a ti nuam lo ru fo thin a ni.
.
" Hmeichhe luhlul lutuk. Ka rawn mangtha dawn che" nuih suk pah a a tih chuan ka tiril ah chuan engemawni in min tham tlat pek.
.
" Anih chu. Ka muhil lawk duh a, kawngka kha lo khar tha ang che" tih pahin ka inlet thak a, ka mit ka chhing zui hmak. Ka khum che sut ah chuan a tho tih ka hria. Kawngka inkhar ri khap ka hriat chuan ka thaw huai thei. Mahse keimah ah chuan kimlo awm a hriatna mak tak ka nei zui nghal tlat thung. Ani thei lo. Unau kan nih hi.
.
" Ruati te kha David nen inneih an tum hnai anih hmel a" Zahawmi'n zanriah ei lai a a rawn tih chuan ka phu nasa lutuk chu ka chaw ei ka hak thawt thei.
.
" Anih chu mawle" ka nu in tih sap pah chuan ka hnung chu a chum dat dat a. Ka nu hian engkim a hre vek a, khang thil thleng zawng zawng kha. A sawi zui tawi dan atang chuan mak a ti ve anih ka ring.
.
" Nia, ka lawmpui ngawt mai. David-a lah mipa tha tak a nia" a ti leh sap a. Ka awmdan chu min enchiang se chuan a thusawi lai chu a sawi zui hauh in ka ring lo.
.
Chaw eitui loh chhuanlam in ka tho vat a, ka chhungte erawh chuan an thusawi lai chanchin chu an sawi zui malh malh thung. Ka nu erawh a tawng tlem viau mai. Ka nu ka chhunna em em chu, mi kan rinna a tlakhniam tawh chuan rin nawn leh kan harsatna tak hi a ni. Chutihrualin mi reng reng hi kan ring hmasa phawt thin.
.
Krismas urlawk ni a ni. Kan dawr chu ka pa remruat na ang in kan khar a, mahse hnathawk ho zawng zawng erawh kan in ah an rawn kal khawm vek thung. A chhan chu ka pa in krismas present a pek dawn vang a ni. Hei hi kumtin kan tihdan a ni miau a. Ka pa in tam ni lo mahse an krismas sa lei nan kan hnathawk te chu Rs.10000 theuh a pe hlam a, an lawm thiam kher mai. An hlim hmel hmuh chu nuam ka ti viau bawk.
.
Hnathawk ho an haw hnu chuan kan chhungkua in bazar tur in kan chhuak ve a, hetiang hun hi kumkhat ah vawikhat bak kan nei hleithei meuh lo. Eitur chi hrang hrang te leiin kan bazar kual a, kutdawh kan hmuh theih ang ang pawisa kan pe ve bawk. Tin, hmel en reng reng a harsa ve tak tur tih hriat em em, chhungkaw khawsakin a zir loh avang a urlawkni ah pawh theihtawp a mi bungrua sale a inhlawh te kan tanpui kual bawk a, hetiang a keini aia harsa veleh chhawngte puih hi nuam kan ti em em thin. Zahawmi pawhin nuam a tih hmel khawp mai.
.
Kan mamawh ang kan lei zawh chuan Zahawmi nu puanlum tur leh eitur te kan lei leh a, Zahawmi te in lam ah kan liam thla leh ta. Kan zuk thlen chuan Zahawmi nu chu alo lawm khawp a, Zahawmi nau mipa nen anni hi an la cheng dun a ni. A nau dik tak chu a ni lo a, mahse chhungkaw harsatna avang a hnuchham in a an dah, Zahawmi nu in a fa atan a a lak tak a ni. Chaw ei tur in min duh viau na in ka pa chuan a hnial thung a, Zahawmi te nupa erawh ei tur in a ti thung.
.
Kei leh ka nu leh pa chu kan haw ve thuai a, in ah rawng te kan bawl zawh hnu chuan chaw kan ei zui ve nghal. Chaw eikham chuan ka U in min rawn phone a, Nu Puii'n an dawr ah urlawk zan thalaite hmanna tur a buatsaih thu leh lo insiam a kal ve tur n min rawn ti a, ka phur kher mai. Nu Puii pawh chu a hrim hrim in min rawn hrilh ve tur a nia. Mahse ani hi zawng, a buai thei em a, ka U a hrilh chuan min hrilh ang tho a ni e.
.
BON APPETITE kan va thlen chuan an lo ri nak nak tawh a, entry fee tlem chu an lo siam ve a, mahse keini erawh entry fee ngai lo a min luhtir an tum thung. Chuerawh ka U ngaihdan anih ve lem loh avangin dan ang thlap chuan entry fee chu a hmun ah mi pakhat tan Rs.200 man chu kan 3 tan chuan a la ve thlap a ni. Chhungte tih vang a a thlawn beisei ngawt chi hi kan ni lo hrim hrim a. Chutihrualin Nu Puii erawh chuan inchhung kan luh chuan entry fee kan pek ve thu alo hre tawh a, min lo hau bawrh bawrh thung.
.
Hmelhriat em em an awm lem lo nangin thalai rual, pawnlam a interek fal mai mai lova chutia party ve angreng deuh buatsaih nachang hria Nu Puii chu ka fak kher mai. Thalai zawng zawng chu huikhawm thei lo mahse he thil hian tuemaw pakhat tal future chu a chhanchim ngeiin ka ring tlat a ni.
.
Music an play dup dup a, a then an lam a, a then in no an dawm bawk. A then an lo thu bial a, a hmun hma in a zo bawk a, a nuam reuh phian. Keipawh kal ve zing a mipa smart hmel tak chuan lampui ah min rawn sawm a, Mama chu mitmei a ka rawn chuan nuisang in a lu a lo bu nghauh a, kan lamdun ve ta nghal.
.
Lamtual chu a zau tha bawk a, lam kan tam kher mai. Hla pakhat a kan lam zawh chuan music slow zet a rawn ri leh a, nuam ka tih avangin ka lampui pa pawh chuan lam chhunzawm ala phur hmel khawp mai. Music rem a kan suk delh delh lai chuan ka hawi kual chhin a, ka rin loh lutuk in ka u te nupa bul ah David leh Ruati bawk an lo awm veleh tawh. Ka va hawi phei chiah chu David chuan min lo en reng a, light a en vak loh avangin a hmel chu duh ang in ak hmu chiang thei lo.
.
Music a zawh hnu chuan ka lampui pa chuan thlanglam varendah lam a thut chawlh pui ah min sawm a, ka hnial lem lo. Ka U te bul a va phei leh chu ka chak lo mah zawk a ni.
.
" Sawmpuia ka nia, nangchu i hming ka hre tawh" ka lampui pa in nui var var a chair a kan thut hnu a a tih chuan ka nui sak a.
.
" Engtin?"
.
" Sumdawng hausa fanu te chu hriat in har hleinem" a tih veleh mai a. Dawt a sawi chiah lo. Kan chhungkaw sumdawnna hi a lar miau a, a neitute chu hriat kan awl ve ang chu. Chutihrualin kei erawh mi hriat hlawh lo pawl tak ka ni. A chhan chu sumdawnna ah hian inrawlhna ka nei ve miau lo a. Ka tui ve tlat lo a ni.
.
" Khawi veng ah nge in awm?"
.
" Chanmari-ah a nia. In in lam a rawn len te a rem ang chu maw?" a nui hmel chu a ngaihawm. Valpuia ka hrechhuak zawk. Mahse ka ngaihtuahna ka tifim vat thung.
.
" I inrawlh lohna tur ah inrawlh lo la a that ka ring" ti tu lam chu kan hawi rual thawt a. Ka hnung mai ah chuan David chu alo ding khur mai. Ka phu nasa ngei mai.
.
" Enge hetah i rawn tih ve?" aw vin deuh chuan ka ti that a, mahse midang chuan an hre lovang. A chhan chu music a ring tha em a ni.
.
" Malsawmsang, in ti lutuk mah mah tawh" ka zawhna chhang lo chuan Sawmpuia chu a en ngur a, a hmel chu a hlauhawm kher mai. Mahse tun tum chu ka thin a ur ve tlat. Alo inrawlhna chhan tur ka hre hauh lo.
.
" David, sawifiah vat rawh. Anih loh chuan ka U te ka hrilh ngei ang" ka lo ti let ve kha kha a. Mahse ka thusawi chu a bengkhawn hmel vak lem loh.
.
" David, ka hmeichhe kawm ah hian thuneih rawn tum lo la a tha ang. Anih loh chuan..." Sawmpuia chu a nui sak a, mahse a zta vang ni lovin David chu a vau na ni ber in ka hria. An inbiak dan ah an inhresa tih a chiang reng mai. A ngaihna ka hre lo kher asin.
.
" Nangni 2 hi in inhria em ni?" mak ti zet chuan ka en tawn a, mipa pahnih hmel erawh a nem lo dun kher mai.
.
" I unaupa hi han zawt ta che" Sawmpuia chuan a ti nghut a. David chu zawhna mitmeng nen chuan ka melh a, mahse mak lutuk tak maiin David chu a inher vut a, min kalsan ta daih mai. KA hawi buai tulh tulh a ni ber mai.
VBR 2 - 5
ELTY LUHLUL AUG HNAMTE
.
David-a kal daih chu ka en vung vung a, harhchhuak thut in um zui tum in ka phe ve nghal. Mahse Sawmpuia chuan min lo dang vat thung.
.
" Kal tir rih rawh. Kan hun nuam tak hi tichhe lo hram ang" alo tih avang chuan ka ding dat a, a sawi dik in ka hria. Engvang a khatia rawn ti ve ngawt nge anih ka hre lo. Mahse chhan a neih ngei chu ka ring ru ve deuh tho.
.
Sawmpuia nen chuan kan han thu dun leh ren rawn nangin a hma ang khan kan in pawh thei ta meuh lo thung. Rei pawh thu ta lo chuan inchhung lam a luh ka rawt vat a, ka U te ka va hmuh chuan an bul ah David chu alo awm leh reng tawh. Ruati pawh a hlim hmel sar sar khawp mai. Ka U hnen ah haw mai ka duh thu ka sawi chuan David chuan min thlah tur thu alo sawi vat a, chuerawh ka hnial ngai lovin Ruati'n alo khapbet hmiah thung. Ka U chuan ka hmel a dik lo tih hrethiam in an nu hnen ah a let leh tur thu sawi pahin min thlah ta nge nge.
.
Kawng lak ah chuan thildang sawiin kan unau chuan kan phul phei ta hlut a, zawhna min zawt lo chu ka lawm viau a ni. Min zawt ta se sawi kual tur a tam dawn lutuk tlat. Mahse ka U hi ka fak em em na chu, harsatna emaw, hlimna emaw pawh nei ila hriat tum in min zawt sek lova, ka hrilh hma chu dawhthei takin a nghak mai thin.
.
In kan thlen chuan ka U chu a let leh nghal a, kei erawh ka nu te an lo mut tawh avangin ka intifai sawk sawk a, ka mu zui ve nghal. Mutthilh erawh a harsa khawp mai. Tunhnai David-a awmdan avang hian ka awm a nuam thei thlawt lo. Khati khawp a thang tlawm thlak lutukna tawngkam a dawn tawh hnu ah pawh ala zui leh duan duan thei hi mak ka ti bawk si, ka ten lam mah zawk a ni ber mai. Mipa pawh a ni nek lovang .
.
Krismas ni chuan kan chhungkua in kan inkhawm a, nizan lam ka haw hma chu ka inchhir lem lo khawp mai. Krismas ni inkhawm ah mutchhuak chual lo in ka inkhawm theih phah a. Tunlai kan thil chin tha lo tak ni a ka hriat chu urlawk zan leh kumhlui thlah zan a thalai ten tlaivar deuh kher kan tum thin hi a ni. Krismas ni leh kumthar ni inkhawm ah kan muthlu leh hnup thin hi a ni. Lal piang kan lawm ber tan leh kumthar min hruai thleng tu tan hian kan rilru kan pe tawk lo leh a vuakvet a khawvel hlim hlawp thil a kan in hmangral nasa ta lutuk hi sim then kan ngai viau in ka hria.
.
Krismas pawh hlim takin kan hmang zo a, kumthar lo thleng tur atan kan inpuahchah leh ta suau suau chu a ni. Kumhlui thlah ni chuan ka pa in Pa Lara kohna a hmuh avangin kan chhung in chaw ei phei tur in kan phei a, kan thlen phei chuan Pa Puia te pawh an lo awm bawk. Tin, ka pi pawh alo thu chhuak ve hram hram a, mak deuhin boruak chu a uap churh ti ila a dik ber ang.
.
Sitting room lam a kan thutkhawm pah a kan ti ti mawlh mawlh lai chuan David leh Ruati an rawn lang hlawl a, ka beisei loh ber thil a ni. Diktak chuan kan thlen tirh atang David chu ka la hmu hauh lo, mahse a room lam ah a awm anih ka ring ber a, mahse ka rin loh lam atang an rawn lang thut bawk si.
.
" Mama, room lam ah in be lawk ang hmiang" an rawn luh rual deuhthaw chuan Pa Lara chuan a lo ti vat a, a aw-ki ah chuan hnial chi miah lohna a awm bawk. Mahse ka rinloh lutuk in David chuan a chhang ta tlat mai.
.
" Ni lo e. Hetah ngei hian kan sawi tlang dawn nia. In zavai a inhriat atan ka duh avang a koh khawm tir che ka nih kha" a ti ta ngut mai le. Tupawh mai chu kan mengphawk hra hlawm. Pa Lara hmel ka va en a, mangang hmel ka hmu tlat a ni.
.
" David..."
.
" Tunah chuan ' Ka fapa' tih pawhin min ko ta lo maw?" a hmel rum zet chu kan en thap a, tupawh mai chu kan hawi phawk hra hlawm. David-a nu chu a thaw hak a.
.
" Ngawiteh u, enge thil awmzia hi ni ta?" ka pa chu a rawn inrawlh ve ta. Ka nu ka va en a, kan boruak hi hre sa a ang ka ti tlat. A hmel chu a dam dap a, Pa Lara chu lainat hmel zet chuan a en a, kan boruak chu rit mep mep tak a ni.
.
" Nupui ka nei dawn a, January thla ah a ni ang. Chuan, zanin dar 12 ral hma in he in hi ka chhuahsan dawn bawk a ni. Abak chu ka nu in lo sawifiah mai rawh se. Ruati, min rawn zui rawh" tih pah chuan Ruati ding reng chu a kai lawp a, a room lam pan chuan an lut zui nghal. Tumah reng tawng tur kan awm lo. Kan thu hriat chuan min thawng a, abak la awm leh tur chuan min ti phawklek viau hlawm bawk a ni.
.
" Enge kan boruak hi a awmzia?" ka pa in a rawn tih chuan Lara nu lam chu kan melh thup a ni ber mai.
.
" Keiman kan sawifiah ange. David-a hi ka fapa a ni ve lo a..." kan hawi buai hlawm asin. Hemi lai tak hian awm ve ula tupawh in hawi buai ve vek in ka ring. A awihawm loh fahran. Pa Lara nen an in ang em em bawk si.
.
" Maw?" ka insum ve hman ta lo pek. Ka nu in mitmei a min rawn khap zauh avang chuan ka hmui ka hup a, tupawh mai chu kan hawi phawk miau a ni. Tunge pangai tak a awm thei tehlul ang?
.
" Ni e. A dik alawm. Bawiha ka pai tirh kha kan pa nen hian kan la inkawp lo a, mahse thian erawh kan ni thung. Bawiha pa dik tak hian nau ka keng tih a hriat veleh nupui min neihsan ta a, khatihlai khan ka a lo chauh a ni. Mahse kan pa hian min hnem nasa a, mi hriat tam hma in nupui atan min sawm ta a. Mahse kei erawh chuan hnial tak te in ka hnial thung.
A chhan chu a fa ni miah lo ka pai a, chutah inngaihzawnna engmah kan nei lo bawk. Mahse mipa luhlul zet mai chu ka hnial hneh ta lova, kei leh ka nau pai lai chu hmangaih takin min seng lut ta a ni. Hemi chungchang hi chu Tei chiah hian a hria a, ka fapa pa lah biak theih in a awm duh hek lo. Tichuan khawiahmah sawichhuak lo tur a kan pa in Tei nen thu min tiam tir hnu chuan a fa ka pai ang chiah in min enkawl ta a. Bawiha nau te ka pai leh hnu hian ka tehkhin fo thin. Bawiha ka pai lai khan ka pasal hian ama fa te diktak ka pai lai aiin min duat zawk ni hian ka hre fo thin.
Tling lo intih ngawih ngawihna rilru chu ka pasal min hmangaihna chuan a hneh ve hret hret a, Bawiha pawh a fapa a ni lo tih hriat hauh loh in a enkawl a, tumah in inhre lo reng anih kha.
Mahse...... tun thla tir lam a a rawn haw phei khan natna na tak tuar ang hian a awm a, kei ngei pawhin vawi tam tak ka ti ti pui a. Mahse engmah ka zawt chhuak zo lo. Apa in a ti ti pui leh hnu chuan hmangaihna vang a na a ni tih kan hrechhuak ta. A hmangaih chu tunge anih a sawi hnu chuan kan rilru a buai in hrehawm kan ti ru em em a, amah lah in eng tih zai mah a rel ta hek lo.
Tichuan kan nupa a ngun tak a kan ngaihtuah hnu chuan thudik chu hrilh a, a hmangaih chu a nei thei ang tih chu kan thutlukna a ni ta a. Zan khat chu a room-ah kal in thudik chu kan hrilh ta a, mahse kan tlai hman ta a ni. A thu hriat avang chuan na a ti a, min be duh hek lo. Mahse a unaute lak ah erawh engmah a tilang lo a, keini nupa erawh khata tang khan min be leh ta ngai lo a ni. Tichuan tun a nupui a neih a tum hi amah bumtu a ni tih thleng in kan hre vek a, min runluih nan he thil hi a ti ta a ni.
Thuruk lian tak kan zep avangin min ngaidam ula, ka pasal chhungte zawng zawng chung ah ngaihdam ka dil mawlh mawlh a ni. Induh chuan min thehchhuak thei ang. Mahse hei erawh min hriatsak ula, ka fapa pa hi ka khawloh vang a awm herh pui ka ni lova, ka mawl vang chiah a he dinhmun hrehawm tak a ding ta hi ka ni" David-a nu in a sawi zawh chuan kan reh thap a, tumah tawng zai kan rel lo.
.
" Engpawhnise thil chu a thleng tur a thleng vek tawh a. Ka lo sawi ve tur a awm em ka hre lo a. Mahse ka ngaihdan chuan Larson, mipa diktak i ni e. David-a chu keimah in ka bia anga. Mahse tunah rih chuan a thil tum hi kan dal tur a ni lovang. A rilru dam nan reilote chu awm hrang ve phawt se, chumi chhung chu mualpho pawh kan huam tlang aniang chu" Pa Puia'n a rawn tih chuan puitling ho chuan an pawm thu an sawi sap sap a, kei erawh ka ipik ngawih ngawih thung. Chuti fakau a thuruk phawrh ngai khawp a a hmangaih chu tunge ni ta ang? Ka rilru chuan chu zawhna chu a inzawt mawlh mawlh a ni ber mai.
.
Kumthar lawmna pawh a zo fel ta. Kan chhungkaw ho erawh kan ngui nghiai mai. David chu Ruati putea te inhnuai ah a inbawl hrang tih erawh Pa Puia zar ah kan hria a, ka rilru chuan va hmuh a duh tak zet. Mahse engemaw ti tlat hian ka tim riau pek a, Zahawmi lah a hma ang in a tawng duh tawh lo a, hrehawm a ti ve ngawt ang. David-a nu thusawi zawng zawng kha a hre ve vek a, a thiannu ber a ni bawk si. A tan chuan awmdan thiam a har ve khawp ang. Mahse tumahin kan dem reng reng lo. Ani aia mo tha leh fel hi kan hre bik chuang lo.
.
" Bawihi, ilo thleng tawh maw? Lo thu rawh" Pa Puia meuhin min koh avang chuan an in pawh ka thleng phei rang khawp mai.
.
" Nia. Khawnge midang?" tih pah chuan sofa ah chuan ka thu than a, Pa Puia bul a awm hi nuam ka ti thin. A dam dup a, min hmangaih tih hriat ngawih ngawih a min be thin te hi a nuam ka ti. Ka pa phir pui a ni lovang tih ka hlau ngawih ngawih thin.
.
" Api te in lam ah chaw kan ei phei dawn a, an lo va kal hmasa anih kha. Englo ania, thil ngen duh che ka nei a"
.
" Engenita?"
.
" David hi nangmah ngeiin hmu in va thlem la a tha in ka hria. Vawi 3 lai chu ka kal tawh a, mahse lungtum biak ang hlauh a ni" a tih chuan ka nui hak a. Pa Puia chuan ka biak tawng theih bik a ring em maw ni?
.
" Nang meuh pawh a biak duh loh che chuan kei...."
.
" Ni lo e. Nangmah hi a bul pui ber i ni asin"
.
" Maw?" a thusawi hrethiam lo zet chuan ka en hu a. enge a bul pui ber ka nih ngawtna chhan tur reng ka hre lo.
.
" David-a hmangaih kha nangmah hi i ni asin" Pa Puia thusawi chu ka awih lo lutuk chu ka nui nghek a. Keihi min hmangaih ang maw? Awihawm loh lutuk.
.
" I hresual anih ka ring"
.
" Hre sual hauh lo mai. Bawihi, i tan chuan awih a harsa mai thei a. Mahse David-a hi a nu leh pa hnen a hruai let thei tur chu nangmah chiah hi i ni. Ruati nen an inneih hma ngeiin i hruai chhuah a ngai a ni"
.
" Pa Pui, ka thei lovang"
.
" Engvangin maw? Nei rawh ka ti lo che a, mahse a saltanna atang hian hruai chhuak tur in ka duh che a ni. I hria em? I pu diktak kan neihlet leh theih nan a ke pen hmasa ber chu i Pa Larson hi a ni asin. I pa nen a unau ang tak a kan awm theih chhan chu i Pa Larson hi a ni a. I pa in ka pa a hmuh hmasak ber tum a huaisen tak a hma la tu chu i Pa Larson bawk hi a ni asin. Kan chhungkua in kan tih theih ve chhun chu David-a pek kir hi a ni. Chumi tur chuan i khawngaihna ka ngen a ni" ka Pa Puia chu ka en tlawk tlawk ringawt. A hmel ah chuan a uang lo tih a chiang bawk si. Engvangin nge kei hi min hmangaih ngawt? Min hmangaih ni se vawikhat tal pawh a tilang ve chhin tur a ni dawn lawm ni?
.
" Ka lo inngaihtuah ang" ka ti sap a, Pa Puia chuan min rawn kuah a, lawmthu min hrilh sap a, kei erawh ka ngawi reng thung.
.
In ka thlen chuan Zahawmi chiah alo awm a, ani hi ka biak ngei a ngai a ni. Ruati putea te in awmna tak ka hre lo a, Pa Puia kha zawh nachang ka hre miah lo bawk. Zahawmi chu ka zawt a, tha takin min hrilh ve mai bawk. Min kalpui a inhuam thu a sawi a, mahse ka hnial thung. Hrehawm a tih zia ka hria, mahse ka tawng thlamuan hlei thei tlat lo. Ka haw lo a, mahse ka be tha lutuk thei tlat lo.
.
Ka hma a in lianpui ding ngur chu ka thlek vang vang a, an hausa tih a hriat takzet. Ka scooty chu ka park tha a, inhnuai lam panna step chu ka zawh tan a, ka ke pen chu a sak kher mai. Khua a thim deuh tawh avangin varendah light chu a inchhi eng kalh a, kawngka zawn ah chuan ka ding vang vang phawt. Inchhung lam chu a reh ruih a, awm an awm lo tih dawn in pawnlam ah a inkalh chuang hauh si lo. Kawngka kik tum a ka kut ka phar chhuak chiah chu inchhung atang chuan hmeichhe nui thawm a rawn ri a, chu nui thawm chu hman ah kha Lunglei Tourist Lodge ah khan ka hre tawh a ni. Ka kut chu ka hum ruh a, thawk la hak pah chuan ka kik ta tho.
.
" Enge i duh?" David-a aw-ri chang zet mai chu haider lui in ka nui sang a.
.
" Ka rawn tlawh kawi zawk che. Ka lo lut thei angem?"
.
Inchhung ka luh chuan zu rim a nam rum rum tih ka hre chiah. Zu mai bak ah zial rim nen. Ka uak hman teuh e.
.
" Awi, nang i ni maw?" Ruati chuan bedroom atang a rawn chhuah pah chuan min rawn be sawt sawt a, mahse a aw-ri ah chuan min tih-elna chiang takin ka hre thung.
.
" Nia. Hei, ka unaupa hi ka rawn tlawh kawi zawk a. Ka tibuai che u a ang riau mai. Ka kal leh phawt mai ange" tih pah chuan ka inher vat a, he hmun atang hian rangtak a tlanchhuah ka duh a ni. Ka thil tih tum pawh ka ti thei dawn lo chiang e.
.
" Kha zawng kha maw rawn tih i tum?" David-a aw nelawm loh zet avang chuan ka ding chat a, mahse rangzetin kawngka lam chu ka pan zui lehnghal. Kawngka ka pel chiah tih chuan Ruati nuiri ka hre zui nghal a, ka thin chu a so bulh bulh a ni ber mai. Pa Puia min ngenna chu ka ti hlawhtling thei dawn lo tih ka chiang nghal. Khatiang teh hrep hmuh a tawn leh ai chuan ka kawng zawh ka thlang zawk e.
.
20th January a ni. Keipawh Lunglei lam ah ka hna zawm tur in ka phei a hun dawn hnai ta. 1st February atang school kan kal tan leh tawh dawn avangin ka mamawh tur ang te chu ka in lakhawm tan a. Teitei a rawn zin phei bawk. Kan in ah ka thlen luih tir a, Lunglei pawh kan pahnih in kan phei rual dawn a ni. Ka pa in ka hlawh ka khawl ve atang tlem min belh a, car manto lutuk lo ka lei ve bawk. Tunah chuan Lunglei-Aizawl inkar pawh ka tan veivah a awlsam sawt tawh dawn a ni.
.
Tetei nen chuan kan bazar dun a, kan inlei nasa ve khawp mai. Kan bazar zawh chuan hun kan la ngah bawk a, Nu Puii te restaurant lam pan in kan inkhalh phei a, hunawl neihchhun hi chu heta hman hi nuam ka ti. Nu Puii buai lo puih pah a an ei siam tui tak mai lo ei vel hi nuam ka ti riau thin.
.
Customer an lo ngah loh lai tak a ni bawk a, kan thian dun chuan Cabin lam ah kan thu dun a, hookah kan zu ve hlat hlat mai. HHookah zuk hi engemawti tak hian nuam ka ti riau pek a. Nu Puii chuan a buai loh kar lak ah min rawn join zauh zauh bawk. Chutia kan thian dun a kan lo ti ti tui em em lai chuan hall lampang ri hak chu kan hria a, rang zet chuan kan va dak chhuak ve nghal. Mipa pakhat hi tleirawl rualin thla an lo lakpui mawlh mawlh a, ka va enchiang a, tunge anih phei chu ka hre lem hlei lo a.
.
Kan eitur leh zuk tur kan zuk zawh chuan kan thiandun chuan kan chhuak phei a, nichin a thla an lakpui pa pawh chu Nu Puii bul ah alo thu a, pa fel tak a nih hmel.
.
" Bawihi, in ei zo tawh em ni? In puar em?" Nu Puii chuan alo ti sawk sawk a. Ani hi chu a bengvar thin a nia.
.
" Aw, puar lutuk e. Nu Pui, kan haw san dawn mai dawn che. Armed Veng South lam ah mi en kual lawk tur kan nei a. Chuan, in cook hi a thiam thlawt" tih pah chuan ka nuih ver ver a, a bul a thu mipa chu alo nui ve vur vur bawk. Ka pa rual zet chu anih ka ring.
.
" Aw le. Taka, Ate, hei hi Tei fanu anih hi. Ila hmu lo tak ang. I awmbo rei lutuk a. Bawihi, hei hi Atea a nih hi. A vanglai chuan zaithiam lutuk anih hi. I nu leh pa thianpa anih hi"
VBR 2 - 6
ELTY LUHLUL AUG HNAMTE
.
.
" Akhaia! Sawi lo la ka hre dawn miah lo anih hi. Mahse han en chian chuan anu nen pawh an in ang viau mai a" Atea chuan alo ti ve bawk a, a tawngdan atang chuan a nelawm kher mai.
.
" Nia, anu hi a chhun fuh khawp a. A luhlul ve ania" Nu Puii chuan nui uarh uarh pah chuan a ti ve bawk a, keini pawh chu kan nui ve nasa mai. Nia, luhlul ah hian ka nu hi ka chhun an ti fo thin. Ka tih tawh loh lam hi chu nawrluih ngaihna ka awm map lo tlat a ni.
.
Nupuii dawr kan chhuahsan meuh chuan kan tlai leh ta ruih mai. Ani hi chu a tawng siam siam a, a bulah hian duhaia rei kan awm ziah a ni.
.
In kan thlen chuan Zahawmi rawngbawl chu kan pui sawk sawk a, kumthar hnu a Zahawmi nen a kan nuih dun nasat ber anih ka ring. Tetei chu kan boruak ka hrilh ve nual a, mak a ti nasa mai bawk. Ni e, tu tan pawh a mak tlat a ni. Mahse ani zawng, mi fing ngang ania. Midang bul ah hria ang in a awm duh hauh lo. A tawng bawrh bawrh a, ka chhungte pawhin an ngaina viau a ni. Ka nu nen phei chuan an zia a in ang bawk a, an nui dun bawk bawk thei reng mai a ni.
.
Lunglei kan phei ni chuan kan thleng tlai lem lo a, Tetei chu an in ah ka va dah hmasa a, chaw ei ve mai tur a min sawmna erawh ka hnial thung. In thlen a, inbual a mut hahdam vang vang ka chak ber. In ka thlen veleh ka indahfel sawk sawk a, kawnglak a thil kan ei phei nual avangin ka ril a tam lem lo bawk a, ka inbual zawh chuan ka mu nghal hmiah.
.
Ka harh meuh chuan zan dar 9 alo ri thuak tawh a, peih lo zet chuan ka tho a, ka ril a tam ve deuh avangin ka eitur hawn thenkhat chu ka ei a, rawng erawh ka bawl buai peih ta lo. Ka chhungte ka be zuaih zuaih a, ka mutchhuak ala reh loh avangin ka mu lehnghal vat.
.
School tan nan ni 3 lai ala awm avangin ka zing tho pawh ka che hmanhmawh lo kher mai. Dar 8 vel ah ka tho a, muangchangin rawng ka bawl a, chaw ka eikham meuh chuan dar 11 a ri der tawh. Nimin lam ah ka thawmhnaw ka dahfel tawh hlawm avangin ka in chu ka tifai mawlh mawlh a, ka awm lo rei bawk nen sazu ho in tual an lo chai ve chiang e.
.
In ka tihfel zawh meuh chuan a hma tawh lo viau mai. Sana ka en a, tlai lam dar 3 a ri der tawh. Ka inbual sawk sawk a, chhun thingpui ka in loh avangin rawng ka bawl vat a, ei ka peih meuh chuan dar 5 a ri thuak a ni mai. Chaw eikham chuan movie en tur in ka inbuatsaih a, zan lam hi chu ka tihdan thin ang in movie en nan hun ka hmang ber thin. Movie ka en tui lai tak chuan ka phone a rawn ri a, peih lo zet a ka en chu Valpuia alo ni reng. Ka chhang chak lem lo viau nangin puitling lo deuh a chet chu ka duh leh ta lo zawk.
.
" Hello"
.
" I dam maw?"
.
" Dam alawm. Teh hlawl che chuan"
.
" Nia, nimin khan i in ka tlan pelh laiin car atang i chhuak tur kha ka hmu che a"
.
" Anih chu mawle"
.
" Rawn len i remti em?"
.
" Inleng hnar thin Mizo kan awm em ni?" ka nui hak a, mahse a zat vang ni lovin amah chu ka nuihzat a ni. Engtinnge min la hmuh ngam zawk le?
.
20mins vel bak a liam hman lo, Valpuia chu ka in ah a thu vang tawh. Biak ngaihna vak ka hre lo. Ni lo, ka be chak lo zawk a ni. Lo kal lo tur khan ka lo ti zawk mai lo chu ka inchhir lek lek zawk. Mahse a tha vek e. Ngawirengin movie chu ka en san a, mahse ka rilru erawh movie ah chuan a awm lem lo thung. A hmel ka hmuh rual khan boxer letling ha a a hmel dang vek kha a rawn lang thar leh uarh uarh thei.
.
" Bawihi..." rum zetin ka en a, khatia min koh nawn leh kha ka duh tawh lo tih ka hmel ah ka tilang chiang kher mai.
.
" Ihh, ngaihdam dil che ka duh a"
.
" Ngaihdam i ni tawh e"
.
" Lor, tikhan ti ringawt suh" mangang zet chuan a ti ruai a, kei erawh ka movie en lai chu ka bih ngar thung.
.
" Engtinnge ti che ila i duh?"
.
" I duh chuan min ankhum la, i thinrim thu te sawi la, mahse min kalsan hlen lo hram rawh" ka nui hak a.
.
" Ankhum tur che in ka tan hlutna i nei tawh lo a. Thinrim thu sawi tur in i lak ah ka thinrim reng reng lo. A chhan chu ka ngaihnep tak te lak ah ka thin a rim ngai lo. Chuan, i hnen a lo let leh tur khawpin ka nep lo bawk" ka ti nghat a, a mit ah tak ka en bawk.
.
" Chuti khawp chuan maw min lo hmuhsit a?"
.
" Ka hmusit lo che. Mahse hmuhsitawm tur in i insiam zawk a ni"
.
" I tan tih loh enge ka neih? Ka tihsual pakhat lek chu i theihnghilh ve mai thei lo em ni?"
.
" Ka tan i tih loh chu maw, i rinawm lohna kha a ni"
.
" A thleng nawn tawh hauh lovang tih ka tiam a che"
.
" A dik. A thleng nawn hauh lovang. A chhan chu nang nen hian kan inkawp leh tawh ngai dawn lo tlat a ni"
.
" Lor, khawngaihin..."
.
" Khawngaihin ngawireng a ka movie en min lo thutpui thei anih loh chuan kawngka kha ilo nam khar mai dawn nia" tih pah chuan laptop lam chu ka melh leh hmak a. A thawk hak dan ah chuan a beidawng ve ta anih hmel. Ngawirengin a chhuak a, a chhuah hnu chuan ka insum nasat lutuk avang a ka thaw tha thei lo chu duham tak in boruak ka hip nghal kawk kawk. Khatiang em em a mahni inringtawk khan tumah ka la hmachhawn ngai lo.
.
In a tawm reng ka nin deuh avangin Tetei sawm in bazar lam ah kan teichhuak a, khua ala vawh sur avangin mi veivak pawh an la inthuam lum tha khawp mai. Keini thian dun pawh kan han tei kual ve viau nangin vawt kan ti deuh hlek nen, eng em em mah lei lo chuan kan let leh a. Car kan dahna kan thlen dawn chuan ka ding dawt. Kan hma lawk a car chhuak tur chu Valpuia car a ni. Chu chauh chu ka din dawt chhan a ni hauh lo. A chhung a hlim hmel zet a Ruati thu chu a ni. Engtinnge he nu hi helai hmun ah alo awm veleh tawh? Chutah Valpuia nen bawk.
.
In kan thlen thleng chuan ka tawng mang tawh lo. Tetei pawh chuan ka mood danglam chu a hrethiam a, mahse engmah min zawt duh rih lo. Khami te kha a hmu ve em ka hre lo. A hmu lo anih ka ring, engmah a sawi ri lo emai. Tetei chu rei a awm tawh lem lo. An in lam ah hian a tul ve a, a nau ten nupui pasal an neih san tawh a, an monu hi a fel lutuk lem lo a, chuvangin kan duh ang pawhin kan inkawm thei meuh thin lo. Mahse an monu hi a sawisel ka hre ngai hauh lo. Vawi hnih khat vel chu inchhung chet a taima lutuk lo tih chu a sawi ve a, chuptah pawh chuan an nupa a an hlim chuan inchhung chet chu a tan a harsat loh thu leh nuam a tih thu a sawi siam siam thei tho. Mo kan neih fel zia hi ka lawm nawn fo thin.
.
Chaw ka chhuang a, chawhmeh erawh zing lam ami a rin theih a, thutthlengsei ah chuan ka mu zal a, a vawh deuh avangin ka pa in heater min leisak chu ka ti nung bawk. Engtinnge Ruati kha Lunglei ah a awm theih? David nen tun thla a innei tur kha an ni sia, tun ah thla a ral tep a ni sia. Diktak chuan David-a in luah a ka va kal tum bak kha David-a chanchin hi ka hre tawh lo hrim hrim. Inchhung ah kan sawiri ngai lova, tumah ka zawt hek lo. Tunhma a chhungkhat kan in pawh ang khan David-a chanchin kan hriat hnu leh in a chhuahsan hnu khan kan in pawh thei ta hlawm lo.
.
School tanni chuan naupang ho pawhin min lo ngai der thiam ve khawp mai. Naupang zirtir hi nuam ka tia, chutihrualin thuawih lo tan erawh ka hlauhawm phian thung. Nula mahni ila ka dam dim dem lo a, mahse ka zakzum phian thung. Tin, ka tawng tam lem lo khawp mai.
.
Nileng chuan Tetei nen chuan ti ti na hun kan nei meuh lo. A chhan chu final exam hmachhawn leh mai tur kan nih avangin keini zirtirtu lam pawh kan inbuatsaih nasa viau mai. Matric exam ah hian result kan nei chhe ngai lova. Ka thawh hma atang tawhin fail tawp hi an la awm mang lo a ni. Ka principal hian a hna a hrechiang a. Chutihrualin Pathian thu nen naupang te enkawl hi a duh dan anih avangin amah pawhin a tak in a nunpui a, keini zirtirtu te tan pawh a nuam in kan entawn tur ber in a zir bawk a, student zing ah pawh tlem a buaithlak fal deuh awm mahse buaipuiawm lutuk an awm ngai lo.
.
" Enteh, Lor, tlai chaw ka lo ei dawn ania. Tunlai chu ka rilru a ipik lutuk" Tetei'n haw kawng a a tih chuan ka hnial lo kher mai. Keini thiandun hi chu duh hun hun ah chaw kan in ei pawh tawn thin a ni.
.
" Tehreng mai. I inthlak hmasa dawn nge ka in lam ah kan haw tlang ang?"
.
" I in ah haw tlang ang" thawk hliai pah chuan a ti sap a, car seat ah chuan a thu tlum kak bawk. Hetiang mizia a pu hi ka la hmu ngai miah lo a, harsatna engemaw tak a tawk anih ka ring.
.
" Enge rilru hahna i neih?" salad kan chan dun malh malh lai chuan ka zawt ta nge nge.
.
" Sawi nuam chu a ni miah lo. Mahse nimin khan kan chhungkaw boruak, hunrei tak in mung tawh chu a puak keh ta nge nge a ni"
.
" Enge thil awmzia?"
.
" Mak i ti mai thei. Kan monu hian min ngaithei ngai lo va. Nimin khan thil pakhat ah kan inhmu fuh lo a, an nupa a chhuah an tum a" a ti sap a, mak ka ti ang reng viau.
.
" Chhuah duh khawp chu in inhau nasa ve aniang maw?" ka lo ti ringawt. A chhan chu ka thiannu hi nuih duh leh hlim thei tak a ni a, midang nen buaina neih hi a duh loh ber a ni thin. Chutiang khawp buaina an nei anih chuan a serious viau anih ka ring nghet maih.
.
" Ka pa damdawi ka lei zo ka haw kha ka pa hi khum ah amah in alo mu a, ka nu in insuk pho alo seng a, ka pa chuan zun alo cheh palh a, chu chu kei ka hah bawk nen, kan monu chu computer ah games khel in alo thu mai mai a, in hnawk bawk nen, ka lungawi chiah lo ka ang kha kan inhau nasa ta deuh a, Mama lah khan engmah hre lo in a rawn haw kha keimah min rawn ankhum ta chiam mai a, ka nu kha a lungawi chiah lo khan an nupa chuan a zilh ve a, chu chu an thinrim a, chhuah an tum ta a ni" a tih chuan ka khawngaih ngei mai. An monu hi chu mi sawi sep a kaina a rei tawh a, fa an nei thei mai bawk si lo nen, inchhung ah a tangkai lo em em tih hi chu ka hriatna a rei ve tawh a ni.
.
" Sawi tur ava vang ve mawle. Mahse Pathian hnen ah hlan la, thudik chu engkim a lang leh vek mai ang" tih pah chuan a kut chu ka va vuan a, a nui sak a. Mi hnem ka thiam loh zia hre tur khawp in kan inkawmngeih tlat a ni.
.
Chaw kan eikham chuan apa a ngaihtuah deuh avangin ka va thlah hma a, kei erawh ka tih ngai loh dan tak in ka roam ve tlat. Roam hi nuam ka ti ve viau nangin Lunglei lam ah erawh zan lam hi ka tei chhuak ngai lo hrim hrim tawp. Sunday zan ka inkhawm bak ka inkhawm ngai lo bawk. Aizawl ah erawh kan unau a zan chhuah ve zauh zauh kan ching.
.
Ka hma a motor tlan chu ngawirengin ka zui a, tu motor nge tih ka hrechiang khawp mai. Mak ka ti viau a, mahse min ti phu eih tawh lo. A chhan chu an chet dan tenawm tak hi hrechiang vek lo mahila ka hmu ve ta nual e. Kawngsir ah chuan motor chu a ding a, chulai hmun chu hmun reh lai tak a ni. Ka ding ve dawn nge ka hre lo. Mahse ding ta ila min ringhlel vat dawn tih ka hre si. Ngawireng chuan ka tlan pel a. Ka tlan pel tur chu ka va hawi phei hram a, tenawm dun lutuk. Motor chhung ah chuan duhthawh zet in Valpuia leh Ruati chu an lo in dut ngawr ngawr a, ka uak that thei. Tiang em em a mihring tenawm hi ka la hre ngai lo ve.
.
Ka nu nen kan inbiak chuan David te chu an la innei lova, mahse David chuan in a lo let a tum loh thu a sawi a, engemaw ti takin ka thawveng huai mai. Mahse chutihrualin Ruati nen an la inkawp reng thu erawh ka hre thung. Ka khawngaih rualin chawh ka ti ngawih ngawih.
.
" Lor, David khan alo tlawh che em?" Tetei'n school ban a ke a kan haw pah chuan a ti a, ka phu nasa ngei mai. Hetah David-a a awm a maw?
.
" Aih. Alo kal tih pawh ka hre hleinem" aw-ki pangai tak chuan ka ti ve mai a. Mahse mak tak maiin ka chhungril erawh a na tlat thung.
.
" An hna kha a rawn vil leh dawn anih hmel"
.
" Engtinnge i hriat a?"
.
" Nizan a damlo kan tlawhna ah alo awm ve a, mahse kan in be lo. Hmelhriat en pawhin min en miah lo"
.
" Anih chu. Hmelhriat loh en ve hmiah la ni mai alawm" nui hak hak chuan ka ti let a, ani pawh a nui veleh mai bawk.
.
Final exam zawh chuan haw ka tum viau a, Tetei pa a boral ta thut sia, ka pa in haw rih lo mai tur a min rawn tih avang chuan ka haw ta lo. Bakah thla khat chauh kan chawl dawn a, ka thiannu lusun hun chhung hi thla khat chauh a ni dawn lo tih ka chiang. Ka chhungte pawh an rawn phei ve a, mahse zan 2 bak an riak lo. David-a chungchang erawh pakhatmah in kan sawi ri lo thung.
.
Ka in kawngka kik ri ah chuan peih lo zet chuan ka tho a, khua a lum tan tawh avangin kekawrbul mal te chen leh kawrbah ka ha bawk. Kawngka ka va hawng chu pawn ah chuan ka rin loh lutuk in David leh Ruati an lo ding dun a, ka phu nasa ngei mai.
.
" Enge in duh teh mial?"
.
" Kan lo lut thei angem?" David chuan a ti hmuk a. A hmel chu ka hmu lo rei tawh bawk a, a cher deuh a, a khabe hmul a to siar siar bawk. A hma aiin a hmel a lang hriam tawh zawk.
.
Inchhung a kan inzui lut chu Ruati chu a leng halh halh ngei mai. Ben hawi sawk ka chak zawk. David erawh ngawirengin thutthleng ah a thu a, a hmel chu a nelawm hauh loh. Chutihrualin Ruati a bul a a thut ve chuan a khi suk tho. Min hmangaih tih kha thil awihawm loh ber ni in ka hria.
.
" Enge ka in luah ah te in duh ve tak mial?" thut pawh thu lem lo chuan ka zawt nghal tawng a. Ruati hawiher chuan min ti thinur tak zet a ni.
.
" Tak a, inneih kha kan puitlin tawh dawn a. My Dear-a hian hre hmasa ber la a ti anih ka ring. Midang hrilh chu i kut ah kan dah tihna nih deuh ber chu" Ruati'n a tih chuan ka kut chu ka hum ruh nasa ngei mai.
.
" Oooh... thu lawmawm tak anih chu. Mahse keihi chhungkaw rorel tu ka ni lo a. Tu te emaw chhungkua a fanu roreltu ang ni lovin. Ka hnen a insawi chu ka hnen ah vek a tawp dawn tihna anih chu" ka ti let ve sak a. Ka zah der buai peih tawh lo. Ruati hi an inchhung a a lal zia leh a thu vek anih zia Zahawmi hnen atang ka hre tawh tlat a ni.
.
" Chhungkaw rorel pawh hre ve lem lo fanu nei tu te chu an va lainatawm ve" Ruati bawk chuan a ti veleh sak a. A ngampa mah mah in ka hria. David erawh ala ngawireng thung.
.
" Nu leh pa rorel nghak lova ro lo rel ve zawt zawt chi ka ni lo hi ka vannei viau in ka hria. In inneih tur pawh i rorelna anih ka ring e. Ka lawmpui a che u" nui sang chuan ka ti let veleh sak. A tul hun ah chuan ka in control thei in tawngkam ngeiawm hman te chu ka thiam ve lutuk alawm.
.
" Ka duhthlanna a ni e" David chuan a rawn ti ve ta nghut mai le. Ruati nen chuan kan mengphawk nasa dun ngang mai.
.
" Ava lawmawm ve. Tluang takin in innei dawn nia"
.
" Ka nu kha chu ilo hriattir ve hram ka beisei. Mahse rawn tel ve erawh a ngai lovang. I hun hlu tak kan rawn tihbuai che avangin min hrethiam dawn nia" tih pah chuan a tho hluai a, tawng mai tur ka hre lo. Ruati pawh a tho ve nghal a, an pahnih chuan ka en reng ringawt.
.
" Valpuia nen a nupui intawm chu a nuam meuh ang chu maw?" kawngka bul ah chuan an ding dun chawt a. Eng thu nge ka sawi ka hre hman lo. Ka thinrim lutuk chuan ka ka ka veng zo ta lo a ni ber mai.
.
" Engmaw i sawi?: Ruati hlau hmel kar a David-a aw rum lutuk chuan min ti ip zawk thei.
.
" Eng ni lo ve. Anih leh phawt u" tih pah chuan lehlam ka hawi ta ringawt. Enge ka awmzia pawh hi ka hre teh hrep lo ve.
.
Inrinni a ni bawk a, keipawh chawhmeh lei tur in ka chhuak a. Ka ei a tam loh avangin karkhat tla tur hi ka lei mai a, a kar lak ah ei chak zawng ka nei anih loh chuan ka in lei belh ngai meuh lo. Chawhmeh ka bazar zawh chuan rang takin ka haw leh nghal a. A chhan chu chawhnu lam ah Tetei te in lam a kal ka duh vang a ni.
.
Tetei te in atang ka haw chuan a tlai ve viau tawh. Chaw ka ei nghal avangin haw kha ka hmanhmawh tehchiam lo bawk a. KA in ka thlen chuan chahbi ka hai rak rak a, kawngka ka hawng tur chiah chu ka hnunglam atang a thawm rawn chhuak chuan min ti phu chiang ngei mai.
VBR 2 - 7
ELTY LUHLUL AUG HNAMTE
.
ka hnunglam a thawm awm ah chuan rang zet in ka hawi phei a, ka rinloh lutukin Ruati alo ding ran mai. Ka hmu chu ka thaw deuh huai a, mahse current eng chin a a hmel ka hmu chiah chu hun nuam tak kan hmang dawn lo tih a chiang hle thung.
.
" Enge i duh?" kawngka hawn pah chuan inchhung ah ka lut nghal a, sawm chawp ngai lovin a rawn lut ve nghal bawk.
.
" Chu chu i inleng te i welcome dan em ni?" kha fak a a tih chuan ka nui sak a, thawk ka la nghal hak bawk.
.
" Ooh, a ni dawn tak e. Lo thu la" ngeiawm zet chuan ka nui a, polite vak ngai pawhin ka hre lo.
.
" Ka thu lo zawk ange. Thil pakhat sawipui tur che in ka rawn kal a ni. David hian chhungte ang in a en tawh lo che u a, chuvangin a rilru tibuai tur zawngin tawngkam pakhat pawh lo cheh tawh lo tur in ka duh che a ni"
.
" Min sawipui tur nge thu min pe tur zawk in ilo kal?" tih pah chuan thutthleng ah chuan ka thu a, ka bawp khawkherhin ka kut ka kuangkuah at bawk.
.
" I ngaih dan dan in ngai la. Mahse ka thusawi chu lo zawm ang che. Anih loh chuan thil pawi tak a thleng thei tih hria ang che" ka tawngdan ang chiah a ngeiawm chuan min ti let ve sak a, kan in cho tawk viau hmel khawp mai.
.
" Thil pawi tak chu a thleng sa reng tawh alawm. Tin, David-a rilru buai lai chuh a a dikna lo rah beh sak hi ti tha viau ah i inngai em ni?"
.
" Huh! Chutiang zawng a i ngai anih chuan i hresual let der anih chu. He inneihna hi David-a rawtna anih hi"
.
" I nei dawn anih tho chuan a tan i rinawm thei mai lo em ni?"
.
" Chuzawng ilo buaina tur a awm lo e. David-a hi mi pangai nih tir i duh anih chuan i ka kha lo chip hmak la a that zawk ka ring"
.
" Anih chuan in inkar hi ka chhungte hriattir induh anih pawhin keihi min rawn pan tawh lo ula tih hi ka thurawn che u ni rawh se"
.
" Tehreng mai. I ka lo chip hmak tawh ang che. Thusawi i ngaithla tha a, ka lawm khawp mai" tih pah chuan a inher a, vawm zui tawk mai ka chak tak zet a ni.
.
Ruati rawn kal atang ni 2 chiah a liam hman, ka hna bang chu ka inkawt ah David-a car alo ding a, makti deuh chuan ka in kawngka lam chu ka pan a, ka hawikual a, David chu ka hmu hauh lo. Inchhung ka luh hnu chuan ka inbual nghal a, khua a lum deuh avangin kawrbah ka ha a, bra ka hreng lem lo. Pawnfen, khup khuh ka feng a, hetia inthuam hi nuam ka ti a, in ah hi chuan ka inthuam tam dan ber a ni, khawlum lai chuan.
.
Rawng ka bawl mawlh mawlh a, ka nu nen kan inbe zuaih a, rei erawh kan inbe chuang lo. Bawngsa rep chu maian nen ka bai a, lengser hring ka thlak bawk. Hetia siam hi tui ka tia, mahse maian hi ka ngeih em em lo thung. Hla ka play pah a, ka zai pui rat rat bawk. David-a emaw, Ruati emaw lam ka ngaihtuah peih lo. An duh dan dan in awm se pawi tihna ka nei lo. Pa Lara te erawh ka khawngaih tak zet. David-a thutlukna ah hian David hi ka dem tak zet a ni. Pa Lara hian a tan tih loh enge a neih? Ni lo, ka ngaihtuah peih lo ka tih kha mawle.
.
" Kawngka lo hawng teh" phone chu a dah leh hmak.
.
Kawngka ka hawn hnu chuan rang zet in a rawn lut a, zan dar 7 a pel tawh. A hmel en chuan zan mu tha lo tih hriat zetin a pawr phang a, a sam chu a thur ve hrep mai. Tin, a hmel chu a hma aiin a tla leh tawh zawk.
.
" Enge i duh tak?" thutthleng a a thu chu a hma zawn ah ka va thu a, a hmel chu a chauh hmel ngawih ngawih.
.
" Engtinnge ngawireng a i awm theih? Min dang dawn lo em ni?" a thusawi chu ka hresual emaw ka ti hial zawk.
.
" I sawi awmzia..."
.
" Ka hmangaih che tih i hria"
.
" David..."
.
" A tha alawm. Ni e, vawikhat chiah nei lo tur in min ti...."
.
" David, unau kan nih hi"
.
" Kan ni lo. Thisen inzawmna pakhatmah kan nei lo"
.
" Mahse...."
.
" Ka hria alawm. Valpuia vangin mipa rin har i ti tih chu"
.
" Chutiang lam a ni lo. Valpuia chu Ruati kawplai a ni" ka sawi zo chu ka tawng sual tih ka hre chiah.
.
" Mahse Ruati chu ka nupui tur a ni"
.
" A dik. Duhsakna ka hlan a che u" sawi tur pawh ka hre tawh lo. A awmdan hi mak ka ti ngawih ngawih.
.
" Ka nu chu ilo hrilh tawh em?"
.
" Aih. I nu a ni a, i hrilh tur a ni. I buaina chu nangmah ngeiin chingfel rawh" ka ti let ve ta hmak. A chet dan hi ka haw tulh tulh mai.
.
" Min bumtu te an ni"
.
" An hmangaih vang che a ni. An bum lo che"
.
" Hmangaih??? Huh! Min hmangaih vangin min bum amaw? Tunge hmangaihte bum ngai?"
.
" Nangmah in" mak ti zet chuan min rawn en a, keiin hnehtu in ti zet in ka lo en thung. Tun hun hi a pawimawh lutuk tih pawh ka hria. Fimkhur tak a David rilru hi ka thlak ngei a ngai a ni. Chu chu Pa Lara'n ka pa te unau tan a alo tih tawh ka rulh let sak theihna chance a ni.
.
" Engmaw?" a ti tuarh a, keichu ka lo nui sak thung.
.
" Min hmangaih tiraw? Anih chuan tinge min bum?"
.
" Ka bum ngai lo che"
.
" Min bum asin. I hria em? Inneihna hi remchanna lei a tih mai mai chi a ni lo. Keichuan a tha ber i tan ka duh thin a, mahse nang chuan min hmangaih chung in i taksa leh i ham hun chu i tan a rinawm ngai miah lo tan i hlan dawn thung a. Ka hma ah, ka hnen ah ngei i neih dawn thu i sawi a, chu chu inbumna a ni lo em ni?"
.
" Ni lo. Ka hmangaihna chu i hnen ah a awm alawm"
.
" Mahse midang neih i tum tho alawm. Vawikhat pawh ka hmangaih let ve theih nan che hian hma ila ve tawh em?"
.
" Mahse..."
.
" Ngai lo. Thil theih a ni hleinem. Unau kan...."
.
" Unau kan ni lo i tih kha"
.
" Loretta, enge keimah ah hian i duh?" a ti tuarh a, ka game-ah kan lut ta chiah e. Risk erawh ava sang si em!
.
" Mipa, mahni hmangaih pawh neih tum a beih tum lo. Eng mipa nge i nih ngai?" ka ti vei sak sak a, ka chhungril chuan ka dinhmun hlauhawm zia a hria, mahse ka rilru ka siamfel vek tawh. Hun ka nei anih chuan David hi nupui a neih hma ngeiin Pa Lara tan ka hruai let leh ngai ang.
.
" Eng thil nge tih i tum chiah hi?" chik zet chuan min en a, ka ngaihtuahna zawng zawng nen hriat vek a tum emawni tih hial tur a ni.
.
" I ngaih dan dan in ngai la. Ka tum ber chu i chhungkaw hnen ah let leh la, i hmangaih chu i ta ah siam tum rawh" ka ti nghat a, a rum kawk thung.
.
Ngawirengin a tho a, a chhuak ta. Ka thusawi khan amah ah nghawng a neih hram ka beisei. Chutihrualin ani ang mi luhlul lutuk khan a tum dan a kaltlangpui erawh ka rin dan pakhat a ni thung si. Ipik zet chuan khum ah ka khap fak fak a, ka thil tih hi midangin an hriat chuan an lungawi lutuk kher lovang. Ka nu ngat phei chu a lungawi hauh lovang. A chhan chu a fanu neihchhun hian a future chu a unaupa lak ah a tawktarh miau alawm. Tu nu leh pa nge lawm tehlul ang? Mahse David in a sawi anih loh chuan ka thuruk a ni e.
.
David-a lo kal atang karkhat lai a liam leh tawh. Min rawn be ngai lova, a chanchin engmah ka hre lo bawk. Keipawh ka nun dan pangaiin ka nung leh miah miah tawh. Ka thil tawktarh chuan kawngro a su vak lo anih hmel. Abak chu tih theih ka ni in ka hre tawh lo. A duh chu ti tlang se, engtikahemaw chaun ala harhchhuak ve mahna!
.
" In Principal hnen ah karkhat chawlh ka dilsak tawh che. Naktuk a Aizawl pan tur in lo inpeih ang che. Motor ken a ngai lovang. Mahse hmun him ah dah ang che" phone a Davida'n a rawn tih chuan ka phu nasa kher mai. Khalehchen min rawn be lo a, Ruati nen an inneihna tur an inbuatsaih fel thaw khat tawh in ka lo ring a, mahse ka rin dan loh tak in a rawn che thung si.
.
Aizawl kan panna kawng ah chuan a tawng mang lo. Keipawh ka tnwg mang lo bawk. Ka chhungte hrilh ka tum chu min dang hmiah thung. Zinkawng ninawm tak ava ni tehlul em! Zawhna ka zawh thenkhat min chhang a, mahse enge kan tih dawn tih zawhna erawh a hre lo der zel thung. Beidawng zetin car seat ah chuan ka thu kak a, ka mutthilh san daih bawk.
.
" Kan thleng ta" tih pah a ka dar a a rawn sawi chuan ka muttui zia ka hre chiah. Peih lo zet chuan ka meng a, kan awmna hmun ka hmuh chiah chuan ka phu nasa ngei mai.
.
" I haw leh dawn amaw?" makti zet chuan ka en a, mahse min chhan hma chuan Pa Lara kawngka rawn chhuak chiah chuan min rawn hmu a, a rawn tlan phei nghal ruak ruak a ni ber mai.
.
Inchhung kan lut chu an lo awm kim deuh thap a, an hmel ah chuan kan kal tur hre lawk an ang. Phur zet in min rawn lawm a, David-a nu mawlh chu a khawngaihthlak zawk. A mittui a hru mawlh mawlh a, David chu a kuah ngawih ngawih ringawt.
.
" Ka nu, ka pa, thil sawi duh ka nei a. Khawngaihin min lo ngaithla teh u. Vawiin hian in fapa tlanbo ka rawn haw leh a, mahse keimah chauh ni lo, ka nupui tur, Loretta nen kan rawn haw leh thung a ni" chu thu ka hriat chuan ka thu lai chu ka ding hman tep, mahse David chuan ka dar ah a rawn nem vat a, min rawn melh a, a mitmeng ah chuan min vau na ka hmu nghal. Tun ah chiah hian ka thil tih pawi zia a lang tan ta chu a nia, ka ngam a, ka zuan a, ka tlakna tur ka lo hisap ang a ni ta si lo. Ka kut chu ka hum ruh ngawt ngawt ringawt.
.
" Kan pahnih a tha tak a kan sawidun hnu ah he thutlukna hi kan siam ta a ni. Ka pa, min ngaidam ang che. I rilru ka ti na a, ka inhmangaih lutuk na lam ah i dinhmun tur ka lo ngaihtuah lo a. Tunah chuan ka hmangaih ber vangin ka mit ka meng ve thiam ta a ni. Ka lawm e Loretta" tih pah chuan min rawn nuih sak a, kei erawh ka thinrim lutuk chu ka thaw hlei thei lo zawk.
.
" Bawiha, ngaihdam dil a ngai love. Bawihi, ka lawm e. Ka fapa min pek let leh avangin" Pa Lara'n a rawn tih chuan chhan ngaihna pawh ka hre lo. Ka tum ber chu ka hlawhtling a, mahse a bakah ka inhnuklut ta si. David-a chet dan chu a fair hlawl lo. Mahse tawng chhuak tur in Pa Lara te lawm hmel chuan ka ka a ti chip tlat bawk si a ni.
.
Kan boruak hulum a reh hnu chuan David chuan kan in lam a min thlah phei tur thu sawiin kan chhuak zui nghal a. Midang hmuh ah chuan nui sang in ka awm a, motor atang a kan tlanchhuak chiah chu indona a in tan a ni nghal.
.
" Engvang a min rawn miah lo a kha thil kha ti nge i nih?" ka au tuarh a ni tawp mai.
.
" I duhthusam ka thlen tir a, lawm viau tur i ni asin"
.
" Inneih chunghchang ka sawi tel ka hre lo"
.
" Ka hmangaih chu ka ta ni tur a siam tur a min ti tu chu nangmah kha i nia. I sawi ang ngeiin ka ti ta a, tinge i lungawi si loh?"
.
" David, inneihna hi infiamna a ni lo a nia aw" ka thinrim lutuk chu ka aw te chu a khur dar dar thei.
.
" Chuvang tak chuan ania ka neih dawn che"
.
" David, pangai tak in awm teh. Nang te chu Ruati nen..."
.
" Valpuia nen nupui intawm lo tur a min duh thu kha i sawiin ka hria a"
.
" Aaaa, eng lo. David, ni lo. Kan innei thei lovang" tawng ngaihna reng ka hre lo. Ka thusawi tawhin min khenglet char char bawk si. Lalpa, ka nu leh pa hnen ah enge ka sawi tak ang? Bakah mi in engtinnge an ngaih ang?
.
" I chhungte chu keimah ngeiin ka hrilh dawn alawm. Hlauthawng suh" dam thluam a a tih chuan engemaw ti tak chuan ka thawveng deuh huai tlat pek.
.
" Mahse..."
.
" Min hmangaih tur in ka ti dawn lo che. I duhthu ngei a min hmangaih hun ka nghak dawn a ni. Mahse inneihna erawh tihfel vat a ni ang. Anih loh chuan...." rapthlak ti zet chuan ka melh a. Tunlawk a ka thawven huaina kha a hma aia nasa in a ipik lehnghal. Min hmangaih emaw a in ti a, amah chiah a inhmangaih zawk a ni.
.
" Ka remtihna tello chuan kan innei hauh lovang"
.
" I remtihna chu hmanni khan ka hmu daih tawh alawm"
.
" Dawt anih chu"
.
" Ka hmangaih ka ta a siam tur a min tih khan ka hmangaih chu tunge tih i hriat kha. Kan thleng e. Hahdam rawh. Kan hmachhawn tur hi a la ko viau a nia" tih pah chuan ka biang ah a rawn tawk zauh a, rangzetin a kut ka lo vaithla nghal thung.
.
Motor atang a kan chhuah chuan kan in chu nidang ka haw a luh ka nghahhlelh ang khan ka nghakhlel hauh lo. Muangchangin ka pen a, David chu ka hma ah a kal bawk.
.
Door bell chu a hmet vang vang a, kei erawh mikhual ang maiin ka ti dak thung. Ke pen a rawn ri thlarh thlarh a, ka thaw a rang tual tual bawk. Kawngka a rawn in hawn chuan Zahawmi a ni. Maktih hmel deuh chuan min en dun a, harhchhuak thut ni awm tak in kawngka a hawng zau sawk sawk nghal.
.
" Min va surprise chiang ve. Vid, ilo phei thu ka hre zo chiah a, Bawihi lo phei ve thu ka lo hre miah lo a" Zahawmi chuan a ti bawrh bawrh a. Mikhual ang maiin ka ngawi dak mai.
.
Sitting room lam chu kan pan phei a, " Khawnge ka nu te hi?" tih pah a sofa a lo thu ka hmuh chuan ka phu nasa lutuk.
VBR 2 - 7
ELTY LUHLUL AUG HNAMTE
.
ka hnunglam a thawm awm ah chuan rang zet in ka hawi phei a, ka rinloh lutukin Ruati alo ding ran mai. Ka hmu chu ka thaw deuh huai a, mahse current eng chin a a hmel ka hmu chiah chu hun nuam tak kan hmang dawn lo tih a chiang hle thung.
.
" Enge i duh?" kawngka hawn pah chuan inchhung ah ka lut nghal a, sawm chawp ngai lovin a rawn lut ve nghal bawk.
.
" Chu chu i inleng te i welcome dan em ni?" kha fak a a tih chuan ka nui sak a, thawk ka la nghal hak bawk.
.
" Ooh, a ni dawn tak e. Lo thu la" ngeiawm zet chuan ka nui a, polite vak ngai pawhin ka hre lo.
.
" Ka thu lo zawk ange. Thil pakhat sawipui tur che in ka rawn kal a ni. David hian chhungte ang in a en tawh lo che u a, chuvangin a rilru tibuai tur zawngin tawngkam pakhat pawh lo cheh tawh lo tur in ka duh che a ni"
.
" Min sawipui tur nge thu min pe tur zawk in ilo kal?" tih pah chuan thutthleng ah chuan ka thu a, ka bawp khawkherhin ka kut ka kuangkuah at bawk.
.
" I ngaih dan dan in ngai la. Mahse ka thusawi chu lo zawm ang che. Anih loh chuan thil pawi tak a thleng thei tih hria ang che" ka tawngdan ang chiah a ngeiawm chuan min ti let ve sak a, kan in cho tawk viau hmel khawp mai.
.
" Thil pawi tak chu a thleng sa reng tawh alawm. Tin, David-a rilru buai lai chuh a a dikna lo rah beh sak hi ti tha viau ah i inngai em ni?"
.
" Huh! Chutiang zawng a i ngai anih chuan i hresual let der anih chu. He inneihna hi David-a rawtna anih hi"
.
" I nei dawn anih tho chuan a tan i rinawm thei mai lo em ni?"
.
" Chuzawng ilo buaina tur a awm lo e. David-a hi mi pangai nih tir i duh anih chuan i ka kha lo chip hmak la a that zawk ka ring"
.
" Anih chuan in inkar hi ka chhungte hriattir induh anih pawhin keihi min rawn pan tawh lo ula tih hi ka thurawn che u ni rawh se"
.
" Tehreng mai. I ka lo chip hmak tawh ang che. Thusawi i ngaithla tha a, ka lawm khawp mai" tih pah chuan a inher a, vawm zui tawk mai ka chak tak zet a ni.
.
Ruati rawn kal atang ni 2 chiah a liam hman, ka hna bang chu ka inkawt ah David-a car alo ding a, makti deuh chuan ka in kawngka lam chu ka pan a, ka hawikual a, David chu ka hmu hauh lo. Inchhung ka luh hnu chuan ka inbual nghal a, khua a lum deuh avangin kawrbah ka ha a, bra ka hreng lem lo. Pawnfen, khup khuh ka feng a, hetia inthuam hi nuam ka ti a, in ah hi chuan ka inthuam tam dan ber a ni, khawlum lai chuan.
.
Rawng ka bawl mawlh mawlh a, ka nu nen kan inbe zuaih a, rei erawh kan inbe chuang lo. Bawngsa rep chu maian nen ka bai a, lengser hring ka thlak bawk. Hetia siam hi tui ka tia, mahse maian hi ka ngeih em em lo thung. Hla ka play pah a, ka zai pui rat rat bawk. David-a emaw, Ruati emaw lam ka ngaihtuah peih lo. An duh dan dan in awm se pawi tihna ka nei lo. Pa Lara te erawh ka khawngaih tak zet. David-a thutlukna ah hian David hi ka dem tak zet a ni. Pa Lara hian a tan tih loh enge a neih? Ni lo, ka ngaihtuah peih lo ka tih kha mawle.
.
" Kawngka lo hawng teh" phone chu a dah leh hmak.
.
Kawngka ka hawn hnu chuan rang zet in a rawn lut a, zan dar 7 a pel tawh. A hmel en chuan zan mu tha lo tih hriat zetin a pawr phang a, a sam chu a thur ve hrep mai. Tin, a hmel chu a hma aiin a tla leh tawh zawk.
.
" Enge i duh tak?" thutthleng a a thu chu a hma zawn ah ka va thu a, a hmel chu a chauh hmel ngawih ngawih.
.
" Engtinnge ngawireng a i awm theih? Min dang dawn lo em ni?" a thusawi chu ka hresual emaw ka ti hial zawk.
.
" I sawi awmzia..."
.
" Ka hmangaih che tih i hria"
.
" David..."
.
" A tha alawm. Ni e, vawikhat chiah nei lo tur in min ti...."
.
" David, unau kan nih hi"
.
" Kan ni lo. Thisen inzawmna pakhatmah kan nei lo"
.
" Mahse...."
.
" Ka hria alawm. Valpuia vangin mipa rin har i ti tih chu"
.
" Chutiang lam a ni lo. Valpuia chu Ruati kawplai a ni" ka sawi zo chu ka tawng sual tih ka hre chiah.
.
" Mahse Ruati chu ka nupui tur a ni"
.
" A dik. Duhsakna ka hlan a che u" sawi tur pawh ka hre tawh lo. A awmdan hi mak ka ti ngawih ngawih.
.
" Ka nu chu ilo hrilh tawh em?"
.
" Aih. I nu a ni a, i hrilh tur a ni. I buaina chu nangmah ngeiin chingfel rawh" ka ti let ve ta hmak. A chet dan hi ka haw tulh tulh mai.
.
" Min bumtu te an ni"
.
" An hmangaih vang che a ni. An bum lo che"
.
" Hmangaih??? Huh! Min hmangaih vangin min bum amaw? Tunge hmangaihte bum ngai?"
.
" Nangmah in" mak ti zet chuan min rawn en a, keiin hnehtu in ti zet in ka lo en thung. Tun hun hi a pawimawh lutuk tih pawh ka hria. Fimkhur tak a David rilru hi ka thlak ngei a ngai a ni. Chu chu Pa Lara'n ka pa te unau tan a alo tih tawh ka rulh let sak theihna chance a ni.
.
" Engmaw?" a ti tuarh a, keichu ka lo nui sak thung.
.
" Min hmangaih tiraw? Anih chuan tinge min bum?"
.
" Ka bum ngai lo che"
.
" Min bum asin. I hria em? Inneihna hi remchanna lei a tih mai mai chi a ni lo. Keichuan a tha ber i tan ka duh thin a, mahse nang chuan min hmangaih chung in i taksa leh i ham hun chu i tan a rinawm ngai miah lo tan i hlan dawn thung a. Ka hma ah, ka hnen ah ngei i neih dawn thu i sawi a, chu chu inbumna a ni lo em ni?"
.
" Ni lo. Ka hmangaihna chu i hnen ah a awm alawm"
.
" Mahse midang neih i tum tho alawm. Vawikhat pawh ka hmangaih let ve theih nan che hian hma ila ve tawh em?"
.
" Mahse..."
.
" Ngai lo. Thil theih a ni hleinem. Unau kan...."
.
" Unau kan ni lo i tih kha"
.
" Loretta, enge keimah ah hian i duh?" a ti tuarh a, ka game-ah kan lut ta chiah e. Risk erawh ava sang si em!
.
" Mipa, mahni hmangaih pawh neih tum a beih tum lo. Eng mipa nge i nih ngai?" ka ti vei sak sak a, ka chhungril chuan ka dinhmun hlauhawm zia a hria, mahse ka rilru ka siamfel vek tawh. Hun ka nei anih chuan David hi nupui a neih hma ngeiin Pa Lara tan ka hruai let leh ngai ang.
.
" Eng thil nge tih i tum chiah hi?" chik zet chuan min en a, ka ngaihtuahna zawng zawng nen hriat vek a tum emawni tih hial tur a ni.
.
" I ngaih dan dan in ngai la. Ka tum ber chu i chhungkaw hnen ah let leh la, i hmangaih chu i ta ah siam tum rawh" ka ti nghat a, a rum kawk thung.
.
Ngawirengin a tho a, a chhuak ta. Ka thusawi khan amah ah nghawng a neih hram ka beisei. Chutihrualin ani ang mi luhlul lutuk khan a tum dan a kaltlangpui erawh ka rin dan pakhat a ni thung si. Ipik zet chuan khum ah ka khap fak fak a, ka thil tih hi midangin an hriat chuan an lungawi lutuk kher lovang. Ka nu ngat phei chu a lungawi hauh lovang. A chhan chu a fanu neihchhun hian a future chu a unaupa lak ah a tawktarh miau alawm. Tu nu leh pa nge lawm tehlul ang? Mahse David in a sawi anih loh chuan ka thuruk a ni e.
.
David-a lo kal atang karkhat lai a liam leh tawh. Min rawn be ngai lova, a chanchin engmah ka hre lo bawk. Keipawh ka nun dan pangaiin ka nung leh miah miah tawh. Ka thil tawktarh chuan kawngro a su vak lo anih hmel. Abak chu tih theih ka ni in ka hre tawh lo. A duh chu ti tlang se, engtikahemaw chaun ala harhchhuak ve mahna!
.
" In Principal hnen ah karkhat chawlh ka dilsak tawh che. Naktuk a Aizawl pan tur in lo inpeih ang che. Motor ken a ngai lovang. Mahse hmun him ah dah ang che" phone a Davida'n a rawn tih chuan ka phu nasa kher mai. Khalehchen min rawn be lo a, Ruati nen an inneihna tur an inbuatsaih fel thaw khat tawh in ka lo ring a, mahse ka rin dan loh tak in a rawn che thung si.
.
Aizawl kan panna kawng ah chuan a tawng mang lo. Keipawh ka tnwg mang lo bawk. Ka chhungte hrilh ka tum chu min dang hmiah thung. Zinkawng ninawm tak ava ni tehlul em! Zawhna ka zawh thenkhat min chhang a, mahse enge kan tih dawn tih zawhna erawh a hre lo der zel thung. Beidawng zetin car seat ah chuan ka thu kak a, ka mutthilh san daih bawk.
.
" Kan thleng ta" tih pah a ka dar a a rawn sawi chuan ka muttui zia ka hre chiah. Peih lo zet chuan ka meng a, kan awmna hmun ka hmuh chiah chuan ka phu nasa ngei mai.
.
" I haw leh dawn amaw?" makti zet chuan ka en a, mahse min chhan hma chuan Pa Lara kawngka rawn chhuak chiah chuan min rawn hmu a, a rawn tlan phei nghal ruak ruak a ni ber mai.
.
Inchhung kan lut chu an lo awm kim deuh thap a, an hmel ah chuan kan kal tur hre lawk an ang. Phur zet in min rawn lawm a, David-a nu mawlh chu a khawngaihthlak zawk. A mittui a hru mawlh mawlh a, David chu a kuah ngawih ngawih ringawt.
.
" Ka nu, ka pa, thil sawi duh ka nei a. Khawngaihin min lo ngaithla teh u. Vawiin hian in fapa tlanbo ka rawn haw leh a, mahse keimah chauh ni lo, ka nupui tur, Loretta nen kan rawn haw leh thung a ni" chu thu ka hriat chuan ka thu lai chu ka ding hman tep, mahse David chuan ka dar ah a rawn nem vat a, min rawn melh a, a mitmeng ah chuan min vau na ka hmu nghal. Tun ah chiah hian ka thil tih pawi zia a lang tan ta chu a nia, ka ngam a, ka zuan a, ka tlakna tur ka lo hisap ang a ni ta si lo. Ka kut chu ka hum ruh ngawt ngawt ringawt.
.
" Kan pahnih a tha tak a kan sawidun hnu ah he thutlukna hi kan siam ta a ni. Ka pa, min ngaidam ang che. I rilru ka ti na a, ka inhmangaih lutuk na lam ah i dinhmun tur ka lo ngaihtuah lo a. Tunah chuan ka hmangaih ber vangin ka mit ka meng ve thiam ta a ni. Ka lawm e Loretta" tih pah chuan min rawn nuih sak a, kei erawh ka thinrim lutuk chu ka thaw hlei thei lo zawk.
.
" Bawiha, ngaihdam dil a ngai love. Bawihi, ka lawm e. Ka fapa min pek let leh avangin" Pa Lara'n a rawn tih chuan chhan ngaihna pawh ka hre lo. Ka tum ber chu ka hlawhtling a, mahse a bakah ka inhnuklut ta si. David-a chet dan chu a fair hlawl lo. Mahse tawng chhuak tur in Pa Lara te lawm hmel chuan ka ka a ti chip tlat bawk si a ni.
.
Kan boruak hulum a reh hnu chuan David chuan kan in lam a min thlah phei tur thu sawiin kan chhuak zui nghal a. Midang hmuh ah chuan nui sang in ka awm a, motor atang a kan tlanchhuak chiah chu indona a in tan a ni nghal.
.
" Engvang a min rawn miah lo a kha thil kha ti nge i nih?" ka au tuarh a ni tawp mai.
.
" I duhthusam ka thlen tir a, lawm viau tur i ni asin"
.
" Inneih chunghchang ka sawi tel ka hre lo"
.
" Ka hmangaih chu ka ta ni tur a siam tur a min ti tu chu nangmah kha i nia. I sawi ang ngeiin ka ti ta a, tinge i lungawi si loh?"
.
" David, inneihna hi infiamna a ni lo a nia aw" ka thinrim lutuk chu ka aw te chu a khur dar dar thei.
.
" Chuvang tak chuan ania ka neih dawn che"
.
" David, pangai tak in awm teh. Nang te chu Ruati nen..."
.
" Valpuia nen nupui intawm lo tur a min duh thu kha i sawiin ka hria a"
.
" Aaaa, eng lo. David, ni lo. Kan innei thei lovang" tawng ngaihna reng ka hre lo. Ka thusawi tawhin min khenglet char char bawk si. Lalpa, ka nu leh pa hnen ah enge ka sawi tak ang? Bakah mi in engtinnge an ngaih ang?
.
" I chhungte chu keimah ngeiin ka hrilh dawn alawm. Hlauthawng suh" dam thluam a a tih chuan engemaw ti tak chuan ka thawveng deuh huai tlat pek.
.
" Mahse..."
.
" Min hmangaih tur in ka ti dawn lo che. I duhthu ngei a min hmangaih hun ka nghak dawn a ni. Mahse inneihna erawh tihfel vat a ni ang. Anih loh chuan...." rapthlak ti zet chuan ka melh a. Tunlawk a ka thawven huaina kha a hma aia nasa in a ipik lehnghal. Min hmangaih emaw a in ti a, amah chiah a inhmangaih zawk a ni.
.
" Ka remtihna tello chuan kan innei hauh lovang"
.
" I remtihna chu hmanni khan ka hmu daih tawh alawm"
.
" Dawt anih chu"
.
" Ka hmangaih ka ta a siam tur a min tih khan ka hmangaih chu tunge tih i hriat kha. Kan thleng e. Hahdam rawh. Kan hmachhawn tur hi a la ko viau a nia" tih pah chuan ka biang ah a rawn tawk zauh a, rangzetin a kut ka lo vaithla nghal thung.
.
Motor atang a kan chhuah chuan kan in chu nidang ka haw a luh ka nghahhlelh ang khan ka nghakhlel hauh lo. Muangchangin ka pen a, David chu ka hma ah a kal bawk.
.
Door bell chu a hmet vang vang a, kei erawh mikhual ang maiin ka ti dak thung. Ke pen a rawn ri thlarh thlarh a, ka thaw a rang tual tual bawk. Kawngka a rawn in hawn chuan Zahawmi a ni. Maktih hmel deuh chuan min en dun a, harhchhuak thut ni awm tak in kawngka a hawng zau sawk sawk nghal.
.
" Min va surprise chiang ve. Vid, ilo phei thu ka hre zo chiah a, Bawihi lo phei ve thu ka lo hre miah lo a" Zahawmi chuan a ti bawrh bawrh a. Mikhual ang maiin ka ngawi dak mai.
.
Sitting room lam chu kan pan phei a, " Khawnge ka nu te hi?" tih pah a sofa a lo thu ka hmuh chuan ka phu nasa lutuk.
VBR 2 - 8
ELTY LUHLUL AUG HNAMTE
.
" Enge hetah i rawn tih?" sofa-a Ruati thu chu ka en kal a, David nen min hmu dun chu makti hmel pawh a pu miah lo.
.
" Ka pasal tur ka rawn zawng e ka tia. Ani lo em ni?" tih pah chuan David chu a rawn melh a, a hmel a zamna ka hmu miah lo chu rapthlak ka ti mah zawk.
.
" Ka hrilh tawh che a ni lawm ni? Nupui ka nei anih chuan Loretta ngei hi ka nupui tur a ni" Davida'n a tih chuan kan hnunglam a bowl thlauh ri bal lam chu kan hawi rual thawt a, ka nu chu makti zet in alo ding a, ka tha a khur nasa ngei mai.
.
" Nu..." ka awi chu a ri chang chang chauh a ni.
.
" Enge ka thu hriat hi a awmzia?"
.
" Nu, ka hrilhfiah ang che"
.
" Keimah zawkin le" Davida'n a rawn tih chuan ka nu hmel chu a buai zual. Ni e, buai lo chi a ni lo. Engmah ka hriattir lawk bawk si lo. David leh Ruati inneih tum an hre ve vek bawk si.
.
" Nu Tei, pawi ka ti khawp mai. Loretta hian ka pasal neih tur hi a tibuai zo ta vek a ni e" Ruati'n a rawn tih chuan ka bing mup mup thei. Ka thil tih in a vuak let nat dan tur ngaihtuah thleng pha lo a thil ka ti chu ka inchhir ve tak tak ta.
.
" A dik em?" ka nu hmel chu. Tiang hian vawikhatmah ka la hmu ngai lo.
.
" Nu Te, keimahin ka sawifiah ang" David pawh chu a mangang ve tan tih a aw-ri atang a hriat. A inhmangaih lutuk vang a heng zawng zawng hi thleng a ni. Ka haw ngawih ngawih.
.
" Ka fanu hi a ni ka zawh ni" ka nu in dam dap a a tih chuan ka ip zawih thei. A thinrim lai a dam dap a a tawng tawh chuan engkim mai thleng thei dinhmun ah a ding vek tawh tihna a ni. Ka nu hi a thinrim mai mai ngai lo tlat a ni. A thinrim chhun erawh chuan nu hlauhawm tak a ni ve tlat.
.
" Nu, room ah kan in be thei angem?" ka tih chuan ka nu chuan an room lam a pan nghal a, David chu ka melh zeuh a, Zahawmi lai lutuk a lo ding chu ka khawngaih viau nangin hnemna hman a awm lo. Ruati chu zaklo ka ti hliah hliah bawk.
.
Ka nu nen room lam a kan ti ti dun hnu chuan ka nu pawh chu a thaw hak ringawt. Ni e, engkim ka sawi a, zep ka nei lo. Mahse dawt pakhat erawh ka sawi tel. Chu chu David chu ka hmangaih ve reng a ni. Ka hmangaih avangin a thutlukna siam chu ka pawm thlap a ni tih chu. Hrehawm ka ti, mahse hei bak kawng ka hre lo. David chu ka nei anih pawhin kan inneih hma in engkim sawi dun a, a lang chauh a nupa nih ka duh thu sawi ka duh dawn a ni. Chuerawh tumahin an hre tur a ni lo. Ka nu leh pa thleng in.
.
Rin ai mahin kan innei tur chu chhungkaw lam atang a kaltluang a. Ka nu leh pa pawh in harsatna engmah min siam sak lo. Mama erawh a lungni chiah lo a, mahse harsatna lian tham a ni lo. Zahawmi mawlh mai a khawngaihthlak. Ka lak ah a inthlahrung lutuk chu ka khawngaih tak zet a ni. Ngaihdam min dil mawlh mawlh a, mahse a tihsual a awm loh thu leh rilru hahdam tak a awm tur in ka hrilh thung. Unau kan nih ang in ka rintawk thu ka hrilh a, tlem chuan amah pawh a ziaawm ve ta deuh. Mahse a hma ang em chuan min pawh harsa a ti ve deuh lo thei lo. Chuerawh ka control theih piah lam a ni. Keichuan a hma a ka en ang chiahin ka en reng tho. Tihsual a neih ka hre tlat lo a ni.
.
David chuan ka hna chu bansan tur in min duh viau nangin bansan ka tum hauh lo. A chhan chu nupa tak tak ang a awm ka duh tlat lo a ni. Amah a inhmangaih lutuk chu ka haw tak zet. Ka duhdan ka sawi lah pakhatmah a pawm duh bau lo bawk. A luhlul in a thu a duh em em a, chutihrualin a hma a tih tur awm erawh a hlen zat zat thei reng thung. Ka mimal duh dan tiam loh in.
.
Kan inneih ni tur chu 8th August a ni. Chhungte lam in thla serh thla ti in duh lo viau mahse ka piancham anih avangin keiin ka nawrlui ve mauh mai si. David lahin ka duh dan a vawikhat nan min pawmpui hmiah bawk nen, tui lo deuh chung chuan an pawm ve ta nge nge. Tetei ka thian tur a ni bawk a, min lawmpui thiam em em a, a phur mah mah hial zawk mai thei. A tir chuan mak a ti ve deuh a, mahse thudik thup then a thil ka hrilhfiah hnu erawh chuan min lawmpui leh em em thung.
.
Kan inneih nan karkhat chiah a awm tawh. Keini thian dun pawh Aizawl lam kan pan ve tawh a, David erawh Lunglei lam ah hna tul avangin ala cham khaw muang thung. Lunglei ah khan hmuh pawh kan inhmu tam lova, pawi ka ti lo zawk bawk. Bakah inhmuh chhun pawhin tih tur a sawi a, ka tawng a ngaithla ve ngai lem lo. A nelawm loh a, chutihrualin mi hmuh ah erawh min hmangaih awm tak in a awm thiam thung. Min neih a duh chhan hi ka la hrethiam thei lo. Min hmangaih ang chuan a in sawi na in min hmangaihna tur awm reng reng ka lak a a awmdan ah hmuh tur a awm hauh lo thung.
.
" Eheu, Loretta a ni reng mai ka ti" ti tu lam ka hawi chuan ka bo deuh hlek. Mipa sang tha thlerh thlawrh, smart tak mai, hmeltha tak mai chuan min lo nuih sang a, a hmel chu ka hriat hnu ni in ka hria. Mahse ka hrechhuak zo mai si lo.
.
" Sawmpuia. Min hre tawh nange?" ka rilru hria ni awm tak chuan a rawn tih zawm leh zat a, ka hrechhuak chiah. Party na a David-a inhauhpui ngei kha a ni.
.
" Awi, i lang danglam lutuk a, ka hai dawn che alawm. I dam amaw?" ka ti let ve vat a, Tetei erawh ngawirengin alo ding thung.
.
" Dam alawm. Kan inhmu leh har hle mai maw.... Enge MC ah te in tih a?"
.
" Nia. Hei, mamawh kan en kual ve e kan tia. Nangzawk?"
.
" Dawr chhete ka nei ve alawm. Eng lampang nge in en a?"
.
" Anih chu mawle. Kan enkual nuaih mai. Khawilai nge i dawr a awm a?"
.
" 2nd floor ah. In lo leng lut hman em? Thingpui te in ho ila"
.
" Awi, anih chu. Mahse bazar a kal kan la ngai a. Nidang..."
.
" Hey, a rei dawn lo. Keipawh bazar luhthlak zawk ka ngai alawm. Lo kal ru, thingpui in ila kan chhukthla dawn nia" zang khai vah a a tih chuan hnial zel a nuam ta miah lo. A dawr lam pan chuan kan kal ta nge nge.
.
A dawr chu a lo ropui miah miah khawp mai. Dawr kaw 3 alo hawn zawm a, mipa leh hmeichhe thawmhnaw changkang tak tak a zuar a, thawktu pawh an awm nual anih hmel. Kan lut chu min lo be sawt sawt hlawm a, an fel hmel hlawm khawp mai. Thutna min pek ah chuan kan thu a, Tetei leh Sawmpuia chu ka inhmelhriat tir leh hnuhnawh pek. Nichin khan ka lo mangnghilh daih a. Thingpui te lam in kan in zawh chuan bazar lam ah kan chhuk thla ho a. Kei ai mahin Tetei leh Sawmpuia chu an inkawmngeih ta phian zawk.
.
In kan thlen chuan ka chau ve hnawk thei. Rinaiin kan in bazar hnem phian lehnghal. Ka nu chuan thingpui min lo siam sak sawk sawk a. Zahawmi ho in ka bungrua vel chu kan enfel ho a, hmangaih miah loh pasal nei tur ka ni tih intheihnghilh thak khawpin kan nui ho thei chu ka vannei letling phian. Thawmhnaw lampang uar lo mi ka nih avangin lei tur teh vak chu ka hre hlei lo a. Tetei kut ah ka dah deuh tawp a, ani erawh chuan alo hre phian mai. Chubakah ka mamawh tur neuh neuh pawh keiai deuh chuan a hria. Chutihrualin chhungkua kha chhungkua ah vek kan insiam leh dawn a, hmundang a mo tur ka ni lem lo bawk a, thil lei tur erawh ka ngah lem lo. Bakah kumin chhung chu Lunglei lam ah kan awm dawn a, ka inluah ah kan awm chhunzawm rih dawn a ni. Mahse David-a duhdan ang in kum thar atang erawh chuan ka hna ka ban san tho a ngaih hmel. Ka pa in David-a ngaihdan a pawmpui miau a, ka tan hnial theih a ni tlat tawh lo a ni.
.
Midang mut reh vek tawh hnu chuan ka la meng kar a, vawiin hian ka man chu ka pa in a dawng tawh a, tunah chuan a thleng tak tak dawn e. Kan inneih nan nikhat chiah a awm ta. David pawhin chhunlam ah min rawn be ve a, mahse sawi tur reng reng ka hre lo. AAni pawhin sawi tur a van hmel ve khawp mai. Tetei chu A patea te in lam ah a riak a, zanin ang ah hi chuan riak dun tawh tur kan ni tih ka hria. Mahse A Patea a nuamsam lo a, va riahpui ve tur in ka pa in a tir phei a, keipawhin pawi ka ti lem lo. Mahni a awm a, ngaihtuahna kawm ka chak ve tho mai. Ka thiani bul ah hi chuan inngaihtuah veng veng na hun a awm ngai lo. Mahse chu chu ka mamawh tak a ni lawi si.
.
Ka phone rawn nghawr dar dar chu ka en a, ka no hriat ngai loh atang a ni. Dar zat ka en zauh a, zan dar 11 a pel tawh. Pick up tur nge tur loh tih ka inngaihtuah laiin a tawp leh hman a, call back ka tum hran lo. Puan sin tha in mutthilh ve tum chuan ka mit ka chhing chiah tih chuan ka phone bawk chu a rawn nghawr leh dar dar a, peih lo zet chuan ka la kang a, no ngai bawk.
.
" Hello"
.
" I pasal tur hi amah a inkhalh haw tur chuan a rui mah mah a ni" rawn ti tu aw-ri ka hriat chuan ka taksa chu a khur nghal dar dar thei. Engtinnge tun ang hun ah an awmdun theih? Vawiin ah ka man hlan a ni a, tunah Ruati bul ah bawk maw? Tenawm lutuk.
.
" Tunah khawnge in awm?"
.
" A inluah ah mawle. I rawn lam dawn nge keimahin an in ah ka va dah dawn?"
.
" Mipa a ni a, a in chintawk chu a hre tur alawm. Dam tak a an in i thlen chuan a lawmawm ah ngai mai ang. Ka mu dawn a, min rawn tibuai tawh lo la a tha ang" tih pah chuan phone ka dah hmak a, mahse ka rilru erawh a nuam chuang miah lo. Chutihrualin a pal buak chu amah David-a ngeiin thian fai rawh se. Mahni in control thei lo khawp a zu a in anih chuan ama thu a ni e. Zu rui buaipui tur in hun ka nei lo.
.
Ka zing tho chu ka rilru ah David-a a rawn lang hmasa ber a, phone ka tum zuau a, mahse ka phone leh duh ta lo. Engtin pawh lo awm se engmah sawisel ka tum rih lo. Nupa kan nih hun ah erawh tunge ka nih ala hre mai ang chu. Pathian leh a kohhran ho hma ah kan la inkutsuih em lova, vawiin thleng hi chuan zalenna ala nei ka ti hmiah. Naktuk atang erawh chuan a duh ang in a tal mai mai hauh lovang. Ka duh dan a zawm duh bik lo a, chuvangin ka pasal anih chuan ka lak a a mawhphurhna bakah kan nupa kar a thu thlung chu a pal zut mai mai bik hauh lovang.
.
Tetei a rawn thleng phei tawh bawk a, ka mamawh tur chu kan en dun zung zung a, chhun dar 12 thleng pawh chuan David-a thawm reng reng ala awm lo. Ka ngaih chu a tha chiah tawh lo nangin engmah erawh ak tilang duh bik lo. Amahin min rawn biak hun ka nghak lui ve tlat. Thingpui te kan inzawh chuan facial min tihsak tur in Mizoram a beutician lar, thiam leh ti tlawm bawk si, Jay Vee chu a thuihruai te nen an rawn thleng a, ani hi naktuk ah pawh min chei tur a kan biak lawk thlap a ni. A thiam em em a, a ti tlawm em em bawk. Amah biak a nuam a, Mizoram chhung ah na na na chuan thiam ka tih ve ber anih ka ring.
.
Ka phone ri ah chuan ka phu zawk a. Facial kan tih lai a ni. Ka lo mutthlu lek lek zui. Ka phone ka en chu David-a a ni ve ta.
.
" Hello"
.
" Min rawn biak ve eih i tum nange?"
.
" Ka hman lo ve em a ni. I tha maw?" midang awm lai chuan tha tak a inbiak ka duh a ni.
.
" Tlai ah Tetei nen kan rawn lam ang che u. Rampuia nen kan rawn kal ang?" Rampuia hi thian atan a hman tur a ni.
.
" Khawnge kan kal dawn?"
.
" A hun ah i hre mai ang. Chuan, chaw in ei chhuak dawn tih i pa te hrilh nghal rawh aw"
.
" Aw le. Dar engzatah?"
.
" Dar 5 vel ah kan rawn lam ang che u. Kan rei lovang. Dar 8 hma in kan let leh hman ang. Chuan, i bungrua peih fel vek la, zan ah chuan i hahchawlh ve a ngai ang"
.
" Ka hria alawm"
.
Tetei chu ka hrilh a, a khek raih bawk. He nu hi chu hmeichhe hlim thei tak ava ni chiang em! Ka chhungte ka hrilh chuan haw har lo tur in min chah nasa viau. A awm ve tho e. Naktuk kan inneih a ni tawh a, vawiin ang a chaw lo ei chhuah leh kha chu a mawi chiah lo. Mahse David-a hnial vel kha ka hreh avangin ka chhungte bul ah pawh pawimawh tak tihin ka sawi ve tlat a. Amah vang hian dawt ka sawi ta fo mai chu anih hi.
.
Tlai dar 5 ah chiah David te chu an rawn thleng a, ka nu leh pa te nen an inbiak luam hnu chuan kan chhuak zui ve nghal. Kan kalna lam chu mak ka ti ang reng. RV kan pel a, Phunchawng kan pel leh, Sihhmui kan thlen chuan kawngsir a kawng ah chuan kan peng a, kawng pangai aiin a te hret. Motor atang a kan chhuah chuan in pakhat hi alo eng kung a, a reh thap bawk. Tetei nen chuan muangchangin kan hawikual a, David leh Rampuia erawh nui var var in an in en a, angaihna kan hre lo thian dun viau mai.
.
" Hei hi khawilai hmun nge?" ka ti ta nge nge.
.
" Naktuk zan a in hun hmanna tur anih hi" Rampuia chuan alo ti vat a, ka dar ka san ak. Engvang a tun ang hun a min hruai nge an nih ka hre lo.
.
" Wow! Ava nuam dawn em!" Tetei'n a rawn tih hliai tak ah chuan keipawh chu ka nui ve var var a. David-a ka va melh chu uluk zet in min lo en a, a mitmeng ah chuan min hmangaih hmel a lang. Mahse ka awih thei chuang lo. Nizan thil thleng kha ka hria tih a hre lo anih ka ring.
.
Rampuia leh Tetei chu ti ti mawlh mawlh chung in kawngka awmna lam chu an pan a, dik tak chuan hmun nuam tak a ni. In pakhat, a chhawng in a awm a, thing hmang vek a sak a ni. Tin, khawpui in changkang tak ang in light pawh a tha leh to reng reng pawnlam ah chuan a awm lo a, pawnlam lan dan chuan in pangai ve tak a ang. Mahse chu chu nalh ka tih chi a ni veleh thung. Inchhung kan luh chuan ka thaw hak mai. Pawnlam lan dan ang ngawt a ni lo. Inchhung chu a changkang hrep mai. Inchung panna chu pawnlam ami chauh kha emaw ka tia, inchhung lam atang pawh a chhoh theih reng alo nia. Inchhung bungrua pawh chu thing hmang vek a siam a nia, mahse enkawl uluk tih hriat zet in a hnum hlarh thung.
.
" A nuam kher mai" ka ti chhuak ta nge nge. David chuan ka kawng ah a rawn kuah a, chuerawh ka khawng pui lah thung. Amah tawh hrim hrim hi ka chak lo. Tin, nupa ni tur ve si fawh khat pawh kan la infawp lo a, inngaihzawnna in a ken tel biahthu lampang phei chu a teuh in a hnai lo mai.
.
" I ril a tam tawh em?" ka beng bul ah chuan a rawn ti sup a, ka mur chuaih thei. Rampuia leh Tetei lah glass door hawn chiah a varendah awm ah chuan an chhuak dun a, an ri dun chel chul mai ti ila Tetei chu a bengchheng hle zawk a ni.
.
" Haw tlai thei kan ni lo. Khawnge chaw kan ei dawn?" a mi kuahna chu phelh pahin thutthleng ah chuan ka thu hnak a, a nui hak thung.
.
" Hetah hian. Gate luh dawn a in awm kha hemi enkawl tu te hi an nia. Rawng min lo bawl sak vek tawh. Rawn siam tur in kan ti nghal ange" tih pah chuan a phone chu a hmet nuap nuap a, chaw ei rawn buatsaih tur chuan a hrilh zui nghal.
.
Chaw kan ei lai chuan an 3 chuan an tawng siam siam hlawm a, keierawh ngawirengin ka ei thung. Ka rilru chuan he in hi tu ta nge tih hriat a chak zek zek pek. A chhan pawh ka hre bik lo.
.
" Enge i ngaihtuah vung vung a?" Rampuia'n a rawn tih chuan ka phu zawk thei.
.
" Aaaa, he in hi tu ta nge tih ak lo ngaihtuah a?" ka ti ta nge nge. Ka hre chak tak zet a ni.
.
" Aw, i hre tawh tur ah ka lo ngai a. David-a leh Rua..."
.
" Ka in ala ni vat ang" David chuan Rampuia tawng lai chu alo pawt chat hmuk a. Mahse ka hre hman ta tho. Ka thinrim chu ka insum hram hram a ni ber mai.
.
" A lawmawm chu. Ka thawhsan dawn che u ania" tih pah chuan ka tho nghal a, David chuan min rawn zui ve nghal bawk. Rampuia chuan a tawngsual tih a inhria anih ka ring, a ngawi ta reng a, ka khawngaih khawp mai.
.
" I puar ami?" varendah a ka ding chu David chu ka bul ah a rawn ding ve nghal a, ka luak a tichhuak ngawih ngawih.
.
" A tlai tawh viau mai. Dar 8 ah in thlen ngei ka duh" a zawhna chhang lo chuan ka lo ti ngat a. Tunah hi chuan insum hram hram ka ngai tih ka hria.
.
" Ka zawhna che..."
.
" Puar lo ila ka kham dawn em ni?" ka ti leh ngat a. Ngaipawimawh lo tak a ka chhanna chuan a thin a ti rim hle tih a khabe ruh pawn tawlh tawlh dan ah chuan ka hrethiam. A rukin ka nui ska thung.
.
" A that chu" a ti hmuk a, a aw-ri atang chuan a thinrim chu a insum hle tih a hriat theih bawk.
.
" Enteh, ilo tum dan hi tih danglam a ngai dawn in ka hria. Naktuk zan ah he hmun ah hian ka riak dawn hauh lo ania" ka ti ta nge nge.
.
" Engkim ruahman vek tawh a ni"
.
" Min hriattir hmasa hauh lo"
.
" Inneih zan hmanna tur ah hian hmeichhe lam in duh an thlang thei lo"
.
" Rapthlak lutuk. I duh chuan nangmahin i kal thei ang. Ka kal hauh lovang"
.
" Ngaithla rawh. Mi zing a mualpho tak a awm i duh loh chuan ka thu awih mai ang che. Midang tihnat leh kher i duh anih loh chuan" a thusawi chu rapthlak ka ti lutuk. A sawi awmzia lah ka man chiang khawp mai. Eng mihring nge maw anih chiah le?
.
Kan inneih ni chu a ropui ngang mai. Min sawi sep sep tawk awm mahse min lawmpuitu heti zat kan nei hi a lawmawm ve hrim hrim. Chutihrualin innei ber te rilru hrethiam erawh tumah an awm hauh si lo. Mipui tam tak hma a nuih luih reng chu ka zo lo lam lek lek a ni. Zan lam party erawh a cool raih a, a hahdam thlak phian. BON APPETITE ah kher David pawhin party a duh avangin ka lawm ve kher mai.
.
" Tikhan lo awm lawk ula, ka rawn let leh vat ang" Davida'n a tih chuan ka lo nui sak a, a kalsawn tur chu ka thaw huai zawk a ni.
.
" Lor, i hmel hi ka chik a, i hlim tak tak lo in ka hria" varendah a mahni a boruak thiang ka lo hip lai chuan Tetei chuan a rawn ti thut a, ka phu deuh zawk nghe nghe.
.
" Ngatimaw?"
.
" Ka hre bik lo. Ka thian tha ber i nia, i hlim tak tak leh tak tak loh chu ka hre ve asin"
.
" Min ngaihtuah suh. Nulatna han thlah liam chu lung a leng ve duh alawm. I pasal neih dawn ah ila hrethiam ve mai ang" nui var var a ka tih chuan a nui veleh ta hawk hawk a, ani hi zawng, hmeichhe hlim thei tak a ni miau a.
.
" Tak a, Sawmpuia kha ka sawm ve a" hmai sen ap ap a a tih chuan enge thil thleng ka hrethiam ve chiah.
.
" Nangni pahnih..."
.
" I rilru lak pen ka duh loh vang alawm" alo ti vat a, ka lawmpui kher mai. Ka kuah a, duhsakna ka hlan. A bialpa ve ber khan nupui dang kha a neihsan miau a. Ni lo, an inngaihzawn laiin sawn a thlak a, nupui a neih san ani mah zawk. Tunah mipa tha tak a tawng hi ka lawmpui em em a ni. Mahse a chanchin erawh hriatchian ala ngai viau ka ti tho.
.
Tetei chu phone call a dawn avangin min kalsan a, mahni chuan ka ding leh ran a. Midang chu inchhung ah lam an thai a, a then in no an lo dawm bawk. Hetiang hun ah chuan tumah inkhap chi a ni lo. Mahse Mizo thalai ten zu in kan thiam ve telh telh erawh a zia phian. Chutihrualin zu in loh tluk a awm miah lo. David-a zu in ve zauh zauh pawh hi keichuan kan inneih hnu chuan nghei tir ngei ka la tum tlat a ni.
.
" A rukin pasal ilo nei a" Sawmpuia aw-ri ka hriat chuan ka hawilet vat a, Tetei nen ka awmna lam an rawn pan ka hmuh chuan ka lo nuih var var nghal.
.
" Min zawt si lo alawm. Ilo kal thei chu ka lawm e. Inkhawm tur a sawm che duh viau...."
.
" Juice in tur ka va la lawk ang" Tetei chuan tih pahin min let san nghal a, Sawmpuia nen chauh chuan kan ding dun ran mai.
.
" Ka lawmpui lutuk che" Sawmpuia chuan a rawn tichhuak a, a nuisang bawk. Mipa ngainatawm tak ni in ka hria.
.
" Ka lawm e. Chuan, nangni pawh" tih pah chuan ka mit ka siai zauh a, a nui hawk hawk a.
.
" Min lamwpui nan chuan ala hma deuh hlek" a ti tha ve mai a. Nia, hmanni lawk ah an inhre chauh a, a sawi dik ka ti.
.
" Nakin ah pawh lawmpuina thu ka hlan dun cheu ka beisei"
.
" Beiseina chu thawhrimna in zui se, hlawhtlinna ala awm mahna" a ti deuh duah a, ka lo nui hawk hawk thung. A sawi dik viau nangin ka nuih a za tlat pek.
.
" Chuan, khawnge in pa?"
.
" Washroom lam ah a kal aniang. I ngai deuh ami?" a hma a an boruak kha fiamthu nan ka hmang zauh a, a nui hawk hawk bawk.
.
" A tello hian a nuam zawk....."
.
" Ka tello a nuam ti zawk pawh ni ula tunah chuan ka nupui a ni tawh a" ti tu David-a aw lo chhuahna lam chu Sawmpuia nen chuan kan hawi rual thawt a, a hmel chu a hlauhawm ngei mai.
.
" David" hlauthawng tak chuan ka ti sap a, Sawmpuia erawh a nui sang thung.
.
" Pasal nei tawh i ni tih hriattir nawn fo ngai lo ang che u"
VBR 2 - 9
ELTY LUHLUL AUG HNAMTE
.
David-a kal hmak chu ka en reng a, zui ve tange pawh ka ti chuang hek lo. Mi thusawi tlem hriat a ngaihdan siam ngawt chi hi ka ngaihsan loh zawng tak a ni bawk.
.
" A landan ah chuan i um zui a that ka ring" Sawmpuia'n nui ruh ruh chung a a tih chuan ka nuih a za ve hle. He mihring hian ka pasal hi a hriatchian hmel riau ka ti.
.
" Mahni inhrem a duh chuan inhrem phawt rawh se. Tetei pawh chu ava rei ve mawle" tih pah chuan inchhung lam chu ka en phei a, Tetei no 3 chawi a rawn phei lat lat ka hmuh chuan ka khi sak a.
.
" Sorry lutuk. Pawn ah sawn Ruati ka hmu a, enge rawn tih a tum tehreng ni? Ka va spy zauh pek a" nui har har a a rawn tih chuan ka thin chu a phu rang kher mai. Mahse a lang ah erawh ka nui sang tho.
.
Sana ka en zauh a, zan dar 9 a pel hret. David-a hmuh tur a awm ta miah lo. Inneih zan ah pawh kan he ti nghal anih chuan kan nupa nun chu a nasa lo dun khawp ang le. Ngawirengin ka thutna atang ka tho a, tumahin keimahni vang a party kan ni tih lam an care em em tawh lo. David chu ka zawng kual a, inchhung ah chuan ka hmu lo phawt. Pawn ka va chhuak a, inchung zawl nen lam ka zawng a, hmuh tur reng reng a awm lo. Rampuia lah ka hmu bawk si lo.
.
" Mate, khawnge in pa hi?" inchung zawl atang a ka chhuk chiah chu ka U a rawn lang hlawl mai. Ka phu nasa em em lehnghal.
.
" Inchhung ah a awm lo em ni? Boruak fim dawng tur in ka chhuak zawk a" ka aw khur chu a hriat loh hram ka beisei. A zawhna kha keipawhin ka in zawh ve mek tho a ni si a.
.
" Ka hre hleinem. I chhuak tur kha ka hmu che a. In mut a hun tawh viau a ni. Naktuk ah i chau lutuk palh ang" ka U in a tih chuan ka bu nghat a. Mahse David chu khawnge a awm tak ang?
.
Inchhung lam a kan unau a kan inzui lut chiah chu David-a pawh alo awm ve reng tawh. Mak ka ti lutuk chu ka en hau ringawt. Min hmuh veleh min rawn pan a, midang hmuh ah chuan hmangaih hmel tak in min rawn kuah a, ka va ei lo ber mai tak.
.
: Ka zawng che a. Kan riahna lam tur pan a hun tawh viau in ka hria" tih pah chuan min kuah nghet sauh a, kei erawh ka lo tang ru tung thung. Ka U chu awm ve lo se a kut chu ka paihthla chiang ngawt ta ve ang.
.
" Ni e. Nangni chu kal tawh mai ula a tha ang. Mate, i thiannu va ko la, helam hi chu kan lo handle mai dawn ania" ka U in a tih chuan David-a min kuahna atang a talchhuahna remchang awm chu ka lawm kher mai.
.
Kan nupa chuan motor pakhat ah kan kal a, Tetei leh Rampuia erawh Rampuia motor in an kal thung. Duhlo eng ang mahila Sihhmui lam ah chuan kan riak dawn ta tho anih hmel. Hetiang a inneih zan a boruak rit em em hi an awm ve anih pawhin an tam lo khawp ang. Kawng tluan chuan a tu ve ve mah kan tawng lo. Motor tukverh darthlalang atang chuan pawnlam chu ka thlir a, thla pawhin kan boruak min hriatpui ni awm takin a thim hmuk mai bawk. Ni e, he inneihna hi a mak em a ni. Keiin chhungkaw pakhat humhim ka duh vangin ka kaltlangpui a. David-a ve thung chuan hmasial takin a kalpui thung.
.
A hmun kan thlen chuan kan thiante chuan min tihfelpui sawk sawk a, riak ve tur an nih lo avangin rei pawh awm khaw muang lovin min let san leh nghal mai. Tihtur em em a awm hek lo. Chhun lam ah kan mamawh tur inthlakna tlem azawng thian dang ten an lo zuk dah tawh a, bakah kan awmna tur anih lem loh avangin thil ken vak a tulna a awm hek lo. Kei phei chu tun bak hi kal nawn ka tum hauh lo.
.
" Room bathroom lam kha hmang la, sawlam ah ka lo va inbual ang" Davida'n a rawn tih chuan ka phu zawk thei. Ka ngaihtuahna ka lo kawm leh veng veng hman tawh.
.
Ka inbual zawh chuan alo la zo ve lo aniang, room chu alo la ruak huai a, bathrobe a intuam phei tat tat pah chuan khum bul a ka thawmhnaw hak tur ka dahna lam chu ka pan a. Mahse khum ah chuan mutkawr nalh zet hi alo in phah a, a sexy em em ti tawp mai ang. Ka hak tur a a ti anih chuan a tisual ve khawp ang. Nawhchizuar ang mai a hetiang mutkawr tenawm zet hi ka ha lul lovang. Ka thawmhnaw chu ka la a, t-shirt lian lampang leh pyjama thawl deuh hlek chu ka ha a, room lehlam a a pen ri ka hriat rual chuan rangzetin khum ah chuan ka inthawlh kak a, mutthilh der hna ka tan nghal.
.
" I muhil lo tih ka hria. I mutkawr tur chu i duhzawng a ni lo em ni?" nuihzatna aw-ri ka hriat chuan ka insum hman lo tep. Mahse ka muhil der lui ta tho.
.
Khum rawn hniam sut ah chuan keimah in ka mu tawh lo tih ka hrechiang ngang mai. Diktak chuan hmeichhe thianghlim ka ni. Hlauhthawnna nasa tak ka nei bawk. Mi pangai ve ta fam chuan inneih zan ah innei ten enge an tih thin chu ka hrechiang ve khawp mai. Thleng lo hram se ka duh. Mahse a hma a ka duh dan ka sawi ve a hnial zawh vek avangin ka pumpelh hauh chuan ka ring lo. Ka insangmar teuh a ni ringawt.
.
Ngawireng a rei tawk fang kan mut hnu chuan a che hrut a, ka lam ah a rawn tawlh phei a, ka insumtheihna a chhe ta. Ka taksa chu namen lo hian a khur hlawk hlawk a, ka hlau a ni. A chang chuan hmeichhe chak tak ni mahila chaklohna ka nei ve miau sia lawm le. Ka taksa chu control theih miah loh hian a khur ta char char mai, mutthilh der theih pawh a ni tawh lo. Keimah a hmeichhia ka nihna lantir na chi khat, insum thei hlek lo chuan ka tap chhuak ta phawng mai. Ka tah chhan ber ka hre lo, mahse a chhuak em a ni.
.
" Hey, ngatinge?" tih pah chuan David chuan min rawn kuah a, a hma aiin ka khur nasa sauh lehnghal.
.
" Hrep tak hian. Loretta, enge i awmzia hi?" a ti leh hluk a, rangzet in a thu chhuak nghal bawk. Ka tap mai chu hrehawm ka ti tak zet. Mahse ka control theih piah lam ni miau hek le.
.
" Ka tihpalh" tah aw tiau a ka tih chuan ka kut khur hlak hlak chu a rawn vuan a, light a on nghal bawk. A hmel chu ngam leh ngam lo chuan ka han melh a, a hrilhhai hmel lutuk chu hrehawm ka ti.
.
" Hahdam tak khan mu rawh. Engmah a thleng lovang" tih pah chuan ka kut chu a chul hluau hluau a, hrehawm ka ti tak zet a ni. Thildang ah chuan ka chak tha em em, nupa nun hmang tur a ka inngaihtuah khan hmangaihna tel miah lo lehnghal chu ka thinlung hian alo ngam hauh lo a lo ni.
.
Sava chiar nak nak thawm ah chuan phak zet in ka meng a, ka phu nasa lutuk. David chu chhuat ah thu in khum tlang bawhin ka kut vuan chung lehnghal in alo muthlu bam a, nizan thil thleng ka hrechhuak uarh uarh thei. Ka zak a, hrehawm ka ti em em bawk. A lu ah chuan ka chul a, a rawn che hrut a, phak zet a rawn men pah chuan mit ti zim san in min rawn en a, tun a a mitmeng ah hi chuan min hmangaih hliah hliah hmel a pu.
.
" Min lo harh khalh a ni maw... Good morning sweetheart" a rawn ti sup a, ka hmai chu a sen nghal awp awp thei. Chutiang ang a inkoh duat vel chu ka la ti ngai lo a, ka la dawng ngai miah lo bawk.
.
" Nizan ah hetah..."
.
" Kan pahnih chauh in kan hria ni rawh se. Chuan, tho ila, kan haw chhoh hma loh chuan tihfel ngai a awm nual ang" tih pah chuan a tho a, a zi mar talh talh chu ka en reng a, a pian chu a dik in mipa tak a ni tawp mai. Mahse nizan khan ka hlau em em lawi si. Tunah erawh mak tak maiin min ti phur ru riau pek.
.
" Vid.."
.
" Ngaihdam dil a ngai lo. Lo intifai la, motor ka va en lawk ang. Kawng ah thingpui kan in chho mai dawn nia" tih pah chuan pawn lam ah min chhuahsan nghal daih.
.
Ngawireng chuan ka tho a, ka inpeih meuh chuan dar 8 a ri hnai der tawh. Pawn ka va chhuah chuan David pawh chuan motor alo ti nung vat vat tawh a. In enkawltu te kan be kawi zawk a, kan tlan zui nghal. Kawng lak ah thingpui a lam chho a, mahse a hmun a in lo in motor ah kan in chho thung.
.
Motor din dat ah chuan ka thaw hawk a. He in hi ka nau[an lai atang tawh a ka pa ang chiah a min hmangaihtu, ka pa unaupa in a ni. Fanu ang in ka leng lut thin a, tunah pawh fanu ang bawkin. Mahse tunah erawh fanu tak tak ni tawh tur in. Pasal ka la nei ve ngai anih chuan ti a ka lo ngaihtuah thin ang chu a thleng ta lo phawt. Mahse ka vanneihna tam tak he in ah hian a thleng dawn tih erawh ka hre lawk hauh bik lo.
.
" Bawihi, in lo thleng tawh maw? I chau em?" ka nu (thar)) chuan alo ti vat a, nizan ah engemaw ti tur ah min ngai vek ang. Mahse tumahin engmah an hre dawn lo. A chhan chu David khan kan pahnih thuruk a ti miau alawm.
.
" Chau lo e. In lo buai em?" ka ti ve nghal. Ka in la mikhual der buai peih lo.
.
" Buai lo e. Lut ang u. Ipa nen chaw ei ah kan lo nghak cheu a"
.
" An lo phei ami?" ngaihtuah chiang hlei lo chuan kan ti khut pek a.
.
" Awwww, aaa, ni lo. Ipa Lara zawk" a tih chuan David pawh alo nui hawk hawk mai. Ngai ah ka la nei mai thei dawn lo a nih hmel. Pawi lo, ka inzir ve zel mai aniang chu.
.
Mama te nupa leh Tetei an rawn thlen chuan ka bungrua chu kan nupa room lam ah kan tifel mawlh mawlh a, Zahawmi hi ka U nupui alo ni lovang tih ka hlau tawlh tawlh mai. Min duat em em a, tin, min hrethiam em em bawk. Unaunu in a laizawn lak a tih tur hi tih loh a nei mang lovang tih theih a ni. An nupa hian ka nu leh pa ai an awh zo ta meuh meuh a ni. Ka nu leh pa lahin an ngaina em em mai bawk si. Mahse nau ala keng lo erawh ka khawngaih thin.
.
" Lor, tlai chaw ei lo in haw ta ila i lungawi lo viau angem?" Tetei chuan ka bungrua kan tihfel zawh a Zahawmi'n choka lam a min chhuksan hnu chuan a ti sap a, makti zet in ka en hu bawk.
.
" Ngatinge? Harsatna a awm ami?"
.
" Aih. Awm lo e. Sawmpuia birthday a nia. Dinner ei chhuah pui ah min sawm a. Mahse i lungawi loh ai chuan ka kallo thei tho ania. Ka la yes lo hrim hrim a" inthlahrung deuh a a tih chuan ka nui vak vak ringawt. Henu hi chu thian tha ava tling tak em!
.
" Nangni hi in serious dawn tihna em ni?"
.
" Aaaa, ka hre nang. A tha i ti lo ami?"
.
" Ka hre nang. Kan la hrechiang lo ve ve a. Mahse a that loh ka ring lo" ka ngaihdan tlang tak a sawi mai hi ka chin dan than a ni.
.
" Nia. Mahse inzirchiang tur chuan inzui ve te pawh a ngai a"
.
" A dik. Min sawm ve in tum lo tihna em ni?" chimawm zet a ka thiannu ka melh chuan ka thiani chuan lukham in min rawn vawm a, hetia han chhaih vel hi a bialpa hmasa tang khan ka hrat tawh hrim hrim.
.
David-a rawn luh lai chuan kan thian dun chuan kan lo nui uarh uarh a, lukham in kan lo la in vaw zui nen, maktih hmel zet chuan min en dun a.
.
" Naupang chhia dun lutuk" a rawn tih chuan kan chawl dat a. chuath inthurual ang hrim in David chu kan vaw zui nghal. Mo thar ka nih lam reng reng ka ngaihtuah pha tawh lo. David lah amah nen a inhmeh lo lutuk in a rawn phusa ve chiam bawk. Kan bengchheng ta khawp lehnghal.
.
" Ava hahthlak thin em! Duhtawk teh u" Pa Lara oh ka pa aw-ri kan hriat chuan kan chawl thap a, nuih erawh a za duh ngei mai.
.
" Pa Lar.... oohh... Ka pa...hahaha.... Ka ko sual reng dawn che nih hi" ka ti sap a, nuam ka ti chiah lo. David leh Tetei chu an lo ngawi reng a.
.
" A hnuhnung zawk kha vawi 30 tun ah sawi rawh lem" Pa Lara chuan a ti nghut a, makti zet in ka en a, keiaiin David leh Tetei chu an hawi phawk zawk.
.
" Maw?" ka au a ni ber mai.
.
" Tunah ti nghal rawh" a hmel chu a tak ngul mai bawk si. Ka va hreh si em!
.
Vawi 30 zet KA PA tih thumal chu ka pasal pa hma ah chuan ka sawi ta. David leh Tetei chu khum ah an thu a, an nuihza insum hmel chu ka vawm chawrh chak lutuk.
.
" Min koh dawn apiang in tun a i thusawi kha hrechhuak ziah ang che. Inhnuai ah rawn chhuk lawk ta che u" tih pah chuan a inher vut a, a kal zui nghal daih. Ngeiawm zawk hian. Pa Lara a ni tho tho.
.
Inhnuai a kan chhuk chuan ka nu leh pa an lo awm a, ngaihtuah chiang mang hlei lo chuan ka nu bul ah ka va thu sawt leh auh pek. Ka nu in min lo melh hrawk ah chuan ka thil tih atthlak zia ka hrechhuak chiah. Mahse ka ti zo hman tawh tho si. Tetei lo nui khur char char chu ka va melh nghek ringawt. Midang pawh an lo nui ve tawp.
.
" Pasal nei ve meuh tawh khatin an awm ulh ulh ngai lo" ka pa in nuihza insum tak a a rawn tih chuan midang nuih a za sual sauh. Keierawh ka zak veng veng thung.
.
" Enge in lo tih dawn?" zah zel ah ka ti ngawt pek. Ka nu mawl min ti mangang hmel chu ka hmu zui zat. Tinge hmundang a puitling em em hi ka nu leh pa bulah hian ka naupanchhiat tlat zel ni.
.
" Ipa Puia'n i nu leh pa te nen chaw ei ah min sawm thut a, i nu leh pa kan rawn sawm kawi anih hi" ka pa in a tih chuan ka ner sak a. Sawm ve loh nih hi ka la na tlat thin.
.
" Nia. Mama, zanin tlai ah chawhlui kil ho a tha viau nangin Ipa Dinga hian min rawn ko thut sia, kan tum chawpchilh ta thut a ni. Bawihi, pawi i ti lovang chu maw?" ka pa, Pa Lara chuan alo ti ve vat a, ka lu ka lo thing ringawt. Tetei chaw ei dawn bawk si lo. David-a leh a unaute ringawt. Kan inneih tuk ah lehnghal. Pa Puia pawh chu sawm hun lo ka ti viau.
.
" Va kal rawh u. In lam chu a ngaihtuahawm lo" David chuan alo ti vat a, ka lo ner nawng thung.
.
Tetei kal hnu chuan kan nupa chauh kan awm tawh. Chhunlam ah hlawhfa ruaiin nimin lam hnawk an tifai fel tawh a. Diktak chuan tihtur em em a awm lo. Lawmna ni se Biakin ah Joint Reception in kan kalpui vek a, in lam chu kan leh awl thek thung. Chin tam chi tak ni in ka hria.
.
David chu TV enna room-ah BBC News a en a, kei erawh choka lam ah rawng ka bawl thung. Awmpui lang a kal chu an nei a, mahse kan inneih vuak vet ah vawiin chu chawlh an lo pe alo nia. Mahse pawi ka ti lem lo. Rawngbawl tur tal a awm chu ka lawm daih zawk. a chhan chu tih tur awm lo ta se David nen chuan inbiakna tur kan nei dawn bawk si lo. Phur zet chuan rawng ka bawl a. Tak a, ka pasal ei duh zawng hi engmah ka hre lo. Kan inneih dan leh kan boruak chu in hriat tho kha. Zawh nachang ka hre lo. Nakin ah ka la hre chho ve mai ang chu.
.
" Chaw ei ka pe..." ka tawng lai chu ka tawp chat. David chu tui em em in sofa ah chuan thu chungin alo muhil a. Ka en vawng vawng ringawt. Nizan ah keimah vangin khum ah pawh a mu lo a, chhun ah tih tur neuh neuh lo awm bawk nen, a chau viau anih ka ring.
.
" Vid, lo intiharh la, chaw ei ka lo siam ang" a dar ah chuan ka sawi a, harh chiang mang lo chuan a rawn meng a, ka kut chu vuan in a muhil zui leh daih. Ka kut chu laksawn ka tum a, mahse alo vuan nghet ngang mai.
.
" Meng la, ka kut kha thlah teh. Chaw ei ka siam dawn ania" ka ti leh a, mahse a meng duh tlat lo. Ka kut thlah duh bawk si lo, ka thaw hak ringawt.
.
" David" vin deuh hlek a ka koh tak ah chuan a rawn meng a, ka kut thlahin a tho nulh a, bathroom lam min pan san daih zui.
.
Chaw kan ei chhung chuan a tawng tam lem lo nangin lungawi lo hmel a pu lem lo. A chawhmeh ei dan chu ka en kar a, maian bai a ngaina lem lo. Hmarcha a ei lo bawk. Mahse dal kan erawh a duh viau. Sa erawh a ei tam lem lo nangin a duhlo hran lo. Ka thil siam zing ah salad a ei hnem ber. A rukin keimahin ka nui sak. Hma ka sawn phawt. Midang erawh chuan an ei tui em em vek anih ka ring.
.
Chaw eikham chuan Tluanga(David-a nau) chu a leng chhuak nghal daih a. Nutei lah hla zir tur in a kal nghal bawk. Kan nupa chauh chuan kan awm dun ran a, ka nu leh pa an lo haw har bawk si. Dar 9 velah chuan ka nu leh pa an lo haw a, rei pawh thu muang lovin an mu vat a. Ka ngaihbel nge ka hre lo, an hmel chu a diklo riau in ka hria a, mahse engmah an sawi lem loh avangin engmah ka zawt ngam bik lo.
.
David chuan dar 10 vel ah mut a rawt a, ka va huphurh lehpek em! Mahse nizan lam ai ngawt chuan ka zia tawh hrim hrim. Kan intihfai zawh chuan khum ah chuan kan mu dun ran a, a tir chuan kan ngawi dun ran nangin amah zawk chuan ti ti ho lam te et a rawn vawrh a, rinai takin kan ti ti dun thei ta phian. Lunglei phei hun tur a sawi chuan ka phur mah tawh zawk. Hetah chuan lemchan reng a ngai dawn a. Lunglei ah chuan inthup a ngai lo law law anga. Mahse chutia n]ka ngaihtuah chuan ka rilru chu a na tlat pek.
.
" Hey, enge i ngaihtuah leh tawh? Hlauthawng suh. Engmah a thleng lovang" Davida'n a rawn tih chuan ka thaw hawk ringawt. Nizan ang tur ah khan min ngai chu a ni phawt. Mahse a ni tawh hauh lo. Mak tak maiin David chu chan hlauhna lian tak ka nei tlat ta pek a nih chu.
.
" David, nizan avang khan pawi ka ti. Ka thaim loh a ni"
.
" Ni lo e. I duhlo chung ka nawrlui dawn lo che. Mahse mipa ka ni tih erawh hre reng ang che. Mi thianghlim ka ni ve lo ania" a ti sup a. Thinrim a sawi a ni lo tih ka hria. Thil nihphung a sawi zawk a ni.
.
Sana chek ri tlak tlak chu ka ngaithla kar a, an muhil vek tawh. David pawh a muhil suk suk tawh. Kei erawh ka meng kar thung. Hetiang a ka awm reng anih chuan ka pasal hian hmeichhe dang min kawp san hun a thleng vat ang. Ka rilru ka insiam a ngai tak zet a ni. Ka thaw hak a, dim te in David-a muhil chu ka va kuah a, a rawn che hrut a, ka thaw chu a rang hman khawp mai. Mahse amuhil zui leh anih hmel.
.
Ka muhil ve siar siar tan tih chuan David chuan dimte in ka biang ah a rawn fawp a, ka lo ip chawih thei. Chutah in beng kang in ka biang chua a kut chuan a nul kual dan dan a, ka muhil emaw a ti a ni ngei ang. Muhil ang chuan ka awm ta ringawt. Ka biang akhawih mai duhtawk lo chuan dam zet hian ka hmui a rawn fawp zeuh a, a phun sup bawk. Enge a sawi ka hre hauh lo. Chutah mu tha leh in ka dul zawn ah chuan min rawn kuah a, engtinmah min khawih zui tawh lo. Dik tak chuan chhunzawm zel se, nupa kan ni tih hi fiah se ka duh ve tho. Ka chhungril chuan hlau tho mahse ka pasal a ni tih hi tisa tak a nemngheh ka duh ta a ni.
.
A mutthilh leh hma ngei a chet ka ngai tih ka hria. Ngam leh ngam lo chuan min kuahna a ban chu ka khawih a, a taksa rawn khawng deuh luh chu ka hre thei. Mahse ka hre lo der tlat thung. A ban chu ngawirengin ka chul a, mahse nghah rei a ngai lo. A rawn che hrut a, a lam hawi tur in dam deuh si hian min kuai her a, ka zam kher mai. Mahse tun a ka paltlang anih chuan a lehpek chu a awlsam sawt tawh dawn a ni.
.
A mutna lampang a table light eng lo te chu a on zeuh a, min rawn kuah zui lehnghal. Keipawh chuan ka kuah let vat a, engmah a sawi lo. Mahse a thawk hak dan ah leh ka mal in a mipatna khauh tang mai a tawh fuh tak ah chuan keimah ah zamna nasa tak a awm lehnghal. Ni e, nangni pawh in vawikhatna ah chuan in zam ve tho in ka ring. Ka zam tak zet a ni. Mahse ka tih tur chu tun ah ngei hian hlen chhuah ka duh tlat thung. Tun hi chance tha tak a ni tlat a ni.
.
AA hmai lam chu ka en chho a, mit zim san leh chakna insum tih hriat zet a min lo melh chu ka tim sawk thei. Ngam leh ngam lo chuan ka han fawp da da a, min chhan let lawk loh dan ah a hamhaih te pawh ani ang. Mahse ka ti tawh ta sa sa, ka chawl duh bik miah lo. A hnu deuh ah chuan duhtawh zet chuan min rawn fawp let ve ta nghal a, a hma a ka zam lutukna pawh a reh ve ta deuh e.
.
Kan infawp rei tial tial a, a duhtawh tawlh tawlh a, tunah phei chuan a kut chu ka taksa ah a vak kual ruai a ni ber tawh. A kut in ka kawrhnuai bahna chu a pawt phelh a, ka t-shirt hak erawh ala phelh lo thung. Ka hnute chu a rawn hum a, che sawn in ka chung lam atang min rawn fawp chhunzawm nghal a, mak tak maiin nuam tihna chuan min tuam ve tlat tawh a ni. A hmui a zei tak a min fawhna chu ti tawp in ka t-shirt chhan ah chuan ka hnute hmur, chakna avang a kawh lah chu a rawn seh zauh a, ka phu nasa ngei mai. Mahse nawmna nasa tak maiin min tuam zui nghal.
.
A bawp lehlam chu ka bawp leh bawp inkar ah rawn thingthi lut in ka bawp chip chaih a ka dah chu a rawn nawr kau a, ka hnute, ka kawr chhan a a suasam erawh a chawl chuang miah lo. Ka thaw ka hip seng lo a ni ber mai. Hetiang em em a nuam hi a ni ang tih ka ring pha hauh lo. Chutah a t-shirt hak lai phelh tur in ka hnute a suasamna chu a chawl zawk a, a inphelh zawh chuan ka t-shirt hak lai chu a rawn phelh leh nghal a, ka hnute ah bawk chuan a rawn tuan lehnghal. Ka dul ah fawp thla in ka kekawr hak lai kawng bul chu a fawp kual a, ka thaw hlei thei tawh lo. Nawmna nasa lutuk chuan min tuam mup mup a ni ber mai.
.
A chawl dat a, a kekawr bul hak lai chu a phelh sawk sawk a, ka kekawr haklai a rawn phelh tur chu ka lo insiamrem nghal sawt sawt bawk. Tunah chuan engmah kan ha ta lo. Light eng riai hnuai a a pian pa zet chu ka en a, a hrisel tih a hriat ngawih ngawih. A awm chu ka chul kual dan dan a, saruak awm ka nih reng ka ngaihtuah tawh lo. A kut in zei zet a min sawngbawlna chuan keimah a zahna awm zawng zawng um bo in a bak beisei leh zelna khawvel ah chuan min luh pui riai riai a ni ber mai.
.
Ka thawk dan atang ka inpeih ni in a hria aniang. Ka hmui ah a rawn fawp zauh a, ka hmeichhiatna hnawng chap tawh ah chuan a mipatna khauh tha zet chu a rawn nawr lut a, chutah zet chuan ka khawvel ngai ah ka let leh chiang kher mai. Ana lutuk chu ka beng te hi a kiu vek in ka hria. Chutah a chawl dat a, duhthawh leh dam deuh si hian min rawn fawp a, mahse nuam ka ti pha tawh meuh lo. Chutihrualin paltlang ngei tum in ka insehruh nasa mai bawk. Na ti chung chung chuan ka na lo dawh ve ngat ngat a, a duhkhawp ka pe zo thei lo anih pawhin a hlimna tur tal siam ngei ka tum ruh tlat a ni.
.
Ka bul a zawi tak a a mut rual chuan a lam hawi chuan ka thle bak a, current eng riai hnuai a a lungawi hmel chuan ka na min theihnghilh tir thei hial a ni. Tunah chuan nupa dik tak kan ni ta. A tawp lam ah khan min dim thiam bawk a, a nawm na tlem chu ka pawh ve chiang e. Mahse miten an sawi thin, virgin hawn rual a a vawrtawp an thleng ang kha chu ka pawh zo hauh lo. Mahse ka lung a awi hliah hliah thung. Ka chesawn chu ka na deuh that a, mahse chuerawh tawrh hrehawm khawp chu a ni lem lo. Ka mutna zawn a thisen lo val kalh chuan mi rap deuh hlek.
.
Muangchangin a rawn tho ve a, kan lo inrinlawk hman miau loh avangin kan mutphah chu kan thlak ngei a ngai dawn ta a ni. Chumi hma in ka va inbual hmasa leh te te a, tunah chuan nupui dik tak ka ni ve ta. Ka nei tawh ta sa sa, hmangaihna a tello anih pawhin nupui/pasal kan nihna leh kan thuthlung chu ka vawng him ngei ang.
.
Ka inbual zawh chuan a rawn inbual ve nghal a, a heml chu hmuh a hahdam tak zet a ni. A inbual zawh chuan mut puan chu ka lo thlak fel diam tawh a, mu chung chuan kan ti ti sap sap a, engtiklaiin nge ka mutthilhsan reng reng ka hre lo. Ka harh leh meuh chuan ni alo sang uarh tawh. Dvid-a mutna ka en vat a, alo mu tawh hauh lo. Rang zet chuan ka thu chhuak a, mahse ka na zawk avang chuan kan chawl leh dat a, mahni chuan ka nui var var thung.
. Choka lam ka zuk chhuk chuan kan nula chu alo thleng vang tawh a, min lo be vat a, inhresa tawh kan ni bawk a, kan inkawm leh nghal bawrh bawrh thei. Thingpui min pek a tum zet a, ka hnial thung. Midang awmna ka zawh chuan ka nu leh pa chu zing bazar in an chhuak a, Tluanga leh Nutei erawh inchung GYM lam ah an awm thung. David-a awmna a sawi veloh avang chuan ka hre tur ah a ngai anih ka ring. Ka hre lo tih erawh ak sawi duh bik thak lo thung.
.
" Bawihi, in pa chu a hmanhmawh thlak viau aniang maw.... Mahse a rawn zan thlen leh dawn tho chuan a zia tho e" ka pa te bazar haw, sitting room a kan thut lai a ka pa in a rawn tih chuan ka hawi buai ngang mai.
.
" Eng..."
.
" Lunglei tlan chhung te chu a rei tawh hleinem. Vawiin chu Nuho kan hnatlang dawn a, Bawihi chu i khua a har deuh dawn anih kha" ka nu in a rawn ti leh chuan David chu Lunglei lam ah a kal tih ka hre ve chiah. Min hrilh miah lo a a kal chu mak ka ti khawp mai. Mahse ka tilang duh lem lo thung.
.
Kan nula in tih tur a ti malwh mawlh a, Tetei pawh naktuk lam a Lunglei pan a tum avangin a bazar a, kalpui duh viau mahila Sawmpuia nen an kal dawn tih ka hriat avangin ka lo inrawlh buai duh ta lem lo. Ka phone ri dar dar chu ka en vat a, David-a a ni.
VBR 2 - 10
ELTY LUHLUL AUG HNAMTE
.
" Hello"
.
" Zing ah khan ka kaitho duh ta lo mai che anih kha. I chau awm sia" a rawn tih sup chuan thinrim deuh si in ka zak chem chem. Nichan ka chetdan duhthawh zet kha ka hrechhuak uaih uaih thei.
.
" Tunah khawnge i awm?" a thusawi chu ka hai der lui ta ringawt. Diktak chuan ka chau ve alawm, ka taksa a sil them thum bawk.
.
" Hei, hnathawhna lam ah ka kal zawk a, office ka va dawr leh lawk ang. Engemaw tihsual palh a awm a, mahse a fel leh tawh e. Zanah min lo mutsan suh aw" a thusawi tawp lam chu order ni lo in ngenna a ang zawk mah. Ka chhungril chu engemaw ti tak in a hlim veng veng tlat.
.
" Dar engzat vel ah nge ilo thlen ang?"
.
" Dar 10 vel ah chuan ka rawn thleng thei maiin ka ring. Ka dah phawt ang. Lo in enkawl tha la" tih pah chuan a dah nghal vut a, tawng velehna hun min pe lo chu ka ngei ru kher mai. ' Nang pawh' keima hriat tham lek chuan ka ti sap a. Ka awmdan chu hmangaih te be zo chiah ang mai a ni.
.
Tlai chaw ei lai chuan ka nu leh pa chuan Lunglei kan phei hun tur an huphurh zia an sawi ve nasa. Ni e, mi hrang ka ni lo bawk a, bakah an fanu ang chiah a an lo en sa ka ni bawk nen, mihrang daih pasal neih aiin ka vannei asin. Ka pasal nen thisen inzawmna engmah kan nei hauh lo bawk a.
.
Sana ka bih sek tawh, dar 10 a pel tawh. Kan pa lo haw thawm engmah hriat tur ala awm lo. Ka phone a, a ring quit thak thak bawk si. Midang in min mutsan vek tawh bawk si. Ka awm a nuam chiah lo chu a ni. Dar 11 a ri leh tawh. Lunglei alo chhuahsan dawn a min rawn biak bak kan inbe leh miah lo. Phone a la thei bawk si lo, ka rilru chu a mangang tan viau tawh a ni. Pawn ah ka va chhuak a, ka lut leh thin. A reh hian a reh tlawk tlawk a ni ber mai.
.
" Min lo nghak lo mai rawh. Hna pawimawh a awm leh sia, zing ah ka rawn haw mai ang" ka sms dawn chu ka chhiar a, ka thin a ur ru teuh. Dik tak chuan nizan ang a hun nuam tak kha hman leh ka lo in beisei a, mahse tunah zanlai dar 12 rik dawn tawh ah min rawn msg chauh a, ka phone call pawh pakhatmah a pick bawk si lo. Thinur ru deuh chuan ka mu ta hna hna a, mut erawh a chhuak mawh khawp mai. Inngaihpawimawh lohna hi ka thil huat ber te zing a mi a ni.
.
Zing dar 6 vel ah ka tho thla a, ka muhil ta miah lo. Kan nula lo kal ala hun lo. Tumah an la tho lo bawk. thingpui ka lum a, mahni chuan ka in karh karh a, ka lu chu a na ngut ngut mai. Pawnlam a David-a motor thawm ka hriat chuan ka tho vat a, hnathawk haw a ni a, eng ang pawhin lungawi lo mahila hnathawk haw chu tha tak a lo dawn sawn hi ka duh dan a ni. Chupawh ka pasal lehnghal ngat phei chu.
.
Zan lam ka mu miah lo a ni tih chu thup tum in hlim hmel takin ka va chhuak a, motor dah felin ka awmna lam a rawn pan ve bawk. A chauh hmel khawp mai. A bag khai chu ka lo la vat a.
.
" I chau em?"
.
" Chau lo e. Iva tho hma ve?"
.
" Nia, ilo thlen hma ka ring deuh a" a ding deuh dat a, min en zawk a, a nui suk a, kawngka hawng in inchhung ah kan inzui lut nghal.
.
Ka nu a rawn tho ve chiah a, an in be nual a, kan nupa room lam chu kan pan zui nghal. A tawng tam lo a, hei hi chu ka hriatsa a ni. Inbual tur a bathroom a luh hlan chuan a thawmhnaw hak tur chu ka lo dahchhuah sak a, a mut hahchawlh duh ka rin avangin mut pui nuam tur in t-shirt leh a kekawrbul pakhat chu ka dah chhuah sak.
.
Bathroom atang a rawn chhuah chuan a thawmhnaw ka dah chhuah chu ngawireng in a ha mawlh mawlh a, enge lo tih a lo sawi tur pawh ka hre lo. Nizan kha chuan ka lungawi loh avangin ka ang ve anga, a insawifiahna ka ngaithla ang chu ka tia. Mahse a theih dawn ta lo anih hmel. A hmel chu a nelawm lohin a chauh hmel em em bawk.
.
" Reilote kan mu zawk anga, dar 10 hma in min rawn kaitho dawn nia" tih pah chuan khum ah chuan a mu zui nghal a, ka awm lohna lam hawi chuan a in let thak a, ka hawihai ang reng phian.
.
Dar 10 rik chuan kan room ah chuan ka han chho a, thawm dim tak a kawngka ka hawng tur chu inchhung lam atang chuan a rawn in hawng hmasa a, ka phu nasa ngei mai.
.
" Dar 10 rik hma in min kaitho tur in ka hrilh lo che em ni?" bung zet a David-a tawng chu ka en hau ringawt. A mood ala dik loh hmel nasa mai bawk. Hahthlak hian.
.
" Hei, ka rawn kaitho dawn chiah che alawm"
.
" A lawmawm anih chu. Zanin ah hna chungchang ah dinner ei pui tur kan nei a, dar 6 ah ka rawn lam ang che. Zahawm takin lo inchei ang che" tih pah chuan min kal pel hmak a, a awmdan chu mak ka ti kher mai. Nimin a phone a kan inbiak lai te kha chuan ka lak ah ala tha viau asin mawle.
.
Nileng chuan ka thin a ur ru tun reng. David lah chaw ei lovin a chhuak daih bawk si. Ka nu in David-a awmna min zawh chuan chhan ngaihna ka va hre lo tak em. Mahse hna thil ah a chhuak ka ti ta ngawt. Engmah phei chu a sawi zui lem hlei lo a. Ni 3 chiah kan la innei, tlai chaw kan la ei ho lo. Chhungkim lo zel in kan la ei. Chutah David-a mizia a dang thut thut mai bawk si. Tihngaihna tak pawh ka hre lo e a. Ka nu va sawipui dawn ila tullo ah ka tibuai mai mai dawn tih ka hre reng. Bakah chhungkua kan inhmu fuh lo palh ang tih a hlauhawm tlat bawk a ni.
.
Dar 6 ah chiah chiah David-a a rawn let a, mahse a thawmhnaw a rawn inthlak sa vek thung. Ka hmu chiah chu mak ti zet in ka en a, a inluah lam ah a kal tih chu sawi ngai lovin ka hrethiam nghal. Ka thin chu a ur ru ngei mai. Mahse a hmel nelawm loh zet avang chuan engmah ka sawi duh rih lo. Nakin lam ah kan la inhau mai aniang chu.
.
Hotel Regency kawt kan thlen chuan car chu a tiding a, hnathawk pakhat chu a car chahbi a pe zauh a, min ngaihsak lem lo chuan step ah chuan a pen chho pawk pawk thung. Pheikhawk ke artui nei ka lo bun chu ka inchhir ru ta kher mai. A awmdan chuan min ti hah ngawih ngawih. Reception counter bul ah chuan a ding dat a, ngawireng chuan min rawn melh a, min lo nghak tih hriat zetin a kut chu a rawn phar chhuak a, mahse a bul ah chuan ngawirengin ka va ding thung.
.
A kut phar chu la thla in ka kawng ah a rawn kuah a, a nui sang bawk. Mi hmuh ah hi chuan a danglam thei chiang a ni. Counter a lo ding hmeichhia leh mipa chuan min lo nuih sang a, a nuih ve loh theih ta lo. Inchhung lam pan chuan kan kal zui nghal. Mi an lo awm nual avang chuan ka hawi chhuak lem lo a, hetiang ah hian ka zakzum tlat thin. Kan hma a lo ding te ka hmuh chuan ka taksa chu a khawng nghal lah thei. anni ber kher.
.
" In lo thleng thei ta maw? Loretta, i dam em?" Valpuia'n a tih chuan ka nui lui thei lo. Engvanga Valpuia leh Ruati chu dinner kilpui tur nge kan nih? Engvangin nge min hrilh lawk loh?
.
" Dam alawm. Chuan, nang..."
.
" Hna chungchnag ah anni hi kan dinner kilpui tur te an ni" David-a chuan ka zawh tum chu hria ni awm takin alo ti vat a, a nui sang bawk. Min kuahna pawh a phelh hek lo. Ruati erawh in min en miah lo in David-a chu a en ngar bawk.
.
" Lo thu ula. Eitur kan order nghal mai dawn ami?"
.
" A pawi hleinem. Hun kan ngah lutuk lo a. Kan nupa in kan nu nu leh pa va tlawh kan tum a, kan point ah lut nghal pawp ila ka duh a ni" David chuan thut fel pah chuan a ti nghal zung zung a. Kei erawh ka lo mengphar awk thung. Engmah a sawi lawk eih si lo a, a duh duh hi a sawi pawp pawp zel a, ka ngaihdan a ni lem lo khawp mai.
.
" Anih chuan Ruati chu i hnathawh lo endik pui tur che chuan thutlukna ilo siam ang chu maw?" Valpuia'n a tih chuan ka hawi phawk nasa mai. Chutiang engmah ka bul ah a sawi si lo a. Mahse hna chungchang sawi dun tur kan ni chiah em ka hre lo.
.
" Harsatna a awm lovang" Davida chuan a ti nghut a, ka tawt up up theiin ka hria. Ruati lah hnehtu in ti hmel zel in a nui sang zui.
.
" Nizan lam ah kan sawi dun tawh alawm" ngeiawm zet a nuih pah chuan Ruati chuan min rawn melh zauh a, ka lo en lai tak ala ni zui.
.
" Anih chuan harsatna a awm lo anih chu. Chuan, hotu lian lam khan tun kum chhung a zawh fel tur khan a ti a, kei erawh November thla atang Aizawl lam ah ka awm ve tawh dawn anih hmel a. Buaina dang awm tawh lo se ka duh khawp mai" Valpuia chuan alo ti leh bauh a, tawng ve tur reng reng ka hre lo. Engvang a kal ve nge ka nih ka hre hek lo.
.
" I hnuai a thawk te i control that chhung chuan keini lam ah harsatna a awm lovang" David-a tawng dan ah chuan engemaw a awm tih ka chiang khawp mai. Mahse negpawh lo awm se ka buaina tur ni in ka hre lo.
.
" Loretta, i pasal nen kan thawh dun a ngai ta chu pawi i ti lo tur ah ka ngai. Sawrkar remruatna a ni miau sia" Ruati'n a rawn tih chuan ka sa zak mai.
.
" Hna leh mimal nun thliar thiam rual kan ni e" ka ti ve ngat a, David-a chu a lo nui suk a, ka haw kher mai. Nuihzatthlak ka sawi awm reng reng ka hre lo.
.
" A dik alawm. Kan zin dun fo ala ngai anga, hriatthiamna thui tak i neih a ngai dawn ania. Ni lawm ni? Vid" ka pasal chu no tak a melh chung chuan a nui sawng a, a hmai a ben chawrh chu ka chak kher mai.
.
" Kan nupa kar ah harsatna a awm phah lovang" a hma a ei tur chu a thial talh talh a, nichin a pa tihmawh zet hmel kha bo in a eitur ah chiah chuan a rilru a pe emaw tih mai tur in kan hma a eitur chhawp chu a en ran a, hahdam hmel hliah hliah a pu bawk.
.
Dinner kan ei zawh meuh chuan dar 10 a ri thuak tawh. Valpuia nen chuan a hranpa in kan in be miah lova, hna chungchang ah erawh a ti ti bawrh bawrh thung. Ruati'n ka pasal a melh no thei lutuk leh a thil ei thial no tum lutuk avang chuan ka luak alo chhuak hlui thung bawk.
.
" I puar em?" motor khalh pah chuan David chuan a ti sup a, a hmel chu a nelawm lutuk lo nangin zinglam a a hmel rum zet erawh a awm tawh lo thung.
.
" Aw. Kan in lam a..."
.
" Kha kha chu theihnghilh rawh. I nu leh pa an mu daih tawh ang" a ti leh hmuk a, tawng laklawh lai a min lo tawngkhalh hian ka haw riau thin.
.
" Engvang a ani nen kher a thawkdun tur a ti cheu nge an nih?" ka insum peih ta lo nge nge e.
.
" Sawrkar thupek a ni miau si alawm"
.
" Thil mak tak a ni"
.
" Hna leh mimal nun chu ka thliar thiam i ring emaw ka ti a"
.
" A tha alawm" tih pah chuan pawn lam chu ka hawi nghal daih. Ka tawngkam hmang in min vaw let char char zel mai chu a ni si a. Mahse a pawi lo ve. Ka tih tur chu ka ti zel tho ang.
.
In kan thlen chuan ngawirengin ka intifai a, David-a inbual chu nghak duh lovin nizan lam ka mut miah loh avang chuan khum ka deh rual deuhthaw chuan ka muhil zui nghal a ni ber mai.
.
Lunglei kan pan ni chuan bungrua kan neih ve deuh nual avangin keima car bik chu driver pakhat ruai in kan bungrua kan phur phei tir a, kan nupa in kan in phur thung. Ka inluah a kan chen dun dawn avangin a hma in David-a khan hlawhfa ruaiin kan nupa room tur chu room pakhat awm sa hawng tlang in alo siam tir vek a, a ziaawm phian. Driver kan hruai phei pawh a tuk lam ah sumo in min let san lehnghal. Lawmman pawh Davida'n a pe tha tawk tih ka hria. Hetiang a chhawr zauh zauh theih hi a hlawk ve phian ania. Tam tak chuan an peih thin lova, hnathawh loh tawp ai chuan ni hnih khat a sum tlem lo lut pawh kha a hlu zawk hrim hrim. Mizo chu hlawk pup duhna hian kan khat lutuk a, hei hian thatchhiatna ah min hruai lut leh nge nge thin.
.
Nitin mai kan nun ngai kan chhunzawm leh ta. Keipawh ka hna ka zawm fel leh tawh a, David pawh nitin an hnathawhna hmun ah a kal bawk. Kan inhmu tlem em em a, nupa nun phei chu kan hmang leh tawh lo hrim hrim. Min beisei ngai lova, keipawhin ka zar buai duh ta hek lo. Tha takin min bia a, kan inneih hlim deuh a ka lo suangtuah ve, nupa diktak ang a khawsak kha chu hlat tak kan ni ringawt. Chutihrualin kan inhau ngai miah lo thung. Inhauh nan hun kan nei miau lova. Zing ah kal hma ka ngai a, rawng ka bawl sawk sawk a, chaw kan ei a, mahni hna ve ve kan pan nghal. Tlai ah ani alo haw hma ngai lova, a tlangpuiin dar 6-7 inkar ah a rawn haw tlangpui. Chaw kan ei a, ani in a hna tul min khawihsan a, thingpui ka lum sak a, ngawireng a mut a ni leh mai. A in la hrang tlat ni a ka hriatna hian min ti awm nuam lova, chutihrualin engtia tih tur nge erawh ak hre bau lo.
.
" Zanin chu chaw ei ah min lo nghak duh suh. Sawrkar lam hotu lian alo kal dawn a, zanriah kan kilpui nghal ang" zing chaw ei lai a Davida'n a tih chuan ka bu nghauh a, a pawina ka hre lem lo.
.
Zan dar 9 a pel tawh, David-a hnen atang phone call emaw, msg pawh ka la dawng lo. Mahse sawi lawk sa anih avangin ka ngaihtuah lutuk lem lo. Motor a chiangkuan loh avangin auto in a kal a, ka motor hi min hman sak ngai miah lo. Chutiang bawkin keipawhin. Mu tur a ka inbuatsaih lai chuan kawt mai a motor rawn ding dat thawm chu ka hria a, sana ka en zauh a, dar 11 a ri thuak tawh. David-a chu tuemaw in a rawn thlah anih ring in tukverh atang chuan pawnlam chu ka va dak phei a, ka tum loh lutuk ka hmu ta. Driver thutna lam atang chuan David chu a rawn chhuak a, lehlam atang Ruati a rawn chhuak thung. Ka thlir reng a, David-a kan in lam pan a a rawn kal phei chu Ruati chuan pawt ding in a fawp ta anih chu. Ka thin chu a tawt nghulh a, ka en chhunzawm duh ta lo. Rang zet in parda ka khar a, room ah tlan lut in ka in lukhup nghal hmak.
.
David-a rawn luh lai chuan rizai hnuai ah ka meng kar a, a intifai thawm chu ka ngaithla reng a, ka tawt up up thei. Khum a a rawn lawn kai lai chuan ka thinrim lutuk chu ka inhum ruh ngar ngar. Eng ang pawhin nupa hlim lo pawh ni ila midang inkawpsan kher chu ka ngaithiam thei hlawl lo. Chupawh a nun a mi hlui lehnghal. Hna an thawk dun pawh ka duh vak lo tih a hre reng tawh a, hetiang a a awm leh kher chu tlawm ka in ti lutuk tawh.
.
" David"
.
" Ummm"
.
" Ila muhil lo tih ka hria. Thil sawidun ka duh a nia"
.
" Enge? Ka chau viau a nia" chu thu chuan min ti thinur zual. A bialnu fawp tur in a chau lova, a nupui be tur erawh chuan a chau leh si amaw?
.
" In awmdan hi ka duh lo a ni. Hnathawk dun sa..."
.
" Naktuk lam ah kan sawi dawn nia" ka tawng laklawh lai bawk in. Ka tuar thei tawh em em bik lo e. Hetiang em em a inngaihpawimawh loh ringawt mai chu.
.
" Ni lo. Tunah hian sawi ka duh a ni. Nupa kan ni a..."
.
" Chaun?" a rawn thu chhuak ta nge nge.
.
" Pawmlai nei i ni. Midang nen a pasal intawm nih ka duh lo. I thei lo anih chuan enge kan inneih reng a tulna?"
.
" Inthen i duh tihna em ni?"
.
" Ka duh hauh lo. Mahse ka pasal hi midang tawmpui ka duh lo"
.
" Tunge tawmpui che a?" a tawngdan chuan min ti thinur zual tak zet a ni.
.
" Enteh, David, mi mawl ka ni hauh lo ania. Thil awmdan hi ka hre ve vek asin"
.
" Tun a i ngaihdan sawi mai mai kha mi mawl hna a ni tih i hria em?"
.
" Ka ngaihdan ni lovin thil nihna dik tak a ni ka sawi"
.
" Enteh, Loretta, nupa kan ni. Nupui in a tih tur enge i tih? Rawngbawl a ka thawmhnaw suk sak chauh hi em ni nupui tih tur chu?" chiang fek fawk a a tih chuan ka hawi a hau zawk.
.
" Chubak enge i beisei? Hmeichhe dang kawp reng chung a i lak a that chhuah reng tur che hian min beisei thei bik hauh lovang aw"
.
" I ngaihdan atthlak zet avang khan buaina chawh chhuah tum lo teh"
.
" Enteh, zan in ah khan tunge thlah che a, car bul ah khan enge in tih hre lo khawp in ka mawl hauh lo tih hre rawh"
.
" Anih chuan lawm hle tur i ni asin" a tih chuan ka sa pawp pawp thei. Thinrim avang hian taksa hi alo sa vek thei tih ka hrechhuak chiah.
.
" Kha kha lawmna tur maw? Rapthlak lutuk. Mihring pawh i ni lovang" rapthlak ti zet chuan ka melh ngawih ngawih ringawt. Engvang a min nei nge ka la hrethiam thei lo a ni. Min hmangaih emaw a in ti a, chu erawh dawt a ni tih ka chiang ngam sak. Tumahin kan hmangaihte hetiang hian kan sawisa hauh lovang.
.
Phun hluk chung chuan a mu tha hmak a, lehlam min hawisan hmak bawk. Tenawm lutuk.
VBR 2 - 11
ELTY LUHLUL AUG HNAMTE
.
Ka zing tho chu David chu ala mu tui khawp mai. Ngawireng in ka tho a, ka inphihfai zawh hnu chuan rawng ka bawl sawk sawk a. Inrinni a ni bawk a, keichu hna kal ka ngai lo. Mahse mamawh lei a chhuah ka ngaih avang leh Tetei nen bazar dun kan rawt sa avangin chhuah hma deuh ka duh bawk. Kan thiandun a kan chhuak hi chu kan hmanhmawh lutuk ngai lem lo. Hna ah nitin inhmu mahila ti ti dun tak tak a harsa a, school chawlh ni ah hi chuan hunawl kan neih chuan kan chhuak dun ve ziah a ni. Abak chu tunhma ang a in len pawh zut ang kha kan thei ta meuh lo bawk a.
.
Chaw ei lai kham chuan ngawirengin ka insiam a, ani erawh hna kal tur in a insiam miah lo thung. Mak ka ti deuh viau nangin engmah phei chu ka zawt duh bik lem lo. Nizan boruak avang khan ka be chak lova, a hmel hmuh pawh ka peih chuang hek lo. Laptop ah a hna a thawk mawlh mawlh a, kei ka insiam zo ka bag ka la a, room kawngka ka pel tur chiah chu...
.
" I chhuak nileng dawn em?"
.
" Nileng lovang. Mamawh i nei em?"
.
" Nei lo. Nizan chung..."
.
" Theihnghilh rawh. Engmah sawidun ka duh lo" tih pah chuan ka chhuak zui nghal hmak. Ka ngaithla peih lo. Ka mit in a hmuh kha a chiang tawk viau e.
.
Tetei nen kan bazar chu lei ngai kan ngah bawk nen, nizan lam boruak theihnghilh thakin kan thian dun chuan kan tei kual a, ka lawm ang reng phian. Kan mamawh kan in lam kim meuh chuan chawhnu lam dar 1 a ri thuak tawh. Ka phone chu a ri leh thin a, mahse ka bawr em avangin ka ngaihven hman ngang lo. Kan bazar ho ka motor-a kan dahfel hnu chuan thingpui dawr lam ah inhnawh puar tur in kan lut a, kan ril alo tam dun ngang aniang, kan ei ta nghek mai.
.
Tetei chu thlah hmasa in ka haw tlang ve nghal a, kan in kawt ka thlen chuan dar 3 a ri dawn hnai tawh. Ka bazar ho chu bawr deuhin ka khai chho a, kawngkhar alo inkalh loh avangin David chu in ah a awm anih hmel. Makti ru deuh chung chuan ka lut a, mahse ka rin loh takin Ruati alo awm ve tlat. Thutthleng pakhat ah thu in Laptop an lo bih dun a, Ruati chuan ka pasal chu a bawh lo chauh a ni.
.
" Ilo haw tawh maw?" David chuan min hmuh rual chuan alo ti vat a, ngawirengin ka thil lei ho chu dawhkan ah ka dah a.
.
" In pa a dam tha si lo a, ka rawn panchilh a ngai ta a nih hi. Ngaih loh lam ah i ngai lo hram aniang chu" Ruati chuan in ti bengvar ka ti dawn nge, min elsen ka ti dawn pawh ka hre lo alo ti zat zat a, ben hawi sawk ka chak kher mai.
.
" Ka phone i la thei lova" David chuan a rawn ti leh a, ka tawng chak lo kher asin.
.
" Ka hman lo anih kha" tih pah chuan ka thil lei chu ka dah fel mawlh mawlh a, ka tawt up up chu ka insum hram hram a ni.
.
Room ah lut in ka inthlak a, ka chhuak chak hlawl lo. An pahnih a hmuh dun kha ka peih lo. Engtinmah awm rih lo mahse nizan thil thleng avang khan ka ten dun ngawih ngawih a ni ber mai. Room a tawm reng thu awm suh le, ka va chhuak chu Ruati chu haw tum ni awm takin alo ding hluai a, melh pawh melh lo chuan choka lam ah pheiin rawng bawl tum chuan ka che tan nghal hmiah.
.
" Ka va thlah lawk ange" Davida'n chawhmeh ka siam lai a a rawn tih chuan ka bu nghauh ringawt. Ka tawng chhuah chuan ka duh aia tam ka tawng dawn tih ka hriat sa avangin ka tawng buai duh ta lo.
.
David-a rawn let meuh chuan chaw ei ka peih vek tawh. Ka inngaihtuah fel veng vawng bawk a, chaw eikham lam ah ka tih tur ka tih theih nan chaw chu puar tak in ka ei bawk. Chaw ei lai chuan a tawng ve phauh phauh a, a rul tawk bakin ka chhang lem lo.
.
" I dam lo tih engmah min hrilh lo a" ka hma a David-a thu, chaw eikham thingpui hang ka lum sak in lai chu ka en kal a, tunah hi chuan engkim mai ka huam a ni. Pa Lara'n a thil lo tih tawh chu ka rul let thaw khat ta alawm.
.
" Engmah a ni lo. Ka tha tawh alawm" a ti ve mai a, mahse min ngaihsak hlek lo thung. A phone chu a khawih mual mual a, chu tak chu ka run tawk a tling em em thung.
.
" Aniang, damdawi mum lian alo lan meuh chuan i dam tha ta alawm"
.
" I tawngkam kha" bak hluk chuan a lo ti a, mahse ka hlau eih lo.
.
" A dik viau a ni lawm ni?"
.
" Enge i duh? Nizan atang thinrimna ila zawng char char ringawt a, eng ang nupui tehhrep nge maw i nih le?" a phone dah chuan min rawn en a, a thin a ur ve tih pawh a hriat. Mahse zam ka tum bik hauh lo.
.
" Eng ang pasal nge ni a i inhriat zawk? Nupui i nei a, i bialnu hlui, ni lo, i nupui tur a i lo dream thin, i hlawhtlinpui tep nen hna in thawk dun a, i nupui hmuh lai ngeiin in infawp bawk a. Chutah kan inchhung ah ngei ngampa tak in a rawn kal ngam bawk a"
.
" Hna leh mimal nun thliar hrang thiam rawh"
.
" Thliar hrang thiam lo chu nangmah zawk hi i ni lo em ni? David, heti ringawt chuan ka tlin lovang. Kan kal thui hma leh mualpho tam hma hian inthen ka duh zawk e" phawk zet a min en avang chuan ka thusawi chuan a thawng ve viau tih ka hrethiam. Ni e, a thawng ang chu. A nu leh pa rilru damna atan ka thil tih hi a tawk tawh e.
.
" Min then chu i chak viau em ni?"
.
" Hetiang ringawt a nun ai chuan ka chak ni mai rawh se" a kut chu a hum ruh ngawt ngawt a, mahse hlauhna chhete mah ka nei lo.
.
" I duh a thu le. Mahse hei hi hrereng rawh. Kan inthen anih chuan Pa Dinga hian a chauh phah ngei ang. Chu chu i duh dan anih chuan harsatna a awm lo ve" a thusawi chuan min ti phawk lutuk. Pa Puia chu engvang a sawi tel nge a nih? Engvang a chauh phah tur nge a nih? A damlo ami? Ni lo, a dam tha. Damlo se chuan ka hria ang.
.
" Pa Puia chu ngatinge?"
.
" Tunah hian cancer natna vangin hniam lam a pan mek a ni. Chumi avang chuan Mizoram a cancer Hospital tha ber pawl ***** Hospital ah treatment lak mek a ni. Chu damdawiin neitu te chu Ruati U neihchhun te ta a ni. Tichuan thil awmzia a chiang deuh tawh em?" a hmel ah chuan a uang lo tih a chiang nasa mai si. Ka khawng dawt dawt a ni ber mai.
.
" Dawt a ni" ka ti chhuak thei hram. Ka awih hlawl lo. Thudik ni se ka hre ve em em ang.
.
" Dawt a ni lo e. Vawiin ah khan sawipui che ka tum a, mahse sawipui theih in i awm ta si lo a"
.
David chuan dawt a sawi lo tih tichiang tur in ka nu leh pa ka va phone chuan thudik anih thu min rawn hrilh. Ka rilru na lutuk chu ka ngawng vek ni ber in ka hria. Kan zan mu te chu ka ngawi reng a, Pa Puia min hmangaihzia te ka ngaihtuah let a, a duhthusam tihlawhtling tluan thei lo tu nih chu ka duh hauh lo. Diktak chuan ka pa ngei ai pawhin ka mimal harsatna hi a hnen ah ka sawi tam zawk tlat a ni. Fapa 2 a nei a, fanu a nei ve lo. Ama hrin ang chiah in min en bawk a, keipawh in ka pa nen ka en dan a danglam ngai lo a ni.
.
" Lor..."
.
" Ummm"
.
" Mutthilh tum rawh" sana ka en zauh a, zing lam dar 3 a ri dawn der. Ka mut reng a chhuak lo. Ka tah pawh a chhuak chuang lo. Ka thinlung erawh a rum vawng vawng thung.
.
" Nangpawh"
.
Zing ka harh chuan David chu alo mu ve tawh lo. Sana ka en zauh a, dar 10 a ri tep tawh. Sunday a ni a, inkhawm loh ka duh lo viau thin. Vawiin erawh kan hman dawn ta lo anih hmel.
.
Mit thial urh a ka va thawh phei chuan David chuan rawng alo bawl ve durh durh a, a inhmeh tehchiam lo kher mai. Min lo hmu chu min rawn nuih var var a, tawi te a nuih let pahin bathroom lam ah ka lut zui nghal. Dik tak chuan Ruati nen an chungchang ah ka thin a ur a, inthen hial ka ngam a ni. Mahse Pa Puia hetiang dinhmun anih chuan engtinnge kan inthen ngam ang? Inthen ta ila David hian a nu leh pa hnungchhawn leh si se chhungkua ti na tu ka ni dawn a, ka inthiam thei ngai hauh lovang. Tin, Pa Puia ka ti na tel dawn bawk. A duhthusam tihlawhtling tur in keichauh hi ka pawimawh miau a ni.
.
" Chawhnu lam ah Aizawl pan in kan chhuak anga, chawhma lam erawh mu hahdam la a tha ang" chaw eikham chuan David chuan a ti suam suam a, ka chhang peih lem lo. Ka la be chak chuang lo. Mahse ka thutlukna ka sawhsawn erawh a ngai dawn tih ka chiang. Ani lahin inthen ka rawtna kha engmah a sawi lang leh duh hauh lo lehnghal.
.
Aizawl kan thleng a, in kan thlen thleng chuan vawikhatmah ka tawng chhuak lo. Ani pawhin min biak luih a tum bik lo. Ni lo, a bialnu kalsan a Aizawl kan haw avangin a bialnu bul a insawifiahna tur a ngaihtuah kawngtluan animahna!
.
Ka hna atang chawlh alo la fel diam tawh a, ka inthlahrung ngei mai. Pasal neih avang a chawlh ka lakna ala rei bawk si lo. Mahse DDavid hian engemaw tak thiltihtheihna hi a nei roh a, thla 1 lai chawlh ka nei leh ta hlauh mai. Engmah ka sawi lem lo nangin ka lawm tih erawh a hriatthiam ka ring.
.
Karhnih zet Aizawl ah chamin Pa Puia bul ah ka tap chawt a ni ber mai. Ka chhungten min hrethiam, ni lo, an hre leh lutuk zawk a, inchhung lampang engmah ka ngaihtuah lo. Kan in lampang pawh ka kal meuh lo, a chhan chu ka nu leh pa Pa Puia te in lam ah an rawn tal ve reng avangin a ziaawm. David pawh buai viau mahse min ngaihsak tha em em bawk. Ka rinaiin Pa Puia chu alo chau lehnghal a, kan nupa kar buaina chu ngaihtuah hman pawh ka ni meuh lo.
.
" Naktuk hian Lunglei lam ah phei ka ngai dawn a" ka inbual zo mu tur a ka insiam lai chuan David chuan alo ti sup a.
.
" A tha alawm. Keipawh karleh lam ah ka rawn phei thei ang" ka sam ka hruk hul lai chuan ka ti ve mai a. Mak tak maiin Aizawl kan phei hnu hian vawikhatmah kan inhau leh tawh lo. Inhauhna hun kan nei miau lo a. Mahse makpa leh fapa tih tur erawh a hlen tha khawp mai.
.
" I hna hi chawlhsan mai la ka duh a ni" ka sam ka khuih lai chu ka chawl dat a.
.
" Ka sawi tawh kha, ka chawlhsan dawn lo"
.
" Lor, i hrethiam lo a ni. Pa Dinga...."
.
" Ka hria. Mahse ka chawlhsan dawn lo"
.
" I thu thu le. Nakin ah ila inchhir loh hram ka beisei" tih pah chuan khum ah a lawn kai a, ka ngawi hmak thung. A thusawi awmzia chu ka hre na meuh mai. Mahse ka chawlhsan dawn hauh lo. Pa Puia ka ngaihtuah loh lam a ni lo. Ka nu leh pa an awm a, a nupui fanau te an awm bawk a, keichuan a duhthusam ti puitling tur in kan nupa kar hi vawn him ka tum tlat a ni. Ka hna bansan ila Lunglei lam ah ka awm a ngai tawh dawn lo a, David-a hna zawh hma chuan ka hna hi ka bansan hauh lovang.
.
Pa Puia pawh a tlangval chho leh ta bawk a, keipawh Lunglei lam pan in ka phei ve ta. Davida'n min rawn hruai a tum viau nangin ka hnial fithla thak thung. Ka car ka ken loh avnagin Sumo in ka phei a, kan inkawt kan thlen chuan David chuan min lo hmuak a, ka lawm ru viau mai. Ka beisei hauh lo thil a ni miau a.
.
" Inbual la, chaw ka lo order mai. Hna ka ngah deuh sia, rawng ka bawl hman lova" inchhung kan luh chuan a ti sawk sawk a, a mizia danglam thut chuan min ti hrilhhai ang reng viau mai.
.
" Aw... A pawi lo" tih niah niah pah chuan bathroom lam ka pan zui nghal.
.
Kan nupa boruak pawh hmalam a pan ve zel a, Pa Puia pawh chutiang bawkin. Chemo khai a ngaih dawn avangin a taksa a fit that a ngai bawk a, amahin a tum bawk nen, rinai takin a chak that tih ka nu in min rawn hrilh chuan ka lawm viau. Keini pawh a hma ang a inhlat tak a awm tawh lovin kan inkawm bawrh bawrh thei tawh a, lehlam tak ah chuan nuam ka ti viau mai. Ruati lah kan in lam ah a rawn lang ngai ta miah lo bawk nen. An hnathawhna lam ah enge boruak awm ang tih chu ka ngaihtuah duh lo lui a ni. A chhan chu ka bulah David-a pawh a tal tam a, a chhe zawng a rin loh hram ka duh.
VBR 2 - 12
ELTY LUHLUL AUG HNAMTE
.
.
Kan nupa nun chu rinloh tak in a tluang chho ta viau a, David lahin min ngaihsak in in ah a theih ang ang chuan a tal tam ve ta hle bawk. Keipawhin nuam ka ti a, kan hlim dun viau in ka hria. Ruati emaw, midang hrim hrim kan sawi ri ngai lova, ka tan rinhlelhawm in a awm ngai miah lo bawk.
.
" Naktuk hian Aizawl kal ka ngai dawn a, kan hna kan zo fel dawn hnai a, bungraw mamawh keimahin va lam a ngai dawn a, nangmah a lo awm i hreh em?" chaw eikham thingpui in pah chuan TV kan en dun a, hetiang hian kan awm zan tin ve tawh a, nuam ka ti viau a ni.
.
" Hreh lo e. I cham rei angem?"
.
" Reilo tur ah chuan ka ngai. Mahse cement leh thil dang tlem hi chu Silchar lampang ah ka zuk lak tlang zawk a ngai mai thei a"
.
" Midang tirh mai tur an awm lo em ni?"
.
" Awm chu awm e. Mahse Aizawl lam ah khan private company building sak tur kha tender a chhuak a, kan chang leh theih hmel a, chumi atan chuan mamawh tam zawk hi an rawn dah belh leh angai dawn a. Keimah ngeiin biak ka duh a ni" a tih chuan dik ka ti viau tho.
.
David pawh min zin san tawh a, ka khua a har ve khawp mai. Mahse awm ngen a tap rual ka ni bik tawh lo a, phone in kan inbe reng bawk a, a zia phian mai. Tetei nen te pawh Sawmpuia nen an serious ta viau bawk a, ka lawmpui hle. Chutihrualin David erawh ka hrilh lem lo. Ka thiannu nun ania, a duh chuan ka thiannu in a hrilh mai anga, keichuan sawi ka tum lem lo.
.
David-a zin rawn haw na pawh ni 3 lai a ni leh tawh. Thla 1 hnu mai ah an hna an zo tawh dawn a, keipawh ka hna atang banna ka thehlut tawh a, mahse ka aiawh tur an hmuh hun erawh ka nghahpui dawn thung a ni. Mahse sawithiam chiah si lohin a zin rawn haw atang a tawng tlem a, a rawn haw hma lo leh ta zauh zauh. Chuerawh an hna ah a vawrtawp an thleng chho dawn a, ka sawisel hauh lo. Mahse zu rim a rawn nam haw leh thin chuan min ti lungnilo ru viau a, ka sawi lahin min chhang lem lo a, a zawm lem lo bawk.
.
Tunah chuan ka hna pawh ka chawlhsan fel ta. Vanneihthlak takin ka aiawh tur kan hmu hma hlauh a, keipawh in ah ka awm hahdam ve ta der der mai. David erawh a buai ngang mai. Kan inhmu zeuh zeuh a ni ber. Zanah alo haw nghah thlen theih loh chang ka nei fo a,zing ka thawh hma a chhuah chang a nei fo bawk. Sunday ah lah a chawl thei chuang hek lo. Kan in be tlem tuloh tulh a, mahse inhauhna kan neih lem loh avangin ka hrethiam. A chau ve pawh aniang.
.
David te hnathawh zawh ni tuk ah chuan a lawmna ve deuh neih an rel a, keipawh kal tur in ka inbuatsaih ve bawk. Tunah chuan Aizawl lam ah kan awm ve thei tawh dawn a, ka hlim ru viau tawh a ni. Ka inpeih chuan tlai lam dar 5 a ri der tawh a, David erawh engemaw tihfel ngai a awm avangin chawhma lam ah a chhuak tawh a, min lo lam leh a tum viau nangin keimah a inkhalh phei ve mai ka hnial lo bawk a, ani pawhin a sawisel chuang hek lo.
.
Dinner party neihna hmun tur ka thlen chuan an lo zi ve hat hat tawh a. Hemi kawng ah hi chuan David hi thluak a nei thlawt a ni. Fair tak si in a hnathawhna chungchang a hotu lian te tih lungawi hi a thiam em em bawk. Abak erawh sawi tur em em ka hre hauh chuang lo.
.
" Ilo thleng thei ta maw? Sawlam ah Pu te chu an awm a, ka va hruai dawn che em ni niang?" David-a mi chhawr zing a pakhat chuan alo ti sawk sawk a. Hepa hi a mi chhawr zing ah chuan ka ngainat pawl tak a ni. A zuan a zang a, mi a zah der thiam em em rualin David-a thutlukna fuh loh tum pawhin a zilh ngam ve tlat thin a ni.
.
" AA pawi lo khawp ang. Ka rawn phone lawk lo a, ka lo thleng dawn tih a hre lo anih ka ring" ka ti sap a. A kalna lam ah chuan ka kal zui ve nghal. A ti ti phei bawrh bawrh a, pa nelawm tak a ni. Ka pa ai chuan a naupang deuhin ka ring. Mahse pa hlim thei tak a ni tih hriatna em em chu a tawng zang vah leh a pheikhai zang vah te, hlim hmel a put reng theihna te hi a ni.
.
Hall kan luh dawn chuan min hruaitu pa chu a phone a rik avangin kal tur in ka signal a, keimah chuan hall ah chuan ka lut ve nghal. Mi an lo awm nual a, ka rinaiin an tam daih mai. David chu ka zawng ru deuh a, kil khat ah chuan mi pawimawh hmel tak tak nen ding chung in an lo ti ti a, min hmu mai lo. An awmna lam chu ka pan vat a, mahse ka va kal hnai chu ka ding nghal dat. Ruati chu David bul ah in ti ta tu em em hian a ding a, ni lo, David ban ah a kai zawk a ni. David lah chuan a huat loh hmel nasa mai si. Ka thin te chu a tawt up up in ka hria. Let leh tum a ka inher tur chiah chu David-a chuan min rawn hmu ve chiah. Rangzet a Ruati kaihna atang a a ban laksawn pah chuan ka lam pan in a rawn kal nghal a, chetsawn zai ka rel thei hauh lo.
.
" Ilo thleng tawh tih ka lo hre lo a. Ilo thlenna a rei tawh em?" tih pah chuan min nuih sang a, mahse ka nui ve hleithei meuh lo.
.
" Rei lo e" ka ti hul hak a, maktih hmel zet chuan min melh a. Ni e, ka hlim leh hlim loh hrethiam tur in nupa kan ni miau a, ka tawngdan ah chuan a hrethiam khawp ang.
.
" Ilo thlen lai kan lo hre lo a" Ruati tawng ri ah chuan ka insangmar teuh thei.
.
" Nia. KKan pa ka rawn phone hmasa lo anih kha. In lo buai tawh ngawt lo maw?" a lam hawi a inher pah chuan ka nui lui sang bawk.
.
" Buai lem lo e. Pu te ho an lo thleng kim tawh a. Vid, SDO in a hmu duh lawk che a" a awri chu nuam a tih hmel ngawih ngawih hian ka hria. Ka thisen a lum pap bawk.
.
" Ka lo kal ang. Kan va kal dawn em ni?" Davida'n min rawn melh chuan ka chak lo kher mai. Mahse a nupui ka ni a, a hna atan a mi pawimawh te hmachhawn pui tu tur chu Ruati ni lovin keimah ka ni.
.
" A pawi hleinem" tih pah chuan David-a ban chu ka vuan a, ka nuih sang bawk. Ka mitsir in Ruati chu ka melh a, a hmel rum zet ka hmu chu ka nui sak thei. Chutimai chuan ka pasal hi a ta neih dawn hauh lo. Ka ta a ni miau a.
.
Mi pawimawh hrang hrang an tam khawp mai. Ka pasal hnathawh hi a nep hauh lo tih an ti ti atang ka hrethiam vek. A hma in a nep ang ka tihna ni lovin a lo ropui zia ka hriatbelh zawk a ni. Ruati lah chu David-a mit lak tum ni awm fahran in alo phe ve sek lehnghal a, ka nuih luihna ka biang pawh a kham ta viau e.
.
" David,i tan kan pu hian engemaw a buatsaih a, khawngaihin min lo zui ta che" Ruati'n a rawn tih chuan ka sa leh phat. Ka kal tel ve dawn nge dawn lo ka hrethiam lo. Amah chauh a sawm ni in ka hria a, ka tan lo kal ve ngawt kha a mawi angem ka hre hauh lo.
.
David chu nui sang in a tho a, ka lam a rawn hawi eih lo. A chetdan chuan min ti thinur viau nangin tih theih reng reng ka nei chuang hauh bawk si lo. David-a kal chiah chuan kan thutpui zing a pakhat chuan ka kal ve dawn leh dawn loh min zawt a, mahse ka lo hnial thung. David chu a ding dut a, min rawn en a, a nui sak a, a kal zui nghal. Ka kal ve chu an hlau dun viau anih ka ring.
.
Ka thutpui te ti ti chu ka zawm pha ve meuh lo. Darkar chanve lai a liam tawh, David leh Ruati chu an la rawn let hauh lo. Ka thutpui ten an care zui miah bawk si lo, ka rilru chu a nuam lo tan khawp mai. Vanneihthlak tak in ka thutpuite kalsanna hun remchang ka hmu hlauh a, washroom lam a kal chhuanlam in ka thawhsan thei ta hram e. Hmanhmawh zet chuan ka chhuak a, mahse enge ka hmanhmawh ve ngawt chhan erawh ka hre lo.
.
Pawn ka va chhuak chu khua alo thim vek tawh a, a hmun a fal deuh bawk nen, a reh riai mai. Ka hawikual a, tumah ka hmu lo. Building lam chu ka en a, chhawng 3 na atang chuan eng a chhuak a, mahse mi tumah an awm hmel loh. Ka hawi kual ruai a, ka pasal hmel awm reng reng ka hmu lo. Thinrim teuhin thutthleng pakhat, hlui ve lampang tawh ah chuan ka thu hnak a, ka va tlawm chiang em! Ka pasal hnathawh zawh lawmna hmun ah mal tak a hnutchhiah ka ni a, ka pasal chu khawnge a awm lah ka hre hek lo.
.
" Pi ber chu ngatinge nangmah chiah a ilo thut a? Chaw ei kan peih dawn tawh asin" nichin a pa bawk kha ka bul ah a rawn thu a, ka ngaina tak zet tawh a ni.
.
" Nia, boruak thianghlim ka dawng lawk e ka tia"
.
" Pu te pawh an lo let tep ang. Ruati khan engemaw lak tur a awm a tia, a car chahbi kha alo keng chhuak lo a, Pu in a hruai ta anih kha" chu thu chuan min ti na nawn leh ta. Ka awih eih lo bawk. Engvang a he hmun a lo kal ve nge ka nih ka inhrethiam ta lo tawp mai. Ka kalchhan ber ka pasal in min ngaihsak miah lo a, chumaipawh ni lovin hmeichhe dang, a bialnu hlui ngei mai nen hun fal duh in min chhuahsan daih bawk.
.
" I tha em?" ka dar a a rawn sawi ah chuan ka harhchhuak thut a, ka phu deuh zawk nghe nghe.
.
" Aw, tha e. Ka ril a tam ve deuh aniang. Engtiknge chaw chu in peih theih ang?"
.
" Kan peih har lovang. Lo va awm hahdam la, Pu te lo thlen veleh a ei theih a ni mai" a tih chuan ka nuihsak a.
.
" I Pu chu lo hrilh la, alo let tak thut in thil pawimawh ah ka haw a ngai a, ka lo let leh ta lo anih pawhin min lo ngaihtuah suh se" ka tih chuan min en zawk a, mahse mak tak maiin a hmel ah chuan makti hmel a pu hauh lo.
.
" Ka Pi, ka hrethiam che alawm. Mahse awm rawh" a hmel chu ka en a, engkim a hria tih ka hrethiam nghal. Ka taksa chu a khur der der a, tah vak mai ka chak zawk.
.
" Khawngaihin, ka ngenna che chu min lo tihsak dawn nia" tih pah chuan ka tho a, min dan ngaihna a hre vak bik lo. Car ka lut dawn chiah tih chuan David-a motor chu a rawn thleng chiah bawk a, mahse ka hmu duh lo der a, car ti nung in chak zet in ka tlanchhuak ve nghal thung. Car glass atang chuan ka en reng a, a motor atang a hmanhmawh zet a chhuk pah a ka car lam a rawn en chu ka hmu reng a, mahse din ka tum lo. Ka dawhtheihna in a tlin ta lo ve.
.
Zanlai ah David pawh a rawn haw a, ka phone ka off tlat avangin min be tlang thei lovang. Ni lo, min rawn biak a tum hauh lovang. A nuamtawlna daltu ka ni a, ka inthiarfihlim kha an lawm daih zawk ang. Khum a rawn hniam sat ah chuan ka muhil der tlat a, inbiak ka chak lo.
.
" I thil tihin min tihmualpho zia kha i hria em?" ka mit ka chhing tlat a, ka chhungril erawh a khur der der. Hlauh vang ni lovin min demna aw-ka ka hria chu ka thin a ur ngawih ngawih a ni.
.
" I muhil lo tih ka hria. Engvangnge?" a awrawl chu a hlauhawm tawh tak zet.
.
" IInhauh ka chak rih lo ania" ka ti sap a, mahse a let leh chu ka phu nasa lutuk. Min phih tho lawp a, a hmel chu a dur vek thei.
.
" Engvangnge?" a ring lo, mahse a hlauhawm em em thung.
.
" David, i duh dan dan in awm la, i zahawm nan a i nupui nih ringawt hi ka hna a ni lo ve"
.
" Enge i sawi awmzia chu?"
.
" Sawifiah a ngaiin ka hre lo. Zanin khan ka ti zak che nge min ti zak zawk?"
.
" Enge zahna chhan tur i neih?"
.
" Ka pasal hnathawh zawh lawmna ah ka pasal chuan hmeichhe dang chhuahpuiin min kalsan a. Tunge zak zawk?"
.
" Hna pawimawh ah a ni kan chhuah ni"
.
" Oooh... Ka lo hre lo anih chu. Ka mu thei tawh angem?" ngeiawm zet chuan ka nui hak a, inhnial zui ka peih lo.
.
Zing ka thawh chuan David chu alo tho tawh a, ka va chhuah phei chuan sitting room-ah laptop nen hna alo thawk mawlh mawlh tawh. Min rawn melh zawk a, a hna a thawh chhunzawm leh mawlh mawlh. Ngawirengin ka intifai a, rawng ka bawl zui nghal. Chaw eikham chuan ngawirengin a insiam a, a chhuak zui nghal. Kan hlim ve tawh tehlul nen kan boruak chu tawrh hrehawm tak a ni leh tawh. Mahse hrehawm ti ang a awm erawh ka tum hauh lo thung. Nimin ah khan ka tlawm ngawih ngawih a, ka zak ngawih ngawih a, khatiang ang em em a tlawm kha ka la nei ngai lo.
.
Chhun ah ka va bazar zawk a, Lunglei ah hian karhnih bak kan awm tawh dawn lo. Ka pa ten min rawn hruai an duh viau nangin David erawh in a remti lo thung. An kum a upa tawh a, zin veivak tur in an chak tawk tawh bik lo. Chuvangin motor hire a, kan bungrua ken phei mai a duh zawk a, ka pa te pawhin an hnial lem lo. Bakah a inluah ah kan lut hmasa dawn bawk nen. Duh lo viau mahila a thu a ti tlang leh dawn tho a, ka hnial buai duh ta bik lo. Mahse rei erawh awm ka tum hauh lo. In luah tur dang dap ka tum ru tho a ni. Bakah ka pa in ka hming a sum tlem azawng alo dah ve a, ka khawl sa nen in lei pawh ka duh. David chuan hria se a thin a rim khawp ang. Amah pawhin a lei thei ve chiang a, mahse ka luhlulna avangin in lei lam ka sawipui duh tlat lo.
.
In ka thlen chuan David pawh alo let leh tawh a, TV alo en a, ka lut chu min lo nuih sak a, mahse ka nuih a za ve hauh lo. A hmel ka hmuh hian ka thin a ur ngawih ngawih a ni ber mai. Ka bazar ka dahfel a, ala hma deuh bawk a, ka inbual zui nghal. Ka inbual zawh chuan room lam ah ka inthlak mawlh mawlh a, ngawirengin a rawn lut a, kei erawh towel veng in amah hnuchhawn zawngin lotion ka lo inhnawih mek thung. Hnunglam atang a ka kawng a rawn kuah chuan ka phu nasa lutuk chu ka te tuarh mai.
.
" Tihian awm lawk ang" a aw chu a ril raih a, a dam dup bawk.
.
" Khawngaihin min thlah lawk teh"
.
" Ni lo. Tihian awm lawk ang" a tih tlat avang chuan ka ding mar a, a inbual tawh tih hriat zet in a rim tui vang vang bawk.
.
" Nimin avang khan ka tihpalh lutuk aw.... Ruati khan an pu thil min pek tur in ah a dah thu a sawi a, a car key a kenchhuah loh avangin ka kalpui ta anih kha. Kan rei ka rin loh avangin ka rawn phone kher duh lo che a, mahse a nu alo zin phei a, min be ta luam sia, duhaiin kan rei ta deuh a ni" ka thaw hak a. Rin tur ber hi ka hre tawh lo.
.
" A pawi hleinem" tih pah chuan min kuahna atang chuan ka talchhuak a, ka rilru hi a na tlat pek. Ka hre lo, awih ka duh. Mahse rin zawh lohna in ka thinlung ah bu a khuar nghet tawh tlat a ni.
.
" Lor, thudik a ni ka sawi ni" a hmel chu a tak ngak a, ka mit ah tak min en ngar bawk.
.
" A pawi lo ka tih tawh kha" tih pah chuan kekawr ka ha a, khum a a thu chu kal pel in rawngbawl tur in ka chhuahsan zui nghal.
.
Chaw ei hun ah pawh room a ala awm avangin kaitho tur chuan ka phei a, khum a chau tih hriat zet a alo muhil chu ka en reng a, hna a thawk nasa a, zan pawh a mu tam hman thin lo. Diktak chuan ka khawngaih ve lutuk. Mahse min phatsan ni a ka hriat tlatna chuan amah min hlat tir tlat bawk si.
.
A lu ah chuan ka chul a, a bul ah ka thu bawk. A thaw sak sak a, a hmai vun lo thim ta khak chu ka hmu thiam chiah. Kaitho tur a kal khan kaitho lo chuan a sam ka chul heuh heuh a, hetiang reng a nupa nih chu hrehawm ka ti ve tak zet a ni. Kan hlim ve dawn chauh a, mahse boruak chhe ngai bawk in min bawh leh a. Heti ringawt chuan damchhung in kan chengdun thei ngut angemaw le?
VBR 2 - 13
ELTY LUHLUL AUG HNAMTE
.
November thla a ni ta. Boruak pawh a nuam in Aizawl ah lungmuang tak in kan awm ve ta. Lunglei lam ah khan kan nupa chauh a awm ni mahila mahni in ang tak in ka ngai thei lo a, tunah erawh kan nupa leh awmpui 1 nen kan awm a, hei erawh kan in a ni ve ta. Davida'n ka rinloh tak maiin Chanmari ah flat pakhat a lei hlauh mai a, a inluah ah pawh lut lovin tun a kan in ah hian kan lut tlang nghal a ni. Chumai a ni lo, inchhung bungraw mamawh zawng zawng ka ngaihtuahpui hauh lovin alo dahkim nghal vek bawk. Nula pakhat alo awm sa diam bawk. Thil hi a sawi ve duah lo nangin a tih tur hi a hre em em thung.
.
Kan awmna flat chung chiah ah hian nupa rek hi an awm ve bawk a, an nu zawk Opi nen chuan kan inkawmngeih thei nghal mai. Hmeichhe fel tak a ni in ka hria. Tin, a mizia hi Tetei nen an in an em avangin ka ngaina bawk. Kum 5 an innei tawh a, nau ala keng bik lo a, an pa Sanga erawh PHE department ah eng hna ber nge a thawh ka hre lo. Mahse an khawsak a pangai ve khawp mai. An nupa inngeih lutuk ka hmuh hian ka awt ru fo. Keini nupa hi inngeih lo ti a sawi theih miah loh hian kan in pawh lutuk thei lo. Diktak chuan keimah zawk hian ka pawh hleithei tawh lo a ni ber zawk. Boruak danglam kan tawng zing ve em a, harsa ka ti tlat a ni. Chutihrual erawh chuan ka pasal anih ang in ka hmangaih em em thung.
.
" Lor, zanin chu kan in lam ah in nupa in chaw rawn ei ula kan tia. Kan pa birthday a nia, chhungte sawm tur kan nei ve em em si lova" Opi chuan sofa-a rawn thut pah chuan a rawn ti bawrh bawrh a. Inrinni a ni a, David pawh hnathawhna lam ah kal lo a awm hahdam a tum a ni.
.
" Aw... Anih chu mawle. David pawh vawiin chu in awm alo tum a. Helam ah kan lawm zawk dawn ami?" nui sang chuan ka lo ti ve vat. Kan chhungte zawng zawng Aizawl ah awm ve vek mahse David-a hun neih loh lutuk avang hian kan intlawhpawh lutuk thei lo. Pa Puia erawh kartin ka la tlawh ziah thung. Amah pawh a tha angreng viau.
.
" In pa chawlh a tum chuan a that hlauh chu. Chhuah te i ngai em?"
.
" Ngaih pawh ka hre lo. Zing ah ka bazar tawh a, enge chhuah i ngai ami?"
.
" Ngai ti ila cake zai tir ngei ka duh sia, ka thiannu, Abstey, Upper Republic ami ka siam tir a. A rai a, a zuam chiah lo chung ka nawr lui pek a. Chu chu va lam a ngai dawn a" a tih chuan kalpui a ngai tih ka hrethiam. A chhan chu scooty a ken chuan a tan cake ken tel a buaithlak dawn a ni.
.
" Vid, pawimawh a awm loh chuan ka va lampui lawk dawn mi niang?" tih pah chuan kan pa ngawireng a TV en mek chu ka va melh a, min lo en ve chiah bawk.
.
" Awi, a ngai lo. Taxi ka la mai ang" Opi chuan alo ti vat a, chutia a tih ngei chu ka ring bawk. Mahse kalpui chu ka tih ve tur a ni. A chhan chu helai a ka thian neih ve chhun a ni miau a.
.
" Va kal dun rawh u. I thiannu hi a tawm nasa lutuk a, pawn boruak va hip ve rawh se" kan pa in alo tih chuan Opi chu inthlahrung deuhin lawmthu a sawi mawlh mawlh a, keipawh ka nui var var mai. A chang hi chuan lungtum ang mai a ni a, a chang erawh chuan min duat thiam viau thin.
.
Opi nen cake kan lam zawh chuan dry fruits kan lei kawi leh zawk a. Dry fruits hi David hian a duh khawp a, kawl loh lai kan nei ngai lo a ni ber mai. A bak ah chuan eitur ah hian a harsa lo khawp a, kan nula pawh hian nuam a tihna ber pakhat a nia. Kan in a a awm hma a a awmna te chawhmeh duhkhirh zia hi min hrilh ve fo thin. Kan in a a awm thei a lawm zia leh kan pa fel a tih zia hi a sawi ve fo thin. Keipawh awmpuite tih vang a sal ang mai a chhawr a, engkim zawng zawng tih tir hi ka duh miah lo. Mihring ve tho an ni. Mihring vanneihna dawn dan a in ang vek lo, keini chu awmpui nei thei tur a vanneihna dawng kan ni. Anni erawh mamawhtu te tan a hnathawh sak thei tur a vanneihna dawng an ni.
.
In kan thlen chuan Opi chu an in lam ah a tlang nghal a, keierawh kan in ah ka lut tlang nghal thung. Inchhung ka luh chuan alo reh thap a, kan nula chu a thiante nen bazar ve an duh a, nizan lam ah a sawi lawk a, a chhuak ngei tih ka hria. David chu ka au a, min chhan loh avangin ka thil lei chu dawhkan ah ka dah a, kan room lam chu ka pan a, kawngka ka hawn chuan khum ah alo muhil a, a muttui hmel em em lehnghal. Ka va kal hnaih chuan a sir ah chuan paper hi a lo awm a, a chhiar lai a mutthilhsan ni awm tak a ni. A ke chu lei ah a innghat a, dimte chuan ka dah chhoh sak a, a harh lem lo.
.
Kalsan leh mai tum a ka inher chu a lehkha dah chu en chakna ka nei tlat pek. Dimte in ka ban dai dai a, a rawn che hrut a, ka thaw dep dep mai. Mahse a muhil chhunzawm lehnghal. Lehkha chu la in a ziak lo lang thei lai chu ka en zawk a, ' Ka hmangaih a, engtikah emaw kan tan hun tha a herchhuah ve ngei ka beisei' ka thin chu a phu zawih zawih thei. Hun tha herchhuah hun a beisei tlat chhan mihring chu ka ni hauh lovang. Chhiar zel duh lo chuan ngawirengin lehkha chu a dahna ngai ah ka dah a, room atang ka chhuak zui nghal.
.
Opi'n min rawn phone a, puih a ngaih pawh ka ring. Ka chak ta lo khawp mai. Mahse ka inngaihtuah a, han pui ta zawk ila engmah ngaihtuah lo a awm ka duh zawk. Ka thawmhnaw thlak tur chuan room ka lut a, David chu alo mu tawh lo. A lehkha dah pawh a awm tawh lo. Mahse bathroom lam a thawm a awm avang chuan chutah chuan a awm ka ring. A rawn chhuah hma a kal vat ka duh avangin ka inthlak sawk sawk a, diktak chuan tun a inhauh hi ka duh lo. Mi in a chaw ei tur kan ni a, boruak rit tak awm ka duh lo.
.
" Chhuah lawk ka ngai a, ka rawn let har lovang. Ka rawn zawm ve nghal dawn che u nia" David-a tawngri ka hriat chuan ka phu zuk pek.
.
" Khawnge i kal dawn?"
.
" Hna thil ah mi va hmuh zawk ka ngai. Ka rei lovang" tih pah chuan ka lam ah rawn kal in ka kawng ah a rawn kuah a, keierawh ka insangmar teuh thung.
.
" A tha alawm. Engemaw thil pek tur rawn ngaihtuah haw ta mai che" tih pah chuan min kuahna atang chuan ka tal pit zauh a, a nui hak thung.
.
" Aw le. Mamawh i nei em?" makti zet chuan ka en a. Ka mamawh hi min la zawt ngai lova, sum a awm a, mahni in ka inngaihtuah vek mai thin. Ama mamawh thleng in. Tunah hi chuan ka mamawh hi sum a lei theih chi a ni tawh lo.
.
" Nei lo e" tih pah chuan amah kal pel in room atang ka chhuak nghal a, ka taksa insangmar teuh chu a reh nan ti ni awm fahran in thawk ka la vang vang a, inchung a chho tur in ka chhuak zui nghal.
.
Opi chuan rawng alo bawl mawlh mawlh a. Anni hi awmpui an nei ve lem lo. Keipawh awmpui neih ka duh lo viau nangin David-a hnial ai chuan ti in kan nei ve chu a nia. Mahse kan nupa thawmhnaw hi midang ka suk tir ngai lo. Kan nupa room pawh keimah vekin ka tifel bawk. Rawngbawl ka pui zauh zauh bawk a, hei vang hi a ni pakhat ang kan nula pawhin nuam a tih ve em em. Awmpui ang in ka en ngai lo a, ka laizawn ang maiin ka en bawk a ni.
.
" Awi, ilo chho hma duh anih kha. In pa in awm ve ni lehnghal te chuan lo induat ve rih ula ni tur" alo ti nghal bawrh bawrh a. Ani hi chu a zuan a zang a, hlim hmel a pu reng thei. An nupa an hlim miau chuan hlim loh chhan tur em em an neiin ka hre lo. A chang chuan ka awt ngawih ngawih thin. An pa in zu in ve zauh zauh mahse buaina khawp a in ka hre ngai lo.
.
" I buai awm sia. Bakah hna pawimawh a awm thut a, ava chhuak zawk dawn a" tih pah chuan chair pawt chhuak in a salad siam lai chu ka chan pui ve nghal mawlh mawlh a.
.
" In pa hi chu a buai ve tawk a ni. Mahse a thawkrim bawk a, nangni te chu in hausa alawm. Bakah a hmangaih hmel ropui che sia" a ti leh siam siam a. A thusawi in min tih awm nawm loh zia hria se chuan a sawi awm tawp si lo a.
.
" Hausa lo e a. In pa pawhin a hmangaih ngaiwh ngawih che alawm. Khawnge amah pawh hi?"
.
" Ani pawh hna pawimawh ah a chhuak zawk. Alo haw har lovang. In pa alo let har angem?"
.
" Har lovang a tih kha maw"
.
David pawh dar 5 vel ah a rawn let a, champagne a rawn hawn a, mak ka ti deuh. Mahse in lo tawp a ni lo tih ka hria. Bakah hetiang nikhua a champagne phuh hawn hi a chin dan a ni ve reng bawk. Tui ti tak a chaw kan ei hnu chuan kan nupa pawh kan haw thla thuai a. Dik tak chuan la awm rih ka chak. Kan nupa chauh a awm ka duh lo a ni. Kan nula ni se tlai ah min rawn phone a, a nutei te an lo zin a, an bul a riah ve min rawn dil a, kan pa in alo remti bawk nen, a riakbo ve daih bawk si.
.
In kan thleng chu David chu a intifai nghal a, keierawh intihfai zai pawh ka rel lo. Tlai a ka thil chhiar khan ka rilru a luah hneh tlat a ni. Keihi mi kar a tlazep ni a inngaihna ka neih bak ah phatsan ni a inngaihna ka nei lian tawh lutuk a, nau kan la pai lo bawk a, awm hran mai ka duh ta tlat a ni.
.
" Thil sawi dun ka duh a" David-a intifai zo rawn chhuak chu khum ah thu in ka lo melh kar a, ka thin chu a phu dut dut a ni ber mai.
.
" Engenita?" tih pah chuan a towel bah chu a hlip a, a pian hi chu a nalh thlawt a ni. Mipa hmeltha vur ti a sawi tur a ni lo. Mahse amah ah hian hmeichhe tam zawk te duhthusam a awm kim emaw tih mai tur a ni. Hlawhtling bawk si, taima bawk si. Mahse mihring rilru hriat har tak, nupui aia hmeichhe dang hmangaihtu kha a ni tho.
.
" Kan pahnih hian kan awmhran a hun tawh in ka hria"
.
" Inthen i sawi anih chuan theihnghilh rawh" a ti nghut a, a hmel chu a rum kher mai. Ka hrethiam lo. Keihi min hmangaih ang khan a insawi a, mahse hetiang a hmeichhe dang kawp reng chung hian min hmangaih anga maw? Awihawm loh lutuk.
.
" David, awmdun reng hi kan tan a tulna ka hre tawh lo"
.
" Engvangin?"
.
" A chhan chu kan inkar ah hian hmangaihna a awm lo. Tin, hmeichhe dang nen inhlimdun ve hun tur nghak reng chung chuan pasal atan ka nei thei tawh lovang che. I hlimna ka da...."
.
" Enga?" a awrawl chu a vin kher mai. Mahse hlauhna ka nei tawh lo. Keimah a keimah ngei kha a chhuak ve tlat a ni.
.
" I hlimna dal tur in i bul ah ka cheng tawh dawn lo. Bakah nupa kan nihna chhun chu kan chengdun a ni mai. Nupa nun nise kan..."
.
" Nupa nun vang anih chuan i duhkhawp i hmu ang" tih pahin ka lam a rawn pan phei a, kei ka lo tawlh vat. Ka thusawi awmzia pakhatmah a man miah lo.
.
" Ni lo. David, ti suh. Hei hi ka sawi tum a ni lo. I hmangaih..."
.
A tlai lutuk tawh. Rangzetin ka thu lai chu min rawn bawh thlu a, a hmel chu a rapthlak tawp a ni mai. Ni e, kan hlim ka tih khan nupa nun kan hmang tihna a ni lo. Min khawih a tum ngai lo a, khum khat ah mu in puan kan sin hrang thin a ni.
.
Min fawh tum in a rawn kun hniam a, kei ka lo thle sawn thung. A kut pahnih chuan ka lu a dawm a, dim lo zet chuan min fawp a, ka ban a pahnih in a bawp in a delh bet bawk si. A taksa rihna hmangin ka taksa che thei lo in a delh bet tlat bawk si. Ka tanna lam ah ka taksa chu a chau vek tawh. Chutiang a dimlo zet a 10mins vel lai min fawh hnu chuan tang tur in tha ka nei tawh lo. Ngawireng in ka dawh tawp a, ka tal tak loh ah chuan dam dapin min rawn fawp a, mahse ka engahmah a thawk lo. Ka taksa na chau aiin ka rilru na chu ka tahpui ta nge nge.
.
A kut in ka taksa a chul kual a, a khawih ang ang chuan ka awm tawp a, ka kekawrte a phelh lai chuan ka mit ka chhing tlat bawk. A mipatna ka taksa a a rawn luh tak ah chuan tlem chuan ka danglam ve deuh a, mahse phurna leh lo chhanlet tumna engmah ka nei chuang lo.
.
A duhtawk a ngah a, ka sir a zawi zet a a rawn mut chuan keichu ka awm ngaiin ka awm char char thung. Ka mittui chu luang tur a awm tawh lo. Hei bak a inpawngsualna a awm dawn chuang em ni? A nupui pawh ni ila ka remtihna tello in nupa nun min hman pui theih ngawtna dan a awm lo. Khatiang ang a a che duh kha rapthlak ka ti a, ka ten hluah hluah bawk.
.
" Va intifai la, mutthilh a hun tawh" inchhirna aw-ri awm miah lo a a tih chuan ka kut ka hum ruh ngat ngat.
.
Ngawirengin ka tho a, ka va inbualfai a, a bul a mut ka tum lo. Ka inbual zawh a room ka va luh chuan alo muhil tawh a, ka rilru tak chuan thah daih mai ka duh rum rum. Ngawirengin ka thawmhnaw ka siam ru mawlh mawlh a, ken tam ka tum lo. Nakin ah a dang chu ka la leh mai dawn a ni. Ni e, ka haw dawn. Ka pa in ah ka haw dawn a ni. Miten engpawh sawi se pawi ka ti lo. Hetiang ang a mipa rapthlak bul a chen hi ka duh tawh lo bur a ni. Zing ah a thawh hma in ka chhuak anga, ka nu leh pa bul ah engkim ka sawi ve tawh dawn a ni.
.
Ka harh chu sofa-ah ka lo la mu a, sana ka en vat a, dar 5 ala ri lo deuh. David pawh ala tho hauh lovang. Rangzetin ka tho a, ka thawm ka dim kher mai. Room-ah ka lut dan dan a, David chu ala muhil ngeiin ka hria. Nizan lam a ka thawmhnaw siam sa ka dah chu ka ban a, mahse bag alo ruak tlat. Makti zetin bag chu ka en a, nizan khan ka dah ngei si a.
.
" I thawmhnaw chu a awmna ngai ah ka dah leh tawh" David-a aw-ri ka hriat chuan ka phu nasa ngei mai. Ka hawi phei vat a, khum ah chuan mutchhuah hmel zet in alo thu a, ka luh lai khan ala muhil reng sia.
.
" Nang..."
.
" Aw, keimah. I thawmhnaw chu a awmna ngai ah ka dah let" tih pah chuan a dar a san zauh a, ka va haw tehreng em!
.
" Ka thawmhnaw tello pawhin ka chhuak thei tho alawm" ka ti ve ngat a, a lo nui hak duh chauh lehnghal.
.
" Enteh, David, inthen ka duh a ni. Kan pahnih hian nupa tur kan ni lo. Nangpawhin Ruati i hmangaih..."
.
" I ngaihtuahna i kawm nasa mah mah a ni. Hnathawk veleh tawh la a tha ang" ka sawi zawh hma chuan alo ti hmak a, tawng ngaihna pawh ka hre tawh lo.
.
" Inthen ka duh a ni" a bak sawi tur ka hre hlawl lo.
.
" Kan inthen lovang. Chuan, naktuk atangin ka office ah hna i thawk ve tan ang. Ngaihtuah loh tur i ngaihtuah vak vak dawn ai chuan ka bul ah hnathawk la buaina akiang a ni mai"
.
" Aih. Ka thawk dawn lo. Inthen ka duh ka ti anih chu. Awmdun reng chhan tur kan nei tawh lo"
.
" Loretta, ngaithla rawh. Kan awmdun chhan chu nupa kan ni. Inthen duh mahla ka duh ve si loh chuan kan inthen thei lo tihna anih chu. Pathian in a zawm tahw chu mihring in then suh se" tih pah chuan a mu tha leh hlun a, ka va han haw ber mai tak.
.
" Hmeichhe dang hmangaih reng chung si in engtinnge ka bul a chen ila duh tlat chhan?"
.
" A chhan chu ka nupui i ni miau a. Chuan, hmeichhe dang chungchang ah chuan ka fihlim e. Abak ka sawi nawn tawh dawn lo. Ka mu leh rih dawn ania"
.
" David, dawt hi a tlo ngai lo asin. I hmangaih ber nei tur in zalenna i nei dawn alawm" beidawn zet chuan ka thaw halh a. Nia, tinge kei hi min then mai a duh loh chhan? Min hmangaih lo a, ani chuan midang a hmangaih alawm.
.
" Ka hmangaih ber chu ka nei che alawm. A tawk tawh em? Ka hahdam duh tawh ania"
.
" Dawt a ni. I hmangaih chu midang"
.
" Vawi engzatnge ka sawi nawn dawn? Loretta, nangmah hi ka hmangaih chu i ni"
.
" Anih chuan tunge khanu kha? Hlim tak a in la awmdun ve theih ngei beiseina nen a i nghah kha?" ka tih chuan makti zet chuan min en a, mahse a hmel a pangai leh thuai.
.
" Ka mimal thil lo khawih tur hian dikna i nei hauh lo ania" a aw-ri chu a hlauhawm kher mai.
.
" Nupa kan ni a, mimal thil bik a awm tihna maw?"
.
" Loretta, min tih thinur tum tlat lo teh"
.
" Thinur tur chu keimah hi ka ni asin. I nupui ka ni a, mahse nangchuan midang nen a hlimdun hun ila nghak fan a. david, a tawk tawh e. Ka peih ta lo. Nang leh kei hi kan awmhran a hun tawh e" ka ti ve ta ngat mai.
.
" Avaiin i chhiar lo em ni?" dam dup a a rawn tih chuan ka hamhaih kher mai.
.
" Chhiar a ngai ka ti lo. Tihpalh thil thu ah a tawp lam kha ka chhiar ve mai a ni"
.
A tho a, ngawirengin a file ava keu a, lehkha pakhat a rawn phawrh a, ngawireng in min pe a, ka hamhaih kher mai. Tawng miah lo in tukverh bul ah ava ding a, a kut a kuangkuah hlun bawk.
.
Lehkha chu ka en a, ka chhiar tur in min pe anih ka ring. Nimin tlai a ka hmuh ngei kha a ni tih ka chiang bawk. Ngawirengin ka pawt pharh a, ka chhiar hma chuan ka va melh zawk a, min lo en run a, a mitmeng ah chuan chhiar tur in min duh tih a tilang. Kut khur dar dar chuan ka pawt pharh a, Lalpa! Enge thil awmzia hi ni ta?
VBR 2 - 14
ELTY LUHLUL AUG HNAMTE
.
Lehkha ah chuan ka chungchang hlir alo inziak a, kan naupan lai atang tawh a min en bik thu te, phai lam a a awm lai pawh a keimah chiah min ngaihtuah thin thu te, alo haw chhoh chang a min hmu tur a kan in kawt a alo kal ruk thin thu te, a zirna zo a Mizoram lam a a awm hnu ah chhungkaw inhmuhkhawm a awm chang a min hmuh a chak avang a alo kal thin thu leh ka kal ve ngai loh avang a a kal chhunzawm ngai tak bik loh thu te, Lunglei a rawn kal dawn tum a Hotel ruak reng si a ka in a thlen dan tur a ngaihtuah nasat zia te, apa hial a bum thu te. Lalpa, ka awih thei lo hial a ni. Unau kan nih si avang a a tihlan ngam si loh thu te, Valpuia'n a hnen a min duh thu a sawi tum a a rilru buai zia leh ka lo duh let ve loh nan na a tawngtai hial thu te, Valpuia'n min bum tih a hriattirh a a thinrim zia leh ka nat a hlauh lutuk avang a Ruati chu Valpuia lak atang a lak hran dan a zawn nasat zia te, min hriattir a duh a, ka ngaihthlak duh loh tlat avang a a mangan zia te, kan va phawk ni a a thil tawn aia ka natna avang a na a tih zia te, Ruati a huat zia leh Valpuia a control tlat si avang a tih theih a neih tlem zia te, a hnathawh lai chu tawp san a min ven a duh thu te, mahse a duh ang a thil a awlsam bik loh zia te chu alo inziak duah a. nawrluihna avang a amah ka nei chu a inthiam loh rual a a nupui ka ni a lawm si zia te, mahse ka lak a a inthlahrun avang a min hnaih a ngam loh thu te alo inziak a, nimin lam a ka chhiar lai kha keimah nen a hlim tak a kan awmdun ve hun a nghahhlelh zia thu alo ni reng si.
.
" Heng zawng zawng hi..."
.
" Aw, ni e. Tichuan ka hmangaih chu nangmah hi i ni. Mahse ilak ah ka inthiam theih ngang loh avangin ka hnaih ngam lo che a ni" tun ang reng a David-a hmel khawngaihthlak hi ka la hmu ngai lo. Ka tho a, ngawirengin ka va kuah a, mahse a taksa chu a khawng lah thung.
.
" Tinge a hma khan min hrilh mai loh?" ka mittui chu a tla a, mahse tun tum chu lawmna mittui a ni ve ta. Ka pasal hian hetiang em em hian min lo hmangaih tih reng reng ka hre lo a, ka lo thinrim khum reng thung si.
.
" I lak ah diklo tak in ka che miau alawm. Ka nu leh pa kha ka haw reng reng lo. Mahse nang neih theih nan a lem ka chan kha a ngai miau si a ni" tih pah chuan min kuah let a, a aw ah chuan inthiamlohna a lang chiang ngei mai. Min neih theih nan fair lo tak in thil ti mahse thil fair lo tak ka huat loh ber tum a ni ngei ang.
.
Nizan a inchhuahsan tum kha tunah erawh ka pasal duhtak nen khum ah mu dun in kan ti ti melh melh a, ni a chhuak uarh tawh, mahse thawh a phal tlat loh avangin ka tho lui duh bik lo. Inkhawm ka duh viau nangin kan nupa a nupa tak tak nun kan neih tak hi khum ah tawngtaina nen a lawmna kan nei ta thung. Ka hlim tak ze tih hian a sawifiah zo ngai lo ang. Mipa tawng tlem tak, luhlul ngung mai kha amah ah hmuh tur a awm tawh lo. A nuisang a, tawng na hun ka chang ta lo hial zawk a ni.
.
Kan thawh chhuah meuh chuan dar 11 a pel der tawh. Rawng ka bawl sawk sawk a, Davida'n min lo pui bawk. Hetiang hian kan hlim dun thei ang tih rin ngaihna reng ka hre lo. Thil hlui kha sawichhuah a insawifiah tir ka tum lo. A chhan chu min hmangaih a, chu chu ka tan a tawk em em a ni. Nunhlui sawichhuah leh fo hi enge a hlawkna? Hmangaihna chuan a ngaidam thei. Chutihrual erawh chuan a thleng nawn tawh tur a ni lo tawp mai. Ka hmangaih a, min hmangaih bawk, chu chu kan nupa kar ah a tawk em em a ni.
.
" Bawihi, intifai ila, i nu te kan va tlawh dawn em ni" Davida'n a tih chuan ka lawm kher mai. A hma kha chuan kal ka rawt anih loh chuan a rawt ngai miah lo.
.
" Mahse Sawmtei alo let chuan a buai lutuk ang"
.
" Phone la, kan lam kawi dawn nia" a tih chuan mak ka ti tulh tulh. Mahse a awm ve tho e, ani pawh awmpui te dahhniam chi a ni lo tih chu an in lam a kan awm ve zawk chhung khan ka hre tlat a ni.
.
Ka pa te in kan thlen chuan an rinloh kan kal a ni tih hriat takin an lo lawm khawp a, ka pa phei chu ka nu ai mahin alo phusa zawk hial. Zahawmi rai puar ve ak tawh nen chuan kan inkuah chul a. Aizawl awm ve tawh mah ni ila kan intlawh hman meuh bik si lo. Kan kal chhun ah lah hunthawl kan ngah thin bawk si lo. Chawhnu pum kan va awm a ni ber. Ka pa in chaw ei tur in min duh viau nangin Sawmtei lam ala ngaih avangin ka hnial thung. Nidang a chaw ei chak em em thin kha ka hnial ve ta tlat chu mak an ti tlang viau, a awm lo lem lo e. Mahse tunah chuan kan nupa a awm a, ti ti dun ka thlahlel tak zet tawh miau alawm le.
.
Sawmtei kan lam kual hnu chuan in lam kan pan ding nghal. David-a ti ti ve bawrh bawrh chu Sawmtei chuan makti deuh chuan min rawn melh a, ka lo nuih var var thung. Ni e, in khat a cheng ho ta chuan kan nupa inkar hi tlem a zawng chu a hre ve lo thei lo miau a ni. A tan chuan zawhna a tam ve viau ta ve ang le.
.
" Tinge a hma daih khan kha lehkha kha ka lo chhiartir loh che le?" lungawi tih hriat zet a ka pasal in min kuah pah a a tih chuan ka lo nuih ver ver thung.
.
" Tun atang chuan engmah kan inkar ah thup awm tawh lo se ka duh a ni"
.
' I lak ah thup ka nei ngai lo viau ania. Kha lehkha kha chu ka pe ngam thlawt lo che a ni"
.
Zing dar 5-ah min rawn kaitho a, ka tho peih lo kher mai. Ka zak a a rawn dek tak ah chuan ka zuangtho rang kher mai. Khum ah chuan kan han inchhaih leh hnu hnawh a, kan infiam chauh deuh tak ah chuan inkuah rial chuan kan mu dun leh pek a, ka mumang a ni ang tih ka hlau kher mai. Ka mumang ni ta se harhchhuah leh ka duh kher lo mai thei a ni. Kan va thawhchhuah chuan sawmtei chuan rawng alo bawl malh malh tawh , sana ka en zauh a, dar 6 alo pel tawh. Khum ah kan lo inchhaih rei deuh a nih hmel.
.
" Sawmte, vawiin chu i u nen hna kan kal dawn a, nangmah a awm i hreh lovang chu maw?" Davida'n a tih chuan ka hawi phawk kher mai. Nimin zing khan a saiw ngei a, mahse ka hnial anih kha. a tih tak tak pawh ka ring hauh lo bawk.
.
" Hreh lo e. thingpui in duh em?" sawmtei chuan alo ti ve vat a, david chu buk nghauh pahin ka thutna tur chair a pawt chhuak a, naupang thuawih thei ang maiin ka thu ve vat bawk. Ka la hamhaih deuh a ni.
.
" Vawiin atang chuan ka bul ah hna i thawk ve tawh ang. In ah i awm tam lutuk a, a tha dawn lo" tih pah a thingpui in chung chuan kin rawn en a, ka lo hawi a hau zui.
.
" mahse..."
.
" Nimin zing ah ka sawi tawh kha. bakah ka nupui bul a nitin hnathawh ka chak ve tawh a ni"
.
" Mahse i hna ang chu ka..."
.
" C'mon Dear, ka awm alawm. Ka bul ah, ka thutna bul ah i dawhkan tur pawh peihfel vek tawh a ni. Ka awm a, engkim ka zirtir dawn che a ni" tih pah chuan hmangaih hmel zet chuan min melh a, ka thin hi sawi thiam lohin a phu dut dut a ni ber mai. Nitin ka pasal bul ah thu in hna ka thawk anga, engkim min zirtir bawk dawn a, ka va han vannei tehreng em!
.
David-a office kan thlen chuan thawktu ho chuan min lo wish sap sap a, dik tak chuan ka la lai hu mai. A chhan chu ka pasal office hi kan inneih hnu ah ka vawithum kal na chiah a ni. Kawngka tawp ber kan thlen phei chuan pawn a a hmeichhe fel hmel tak lo thu chuan kawngka min lo hawn sak vat a, ka la hmu ngai hauh lo. A hma a ka kal a lo awm hmeichhia kha a ni tawh hauh lo.
.
" Kha kha a hma in ka la hmu ngai miah lo" David-a chu ka zawt nge keimah ka inbia pawh ka hre chiah lo.
.
" A hma ami kha ka ban tawh a. Hei hi i dawhkan tur ania. Chuan, file zawng zawng hi nangmah nen kan khawih dun tawh ang. Chuan, tender chhan tur kan neih pakhat a awm bawk a, chu chu nangmah in i buaipui ang" tih pah chuan ka thutna tur chair chu a pawh chhuak a, a nui snag bawk.
.
" mahse Vid, ka thiam dawn..."
.
" Lungngai suh. I tan ka awm alawm" tih pah chuan duat deuh in min rawn kuah a, ka thla amuang hliah hliah a ni ber mai.
.
Nileng a pasal te nen a hna han thawh ho chu a nawm dan a danglam ngei mai. Engmah thiam ka nei lo, mahse min hrilhfiah peih bawk a, a tlangpui chu ka thiam ve thei mai. Chhun thingpui in a kan chawl zawk bak chu hna min hrilhfiah char char a, mahse ka ning eih lo. Nuam ka ti mah mah zawk a ni.
.
Tlailam dar 4 pelh tawh chuan David-a dawhkan a phone chu a rawn ri a, a pick up chuan amah hmu duh an awm anih hmel. Lo luh tir tur a a tih zawh rual deuhthaw chuan kawngka a rawn inhawng nghal a, lo lut chu tunge anih tih ka hmuh chiah chu ka taksa alo sang mar nghal teuh thei. Ni e, nunhlui sawichhuah tullo ti mahila a nunhlui a a hmeichhia lo ni tawh hmel hmuh chu ka lo la inpeih chiah lo deuh chu a ni.
.
" Awi, enge ka hmuh hi?" maktih hmel zet chuan ruati chuan min rawn melh a, mahse ahun tak ah ka inrintawkna a rawn lang leh ta thung.
.
" Lo thu rawh. enge i duh tehmial a?" David-a tawng hma chuan ka lo ti vat a, David pawh chuan maktih hmel zet in min rawn en bawk. keierawh ka nui snag thung.
.
" Ka thu hman lovang. Vid, zanin ah dinner ei pui tur kan neih kha aw.." ka thin chu a na zawk thei.
.
" Aw le. Ka nupui nen kan rawn kal ang. Motor i ken ka ring a" Davida'n a lo tih chuan ka thaw huai thei. Ruati erawh a hmel chu nuihzatthlak zawk. A rin loh lutuk chhanna a hmu anih hmel.
.
" mahse ani te...'
.
" Ka lo sawi theihnghilh daih. Vawiin atang ka nupui hian tender chhan leh hna dang tam tak a khawih ve tan tawh dawn a ni." David chuan alo tih khalh leh hmiah bawk. Ka thinlung hi a nui ver ver ani ber mai.
.
" A tha alawm. Ka lawmpui che. I nupui chuan he hna hi a hmu thei meuh angemaw chu kan en aniang chu" tih pah chuan a in her ngahat a, kawngka lam pan chuan a chhuak zui nghal.
.
" Dave, a lungawi lo anih hmel"
.
" A lungawina zawng ka ni hleinem. Inbuatsaih la, vawiin a pawimawh ka hrilh ho che kha i keng anga, tun hun hi i tan hun tha ber leh chona hmasa ber a ni dawn ania" tih pah chuan min nuihsak a, ka huphurh rualin ka phur tak zet thung. Mi a nileng ka ni bik lo a, Ruati nen kan inbeihna hun chu a intan ve ta tih erawh ka hrethiam chiang khawp mai.
.
Dinner ei na hmun kan thlen chuan Ruati motor pawh pawn ah alo awm tawh. A chhung kan luh chuan min an tam lem lo, mahse a chhung chu a nuam em em thung. Kil khat a mi lo thu bial chu kan pan phei a, ka pasal inka kawng ah a kuah a, ka va confi tehreng em! He indona ah hian chaklo zawk nih ka tum hauh lo.
.
"Min lo nghah rei loh hram ka beisei" Davida'n a tih chuan an rawn hawi rual thap a, ka tum loh tak in Valpuia alo thu tel ve bawk.
VBR 2 - 15
ELTY LUHLUL AUG HNAMTE
.
" Nghak rei lo e. Lo thu rawh u" patling pakhat lo thu ve chuan alo ti vat a, ka hmuh hnu ang riau a hriat na ka nei bawk.
.
" Hei, ka nupui Loretta Lalmuanpuii a nih hi. Ani hian kan hna tur chungchang ah thuneihna a la vek tawh a, tha tak a kan thawhho theih ngei ka beisei" tih pah chuan lo awm ve te chu min hmelhriattir a, Valpuia leh Ruati tih loh chu an lo nuisang a, anni pahnih erawh an nuih a zat hmel loh khawp mai.
.
Darkar 3 vel zet hna chungchang kan sawi ho hnu chuan a tuk lam a office a kal tur leh thil pawimawh tur ang zawng zawng keng nghal tur a min tih hnu chuan kan inthlah liam thei hlawm. Valpuia pawh kan nupa chung aha tha em em a, tun a kan hna chhan tur hi ama khawih tur alo ni lehnghal a, Ruati tawng dan nen chuan kan indawr dan a danglam chiang kher mai. Hna leh mimal nun thliar hrang thiam te hi ka mi ngainat zawng tak an ni. Nunhlui lo nei tawh thin kan nihna engmah a tilang lo ringawt pawh chu ka fak em em bawk.
.
" I thawk tha kher mai" in kan thlen hnu chuan David chuan min fak hlak a, nuam ka ti ang reng viau mai.
.
" I puihna vek a ni" tih pah chuan sofa-ah chuan ka thu awn diai a, hetia thut hi nuam ka ti riau thin. Sawmtei'n thingpui min rawn pek hnu chuan min mutsan zui ve nghal.
.
" Engtinnge anni kha i hneh theih ka hre lo. I special ve thlawt e" tih pah chuan a thingpui chu a in a, a hmel hi thlir nin a har ka ti. A mithmul buk lampang hnuai a a mit fim kar te, a khabe ruh invuah mawi tak leh a hmui hnuai lam a khuavang fiah lo tak awm chu a inhmeh tak zet a ni.
.
" Pathian leh nangma min puihna vang a ni e. Ka in zo lo mai dawn, ka la puar riau mai. Ka lo va inbual anga, ka inbual zawh ah no kha chu..."
.
" Mahni a inbual ka peih lo asin" chimawm zet a min nuih chuan nizan hmasa thil thleng kha ka hre chhuak nghal zawk. Ka thau ah hian engemaw ti tak in mi man tlat lehnghal.
.
" Ni lo..."
.
" Ooohh.. Dear, khatin hlauh hmel tak in awm lo teh. Nizan hmasa avang khan ngaihdam ka dil a che. Lo va inbual rawh, no chu ka lo seng ve thei alawm" min ngaihtuah tih hriat zet a a tih chuan ka thaw huai thei. Nia, nizan hmasa kha chuan pawngsual kha ka ni miau a ni.
.
Ka inbual zawh chuan ani pawh kitchen lam bathroom ah inbual zo in room ah a rawn lut ve chiah a, khua a vawt ka tih vei nen ani chu kawr ha lem lo in boxer nen a rawn lut a, a nalh tak zet a ni.
.
" Lo mu hahdam la, hna tlem khawih tur ka nei a, kan ti zo lawk ange" tih pah chuan a thawmhnaw hak tur chu a la chhuak a, mahse ka lawm lo. A rual a mut a, ti ti dun leh ka chak a ni.
.
" I rei angem?"
.
" Aih. 5mins vel a ni mai. Tinge?"
.
" Aaa... ngati chuang mah. Ka lo nghak ang che" ka tih chuan a bu nghut a, uluk deuhin min en vang vang bawk. Min en tih ka hriat avang chuan ka taksa chu a za mem mem a ni ber mai.
.
Khum hniam sat ah chuan ka muthlu diar diar tawh chu ka harh leh a, rangzetin ka inher a, David-a lo mu fel chiah chu ka va kuah chial a, mahse mutchhuak in min zem tlat thung. Vawiin lam ka chau ve deuh vang leh ka rilru thlamuan tawh vang a ni mahna!
.
Ka dul zawn rawn za mer mer ah chuan ka harh zawk a, ka rak hman thawt a, mahse ka hmui a hmui nem tak in a rawn bawhthuah tak ah chuan ka ngawi ta hmak thung. Duhthawh leh duat zet si a min fawh tak ah chuan ka awmdan chu a danglam ta deuh, mahse ka chhungril ah erawh hlauhna chuan min man tlat a, chu chu ka hneh a ngai tih ka hria. Ka fawh let ve tak ah chuan a hma aia duhthawh chuan min fawp chhunzawm zel a, a kut in ka hnute kawh lah a rawn hum ah chuan ka thaw hak a, nawmna mak tak chuan min rawn tuam a, hetiang ang reng a inpawh hian nupa nun kan la hmang ngai tlat lo a ni.
.
Ka kekawrte chhung a zen lut a ka hmeichhiatna a rawn tawh chuan ka lo rum hak a, vanram tlafual lei eden a ni ringawt alawm le. Keiin a hnungzang ka lo chul kual riai a, mahse a duh ang pawh in ka che ve meuh lo mai thei. Min sawngbawlna avang a ka taksa nuam lutuk chuan engmah min ngaihtuah tir hlei thei lo. Hmanhmawh lutuk lo a ka thawmhnaw hak a phelh hnu chuan amah pawh chu a inphelh ve nghal a, lo pui tur pawh in ka taksa danglam nasa lutuk chuan engmah min tih tir thei ngang lo. Ka taksa chhung a a mipatna khauh tang mai a rawn luh chuan ka thaw a tawp mai dawn in ka hria. Ka meng a, a hmel a tisa chakna leh min hmangaihna hmel ka hmu chu ka thinlung hi a hlim veng veng thei.
.
" Ka ti na che em?" zawi tak a ka sir a mut chung a a tih chuan ka lu ka lo thing mat mat a. Nawmna vawrtawp ka thlenna khan min la tih danglam deuh avangin ka tawng chhuak hlei thei lo.
.
" Tunah chuan nupa dik tak kan ni tawh. Ka hmangaih che Loretta Lalmuanpui" ka pasal in a tih chuan lawm avangin ka mittui a tla sawk thei. Thawmhnaw kan inbel miah lo tih lam ka ngaihtuah tawh lo, ka inlet thak a, ka va kuah chial a, duat zet in min lo kuah let ve bawk. Hei bak a khawvel a hlimna dang a awm dawn chuang em ni? Nupa inpawh lo leh in hal reng thin, luhlul lutuk vang a hmangaihna hmu thiam lo a mitdel pahnih kha kan mit alo var ta a, nupa dik tak kan ni tawh miau alawm.
.
Ka zing tho chu ka taksa a sil ve thum mai. A awm lo lem lo a, nupui pasal nei tawh chuan nupa hlim dun zan a kan thil tih tur ang chu inhriatthiam tho ka ring e. Sawmtei'n rawng alo bawl peih tawh a, sana ka en zauh a, dar 8 a ri tep. David-a pawh ala mu ve tlat. Zing dang ah chuan ka thawh khalh ngai hauh lo. Ka dem hran lo, khalehchen a hmangaihna thup in hrehawm a tuar a, a hmangaih ber keiin alak ah inhawng tak a awm ka lo tum bik si lo. Tunah chuan a rilru pawh a hahdam tawh a, tui tak in a mu ve tawh a ni mai.
.
" Good morning. Boss ber hna i tlai chuan i staff te kan va ngaihtuahawm dawn ve" tih pah chuan kan pa mu lai chu ka zuk sawi a, peih lo zet a rawn men pah chuan ka ban ah a pawt thut a, khum ah kan inchhaih nui leh ar ar tawh. Ka mumang ni lo hram teh se. Hetiang reng a nun hman hi ka duh a ni.
.
Hna kan thlen chuan kan la tlai em lo ve. Tih tur pawimawh ang ang kan tih zawh chuan kan nupa in PWD office lam pan in kan chhuak zui lehnghal. Diktak chuan ak chhungril chu a zam ve na meuh mai, mahse ka bul ah ka pasal a awm a, tawngka in min thlamuan miah lo pawh ni se ka bul a a awm hrim hri pawh hi ka thlamuanpui tawk a ni. Hetiang hian hmeichhia te hian kan pasal te kan lo thlamuanpui hle dawn tih reng reng ka lo hrethiam ngai lo. Nupa kar a hmeichhe tan mipa an lo hlut zia hi tun ni hnih khat chhung hian ka va hrethiam chiang si em! Chutiang bawk in mipa tan pawh hmeichhia te hi an chakna hnar pawimawh tak kan ni ve bawk. Nupa nun hi chu mi pahnih tangkawp a hlawhtling chi a lo ni tih ka hrethiam ve ta.
.
Nileng a chhun thingpui pawh in hman lo a kan buaipui hnu chuan dar 4 vel ah kan zo fel thei ta hram. Ka pasal pawh a lung a awi tawk tih ka hria a, nuam ka ti. Chutihrualin ka pasal thil tih vek a ni nangin ka hming vek a hmang thung. Company hming hmang mahse mimal hming ah erawh ka hming vek a hmang thung. Duh lo viau dawn mahila hnialna hun min pe lo ti ila a awm lo hrim hrim bawk.
.
" Zan in chu BON APPETITE lam ah kan hna hmuh thar lawm in staff zawng zawng nen kal ila a tha ang. I Nu Puii lo be ta che" office pan a kan let leh lam a a tih chuan ka phur kher mai. Nu Puii te dawr pawh ka tlawh lo rei ta, ka kal chak khawp mai.
.
Nu Puii ka va bia chu Cabin lam ruak a awm tawh loh avangin dinning hall lam min lo dah sak tur thu a sawi a, ka phone har avangin min hau zui hlak hlak bawk. A chhan chu Pathian zar ah an vannei a, cabin lam hi a awl hman meuh bik thin lo a ni. Mahse pawi ka ti lem lo, sumdawnna a ni a, keini in cabin mhmang ila hman man a la leh duh lo emaw kha anianga, customer dang te kan hnawh tiau sak bawk anga, chu chu tha ka ti ber lem lo. Dar 7-ah kan thlen phei theih tur thu ka hrilh a, beer tlem azawng min lo ngaihtuah sak tur a ka ngen chuan a nui hawk hawk mai. Ni e, kan staff te zing ah in ve duh pawh an awm anga, in ve lem lo mahila hman a ka zia, a in te hi ka hmu dik lo lem lo a, an in na bul a tal pawh ka hreh lem lo. Mahse ruih chang a rui thing deuh ang hi ka ngaithei lo bur thung.
.
Office kan thlen chuan staff ho chu David-a chuan kan dine out tur thu a hrilh chuan an phur hlawm khawp mai. Staff hi an tam lem lo a, kan vaiin mi 16 kan ni. Company lian over ni lo mahse sawrkar leh private insak chungchang ah erawh Mizoram ah kan company aia hna hmu tha an awm hauh lovang. Tin, ni 2 chhung lek hian David hian a staff te a control hneh zia leh hna a tlin zia ka hmu hman nual bawk. Tupawhin an zah a, an nel em em bawk. Hna thawh chhung in hna a thawh pui mawlh mawlh a, room cleaner thlengin nel tak in an be ngam vek a ni. Lunch ni se a hu ho in kan ei mai a, boss anih avangin a ei hrang bik chuang lo. Ka pasal hi mipa dik tak a ni tih ni hnih khat leh chhung hian ka hre hman tlat a ni.
.
Nu Puii te dawr kan thlen chuan mi an lo awm nual a, min hmuh veleh min lo chiau-au vat bawk a, ani hi chu midangte nel theih tur hian a awm thiam em em a ni. A naupang tawh hauh lo, ka nu U kha a ni miau a. Mahse a in uluk a, a kum zat ai deih in a lang naupang bawk a ni. Manager thar alo nei ve thlap tawh a, heti tur hi a ni. Amah hian a enkawl char char a, hah a sawi ngai lo. Engtiklai pawhin hlim hmel a pu sarh thei reng hi a fakawm thlawt e.
.
" Bawihte, khalai ah khan lo thu ula. David, i hmel ka hmu tel thei chu ka va lawm em! Rawn tlawh tur cheu hian ka hun neih hian a zie ngang si lova" alo ti leh bawrh bawrh tawh.
.
" Keimahni hi lo kal fo tur hi kan nia. Kan buai tlang anih hi. Kan dam tlan chuan a lawmawm lam ah ngai ang. Engtinnge haw lam hi taxi koh tur a awm mai angem? Motor ah kan inhnawh leng dawn lo a, ke nei lo an awm nual sia"
.
" Lungngai suh. Kan motor pakhat hi a hman theih ang. Rental tur ang type in motor lak belh ka duh tak asin. Nang hian min ngaihtuahpui la a tha tak ang. Kan dawr awmna hi tlem in a hla deuh sia, zan lam a rawn kal te tan a taxi rate aia tlawm deuh a hman theih turin motor man to lutuk lo 2/3 vel la ila ka tia. Ka kum a tam ta nen, ka ngaihtuah seng thin lo" a ti leh duah a, ani hi zawng, inhmu khat viau mahse chhungte pawh thiam tak anihna hi a hriat thin ania.
.
" Ekhai, ruahhmanna tha tak anih chu. Kan ngaihtuah ang. Customer te haw na tur nei mai lo tan a tha dawn lutuk. Lungngai suh" kan pa in alo ti ve sawk sawk a, Nu Puii pawh a nui leh uarh uarh tawh. Tunge nel lo awm ang?
.
Urlawkni a ni. Ka pa in kan nupa a thu min rawn ang in kan staff te zawng zawng bonus kan pe vek a, urlawk tlai ah kan in ah chaw kan eikhawm bawk. Ka nu leh pa lo tel ve se ka duh viau nangin anni lam pawh an dawr a an mi chhawrte an in lam ah chaw an ei pui ve bawk avangin an lo tel thei ta lo. Mahse a lawmawm tho e. Chaw hlui kan kil zawh ah kan nupa in Pa PUia kan tlawh hmasa te te a, chumi zawh ah kan inpui lam ah kan phei veleh.
.
Ka nu leh pa ten min lo hmu chu an lawm em em a, ka pa erawh hritlan avangin a awm a nuam vak lo thung. Sawmtei kan hruai ve avangin kan hmanhmawh lem lo. Sawmtei hi mas hmang tur a haw kan remtih tehreng nen kan bul a mas hman a thlang zawk ve tlat a, a lawmawm rualin a chhungte lak ah erawh kan inthlahrung viau thung. Kumthar erawh kan tihluih deuh avangin a haw ve zawk dawn thung.
.
Ar te kang a kan awm ve ren rawn hnu chuan zinglam dar 2 rik dawn ah kan haw san veleh ta. Ka nu mawlh mai kha ka khawngaih zawk. Kan nupa nun hlui kha hre vek lo mahse hriatthiam chin a nei ve miau a, sawi chhuak hreh deuh si hian min ngaihven ve reng thin. Tunah erawh kan hmel leh chezia ah a man thiam leh ngei anih hmel. Kan nupa bul ah a tap deuh chawt a ni ber mai. Kan haw tur te chu leng leh vat tur in min chah nasa khawp mai.
.
Sawmtei chu in kan thlen chuan a mu zui ve nghal. Keini nupa erawh kan inneih hnu a krismas kan hman hmasak ber tur anih vang nge, fire place ah mei chhem in kan la thu khawmuang a, pendrive-a movie kan dah ho chu TV ah connect in kan han en khawtlai leh te te bawk a.
.
Zo tak a min pawm kang lawp ah chuan ka harh nghal a, ka lo muthlu daih tih reng ka hre lo. David chuan ka meng chiah chu min lo nuih var var a, kan room lam pan in khum ah chuan dimte in min nghat a, zan ti ila zing lam nuam tak chu kan hmang dun leh ta nge nge. Ka kham theih loh ang bawk in min kham thei bik lo ni ber in ka hria.
.
Krismas a zawh chuan Sawmtei chu an khaw lam pan in a haw ve ta a, January thla tir a lo let lehnghal tur in kan in chah bawk. Kan nupa chauh a han awm tak ah chuan khua a har ve ruih mai. Ani in Tv a en a, kei erawh a mal lukham in rizai sin hlan chung in ka mu ar ar a, hetia a mal lukham a mut hi nuam ka ti riau a ni. A phone rawn ri chu a pick up vat a, an inbiak dan atang chuan thu lawmawm lam a ang lo kher mai.
.
" Bawihi, insiam la, Pa Puia a chau deuh a, hospital ah tlan nghal a ngai" ka taksa chu a hit vek thei. Nimin lawk pawhin min rawn bia a, a that thu a sawi a, ka lo ngaihtha awm ve hmiah asin le.
.
Ka inpeih chuan David-a chu inhnuai ah motor la chhuak in a chhuk hman tawh. Kan awm chin tur ka hriat loh avangin ka inthuam lum viau. David-a jacket pakhat ka ken belh hram bawk. Boruak vawh lai tak ania, tunah zan dar 7 a ri tawh a, inven ve deuh a ngaiin ka hre miau a ni.
.
Damdawiin kan thlen chuan keima pa te zawk nen kan thleng rual chiah a, ka pa te erawh an lo thleng fel vek tawh. David-a kha tu rawn hrilh nge ka zawt miah lo nangin ka pa te rawn hrilh anih ka ring.
.
Pa Puia chu ICU-ah an lo dah lut hman a, a tha lo hle ani tih hrilh nawn ka ngai lo. Pa Puia fate nen chuan kan in bia a, an thla a phang ru ve tih pawh a hriat. Mahse mipa ve ve an ni a, an pachang dun khawp mai. Ka nu chuan Nu Seni alo kuah a, an tap dun tih pawh ka hria. Ka nu hi a tuarchhel viua a, mahse ka pa te unau chung ah hi chuan a no ve thin khawp mai. Pa Puia natna an hriatchhuah tirh pawh khan a tuar na viau tih Zahawmi hnen atang ka hria a ni.
.
" Loretta tih in awm chuan khawngaihin min rawn zui lawk ta che" ICU kawngka atang a Doctor in a rawn tih chuan kan hawi phawk hlawm khawp mai. Tinge keimah kher?
.
Doctor zui a Pa Puia awmna a ka luh chuan ka tah a chhuak kher mai. Pa Puia chu khum ah mu in rei a daih dawn lo tih a chiang. Ngawireng in a bul ah chuan ka zuk thu a, peih lo zet in a rawn meng a, a chau takzet tih a hriat.
.
" Bawihi, ngun deuhin ngaithla ang che aw... I nu hi ka hmangaih hmasa ber leh tun thleng a ka hmangaih awm chhun a ni( mak ti in ak meng phawk nasa mai). Makti suh. Engvang a David-a hi nei tur a ngen che nge ka nih i hria em? Nangpawhin i hmangaih tih ka hria a, kei leh i nu ang mai a hmangaihna suihzawm lo a nun in hman ve ka hlau a ni ( tawng harsa tih hmel zet chuan a then chak chak a, ka thu hriat chuan min barakhaih bawk si, ka chawmawlh vek ni in ka hria). David-a hi a pa dik tak chu Atea a ni..." a thawk a buai a, Doctor in rangzet in min nawr chhuak nghal.
.
Pawn ka va chhuah chuan beiseina mit in min melh thup tih ka hria. Mahse ka thu hriat avang chuan ka chawmawlh zo vek thung. Davida'n min rawn pan vat a, ka nui lui hram. Mahse ka nui hmel ah ka pasal chuan ngaihthatna tur a awm lo tih a hrechiang khawp ang le. Midang thut ve lohna lam thutthleng ah chuan min thut pui a, tawng zai reng ka rel lo. Engkim mai chu mak ka ti vel vek a ni mai. Ka nu leh Pa Puia an inhmangaih thin chuan tinge ka nu hian ka pa hi a neih si? Chuan Atea tih chu ka hriat hnu ni in ka hria. Mahse ka hrechhuak zo mai lo. Ni lo, Lalpa, engvang a he thu hi hria nge ka nih?
.
" Bawihi, i tha em?" Davida'n min ngaihtuah hmel zet a a tih chuan ka inthing harh vat a.
.
" Ka tha alawm. A chau hle a ni" ka ti sap a, ka thu hriat kha sawi tur nge tur loh ka hre lo.
.
" Ni e. Mahse nangpawh in ti harh la, puitling tak a awm tum hram tur aw... I bul ah ka awm reng dawn ania" tih pah chuan min kuah a, a dar ah ka lu nghat in hmalam chu ka melh vang vang.
.
Zan dar 11 pelh hret ah Pa Puia chuan natna awm tawh lohna hmun ah min kalsan ta. A nupui leh fa te an lainatawm kher mai. Keipawh a ruang chu ka kalsan phal bik lo. Chutihrualin ka nu hmel chu ka en thin a, a tuar tak zet in ka hria. Ka pa pawh mipa mahnise a uanaupa neihchhun in a kalsan chu a tuar hle a ni. David-a a rintlak tak zet. Makpa in a tih tur ang chu engkim a buaipui a, a awm lovang tih a hlauhawm tak zet a ni.
.
" In pa ka va hmu ve lo ve" zun ram thiar a ka chhuak chu ka hnunglam a min biakna avang chuan ak hawi let vat a, patling pakhat, ka pa te ang rual vel hi alo ding a, ka hriat hnu a ang ka ti, mahse ka chiang ngam si lo.
.
" Aw... nia, Pa Puia chanchin ziah tur vel an buaipui a. IIhh, ka va hre teuh che" ka ti ta nge nge.
.
" Atea ka nia. I Nu Puii dawr ah vawikhat kan inhmu tawh" a tih chuan ka phu nasa ngei mai. Hei hi a ni thei angem David-a pa dik tak chu. Mahse ka ring lo. A chhan chu Nu Puii sawi dan khan ani hi chu ka nu leh pa te nen inthian tha tak an ni tlat.
.
" Anih chu. Ka tihpalh lutuk. Ilo kal ve a, ka lawm lutuk" ka ti leh vat a, a nui vur vur a, mak tak maiin a nuih zawng a a biangsum lo khuar kek chu David-a biangsum nen in ang riau a hriatna ka nei tlat pek.
.
" Ka thianpa alawm. Va lut leh tawh rawh. Keichu pawnlam ah hian ka lo thu ange" tih pah chuan ak hnung a rawn beng thak thak a, pa tha tak anih ka ring.
.
Zing dar 8 velah David chuan chaw ei tur in min hruai chhuak lui a, herh viau mahila engemaw ka ei chu a ngai a ni. Pawn kan chhuah chuan pawn ah chuan Pa Atea chu Nu Puii nen an lo thu dun a, min hmuh veleh an lo ding dun vat a.
.
" Bawihte, ipa Atea hian an in lam a chaw ei tur in a duh cheu a" Nu Puii chuan alo ti vat a, David chu ka en vat a, Pa Atea enn chuan an lo in melh a, ka sawithiam lo. Engtinemawni ka awm tlat a ni.
.
" Nu Pui, Pa Atea, a lawmawm. Mahse va inthlak te ka duh deuh sia. Tumdang ah ni mai rawh se" ka lo ti vat a, ka hnial chhan ka hre lo. Mahse ka thinlung ah hian hnial tur a nawrtu a awm tlat a ni.
.
Nu Puii te kan kalsan hnu chuan David chu ka ngaihbel nge a hmel chu a rum deuh sawt mai in ka hria. Mahse ka ngaihbel anih ka ring. Ka kut a a rawn kaih tak ah chuan ka lo nuih sak a, ani pawh a nui ve sak tho. Kan in kan thlen chuan ka inbual sawk sawk a, haw kawng ah eitur kan le phei a, ka inbual zawh chuan kan ei zui nghal. Mahse ka thil ei a tui tehchiam lo kher mai. Chaw kan ei zawh chuan David-a a inbual veleh a, kei erawh ka nu nen kan inbia a, Pa Puia kuang chung a pangpar dah tur davida'n a lo order vek tawh thu leh rawn la kawi mai tur a min duh thu a sawi chaun ka nui sak. Engtinnge engkim mai hi alo ngaihtuah fel vek hman bik thin le?
.
Pa Puia kan vuiliamna pawh kar khat cham a thleng veleh ta. Hna ka kal rih lo a, kan pa in min awl vek a ni. Kumthar ruai pawh kan theh ve ta lo. Kan nguai a, kan na tlang a ni. Keima pa leh ka pa phei chuan an tuar na bik emaw tih mai tur in patling 2 an tawng ngai mang lo. Nu Seni mawlh mai a lainatawm. A tuar na lutuk hi a tar bawih thei. Mahse ka nu erawh a nutling khawp mai. Pa Puia thu min hrilh avang khan ka mitmei ru deuh a, mahse hlauhthawnawm in a awm hauh lo. Pa Puia ni lovin midang sawi ni ta se ka awih hauh lovang.
.
Keima pa in an in lam a chaw ei tur a min sawm avangin David-a ka phone a, alo haw hma tur thu leh a rawn tlang nghal tur thu min hrilh avangin ka nu nen bazar turin kan chhuak dun thung. Midang zawng erawh in lam ah an awm a, chaw eikham lam ah Pa Puia te in lam a phei leh tum kan nih avangin kan hmanhmawh ru angreng viau hlawm.
.
" I Nu Puii dawr iva tlawh lawk ang hminag" ka nu in ka car khalh lai a a tih avang chuan ka hnial lo. Boruak thiang dawn a mamawh ve ka ring bawk.
.
Nu Puii dawr kan thlen chuan ka cabin lam tih loh chu alo awl hlauh a, kan kal avang chu Nu Puii chu alo lawm em em lehnghal. Eitur ka lam a, kan 3 chuan dawhkan pakhat kan kil ho a, Nu Puii chu a tawng barh barh nangin ka nu erawh a ngawi ngal thung. Ka hrethiam em em, a tan chuan hun khirh tak a ni dawn miau a ni.
.
" Thil zawh che u ka duh a" Nu Puii tawng barh barh lai chuan ka ti zauh a, phawk deuhin min en ve ve.
.
" Englo ania... Ih, Pa Atea kha David-a pa dik tak ani em?"
VBR 2 - 16
ELTY LUHLUL AUG HNAMTE
.
Ka thusawi avang chuan Nu Puii leh ka nu chuan phawk zet in min en a, an hmel awm dan atang chuan a chhanna ka hmu in ka in hria.
.
" I Pa Puia'n damdawiin a a biak chhan che kha a ni tiraw?" ka nu in a tih chuan ka bu nghauh a. Nu Puii leh ka nu hmel chu a zuai raih thei.
.
" Pa Atea'n a hria em?"
.
" Bawihi, mihring hi tumah perfect kan awm lo a, chuvangin mi a inchhir anih chuan thil kal tawh chu hriat reng sak loh hi a tha ber ania" Nu Puii'n a tih chuan tlang takin sawi lo mahse ka zawhna chhanna chu ka hmu chiang hle thung.
.
" David-a hian engmah..."
.
" Ni e. A hre lo. Hre tur in kan duh hek lo. I Pa Lara bak hi pa a nei lo. I hrethiam em?" ka nu chu a hmel a ta ngang a, nu zaidam deuh kha ni tawh lo in a duh loh zawng a nu luhlul leh tumruh zet kha a ni leh tawh.
.
" Mahse..."
.
" Bawihi, ka sawi kha a ni mai. Tun a nunhlui thar thawh leh hi a tulna a..."
.
" Ni lo. David hi inbum a ni. Ka pasal hi inbum a ni. A pa a hriat ve chu a phu asin" ka tap lek lek tawh. Ka nu ngaihdan chu rapthlak ka ti lutuk. Nu Puii erawh a ngawi reng thung.
.
" Thil hlui thar thawh leh hi hlawkna engmah a awm lo a ni. Bawihi, i hriatthiam a ngai. I nu leh pa te han ngaihtuah teh, i pa phei chu a na dawn lutuk tih hrethiam teh. I pasal ngei pawhin engtiangin nge a dawn sawn ang a hriat hauh loh" ka nu chuan a ti leh a, mahse fair ka ti hlawl lo. Engtiklai atang nge ka nu hian hetiang thu lian tham thup nan a dawtsawi a hreh loh tak le? Ni lo, kum engzatnge an thup tawh. Ka nu bakah midang a thup tu dang te pawh ka dem ngawih ngawih.
.
In kan thlen thleng chuan ka nu nen chuan kan in be leh tawh lo. Tawng chakna pakhatmah ka nei lo. A fair ka ti hlawl lo. Inchhung kan luh chuan David pawh alo thleng tawh a, ka pa leh Mama nen sitting room lam ah an lo ti ti a, min hmuh veleh alo ding vat a, min lo nuih sang a, nuih luih har ka va ti tehreng em! Kan nupa boruak a tha chho ve choh a, boruak dang in min tlak buak leh mawlh mawlh mai chu a nia. A bul ah chuan ka thu ve kak a, midang hmuh a over hauh si lo a min ngaihsak thiam em em chu ka lawm a, chutihrualin a hmel ka en thin a, ka khawngaih ngawih ngawih.
.
Chaw eikham chuan rei pawh thu tawh lovin haw ka rawt vat a, ka nu tih loh midang zawng chuan makti deuh chuan min en hlawm a, mahse haw vat ka duh a ni. Ka nu hmel ka hmuh hian ka thin a ur a, a thil tih dan fair lo lutuk hi ka dem bawk.
.
" I nuamsam meuh nange?" in kan thlen a kan intihfai hnu chuan David chuan min zawt a.
.
" Nuam e. Tinge?" a lam hawi a nui chung chuan ka ti vat. Dik tak chuan ka thu hriat hian min delh na a, ka pasal hi hrilh tur nge hrilh loh tur tih ah ka buai a ni. Ka nu thusawi kha a dikna lai a awm tlat a ni. Chhungkaw phuar khawm tum tu khan ak ti darh thei tih ka hrethiam ve bawk si.
.
" In chhuak in lo let atang khan i hmel a dik thei lo a, i tawng tlem em em bawk sia"
.
" Ka chau ve deuh a ni mai thei a ni. Ka tha alawm" tih pah chuan khum ah chuan ka lawn kai ve thuai a, ka va kuah chial bawk.
.
" Anih chuan keipawh chau ang tak a ka mut hmel a ni maw?" nui hak hak a a tih chuan keipawh ka nui hak. Min fiamna tawngkam chu hrethiam lo der in mutthilh tum awm tak a ka mit ka chhin chuan min rawn dek zauh a, khawvel piah lam ram nuam ah min chen pui leh ta vang vang mai.
.
Hun a kal ve bek bek a, ka hna pawh ka thiam chho ve zel a, kan nupa kar pawh a tha chho telh telh. Chutihrualin ka thil hriat khan min delh rih chang a awm ve zauh zauh. Mahse David-a bul ah erawh ti lang lo tur in ka insum hram hram thin. Hrilh a tha ka tih rual in chhungkaw keh darh hlauhna in min thulh tir leh si thin a ni. A chang chuan a zan muhil hi ka en a, ka lainat ngawih ngawih thin. He thu hi hre ta se engtiang chiah in nge amah ah nghawng a neih ang? Mipa luhlul leh mahni thu duh zet hian a chhungte leh kei ngei pawh min thlauhthla lovang tih a sawi theih hauh loh. Ka hre ve tih hre ta se min kalsan vang vang duh in ka ring. A tello a nun chu ka zuam tawh hauh lovang.
.
" Vawiin chu side lam ah ka kal a ngai dawn a, ka va thlah hmasa dawn che nge nangmahin i kal mai ang?" Thleng ka seng fel chu min lo pui a. Sawmtei apa damloh avangin a la rawn let thei lo a, rin tur ka nei lo nen min pui ve lawp lawp zel.
.
" Keimah in ka inkhalh ve mai ang. I rei angem?"
.
" Ka hre lo le. Rawn haw hma chu ka tum anga, mahse ka sawi chiang ngam lo"
.
" Ok. Taka, Pu Liana khan a fanu damloh vang in hlawh kha lak hma a duh thu a sawi ve a, engtinnge niang?"
.
" Kha chu i kut alawm. Engpawh ti la a pawi lo. Pui tur kan ni zawk asin. Ani hi a tir atang engkim ah min pui a" a tih chuan ka lawm kher mai. Pu Liana hi hman a Lunglei a dinner ka tlanchhiatsan tum a pa fel deuh kha a nia. Kan pa kut ke ber pawh a ni. Office ka zawm ve hnu ah ka hrechiang chauh a, ka mi ngainat zawng tak a ni bawk.
.
Nileng chuan ka buai ve em em. David nen pawh lunch time a kan inbiak zauh bak kan in be hman meuh lo. Kan hnathawh lai hi thla 2 chiah hun a awm tawh a, hna dang in min hmuak lehnghal. Chuerawh mimal insak a ni thung. Pu Liana pawh a hlawh pe lovin a mamawh zat ka zawt a, thawh chhuah ral ah chuan tlem a ni hauh lo nangin kan tlakchhiatna khawp anih loh vangin pawisa chu a pek in ka pe thung. A lawm hmel kha ka hlep a ni. Keipawh ka hlim. Chawhnu lampang pawh chawlh ka pe ve hmiah a, ka pa rual dawn tur in mittui nen lawmthu a sawi mawlh mawlh mai kha keipawh ka hnuk a ulh ve tho mai.
.
Zan dar 10 a pel tawh. David-a ala rawn haw lo cheu, ka phone a, a pick up thei bawk si lo. Chaw ei lo chuan ka nghak ngat ngat a, min rawn be miah lo chu ka rilru a nuam thei hauh lo. Dar 10:30 vel ah chuan msg ka dawng a, chaw ei san mai tur leh hna laklawh avang a ala rawn haw theih loh thu leh lo mutsan mai tur a min tihna a ni. Ka lung a awi lo ru viau mai. A chhan chu ka phone call pawh a pick lo a, missed call a hmuh chuan lo call let ve mai awm a nia.
.
Zing ka harh chuan ka bul ah David chu alo mu tawh a, a rim ah chuan nizan lam ah zu a in tih ka hre thei nghal mai. Lungawi lo ru zet chuan min kuahna a ban chu dah sawn tum in ka la kang a, mahse nghet deuh chuan min rawn kuah leh a, a rim avang leh nizan a ka phone call a pick loh avang chuan ka lungawi lo tlat a ni.
.
" Ala hma. Tihian mu rih ang" thatchhe aw zet chuan a rawn ti a, ka lung a awi lo tulh tulh thung.
.
" Rawngbawl ka ngai a, hna kal ka ngai bawk" tih pah chuan a ban chu dahthla in ka tho nghal a, a rum deuh nghat bawk. Chuerawh ka hre lo der hmak thung.
.
A rawn thawh chhuah ve chuan chaw ei ka peih tawh a, a hmel phak zet ah chuan mut kham lo tih a lang chiang hle bawk. Tum dang ang chu ni se ka lo kuah anga, ka lo be siam siam ang. Mahse tukin zet chu ka be chak hlawl lo a ni ber e.
.
" Vawiin lam pawh side-a kal leh ka ngai dawn a..."
.
" Ok"
.
" I lungawi lo em ni?"
.
" Office lam chu ka lo ngaihtuah thei mai ang"
.
" Ka zawhna che chu"
.
" Chuan, i rawn haw har dawn chuan Zahawmi nau neih a hnai tawh sia, ka va leng phei ve ang chu ka tia"
.
" Bawihi.."
.
" Chahbi kha a spare keng mai rawh"
.
" Loretta, ka zawhna che chu min chhang ta che"
.
" Inhnial tur in hun ka nei lo. Tiffin ka siam sak dawn che nge pawnlam ami i ei mai dawn" tih pah chuan ka tho nalh a, a thaw hak ri chu ka hre reng.
.
Ngawirengin ka insiam a, a chhuah ve hma in ka chhuak hmak bawk. Zu a in lo rei tawh a, hnathawk tih avang a zu in kha ka ngai thei hauh lo. Mahse chu chu ka lungawi lohna a ni lo. Ka missed call hmu reng chung a min call back lo leh zan rei tawh a alo haw tlai tur thu a sawi chauh kha ka lungawi lo a ni.
.
Lunch time ah David-a msg emaw, a call pawh ka dawng lo. Hna a tam lutuk loh avangin Tetei ka call a, ka biak khat lutuk avang a a lungawi loh thu a rawn sawi chuan ngaihdam ka dil luam a. Sawi tur a ngah bawk a, kan in be rei hrep. Sawmpuia nen pawh inneih lam hnaih an tum tawh anih hmel. Ka lawmpui. Inzui rei lutuk lo mahse mihring inmil tak an nih ka ring. Bakah ka thiannu hian hahdam a mamawh ve tawh. A pa a kal tawh a, a nu leh a nau te nupa nen an awm. A nau nupui nasat zia chu kan hriat tawh kha. Sawmpuia pawh Gynea specialist a ni bawk a, an rethei lovang. Tin, an inneih chuan an indan nghal tur thu leh Tetei nu awmpui an tum thu te min hrilh a, ka thla a muang huai e.
.
Ka pa te in ka thlen chuan ka nu in ei rawng alo bawl a. Hman a David-a pa chungchang a kan inhnial deuh atang khan ak nu hi ka be tam ta lo a, min hringtu meuh mahnise pasal nei tawh ka ni. Ka pasal lak a fair lo tak a thil ti tu te hi hmangaih tak chungin ka dem ve tlat a ni.
.
" Khawnge in pa? Engmah i rawn sawi lawk si lova" ka nu chuan maktih hmel zet chuan min en a, mahse ka kal avang chuan a lawm tih erawh a fanu ka ni miau a, a mitmeng ah ka hre thei a ni.
.
" Side lam ah a kal a, tum lawk lo in ka rawn kawi mai mai. Khawnge midang?" tih pah chuan chair pawt chhuak in ka thu zui nghal a.
.
" I pa chu inchung lam ah a awm ang. I U te nupa an mu hahdam. Vawiin chu ilo kal tur hre lawk ang hrim in i U a rawn haw hma a, kelsa a rawn lei haw a. Chaw ei ve nghal rawh aw" ka nu chuan a ti sawk sawk a. Ka hnuk a ulh zawk. Keiin ka pasal vangin ak hal a, ani erawh chuan a ngai rengin min ngaihsak tho si.
.
" Ei lo ang. Vid-a alo haw ah a hawihai lutuk ang" dik tak chuan chaw ei nghal a riah nghal tum ak nia, tinge maw ka rilru lo ang pui hi ka sawi tlat thin ni.
.
" In pa chu bia la, helam ah rawn haw se, in lo leng khat sia..." a sawi tawp lam chu a zawi deuh a, ka va en a, inthiam lo hmel deuh hian min lo en a, hrehawm ka ti.
.
" Aaaa, nidang ah zawk le. Ka pa chu ka..." ka U te room atang ka U rawn chhuak chiah hmel ka hmuh chuan engemaw thleng a awm ka ring nghal.
.
" Nu, Zahawmi saw... A pum a na aniang" ka U hlauthawng hmel chu ka nuih a za deuh tlat pek. Ka nu nen rang zet in ka U te room lam ah kan tlan lut a, ka U lah chu alo phi sek bawk. Zahawmi chu nau alo vei tan der alo nia. Ka nu in ka U chu nau puan vel thlep tur a a tih chuan Zahawmi chuan then chak chak chung in a thleh fel sa dahna chu a sawi a, keiin ka pa ka han au bawk. Kan zavai mai chuan kan phili deuh chung a ni ber mai. Ka pa in ka U motor la chhuak tur a a hrilh chuan ka U chu a tlan ve vut a, mahse a hnu lawk a chahbi a rawn la leh. Ngawireng a min lo en tu awm se kan nuihzatthlak phian ang. Ka nu erawh a buai chhe lutuk lo thung.
.
Damdawiin kan thlen chuan nau neihna room-ah an nawr lut nghal a, nau har lutuk tur chi a nih loh hram ka beisei ve ngawt. Naute la nei ve lo mahila a nat zia an sawi ka hre ve fo a, ka lo huphurh pui khawp mai.
.
" Loretta" ka hming a min koh ri ka hriat avang chuan ka in her vat a, ka hnung mai a Sawmpuia, doctor kawr ha chung a alo ding ka hmuh chuan ka thaw huai mai.
.
" I duty ka ring lo va. I dam maw?"
.
" Dam alawm. Nia, emergency kan nei a, haw ka lo tum hnai a. Enge hetah i tih?"
.
" Kan monu in nau a nei dawn a..."
.
" Awww, a nih chu. Doctor dang an awm anga, min mamawhna i neih chuan min rawn call la" tih pah chuan a card min pe a, lawmthu te hrilh in min kalsan lehnghal. Duty dawn lo mahse kan inhmu hrim hrim chu ka thla a ti muang hrim hrim.
.
" Mipa, 4kgs" darkar chanve dawn a liam a nurse in a rawn tih chuan ka U chu a zuang a ni ber mai. Kan va lawm tlang teh kher em!
.
Ka pa in cabin lam alo tihfel avang in leh Zahawmi a inhliam nasat deuh avangin cabin lam ah kan in suan lut a, ka U hlim hmel chu hmuh a nuam kher mai. Ka pa pawh in naute mu lai chu a zuk bih ve sek mai. A lawmawm em a ni. An tu hmasa ber a nia, chutah mipa alo ni leh kher nen. A engpawhnise kan lawm em em tho anga, mahse mipa fa nge nge chu kan lo awh ruk alo ni deuh bawk nen. Zahawmi nu pawh a rawn thleng ve vat a, a nau pawh a hnathawhna atang a rawn thleng chawpchilh ve nghal. Kan lawm tlang a ni tawp mai.
.
" Bawihi, in pa hi engmah kan hrilh ve...."
.
" Ka lo thleng chiah alawm" David-a aw-ri lo chhuahna lam chu ka pa nen kan hawi rual thawt a. Mak ka ti lutuk. Engtinnge a hriat ka hre lo. Ka hrilh hauh si lo.
.
" A that chu. Tih tur em em a awm lo. Hrilh che tha ka ti sia, i hna i buai bawk si" ka pa chuan alo ti vat a. A makpa zuan zang lutuk chu a lawm tih a hriat. Kei erawh ka hawihai ngang mai.
.
Ka nu in riah pui a chuh tlat avangin kan haw san ta hlawm. Zahawmi nu te chu kan nupa in kan zuk thlah a. A chhan chu chaw ei lo a kal kan nih avangin ka U in ka nu leh Zahawmi ei tur chaw a pek leh a ngai bawk sia. Zahawmi nu te kan thlah zawh chuan khawiahmah peng lovin akn haw tlang nghal. Ha wkanwg ah vawikhatmah kan in be lo.
.
" Engtinnge i hriat?" chaw kan ei kham a sitting room a kan thut hnu chuan ka zawt at nge nge.
.
" Engmaw?"
.
" Damdawiin a rawn kal nachang kha engtinnge i hriat?"
.
" Ruati'n min rawn hrilh" ngaihpawimawh loh hmel zet a a tih chuan ka lai a na vawng vawng. Engtinnge ani pawh chuan ahriat theih?
'
" Engtinnge a hriat theih?"
.
" Chuzawng nangmahin va zawt la ti nia" a hmel chu a rum ul a, chutiang bawkin keipawh ka thin a ur.
.
" Ngai lo mai rawh se. Hrilh tu i nei tha a, a lawmawm e" tih nghat pah chuan ka tho nalh a, ka thin chu a tawt up up a ni ber mai.
.
" A hnen a lawmthu sawi hial tlak a ni. Ka nupui ka atang ni lo ka hria erawh a zahthlak" ka ding dat a, a sawi awmzia chu ka hre hauh lo. Kan buai vek a, hrilh nachang ka hre lo a ni. Bakah kan boruak a tha lo bawk nen, nizan lam ah ka phone call a chhang tawh lo a, vawiin ah pawh min be hek lo.
.
" A pawi hle mai. Ka phone call chhang thei ngai lo tu khan midang phone call erawh ilo chhang thei tih ka lo hre lo anih chu" tih pah chuan room ah ka lut zui nghal hmak.
.
A rawn mut ve lai chuan ka la harh reng a, mahse muhil ang in ka awm tlat a, dim deuhin puan a rawn sin a, lehlam hawiin a mu zui nghal. Ruati, he mihring hian engvang a ka pasal hi hlat duh miah lo nge anih le? Enge a duh chiah ni. An nunhlui chu engpawhnise tun a a nun chu keimah a ni tawh a, ka pasal a ni tawh tlat a ni. Nge ka pasal hian mitmei a hmuh zawk ni ang? Nupa nun hi alo va harsa tak em! Mi pasal ngaizawng hreh miah lo te, pawmlai neiin pawmlai ka nei ti a mahni inven tum hauh si lo te lo tam zia hi. Pathian nen lo chuan mihring tumna atang ringawt chuan he harsatna hi hneh theih ni in ka hre lo.
VBR 2 - 17
ELTY LUHLUL AUG HNAMTE
.
Zing ka harh chu David-a mutna alo ruak huai tawh a, rangz et in ka in perh tho ve nghal. Vawiin hian Sawmtei a rawn haw dawn a, zingkar a a rawn thlen dawn avangin a hmuak anih ka ring. Choka lam ah ka phei a, a lo reh thap a, kawngka ka en a, a inkalh lo bawk. Ka phone msg tone rawn ri chu chu ka en vat a, ka rin ang chiah a ni,
.
Nileng chuan hna ah ka bur a, David-a pawh side lam ah a kal zawk a, a rawn let hma viau thung. Mahse a rawn let hma chu ka tan thinurna tawk a tling leh ta phat mai. A rualin Ruati a rawn tel ve miau a.
.
" Bawihi, Star file kha i peih fel chuan Ruati hi lo pe ta che. Ruati, lo thu rawh" Davida'n a tih chuan ka bu nghauh a, Ruati thu lai mek chu ka va melh zauh a, a hmel hi chu a tha thlawt alawm.
.
File ka pek hnu chuan an pahnih chuan sofa-ah thu in an inhrilhfiah mawlh mawlh a, ka awm ve a ni tih hria ang pawhin an awm hek lo. Ngawirengin ka hna ka thawk a, melh loh hram hram duh mahila ka lo mit sir leh thin. Ruati chuan David-a hnaih thei ang ber chuan a thu a, a bawh lo chauh a ni. Ka luak a chhuak lutuk chu ka tho nalh a, David-a rawn hawi chhuak chu hmu reng mahila ka hmu duh lo der a, kawngka ah chhuak in kawngka bul a Nutei thu chu a bul ah ka va thu ve sawt sawt ringawt. Ani hi nula fel tak, mawng zang zet mai ania, ka ngaina a, ani pawhin min ngaina ve em em bawk. Kan pa hian a hruai chhuah ve ber a ni bawk.
.
" I dam tha lo ami?" min hmuh rual chuan alo ti vat a, ka nui sak thung. Ka thinlung a thikna chuan ka hmel thleng in a lan danglam tir tih ka hriat chuan ka insiamrem vat a.
.
" Tha e. Ka thu rei lutuk a ni mai thei"
.
" Thingpui i in duh em?"
.
" A pawi miah lo. Ka harh phah ve deuh mahna" tih sap pah chuan kawngka lam chu ka melh zauh a. Min rawn umzui lova, min rawn ngaihsak chuang hek lo. Chu chuan min ti thinur zual sauh bawk.
.
Nutei nen thingpui dawm dun pah chuan kan ti ti mawlh mawlh a, hnathawh chakna ka neih tawh miau loh avangin office chhung a luh leh tumna pawh ka nei hran lo. Darkar chanve vel zet hnu ah chuan office kawngka chu a rawn in hawng a, Ruati a rawn chhuak a, a hnung ah Davida'n a rawn zui nghal bawk.
.
" Helam ah ilo thu daih a ni maw?" tih pah chuan David-a chuan min rawn en run a, a mitmeng ah chuan a lawm hmel teh chiam loh. Ni e, hna pawimawh awm laiin ka chhuak hmak mai bawk si. Mahse keitak hi ania lungawi lo chu.
.
" Nia. Nutei nen kan lo relax ve zawk. In zo tawh ami?" pangai deuh chuan ka lo ti let ve vat a, a ner ru sawk chu ka hmuh hmaih hauh lo.
.
" Aw. Ka va drop lawk ange. Naktuk ah tihfel a ngai dawn sia. Ka rawn let har lovang"
.
" Ban a hun tawh dawn tho a, in lam ah lo tlang mai rawh. Ka lo va haw san mai ang che"
.
" Aaaa... Aw, a pawi lo" tih pah chuan Ruati lam chu a bu zauh a, min hnuchhawn zui nghal. Ka thin chu a na vawng vawng thei in ka hria. Nutei lah a ngawi reng bawk. Kan boruak hrethiam tur in min hrechiang ve tawh tlat a ni. Office a kan awmdun anih chuan kan haw rual lo ngai lo tlat a ni.
.
In ka thlen chuan Sawmtei chuan rawng alo bawl malh malh a, zing lam ah kan in biak fumfe hman meuh loh avangin min hmu chu sawi tur a ngah ve siam siam khawp mai. Keipawh in ka rinai daih in ka lo ngai tih ka hrechhuak chiah. Ka inthlak sawk sawk a, thingpui min siam a tum chu hnial in a rawngbawlna bul ah chuan ka lo thu ve a, salad chan pahin kan ti ti dun bawrh bawrh. Dar 6 a pel tawh, David-a ala rawn haw lo cheu. Phone tum a ka phone ka ban lai chiah chuan a rawn thleng zui ve nghal. Ngawirengin room lam ah a lut a, Sawmtei chuan min rawn melh zauh a, ka lo nuihsak thung.
.
" Iva rawn haw tlai ve" room-a zui luh pah chuan ka ti nghal tawng a. Nia, tawngkam nem tak a biak ve mai awm in ti mai thei, mahse lung a awi miau loh chuan ka tawng nem diai diai thiam thin lo a ni.
.
" Nia, thingpui ka in kawi alawm mawle" tha deuh chuan a ti ve mai a, a hmel a rum ang aiin a tawngkam a dam ta riau chu mak ka ti mah mah zawk.
.
" Anih chu a. Inbual la, chaw ei kan lo siam dawn nia"
.
" Vawiin ang khan engtikahmah awm nawn tawh lo la ka duh a ni" a aw chu a ring lo, mahse a khauh tha em em thung. Nidang chu ni se ka hlau mai thei. Mahse tun tum erawh ka hlau eih lo thung.
.
" A eng lai khan nge i pawi sawi viau? Ka inthiarfihlim kha a tha zawk daih lo em ni?" ka aw a elsen na chuan ani ang mipa induhtawk lutuk hi a ti na dawn tih ka chiang ve tlat a ni.
.
" Loretta, enge i duh? Eng buaina nge hmachhawn i duh ber?"
.
" Eng buaina mah ka duh lo. Chutihrualin i nupui ka ni a, ka hmuh lai a i hmei nu nen a hmuh...."
.
" Engmaw?" ka ding lai chu ka ban ah a rawn phih dawrh a, ka phu nasa lutuk chu ka balance ka hloh zui nghal. Bang ah min nawr bet rawk rawk a, a hmel chu a rapawm kher mai.
.
" Min thlah rang rawh" ka dar a hmer na chu a na ngei mai.
.
" Ngaithla rawh. Hmei ka nei lo. I chiang em?" a thinrim insum aw khur dar dar chu ka hre thei. Thinrim tur chu keimah hi ka ni reng sia.
.
" Ana ania" min thlah chuan chhuat ah ka thu hnawk thei.
.
A kawng dawm in min en vung vung a, a in her vut a, khum ah chuan ava thu hnawk a, kei erawh ka mittui a tla ngiai ngiai thung. Kut hi min la thlak ngai miah lo a, khatiang em em a thinur hmel a put pawh ka la hmu ngai hek lo. Ka thutna atang chuan thawh chhuah tumna ka nei lo, ka thu niaih a, ka mittui pawh ka dang peih lo. Hetiang teh hrep a nupa nun hman hi enge a tangkaina ni ang?
.
" Lor, ka tihpalh a ni" ka lu rawn chul tu chu tunge anih sawi a ngai lo. A aw-ka dam lutuk chuan min ti lungchhe zual a, ka insum thei tawh lo. Chhuak em em chuan ka tap hlawp hlawp a, duat deuh chuan min rawn kuah a, ka lungchhiat a belhchhah mah zawk.
.
" Shhh... Tap tawh suh. Ka tih hlauh che avangin pawi ka ti lutuk" tih pah chuan ka lu ah a fawp a, ka bul ah a rawn thu sawp ve nuaih bawk. A kawng ah ka kuah a, nghet zet in min lo kuah let ve nghal a, a awm ah ka hmai ka phum kak bawk.
.
Ka lungchhiat zualpui a reh hnu chuan min kaitho a, khum ah chuan min thut tir a, ka hma ah a thingthi a, hrehawm a ti hmel chuan min ti awm nuam lo lehzual.
.
" Bawihi, tihnat che hi ka duh lo a ni. Ka tihpalh tak zet ani" ti tu ka pasal chu a lu ah ka kuah a, ka tawng chhuak thei mai lo.
.
" Ka hria alawm. Mahse..." rang zet in a rawn hawichhuak a, hlauhthawng hmel a pu ka hmuh vawikhatna a ni hial ang.
.
" I duh duh min zawt la, min hau la, mahse min kalsan suh" ka ngaihdan ni lo lutuk a rawn sawi chu mak ka ti zawk. Keihian ani hi ka kalsan ang maw? Aih, ka thei lo. Ka pasal ania, ka hmangaih bawk. Kalsan tur hian ka ngaihtuah nawn leh tawh ngai lo. Mahse a insawifiahna erawh ka phut ve kha a ni.
.
" Dave, thil pakhat ngen duh che ka nei a..."
.
" Sawi rawh. Min kalsan dawn loh phawt chuan i tan engpawh ka huam a ni"
.
" Ruati hi i hnaih ah awm tawh lo se ka duh a ni" a nui sak a, kei erawh nuihzat tur reng ka hre lo.
.
" Thil ka sawi anga, ngun deuhin lo ngaithla rawh aw... ( ka lu ka lo bu nghat a). Ruati hi ka tan engmah a ni tawh lo. Tunge ka hmangaih chu i hria tiraw? Ani chu kan hna atan mi pawimawh tak a ni. Tun a a hna hi tu tihsak nge i hria em? PWD changtu Minister a ni asin. Tichuan thil awmzia i man thiam hram ka beisei. Kan hna ah hian puihna kan mamawh nasa em em a, mahse chumi avang chuan nang hi ka phatsan che emaw, rilru dik lo pu in ka dawr ngai hauh lo asin.
.
Ani chuan engemaw pawh alo beisei ve a ni mai thei. Mahse a beisei ang hi ka lak atang a hmu ngai dawn lo tih hrechiangtu chu amah bawk hi a ni. Nang nei tur che a thutlukna ka siam a, bumna hmang a neih che ka tum atang tawh khan hmeichhe dang hrim hrim hi ka tan engmah an ni tawh lo asin. A chhan chu ka hmangaih miau che a ni. MMi thianghlim ka ni hauh lo, mahse kan nupa kar ah hian thil diklo ka tih awmchhun chu bumna hmang a ka neih che kha a ni. Min awih emaw, awih lo emaw, i tan hian ka rinawm a, ka rinawm reng dawn bawk a ni"
.
Engvanginnge ka la rin loh cheu ang? A thusawi hi a dik ka ring a, lo dik lo ta pawh ni se ka hmangaih miau a, ka pasal a ni bawk.
.
" Mahse tinge kan eizawnna hi kan thlak mai loh vang?"
.
" Ni lo e. Hmeichhe nep tak i ni lo a, nangmah tluk miah lo tu che avang a kan eizawnna tlanchhiatsan ai chuan hnehtu i ni lai hmuh ka duh zawk a ni" ka kut a vuan a, a ti tak em em bawk.
.
" Mahse i hnaih a a awm hian ka na a ni" a nui sak a.
.
" Ka hmangaih che tih hi i rinngam a ngai a ni"
.
" Mahse..."
.
" Loretta, ka mit ah en rawh. I pasal hian i rinngamna a mamawh. Rei a ni tawh dawn lo. Tun a kan hna khawih lai kan zawh chuan engkim hi i kut ah a awm tawh anga, keichuan i U sumdawnna zauh belh tur in ke ka pen ve tawh dawn a ni" makti zet chuan ka en a, chu thu chu ka hriat vawikhatna a ni.
.
" Maw?"
.
" Ni e, i U nen ruahmanna kan nei a, chuerawh nakin a chhungkaw inhmuhkhawm hun a sawi ah kan tia. Mahse kan thutiam ka vawnghim zo ta lo ni rawh se. Ka nupui i ni miau sia" nui var var a a tih chuan ka kuah a, ka pasal hian engkim hi chhan nei lovin a ti ngai lo tih ka hriat belh zel chu a ni.
.
Office ka thlen chuan kan pa a la rawn thleng ve lo. Ka U dawr ah kal kawi a ngai a, tin, tlai chaw kan ei phei dawn avangin Sawmtei ka nu te in ah a thlah hmasa bawk. Nutei alo thleng tawh a, hna kan ngah dun bawk a, inbiak lum lam na hun kan nei lem lo.
.
" Aw"
.
" Pi Ruati'n a hmu duh che a, ka rawn luhtir thei angem?" Nutei chuan a rawn ti lang lang a, ani pawhin Ruati hi a ngaina lo tih ka chiang.
.
" Aw, lo luh tir rawh" ka tih hnu lawk chuan kawngka a rawn inhawng nghal a. Ruati rawn lut zan zan chu ka lo melh kar a, a nalh thlawt a ni.
.
" Enge ni ta?"
.
" In pa nen kan inbia a, alo la thlen loh thu a sawi a, ka rawn tlang ta tho" zam lo zet a a tih chuan ka ner sawk thei.
.
" Anih chu. Lo thu rawh. Kan pa nge i hmuh duh keimah?" ka aw chu a nelawm fahran lem loh.
.
" In pa nen chuan kan in hmu dun zing alawm. Office lam a rawn hmuh kher a ngai hleinem" thut pah chuan a ti leh zat zat a, ben hawi sawk ka chak thin.
.
" Anih chu mawle. Eng thil ah nge min hmuh duh a?"
.
" Sawi tlang pawp mai ang. In pa hian tun a in hna hi a zawh fel ah enge tih a tum i hriat ka ring lem lo a..."
.
" Hria e. Nizan ah kan sawidun tawh alawm" a hmel a maktihna chu a lang zawk a, mahse a reh leh vat. Chuan, keipawhin mak ka ti ve tho. A chhanc hu ka U leh amah chauh in an hria emaw ka tia.
.
" Ooohh... Anih chu. Chuan, kan pahnih hian kan la thawk dun chho zel dawn tihna a nia. Inkawmngeih kan mamawh in ka hria a.."
.
" Sumdawnna lam atang chuan harsatna a awm lovang. A bakah erawh Zahawmi thiannu i ni tih ka hre thung ang. A tawk em?" ka aw-ki zangkhai vah chu keipawhin mak ka in ti zawk.
.
" Chuan, in pa nupui hual thin ka nih thu pawh..."
.
" Chuerawh ka lo theihnghilh hmin der anih chu. Hmangaihna a tak a han dawn hi chuan nunhlui te chu kan lo theihnghilh ve thei thin a nia" a hmel chu rapthlak khawpin a danglam thei. Keierawh ka dam dap thung. Hetiang hun a ka in control theihna hi ka inchhuan ve na a ni miau a.
.
" Nimin tlai min thlah lai kha chuan ala theihnghilh bik lo a ni mai thei"
VBR 2 - 18
ELTY LUHLUL AUG HNAMTE
.
" Ohhh... Dave, ilo let tawh ani maw?" Ruati hnung a ding mek ka pasal chu ka va nuih sang a, Ruati chu a inher rang khawp mai.
.
" Nia. Ruati tehmial chu. Enge i duh ve a?" ka lam a buk nghauh pah chuan Ruati chu a en a, Ruati hmel a hlauhthawnna chu ka hmuh hmaih hauh lo.
.
" Hei, in in be tawh ni in ka lo hria a. Thingpui ka rawn lak tir dawn em ni niang? Ruati pawh a la in hman lo" tih pah chuan Ruati chu ka en kar a, ka nuih a za ru hle bawk.
.
" Aaa... Ih.... Ka in lo mai ange. Kalna tur ka la nei a, ka kalsan phawt ang che u. Tak a, Loretta, ka thusawi kha aw" mit min siai zauh a, a duhna ah chuan a insiamrem chak khawp mai.
.
" Tehreng mai. Thawhpui tha tak i nih ngei ka beisei" a tih ang chiah chuan mit ka siai let zauh a, kan pa lah alo hawihai nasa mai.
.
" Enge in thil sawi awmzia kha?" kan pa chuan Ruati chhuah hnu chuan min zawt hu a, ka nuih aza angreng viau.
.
" Eng ni lo e. Thawhpui tha tak ka nih a beisei thu a rawn sawi mawle" nui kar kar a ka tih chuan a nui ve hawk hawk a, kan boruak chu a hahdam leh ta khawp mai.
.
Tun ah chuan kan pa pawh ka U nen sumdawnna zau zawk bei dun tur in an thawkdun tawh a, keiin kan nupa eizawnna ka enkawl thung. Ruati pawh rinai takin thawhpui a hrehawm loh a. Kan pa lak ah a beidawng ta anih ka ring. Mahse a nun erawh a uluk lutuk lo tih chu zep thu cheng lo. Nula hmeltha, fing tak leh ethei zawk zawk lo si hetiang a a nung duh mai hi ka khawngaih ru fo mai. Zahawmi nen pawh kan sawidun fo a, Zahawmi tak pawh ka khawngaih. A thiannu ve ngaiwh ngawih a ni a, ka lak ah a inthlahrun phah lutuk te hi a khawngaihthlak zawk. Mahse tumah ka hrilh loh avangin lawmthu min hrilh mawlh mawlh reng mai, ka tan tak pawh a inthlahrunawm lek lek fo mai. A tihsual ni lo ah ngaihdam min dil fo hi sim daih se ka ti.
.
Ka zing tho chu ka nuam chiah lo. David lah ka thawh hma in ka U nen bungraw enfel an ngaih avangin a chhuak hman tawh a, peih lo deuh chuan ka va tho chhuak a, Sawmtei'n rawng alo bawl malh malh bawk. Bathroom-ah lut in toilet-ah ka thu vang vang a, ka hrechhuak zawk. Thla 2 lai ka period tawh lo. Ka intest ang ka ti ziah a, ka hna avangin ka mangnghilh leh ziah bawk. Rang zetin ka tho a, ka insilfai swk sawk a, Sawmtei thingpui min lo siam pawh in nghal lo chuan kan room lam ah ka tlan lut a, pregnancy tester ka dah that chu ka la chhuak a, kan nupa room a bathroom ah chuan ka lut nawn lehnghal. Ka zun lah chu a chhuak leh mai reuh si lo a, ka thiam loh a ni. Zun zawh chiah ah engtinnge ka zun lehnghal mai theih ang?
.
Nui ru tut tut chuan choka lam ah ka phei leh a, thingpui in karh karh chung chuan Sawmtei nen chuan kan ti ti a, ka awm erawh a nuam lo ru kher mai.
.
" U, i damlo ami?" Sawmtei'n min rawn en a, a hmel chu a hlauhthawn hmel em em bawk. Ni e, tiang ang a zuai hian ka awm ngai tlat lo a ni.
.
" Tukin chu ka tho fuh chiah lo a ang. Mahse ka zia veleh mai ang"
.
" Lo va mu hahdam rawh. U David-a kan phone ange, i hmel a dik lo tlat"
.
" Ngai lo. Ka tha veleh mai...." ka uak pawp a, Sawmtei mangang lutuk in min rawn vuan. Ka luak a chhuak tulh tulh mai si.
.
" I tha em?" bathroom toilet bul ah thu sawp niaih in ka lo uak barh barh a, David-a hlauthawng lutuk in a rawn tlan lut.
.
" Ummm... ka th..." uak zui lehnghal.
.
" Lalpa leh! Damdawiin ah kal nghal vat ang" David-a chu a phi ruai a, Sawmtei'n tui a rawn keng bawk.
.
" Khawngaihin kan room bathroom lam ah kal ka duh" ka rilru chuan enge thleng dawn a hrechiang tlat pek. Ka rai a ni. Mahse tester a test kher ka duh.
.
" Dave.." kan nupa room bathroom atang chuan kan pa in kawngka bul a min lo nghak chu ak ko dat dat a.
.
" Enge thil awmzia?" Davida chuan rawn luh rual chuan a rawn ti nghal a, hetiang em em a a hlauhthawn hi ka la hre ngai lo.
.
" Hei" tih pah chuan ka tester ken chu ka pe a. A en vung vung a, a mit a ti zim sun a, chutah min rawn en leh a, tester bawk a en leh.
.
" Tak tak maw?" tih pah chuan ka kut ah a rawn vuan a, a hmel chu a int=rintawk loh hmel tak zet. Ni e, kan inneihna pawh a rei ve tawh a, nau ka keng har hi sawi lo mahse hrehawm a ti ve tih ka hre miau alawm.
.
" Pa i ni ve tawh dawn a ni David" ka tih chuan min rawn kuah thlawp a, David-a, ka pasal ngei mai chu a tap chhuak ta anih chu. Hetiang em em hian fa a awt ang tih ka lo ring pha lo. A awt tih chu sawi lo mahse ka hre ve lutuk. Mahse hetiang em em hi anih ka lo ring pha lo zawk a ni.
.
" Bawihi, ka lawm e" ka lu fawp mawlh mawlh pah chuan a ti sup a, keipawh ka hlim a ni.
.
Vawiin ah doctor kan hmu nghal ang. Sawmte, lo phei teh" khum a kan thut phei hnu chuan awmngaihna a hre lo.
.
" Engenita?" Sawmtei chu hlauhthawn hmel zet in a rawn lut a, a awm lo lem lo. Ka damlo an la hmu tlat lo a ni.
.
" Pu Liana ka rawn tir anga, vawiin ah lo bazar ang che u. Chuan, chaw ei kan nei teuh dawn a, nangmah pui tur che cook tha tak 2 ka rawn tir bawk ang. Nutei i ni ve tawh dawn a ni" Davida'n phur zet a a tih chuan Sawmtei chu a hamhaih zwk a, mahse a rei lo. Rangzet in min rawn kuah a, engmah a sawi thei lo, mahse a lawm tih erawh ak chiang a ni.
.
" Khatin kuah vak suh, naute tan thawk a har ang" Davida'n alo ti hluk a, kan nui nasa ngei mai. Thla 2 lai ka period tawh lo a, engtinnge ka hriat loh theih ni? Rai ka haw vak dawn lo anih ka ring rum rum.
.
Zing chaw pawh tha tak in ka ei a, chaw eikham chuan David-a chuan kan chhungte ve ve leh Pa Puia nupui fanau te a phone kual a, thil pawimawh tak sawiho tur a awm avangin zanriah ei ah a sawm vek a, a chhan erawh ala hrilh duh lo. Surprise vek kan duh miau a.
.
Chhun ah office ah kan pahnih in kan kal dun zawk a, hna kan sem zung zung a, kan haw hma thung. A chhan chu tlai lam ah Doctor kan hmuh dawn vang a ni. Pu Liana'n Sawmtei a bazar pui vek a, David-a sawi ang chiah in cook 2 eisiam tur in a ko nghal bawk. Ka ei chak zawng min zawt a, ei chak ka nei hranpa lo. Ei chak loh pawh ka nei chuang hek lo. Mi in an naupai thla 3 chhung a hrehawm zia an sawi ka hre thin, mahse ka hrehawm ve vak lo dawn anih ka ring.
.
Dr.Mamawii, Mizoram a Gynea doctor tha ber pawl chu kan pa thiannu a ni. Sawmpuia a awm ve tih hre tho mahila kan pa duhdan ang a awm ka duh zawk avangin ka sawi ri lem lo thung. Kan pa in a thiannu a bia chu ka lo nui char char. Nikhat a damlo a en zat a zawt a, chutah damlo dang en tur zawng zawng cancel vek a keimah chiah min en tur a a tih chuan ka nuih a za ngei mai. Hetiang em em hian a phur ang tih rinngaihna reng ka hre lo. Bathroom lam ah ka luhsan avangin engtinnge an inbiak zui tak ka hre ta lo.
.
" Mamawii chu a ti ho khawp mai" Doctor hmu tur a kclinic kan pan lai chuan car khalh chung chuan kan pa chuan a ti nung nung a, a hmel a nur no bawk.
.
" Ngatinge?"
.
" Nangmah chiah en tur in ka ti mawlh mawlh a, nikhat a a lakluh zat pek pawh ka huam vek a, min hnial khanglang mawle" a tih chuan ka nuih a za lutuk tlat.
.
" Awwww. a ngai kher hleinem. Damlo dang pawhin an mamawh ve alawm. Bakah rei tak min en dawn pawh a ni lo a" nui hawk hawk a ka tih chuan a hma aiin a hmel a nur zual sauh, keierawh ka nuih a za tulh tulh.
.
" Engkim felfai tak a tih ka duh alawm. Damlo dang an awm chuan a rilru pawh a hmanhmawh thei a. Ngawi tak rwh, clinic thlen hun ah a hre mai ang" a ti tak deuh deuh, ka hnial buai duh ta lo. Ala hrethiam ve mai ang.
.
Clinic kan then chuan damlo in entir tur an lo awm tan a, a hmasa ber kan nih avangin leh Doctor alo luh ve chiah avangin kan lut zui ve nghal. David chu pawn a min lo nghak mai tur a ka tih chuan a duh lo nasa mai. damlo dang in entir tur te pawh an nui nasa ngang mai.
.
" Tester chu ilo keng ang chu maw?" Doctor in a tih chuan ka keng miah lo tih ka hrechhuak. Mahse rang lutuk in kan pa in a kekawr ipte atang a rawn phawrh anih chu. Awi, ka rin phak bak a ni.
.
" Khum ah sawn lo va mu ta che aw... LalDavid, pawn ah lo va awm teh. i lian si, chet i ti buai" Doctor in nui hawk hawk a a tih chuan kan pa chu chair-ah a thu tha ang sauh sauh a, chhuah tir tum chu a harsat hmel khawp mai.
.
" Tikhan en mai mai teh. Engkim ka hre ve duh. I doctor zir lai pawhin ka in luah ah chaw i ei zin em kha" a ti hmuk a, nuih a za duh teh asin. Patling, mahni tawk a ngeng lurh mai kha naupang chhia ang tak tak in a awm ve ta mai a, a inhmeh lo kher asin.
.
" Awi, i mizia hi paih ve tawh teh. Loretta, i hming hi paper-ah..."
.
" Ngawi rawh. I hna kha thawk vat teh. Ka fa leh a nu an tha a ni tih hriat vat ka duh ania" sawi zui hlau deuh a David-a alo tawng chuan Doctor nen chuan kan nui dun kar kar a, hmeichhe fel tak anih ngei ka ring.
.
Test ngai eng eng emaw kan test fel hnu chuan ka naupai pawh thla 2 leh kar 2 alo ni ve tawh a, naupai haw lo chi ka lo ni hlauh bawk nen, Doctor erawh chan indim deuh tur in min hrilh thung. Chuerawh kan pa in a chhinchhiah chiang viau ta ve ang.
.
In kan thlen chuan kan chhungte ho an lo awm kim thap tawh a, Sawmtei kha engmah lo sawi lo tur a kan tih kha alo vawng tha khiau anih hmel. Kan thlen chuan zawhna mitmeng nen min melh thap a, keini nupa erawh kan in la cool thar leh vel phawt. Ka nu ( David-a nu) ber a ngawi reng thei ta lo.
.
" Enge min kohkhawm chhan hi? Engmah insawichiang si lova" a rawn ti ta nge nge.
.
" Tun atang a thla 7 vel a liam chuan tu in nei ve tawh dawn a ni" Davida'n a ti chiah chu a reh thap. Chutah keima pa zawk chuan kut a rawn beng a, kan ri ta chel chul mai. Vawiin kan chhuahna ah ka chau deuh nangin chutia chhungkua a kan han awm ho ta chu ka chauh pawh a reh duak thei zawk a ni.
.
Chaw te puar tak a kan ei hnu chuan min haw san ta hlawm. Sawmtei pawh chhun lam a a chet hah deuh avangin a mu ve vat a, kan nupa chauh in akn meng ta. David-a kut chuan min thlah lo tluk a ni.
.
Ka nau pai pawh thla 5 lai a ni ve ta. Ka in zo em em a, ka thil ei lah a buai phah lutuk lo. Thil mawm erawh ei harsa ka ti ve thung. Hna ka kal zeuh zeuh a, David-a bawk a hah phah leh ta. Hna ka thawh a remti si lo, ka U nen sumdawnna bul an tan tawh bawk si, kan nupa eizawnna nen a kawp a ngaih phah a, mahse a vuivai ngai lo. Hmel hlim lo min hmuh ngai hek lo a, a mit val raih ah erawh a taksa a chau ve tih a hriat thung. Ka theihtawk te ah erawh phallo viau mahse ka ti lui ve tlat thung a, min hnial lui lutuk bik ngai lem lo.
.
Ka U te naute a damloh avangin David-a chu phai lam dealer dawr tur in ka U nen an sumdawnna thil ah a zin a, vawiin hi alo haw ni tur a ni. Khua a tha lo in ruah a sur bang duh si lo. News vel ah leimin a tam nasa mai si. Diktak chuan ak ngaihtuah tak zet a ni. Lengpui an rawn tum in min rawn bia a, a hma in motor tirh ka tum a, mahse ka U in a lam dawn avangin ka tir ta lem lo. Ka U nen an inhmuh hnu ah an rawn tlan chhuah dawn in min rawn be leh a, a bak chu min rawn be leh ta lem lo.
.
Ka lo muhil sek a, Sawmtei'n min rawn kaihthawh chuan phak zet in ka harh a, sana ka en vat a, tlai lam dar 4 a pel tawh. David-a call emaw, msg emaw a awm miah lo. Alo thleng tawh zawk anih ka ring a, Sawmtei lah chuan min chhuahsan zui lehnghal daih bawk si. Rangzet in ka tho a, kan pa alo thleng anih ka rin avang chuan sitting room lam ah chuan ka tlan phei vat a, mahse ka tum loh zawk ka nu leh pa te ( keima nu leh pa) zawk an lo thu a, ka nu hmel ka hmuh chuan hlauhna in min rawn man nghal.
.
" Bawihi, ilo muhil daih a" ka pa in a tih chuan enge ka hre lo. Ka taksa chu a khur nasa ngei mai.
.
" Pa..."
.
" Bawihi, englo ania"
.
" David-a a tha em?" ka aw chu a khur nasa ngei mai. Lalpa thlen dik tir lul suh.
.
" Bawihte, pachang tak a awm a ngai ania. Tunah hian i U leh i pasal chu emergency in an zai mek a, in control..." a bak ka hre zui ta lo.
VBR 2 - 19
ELTY LUHLUL AUG HNAMTE
.
Ka harh leh meuh chuan Damdawiin khum ah ka lo mu tawh. Ka meng a, ka bul ah ka nu te ve ve an lo thu a, ka mit ka meng chiah chu an rawn tho rual nghal thawt. Ka hawi kual a, ka rilru ah David-a leh ka U an rawn lang rual nghal.
.
" Ka nu...." ka sawi zawm thei lo. Ka taksa chu a khur leh nghal der der tawh.
.
" Hahdam tak in awm rawh. Engkim a tha vek e" DDavid-a nu zawk in a rawn tih chuan ka thaw ve huai mai. Mahse hmuh ngei ka duh a ni. Ka nun a mi pawimawh em em 2 te dinhmun tak chu ka mit ngei a hmuh ka duh a ni.
.
" Ka hmu duh a ni" ka nu zawk chuan ka kut a rawn vuan a.
.
" Awm hahdam i ngai alawm/ Engmah hlauhthawn tur a awm lo a nia. In pa pawh a dar dinglam an zai a, i U pawh a ke veilam an zai bawk a, tun ah chuan an tha vek tawh e. Naute tan hahdam i mamawh a ni" damdiai a ka nu in a tih chuan ka bu nghauh a. Lalpa ka lawm e.
.
Ka taksa a fit tha tho bawk a, drip te ka khai zawh chuan keipawh ka thochhuak ve thei nghal mai. Doctor ka dil ang in ka pasal leh ka U hmu tur chuan ka awmna ward atang chuan ka nu te pahnih nen kan chhuak zui ve nghal a. Cabin indawt chiah ah an lo dah a, David-a awmna room lam chu ka pan hmasa ta zawk.
.
" Hey..." David-a chu alo la harh lo a, a bul ah chuan Pa Lara leh Tluangtea an lo thu a, min hmuh veleh Tluangtea chuan a thutna min lo kian vat bawk.
.
" Dave, lo harh vat rawh aw..." tumah an tawng lo. Keimah chuan David-a muhil chu ka be mawlh mawlh a, a hmai chu ka chul hliau hliau bawk.
.
" Bawihte, i U i va hmu ve zawk dawn em ni niang?" David-a nu in a rawn tih chuan ka tho vat a, ka rilru ava pik si em!
.
Ka U awmna room ka va luh chuan Zahawmi chu ka U bul ah chuan alo thu a, a tap nasa tih pawh a mit bui dan ah a hriat vek. Ka va han hrethiam tehreng em! An naute erawh in alm ah Zahawmi nu in alo awmpui thu an sawi a, ka lainat tak zet. An naute ala lian bik vak si lo, tunah a pasal heti hian a awm si, a rilru buai leh hah dan tur chu.
.
" Zahawm, i tha em?" pachang zawk a ka tan a ngai a ni. Zahawmi hi hmeichhe fel tak ni mahse ka U ah hian a innghat nasa a, ka U lakah hian a rilru pawh a no em em tih ka hrechiang bawk.
.
" Ka tha alawm. Nangzawk?"
.
" Keichu ka ngaihtuahawm loh e. Thil i ei tawh em?"
.
" Ka chak lo e. Nangmah hian engmah ila ei awm si lova"
.
" In pahnih khan thil in ei ve ve a ngai a ni. Hruaite ( Zahawmi nau), i u te pahnih eitur hi zuk lei ta che" ka pa chuan a rawn ti khauh a, hnial pawh ka tum hran lo. Ka ril a tam hauh lo. Mahse Zahawmi nen engemaw ei kan mamawh tih ka hria.
.
Ka U bul ah chuan rei pawh thu lo in David-a awmna room lam ka pan veleh nghal a, kan chhungkua chu kan buai nuaih nuaih a ni ber mai. Awmdan tur pawh kan hre lo tlang a ni. Mahse room indawt chiah a kan awm thei chu kan vannei letling phian mai. Zan lam chu riah an phal lo viau nangin haw ka tum miau loh avangin kei leh Tluangtea kan riak dawn a, lehlam ah ka Nu leh Hruaitea an riak dawn bawk. Zahawmi chu naute ngaihtuah a ngaih bawk si avangin hreh chung chung in a haw thung.
.
Zanlai ah chuan David-a chu a rawn harh zawk a, mahse engmah a rawn hre chuang lo. A na a tih vang a lo harh a nia, nurse in a rawn chiu vat a, a muhil zui lehnghal. Rilru a bet mawlh lo. Ka U lehlam ah a awm bawk. Ka dinhmun chu ava han awhawm loh ber si em! Mahse vanneihthlak tak in ka U chu zing dar 5 vel ah na lutuk awm lovin a rawn harh a, ka lawm rualin ka pasal la harh ve lo chuan min ti nguai lo thei si lo. Tluangtea leh Hruaitea an fakawm. An muhil miah lo a, ka nu in min vengthawng ru reng bawk. Nurse duty ho pawhin min khak hial a ni. A chhan chu raipuar chung a ka riah luih tlat vang in. Mahse ka luhlul zia hre tu ka nu in hriatthiam alo dil mawlh mawlh thung. An pasalte tiang hian awm ve se an haw san thei angem?
.
Sana ka en sek tawh. Chhungte dang pawh an rawn thleng kim leh vek tawh bawk. Dar 7 a ri leh tawh. Ka U chu a harh hnu chuan a tha ta viau. David-a erawh ala harh ta chuang lo. Doctor pawh in a rawn endik tawh a, ngaihthatlohna tur a awm lo ti mahse ka U a harh tawh si avangin ngaih erawh a tha chuang hauh lo.
.
" Ummm" David-a rum ri ah chuan a khum tlang bawh a ka muthlu chu ka harh nghal zawk.
.
" Vid, i harh ami?" ka thawm hria in midang pawh an rawn tlan khawm vat a. David-a mit rawn meng siar siar chu thinhu dep dep in kan lo en thap a. Bang a sana chu ka melh zauh a, zing lam dar 7:18 chiah chiah a ni.
.
" Bawihi..."
.
" I bul ah ka awm. Lalpa, ka va lawm em! Na i nei em?"
.
" Ka tha e. Ka ril a va tam ve" a tawng a rawn fiah ta fak a, ka lawm lutuk chu ka tha a khur der der in ka hria. Midang pawh lawm vangin an mittui a tla par hlawm.
.
" Doctor lo kal se, thil i ei theih leh theih loh kan zawt dawn nia. Tluangte, doctor..."
.
" Khawngaihin lo awm sawn hlawm ula" Doctor aw-ri ka hriat chuan ka thaw huai mai. Tluangtea khan a U a harh rualin Doctor alo va ko nghal a nih hmel. Doctor in a enkual zung zung hnu chuan result tha lam kan dawn avang chuan kan thaw huai hlawm.
.
Chutia David-a a rawn harh tak ah chuan keipawh intihfai pah a ka Doctor hmuh ka ngaih avang chuan loh theih loh a ka haw a ngai. David chuan ka kalsan chu hreh viau mahse naupang a ni lo a, ka let leh vat tur thu hrilh mawlh mawlh pah chuan ka kalsan ta nge nge. Ka U ka va hmu zawk a, ani chu alo thu harh peih tawh a, thisen hloh tam deuh mahse a dawng hnem leh tawh a, hmuh a nuam viau.
.
Ka intifai sawk sawk a, Sawmtei'n chaw ei tur a lo siam vek a, kan ei dun zuaih zuaih a, kan pahnih chuan ka Doctor hmu tur in kan kal nghal. A thut hun ala ni lo nangin a thawhna hospital-ah kan harsatna hrethiam takin hun min pe ta hlauh a, ka lawm tak zet a ni. Ka nau pai pawh a tha a, mahse ka indim deuh a ngaih thu leh chaw ei that ka ngaihthu min hrilh malwh mawlh a, kan pa pawh rawn tlawh ve ngei a tum thu te a sawi a, hmeichhe fel tak a ni.
.
Damdawiin kan thlen chuan David-a pawh zinglam ai chuan alo hawi harh tawh a, drip an khai bawk a, min hmu chu hahdam huai hmel a pu nghal. Reivaklo a bul a ka thut hnu chuan ka U ka va tlawh leh zawk a, ani phei chu David-a aiin a changkang zawk daih. A fapa a hmuh chak em avangin an lo hruai ve bawk a, ka lawmpui tak zet a ni.
.
Thla 1 dawn damdawiin a kan awm hnu ah min chhuah ve ta e. Keini aiin ka U a chhuak hmasa zawk a, mahse ka nu leh pa erawh chuan nitin min rawn awmpui ziah thung. Kei hna ngaihtuah pah ka ngai bawk nen. David-a chuan min ngaihtuah thin viau mahse duhthlan tur dang kan neih loh bakah ka hriselna a tha a, side lam kal erawh Pu Liana kut ah kan dah tawp a, ani in rinawm tak in a thawk bawk a, Pathian hian rem hi alo ruat thiam thin asin. Mihring in harsa kan tih hi Pathian tan awlsam ber alo ni zawk thin si a.
.
Tunah chuan David-a pawh a dam tha ta viau e. Keipawh ka rit ve ta khawp mai. Nau neih nan thla 2 chiah a awm ta. Keima nu zawk pawh hleih theih anih loh avangin chhun lam ah David-a nu zawk in min awm pui zauh zauh a, a chhan chu thla 7 ah chuan nau nei thut thei reng kan ni tawh an tih vang a ni. Pawi ka ti lo nasa mai. David-a lah hna 2 a nei a, a khawih kawp a ngai. Ka U nen an sumdawnna ah erawh ka U hian a awl thiam viau mai. KA rinai takin an in ba lehnghal.
.
Nikhat chu ka nu a rawn phei hman lo va, Sawmtei bazar in a chhuak bawk. Ka ke lam a vun nasat avangin khawi mah hi ka chhuak hlei thei ta meuh lo. Inchhung dung ah erawh exer ka la ve nasa viau. Choka-ah awm in tlai siam tur behlawi chu ka thian pah a, awm mai mai hi harsa ka ti tlat thin a ni. Kawngka rawn kik dat dat ah chuan ka tho vat a, ka va hawn chuan ka rinloh lutuk in Tetei leh sawmpuia an lo lang hlawl mai. Tetei hi kan pa damdawiin awm lai khan vawi tam tak alo kal a, ka tan thian a tling tak meuh a ni.
.
" Eheu! Teh hlawl cheu chuan. Lo kal ru" tih pah chuan kawng ka hawng zau vat a, ka surprise lutuk chu min nuih dun tiah tiah.
.
Inchhung ah chuan inzui lut in ka thil khawih lai chu ka dah fel sawk sawk a, nakin ah Sawmtei'n a chhunzawm tawh mai aniang chu. Sitting room lam ah chuan kan inzui phei a.
.
" Min lo phone lawk ve awm cheu a nia" tih pah chuan ka thiannu chu kan chhuhchhal phawt a, an pahnih chuan an inmelh a, an nui dun rah rah a, ka huat tawk a tling em em.
.
" Phone pick up thei lo chu hrilh lawk an harsa ve viau asin" Tetei'n a tih chuan ka phone reng reng ka bul ah a awm lo tih ka hre chiah. David-a damloh atang khan ka phone hi ka ngaihsak lo zual. Nitin kan in awm a, kan chhungte nen kan inbiak bak chu phone khawih chhan tur a vang a ni. Facebook-ah Maengi Ralte, Thantei Laura, Nutei Tuahzo, Mami, Essy, Rengpuii, Noah te story ho ka chhiar duh changin ka chhiar zawk a, chuzawng chu a ni mai. anni ho hi story ziak thin a ka dahsan zualpui an ni a, midang pawh an thiam lo ka ti lo, mahse story chhiarna hun ka ngah hlawl loh avang hian anni ho hi ka chhiar hmaih phal loh zual pui an nia, ka chhiar ve ziah thung a ni.
.
" Awi, phone room lam ah ka dah daih. Ka lo hre miah lo alawm" ka ti hliai a, an nui dun hawk hawk.
.
" Pasal neih i ngeih mah mah tih tawh nakaliin raipuar i ngeih leh mah mah tawh a ni" Tetei bawk chuan a ti leh a, kan nui ho ta hawk hawk.
.
" Tak tak a, enge in lo lan dun tehhlawl chhan hi? chaw ei ve nghal ang cheu aw..."
.
" Chaw eitur in alawm kan lo kal. In pa in min sawm daih tawh" Tetei bawk chuan a ti leh a, ka lawm kher mai. Kan pa nen an lo inbia tih reng reng ka hre lo. Mahse pawi ka tih loh zawng tak a ni.
.
" Keiaiin kan pa i be duh zawk tihna ni maw?" kan ti ve bar bar a, sawmpuia nuih alo za ngang mai.
.
" Biak tlak hek lo che. Tak tak a, tukin ah a hna kal tur kan inhmu fuh a, rawn kal kan tum thu ka hrilh a, chaw ei nghal tur in min tia, a rawn hrilh lo che mi?"
.
" I phone pawh ka pick up loh chu... Awi, ka haihawt tulh tulh mai. A that chu. Sawmpui, vawiin i chawl ami?"
.
" Fate nu tur meuh rawn phei chu chawlh kan la rawk rawk mai alawm" a tih chuan Tetei chu a laih hmel ang reng khawp mai. Kei ka lo nui nasa thung.
.
" Eheu! Chu, a chiang ta tihna em ni?" phur zet chuan ka lo ti ve nghal a, Sawmpuia chu a nui hawk hawk a.
.
" Tak tak a, chu chu nia kan lo kal chhan ber. Palai kal kan tum a, i thu kan rawn ngaichang hmasa" Sawmpuia'n thutak deuh zawk a a tih chuan ka thiani chu ka va melh a, alo nui sang bawk. Ka lawmpui tak zet a ni.
.
" Thu lawmawm tak a nih chu. Tunah chuan ka hahdam ve dawn ta e. Mahse..." ka hmel chu a ngui nghal a.
.
" tinge?" hlauhthawn hmel zet chuan an rawn ti rual thawt a.
.
" Ka nau neih lai vel in in tih duh hmel" ka tih chuan an nui dun ta hawk hawk.
.
" Nau neih hma a tih kan tum alawm. Tak tak in, palai vawikhatna an kal tawh a, thla leh hian tih mai kan duh a. Tetei nu hi a hriselna a pan angreng sia, helam a lak phei vat a ngaiin ka hria a" Sawmpuia'n a tih leh chuan ka nui var var. Ka thiannu hian a thlang sual tawp lovang.
.
Sawmtei a rawn haw chuan Tetei nen rawng an bawl dun a, Sawmpuia nen erawh kan ti ti dun thung. Ka rinai mahin Sawmpuia hi a puitling a, ka thiannu dinhmun a hrechiang hle bawk. Hmangaihna dik takin a hmangaih tih ka chiang a ni. Engkim a inbuatsaih felo vek tawh a, kan boruak teh nuaih avang khan engmah sawipui na hun ka awm loh avang a ka hriat loh a thil an kalpui chungchang ah hriatthiam min dil chu ka inthlahrung zawk.
.
Kan pa lo haw hnu chuan chaw te ei in kan hlim khawp mai. Kan pa pawhin Tetei te pahnih chu a lawmpui khawp a, a hma a a thik lai te chu kan sawichhuak ta vel mai mai. Rei vaklo chaw eikham a an thut muan hnu chuan min haw san ve ta. Tetei chu riak tur in ka sawm viau nangin a Patea te in a riah a duh zawk avangin ak chelh lui duh bik lo.
.
" Ka lawmpui tak zet a ni" kan pa min kuahna ban chu ka vuan a, ka nui ver ver reng mai.
.
" Ni e. Mahse keimah hi ka vannei ta lo a nih hi" tih pah chuan ka hnute chu a hum chat a, a thusawi awmzia chu ka man khawp mai. Ni e, ka rai chho a, nupa nun akn hmang tha ngam lo. Naute tan a pawi kan hlauh lutuk vang a ni. Chutah ani a damlo chho leh nen, zep thu cheng lo, a nghei rei tawh a, ka nghei rei ve tawh bawk.
.
" Thla 2 chiah a ngai tawh alawm" tih pah chuan ka hnute hmur a suasam na avang chuan ka thaw hak a.
.
" Mamawii kan bia anga, a pawi em tih ak zawt mai dawn?" a tih chuan ka nuih a za ru khawp mai.
.
A phone hmang zo chu a rawn nui var var a, a pawi lo anih hmel khawp mai. Zawh kher ngai lovin a chetdan atang chuan thil pawi a awm lo tih a hriat nghal. Keilahin ka theih ang ang in ka lo dawngsawng tha nghal em em bawk. Mahse min dim kher mai. A lungawi hmel hmuh hi nuam ka ti a, ka ti reng bawk ang.
VBR 2 - 20 ( LAST EPISODE)
ELTY LUHLUL AUG HNAMTE
.
Ka nau vei lai chuan David-a chu a rawn lut ve zawk a, a hmel ah chuan a thlaphang tak zet a ni. Awm rei an phalsak si lo, a khat tawkin kawngka ah a rawn dak lut leh thin. Nurse ho hauh pawh a tawk zing viau nangin a ngaithla hauh lovang tih erawh ka chiang. Nau pai ka huat loh tehlul nen a neih lam erawh ka harsat kher mai. Zing dar 7 vel atang a vei tan kha zan dar 9 ah pawh ka la nei lo. A na erawh a chawl lo hrim hrim thung. Ka chau ve tak zet tawh. Ka nu te pahnih in min awmpui a, pawnlam ah chhungte dang leh Tetei te nupa an awm ve reng bawk.
.
Zan dar 10:54 chiah chiah fanu duhawm tak ka nei ve ta. 3kgs lai a rit a ni. Mahse ka vei rei ve bawk a, thisen ka hlauh hnem bawk nen, min thui lai chuan ka la harh hram hram, chumi zawh ah erawh engmah ka hre zui lo thung. An sawi dan in David-a a mangang viau a ni awm e. Doctor te pawh a hrawk nasa anih hmel.
.
Ka mit ka meng chiah chu drip min lo khai mek a, ka sir ah ka fanu duhawm zet, apa hnar ang mai a hnar nalh te chu alo mu ve kak a, ka harh tih hria in David-a pawh a rawn hnai nghal ruak mai.
.
" I tha em?" midang pawh vengthawng zo lo a min duatna leh ngaihtuahna aw-ri hriat chu ava nuam tehlul em.
.
" Ka tha alawm. Dar engzatnge ni tawh?"
.
" Zinglam dar 4 a ri tawh. I harh chhuak thei tawh dawn lo emaw ka ti hman a" a tih chuan ka nuih sak a. A thawmhnaw ngai ala hak avangin haw lovin a awm tlang tih ka hrethiam nghal.
.
" Thil i ei em?"
.
" Chulam ngaihtuah a ngai lo. I that leh that loh hi ka tan a pawimawh zawk. Doctor ka va ko ange" tih pah chuan ka chal ah a rawn fawp zauh a, midang in nui tha a min lo en hlawm avang chuan ka lai lek lek a ni.
.
David leh Dr.Mamawii an rawn lut dun a, tun ang hun a specialist meuh in min la awmpui chu ka lawm rilru tak zet a ni. Check ngai ang ang min check hnu chuan engmah that lohna ka neih loh thu a sawi chuan David-a chu a thaw huai mai. Hetiang em em a a phusa hi mak ka ti zawk. Chutah nau nei te awmna ward ah pawh awm lovin cabin alo la fel vek bawk a, engtinnge alo ngaihtuah lawk vek theih thin ni. Ka tluk hlawl lo.
.
KKan fanu pawh thla thum a tling ve ta reng mai. Vanneihthlak tak in nau tlei chi tak a nia. Davida'n nau awmtu lak a duh viau rualin ka hnial fithla thak thung. A chhan chu ka fate hi nau awmtu kut a dah lova keimah ngeiin enkawl ka duh tlat a ni. Lohtheihlohna vang anih loh chuan ka chawi len ngei ka duh a ni. Sawmtei erawh in min pui nasa khawp mai.
.
Ka fanu ka mutpui a, Sawmtei bazar in a chhuak bawk. Door bell rawn ri ah chuan ka tho vat a, kawngka ka va hawn chuan ka rinloh lutukin Valpuia alo ding a, ka phu nasa ngei mai.
.
" Eheu! Tehhlawl che chuan..."
.
" Ka lo lut thei angem?" a hmel chu a thutak viau bawk. Kawngka ak hawng zau a, kan inzui lut nghal.
.
" Enge i duh ve tehmial a?" sofa-a thut pah chuan thu tur chuan ka mitmei zauh a.
.
" Lor..."
.
" Loretta" hman a min kohna ang a min ko leh chu ka duh tawh lo tih hria se ka duh.
.
" Sorry. I naute a tha maw?"
.
" Tha e. Engmaw ilo kal chhan?" a awmdan chu ka duh lo. Zu rim a nam bawk.
.
" Aaa... ka ngai che a. Bakah naute rawn en ka tum bawk a"
.
" Anih chu. Tunah chuan a muhil a. Keipawh mut hahdam ka duh bakah kan pa a awm si lova, min hrethiam mai la..."
.
" Lor, khawngaihin ka tihsual tawh..."
.
" Valpui, Loretta ti in min ko la. Chuan, thil kal tawh sawi hun a ni tawh lo e. Haw la, rilru hahdam tak in va awm rawh. Ka haw lo che. Mahse ka pasal awm loh lai chuan lo kal tawh suh ang che" ka ti kha ta fak mai.
.
" Bawihi, ka tan lo let leh rawh. I fanu pawh ka fa...."
.
" Valpui, i va han tenawm ve. CChhuak nghal rawh" ka thinrim lutuk chu ka khur der der thei.
.
Valpuia chu a tho a, mahse kawngka lam ni lovin ka awmna lam a rawn pan thung. Hlauhna in min rawn tuam nghal. Ka nau neihna thla 3 lai liam tawh mahse ka taksa hi ala chak tawk lutuk lo nen, ka tha a khur nghal der der. Officer, tlangval fel ve tak ( a tihsual kha chu thuhran ni se), mahni lu zo zet thin kha a hmel chu ramhuai pai hmel a pu in ka hria.
.
" Valpui, enge tih i tum? Kan in atang hian chhuak vat rawh" hlauh avang a aw khur dar dar chuan ka chak na ka sawm khawm hram hram a ni ber e.
.
Ka thusawi chu hre lo ang hmiah in ka lam a rawn pan zel a, hlauh lutuk avangin ka che thei der lo lehnghal. Ka bul a rawn thlen chuan ka khur dawt dawt tawh. Thei leh thei lo in min kalsan tur in ka ngen mawlh mawlh a, mahse ka tawng chu a ri chhuak em pawh ka hre tawh lo. Chutah ka fanu tap ri ka hre zui bawk. Ka mangang lutuk chu ka buai vek in ka hria. Kan room lam pan tum chuan ka chakna zawng zawng sawmkhawm in ka tlan dawn a, mahse Valpuia chuan hneh zet in min rawn man bet a, chutah min pawm bet zui nghal. Ka tal vak vak a, ka fanu a tap tuarh tuarh ri bak ka beng ah a ri tawh lo. Ka thawmhnaw a pawh thler kawk chu ka ngaipawimawh zo ta lo. Min pawmbehna atang chuan ka talchhuak a, room lam pan chuan ka tlan lut nghal. Ka kawr chu a thler tih lam ka ngaihtuah hman tawh lo.
.
Khum a ka fanu mu lo tap ngak ngak lai chu pawm tum in ka ban a, mahse hneh zet in ka kawng ah Valpuia chuan min rawn pawm a, ka fanu sir ah chuan min theh thla lawp a, ka fanu tap bawk, kei hlauh lutuk avangin ka khur ver bawk. Ka kawrhnuai hak pawhthlak tum a a rawn ban chiah ah chuan hnunglam atang hneh zet a pawh tih hriat tak maiin Valpuia chu a leng lawp a, David-a hmel ka hmu zui nghal. Min melh zawk a, Valpuia tlusawp nuaih chu tham tho in a khawih ta mawlh mawlh bawk. Ka hamhaih lutuk zawk chu ka fanu tap ri ah bawk chuan ka harhchhuak zawk a, rang zetin ka fanu chu ka va pawm a, ka tha erawh ala khur nasa hle mai.
.
" Dave, duhtawk rawh. Tual i that thei lo" ka pasalin Valpuia hmel duk vek khawp a a rek lai chu ka va melh a, ka hlauthawng tak zet a ni.
.
" Zawnga, mi tenawmpa, ka nupui leh fanu hi hetiang hian ilo ti ngam amaw? Dam tlak i ni lo" David-a chu a au tuarh a, ka va han hlauthawng tehreng em!
.
" Dave, ti suh. Khawngaihin" ka fanu tap bawk. Ka mangang tak zet a ni. David chuan muangchangin min rawn en a, ka tawng thei tawh lo. Mittui tla chung in ka mitmeng in ka ngen a ni tawp tawh mai. Valpuia a rehna kut chu a thlah a, Valpuia chu a khuh bawrh bawrh a, mahse kan pa khan a khawih an ve viau anih ka ring, che zui tur a awm lo.
.
" A khawih na cheu em?" kan nufa hlau hlawp lutuk chu min rawn kuah a, ka thla a muang huai. Mahse ka tha khur erawh ala reh thei lo. Engtinnge alo haw dan tih hriat tum lam ai chuan a hun ah tak Pathian in a rawn tir hi ka lawm a ni.
.
" Na lo e. Ka lawm e aw... " kan fanu chu a pawm a, apa tang ah a awm tawh bawk a, a tap pawh a bang zui ve nghal mai bawk. Sawmtei rawn haw chuan ka lo inthlak hman tawh a, Police lam in Valpuia an rawn la bawk. Kan chhungte ho pawh an rawn akl khawm a, an thin a ur khawp mai. Mahse a tisualtu ber hremna hmu tur in kan pa in a thawn liam tawh a, Dan rorel tur a dah mai a tha zawk kan nupa a kan tih avangin an thinrim zualpui pawh a ziaawm ta deuh.
.
Kan chanchin chuan Mizoram a deng chhuak a ni ber e. Media lam atang min kawm duh lah an tam. Mahse chu erawh tlansan dan kan zawng ve zel thung. Keierawh ka pangai leh mai thei lawk lo. Kan nufa leh Sawmtei nen chauh a in awm ka hreh ta tlat a, David pawh hna a chawl zauh zauh phah. Mahni in control ka tum viau nangin keimah ah hlauhna a a rawn awm leh thut thin.
.
Valpuia pawh police ten an han tawk sil tak ah chuan a thil tih kha Ruati tih tir vek anih thu te, Ruati leh PWD changtu Minister te inkar a that em avangin Valpuia hian thil tihsual palh a nei a, chu chu Ruati chuan alo hre kar si nen, kan nupa inkar tih chhiat emaw, keihi mi ang lo a min chhuah emaw anih loh chuan a hna atang a ban ah alo vau a ni awm e, nau ka neih hma daih atang tawh a tih tir alo tum, ka nau pai pawh tihhlum alo duh, mahse Valpuia'n a hnial ve tlat avang a a chet mai loh thu te, mahse Minister meuh in warning a pek tawh si avang a ti lo thei lo anih thu te a sawi tak ah chuan mi challang tak tak te mawng hlimna hun a thleng ta a ni ber ami. Minister in banna a thehlut a, ruati pawh jail bang zut tur a thawn liam a ni. Heng bak ah hian officer lian tak tak 6 ngawt in thubuai lian tak an neih phah ta a ni.
.
" Naktuk dar 12 ah chawlh hman pah a zin tur in inzavaiin lo inbuatsaih ang che u" chaw ei lai a Davida'n a tih chuan a ngaihna kan hre lo kher mai.
.
" u david, keimah pawh maw?" Sawmtei chuan alo ti vat a.
.
" Aw. Kan chhungkua in chawlh hmang in Goa-ah kan kal ang. Flight ticket ka la fel vek tawh a, ka thianpa in resort a nei a, kan tan room alo dah vek tawh. Thawmhnaw ken teuh a ngai lovang. Khulam ah kan bazar nghal dawn a. Karkhat kan cham ang" kan pa in a tih chuan nutling ni ve tawh mahila ka phur kher mai. Goa hi kal ka lo chak ve em em na hmun kha a ni miau a.
.
Lengpui Airport thleng kan chhungten min thlah a, kan hlim dar dar khawp mai. Kan fanu ' LALRUATKIMI' pawh nau tlei chi tih tak ah han tah kawih engmah a nei lo. Thla 5 na a hmang mek a, enkawl a nuam tawk khawp mai. Bakah Sawmtei nen hian an in awrh tam a, ka leh awl phian thung thin.
.
Thlawhna a thlawk kang ruai ruai a, kan fanu in Sawmtei a ngen miau avangin Sawmtei'n a pawm a, tlar khat ah vek kan thu tho bawk a, nuam kan ti hlawm phian.
.
Goa a resort lian ber pawl, beach bul lawk ah chuan kan chhung in kan thleng khawm a, a nuam phian. In pakhat tawp hi min lo dah sak a, a chhawng a ni bawk. inhnuai ah room 2 a awm a, inchung ah double room 1, lian helh hawlh tak a awm bawk. Balcony atang tuipui cham put mai chu a lang chiang em em bawk a, a nuam tak zet a ni.
.
" He hmun hi ka lehkhazir lai a nangmah nen a la kaldun na atan a ka hmun duh ber a ni thin" ka pasal chuan ka kawng ah a rawn kauh chial a. Sawmtei a mu tawh a, kan fanu a muhil tawh bawk.
.
" Dave, ka lawm e aw..."
.
" Keimah hi asin lawmthu sawi tur zawk. Min nei tur a thutlukna i siam ni khan i sut leh ang tih ka hlauh avang a ka tawngtai nasat zia kha" tih pah chuan ka beng a rawn seh ne ne a.
.
" Engtikahmah, ka thih hnu thleng pawhin nang chiah hi ka pasal i ni dawn a ni"
.
Khum ah chuan min muttir riai riai a, ka thawmhnaw hak chu a pawt phelh a, a hma ah chuan saruak ngal ngat in ka mu zar mai. Mahse ka zak lo, ka pasal a ni miau a. A thawmhnaw hak phelh a ka hma a a rawn thingthit chuan ka lo phur kher mai. Kan nupa chuan vanram tlafual, lei eden ah kan cheng dun leh ta ham ham e.