MOONLIGHT LOVE (Complete)

CHAPTER -1

" Jess, nang hetah maw?" makti zet a min melhtu mipa hmeltha zet, kum 3 lai mai nupa ang mai a ka lo chenpui tawh Laldingliana ngei mai chu ka hma ah a ding run a, tunhma ang bawkin a huhang chuan min la ti zam tho mai.

.

" Nia. Eng..."

.

" Dear, ka rawn thleng har em?" ka hnunglam a hmeichhe aw-ri ka hriat chuan ka taksa chu a khawng awt thei. Chu aw-ri chu engtinnge ka hai theih tehlul ang? Kha zan, zan rapthlak zet, mipa dang nen a mu dun ang a puh ka nih avang a hnawhchhuah ka nih zan khan min nuihsawh anih kha.

.

" Jessica, nang hetah maw?" ka hma a hmeichhe ding, hmeltha zet, mahse chhungril ramhuai si, Laura chu ka en kal a, a hma ang khan ka huatna chu ala ngai reng. Engvangin nge ka huat loh tehlul ang? Ka mipa neihchhun, ka hmangaih lak ata min pawt hrangtu kha a ni miau a.

.

" Laura, i dam amaw? Ka dawr tlawm te a in rawn lenluh ve avangin lawmthu ka sawi e" ka thusawi chuan an pahnih chuan a ti phu chiang khawp mai. Madinga chu a meng buai ve nak a, mahse a rei lo. Laura mawlh chu a hmuhnawm. Kha hmeichhe rethei leh fahrah tak, belh tur chhungte pawh nei lo, a chhungte neihchhun pawhin a an duh loh kha ka ni miau a, hetiang tak a hlawhtling tur hian min ngai hauh lovang tih ka chiang a ni.

.

" I hlawhtlinna ka lawmpui a che. Kan kal phawt ange, in thil siam a tui khawp mai" Madinga chuan Laura kut ah chuan a vuan a, Laura hmel buai niaih chu kaiin a chhuahpui zui nghal bawk.

.

In ka thlen meuh chuan dar 12 a ri thuak tawh. Hei hi chu ka tih than dan a ni. A chhan chu dawr ka hawng thar ve chauh a, theihtawp chhuah ka ngai miau a ni. Kan dawr hi zing dar 10 atang zan dar 10 thleng ka hawng a, zan lam phei hi chu dar 10 a khar chat a awlsam lo viau a ni. Inbual sa a haw ka ni bawk a, ka thawmhnaw ka thlak sawk sawk a, ka khum ah chuan ka inthawlh kak a, ka mut erawh a chhuak mawlh lo. Chhun lam a ka thil tawn khan min ti harh tulh tulh a, ka rilru atang ka paih bo thei bawk si lo.

.

Kum 4 zet a liam tawh. Kum 4 hmalam ah kha chuan hmeichhe naupang, Laldingliana atchilh bur tu, a hmei nih pawh thlahlel ngawih ngawihtu kha ka ni thin. Hmei nih kha a zahthlak zia pawh ka la hrethiam pha lo. A chhan chu naupangte ka nih laiin ka nu leh pa an inthen a, ka nu in pasal dang a neih avangin ka pa bul ah ka awm phawt a, ka pa lah rei a dam lo. Ka nu erawh a thangna chin ka hre lo thung. Ka nu kha keimah ang bawk a mi bul a ni. Ka pa erawh unaupa a nei a, mahse anni chuan ka pa boral hnu ah ka lehkhazir min phalsak ta lova, mi dawr ah thawkin ka inhlawh thin. Chutah chuan Madinga nen hian kan intawng a, khatihlai khan kum 16 chiah ka la ni. Ani erawh kum 29 a ni tawh.

.

Ka dawr nghahna a kan pu ber nen an inkawm a, tlai tin alo kal ziah a, min en dan kha midang aiin a danglam deuh hlek tih ka chiang. Mahse chutiang lam hawi rilru erawh ka pu pha em em lo thung. Hnathawk ho khan kan star hlawm viau thung. Nitin inhmu ta chu kan haw na lam kawng a in an tho avangin chhuanlam ho te te siam in min thlah ta fo a, zak deuh si hian ka hlim veng veng thin thung. Kum 1 zet chutia min thlah tak fo ah chuan kan innel telh telh a, ka birthday ah mobile phone min present nghe nghe. Kei tleirawl lungmawl ta chuan ka atchilh bur a, enge a thawh a, eng mi nge a nih? Eng chhungkua nge tih pawh ka hre hauh lo. Hriat tumna pawh ka nei chuang hek lo. Amah ah khan ka luangliam a ni ber mai.

.

Nikhat chu ka dawr kal min thlah haw leh chu a bul a cheng ve tur in min sawm thut a, ka hamhaih zawk. Nia, ka chanchin hi a hre ve nual tawh a, kan inchhung a ka len loh zia te, ka dinhmun hi 50% chu a hriat ka ring. Duat pawh min duat a, a chang chuan min thlah pah hian eitur min ei puar tir hmasa phawt thin. In ah chaw ka ei puar tha ngam ngai lo tih a hrechiang ve em bawk a ni. Ka hrilh a ni lo a, ka hnathawhna a kan pu in alo hrilh zawk a nia. Veng khat kan ni miau a, ka chanchin an hre ve miau a. Ami sawmna chu ka chak rualin ka chhungte ka hlau bawk si. Khatihlai khan hmei awmzia reng reng ka la hrethiam pha lo.Kum 1 teh meuh duat tak a min lo dawm thin tawh tu bul a chen chu ka dinhmun ang ah chuan a chakawm loh theih loh asin. Mawl min ti mai thei, khatihlai khan enge a thawh chiah hi ka hre lo tak tak. Inngaizawng kan ni em ka hre chiah lo bawk. Mahse mipa in bialnu te an duat dan tur ni a ka rin ang zawng zawng hian min duat kim vek thung. Ka tan chuan ani bak a duhthusam an awm leh tawh kha ka ring pha lo mai pawh ni lo in amah bak kha mipa ka tan an pian ka ring lo.

.

Ka chhungte ka hlau tih hrethiam in ka chhungte chu amahin a rawn lenchilh a, mahse chutimai chuan ka patea nupui chuan alo remti awkawng lo mai. Mahse engtinnge an inbiak chhunzawm ka hre lo. Kan in a a rawn kal atang a ni 2 hnu ah chuan ka Patea te nupa ngei chuan hlim takin an in atang chuan Madinga bul a cheng tur chuan min vailiam thei tlat a ni. Khatihlai khan Madinga hian ka Patea te nupa kha sum leh pai a pe ang tih ka ring pha lo hrim hrim. Mahse Madinga bul a ka chen atang a kum 2 na ah Laura hi a rawn lang tan a, khatihlai khan thik nachang ka hre lo. A chhan chu Madinga khan a lehkha zir pui a tih avangin ka awih hmiah bawk. A chang a Madinga a hnaih lutuk chang hi chuan ka awm a nuam lo ve deuh thin a ni mai. Min hnawhchhuah dawn khan ka patea te kha pawisa a pek thu a sawichhuak a, engkim kha ka tan chuan a na vel vek a ni ber mai. Dawt a puh ka ni a, khatihlai a mipa dang ka awmpui ni a an sawi kha kan tlangval awmpui, inchhung tifai tur a kan lak ala ni zui.

.

Tak a, Madinga chanchin hi ka la sawi miah lo. A nu leh pa fa neihchhun a nia, apa hi TZ Hotel neitu a nia, Mizoram ah chuan hotel tha ber a ni hial ang. Mahse vanduaithlak takin Madinga lehkha zir, phai a awm alo haw tum a an zuk hmuahin motor accident-ah an boral hlauh mai a, Madinga erawh vanneithlak takin a damchhuak a ni. Tichuan Madinga chuan apa sumdawnna chu a enkawl chhunzawm chho a, tunah chuan India ram hmun hrang hrang ah branch a nei duah tawh a ni. Mahse amah hian Mizoram a awm a duh ber avangin branch dang hi chu midangin an enkawl a, mahse thla tin a tlawh kual thin thung. Kan chendun lai khan a nu leh pa te nen a an chenho na ah a awm duh lo a, a in pakhatah kan awmdun mai thin.

.

Ka harh chu khua lo var iarh tawh a, nizan lam ah nunhlui ka ngaihtuah nasat lutuk avangin ka mutthilh lai reng reng ka hre lo. Ka khum atang chuan ka zuang tho vat a, muangchang hman ka ni lo. A chhan chu vawiin hian ka dawr ah chawhma lam ah naupang birthday party a awm dawn a, tlai atang zan dar 12 thleng party dang a awm dawn bawk. Hmanhmawh zet in ka insiam a, sana ka en chuan rawng ka bawl hman tawh lo tih ka hria. Hnathawk ho ka phone a, chaw min lo chhum kep tur leh ka bazar tur thu ka hrilh a, hmanhmawh zet in car ka ti nung a, ka tlanchhuak nghal. Bazar ah dawr mamawh ka lam kual zung zung a, dawr ka thlen phei meuh chuan zing dar 9 a ri thuak tawh. Kan booking neih dar 11 atang anih tan dawn avangin ka intifai zung zung a, hnathawk ho in chaw ei an lo siam a, kan ei zui nghal.

.

Tlai dar 3 a rik meuh chuan ka chau ve nghulh thei. Birthday party a zo a, zan lam party tur a inbuatsaih zui leh ngai bawk. A neitu pawh ni ila in la lal tak a chair-a lo thut mai mai hi ka thiam der lo. Counter lam en pahin kitchen lam ah ka phei sek bawk. Hnathawk ho in lo hahdam mai mai tur a min tih pawhin ka thei meuh lo chu a ni. Zan lam party tur lo kal hma in ka inbual leh a, ka inbual zo ka inthlak lai chuan hnathawk zing a pakhat chuan min rawn ko a, ka thian pakhat in min hmuh a duh thu a rawn sawi a, ka bangbo ang reng viau. A chhan chu ka thian neih ve chhun Maengi Aizawl a awm lai a ni lo a, tunge min hmu duh awm ta ang?

.

Ka thutna hmun ka va thlen chuan sofa-a Madinga lo thu ka hmuh chuan ka thawk a buai leh nghal e. Sawifiah thiam hauh loh hian tahchhuak ngawih ngawih ang hian ka awm leh ta. Ni e, kha kum 4 chhung zet khan a hming ringawt ka ngaihtuah pawhin ka mittui a tla leh dawn thin. A chhan chu khati khawpin ka hmangaih a, a tan ka inpumpek a, a tan ka rinawm bawk. Mahse Laura thusawi pakhat lek vangin dawt a puh ka ni a, insawifiahna hun min pe hek lo. Ka hak lai nen a in atang min hnawtchhuak a, min hnawhchhuah mai duhtawk lo in sum hmang a a lei ka nih thu a sawi anih kha, kha thil khan ka damchhung hian ser min pe tawh dawn a ni.

.

" Engeni teh tlat a?" tih pah chuan ka chair bik ah chuan ka thu auh a, amah hnaih a awm pawh ka chak lo. A hmel hmuh pawh ka duh hek lo.

.

" I buai lai ka rawn nang em lovang chu maw..." a aw-ri chu a dam ruih a, hman a hmangaih tak a min be thin tu aw-ri kha a ni. Mahse....

.

" Tunah tak chuan buai lo e. Mahse ka buai leh tep tawh. Enge i duh teh mial a?" aw-ki pangai tak a ka tawng thei chu ka lawm ru khawp mai.

.

" Anih chu. Zanin atan karaoke hi a awl angem?"

.

" Dar 8-9 chu a awl a. 9-10 a awl tawh lo a"

.

" A awl hun chu ka hauh e. Mahse nangman min telpui thei angem?"

.

" A pawi ka ti hle mai. Customer te bul ah hun ka hmang ngai lo a"

.

" Jess..."

.

" Booking chu confirm nge cancel? Midang book duh an awm palh takin" a thusawi tur chu hai derin sumdawng mi ka nihna ka lantir hmiah.

.

" Confirm e. Dar 7-ah ka rawn let ang. Dinner pawh hetah ka ei nghal ang. Advance pek a ngai em?"

.

" Pek lawk hi kan duhthusam chu a nia"

.

" No problem. Engzatnge ngai?"

.

" A man chanve a ni mai"

.

Pawisa min pek fel hnu chuan min chhuahsan zui ve nghal. Diktak chuan ka biak dan kha a dik vek bik lo in ka hria. Mahse a duh duh a a tihkawi tur ka ni miah lo. Ka nunhlui a mi pawh ni se sumdawnna leh mimal nun kaihkawp ka tum lo. Tin, a in atang a min hnawhchhuah hnu khan kan inkar chu a tawp fel vek tawh bawk. Ka thusawi aia Laura thusawi awih a a chhiahhlawh ang mai a min hnawtchhuak kha na ka ti ngawih ngawih a ni.

.

Dar 8 a ri tep tawh, Madinga ala rawn thleng lo. A phone no chu ka hriat kha ala hman ka ring. A chhan chu kum 3 chhung khan a mizia tam tak ka hre ve tlat a ni. phone no thlak mai mai chi a ni lo. Mahse phone ka tum miah lo thung. A rawn thlen hun hun ah booking a tih hun chhung a hmang anga ni tawh mai. Kan buai bawk nen, ka ngaihtuah lutuk hman tlat lo. Ka chhungril erawh chuan alo thlen leh thlen loh a kap hle thung si. Party thawm tha bawk nen, ka lu chu a na ve ngut ngut tawh. Hnathawk ho pawh ka chetpui peih ta meuh lo, chair ah thu in phone ka khawih mial mial a, ka phone chu number save loh in a rawn call a, mahse kan enchiang chu Madinga number a ni tlat.

.

" Hello"

.

" Jess.... a... na.... lut..." ka u tuarh tuarh a, mahse min chhang tawh lo. Ka thinlung chu hlauhthawnna in a khat vek a ni ber mai. Khawnge a awm ang? A accident anih ka ring. Mahse khawi hmun ah nge? Ka tha chu a khur nasa ngei mai.

CHAPTER -2

Ka phone chu ka dah rawk rawk a, ka dawr buaina ka ngaihtuah hman tawh lo. Ka motor chahbi ka la chhuak a, staff pakhat chu ko in chhuah ka ngaihthu leh lo en fel tha tur a hrilh pah chuan ka tlanchhuak zui ve nghal. Khawilam nge pan tur pawh hre chuang lo in ka tlanchhuak tawp a, ka rilru chu a chawmawlh vek thei. Chak zet a thui vak lo ka tlan hnu chuan hmun pakhat ah hian an lo awm bial laih a, ka thinlung ah chuan hrilhtu awm ang mai in ka ding nghal a, motor pawh ka ti thi hman lo, chak zetin ka chhukthla a, Lalpa! Lei ah chuan Madinga chu thisen nen a inbual nuaih hian alo mu a, mi 5 vel an awm a, tumahin lo khawihsawn an tum lo anih hmel. Ka thingthi hniam vat a, tumah ka zah zo lo. A lu chu ka mal ah ka nghat a, ambulance ko tur chuan ka au tuarh tuarh a, mipa pakhatin phone a hmet mawlh mawlh chu ka hria.

.

Madinga chu ka ko mawlh mawlh a, min chhang lo, mahse a hmui a chet avangin a thi lo tih ka chiang. Ka tha erawh a khur viau mai. Ka hlauhthawn lutuk hian ka che hi a cool vek thin. Tunah pawh ka phi buai chung lo. Madinga chu ka ko mawlh mawlh a, ambulance lo thlen chuan awmdan tur ka hre lo kher mai. Mahse nichin a ambulance min phone saktu bawk khan min zui ve hlauh a, keiin ka motor ka khalh a, ani in Madinga a awmpui thung. Madinga bike chu kopang kawr ah a tlak avangin lakchhuah mai theih a ni lo a, khawvar lam a lakchhuah tur in kan kalsan ta ringawt.

.

Damdawiin hnai ber Greenwood Hospital-ah kan tlan lut nghal a, emergency room ah chuan an nawr lut nghal a, ka zui lut ve nghal bawk a, ka rilru in ka tawngtai mawlh mawlh a ni ber mai. Ka dar a min rawn vuantu chu ka en vat a, nichin a ambulance a zuitu kha a ni tih a pianhmang ah chuan ka hre nghal. Ka rilru chawmawlh lutuk leh a thim lutuk avang khan nichin khan a hmel reng reng ka lo hmu lo a, boruak chuan zir se chuan mipa hmeltha tak ka tih chi tak a ni in ka hria.

.

" Ka lawm lutuk aw... Kan tibuai che sia"

.

" Engmah a ni lo. In pa ami?" a zawhna chuan min ti phu nasa kher mai.

.

" Aaaa.... englo..."

.

" Samuel ka nia" ka tawng bah nak avang chuan thudang a rawlh anih ka ring ve nghal tho.

.

" Jessica ka nia. Min tanpui a ka lawm lutuk ania"

.

" Mizo kan ni alawm. Chuan..."

.

" Damlo chhungte in awm chuan khawngaihin lo lut lawk ta che u" nurse nu thau tawi ve lampang in kawngka atang a a rawn tih chuan Samuel chu a tanglai a tawp chat a, rual em em in kan ding zui nghal.

.

Emergency room chhung kan luh chuan Madinga chu a lu an lo tuam lak a, a hmai a thisen kai vel chu an lo hrufai nual tawh bawk. Rangzetin a bul ah chuan ka va kal nghal a, ala harh chuang lo cheu mai.

.

" Hei, a lu lampang hi naktuk ah khawl hmang a en a ngai dawn a, zan in chu kan in admit phawt a ngai dawn a ni" Doctor in a rawn tih chuan ka thaw hak a, Samuel chuan ka kut a rawn vuan a, ka rilru a buai nak mai. Madinga nutei hi chu ka hre ngei mai a, mahse han be turin a phone number ka hre miah lo thung. Tin, biak a chakawm loh hle bawk. A chhan chu Madinga nen kan chendun lai khan min haw thin em a ni.

.

" A lu a sawh na deuh tihna ami?"

.

" Englo a nia, a hlauhthawn awm loh a, mahse ala harh si lo a, engemawchen chu kan enthlak rih a ngai dawn a. A theih ang ang kan en tawh chin ah chuan hlauhawm a awm lo a. Tunge a admitna tur lehkha ah hian hming sign ang? Ka pi, ani hi i pasal nge i unaupa?"

.

" Ka thianpa a ni e. Keiman hming chu ka lo sign mai dawn nia. A nutei biakpawh ngaihna ka hre lo a, harsatna a awm angem?" ka lo ti vat a, ka thil tih mek hi a serious zia hrethiam lo ka ni lo. Mahse ka tih loh chuan tunge ti chuang ang?

.

" Harsatna awm lo e. Nurse, ani hi lehkha kha lo sign tir la, ward lam ah damlo hi in lo va dah phei dawn nia. Chuan, darkar 1 hnu ah nachhawkna khan in lo chiu anga. Ka pi, nurse hi lo va zui ta che aw..." Doctor chuan a ti zung zung a. Ala naupang hmel reuh nangin a viak a tha kher mai.

.

Ward-a kan luh thleng chuan Samuel chuan min awmpui vek a, dawr lam ka phone a, ka nau te ho an fel hrim hrim a, engkim lo tifel tur a ka hrilh chuan hahdam tur in min rawn hrilh a, ka thaw a veng deuh huai. Kan buai ni tak mai a hetiang dinhmun a din chu rilru a pik duh khawp mai. Nurse pakhat chuan Madinga phone min rawn pe a, a rik zin zia thu ala sawi zui. Nurse a kalsawn chiah tih chuan a ri zui leh nghal. Kan en chiah chu Laura hming alo lang kuau a, ka tek deuh sawk. Samuel chu ka melh zauh a, a lu alo bu nghut a, ka kalsawn zui nghal.

.

" Hello"

.

" Tunge i nih? Khawnge Madinga?"

.

" A accident a, tunah Greenwood Hospital-ah an admit a"

.

" Lalpa, ka lo kal nghal"

.

Darkar chanve vel a liam hnu chuan Laura chu a rawn thleng zui nghal a. Min hmu chu a lawm hmel loh viau nangin duhthlan tur a nei bik tlat lo a ni. Samuel pawh min haw san tur in ka ti viau nangin a duh tlat lo. Mahse a awm ve chu ka lawm letling ta phian. A chhan chu Laura hi mahni a hmachhawn tur chuan ka chau lutuk mah mah tawh a ni.

CHAPTER -3

" Ka haw san tawh mai dawn che u. Kha, i thiannu alo thleng tawh bawk a" Samuela'n a tih chuan laura nen a kan boruak ipik churh chu a rawn tidai ta deuh a, ka lawm ru phian.

.

" Kan haw rual thei ang" tih pah chuan ka tho vat a, diktak chuan awmchhan tur ka neiin ka hre tah lo. Laura mitmeng thip zet hmuh reng ka chak hauh lo. Tin, Madinga nutei te a phone tawh a, an lo kal ve vat ka ring, lo awm ve reng a tulna ka hre lo.

.

" Aaaa..."

.

" Laura a awm tawh tho bawk a, dawr lam a ka phei leh mai loh chuan" Samuel-a tawng tur chu ka lo pawtchat vat a, min hnial lo se ka ti ngawih ngawih.

.

" Nia. Ngaihtuah kan ngai lovang. Ka lawm lutuk ania. Awm lo la chuan enge thleng ang ka ngaihtuah ngam lo" Laura chuan Samuel-a chu a rawn en a, a thusawi duh dan chu ka thin a vit ve zak.

.

" Eng tham mah anih loh kha. Hei, Jessica hi awm lo se chuan kan in chhan hman meuh pawhin ka ring lo. Amah vang liau liau anih kha" Samuel-a chuan alo ti vat a, Laura hmel ka va en chu ka nuih a za letling zawk. Ka thil tih kha ka chhuang hauh lo, mahse a lawmthu sawi dan kha ka ril rem loh chi tak a ni.

.

" Ani te chu kan pa harsatna tawh hi chuan a che vat zel alawm. Ni lawm ni?" mitmeng awmze nei zet a Laura in min rawn melh chuan ka sa hat hat thei. A sawitum chu ka hrechiang khawp mai.

.

" Kan kal mai dawn em ni? In lo dam tha zel dawn nia. Taka, a bike kha ka dawr chhak deuh kawngkual lai ah khan a awm a, in lo hriat loh palh tak in" tih pah chuan ka inher nghal vat a, Samuel-a pawh ngaihtuah tawh lo chuan ka akl ang vut a.

.

" Kan haw rual dawn emaw ka tia.." Samuel-a tawngri ka hriat chuan ka ding chawt. Laura tawngkam ngeiawm tak vang a manner mawi lo zet kan tihlan leh pek chu a.

.

" Awi, sorry lutuk. Khawi veng ah nge?" inthiamlo zahzel ah chuan ka hmui ka petsawi zauh a.

.

" Tak tak a, ngailo mai rawh se. Khulai ah khuan ka motor in min nghak tawh zawk. Mahse zan a rei mai dawn sia, khawi veng ah nge i haw dawn?"

.

" Ka ngaihtuahawm loh. i motor chu a awm tak tak amaw?"

.

" Awm e. Tlan hmasa la, i in kawt thleng i hnung ah kan rawn zui ang che"

.

" Aih, a ngai lo. Dawr lam ah phei leh ka ngai a. A tul chuan ka riak nghal ang. Kal rawh, kan tibuai lutuk che a, a zahthlak'

.

" Anih chuan thuphachawi nan i dawr ah dinner min treat ngei a ngai dawn nih chu" a nui sak a, a ha ui-ngho zum vang chu a inhmeh kher mai.

.

" Tehreng mai. Engtik ah nge i duh ang?"

.

" Zanin ah hian ti ta ila.."

.

" Ihhh.... englo..."

.

" Ok2, ka fiamthu anih kha. Mahse Tuesday zan erawh cabin pakhat ka book ang. A tha em?"

.

" Engtinnge cabin book a ngai tih i hriat?" makti deuh chuan ka en a, alo nuisang thung.

.

" Ka hriatna hi a tha ve alawm. Chuan, tuesday chuan a rem angem?"

.

" Ka hre lo le. Booking a awm em ka la hre lo a. Mahse...."

.

" Harsatna a awm chuan hundang ah pawh a theih tho a"

.

" Ka birthday ania, Man Utd leh real Madrid an inkhel dawn a, ka birthday lawm nan thianho a enkhawm kan lo tum deuh a.... Mahse..."

.

" I contact number min pe phal em?" ka rinloh lam daih a rawn sawi tak ah chuan ka phu deuh zawk.

.

" Mahse..."

.

" Ohh... C'mon Jess, min hlau anih tak leh JK Man.Company i khing mai dawn nia" nui vur vur a a tih chuan ka hma a mipa ding hi tunge anih ka hrechiah. Samuel Lalhmingliana, JK Man.Company neitupa, hmeichhe atchilh rawn, nupui neih duh loh vang a senior lampang tawh, a hmeichhe kawp chin pawh Mizo hmeichhia ah chuan mi chung a leng deuh hlek an ni tlangpui.

.

" ohh, anih chu. Ih, aaaa.... cabin chu ka lo dah dawn nia. Ka kal phawt ang. Ka letna tur a tlai dawn lutuk. Engkim ah khan ka lawm lutuk ania" ka ti bah nawk nawk a, a nuih zawng a a ha var rual that mai chu electric rawn chhun ah chuan a langchiang kher mai.

.

" Aw le. Taka, mi pasal tan chuan i uiawm lutuk. Mangtha le" tih pah chuan a inher nghut a, ka chhan ve hma in a kal daih zui. Ka ngei kher mai. A ngaihdanin Madinga kha nupui nei lai, keiin lo ngaizawng...hmmmp... A teuh lo hnaisai mai si.

.

Madinga chanchin engmah ka hre zui ta lo. Hriat zui tumna pawh ka nei hek lo. Tum pawh ni ila hospital-a ka kal a ka ngaihven anih ngawt loh chuan a chanchin hriat ka tan a harsa khawp ang le. Han kal ta ila eng ang chiah in nge lawm ka hlawh loh dawn tih ka hrechiang ngang mai. A Nutei tawngkam ngainatawm loh zet leh Laura mitmeng thip ram mai han tawng leh kha ka chak hran lo e. Chutihrual erawh chuan tawngtaisak erawh ka thulh ngai bik lo. Ka phone ri rang rang chu peih lo zet in ka ban a. Sunday ah hi chuan phone call dawn vel hi ka chak loh zawng tak a ni.

.

" Hello"

.

" I mu tui lai ka rawn tiharh che ava ang ve" chu aw-ri ka hriat chuan ka phu zawk thei. Ka beisei hauh lo. Tin, ka phone number engtinnge a neih? Dawr phone ka hawn theihnghilh a, dawr phone number chu nei se ka hrethiam. Mahse ka mimal phone number kher kher.

.

" Tunge?"

.

" I phone number nei tur in nimin lam ah ka staff te ka rawn tir a"

.

' Ka va hre mai lo che ve"

.

" Samuel... Tichuan i hre tawh ang chu maw?" ka hre lutuk hi ka nuih a za zawk.

.

" Anih chu. Engenita?"

.

" I hnathawh loh ni chuan i biak ve theih ka lo ring deuh mawle"

.

" Theih loh pawh ka ti chuang lo a. Mak ka ti deuh mai mai mawle" ka ti ve ta nge nge.

.

" Anih chuan i in kawngka min hawn la" a tih chuan ka mu lai chu ka zuang tho zawk. Ka in awmna lehzel pawh a hria a. eng mihring chiah nge maw a nih le? Enge ka lak ah hian duh a neih le?

.

" Fiamthu thawh nan chuan ka in fit viau lo ania"

.

" I kawngka hawng la fiamthu thawh ka ni lo tih i hria ang chu" tih pah chuan phone a dah zui hmiah a, peih vak lo leh ring ngam chiah lo chung chuan ka tho a, kawngka ka va hawn chuan kaawngka bul ah alo ding khur lehnghal.

.

" Lo lut rawh" tih pah chuan kawngka chu ka hawng zau a, ka thin erawh a chhan hriat si lohin a phu rang em em thung.

.

" I in chu ava nuam reuh ve" tih pah chuan sofa ah chuan a thu a, amah a palian sia, ka in a te si, a luah khat hmuk ni ber in ka hria.

.

" Enge ilo tih dawn?" ka tih chuan a nui hawk a.

.

" Mipa reng reng hmeichhe in a an len luh chuan duh an nei pawh a ni mai thei asin" a tih chuan ka lo ner sawk a.

.

" Nih enge i duh a?"

.

" Tak tak a, khulai ah khuan ka kal lawk a, ka rawn lut kawi mai mai. I duh vak nange/"

.

' Aaa... chutiang lam pawh a ni lo. Ilo lang thut sia..." ka ti ta niah niah ringawt. Ka zam ru em em bawk. Mahni inchhung mahnise a huhang hi a na hrep mai.

.

" I mu tui lai ka rawn tiharh che a ang riau. Taka, kan tlangvala kha enge a an tawh awm?" ka rinloh lam daih min zawh avang chuan ka hamhaih ang reng hrep mai.

.

" Ka hre lo. Ka be leh miah lo a"

.

" Anih chu. Ka thu rei lo mai ange. Kalna tur ka la nei a" tih pah chuan a tho uaih a, chelh tange pawh ka ti hlei lo.

.

Monday zing a ni. Dawr kal tur in ka insiam mawlh mawlh a, ka in kawngka kik ri ka hriat chuan ka va hawn vat a, ka tum loh lutukin Madinga Nutei alo ding khar mai. A hmel chu a nelawm lohin engpawh thleng se min khawih hrep duh hmel a pu in ka hria.

.

" Enge i duh ve teh mial? Lo lut rawh" tih pah chuan kawngka ka hawng zau a, ngawirengin kan inzui lut a, boruak chu a rit kher mai.

.

" Mambawiha hospital luh dawn ah family aiawh in hming ilo sign tih ka lo hria a, eng rilru pu a ti nge i nih?"

.

" Nute..."

.

" Mawii ka nia" ka thinlung chu a na sawk thei.

.

" Nu Mawi, nia, doctor kha a hmanhmawh tawh ang reng sia, lo biakna mai tur che u ka hre lo a, ka ti ta mai a ni. Thil pawi thei a awm em ni?"

.

" Kan chhungkua a i rawn lan ve atang hian engkim mai hi a pawi vel vek asin. Mambawihi i phatsan a, chupawh in awmpui lak ah lehnghal, rilru na takin i tlanbosan a, hmalam a pan ve tan laiin a nun ah i rawn lang leh a, a lak atang hian hla tak ah awm tawh ang che. Anihloh chuan i eizaawnna thlengin pawi a thleng palh hlauh ange" chiang fek fawk a a tih chuan ka ip zawk zawk thei. Hman a a mizia kha ala ngai reng tih hrilh nawn ka ngai lo chiang khawp mai.

.

" Nu Mawi, a pawi ka ti hle mai. Ka lo fimkhur tawh dawn nia. Mahse i fapa hnen ah chu kei min hnaihna tur chhuanlam zawng lo tur in ilo hrilh dawn nia" ka ti let ve ta fak a, a mitmeng chu a ling hlar hlar khawp mai. Mahse hman a hmeichhe naupang, amah hlau a kimki chawih chawih thin kha ka ni tawh tlat lo a ni.

.

" Chu, Mambawiha chuan nangmah hnaih dan tur che alo zawng i tihna em ni? Jessica, fahrah, chhungte duh loh, sum a an hralh mai mai hian ka fapa hi dawt a puh tum hlek suh" Nu Mawii chuan a ti leh hlawih hlawih a, mak ka ti hran lo. Fahrah, chhungte duh loh ka ni tih ka hria. Mahse hralh ang a min sawi kher erawh na ka ti tawp thei dawn lo anih hi.

.

" Nu Mawi, eng dawt mah sawi ka duh lo ve. Khawngaihin min chhuahsan thei tawh angem? Hna ka thawh a hun ve tawh dawn a. Thingpui lum sak che duh viau mahila ka eizawnna ka ngai pawimah si a, nidang ah ka la lum...."

.

" I thingpui lum in tur a rawn kal ka ni lo. Ka thusawi kha hrereng ang che. Hmuh nawn leh che ka duh tawh lo ang" tih pah chuan a tho nalh a, kawngka na tawk a khar pahin min chhuahsan zui nghal. Nu rapthlak tak hi chu a ni ve chiang alawm.

CHAPTER -4

Nu Mawii'n min hmusit zet a ka in luah ah hial min rawn kalchilh avang chuan ka nun chu a nguai ve deuh ngei a, mahse ka hnathawh erawh a tibuai thiang hauh lo. Kum khalehchen an chhungkua avang hian ka tuar hnem tawh. Tunah chuan tu vang mahin ka kaihza ka thlep tawh hauh lovang.

.

" Pi, dawr phone ah nangmah be duh che an awm a, lo call leh tur in ka lo ti mai" Ka hnathawkte zing ami chuan dawr ka thlen rualin min lo hrilh vat a, ka chair-a thut pah chuan phone min pek chu ka en vat a, tunge anih hrilh nawn ka ngai lem lo. Phone ah a number save lo mahila ka thinlung ah hian a in save vek tawh miau a ni.

.

Dawr phone rawn ri thut chu ka phu nasa ngei mai. Ka en a, tudangmah a ni lo. Amah ngei a ni.

.

" Hello, puih theihna che ka nei em?" ka hai der lui ve tlat a.

.

" Ka phone number pawh theihnghilh hmak thei tur khawp in min lo hua tihna em ni?" a aw-ri ah chuan na tuar ri ka hre thei. Mahse chumi vang lek chuan ka nem phah hauh tur a ni lo.

.

" Min lo hrethiam la, ka hnathawh hunbi ah chuan mimal ang a kawm hman ka ni lo. Thil pawimawh a awm anih chuan sawi la, anih loh chuan ka dah mai dawn ania" ka ti deuh fak a, diktak chuan ka be chak hlawl lo.

.

" Sorry. Mahse hospital atang ka chhuak dawn a, i signature ka mamawh a ni" a tih chuan mak ka ti viau. Engvang a ka signature mamawh nge a nih ka hrethiam hauh lo.

.

" Engvangin?"

.

" Hospital ka luh dawn a hming sign tu hming sign tello chuan ka chhuak thei si lo chu anih hi. Dar 1 rik hma in i rawn thleng dawn nia" tih pah chuan phone a off zui hmak bawk. A mizia ala paih hlawl lo. Keichuan ka mizia ka paih then nual tawh. A duh duh a a tirh kual thin kha ka ni tawh lo tih a hre mai ang.

.

Customer an awm ve neuh neuh avangin ka buai ve reuh khawp mai. Ka phone ri pawh ka ngaihsak meuh lo. Hna ka thawk anih chuan phone hi ka ngaihsak em em ngai lo. Mahse ka thian neih ve chhun, Maengi, ka inluahna bul a inluah ve thin, a hna kal remchan zawkna avang a veng dang a min insawn san tak erawh ka be hman ziah thung.n A chhan chu ani hi ka tan a hlu a, ka chhungkaw neihchhun a ni. Thla 3 chiah kan inthenawm hman a, kum tam tak ka lo thlakhlelh thin, ngaihsakna te, duatna te, hmangaihna te amah atang hian ka dawng hman vek a ni. Ka chanchin a hre vek a, a chhan chu ka ringtawk miau a ni. Ka chanchin ka hrilh ni chuan a mittui a tla zawih zawih a, min kuah a, ' Engkim a tha leh vek anga, hmeichhe hlawhtling tak ila ni ngei ang' min tih kha ka hre reng tawh dawn a ni. A tawng tam lo a, mahse kan pahnih a kan awmdun ve chhun ah chuan tawng kan inchuh ve nasa thin. A inluah a sawn dawn khan ka huphurh lutuk hi chaw kan ei dun laiin ka tap chhuak hial kha ania, mahse a tan a tha zawk leh a awlsam zawkna chu ka ngaihtuahpui ve lo thei lo.

.

A chanchin kan sawi nghal law law ange. Ani chu chhungkaw pangai tak atang a seilian a ni. Aizawl khua an ni lova, hna avang a Aizawl a mahni a inluah ve a ni. Mahni lu zo tak, chawmhlawm nih tum miah lo, mahni hna ngaipawimawh leh hna hlen mi tak a ni. A hnathawhna hmun a ka kal ve tum chuan a mizia nen a inhmeh lo takin alo ri ve lung lung a, ka nuih a ti za em em pek. Veng awmna hrang tawh mahse kan hna kal loh ni, Sunday hi chuan hun kan hmang dun ve ngei ngei a ni. Ani chu ngaihzawng nghet, mipa fel tak, ngainatawm leh hmeichhe tan a innghahna tlak tak a nei a, ka lawmpui. Mahse ka awt chuang hlek lo. Ka hun kal tawh avangin mipa hi ka hnaih hleithei meuhin ka ring tawh lo. Chulam chu ngaihtuah pawh ka ngaihtuah ngai hek lo.

.

" Pi ber chu a buai viau aniang, phone call a pick up loh dan ah" kawngka atang a rawn ti lut lang lang tu chu ka en vat a, ka rinloh dan daihin Samuel-a a ni zui.

.

" Teh hlawl che chuan. Lo thu rawh. Khawnge i kal a?"

.

" Hetah ka rawn kal. Ka phone i la thei si lo a" nui vur vur a a tih chuan ka phone chu ka la kang vat a, kan en chu miss call alo tam ngang mai. Ka inthiam lo lek lek zawk.

.

" Ka phone ka lo silent daih a. Thil i ei dawn mi? Lo thu la"

.

" Ei dawn a, chuan hall hi book kan duh deuh a. Staff thenkhat in party an rawt thut a, helai hi kan rawn thlang nalh anih hi. A rem ang chu maw?" tih pah chuan sofa-ah chuan a thu a, a palian roh si a, hmuhnam tham a ni.

.

" Dar engzatah nge in duh ang? 5-7 hi a awl lo a. 7 atang chuan a awl ve thung anga"

.

" Kan duh hun tak anih dawn chu. Dinner lam hi a theih nghal tur ah kan ngai ngawt a"

.

" Theih e. In chawhmeh duhzawng sawi ula, kan lo buatsaih dawn nia"

.

" A awm ang ang kha siam vek tawp rawh u. Mi 17 kan ni anga, a tul i tih ang ang khan lo siam tawp mai rawh. Coffee min han pe ta che u" a tih zawm zat a, thupe thang anih zia ka hrethiam nghal. Ka nau te chu coffee siam tur in ka tir zui nghal a, ka lawm ru ver ver khawp mai. Kar bul tanni a booking lian neih hi nuam ka ti thin a ni.

.

Coffee an rawn pek hnu chuan customer an luhchhuah ve reng avangin kan inbe ta mang lo. A kal dawn ah chuan dar 7- a an rawn thlen hman tur thu a sawi a, min kalsan zui nghal. Keipawh ka hna lam ah ka buai chhunzawm nghal a, kitchen lam an buai deuh avangin counter ah chuan staff pakhat ka thut tir a, kitchen lam ka pui zui ve nghal. Mi tam tham deuh hlek dinner party hi chu inbuatsaih lawk ve a ngai viau thin. Chutihrualin ka nau te ho hian surprise booking ang ah hian buaina awm miah lovin an lo handle thei zel bawk. Ka tan a Pathian min pek te liau liau an ni. Staff pakhat in ka thiannu alo kal thu a rawn sawi chuan rangzetin ka tlan phei vat a, mahse ka beisei hauh lo zawk Laura a ni tlat. Sofa ah chuan thu in min lo melh thip hlar a, ka eizawnna hmun a inhauh ka duh hauh lo. Ka rilru in ' Jessica, zaidam ang che' ka in ti mawlh mawlh a ni ber mai.

.

" Teh hlawl che chuan. Eng i duh ve teh khiah?" nui sang chuan ka ti vat a, mahse a nui ve eih lo. Customer an awm bawk si, staff ho lah in a hmelthat vang nge an lo melh duh phian lehnghal a.

.

" Khawnge kan inbiak theih ang?" ka thaw huai mai. Diktak chuan customer leh ka staff te awm lai a inhauh ka duh lo tak zet.

.

" Khulam ah khuan kan in be thei ang" tih pah chuan varendah thlang lam ah chuan ka chhuak nghal a, ka hnung ah chuan min rawn zui ve nghal bawk.

.

" Engvang a Madinga nun ah hian lo let leh nge i nih?"

.

" Chumi sawi tur chauh chuan maw ilo kal?" ngaipawimawh lo lui zet chuan ka nui hak a, nep ka ti lutuk tlat.

.

" Min tham lo lutuk in awm vel duh suh. I staff te hian an pi ber hi a hmei tanna pa phatsan in an awmpui...."

.

" Laura, i ti mah mah tawh e. I dawtsawi tam lutuk avang a tawrh reng ka tum tawh hauh lo ania. I tlangvalpa chu va buaipui la, ka nun ah hian rawn inrawlh tawh suh ang che" ka ti kha ve ta fak mai. Ka chhanna chuan a ti hamhaih tih ka hria. A awm lo lem lo. Tun hma kha chuan ka chhang ngai lo a, Madinga nen nupa ang mai a kan chendun lai pawh khan Madinga inti ta tu tak a ka awmlai reng pawh a a bawh huam thin lai khan Madinga chan ka hlauh luat ah a lakah khan ka tlawm ngawih ngawih thin tlat a ni.

.

" Hre rawh. Harsatna a tawk palh emaw, eng dinhmun ah pawh ding se ka ta a ni tih theihnghilh lo la, a nun ah rawn in lan tawh lovang che" thinrim aw khur dar dar chuan a ti a, a hmai chu thinrim avangin a sen vek thei.

.

" Khawngaihin ka nun ah hian rawn lang tawh lo ula, Madinga pawh ka lak atang a lakhran i duh anih chuan kei min en lovin i hmangaihna kha ringtawk zawk ang che. Buailohna tur a buai hi hun khawhralna leh mahni indahhniamna mai mai a ni" dam dap chuan ka ti leh hmak a, theih se chuan min pawt sawm vek duh hmel a pu.

.

Vanneihthlak takin kan booking hmasa ten an timing darkar chanve in an rawn pawt hma hlauh a, ka thaw huai thei. Inbichilh lutuk hi chuan chet fello palh a awm ve thin a, inbuatsaih lehna hun awm hi chu kan duhdan a ni tlangpui thin. Maengi hna bang hma a rawn kal hlauh bawk a, ka lawm kher mai. Mahni chauh hi chuan counter thut ngai bawk, kitchen lam an indaih loh phei chuan puih ve thin ngai ve tho bawk, ka buai ve thin. Ani a rawn kal hi chuan counter ah min thutsak ve mai thin a, kitchen lam lungmuang deuhin ka pui thei thin a, a zia khawp mai.

.

Dar 7 ah chiah Samuel-a te ho pawh an rawn thleng kim thlap a, hall lam ah an lut phei diak a, ka rinaiin an puitling in an zahawm hlawm. Tin, an zing ah khan Samuel-a a langsar nalh bawk. Hall lam a an luh fel hnu chuan Maengi chuan min rawn nuih var var a, Samuel-a chhiatloh zia thu a rawn sawi nghal. Ka rindan sa. Mipa hmeltha tak ni miau hek. Tin, kan thiandun hi chuan kan duhzawng hi a in ang riau tlat a ni.

.

Maengi'n min haw san a, keipawh haw turin ka insiam mek. A hma tawh lo nangin naktuk ah office dawr ka ngaih avangin in a riah ngei ka duh a ni. A chhan chu ka file pawimawh in ah ka dah daih a, la tur a kawi leh vel ai chuan ti in ka haw lui chu a nia. Ka inluah hian garage a nei thlap a, ka inluahna te lah chhungkaw zahawm tak, Pathian tih mi tak an nia, ka tan chuan an hlu tak zet. Fanu nei lo an lo ni kher nen an fanu ang mai hian min cheibawl ve thin a ni. Chutihrualin inven chintawk neih erawh thil tha ka ti. A chhan chu thisen inzawmna nei kan ni lo a, an felna leh thatna vang ringawtin chintawk nei lek lo in ka nel tur a ni ngawt lo tih hi ka ngaihdan pakhat ve a ni.

.

" Happy birthday" ka inbual zawh a mu tur a khum a ka lawn chiah chuan ka phone a rawn ri a, Samuel-a a ni.

.

" Ka lawm e"

.

" I chau awm mange. Ka rawn tibuai lo che maw?"

.

" Buai lo e. Ka inbual zo mut ka lo tum chiah a. I thlenna a rei tawh em?"

.

" Rei tawh e. Vawiin dinner chu?"

.

" Tui in ti vak lo mi?"

.

" Ka la ei si lo a"

.

" I ei ve lo maw? Ngatinge?"

.

" Vawiin ni 8 a nia, i birthday ania, dinner ka la ei lo. Tumahin an la ei ka ring lo" nui hak hak a a rawn tih chuan ka harhchhuak chiah. A chimawm hrep mai.

.

" Hmmp... Iva chimawm"

.

" Ka sawi dik lo mi?"

.

" Dik tho e. Min lo wish a, ka lawm lutuk"

.

" Tui deuhin i mu dawn nia. Dar 2 ah ka rawn lam che anga, birthday shopping kan nei dawn nia"

.

" Mawww? Ka duh teuh lo" tawngkam mawi ka hmang hman pek lo. Mahse ka inchhir chuang hek lo. A chhan chu min bazar pui tur in ka tan hmelhriat tha tak a ni miau lo a ni.

.

" Min hlau ami?"

.

" Hlau lo. Mahse hmelhriat chian loh bazar pui ka duh lo. Tin, ka hman lo bawk. Ka thiannu nen thiltih kan tum a"

.

" Ok. Muttui le" phone chu a off zui hmak a, a mizia teh thut chu a. A lungawi lo a ang. Mahse enge pawi? Dawt ka sawi kiau lo. Mahse kum tam tak hnu a wish ka dawn leh hmasakna ber a ni. A hlu tak zet tih a hre lo anih pawhin ka lawm tho tho a ni.

.

Kei, Maengi leh Samuel-a te chuan dinner kan ei ho a, nuam ka ti khawp mai. Maengi chuan ka feeling tur chu a hrethiam ang. Ka baihvai thin zia hretu a ni miau a, Samuel-a chuan a hrethiam ve teuh lo. Mahse nuam kan ti tlang tho. Cake tui zet Samuela'n min lo kensak a, ka lawm kher mai. Kan 3 te chauh chuan kan hlim in kan bengchheng tawk ve viau. Samuel-a leh Maengi lah an ti ti a inrual hrep lehnghal.

.

" Thiannu, Samuel-a hian a duh che in ka hria" kan thiandun chuan chawlhni tlai ni tla thlir in kan lengchhuak a, Maengi scooty ah kan inphur mai a, motor ka keng buai peih lo.

.

" I ho. Mi hausa, luck, chhelo bawk si hian min duh teuh lo"

.

" Teh duah a che. Duh lo che se i chanchin hi a hre tam viau lo tawp ang" ka thiannu chu ka en vat a, ani erawhin ni tla tur lam chu a hawi diah thung.

.

" Enge i sawi awmzia?"

.

" Madinga nen in chanchin ania ka tih?"

.

" Maw?"

.

" Hmanni ah hna vangin a office ah kan kal a, chuan, Ramliana nen an inhre bawk a"

.

" Chuan?"

.

" Madinga hotel ah hian share a nei tih pawh i hre lo anga"

.

" Ka ngaihven lo"

.

" Mipa tha tak a ni in ka hria"

.

" Ramliana awm lo se chu i nei mai tur ania" nui sang chuan ka lo ti ve mai a, a sawitum chu ka hel hram hram a ni.

.

" Hey, nangma tan alawm ka tih. A duh che"

.

" Haw tawh ang. Vawiin chu i in ah chaw ei ang. Zan ah min thlah peih chuan" tih pah chuan ka tho tharh a, ka duh loh chin hi chu sawipui ngaihna ka awm lo tih hre tu ka thiannu chuan nui hak hak in min rawn zui nghal.

.

Ka birthday atang thla 1 lai a liam leh tawh. Samuel-a chu nitin deuhthaw a rawn kal a, mahse a mawi lo zawngin a awm ngai lo. Dinner a rawn ei deuh ziah ti ila dawt ka sawi lovang. Madinga emaw, Laura emaw reng reng in thawm an rawn nei ta lo chu ka thawhuai thei. Samuel-a pawh ka ngaina ve sawt viau.

.

" Naktuk hi ka birthday ania, kan in ah dinner ei turin i thiannu nen ka sawm thei che u angem?" Samuel-a dinner ei zo cabin atang a rawn chhuak chuan a rawn ti a, chhan mai ngaihna ka hre lo kher mai.

.

" Ka hre nang. A zahthlak awm"

.

" Zahthlak loh e. Mi kan tam dawn lo a, ka cousin a rawn kal ve anga, kan chhungkua leh i thiannu leh a bialpa. Tha em?"

.

" In ka haw hun ah ka rawn hrilh dawn che nia" ka thiannu ka biak hmasak loh chuan ka chhang mai thei tlat lo.

.

Ka thiani te pahnih in aw an lo pawh tawh bawk a, ka tan hnial chi a ni lo tih ka hria. Ka insiam mawlh mawlh a, inchei dan tur ka hre lo kher mai. Kekawr dum tluan, smart pant ka ha a, coat ka ha a, high heel ka bun bawk. Ramliana'n motor a ken tho avangin ka keng buai duh ta lo. Samuela'n min rawn lam a tum viau nangin an in kawng min hrilh a, keimahni in kan kal ta zawk.

.

Samuel-a te in kan thlen chuan pawn ah min lo hmuak a, inchhung kan luh chuan a nu leh pa leh a unaunu pakhat an lo awm a, an fel em em lehnghal. Chhungkaw kawm nuam leh inpawh tak an ni tih a hriat. Kawngka lam a thawm lo awmna lam chu kan hawi thap a, ka mi hmuh avang chuan ka thaw a tawt nghal vek. Laura leh Samuel-a hi in cousin an ni tihna maw? Nge Madinga zawk?

CHAPTER -5

" Hetah nang hian..." Laura hmel chu rapthlak khawp in a sen thei. Min hmu chu a lungawi lo tih ka hria, keipawh ka lungawi bik hauh lo. Tin, Samuel-a lak ah pawh ka lungawi bik hauh lo. Ka chanchin a hria tih Maengi hnen atang ka hre vek tawh a, engvang a helai hmun a sawm ve nge anih? Anih loh pawhin a sawm duh anih chuan keihi engvang a min sawm ve nge anih?

.

" Laura, Jessica hi ka mikhual a ni. Ka sawm a, mimal nun engmah tihlan ka duh hauh lo" Samuel-a chuan nghet cherh chawrh a a rawn tih chuan ka thin a ur lehzual.

.

" A pawi ka ti hle mai. He hmun hi ka awm ve na tur ni in ka hre lo" tih pah chuan ka tho a, Samuela chuan rang zetin ka ban ah a rawn vuan a.

.

" I awm a awm duh lo chu an chhuak mai tur a ni" a tih lai a Laura hmel chu hmu ve ta ula in nuih a za zawk hialin ka ring. Madinga erawh tawngkam khat mahin ala tawng ve hauh lo. Mahse a hmel insehruh tlat ah chuan a lung a awi tehchiam lo tih erawh hre tur khawpin ka chenpui rei ve tawh tlat a ni.

.

" Sam, ani hi..."

.

" Ka hria. Tunge anih sawi a ngai lo. Ka hun pawimawh ah hian sawm i phut ang in ka sawm che u a, buaina ka duh hauh lo" Samuel-a aw-ri chu a fiah in a chang tha ret rawt khawp mai.

.

" Anih chuan ka ngen vang chauh a min sawm maw ilo nih?"

.

" Laura, a tawk. Ka kalsan phawt mai ang che u. Min zui dawn nge ila awm dawn?" a vawikhatna atan Madinga a rawn tawng chhuak ve ta.

.

" Aih. Helai hmun hi ka nutei te in a ni. Mihrang..."

.

" I tawngkam fimkhur rawh" Samuel-a chuan a ti vin ta thak mai. Keipawh ka lo ip zawih thei. Maengi leh Ramliana lahin tawng ngaihna an hre bik lo.

.

" Sam, heti hian i ti thei lovang" laura aw chu a mangang tan tawh. Sawi tur reng ka hre lo. Madinga mitmeng chu keimah ah a fu reng bawk.

.

" Ka ti thei a, ka ti bawk. Buaina siam tur tan helai hmun ah hian hmunawl a awm lo. Jessica leh a thiante hi ka mikhualte an ni" Samuel-a aw chu a chang tha lutuk tlat. Keimah vang a a unaunu mualpho tak a a awm chu nuam ka ti hauh lo. Mahse enge ka tih chuang ang?

.

" Khawngaihin, inchhungkua ah harsatna siam ka duh lo. Kan kal zawk ange" tih pah chuan Maengi chu ka zuk melh a, ka zak a ni. Mi chhungkua tibuaitu ti a chhal ka ni leh ngei dawn. Laldingliana vang hian ka khawvel ava han chep tak em!

.

" Ni lo e. keimahni zawk kan kal ange. Samu, i hun pawimawh tak kan tihbuai avangin pawi ka ti hle mai. Laura, kal phawt ang" Madinga chuan a rawn ti veleh a, Laura ban ah vuan ina chhuahpui nghal a, tumahin engmah reng kan sawi lo. Hrehawm ka ti tak zet a ni. Tun boruak avang khan Laura thinrim eng ang chiahin nge chet a rawn thawh leh ang? Ka chau tawh takzet a ni.

.

Engtintin emaw Samuel-a birthday chu kan hmang zo ve mai. Mahse boruak erawh a uap churh ta vek a ni. Haw lam pawh kan tawng tlem hlawm khawp mai. maengi'n min tihhlim a tum viau na in ka tawng peih meuh lo chu a ni.

.

" Hna thil ah ka zin chhuak dawn a, zanriah ka rawn ei dawn. Cabin pakhat lo dah awl la" Maengi hi chu a zin dawn chuan ka dawr a chaw eidun a rawt ziah. Keilahin nuam ka ti em em bawk. A insawn hnu hian kan inkawm tam lutuk thei lo a, mahse sunday leh hun remchang kan neih erawh kan bawhpelh ngai meuh lo.

.

Nileng a kan buai hnu chuan dar 5 ah cabin pakhat ka dahruah tir a, he cabin bik hi chu kan thiandun a kan ngainat ber a ni. Chaw ei an la awm avangin Maengi lo thlen laiin counter-ah ka lo awm lo. Kitchen lam ah ka buai daih a, staff pakhatin min rawn hrilh chuan ka phei vat a, mahse sofa-a alo thutpui ka hmuh chuan ka ding deuh chat a, ka beisei hauh loh a ni.

.

" Hey, tlangval ka rawn chhar phei" tih pah chuan Maengi chu a nui huah huah a, Samuel-a pawhin min lo nuihsang bawk. A birthday hnu ah khan vawikhatmah a rawn lang leh lo a, kan in be ngai hek lo. Karhnih zet a liam tawh. Ka vei zui hek lo.

.

" Chutichu member 1 in kan punbelh a ni mai alawm' tih pah chuan sofa ah chuan ka thu ve nghal a, Maengi lah a nui ang huah huah a. A bul a awm hi a hahdamthlak thin.

.

' Ka rawn tibuai em lovang che u maw?"

.

" Buai tak leh ka zin chhung ka thiani veng tu ah i tang anga ni mai alawm" maengi bawk chuan alo ti zung zung a, he nu hi chu a duhna ah hi chuan a chimawm ve thei phian mai.

.

" Ka ven duh an awm chuan ka veng pauh anga ni mai alawm" ka hmui ka lo pet sawi a, min nuih dun nasa mai.

.

" Taka, thiannu, Ramliana alo kal dawn a, a pawi lovang chu maw?" cabin-a kan thut luh hnu chuan Maengi chuan a ti vat a, pawi ka ti dawn lo tih hresa reng chung a min rawn der thin hi min ti lawm thin. Inzahder tawnna hian inlaichinna a ti nghet in a ti zahawm thin, eng inlaichinna pawh ni se.

.

" Pawi lo nasa. Mahse haw rual in tum leh ngei anga..."

.

" Motor alo keng dawn lo. Keipawh scooty ka keng chuang lo. Min phur haw anga"

.

" Yes"

.

" Chuan keive hi" Samuel-a chuan alo ti bauh a, ka lo ngaihtuah leh pek tawh lo.

.

" nangchu motor i keng tho alawm"

.

" Keng bik lo. Driver in min rawn drop tawp a"

.

" Nihleh kan haw ho vek mai dawn nia"

.

" Tak tak a, min rawn hruai leh ang. Ka tibuai lutuk palh ang che"

.

" Buaina awm lo. Kan haw hma deuh anga"

.

" Ngailo tak tak. Dar 9 ah meeting ka nei a, ka fiam mai mai che anih kha"

.

Ramliana lo thlen hnu lawk chuan chaw kan ei zui ve nghal a. A chang chuan Ramliana'n Maengi a duat thiam lutuk thin hi awhawm tih chang ka nei fo. Mahse ngaihzawng nei leh tur hian ka inringtawk chuang hauh lo. Hnawl leh dawt a puh nawn ka hlauhna hian mipa min hlat tir a ni tawp mai. Ka eizawnna ah ka buai tawk bawk nen, ka mipa hnaih ve awmchhun te chu Ramliana leh Samuel-a zawng hi an ni mai.

.

" Bawihi, i Patea'n hmuh che a duh a" ka Nutei thil sawi chuan min ti nghing dawt thei. Engvang a min hmu duh nge a nih? Min hralhtu hian harsatna ka tawh lai khan min lo kuangkuah em? Pukchawp tak meuh meuh a vairam a ka kal dawn khan khawnge a awm?

.

" A pawi ka ti hle mai. Hun ka nei rih lo a ni. Ka remchan hun ah ka la rawn be dawn nia"

.

" Ni lo, i Patea hi a kal tep tawh a, chumi hma a hmuh ngei che a duh a ni" mak tak maiin khawngaihna chhete mah ka nei lo. Min hralh kha chu ka dem lo ni lo in Madinga ka duh ve em avnagin hriatthiamna tlem chu ka nei. Mahse Madinga'n min hnawhchhuah hnu a va haw ka tum khan engtinnge alo tawng kha? ' Mihur vak vel ka awmpui duh lo che' alo ti anih kha. Zan khawvawt hnuai a mi garage-a min hmuh hlau chung chung a ka riah kha ka theihnghilh tawh ngai lovang.

.

" Ka remchan hun ah ka rawn kal dawn nia" phone chu ka dah hmak a, ka hah a ni. Ka pa thlarau ka zah a, mahse ka thinlung hliam a dam thei si lo. Ka nunhlui ka ngaihtuah let a, vairam kal tur khan mi in ah awmpui ang in thla 2 chhung ka awm a, Madinga nen a kan chendun lai a kan thenawm nula ka be pawp a, ani in a thiante kal tur awm hria in an rualin min kal tir ve tawp anih kha. Kan thlen hlim in engmah neih ka nei lo. Rs.125 chiah ka nei tawh. Mahse ka kalpui ten min hrethiam a, an theih ang ang in hna min zawnpui nghal a, tawng thiam lo chung chung in hna, ka thawh tawk min hmuhsak a, ka hna hmuh ni a ka lawm zia leh ka khawhar si zia kha. Tichuan theihtawp a tan la in tawng ka thiam chho vat a, hna dang, hlawh tha zawk ah insawn in hmalam ka pan ve bek bek anih kha. Lungleng tur in ngaihtur chhungte ka nei ve lo a, Mizoram a haw tur in belh tur chhungte leh in pakhatmah ka nei lo. Mahse chu chuan keimah ah tumruhna min pe a, kum 4 chhung zet chu haw miah lo in ka inkhawl ta a, tichuan tun a ka dawr hi siamthei tur in ka inkhawl ve hman ta a ni.

.

Ka nun hmalam ah khan ngaih ngawih ngawih tur a awm lo. Mipa pakhat hmei ve mai ka ni. Chupawh a lei a lei ka ni, ka hriat hauh lohin. Keichuan hmangaihna emaw ti in ka lam ve em em a, mahse alo ni hauh si lo. Khang kan chen dun chhung zawng khan engtinnge min hmangaih ve miah si lo khan khatikhawp khan min duat in min ngaihsak theih? Mahse khatikhawpa min duat tu khan thudik min zawh tum miah lo in dawt vangin a in leh a nun atang min paihchhuak ta si anih kha. Ka ngaihtuah let duh lo rei ta viau a, zanin zet chu ka ngaihtuah let lo thei lo. Ka Nutei khan min rawn be lo se tui takin ka muhil tawh ngei ang. Mahse zanin zet chu vairam ka chhuk tirh a ka thinlung sahal ang khan ka sahal leh huam huam tawh. Ka tap thei lo a, mahse ka thinlung erawh a tap vawng vawng tho si.

.

Maengi zin bawk, Sunday ninawm tak chu a ni. Ka inkhawm zawh chuan keimahin ka awm ran a, nizan lam a ka Nutei nen kan inbiakna bawk chu ka ngaihtuah leh a, ka pa ka mitthla ah a rawn lang a, rilru tang teuh chung chuan mut kan tum ngial a, mahse ni thei ngang in ka hre lo a, ka tho a, ka Patea hmu tur chuan ka insiam ta nge nge. Motor ka khalh chiah tih chuan khawi ah nge an awm? In ah nge damdawiin ah? zawh nachang reng reng ka hre lo. Phone tum chuan ka Nutei number chu ka dial a, a tlang thei der lo lehnghal. An in lam ah ka kal hmasa mai ang ti chung in Luangmual lam pan chuan ka inkhalh chhuak nghal a, diktak chuan Madinga te veng lam anih avangin hmuh palh ka hlau ngawih ngawih bawk.

.

Ka Patea te in ka zuk thlen chuan inleng an lo awm ve nual a, in lam ka kal risk chu ka tifuh viau e. Ka Nutei'n min hmuh chuan min lo chiau-au vat a, an in ka hmuh hnuhnun ber tum kha chuan kawngka a ka pen luh pawh a phallo kha ania. Tunah chuan a tha ta hle mai. ni lo, keihi hetuang rilru chhia hi ka pu tur a ni lo. A pasal, ka patea damloh vangin a inthlak danglam tawh pawh a ni thei. Ngawirengin room lam ah chuan min hruai lut a, inleng lo awm ve te chuan min enduh hlawm khawp lehnghal.

.

" Mami pa, hei, Jessbawihi alo kal asin" ka Nutei'n a tih chuan engemaw ti tak hian ka awm a, ka luak a chhuak tlat pek. Khatiang ang a duat khan ka hriat theih hnu ah min ko ngai lo hrim hrim.

.

" Bawihi, ilo kal....chu....ka va lawm em" Patea chuan rawn in leh pah chuan harsa tih hmel zet chuan a rawn tawngchhuak a, ngawirengin ka en ringawt. Engtia han chhan tur nge ka hre lo. A damlohna vang nge a cher in a dum vek a, eng na nge a nih ka hre lo. Oxygen vel a in hun deuh rum avangin keimah tak pawh ka tim deuh reuh.

.

" Enge i an a?" zawh tur ka hre mai lo.

.

" Ka th....a.....ve..." a thaw a hah tih hriat zet chuan a thaw kawk kawk a, a hmel awmdan chu thawchham mai tur hmel a pu.

.

" Hahdam rawh. Nakin lam ah kan la in be dawn nia" tih pah chuan thutna awl ah chuan ka thu a, an enkawl dan ka hmuh chuan rei daih tawh lo tur tih a hriat ngawih ngawih.

.

Rei ve tawk tak ka thut hnu chuan amah a tawng peih lo a, Nutei'n min biak bak chu ka tawng meuh lo. Patea ber biak theih bawk si loh chu haw zai ka rel a, a tul chuan min rawn be mai tur a ka chah hnu chuan ka haw san ta nghal. Haw kawng ah chuan ka inngaihtuah nasa khawp a. Ka nu leh pa thlan pawh ak tlawh lo rei tawh avangin ka tlawh kawi a, mahse rei ka awm lo. An lungphun chu ka awm loh lai a Patea te lo tih ve mai mai a nia, a hming tak meuh meuh. Ka theih hmasak ber ah tha tak a phun leh ka tum a ni. Tunah erawh insiamchho tan chiah ka nih avangin ka la che mai thei si lo.

.

Kawngka kik ri ah chuan ka muhil lai chu ka harh a, sana ka en chu zan dar 8 a ri tep tawh. Ka chhuak ka haw kha rawng pawh bawl lo in ka lo muhil a, ka pum ri rak chuan ka riltam ve tawh zia min hriattir. Kawngka ka va hawng chu ka rinloh lutuk in Laura alo ding ran mai. Inhau tur chuan ka la zawi mah mah asin le.

.

" Enge i duh?"

.

" I inleng tur te i hmachhawn dan chu.."

.

" Tun ang hun ah hmeichhe pangai tak chu an leng de de in ka ring lo a"

.

" Ka lo lut thei angem?" a tih tak ah chuan kawngka ka hawng zau a, kan inzui lut ta nge nge.

.

" Ilo hausa ta hle mai maw?" ka in chu melh kual pahin sofa ah chuan a thu a, a tawngdan chuan min tih-el tih ka hai hauh lo.

.

" Keima tawk ah chuan ka duhtawk ve viau e. Enge i duh ve tehmial a?"

/.

" Samuel-a hi ka Nutei fapa tih i hria ang chu maw?"

.

" A birthday zan khan i sawi zo ta chiah lo nangin ka ring tho a"

.

" anih chuan nang hian neih i tum em lovang chu tiraw?"

.

" Huh! Tum ta ila?" ka chhaih chak ta tlat pek.

.

" Anih chuan Madinga chu i tibuai tawh dawn lo tihna ni maw?"

.

" Ka tihbuai pawh ka lo hre hauh lo a"

.

" Jessica, ka hrilh ang che. Ka nun ah hian rawn tel ve tawh suh. Madinga a ni emaw, Samuel-a pawh ni se, nang ang hmeichhe tla hlang..."

.

" Laura, i tawng tam mah mah lo maw?" chu aw-ri rawn chhuahna lam chu kan hawi rual thawt a, kawngka bul a Madinga lo ding reng chu makti zet in kan en dun a.

CHAPTER -6

" Mading..." ka aw chu a ri chhuak chang chang a ni ber mai.

.

" Laura, ani hi tibuai tawh lo tur in ka hrilh tawh che a ni lawm ni?" Madinga aw chu a hlauhawm in a rum kher mai. Laura hmel pha dai chu thinrim hmel in a rawn inthlak nghal a.

.

" Uire san tu che, i awmpuipa lak..."

.

" A tawk" Madinga aw-ri avang chuan ka phu zawk a, Laura thusawi chuan min ti na in min ti thinur thar leh hle bawk.

.

" I hmei hlui chu i tan hle mai maw?" a sawi zawh rual chuan ka kut a thip zui ve nghal. Laura te that ri chuan ka thil tih min hriatchhuah tir zawk. Laura-i biang sen tat leh Madinga'n a kuah bet lai chu ka en reng a, min rawn khawih ve dawn pawh ni se hlauhna pakhatmah ka nei lo. Dawt hi ka hua a, thudik phawrh ngam tur in ka huaisen ve tawk tawh tlat a ni.

.

" zawngi, nang fahrah leh hmeichhe tenawm hian kut min thlak ngam amaw?" laura chu a au tuarh tuarh a, mahse chhete mahin ka tim phah hauh lo.

.

" Laura, hre rawh. Ka inchhung ah hian dawt sawi tur in vawikhatmah rawn kal leh tawh ngai suh ang che. Mading, i thiannu hi hruai chhuak la, tun bak hi ka inchhung rawn rap leh tawh ngai suh ang che u. Hman a hmeichhe naupang, dawt a in puh kual, a hak lai nen chauh a in petchhuah hmeichhia kha ka ni tawh lo tih hria ang che u. A tul chuan kha aia na pawh khan ka la che leh ang" dam dap a ka tih chuan Madinga chu a kun lap a, Laura erawh ala rak nasa tan tan khawp mai. Madinga'n hneh zet a kaiin a chhuahpui a, pawn ah pawh ala bengchheng khawp mai. A mualpho thlak rualin khatiang a che lo thei lo dinhmun a min siam miau chuan ka dikna chu mualpho pawh huam in ka hailang ngam ve chiang alawm.

.

Laura nen kan inbakkaih atang kar 1 lai a liam veleh tawh. Maengi nen pawh kan nui dun leh thei ta. Samuel-a nen pawh kan inhmu zauh zauh a, mahni hna ah ve ve kan buai dun bawk a, kan inkawm tam hman meuh lo. Bazar chhuah ka ngaih tho avangin MC lam ah ka kal hmasa a, pheikhawk ka neih that loh avangin ka thiannu Nunui te dawr, C-69 Cherries- ah ka kal kual a, anni hi thawmhnaw an nei nalh in a quality a tha a, a man pawh a tlawm bawk. Rei thu lovin ka duh ang tak ka hmu nghal mai bawk a, pan an manhla in dawr an nuam bawk a, ka kalna ber an ni.

.

MC atang bazar kalna a hla chuang lova, motor keng lo in ke in ka chhukthla a, ka chin than tha lo zet, kawng kal laia earphone a hla ngaihthlak hi ka sim thei meuh lo. Dawrpui Presbyterian Kohhran Biakin bul a kawng ka cross tur chu ka hawi lo bawk nen, a ri dawp a, ka kaihza a thlep hnawk a, ka taksa chu a hik mawp ni ber in ka hria. Ka hming a min au ri chu ka hria a, zawimuangin ka mit ka chhing a, engmah ka hre lo zui chu a ni mai.

.

Ka taksa na thum avang chuan ka harh hlawl a, ka mutna chu kan in a ni hauh lo mai. chet ka tum chu ka ke leh ka lu a rawn na zawk a, Madinga chu rang lutukin a rawn tho a, ka bo tulh tulh mai.

.

" Ilo harh tawh maw?" min ngaihtuah hmel zet a Madinga'n a tih chuan ka nui sek a, ka va han hmangaih tehlul em!

.

" Tinge heta ka awm?"

.

" I kawng cross tur ka su palh che a. Na i nei em? Ka tihpalh lutuk aw..." inthiamlo hmel zet a min en chuan a kut chu ka va vuan a, ka nui ver ver a.

.

" Ka thiamloh zawk anih ka ring. Engtikah nge kan haw theih ang? Bruno khua a har lutuk palh ang tih ka hlau. tunge lo enkawl?" Madinga makti hmel chu ka melh kiau a, ka tawng lovang tih ka hlau takzet a ni.

.

" jess, i harh chiang em?" a aw a maktihna chu ka hrethiam lo.

.

" Harh chiang e. Tinge? Thil dik lo a awm em ni?"

.

" Aaaa. awm lo e. Lo nghak lawk la, Doctor ka va ko ange aw..." bah nuaih a tih pah chuan a chhuak vat a, mahse ka tha lo tih ka hria. Thil theihnghilh neiin ka in hria a, ka hrechhuak mai lo. Ka hriatchian em em chu Laura hian Madinga hi a duh ni in ka hria. Hei vang hian alo kal hnuhnun ber pawh khan Madinga lak ah ka titau nghe nghe a nih kha.

.

Doctor leh Madinga lo lut chu an rawn nui lut sang a, mahse an nui hmel phen a engemaw tak awm chu ka hmu thiam reng. Engvang a chutiang hmel pu chu nge an nih ang?

.

" Jessica, i tha maw?" Doctor in dam dap a a tih chuan ka lo nui sek a.

.

" Ka tha tawh lutuk e. Ka damlo tih pawh ka inhre lo. Doctor, engtiknge ka chhuah theih ang? Bruno ka ngaihtuah riau mai" aw-ki zang vah chuan ka lo ti vat a, Madinga erawh a hmel a thutakin engemaw ngaihtuah hmel a pu riau in ka hria.

.

" Bruno chu tunge aw?" doctor bawk chuan nuisang chuan a lo ti let leh a.

.

" Kan ui mawle. Ka tello chuan a awmrei thei hauh lovang. Tiraw Mading? Ka birthday a Madinga min pek ania, ka fapa ani mai" phur zet chuan ka ti siam siam a, Madinga pawh alo nui ve ta suk e.

.

" Anih chu. A ngai tawh ngawt ang che. I lu tuam hi naktuk ah kan phelh thei tur ah ngai ila, vawiin lam ah khawlin kan check che anga, i chhuak thei vat mai ang" Doctor in a tih chuan ka phur kher mai. In a haw vat ka duh a ni. Mahse Madinga erawh chu a awmdan atang haw a chak vak hmel si loh.

.

Nileng chuan test ngai hrang hrang kan ti kual a, tu tu emaw chu an lo kal. Mahse an vaiin tute nge an nih ka hre lo. Hmeichhe pakhat phei chu a tap pur a, Maengi a in tia, ka thiannu anih thu a sawi a, mahse tunge anih ka hre hlek lo. Mipa pakhat lo kal pawh ka hre lo. Samuel-a a in ti. Lo kal zawng zawng zing ah anni 2 chu ka hre lo chu engemaw ti takin ka awm a nuam tlat lo thung. Khawl a en ngai ho kan en zawh chuan ka chau ve hnawk thei. Madinga'n min kalsan miah lo a, Maengi in ti leh Samuel-a in ti pawh khum a ka mut fel hma chu haw an tum bik lo. Maengi lah chu a tap deuh faih faih reng bawk a, ka hrethiam lo tak zet a ni.

.

" Anni khan engtinnge min hriat? Ka hriatna hi ka hloh then ami?" kan mut hnu chuan Madinga chu ka zawt a, ka ngaih a tha thei tlat lo a ni.

.

" I thian hlui te an nia, i hre tawh lo a ni mai thei. Mutthilh tum rawh aw, chhuah vat i duh chuan i mutthilh vat a ngai a nia" tih pah chuan puan min rawn sin that tir a, ka bul ah chuan alo mu ve mai dawn emaw ka tih laiin ka khum bul a khum ah chuan ava mu a, ka hawihai ang reng khawp mai.

.

" Ilo mu ve dawn lo mi?"

.

" Ni lo e. Tikhan mu la, na nei inia, ka mangchhiat em kha, ka tina zual palh ang che" a tih chuan ka lo nui hak hak. A mangchhiat vang hian zingkar ah ka phun hlak hlak thin reng a ni. Min kuah bet nasa thei lutuk a, amah lah chu a nui ang kur kur zel lehnghal a.

.

Bruno chanchin vel chu ka zawt siam siam a, ka zawhna tha takin min chhang a, mahse nidang a ang lo, a tawng tlemin ka zawhna bak thildang a sawi meuh lo. A chau ve anih ring in keipawh chu tawng ta vaklo in ka mu meng kar a, a phone a rawn rik avangin pawnlam ah min chhuahsan a, a hna thil bawk anih ka ring. Thu pawimawh sawi dawn hi chuan a inthiarfihlim ve thin a, ka dem hran lo. Harsatna a tawh zawng zawng hi ka hriat ve vek a duh lo, a chhan chu ka ngaihtuah thin em avangin min ti phawklek duh lo a ni.

.

Ka mutthilh lai reng reng ka hre lo. Ka harh leh chuan khua alo eng vek tawh a, Madinga mutna lam ka hawi chu a lo tho tawh a. Tak a, ka awmna hi cabin a nia, mihring lenna nuam tawk vel hi thlanglam ah awl a awm ve a, chulam chu ka zuk hawi chhuak chu ka rin loh tak maiin Laura leh Madinga chu muk hmel zetin an lo ti ti a, Laura hmel chu a lungawi loh hmel khawp lehnghal. Keipawh ka lung a awi chuang bik lo. Kan nupa(ti mai ang) inkar a a tel tam lutuk hi ka hne ve thawkhat tawh a ni. Ka zuk pawh ve ang nge tihian ka nghak tawp ang? Ngawirengg chuan ka tho a, ka ke chu an cher khawng avangin chetpui a harsa in ka rah zawng chuan a na vawng vawng thei. Kawngka bul ah chuan ka ding a, an thusawi chu ka ngaithla ru ta nge nge.

.

Khum ah chuan ka thu hnawk a, ka lu chu a na ngut ngut a, ka lu chu a puak keh mai dawn in ka hre hial. Ka thu hriat chuan min ti na a ni. Nupa ang a awmdun reng chung a Laura nupui a neih tiamtu hi ka hmangaih kha a ni si amaw? Ani thei lo. Madinga hian min bum a ni. Ka thinlung hi a na vawng vawng thei. Mahse mak tak maiin chutia ka ngaihtuah rual chuan keimah ah hian hlimthla, ka hriatchhuah theih si loh hian min hual tlat in ka hre thung si. Ka mu vang vang a, Madinga te lo luh lai chuan muhil ang in ka awm tlat a, ka meng duh lo. Engemawni hian min mawlh a, hmuh ka duh lo nge kha hlimthla, ka hriatchhuah theih si loh khan min pawtbet zawk?

.

Doctor rawn kal hnu chuan ka lu tuamna an phelh a, chhuah ka ngen nasat em avangin leh na dang em em ka nei lo a, ka ke lah thla 1 hnu ah phelh chauh tur anih avangin chhuak tur chuan min ti ta nge nge. Mahse mak ka tih chu Madinga phur hauh lo chu a ni. Phur ve viau tur a ka ngaih chu a phur tlat lo. A awm tho e. Ka damdawiin awm chhung a Laura nen inneih an tum te pawh aniang. Chutimai chuan ka chhuah bik miah lovang.

.

In kan thlen meuh chuan tlai lam a ni der tawh. Motor atang chuan kan chhuak a, mahse tumah in min lo lawm tur in an lo chhuak lo. Mak ka ti deuh nangin an buai pawh a ni mahnale! Madinga chuan bungrua a rawn khai a, inchhung kan rap lut tur chiah engin emaw min mawlh a, ka ke chu ka la let vat a, a chhan ka hre lo. Ka lut hreh ta ngawih ngawih mai a ni. Madinga chuan a kut leh lam a thil khai chungin ka kut a rawn vuan a, ka thin chu nasa mangkheng in a rawn phu a, ka taksa chu a khur dawt dawt thei.

.

" Jess, i tha em?" Madinga chuan hlauhthawn hmel zetin min rawn en a, ka in control thei si lo.

.

" Aih... Ihh... Hei lo hi chenna ka nei em?" ka mitthla ah in pakhat, te fel ren rawn a rawn lang zawk a, mahse khawi lai in nge ka hrechhuak zo si lo. Ka lu chu a rawn na ngut ngut a, ka meng ngam lo. Madinga'n zo zet in min rawn pawm a, ka taksa chu a zawi vek tlat a ni. Inchhung a kan luh chuan ka la hriat ngai loh hmeichhe pakhat hi choka lam atang alo chhuak a, maktih hmel deuh chuan min en hu a, Madinga'n room hawng tur a a tih chuan a phe vat a, khum a min mut fel hnu chuan Madinga chu khum bul a sofa ah chuan a thu a, mak tak maiin he in ah hian hunrei tak ka awm tawh lohna ni maiin ka hre tlat pek.

.

" Mading, thil diklo a awm a ni. Kan khum te, sofa te hi engtikinnge kan thlak? Keimah ah hian diklo a awm tiraw?" Madinga mit chhing vang vang chu tim daiin ka zawt a, muangchangin a rawn meng a.

.

" Hahdam rawh. Nakin ah ila hre vek dawn alawm. Ei chak i nei em?"dam dap a a tih chuan ka ril a tam tawh hle tih ka hrechhuak chiah.

.

" A theih chuan soup hawp ka duh mange" ka lo ti vat a, buk nghut pahin a tho a, min kalsan hnu chuan ka hawikual a, engkim mai chu a danglam a ni. Mahse khum bul side table a kan pahnih a kan thlalak, a hotel a dinner kan eidun tum a hlim tak a kan lak dun a inhung bawk si. Ka awmdan chu ka bo tulh tulh ni ber in ka hria.

.

Awmpui in soup min rawn pek hnu chuan Madinga chu alo la let lo cheu. Kan awmpui hi tunge anih ka hre tlat lo. Ka hriatna ka hlauh then tih chu ka hrethiam tawh, mahse ka hriat chhun te hian he inchhung ah hian hmun an chang tawh hlawm lo tlat a ni. Khawnge kan nula Nuno-i kha a awm ang? Buanga pawh kah? Buanga ka ngaihtuah chhuak chiah tih chuan engtinemaw tak ka awm leh tawh. Ka lu ka thing nawk a, soup chu hawp zo lovin ka nawr sawn a, he hmun ah hian mikhual ang mai ka ni. Khawnge kan nupa a kan thawmhnaw khaina almirah te kha a awm tak? Tun a awm hi chu a hma a kan hman nen a in len hleih deuh bak ah a dang a ni tlat.

.

He in ah hian kar 2 tam lam ka awm tawh. Mahse mikhual ang mai ka ni. Madinga lah ka damloh chhuanlam in ka bul ah a mu ngai lo a, sofa ah a mu a, anih loh chuan hna a thawk tlaivar mai thin. Tumahin min rawn tlawhpawh lova, a awm tho e. Madinga Nutei khan min duh lo hle tih ka hria, a chhungte neih chhun a ni. Laura lah a rawn lang ngai miah lo bawk. A chang chuan damdawiin a min rawn kan tu te, Maengi leh Samuel-a kha ka ngaihtuahna ah an rawn lut leh thin. Hriatna ka nei tawh tlat in ka hria a, mahse ka hrechhuak zo si lo. Madinga ka zawh lahin ka thian hlui te an nih thu bakin min chhang ngai lo. Ka accident hnu ah ka phone ka la khawih leh miah lo, a hmuh pawh ka la hmu leh lo hrim hrim zawk.

.

" Vawiin ah doctor hmuh kan ngai dawn a, chawhma lam ah a theih dawn loh avangin hna ka va kal ve lawk anga, dar 2 ah ka rawn hruai leh mai dawn che nia" chaw ei lai a Madinga'n a tih chuan ka bu nghauh a, sawi tur hi ka van em em a ni tawp mai. A awmdan hian min ti awm nuam lova, inpawh leh inchulnel deuh reng thin kha a danglam em em tawh a, min hnaih a hlau ti ila a dik ber in ka hria.

.

Madina kal liam hnu chuan khum ah ka mu meng kar a, choka lam a kan awmpui Mawii chu ri rak rak chu ka ngaithla kar a, ani nen hian inbiak falna hun engmah kan la nei lo. Room lam ah eitur min pe leh mamawh min zawh bak a rawn kal ngai lova, Madinga'n min awmpui deuh char char bawk nen. Sana ka en zauh a, dar 10 a pel awrh chauh. Chhuak phei ila, keimah a engemaw kim lo hi hriat belh theih ka in ring tlat a ni.

.

" Mawii, iva buai awm ve?" min nel theih nan ka va nui sang a, hmeichhe sual tak anih ka ring lo. Mahse a mitmeng a hlauhthawnna awm tlat reng hi ka hrethiam lo a ni.

.

" Ilo tho chhuak peih elaw? Lo thu la, eitur ka lo siam dawn che mi?" tih pah chuan a thil hruk hul lai chu a hru sawk sawk a, hmeichhe che fel tak a ni.

.

" Aih, kan chaw ei na ala rei lo emai. Englo ania, hetah hian eng chen a rei nge i awm tawh?" tih pah chuan chair ah chuan ka thu a, ka ke pawh a dam viau tawh.

.

" Aaa, eng lo.." a sawi hreh hmel mawlh mai chu a ni ka hriat duh tak zawk chu.

.

" Hlauthawng suh. Ka hriatna ka hloh a, engemaw hriatchhuah tur ka nei a ni" a hlauhna chu ka tihreh hmasak a ngai tih ka hre ve.

.

" Ka pu thu lo chuan engmah ka sawi thei lo" a ti ta nge nge. Ka hriat tur pawimawh tak a awm tih chu ka hrethiam, mahse chu chu ka hriat theih nan Mawii hi ka sawitir theih ngei a ngai a ni.

.

" Hlauthawng suh. I pu engmah ka hrilh lovang. Min puih ka ngai tak zet a ni" ka tih chuan min rawn en zawk a, min khawngaihna mitmeng chu ka hmu hman ta tho.

.

" Ka pi, hahdam takin awm rawh. I tan a thalo engmah a thleng lovang. Ka pu hian a hmangaih che alawm" a tih chuan ka lo nui sak a. Min hmangaih thin reng a ni. Mahse.....

.

" Mawii, enge ilo tih?" chu hmeichhe aw-ri ka hriat chuan ka ter nghal at thei. Mawii lah a hmel a dang nghal vek bawk.

.

" Ilo thu chhuak peih elaw?" Laura chuan chair pakhat pawh chhuah pah chuan a rawn ti nghal a, a hmel erawh a nelawm hauh lo.

.

" Nia. I dam amaw?"

.

" taksa chu dam e. Khawnge Madinga hi?"

.

" Hotel-ah a kal lawk a, a rawn let har lovang. Engenita?"

.

" Engni lo ve. Dinner ei chhuah kan tum sia, ei hma a kal kawina tur ka nei a, ka phone a pick up thei si lo a" a tih chuan ka na zawk thei. Dinner ei chhuak tur an nih a sawi hauh lo.

.

" Anih chu. Hospital ah kal kan ngai a"

.

" Nizan khan engmah a sawi si lova. Nangmah a kal i hreh viau em?" min tawngkhum dan chu ka tha a na ngei mai.

.

" Hreh lo ve. Chutiang khawp a a nupui aia pawimawh hna a neih chuan a pawi hleinem" ka ti ve ngat. Inthlahrung deuh se ka duh a ni.

.

" nupui... umm... a tha vek e. Nangmah a i kal theih chuan taxi ka kohsak dawn che mi niang?" zaklo ka ti tak zet a ni.

.

' A ngai lo ve. Mawii, khawngaihin room lam ah thingpui min lo pe la, Laura pawh kha lo siam sak ta che aw" tih pah chuan ka tho a, ka mittui tla mai tur chu ka dang lui hram hram a ni. Ka mittui tla lai hi tumahin an hmuh ka duh lo.

.

Room ah chuan thingpui ka in a, Madinga lo haw thawm chu ka hre reng. Sitting room lam a Laura nen an inbia pawh ka hre reng a, Laura chuan keimah a hospital kal ka duh thu alo hrilh zat zat a, thudik tak a sawi hauh lo. Madinga chu room ah a rawn lut a, ka that leh that loh min rawn zawt a, ka that thu ka sawi a, ka rilru erawh a na vawng vawng.

.

" Nangmah chuan i kal thei ang maw? Kal lam kan thlah phei che anga, hotel atang motor ka rawn tir phei dawn nia" a thawmhnaw thlak mawlh mawlh pah a a tih chuan ka inhumruh vek thei.

.

" A ngai lovang. Taxi ka chang mai ang. A harsa hleinem"

.

" A theih loh. Kan rualin i kal anga, motor ka rawn tir ang. Hna pawimawh a chhuah ka ngaih vang tih i hrethiam tho ang chu maw"

.

" Aih, keimahin ka kal ang"

.

" Jessica, min hnial hauh suh. Mi in engtinnge min ngaih ang?"

.

" Mi ngaih a mawi chauh maw i zawn? I nupui dik tak ka nih loh vang em ni keiaia hna i ngaihpawimawh?" ka ti ve ta nge nge.

.

" Jessica, ngawi rawh"

.

" Ka hria alawm. Keihi i hmei..." Ka ngawi dat a, Hmei tih tawngkam chuan engemaw min hriatchhuah tir zawk mai.

CHAPTER -7

Ka tawng tawp dat chu Madinga chuan min rawn en a, ka taksa chu control theih miah lohin a khur leh ta hlawk hlawk mai. Engemawni hi ka rilru ah chuan a lut a ni. Mahse chu thil chu enge a nih ka hrechhuak zo si lo.

.

" Jess..." Madinga chuan min rawn pan hnai nghal a, mahse ka dar a rawn vawnna chu rang zetin ka thing thla a, amah chu engvang teh kher nge ka ten ta tlat pek. Ni lo, ka hua in ka hria.

.

" Min khawih hlek suh" ka aw chu a ri chang chang a ni ber mai. He mihring hian engtinemaw tak min ti na a ni.

.

" Keimahin ka kalpui ang che" tih pah chuan min rawn pawm lawp a, hnial tur pawhin ka inring hman lo hrim hrim. Sitting room lam ah min pawm thei a, Mawii a au tuarh a, Laura sofa-a alo thu chu a rawn ding chhuak ve nghal.

.

" Mading, kan tih tur kha?" a aw ah chuan a lungawi loh hmel em em lehnghal.

.

" Ka tihpalh lutuk. Damdawiin a ka hruai ngei ngei a ngai" kawngka bul ah chuan a ding dat a, ka lu lah chu a na ngut ngut lehnghal.

.

" Mahse..."

.

" Laura, i hriatthiam a ngai. Nidang ah ni mai rawh se" tih pah chuan kawngka ah min pawm chhuak zui nghal a, tunah chuan Laura aiin ka pawimawh ve ta tlat mai. Mahse a hma in ka pawimawh zawk lo ngai em ni?

.

Motor-a min nghah luh hnu chuan ngawirengin driver seat-ah chuan a thu a, kan tlanchhuah dawn chuan kan in kawngka atang a thinrim hmel zet a Laura rawn chhuak chu ka zuk hmu hman a, enge ka hriat ka hre lo, ka nui var var thei tlat. Kawng tluan chuan kan tawng lo a, hetiang em em a Madinga mizia danglam ta hi ka hre lo. Inngeih, hlim dun thei tak kan ni a, ka damloh atang hian a mizia a danglam ta em em leh min hlat tlat mai hi ka hrethiam thei lo. Chutihrualin keimah a hriat theih si loh hlimthla awm hian ka thluak a tibuai tak zet a ni.

.

" Pawn ah sawn min lo nghak mai la, Doctor kan hmu hmasa ange" Madinga'n a tih chuan ka hnial lem lo. Hnial tur pawhin ka chau lutuk mah mah.

.

20mins vel a luh hnu chuan min rawn hruai lut a, a hmel chu ka lo en kiau a, ka hrethiam lo. A hmel a tak run a, a nui nangin a nui lui hmel chu ka hrethiam ve lutuk asin.

.

Doctor kan hmuh fel hnu chuan keimah a dik lo awm chu ka hrethiam ve ta. Ka hriatna ka hloh then a, ka nun hma lam khawvel ah ka cheng a ni tih Doctor tawngkam atang ka hrethiam a, chutihrual chuan zawi muang a in recover tur ka ni tih a sawi bawk. Ka rilru a phir ta nuaih mai le. Kum 5 chhung ka khawvel kha khawnge a awm tak ang? Madinga motor khalh chu ka va en a, kum 5 chhung khan enge kan 2 inkar ah khan thleng ang? A mizia ka hriat ve thin zawng zawng bo ta vek hi eng vang nge ni ang? Ka mit ka chhing a, ka hun tihbo neih let leh dan tur ka zawn a ngai a ni.

.

Motor ding dat ah chuan ka meng a, in kan lo thleng reng tawh. Car kawngka Madinga'n a rawn hawn a min pawm a tum chuan ka lo hnial vat a, alak ah hian ka inthlahrung tawh tlat a ni. Keimah chuan ka kal a, in kan lut tur chu ka tim leh ta tlat. Ka taksa chu a khur der der a, mahse ka control ngei ngei a ngai. Mahni in ang mai a ka lo chet tlat tawhna in ah chuan mikhual ang mai ni a inhriatna ka nei thar leh ta. Mawii'n min lo welcome vat nangin ka tawng chak hlawl lo. Ngawirengin room lam ka pan a, thil hriatchhuah thar ka nei. Khawnge bruno hi a awm? Khum ah chuan ka thu a, ka ke vang in mahni a ka inbual hleihtheih loh avangin Mawii'n min tifai thin a, ka thawmhnaw pawh amah vekin a thlang mai thin. Ka ngaihtuahna ka hmang let a, ka thawmhnaw hak thin zawng zawng kha keima ta ni in ka hre lo leh thin. Ka phone pawh ka mamawh a ni.

.

" Khawnge ka phone hi a awm?" Madinga inbual zo lo lut chu ka lo zawt a, maktih hmel deuhin min en hu a, mahse a insiamtha leh vat.

.

" Motor a ka sut palh ni che khan i thlauh anih ka ring, kan hmuzo ta lo a" tih pah chuan a thawmhnaw a ha mawlh mawlh a, khawiahmah a chhuak tawh dawn lo anih ka ring, a thawmhnaw hak atang.

.

" Anih chu. Thil zawh che ka duh a?"

.

" I nunhlui chu min zawt lo la. Tunah rih chuan ila fit tawk lo a ni" hnial theih hauh loh, dik bawk si in min chhang a, ka thin a ur ru teuh thei.

.

" Mahse hriat ka ngai a ni" Madinga hi ka hnial zawt zawt ngai ka hre lo, mahse tunhnai, ka damloh atang hian hnial ka ching thar ta riau mai. Mahse mak tak maiin min hau emaw, thinrim khum ngai miah lo. A hma kha chuan ka hnial deuh hian min hau ve fo thin sia.

.

" A hun ah chuan ila hre vek dawn alawm. Hahdam tak a awm i mamawh ber" tih pah chuan sofa-ah chuan a thu a, kan room TV chu a hmet nung zui nghal a. A mizia ka hria, nawrlui eng ang mahila awmzia a awm dawn lo tih ka chiang. Mawii ka au a, ka inbual duh thu ka hrilh a, tuilum alo peih vek tawh avangin bathroom lam ah ka bai lut auh auh a, Madinga puihna dil ka duh lo. Tin, ka ke an cher khawng a ni mai a, kal harsa khawp a ni lem lo bawk a, inchhung dung ah chuan mahni in ka bai kual ve mai thin.

.

" Pi, inleng i nei ania" kan chaw eikham room lam a ka awm lai chuan Mawii a rawn kal a, Madinga erawh a hnathawhna room lam ah hna a thawk thung.

.

" Ka lo chhuak ang. Tunge?"

.

" I thiannu a in ti. Ka la hre ngai bik lo" a tih chuan angaihna ka hre lo kher mai. Dawr a ka thawh lai khan ka thawhpui te kha ka thian te an ni mai a, mahse Madinga nen kan chendun hnu ah vawikhat pawh an la rawn kal lo hrim hrim. An pu ber thianpa nupui ang kha ka ni ve tawh miau a, an tan lo kal a nuam chiah lo pawh a ni mahna. Kei erawh chuan ka ngaihdan a ngai reng thung.

.

Sitting room a ka va chhuak phei chu sofa ah chuan hmanni a damdawiin a min lo kantu, Maengi in ti kha alo thu a, min hmuh veleh a lo ding vat a, ka nuih sak ringawt. Madinga khan ka thian hlui a tih avangin ka thian hlui chu a ni ngei anga, mahse tunge anih ka hrechhuak zo tawh tlat lo.

.

" Lo thu rawh. Ih, ka pasal in ka thian hlui i nih thu a sawi a, ka hriatna tlem ka hloh a, ka lo hre lo palh che a, pawi ka ti lutuk" ka tih chuan a bu nghauh a, ngawireng chuan a thu riai riai a, sawi mai tur ka va hre lo si em! Ka va en chu min khawngaih mitmeng dik tak ka hmu. He hmeichhia hi ka tan a mi hlu tak ni a hriatna ka nei ta tlat.

.

" Enge ilo an tawh?" amah chuan a rawn ti chhuak hmasa ta nge nge.

.

" Ka tha ve zel e. Ihmaw, englo a nia, khawi ah nge kan inhriat tawh le?" ka hriat chakna chuan min urthlu ta nge nge.

.

" Aaaa... Sawtah..."

.

" Ilo leng ani maw?" Madinga aw-ri ka hriat chuan ka phu zawk mai. Maengi lah a tawng lai a tawp chat bawk. Chuaia mak chu Maengi chuan Madinga chu huat hmel zet a a melh chu a ni. Enge Maengi hian Madinga a huat chhan tur ni ang?

.

" Nia. Ka thiannu ber a damlo a, ka rawn kal ve loh te chuan. Phalsak ni lo mahila" Maengi chuan a ti nghat a, a tawngkam chu mak ka ti telh telh.

.

" Iva ti lawmawm ve. I thiannu hi thian kawm tam Doctor in a phalsak vak loh avang hian a thiante pawh ka la hmelhriattir ngam lo a. Ni lawm ni Bawihi?" Madinga'n a tih chuan mak ka ti lehzual. Ka damloh hnu hian vawikhatmah ' Bawihi' tih hian min la ko leh lo hrim hrim.

.

" A dik alawm. Mahse pawi ti duh suh. Ka dam hun ah ka hrechhuak dawn tho che a, mahse chumi hma chu min ngaihdam reng ka ngai dawn nih hi" ka tih chuan Madinga chu ka bul ah rawn thu in ka kut a rawn vuan a, a chetdan chu mak ka ti takzet a ni.

.

" thian inkar ah ngaihdam indil a ngai hleinem. Ka pheisan phawt ang che u. Thiannu, i dam veleh ka in ah i rawn len ka beisei dawn ania. In pa hian a remti ang chu maw?" a tih chuan Madinga chuan ka kut a humna chu a hmer nghet sawt mai. Enge hemi te pahnih inkar ah hian awm ang?

.

" Tehreng mai. Eng in nge ilo kal? Thlah i ngai em? Kan pa hian a thlah thei..."

.

" Aih. Ka scooty kha ka rawn keng alawm.. Oohh... Sorry, scooty ka nei a, thlah ka ngai lo. Min ngaihtuah suh" tih pah chuan min nuih sak a, a nui hmel chuan thil pakhat min ngaihtuah chhuah tir ta tlat mai. He hmeichhia nen hian khawi ah emaw kan kal dun tawh a hriatna ka nei tlat.

.

" A that hlauh chu. Remchang ah ilo kal leh ngei dawn nia aw..." ka ti sap a, hmuh leh ngei ka duh a ni.

.

" Lutuk tlat. Tak a, ka lo phone che hian in pa in alo la ziah sia, nangmahin i kawl ngai lo em ni?" Maengi'n a tih chuan ka meng phawk nasa mai. Ka phone chu Madinga'n ka accident ni in a bo thu a sawi si a. Enge thil awmzia ni ta ang?

.

" Aaa... Nia, ih... phone hi ka khawih hleithei lo a. Ka khawih theih veleh keimah in ka rawn be dawn che nia" ka ti bah ta niaih a, Madinga lah thil tisual lo thut in a thu hmak a, mahse a bek ruh pawng talh talh ah chuan a thin a ur tih ka hria. Ani aiin ka thinur daih zawk. Mahse tunge anih ka hriat loh hma a ka pasal thinrim khum chu ka duhdan a ni hauh lo.

.

" Aw le. Nih, ka kal phawt ang. Remchang ah ka la rawn kal leh hgei ang" tih pah chuan a tho a, mahse chu chu kei min hrilh ni lovin Madinga zawk a hrilh ni ber in ka hria, a chhan chu a sawi lai khan min en lo in Madinga a ni a en tlat ni.

.

Maengi'n min chhuahsan chiah chu ka tho ve nghal a, kawngka bul tukverh a ka va dah chuan Maengi chu scooty in a lo tlanchhuak ve dawn chiah a, a scooty ka zuk hmuh chuan ka nghing lawih thei. Ka lu a rawn na nghal ngut ngut a, ka tlu tur chu zo tak a min pawm lawp chu ka hre ruai ruai. Ka harh leh meuh chuan tumah ka bul ah an awm lo. Ka hawi kual a, sofa-ah Madinga pawh a awm hek lo. Sana ka en a, zing lam dar 1 a ri der tawh. Sofa-a a mut loh chuan a hnathawhna ah a awm ngei ang. Ka phone chungchang kha ka hrechhuak a, ka zawh ngei a ngai.

.

Khum atang chuan ka tho chhuak a, Madinga hnathawhna room lam chu ka pan phei chhat chhat a, kawngka ka hawng tur chu ka ding chawt mai.

.

" Tunah hian ka hrilh ang che. A nun ah hian rawn inrawlh buai hlek suh. Anih loh chuan ama tan leh i tan a pawi zawk ang. Engmah thil awmzia ala hrethiam lo a, tun a thil engkim a hria anih chuan a nunna thlengin a tuar thei. Zanin a Maengi rawn kal ringawt pawh a buai phah tawh a, i ngam chuan rawn tibuai chhin la, keimah min hmachhawn a ngai zawk ang"

.

Ka thu hriat avang chuan ka dang sawp sawp thei. Tunge ka kum 5 tihbo min hriattir duh chu ni ta ang? Maengi kha ti dawn ila a thusawi dan atang khan Maengi a be lo tih a chiang si. Laura chu anih ka ring hran lo. Ka Patea te chhungkua ka hrechhuak. Mahse ka chhungril ah hian ka ring tlat lo. A chhan chu ka Patea te chhungkua hian min ngaihsak ngai tlat lo a ni. Mahse tunge ni ta ang? Ka hringnun ah hian anni ho bak hriat em em ka nei hauh lo. Mahse kum 5 chhung khan enge ka nun ah thleng?

CHAPTER -8

Madinga room atang a kalsawn tum a ka inher chiah chu kawngka a rawn ri rak a, ka kalsawn hman ta lo. Madingi mitmeng rum tak chu ka hmachhawn ta ran mai. Enge tih tur ka hre lo. Ka taksa chu a khur dar dar a, a chhan chu a mizia ka hriatchian em vang a ni. Mi tawng ngaihthlak ruk hi a haw em em miau a ni.

.

" Hetah i awm tih ka hre hauh lo" a aw-ka chu a vin lo. Mahse a hlauhawm em em thung.

.

" Englo... ihhh... ka zawng che a" ka ti bah niaih ringawt.

.

" Min ngai tawh viau ami?" tih pah chuan a nui suk a, mahse a nui hmel ah chuan lawm vang a nui a ni lo tih ka chiang em em thung.

.

" Aih. Ni lo, thil zawh che ka duh a" ka ti leh ringawt. Mahse enge zawh ka tum kha ka hre tawh hauh lo thung.

.

" I hre hman tiraw?" tih pah chuan min rawn hnaih sauh a, tawlh hnung tur in kei ke lehlam damlo chu chetsawn ngaihna a awm lo.

.

" Aw.. ni lo, engmah ka hre lo" hlau tak a ka tih chuan ka kut in ka biang a tawk hman daih tawh.

.

" Ka awih i ring em?" tih pah chuan ka kawng ah kuah in alam ah min pawt hnai hrawk a, dang tur in kei damlo chaklo tak hian tih theih ka nei hauh si lo.

.

" Ana a nia" ka ti sap a, ka thlan erawh a chhuak tiam tiam thung.

.

" Mi tawng ngaihthlak ruk ka huat zia i hria a, i ti lui a. Min ngaih viau chuan tinge min hrilh mai loh? Keipawhin i taksa nalh tak hi ka mamawh ve lutuk asin" tih pah a ka mawng a tham chuan ka rak that mai. Lalpa, eng thil nge thleng hi? Ka hlau lutuk chu ka taksa ka control zo lo, ka khur hlawk hlawk a ni ber. Tinge a hma a a khawih thlahlel em em thin khan ka hlauh tak tlat. Duat tak a min chul thin khan tinge ramsa kawlh ang mai a min khawih tak?

.

" Ti suh" ka tih zawh rual chuan min pawm kang lawp a, tal tur pawh in ka taksa chu hlauhna vangin a khur nasa lutuk mah mah.Room ah min luhpui a, khum ah chuan min thehthla lawp a, ka chesawn thei chuang lo. Ka taksa chu control theih ka va duh tak em! Khum a min thehthlak rual deuhthaw chuan ka chung ah a rawn bawk zui nghal a, ka inven hman hma in min rawn fawp zui nghal. nidang a min fawh thin dan nen chuan danglam tak a ni. A keih hian min keih buan buan a ni ber mai. Chhanlet chu khawilam, a taksa rihna in min delh bawk si, a kutin ka bek tawn tawn ah a chelh zui bawk si, tih theih ka nei lo. Ka dawh tawp a ni ber mai.

.

Min fawp pah reng chung chuan a kut chu ka kawr ah zen lut in ka kawrhnuai kilh na chu a phelh a, ka hnute hmur chu a kuttang sei zet chuan a hrual zui nghal. Mahse ka hnute a khawihna chu min fawhna ang a ni hauh lo. Tunhma a amah mamawh ngawih ngawih thei tur a min siam thin lai ang chiah in a ni a khaih ni. Ka hlauhna chu zawi zawi in a kut hlei tak avang chuan a kiam tial tial a, ka hnute hmur a sawisakna avang chuan ka taksa chuan a dawngsawng tan ta viau. Min fawhna chu a chawl dat a, ka talchhuah hma in dam zetin min rawn fawp zui lehnghal a, tun tum chu ngen ngawl fawh dik tak a ni. A kut in ka chakna tichhuak thei tur in ka hnute a sawisa mek bawk nen, a fawhna chu ka chhanglet lo thei ta lo. Chutia kan chhanglet ve ta chu a duhthawh zual sauh a, a nghawng a ka kuah let tak ah phei chuan a kut chuan ka hnute chauh a duhkhawp ta lo, a tawlh thla a, hmeichhia te taksa peng zing a chakna kochhuak rang ber tu chu ka kekawrte pawt kau in a zuk khawih nghal. Chakna avang a hnawng chap tawh ka hmeichhiatna a khawih rual chuan ka rum hak a, ani pawh a bang bik lo.

.

Ke lehlam dam lo ka nih theihnghilh thak khawp a tisa chakna in min bual at lai chuan zei fahran in kan thawmhnaw hak lai chu a hlip sawk sawk a, keilahin nghakhlel zetin ka lo ban tak ang tawk tawk a.

.

" Mipa dang khawih ilo duh kher hi..." ka khawng dawt thei. Tunah chuan ka hrechhuak ta uarh mai le. Keihi uire a puh ka ni. He in atang a hnawhchhuah hi ka ni bawk. Ka taksa chhung a luh tum a a inher rem lai tak chuan ka nemsawn a, maktih hmel zet chuan min en a, mahse ka insiamtha vat thung.

.

" Ka thei rih lo. Min hrethiam rawh" chakna la reh si lo, thinur bawk si, aw khur dat dat chuan ka ti a, a insangmar teuh chu hlauthawng tak in ka en tawp ringawt. Ka hriatna thenkhat a let leh tih hi ka hriattir tur a ni lo.

.

" Hetiang hian min hnar ngai miah lo" mahni in control tum zet aw-ri chu ka hrethiam ve tho.

.

" Mading, ka taksa la chak tawk loh vang anih ka ring. Min hrethiam hram rawh" tih pah chuan khum a ka thawmhnaw let bal chu ka ban nghal a, ka inkhawih tir tur a ni lo.

.

" Ka nawrlui lovang che. Puih i ngai em?" Ka pawnfen fen tur chu ka ke vangin ka feng tha hleithei lo a, a zawhna chu ka hnial duh ta lo. Ngawirengin min rawn pui a, mahse a saruakna chuan ka thaw a tibuai lo thei lo. He mihring hi ka hmangaih kha a ni a, min hmangaih tu a ni thin bawk. Ni lo, min hmangaih ni se ka thusawi a ngaithla ve em em ang. Keiaiin Laura thusawi a ngaithla zawk a, ka haklai nen zan thim hnuai a he in atang a min petchhuak tu kha a ni. Ka ngaihtuah zawng ringawt pawh in ka taksa chu a sa pup pup thei.

.

" I tha em?" ngaihtuah hmel zet a a rawn tih chuan ka lo nui lui sak a. Keimah ngei kha ka ni leh ta e. Mahse engtia awm zel tur nge ka hrethiam lo. Maengi ka bia ang nge a rukin keimah in ka che mai ang. Mahse ka dawr mawlh kha.

.

" Lo awm hahdam la. thingpui emaw, engemaw i in duh em?" dam dup a min tih chuan kan nunhlui ka ngai vawng vawng lo thei lo.

.

" Tui ka lo duh ang. i chau awm sia, mu tawh rawh. Keimahin ka va la thei tho alawm" ka tih chuan ka hmai ah a rawn chul zauh a, inthazo zet chuan a tho a, thawmhnaw a inbel sawk sawk a, ka en ngam tawh thlawt lo. Keimah a chakna chhuak kha ala reh miau lo a ni.

.

Tui min rawn pek hnu chuan rang zetin sofa-ah chuan a mu nghal a, kan in mangtha hnu chuan a muhil nghal maiin ka hria. Keierawh ka harh tulh tulh mai. Phone ka mamawh a ni. Ka phone kha ka dilchhuah ngei ngei a ngai. Anih loh chuan engtinnge hma ka lak tak ang? Ka mutthilh ve meuh chuan kawl a eng tan der tawh.

.

Ka harh meuh chuan ni alo sang tawh viau. Ka lu na tluk tluk chu ka dawm vang vang a, Madinga mutna chu alo fel leh vek tawh. A dan pangai in zing ka la thawh khalh hman meuh lo chu a ni. Sana ka en zauh a, dar 11 a ri tep. Muangchangin ka tho a, Mawii thawm hriat tur a awm lo. Room lam ah ka inphihfai a, kitchen lam a ka va chhuah phei chuan Mawii chu chauh hmel zet in chair-ah alo muthlu lawp lawp a, ka thawm ah chuan a rawn meng vat a, min hmu chu a zuang tho vat.

.

" Va mu chawl rawh. Khawnge Madinga hi?" tih pah chuan chair min lo pawhchhuah sak ah chuan ka thu a, ani erawh a thu tawh lo thung.

.

" Hotel lam ah Pi Laura...." a tawng sual tih in hria in a ngawi leh ta daih a, ka hriat duh erawh ka hre tho e.

.

" Chaw ei min lo siam sak la, i hahchawl dawn nia" ka tih chuan chaw ei a siam sawk sawk a, mut chu a tum bik lo tih hriat takin ka chaw ei na bul ah chuan min vil ran a, mak tak maiin he nu hi ka ngaina ru riau a ni.

.

" Ih, ka ring ngam che ngem?" ka chaw lai tawp chuan amah chu ka en ran a, hmeichhe rilru tha tak ni in ka hria.

.

" Engtizawngin nge niang?"

.

" Thil zawh che ka duh a"

.

" Ka pi, ka pu phalna lo chuan engmah i zawhna chhan sak che ka thei lo a ni. Min hrethiam hram rawh" a hmel ah chuan a hlauthawng tak zet tih ka hrethiam. Nawrluih ka tum hran lo. Mahse phone a nei em ka hre duh a ni.

.

" Aw le. Mahse phone hman tur ka va duh ve. I pu biak ka duh riau mai" ka tih chuan a kekawr ipte a zen rak rak a, phone hlui tawh lampang a rawn phawrh a, a pu number chu amahin a hmetchhuak a, min dial sak nghal. Ka chaw ei lai pawh ka ngaihtuah tawh lo.

.

" hello" Madinga aw-ri ka hriat chuan ka thin a phu dawt dawt thei.

.

" Keimah zawk. Ilo chhuak hman daih a" sawi tur ka van angreng viau lehnghal.

.

" Nia, ila mu tui lutuk a. Harsatna i nei em ni?"

.

" Aih, ih..." Mawii chu ka mitmei a, min chhuahsan rih se ka duh a ni. Ka mitmei hrethiam tak in a kalsawn vat a, ka tawng ri hre pha lo se ka duh a ni.

.

" Mamawh i nei em? Mawii kha i mamawh chu hrilh la, alo tihsak vek ang che aw" dam dup a a rawn tih leh chuan ka nuih a za zawk. Ka mamawh chu thudik a ni reng si a.

.

" Ahhh, mamawh ka neih pawh ka hre lo. Englo...."

.

" I duh sawi la. Hei, meeting kan tan tep a, hun ka ngah vak lo ania"

.

" Ilo haw har angem?"

.

" Zanin chu ka hma ka ring chiah lo. dar 8 ah meeting pawimawh ka nei a, haw hma tur in min duh em ni?" a aw-ri ah chuan a phur ve hmel hrep mai.

.

" Aih, ni chuang lo e. Ilo haw hma dawn chuan chaw ei ah ka lo nghak ang che ka tia. Mahse a pawi chuang lo"

.

?
" Ok. Naktuk tlai ah chaw eiin ka chhuah pui dawn che nia. Tichuan a tha em?" a rawn tih chuan ka lawm ru kher mai. Alo haw hma dawn loh chuan Maengi leng ah ka sawm thei ang. mahse Mawii hi engtinemaw hnawhbo dan ka zawn a ngai dawn a ni.

.

Madinga nen kan inbiak zawh chuan Maengi number chu ka dial lehnghal a, a ring ral tep tih chuan a rawn pick up a, ka insawi chuan a au nghal chul a, mahse hmanhmawh tak a ka thil sawi chu a hrethiam tih ka hria. Alo kal nghal ngei bawk ang. Phone ka dah hnu chuan Maengi nen kan inbiakna chu ka delete lehnghal hmiah. Tunah chuan lem ka chang ve tawh dawn a ni. Laura nge lemchang thiam keimah?

.

Maengi a rawn thlen chuan Mawii chuan min vil uluk viau. Mahse ka awmdan ah hriatna hloh ang a ka la awm miau avangin rinhlelh tur em em a hmu hauh lovang. Mahse chutihrual chuan a phone min rawn leisak ruk chu a hre hauh lovang. Mawii hi misual a ni hauh lo. Mahse apu a hlau a, tihsual neih a duh hauh lovang tih ka chiang.

.

" Madinga a rawn haw hma lovang tih i chiang maw?" Mawii ka tirh chhuah hnu chuan Maengi chuan a rawn ti chhuak ta nge nge. Ni e, a hlauhthawnawm tlat a ni.

.

" Dinner a rawn ei hman dawn lo a, a hlauhthawnawm loh ang. Chuan, ka dawr chu Samu vekin alo enkawl amaw?"

.

" Ni mai e. Manager tur pakhat a dah a, i nau te an fel a, i vannei lutuk. Rilru hahna tur engmah a awm lo a nia. I hriatna i nei let leh hi ka lawm emai" Maengi'n a tih chuan a lawm tak tak ang tih ka ring.

.

" I thil tih tum hi keichuan ka thlawp thei meuh lo che a ni"

.

" Ka hria alawm. Mahse tih ngei ka duh a ni. Samu chu engtikah nge ka hmuh theih ang?"

.

" Ka lo be hmasa anga, thil awmdan amah thawng lo tur ber in ka lo sawipui hmasa ang. Mahse ani pawhin a hnial che ka ring" thawk halh pah a a tih chuan ka hrethiam tak zet. Ka thiannu hian na ka tawrh leh a duh lo tih ka chiang a ni.

.

" Hlauthawng suh. Mahse mal min sawm tur in ka duh che" ni e, nu leh pa ka nei tawh lo a, ka chhungte neihchhun in an hralh ka ni. he mihring, Laldingliana hnen ah ngei hian. Chuvangin engpawh ti dawn ila mal min sawm tur in thian leh chhungte ka nei ngai lo. Maengi ka tawn hnu ah erawh ka thla a muang thin a ni. Tunah hian amah chiah chhungte ti a chhal ngam ka nei tawh. Ka thian satliah a ni lo, ka chhungkaw neihchhun a ni.

.

" Duhsakna leh malsawmna ka hlan che. Min mamawhna i neih apiang in i tan ka awm reng tih i hriat kha. Ka kal ang, kan misualpa lo let hma in ka haw loh chuan buaina dang kan hmachhawn hlauh ange. In enkawl tha la" tih pah chuan a ding hluai a, chelh thei dinhmun ah ka ding lo. Ka thil tum avang hian tunah chuan he in ah hian thlamuang ang tak a ka awm a ngai a, tihsual palh ka neih a thiang lo.

.

" Vawiin lam ah inleng i nei ni in ka hria a" Madinga chu kan room kawngka ah chuan a ding a, keierawh lehkhabu chhiar in khum ah ka mu thung.

.

" A dik alawm. Khanu bawk kha a rawn lang leh a, mahse a awm rei lo. I chau em?" nuisang a ka tih chuan min rinhlelhna mitmeng chu a bo veleh mai bawk. Ka chhungril ah erawh hlauhthawnna a nasa ngei mai. Dawtsawi hi ka thiam ngang lo.

.

" Chau lo e. Vawiin lam thil i ei tha em?" tih pah chuan sofa-ah chuan a thu thluang duai a, han en mai hi chuan min la duh ve emaw tih mai tur in ka chung ah a tha viau thin. Ka hriatna ka nei let tih hre ta se engtiang chiah in nge a thinur ang? Ka hlau a ni lo. Mahse Laura dawtsawi, ka hmingchhiatna zawng zawng hailang tur chuan Madinga hi ka hman tangkai a ngai tlat a ni.

CHAPTER -9

Ka zing tho chu ka phei khai a zang kher mai. Ni e, nimin ah ka ke tuamna an phelh tawh miau alawm. Madinga zing walk lo let hma in ka tho hman ve tlat. Kha karhnih chhung khan ka hriatna ka nei let leh tih tumah, maengi leh Samuel-a bak in an hre hauh lo. Tu hriat mah a thiang miau lo a ni. Choka ka luh phei chuan Mawii chuan rawng alo bawl mek a, ani nen pawh hian kan inngaina viau tawh. Mahse ka lo chik mai mai a, Laura hi a hlau tih ka hrethiam. Mahse keichuan thian ang in ka kawm bawk a, min ngaina der ve viau chuan ka hria.

.

" Iva tho hma awm ve?" Madinga aw-ri ka hriat chuan kawngka lam ka hawi vat a, a hmel hi chu a tha teh thlawt a ni. A walk zo, a hah lai hmel te hlei hlei hi a tha zawk emaw tih mai tur. Mahse ka hmelma pakhat a ni tho si.

.

" Ilo va let hma ve. I inbual nghal duh ang tiraw?" tih pah chuan ka tho vat a, hetia a zing walk lo welcome hi nuam a ti thin tih ka hrechiang, tunah pawh a hmel a eng sawt mai alawm.

.

" A pawi miah lo. Tak a, vawiin chu i ke dam lawm na ni pahin Hotel lam ah dinner ka buatsaih tir a, i peih ang chu maw?" a tawngdan ah chuan hman a kan nunhlui ah khan a cheng ve tih ka hrethiam. Ni e, engemaw hlek ah keimah lam a lawmna a awm ve chuan Hotel-ah hian dinner a buatsaih ziah reng a ni. Chutihrualin Laura hi a tel ve ziah bawk.

.

" A pawi hleinem. Chhuah vah ka chak ve tawh viau mai" zang vah a ka lo tih chuan a nui suk a, room lam ah kan inzui lut nghal.

.

Madinga inbual zawh chuan Mawii pawhin chaw ei alo peih tawh a, tunhma kha chuan zinglam hi chu juice leh sandwich emaw, bread emaw kan ei mai thin. Engtiklai atang nge zing chaw hi a ei tak ka hre hauh lo. Mahse pawi ka ti miah lo thung. Kei ei duh deuh tan chuan zing chaw han nghei mai kha harsa ka ti tlat tawh a ni. Chaw eikham chuan thawmhnaw ka neih miau loh avangin Madinga nen chuan thawmhnaw lei tur in kan chhuak dun a, a chang chuan nuam ka ti leh thut thin. Khang thil rapthlak tak kha thleng ta lo se tun ang hian kan hlim reng in ka ring. Mahse chu chu a ni thei si lo. Laura nen inneih an tum tih pawh ak hre ru vek tawh a, ka hriatna hloh avangin Madinga hian Laura hi ala nei lo mai a ni. Ka ke nat lai pawh khan lo haw loh zauh zauh a nei thin, khawnge a awm ang tih zawh ka tum lo. A chhan chu a nupui ni mai tur bul ah bak khawnge a awm tehlul ang?

.

MC kawt ah chuan kan bazar zo chu kan kal phei a, thawmhnaw ka duh aia tam ka lei. Mahse Madinga'n min tilui miau a, hnial a sawt loh zia ka hrechiang. Ka phone ka ken ruk theih loh avangin inveng tut a awm a ngai lo hlauh a, a ziaawm phian. Mahse ka rinloh lutuk in phone dawr ah min luhpui ta thut mai. Ka ring pha lo takzet a ni. Hnial ka tum viau na in ka tawng a ngaithla lo hrim hrim bakah pawi ka ti hran lo. Mahse ka phone hlui erawh kha chu nakin lam ah min la pek let leh ngei a ngai dawn a ni. Chumi hun ah erawh chuan ka hriatna ka nei let leh tah tih a hre hman ngei ang.

.

" In a haw tawh lo in Hotel-ah kan tlang mai dawn nia. Pawnlam a thil ei nge Hotel-a ei mai i duh?" phone kan lei zo motor-a kan thut luh hnu chuan a ti nghut a, a chau ve anih ka ring, a aw a nelawm lutuk lo. A awm ve tho e, keipawh ka chau ve tak zet tawh. Dinner hma a tlem mut min phalsak em ang chu maw.

.

" Pawi lo e. Mahse tlem azawng chu mutthilh lawk ka duh mange, ka chau ve deuh in ka hria"

.

" Ok. Problem awm lo. Ka room ah i mu mai anga, keichu dar 3 ah meeting ka nei zawk dawn a, in a haw kher chu i duh hran lo maw?" ka ngaihdan a ngaipawimawh ta lutuk chu ka nuih a za zawk.

.

" Aih. A ngai chuang lo. Mahse underwear hi engtinge niang?"

.

" Ni dawn tak e. Duhleh in lam ah haw mai ila, tlai ah ka rawn lam leh mai ang che. Anih loh pawhin motor ka rawn tir thei tho ang" a tih chuan ka lawm khawp mai. A chhan chu in atang Maengi biak ka duh vang a ni. Mawii lah a awm chuang lo a, free tak a phone hman na hun ka nei dawn tihna a ni mai.

.

In kan thlen chuan Madinga pawh a let veleh nghal a, min ngaihtuah viau nangin ka awm thei tih ka hrilh tlat avangin Mawii koh haw a tum pawh chu ka hnial lui ve tlat thung. Kha karhnih chhung khan min rinngamna tur in ka awmdan a tha tawk miau a ni. Madinga a tlan liam ta maw tih ah rang zet in ka phone thuhruk ka va la chhuak a, Maengi ka va phone chu a lawm ngei mai. Kan inhmu thei si lo, call a inbiak ngam ni bawk si lo, aw-ri kan inhria chu thla a muang huai thei. Vawiin lam kan kalna tur ka hrilh chuan Samuel-a pawh a a tel ve dawn tih a sawi a, ka lawm ru kher mai. A chhan chu Laura a tel ngei ka rin vang a ni.

.

Tlai lam dar 5 ah Madinga'n min rawn lam a, ka inchei uluk bawk a, min hmu chu a meng phar ve ak mai. Ni e, ka duhtawk a ka inchei hi chuan ka nalh ve tawk thin em a ni. Inchei hi ka ngaina lutuk lo a, simple thei ang ber hi ka duh thin. Mahse tunah chuan ka inthlak a ngai tawh. Laura hi ka ti na let phawt anga, chumi atan chuan parh mawi tawk a ka inchei a ngai tawh miau a ni. Hotel kan thlen chuan Madinga mi sawm ho an lo thleng kim thap tawh a, Laura pawh a langsar leh vah vah tawh khawp mai.

.

" In zavai chung ah ka sawmna ngaipawimawh a inlo lan avangin lawmthu ka sawi hmasa a ni. Zanriah kan kil ho theih chhan hi ka inhmelhriattir che u anga. Jessica, ani hi ka thian, ka taksa dinglam, ka engkim a ni. Harsatna kar ah a rawn dam chhuak leh a, a thla hualna ni pah fawmin zanriah min kilpui tur in ka sawm che u a ni. Tunah chuan tui tak in ei tawh ang u. Chuan, khawngaihin Jessica harsatna thlen tur in kan hun hma lam engmah min zawt rih lo tur in ka ngen che u a ni" tih pah a Samuel-a ava melh chu ka nuih a za ru ang reng khawp mai. Samuel-a lahin a lo en kal bawk a, inbeihna a hnuhluh duh lo viau mahila ka hnuk lut lo thei dawn lo a ang riau mai.

.

Chaw tui tak a ni. Mahse Laura chezia chuan ka luak a ti chhuak ngawih ngawih thung. Madinga chu a bawh lo chauh reng a ni. Samuel-a nen chuan kan inmelh zauh zauh a, inbiak ngam a ni der si lo. Chaw eikham chuan party hall lam ah kan phei a, chutah chuan party a awm dawn a ni. Madinga nen chuan kan inkai phei a, Laura hmel chu a hmuhnawm loh kher mai. Music ri riai riai kar ah chuan kan thukhawm a, tumah chu a mimal a hriat ka nei em em lo. Samu, Laura, Madinga te zawng chu ka hriat awmchhun an ni.

.

" Min lo hrethiam ula, zanin hian kan pi ber dam lawmna kan neih rual hian thil pakhat surprise tur che u ka nei a. Mr. Chandra Patel, helai hmun ah hian lo lut rawh l" Samuela'n a tih chuan kawngka a rawn inhawng a, vai mipa, sang tha zet, mahni inrintawk hmel zet hi a rawn lut zan zan a, angaihna kan hre lo hlawm kher mai.

.

" Thiante u, ani hi Bangalore-a kan zir pui thin ania, vawiin hian Mizoram a rawn thleng chiah a, he Hotel-a partner ka nihna ang in ani hian ka hna chanpual a enkawl tawh dawn a ni" a tih chuan kut beng in ka dingchhuak a, Madinga hmel mak lutuk mawlh chuan min ti lawm phian lehnghal. Kut beng a ka dinchhuah tak ah chuan midang pawh chuan min rawn zawm ve nghal a, Laura ka va melh chu ka rin loh lutuk in a hmel chu a dang vek thei.

.

Chutia Madinga party siam a samuel-a inrawlh ve chu Madinga a lawm hauh lovang tih ka hria. Mahse mi mawl lo ta chuan tha takin alo welcome a, Samuel-a hmel a hnehtu intihna hmel chu ka hmuh hmaih hauh lo. Party pawh nuam tak in kan hmang zo a, Madinga chuan hna khawih lawk tur a neih chhuanlam in Samuel-a chu a room-ah a ko lut a, pawn ah chuan ka thu ran mai. Mahse Laura reng reng ka hmu lo, kha vaipa pawh kha.

.

Tih tur em em a awm lo bawk nen, Madinga te lah an rei phian mai si, Hotel chhung ah chuan ka tei kual a, balcony lam ka va chhuah phei chuan ka rin loh lutuk in laura leh vaipa chu an lo ding dun a, va pawh chi ni a ka hriat loh avangin ka inher vat a, ka kal leh tur chu Laura thusawi chuan min tiding dawt thei.

.

" He hmun ah hian tihtur i nei hauh lo. Bangalore ah let leh la, ka nun ah rawn inrawlh tawh ngai suh ang che. He hotel hi ka pasal tur ta a ni tih hria la, i awm lui anih chuan harsatna i tawk ngei ang" mak ka ti lutuk chu chetsawn nachang pawh ka hre lo.

.

" Laura, i nun a inrawlh tum in he hmun ah hian ka rawn kal hauh lo. I unaupa, ka thianpa ni bawkin ka puihna a mamawh vang chiah a lo kal ka ni. Hna ka mamawh loh zia hre tu i ni. Tin, kha hmeichhe khawngaihthlak tak kha thlah zalen rawh. Ka nun i tihchhiat hi chu ka ngaidam ang che. Mahse ka thianpa hmangaih ber nun chu i tichhe tawh tur a ni lo. I tilui anih chuan keimah min hmachhawn zel a ngai ang. En teh, i hnampui te hma ah keini pahnih hi kan sakhaw dan in nupa kan ni tawh tih hi ka sawichhuah ngai suh se" vaipa chhanna chuan min ti zawi vek thei. Laura hian kha vaipa kha pasal atan alo nei tawh amaw? Lalpa, eng thu nge ka hriat hi?

.

" Min vau tihna em ni?"

.

" Aih. Ka hrilh che anih chu. Ani khan enge i lak ah tihsual aneih?"

.

" Lo inrawlh suh. Anih loh chuan i nunna hial pawhin a tuar mai ang"

.

" Hmeichhe nasa lutuk. Ka nu khan a sawi dik chiah a nih hi. Ka thusawi kha hrereng ang che. Ka kalsan phawt mai ang che" Vaipa lo kal phei chuan min hmuh loh nan ka insaseng vat a, amhse ka thu hriat vang khan ka khur dar dar thei. Engtiang chiahin nge Laura hi alo tal ngap thin ang? Madinga hian heng zawng zawng hi a hria angem?

CHAPTER -10

Madinga office lam a ka let leh meuh chuan Laura pawh Madinga bul ah alo ding leh vang tawh. Nichin lawk a a boruak tawn khan a tibuai ve deuh tih chu a mitmel dul ve deuh ah chuan a lang ve tlat a ni. Madinga'n min lo hmuh veleh chuan min lo nuih var var a, Laura a bul ah a ding tih ngaihsak hmel a lang lo. Ni e, zan in hian ka chhelo ve bawk em a ni. In a damlo, ke na, hmel dang deuh kha a bo a, a tawk chiah aia nasa ve hret in make-up ka inhnawih bawk nen, keimah ngei pawh ka inchhuang viau mai.

.

" I chau tawh em?"

.

" Chau lo e. Ka lo hawi khawthawng mai mai a. I tihtur i zo tawh mi?"

.

" Zo chu a ni mai a. Ka chau ve riau mai, kan haw mai dawn em ni?" a tih chuan Laura chu ka va en a, a mitmeng ling hlar chuan amah ngaihsak lo nih na a tih zia a tilang chiang hle a ni. Ka thinlung chu a nui var var a, pawnlam ah erawh ka nui chhuak ngam der si lo.

.

" Laura, kan rual in nge motor i keng?" ka tih chuan Madinga chu harhchhuak zawk ang maiin Laura lo ding ve reng chu a en a, a mitmeng buai nak chu ka hmuh hmaih hauh lo.

.

" Sorry, keimahin ka inkhalh haw mai ange. Tluang tak in le" tih pah chuan kan tawng veleh hma chuan a kal nalh a, Madinga thawhalh chu hre lo der in in ti no zet chuan a ban ah ka va kuah a, alo insangmar teuh chu ka hre thei. Amah melh chuan ka vei nuih sek a, mit zim sun chuan min en a, a nui ve suk mai. Ka thangkam ah ka awk ngei dawn e. Mahse hetihrual hian thang hlauhawm tak, mipat hmeichhiatna thang ah ka awk lut ve thei reng tih ka hai hauh lo. Ka thangkam ah ngei hian keimah hi ka awh loh nan ka thiamna zawng zawng deuh thaw ka sen a ngai dawn tih ka hria. A chhan chu ka bul a mipa ding hi ka hrechiang miau a ni. Mipa hrisel tak a ni miau a, a nupui ang thaw thang in ka awm tawh miau a ni.

.

In kan thlen chuan vanneihthlak tak in ka bul a riah tumna a nei lo hlauh mai. Ka insangmar teuh pawh a zia huai mai. Mahse nakin lehzel ah enge kan la an ang? He ka thil tih hian eng thleng nge min kalpui ang ka hre lo, mahse ka dikna erawh chu ka hailang ngei ang tih chu ka thutiam a ni tawp mai. Fahrah, chhungte pawh nei tawh lo pawh ni mahila dawt a puh a ngawiral mai mai tur chuan ka tawrh kha a nasa ve tawk e. Dikna hailang tur chuan min tih ang chiah a tihlet a ngaih hun a awm ve tlat thin. Chu chu ka tum ber kha a ni miau a. Mahse ka tum dan kawng leh tun a ka kawng zawh mek hi a inmil hauh lo. He in ah hian Madinga hmeichhia ang in ka luh leh ka ring ngai lo. Mahse kan hun tawn mil zel a insiamrem thiam apiang mi vannei an ni tih kha a takin ka nunpui a ngai a, ka nunpui ve a ni mai.

.

Ka ke pawh sawiselna tur a awm ta lo e. Doctor hmu tur in Madinga nen kan kal zauh zauh a, ka hriatna ka hloh vangin kan kal a ni ber mai. Mahse keimah berin ' ka hriatna ka hloh tawh lo' ka ti anih loh chuan ka hriatna ka nei let leh tih fiahna a awm der si lo. Ka rinaiin lemchan pawh ka lo thian zek mai lehnghal. Madinga nen kan inkar a tha a, sex chungchang ah pawh ka duhdan min la zah sak hram hram a, mahse heti reng hi kan ni angem ka hre lo. Ka dawr pawh a rukin vawi 2 chu ka va thlir tawh. Mahse ka hnathawk ten hre ta se buaina a thleng thei a, chuvangin kei leh Maengi leh Samuel-a bak in kan hre rih lo a ni. Samuel-a lak ah hian bat ka ngah tak zet. Chutihrualin Maengi lakah pawh. Ka tan chuan chhungte aia ka chhungte an ni tlat a ni.

.

" Bawihi, vawiin chu ka rawn haw hma dawn lo a, naktuk ah ka zin dawn a, ka thawmhnaw ilo tifel mai dawn em ni niang?" ka phone chu ka fawp lo chauh a ni. A chhan chu naktuk tuk leh hi ka nu leh pa boral cham a ni a, mahni a thlan a kal ka duh a ni. Madinga a awm chuan min kalpui a tum leh ngei anga, ka duh ang in ka nu leh pa ka be thei lovang tih ka hlau a ni.

.

" Aw le. Mahse...."

.

" ENgenita? Harsatna a awm ami?" ngaihtuah hmel zet a a rawn tih chuan ka nui sak a.

.

" Aaah, ngai lo mai. Ka lo siam dawn nia"

.

" Jess, enge sawi rawh. Ka rilru a nuam ta hauh lo mai" a rawn tih chuan ka hmel chu hmu se min hnek chawrh duh ngei ang.

.

" Naktuk tuk leh hi ka nu leh pa boral cham a nia. Aaaa, theihnghilh rawh"

.

" Ka hria alawm. Ka lo haw ah kan sawidun dawn nia. Chaw lo ei tha rawh aw"

.

" Aw le. Tak a, zan in chu ilo haw tlai dawn tho chuan ka Nutei te in a va kal ka duh mange. Engemaw ruahmanna siam te ka duh ve a, a rem angem?"

.

" Aaaa... Eng in nge i kal ang? Driver pakhat chawlh ka lo pe sia"

.

" Keiman ka..." ka tawng sual teuh kher mai.

.

" Nangmah a kal chu ka remti hauh lo. Motor ka rawn tir anga, i kal thei ang. A tha em?" ka tawngsual tep a hrethiam lo chu ka thaw huai mai. Mahse motor lo tir ta se engtinnge Maengi ka hmuh theih ang. A theih loh tawp.

.

" Aaaa... Nia, mahse ka lo phone leh mai ang che. Chaw te ka ei ve phawt anga, pawi em?" ka tih chuan min hnial lem lo. Dik tak chuan mahni a teichhuahna chance hi min siam tam lem lo. Chutihrualin chance ka neih ka bawhpelh ngai hauh lo thung

.

Zanriah eikham chuan ka inngaihtuah a, chhuah loh mai zawk chu ka thlang leh ta. A chhan chu ka Nutei te va hmuh kha ka chak miah lo. Ka chhuanlam mai mai a ni miau a. Motor a rawn tirh chuan ka kalna tur ka sawi ah bak ka tan kal theih a ni dawn lo tih ka chiang. Chuvangin chhuah loh kha ka tan a nuam mah ta zawk. Madinga ka va phone a, ka chhuah peih leh chiah loh thu ka sawi chuan a lo ok ve mai bawk. Mawii ka mut hma tir a, kan room ah awm in Maengi nen rei tawk kan inbe thung. Ka dawr chungchang te, ka motor te, ka in te engkim Samuel-a nen an lo buaipui vek a, ka tan chuan rangkachak tlang tam tak ai pawhin an hlu zawk a ni. Ka nu leh pa boral cham a thlan kal ka tum thu ka hrilh chuan chawlh alo lak ve tur thu leh a in a chaw ei min siam sak tur thu a sawi chuan ka pawiti lo khawp mai. A chhan chu he hun aia remchang hi kan hmu kher dawn lo tlat a ni. Maengi nen kan inbiak zawh ah Samuel-a ka be leh a, he mihring zet hi chu a nupui nih a nuam khawp ang. Mipa tha tak a ni. Maengi nen ka nu leh pa thih cham a kan thil tum ka hrilh chuan tlai chaw rawn ei ve a tum hmiah a, pawi ka ti lo khawp mai. A chhan chu kan 3 hian engchennge kan inhmuhkhawm tawh loh? Hei bak bak a hun remchang.

.

Madinga ka vai liam hnu chuan inchhung ah ka lut a, Mawii nen chiah kan awm ta. Mak tak maiin min zin san meuh chuan khawhar ruk riau na ka nei ta tlat mai. Ka lu ka thing a, he mihring lak ah hian ka talbuai nawn tur a ni lo tih chu ka inhrilh mawlh mawlh a. Madinga ka hrilh lawk tawh ang in ka nu leh pa tan a ka inbuatsaihna tur thil mamawh lam tur ang in ka chhuak ve vat a, kan in a tang motor kawngpui hi a fal deuh hlek avangin taxi ka ko lawk a, Madinga'n remti lo viau mahse a zin chhung chu driver te chawlh ka pek luih tir tlat thung. A chhan chu ka tih tur ah min tihbuai ka hlauh avangin. Taxi chu ka kal duhna ka hrilh a, ka duhna hmun kan thlen chuan ka chhuk vat a, ka hma a building ding luah chu ka thlek vang vang a, he hmun ah hian mi hmuh tur pawimawh tak ka nei a ni.

.

Doorbell ka hmeh vang vang hnu chuan kawngka a rawn in hawng rak a, Samuel-a ngei mai chuan nui var var in min lo en a, ka thaw huai mai.

.

" Ilo thleng thei maw? Kan lo nghak reng tawh che a. Lo lut rawh" tih pah chuan kawngka a rawn hawng zau a, inchhung ah chuan hman zan a vaipa, Mr.Patel chu a lo thu a, min lo chibai vat a, pa tha tak anih ka ring.

.

" Samu, ka hman rei dawn lo a, bazar a kal ngei ngei ka ngai a, chuan, enge kan saiw tur ber chu ni ta?" tih pah chuan sofa nuam zet ah chuan ka thu tlum thaih a. He in hi vawikhat chu ka kal tawh, mahse Samuel-a in a ni tih ka hre lo. Mi dawr a ka thawh lai khan lehkha pawimawh dahin ka kal tawh a ni.

.

" Nia, sawi nghal pawp ang. Tunah hian Madinga hian hna thil ni lo in Chandra chhungte hmu tur a kal a ni tih i hriat ka ring chiah lo" Samua'n a tih chuan ka phu zawk thei. Enge a tih ang? Kha thuruk kha a hria tihna em ni? Laura chungchang kha.

.

" Aih, ka hre miah lo"

.

" Miss Jessica..."

.

" Khawngaihin Jess min ti mai rawh" ka lo ti vat. Hnamdang hi chu hmelhriat sa loh chu an koh dan hi a zahawm thin khawp a.

.

" Sorry. jess, tunah hian i pasal hi ka nu leh pa hmu tur in a kal mek a, helai ah hian rei ka awm thei dawn lo tih ka hria. Mahse chumi hma chuan nanghi puih che ka duh a ni" Chandra in a tih chuan makti zet in ka en a, enge min puih ve ngawt chhan tur ka hrethiam pha hauh lo.

.

" Min lo hrethiam ula. Engvang a min puih hi duh nge i nih?"

.

" Ka story tlem ka hrilh ang che. Tunah hian Laura nen a kan fapa hi ka nu leh pa bul ah a awm mek a, Laura hian min tlanbosan a ni. Samu hi chuan a hre vek tho a. Court hma a nupa thlap kan ni a, Hindu dan a innei kan ni bawk. Mahse ka nu nen hian an inmil hlawl lo a, fapa kan neih hnu lawk ah kan chhungkaw sum tam tham tak tlanbo puiin Mizoram ah a rawn tlan haw a, ka chhungte thinur viau mahse ka hmangaih miau avangin engtinmah tih ka phal lo a, amah hmu tur hian vawi tam tak Mizoram ah hian ka rawn kal tawh a, Samu rual pawh hian ka rawn kal fo mai. Mahse kan ram a hruai haw ka tum apiangin chhuanlam a siam ziah a, Mizoram a awmpui ka tum in a duh chuang hek lo. Tunah hian ka fapa chu brain tumor tih kan hrechhuak a, ka mangang lutuk in Samu hi ka rawn be tawp a, ani in rem hre tak in ngaihtuahna alo seng a, heti hi kan ni ta a ni. Tunah hian ka fapa chu ka nu leh pa in keima Hospital-ah ngei an awmpui a, hun ka ngah lo. Ka pui duh che ka tih hi zep lo in sawi ila, i mi puihna ka mamawh bawk a ni. Ka fapa hian a nu a hmu chak em em a, mahse keichuan ka ko kal zo lo. A chhan chu i pasal hi keiaiina thlang tlat a ni. Tunah hian i pasal hian engmaha hre lo. Mahse ka chanchin a chhui chhuak a, ka nihna a hre bawk. Ka chanchin chiang lehzual a hre tur in a kal a ni tih ka hria. Ka nu leh pa a hmuh chuan engkim a hrechhuak ngei ang tih ka hrechiang. Min duhlo a, kan fapa pawh duh lo a, kan chhungkaw sum tam tak tlanbo pui tu Laura hmu tur a ka kal leh hi an rilru a dam dawn lo a, ka let vat a ngai dawn tih ka chiang a ni. Chumi buaina a thlen hma chuan i pasal hi i ko let ang nge a nih nih kan ni tlang ang tih hi kan ngaihtuah tur a ni ber" ka thaw a chham lo chauh a ni. Heng zawng zawng hi engtinnge a thlen theih? Madinga chuan hre ta se enge a tiha ang?

.

" Jess, i kut ah engkim a innghat a ni. Tunah hian i natna, dawt a puh i nihna hi Laura bia in thudik i puantir thei. Ka unaunu chu a ni ngei, mahse dawt hi ka hua a, min vengthawng suh ang che" samua'n a rawn tih leh phei chuan ka buai mup mup ni ber in ka hria.

.

" Mahse..."

.

" I duh chu ti la, tumahin kan dem lovang che" Chandra chuan a rawn ti leh khauh a. Tun hun hi a ni lawm ni ka nghah? Hun remchang ka hmuh hi ka bawhpelh thiang hauh lo. Mahse Laura hian ka thil tih tir tur hi a ti duh angem? Mahni fa pawh kalsan duhtu hmeichhia hian a ti duh angem?

.

In ka thlen chuan ka chau hnawk thei. Ka thil lei ho chu Mawii'n a dahtha a, kei erawh room lam ah ka lut tlang nghal. Ka thil tih tur chuan min tichau ngei mai. Ka inbual hmasa te te a, ka inbual zawh chuan ka phone, Madinga min leisak zawk chu ka en a, a thleng tawh a ni ngei ang, a miss call pawh alo awm tawh. Ka phone let duh ta lo. A chhan chu Laura biak hmasak ka duh tlat a ni. Zanin tut tut ah a thil tih tum ala ti lovang tih ka ring. Ka phone chuan Laura number chu ka hmet a, ka dial tur chu ka khur ve hial a ni. Ka tum loh dan hian ka kal chawn chawn reng mai sia. Mahse Maengi ka rawn thlap a, Samu-a remruatna chu a pawmpui ve miau avangin a tha ber tur anih keipawhin ka ring ve tawp mai.

.

" Hello"

.

" Laura, keimah Jessica"

.

" Oooh.. Engenita?" a aw ah chuan a beisei lohin ka bia tih hai rual a ni lo.

.

" Zanriah i rawn ei hman angem?"

.

" Ngati teh thut nge?"

.

" Biak duhna che ka nei a, nge keimah ka rawn chhuak mai dawn?"

.

" A ngai lo ve. Ka rawn kal dawn nia. Dar 5 ah ka rawn thleng ang" a tih chuan ka thaw huai mai. Mahse ka la hmachhawn tur hi ala lian nasa mai si.

.

Laura chu a rawn sawi hun ah chiah chuan a rawn thleng thlap a, a nalh lehpek kher mai. Sitting room lam ah chuan kan thu dun a, sawi tur a vang kher mai. Chaw ei hma a sawi chi nge ni ang chaw eikham lam ah tih ka inngaihtuah buai kher mai.

.

" Enge nang meuhin min hmuh duh chhan chu ni ta?" amah zawkin a rawn tih chuan thawk ka la hak a, ka kut chu a khur loh nan ka hum nghet sauh a, eng hmeichhia nge ka tawng tur hi ka hre ve tlat a ni.

CHAPTER -11

" I duhdan chu pawm tur ni ila i hriatna i neih let thu hi Madinga ka hrilh daih tawh i ring lo em ni? Madinga hi ka nei lo anih chuan tumah in an nei hauh lovang" ka mit a en kal chung a min tih chuan ka rilru a buai ta nak mai. Ka hriatna ka nei let leh tawh tih engtinnge a hriat theih?

.

" I sawi awmzia chu ka hre hauh lo" zam lo hmel pu tak chung chuan ka ti let ve nghauh a, mahse ka chhungril erawh a hlauthawng ve lo thei lo.

.

" Jessica, dawt sawi a ngai rih lo e. Madinga hi ila bum cheu dawn nge thudik chu keimahin ka hriattir zawk dawn?" a mitmeng ling hlar chu a zam loh hmel viau nangin hlauhthawn nei mitmeng chu a bo bik hauh lo.

.

" A tha e. I duh chuan hrilh la, mahse i pasal hian enge a tih ang i hrethiam in ka ring. A pasal leh a fapa tlanbosan mai duhtawk lovin a pasal chhungte sum thahnem tak a tlanbo pui ti a mi in an..."

.

" Ngawi hmak rawh" a au a ni ber tawh mai. A duh aia tam ka hria a ni chek ang chu. Mahse ngaihpawimawh loh hmel zet in ka nui sak a.

.

" Ngawi tur a min duh anih chuan i fapa, brain tumor vang a natna khum a mu mek khu ngaihsakin i pasal hnen ah let leh la, chumi hma in dawt a min puhna zawng zawng kha Madinga hnen ah thudik hrilh ang che. Anih loh chuan i nun dan tenawm tak vang hian i nu leh pa chu zak in an kun tlawk tlawk ngei ang" zam lo zet a ka tih chuan min pawh sawm vek duh hmel a pu hial a ni.

.

" Zawngi, ka nun chhui tur hian eng ang fakau a lian nge ni a i inhriat? Tenawmnu, i hriatna i nei let leh tawh tih hi i pasal in a hre ngei ang, Nuam sa chuan ka dah hauh lovang che" a ti tawn tawn a, kei erawh ka lo nui sak thung. Hetia chhaihkawlh hi ka tum ber a ni miau a. Mak ka ti eih lo bawk.

.

" Harsatna ka nei lo e. I duh chuan tunah pawh hian hrilh rawh. Mahse tunah hian i fapa hmel hmu tur in a kal mek a, a hmuh meuh chuan a lak a i dinhmun tur chu i hrethiam mai ang chu maw?" tih pah chuan ka kut ka kuangkuah than a, a hmel buai lutuk chu a hmuhnawm tham khawp mai.

.

" Tenawmnu, Madinga hi ka ta tur anih hi. Nanghi a nupui i ni ngai lo a, i ni ngai hek lovang. Keihi a nupui hual ka nih hi" khur dawt dawt chuan min en a, keiin zam hauh lovin a mit ah ka en kal bawk.

.

" Kan la hria ang chu. I ril te a tam tawh awm sia, chaw ei lam kan hnaih tawh mai dawn mi?"

.

" Eng ang pawhin riltam ila he in ah hian ka ei hauh lovang, nang mi tenawm hi ka thehchhuah nawn leh hma che chuan" tih pah chuan a tho a, chelh ka tum hauh lo. Tum pawh ni ila ka hlawhtling dawn chuang lo a, chutiang a in tih tlawm kher chu ka tum hauh lo.

.

Zankhua chuan Madinga nen kan in be lo. Mahse pawi ka ti lo. Laura khan ka hriatna ka nei let leh tih hi a hrilh hauh ka ring lo. Ka ring lo mai ni lovin ka chinag a ni. A chhan chu pasal nei lai a ni tih a hriat a hlau dawn tlat a ni. Mahse khua a var anga, Madinga chuan a hrechhuak tho dawn a, chutah meuh erawh chuan engkim a langchhuak tawh dawn thung a ni. Chumi hun ah chuan ka zalen tawh anga, thlamuang tak in ka nun ka hmang ve tawh dawn a ni. He in atang hian ka chhuak anga, ka sumdawnna ka enkawl veleh tawh dawn a ni.

.

Ka zing tho chu ka lu a na deuh bur. Hritlang ka kai a ni ngei ang. Ka nu leh pa boral cham a ni. Mahse ka rilru a lian zawk chu Madinga min rawn phone hun tur zawk. Nizan lam ah mangtha na thu pawh engmah min rawn thawn lo a, ka ngaih a tha lo hial zawk. Whatsapp ah a last seen ka en a, alo online reng zui. Min rawn biak miah loh avang chuan mak ka ti ru ang reng viau. Laura ka check leh vat a, ani pawh a online. An inbiak ngei pawh ka ring. Ka lu ka thing nawk a, ka thinlung a tlemte a thikna la rawn awm zauh chu theihnghilh tum in ka zai zui nghal. Bathroom ah lut in ka intifai mawlh mawlh a, ka chhuah phei meuh chuan Mawii pawh in ranwg alo bawl peih thlap tawh. Thingpui in kher tawh lo in chaw kan ei zui nghal a, ka chaw ei erawh a tui hlawl. Ka phone ri chu ka hria a, rang zet in ka pick u[ nghal. A chhan chu Madinga a ni miau a.

.

" Tinge min lo va be har ve?" kan ti deuh nghal tawng pek.

.

" Min lo ngai hman viau ani maw? Tak tak a, hei, naktuk ah ka rawn thlawk let dawn a, vawiin lam ah ka tih tur ka tifel anga" dam dup a a rawn tih chuan ka hlauthawng tak zet a ni. Tlai lo thleng se hetiang ang a dam hian min la be fo angem? Chunglam chiah in a hria.

.

" Anih chu. Eng lampang nge ka hriat ve a rem em?"

.

" Hotel chungchang a ni deuh ber mai. I ngaihtuahna lo seng vak vak lo la, Doctor in indim tur a tih che kha aw... Chuan, vawiin lam ah i nu leh pa thlan i kal hun ah chibai min lo buk sak dawn nia" a tih chuan thil diklo ka lo ngaihtuah leh hman pek. Ka pasal tak tak ni se tih mawlh chu. Jessica, harh rawh. Phuba la tur i nih kha.

.

" Aw le. Zan ah ka lo be dawn che nia" ka tih hnu chuan phone kan dah nghal. Laura chuan engmah ala sawi lo a ni ngei ang.

.

Chaw eikham chuan ka insiam sawk sawk a, Maengi hnathawhna lam a kal ka tan a rem chiah lo. A chhan chu Madinga hian Maengi pawh a check tawh miau a, taxi in ka nu leh pa kan phumna hmun thlanmual ka pan tlang nghal a, ka thlen chuan Maengi'n min lo nghak vang tawh. Kalkawng a ka lei rose par sen tam zet mai chu ka nu leh pa thlan ah chuan ka dah a, ka tah a chhuak kher mai. Ngawirengin ka be mawlh mawlh a, Maengi'n ngawirengin ka bul ah min lo thut pui thung. La dam ni se khang ka hun tawn rapthlak zet zet ho kha ka tawng bik hauh lovang. An neihchhun ka nih avangin min duat dan tur te ka ngaihtuah a, ka hringnun fair lo lutuk hi chu Pathian dem a awl lek lek thin. Mahse tun thleng a hriselna tha min la pe a, eizawnna tha tak min pe tu hi ka dem ngam lo, dem thei lah ka ni hek lo.

.

Thlan a rei tawk fang kan awm hnu chuan kan thiandun chuan Maengi in lam kan pan zui nghal a. In kan thlen chuan engkim alo bazar lawk vek tawh bawk a, rawngbawl bak hna kan nei ta lo. Samuel-a ka bia a, a hna laklawh a zawh veleh alo kal nghal tur thu a sawi a, a thianpa a rawn hruai ve theih tur thu ka hrilh chuan min hnial thung. A chhan chu Madinga a zin tlat a, Hotel a thutchilh a ngai miau a ni. Rawng kan bawl peih fel tih chuan Mawii ka phone a, ka Nutei te in a chaw ka ei tur thu leh min ngaihtuah lo tur a ka hrilh hnu chuan Samu pawh alo thleng chawpchilh ve nghal.

.

" Laura chuan ti tur a i hrilh chu a tih duh si loh chuan saw in atang a i chhuah tawh saw tha in ka hria" chaw eikham a kan thut muan lai chuan Maengi chuan a rawn tichhuak a, hei hi a sawi ka rin reng a ni. A ngaihdan chu a diklohna lai pakhatmah a awm lo tlat a ni.

.

" Aih. Ka la awm a ngai. Madinga hian thudik chu a hre phat tur a ni. Chumi hma chuan hahdam tak in ka awm thei ngai lovang. Ka hmangaih hmasak ber leh awmchhun a ni miau a ni" ka tih chuan Maengi chu a thaw halh a.

.

" Ni e. Nangmah ber in awm ila duh chuan a pawi hleinem. Mahse thudik chu lo hre ta tehreng pawh ni se in inkar a that phah dawn tihna em ni?" Samu chuan a rawn ti khauh a, chulam chu ka lo ngaihtuah miah lo.

.

" Ka hre lo le"

.

" thiannu, thian ang ni lo, unau ang in ka en che a, he thil hian engmah a siamthat phah ka ring tlat lo a ni. Chhuahsan zawk mai rawh" Maengi chu ka en a, min hmangaih vang tih ka hria. Mahse chhuahsan ka la tum tlat si lo. Keihian eng ber nge ka beisei le?

.

" Min hmangaih vang tih chu ka hria. Mahse chhuahsan lo tur a hrilh tu ka thinlung ah hian a awm tlat a ni. Samu, i chung ah hian bat ka ngah takzet a ni. Ka eizawnna engkim min enkawl sak a, lawmthusawi dan tur pawh ka hre lo" Samu lam hawi pah a ka tih chuan alo thle buk a, a hmel hi chu a tha thlawt e.

.

" Lawmthusawi tur in ka phut lo che. Chuan, enge la tih chhunzawm zel i tum?" a zawhna chuan tawng ngaihna min ti hre lo. Keipawhin engtia tih chhunzawm tur nge ka hre lo. Chhan tum a ka ak ka ang chiah tih chuan ka phone a rawn ri a, kan en chu Laura a ni tlat.

.

" Hello"

.

" Inremsiam ang" teh tawng chuan le.

.

" I sawi awmzia chu?" phone chu loudspeaker ah ka dah nghal.

.

" Madinga hi engmah ka la hrilh lo a. Chuan, i rin ang in vawiin hian ka fapa chu ava zawng chhuak hauh lo mai. Inhmu ang"

.

" Naktuk ah a rawn haw let dawn a, i duh chuan zan in ah in ah min rawn hmu thei ang. Mahse game thing deuh rawn apply tum suh ang che"

.

" Aw le. Dar 8-ah ka rawn thleng ang" Phone kan dah hnu chuan kan in enkual a, tawng hmasa tu nih kan hreh hmel hlawm mah zawk. Ka beisei hauh lo thil a ni Laura khan a rawn sawi.

.

" Enge a sawi i rin?" Maengi a tawng leh hmasa ber ta nge nge. Ani hi chu a hriat duh hi chu a nghak thei thin lo. Hei tak hi ka lawm na em em a ni thung. A tawng tui laklawh chuan tawngna hun ka chang ngai lo bawk. Chutihrualin sawi tur a hriat loh vek vek chuan a ngawi ngar ngar tawp a ni leh thung.

.

" Ka hre lo le"

.

" Engpawhnise zan in chu in kawt ah ka lo awm ang. Eng chiah nge rawn tih a tum kan hre si lo a" Samua'n a tih chuan ka hnial hran lo. A chhan chu mahni fapa thi tep tawh pawh ngaihsak duh miah lo hmeichhia a ni miau alawm le.

.

Hmeichhe induhtawk, hun vawng dik zet anihna tikang chiang lehzual tur in zan dar 8 ah chiah chuan Laura chu a rawn thleng a, a nalh leh pek kher mai. Mahse eng ang pawhin nalh ka hmuh hniam sa naklaiin ka hmu hniam lehzual tawh. Engtinnge a fapa, a chhual chhuak, a thisen ngei mai chu a tlanbosan theih zawk? Tenawm lutuk.

.

" Hun i vawng dik hle mai. Lo thu rawh. Mawii, zan in chu mu hma rawh. Thingpui chu keimahin ka lo lum mai dawn nia" ka tih chuan Laura chu a thu ve nghal a, tun tum chu a tawng hmasa lo ve tlat. Min mamawh tu zawk ni miau hek. A hun ah chuan a inphahhniam thiam ve khawp ang chu. Hmeichhe mai mai ni miau hek lo.

.

" Eng inremsiamna nge i duh tak?" Mawii a mut fel hnu chuan ka ti ta nge nge.

.

" Madinga hi chhuahsan la, kan inneih fel hnu ah i duh ang in thudik chu ka sawi ang"

CHAPTER -12

" Duh lo ta ila" a thusawi chu ka rin loh lutuk lam a ni.

.

" Anih chuan i duhzawng ka puitlin sak dawn lo che a ni mai a"

.

" Chumi vang ringawt chuan Madinga hi i ta a siam theih i inring tihna em ni?" confi zet a ka tih chuan a meng tal tap a, mahse rei erawh a ni hauh lo.

.

" Nang fahrah, chhungte hralh hnu hi nupui a tan a duh che i ring em ni?" he thu hian min ti na pha tawh lo. A chhan chu hetiang a tawngkhum tu ka tawn hmasak ber, Madinga'n min hnawhchhuah zan khan he tawngkam hian min ti na leh tawh lo. Khatihlai khan ka nat tur ang ang in ka na zo vek tawh miau a ni.

.

" Eng mi pawh ni ila thudik a ni mai ka duh. Chu chu i tih ngei a ngai ang. I ti duh lo anih chuan i thu thu le. I pasal hian a chhuah hauh che in ka ring lo" amah en kal a ka tih chuan rapthlak min tih hmel kher mai. Ni e, hman a amah hlau deuh thin tu hmeichhia kha ka ni tawh miau lo a ni.

.

" Anih chuan i hriatna neih let thu hi hriattir i duh tihna aniang chu maw?" tifuh intih hmel zet chuan min nuih a, ka lo khi ve sak.

.

" I thu thu le" a rin loh lutuk a ka chhan vang nge min en kawk a, a rin ang a Madinga ka pe mai tur a a rin kha ka ti dawn hauh lo. Khang thil vang zawng zawng khan an pahnih hian ngaihdam ka hmaichhan ah ngei min dil tur a ni tawp mai.

.

Madinga zin rawn haw chuan engmah boruak ala hre lo tih ka hrethiam. Laura pawh a rawn lang zauh zauh nangin Madinga chuan min hnaih tulh tulh thung. Kan nundan pawh a pangai chho viau a, Laura erawh in lam aiin Hotel lam ah a tal tam thung. Samuel-a nen pawh kan in be zauh zauh a, ka tan hian mi tha tak a ni. Laura pasal pawh a fapa vangin a haw zauh zauh tih pawh ka hria, tih sak theih ka nei lo hi hrehawm ka ti tak zet. Chutihrualin Mizoram lam ah pawh a awm ve reng tho. Madinga'n min ring ngam ta nge, keimah a chhuah zauh zauh chang ka nei. Chutiang hun ah chuan ka dawr pawh ral atang ka va thlir ru ziah thin. Pawnlam atang a ka en ringawt pawhin a ngaihtuahawm loh zia ka hria. A chang chuan Samu pawh ka hmu zauh zauh thin. Maengi'n tlai tin a tlawh thin tih pawh ka hria. Sawi lo mahse Samu hnen atang ka hre vek miau a ni.

.

" Vawiin hi Doctor hnen a kal ni a nia" chaw ei lai chuan Madinga'n a tih chuan ka chaw ei ka hak tep. Ka lo theihnghilh a, vawiin hian Samu hnen ah ka dawr enkawltu ka hmuh duh thu ka hrilh a, plan ka lo nei fel vek tawh asin le.

.

" Ih, naktuk atan kan sawn thei angem? Vawiin hian tih tur ka lo insiam tawh a" ka tih chuan maktih hmel zet in min rawn en hu a, ka lo nuih ver ver thung. A phal lovang tih ka hlau tak zet.

.

" Enge tih i tum a?" a mitmeng chuan chik zet in min en a, a ngaih a that loh hmel kher mai.

.

" Eng lo ania, company pakhat, Flabia tih ka join ve chhin dawn a, Grand Hotel ah training an buatsaih dawn a, kal ve ka lo tum a. Awm mai mai pah a phone a khawih pah theih ania" dawt chu ka sawi chiah lo. Ka join ve miau a, tin, vawiin hian training neih tur a ni tak tak bawk a.

.

" Rilru sen vak ila thei lo asin"

.

" Mahse nun a ti hlim ve alawm. Awm ngawt ngawt hi ka ning ve a"

.

" A tha lo ka ti lo a, mahse tunah rih chuan thluak senna tur ang chu ti rih lo la ka duh a ni" a tih chuan ka down kher mai. Mahse hnial luih ka duh bik hauh lo. A zin rawn haw hnu atang a min duat zia leh min care zia chu ka sawi a ngai lo, Laura lo lan khat dan aha hriat mai a ni. Sawiselna tur ka hre lo ti ila ka ti mah mah angem tih a ni zawk.

.

" I tih dan dan le. Mahse ka khua hi a har ve thei sia, khawhar hnem ah ka ti mai mai a nia"

.

" Ka hrethiam alawm. I duh chuan i ti thei alawm. Mahse vawiin ah chuan doctor kan hmu phawt ang" a tih chuan ka bu nghauh a, Samu chu ka hrilh leh mai a ngai dawn a ni mai. Mahse min hrethiam tho ang chu.

.

Doctor bul a kan kal chu thil min zawt chik ngei mai. Mahse engahmah ka insawi awk duh bik lo. Doctor kan hmuh zawh chuan Hotel a kaltlang nghal lovin MC lam ah chuan kan chhukthla dun a, ka dam lawmna kan neih dawn a kan kaldun bak kha vawikhatmah kan kal dun leh tawh lo. Ka ril a tam ve deuh avangin Hi5 dawr ah chuan kan lut dun a, mi chuan min en duh hlawm kher mai. Ni e, Mizoram a Hotel lian ber pawl neitupa, hmeltha bawk si, hmeichhia chauhin a hmeltha an tih ni lo, mipa lam pawhin a an awh em em ka kalpui miau alawm.

.

" Eheee, Jessica, awileh! Tinge i dawr ah i awm ngai loh?" eitur kan nghah lai a Mami rawn tawng ri chuan min ti phu nasa ngei mai. He nu hi ka customer regu tak a ni. Hmeichhe kawm nuam leh zau halh a ni. Drinks lampang ti ve zauh zauh mahse hmeichhia, mahni lu zo tak ni in ka hria. Weekend hi chu an rawn hmang deuh tawp a ni mai.

.

" Englo, min lo hrethiam la. Ka..."

.

" Thiannu, khawngaihin ani hi hrethiam rawh. A damlo a, doctor kan pan zo chiah a ni. In ei zo tawh em ni?" Madinga'n a tih chuan Mami chuan makti zet in min en a, ka va mangang ru tak em!

.

" Oooohh, anih chu. Chuvang aniang dawr ah a awm ngai miah loh. Mahse i manager saw a fel lutuk a nia. Kan ei zo tawh a, kan kalsan phawt ang che u. I dawr a hmuh leh vat che ka inbeisei. Ei teuh rawh u" tih pah chuan a chhuak nghal vat a, ka thaw huai mai. Mahse lemchan chhunzawm ka ngai tih ka hria.

.

" Khanu kha ka hre hauh lo. Dawr a sawi kha enge awmzia?" Madinga en ha pah chuan ka ti sap a, a mit mawi zet chuan mit zim sun chuan min en a.

.

" Theihnghilh rawh. I eitur kha ei tawh rawh le" tih pah chuan kan eitur chah lo thleng chiah chu ka hma ah a rawn chhawp hnai a, a ngaipawimawh viau lo chu ka lawm ru kher mai.

.

Hotel kan thleng phei chiah tih chuang kawngka ah chuan Patel alo chhuak ve chiah a. Madinga chu motor a dah luh avangin min rawn zui nghal lem lo. Hmelhriat tak a min rawn nuihsang avang chuan ka nuih let ve vat a, tawng tum a ka ka ka an ziau lai chuan Patel chu a hmel a inthlak nghal vat a.

.

" Hello, Mr.Ding, good evening" a tih chuan ka hnung mai ah Madinga a awm tih ka hrethiam ve nghal.

.

" Good evening. In lo buai em?" tih pah a in ti ta tu tak a Madinga'n ka kawng a rawn kuah chuan ka lo ip chawih thei.

.

" Buai lo e. Ani hi i nupui kha a ni em?"

.

" I hriatna a tha hle mai. Jessica, hei Mr.Patel, ka partner aiawh a hna ka thawh pui anih hi" Madinga'n a tih chuan ka kut ka lekchhuak vat a, nuisang in min chibai a, kan inhretha tawh viau tih tumahin an hrethiam lovang.

.

" Pawimawh ah ka chhuak lawk dawn a. Min mamawhna in neih chuan min lo call mai dawn nia. Ka parcel lo thleng an rawn deliver har riau a, ka va check lawk ange" tih pah chuan Madinga chu a buk khum zauh a, min kalsan zui nghal.

.

Tlai lam ah Madinga rawtna ang in a Nutei damlo kan tur kan ni. In a haw hmasak ka duh viau nangin enge a hriat ka hre lo, a remti ta tlat lo. Tih tur em em a awm loh avangin ama office bik ah chuan a hnathawk nghah pahin TV chu ka en ve vauh vauh a, chutihrual erawh chuan ka TV en aia ka mit la zawk chu a office chhung a Laura kawr ka hmu chu a ni. An inzui ta vak lo emaw ka tih kha helam ah an inzui viau zawk anih hmel. Anih chuan engvang a keihi a in atang a min chhuahtir dan a zawn miah loh le?

.

" Conference hall lam hna pawimawh a awm a, ka va kal lawk ang. I duh leh computer te hi lo khawih la, ka rei lovang. Eitur ka rawn laktir angem?" ka ngaihtuahna atang chuan ka harhchhuak zawk.

.

" Aih. Ka ril a tam lo. Min ngaihtuah suh" ka tih chuan a khi suk a, min chhuahsan zui nghal.

.

Tukverh bulah chuan ka ding a,kawngthlang lam a motor tlan zut zut chu ka thlir a. Kawngpui an mahnise Hotel hi Madinga'n a enkawl hnu ah soundproof vek in a siam tir a, pawnlam thawm pawh a hriat mang loh a ni. Diktak chuan a thluak hi a tha thlawt. Engvang a partner nei nge anih/ A hma zawng [awhin amahin a kal thei a, ka hrethiam thei lo. A tlachhe palh thut anih ka ring hauh lo. Chutah Samuel-a ber kher lehnghal.

.

" Hetah i awm ang tih ka lo ring pha miah lo a" Laura aw-ri ka hriat chuan muangchang in ka inher a, kawngka atang a a rawn lut thauh thauh chu a nalh lehpek. He nu hi chu a nalh nileng mai anih hi.

.

" Kawngka kik hmasa la chuan min hmu thut lo tur ania" ka kut chu ka kuangkuah at a, kawngka kik ngai lo khawpin Madinga mimal office ah hian a tlangnel tawh chu ania. Tenawm lutuk.

.

" Tumahin he office kawngka kik tur hian min beisei lovang. A chhan chu a neitu ni mai tur ka ni miau a" tih pah a a kut a hmai bul a a dah chuan ka thaw kawk thei. He zungbun ngei hi Madinga'n a hnen a cheng tur a min tih hlim khan min buntir tawh a ni. Ka phelh phal ngai lo. Mahse min hnawhchhuah dawn khan min dil ni lovin ka pe let tlat a ni.

.

" Ka bun hnu bun duh tu an awm chu a lawmawm hle mai. Khawnge i wedding ring?"

.

" Ka rei... ooh.. Hetah ilo kal a ni maw?" Madinga chuan lo luh pah chuan Laura chu a melh zawk a, a thutna chair lam a pan nghal a, a ngaihpawimawh hmel lem loh kher mai.

.

" Nizan khan ka kawr kha ka theihnghilh ta daih a"

.

" Anih chu. Khatah khan ka bang aw. Taka, Zanin ah Mr.patel kha a nu in a rawn tlawh dawn a, khawngaihin in company lam ah guide tur tha deuh min lo pe ta che. Nangmah hian ti thei la chuan duhthusam, sum lam ah harsatna a awm lovang" Madinga'n lehkha enfel mawlh mawlh pah a a tih chuan ka phu nasa ngei mai. Chuaimah chuan Laura hmel dang lawp lawp mawlh chu a lainatawm zawk.

.

" Maw?" a au that a, a aw a hlauhthawnna, maktihna awm chu tu tan mah hai chi a ni lo.

.

" Ka thusawi ilo ngaithla lo tihna nih chu. Mr.Patel nu kan mikhual dawn a, ni 5 chhung a cham dawn a, in company in amah hruai kual tur chu in nei teuh in ka ring nangin nangmah ka request che anih ber chu. Sum lam ah buaina a awm lovang. Hotel motor pakhat leh driver pakhat in kawl anga, Hmuifang ah leh Reiek ah te ilo hruai ang chu ka tia. I boss biak kher a ngai angem?"

CHAPTER -13

Laura hmel dang bai leh buai nak chu ka lo en reng a, ka nuih te lam a za zawk. Madinga lah hnial ngam hauh loh in a hmel a tak ngang mai bawk si, tuemaw dinhmun chep a a din lai a nuam ka tih ber hun lai anih ka ring hial.

.

" Mading, hetiang hian i ti thei lovang" Laura mangang rawl avang chuan ka nui chhuak tep a ni.

.

" I hna chu rinawm takin thawk mai rawh. Chuan, Bawihi, ka hman tep a, zan in chu chu zanriah kan eichhuak ve ang. Chumi hma chu i duh chuan ilo hahdam thei ang. Dar 6-ah kan chhuak dawn nia" tih pah chuan a dawhkan a computer chu a en chhunzawm nghal a, Laura hmel chu ka hawisawn san thei lo. Theih nise chuan Madinga chu pawhsawm vek a duh hial in ka ring.

.

In kan thlen meuh chuan zan dar 9 a pel duai tawh. Madinga chu hna khawih tur ala neih avangin a hnathawhna room lam ah min luhsan a, kei erawh ka inbual zawhin ka lehkhabu ngainat em em, ka thian pakhat nen a kan inhmuhthiam loh phahna " ANITA" tih bu ngei mai, Pu C.Laizawna ziah chu chhiar pahin khum ah ka mu zal a, he lehkhabu hi Madinga'n ka duh tih hria in min lo leisak a ni.

.

Engtiklaiin nge ka mutthilh ka hre lo. Ka beng bul za mer mer ah chuan ka harh zawk a, ka au hman thelh. Mahse Madinga rum nghut ri ah chuan tunge ka bul a awm ka hre nghal a, chutihrualin a hma aiin ka hlauthawng zawk.

.

" Eng thil nge i tih?" ka aw chu a khur a ni tih thup ngaihna a awm lo.

.

" Ka nghak thei tawh lo a ni" tih pah a ka kawr chhung rawn zen pahin ka hnute, kawrhnuai ka hak loh avang a daltu nei lo chu a rawn vuan nghal chat a, ka thin chu a phu satliah a ni lo. A phut zawng in a na zawk zawk thei hial a ni.

.

" Mading, ti suh. I ti thei lovang" ka aw chu a ri chang chang a ni ber mai.

.

" Hlauthawng suh, ka ti na dawn lo che" tih pah chuan ka hnute hmur chu a rawn hmet hrual nghal a, ka rilru chuan hnial a duh, ka taksa erawh in kum tam tak chhung nawmna lo thlen tawh thin tu, a hmangaih ber khawihna chu alo dawngsawng tha hle thung si.

.

" Khawngaihin..... Ti suh. Kan ti thei lo ang...." chakna insum tum vang leh hlauhthawnna avang a aw khur dar dar a ka tih chuan a thiltih lai chu a chawl dat a, a kiu a inbeng kang pah chuan uluk zet chuan min en a, ka kawchhung zawng zawng a hmu tlang thei vek ni ber in ka hria. Ka taksa khur nasa lutuk tur chu ka control na lam ah ka taksa chu a na vek in ka hre hial a ni.

.

" Nupa ang chiah kan ni a, hmeichhe hmeltha leh nalh tak bul ah ka mu a, insum reng tur chuan min beisei thei bik lovang" dam dap, mahse ngainatawm miah si loh a a tih chuan ka hlauthawng kher mai. Buaina tak tak ah ka inhnuklut tan dawn chiah tih ka hria. Chak tak a awm ka ngai tih pawh ka hria, mahse Madinga bulah hi chuan chak tak a awm a harsat dan ala ngai reng si chu a ni.

.

" Ihhh... Englo... Khawngaihin hun reilote tal min pe leh rawh" sawi tur ka hre tawh ngang lo a ni. Hetia ka tih mai loh chuan ka inthupna hi a hrechhuak vat ngei dawn a, a hrechhuak anih vaih zawngin ka chan chuan maian chan pawh a tluk hauh lovang. Thubuai ah a la thei bawk. Chutiang a a tih vaih chuan ka tan thudik phawrh chu a harsa dawn lutuk. Chu mai bakah Laura nuam ti hmel hmuh ka duh hauh lo bawk.

.

" Tui deuhin muhil rawh" tih pah chuan a tho a, ngawirengin sofa-ah chuan ava mu a, sawi tur a vang kher asin.

.

Ka zing tho chu Madinga mutna lam ka hawi phei a, ani leh ni lo ang takin alo la mu ve tlat. Sana ka en zauh a, dar 7 a ri tep. Tunang hun ah chuan exer la in a chhuak daih tawh thin sia. Thawm dim deuhin ka tho a, a puan sin tla deuh niaih chu ka va sin that tir a, ala harh chuang lo. Bathroom ah ka lut a, ka intihfai hnu chuan choka lam ah ka pheisan a, kan awmpui pawhin rawng alo bawl peih tep tawh. Thingpui ka duh leh duh loh min zawt a, ka duh loh thu ka hrilh hnu chuan ka ngaih a that chiah loh avangin room lam ah chuan ka lut leh a, Madinga mu chu a chal ka zuk dek a, a khua a sik bawk si lo, ka awm a ti nuam hlawl lo.

.

Dar 8 a ri tawh, Madinga ala mu tui em em mai bawk si. Mawii pawh a ngaih a that hmel tawh bik loh. Room a ka va luh leh chuan Madinga chu a rawn tho ve dawn chiah a, a mitmeng sen rum avang chuan a mu har a nih ka ring ve ngawt.

.

" Lo kaihthawh che ka tum a"

.

" Nizan ka meng leh ta pek alawm. Chaw ei in peih tawh ami?" a tawng zawng a zu thing rim nam avang chuan ka ner sawk a, ka mutthilh hnu khan zu a in leh a ni ngei ang.

.

" Peih tawh e. Lo intifai la, kan lo siam ang aw" ka tih chuan a bu nghut a, ka kal tur chu ka ban ah min pawtlet thut a, ngawirengin min kuah vang vang a, ka hamhaih lutuk chu hnial nachang pawh ka hre lo.

.

Chaw eikham chuan Madinga chu a inbual nghal a, dar 11 ah meeting a ngaih avangin a thawmhnaw chu ka la chhuak a, a kamiz ka lakchhuah rual chuan engemawni hi chhuat ah a tla palh a, ka chhar a, kan en chiah chu ka phu nasa ngei mai. Kei, Samu leh Mr.Patel te thu ho, Samu in a ka kal ni ami ngei mai thlalak a ni. Ka tha a khur nasa lutuk. Engtinnge he thil hi a thlen theih? Engtinnge he thlalak hi a neih theih? Anih chuan Madinga hian ka hriatna hloh der hi a hre vek tihna em ni?

.

" I khawih hauh loh tur thil khawih hi sim la a tha in ka hria" ka phu nasa lutuk chu thlalak chu ka thlauh a, ka hnung mai a madinga ding chu lehhawiin ka va en a, a hmel chu a dur khap a, a lungawi loh zia chu sawi ngai lo in a lang chiang lutuk tlat.

.

" Engkim..."

.

" Aw, tunah chuan lemchan chhunzawm a ngai tawh lovang. A chiang em?"

.

" Min bum a ni"

.

" Chuzawng kan in rul tawk chiah a ni lo maw? Hun ka nei lo. Ka lo haw hun ah kan inremsiam thei ang. Chumi hma chu hriatna hloh i nih kha hrereng la" tih pah chuan a kamiz ka lakchhuah ngei mai chu a ban a, a ha zui nghal hmiah. Tawng tur ka hre lo. Ka awmdan ka sawi thiam dan ber chu ka kawchhung a so bulh bulh a, ka ngaihtuahna a mang vek ni ber in ka hria. A insiam zawh thleng pawhin ka la chesawn chuang hek lo. Ngawirengin a chhuak a, nidang a ka thlah ang pawhin ka thlah hek lo.

.

Ka phone ka la a, Maengi number ka hmetchhuak nghal. Ani loh chu pan tur tumah ka nei lo. Min dem ang, a phal lo chung ka tilui a, mahse min haw chuang lo a, min pui reng tho bawk.

.

" Hello, kan va in be khat ve" Maengi aw-ri ka hriat chuan sawitur reng reng ka hre leh tawh lo thung.

.

" Hna i kal em?"

.

" Kal e. Engenita?" ka aw-ri atang ringawt pawh ka feeling hrethiamtu chu ani chiah hi a ni.

.

" Ka rawn hmu thei che angem?"

.

" Enge thil awmzia? Ka lo kal dawn em ni?"

.

" Aih. Ka lo pan mai ang che"

.

" A ngai lo. In ah lo awm rawh. Hetah chuan midang an tam. Ka rawn kal nghal a ni mai" tih pahin phone a dah nghal a, a rawn thleng har hauh lovang tih ka chiang a ni.

.

Sawi ang ngeiin 20mins hnu vel ah a rawn thleng zui nghal a, Mawii hriat ve ka duh loh avangin inchung zawl ah ka chhohpui nghal.

.

" Enge thleng? A hrechhuak che em ni?" thut pawh kan thut hma in Maengi chuan a ti nghal.

.

' A ni ber mai. Ti ila a tir atang engkim a hria a ang zawk" ka thaw hak a, a lakah ka inthlahrung em em. A remti lo chung ti lui ka ni a, tun a thil thleng hi ala thleng ngei ang tih kha a ring tlat miau a ni. Mahse ka luhlul leh thu duh lutuk vangin ka ti tlang a, engvangin nge ka inthlahrun loh tehlul ang?

.

" Tichuan?"

.

" Kal zel dan tur ka hre ta lo a ni e. Zanin ah sawidun a duh thu a sawi a"

.

" A tha alawm. Tha tak a sawidun theih anih chuan i dikna hailan i duh vang tih i hrilh thei alawm" a aw-ri ah chuan a lungawi lo tih ka hrechiang em em. Mahse ka rilru tihbuai zual a duh hauh lo tih pawh a thusawi dan hmang atang ka hre tho.

.

" A awih i ring em?"

.

" Ka hre lo le. Mi mai mai anih loh zia chu keiaiin i hrechiang alawm. A awih duh ta lo anih leh i rawn chhuak anga ni mai alawm. In i nei a, eizawnna i nei bawk a, harsatna a awm hleinem" a thusawi chu amah ngei pawhin a awih vek bik ka ring lo. Ka hriatna ka hloh der avang hian thubuai ah la in min tal-awh tir thei miau a ni.

.

" Samu hi..."

.

" A zin. Ka lo be dawn nia" a aw-ki ah chuan Samu chu tibuai lo tur in min warning ni ber in ka hria. Ni e, a dik ang. Ani chu tibuai tur ka ni lo. Keima buaina siam ah keimah ngei ka awk a, keimah a ka pal chhuah ngei ngei a ngai a ni.

.

" Ka hrethiam alawm. Thingpui ka lumtir ang aw.."

.

" Aih. Ka phei vat anga, zan ah in chanchin ka lo ngaichang ang. Thudik hai chhuah i duh a, tun bak bak a hun tha hi a awm hleinem. Duhsakna ka hlan che. Chuan, a theih hram chuan i dawr lam tlawh la ka duh. Engmah hlauh tur i nei tawh lo bawk a" tih pah chuan a tho a, a thusawi chu ka hrethiam. Ka lak ah a lungawi chiah lo tih pawh ka hai lo. Mahse vui thei ka ni lo tlat a ni.

CHAPTER -14

Zanriah ei hun ah pawh ala rawn haw loh fo avang chuan Madinga chu ka ngaihtuah ru tawh kher mai. Ka thil hmachhawn tur hre reng mah ila alo haw hun pangai a alo haw loh avang erawh chuan ka lawm phah chuang hauh lo. Dar 8, dar 9, dar 10. A thawm hriat tur ala awm ta chuang lo. Sana ka bih sek a, kan awmpuinu pawh a muhil tawh. Ka thaw chu a ipik hluah hluah a ni ber mai. Ka phone rawn ri ah chuan ka phu nasa kher mai. Rangzet a ka en chuan ka rinloh tak maiin Samuel-a a ni tlat.

.

" Hello"

.

" Maengi nen kan inbia a" a tawng dan atang chuan a rilru tur ka hrethiam chiah lo. Mahse a vui ni in ka hr?ia.

.

" Nia. ihhh...."

.

" Anih chuan i pasal lem chuan eng hremna nge pek che a tum?" Samu ka hriat hnu a a tawngkam ngainatawm loh ber tum a ni hial ang.

.

" Amah alo la haw lo a"

.

" Hrilh ka ngai lo ang. Laura nen a room lam ah hremna a pek tur che an duang dun mek in ka ring" a ti nghat a. Maktak maiin ka sa pup thei.

.

" Dawt a ni" chu thu chu engvang a sawi nge ka nih ka hre lo. Mahse ka chhungril na vawng vawng erawh ka hrechiang em em thung.

.

" I awih loh chuan tunah Hote5l-ah rawn kal rawh" tih pah chuan phone a dah hmak a, a ngaihna ka hre lo kher mai. A chhan chu Samu chu Mizoram ah a awm tlat lo a ni.

.

" Hello" mutchhuak aw zet a Maengi'n phone a rawn lak chuan ka inthlahrung kher mai. Mahse Samu awmna chu ani chiah hian min hrilh thei tih ka hre miau a ni.

.

" I lo muhil tawh ami?"

.

" Muhil hman deuh a. Engenita?"

.

" Englo a nia, Samu hi tunah Mizoram ah a awm a mi?" Maengi thawhak ri ka hriat chuan ka inthlahrung zual ngei mai. Ka lak a a lungawi loh sa naklaiin a muhil lai ka va kaitho leh kher nen.

.

" Aw. Vawiin ah khan a rawn haw a"

.

" Ka lawm lutuk. Muhil leh tawh rawh"

.

" Madinga a rawn haw tawh em?"

.

" Aih. Hna ah a buai deuh anih ka ring"

.

" Duhsakna ka hlan a che. Min mamawh hun apiangin i tan ka awm reng tih hria ang che"

.

" Ka lawm e. Muttui le" tih pah chuan phone ka dah a, ka rilru a buai map map khawp mai. Buaina chu hmachhawn vat ka duh a, mahse ka hmachhawn pui tur ber lah dawt a min puhtu bul ah hun a hmang mek chu a nia. Ka khawvel ang ah hian tumah cheng ve lo se tih hi ka ngaihdan a ni tawp mai. Fahrah, hralh hnu, uire a puh nih hi khawvel a thil nuam zawk zawk a ni lo chiang a ni.

.

Sofa-ah chuan ka lo muthlu diar diar a, kut lum thar thar in ka hmai a rawn khawih chuan ka te thawt a, ka thu chhuak zui nghal. Ka mutna sofa na sofa bul a Madinga thingthi ka hmuh chuan ka thaw huai mai. Mahse a rim chuan ka awm a ti nuam mawlh lo. Harhfim a inbiak ka duh tehlul nen. Sana ka en zauh a, zinglam dar 1 a ri der tawh.

.

" Ilo thlenna a rei tawh em?"

.

" Reilo e. Ka va inbual lawk anga, ka rawn mu ve nghal ang. Lo va mu rawh" dam dup a tih pah chuan a tho a, a awmdan chuan min ti hawihai kher mai. Inhauh inpeih sa at in ka lo awm a, mahse a tawngdan leh a chetzia, a hmel ah chuan thinrim hmel reng reng a pu hauh si lo. Ka mumang em mawni hial ni?

.

Madinga a rawn mut ve lai chuan che miah lo in ka mu a, min khawih lo hram se ka ti kher mai.

.

" Khua var se i in luah ah kan kal anga, i bungrua kan va la dawn nia. Karleh atang i dawr pawh i kal tan ve tawh ang" ka thaw kawk mai. Ka rin ang chiah in a tawh a khirh dawn tih ka chiang.

.

" Aih. Ka haw ang. Tichuan ka rawn lang leh tawh ngai lovang. Mahse, kha thil tenawm tak kha dawt a ni tih erawh min hriatsak turin ka ngen duh che a ni" ka tih chuan a nui hak a, mahse a zat vang a ni lo tih hrechiangtue ka ni tlat a ni.

.

" Ka uthu5sawi awih la, zawm mai rawh. A bak chu i thiltih vang hian hremna nasa tak i tawk thei a nia" a tih chuan ka kut ka hum ruh ngat ngat. Hetiang kher lo hian min hrechhuak chawp tur ni se ka va ti tak em!

.

" Chutiangin min blackmail theihna i nei miah lo" thut chhuah pah chuan ka ti sap a, mahse chu chuan amah engmah a ti danglam lovang tih erawh ka hrechiang em em thung si.

.

" Bultantu chu tunge tih i hriatchian ka ring. Ka muhil duh. Nangpawh muhil rawh. Zingkar ah kan va kaldun dawn nia. Chuan, Samuel-a emaw, Maengi pawh ni se, phalna ka pe che anih loh chuan i be tur a ni lo. Muttui le" tih pah chuan a inlet thuk a, biakzawm chi a ni lo. Rilru mang zet chuan ka mu ve ta ringawt.

.

Ka dar a sawitu awm avang chuan ka meng a, Madinga chu insiampeih at in khum sir ah chuan a ding a, sana ka va melh zauh a, dar 8 alo ri tep tawh.

.

" Lo inphihfai la, breakfast kan ei dawn nia. I inluahna te ka be tawh a, chahbi chu i keng mai dawn nia" tih pah chuan room atang min chhuahsan zui nghal a, ka hamhaih kher mai. Enge tih ber utur ka hre lo. Maengi biak ka duh viau nangin ka inthlahrung tlat pek. Ka phone ka la kang a, Samu talin kawng min kawhhmuh theih beiseina chhete ka nei. Mahse a tho tawh angem?

.

" Hello"

.

" Samu, ka mang a ang. Sawithui hman ka ni dawn lo. Tunah hian ka inluah ah kalin ka bungrua zawng zawng helam ah min sawnsak a tum. Ka bum avangin thubuai min siamsak thei a, a thu ka awih chuan....."

.

"
I hman tawh em?" kawngka rawn in hawn rual chuan ka phone chu ka off nghal a, ka lo la inthlak lo tih a hmuh chuan a ner sawk a.

.

" 5mins i nei" tih pah chuan a chhuak leh hmak a, tihnghaihna ava han vang tak. Inhnial zui zel ai chuan a duh ang chuan ka awm phawt ang. Mahse ka inluah chu ka chhuahsan bik hauh lovang.

.

" Kan inbe lawk thei angem?" sitting room a chanchinbu bih ngur a thu Madinga hma ah chuan ka va ding a, tunah hian zam thei ka ni lo.

.

" I hman chuan kal ila" ka thusawi ngaipawimawh lo zet chuan a ding a, mahse ka chesawn duh bik hauh lo.

.

" Aih. Ka thusawi hi i ngaihthlak hmasak phawt a ngai"

.

" Jessica, infiamna hun ka nei lo ania"

.

" Ka uang lo a, fiamthu sawi ka ni hek lo. Ka inluah saw ka chhuahsan hauh lovang. I tilui anih chuan he in ah hian min hmu tawh ngai hek lovang"

.

" Min nawrlui hauh suh. Anih loh chuan min bum a, ka nun i tihbuai man hi jail bang i zut ngei ang"

.

" A fiahna i nei hauh lo"

.

" Ka in ah hian CCTV a awm loh i ring em ni?" hnehtu in ti zet a min en chuan ka thinur lutuk hi ka sa pawp pawp thei.

.

" Tenawmpa"

.

" Min chhaihkual emaw in ti hauh suh. Tenawm tak a i khawsak hnu ah khawngaih che in ka enkawl leh che a, min bum ila tum cheu a. Tunah chuan i duh ang ngeiin ka hnen ah i khawsa tak tak ang. Eng ang mipa chiah nge ka nih chu i hrechiang tulh tulh ang" a aw chu a ring lo, mahse a hlauhawm tak zet a ni.

.

" Mihring dawihzep tak i ni" ka au a ni ber tawh.

.

" Hmeichhe nalh takin min bum an tum reng chuan huaisen hi a har tlat thin. I bungrua chu motor ka va laktir mai ange. Khatiang hmel pu a i kal chuan Laura tan hmuh i nuam lutuk palh ang. Ani hneh kha i duh a ni lawm ni khah?"

.

" Zawnga, mi tenawm. Ramhuai i ni" a hmai a ham tum chuan ka kut ka phar a, mahse kan inlen hleih nasa mai si. Hneh zet chuan min kuah a, ka inrinhma chuan na zet in min rawn fawp a, talchhuah tum eng ang mahila ka hneh ngang si lo.

.

" Kut min thlak i tum leh chuan khatiang mai mai hremna kha a ni tawh lovang. I hrethiam ang chu maw?" min fawhna thlah pah chuan min nam kat nawk a, min kalsan zui nghal hmak bawk.

.

Thla 2 zet Madinga in ah ka cheng veleh ta. Duhlo in tang sa teh mahse tanhmun a neih that zawk miau avang leh ka inluah kha ka luahna te an tlakchhiat miau avangin a building tawp kha Laura pa in a lei vei bawk nen, duhthlan tur ka nei miau lo a ni. Maengi pawh Samu zar ah hna thar hmu in Mizoram leh Kolkata a kar tawn sek tih pawh ka hria. Mahse kan inbe tam ta lo kher mai. Madinga hriatlohin ka be ru thin a, mahse tunhma ang khan min ngaina tawh lo a, min biak thui hlau ang mai hian a awm tlat thin erawh ka 5rilru ad na ru fo thin. Ka chhungkaw neihchhun ang hial a ka en kha a ni asin le.

.

" Zanin chu Hotel-ah party a awm dawn a, i dawr i rawn hawsan hma mai a ngaih hmel" zing chaw kan ei lai chuan Madinga chuan a ti nghut a, min rawn ang in a lang nangin thu min pe a ni mah zawk.

.

" Booking a awm nual a, ka lo tum ang. Mahse ka tiam thei lo ang che"

.

" I thu thu le. I thiannu pasal hual na a sawm i ni lo hi mak ka ti deuh a, keimah in ka hruai tho ang che ka lo tia" a tih chuan ka fian ken lai chu ka thlauh bawl mai.

.

" Enge i sawi awmzia chu?"

.

" Maengi leh Samuel-a an inhual dawn ka ti mai a nia. An sawm ve hauh lo che tih ka chiang"

.

" I sawidik e. Biak i phal miau lo alawm. Nuam takin i kal dawn nia" tih pah chuan ka tho nalh a, ka rilru nat zia tihlan ka duh hauh lo.

.

Nileng chuan ka phone ka ngaichang a, mahse ka beisei ang engmah ka dawng lo. Ka na a, ka kehsawm a ni ber mai. Hetiang thil lian tham ah pawh hrilh ka ni ve lo a,ka chhungkua ang a ka lo chhal chuan min hnuchhawn a, ka kehsawm tak meuh meuh a ni.

.

In ka thlen chuan zan dar 11 a ri tawh. Madinga motor alo din tawh avangin mak ka ti deuh hlek. Diktak chuan lo la haw lo se, inbual a, alo thlen hma a lo mutthilh hman ka duh tehlul nen. inchhung ka lut a, sitting room atang a hmeichhe nui thawm lo chhuak chuan ka thin a khei zak mai. Kha thla 2 chhung zet kha Laura hmel ka hmu tawh ngai lo a, hahdam thlak ka tih tehlul nen tunah a rawn lang leh ta chu a nia.

.

" Ilo haw tawh a ni maw?" Madinga chuan min lo be vat a, mahse an awmdan chu an siam danglam chuang eih lo. Laura chuan Madinga chu a ngheng chial a, ka luak a chhuak kher mai.

.

' Nia. Ka lo va mu hmasa ange" tih pah chuan room lam ka pan nghal a. Min lo umzui beiseina ka neih ruk chu a thlawn chiang hle. Ni e, engvanginnge min umzui ngawt ang? In khat ah cheng dun mahila nupa ang in kan awmdun lova, nupa lah kan ni chuang hek lo. Engvang a a in atang a min chhuahtir phal tlat lo nge anih ka hre hauh lo. Diktak chuan inluah hran ka sawi zing lutuk. Mahse lungtum biak ang hlauh a ni tlat thin. Chutihrualin min khawih vel tumna a nei hauh lo thung. Thian te nen a in inluah tawm ang vel chiah kan ni.

.

" Ka hmu duh che"

.

" Ka dawr ah ka awm" diktak chuan Samu nen an inhual chungchang pakhatmah min hrilh ve loh avangin biak hmasak ka tum tawh miah lo. Mahse amah zawkin min rawn call miau avangin lo chhan loh tawp chu ka duh bik chuang lo.

.

" Ka biak ngai loh che avangin thupha ka chawi e" ka dawr a cabin 1 ah chuan kan thu dun ran a. A pasal hual chungchang sawi ka tum lo. Mahse mak ka tih deuh chu, inhualna zungbun a bun hauh lo.

.

" A pawilo"

.

" Aih, a pawi. Chuan, pasal neih ka tum a"

.

" Ka hria alawm"

.

" Maw?" maktih hmel deuh chuan min en a, keierawh chuan ngaihpawimawh loh hmel zetin ka lo hawi vah thung.

.

" Ka hre tawh a"

.

" Samu nen in inbia ami?"

.

" Aih. Madinga'n min hrilh a"

.

" Enga? Engtinnge a hriat?"

.

" Inhualna inneih zan khan alo kal ve anih hmel" ka ner sawk a, ka rilru natna chu ka thup seng ta lo a ni e.

.

" Eng inhualna maw?"

CHAPTER -15

" Nang leh Samu inhualna kha mawle" nelawm tak a tawng harsa ka ti takzet tawh.

.

" I uang a ni lo maw?"

.

" Duhtawk tawh teh. Tunah chuan thil ka hrethiam ve tawh. I thu ka awih lo a, ka duh angin ka kaltlang a, i lung a awi lo a, i tan engmah ka ni tawh lo tih ka hria. Tunah pawh hian sawidun tur kan nei/in ka hre tawh lo e. Duhsakna ka hlan che u. Hnathawh ka ngai tawh tlat. I eitur ka rawn dah tir dawn nia" tih nghat pah chuan ka ding a, cabin puanzar chu ka keu zui nghal.

.

" I duh duh i sawi a, kal nghal mai i tum a. A tha alawm. I pasal laktlak loh zet chuan eng dawt thu nge a fah che ka hre hrep lo e. Thudik chu zawn chhuah tum mai rawh" Maengi ka hriat hnu a a aw-ri ngaihawm loh ber tum anih hial ka ring. Ka ding dat a, mahse ka luhlulna a kaitho tlat tawh. Ka chhuahsan zui nghal ta tho.

.

In ka thlen chuan Madinga pawh alo haw tawh a, diktak chuan min haw khalh ziah ti ila ka sawisual det mai thei. In chhung ka luh chuan Mawii pawh a mu tawh tih hriat zet in kitchen lam chu a thim thap tawh. Sitting room lam ka phei chu Madinga chuan TV en pahin zu no alo dawm a, hei chu a tih than dan a ni bawk a, mak ka ti lem lo.

.

" Vawiin lam ah tunge i hmuh ka hria" room kawngka ka lut tur chu ka ding dat a. Tunah chuan engmah hlauh ka nei tawh lo. He in ah hian ka tihsual vang a tang ka ni a, ka fel zui viau chhan tur ka hre lo.

.

" Ka mimal nun a inrawlh tur in dikna i nei hauh lo" a lam hawi chuan ka ding a, zamna leh hlauhna engmah ka nei tawh lo.

.

" Nei e. Nei teh meuh mai. Video kha..."

.

" I duh chuan police hnen ah i pe thei ang. Tichuan i lak atang ka zalen bawk ang. He in a ramhuai nen a khawsak ai chuan jail chhung pawh a nuam zawk ngei ang" ka ti ve ta hmak mai le. A hmel a maktihna lo lang zawk chu ka hmuh hmaih hauh lo. Mahse a inthlak leh nghal vat thung.

.

" A tha e. I duh chuan i thiante chu i hmu ve thei alawm. Mahse chintawk hria la ka duh a ni" a tih chuan ka sa leh ta phat mai. Ka mimal nun dan a inrawlh tur hian eng chanvo mah keimah ah a nei hauh lo.

.

" Ka duh duh ka hmu in ka kawm thei. Engmah inrawlh ve chhan tur i nei lo. Tin, dawt min hrilh avangin nang hi hremna ka pe thei che tih i hria em?"

.

" I sawi awmzia.."

.

" I hria. Maengi leh Samuel-a chungchang ah dawt min hrilh a, keimah ka indahhniam ngawih ngawih na tur in ka thinlung i ti na asin"

.

" Khachu Laura min hrilh..."

.

" Kha hmeichhia, vai pasal nei, mahni ril a rah fate damlo thi tep tawh pawh tlansan thei, nangmah hmangaih ngawih ngawihtu thusawi vang khan ka thian leh chhungkaw neihchhun ka chan anga maw? Teuh lo mai. Hre rawh, i hmeichhia chu lo hrilh la, nanghi ka kuai bet lo che a, a dawtsawi avang a he inchhung a tang ta ka nih thu hi hrilh la, in pahnih in khawvel dang ah min thlawhbo san ang che u. Anih loh chuan keiaia hmeichhe nasa leh rapthlak hi in hmu in in tawng ngai lovang. Tin, nangpawh, hre rawh. Zanin la la hian he inchhung atang hian ka chhuak ang. I duh chuan thubuai chu min siamsak la, jail a tan chu nuam ka ti zawk khawp ang" ka ti ve ta phiar phiar mai le. Diktak chuan chhuahsan hi ka tum lawk a ni hauh lo. Mahse ka thin a ur tawp bawk a, chhuahna hun remchang a ni bawk a, ka tum sa loh ang in ka tawng ta mai a ni.

.

" I chhuak hauh lovang" a aw ah chuan min vau tum mahse hlauhthawnna lo lang tel chu ka hre ve tlat a ni.

.

" Lo en rawh, ka chhuak khawp ang. A bak chu i tih dan dan in i ti dawn nia. Min dan i tuem anih vaih zawng in mi duh loh chung hrengbet ang in thubuai ka thehlut ve thei tih hria la, min dan tum buai hlek suh" tih pah chuan ka inher a, room ah lut in ka thawmhnaw ka khung sawk sawk a, kalna tur ka hre mai lo. Mahse Hotel vel ah ka lut phawt mai aniang chu. In luah tur ka zawn chhung chu Hotel manto vaklo ah ka awm rih mai ang.

.

Zanlai dar 2 a ri der tawh. Khawi Hotel ah mah awmna tur ka hmu zo lo. A awm lo hran lo e. Mizoram a Hotel lian ber neitupa ka khuing miau a, ka chhuak tur kha min dang hauh lo mahse ka zanriahna tur ah erawh min dang chat thei ta hmak chu a nia. Beidawng zetin ka car ah ka lut a, ka dawr ah chuan a riah theih tih ka hria, hnathawk ho pawh an riak vek. Mahse tun ang dar ah ka kal anih chuan ka hnathawkte hma ah ka tlawm dawn lutuk a, chu chu ka duh hauh lo. Ka rilru ah Maengi chu a awm reng, mahse ka be ngam der si lo. Engpawhnise khawvar hma chu car ah hian ka awm phawt mai a ngai a nih hi. Mahse khua pawh var se khawnge ka kal chuan ang?

.

Duhthlan tur dang nei ta lo chu ka car chhung ah chuan ka thu ran a, mi veivak an awm lo in a awm chhun lah nelawm loh fe fe bak an ni lo. Khua a vawh deuh tawh avangin ka jacket hak lai chu a zipper ka zip phui sauh sauh a, khawvar nghak turin ka car ah chuan ka thu ve ta ran mai. Ka hringnun duhawm loh zet chu ka chhuikir a, hetiang em em a mihring vanduai hi an vang khawp in ka ring. Ka lo muthlu siar siar tih ah chuan ka phone ri chuan min ti harh zawk a, phak zet chuan ka phone ka en a, ka rinloh lutuk in Maengi a ni tlat. Ka la angem tih ka inngaihtuah a.

.

" Hello"

.

" Khawnge tunah i awm?" a aw chu a ring in a hlauhthawn hmel khe*r mai. Sana ka en zauh a, zinglam dar 5 a ri chiah chiah.

.

" Ngatinge?"

.

" Ka in hi i in ani lo em ni? Tunah i rawn kal dawn nge ka rawn hruai dawn che?" a tawng dan ah chuan ka chungchang a hre vek tawh anih hmel. Tunge hrilh ang?

.

" Ka dawr ah ka phei phawt ang"

.

" Luhlulnu, i dawr a ka rawn ankhum che i duh loh chuan ka in ah rawn kal nghal rawh" tih pah chuan phone a dah hmak a, a in a kal mai chu a finthlak zawk tih ka hrethiam.

.

Maengi in ka thlen chuan pawn ah alo ding vung a, a hmel chu manganna in a khat a ni ber mai. Diktak chuan ka tihsual avangin a rilru ka ti na fo a, ka tihsual avangin ka hnaih tha ngam lo a ni ber mai. Mahse ka dinhmun chhiat lai berin a rawn lang leh ta chu a ni. Tihian ka tan a hlutzia min hriatthiampui tawh ngei ka beisei.

.

" Nizan ah khawnge i riah?" inchhung kan lut chiah chu thut pawh kan thut hma in a ti nghal tawng a, kan landan ah chuan nufa in dawp te pawh kan ang lek lek zawk.

.

" Motor-ah ka riak ta mai. Hotel ah room ruak a..."

.

" I mi beih saw Mizoram Hotel zing a a lian ber neitu anih saw i theihnghilh em ni? A hrim hrim in engvang a engmah min ur
abwn hrilh lo nge i nih?"

.

" Engtinnge i hriat?"

.

" Samu hnen atangin"

.

" Maw?" makti zet chuan ka en a, engtinnge Samu chuan alo hriat theih?

.

" Laura hi tu cousin nge i hria ani lawm ni? Zingkar ah Laura pasal um thu an hr?ia a, tichuan a kual ta nuaih anih ber
chu" mak ka ti lutuk chu ka thaw a chham lo chauh a ni ber mai. Nizan ah, chupawh zanrei ah ka chhuak a, an lo inhruai nghal amaw? Tenawm dun lutuk.

.

" An va hmanhmawh ve mawle" za lo zet in ka nui sak a, maktih hmel zetin Maengi'n min en thung.

.

" I hre ve miah lo ami? Madinga a ni miah lo ania. A pasal hlui kha a nia" a aia nasa in ka mengphawk leh nghal. Thil thlen dan hi ka hrethiam hlawl lo.

.

" Enge thil awmzia?"

.

" Ka la hre bik lo le. Samu chiah in min chhang thei ang. Mahse ani pawh vawiin hian Bangalore lam pan in a thlawk chhuak nghal dawn a, kan hmu hman tawh kher lovang. Laura vangin chhungkua an buai nuaih nuaih in ka ring"

.

" Kan phone nghal dawn ami?"

.

" Aih. Hmuh leh che emaw, biak leh che a duh tawh lo a ni. Hunthawl pe rawh" Maengi thusawi avang chuan makti zet in ka ang pham mai. Engvang a min hmuh leh emaw, biak leh emaw pawh duh lo nge anih? Ka buai tulh tulh mai.

.

" Enge i sawi awmzia chu?"

.

" Ka hre bik lo. Chu chu a sawidan a ni tawp mai. Ka phone call leh msg engmah a chhang duh tawh lo. Ka hriatchian erawh chu ani kha A HMANGAIH CHE" Maengi chu ka en tlawk tlawk ringawt. Samuel-a khan kei hi min hmangaih ang maw? Ka awih hlawl lo. Kei, mi hmei hlui, ni lo, a bussiness partner hmei hlui, fahrah lehnghal hi min hmangaih hlawl lovang.

.

" Dawt anih chu"

.

" I awih leh awih loh chu ka hre lo. Mahse thudik a ni"

.

" Mahse nangmah nen in inhual..."

.

" Hual lo. Ka pasal tur chu David kha ania. Samu nen hian engtiklaimahin kan la inhual ngai lo a, chutiang hawi hrim hrim in kan la inkawm ngai hek lo. Meng ve rawh. I tan a a thiltih zawng zawng hi engvang nge ni ang? Ka unaunu ti in ka lo chhal ve che a, hmeichhe fing tak ni in ka lo ngai ve che a, Laldingliana bak hi ngaihtuah i nei hlawl lo. Ka thin i ti rim a, ka hmangaih si che hi ka in hua a ni. Inbual la, mu rawh. Vawiin chu keipawh hna ka kal a ngai lo. I mutthawh ah kan inbe tha leh dawn nia" tih pah chuan a tho nulh a, chetsawn ngaihna pawh ka hre lo. Khang thil zawng zawng ka tan a a tih kha min lo hmangaih vang maw ni ang? Ka awih thei thllawt lo a ni.

.

Maengi hnial leh ai chuan ti in motor a ka thawmhnaw la awm chu la turin ka chhuak a, min rawn pui vat a, a room lian lo tak ah chuan ka suitcase 2 ka dah ve chu a ti tawt zual ngei mai. Muangchang lo in ka thawmhnaw ka phawrh vat a, bualin lam ah ka lut zui ve nghal. Maengi in hi a lian lem lo nangin a changtlung reuh phian a, amah hi hmeichhe mahni lu zo leh inchawm thei ve tawk tak a ni a. Amah a inchawm bakah a chhungte a chawm vek bawk a, hmeichhe vannei tak ni in ka hria. Ka awt ru ngawih ngawih thin.

.

Ka inbual zawh chuan Maengi chuan rawng alo bawl malh malh a, a thil siam rim chuan ka ril a tih tam bakah ka lung a ti leng takzet a ni. Ka nun a Madinga a rawn luh nawn leh hma khan hetiang bai hi kan ei dun fo a, tui ka tih theih em avangin amah pawhin a siam phur thin hle a ni.

.

" Ka lo siampui dawn che mi?"

.

" Aih. Ka peih a ni mai. Lo intifel la, kan ei anga,kan eikham ah i mu hmasa dawn nia" ka lam pawh rawn hawi lem lo chuan a ti mai a, hei chu a dan a ni. Chawhmeh a siam reng reng in khawdang a hawisan mai mai ngai lo.

.

Room lam ah ka lut a, ka thawmhnaw chu dah chhuah tur nge ka hrethiam lo. Diktak chuan ka dawr lam a khawsak rih mai ka duh. Mahse chhuah a phal kher angem? In luah tur zawn harsat zia ka hria a, engtia rei nge ka awm a ngaih dawn ka hre lo bawk. Ka tih tur hmasa ber chu inluah tur zawn sak thin tu te biak pawh hmasak a ni. Ka phone hlui ah khan an number a awm ngei a, mahse kha phone kha ka hmu let tawh der mai si lo. Ka rilru ah Samu alo lang a, ka bia ang nge be lovang? Amah in min be duh lo tih hre reng a va biak talh kha a fuh angem?
,

.

" Chaw ei ila" Maengi rawn au lauh lauh ah chuan ka phu zawk a, rang zetin choka lam ah ka phei nghal.

.

" Keimah vang ami hna i kal dawn loh?" chaw eikham a kan thut hahdam lai chuan ka zawt ta nge nge. Buaipui ngai reng nih bik reng hi hrehawm ka ti ve tak zet.

.

" Aih. Karhnih chhung in lam ah hna ka thawk ang. Chumi hnu ah Kolkata lam ah thla 1 cham tur a kal ka ngai dawn a"

.

" anih chu. Englo ania, vawiin lam ah ka dawr ah ka insuan phei rih ang ka tia. Chuan in luah tur te ka zawng ang chu ka tia"

.

" Ka in atang i duh chuan i zawng dawn nia. I staff te hma a tlawm tur in ka duh hleinem che" ka rin ang ngeiin min hnial ta e.

.

" Tuman a chhan an hre dawn lo a"

.

" I mawl ami? I staff te zing a pakhat saw Madinga hnuai a hnathawk anih saw. Dawr a ngaihngam tak a a kaltir chhan che chu a thuhnuai theih, report pe tur i chhawr vang tih hre ta che. Sum hian thil a ti thei asin" a tih chuan ka var ta kuarh mai. Fredy ngei a ni ang. A chhan chu dawr ka join hma lawk in Samu min chhawr sak pakhat a bang a, chupawh Madinga Hotel ah hna tha zawk a hmu miau a. Chutah Fredy hi rawn interview in a rawn thawk ta kha a ni tak. Tenawm lutuk.

.

" Ka ban mai dawn a lawm"

.

" Aih. A hman tangkai ang chiah in i hmang tangkai ve thei alawm"

.

" engtin?"

.

" I nihna dik tak, hmeichhe mahni lu zo tak, eng harsatna mahin a tihbuai phak loh i nihna kha i hmuh tir ang. Chu chu tunge report pe leh ang i hrethiam em?" a tih chuan ka nui hak a, tunah chuan Maengi duhthu ngeiin ka beilet ve dawn ta. Ka mal tan tawh hauh lovang. A hma khan ka mal tan tihna ni lo in ka tihsual vangin thurawn ka la ngam lo a, keimah leh keimah ka indang ping mai alo ni.

.

Keimahin dawr ah ka va kal a, kan buai hrep avangin ka huntawn pawh ka ngaihtuah hman meuh lo. Samu min chhawrsak, manager kha ka ban tir ta lo a, ka chhawr chhunzawm avangin lehlam tak ah chuan ka awl ve phian reuh. Mahse party lian a awm a, cabin leh karaoke a full thap hi chuan thu mai mai hman kan awm ngai lo. A neitu ber pawh hian order la in ka kual ve zak zak tho. Mahse pawi ka ti lo. A neitu tih vang a thut hmuk reng hi ka thiam zawng a ni hran tlat lo a ni.

.

" ilo la meng elaw?" in ka thlneg a, Maengi alo la men avang chuan ka inthlahrun rualin ka lawm viau thung. Sana ka en zauh a, dar 10 a lo pel tawh. Darw khar hma deuh a ka haw san avangin rinai takin ka thleng hma.

.

" I inbual duh angem?" ka zawhna chhang lem lo chuan a lo ti vut a, a aw-ki a ngaihawm fahran loh nangin a rilru chhiat vang a ni lo tih erawh ka hrechiang ngang thung.

.

" Aih, dawr ah ka inbual sa a. I mut alo chhuak tawh awm sia"

.

" Chhuak lo e. Thingpui in ang aw" a tih chuan ka hnial duh lem lo.

.

" Vawiin ah Madinga a rawn kal a.."

.

" Enge a rawn tih?"

.

" A rawn zawng che ti ila a dik ber ang"

.

" Dawr ah a rawn lang lem lo a"

.

" Lang lovang. I hnathawhna hmun a tibuai lo tur tawk che chuan a fing ve ang" a nui hak a, a ei loh zawng hi chu a pe na ve thin ania.

.

" samu nen in inbia em?" ka zawt lovang ka ti zet na a ka zawt ta tho.

.

" Bia e. A zin tum a thulh a"

.

" chuan?"

.

" Laura kha a fapa a boral a" ka meng kawk mai.

.

" Engtikin?"

.

" A chahthlak lai a nu leh pa in an nang hman lo chiah chiah a ni awm e"

.

" Naupang khawngaihthlak"

.

" Emergency in thlawhna pakhat an hire a, Chandra pa kha thiltithei tak mai a nia, chu chuan Laura chhungte an chhukthla a, samu chuan in a nghak a nih hmel"

.

" Naktuk ah va kal ve..." ka tawp chat a. Min hmu in min be duh tawh lo tih ka theihnghilh palh liau liau a ni.

.

" Naktuk chu dawr kal lo la, Samu kha tlai chaw rawn ei turin ka sawm a"

.

" Mahse min hmu duh tawh lo a ni lawm ni?"

.

" Hmangaihte hmuh duh tawh lo an awm tak tak i ring ami?" a nui sak a, mahse ka nui ve hleithei lo.

.

" Chutiang zawngin sawi teh suh. Ka tan chuan nang tih loh a ka chhungkaw neih ve chhun asin" ka ti sap a, chu chu amah ka en dan diktak pawh a ni reng a ni.

.

" Anih chuan inthlak vat a, chhuat ah mu dun ang. Khum a te si, mu pahin ti ti mai mai teh ang. Tak a, i thawmhnaw kha naktuk lam ah kan phelh darh mai dawn nia. Mahni chauh a khawsak reng ai chuan hetia chenpui han neih chu alo hrehawm loh hle mai" nui hawk hawk a a tih chuan keipawh ka nui ve ta hak a, hetiang ang a kan nuihdun lohna pawh a rei thawkhat ta e.

.

Hna kal lo tur ve ve chu kan mu duham dun kher mai. Zan lam ah kan mengrei dun a, kan ti ti tui laklawh nen, khawvar dawn ah kan muhil ve chauh kha a nia. Ka harh a sana ka en chu chhun dar 12 alo ri tep tawh. Maengi lah ala mu tui nasa mai bawk. Ka tho vat a, ka manager ka phone a, ka kal dawn loh thu leh buaina an nei anih chuan min lo phone mai tur in ka hrilh a, rawng ka bawl zui nghal. Maengi chu ka rawngbawl zawh chuan ka kaitho a, hunrei tak hnu a kan riahdun pangai leh na hmasa ber a ni bawk nen, hun kan ren lo dun bawk a, zinglam ah kan am ta teuh a ni ber e.

.

Chaw eikham chuan kan thiandun chuan bazar lam ah kan chhuakchho dun a, Maengi chuan a kawr thui tir lam a ngaih thu a sawi chuan kein chawhmeh ka lo lei hlan a lo han lam tur in ka tia, pawi a ti lem lo bawk a, kan inthen zui nghal. Chawhmeh ka lei zawh chuan MC lam pan in ka kalchho a, MC ah car ka dah daih avangin ka inkhaibawr kher mai. MC bul a traffic point ka cross fel chiah chu ka hnunglam atang hian na zetin min rawn kuai a, ka chawhmeh khai lai baw bawk, hlauh avangin ka au tuarh bawk. Min rawn kuaitu hmel ka hmu chiah chu ka hlauhna rehin thinurna in min bawm nghal.

.

" Sorry. Mahse i rawn haw a hun tawh lo maw?" Madinga chuan min ngur a, a nelawm loh kher mai.

.

" Min lo hrethiam la, ka hre ngai hauh lo mai che" ka ti let ve ngat. A chhan chu ka chawhmeh buak vang leh ka au thawt avang chuan mi mit kan chung ah a fu thup a, tih zah let ve ka duh tlat a ni.

.

" Jessica, mi hma a mualpho kher a tulna a awm lo" ka chawhmeh bua chhar a ka kun lai chu min rawn chhar pui a, a nui sang anngin a nui hmel phen a a mitmeng hlauhawm tak chu ka hmuh hmaih hauh lo.

.

" Mualpho i duh loh chuan buaina min rawn thlen hauh suh"

.

" Ka sawi ang a i awm lo anih chuan kha video hmang khan..."

.

" Honey, helam ah ani maw ilo awm daih? Ekhai, Madinga pawh alo awm ve. I hman tawh ami?" Samuel-a min rawn kuahna chu lakthlak nanchang pawh ka hre lo. Ka rin loh lutuk atang a rawn lang bawk si.

CHAPTER -16

Samu-a min kuahna chu Madinga chuan ner sawkin a melh a, ka lo ip chawih lo thei lo. Ka beisei hauh loh atang a rawn 5l\ang a, min rawn chhanhim bawk a ni.

.

" I dam amaw?" Samu bawk chuan Madinga chu a be leh a, min kuahna erawh a thlah hauh lo.

.

" Dam e. Jessica hi biak lawk ka duh a, i hnen ah phalna lak a ngai angem?" a tawngdan kher chu haw viau mahila Samu-a lem rawn chan in a zir miau a, hua ang a lang thei ka ni hauh lo.

.

" Bawihi, motor chahbi min lo pe rawh. Chumi chhung chu hun i pe ve dawn lawm ni?" Samu-an a tih chuak tawng nachang ka la hre chuang lo. A chetdan chuan min ti hamhaih tak zet a ni.

.

" Min be duh anih chuan tihian min be thei alawm. Rawngbawl kan ngai a, i duh chu tikhan sawi mai rawh" Samu ban ah chuan ka vuan let ve nghal hmiah. Ka tawmgdan leh chetdan chuan an pahnih in a ti phu a ni ngei ang, phawk zet chuan min en dun a, samu chu ka nuih var var a, angaihna hrelo zet chuan min nuih let ve ta tho a.

.

" Nidang ah ni mai rawh se. I dawr ah ka rawn hmu ang che" tih pah chuan inher nghut a, tawng leh na hun awm miah lo in min kalsan zui nghal.

.

" Buaina pakhat chu a kiang ta phawt" Samu tawngri ah chuan ka harhchhuak zawk. Madinga kalliam tur chu ka lo thlir tui deuh a ni mahna le!

.

" Engvang a khatiang a rawn ti nge i nih?"

.

" Mi hmuh a mualpho tur chuan ila chak tawk tlat lo a ni" mahni inrintawk hmel zet a -min melh pah chuan a ti nghut a, ka lo ner nawk thung.

.

" Hmeichhe chak tak ka ni" hmai thal hah chuan kan ti ngat a, a nui suk a.

.

-" Thutlukna siam fuh lo thei tak pawh" khawlai chu ni lo se ka vawm chawrh duh hial mai thei.

.

" Anih chuan kan rualin i kal ve nghal dawn nge motor i keng?"

.

" Keimahin ka rawn phei dawn nia. Saw, Maengi pawh a rawn lang alawm. I motor lo zuk la chhuak la" a tih chuan MC gate pui lam atang a ka thiannu, hah hmel zet a rawn phei ka hmuh chuan ban ka vai zauh a, motor la chhuak turin ka kalsan zui nghal.

.

" Kan hmela nen khan in inhmu em?" in kan thlen hnu chuan kan bazar dahfel mawlh mawlh pah chuan Maengi chu a ri leh lung lung tawh.

" Samu maw?"

.

" Ni lo. Aaaa, ngai lo mai rawh se. Arsa kha i chan. Tungrung ka lo siam ang. Vawksa kha phit hmin vat teh ang" a sawitum chu ka hre chiah. A sawi dan ah amahin Madinga chu a hmu ve anih ka ring. Samu chuan a sawi ka ring hauh lo.

.

" Bai i siam dawn lo mi?"
.

" Bai chhung a rei lo. Tak a, kan mikhual pa pawh chu alo va thleng har ve mawle" tih pah chuan vawksa chu cooker a phit tur chuan a siam mawlh mawlh a. Ani hi chu a rilru a awm ang ang hi a rik pui nghal hluah zel mai ania.

.

" Mi i rel dawn in ring deuh deuh in rel tawh suh. I kawmchhak ten an hre vek zel dawn ania" kawngka atang chuan luh pahin Samu chuan a rawn ti lut lung lung a, Maengi hawihai hmel -chu ka lo nuih char char thung.

.

" Rel ngai hian awm thin lo la. Chair kha lo pawtchhuak ve mai rawh. Tomato kha lo chan ve nghal teh. Tirh lohin i lian takngial dawn tlat." tih pah chuan tomato leh plate leh chemte chu dawhkan ah a rawn chhawp nghal a, hnial ngaihna awm miah lo a min siam dan hi a thiam riau a, a talent dawn zing a tha ber pawl anih hial ka ring.

.

Chaw kan ei kham meuh chuan zan dar 7 a ri thuak tawh. Maengi chuan a hna -thil avangin chhuah a ngaih thu -a sawi chuan ka ngei ru kher mai. Samu lah haw tum hmel ala pu der lo lehnghal. Maengi chhuah hnu chuan kan pahnih chuan kan thu ngawidun ran a, tawng hmasa zawk nih kan tum lo ve ve a ang.

.

" Engtia awm zel nge i tum?" 5mins vel ngawireng a kan awmdun hnu chuan a rawn tichhuak ta nge nge.

.

" Ka hrelo le. In luah tur te ka zawng ang chu"

.

" Ka inhnuai saw an zuar a, nuam i tih ka ring deuh a"

.

" Ka lo ngaihtuah dawn nia. Taka, enge Laura te chanchin?"

.

" An tha e"

.

" Ka tan i thiltih zawng zawng ah hian ka lawm tak tak a ni. Engtia rulh tur che nge ka hrethiam lo"

.

" I duh ang ram i thlen chuan chu chu a tawk viau a ni. Mahse thkil pakhat ka dil duh che"

.

" Eng thil nge?"

.

" Laura emaw, Madinga emaw, an pahnih hrim hrim hian hlat tawh la ka duh a ni"

.

" Duh ta lo ila"

.
tur te pawh an rawn thleng zui ve nghal.

" I thu thu ania. Mahse....." Maengi thawm avang chuan a thusawi lai chu a ti tawp ta daih a, hriat chhunzawm chak viau mahila Maengi hriat ve kher a duh lo ani mahnale!

.

Thla 2 a liam leh meuh chuan Samu inhnuai chu ka lei fel ve ta nge nge. Ka neih zawng zawng a inlei ka ni bawk a, ka retheih pui ngei mai. Chutihrualin chunglam malsawmna ka dawng a, dawr lamah ka inhralh tha thin hlauh a, ka nghei bik lo e. Madinga erawh MC kawt a kan inhmuh hnu ah kan la inhmu leh lo hrim hrim thung. Maengi emaw, Samu pawhin a chanchin an sawiri ngai lo a, keipawhin ka zawt ngai hek lo. Engtinnge a nun a? Engt-innge a khawsak zui ka hre lo a, hriat tumna pawh ka nei hek lo. ka nun chou ka hman ngaiin ka hmang chho leh tan a, hmeichhia, mahni induhtawk tak kha ka ni chho leh ta. Tunah chuan Madinga pawhin dawt a puh ka nihna a hrechhuak tawh a, ka duh ber a ni bawk a, ka hahdam ta huai e.

.

" I in thar ah chaw ei/ tur a sawmna ka la dawng lo hi mak ka ti hle mai" ka zing dawr kal tur leh Samu-a zing chhuak ni awm tak lo haw lam chu kan in gate-ah kan intawk a, a sawidik chiah. Maengi takngial pawh ka la sawm pangai hauh lo. Mahse ka thiamloh ni lo in hun a neih loh vang zawk a ni.

.

" Hunthawl in neih te chuan sawm ngai ah pawh ka lo dah lo cheu a" nuisang a ka tih chuan a nui ve huk huk a, mipa nelawm, zuamawm si loh dik tak chu a ni.

.

" Hehe... Ni e, kan buai tlang anih hi. I thiannu pawh a rawn haw dawn kha, remchang melh ho ila a tha ang" a tih chuan ka bu nghat a, ka hmanhmawh deuh avangin ka bye vat a, ka tukhum lam za mer mer avang chuan min enzui ni ber in ka 5hria. hetiang hian vawikhatmah ka la awm ngai hauh lo thung.

.

Zan lam ah party kan thlen dawn avangin kan inbuatsaih nasa ve khawp. Chhun lam ah kan buai ve neuh neuh reng avangin in tuaina hun mumal pawh ka nei hman meuh lo. Ka inchei zawh rual deuhthaw chuan kan mikhual tur te pawh an rawn thleng zui ve nghal.

.

" Ilo dam amaw?" chu aw-ri ka hriat chuan rangzetin ka hawichhuak nghal. Ka hma a hmeichhe nalh zet ding chu ka awih lo hial zawk a ni. Chu ai mah chuan a hnung a mipa ding chuan min ti phu nasa zawk. He mihring hi ni lo in a pasal zawk kha a hnung a ding tur zawk a ni.

.

" Enge induh?" sumdawng ka ni. Ka zawhna chu zawhna awm ang vaklo anih pawhin an pahnih hmel ka hmu rual chuan min tibuai ve lo thei lo. Laura chu a pasal hnen ah a let leh ni in ka hre si a. Lusun zo hmel pawh a pu eih bawk si lo.

.

" I customer te i lo chhawn dan chu a mawi lem lo hle mai" Laura bawk chuan a ti leh a, Madinga erawh a tawng miah lo thung.

.

" Ka dawr ania, ka thu ethu a ni e." tawngkam mawi ka hman khum thei ethlawt lo hi min dem anih pawhin ka pawi ti miah lo. Ka chung a an thiltih zawng zawng avang khan tha tak a biak har ka ti miau a ni. Pathian in a ngaidam anih pawhin keichuan ka la ngaidam thei tlat lo a ni. Kha zan, hnawhchhuah a dawt a puh ka nih zan kha ka nun ah hian ka theihnghilh tawh ngai lovang.

.

" Nangni pahnih teh nawlh chu" ka dawr kawngka atang a Samu lo lut thauh thauh chu ka en vat a, he mihring hian chhan ka mamawh hun apiang ah min chhan tur in a inpeih emaw tih mai tur hian alo lang hman ziah.

.

" Ohhh, Sam, nang hetah maw?" Laura chuan samu chu alo nuih sawng a, Madinga kut hum ruh sauh chu ka hmuh hmaih hauh lo.

.

" Nia. Zanin chu dawr nghahpui ngai a awm tlat a, hna tul kalsan in ka rawn tlan vang vang a ni" ka awih thei lo hial zawk. Ka buai dawn tih ka hrilh lo a, engtinnge a hriat theih zawk?

.

" I sawi awmzia chu..."

.

" Party nuam tak in hman ka duhsak che u" Laura sawitum hai der in a tawng khalh hmak a, sawi ve tur reng ka hre lo.

.

" Nangpawh dawr nghah nuam le. Jessica, i customer te khatiang khan be tawh lo la a tha ang. Sam, customer chhawn dan i zirtir that viau a ngaih ka ring" Laura chuan ngeiawm zet chuan a ti zui zat a, ka insum hman ta lo.

.

" Laura, i ti mah mah tawh e. Ka customer te ka chhawn dan tur ah sawitheih i nei hauh lo. I lungawi lo anih chuan min dawr lo mai dawn nia" ka ti chang ve ta fak mai. Hetih laia kan boruak tan zia leh hall lam a music rin zia chu rapthlak zawk hian!

.

" Jess..."

.

" Samu, lo inrawlh miah suh. Laura, hre rawh. Ka ram chin ah hian i mize thing tak kha rawn chhuah hauh suh ang che. Mading, i thiannu hi in party dawn anih chuan hruai lut la, helai hmun ah mimal nun leh sumdawnna rawn chawhpawlh hauh suh ang che u" ka ti ta fak fak mai. Madinga erawh thinrim insum tih hriat tak in a insehruh a, engvang a thinrim nge anih erawh ka hre hauh lo thung.

.

" Laura, i lut ang" tih pah chuan Laura chu a kai a, ka chhan dan avang chuan Laura leh samu erawh an hawihai viau tih ka hria. Ni e, hmeichhe chaklo tak thin ukha ka ni tawh miau lo a ni.

CHAPTER -17

" Hmeichhe huaisen leh mahni inringtawk tak" Samu tawng lai chu ka melh kawk a, alo la nui sang zui.

.

" Engvang a lo kal nge i nih?"

.

" Mahni a chaw ei ka peih loh avangin chaw ei turin ka rawn kal" tih pah chuan ka thutna hma a sofa-ah chuan a thu a, a chimawm thiam ve thin ngawt mai.

.

" Mahse..."

.

" Madinga emaw, Laura pawh ni se, i hmuh apiangin hlauthawng hmel pu tawh suh. Hmeichhia, mahni inringtawk tak i nihna kha lantir zawk thin rawh. chuan, chaw chu i rualin min eitir dawn nge mahni tho in ka ei dawn?" a tihzawm zat a, han hauh vakngaihna awm miah lo hian thil a sawi kawi thiam phian thin lehnghal a.

.

" I duh chuan min lo nghak la, Maengi pawh rawn kal a tum tho a, kan ei ho law law mai dawn nia"

.

" Samuel, nangmaw?" party hall atanga hmeichhe nalh zet lo chhuak chu a au chul a, Samu chu a inher vat a.

.

" Wow! Nang hetah maw? Mizoram i awm lo emaw ka tia?" Samu aw-ki zang vah avang chuan ka nuisak a,mahse ka thinlung chu engtinemawni a awm tlat pek.

.

" Niminpiah khan ka rawn haw chho a, heilai hmun hi an sawi lar sia, ka rawn belbul nghal ta chat pek anih hi. Enge hetah i tih ve?" chu nu bawk chuan a ti leh siam siam a, ka ngaina lo. A hmel a tha a, a tawngkam pawh a that hmel. Mahse a mitmeng teh raw kha ka ngaina hlawl lo. A hmui a hnawihsen mah mah bawk. Ni lo, tinge keihian ka customer te ka lo teh ve vak vak ni.

.

" Hei, ka thiannu dawr ania. Chaw ei turin ka rawn kal ve anih hi" tih pah chuan Samu chuan min rawn melh zauh a, tinge chhungril ah ka nat tlat ka hrethiam lo.

.

" Ani maw? In lo inhria chu a lawmawm hlauh chu. Enteh, Laura nen khan in lo inhmu em? Sawi awm a ni em ka hre lo a, khapa bawk kha ala buaipui leh anih hmel. A rawn hruai leh tak lawp lawp kha" a tawng duh lutuk chu ka hne tan ta deuh. Laura pawh a hria a, Madinga pawh a hria anih chuan Samu te nen hian in pawh tak an ni ngei ang.

.

" Nia. Va lut leh tawh rawh. Keini pawh kan thiannu alo thleng tep a, chaw kan ei ve thei tep ania" Samu chuan chu nu thil sawi chu sawi zui a duh lo tih ka hrethiam lutuk tlat.

.

" Lo kal teh. Vawikhat tal chu min han lampui ve teh. Kan lam dun lohna pawh a rei ta" tih pah chuan Samu ban chu a rawn vuan nghal a, a kawr awm zau zet a a hnute lian nalh zet rawn zuan chhuah tum ang mai a rawn dak awr chuan a nawk zui nghal a, ka kawchhung chu a so bulh ni maiin ka hria.

.

" Ngawirawh, Debo, nidang ah ni teh se. Lam tur chuan ka upa tawh emai" Samua'n a tih chuan chu nu, Debo tih mawni chuan a hmui sen tai hler hlawr zet chu a ti pawrh tarh a, mipa tan chuan thlemtu duhawm tak a ni ngei ang. Mahse ka ngaina hauh lo. Hmeichhia reng reng, mipa ngam tak a an taksa an deh chawt hian ka hmuhdan a danglam dawrh thin.

.

" Mawhhh, vawikhat chiah. Please...." in la pangchang zet a a ti nghawr nghawr chuan ka luak a ti chhuak tak zet a ni.

.

" Ngawiteh.."

.

" I thiannu in lampui che a chak chuan lampui ta mai la. Maengi pawh alo la thlen loh hi. Helai ah ding reng lo in va lut vat ru" nuisang chuan ka lo ti ve ta nge nge. Samu chuan makti zetin min rawn en a, keilah ka nuisang mai bawk si. Mahse ka nui hmel phen a ka natna chu tumahin an hmuthiam hauh lovang.

.

Samu te party hall a an luh hnu chuan ka thaw hawk mai. Keihian ka duh anga maw? A ni thei lo. Thian ang bakin ka kawm hauh lo. Thil theih a ni lo. Tin, Laura cousin a ni bawk. Bakah mipa hrim hrim hi ka nun a an luh leh ka duh tawh lo. Ka tan a mipa awmchhun Madinga khan khati khawp khan min ti na a, thudik a hriat vek tawh hnu ah pawh ngaihdam min dil ai chuan a sal ang mai a min khuahkhirh ala tum cheu anih kha. Thil chu ka tisual ve teh meuh mai. mahse keichuan thudik puanchhuah anih theih nan ka na der mai a ni. Madinga tihsual nen chuan tehkhin chi a ni lo. A hringnun ka laksak ve hleinem. Ani chuan ka hringnun zawng zawng min laksak vek thaw thang anih kha. Hetiang dinhmun a ding thei tur a ka beihna ah khan puitu ka nei lo a, keimahin ka sual chhuak anih kha. Mitthi tholeh ang ah ka in chan deuh reuh thin.

.

" Kan va buai awm ve. Khawnge samu hi?A motor ka hmu bawk sia" Maengi thlen chin hi chu a hriat theih lung lung thin a nia.

.

" Hall lam ah a thiante ava join ve anih kha"

.

" Ava nuam awm bik ve. Laldingliana motor pawh ka hmu" chikzet a min en pah chuan ka hma a sofa-ah chuan min hmachhawn chuan a thu a, min ngaihtuah tih ka hria.

.

" An party alawm. I ril a tam tawh em?" thudang sawi ka duh. Laura pawh a tel tih sawi ka peih hlawl lo.

.

" Hetah a rawn party ngam amaw?" a au ring kher asin.

.

" hey, au vak vak suh. Dawr ania, customer kan hnar thei hleinem"nuih tlawn ti tih a ka tih chuan a ner sawk a, min ngaihtuah vang tih ka hrethiam.

.

" Anih chu. Taka, kan ramhuai pitar pawh a tel hial lo maw? Nimin ah ka hnathawhna ah a rawn lang tlat a ni. Lusun zo hmel pawh a pu eih lo lehnghal"

.

" Nia. Ho lutuk. Anni chanchin sawi ka peih lo. Ka ril a tam tawh ania. Samu chu eisan mai ang" tih pah chuan hnathawk zing a pakhat chu kan chaw ei tur siam tur chuan ka ti zui nghal a, samu lo chhuah hma a ei hman hram ka duh tlat pek. Ka inhrethiam teh nuaih lo e a.

.

Chaw ei tur a cabin thlang ber a kan luh dawn chiah chuan Samu a rawn chhuak veleh chiah. Ka duhdan chuan engmah a thleng ta lo phawt. Mahse a hnung ah kha hmeichhia bawk khan a rawn zui veleh ta tlat mai.

.

" Min eisan in tum tihna?" titau aw deuh a a tih chuan ka lo nuih ringawt a.

.

" Ila party tui aniang chu kan lo ti mai asin. Rawn ei ve nghal la" Maengi lo tawng hmasa chu ka lawm kher mai.

.

" Tak tak a, lo ei lawk rawh u. Hei, ka thiannu hi Zemabawk ah ka han kalpui lawk mai ange. Tha em? Boss" tih pah chuan min rawn nuih a, nuih luih harsa ka va ti tehkher em!

.

" A pawi lo. Ka ril a tam tawh emai" tih pah chuan cabin ah chuan ka lut zui nghal hmiah. Ka thin tawt up up chu a puak mai ang tih ka hlau hial a ni.

.

" Khanu kha ami a thiannu chu?" Maengi chuan rawn thut pah chuan a ti nghal a, sawizui ka peih loh tehreng nen.

.

" Umm. Vawksa kha ei nasa suh aw, i bp i buai leh ang"

.

" Huisss, i bul a chaw ei ka peih lohna ber chu ka vawksa ei min veng hi. Mahse atha phian bawk sia" nui huk huk pah a a tih chuan ka lo nui ve hak a. A bp hi an san ve deuh reng avang hian vawksa hi ei lo thei se ka ti tak zet. Mahse a ngaina phian bawk sia.

.

Chaw eikham chuan Maengi chu a hmanhmawh deuh avangin samu te lo let pawh nghak lo in min hawsan nghal a, keipawh awm rei ka tum lo. Party a rei dawn avangin awm tluan kher ka tum lem lo. A chhan chu naktuk ah dar 10 ah booking a awm sa avangin ka kal hma a ngai tlat a ni. Ka insiam mawlh mawlh a, ka manager hi ka ringtawk bawk a, am lo mahila buaina an nei hauh lovang. India ram mai pawh ni lo, khawvel pum huap a Hotel tha ti a sawi zing a lang tel pha, Taj Hotel ah ngat thawk reng tawh a ni miau a. Samu min chhawr sak kha a nia, a hna a that vang leh a thluak a that avang te, a fel em avang pawhin ka chhuahtir phal lo a, ka chhawr zawm ta a ni. Amah hian Mizoram a awm a duh tawh bawk nen. Ka vanneihna chuan min la kalsan vek bik lo e.

.

Haw tur a car a ka lut tur chiah chu Samu te car a rawn thleng veleh chiah. Min biak hman loh hram beiseiin rang zetin ka lut nghal a, mahse ka tlai ta hret.

.

" Min lo nghak dawn lo ami?"

.

" Ka hmanhmawh deuh a, ka lo va haw hmasa ang" tih pah chuan car ka start nghal. A car atang a Debo chhuk lai chu ka hmu reng a, ka tlan zui nghal. Mahse ka tlan chhuah hnu lawk ah chuan ka hnung ah a rawn tlan ve nghal tlat. ITI kawng chhe lai ka pelh hnu chuan a motor chu horn a rawn pe ta tuarh tuarh mai. Ka ding ang nge ding lovang tih ka inngaihtuah a, tinge ka din mai loh ang? Enge ka tihtauh chhan ve ngawt hi ka hrethiam ta hauh lo.

.

" Ka be duh che" a motor din rual deuhthaw chuan a rawn zuang chhuak nghal a ni ber mai.

.

" Engenita? Harsatna a awm ami?" dam dap a ka lo tih chuan a rum hawk a, samuel-a, mipa nunnem zet kha a ang tawh lo.

.

" Car atang khan rawn chhuak la, in be lawk ang"

.

" Ava ho mai mai tak. Ka hmanhmawh viau asin. tikhan sawi mai rawh" ka ti ve tlat thung. Tumah veivak emaw, motor rawn tlan pawh a awm eih lo. Ka hlau ru ve deuh tlat a ni.

.

" Lungawi lohna i nei em ni?" ka car kawngka ah chuan a rawn kun hniam a, amah a palian sia, a luah hneh kher mai.

.

" Enge i sawi awmzia chu ka man hauh lo mai?" a motor light a ti thim lo a, keipawhin ka ti thim bik chuang lo.

.

" I awmdan hi nidang a ang hauh lo. I lakah tihsual ka nei em ni?" a hma ai chuan a aw pawh a dam ta deuh.

.

" Chutiang pawh ka lo hre hauh lo a. Lungawi lohna ka nei lo. Ka hmanhmawh tak tak ania" ka tih chuan a ding mar a, a kawng a dawm a, a thawk lak dan atang chuan ala normal chiah lo a ang.

.

" Kal rawh. ka rawn zui ang che" a ti nghut a, a car lam a pan zui nghal hmak. Ka hawihai zawk alawm le.

.

Kha zan atang khan ni 3 lai a liam leh tawh. Samu ka hmu ngai lo a, a zin ti dawn ila a motor a awm ngai bawk si lo. A zin anih chuan a motor hi garage ah a awm lo ngai lo. Ka chetdan mak tak avang khan min hmu peih lo ani mahna! A chhan chu a thian mai ka ni a, min duh emaw a intih kha ka thikthu ka thup zawh meuh loh avang a ka chetdan mawi lo tak avang khan min duhna chu a tawp ta pawh aniang le!

.

" Hey, naktuk ah ka zin dawn a, zanin chu rawn riak phei la ka va duh tak" Maengi bawk. A zin dawn hi chuan inthen hlen tawh tur ang mai hian riahdun a rawt ziah a, keilahin pawi ka ti lo nasa mai thin sia.

.

" Mahse ka dawr ah chaw ei ila"

.

" Ka hman ka ring lo. Boss hmuh hmasak ka ngai dawn. Chaw rawn ei puar sa la, mahse lo haw tlai lo la. Dar 9 hma in lo thlen tum la"

.

" A tha lawm. Chu aia hma pawh chuan ka hman mai thei"

.

" A that nasat chu. Ka dah dawn. File khawih ngai tlem ka la nei. In dawr ami chicken pakora min lo hawn rawh aw. bye" ka chhan leh hma chuan phone a dah zui nghal hmak. A tih loh dan pawh a ni lo a, ka nui tawp.

.

Zan lam booking a tam loh avangin ka haw hma, in ah mahni a rawngbawl a chaw ei ka chak a ni. Bazar ah ka kal kawi a, ka ei chak em em Ankhapui ka hmu hlauh. Ka lei a, hmarchapui leh saum nen bai ka chak bawk a, ka ei hnem viau in ka ring. Rawngbawl vel a buaithlak ka tih avangin dawr ah ka ei mai thin a, ka hne ve ta deuh hlek aniange. In ka thlen chuan a lo tlai ruih tawh. Bazar luh tawh hi chuan ka rei hrep zel. Eng em em mah lei lo mahila ka rei lo ngai chuang hlei lo a. Chawhmeh ka siam zung zung a, Maengi a boss nen chaw an ei dun dawn tho a, hmanhmawh vak ngai lo mahse in ei fel vat a lo hahdam hman ka duh zawk a ni. Ka doorbell ri vang vang ah chuan ka phu zawk mai. Inleng hi ka nei ngai lo a, Maengi bak chu samu hi ka luah tirh khan alo kal ve zauh zauh a, mahse tunhnai atang hian alo lang ngai miah lo. Kawnga ka va hawng chu ka beisei loh deuhin Madinga alo ding vang a, a hmel chu a chauh hmelin a tla ve deuh kuam in a hriat.

.

" Ka lo lut thei angem?" a tih chuan kawngka ka hawng zau a, tunge inleng hnar ngai. Mahse a rawn luh rual a zu rim nam hak avang chuan ka awm a nuam chiah lo.

.

" Enge i duh?"

.

" Ka nupui hmu..."

.

" Ngawiteh, ka in ah hian i nupui chu a awm hauh lo mai. Khawngaihin min chhuahsan leh zawk teh" zaklo ka ti lutuk hi ben chawrh mai ka chak hial a ni.

.

" Bawihi.."

.

" Khatiang khan min ko hauh suh" ka kut ka kuangkuah than a, nichin a ka hlauhna kha a reh vek tawh.

.

" Engkim ah khan ngaihdam dil che ka duh a ni" mipa luhlul, mahni induhtawk zet, a in atang a min petchhuaktu ngei chuan ngaihdam min dil ve ta. Mahse ka lawm in ka hlim phah hauh chuang lo. Keimah ah danglamna engmaha thlen tawh miah lo chu mak ka in ti zawk.

.

" A tha anih chu. Kalchhuahna tur ka nei a, min hawsan ta mai che" ka ti hmak a, ka ngaidam thei angem ka hre tlat lo a ni.

.

" Jess, min ngaidam thei tawh lo ang tih chu ka hria. Mahse hetiang em em hian min haw suh. Ka hmangaih che asin" ka lo ner sawk thei. Min hmangaih a, mahse keiaiin Laura a ring zawk kha ania.

.

" Ka lawm e. Mahse kal tawh rawh. Ka hmanhmawh viau ania" ka tih chuan ngawirengin a tho a, kawngka chu ka hawnsak a, ka khawngaih lo ani lo. Mahse khang natna min pek zawng zawng kha a ngaihdam dilna hian a tireh thei tawh dawn miah lo. Chuvangin ka thinlung tak a ka ngaidam a, khang natna zawngzawng kha ka theihnghilh thei anih loh chuan ka ngaihdam thu hi ka sawi thei tlat lo a ni. Kawngka ka hawng chiah leh Samu ka kawngkhar bul a rawn ding chiah chu kan in en ran a, Madinga a rawn chhuak zui nghal bawk. Madinga pawhin Samu lo ding chu a en ran a, tumah tawng zai kan rel lo. Samu hmel a min tenna chu ka hmuchiang ngei mai. A inher nghat a, a in pan chhohna step ah a chho zui nghal. A hmel mawlh kha mak ka ti. Madinga pawh ngawirengin a kal nghal a, keimah chauh chuan kawngka ah chuan ka ding a, ka chawmawlh vekin ka hria.

.

samu khan enge lo tih a tum? Kha leh chen kha kan inhmu tawh lo a, min be ngai lo a, Maengi lahin a chanchin a sawi ngai hauh lo bawk. Mahse vawiin ah ber kher enge ka in ah rawn tih a tum? Madinga a hmuh vang khan ngaih loh lam ah a ngai ngei ang le! Mahse nege pawi? Ka bialpa a ni lo a, a bialnu ka ni hek lo. A duh duh in lo ngai pawh ni se pawi ka tihna tur a awm em ni? Mahse pawi ka ti tlat bawk si. Ka inhrethiam thei mawlh lo. Madinga hmel tla kuam khan min ti na bawk. Eng hmeichhia teh hrep nge maw ka nih le?????

CHAPTER -18

Ka nun hi a hah hluah hluah ni ber in ka hria. Madinga nen kan inhmu tawh ngai lo a, khawilam ah nge a tuan ka hre lo. An Hotel pawh ka hriatdan in Samu khan Laura hi partnership nihna a hlan chhawng a, Laura hian a enkawl deuh ber ni in ka hria. Samu pawh building khat a awm e ti lo in kan inhmu ngai miah lo bawk. A motor chu ka hmu thin ngei a, mahse amah tak hi ka hmu ngai lem lo. Hmuh pah ka chak hran lo.

.

" Pi, zanin ah party lian booking kan nei thut a, U Rintea a nuamsam lo a, khawngaihin ilo kal hma thei angem?" Puia, ka staff zing a ka ngainat ber mai, ka fa ang hial a ka en chuan min rawn phone a, ka tho chiah lehnghal.

.

" Aw le. Rintea chu lo mu hahchawl rawh se. Lei ngai a awm chuan rawn sawi ula, ka rawn lei phei dawn nia" tih pah chuan phone ka dah zui nghal a, kal tlai ka tum rilruk lai tak in.

.

Ka inbual sawk sawk a, muangchang chi ka ni lo tih ka hria. A chhan chu kitchen lam mamawh lei ngai alo awm nual avangin ka thlen vat a ngai. Bazar ah kal in mamawh ka lam khawm zung zung a, dawr ka thlen phei meuh chuan dar 11 a pel hman tawh. Bungrua kan dah fel zung zung a, booking list kan en chu dar 5-11 chu Deborah tih a ni. A hming chu ka hriat hnu ni in ka hria. Ka intifel sawk sawk a, Karaoke lam chu dar 12 atang a awl dawn loh avangin keipawh ka intifel zung zung a, customer te hma a lan nalh loh hi ka duh loh ber te zing ami a ni.

.

" Eki, ka zin ka lo haw. Chaw ka rawn ei dawn. Min lo chhumkep ru" Maengi a rawn ri ve teh nawlh mai. Ani pawh hi kan inhmuh lohna a rei veleh ta. A hna avangin hun a nei bik lo a, keilah ka buai bawk si.

.

" A tha lawm. Kan buai rei dawn a, i duh chuan riak nghal turin lo kal la, keipawh riah nghal ka tum"

.

" Aih. Ka hman lovang. Bakah in dawr ah khan Samu te an party dawn tih i hria em?" ka hriatsa a ring tho a min rawn hrilh satliah a ang mah. mahse ka hre hauh lo.

.

" Dar 5 ami te hi niang. Customer te hi ka hre kim vek thin bik hleinem. Lo thleng vat rawh"

.

" Okay. Lo lungngai lo la. Dar 4 pelh hret vel ah ka rawn thleng ang. Ei chak i nei em?"

.

" A harsat loh chuan Zote ho E'clairs min lo hawn rawh. Chanmari ah ala awm ka ring. Ka dah dawn, ka buai leh dawn. bye" tih pah chuan a tawng ngaithla tawh lo in ka phone chu ka dah zui nghal. A chhan chu a kual chhoh peih loh chuan min hnial leh ngei dawn sia, min hnial hma a dah kha ka duh a, bakah customer tur te motor park tur ka hmu tawh hrim hrim bawk.

.

Maengi rawn thlen hnu chuan counter ah min thut chhawk a, kei erawh kitchen lam ah dinner tur ka endik thung. Staff pakhat in min rawn ko a, counter lam ah min hmu duh an awm thu a rawn sawi a, ka dar ka san ak mai. A chhan chu Samuel-a bak a nih ka ring tlat lo a ni. Maengi khan alo thlen hnu ah Samu te lo kal tur kha a sawichiang bawk a, Debo a tih te nen khan an nih hmel.

.

" Nang maw?" Madinga leh Maengi counter a an lo in melh ran ka hmuh chuan mak ka ti ang reng. Engtinnge a rawn lan veleh hlawl theih?

.

" Nia. In va buai awm ve?" Madinga chu a hma a ka hmuh hnuhnun ber ang kha a ni tawh lo. A hmel chu a thar sar a, hman a mahni inringtawk zet hmel kha a pu leh tawh.

.

" Nia. lo thu rawh. Enge i ei ve ang?" pangai thei ang ber chuan ka be lui a, mahse ka pangngai hlawl lo. Maengi lahin chik zet in min lo en bawk.

.

" Aaaa, aw le. Cabin hi a awl a awm chuan ka lo thu ve ang chu" hman deuh lawk a Madinga, mipa nep tak hmel kha a pu tawh hlawl lo.

.

" A thlang ber saw a awl a, lo kal rawh" tih pah chuan ka in her vat a, Maengi zawhna mitmeng chu kalsan vat ka duh. A chhan chu keipawh in Madinga rawn lan leh chhan hi ka hre hauh lo.

.

" In lo la..."

.

" I ngaih ang kha engmah a awm lo" Madinga a ka dah luh hnu a Maengi zawhna chu ka chhang rang kher mai.

.

" A danglam tawh hle mai" ka rinloh daih in a comment ta tlat mai.

.

" Nia. Puia, order lo va la rawh" ka ti zui zat a, engtinemawni ka awm tlat pek. Haw ngawih ngawih tur ka nih ka hria, mahse tinge ka hmuh apiang hian ka danglam ziah bik le?

.

Madinga eitur an peih fel hnu chuan keini thiandun pawh chuan kan ei zui ve nghal a, kan inhmu lo rei ta deuh bawk a, sawitur kan ngah dun leh ta pek khawp mai. Chaw eikham veleh chuan Maengi pawhin min hawsan ve nghal a, chelh chak viau mahila zin haw chauh a ni bawk nen, hna khawih tur a neih nual bawk avangin ka chelh lui ngam lo. Party ho lah an la bengchheng tha ngang mai. Samu rawn kalchhuak miah lo chu ka lawm phian zak. A chhan chu ka hmu peih hlawl lo tawp mai a ni.

.

" Engzatnge bill?" ka phone ka khawih tui lutuk chu Madinga rawn chhuak ka hmu miah lo.

.

" E, Awi, ka lo hmu mai lo che a. Rs.450 tur aw. i ei puar em?" customer dangte ka biak dan nen a danglam lo. Mahse ka thinlung ah erawh a danglamna ala reh thei si lo a ni.

.

" In la rei dawn em?" ka zawhna chhang lem lo chuan min zawt let nghal hmiah. Hei hi a thil chindan thin a ka huat ber a ni.

.

" La rei ang. I paur em?' ka tilui veleh ngat.

.

" Puar e. Naktuk chu i awl thei ang tiraw?" a zawhna vang chuan ka hawi mawl hle a ni. Nia, naktuk hi Sunday a ni. Ka awl ngei ang. Mahse engvang a min zawt nge anih ka hre hauh lo.

.

" Ngatannge i tih?"

.

" Rawn len ka duh a" a hmel chu a zam ve deuh tih ka hria. A inhmeh miah lo bawk. Ani hi a zam ve anga maw? Awihawm loh lutuk.

.

" I hun i khawhral thlawn mai a ni"

.

" Hun khawhralna tha tak a ni mai thei asin" a hmel a inrintawkna awm leh tawh chuan a zam ni a ka rin kha dawt mai anih zia a nemnghet leh nghal.

.

" Time is money"

.

" Money cannot buy anything"

.

" Laura hriat..."

.

" Ani hming kha lam rik a ngai miah lo" a hmel chu a ner sawk a, mak ka ti nawn leh ta.

.

" Anih tak chu. Kha, i pawisa kir" tih pah chuan Rs.50 tlang chu ka pe a, a lu alo thing mat thung.

.

" Khachu i hnathawkte tip tur ni rawh se. Ka kal ange, naktuk chuan ka rawn kal dawn nia. Hnathawh nuam le" tih pah chuan a kal nghal a, tawng ngaihna pawh ka hre lo. Leng tur khan phalna ka pe hauh lo. Mahse a duh chu a ti tlang leh ngei dawn anih hmel. A hap ngam chuan rawn hap teh se, a let leh lam a tuar ngam tur ah ngai ang.

.

" Hun nuam tak in hmang ang chu maw?" Samu tawng ri ka hriat chuan ka ngaihtuahna atang ka harhchhuak zawk mai. Ka dawhkan hma lawk ah chuan a ding a, a mitmeng atang a normal lo tih pawh a hriat.

.

" I dam amaw?"

.

" Mai thei. Kha vang kha em ni min hel char char?" a tawng zawng a zu rim rawn nam pawh ka hre thei ta. A inhmeh lo takzet a ni.

.

" Samu, helai hi mimal nun sawina hmun a ni hauh lo" ka hmel ah chuan ka lawm lo tih ka tilang chiang hle bawk.

.

" I in a rawn kal dawn chuan hmuh loh tur hmuh a hlauhawm riau asin" a thle bak a, rui chhia a ni lo. A tawngkam chu ka haw kher mai.

.

" Hmuh loh tur an awm ka hre lo. va lut leh tawh rawh, i rui anih kha" ka hnathawk ten mak min tih ka hlau takzet a ni.

.

" Helai hmun a ka awm ve avang hian harsatna a awm em ni?"

.

" Awm lo e. Mahse helai hi customer te ti ti na hmun a ni lo tih i hriat ka ring"

.

" Uire a puhtu che pawh..."

.

" Samuel, i ti mah mah tawh e" Madinga rawn luh leh lai reng reng ka hre lo. Samu nen chuan an indinchilh ran a, an palian dun bawk si, Madinga zia hrechiangtu chuan ka hlauthawng takzet a ni.

CHAPTER -19

" Lo inrawlh lo la i tifuh zawkin ka ring" Samu lah a duai chuang bik map lo. Hetiang boruak hi ka duh hauh lo. Mahse mipa pahnih te hmel en in inrawlh ngamna chi ni in ka hre bawk si lo.

.

" Hetah buaina..."

.

" Jess, he mihring hi hlat ang che" Samuel-a tawngdan avang chuan ka hawi a map mai. Madinga hi a fel tawk lo tih chu ka hria, mahse kei leh Madinga inkar ah hian midangin thu min pek ka duh hauh lo.

.

" Tunah ni lo, in party tawp hun ka lo nghak ang che" Madinga chuan Samu chu a en ngar a, a tawng chu a zawi nangin thu pe thang tih a hriat em em thung. Tin, a uang hauh lo tih pawh khalehchen lo chengdun tawh chuan ka hai hauh lo.

.

" Khawngaihin Samu, lut tawh rawh" ka hnathawkte mit ka chung ah a fu tih ka hai lo.

.

" Cabin pakhat saw ka lo la leh mai ange" Madinga chuan a ti nghut a, hnial dawn ila customer ang a ni ve tho bawk si. Hnathawk pakhat chuan cabin ah chuan a hruai lut a, customer dang lo lut awm ve reng bawk nen, ka boruak tawn hi a ipik thin mange!

.

Buai zualpui a reh fel hnu chuan Madinga biak tha a ka hriat avangin a thutna cabin lam chu ka va pan ta nge nge.

.

" Ka lo thu ve thei angem?" tukverh lam hawi a cigrette a lo pak khu malh malh lai chu a rawn hawi chhuak vat a, a mitmeng thim raih leh a awmna room inhmeh zia chu! Ni lo, hetiang hi ngaihtuah tur ka ni lo.

.

" I ta ania, i thu thu alawm" khi suk pah a a tih chuan ka nui ve tawp. Zam ru tak si, mahse zam ang a lan erawh ka duh hauh lo.

.

" Englo ania, Samu..."

.

" Thudik puanchhuah i duh vang a min bumna kha hrereng la, keipawhin thudik chu hailan ka duh ve tho a ni" a hmel dam dap kha thinrim hmelin a rawn thlak a, angaihna ka hre lo kher mai.

.

" I thusawi awmzia..."

.

" Ila hre chho mai dawn alawm. Tak a, i manager saw enge a an ve?" a hmel chu a dam leh dup tawh a, a awmdan hi ka hrethiam thlawt lo. A thusawi awmzia pawh ka hre hek lo.

.

" A tha khawp mai. Ngati teh daih nge?"

.

" Tu unaupa nge hriat tum ang che" a ti nghat a, a zial zuk lai a pak khu leh talh a, a thusawi tin mai chuan min thawng in min tibuai vel vek a ni ber mai.

.

" A unau unaupa a ni mai alawm" ka ti ve ngat.

.

" A unau chu tunge anih hriat tum zawk ang che. Khawngaihin in tur engemaw ka order ve dawn mawnile?"

.

" A pawi hleinem. Enge i duh?"

.

" Lassi no 2 ni rawh se. Hun i neih chuan in dun ila" a tih chuan ka hnial duh bik lo.

.

Reitawk fang kan thut dun hnu chuan customer thenkhat in bill an pek a hun tak avangin ka chhuahsan a, Samu te party pawh an time a over dawn hnai a, enge thleng ang tih mawlh chu ka rilru luahtu a ni. Madinga lah a awmna atang ala rawn chhuak duh bik lo a niang. Customer tam zawk pawh ka thlah liam fel ta. Maengi haw hman chu pawi ka ti ta kher mai. Ani chu awm se a zia deuh tur.

.

" Thiannu, ka be lawk thei che ngem?" ka dawhkan hma a rawn ding hmeichhia chu ka melh zauh a, ka nui var var.

.

" Engenita?"

.

" Samu hi in inhria ni in ka lo hria a?"

.

" Chuan?"

.

" Ka pasal hlui a nia" ka mengkawk mai. Debo kha a bialnu anih ka ring a, mahse tunah a nupui hlui te nen an party leh bawk si. Debo lah a tel ve tho bawk si. Huiham, mi hausa te nun hi kei mirethei hian ka hrethiampha ngai dawn lo anih hi.

.

" Engvang a min hrilh nge i nih ka hre hauh lo mai" ka mitko ka san ak a, a rilru tur awm ang chu ka hrethiam. Mahse a rilru ang kha ka rilru puthmang a ni hauh lo.

.

" Nangnen hian sawi zawm in ni a" a hmel chu ka en a, a in control thei ka ti dawn nge, thinrim hmel a pu hauh lo. Mahse chuvang chuan a nelawm chuang hauh lo thung.

.

" Ava ropui lo ve. I pasal hlui chu..."

.

" Ka nupui hian i pasal hlui chu a ngaizawng hauh lovang" Madinga chu cabin atang a rawn chhuak a, kan thusawi kha a hre pha a ni ngei ang. Ka eizawnna hmun a hetiang mimal thil lutuk thleng ta fo hi ka zak a, hrehawm ka ti tak zet a ni. Nu leh pa, chhungte la nei ta ila hetiang em em hian ka awm bik lo tur.

.

" Nangmaw?" chu nu chu a meng bial kawk kawk a, Madinga, inrintawk hmel zet a rawn kal phei chu a en tlawk tlawk a, hei pawh hian a hria a ni ngei ang le.

.

" Ni e. Mami, in game hi duhtawk tawh rawh u. Mi pangai chunglam in hetiang nun hniam lutuk zia in nei thei hi a awihawm loh hial zawk in ka hria" Madinga hi a tawng duah ngai lo. Tun tum erawh a tawng thui ve reuh khawp mai, tin, a nelawm miah lo bawk.

.

" Hetah i awm ve ang tih ka ring miah lo a" Mami a tih nu chu a hlauhthawn hmel tak zet.

.

" Nang leh i thiante hian helai ah buaina engmah in thlen tur a ni lo. Tin, Jessica hian nangmahni vang a harsatna pakhat pawh a tawh belh leh chuan keimah min hmachhawn ang. Va lut la, va intihlim leh tawh rawh. Helai ah buaina a awm ka duh hauh lo a nia" Madinga tawng kam avang chuan chu nu chu a hmel a dang sawp sawp a, min melh zawk zawk pahin rangzetin party hall lam ah a tlan lut nghal.

.

" Engvang a min rawn chhan nge i nih?"

.

" Anni ho in a an duh duh a an kawih phar tur i ni lo"

.

" Keimah in ka buaina chu ka chingfel thei. Tin, i nupui ka ni lo bawk"

.

" c'mon Honey, i eizawnna hmun ah hian hmuhnawm siam lul lo teh ang. Lawmthu min hrilh hreh anih pahin min hnial lo mai teh" tih pah chuan a khi suk a, ka hnathawk ten min ngaithla ru thap tih ka hriat rual chuan ka ngawi zui hmak bawk.

.

Party a zawh meuh chuan a tlai tawh kher mai. Madinga lah ala awm ngar mai bawk si. Midang zawng an haw hnu chuan Samu, Madinga, kei leh Debo chu kan awm ho ta ran mai. Staff ho pawh an room ah an lut fel tawh a, Samu-a a rui phian a, Debo lah bang bik lo. Madinga nen erawh kan fim kar thung. Sawi tur a vang ngei mai. Samu leh Madinga chu an in en ngar a, tawng hmasa nih kan tum lo vek ni in ka hria.

.

" In sawi tur chu sawi ula, ka chau ve viau ania" ka ti chhuak ta nge nge.

.

" Sawi tur ka nei lo" Samu chuan thle buk pah chuan a ti nghut a, Madinga ka va en chu puak thei thil ni ta se a puak na viau in ka ring.

.

" Samuel, hei hi ka warning na che ni rawh se. Jessica hi lo hnaih tawh suh ang che. Anih loh chuan...."

.

" Anih loh chuan enge?" Samu chuan pawr zet in alo tilet nghal a, ka lo ip chawih thei.

.

" Kha accident kha..."

.

" Hah! A finfiahna i mamawh ka ring" Samu chu a rui viau emaw ka tia, a rui ta hauh lo mai. Kei leh Debo chuan sawi tur reng reng kan hre lo.

.

" Min nawr miah suh. Kan pahnih buaina hi kan pahnih in kan chingfel tur a ni. Mipa i nih chuan mipa tak in min hmachhawn ang che" a ti nghat a, a kut hum ruh dan chu pui tak a ni. Hman lawk a Madinga, mipa ah pawh ka chhiar tak loh kha amah ah hmuh tur a awm tawh lo.

.

" I duh chu ti la, ka duh ka ti anga, a chak zawk zawk kan ding chang a ni mai" Samu tawngdan chu mak ka ti tawlh tawlh. Hetiang mihring hi a ni ngaiin ka hre lo. Mahse tun a a mizia mawlh mai hian mak min tih tir ngawih ngawih.

.

" In thusawi awmzia hi ka hre duh" ka insum thei tawh bik lo. A awmzia ka hriat loh thil avang hian ka hahchawlhna tur ka dal tir phal bik hauh lo.

.

" Jess.."

.

" Uire a puhtu che hi zawt rawh" Samu tawngkam hman dan chuan min ti thinur riau tawh. a chhan chu sawi fo ka duh tawh lo.

.

" Tu vang nge tih sawi hmasa ta che. Mipa pawh ilo nih nek loh hi" Madinga chuan a ti nghut a, a tawng dan atang chuan a insumtheihna a tlachham tan tih ka hrethiam.

.

" Hah! I puh a, chuzawng chu a ni mai lawm ni? Nge Laura hi Hotel neitu nihna chanve ka pek avang hian i lungawi lo zawk. Vaipa ai pawh..."

.

" Samuel, duhtawk rawh" Madinga chu a ding a, Samu kawr awm ah chuan a tham a, ka va hlau tehkher em!

.

" I ngam chuan ti la. I hmangaih em em uire in i puh a, i kawppui ber vaipa in a neih sak che a, tah chuan tihsual ka nei em ni?"

.

" Samu, duhtawk rawh" ka ti tuarh a, Madinga chan chhiatna leh a tawrhna sawi sak kher hi a tulna ka hre lo. Bakah Samu tawng duh dan chu ka haw hrim hrim.

.

" Nangnu hi, buaina bul chu i ni. Nang fahrah, chhungte duh loh hnu vang a mipa pahnih buaina hi en teh" Debo chu a rawn tanwgchhuak ve ta. A tawngkam chuan min ti na tak zet a ni.

.

" Enteh, nang hian ka chungchang sawi tur i nei hauh lo. Lo ngawi la, i thianpa hi chhuahpui nghal ang che. Ka mithmuh a in rawn inlan leh anih chuan hetiang mai mai hian ka kal tir tawh hauh lovang che u" thinrim lutuk avang chuan ka aw a khur dar dar thei.

.

" Ve khanglang che chuan. Mi hmei hlui..." a hmai a rik rual a ka kut thip vang vang chuan ka thiltih min hriatchhuah tir chiah. Min rawn khawih let tur chu Madinga chuan alo dang nghal a, kei erawh chet pawh ka tum tawh lo. Ka tha a zawi vek thei. He hmeichhia hian dawt a sawi hauh lo. Mahse thudik chuan min ti na em em thung. Madinga hmei ka nih avang a ka natna tawrh zawng zawng hi a rapthlak lutuk a ni.

.

" Jess, i tha em?" Madinga aw chu ka hre vuai vuai ringawt.

.

Ka mit ka meng chiah chu ka bul ah Madinga alo thu a, Damdawiin ah bawk. Tinge ka chak loh bik em em le? Thu thinthawng leh boruak sang deuh ka tawn apiang a ka talbuai fo mai hi ka in haw ngawih ngawih a ni ber e.

.

" Ilo harh tawh maw?" Madinga hmel a hahdam huai chu ka hmu thei. Mahse ka hua a ni. Amah vang a heng zawng zawng hi tawng ka ni.

.

" Enge hetah i tih?"

CHAPTER -20

" Jess..."

.

" Khawngaihin min kalsan thei angem?" Madinga hmel buai nak chu ka en kar a, ni e, kal tur in ka duh ani. Amah vang a heng thil zawng zawng hi thleng a ni miau a ni.

.

" Kha, ilo harh ta maw? Na te i nei em?" Madinga min chhan hma chuan Doctor la tlangval hmel tak, nelawm hmel zet hi a rawn lut a, a nui sang bawk.

.

" Ka tha alawm. Engmah na ka nei tawh lo. Ka chhuak nghal thei angem?"

.

" I bp te kan check anga, zanin chu hetah riak la, natna dang i neih loh chuan naktuk lam ah i chhuak zawk mai dawn em ni niang?" tih pah chuan ka bul ah lo kal hnaiin ka chal chu a rawn dek a, a hmel chu a hahdam tak zet a ni.

.

Nurse rawn lut chuan ka bp min check sak mawlh mawlh a, harsatna a awm lem lo. Doctor chuan chaw ei tha deuh tur leh ka taksa hriselna ngaipawimawh deuh turin min chah zing khawp mai. Ni e, tunhnai ah hian ka rilru ipikna ti reh turin hnathawh lam ah ka tuan a, ka taksa pawh a hah reng bawk. Mahse hna ka thawh nasat loh chuan ka inngaihtuah nasa thei lutuk a, chu chuan ka thaw a ti hah fo thin tlat a ni. Chu ai chuan inngaihtuah hman lek lo a hnathawh ka duh zawk tlat a ni.

.

" Zanin thil thleng kha a awmzia ka hre duh?" Doctor chhuah hnu chuan ka thu chhuak a, Madinga chu ka en ran bawk.

.

" Mu hahdam phawt rawh. Naktuk lam ah kan sawi dawn nia"

.

" Aih. Tun ah ka hre duh"

.

" Jess, naupang ang mai hian awm thin teh suh"

.

" Eng game nge ka lak ah hian inkhelh?"

.

" Ni lo. I lak ah eng game mah ka khel hauh lo"

.

" Mimawl hmuh in min hmu em ni? Zanin a Samuel-a nen a inthusawi zawng zawng kha tunah min hrilhfiah rawh"

.

" I hahdam a ngai"

.

" A tha e. Min hrilhfiah ngai lo in keimah ngeiin ka hrechhuak mai ang. Mangtha le" tih pah chuan ka mu thla leh hmiah a, zawh luih reng ai chuan mahni a thudik zawn chhuah mai chu ka duh zawk. Mahse tunge min pui ta ang? Maengi? Ni lo, ka inrawlh buai tir zel thei lo ang. Bakah a hna hi Samuel-a kaltlang a a neih a ni. Samu hian eng chen nge inrawlhna a neih tih ka hriat hma chuan Maengi hriattir loh ka duh zawk.

.

Ka thu hriat chuan min va thawng teh kher em! Samuel-a hi Madinga unapa maw???? A ni thei lo. Ka hma Madinga Nutei thu chu ka en tlawk tlawk ringawt. Engvang a he thu min hrilh tur a rawn kal vang vang nge a nih? Ka hrethiam thei lo. Min haw ngawih ngawih tih chu ka hria. Mahse vawikhat na tak a ka ankhum atang khan ani hi ka hmu tawh ngai lo. Madinga in a ka chen luh leh zawk lai pawh khan ka hmu ngai chuang hek lo.

.

" Anih leh chu chu engvang a min rawn hrilh nge i nih?" mak ka tihna chu dahtha in enge a duh hriat hmasak ka ngai tlat a ni.

.

" Tunah hian Hotel share hi Bawiha pa hian an unau in a chanve ve ve in a sem a, mahse Samuel-a hian a share chu Laura hnen ah a hralh ta a, Mama lah thawkkhat lai khan a talbuai chiam a, chumi lai chuh chuan Laura chuan a pasal kha vai tenawm tak thluak hmang khan Bawiha share thenkhat chu alo lei a, tunah chuan Bawiha hian hniam lam a pan mek a ni. Nangmah chiah hi a chhanchhuak thei tur i awm a ni. Samuel-a hi nei la ka duh a ni" ka hma pitar thu chu ka en tlawk tlawk ringawt. Hmeichhe nasa an sawi chu nep te a ni thlawt e.

.

" Ka pi, i mi ngenna chu intham lohna lian tak ni in i hria em?" ka ti chang ta fak mai. Hetiang em em a inhmuhsitna hi ka tawng thei ang tih ka ring ngai lo. Uire a puh nih ai pawhin rapthlak ka ti zawk.

.

" Bawiha hi a dinhmun tlachhe mek lak ata hi i hmangaih anih chuan i khaichhuak ngei tur a ni" a mitmeng chu mihring mitmeng ni pawhin ka hre lo. Tenawm lutuk.

.

" I mi ngenna chu a zahawm viau nangin nangpawhin keiaia nasa in i hmangaih thu i sawi a nih kha. Anih chuan nangmahin i fapa chu khaichhuak mai ta che. Ka nun hi infiam nan hman rawn tum tawh ngai suh ang che u" ka thinur lutuk chu ka kut ka hum na vek thei.

.

" I nu rual zet in ka ngen che anih chu" a kum ngaihtuahin zahna a tlachham tak zet a ni.

.

" Ka nu chuan nangang lo tak hian mi nun infiam nan a hmang ngai hauh lo. Khawngaihin ka in atang hian min chhuahsan ta che" ka ti chang fak mai. Ka insumtheihna in a tlin dawn lo takngial a ni. hmeichhe huaisar lutuk!

.

Samu-a emaw, Madinga emaw pawh ka hmuh lohna kar 2 zet a ni ta. Ka manager chhawr lai ka ban avangin Maengi erawh min hau tur in a rawn kal zawk. A chhan min zawt nasa viau nangin dawt ka hrilh ta ringawt. A chhan chu thudik ka hrilh anih chuan engkim ka sawifiah vek a ngai dawn a, ka tan chetlak a harsa zawk ang. Ka buaina a ani hnuhluh ve zel hi tha ka ti lo. Manager thar training nan hun ka hmang liam ve mai zel. Hunawl insiam ka duh lo bur. Ka mamnager thar lah a hma mi nen danglamna em em a awm lo. A hna ah a chiang a, expi lo nei tawh a ni tho bawk a, inzirtir em em ngai a awm hran lo.

.

" Ka pi, hei, i lehkha tur" dawr a rawn lut mipa pakhat chu makti zet in ka lo en hau ringawt. Khawilam lehkha tak niang maw?

.

" Ka lawm e" tih pah chuan lehkha ip chu ka ban a, ani pawh chu a chhuak zui veleh nghal. Kan en thuak a, dakin atang a lo kal a ni lo phawt. Ka ngaih a tha lo rum rum thei. Lehkha chu ka pharh a, kan en chu mak ka ti lehzual.

.

' ZAN IN DAR 7-AH HOTEL FLORIA, ROOM NO.309 AH LO KAL RAWH'

.

Angaihna ka hre lo tak zet. Ka hming a chuan vang avang chuan min hai chu a ni si lo. Ka harh chhuak thut a, hmanhmawh zet in pawn ah ka tlanchhuak a, lehkha min pe tu kha ka han zawng leh a, mahse a hmel hmuh tur eih a awm lo. Beidawng zet chuan dawr ah ka chhuk leh ta ringawt. Lehkha chu ka en nawn leh thin, kutziak a ni bawk si lo. Khawl a chhut vek a ni lehnghal. Ka chair-ah chuan ka thu hnawk a, ka manager lak thar chuan maktih hmel zet chuan min lo en a, ka thaw kawk ringawt, Keihi eng mihring chiah nge ka nih/ Tunge hetiang a lehkha min rawn thawn tu hi ni ta ang?

.

Sana ka en a, tlai dar 5 a ri tawh. Ka lehkha dawn chu theihnghilh ka tum a, mahse ka thei lo. Tu hnen atang a ka dawn nge ni ta ang? Ka kal ang nge kal lovang? Ka rilru a buai tak zet a ni. Tunge chu hmun a min ko tu chu ni ta ang? Chu zawhna chu keimah leh keimah ka in zawt mawlh mawlh a ni ber mai. kal chakna in min nawr a, hlauhna in min pawt bet tlat bawk si.

.

" Ka pi, rilru hahna i nei ami?" ka manager thar, Rama chuan min ngaihtuah hmel zet chuan a rawn ti a, ka hmel ah hial alo langchhuak ta aniange.

.

" Nei lo e. taka, chhuah lawk ka ngai a, ka lo let ta lo anih pawhin i kut ah ka dah ania" tih pah chuan ka tho hliai a, Rama makti hmel chu ka ngaihsak hman tawh lo. Kal ka duhna chuan ka hlauhna chu a hneh ta zawk a ni.

.

Hotel Floria kawt ka thlen chuan security pakhat chuan min lo welcome vat a, car chahbi ka pe a, ka tlan luh san nghal. Sana ka en zauh a, dar 7 rik nan 20minutes chiah a awm tawh. Ka duh ai chuan ka thleng hma hret a ni. Counter lam chu ka pan nghal a, counter a hmeichhe hmeltha zet lo ding chuan min lo welcome vat a.

.

" hello, tanpui theihna che ka nei em?"

.

" Dar 7 hian room no.309 ah meeting kan nei dawn a"

.

" Aw, ni tak. Miss jessica tiraw i nih?" nuisang a a tih chuan ka thinphu a rang lutuk tlat. Engkim hi ruahman lawk vek a ni.

.

" Aaa.. Aw, ni e."

.

" I lut nghal dawn nge i hahchal hmasa duh?"

.

" A theih chuan luh nghal mai ka pawi ti lo"

.

" Aw le. Tharpui, kan guest hi room no.309-ah lo han hruai ta che. Miss, khawngaihin ani hi i zui dawn nia. Hun hman nuam le" a ti zung zung a, a nui hmel nen chuan a hnathawh chu a inhmeh tak zet a ni.

.

Ka kalna tur room pan tur a lift-a kan lut chu lift kawngka a inkhar dawn chiah chuan mi pakhat hmuh ka nei.

CHAPTER -21

Engtinnge hetah Madinga a awm daih theih? Amah hi em ni min ko tu chu ni ta ang? Ka ring lo. Amah chu ni se a insawi ngeiin ka ring. Lift ding dat ah chuan ka ngaihtuahna ram atang ka harhchhuak zawk. Min hruaitu chuan room no.309 kawngka zawn a min dah hnu chuan min let san nghal a, doorbell chu ka en vang vang a, hlauhthawnna in min rawn tuam lehnghal. Thawk ka la vang vang a, enge lo thleng tur hriatchian chakna avang chuan bell chu ka hmet ta nge nge.

.

" Nang maw?" ka hma Samu-a ding chu ka en hau ringawt. Ka beisei loh lam a ni.

.

" Lo lut rawh" tih pah chuan a tawlh hnung hlek a, ka lut ang nge lut lovang tih ka inngaihtuah det a, ka pen lut ta nge nge. Enge ka hlauh viau ang? Diklohna ka nei lo a, enge hlauh tur ka neih?

.

" Tinge nangmah rawn kal a min rawn hmuh mai loh?" sofa pakhat inhung ah chuan ka thu a, ka hma khum a Samu rawn thu chu ka en kal bawk.

.

" A dik khawp mai. Mahse hmanzan ka mize thing tak avang khan ka inthlahrung a, bakah zanin hian engemawni hmuh tir che ka duh a ni" a tih chuan ka dar ka san ak a, a che hrut a, a hnung lam a curtain inzar chu a keu a, room lehlam balcony chu alo lang iarh thei. Duhtak te nen a hunawl hman dun nan a hmun nuam tak a nih ka ring.

.

" Khatiang kha hmuh nawn leh ka duh hek lo. Bakah enge min hmuhtir i duh chu ni reng reng?" tih pah chuan ka ding hliai a, tukverh lam pan chuan ka pen phei a, tukverh bul ah chuan va ding in room lehlam balcony eng dul riai chu ka thlir vang vang a, ka lung a leng vawng vawng thei. Madinga nen kan chendun lai khan Regency Hotel-ah kan riak dun fo thin. Ama Hotel-ah pawh kan riak fo nangin midang Hotel-a han riahluh hi nuam a ti ve thin riau a, keilah ka lo phur em em thin bawk nen, thla khat ah vawikhat tal chu kan riak chhuak ve ziah a ni.

.

" A thleng nawn tawh lo ang. Engemaw eitur i duh angem?"

.

" Duh lo mai ang. Ka hmanhmawh angreng..." ka tawng lai chu ka tawp chawt. Ka hma a room lehlam balcony-a mi pahnih ding chuan min ti phu nasa lutuk. Maengi leh Madinga maw? Chutah an ding mai mai hauh lo. Maengi chuan Madinga chu a ban ah a vuan a, a nui sang bawk. Madinga lah a hlim hmel phian bawk.

.

" Jess, ka tawng i..."

.

" Heng zawng zawng hi i hresa vek tiraw? Engkim hi inbumna a ni" ka au tuarh a, ka hnung lam ka hawi a, Samu chuan min lo en kal bawk.

.

" Hei vang hi alawm Laldingliana hi hnaih lo tur a ka tih che. I hria em? I thiannu hi tunge anih hre tur hian hetia tih mai hi ka tan a ngai a ni. Min hrethiam ang chu maw?"

.

" Enge ka lak ah hian duh i neih?"

.

" Ka nupui ni tur in ka duh che a ni. He mihring tenawm pahnih lak atang hian ka humhim dawn che a ni" a hmai a beng lo tur chuan ka insum hram hram a ni ber mai.

.

" I tumna chu a lawmawm e. Mahse piang nawn leh dawn pawh ni ila i nupui ka ni ngai lovang" ka aw chu thinrim avangin a khur dar dar thei.

.

" Jess..."

.

" Ka kal phawt ange. I mi kohna avangin ka lawm e. Mahse ka hmuh theih ah rawn inlan tawh lo tur in ka duh che a ni" tih oah chuan amah chu ka kal pel a, ka chhuak zui nghal.

.

Pawn ka thleng chu ka ding vang vang a, security in ka car a rawn khalh chhuah chuan thawk ka la vang vang a, tunah tak hian khawi ah nge ka kal ang ka hre lo. Mahse hawi thawven ka mamawh ngawih ngaiwh in ka hria. Tinge tupawh mai hian min bum vek le? engvang a kei hmeichhe pakhat, chhungte pawh nei lo hi infiam nan a hmang reng nge an nih? Maengi, ka awih phal lo. Mahse ka mit ngeiin ka hmu a, phallo eng ang mahila dawt a ni si lo. Ka chhungkaw neihchhun tih hial a ka lo chhal khan engvang a min phatsan thei mai nge a nih? An hetih vang em ni Madinga hnen a ka let kha a hlauh em em? Zawhna hlir in ka khat a ni ber mai. Ka tan a thil tha tam tak ti tawh tu te vek in min ti na vek si anih chuan eng hi nge? Tu hi nge ka tan a tha ni ta ang?

.

Ka motor chu a ri hrawk a, min au ri tuarh chu ka hria a, ka ding dawt. Ka hma a motor rawn ding ve nghal chu ka en reng a, lo hmachhawn tur in ka chak tawk a ngai, thawk ka la vang vang a, ka car lam pan a madinga rawn phei thauh thauh chu ka en reng a, a hnung ah Maengi a rawn kal phei bawk. Hrep tak hian1 Lalpa, ka tah chhuah loh nan min pui hram teh.

.

" Jees, i tha em?" Madinga chu ka car kawngka ah chuan rawn kun hniam in min rawn bia a, ka luak loh nan ka insum hram hram a ni ber e.

.

" Ka tha alawm"

.

" Thian..."

.

" I thian nge ka nih i bum kual?" ka aw chu a chang fal fal ngei mai.

.

" Maw?" Maengi makti hmel chu hmusit tih hriat zet in ka nui hak a, car kawngka hawng in ka penchhuak zui nghal. Tunah chuan tumah in min bum leh tawh ngai lovang.

.

" Khawngaihin in motor hi hungsawn ula, ka lo chhuak ang chu. Ka hmanhmawh deuh hlek a" ka chetdan cchu TV ah en ta ila lemchang thiam ka inti ngawt in ka ring. Ka na tih reng reng tihlan ka duh lo.

.

" Enge i awmzia hi?" Madinga chu ka hma ah a rawn ding a, Maengi erawh a dinna ngai ah ding in min en ngawih ngawih thung. Ka na a ni. Khawvel ah keimah ai pawh a ka rin zawk hial in min phatsan thei hi ka nat loh ring suh u. Ka na tih hian a sawifiah zo lo. Chutihrual erawh chuan min phatsan tu hma ah hian ka natna ka tilang ngai lovang.

.

" Eng ni lo e. Ka hmanhmawh a, in motor hi la sawn ula ka duh a ni"

.

" Jess, enge i thinur chhan hi ka hre duh?" Maengi chu a rawn tawng chhuak ta nge nge. Tenawm lutuk. A hmel a pawisawi lo ni awm tak a an awm vel chu ka ngaithei bau lo.

.

" I hriat duh chuan zawng chhuak mai la ti nia"

.

" Jessica, hetiang hian awm suh. I lungawi loh...."

.

" Helai ah hian ka insawifiah angaihna ka hre lo e. Tin, nangni pahnih hi ka tan engmah in ni lo. In motor hi indahtha duh lo anih chuan police ka phone mai ang. Duhthlan tur in nei e" ka ti leh hmak a, Maengi chu a inher nghat a, Madinga car lam chu a pan nghal. Chu chuan min ti thin ur zual sauh. Insum hram hram lo ila chuan a tukhum sam ah ka pawt let duh ngei ang. Madinga pawh thawk hak pahin a motor lam a pan zui ve nghal. Hei hi ani lawm ni ka duh/ Mahse ka hlim chuang eih lo.

.

In ka thlen meuh chuan a tlai tawh viau. Ka inbual sawk sawk a, ka inbual zawh chuan ka khum ah ka mu meng kar. Muhil tur in ka natna hian min delh rit lutuk a, ka mut reng a chhuak thei thlawt lo. Zawhna hlir in ka khat a, ka na a, ka thin hi a thip vawng vawng a ni ber mai. Ka tho a, ka mu leh a, ka thaw a tawt a ni ber mai. Awmngaihna reng ka hre lo. Ka phone chu ka bih leh thin. Whatsapp ah ka lut a, ka duh lo viau nangin Maengi leh Madinga ka stalk hram, mahse an online lo ve ve. Hun an hmangdun a ni mahna!

.

Dawr kal loh ka tum ru viau nangin min phatsan a min bumtu te avangin ka ke chheh hi pakhatmah ka tibuai tur a ni lo. Ka insiam mawlh mawlh a, chaw ei erawh ka chak hlawl loh avangin ka tilui thei ta ngang lo. Dawr ka thlen chuan ka beisei miah lohin Maengi alo awm vang mai. Diktak chuan ani hi tun a ka mi huat ber leh ka ngaih ber a ni thung.

.

" Kan inbe lawk thei angem?" ka chair a ka thut hnu chuan min rawn pan a, ka kut chu ka hum ruh kher mai.

.

" Cabin lam ah sawn lo va thu ta che. Ka hman hun ah ka rawn phei dawn nia" amah pawh en lo chuan ka chhang a, hetiang hian vawikhatmah ka la be ngai lo. Mahse ka be duh ringawt pawh hi lawm ngawih ngawih tur a ni tlat.

.

" Eng thil nge ni ta?"

.

" Jess, engkim vang khan..."

.

" Madinga nen inchungchang i sawi dawn anih chuan ka ngaidam ngai lovang che" a tawng zawh hma chuan ka ti ve hmak. Ka rilru ni lo pui sawi ka tum tlat lo.

.

" Pawi ka ti lutuk"

.

" A pawi lo. Ka tan mi hnawksak pakhat min lak kian sak ang ah ngai rawh"

.

" Nangnen hian hmelma ang a awm ka duh hauh lo"

.

" Ka hmelma i nih ka hre hauh lo. Mahse ka thian erawh i ni leh tawh ngai lovang. Ka duhthlanna hi min nawrluih vang a ni tih i hriat ka ring"

.

" Ni lo..."

.

" I sawi duh i sawi zawh chuan ka chhuahsan phawt ang che. Hnathawk lai ka ni sia. Eitur ka rawn dah tir dawn em?" tih pah chuan ka tho hluai a, a bul a awm reng hi ka chak hlawl lo a ni.

.

" Aih. keipawh ka kal ange. Chuan, vawiin hian ka zin dawn a, ka lo let hun tur ka la sawichiang thei lo" engvang a chu thu chu sawi nge anih ka hre lo. Nidang ah chuan min hrilh reng reng in duhsakna ka hlan pah in ka ngaih dawn tur zia ka hrilh ziah. Mahse tun tum chu ka thei ngang lo.

.

" A tha alawm" tih pah chuan ka chhuahsan zui nghal.

CHAPTER -22

Ka nun chu thla 2 chhung zet chu mumal a nei lo ti ila hnathawh lam ah tan ka la a, rilru hah hre hman miah lo in hna ka thawk a ni ber zawk. Thian emaw, hmelhriat tumah ka be ngai lo a, min biak pawh tum zing ah Samu a langsar ber. Mahse ka be duh lo tih chiang tak in ka hrilh a, min rawn be zui ta bik lo. Maengi emaw, Madinga emaw phei chuan vawikhatmah min rawn be chhin eih lo. Lawm tur ka nih rual in ka hlim phah hauh lo thung. Ka nu leh pa thlan erawh ka tlawh zing malh malh khawp mai. An tello in ka hringnun reitak chhung ka fight ve ta a, ka mamawh zia hi vanram atang an lo hmu ve thin in ka ring. A chang chuan an thlarau hi ka bul ah an lo awm ve thin in ka ring hial a ni.

.

Naktuk mai hian Mumbai lam ah ka thiannu tlawh pahin karkhat cham tur a zin khawthawng ka tum a, ka phur ve phian mai. Ka tlawh tur hi ka thiannu ti ila, vairam a hnathawk a ka kal tirh a min lo buaipui tu ber leh U ang tak tak a ka en a nia, pasal neiin vairam lam ah eizawnna nen a in bengbel ve tawh a, rinlohtakin ka rilru natna avang khan facebook lam ah story ka chhiar ve phah a, chuta tang chuan kan inchharchhuak leh a, number te in pe in kan in be chho leh a, tunah pawh hian ama bul a zuk hahdam ka tum ta a ni. hahdamna tak tak ka hmu dawn lo tih chu ka hria, mahse engemaw kawng tak a ka danglam phah ka beisei tlat a ni.

.

Mumbai Airport-ah chuan ka hawi kual a, zin haw hmuak tam tak kar a ka hming intarna lehkha lo vai lauh lauh ka va hmuh chuan U Kimtei chuan a zia alo la thlak lo tih ka chiang. Rangtakin ka va pan phei a, an pa ni awm tak nen chuan an lo ding dun a, min lo nuihsang bawk. A hmel chu a lang upa ve ta deuh nangin ani hi zawng, a hmel hi a tha reng mai anih hi. A hma in fa an nei thei lo tih min hrilh tawh a, a pasal chu a fel hmel kher mai.

.

" Hey, Bawihte, kum engzatnge ral ta? Lalpa, ka naute hi ava puitlin hmel tawh em!" hman a a tawngkam ang tho kha. Min ngaihtuah thin reng a ni. Chhungkaw pawimawh avang a min hawsan dawn tum pawh khan min ngaihtuah lutuk kha zan 2 ngawt chu kan muhil lo anih kha.

.

" Nula puitling ka ni ve tawh alawm" intithei zet chuan ka lo ti ve vat a, an pa nen chuan an nui hawk hawk a. tak a, an pa hi thlahpawlh a nia, Punjabi leh Mizo thlahpawlh a ni. Mahse apa hnam a la zawk tih a hriat. mahse Mizotawng erawh rel theih loh tawk vel in a thiam ve sawih sawih tih U Kimtei'n min hrilh sa a ni.

.

" Welcome to Mumbai. Vawiin chu in driver ah ka tang dawn a ni. Motor-ah lo thu ula, Mumbai khawpui ah hian in duh duh na ah kan leng kual ang" U Kimtei pasal, Mr.Harjeet chuan a rawn ti ve vat a, ka ngainat chi tak a ni dawn in ka hria. A nui sang reng bawk.

.

U Kimtei te in kan thleng chu ropui ka ti ngei mai. Mi hausa in tih hriat zet in a chhung mai bak ah pawn lam atang pawhin a ropui ngei mai. Ka lawmpui takzet. Anipawh hi keimah ang tho a mi bul a ni. Keiaia a vanneihna chu a nu kha a enkawl hman a, a dawm hlum hman a, kha vang a Mizoram a min let san kha a nia, ka awh thin zia kha. Tun ah chuan pasal tha tak a nei tawh a, hnamdang mahnise amah hmangaihtu a nei hi keini ang mi bahvai tan chuan an hlu ber mai chu a nia. Chutihrualin hnamdang neih ka sawimawi tihna erawh a ni hauh chuang lo. Mahse amah hmangaihtu pasal a a nei hi ka lawmpui ngawih ngawih thung.

.

" Enge ang i tih?" ka room tur a min hruai pah chuan U Kimtei chuan a ti mawlh mawlh a, sawi phak bak in a nuam ka ti.

.

" Sawitur pawh ka hre lo. A ropui ka tih chuan i hrethiam nghal mai ang. Ka lawmpui che" ka ti sap a, diktak chuan ka hnuk a ulh zawk.

.

" Ka naute, ka hrethiam e. Mi tam tak dem ka hlawh, mahse enge duhthlan tur ka neih? Ka nu boral khan kan inluah atang hnawhchhuah zui ka ni. Pan tur ka hre mai lo. Mi in a awm hlawh chungin ka inhrai puar ve hram hram a, mi thawh duh loh tha tha ka thawk. Mahse ka zak thei lo, zak thei pawh ka ni hek lo. Ka sum khawl ve sa kha ka nu enkawl nan ka hmang zo vek miau a, hnathawh mumal nei lo kha chu tuman an in luah ah min duh lo tih kha a chiang mai a, ka dem lem lo. Tichuan ka neih zawng zawng ka inhralh zo a, vairam kal leh kha ka tan a tha ber in ka hria a, ka rawn let leh chuan nang ilo awm tawh lo a. I no neih dan ka zawng nasa a, mahse ka beidawng a, kan inhmuchhuak leh hi ka lawm tak zet a ni. Ka let leh hnu khan tun a ka pasal nen hian kan intawng a, ka tan chuan ani tluk a mipa tha hi an awm ngai lovang. Ka dinhmun engkim hre chungin vawikhatmah min nuihzat lo a, hmangaihna nen min en a, ka nihna min theihnghilh tir lek lek fo reng a ni" khum ah chuan kan thu dun a, a dinhmun ka hrethiam tak zet a ni. Keini ang fahrah, chhungte nei lo, maltlat lutuk tan chuan zahawmna neih hi a har a, kan chipui zing ah ngei pawh nuihzat bak kan hlawh ngai lo. Kei ngei pawh infiam nan bak min hman der loh hi.

.

" U Kimte, tunah chuan khang hrehawmna tam tak ilo tawh tawh te kha i kalsan a, hmangaihtu pasal tha tak, nangpawhin i hmangaih bawk i nei tawh a, ka lawmpui che. I harsatna tawh lai a i nun hloh phah lo a i beih tang tang na chu chunglam khian a hriatsak che a, malsawmna in a vur let che anih hi" ka tih chuan min rawn nuih seih a, keimah ang bawkin lawmpuitu a hmuh chhun lak ah chuan a lawm ve viau tih a chiang.

.

Ka thawmhnaw kan dah fel hnu chuan U Kimtei chuan min chhuahsan a, keipawh inbual tur in ka room chhung a bathroom-ah chuan ka lut zui ve nghal. Bathtub ah chuan tuilum ka herh haw a, ka chau ve deuh bawk nen, hahdam tak a inchiah vang vang ka chak ber. Ka phone ri ah chuan ka lo muthlu chu ka harh zawk a, ka phone kan en chu ka Manager a lo ni.

.

" Hello"

.

" Ka pi, ka rawn tibuai che em?"

.

" Buai lo e. Engenita?"

.

" Englo ania.... Pu Samuel-a kha a rawn kal a, a phone i la thei lo nge ka hre lo, be tur che in min ti tlat a"

.

" hrilh la, hun ka nei lo. Harsatna dang a awm anih loh chuan min rawn call hmasa tawh lo ula. Tha deuhin dawr kha ilo enkawl dawn nia" tih pah chuan phone ka dah zui nghal. Samu phone hi ka la duh lo ni lo in black list ah ka dah a, a rawn ring chhuak ngai lo zawk a ni. Ka biak chhan tur ka hre lo a, min rawn biak lah ka duh hek lo.

.

U Kimtei te nupa chuan ka chawlh hahdam duh an rin vang aniang, an nupa in an bazar dun a, pawi ka ti lem lo. Diktak chuan ka chau ve phian a, tlem mutthilh chu ka duh ve reng a ni. Ka in tleuh fai sawk sawk a, bathroom chhuahsan in ka thawmhnaw ka inbel a, khum dup nuam zet ah chuan ka mu kak a, AC ka on bawk a, 5* Hotel nen danglamna a awm chuang lo. Engtiklaiin nge ka mutthilh ka hre lo. Ka harh chuan khua alo thim chiang tawh viau. Ka awmna room light ka on loh avang in pawnlam a eng rawn lut bak chu engmah eng a awm lo. Ka lo mu tui viau a ni ngei ang.

.

" I thi ta emaw ka ti hman tep alawm" sitting room lam a ka va chhuah phei chuan U Kimtei chuan nui var var in min lo be vat a, nu in fa te an biak ang mia ni in ka hria. Chhungkaw neih ka chak thar lehzual.

.

" Chu, ka lo ti hlauthawng lehpek viau che ni maw?" ka tih chuan kan nui dun hawk hawk a, an pa erawh a awm ve lem lo.

.

" I ril a tam tawh em?"

.

" Aih. Helam chaw ei hun pawh ala nih loh hi"

.

" Anih chuan theitui kan in dawn em ni niang? Kan pa hna thil ah a chhuak leh lawk a, alo haw har lo ang" a tih chuan ka hnial lem lo. thlawhna a ka thil ei bak engmah ka la ei lo a, ka ril pawh a tam ru ve tho nangin midang rual lo a thil tih hi ka duh loh zawng tak a nia.

.

Zanriah kan eikham chuan U Kimtei te nupa nen sitting room ah kan ti ti ho a. An pa hi vawikhat chu Mizoram ah alo kal ve tawh a, chu chu U Kimtei nu lung an phun in a ni awm e. Mizoram nuam a tih zia leh mihring fel zia te chu min hrilh ve nasa mai a, pa kawm nuam tak a ni. Keiaiin a upa daih a, mahse ka ti ti rual in a ti ti thei tho a, a hriatna a zau in ka eizawnna kawng ah idea min pe thar hnem em em bawk. U Kimtei ai mahin kan inkawm tam zawk daihin ka hria. Kan ti ti kar ah U Kimtei chu alo inrawlh ve zauh zauh a ni ber mai.

.

" Ka mutsan tawh ang che u. Zan in chu in pahnih in induh leh in mu dun thei ang. Chu chu in Mizo dan a thian inhmuh in in tih dan ni in ka hria. Ni lawm ni Darling?" nui huah huah a a tih chuan kan thian dun chuan kan nui nasa mai.

.

" A ngai chuang lo. Keimah pawh..."

.

" Inthlahrun a ngai lo. Ka bul ah a taksa mu mahse a pawimawh ber a thinlung kha i hnen ah a awm dawn tho a, harsatna ka nei lo. Zing ah erawh ka chhuah a ngai a, kan inhmu hma hman dawn lo. Chawhnu lam erawh kan 3 in ka nu leh pa in ah chaw ei tur pahin kan kal ang. Dar 1 ah ka rawn lam ang che u. Goodnight girls" a tih chuan hnial chi a ni lo tih ka hrethiam. Mipa fel tak a ni.

.

" Tichuan min han hrilh teh. Engvang a intih thawven duh nge i nih? I hah vang chu a ni tih ka hria, mahse engemaw i rilru tihah tu a awm tih ka hria ania" ka khum ( ti tawh mai ang) a kan mut dun hnu chuan U Kimtei chuan min zawt ta nge nge.

.

" Engmah a awm lo. Bakah vairam hi ka ngai ve tawh hrim hrim a" ka ti liam puat a, mahse ka dawtsawi leh sawi loh hrechiang em em thin tu chuan a hai hauh lo mai.

.

" Ka naute, i U ka nih hi. Mahse i sawi duh loh chuan i thu thu a nia. Keichuan i lak ah zep engmah ka nei lo ania" a tih chuan ka lo ip chawih thei. Mahse midang ring ngam leh tur chuan bum ka nihna khan min ti na tawk viau tawh si.

.

Mizoram ka haw hnu atang a ka hun tawn tlangpui chu ka hrilh a, Madinga chungchang ka sawi lai chuan a inhumruh nasa khawp mai. Ni e, Madinga vang a vairam a chhuk ka ni tih hretu awmchhun kha a ni miau a, a huat hian a haw ngawih ngawih ve tho a ni. Samu chungchang erawh ka hrilh duh lem lo thung. Mahni ke a ka ding thei chu min lawmpui thu te, mahni a in ka nei ve ta chu a lawmthu te a sawi ve a, chuzawng ai chuan Madinga hmuh a, a hmai a ben a chak zia a sawi nasa ber. Ka dem lo. Maengi chungchang erawh ka sawi duh ta lo. A chhan ka hre lo, mahse tumahin haw ve lo se ka duh tlat a ni. Kan inhmuh hnuhnun ber tum a a hmel khan ka thinlung a vit ve lo thei lo. Chutihrual erawh chuan min bum avang khan ka ngaidam thei chuang lo.

.

Chawhma lam ah u Kimtei chuan an inchhung min fan pui a, a ropui tak zet. An nupa room phei chu ropui tak a ni. Dar 1 ah chiah Mr.Harjeet chuan min rawn lam a, U Kimtei nen chuan Mizo tak in puan kan bih dun hnap. U Kimtei sawidanin a pasal chhungte hian duhlohna an nei lo a, kan hnam dan an zahsak thu te, Mizo hunpui ang ah chuan U kimtei te in ah an inhmuhkhawm ve ziah thu te a sawi a, ka hmuh hma hawt in ka ngaina nghal ni maiin ka hria.

.

U kimtei pasal te in kan va thlen chuan U Kimtei sawi ang tak in an fel khawp mai. Chhungkaw rual tak an ni tih a hriat. Harjeet hian unaupa 4 lai a nei a, nupui an nei vek tawh bawk. Inpui ah hian an cheng ho vek a, Harjeet erawh chuan U Kimtei chak em em thin, pasal te nen chauh a indan a, pasal te duat vel a chakna thin chu tihpuitlin sak in in a lei a, an indang ve a ni. Mahse chupawh a nu leh pa remtihna thlapin an indang a ni.

.

" Miss Jessica, Mizoram ah hriat i ngah em?" Harjeet nau, mipa nupui nei tawh, fiamthu duh deuh chuan an inchung zawl a kan thutkhawm lai chuan a rawn ti a, a nui sang bawk.

.

" Ka hre lo le. Hmelhriat i nei ve em ni?"

.

" Nei ti ila, kan Hospital-ah nangmahni hnampui mipa a awm ve a, Babhi hi ka hrilh ang ka ti thin a, ka theihnghilh ziah. bakah kan inhmu khat lutuk a"

.

" Anih chu. Khawi Hospital ah nge?"

.

" TATA Hospital-ah a nia. A kidney kan thlak a, in chipui tho hmeichhia in a kidney lehlam a pe a"

.

" Anih chu mawle. Ka cham chhungin lo tlawh ve tum tur anih chu. An la awm rei dawn em?"

.

" Lo kal ngei ngei rawh. Babhi nen in lo kal anga. babhi, enteh, Miss jessica hi kan hospital a lo kal tur in ka sawm a, ilo kalpui ngei a ngai ang. In chipui pawh damlo a awm ve ania" U Kimtei'n theitui a rawn chawi lai chu alo au zui vat a, a U nupui chu a kawmngeih hmel kher mai.

.

" tehreng mai. Tinge kan chipui awm ve chu a hma pawhin min hrilh loh? Naktuk ah i U in rem a tih chuan kan rawn kal ngei ang" U kimtei chuan alo ti ve vat a, chhungkaw inzahder thiam tak an nih ngei ka ring.

.

Puar tak a chaw kan eikham hnu chuan riak tur a min chelh an tum viau nangin kan in mangtha thei hram. In kan thlen chuan a hma tawh vak lo a, mu turin kan in mangtha zui ve nghal. Ka kal chhan ber ka hlawhtling ka in ti viau tawh. A chhan chu inngaihtuah hman miah lo a ka awm bak ah U Kimtei te chhungkua, a pasal chhungte zawng zawng an fel bawk nen, chawlh hun nuam tak ka hmang mek chu a ni reng mai. tifuh ka in ti rih viau mai.

.

Kan lo sawi lawk tawh ang in U Kimtei nen chuan Harjeet nau, Kawaljeet thawhna damdawiin lam chu kan pan dun a. Harjeet chuan min thlah a tum viau nangin keini thian dun chuan Auto a kal kan chak tlat pek, ani lah hna khawih tur ala nei bawk nen, Auto chuan kan kaldun a, lung hlui a leng ve duh ngei mai. Hospital kan thlen chuan U kimtei chuan a nau chu a phone a, a room a kal tur a min tih ang in a room lam pan chuan lift ah kan chuang chho a, hmunpui tih tak ah an Hospital pawh a changtlung in a ropui ngei mai. Kawaljeet room a kan lut tur chiah chu ka beisei loh lutuk in Maengi nen kan intawk ta! Kei ka meng phar nasa lutuk. ani lah ramhuai hmu ang mai a ni.

.

" Nang maw?" ka tawng chhuak hmasa ta nge nnge. u Kimtei lah hmelhriat hmu in an in be mek bawk.

.

" Hetah enge...."

.

" Chu chu ka zawhna tur zawk che ni in ka hria" ka ti hmak a, ka rilru ah thil a lo lut zut zut.

.

" Thil pawimawh ti in ka kal lawk a nih hi. Hna chungchang a nia" dawt a sawi hmel hre tur khawp in kan lo inkawm rei ve tawh tlat.

.

" I damlo em ni?" ka aw a amah ngaihtuahna lo lang chhuak chu ka duh lo kher mai. Min bum a min phatsan tu hi ka ngaihtuah a tulna ka hre tlat lo.

.

" Ka...."

.

" Madam, Mr.Ding khan a ko che" a tawng zawh hma a thawktu pakhatin a rawn tih chuan ka nghing dawt thei. Mr.Ding chu Madinga bak anih ka ring hlawl lo.

.

" ka lo kal nghal. jess, ka kal phawt" tih pah chuan Maengi chu a inher a, tawng nachang pawh ka hre lo.

.

" Ka naute, enge ilo thlir vung vung" U Kimtei chuan ka dar ah a rawn khawih a, ka phu zawk thei.

.

" Engmah ni lo e. Kan lut dawn mi niang?" ka lo ti vat a, Maengi nen kan in be lai kha min rawn hmu hman lo tih ka hria.

.

" Welcome ladies. Lo thu rawh u. miss.."

.

" khawngaihin Jessics min ti mai rawh" ka lo ti vat a.

.

" Ok. jessica, ka hnathawhna hmun chu enge a an?"

.

" A nuam lutuk ringawt. Tak a, Mizo damlo awm chu kan hmu hmasa thei angem?" keimah a tur tu awm chu ka up bet zo tawh lo.

.

" Tehreng mai. Babhi, nangmah ang chiah. A hmelhriat pawh ni lo, a chipui anih vang ringawt pawh a damlo ngaihsak em em tu tho. Mizo ho hi in rilru alo tha mange" nui huah huah a a tih chuan U Kimtei chu alo nui ve sang a, kei erawh ka nui hleithei tawh lo. Ka thin phu dawt dawt chu ka dawm a, a mawi ah ka khi ve sak ringawt.

.

Cabin no.309 kawngka bul ah chuan kan ding vang a, Kawaljeet chuan nurse duty chu an luh tur thu a hrilh a, kawngka chu a inhawng zui nghal a, kan lut zui nghal. Khum a damlo mu leh a sir a Maengi lo thu ka hmuh chuan ka khawng ti tih hial a ni. Madinga maw? Engvang a helai a awm nge anih? Kidney problem maw? Chaun maengi hian a kidney a pe a maw? Ni lo, Lalpa, eng thil nge thleng hi?

CHAPTER -23

" Nang maw?" Maengi chu a rawn ding hluai a, a hmel a zamna awm chu ka hmuh hmaih hauh lo.

.

" In inhria elaw?" U Kimtei chuan makti deuh hlek chuan a rawn ti vat a, chumi ri ah chuan Madinga chu a rawn hawi chhuak a, min hmu chiah chu thlahrang hmu ang mai hian a meng zau kawk a, keipawh ka normal bik hauh lo.

.

" Jess..." madinga aw chau ruih avang chuan ka thinlung chu engtinemawni a awm ve lo thei lo. Chutiang ang a aw chau chuan ka la hre ngai lo tlat a ni. Ani chu mipa chak tak leh damlo ve thei ngai lo kha a ni miau a.

.

" U Kimte, ani hi Madinga chu a nia" U Kimtei lam chu ka hawi a, Doctor ber lah kan tawng a kan tawng miau avangin angaihna hre lo zet in min lo en kual ringawt.

.

" Anih chu. Chuan, enge thil awmzia hi ni ta?" U Kimtei aw chu a chang fel fawl khawp mai. Ni e, min tihnat em avang khan a haw ngawih ngawih a, tunah helai ka zin veleh an ni hetah an lo awm bawk si.

.

" Englo ania, Jess, Ih, Madinga hi a kidney thlak a ngai a, chuvang ania ka zin dawn ka tih pawh khan ka thang chin tur ka sawi loh chhan" Maengi chuan a rawn ti sap a, ka na sawk thei.

.

" Chuan nang hian....."

.

" Ni lo e. Hmeichhe pakhat in a pe"

.

" Tichuan i hna zawng zang kalsan in nang hian i enkawl ta a! Ava ropui tehlul em!" keimah a chapona awm kha a chhuak leh tlat tawh.

.

" Ni lo, Jess, engmah i hrethiam lo a ni" Maengi chuan mangang zet chuan a rawn ti a, Madinga erawh a rum nghat thung.

.

" Ni e, engmah kha ka hrethiam lo thin reng a ni. In inhmangaihna kha hrethiam lo in Madinga kha ka lo hmangaih ve thin a tiraw? In ropui dun teh e!" ka nui hak a, mahse a zat vang a ni hauh lo. Ka thinrim lutuk hian nuih hak ka ching hrim hrim.

.

" Jessica, duhtawk rawh" Maengi bawk chuan a ti leh that a, kan bul a awm te chuan tawng ngaihna pakhatmah an hre lo.

.

" Thil anihna ang sawi chuan a kha deuh a ni maw? Ka lawmpui che u. In lo tha zel dawn nia. Helai han zin tak ah chuan Mr.Kawaljeet hian kan chipui te damlo an awm thu a sawi a, a remchang em a, ka rawn kal a nia. Hei hi eng tham ni lo mahse in kut bal hruk nan tal in lo hmang ve dawn nia" tih pah chuan Rs.2000 tlang chu ka phawrh a, khum ah chuan ka theh thla a, chumi rual a Madinga hmel ka zuk en kher kher chu ka inchhir ru lek lek a ni. Ka tawngkam vang nge a na a tih vang ka hre lo, a hmel chu a dur khup a, a insehruh nasa hle a ni.

.

"Thil engmah hriatthiam tum lo a mahni ngaihdan a kal hi a finthlak ber lo" kei leh U Kimtei leh Kawaljeet in kawngka lam kan pan dawn chiah chuan Madinga chu a rawn tawng chhuak ve ta nge nge.

.

" Chungte chu uire a puh ka nih lai khan lo zawm tawh la mualphona leh tahna tam tak hi ka tawk hauh lo tur. Aaaa, engpawhnise keihi chu sum a i lei kha ka ni miau alawm" ka hawi let a, damlo a ni tih ka hria. Mahse ka insum thei tawh bik lo a ni. U Kimtei chuan Kawaljeet chu a bek bawr zauh a, dar san ak chung in min chhuahsan nghal. Kei, maengi leh Madinga chiah kan awm ho ta ran mai. Chhuak ve nghal tur ka nih ka hria, mahse ka natna kha dam phah dawn lo mahse ka tawngkam tal hian tihnat let duhna in ka khatliam a ni ber mai.

.

" Jess, khawngaihin..."

.

" Nangkha, ngawi rawh. Tenawm dun lutuk. In pahnih a min bumna rah chu in la tel zel ang. Keihi fahrah, chhungte neilo leh dawihzep em em kha ka ni tawh hauh lo tih hria ang che u. In damlohna ah ka tawrhpui che u em ka hre lo, mahse ka lawm phah chuang hek lo. Mahse hei hria ang che u, nangni pahnih hi nuamsa in ka dah bik hauh lovang che u" ka ti ta khawl khawl mai. Heng rilru hi ka pu sa hauh lo. Mahse an pahnih a kan hmu dun leh hian min ti thinur zual em em a ni.

.

" Ni lo. Engkim ka hrilhfiah thei..."

.

" Maeng, a tullo. Ani hian engkim hriat a mamawh hauh lo. A duh anih chuan thudik chu zawng chhuak ve mai rawh se" Maengi tawng lai chu Madinga chuan a rawn ti hmak a, chu chuan min ti thinur zual sauh lehnghal.

.

" Ni e. nangni pahnih hmangaihna thawnthu hi ka hre buai peih lo. Ka kalsan phawt ang che u. In lo dam zel dawn nia. Aizawl ah ngei kan la inhmu leh vat tur ah beisei ila" tih pah chuan ka in her nghal hmak.

.

" Ni lo. Ka thei tawh lo. Jessica, ani nen hian kan inngaizawng lo a, unau kan ni zawk e" Maengi tawng avang chuan ka ding chawt a, ka nghing dawt a ni ber mai.

.

" Lalenglian" Madinga au thawt avang chuan ka phu zawk bawk.

.

" Ni lo. U Mading, ka thei tawh lo. Ani hi engvang a na tak a dah reng nge kan nih? Ka thian satliah a ni lo. Ka unaunu a ni. Jess, khawngaihin vawikhat chiah min ngaithla rawh. I hmangaih em em hi ka bialpa ni lo in ka unaupa a ni" Maengi tap tiau avang chuan ka inher a, sawi tur kan hre lo. Ka en dun tlawk tlawk ringawt.

.

" Enge... Ni lo... Thil awmzia.."

.

" Tikhan i duh chu i hre tawh em? Nangmah vang a zantin a tap thin unau kan nih hi. I lawm em?" Madinga chuan thinrim em em in min melh a, khatiang em em a thinrim hmel kha ka la hmu ngai lo.

.

" Ni lo. U, khawngaihin Jess-i chung ah thinrim suh. Jess, min ngaidam rawh. U Madinga Nutei vang in kan unau thuruk hi kan puangchhuak ngam ngang lo a ni. Tunah chuan ka thei tawh lo" Maengi chuan mittui tla zawih zawih a a tih chuan ka chhungril ah hian thudik a sawi tih hriatna a awm tlat a ni.

.

" Ka hrethiam thei lo" tunge ka biak ber ka hre lo. Ka ngaihtuahna chu a chawmawlh vek a ni ber mai.

.

" A pawi ka ti lutuk. Min ngaidam hram ang che. Kan unau thuruk hi an hria anih chuan ka nunna atan a hlauhawm thei a, chu chu hria in keipawh ka hna atang chawl in vairam a hnathawk ang in tunah hian ka kalbo a ni. Ka U Nutei leh Samu te hi an tang ho vek a, ka U ro hi an chuhpui nasa a, a chanve aia tam mah chu an laksak tawh hial a ni. Chumi la let leh tur chuan tih theih kan nei lo tluk chu a nia. A chhan chu ka U hian i chung a a thil tihsual a hriatchhuah avang khan a nun a talbuai a, mahse khatihlai khan kan unau hi kan la inhrepawh lo a ni. A rukin kan inzawng ve ve a, mahse ka nu mitmei veng lo thei ka ni bik lo a, tichuan zankhat chu ka zin haw hi taxi ka hman kha Sihhmui bul ah hian a chhe palh hlauh mai a, chumi ni chuan ka U hi a ram lei tur en haw alo tlan hlauh mai a, nangmah vang khan haw viau mahila duhthlan tur ka nei miau lo a, a rual khan ka haw ve ta a. Tichuan kawng ah chuan kan ti ti chho a, nu leh pa chanchin kan sawichho kha kan ti ti tui zel a, ka in luah ah hial a rawn leng lut a, kan insawi pawp chho ta a, tumah hrilh loh kan duh ve ve a, tichuan thu kan thlung dun ta a, nanghi a hmangaih che tih pawh min hrilh. Mahse i chungchang ah erawh engmah ka sawi thei lo. A chhan chu i chung a alo chet tawh dan khan min la ti thinur reng tlat a ni.

Tichuan reilote ah a natna hi a hrechhuak leh bawk nen, nang kalsan hlen che chu a duh ta a. Mahse ka ngaihtuah a, a thil lo tihsual tawh kha i ngaidam thei hlauh anih chuan a kidney chu thlak a, i hnen a rawn dah let kha ka tum ta ber a. Mahse tunge donate ta ang? Keimah in pek ka tum a, mahse zunkawng tha lo nei ka ni tih i hriat kha, ka pe thei ta lo. hun a chep si. Tichuan vanneihthlak takin Hotel a thawk pakhat, Madinga ngaina em em tu hian Madinga damloh chungchang chu tihpalh thil tak meuhin alo hre ve a, tichuan a fanu in kidney chu a rawn donate ta hlauh mai a, mahse khawiahmah sawichhuak lo tur a kan intiam tir hnu chuan a hna vawn pawh ka U hian a kaisan tir ta a, tichuan an fanu chu phai a hnathawk tur ang tho in kan hruai thla ta a ni. Tunah hian kan room lehlam ah sawn a awm ve mek a, amah enkawl tur in helai a hnathawk, ka thian hlui pakhat kan hire bawk a, keiin ka U ka enkawl bawk anih hi. Abak chu i hriat duh apiang min zawt rawh, dawt engmah ka hrilh lovang che. I mi huatna nen a nun chhunzawm ka ngam tawh ngang lo a ni" Maengi tawng chhung zawng chuan ka thaw meuh lo a ni ber mai.

.

" I unaunu ka ni ve lo em ni?" ka rilru a lut hmasa ber chu ka sawi chhuak hmasa ber bawk.

.

" Chumi ah chuan ngaihdam ka dil a che. Ka U i huat ngawih ngawih lai a ka unaupa anih thu ka hrilh che anih chuan nang hian keipawh min haw dawn tih ka chiang. Ka unau, ka hrechiang che asin. Min hmangaih a, keipawhin ka hmangaih che. I hria em? Hotel a Samu nen kan unau chetdan min enthlak ni pawh khan engkim kan hre vek. Samu hriat ah khan inngaizawng ang in kan awm a, kha kha kan unau a kan plan pawh a ni. Nang ti na tello che chuan Mizoram kan chhuahsan mai thei dawn lo tih ka chiang a, Samu hriat tur ngeiin Hotel kha book kan ni"

.

" Mahse..."

.

" Jess, khang natna ka pek zawng zawng che kha ngaihdam theih a ni lo tih ka hria. Mahse vawikhat chiah ka bul ah awm leh rawh. I hremna tuar tur pawh in. Mahse ka bul ah cheng in ka nupui diktak ni la ka duh a ni" Madinga chu ka en tlawk tlawk a, enge tih ber tur ka hre lo.

.

" Hun ka mamawh in ka hria. Ka kal phawt ang. Maeng, zan ah ka rawn call ang che"

.

" Aw le. I rilru ka tihnatna zawng zawng ah min ngaidam hram ang che"

.

" Hremna a na viau ang" tih pahin ka nui sak a, an unau chuan makti zet in min en a, ka chhuahsan

CHAPTER -24

" Heng zawng zawng thup chung a min ti na tu te unau hi hremna pe lo che u in ka chhuah hauh lovang che u. Lalenglian, Laldingliana nen hian ka hua che u a, ka hmangaih ve ve si che u a ni. Tunah chuan ka tello in in unau hian engmah in tih ka remti tawh ngai lovang. A tul anih chuan kan misual ho chu kan pathum in kan hmachhawn tlang vek anga, kan pathum kan nih chuan tunge min hneh thei awm bik ang" Madinga awmna Cabin chhung ah chuan kei, Maengi leh Madinga kan awm thap a, ka ngaidam hmiah. Tih at a kan awm nasat lutuk hlawm avangin kan lo inhaw hman tep alawm le. Tunah chuan midangte dawtsawi vang leh tih dik loh vangin kan buai leh tawh tur a ni lo.

.

" Kan tihpalh lutuk. I rilru tih hah belh kha ka hreh tawh lutuk a, U Madinga natna kha hre ta la i hmangaihna nen, i huatna nen unau kan nih thu i hriat phei chuan min haw tel dawn tih ka hria a, ka ngaingam thlawt lo a ni. Tunah chuan i lak a zep tur engmah kan nei tawh lo. I hremna tuar tur in ka inpeih thlap e" Maengi chuan min rawn kuah a, ka lo ngaih zia ka hrechhuak thar uarh uarh mai.

.

" In pahnih chauh khan in inkuah dawn ami?" Madinga'n a rawn tih chuan kan inthlah vat a, kan nui dun hawk hawk a, rual zet chuan kan tho dun a, Madinga mu lai chu kan va pan a, kan va kuah dun a, ka thinlung chu hlimna in a khat a ni ber mai.

.

Karkhat cham tum a kal ka ni bawk a, ka haw a hun ta der mai. Madinga leh Maengi ka hawsan a ngai a, mahse anni pawh karhnih hnu ah an rawn haw chho ve thei tawh dawn a ni. Mumbai airport-ah chuan Maengi leh U Kimtei leh Harjeet leh Kawaljeet chu kan ding ho thap a, U Kimtei leh Harjeet chu an rawn zin ve nghal dawn a ni. Maengi leh Kawaljeet erawh chuan min rawn vailiam a ni.

.

Ka dawr chu ka awm loh lang miah lo in an lo enkawl a, ka lawm khawp mai. U Kimtei mawlh maiin a mittui a dang hleithei lo. Ni e, harsatna tam tak paltlang dun tawh kan ni. A tan chuan a naute kha ka la ni reng a, harsatna tam tak kar a hetiang dinhmun ka thleng ve thei hi alo lungchhia anih pawhin a demawm hran lo.

.

" Bawihte, ka awih thei lo. Lalpa, ka va lawm em! Tunah chuan i nihna diktak, hmeichhe chak leh huaisen, engmahin a tum dal phallo tu dik tak ka hmu ta che" a ti mawlh mawlh a, keipawh ka mittui a tla lek lek a ni.

.

" Okay, girls, tunah chuan hahdam kan mamawh e. Naktuk a tan he dawr hi nileng in ka hire dawn a, staff zawng zawng pawh naktuk a tan bik chuan party tur in lo inbuatsaih se, tumah che bik awm lovin kan eitur pawh kan siam ho vek ang. A tha em?" Harjeet in a tih chuan ka meng phawk nasa mai.

.

" Ni lo, keimahin party chu ka..."

.

" C'mon girl.... Min hnial lo teh. I duh chuan nidang ah party chu i siam thei ang. Mahse naktuk atan erawh chuan i customer ka ni dawn anih chu. Hei hi ka dah anga, naktuk zing ah tunge lo bazar tur chu nangmahni inruat mai ula, mamawh lo ngaihtuah mai ang che u" tih pah chuan Rs.500 note tam zet mai chu a rawn phawrh a, dawhkan ah chuan a dah a, hnial ngaihna ka hre lo.

.

" A tha e. In lam ah kan phei tawh dawn mi niang?" ka tih chuan min support nupa kher mai.

.

Ka in kan thlen chuan U Kimtei te nupa chu an au raih a, ka dinhmun ah chuan an lawm viau tih ka hrethiam ve. An room tur ah ka hruai a, diktak chuan ka in hi a lian tha a, mahse thian leh chhungkhat nei ta lo chuan mikhual ka nei ngai lo a, Maengi lo riah ve chhun in khum khat ah kan mu dun zel bawk nen, an in ngaihtuah in ka room pek chu a chhe tak zet a ni. Mahse Hotel tha a thlen aiin ka in a thlen an duh zawk miau avangin ka hnial thei lo a, ka lawm rualin ka inthlahrung khawp mai.

.

" In in angin awmna tha pawh ka..."

.

" Heyyy, hei bak bak. I hria em? Kan mutna thin chu mutbu chhah vak lo, ruh ve em em anih kha. Kan mut a tui theih em kha. Tunah chuan khum kan nei ve ta alawm" a rawn ti vat a, nunhlui ka hrechhuak uarh uarh.

.

U Kimtei te cham chhung chuan hmun hran hran kan tlawh ve a, Harjeet pawh in nuam a ti khawp mai. Mahse anni pawh hna pawimawh avangin rei an cham thei bik lo. Ni 4 an cham hnu chuan min hawsan veleh ta. A hma ang chu ni se ka khua a har khawp ang. Mahse tunah chuan Maengi leh Madinga ka nei let leh tawh a, an lo haw hun tur nghakhlel takin ka thlir tawh zawk a, khawhar pawh ka khawhar hman ta meuh lo zawk.

.

" Mi pawimawh tih tak ah hmuh leh biak i harsa hle mai maw?" ka dawr kawngka a rawn lut mek Samuel-a chu ka lo en kar a, engtinnge khati khawp a min buaipui tu khan ka lak ah rilru chhia alo put theih?

.

" I dam a maw?"

.

" Dam alawm. I chawlh hmang chu a nuam bawk amaw?"

.

" Nuam khawp mai. Lo thu la, thingpui kan in dawn mi niang?" ka tih chuan a bu nghauh a, thutna awl ah chuan a thu a, thingpui ka order nghal a, keipawhin a thutna hmachhawn zawng chuan thuthmun ka rem zui ve nghal.

.

" Tichuan, eng thli chhia in nge lo len lut teh mial che a?" nelawm thei ang ber chuan ka nuih sak a, ka tih tlangnel phawt a ngai in ka hria.

.

" Eng ni lo e. I ngaihawm ve alawm. Tichuan, i chawlh hmanna lam ah chuan thil thar deuh te i tawng em? I hmel a eng ta riau a" chik zet chuan min en a, mahse a nui sang reng tho.

.

" Tehreng mai. Hringnun hlutzia ka hriat belh nawn awn awn mai anih hi" ka nui ve sak a, thluak vawrh ngai chi a inkawm a ngai dawn tih ka man thiam nghal.

.

" A lawmawm nasat chu. Tidaih ila, i thiannu te chanchin..."

.

" Khalam kha chu sawi loh ka duh ania. Hlim lai lai in" ka ti nghat a, a mitmeng eng de sawr chu ka hmuh hmaih hauh lo. Mahse hei hi ka tum ber a ni tlat a ni.

.

" Tehreng mai. Anih chuan zan in chu khawiah emaw kan teichhuak ve mai mai dawn mi niang?" a ngampa ta mah mah chu a ni.

.

" Ooohhh, ka chak viau nangin dawr ka awm tlem mah mah a, nidang ah kan chhuak dun zawk dawn mi niang?" tih pah chuan no fahran chuan ka melh a.

.

" I tih dan dan ni rawh se. Mahse heta dinner ka ei chu phalsak ka ni ang chu maw?"

.

" Tehreng mai. Customer hnar thin sumdawng nih loh hi ka tum ber chu a nia" nui har har a ka tih chuan a nui ve hawk hawk. Diktak chuan a hmeltha a, a pa a, a landan ah a zahawm em em bawk. Pawnlam landan a teh chuan hmeichhe tan a duhthusam mipa a ni ber mai. Mahse a chhungril lam erawh tuiek tak, midangte khei ran mihring a ni thung. Kei ngei pawhin ka hriatchian hma khan Madinga thlak tur khan ka ngaihtuah ve hman chiang alawm. Mahse Pathian ka lam ah a tang a, a hun tak ah anihna min hriatchhuah tir ta hlauh zawk a ni.

.

Vawiin hi Madinga te lo haw ni tur a ni. Hmuah ka duh viau nangin Samu hian enge a hriat ka hre lo, chhuah pui ah min sawm ve tlat mai a, min rinhlelh loh nan chhuahpui ka remti lo thei lo a ni. Mahse Maengi ka hrilh lawk avang in ka thla a muang deuh. Madinga erawh ka hrilh duh ta lem lo. Samu biak that hi a remti vak lo a, mahse thil tam tak ah pawimawhna a neih miau avangin ka thu in ka be tha lui tlat thung a ni. Min hnial em em lo nangin a lung erawh a awi chiah chuang lo.

.

" Kan lo thleng tawh a, zanriah ka in ah min rawn kil pui la kan duh a" Maengi msg chu ka chhiar a, ka pawi tih loh zawng tak a ni.

.

" Bawihi, zanriah min kilpui hman tur ah ka ngai a" Samu thusawi chuan min ti rilru buai nak mai.

.

" Aaaa, ka va hman awm lo ve. Dawr a phei te ka ngai a, zan dang ah kan ei dun mai dawn mi niang?" nuih tlawn ti tih chuan ka chhang a.

.

" A pawi hleinem. Dawr ah chuan ka va thlah phei mai dawn che nia"

.

" Aih, ngai lo ang. Mimal thil tih kawi tur ka nei a, heta tang in then mai ila, pawi i tih loh chuan"

.

" Pawi lo e. Taxi koh sak i ngai em?"

.

" Ngai lovang. Mahni a kal vel te pawh ka chak hrim hrim bawk" ka tih chuan a nui hawk hawk a, min ringhlel hmel a pu lo chu ka lawm kher mai.

.

Maengi in ka thlen chuan kawngka alo inhawng a, kik lem lo chuan ka lut tlang nghal. Sitting room ka lut chu Madinga chu chauh hmel zet in alo muthlu a, a khabe hmul to deuh siar leh a sam chhah tha tak thur deuh chuan a ti lang tha tak zet zawk a ni. Maengi thawm engmah ka hre lo a, ngawireng chuan Madinga muthlu chu ka thlir vang vang ringawt. Dawt vang in kan inhua a, hmelma en in kan in en a, thudik a hriat hnu ah pawh ka luhlul lutuk avangin ka awih beisei ngam lo in mipa ve tak kha keimah vangin alo na ngawih ngawih thin chu a nia, rilru na bawk, taksa na bawk. Chutah keiin tawngkam chhe tinreng in ka ankhum a, tihchhiat ka tum tlat thin kha a nia, alo va rum nasa thin dawn tak em!

.

" I mit a tla palh hlauh ange" meng miah lo a a rawn tih chuan ka phu nasa kher mai.

.

" I hnar ring lutuk" zahzel ah chuan kan ti ve ngawt a, a nui hawk ringawt. Mutna a hnar thin zawk chu kan hrechiang dun ngang mai sia.

.

" Ka bul a mu hnar sek sek thin kha tunge ni ta ang le?" mitmeng chimawm zet chuan min rawn melh a, ka tihngaihna hre lo chuan ka chhiatkhum vak ringawt a, a nui nasa ngei mai. Kum heilehchen hnu ah a nui hmel ka hmu leh ta chu a nia, mumang a ang rum rum thei alawm.

.

" Awi, ilo thleng tawh elaw? Rawng pawh ka la bawl hleinem. Lo thu ula, kan bawl sawk sawk ange" Maengi chu sitting room lam ah a rawn phei a, a hmel nung sar chu hmuh a nuam ngei mai.

.

" Rawngbawl a ngai lo ang. Dawr atang an rawn dah dawn" ka lo ti vat a, an unau chuan an in melh ralh a, Maengi chu a khek raih a, kan hlim tlang teh e.

.

Kan pathum chuan kan thu ho a, sawi tur kan ngah thiandun khawp mai. Madinga chu a khat tawk in a rawn nui ve leh hak hak ringawt. Mipa tawng duh tak a ni ngai lo hrim hrim. Kan chaw ei tur ka dawr a thawk ten an rawn dah hnu lawk chuan hmeichhe pakhat a rawn thleng ve a, an sawidan in Madinga enkawl tur a home nurse an chhawr a ni awm e. Hmeichhe fel hmel tak a ni. Tin, a duty a hriat hmel em em bawk.

.

" Rini, ka U hi jection a hun tawh angem?" Maengi chuan Madinga hmel danglam a hmuh rual chuan a ti nghal a, keierawh a hmel ka hmuh rual khan ka tawng laklawh lai ka tawp hmak thung.

.

" Aw le. Mahse a inchiu na ala rei lo sia, a zing mah mah lo maw ka tia" nurse nu chuan alo ti vat a, a hmel en in a nuamsam tawhlo tih a hriat chuan a chiu mai tur ah ka ngai.

.

" Reilo pawh ni se na a ti...."

.

" Bawihi, vin lo la. Ka tha alawm" Madinga chuan a rawn ti vat a, mahse a tha lo tih erawh ka chiang. Na a neih in a aw hi a tial deuh ziah. Tumahin hrethiam ve lo pawh ni se keichuan ka hrethiam chiang a ni.

.

" Aih. Mi zawng zawng i bum thei anih pawhin keichu min bum ve thei lovang. Inchiu chu a tha zawk" ka ti nghat a, na tuar a a awm hi ka hmu thei lo. Tunah chuan a thil tihsual kha ka theihnghilh vek ka ti lo. Mahse ka hmangaihna kha ala ngai reng tih erawh ka pha buai lovang.

.

" Anih chuan min han chiu ta che. Boss ber a thinrim tak tak hma hian" tih pah chuan nurse chu a nuih suk a, nurse pawh chu chiu tur in a inbuatsaih chhunzawm lehnghal. Maengi erawh a ngawireng a, a unaupa ka ngaihtuahzia a hriat belh sauh sauh ngei ang.

.

Chaw kan eikham hnu chuan ka hawsan vat a, Madinga erawh a riak dawn a nih hmel. An unau tum ruk dan in unau an nih thu chu zep rih a ni nangin kei erawh chuan zep ka duh lo thung. A chhan chu mi an hnunglam a beih hi ka duh loh zawng tak a ni. Kan nihna diktak nen kan hmachhawn tur te hmachhawn mai chu ka duhdan a ni. Anni pawh in ka duhdan min zah sak in naktuk atang Madinga in ah an in enkawl anga, mahse Maengi erawh a unaupa in a insuan luh a tum lem lo. Enkawl a ngaih chhung erawh enkawl a tum tlat thung. Maengi pa hrilh duh viau mahse engkim an tihfel hun a hrilh an ti ta zawk a ni. Tunah chuan hmabak tam tak a awm. Madinga bum a a chanpual tam tak chhuhsak lo ni tawh chu a hmasa ber in kan la let tur a ni.

.

" Khawnge i kal em em a?" ka in kawngka ka hawng tur chu ka phu nasa ngei mai.

.

" Ka mimal thil ah ka chhuah tur thu ka sawi khan ka hria" Samuel-a chu ka en ran a, engvang a chutia chhang nge ka nih ka hre lo. Tinge thudik chu ka sawi mai loh ang?

.

" Ka lo leng lut thei angem?"

.

" I duh phawt chuan" tih pah chuan kanwgka chu ka hawng a, min rawn zui lut ve nghal.

.

" Jess, i hriat ka ring. Ka hmangaih che a ni" room a inthlak tur a ka lut tur chu ka ding chat a, muangchang in ka in her a.

.

" Ka lawm e"

.

" Ka nupui ni tur in..."

.

" Pawi ka ti khawp mai. Ka nun ah hian mipa pakhat bak seng luh ka tum lo a ni"

CHAPTER -25

Madinga te lo haw atang thla 1 zet a liam veleh ta. He thla 1 chhung hian ka awm mai mai lova, diktak chuan Maengi nen kan hah khawp mai. Madinga erawh a chet tam kan phalsak loh avangin inchhung lum atang a alo tih theih tur hna kan pe a ni ber mai. Kan mi hmachhawn tur te hi mi mai mai an ni lo a, chuvangin engkim mai finfiahna nen kan tih a ngai tlat a ni. Madinga Nutei mawlh mai alo rapthlak ka ti lutuk. Pitar zet tawh si hi engmah hlauh a nei lo emaw tih tur khawp in kohhran kawr a hmangin rilru tuiek zet a pu a, ama fa te ngei pawh a hmang tangkai duh vek mai chu rapthlak ka ti ngawih ngawih. Madinga pawh Maengi nu leh pa kan hmelhriat tir tawh a, Maengi nu mawlh a fakawm. A hrin ni ve miah lo kha a fapa atan a pawm hmiah a, Maengi pa lawm hmel mawlh kha ka hre reng tawh ang.

.

" Thiannu, Samu hi i ngaihzawn der tak tak a ngai dawn a ang riau mai" kei, Madinga leh Maengi chu Madinga room ah kan thukhawm a, Madinga ner nawk ka hmuh chuan ka nuih a za ru kher mai.

.

" I hrechhuak thei ta lo ami?"

.

" A harsa riau a. Laura hian Hotel hi chan a tum tlat mai sia"

.

" Ngaizawng kher lo va tih dan a awm lo ami?" Madinga chuan bak hluk chuan alo tia, ka nuih a za ru kher mai. Mahse nuih chi a ni der si lo. Nui chiah ila chuan min vawm tawk duh ngei ngei ang.

.

" Kawng awmchhun a ni tawh rih a ni. I Nutei ber hian kan kawng a dal hneh mah mah tawh a, hei hi kan thiah a ngai sia, Samu hnen atang document pawimawh thenkhat kan ruk chhuak a ngai dawn tlat a ni" Maengi chuan a ti leh sap a, kan thaw hak hlawm mai. Ni e, Madinga tihsual tam tak a awm. Mahse ka dem lo. A chhan chu ka chungchang ah khan dawt an fah nasa lutuk a, a thinrim khaw hmu lo khan engmah pawisak a neih loh phah a, a pawi zo ta a ni ber mai.

.

" A tul anih chuan ka thei mai ang. Mahse..." tih pah chuan Madinga chu ka va melh a, a insehruh nasat dan ah a lung a awi lo tih a hriat ngawih ngawih. Mahse duhthlan tur dang kan nei miau si lo a.

.

" A tawk. Keima tih dik loh vang a ka hmangaih ber midang kut a hlauhthawnawm a dah ka remti lo e. In hah dun tawh a, duhtawk tawh rawh u. Ka buaina siam chu keimah ngeiin ka ching fel ang" ka rin loh lutuk a Madinga a rawn tawngchhuah avang chuan ka ka hau ringawt.

.

" Mahse..."

.

" Ka nau i ni a, min hnial lovang che. Tunah chuan keipawh ka dam tha tawh a, he buaina ah hian ka unaunu leh ka hmangaih ber hi hlauhthawnawm a dah ka duh ta lo ve. Hahdam takin awm ula, engkim a fel leh vek ang" a ti ta hmak mai. Maengi nen chuan kan ngawi dun ran a, a sawidikna chen a awm. Mahse awm mai mai chung a lo thlir erawh ka tum miah lo. Maengi pawhin ka ngaihdan ang chu a pu tho in ka ring. Chutihrualin hnial tumna erawh ka nei hran lo. Mipa a ni a, a thusawi ah chuan a ding ngei ang tih ka ring bawk.

.

Karhnih zet Madinga te nen kan inhmuhkhawm hnu ah a liam leh ta. Maengi ka hnen ah a rawn thawk tawh a, thawk ti ila, min pui a ni ber mah zawk. Ka dawr hi mahni mai a han enkawl zawh hi a harsa ve a. Manager ka nei chung hian zan lam hi chu kan indaih meuh thin lo a ni. Maengi rawn awm ve hnu ah erawh kan indaih ta bawk a, a hahdamthlak letling phian. Mak tak maiin Samu a rawn lang ngai miah lo chu a ni. A hma kha chuan a rawn kal fo a, mahse tunhnai hi a rawn lang miah lo. A pawi lo lam ah ngai ang.

.

" Thiannu, zanin chu kan haw hma dun dawn mawnile?"

.

" Ngatinge? Madinga a tha lo ami?" hlauhthawnna in ka khat nghal. Ni 2 zet kan in be mumal tawh lo. Zing ah min wish a, zan ah min goodnight a, a bak chu kan in be lo. Min be hmasa anih loh chuan ka be hmasa em em lo.

.

" Ni lo e. Ani pawh ka in ah chaw alo ei dawn. Ka nu leh pa an lo chhuk a, chaw ei a sawm che an duh a"

.

" Awwww, anih chu mawle. Ka chak zawng tak aniang. Rawngbawl a ngai awm sia, kan phei hma dawn nia. Chawhmeh kan lei phei nghal anga" ka ti zung zung. Diktak chuan ka phur lutuk tlat. Maengi nu leh pa hmuh ai mahin Madinga hmuh ka chak tawh tak zet a ni.

.

" Aih. rawng chu ka nu in bawl a tum ve tlat. Kan bazar vek tawh a. Mahse kan haw hma theih chuan ka pa in engemaw sawi a duh anih hmel a" a tih chuan ka hnial lo nasa mai. Ka tan chuan ka nu leh pa ve tho an ni.

.

Maengi in kan thlen chuan a nu leh pa chuan min lo lawm ngei mai. Madinga alo la thlen ve lem loh avangin Maengi nu chu a duh lo chung rawng kan bawl pui a, a mak lutuk, ka nu ang chiah in ka ngai thei. A bul a chet vel chu nuam ka ti thlawt a ni. Ka nu ka ti ve mai a, ani lahin fanu duat tak tak in min duat bawk nen, chhungkaw awmzia ka hre leh tan ta deuh in ka hria. Nu te bul a rawngbawl pah a ti ti siam siam tluk a nuam a awm dawn em ni? Ka dawr chungchang te min zawt a, an chhungkaw lak ah hian engmah thup ka neih pawh ka hre lo. Madinga nen kan hun hmasa lam erawh tumahin an sawi chhuak lo a, sawichhuah lah ka duh hek lo.

.

" Chu, U Madinga alo thleng e" pawn a motor thawm ah chuan Maengi chu a zuangtho vat a. Mak in ti mai thei. Unau tih an inhriat hma khan Maengi hian Madinga ti in a ko mai a, mahse tunah unau tih an han inhria a, a U anih ang in a U thei nghal mai a, ka thei ve angem ka hre lo. Ka fak khawp mai.

.

Rawng kan bawl zawh chuan mipa pahnih, pafa thut dunna lam ah chuan hmeichhe ho kan phei a, Maengi chu apa bul ah chuan a thu kuk a, puitling nih hnu pawh hian mahni nu leh pa bul ah hi chuan pangchang alo awl dawn anih hi. Ka nu leh pa ka mitthla ah an rawn lang zawk a, mahse chu chu ka duh hauh lo. A chhan chu mi hlimna tihchhiatsak tu nih ka duh hauh lo. Sawt lo tur vang a kei leh ka bul ami te tih hnual hi ka duh loh ber thil a ni.

.

" Jessica, i rawn kal thei chu ka lawm hle mai. Hei, engemaw i nu nen hian sawi duh kan nei a, mahse in thu lo chuan engmah tih tlang kan duh lo a, kan thei bawk hek lo a" Maengi pa, Pa Rina chuan dam dap a a tih chuan ka lu ka lo bu nghat. Ka lung a chhe ru tak zet a ni. A chhan chu hetiang a chhungkua a ti ti hi ka nun ah ka nu leh pa boral hnu khan ka tawng leh tawh ngai lo tlat a ni.

.

" Ni e. Kan fa te vek in ni a, tun tum kan rawn zin hi chu thu pawimawh tak keng a lo kal kan ni bawk a, i pa hian han sawi se, inngaihdan te pawh in sawi ve anga" Maengi nu, Nu Kimi chuan alo ti ve bauh a, eng thu tak rawn keng ang maw?

.

" Ni e. Hei, Mama hi, kan hre tlang vek a. A pa nih ka tlin lo em em a, heti chen kum a liam hnu ah pafa kan han inhmuchhuak leh a, anu lah in fapa neihchhun ti in a hmangaih em em a, tihian chhungkua kan han inpawm khawm leh thei a, Pathian hnen ah lawmthu awm se la. In unau dangte vawk leh ar kan vulh ve neuh neuh sia, an rawn chhukthla ve thei ta mang si lo a. Amaherawhchu khilam a awm ho in kan sawikhawm vek tawh a, Mama leh Jesicca hi innei tawh mai ula kan duh a ni. In rilru tur ka hre lo nangin hun hmasa nei in lo ni tawh a, sawichhuah a nuam in ti lo anih pawh in in lo hrethiam anga, engtikah emaw chuan a la ri chhuak leh fo ang, chutiang hun alo thleng anih pawhin hnual nan emaw, rilru nat thar nan hmang lo in, nangmahni fuih kal tu zawk ah in hmang anga. Keini chhungkua chuan chhungkaw nghet zawk din kan duh anih ber chu. Enge in ngaihdan lam te han sawi ve ula" Maengi pa in a tih chuan ka ka hau ringawt. Hetiang lam hi ka beisei eih lo a, bakah Madinga Hotel neih let kan tumna lam ah hetiang lam hawi hian kan inkawm meuh tawh rih lo tlat a ni.

.

" Aaaa, ka pa, keichuan hnialna ka nei hran lova. Mahse hna laklawh..."

.

" Lawk in, ka lo inrawlh ve teh ang. Bawiha, i nu ka nihna ang in thurawn tlem pek ve ka duh a, a rem em aw..." Nu Kimi chu alo inrawlh ve a, keichuan sawi tur reng reng ka hre ve lo.

.

" Ka nu i ni a, i thurawn chu engtiklaipawhin ka mamawh alawm. Ka nu, min dil hmasa tawh ngai lo la, ka tan a tha tur chu min hrilh tawp zel la ka duh" Madinga'n a tih chuan Nu Kimi chu a hlim hmel kher mai. A fa hrin ni lo mahse a fa ang tak tak in a pawm hmiah tih hi Madinga leh kei leh Maengi kan han zin chhoh hmasak ber khan ka hmuthiam daih tawh a ni.

.

" Ka lawm e. Ni e, keichuan he Hotel hi kalsan hmiah la ka duh fan che. I nu pawh kha la dam se hetiang tehhrep a a fapa retheihna thil chu kalsan tir a duh ngei ang che tih ka ring tlat a ni. Tunah chuan chhungkua kan kim tawh a, hna kan thawk thei vek a, harsa in kan awm bik hauh lovang. Ka sawi tur a ni em ka hre lo, mahse he Hotel hi kalsan in nun bul tan tha ila ka duh a ni"

.

" Ka nu, i thusawi chu vawi tam tak ka ngaihtuah tawh a, mahse nang leh ka pa rawn lo a thu pawhchah ka duh loh bakah kalsan dawn pawhin tihfel tur tam tak a awm a, mipa ka ni. Mahse nu leh pa tello chuan in fapa hian ngaihtuahna ka hmang thiam lo a, nangni ka nu leh pa ber in kalsan tur a min duh anih chuan hnialna ka nei lo" Madinga'n a tih chuan Nu Kimi chu a nui ver ver a, an in nufa dawn kher mai.

.

" A that hlauh chu. Kalsan i duh lo anih pawhin keini chuan i lam kan tang tlat dawn a. I nau in thil chinchang min hrilh nual tawh a, hetiang buaina nen a inhnuh hnawk reng ai chuan bul thar kan tan ve thei mai ang chu maw kan lo ti ru vang vang a, a lawmawm hlauh e. Tunah chuan Hotel thar nei tur in kan inbuatsaih thei ta chu a ni mai a. Mahse chu Hotel thar neitunu ber tur chu kan mamawh leh ta a, Jesica, han tawng ve teh le. I chhungkua kan ni sa a, a aia nghet lehzual a chhungkua a insiam tur hian phalna kan hmu thei angem?" Pa Rina'n ka lam hawi a a tih chuan ka tha a khur der der thei. Madinga ka va melh a, aw pawh tur a min duh hmel zet chuan min lo en a, Maengi ka va melh leh, a lo nui var var a, vawm chawrh ka chak zawk. Engkim hi a thleng rang vut vut lutuk a, chhan dan tur pawh ka hrethiam lo.

.

" Aaaa, ka hrethiam lo. Min hrechiang a, chhungte ti a ka koh theih chhun te chu nangmahni bak in awm lo a, rawn der tur lah ka nei hek lo. U Madinga'n a hnial loh phawt chuan hnial chhan tur ka nei bik lo a" ka tih chuan Maengi chu alo khek raih a, ka zak lutuk chu ka thlan bawrh bawrh thei.

.

" Ava lawmawm em! Tunah chuan hahdam tak in ka awm thei dawn ta. Kan nunhlui a kan nun a lo lang tawh te kalsan a, nun thar a nung tur in kan inbuatsaih anga. Jessica, engkim sawifel mai kei ka duh a. Mahse nawr che kan duh hauh lo. Naktuk tlai lam pawh hetah chaw ei ho leh ila, chhun lam ah ilo inngaihtuah ve anga, engmah rilru hahna tur a awm lo a, palai tirhna tur ah harsatna i nei anih pawhin i nu leh pa kan awm a, engmah harsatna a awm lovang tih hrechiang la. Ti teh u, chaw i ei teh ang u" Pa Rina chuan a ti hluai a, sawi ve mai tur pawh ka hre lo. Rang zet chuan Maengi chu a ding a, nichin a nuam ka tih vei nenm ka lai deuh hu tawh lehnghal. Nu leh pa nei ka chakna erawh a nasa leh kher mai.

.

" Ka lawm e aw..." Madinga nen chuan a car chhung ah chuan kan thu dun a, chaw eikham in min thlah tur thu a sawi a, car keng lo a Maengi scooty a ka kal chu ka vanneihna nge ka hrethiam lo e.

.

" Hmmp... Mahse a hma ang..."

.

" Shhh, a thleng nawn tawh lovang tih ka tiam a che"

.

" Ka lawm e. Mahse awih har ka la ti, a rang lutuk a"

.

" Kan in ang anih chu. Mahse ka hlim a ni. Tunah chuan ka nupui tak tak i ni ve tawh dawn a" ka kut chu a rawn la a, a thin zawn ah a dah a, a thin phu dat dat chu ka hre thei.

.

" U Mading, thil pakhat lek ka sawi ang aw..."

.

" Tehreng mai"

.

" Tinge min hmangaih thu sawi si khan min awih theih tlat loh? Tinge baihvai tak khan min kal tir? Tinge ka mamawh ngawih ngawih lai che khan min nuih san? Zawhna ka ngah lutuk. Tinge?????"

.

" Shhh... Ka tihsual tawh zawng zawng kha ka siamtha thei lovang tih ka hria, ka theihnghilh tir thei ngai lo bawk ang che. mahse nun thar, kan pahnih khawvel tur erawh tihsual nawn awm lo tur in ka siam ngei ang" a tih chuan ka mittui a luang ngiai ngiai a, ka mitthla ah ka nunhlui alo lang iarh iarh a, ka haw tawh lo, mahse khatihlai a tap hman lo khawp a ka baihvai lai a ka mittui ka khawl khawm zawng zawng kha tun ah hian paihchhuah vek ka duh a ni.

.

" Mahse khatihlai khan ka hlau asin. I tello khan ka kal thiam lo a, ka tlu a, ka tlusawp a, i kut vuan chung a dinchhuah kha ka mamawh thin asin. Ka ngaih theih thin zia che i hre lovang tiraw? Mi in ah, mi awmpui in..."

.

" Ni lo. Sawi tawh suh" tih pah chuan rem leh rem lo chuan min rawn kuah a, engtia rei nge hetia min kuah tawh lo. Diktak chuan ka nu leh pa kha ka hre rei lo a, ka tan an hlu lo ni lo in ka nun ah hian U Madinga aia min kuahtu hlu hi an awm tlat lo a ni. A bul ah kha chuan him em em hian ka in hre thin a ni.

.

" Aih, min sawi zawh tir phawt rawh. Abak chu sawi nawn ka duh tawh dawn lo a ni" ka tih chuan min kuahna chu a thlah a, car atang chhuakin keipawh min rawn kai chhuak a, thla en zia ka lo hre hauh lo. Kawngpui dung chu a reh ruih a, kan piah deuh hlek a Zampuimanga Thlan a thalai zai rual thap thap bak chu thawm dang a awm lem lo. A romol ah lai chu la chhuak in car sir ah chuan kan thu dun a, a kut chuan min thlah eih lo hrim hrim.

.

" Kha zan, i in atang a uire chhuah a min chhuah tir zan khan nang chuan nuam min chen san nghal a, kei erawh riahna nei lo in, i thlamuanna mamawh ngawih ghawih in mi bathlar ah ka riak a, ka haw tak zet che a ni. A tuk ah mi in a awmna tur ka zawng kual a, vanneihthlak takin ka hmu hlauh a, zan tin i hming lam chung in ka tap thin asin" ka mittui chu a rawn hru a, thla eng chuan a hmel chu a chhun chiang kher mai.

.

" Ka tihpalh tak zet a ni. Khami zan khan vawikhatmah ka muhil lo. Ka thinlung thusawi ngaithla lo a midang thusawi ka ngaihthlak avang a ka tawrhna hi i tawrhna nen tehkhin ngam tur pawh ka ni lo. Bawihte, i tan pasal tha tak ka ni ngei ang tih ka tiam a che. A thleng nawn tawh lovang" tih pah chuan a awm ah min pawm bet a, ka ring a ni. A thlen nawn tir hauh lovang.

.

" Ka hnen atang hian tumah in an la sawn leh tawh ngai lovang che" ka ti sap a, ka khabe dawm in a hmui lum thar thar chuan ka hmui a rawn fawh chuan tunhma ang bawk in ka kawchhung a sa leh pap thei. Khawvel ah hian piang nawn leh dawn pawh ni ila Madinga aia mipa duh hi ka nei leh tawh in ka ring lo. Ka taksa a deh hlek pawhin ka danglam nghal zel mai chu a ni.

.

" Zanin hi enge a danglam bikna i hria em?" a chal leh ka chal ti si reng chung chuan min en a, a mitmeng de sawr ah chuan hmangaihna ka va hmuchiang tak em!!!

.

' Aih. Tinge?" angaihna hre lo zet chuan ka en a.

.

" Kha zan, ka hnen a cheng tur a i rawn luh zan kha October Fullmoon zan tak a ni. Zan in pawh hi October Fullmoon zan ani. Kan inhmangaihna hi thla eng hnuai ah zel a parvul zual zel mai sia, kan tan chuan October fullmoon hi fullmoon satliah ni lovin, MOONLIGHT LOVE ni zawk rawh se" tih pah chuan min rawn fawp leh a, ka zak lo, uar zet chuan ka chhang let a, kan piah a thalai thukhawm ten LOVER'S MOON hla play pah a an sakpui dal dal chuan ka nunhlui min hriatchhuah belh tir. Mahse ka tap leh tawh ngai lovang, a chhan chu ka mittui ti tla tu awmchhun hian ka tah a phal tawh ngai dawn tlat lo a ni.

A TAWP TA