LAWMSANGZUALA - 1
LAWMSANGZUALA - 1
.
ELTY LUHLUL AUG HNAMTE
.
" Lawmsangzual, i thawmhnaw pack la, i ni te bul ah i awm dawn" chu thu ka hriat chuan kan in atang ringat pawhin ka mittui a tla par thei.
.
Ramnunpuii ka ni a, kum 10-na ka hmang mek. Lawmsangzuala te chhungkua nen hian kan pian hma atang tawh a inthenawm kan ni. Thian dang kawm em em lovin naupang pahnih awmchhun chu kan inkawm chawt a, keichuan unaupa ka nei. Ani erawh chuan a nei ve lo thung. Vanneihthlak tak in keichu ka pa in zu a in ve lo. Sangzuala erawh apa in zu a in nasat thin avangin kan in a a nu nen a rawn tlanchhiat chang an nei fo. Mahse chutiang hun ah erawh chuan ka lo lawm thei em em. A chhan chu ka u nen hian kum 14 zetin kum kan inthlau a ni. ka nu leh pa beiawn fa ka ni ti ila a dik ber ang.
.
" Nu, Sangzuala saw a nu in hmundang a thawn a tum ania" ka nu rawngbawl lai chu ka zuk pan a, ka tap tiau bawk.
.
" Bawihte, Sangzuala pa kha a damlo a, chuvangin Sangzuala pawh a ni te bul a a awm rih a ngai alawm" ka nu in dam dap a a tih chuan ka ner nawk a, tinge Sangzuala pa chu a damloh kher? Chhun ah pawh ka la hmu reng a, Sangzuala nen pawh school kan kal dun a, engmah a sawi si lo a, ka hrethiam thei lo.
.
Lungawi lo zet chuan room lam ah ka chho hnak hnak a, Sangzuala nu awri avang khan an in a va kal mai ka ngam lo. Khum bul a tukverh atang chuan ka va dak a, Sangzuala hmanhmawh hmel tak a a insiam lai chu ka thlir reng a, anu vei thuak thuak pawh ka hmu thei. An room lam erawh ka hmuh theih loh avangin apa erawh ka hmu lo thung. Kum 10 mi lek mahni ila ka rohlu em em ka chan dawn tih chu ka hrethiam ve tlat a ni.
.
KUM 17 A LIAM TA....
.
Lawmsangzuala chu a kal liam ta. Vawikhat pawh mangtha ti in min thlah lo. Mahse alo let leh dawn ti a ka nu sawi avang a alo let leh ka rinna chu a ka naupan chhung zawng a thleng dik ta lo. Mahse nikhat pawh kha mipa naupang, mitmeng fiah zet, ka tah chang pawh a ka mittui hru a min thlem thin tu kha ka theihnghilh ngai lo ti ila dawt ka sawi angem?
.
Kum 27 ka tlin ni champha ah chuan ka hnathawhna a ka pu chuan Hotel Floria-ah ka thawhpui zawng zawng te nen dinner min treat dawn avangin kan department bik chu kan phur hle a ni. Phur lo deuh pawh an awm tho mahna! Kan pu hi pa tha tak a nia, a kum ngaihtuah in thalai zawk te rilru tur hrethiam tak, a tul hun a kan level ang a che mai thiam a ni. Taka, ka hnathawhna ka la hrilh lo che u. Vanneihthlak tak in MA ka chhuah hlim in Supply department ah LDC an la a, tum lawk em em pawh awm lo in ka va interview ve a, hna nghet ni nghal lo mahse ti hian ka tling ve hlauh mai a ni. Ka pa hna thil avangin a post an sawn a, ka nu in a awmpui a, ka U mipa te chhungkua nen keini in inpui kan nghak a ni. Ka pa pawh pension a hnaih ve ta bawk a, chhungkim in kan awm veleh thei tep tawh e.
.
Hotel Floria kan thlen chuan mi an lo awm ve nak nak a, dawhkan hauh sa kan nih avangin dinning hall lai tak ah chuan keini ho thutna tur in an lo rem sa thlap a, ka vawikhat kalna anih avangin nuam ka reuh kher mai. Birthdqay cake te min lo siamsak a, ka thawhpui te chung ah ka lawm tak tak a ni. Cake kan zai zawh chuan chaw kan ei zui nghal a ni deuh mai a, khua a vawh deuh tawh avangin haw tlai loh hram ka duh a ni. Hotel kan thlen khan dar 7 a pel hret a, haw tur a kan in ready meuh chuan dar 10 a ri tep tawh. Kan hlim tlang a, birthday nuam tak a ni.
.
" Puite, Pu Mawia rual hian ka haw mai ang. Kan veng lam ah tih tur a nei tho sia, pawi i ti em?" ti tu chu ka thian kawm ve ber, Ramtei a ni.
.
" Aih, pawi lo e. In veng lam a a kal dawn tho chuan a tihzia chu. Scooty chuan a vawt emai, tihian ka haw nghal vang vang mai ang" ka lo ti vat a, pawi ka ti lo lutuk zawk a ni. Tlan haw vat a, ka vahte ho mutthilh hma a in thlen hman ka duh tak zet. A chhan chu ka tan liau liau ka u nupuiin cake a ur ve tlat a, ka vahte nen a zai ho ka duh miau a ni.
.
" Security, khawngaihin he car hi min laksawn sak thei angem? Ka scooty lakchhuahna a dal tlat mai" midangin min tlanchhuahsan hnu chuan ka scooty dal a car nalh zet, XUV var chu ka kawk va a.
.
" Awww, anih hi. Lo nghak lawk rawh aw ka pi. A neitu ka han ko lawk ange" tih pah chuan inchhung lam ah chuan security chu a tlanchho vat a, khawvawt hnuai ah chuan ka ding khur bauh bauh ringawt.
.
" Ka motor in alo dal che a ni maw?" mipa aw ri ka hriat chuan ka hawichhuak vat a, a hmui chung a khuavang lian vak lo awm chuan ka mit a la kher mai. Ka mitthla ah Lawmsangzuala a lang nghal. Ka hmuh hnuhnun ber khan kum 10 mi lek mahni ila a hmui a khuavang kha ka theihnghilh ngai lo a ni. A chhan chu chhaih nan ka hmang thin miau alawm.
.
" Aaaaa, nia. I hun ka rawn tihbuai avangin pawi ka ti lutuk" ka ti niah niah a, a bawp sei thlarh, a mitmeng fiah kak leh a sam meh vai vang, fresh hmel tak, a engkim mai chu midang aia chungnung bik ni in ka hmu hial.
.
" Tihian ila chhuak thei tawh ang chu" tih pah a motor hunsawn zawh a ka lam pan a alo kal chu ka en reng a, a hnar tuai zauh ka hmuh phei chuan Lawmsangzuala chiah chiah. Mahse engtinnge tunang hun ah, hetiang hian ka hmuh ngawt ang? Ka lu ka thing nawk a.
.
" Ka lawm lutuk e" tih pah chuan ka scooty lam chu ka pan vat a, vawt tih avang chuan ka kal khur deuh bawk.
.
" Ka hming chu..."
.
" Lawmsangzuala" a sawi hma in ka lo ti sap a, ni e, amah anih loh chuan a mak ang. Lawmsangzuala khuavang ang a nei a, a hnar tuai dan in a tuai, tin, a vei nuih bawk.
.
" Ramnunpui" a awri a maktihna leh phurna inpawlh chu ka hriat hmaih lo.
.
" Kum 17 a liam ta, ilo danglam ta hle mai" ka tah a chhuak ut ut thei. Khawvel a ka thian neih hmasak ber a ni. A kalbo a, alo let leh beiseiin kum engzatnge an in kawt ka thlir? Midangin an in an lo luah hnu ah pawh alo let leh kha ka la beisei fan a, kum 15 ka tlin in a kalbo chhan ka nu in min hrilh. Apa in hmeichhe dang a um san a, a nu in a enkawl zuam lo a, a ni te hnen ah dah in a nu chuan pasal dang a neihsan veleh a ni. Pawi ta ber chu ka nu in a ni te awmna a hre lo kha a ni. Khami ni khan aw rawl chhuah meuh in ka tap hial a nih kha.
.
" Happy Birthday" alo la theihnghilh bik miah lo. Ka nu leh pa min wish na ai pawhin ka lawm zawk hial ta ve ang. Mahse ka hua a ni. Tinge vawikhat tal alo let loh? Kan in kawng a hria a, a kalbo dawn in min thlahna thu pawh a sawi hek lo.
.
" Ka lawm e. Ka kalsan phawt ang che" kalsan ka duh lo. Mahse ka kalsan tur thu ka sawi tho si.
.
" Ka thlah haw ang che"
.
" Aih, scooty hian ka haw thei alawm"
.
" Puite, hun ka ngah lo. Hei hi ka contact number a nia, min rawn be dawn nia. Ni 2 chiah hetah hian ka cham ang" tih pah chuan a contact number inziahna card chu min pe a, a chetdan chuan min ti hamhaih lek lek a ni.
.
" Mahse..."
.
" Mikhual ka la nei a, in i thlen veleh min lo hrilh dawn nia. Kal tawh rawh le" tih pah chuan ka dar ah a rawn tuai zauh a, a chetdan engkim mai chu ala pangai reng.
.
In ka thlen chuan ka u te nupa chiah an lo meng tawh. Kan unau ho chuan cake chu kan zai leh rih a, a tui kher mai. Mahse chung zawng zawng ai chuan Lawmsangzuala bak ka rilru ah a awm lo. Tinge kum tam tak a liam hnu ah kan inhmuh leh chauh? Tinge a thiannu hi min ngaihven tur a a rawn lan miah loh? A rethei lo tih chu ka hmu a, ka hrethiam nghal. Engtin a nun hmang maw? Tinge ni 2 chiah hun ka nei a tih chhan niang? A phone number inziahna card chu ka en a, engmah hriat belh tur a awm lo. A hming a inziak a, phone number pahnih a inziak bawk. Ka bia ang nge be lovang tih ka inngaihtuah mek a ni.
.
" Ani, lo tho rawh. Apa in i thianpa alo kal a, lo phei rawh a ti" ka mu tui lai chu ka vahpa tereuhte, kum 5 mi chuan min rawn kaitho a, sana ka en a, ala tlai chhe bawk si lo. Tu ka thian mipa nge hetah lo kal ang? Ni lo, Lawmsangzuala a ni thei mai angem? Khum atang chuan ka in perh tho zawk.
.
Sitting room lam ah chuan phur zet in ka phei a, nizan khan ka be ta miah lo tih ka hria. Mahse kan in a hria a, min rawn zawngchhuak anih chuan a tan ka lo la hlu ve ni ah ka ngai. Tunah hei, alo kal ta reng bawk chu anih hmel a. Sitting room ka va luh chuan ka phurna a bo nghal vek. mipa pakhat, ka hriat ngai pawh ni lo hi alo thu a, makti deuh chuan ka en hau ringawt. Chu pa thutna ep ah chuan ka u alo thu bawk.
.
" Puite, hei, i thianpa hian a hmu duh che a" ka u in a tih chuan ka bu nghauh a, chu pa chu alo ding vat a, ala hma vei nen a smart hrep mai.
.
" Ka pi, ka rawn tihbuai che vangin pawi ka ti lutuk. Ka pu in nangmah lam tur che in min ti a" a tih chuan ka la bo tulh tulh mai.
.
" Ngawiteh, tunge i pu chu?"
.
" Ka tihpalh lutuk. Ka pu chu Lawmsangzuala a nia, a rem chuan insiam la, min lo zui hram ta che"
.
" Anih chu. Mahse..."
.
" Puite, va kal rawh. Inrinni a nih tho hi. Thawhtan ah a kalbo leh mai dawn a, i thianpa chu va hmu rawh" ka u in a tih chuan han hnial vak ngaihna ka hre lo.
.
" Mahse chaw..."
.
" Ka pi. ka pu chuan chaw ei ah a nghak che a"
.
" Mahse khawnge a thlen?"
.
" Falkland-ah sawn in a nei a, tahchuan a awm" ka dar ka san ak a, zawhna zawh zui zel ka tum tawh lo. Lawmsangzuala ngeiin ka zawhna a chhang tur a ni.
.
Compound nuam zet a kan tlan luh chuan ka thaw hak a, hetiang ang a in nuam hi ka la kal ngai lo. Kawngpui an bul ah gate a awm a, metal vek a ni bawk. Gate ah kan tlanchho a, kawtzawl zau leh nuam zet, metal vek ah chuan kan tlanchho a, motor ringawt pawh 5 vel zet chu a dah theih ang. Motor parkna aia hniam hret ah in lian ve tawk tak a awm bawk.
.
" Ka pi, kan thleng ta. Zuk lut la, ka pu in a nghak reng tawh che a, motor hi kan lo dah rem lawk ange" min rawn hruaitu in a tih chuan car atang chuan ka chhuk a, khawhawi a nuam tak zet a ni.
.
Doorbell ka hmet tur chiah chu kawngka a rawn in hawng a, Lawmsangzuala ngei mai chu kawngka ah a rawn ding a, a awmhmun thawmhnaw a ha a, nizan ang a smart a ni tawh lo. Mahse a inhmeh em em tho. Engtinnge hetiang ang hian a thang tha ang tih ka rin theih tehlul ang? A naupan lai kha chuan sa tha tak a ni ngai lo. Apa zu heh lutuk avangin anu nen khan an pawr ve fap thin. Mahse khatihlai pawh khan ka inhumhimna kulh pakhat a ni reng thin. Ka tan chuan tupawh a sual ngam a, tumah hlauh a nei lo. Mahse keimah vang anih loh chuan tumah a tihbuai ngai ka hre lo thung.
.
" Ilo thlneg thei ta maw? Lo lut la" nui sang a a tih chuan ka nui ve var var a, ka thinlung hlimzia hi a hrethiam phak angem aw? Ka nu leh pa tih loh ah chuan ani hi ka nun a mi pawimawh ber a ni. A chhan chu ka mizia ah midangte kawmngeih harsa ti mi ka ni. Ka zakzum a, mahse a hun ah erawh ka zahzumna dahtha in ka hma a tihtur awm chu ka tlanchhiatsan ngai lo thung. Ka unaupa ngei pawhin kan naupan lai khan Lawmsangzuala hi a thik fo thin a ni. Chutiang khawpa ka mihring ngainat chu kum 17 hnu ah ka hmu leh a, engvanginnge ka hlim loh tehlul ang?
.
" A nuam hle mai. Mahse..."
.
" Hahdam phawt la, i zawhna chu muangchangin kan la sawi dawn nia. Chaw ei nghal i duh dawn nge coffee kan in hmasa ang?"
.
" Coffee ka in thei lo phawt. Chaw ei chu ka hmanhmawh lo nangin zawhna awh erawh ka hmanhmawh thung a"
.
" Ramnunpui, i naupan lai zia i thlah dawn lo anih hi. Pi Sawm, khawngaihin ka lehkha chhiarna room ah thingpui no 2 lo dah ta che aw. Pakhat ah chini tam deuh hlek, pakhat ah chini tlem deuh, bawnghnute tak deuhin aw" a tih lauh lauh avang chuan inchhung ah midang an awm ve tih ka hre chiah.
.
A lehkha chhiarna pindan a kan luh chuan pawnlam landan aiin a pui daih. Tin, a cool raih bawk. Lehkha chhiarna ti in a sawi nangin office a ang mah mah zawk. Chair lian deuh pahnih leh sofa set 1 a awm a, a bak chu dawhkan lian deuh pakhat leh lehkhabu hlir chu a ni. Mahse lehkhabu ho kan enkual zuaih chuan politics lampang hlir a ni ber in ka hria.
.
" Lo thu rawh. I duh duh chu min han zawt ta che." dam dap a a tih chuan chair pakhat ah chuan ka thu kak a, ka tan chuan chu chair chu a lian lam deuh a ni. Ka thu tlum kak a, ka hma chiah a chair awm ah chuan a rawn thu ve nghal a, a bawp sei zet chu a thluang duai bawk a, apa a chhun ani ngei ang, a palian ta emai.
.
" Engvang a i kalbo dawn a min mangtha lo nge inih?" he thu hi a kalbo tirh atang a ka rilru a zawhna awm reng, zan tin deuhthaw tun thleng a ka inzawh thin a ni.
.
" Ka hre lawk bik lo a ni. A dang leh" awlsam zet chuan a ti a, a ngai awlsam lutuk chu ka thin a ur zawk.
.
" Engmah" ka hmui ka chip hmak a, min ngaipawimawh lo zet a min chhanna chuan ka thin a ti ur miau alawm.
.
" Aw le, ka hrilh ang che. Ka kalbo chhan chu i hre daih tawh ang. Ka ni bul ah awm in chhungkaw thar ka nei a, mahse ka pa nundan avangin hmuhsit ka tawk ta zauh zauh a, ka ni te khan fa an nei lo. Tichuan ka ni pasal in ka pa vang a min nuihsawh a a zu ruih apiang akut min thlak thin chu ka ni dawhtheihna in a tlin ta bik lo a, a tawi zawng in ka ni nen kan chhuak dun ta a ni. Tichuan ka ni chuan ka ni pakhat zawk te awmna, Delhi ah min chhuk pui a, tahchuan vawiin thlengin kan awm ta a ni" a sawi zawng a a bek ruh pawng talh talh atang chuan thil mai mai tuar a ni lovang tih ka hrethiam.
.
" Mahse khatihlai khan nangmah chiah hi ka thian neihchhun i ni asin" ka mittui a tla lek lek. Khatih hunlai ah khan ka cheng let leh kiau alawm. Khatihlai a zan tin mai a ka mumang a Lawmsangzuala an in kawt a alo ding ka hmu ziah leh ka thanharh apiang a an in kawt ka va thlir ziah thin a, ka beidawn theih zia lai ang chiah khan ka awm a ni.
.
" Pawi ka ti. Ka la naupang ve em a, enge tih a tih loh tur kha ka hrethiam bik lo a ni" min en run a, a mitmeng ah chuan na tak tuar tih a hriat.
.
" Zan tin khan ka mumang ah ka hmu thin che a..."
.
" Shhhh.... tunah chuan engmah in kan inkar a ti phel tawh dawn hleinem. I thianpa hian i phalna tello chuan a kalbosan tawh dawn hleinem che" a thutna atang a rawn tho in ka thutna chair ban ah chuan a rawn thu a, tunhma ang bawkin ka lu ah a kut a nghat a, a taksa ngheng in ka lu chu a kuai a, ka lung a chhia a ni. Hetiang em em a mihring ka ngainat hi an awm ngai lo a, an awm tawh ngai hek lovang.
.
" Aizawl ah ilo kal a, min rawn hmuh pawh...."
.
" Nimin khan ka lo thleng chiah. I birthday hi kumtin keimahin ka lawm thin. Hna thil avangin nimin khan in in ah ka rawn kal thei lo a, mahse chunglam in ka dilna a ngaithla a , hmuhna remchang min siam sak ta tho alawm. Ani lo em ni?"
.
" Mahse..."
.
" C'mon, i mittui kha hru rawh le" kawngka kik ri avang chuan a tho a, kawngka ah chuan ava phei a, thingpui chu amah in a rawn chawi lut a, ka hma dawhkan te awm ah chuan thingpui chu a rawn nghat a, min la theihnghilh bik lo tih leh ka duhzawng ala hria tih ka chianna chu ka thingpui duhzawng a siamtir dan atang khan a ni. Ani chuan chini thlum deuh a duh. Keichuan chini tam lo, bawnghnute tam deuh ka duh thung.
.
" Tichuan hna tha tak thawkin pasal neih nachang hre miah lo in nula hausa tak ilo ni tawh a" a tawngkam chu ngeiawm viau mahse min fiam a ni tih a mitko dinglam a san dan atang chuan ka hre thung.
.
" Pasal ka neih ni a min pawm kang tu tur unaupa pakhat chiah ka la nei sia, pakhat chauh chuan min pawm zo dawn si lo a, ka unaupa pakhat ka lo la nghak alawm" ka tih chuan a nui hak a, mahse a nuih a zat hmel loh viau thung.
.
" Ngaihzawng te hi neih nachang i hre ve reng reng em?"
.
" Ka ngah lutuk hi..."
.
" Ramnunpui, uang lo teh. Ngaihzawng kawp te hi ilo ching anih vaih zawngin..."
.
" I mawl ami? Ngaihzawng neih min zirtir tur nang ber i tlanbo sia, ka hmui pawh ala virgin phah hi" nui uarh uarh a ka tih chuan a nui ve ta hawk hawk. Kum tam tak inhmu tawh lo mahila reilote a bul a ka awm leh chuan a hma ang chiahin amah ka ngainatna chu a lang chhuak lehnghal mai. Hei hi a ni thinlung tak a inzawmna tak tak pakhat chu. Inhmuh khat leh zin lam a ni lo. i thinlung tak a i pawm tawh mihring chu kum 30 hnu ah pawh inhmu leh ula in inpawhna a ngai reng ang. Hetiang an inpawhna hi mihring ah hian a thleng tam lo.
.
" Monday hian ka let a ngai a, mahse ka lo..."
.
" Ka phalna tello in khawiahmah i kalbo tawh dawn lo emaw ka tia?" ka hmui ka ti pawrh tarh a, min kalbosan leh hi ka hlau tak tak tawh.
.
" Ka lo let leh vat dawn alawm. I lakah chuan ka zep lo mai ange. Nakum inthlanpui lo awm tur ah hian ka rawn in candidate ve dawn a" makti zet chuan ka ka ka ang pham a, hepa hi a uang a ni hial lo maw?
.
" Maw?" ka au that a, ka awih thei lo.
.
" A dik alawm. Chuvangin kar 1 lek ka zuk let anga, chumi hnu ah chuan helam a awm tawh turin ka rawn let ang" a hmel ah a uang lo tih ka hria.
.
" Ka awih thei lo. Politics tuipui ah kher chuan zuang lut turin ka beisei miah lo che a" ka ngaihdan diktak a ni.
.
" Mahse ka zuanglut chu a ni sia. Hlauthawng suh. Dikna duh mipui te tan a ni ka zuanluh chhan. Chhan dang pawh a awm bawk" a insehruh nghal a, zawh zui hun ni in ka hre lo.
.
" Nihleh nupui lam hi..."
.
" Min zawt har ka ti reng a ni. Nupui hual chu ka nei alawm" a thusawi avang chuan engtin emaw tak ka na. Kum tam tak liam hnu ah ka hmu leh a, mahse nupui a neih daih chuan kan inkawm hleithei tawh dawn si lo. Chu chu ka hlim loh chhan tak a ni em ka hre lo.
.
" Ava lawmawm ve"
.
" Chaw ei lam kan hnaih dawn em ni niang? Vawiin chu i U ka dil a, nileng in hun kan hmang dun ang. Ka kalbo hnu a i hun hman chhoh dan te, i pasal tur chungchang pawh sawi a ngai in ka hria" tih pah chuan a ding hluai a, ka nuih a za thei lo. Phur lo zet chuan ka ding ve a, inhmatawn a kan ding chu amah a palian sia, ka te chhe ngawih ngawih bik lo ni a ka inhriatna chu a reh tial tial. Ka hma a ding palian tak hian ka lo len loh zia a tilang. Mizo zing ah hetiang ang a mipa piantha hi an tam hauh in ka ring lo.
.
Chaw te kan eikham fel chuan a in leh a vel chu min fan pui a, hmun nuam tak a ni chiang e. Khaw hawi a nuam a, a fianrial reuh viau rualin kawngpui a zuk hnaih tho bawk sia, ka dream house nen a danglamna a awm teh chiam lo. He kawt ah hian ka fate tlan kual se, mipa pakhat leh hmeichhe pakhat nei ila, unau inkawmngeih tak ni ila, Lawmsangzuala nen kan inkawmngeih ang mai hian.
.
" Hey, enge i ngaihtuah vung vung?" Lawmsangzuala'n a rawn tih chuan ka phu nasa ngei mai. Ka ngaihtuahna kawm vak ka chin hi ka sim hleithei lo chu a ni.
.
" Aaaa, eng ni lo e" ka ti sap a, mit ti zim san a min lo en chuan ka hriat ngai loh zamna chuan min man tlat. Ka fate pa ni ta se. ni lo, a theih loh hul hual. Engemaw ka hriat reuh ni? Lawmsangzuala hi ka thianpa a ni.
.
" Enge ka sawi lai kha?" hmui pet zauh a a tih chuan ka dar ka san ak a, a thusawi pakhatmah hriat ka nei lo.
.
" Aaaa.... Englo... Ihhh.."
.
" Nanghi chu aw.... Zanriah i ei nghal a ngai ania. Ka nupui hual chaw ei ah ka sawm a, a hmu chak lutuk che" hmel hlim sarh a a tih chuan ka thin a phu dawt dawt a, ka ngaihtuahna a chawl dup ni ber in ka hria.
.
" Ni lo. A theih loh"
.
" Engmaw? I U ka dil tawh a, min phatsan thei lovang" a lu a thing mat mat a, hetia tih hi a naupan lai atang tawh in a sim thei lo. a lu a thin mat mat tawh hi chuan hnial a harsa ziah bawk. Mahse kan naupan lai hun ah kan cheng tawh hleinem.
.
" Pawi ka ti lutuk. Lawmsang...."
.
" Sangzual ti in min ko ve tawh teh' alo ti hluk a.
.
" Nih leh. Sangzual, pawi ka ti lutuk. ka thiannu hnen ah ka bazar pui tur thu ka lo hrilh tawh a" ka dawtsawi chu pawm hram se ka duh. Ka hria a ni, a nupui hual chu ka hmu duh lo.
.
" I thiannu chu phone la, i hman lo tih hrilh mai rawh. Naktuk ah ka hmu hman dawn lo che. Inhmuhna hun kan nei tlem. Tin, ka nupui hual pawh chu i hmu ve chak miah lo ami?"
.
" Ka hmu chak lutuk. Ilo let leh vat dawn alawm. Hmuhna hun ka la nei..."
.
" A tha e. I duh chuan kal rawh. Keiaia ngaihpawimawh ilo nei ve ta alawm" a tawngdan avang chuan thawk ka la hak a, a hmel a lungawi lohna lang chu ka nuih sak a, enge a nupui hual chu ka hmuh hreh ve ngawt ang?
.
" A tha e. Ka awm ang. Mahse rawng i bawl ang. I mi chhawr te tih tur a dah tawp lovin nangmah ngeiin i nupui hual tan chuan rawng i bawl ang. I thiam loh min zawt anga, mahse ka pui dawn lo che. A tha em?" ka tih chuan a hmel chu hlim hmel in a rawn inthlak a, kan naupan lai ka hrechhuak leh lo thei lo. A tihtauh chuan a chal a chuar tap a, a hmui a chip hmak zel. Chu chu nichin pawh khan a tihdan a ni. Tunah a mitmeng a zim san a, a vei nuih bawk.
.
Nileng in kan pahnih chuan kan ti ti a, hna kan thawk dun a, a mi chhawr te thawklakna hun pe in an duh na ah a lenchhuah tir bawk a. A nun atang a ka zirchhuah thar leh chu midang rinna a nei tlem. A thin a chhe viau bawk. Ka lak ah ni lo in a phone call lo kal a chhan dan ah a ni. Ka bul ah erawh a nui ve hawk hawk a, a chanchin ka zawh erawh chuan a sawi tha duh vak lo. Ka zawhna thenkhat a chhan dan atang a nu leh pa a hua tih ka hrechiang. Ka dem hran lo.
.
" Ka lo thleng e" kawngka inhawng ri ah chuan Sangzuala nen chuan kan hawi rual thawt a, karei! Ka hmeichhe hmuh tawh ah chuan ala hmeltha ber hial awm e! A nalh em em bawk. Makeup hmang nasa viau mahse a hmeltha tho tho. Makeup hmang nasa ho hi tha ka ti vak ngai lo nangin henu zet chu a hmeltha chiang alawm.
.
" Hello, iva rawn thleng hma ve. Kan lo la inbual hman lo asin. Puite, hei hi ka nupui hual Irene anih hi. Delhi-ah hnathawk in a awm ve a, ka rawn chhoh hma lawkin a rawn chho a. Irene, hei hi ka thian, ka nau ni bawk Puitei chu anih hi" Sangzuala chuan min inhmelhriattir a, Irene chuan a kut chu a rawn lek chhuak a, ka lo chibai vat a, a kut te chu a no nalh kher mai. Ka thawmhnaw chu ka zahpui rum rum mai.
.
" Kan inhmu thei chu ka lawm hle mai. Pa ber hian a sawi fo thin che a, a sawi ang chiah a duhawm ilo nih hi"
.
" Keipawh kan inhmu chu ka lawm hle mai.Ka thianpa hian duat nachang che a hria ang che chu maw?" ka nui sang a, ani pawh a nui sang. Mahse engemaw takin ka ngaina lo nghal.
.
" Lo inkawm ula, ka va intifai ve lawk ange" Sangzuala'n a tih chuan sitting room lam ah chuan kan phei dun a, sana ka en a, ka rinaiin alo thleng hma.
.
" Sanga nen hian in naupan laiin in inkawm thin tiraw?"
.
" Aw. Mahse min pem san daih a, ka ngai thin tak tak a ni"
.
" Ngaihzawng i nei em?" a zawhna teh daih chuan min ti phu kher mai.
.
" Aih, Nei lo e"
.
" Anih chu. I chanchin a sawi nasa thei lutuk hi ka thik fo thin che a, pawi iti em lovang chu maw/"
.
" Haha.... A ho lutuk. Min la hmu miau si lo a, keipawh ni ila ka ti ve tho ang" ka nui hak a, ka chanchin chu alo sawi ve thin reng alo nia, ka hlim ve deuh.
.
" Mahse ka hmu che a, thik tham..."
.
" In lo ti ti tui em?" Sangzuala chuan Irene thusawi pawtchat in a rawn lut a, ka bul ah ala thu zui. irene khan enge a sawi tum ni ta ang? ' THIK THAM'.
.
" Aw, i nau chu a fel khawp mai. I naupan lai a i harh theih zia alo sawi a" nui har har a a tih chuan mak ka ti lutuk. Engtinnge dawt chiang lutuk a sawi theih? Thil pawi ni miah lo mahse mak ka ti lutuk.
.
" Haha... Chimawmtei hi chu aw.... Chaw ei nan ala hma tho a, in tur lam te in duh em?" Sangzuala chuan nui chung a a tih chuan ka lu ka thing a.
.
" Keichu tui ka va in zawk ange" tih pah chuan ka tho vat a, Irene mitmeng a hnawk min ti hmel chu ka hmuh hmaih lo. Engvanga Sangzuala ka hnialna kha kaltlang pui lo nge ka nih le?
.
Reitawk tak choka lam ah chuan ka awm a, let phei leh ka chak hlawl lo. Mahse chutia tawmbo reng theih ni hek lo. Chaklo tak chung chuan ka ka let phei leh ta nge nge. Mahse sitting room luhna tur bul ka thlen chuan ka ding chat. Anni pahnih thusawi chuan min ti awm nuam lo zo.
.
ELTY LUHLUL AUG HNAMTE
.
" Lawmsangzual, i thawmhnaw pack la, i ni te bul ah i awm dawn" chu thu ka hriat chuan kan in atang ringat pawhin ka mittui a tla par thei.
.
Ramnunpuii ka ni a, kum 10-na ka hmang mek. Lawmsangzuala te chhungkua nen hian kan pian hma atang tawh a inthenawm kan ni. Thian dang kawm em em lovin naupang pahnih awmchhun chu kan inkawm chawt a, keichuan unaupa ka nei. Ani erawh chuan a nei ve lo thung. Vanneihthlak tak in keichu ka pa in zu a in ve lo. Sangzuala erawh apa in zu a in nasat thin avangin kan in a a nu nen a rawn tlanchhiat chang an nei fo. Mahse chutiang hun ah erawh chuan ka lo lawm thei em em. A chhan chu ka u nen hian kum 14 zetin kum kan inthlau a ni. ka nu leh pa beiawn fa ka ni ti ila a dik ber ang.
.
" Nu, Sangzuala saw a nu in hmundang a thawn a tum ania" ka nu rawngbawl lai chu ka zuk pan a, ka tap tiau bawk.
.
" Bawihte, Sangzuala pa kha a damlo a, chuvangin Sangzuala pawh a ni te bul a a awm rih a ngai alawm" ka nu in dam dap a a tih chuan ka ner nawk a, tinge Sangzuala pa chu a damloh kher? Chhun ah pawh ka la hmu reng a, Sangzuala nen pawh school kan kal dun a, engmah a sawi si lo a, ka hrethiam thei lo.
.
Lungawi lo zet chuan room lam ah ka chho hnak hnak a, Sangzuala nu awri avang khan an in a va kal mai ka ngam lo. Khum bul a tukverh atang chuan ka va dak a, Sangzuala hmanhmawh hmel tak a a insiam lai chu ka thlir reng a, anu vei thuak thuak pawh ka hmu thei. An room lam erawh ka hmuh theih loh avangin apa erawh ka hmu lo thung. Kum 10 mi lek mahni ila ka rohlu em em ka chan dawn tih chu ka hrethiam ve tlat a ni.
.
KUM 17 A LIAM TA....
.
Lawmsangzuala chu a kal liam ta. Vawikhat pawh mangtha ti in min thlah lo. Mahse alo let leh dawn ti a ka nu sawi avang a alo let leh ka rinna chu a ka naupan chhung zawng a thleng dik ta lo. Mahse nikhat pawh kha mipa naupang, mitmeng fiah zet, ka tah chang pawh a ka mittui hru a min thlem thin tu kha ka theihnghilh ngai lo ti ila dawt ka sawi angem?
.
Kum 27 ka tlin ni champha ah chuan ka hnathawhna a ka pu chuan Hotel Floria-ah ka thawhpui zawng zawng te nen dinner min treat dawn avangin kan department bik chu kan phur hle a ni. Phur lo deuh pawh an awm tho mahna! Kan pu hi pa tha tak a nia, a kum ngaihtuah in thalai zawk te rilru tur hrethiam tak, a tul hun a kan level ang a che mai thiam a ni. Taka, ka hnathawhna ka la hrilh lo che u. Vanneihthlak tak in MA ka chhuah hlim in Supply department ah LDC an la a, tum lawk em em pawh awm lo in ka va interview ve a, hna nghet ni nghal lo mahse ti hian ka tling ve hlauh mai a ni. Ka pa hna thil avangin a post an sawn a, ka nu in a awmpui a, ka U mipa te chhungkua nen keini in inpui kan nghak a ni. Ka pa pawh pension a hnaih ve ta bawk a, chhungkim in kan awm veleh thei tep tawh e.
.
Hotel Floria kan thlen chuan mi an lo awm ve nak nak a, dawhkan hauh sa kan nih avangin dinning hall lai tak ah chuan keini ho thutna tur in an lo rem sa thlap a, ka vawikhat kalna anih avangin nuam ka reuh kher mai. Birthdqay cake te min lo siamsak a, ka thawhpui te chung ah ka lawm tak tak a ni. Cake kan zai zawh chuan chaw kan ei zui nghal a ni deuh mai a, khua a vawh deuh tawh avangin haw tlai loh hram ka duh a ni. Hotel kan thlen khan dar 7 a pel hret a, haw tur a kan in ready meuh chuan dar 10 a ri tep tawh. Kan hlim tlang a, birthday nuam tak a ni.
.
" Puite, Pu Mawia rual hian ka haw mai ang. Kan veng lam ah tih tur a nei tho sia, pawi i ti em?" ti tu chu ka thian kawm ve ber, Ramtei a ni.
.
" Aih, pawi lo e. In veng lam a a kal dawn tho chuan a tihzia chu. Scooty chuan a vawt emai, tihian ka haw nghal vang vang mai ang" ka lo ti vat a, pawi ka ti lo lutuk zawk a ni. Tlan haw vat a, ka vahte ho mutthilh hma a in thlen hman ka duh tak zet. A chhan chu ka tan liau liau ka u nupuiin cake a ur ve tlat a, ka vahte nen a zai ho ka duh miau a ni.
.
" Security, khawngaihin he car hi min laksawn sak thei angem? Ka scooty lakchhuahna a dal tlat mai" midangin min tlanchhuahsan hnu chuan ka scooty dal a car nalh zet, XUV var chu ka kawk va a.
.
" Awww, anih hi. Lo nghak lawk rawh aw ka pi. A neitu ka han ko lawk ange" tih pah chuan inchhung lam ah chuan security chu a tlanchho vat a, khawvawt hnuai ah chuan ka ding khur bauh bauh ringawt.
.
" Ka motor in alo dal che a ni maw?" mipa aw ri ka hriat chuan ka hawichhuak vat a, a hmui chung a khuavang lian vak lo awm chuan ka mit a la kher mai. Ka mitthla ah Lawmsangzuala a lang nghal. Ka hmuh hnuhnun ber khan kum 10 mi lek mahni ila a hmui a khuavang kha ka theihnghilh ngai lo a ni. A chhan chu chhaih nan ka hmang thin miau alawm.
.
" Aaaaa, nia. I hun ka rawn tihbuai avangin pawi ka ti lutuk" ka ti niah niah a, a bawp sei thlarh, a mitmeng fiah kak leh a sam meh vai vang, fresh hmel tak, a engkim mai chu midang aia chungnung bik ni in ka hmu hial.
.
" Tihian ila chhuak thei tawh ang chu" tih pah a motor hunsawn zawh a ka lam pan a alo kal chu ka en reng a, a hnar tuai zauh ka hmuh phei chuan Lawmsangzuala chiah chiah. Mahse engtinnge tunang hun ah, hetiang hian ka hmuh ngawt ang? Ka lu ka thing nawk a.
.
" Ka lawm lutuk e" tih pah chuan ka scooty lam chu ka pan vat a, vawt tih avang chuan ka kal khur deuh bawk.
.
" Ka hming chu..."
.
" Lawmsangzuala" a sawi hma in ka lo ti sap a, ni e, amah anih loh chuan a mak ang. Lawmsangzuala khuavang ang a nei a, a hnar tuai dan in a tuai, tin, a vei nuih bawk.
.
" Ramnunpui" a awri a maktihna leh phurna inpawlh chu ka hriat hmaih lo.
.
" Kum 17 a liam ta, ilo danglam ta hle mai" ka tah a chhuak ut ut thei. Khawvel a ka thian neih hmasak ber a ni. A kalbo a, alo let leh beiseiin kum engzatnge an in kawt ka thlir? Midangin an in an lo luah hnu ah pawh alo let leh kha ka la beisei fan a, kum 15 ka tlin in a kalbo chhan ka nu in min hrilh. Apa in hmeichhe dang a um san a, a nu in a enkawl zuam lo a, a ni te hnen ah dah in a nu chuan pasal dang a neihsan veleh a ni. Pawi ta ber chu ka nu in a ni te awmna a hre lo kha a ni. Khami ni khan aw rawl chhuah meuh in ka tap hial a nih kha.
.
" Happy Birthday" alo la theihnghilh bik miah lo. Ka nu leh pa min wish na ai pawhin ka lawm zawk hial ta ve ang. Mahse ka hua a ni. Tinge vawikhat tal alo let loh? Kan in kawng a hria a, a kalbo dawn in min thlahna thu pawh a sawi hek lo.
.
" Ka lawm e. Ka kalsan phawt ang che" kalsan ka duh lo. Mahse ka kalsan tur thu ka sawi tho si.
.
" Ka thlah haw ang che"
.
" Aih, scooty hian ka haw thei alawm"
.
" Puite, hun ka ngah lo. Hei hi ka contact number a nia, min rawn be dawn nia. Ni 2 chiah hetah hian ka cham ang" tih pah chuan a contact number inziahna card chu min pe a, a chetdan chuan min ti hamhaih lek lek a ni.
.
" Mahse..."
.
" Mikhual ka la nei a, in i thlen veleh min lo hrilh dawn nia. Kal tawh rawh le" tih pah chuan ka dar ah a rawn tuai zauh a, a chetdan engkim mai chu ala pangai reng.
.
In ka thlen chuan ka u te nupa chiah an lo meng tawh. Kan unau ho chuan cake chu kan zai leh rih a, a tui kher mai. Mahse chung zawng zawng ai chuan Lawmsangzuala bak ka rilru ah a awm lo. Tinge kum tam tak a liam hnu ah kan inhmuh leh chauh? Tinge a thiannu hi min ngaihven tur a a rawn lan miah loh? A rethei lo tih chu ka hmu a, ka hrethiam nghal. Engtin a nun hmang maw? Tinge ni 2 chiah hun ka nei a tih chhan niang? A phone number inziahna card chu ka en a, engmah hriat belh tur a awm lo. A hming a inziak a, phone number pahnih a inziak bawk. Ka bia ang nge be lovang tih ka inngaihtuah mek a ni.
.
" Ani, lo tho rawh. Apa in i thianpa alo kal a, lo phei rawh a ti" ka mu tui lai chu ka vahpa tereuhte, kum 5 mi chuan min rawn kaitho a, sana ka en a, ala tlai chhe bawk si lo. Tu ka thian mipa nge hetah lo kal ang? Ni lo, Lawmsangzuala a ni thei mai angem? Khum atang chuan ka in perh tho zawk.
.
Sitting room lam ah chuan phur zet in ka phei a, nizan khan ka be ta miah lo tih ka hria. Mahse kan in a hria a, min rawn zawngchhuak anih chuan a tan ka lo la hlu ve ni ah ka ngai. Tunah hei, alo kal ta reng bawk chu anih hmel a. Sitting room ka va luh chuan ka phurna a bo nghal vek. mipa pakhat, ka hriat ngai pawh ni lo hi alo thu a, makti deuh chuan ka en hau ringawt. Chu pa thutna ep ah chuan ka u alo thu bawk.
.
" Puite, hei, i thianpa hian a hmu duh che a" ka u in a tih chuan ka bu nghauh a, chu pa chu alo ding vat a, ala hma vei nen a smart hrep mai.
.
" Ka pi, ka rawn tihbuai che vangin pawi ka ti lutuk. Ka pu in nangmah lam tur che in min ti a" a tih chuan ka la bo tulh tulh mai.
.
" Ngawiteh, tunge i pu chu?"
.
" Ka tihpalh lutuk. Ka pu chu Lawmsangzuala a nia, a rem chuan insiam la, min lo zui hram ta che"
.
" Anih chu. Mahse..."
.
" Puite, va kal rawh. Inrinni a nih tho hi. Thawhtan ah a kalbo leh mai dawn a, i thianpa chu va hmu rawh" ka u in a tih chuan han hnial vak ngaihna ka hre lo.
.
" Mahse chaw..."
.
" Ka pi. ka pu chuan chaw ei ah a nghak che a"
.
" Mahse khawnge a thlen?"
.
" Falkland-ah sawn in a nei a, tahchuan a awm" ka dar ka san ak a, zawhna zawh zui zel ka tum tawh lo. Lawmsangzuala ngeiin ka zawhna a chhang tur a ni.
.
Compound nuam zet a kan tlan luh chuan ka thaw hak a, hetiang ang a in nuam hi ka la kal ngai lo. Kawngpui an bul ah gate a awm a, metal vek a ni bawk. Gate ah kan tlanchho a, kawtzawl zau leh nuam zet, metal vek ah chuan kan tlanchho a, motor ringawt pawh 5 vel zet chu a dah theih ang. Motor parkna aia hniam hret ah in lian ve tawk tak a awm bawk.
.
" Ka pi, kan thleng ta. Zuk lut la, ka pu in a nghak reng tawh che a, motor hi kan lo dah rem lawk ange" min rawn hruaitu in a tih chuan car atang chuan ka chhuk a, khawhawi a nuam tak zet a ni.
.
Doorbell ka hmet tur chiah chu kawngka a rawn in hawng a, Lawmsangzuala ngei mai chu kawngka ah a rawn ding a, a awmhmun thawmhnaw a ha a, nizan ang a smart a ni tawh lo. Mahse a inhmeh em em tho. Engtinnge hetiang ang hian a thang tha ang tih ka rin theih tehlul ang? A naupan lai kha chuan sa tha tak a ni ngai lo. Apa zu heh lutuk avangin anu nen khan an pawr ve fap thin. Mahse khatihlai pawh khan ka inhumhimna kulh pakhat a ni reng thin. Ka tan chuan tupawh a sual ngam a, tumah hlauh a nei lo. Mahse keimah vang anih loh chuan tumah a tihbuai ngai ka hre lo thung.
.
" Ilo thlneg thei ta maw? Lo lut la" nui sang a a tih chuan ka nui ve var var a, ka thinlung hlimzia hi a hrethiam phak angem aw? Ka nu leh pa tih loh ah chuan ani hi ka nun a mi pawimawh ber a ni. A chhan chu ka mizia ah midangte kawmngeih harsa ti mi ka ni. Ka zakzum a, mahse a hun ah erawh ka zahzumna dahtha in ka hma a tihtur awm chu ka tlanchhiatsan ngai lo thung. Ka unaupa ngei pawhin kan naupan lai khan Lawmsangzuala hi a thik fo thin a ni. Chutiang khawpa ka mihring ngainat chu kum 17 hnu ah ka hmu leh a, engvanginnge ka hlim loh tehlul ang?
.
" A nuam hle mai. Mahse..."
.
" Hahdam phawt la, i zawhna chu muangchangin kan la sawi dawn nia. Chaw ei nghal i duh dawn nge coffee kan in hmasa ang?"
.
" Coffee ka in thei lo phawt. Chaw ei chu ka hmanhmawh lo nangin zawhna awh erawh ka hmanhmawh thung a"
.
" Ramnunpui, i naupan lai zia i thlah dawn lo anih hi. Pi Sawm, khawngaihin ka lehkha chhiarna room ah thingpui no 2 lo dah ta che aw. Pakhat ah chini tam deuh hlek, pakhat ah chini tlem deuh, bawnghnute tak deuhin aw" a tih lauh lauh avang chuan inchhung ah midang an awm ve tih ka hre chiah.
.
A lehkha chhiarna pindan a kan luh chuan pawnlam landan aiin a pui daih. Tin, a cool raih bawk. Lehkha chhiarna ti in a sawi nangin office a ang mah mah zawk. Chair lian deuh pahnih leh sofa set 1 a awm a, a bak chu dawhkan lian deuh pakhat leh lehkhabu hlir chu a ni. Mahse lehkhabu ho kan enkual zuaih chuan politics lampang hlir a ni ber in ka hria.
.
" Lo thu rawh. I duh duh chu min han zawt ta che." dam dap a a tih chuan chair pakhat ah chuan ka thu kak a, ka tan chuan chu chair chu a lian lam deuh a ni. Ka thu tlum kak a, ka hma chiah a chair awm ah chuan a rawn thu ve nghal a, a bawp sei zet chu a thluang duai bawk a, apa a chhun ani ngei ang, a palian ta emai.
.
" Engvang a i kalbo dawn a min mangtha lo nge inih?" he thu hi a kalbo tirh atang a ka rilru a zawhna awm reng, zan tin deuhthaw tun thleng a ka inzawh thin a ni.
.
" Ka hre lawk bik lo a ni. A dang leh" awlsam zet chuan a ti a, a ngai awlsam lutuk chu ka thin a ur zawk.
.
" Engmah" ka hmui ka chip hmak a, min ngaipawimawh lo zet a min chhanna chuan ka thin a ti ur miau alawm.
.
" Aw le, ka hrilh ang che. Ka kalbo chhan chu i hre daih tawh ang. Ka ni bul ah awm in chhungkaw thar ka nei a, mahse ka pa nundan avangin hmuhsit ka tawk ta zauh zauh a, ka ni te khan fa an nei lo. Tichuan ka ni pasal in ka pa vang a min nuihsawh a a zu ruih apiang akut min thlak thin chu ka ni dawhtheihna in a tlin ta bik lo a, a tawi zawng in ka ni nen kan chhuak dun ta a ni. Tichuan ka ni chuan ka ni pakhat zawk te awmna, Delhi ah min chhuk pui a, tahchuan vawiin thlengin kan awm ta a ni" a sawi zawng a a bek ruh pawng talh talh atang chuan thil mai mai tuar a ni lovang tih ka hrethiam.
.
" Mahse khatihlai khan nangmah chiah hi ka thian neihchhun i ni asin" ka mittui a tla lek lek. Khatih hunlai ah khan ka cheng let leh kiau alawm. Khatihlai a zan tin mai a ka mumang a Lawmsangzuala an in kawt a alo ding ka hmu ziah leh ka thanharh apiang a an in kawt ka va thlir ziah thin a, ka beidawn theih zia lai ang chiah khan ka awm a ni.
.
" Pawi ka ti. Ka la naupang ve em a, enge tih a tih loh tur kha ka hrethiam bik lo a ni" min en run a, a mitmeng ah chuan na tak tuar tih a hriat.
.
" Zan tin khan ka mumang ah ka hmu thin che a..."
.
" Shhhh.... tunah chuan engmah in kan inkar a ti phel tawh dawn hleinem. I thianpa hian i phalna tello chuan a kalbosan tawh dawn hleinem che" a thutna atang a rawn tho in ka thutna chair ban ah chuan a rawn thu a, tunhma ang bawkin ka lu ah a kut a nghat a, a taksa ngheng in ka lu chu a kuai a, ka lung a chhia a ni. Hetiang em em a mihring ka ngainat hi an awm ngai lo a, an awm tawh ngai hek lovang.
.
" Aizawl ah ilo kal a, min rawn hmuh pawh...."
.
" Nimin khan ka lo thleng chiah. I birthday hi kumtin keimahin ka lawm thin. Hna thil avangin nimin khan in in ah ka rawn kal thei lo a, mahse chunglam in ka dilna a ngaithla a , hmuhna remchang min siam sak ta tho alawm. Ani lo em ni?"
.
" Mahse..."
.
" C'mon, i mittui kha hru rawh le" kawngka kik ri avang chuan a tho a, kawngka ah chuan ava phei a, thingpui chu amah in a rawn chawi lut a, ka hma dawhkan te awm ah chuan thingpui chu a rawn nghat a, min la theihnghilh bik lo tih leh ka duhzawng ala hria tih ka chianna chu ka thingpui duhzawng a siamtir dan atang khan a ni. Ani chuan chini thlum deuh a duh. Keichuan chini tam lo, bawnghnute tam deuh ka duh thung.
.
" Tichuan hna tha tak thawkin pasal neih nachang hre miah lo in nula hausa tak ilo ni tawh a" a tawngkam chu ngeiawm viau mahse min fiam a ni tih a mitko dinglam a san dan atang chuan ka hre thung.
.
" Pasal ka neih ni a min pawm kang tu tur unaupa pakhat chiah ka la nei sia, pakhat chauh chuan min pawm zo dawn si lo a, ka unaupa pakhat ka lo la nghak alawm" ka tih chuan a nui hak a, mahse a nuih a zat hmel loh viau thung.
.
" Ngaihzawng te hi neih nachang i hre ve reng reng em?"
.
" Ka ngah lutuk hi..."
.
" Ramnunpui, uang lo teh. Ngaihzawng kawp te hi ilo ching anih vaih zawngin..."
.
" I mawl ami? Ngaihzawng neih min zirtir tur nang ber i tlanbo sia, ka hmui pawh ala virgin phah hi" nui uarh uarh a ka tih chuan a nui ve ta hawk hawk. Kum tam tak inhmu tawh lo mahila reilote a bul a ka awm leh chuan a hma ang chiahin amah ka ngainatna chu a lang chhuak lehnghal mai. Hei hi a ni thinlung tak a inzawmna tak tak pakhat chu. Inhmuh khat leh zin lam a ni lo. i thinlung tak a i pawm tawh mihring chu kum 30 hnu ah pawh inhmu leh ula in inpawhna a ngai reng ang. Hetiang an inpawhna hi mihring ah hian a thleng tam lo.
.
" Monday hian ka let a ngai a, mahse ka lo..."
.
" Ka phalna tello in khawiahmah i kalbo tawh dawn lo emaw ka tia?" ka hmui ka ti pawrh tarh a, min kalbosan leh hi ka hlau tak tak tawh.
.
" Ka lo let leh vat dawn alawm. I lakah chuan ka zep lo mai ange. Nakum inthlanpui lo awm tur ah hian ka rawn in candidate ve dawn a" makti zet chuan ka ka ka ang pham a, hepa hi a uang a ni hial lo maw?
.
" Maw?" ka au that a, ka awih thei lo.
.
" A dik alawm. Chuvangin kar 1 lek ka zuk let anga, chumi hnu ah chuan helam a awm tawh turin ka rawn let ang" a hmel ah a uang lo tih ka hria.
.
" Ka awih thei lo. Politics tuipui ah kher chuan zuang lut turin ka beisei miah lo che a" ka ngaihdan diktak a ni.
.
" Mahse ka zuanglut chu a ni sia. Hlauthawng suh. Dikna duh mipui te tan a ni ka zuanluh chhan. Chhan dang pawh a awm bawk" a insehruh nghal a, zawh zui hun ni in ka hre lo.
.
" Nihleh nupui lam hi..."
.
" Min zawt har ka ti reng a ni. Nupui hual chu ka nei alawm" a thusawi avang chuan engtin emaw tak ka na. Kum tam tak liam hnu ah ka hmu leh a, mahse nupui a neih daih chuan kan inkawm hleithei tawh dawn si lo. Chu chu ka hlim loh chhan tak a ni em ka hre lo.
.
" Ava lawmawm ve"
.
" Chaw ei lam kan hnaih dawn em ni niang? Vawiin chu i U ka dil a, nileng in hun kan hmang dun ang. Ka kalbo hnu a i hun hman chhoh dan te, i pasal tur chungchang pawh sawi a ngai in ka hria" tih pah chuan a ding hluai a, ka nuih a za thei lo. Phur lo zet chuan ka ding ve a, inhmatawn a kan ding chu amah a palian sia, ka te chhe ngawih ngawih bik lo ni a ka inhriatna chu a reh tial tial. Ka hma a ding palian tak hian ka lo len loh zia a tilang. Mizo zing ah hetiang ang a mipa piantha hi an tam hauh in ka ring lo.
.
Chaw te kan eikham fel chuan a in leh a vel chu min fan pui a, hmun nuam tak a ni chiang e. Khaw hawi a nuam a, a fianrial reuh viau rualin kawngpui a zuk hnaih tho bawk sia, ka dream house nen a danglamna a awm teh chiam lo. He kawt ah hian ka fate tlan kual se, mipa pakhat leh hmeichhe pakhat nei ila, unau inkawmngeih tak ni ila, Lawmsangzuala nen kan inkawmngeih ang mai hian.
.
" Hey, enge i ngaihtuah vung vung?" Lawmsangzuala'n a rawn tih chuan ka phu nasa ngei mai. Ka ngaihtuahna kawm vak ka chin hi ka sim hleithei lo chu a ni.
.
" Aaaa, eng ni lo e" ka ti sap a, mit ti zim san a min lo en chuan ka hriat ngai loh zamna chuan min man tlat. Ka fate pa ni ta se. ni lo, a theih loh hul hual. Engemaw ka hriat reuh ni? Lawmsangzuala hi ka thianpa a ni.
.
" Enge ka sawi lai kha?" hmui pet zauh a a tih chuan ka dar ka san ak a, a thusawi pakhatmah hriat ka nei lo.
.
" Aaaa.... Englo... Ihhh.."
.
" Nanghi chu aw.... Zanriah i ei nghal a ngai ania. Ka nupui hual chaw ei ah ka sawm a, a hmu chak lutuk che" hmel hlim sarh a a tih chuan ka thin a phu dawt dawt a, ka ngaihtuahna a chawl dup ni ber in ka hria.
.
" Ni lo. A theih loh"
.
" Engmaw? I U ka dil tawh a, min phatsan thei lovang" a lu a thing mat mat a, hetia tih hi a naupan lai atang tawh in a sim thei lo. a lu a thin mat mat tawh hi chuan hnial a harsa ziah bawk. Mahse kan naupan lai hun ah kan cheng tawh hleinem.
.
" Pawi ka ti lutuk. Lawmsang...."
.
" Sangzual ti in min ko ve tawh teh' alo ti hluk a.
.
" Nih leh. Sangzual, pawi ka ti lutuk. ka thiannu hnen ah ka bazar pui tur thu ka lo hrilh tawh a" ka dawtsawi chu pawm hram se ka duh. Ka hria a ni, a nupui hual chu ka hmu duh lo.
.
" I thiannu chu phone la, i hman lo tih hrilh mai rawh. Naktuk ah ka hmu hman dawn lo che. Inhmuhna hun kan nei tlem. Tin, ka nupui hual pawh chu i hmu ve chak miah lo ami?"
.
" Ka hmu chak lutuk. Ilo let leh vat dawn alawm. Hmuhna hun ka la nei..."
.
" A tha e. I duh chuan kal rawh. Keiaia ngaihpawimawh ilo nei ve ta alawm" a tawngdan avang chuan thawk ka la hak a, a hmel a lungawi lohna lang chu ka nuih sak a, enge a nupui hual chu ka hmuh hreh ve ngawt ang?
.
" A tha e. Ka awm ang. Mahse rawng i bawl ang. I mi chhawr te tih tur a dah tawp lovin nangmah ngeiin i nupui hual tan chuan rawng i bawl ang. I thiam loh min zawt anga, mahse ka pui dawn lo che. A tha em?" ka tih chuan a hmel chu hlim hmel in a rawn inthlak a, kan naupan lai ka hrechhuak leh lo thei lo. A tihtauh chuan a chal a chuar tap a, a hmui a chip hmak zel. Chu chu nichin pawh khan a tihdan a ni. Tunah a mitmeng a zim san a, a vei nuih bawk.
.
Nileng in kan pahnih chuan kan ti ti a, hna kan thawk dun a, a mi chhawr te thawklakna hun pe in an duh na ah a lenchhuah tir bawk a. A nun atang a ka zirchhuah thar leh chu midang rinna a nei tlem. A thin a chhe viau bawk. Ka lak ah ni lo in a phone call lo kal a chhan dan ah a ni. Ka bul ah erawh a nui ve hawk hawk a, a chanchin ka zawh erawh chuan a sawi tha duh vak lo. Ka zawhna thenkhat a chhan dan atang a nu leh pa a hua tih ka hrechiang. Ka dem hran lo.
.
" Ka lo thleng e" kawngka inhawng ri ah chuan Sangzuala nen chuan kan hawi rual thawt a, karei! Ka hmeichhe hmuh tawh ah chuan ala hmeltha ber hial awm e! A nalh em em bawk. Makeup hmang nasa viau mahse a hmeltha tho tho. Makeup hmang nasa ho hi tha ka ti vak ngai lo nangin henu zet chu a hmeltha chiang alawm.
.
" Hello, iva rawn thleng hma ve. Kan lo la inbual hman lo asin. Puite, hei hi ka nupui hual Irene anih hi. Delhi-ah hnathawk in a awm ve a, ka rawn chhoh hma lawkin a rawn chho a. Irene, hei hi ka thian, ka nau ni bawk Puitei chu anih hi" Sangzuala chuan min inhmelhriattir a, Irene chuan a kut chu a rawn lek chhuak a, ka lo chibai vat a, a kut te chu a no nalh kher mai. Ka thawmhnaw chu ka zahpui rum rum mai.
.
" Kan inhmu thei chu ka lawm hle mai. Pa ber hian a sawi fo thin che a, a sawi ang chiah a duhawm ilo nih hi"
.
" Keipawh kan inhmu chu ka lawm hle mai.Ka thianpa hian duat nachang che a hria ang che chu maw?" ka nui sang a, ani pawh a nui sang. Mahse engemaw takin ka ngaina lo nghal.
.
" Lo inkawm ula, ka va intifai ve lawk ange" Sangzuala'n a tih chuan sitting room lam ah chuan kan phei dun a, sana ka en a, ka rinaiin alo thleng hma.
.
" Sanga nen hian in naupan laiin in inkawm thin tiraw?"
.
" Aw. Mahse min pem san daih a, ka ngai thin tak tak a ni"
.
" Ngaihzawng i nei em?" a zawhna teh daih chuan min ti phu kher mai.
.
" Aih, Nei lo e"
.
" Anih chu. I chanchin a sawi nasa thei lutuk hi ka thik fo thin che a, pawi iti em lovang chu maw/"
.
" Haha.... A ho lutuk. Min la hmu miau si lo a, keipawh ni ila ka ti ve tho ang" ka nui hak a, ka chanchin chu alo sawi ve thin reng alo nia, ka hlim ve deuh.
.
" Mahse ka hmu che a, thik tham..."
.
" In lo ti ti tui em?" Sangzuala chuan Irene thusawi pawtchat in a rawn lut a, ka bul ah ala thu zui. irene khan enge a sawi tum ni ta ang? ' THIK THAM'.
.
" Aw, i nau chu a fel khawp mai. I naupan lai a i harh theih zia alo sawi a" nui har har a a tih chuan mak ka ti lutuk. Engtinnge dawt chiang lutuk a sawi theih? Thil pawi ni miah lo mahse mak ka ti lutuk.
.
" Haha... Chimawmtei hi chu aw.... Chaw ei nan ala hma tho a, in tur lam te in duh em?" Sangzuala chuan nui chung a a tih chuan ka lu ka thing a.
.
" Keichu tui ka va in zawk ange" tih pah chuan ka tho vat a, Irene mitmeng a hnawk min ti hmel chu ka hmuh hmaih lo. Engvanga Sangzuala ka hnialna kha kaltlang pui lo nge ka nih le?
.
Reitawk tak choka lam ah chuan ka awm a, let phei leh ka chak hlawl lo. Mahse chutia tawmbo reng theih ni hek lo. Chaklo tak chung chuan ka ka let phei leh ta nge nge. Mahse sitting room luhna tur bul ka thlen chuan ka ding chat. Anni pahnih thusawi chuan min ti awm nuam lo zo.
ngaihnawm dwn ciang👍👍👍
ReplyDeleteA chhunzawmna chhiar a chakawm tawh hle mai engtikah nge lo chhun zswm ang
ReplyDelete