LAWMSANGZUALA - 2
LAWMSANGZUALA - 2
.
ELTY LUHLUL AUG HNAMTE
.
" Chaw a ei ve dawn tih i sawi lo. Bakah khatiang mihring class lo bul ah chaw ei ka peih reng reng lo" Irene aw a ni. Engtinnge Sangzuala'n a chhan dawn ka hre lo. Ka tlan haw daih dawn nge ka ngaithla reng ang ka hre lo.
.
" Ka thian satliah a ni lo tih ka hrilh che. Ka nu leh pa ai pawh a ka ngaih, khawvel a ka hmuh chak ber mihring a nih hi. A chaw ei ve leh ve loh tur a thutawp siamtu tur chu keimah ka ni" a aw ngaihnobei lo zet a a tih chuan lawm tur ka ni. Mahse mi inkar a tlazep ni a inhriatna ka nei thung.
.
" Min lo hrethiam ula, ka kal a ngai. Monday-a thehluh ngei ngei tur hna ka nei tih ka hrechhuak. Sangzual, kan inhmuh hman tawh loh pawhin duhsakna ka hlan che nia aw... Remchang hmasa ber ah ka lo be dawn che nia" kawngka a luh pah chuan ka ti zung zung a, sofa-a ka bag awm chu la in an hamhaih chet nachang an hriat hma chuan hmanhmawh zet in ka tlan chhuak a, kawngkapui ka thlen dawn chuan Sangzuala chuan min rawn au tuarh a, mahse ding thei ka ni lo. Kum 17 chhung ka nghak, ka thian ni leh turin nge ka nghah a ka ngaihzawng ni tur in ka hre lo. Kan inhmu ta cheng a, ani erawh mi ta ni mai tur alo ni tawh. A nupui hualin min ngaina lo, keipawhin ka ngaina bik lo.
.
Ka hming a min koh tuarh tuarh chu hre reng mahila gate chu tlan pelin chak zetin kawngpui ah chuan ka tlan a, taxi lo tlan chu ka lo phar a, hmanhmawh zetin ak lut zui nghal. Enge ka hmanhmawh ve ngawt chhan hi? A nupui hual awmlaiin keihi Sangzuala khan min um zui ka ring amaw? Thil awihawm loh ber pawl ani hial ang. Taxi driver hnen ah chuan kalna tur hmun pakhat ka hrilh. Chu hmun chu school ka kal tantirh a Sangzuala hnung ka zui tanna hmun a ni. Vawiin hi inrinni a ni, school kal an awm dawn lo. Sangzuala ka thinlung atang a ka paih dawn avangin kan sulhnu awmchhun ang ang tlawh kual ka duh. Sulhnu tehchiam kan nei lo, school ka tlawh zawh ah Friday tlai apiang a kan kal kawi ziahna, school chhak deuh a tlang ah ka kal leh ang. Chumi hmun ah chuan vawi 3 Lawmsangzuala hming ka lam anga, chu chu ka lam tawpna ber tur a ni bawk ang.
.
Kan inbihruksiak chang a ka bihrukna ber thin thingkung bulah chuan ka va thu a, thingkung ngheng in ka thu a, ka hlimna tur emaw ka tih kha ka hlimpui reilo chiang kher mai. A tha vek e. Kum 17 chhung khan a tello in hun ka hmang liam tawh a, hmuh leh chak em em thin ni mahila tunah chuan amah hlat thei ang berin ka awm tawh dawn a ni. A thil tum avang erawh chuan ka la hmu leh fo in ka ring. Mahse ka hmuh dan a dang tawh dawn a ni.
.
In ka thlen chuan khua a thim ruai tawh. Kan in kawt a motor ding ka hmuh chuan ka duh aia hma in Lawmsangzuala chu ka hmu dawn anih hmel. Inchhung luh chu chak viau lo mahila kan chhungkaw zing ami ni lo vang a kan inchhung luh loh ngawt tur thu awm hek lo. Ka lut ta nge nge. Ka U nupui choka ah alo awm a, min lo chiau-au vat a, min lo biak dan atang chaw ka la ei lo tih alo hre sa vek tih ka hria. Mahse room lam ka pan san zui nghal. Ka room kal turin sitting room paltlang ngei ngei a ngai thung. Sitting room lam a thawm awm avang chuan tu te nge awm ka chiang.
.
" Ekhai, ilo haw ta maw? I thianpa in a ngaihtuah lutuk che a, a hun neih loh tehlul nen a rawn kal a, lo thu teh" ka U in alo tih chuan Sangzuala chuan min lo nuih vur vur a.
.
" Kan inthlak lawk ange" tih pah chuan ka nui ve tho a, room lam ka pan san nghal.
.
" Chaw va ei la, i rawn thu phei ve lawk dawn nia" ka inthlak zo ka chhuak chu ka u in alo ti leh nghal a, Sangzuala erawh a tawng ve lem lo.
.
" Ka chak rih lo. Sawtah ka rawn inhnawhpuar sa a" tih pah chuan thutna awl ah chuan ka thu ve nghal a, ka hmachhawn fo dawn ta sa sa, ka insiamrem a ngai tih ka hria. Enge ka tlanchhiat ngawt bik ang?
.
" Kha, i thianpa nen lo inkawm teh u, chhuahna tur ka nei a, Sangzual, lo leng rawh aw. Veng thenawm ah kal ka ngai a, ka rawn let har lovang. I u Sawmi kha thingpui lo lum tir ula" tih pah chuan ka u chu a tho nulh a, ka va ngei tak.
.
" Hnathawh tur i nei emaw ka tia, keiaiin in in ka thleng hmasa zawk a" a rawn tawngchhuak hmasa zawk ta nge nge.
.
" Ka thawk alawm"
.
" Naupangchhia lutuk. Chaw va ei la"
.
" Ka ei chak rih lo"
.
" I lung ka ti awi lo em ni?"
.
" Ngatimaw? Engmah lungawi lohna ka nei lo"
.
" I lungawi loh chuan chhuanlam ho te hmangin min tlansan thin. Ramnunpuii hian a mizia ala paih hauh lo tih ka chiang" mit zim san chuan min en a, kan naupan lai mizia kha ala theihnghilh bik hauh lo tih a tilang nawn leh ta.
.
" A vawt sia, thingpui i in duh em?" a thusawi chu ka haider lui ve hmak.
.
" Aih, chaw ka la ei lo a, U Sawmi'n rawng min bawl kep a, chaw ka lo ei dawn" ka meng zau kawk. Irene kha chaw ei tur khan a sawm sia!
.
" Tinge?"
.
" Chaw ei a ka sawm ber in min hawsan daih sia"
.
" Ka haw vang kha mi?" Irene chu alo haw ve daih amaw?
.
" Haw daih chiah kha ka sawm awmchhun ania"
.
" Hmmmp, keichu pawh chawp sawm ka ni tihna" ka lung a awi lo kher asin.
.
" Nangmah bak sawm ka neih ka lo hre lo a" nui ruh ruh a a tih chuan ka hmui ka ner sawk thei.
.
Ka hrechhuak. Lawmsangzuala hming hi vawithum ka lam anga, ka theihnghilh zui ang ka tih kha ka ti ta miah lo. Tihngaihnavak awm tawh hek lo. Chaw chu kan ei dun leh ta nge nge. Irene chungchang engmah a sawi ri lo chu lawm tur nge ka hre lo. Mahse keimah vang a a nupui hual nen an inkar a that loh erawh ka duh hauh lo thung.
.
Sunday nileng chuan Sangzual'n min rawn be lo. Mahse tlai lampang ah chuan kan inkawt ah a motor a rawn ding ta zak mai. A motor ka hmuh rual chuan rangzetin room atang ka tlanchhuak a, mahse kawngka ka thlen chuan ka ding chat thung. A motor atang a Irene rawn chhuak hmel ka hmuh chuan ka phurna zawng zawng a bo zo nghal vek thei. Nuisang a an pahnih a ka lam an rawn pan chuan thawk ka la hak a, ka lo nuih ve ngial. Mahse Sangzuala hmel a ka nui lui tih hrethiam tak a mit ti zim san a zawhna mitmeng chu ka hmuh hmaih hran lo. Ni e, he mihring hian kum 17 kal ta a ka mizia kha ala hrechiang hle tih ka hria.
.
" In pahnih a kan hmuh thut che u chu min barakhaih alawm. Lo lut ru" ka lo ti vat a, Irene nuisang phen a min ngaihsan lohna mitmeng pawh ka hai hauh lo. Ni e, min ngaisang lo anih pawhin tih theih vak ka nei chuang lo. Ka ngainep lo a, ngaihsan chhan tur ka hre bik chuang lo.
.
" Nia, kan rawn kal kawi zawk. A thian neihchhun i ni sia, naktuk ah kan chhuk dun dawn sia, zanin ah tih tur kan nei bawk nen, rawn mangtha loh che chu dik in kan hre lo a" Irene zawkin a tih chuan ka nui hak.
.
" Anih chu mawle. Sangzual, phone pawhin min lo mangtha thei tho sia. Lo lut ula" Sangzuala makti mitmeng haiderin inchhung lam hawiin ka inher zui nghal.
.
" Lo thu ru. In buai dun awm tehreng nen min lo phone hmasa ula chuan in hun hlu tak in sen a ngai lo mai tur a nia. Thingpui in duh angem?" tih pah chuan sofa-ah chuan ka thu nghal a, anni pahnih pawh an thu zui ve nghal.
.
" Khawnge U Mama te hi?" Sangzuala a rawn tawng chhuak ve ta.
.
" U Sawmi nu a kawng a herh ve deuh a, an chhung phei a. Thingpui chu ka va lum dawn mi niang?"
.
" Keichu Tea ka in vak lo a. Green Tea a awm loh chuan ka in lo mai ang. Dear, nangpawh i nih tho kha" Irene bawk. A tawngkam ngeiawm zet avang chuan ka sa phat. Mahse ka insum hram hram a ni.
.
" Keichu.."
.
" Green Tea chu kan kawl ve lo tlat mai. In duhzawng pek tur che u kan lo nei lo chu a pawi hle mai. In lo kal leh hun ah chuan lo pek theih ngei che u ka lo tum ang" Sangzuala tawng tur chu pawtchatin ka lo ti vat a, ka lum peih bik reng reng lo.
.
" Kan kal dawn em ni? Puite, chaw min lo chhumkep la, Irene hi ka va drop anga, ka rawn let leh ang. Engemaw sawipui lawk che ka duh" Sangzuala chuan a ti nghut a, Irene hmel phar awk chuan Sangzuala thusawi mak ka tihna tur a ti nep hlauh thung.
.
" Engmaw? Hetah i let leh anga maw?" Irene chu a ding hluai a, Sangzuala a ding zui ve nghal.
.
" Ka sawi ang chu a ni mai. Kal ang. Pui, ka sawi chu aw... U Mama ka lo phone bawk ang. Kal rawh le" tih pah chuan Irene chu kal pel in a kawngka lam a pan zui nghal. Sawi ve tur reng reng ka hre lo. Thil thleng hi a ni teh thut vel vek a ni ber e.
.
" Fimkhur ang che. Ani kha ka pasal hual anih kha" Irene chuan min melh pah chuan a ti nghat a, thinrim hmel zet chuan a chhuak ve nghal a, engkim mai hi mumang ni maiin ka hria. Enge ka fimkhur angaihna ka hre hauh lo.
.
Ka U in min rawn bia a, chaw an ei nghal dawn thu leh Sangzuala chaw chhum kep turin min rawn tia, a sawi ang ngeiin ka U chu alo va be ngei anih hmel. A mizia hi ka hriatthiam loh a awm ve ta nual. Sangzuala a rawn let leh chuan rawng ka lo bawl peih hman. A naupan lai khan sa a ei tam lo a, tunah hian enge a ei duhzawng ka hre em em tawh lo. Mahse Behliang a ngaina tih erawh ka hrechiang viau thung.
.
" Irene chetdan nuihzatthlak tak avang khan ngaihdam ka dil che a nia"
.
" A ho lutuk. Mipa leh hmeichhia thian nih hi chuan kawppuite tan thil ngaihkawih a awl ve alawm. Chaw ei vat i duh awm sia, thingpui chu ka lum tho dawn che nge pi ber thu in green tea chauh i in dawn?" nui var var a ka tih chuan a nui ve hawk a.
.
" Chaw ei chu ka hmanhmawh lutuk lo zawk. Chu ai chuan thil pakhat ka ngen duh che" a hmel thutak zet chuan ka nui lai a ti tawp chat.
.
" Eng thil nge?"
.
" Ka lo let leh hun ah ka nupui ni tur in ka duh che" a thusawi avang chuan ka meng zau kawk. He mihring hi Lawmsangzuala a ni lo ami? Engvang a thu mak pui pui phuhchhuak ta mai nge anih?
.
" Maw?" ka au a ni ber e.
.
" Ka thusawi i hrechiang. Ka lo let leh hun ah nupui atan ka duh che. I U ka dil tawh a, a remti bawk. I thutlukna chiah ka nghak." ka awih thei lo zawk. Tinge tun ni 2/3 chhung hian boruak mak tak tak ka tawn tak vak vak ni?
.
" Ka nu leh pa...."
.
" Ipa nen chuan kan in be reng. Kum 17 chhung kan inhmuh leh theih nan kan tawngtai ve ve. Kan inhmu ta, nupui hual ka nei. Mahse nupui ka la nei em hleinem. ramnunpui, ka nei duh che a ni" a hmel chu a uang hauh bawk si lo. Ni lo, thil theih a ni lo.
.
" I mawl ami?"
.
" Aw, ka mawl. A chhan chu nangmah vang a ni. Karkhat hnu ah ka nupui i ni dawn. Ipa hnen ah pawh nangnen hian inneih kan duh thu ka sawi vek tawh. Naktuk hian i nu leh pa an lo haw ang. Kei erawh Delhi ah ka chhuk ang. Ka ni pawhin ka hmu let leh tawh che tih a hre tawh a, karkhat hun i nei. Ka lo let ni atang a ni 3 na ah ka nu leh pa inkutsuihna Biakin ah ngei kan inkutsuih ang. Mahse lawmna..."
.
" I duhtawk thei em?" a tawng laklawh lai chu ka pawt chat hmak.
.
" Aih"
.
" Kei hian ka nei dawn lo che. Ka ngaihzawng pawh i ni lo a, tin, nupui pasal a innei tur chuan..."
.
" Inngaihzawn kher a ngai lo. Irene nen kan inhualna chu vawiin tlai mai khan a tawp tawh"
.
" Chupawh lo ni ta se nang hi ka nei duh hauh lo mai che"
.
" Pui, ka hria. Mizo zia ka kalpel nasa tih ka hria. Mahse ka nei duh che a ni"
.
" Vawiin ah nupui hual ila nei a, nichin lawk a in inhualna i titawp a, tunah min nei leh duh a. Eng hmeichhia ah nge min ngaih? Hmeichhe sihhnip tak tur ah min..."
.
" A ni lo. I phalna chiah ka nghak tawh. Ka nei duh che. Khawngaihin" a hmel ah chuan a uang lo. Dawtsawi hmellah ka hmu hek lo. He mipa hi a ni lawm ni ka lo nghah char char. Ka thian ni tur in nge ka nghah a ka pasal ni turin?
.
" Ka pa in enge a sawi?" ka zawhna avang a a mitmeng lo de ta sar chu ka hmuh hmaih lo.
.
" I remtih phawt chuan harsatna an neih loh thu a sawi"
.
" A tha e. Chaw ei ang" ka nei dawn tih ka la sawi hauh lo ania. Ka nu leh pa chuan ka duhthlanna ah an innghat ang tih ka chiang. Kum 17 chhung a mipa hming nitin deuhthaw a ka lam awmchhun chu Lawmsangzuala chiah hi a ni. Eng dinhmun ah nge a din mek ka hre lo. Mipa, nupui hual nei, inhualna pawtchat hlim, kum 17 hmalam a ka thian tha ber kha a ni tih chiah ka hria.
.
NEXT EPISODE ATANG A STORY LAIMU KAN KEU HAWNG TAN TAWH ANG.
.
ELTY LUHLUL AUG HNAMTE
.
" Chaw a ei ve dawn tih i sawi lo. Bakah khatiang mihring class lo bul ah chaw ei ka peih reng reng lo" Irene aw a ni. Engtinnge Sangzuala'n a chhan dawn ka hre lo. Ka tlan haw daih dawn nge ka ngaithla reng ang ka hre lo.
.
" Ka thian satliah a ni lo tih ka hrilh che. Ka nu leh pa ai pawh a ka ngaih, khawvel a ka hmuh chak ber mihring a nih hi. A chaw ei ve leh ve loh tur a thutawp siamtu tur chu keimah ka ni" a aw ngaihnobei lo zet a a tih chuan lawm tur ka ni. Mahse mi inkar a tlazep ni a inhriatna ka nei thung.
.
" Min lo hrethiam ula, ka kal a ngai. Monday-a thehluh ngei ngei tur hna ka nei tih ka hrechhuak. Sangzual, kan inhmuh hman tawh loh pawhin duhsakna ka hlan che nia aw... Remchang hmasa ber ah ka lo be dawn che nia" kawngka a luh pah chuan ka ti zung zung a, sofa-a ka bag awm chu la in an hamhaih chet nachang an hriat hma chuan hmanhmawh zet in ka tlan chhuak a, kawngkapui ka thlen dawn chuan Sangzuala chuan min rawn au tuarh a, mahse ding thei ka ni lo. Kum 17 chhung ka nghak, ka thian ni leh turin nge ka nghah a ka ngaihzawng ni tur in ka hre lo. Kan inhmu ta cheng a, ani erawh mi ta ni mai tur alo ni tawh. A nupui hualin min ngaina lo, keipawhin ka ngaina bik lo.
.
Ka hming a min koh tuarh tuarh chu hre reng mahila gate chu tlan pelin chak zetin kawngpui ah chuan ka tlan a, taxi lo tlan chu ka lo phar a, hmanhmawh zetin ak lut zui nghal. Enge ka hmanhmawh ve ngawt chhan hi? A nupui hual awmlaiin keihi Sangzuala khan min um zui ka ring amaw? Thil awihawm loh ber pawl ani hial ang. Taxi driver hnen ah chuan kalna tur hmun pakhat ka hrilh. Chu hmun chu school ka kal tantirh a Sangzuala hnung ka zui tanna hmun a ni. Vawiin hi inrinni a ni, school kal an awm dawn lo. Sangzuala ka thinlung atang a ka paih dawn avangin kan sulhnu awmchhun ang ang tlawh kual ka duh. Sulhnu tehchiam kan nei lo, school ka tlawh zawh ah Friday tlai apiang a kan kal kawi ziahna, school chhak deuh a tlang ah ka kal leh ang. Chumi hmun ah chuan vawi 3 Lawmsangzuala hming ka lam anga, chu chu ka lam tawpna ber tur a ni bawk ang.
.
Kan inbihruksiak chang a ka bihrukna ber thin thingkung bulah chuan ka va thu a, thingkung ngheng in ka thu a, ka hlimna tur emaw ka tih kha ka hlimpui reilo chiang kher mai. A tha vek e. Kum 17 chhung khan a tello in hun ka hmang liam tawh a, hmuh leh chak em em thin ni mahila tunah chuan amah hlat thei ang berin ka awm tawh dawn a ni. A thil tum avang erawh chuan ka la hmu leh fo in ka ring. Mahse ka hmuh dan a dang tawh dawn a ni.
.
In ka thlen chuan khua a thim ruai tawh. Kan in kawt a motor ding ka hmuh chuan ka duh aia hma in Lawmsangzuala chu ka hmu dawn anih hmel. Inchhung luh chu chak viau lo mahila kan chhungkaw zing ami ni lo vang a kan inchhung luh loh ngawt tur thu awm hek lo. Ka lut ta nge nge. Ka U nupui choka ah alo awm a, min lo chiau-au vat a, min lo biak dan atang chaw ka la ei lo tih alo hre sa vek tih ka hria. Mahse room lam ka pan san zui nghal. Ka room kal turin sitting room paltlang ngei ngei a ngai thung. Sitting room lam a thawm awm avang chuan tu te nge awm ka chiang.
.
" Ekhai, ilo haw ta maw? I thianpa in a ngaihtuah lutuk che a, a hun neih loh tehlul nen a rawn kal a, lo thu teh" ka U in alo tih chuan Sangzuala chuan min lo nuih vur vur a.
.
" Kan inthlak lawk ange" tih pah chuan ka nui ve tho a, room lam ka pan san nghal.
.
" Chaw va ei la, i rawn thu phei ve lawk dawn nia" ka inthlak zo ka chhuak chu ka u in alo ti leh nghal a, Sangzuala erawh a tawng ve lem lo.
.
" Ka chak rih lo. Sawtah ka rawn inhnawhpuar sa a" tih pah chuan thutna awl ah chuan ka thu ve nghal a, ka hmachhawn fo dawn ta sa sa, ka insiamrem a ngai tih ka hria. Enge ka tlanchhiat ngawt bik ang?
.
" Kha, i thianpa nen lo inkawm teh u, chhuahna tur ka nei a, Sangzual, lo leng rawh aw. Veng thenawm ah kal ka ngai a, ka rawn let har lovang. I u Sawmi kha thingpui lo lum tir ula" tih pah chuan ka u chu a tho nulh a, ka va ngei tak.
.
" Hnathawh tur i nei emaw ka tia, keiaiin in in ka thleng hmasa zawk a" a rawn tawngchhuak hmasa zawk ta nge nge.
.
" Ka thawk alawm"
.
" Naupangchhia lutuk. Chaw va ei la"
.
" Ka ei chak rih lo"
.
" I lung ka ti awi lo em ni?"
.
" Ngatimaw? Engmah lungawi lohna ka nei lo"
.
" I lungawi loh chuan chhuanlam ho te hmangin min tlansan thin. Ramnunpuii hian a mizia ala paih hauh lo tih ka chiang" mit zim san chuan min en a, kan naupan lai mizia kha ala theihnghilh bik hauh lo tih a tilang nawn leh ta.
.
" A vawt sia, thingpui i in duh em?" a thusawi chu ka haider lui ve hmak.
.
" Aih, chaw ka la ei lo a, U Sawmi'n rawng min bawl kep a, chaw ka lo ei dawn" ka meng zau kawk. Irene kha chaw ei tur khan a sawm sia!
.
" Tinge?"
.
" Chaw ei a ka sawm ber in min hawsan daih sia"
.
" Ka haw vang kha mi?" Irene chu alo haw ve daih amaw?
.
" Haw daih chiah kha ka sawm awmchhun ania"
.
" Hmmmp, keichu pawh chawp sawm ka ni tihna" ka lung a awi lo kher asin.
.
" Nangmah bak sawm ka neih ka lo hre lo a" nui ruh ruh a a tih chuan ka hmui ka ner sawk thei.
.
Ka hrechhuak. Lawmsangzuala hming hi vawithum ka lam anga, ka theihnghilh zui ang ka tih kha ka ti ta miah lo. Tihngaihnavak awm tawh hek lo. Chaw chu kan ei dun leh ta nge nge. Irene chungchang engmah a sawi ri lo chu lawm tur nge ka hre lo. Mahse keimah vang a a nupui hual nen an inkar a that loh erawh ka duh hauh lo thung.
.
Sunday nileng chuan Sangzual'n min rawn be lo. Mahse tlai lampang ah chuan kan inkawt ah a motor a rawn ding ta zak mai. A motor ka hmuh rual chuan rangzetin room atang ka tlanchhuak a, mahse kawngka ka thlen chuan ka ding chat thung. A motor atang a Irene rawn chhuak hmel ka hmuh chuan ka phurna zawng zawng a bo zo nghal vek thei. Nuisang a an pahnih a ka lam an rawn pan chuan thawk ka la hak a, ka lo nuih ve ngial. Mahse Sangzuala hmel a ka nui lui tih hrethiam tak a mit ti zim san a zawhna mitmeng chu ka hmuh hmaih hran lo. Ni e, he mihring hian kum 17 kal ta a ka mizia kha ala hrechiang hle tih ka hria.
.
" In pahnih a kan hmuh thut che u chu min barakhaih alawm. Lo lut ru" ka lo ti vat a, Irene nuisang phen a min ngaihsan lohna mitmeng pawh ka hai hauh lo. Ni e, min ngaisang lo anih pawhin tih theih vak ka nei chuang lo. Ka ngainep lo a, ngaihsan chhan tur ka hre bik chuang lo.
.
" Nia, kan rawn kal kawi zawk. A thian neihchhun i ni sia, naktuk ah kan chhuk dun dawn sia, zanin ah tih tur kan nei bawk nen, rawn mangtha loh che chu dik in kan hre lo a" Irene zawkin a tih chuan ka nui hak.
.
" Anih chu mawle. Sangzual, phone pawhin min lo mangtha thei tho sia. Lo lut ula" Sangzuala makti mitmeng haiderin inchhung lam hawiin ka inher zui nghal.
.
" Lo thu ru. In buai dun awm tehreng nen min lo phone hmasa ula chuan in hun hlu tak in sen a ngai lo mai tur a nia. Thingpui in duh angem?" tih pah chuan sofa-ah chuan ka thu nghal a, anni pahnih pawh an thu zui ve nghal.
.
" Khawnge U Mama te hi?" Sangzuala a rawn tawng chhuak ve ta.
.
" U Sawmi nu a kawng a herh ve deuh a, an chhung phei a. Thingpui chu ka va lum dawn mi niang?"
.
" Keichu Tea ka in vak lo a. Green Tea a awm loh chuan ka in lo mai ang. Dear, nangpawh i nih tho kha" Irene bawk. A tawngkam ngeiawm zet avang chuan ka sa phat. Mahse ka insum hram hram a ni.
.
" Keichu.."
.
" Green Tea chu kan kawl ve lo tlat mai. In duhzawng pek tur che u kan lo nei lo chu a pawi hle mai. In lo kal leh hun ah chuan lo pek theih ngei che u ka lo tum ang" Sangzuala tawng tur chu pawtchatin ka lo ti vat a, ka lum peih bik reng reng lo.
.
" Kan kal dawn em ni? Puite, chaw min lo chhumkep la, Irene hi ka va drop anga, ka rawn let leh ang. Engemaw sawipui lawk che ka duh" Sangzuala chuan a ti nghut a, Irene hmel phar awk chuan Sangzuala thusawi mak ka tihna tur a ti nep hlauh thung.
.
" Engmaw? Hetah i let leh anga maw?" Irene chu a ding hluai a, Sangzuala a ding zui ve nghal.
.
" Ka sawi ang chu a ni mai. Kal ang. Pui, ka sawi chu aw... U Mama ka lo phone bawk ang. Kal rawh le" tih pah chuan Irene chu kal pel in a kawngka lam a pan zui nghal. Sawi ve tur reng reng ka hre lo. Thil thleng hi a ni teh thut vel vek a ni ber e.
.
" Fimkhur ang che. Ani kha ka pasal hual anih kha" Irene chuan min melh pah chuan a ti nghat a, thinrim hmel zet chuan a chhuak ve nghal a, engkim mai hi mumang ni maiin ka hria. Enge ka fimkhur angaihna ka hre hauh lo.
.
Ka U in min rawn bia a, chaw an ei nghal dawn thu leh Sangzuala chaw chhum kep turin min rawn tia, a sawi ang ngeiin ka U chu alo va be ngei anih hmel. A mizia hi ka hriatthiam loh a awm ve ta nual. Sangzuala a rawn let leh chuan rawng ka lo bawl peih hman. A naupan lai khan sa a ei tam lo a, tunah hian enge a ei duhzawng ka hre em em tawh lo. Mahse Behliang a ngaina tih erawh ka hrechiang viau thung.
.
" Irene chetdan nuihzatthlak tak avang khan ngaihdam ka dil che a nia"
.
" A ho lutuk. Mipa leh hmeichhia thian nih hi chuan kawppuite tan thil ngaihkawih a awl ve alawm. Chaw ei vat i duh awm sia, thingpui chu ka lum tho dawn che nge pi ber thu in green tea chauh i in dawn?" nui var var a ka tih chuan a nui ve hawk a.
.
" Chaw ei chu ka hmanhmawh lutuk lo zawk. Chu ai chuan thil pakhat ka ngen duh che" a hmel thutak zet chuan ka nui lai a ti tawp chat.
.
" Eng thil nge?"
.
" Ka lo let leh hun ah ka nupui ni tur in ka duh che" a thusawi avang chuan ka meng zau kawk. He mihring hi Lawmsangzuala a ni lo ami? Engvang a thu mak pui pui phuhchhuak ta mai nge anih?
.
" Maw?" ka au a ni ber e.
.
" Ka thusawi i hrechiang. Ka lo let leh hun ah nupui atan ka duh che. I U ka dil tawh a, a remti bawk. I thutlukna chiah ka nghak." ka awih thei lo zawk. Tinge tun ni 2/3 chhung hian boruak mak tak tak ka tawn tak vak vak ni?
.
" Ka nu leh pa...."
.
" Ipa nen chuan kan in be reng. Kum 17 chhung kan inhmuh leh theih nan kan tawngtai ve ve. Kan inhmu ta, nupui hual ka nei. Mahse nupui ka la nei em hleinem. ramnunpui, ka nei duh che a ni" a hmel chu a uang hauh bawk si lo. Ni lo, thil theih a ni lo.
.
" I mawl ami?"
.
" Aw, ka mawl. A chhan chu nangmah vang a ni. Karkhat hnu ah ka nupui i ni dawn. Ipa hnen ah pawh nangnen hian inneih kan duh thu ka sawi vek tawh. Naktuk hian i nu leh pa an lo haw ang. Kei erawh Delhi ah ka chhuk ang. Ka ni pawhin ka hmu let leh tawh che tih a hre tawh a, karkhat hun i nei. Ka lo let ni atang a ni 3 na ah ka nu leh pa inkutsuihna Biakin ah ngei kan inkutsuih ang. Mahse lawmna..."
.
" I duhtawk thei em?" a tawng laklawh lai chu ka pawt chat hmak.
.
" Aih"
.
" Kei hian ka nei dawn lo che. Ka ngaihzawng pawh i ni lo a, tin, nupui pasal a innei tur chuan..."
.
" Inngaihzawn kher a ngai lo. Irene nen kan inhualna chu vawiin tlai mai khan a tawp tawh"
.
" Chupawh lo ni ta se nang hi ka nei duh hauh lo mai che"
.
" Pui, ka hria. Mizo zia ka kalpel nasa tih ka hria. Mahse ka nei duh che a ni"
.
" Vawiin ah nupui hual ila nei a, nichin lawk a in inhualna i titawp a, tunah min nei leh duh a. Eng hmeichhia ah nge min ngaih? Hmeichhe sihhnip tak tur ah min..."
.
" A ni lo. I phalna chiah ka nghak tawh. Ka nei duh che. Khawngaihin" a hmel ah chuan a uang lo. Dawtsawi hmellah ka hmu hek lo. He mipa hi a ni lawm ni ka lo nghah char char. Ka thian ni tur in nge ka nghah a ka pasal ni turin?
.
" Ka pa in enge a sawi?" ka zawhna avang a a mitmeng lo de ta sar chu ka hmuh hmaih lo.
.
" I remtih phawt chuan harsatna an neih loh thu a sawi"
.
" A tha e. Chaw ei ang" ka nei dawn tih ka la sawi hauh lo ania. Ka nu leh pa chuan ka duhthlanna ah an innghat ang tih ka chiang. Kum 17 chhung a mipa hming nitin deuhthaw a ka lam awmchhun chu Lawmsangzuala chiah hi a ni. Eng dinhmun ah nge a din mek ka hre lo. Mipa, nupui hual nei, inhualna pawtchat hlim, kum 17 hmalam a ka thian tha ber kha a ni tih chiah ka hria.
.
NEXT EPISODE ATANG A STORY LAIMU KAN KEU HAWNG TAN TAWH ANG.
Comments
Post a Comment