LAWMSANGZUALA - 5
LAWMSANGZUALA - 5
.
ELTY LUHLUL AUG HNAMTE
.
Kha zan atang khan ni hnih a liam leh tawh. Sangzuala chu ka lak atang a in la hrang leh ta viau, pawi ka ti hran lo. Mahse thian ang chauh chuan ka en tawh lo tih ka chiang em em thung. Nitin chaw kan ei dun a, a chang chuan TV te pawh kan ei dun. Inthlan hun a incandidate tur te chaw eikhawm ni pawhin a nupui nih kha nuam ka ti em em. Nupa inlungrual tak kan ang bawk. Mahse kan inkar ah Irene ala tlazep miau a, ka beidawntir hma chuan a lak a tlawm nawn leh hi ka tum hauh tawh lo. Min beisei ang pawhin a awm tawh ngai lem lo bawk.
.
" I thiltih tur ah hian han thlawp vak ngaihna che ka hre lo a, ti tur a min beisei ang hi nangmahin min hrilh mai thei la ka duh a ni" tukthuan eikham a sitting room lam a kan thutdun lai chuan ka ti bauh a, a ni reng bawk. Han puih vak ngaihna ka hre miau lo a ni.
.
" Aw le. Hmanni avang khan ka lawm lutuk e. Chuan, krismas zawh atang hian campaign ka tan dawn tawh a, nangchu hna nei i ni sia, ilo inrawlh ve vak a rem dawn lo a, Irene kha a hna a chawlhsan rih dawn a, min rawn pui thei mai anga"
.
" A lawmawm chu" ka thinrim lutuk chu ka aw pawh a khur ve dat thei.
.
" I tan pawh a hahdamthlak zawk ang. Zin chhuah te a ngai ve dawn bawk sia"
.
" A tha alawm. In tan pawh a nuam zawk ang" hlim hmel deuh chuan ka ti ve ngat. Na awm ang a awm ka tum hauh lo.
.
" Engemaw sawidun ka duh a..."
.
" ummm"
.
" Irene nen hian kan inneih hnu ah engtinmah kan awm lo. Ka unaunu a ni tih i hriat kha. I ngaihdan ang kha engmah a thleng hauh lo ania"
.
" Ava lawmawm ve. Dawt chiang tak a sawi ngam pasal ka nei hi ka thiam loh a ni ngei ang" nuih hak pah chuan ka ti nghat a, ka mit in a thawmhnaw ha mumal lo a kan nupa room a an awm ka hmuh pawh kha dawt tho a ni ngei ang.
.
" Puite, mipa ka ni. Ka duh ka thlang che a, engvang a a ni kha la kawp tur a min ring tlat nge i nih ka hre lo. Mahse..."
.
" Sawi lo zawk ang hmiang. Ka duhaiin ka tawng tam palh hlauh ange"
.
" Ni lo. Tunah hian sawifel vek ang. Nupa kan ni, room hran ah kan mu..."
.
" A chhan chu i hmei in ka pasal chauh pawh ni lo, kan nupa khum lehzel chu min tawm ka duh lo miau alawm. Nangpawhin i remti thlap alawm"
.
" I thinrim lai a dan che ka duh loh vvang zawk a remti chauh ka ni. I pasal hi tumah in an tawm lo che. Tawm mai mai theih mipa ah min ngai anih chuan i rilru kha siamtha vat tur in ka duh che"
.
" Lawmsangzual, i duh i hmu tawh a, a bak enge ka lak a beisei ila neih? I nupui ka nih ang in i duh thu ngeiin ka thianghlimna i la a, i thil tih ah ka thlawp reng bawk che. A bak chu ka lak ah beisei lo hram ang che" ka ti va hmak mai. Ni e, ka peih reng bik lo. A duh ang in ka thianghlimna a la a, a thiltih ah ka thlawp lo ngai lo. Ka hua tih hrereng chungin acampaign pui turin Irene ala sawm ngam fo a, alak ah hian that chhuah reng bik tur ka nih ka hre hauh lo.
.
" Zanin atang chuan khum khat ah kan mu dun ang"
.
" Wow! I duh chu sex tihna em ni? Min pawngsual leh dawn..."
.
" Ngawirawh. Rapthlak lutuk" a aw-ki avang chuan ka phu zawk a, khatiang em em a vin khan min la be ngai lo.
.
" Chu chu i duh chu a ni lo em ni?" hmai thal ha chuan ka ti let ve sak. Hmeichhe nasa tak ang in min hmu ngei ang tiraw? I pasal kha a nupui hual hlui nen inzui reng ta se, keiai hian i nasa angem?
.
" Ka duh ni a i ngaih ang apiang chu ni rawh se. Mahse ka bul ah i mu ngei ang" tih nghut pah chuan a tho a, inchung lam ah a chho zui nghal. A duh ang chu a hmu bik hauh lovang. Rangzetin TV ka off a, kawngka vel ka en nawn thuak thuak hnu chuan Sangzuala lo chhuah leh hma ngeiin ka room ah ka lut hman tur a ni. Kawngka ka kalh anga, tihngaihna a hre dawn chuang lo.
.
Kan nupa room chu ka va bih dak dak a, Sangzuala chuan phone alo hmang a, ngaihthlak chakna ka nei tlat pek. Thawk pawh thaw tha ngam lo chuan ka ngaithla a, mahse politics chungchang daih a sawi avang chuan rangzetin ka room lam ka pan lehnghal a, a rawn luh ve hma ngei a kawngkalh tum ka ni bawk a, ka kalh hman chiang teh e. Ka thawmhnaw chu ka thlak a, a vawt tha kher mai. Rangzetin ka mu nghal a, phone ka khawih mawlh mawlh a, khawih tur em em ka hre lem lo. MERMENT STORY GROUP fb lam ah ka lut a, Nutei Tuahzo ziah, Despacito chu alo complete tawh avang chuan ka chhiar nghal vat a, ngaihnawm ka ti kher mai. Chuta kar ah ka mi huat em em hming ang chiah misualnu atan alo hmang ve bawk nen, Irene tih hming ringawt pawh ka haw hlur tawh.
.
" Kawngka rawn hawng teh" pawn lam atang a Sangzuala'n a rawn ti chu ka phu zawk thei. Rilru pe tak a story ka chhiar lai a ni bawk nen, ka haw kher mai. Tin, ka hawng dawn chuang lo. Ka muhil der tlat a, a beidawn hun ah a mu ve mai ang.
.
" Ka tawng i hria tih ka hria, i hawng dawn nge kawngka hi ka tichhe dawn" 20mins vel zet a ral tawh, a beidawng duh dawn lo a ang riau. Mahse keipawh ka tlawm bik hauh lovang. Hetiang reng hian ka dang thei dawn lo tih hre mahila zanin ah kher kher chuan a chan tha zawk ka ni miau a, nakin a min hremna tur ngaihtuah reng chungin ka tlawm dawn chuang lo.
.
Ka harh chu sana ka en zauh a, zinglam dar 3 a ri tep. Ka mutthilh lai reng reng ka hre lo. Khua lah chu a vawt hrep lehnghal. Sangzuala ka hrechhuak zawk. Thawm a awm tawh loh dan ah a beidawng anga, a mu ve ta aniang. Ka tui a hal avang chuan ka tho a, ka room kawngka bul a filter ka dah chu ka va pan a, tui chu thli chhuakin tui ka in tur chu pawnlam a khuh kharh ri ka hriat avang chuan ka phu dawrh thei. Tun ang hun ah hian Sangzuala chu a mu daih tawh awm sia, tunge ni ta ang? Hlauhna chuan min rawn tham a, ka hmulthi a ding sung sung thei. Ka tui in tur pawh chu ka ngaihtuah tawh lo. Au tum a ka inngaihtuah lai tak chuan a rawn khuh leh. Mahse chu khuh ri chu tu khuh nge ka hrechiang ta e. Sangzuala ngei a ni. Tun ah hetah ala awm amaw? Luhlul lutuk.
.
" Hey, i..." kawngka ka va hawng chu ka tum aiin a che rang. Vawt tih vang a khur dar dar chung chuan ka room kawngka chu a rawn nek hawng lawp a, engmah sawi lo chuan ka mutphah ah chuan a mu thla nghal a, tawng ngaihna pawh ka hre lo. Ka puansin lai chuan a inkhuh hlun a, tih theih ka nei tawh lo. Puansin tur hran ka dah miah lo chu ka mawlna pakhat a ni. Lungawi lo zet chuan a bul ah chuan ka zuk mu ve ta nge nge. A chesawn lo a, a taksa a vawt viau bawk. Vawt tih tawh sa naklaiin a vawt zualin ka hria. Ngawireng chuan ka mu meng kar a, a taksa alum deuh hnu chuan a che hrut a, min rawn kuah hlun a, a muhil ni in ka hria. Engvang a khatiang khawvawt hnuai a awm tlat duh nge anih?
.
Ka harh chu ka taksa a sil ve deuh hlek. In leh tum a kan che tur chu ka bul ah Sangzuala a mu tih ka hrechhuak chiah. Tih harh hlau deuh chuan ka in let a, puanzar kar a eng lo lut in a hmai a chhun chu ka en vang vang a, a mu tui em em bawk. Tin, a mithmul chhah tap leh a hmui chhah tap mai chu a inhmeh takzet. Chu ai mah chuan a hnar ngul in vuah fuh zet mai chu a ni ti lang tha lehzual tu chu.
.
" I mit a tla ange" che miah lo leh meng miah si lo a a tih chuan ka phu nasa ngei mai.
.
" Hmmmp... Kan tho ange" zahzel ah ka ti ringawt. Mahse ka che tur chu nghet zet in min rawn kuah a, a taksa lum ham ham chu ka feel vang vang thei.
.
" Ti hian awm lawk ang" ka beng bul a a tih sup chuan chet nachang pawh ka hre lo. Keipawhin nuam ka ti ve tho. Inngeih loh reng hi hrehawm ka ti. Irene hi lo piang ve ta lo se buaina kan tawk lo tur.
.
" Nizan ang a vawt tuar tur khan min siam tawh suh aw... I bul ah ka mu duh. Mahni a mut hi ka hne, ka kham ngawih ngawih tawh. Ka bul ah mu ziah tawh rawh aw" a aw-ri atang chuan mipa naupang in a nu hnen a a bul a mu tur a a ngen hi ka tehkhin ber.
.
" Tinge i khum ah iva mut ve mai loh?"
.
" Aih. Ka hne, ka hlau, mahni mut leh hi ka hlau tawh a ni. Mangchhia hi ka hne, i bul ah tui tak a mut ka chak. I duh loh chuan ka khawih lo ang che. Mahse i bul ah ka mu ziah tawh dawn" a aw ah chuan na tuar hrep a ang ber.
.
" Enge i thusawi awmzia?"
.
" Nakin ah ka la hrilh ang che. Mahse zan tin i bul a mut ka duh tawh. I phal ang tiraw?" mipa naupang a ang tak zet. Engvang a hetiang thu hi sawi ta mai nge anih ka hrethiam lo. Mahse a aw ah ti der a ni lo tih erawh ka chhungril hian a hria a ni.
.
" Aw le. Mahse tho phawt ila, nakin ah kan sawi dun leh dawn nia"
.
" Aih, min tiam rawh. I bul ah hlir ka mu tawh ang tih min tiam rawh"
.
' A chhan ka hriat miau loh chuan engmah ka tiam thei lo che" muangchangin min kuahna chu a thlah a, a hmel en tur chuan ka hmai chu a kuai dak a.
.
" I pasal ka nihna ang in ka bul ah i mu tur a ni. A bak ka sawi thei rih lo a ni" a uang lo a, thu min pe lo, mahse a thusawi chu pawm turin min duh tih ka hria.
.
" Pawi ka ti hle mai. A chhan ka hriat loh chuan i bul ah ka mu hauh lovang" ka ti ve tlat thung. Tihluihna in min mut tir thei bik ngawt lo.
.
" A tha e" tih pah chuan a tho vut a, angaihna ka hre lo kher mai. Ka thin a rim lo a, mahse a chhan hriat ka duh ve a ni mai a, engvang a thinrim nge anih ka hre hauh lo. A pawi lo, a duh leh thinrim mai mai teh se. A duh duh a a tihkawi tur ka ni bik lo tih hre ve teh se.
.
Tukthuan pawh kan ei rual ta lo. Vani chuan ka chhukthlak chuan apu chhuah tawh thu leh chaw ei a lo nghak lo mai tur a min tih thu a sawi chuan chaw ei ka siam tir zui nghal. A lung a awi lo anih pawhin enge pawi? Ka bul a mut a duh chhan chu min hrilh ve tur ani dawn lo mi? Nileng chuan ka rilru erawh a nuam chuang miah lo. Office ah pawh ka hlim lem lo khawp mai. Kan pu hnen ah ban hma ka dil a, ka haw hma a, mahse in a haw tlang lovin bazar ah ka kawi a, ka room lam a vawh deuh avangin room ti lum thei tur heater ka lei haw a, scooty ka ken peih loh avangin taxi ka la a, kan in lam a kal kawi ka chak viau nangin ka nu phal loh ber, hna ban pah a pasal te tello a mahni in lam a kal zuk zuk anih avangin ka kal kawi ngam ta lo.
.
In ka thlen chuan Sangzuala motor alo awm tawh a, eng ti ber in nge a chhuah thin hriat ka tum lo. Inthlan tur chungchang ah bak a chhuah ka ring lo. Tak a, ka la sawi miah loh chu, Sangzuala hian Delhi ah dawr lian tak tak 3 lai a nei a, pakhat ah partnership ang in a nei bawk a ni. A dawr pakhat hi a ni in a enkawl a, ani hi kan inneih ni a a rawn kal bak kha kan la inhmu leh lo. Nu fel tak ni in ka hria. Tin, a lu a zo vah bawk. Sangzuala hi a hmangaih tih a hriat ngawih ngawih bawk. A nu erawh vawikhatmah kan la sawi ri dun leh lo. Sawi a duh hun ah min la hrilh ve mai aniang chu.
.
" I pu alo haw tawh ami?" inchhung ka luh rual chuan Vani chu ka zawt nghal a. Mahse ka tum loh zawk atang chhanna ka hmu thung.
.
" Zanin chu helam ah rawn riah ka tum a, a rem ang chu maw?" irene chu choka luh dawn kawngka ah chuan a rawn ding a, inbual zo hlim hlawl tih hriat takin ka pasal bathrobe ngei mai a ha bawk.
.
" I unaupa in ah dil kher a ngai hleinem" ka ti ve sak a, ka chhungril erawh a sa phat phat ngei mai.
.
" Enge ilo hawn a?" Vani chuan alo ti vat a, ka heater khai chu alo la vat bawk. Ka mitmeng a ka room awmna lam ka melh chuan rangzetin ka thil hawn chu a khai chho a, Irene nen chuan kan inhmachhawn ta ran mai.
.
" Engtikin nge ilo haw a?" ka tawng chhuak hmasa ta zawk. Sangzuala thawm reng reng ka la hre lo.
.
" vawiin ah. In pa in a hrilh na che nge? In pa in min rawn hruai alawm. Tun tum chu helam ah ka cheng ve rih ang chu ka tia. In pa in amah pui turin min rawn chah ngun ang reng sia" a tih chuan ka nui lui sak.
.
" Nia. Ka pui ve hman ngang si lo a, a unaunu berin a puih te chuan ka tan pawh a ngaihthat thlak ang chu" an inkar ah engemaw awm thin leh awm mek hi sawichhuak hmasa tu nih ka tum hauh lo.
.
" A nupui hual hlui pawh..."
.
" Hah! Kha kha chu in inhualna a tawp rual khan a tawp ve nghal ang chu. Mahni pasal hual ten hmeichhe dang vang a inhualna ti tawp a midang a neih hmak te chuan nang ang hmeichhe tha lutuk tan chuan hawisan hmak chi a ni tih te chu ka hrethiam ve alawm" kuangkuah at a ding chung chuan ka ti ve hmak a, ka nui lui sang bawk.
.
" Ilo haw tawh elaw?" ka pasal ngei mai chu inbual zo tih hriat zet in sam la huh chung chuan a rawn lang thut a, an pahnih in inbual zo hlim, enge ka rilru a awm tur awm ang chu lo ngaihtuah ve mai rawh u.
.
" Nia. Ka han intifai ve ange, in fai dun tawh sia" hlim hmel tak chuan ka lo ti vat a, Irene chu nuihsak pahin inchung lam ka pan zui nghal. Ka room ka luh chuan Vani chu tukverh bul ah alo ding a, a hmel chu a lungawi lo tih a hriat.
.
" Vani, ka heater hi min fit pui chhin la, room a lum nuam deuh dawn a ka tia, ka rawn lei risk ve tawp a" ka tih chuan Vani chu alo in her vat a, a mittui tla ka hmuh chuan mak ka ti kher mai.
.
" Hey, engatinge? Enge thil awmzia?" tih pah chuan ka pan vat a, chutah chhuak em em in a rawn tap ta. Ka va pawm vat a, hetiang ang hmel hian ka la hmu ngai lo.
.
" U Puite, haw ka duh" tap tiau a a tih chuan angaihna ka hre lo kher mai.
.
" Enge thil awmzia?"
.
" Tlai ah khan Pu a chhuak leh lawk a, chumi hlan chuan U Irene kha thingpui ka lum sak a, ka va pe tur kha ka tibaw palh a, min beng a" ka sa kher mai. Ka unaunu ang mai a ka en hi pawnlam mi in kut an thlak hi ka ngaithei hauh lo.
.
" Lawks" tih pah a ka kal tur chu Vani chuan min pawt bet a.
.
" Engtinmah ti suh. Pu ka hlau" an la ti zui zet phei chu ka thin a rim zual.
.
" I tan a hrehawm turin ka ti hauh lovang. Hetah hian lo awm..."
.
" Vani" inhnuai atang chuan vin zetin Irene chu a rawn au a, ka insum hman tawh lo. A awmpui a ni lo a, hlawh pe tu a ni hek lo. Vani min kuahbetna chu ka phihthla dawrh a, hlauthawng zet a Vani'n min auh pawh chu ka ngaithla hman tawh lo. He in a chhungpuinu hi ka ni. Ka pasal hmei ve mai mai in hetiang a ka inchhung a ro a rawn rel hi ka ngaithei hauh lo. Ka pasal min tawm a, kan nupa khum min tawm tawh bawk a, abak chu a kal belh ka phal hauh lo.
.
" Engatan nge i rawn koh?" inhnuai pan chhohna tur a Irene lo ding al chu ka zuk pan thla ve thung.
.
" Ka ril a tam a, chaw ei siam tawh se ka ti" pangai tak chuan a ti ve mai a, mahse ka lung a awi chuang lo.
.
" I ril a tam chuan lo ei ve mai rawh. I ei tur mah a siam tawh a, a dang kha chu lo inbuaipui ve mai rawh" bung hmak a ka tih chuan Irene chu a mengphawk nasa mai.
.
" Khatiang khan ka unaunu chung ah tawngkam i chheh tur a ni lo" Sangzuala chu a rawn kal phei a, ka thin a rim ngei mai.
.
" He inchhung ah hian chhungkaw nu..."
.
" Ramnunpui, min chhang suh" Sangzuala chuan a ti leh hrawk a, ka ngawi chiang teh e. Irene hnehtu in ti hmel chu ka zuk en a, ka inher a, ka hnung a Vani hlauh hmel tak a lo ding chu ka en a.
.
" Chaw ei chu zuk siam sak la, keichu min lo siam kep rih lo mai ta che aw" ka ti sap a, Sangzuala min auhna chu haiderin ka room lam panin ka tlanchho zui nghal.
.
Room ka lut chiah chu ka mutna ah ka bawk thlawp a, ka mittui tla chu ka dang hman lo. Khatiang ang a midang hma a min tawngkhum kha na ka ti bawk. Tukin vang a a lungawi lo anih pawhin midang hma ah khatiang a min tawngkhum kha ka beisei hauh lo. Midang hma a tlawm takin ka dah ngai lo a, a tan nupui tha ber ang maiin ka awm thin. Min chhanlet dan hian min ti na a, chupawh Irene thlavang a hauh vang ala ni zui kher bawk.
.
" U Puite, chaw ka lo pe ang che aw" Vani msg a ni.
.
" Aih, ka ril a tam lo. Ngaihngam deuhin mu rawh. A tam chuan nakin ah ka lo ei mai dawn nia" ka reply a, min rawn reply tawh lem lo. Ka khawngaih a, mahse chhuah thlak emaw, ka room ah emaw tumah an lo kal ka duh rih lo. Ka mittui a tla tih hi tumah in an hriat ka duh lo. Ka chaklohna hi tumahin an hmuh a an hriat ka duh lo.
.
Zing ka thawh thlak chuan Sangzuala alo tho tawh a, sofa-ah alo thu khur bawk. Ka chhuk chu min lo melh zawk a, a chanchinbu ken lai chu min melhsan lehnghal. Engpawhnise tun ah ngei hian hmachhawn ka duh a ni.
.
" Ka be duh che" a hma ah chuan ka thu a, ka kut ka kuangkuah at bawk. A chanchinbu kar atang chuan min rawn melh zawk a, chanchinbu bawk chu min bihsan lehnghal.
.
" Ka thusawi chu i hre lo em ni?" ka ti nawn veleh ngat a, min ngaihsak duh miah lo chu ka haw em em bawk.
.
" Sawi rawh"
.
" Enteh, pawnlam mi hma ah khatiang khan min ti tawh tur..."
.
" Ka unaunu hi pawnlam mi a ni lo. Tin, i pasal unaunu chu i awmpui ve mai mai vangin..."
.
" Ka awmpui mai mai a ni lo. Ka farnu ang chiah a ka en anih hi"
.
" Aw, chupawh lo ni ta se ka unaunu hi i unaunu ang a i en vang a i ankhum ka duh lo"
.
" I unaunu hian ka unaunu hi kut alo thlak tawh tur a ni lo."
.
" Chuzawng ka hriatpui hauh lo mai" a chanchinbu ken chu a dah ve ta nge nge.
.
" Ilo hre tawh dawn nia. Tin, he inchhung a i nupui ka nih chhung chuan he inchhung ah hian thuneihna ka nei ve tih hria la, pawnlam mi in duh duh a he inchhung thil an rawn siksawi ka remti ngai lovang. A ngam chuan ti lui rawh se, keimah ngei min hmachhawn ang. Tupawh, i nu leh pa an nih loh chuan i unaute pawh ka sawitel vek a nih chu. Tumah an rawn inrawlh tur a ni lo" ka thaw a chham lo chauh. Mahse ka sawichhung zawng min lo hnial lo hrim hrim pawh chu ka lawm a ni.
.
" A tha alawm. I duh ang ngei chuan ni rawh se. Mahse he inchhung a ka nupui i nih chhung chuan ka duh ang in i nung ve dawn nia"
.
" Min tihluih theihna i nei hauh lo. I mamawh ohuhruksak tur..."
.
" Ramnunpui, i tawng tam lutuk mah mah" a tawng ring lo, mahse a hlauhawm tih ka hria.
.
Ngawirengin ka tho a, ka tawng leh chuan a tawp thlen ka duh hial tawh dawn, mahse Irene lak a tlawm chu ka duh lo bur. Chuvangin ngawih mai kha a finthlak zawk a ni. Irene chu kan nupa room ah a riak tih Vani'n thingpui a han pek zawh chuan ka hre ve chiah. Vani chu a hlim lo a, nizan lam ah a tap nasa tih a mitmeng ah ka hre bawk. A innghahna ber kei hian ka chhan hleithei mang si lo a, ka khawngaih tak zet a ni.
.
Chaw eikham chuan Irene chu ala rawn tho lo cheu. Keichu ka insiam sawk sawk a, hna kal tur in ka kal zui nghal. Sangzuala nen vawikhatmah kan inbe leh lo. Scooty ka keng a, traffic jam avang chuan kawng hnai zawk lam pan in Bethlehem Veng Road-ah chuan ka tlan a, bridge ka tlan lai chuan Duster car lo tlan thla chak zet chu ka hmu hman zuaih, A ri bup a, engmah ka hre zui ta lo.
.
ELTY LUHLUL AUG HNAMTE
.
Kha zan atang khan ni hnih a liam leh tawh. Sangzuala chu ka lak atang a in la hrang leh ta viau, pawi ka ti hran lo. Mahse thian ang chauh chuan ka en tawh lo tih ka chiang em em thung. Nitin chaw kan ei dun a, a chang chuan TV te pawh kan ei dun. Inthlan hun a incandidate tur te chaw eikhawm ni pawhin a nupui nih kha nuam ka ti em em. Nupa inlungrual tak kan ang bawk. Mahse kan inkar ah Irene ala tlazep miau a, ka beidawntir hma chuan a lak a tlawm nawn leh hi ka tum hauh tawh lo. Min beisei ang pawhin a awm tawh ngai lem lo bawk.
.
" I thiltih tur ah hian han thlawp vak ngaihna che ka hre lo a, ti tur a min beisei ang hi nangmahin min hrilh mai thei la ka duh a ni" tukthuan eikham a sitting room lam a kan thutdun lai chuan ka ti bauh a, a ni reng bawk. Han puih vak ngaihna ka hre miau lo a ni.
.
" Aw le. Hmanni avang khan ka lawm lutuk e. Chuan, krismas zawh atang hian campaign ka tan dawn tawh a, nangchu hna nei i ni sia, ilo inrawlh ve vak a rem dawn lo a, Irene kha a hna a chawlhsan rih dawn a, min rawn pui thei mai anga"
.
" A lawmawm chu" ka thinrim lutuk chu ka aw pawh a khur ve dat thei.
.
" I tan pawh a hahdamthlak zawk ang. Zin chhuah te a ngai ve dawn bawk sia"
.
" A tha alawm. In tan pawh a nuam zawk ang" hlim hmel deuh chuan ka ti ve ngat. Na awm ang a awm ka tum hauh lo.
.
" Engemaw sawidun ka duh a..."
.
" ummm"
.
" Irene nen hian kan inneih hnu ah engtinmah kan awm lo. Ka unaunu a ni tih i hriat kha. I ngaihdan ang kha engmah a thleng hauh lo ania"
.
" Ava lawmawm ve. Dawt chiang tak a sawi ngam pasal ka nei hi ka thiam loh a ni ngei ang" nuih hak pah chuan ka ti nghat a, ka mit in a thawmhnaw ha mumal lo a kan nupa room a an awm ka hmuh pawh kha dawt tho a ni ngei ang.
.
" Puite, mipa ka ni. Ka duh ka thlang che a, engvang a a ni kha la kawp tur a min ring tlat nge i nih ka hre lo. Mahse..."
.
" Sawi lo zawk ang hmiang. Ka duhaiin ka tawng tam palh hlauh ange"
.
" Ni lo. Tunah hian sawifel vek ang. Nupa kan ni, room hran ah kan mu..."
.
" A chhan chu i hmei in ka pasal chauh pawh ni lo, kan nupa khum lehzel chu min tawm ka duh lo miau alawm. Nangpawhin i remti thlap alawm"
.
" I thinrim lai a dan che ka duh loh vvang zawk a remti chauh ka ni. I pasal hi tumah in an tawm lo che. Tawm mai mai theih mipa ah min ngai anih chuan i rilru kha siamtha vat tur in ka duh che"
.
" Lawmsangzual, i duh i hmu tawh a, a bak enge ka lak a beisei ila neih? I nupui ka nih ang in i duh thu ngeiin ka thianghlimna i la a, i thil tih ah ka thlawp reng bawk che. A bak chu ka lak ah beisei lo hram ang che" ka ti va hmak mai. Ni e, ka peih reng bik lo. A duh ang in ka thianghlimna a la a, a thiltih ah ka thlawp lo ngai lo. Ka hua tih hrereng chungin acampaign pui turin Irene ala sawm ngam fo a, alak ah hian that chhuah reng bik tur ka nih ka hre hauh lo.
.
" Zanin atang chuan khum khat ah kan mu dun ang"
.
" Wow! I duh chu sex tihna em ni? Min pawngsual leh dawn..."
.
" Ngawirawh. Rapthlak lutuk" a aw-ki avang chuan ka phu zawk a, khatiang em em a vin khan min la be ngai lo.
.
" Chu chu i duh chu a ni lo em ni?" hmai thal ha chuan ka ti let ve sak. Hmeichhe nasa tak ang in min hmu ngei ang tiraw? I pasal kha a nupui hual hlui nen inzui reng ta se, keiai hian i nasa angem?
.
" Ka duh ni a i ngaih ang apiang chu ni rawh se. Mahse ka bul ah i mu ngei ang" tih nghut pah chuan a tho a, inchung lam ah a chho zui nghal. A duh ang chu a hmu bik hauh lovang. Rangzetin TV ka off a, kawngka vel ka en nawn thuak thuak hnu chuan Sangzuala lo chhuah leh hma ngeiin ka room ah ka lut hman tur a ni. Kawngka ka kalh anga, tihngaihna a hre dawn chuang lo.
.
Kan nupa room chu ka va bih dak dak a, Sangzuala chuan phone alo hmang a, ngaihthlak chakna ka nei tlat pek. Thawk pawh thaw tha ngam lo chuan ka ngaithla a, mahse politics chungchang daih a sawi avang chuan rangzetin ka room lam ka pan lehnghal a, a rawn luh ve hma ngei a kawngkalh tum ka ni bawk a, ka kalh hman chiang teh e. Ka thawmhnaw chu ka thlak a, a vawt tha kher mai. Rangzetin ka mu nghal a, phone ka khawih mawlh mawlh a, khawih tur em em ka hre lem lo. MERMENT STORY GROUP fb lam ah ka lut a, Nutei Tuahzo ziah, Despacito chu alo complete tawh avang chuan ka chhiar nghal vat a, ngaihnawm ka ti kher mai. Chuta kar ah ka mi huat em em hming ang chiah misualnu atan alo hmang ve bawk nen, Irene tih hming ringawt pawh ka haw hlur tawh.
.
" Kawngka rawn hawng teh" pawn lam atang a Sangzuala'n a rawn ti chu ka phu zawk thei. Rilru pe tak a story ka chhiar lai a ni bawk nen, ka haw kher mai. Tin, ka hawng dawn chuang lo. Ka muhil der tlat a, a beidawn hun ah a mu ve mai ang.
.
" Ka tawng i hria tih ka hria, i hawng dawn nge kawngka hi ka tichhe dawn" 20mins vel zet a ral tawh, a beidawng duh dawn lo a ang riau. Mahse keipawh ka tlawm bik hauh lovang. Hetiang reng hian ka dang thei dawn lo tih hre mahila zanin ah kher kher chuan a chan tha zawk ka ni miau a, nakin a min hremna tur ngaihtuah reng chungin ka tlawm dawn chuang lo.
.
Ka harh chu sana ka en zauh a, zinglam dar 3 a ri tep. Ka mutthilh lai reng reng ka hre lo. Khua lah chu a vawt hrep lehnghal. Sangzuala ka hrechhuak zawk. Thawm a awm tawh loh dan ah a beidawng anga, a mu ve ta aniang. Ka tui a hal avang chuan ka tho a, ka room kawngka bul a filter ka dah chu ka va pan a, tui chu thli chhuakin tui ka in tur chu pawnlam a khuh kharh ri ka hriat avang chuan ka phu dawrh thei. Tun ang hun ah hian Sangzuala chu a mu daih tawh awm sia, tunge ni ta ang? Hlauhna chuan min rawn tham a, ka hmulthi a ding sung sung thei. Ka tui in tur pawh chu ka ngaihtuah tawh lo. Au tum a ka inngaihtuah lai tak chuan a rawn khuh leh. Mahse chu khuh ri chu tu khuh nge ka hrechiang ta e. Sangzuala ngei a ni. Tun ah hetah ala awm amaw? Luhlul lutuk.
.
" Hey, i..." kawngka ka va hawng chu ka tum aiin a che rang. Vawt tih vang a khur dar dar chung chuan ka room kawngka chu a rawn nek hawng lawp a, engmah sawi lo chuan ka mutphah ah chuan a mu thla nghal a, tawng ngaihna pawh ka hre lo. Ka puansin lai chuan a inkhuh hlun a, tih theih ka nei tawh lo. Puansin tur hran ka dah miah lo chu ka mawlna pakhat a ni. Lungawi lo zet chuan a bul ah chuan ka zuk mu ve ta nge nge. A chesawn lo a, a taksa a vawt viau bawk. Vawt tih tawh sa naklaiin a vawt zualin ka hria. Ngawireng chuan ka mu meng kar a, a taksa alum deuh hnu chuan a che hrut a, min rawn kuah hlun a, a muhil ni in ka hria. Engvang a khatiang khawvawt hnuai a awm tlat duh nge anih?
.
Ka harh chu ka taksa a sil ve deuh hlek. In leh tum a kan che tur chu ka bul ah Sangzuala a mu tih ka hrechhuak chiah. Tih harh hlau deuh chuan ka in let a, puanzar kar a eng lo lut in a hmai a chhun chu ka en vang vang a, a mu tui em em bawk. Tin, a mithmul chhah tap leh a hmui chhah tap mai chu a inhmeh takzet. Chu ai mah chuan a hnar ngul in vuah fuh zet mai chu a ni ti lang tha lehzual tu chu.
.
" I mit a tla ange" che miah lo leh meng miah si lo a a tih chuan ka phu nasa ngei mai.
.
" Hmmmp... Kan tho ange" zahzel ah ka ti ringawt. Mahse ka che tur chu nghet zet in min rawn kuah a, a taksa lum ham ham chu ka feel vang vang thei.
.
" Ti hian awm lawk ang" ka beng bul a a tih sup chuan chet nachang pawh ka hre lo. Keipawhin nuam ka ti ve tho. Inngeih loh reng hi hrehawm ka ti. Irene hi lo piang ve ta lo se buaina kan tawk lo tur.
.
" Nizan ang a vawt tuar tur khan min siam tawh suh aw... I bul ah ka mu duh. Mahni a mut hi ka hne, ka kham ngawih ngawih tawh. Ka bul ah mu ziah tawh rawh aw" a aw-ri atang chuan mipa naupang in a nu hnen a a bul a mu tur a a ngen hi ka tehkhin ber.
.
" Tinge i khum ah iva mut ve mai loh?"
.
" Aih. Ka hne, ka hlau, mahni mut leh hi ka hlau tawh a ni. Mangchhia hi ka hne, i bul ah tui tak a mut ka chak. I duh loh chuan ka khawih lo ang che. Mahse i bul ah ka mu ziah tawh dawn" a aw ah chuan na tuar hrep a ang ber.
.
" Enge i thusawi awmzia?"
.
" Nakin ah ka la hrilh ang che. Mahse zan tin i bul a mut ka duh tawh. I phal ang tiraw?" mipa naupang a ang tak zet. Engvang a hetiang thu hi sawi ta mai nge anih ka hrethiam lo. Mahse a aw ah ti der a ni lo tih erawh ka chhungril hian a hria a ni.
.
" Aw le. Mahse tho phawt ila, nakin ah kan sawi dun leh dawn nia"
.
" Aih, min tiam rawh. I bul ah hlir ka mu tawh ang tih min tiam rawh"
.
' A chhan ka hriat miau loh chuan engmah ka tiam thei lo che" muangchangin min kuahna chu a thlah a, a hmel en tur chuan ka hmai chu a kuai dak a.
.
" I pasal ka nihna ang in ka bul ah i mu tur a ni. A bak ka sawi thei rih lo a ni" a uang lo a, thu min pe lo, mahse a thusawi chu pawm turin min duh tih ka hria.
.
" Pawi ka ti hle mai. A chhan ka hriat loh chuan i bul ah ka mu hauh lovang" ka ti ve tlat thung. Tihluihna in min mut tir thei bik ngawt lo.
.
" A tha e" tih pah chuan a tho vut a, angaihna ka hre lo kher mai. Ka thin a rim lo a, mahse a chhan hriat ka duh ve a ni mai a, engvang a thinrim nge anih ka hre hauh lo. A pawi lo, a duh leh thinrim mai mai teh se. A duh duh a a tihkawi tur ka ni bik lo tih hre ve teh se.
.
Tukthuan pawh kan ei rual ta lo. Vani chuan ka chhukthlak chuan apu chhuah tawh thu leh chaw ei a lo nghak lo mai tur a min tih thu a sawi chuan chaw ei ka siam tir zui nghal. A lung a awi lo anih pawhin enge pawi? Ka bul a mut a duh chhan chu min hrilh ve tur ani dawn lo mi? Nileng chuan ka rilru erawh a nuam chuang miah lo. Office ah pawh ka hlim lem lo khawp mai. Kan pu hnen ah ban hma ka dil a, ka haw hma a, mahse in a haw tlang lovin bazar ah ka kawi a, ka room lam a vawh deuh avangin room ti lum thei tur heater ka lei haw a, scooty ka ken peih loh avangin taxi ka la a, kan in lam a kal kawi ka chak viau nangin ka nu phal loh ber, hna ban pah a pasal te tello a mahni in lam a kal zuk zuk anih avangin ka kal kawi ngam ta lo.
.
In ka thlen chuan Sangzuala motor alo awm tawh a, eng ti ber in nge a chhuah thin hriat ka tum lo. Inthlan tur chungchang ah bak a chhuah ka ring lo. Tak a, ka la sawi miah loh chu, Sangzuala hian Delhi ah dawr lian tak tak 3 lai a nei a, pakhat ah partnership ang in a nei bawk a ni. A dawr pakhat hi a ni in a enkawl a, ani hi kan inneih ni a a rawn kal bak kha kan la inhmu leh lo. Nu fel tak ni in ka hria. Tin, a lu a zo vah bawk. Sangzuala hi a hmangaih tih a hriat ngawih ngawih bawk. A nu erawh vawikhatmah kan la sawi ri dun leh lo. Sawi a duh hun ah min la hrilh ve mai aniang chu.
.
" I pu alo haw tawh ami?" inchhung ka luh rual chuan Vani chu ka zawt nghal a. Mahse ka tum loh zawk atang chhanna ka hmu thung.
.
" Zanin chu helam ah rawn riah ka tum a, a rem ang chu maw?" irene chu choka luh dawn kawngka ah chuan a rawn ding a, inbual zo hlim hlawl tih hriat takin ka pasal bathrobe ngei mai a ha bawk.
.
" I unaupa in ah dil kher a ngai hleinem" ka ti ve sak a, ka chhungril erawh a sa phat phat ngei mai.
.
" Enge ilo hawn a?" Vani chuan alo ti vat a, ka heater khai chu alo la vat bawk. Ka mitmeng a ka room awmna lam ka melh chuan rangzetin ka thil hawn chu a khai chho a, Irene nen chuan kan inhmachhawn ta ran mai.
.
" Engtikin nge ilo haw a?" ka tawng chhuak hmasa ta zawk. Sangzuala thawm reng reng ka la hre lo.
.
" vawiin ah. In pa in a hrilh na che nge? In pa in min rawn hruai alawm. Tun tum chu helam ah ka cheng ve rih ang chu ka tia. In pa in amah pui turin min rawn chah ngun ang reng sia" a tih chuan ka nui lui sak.
.
" Nia. Ka pui ve hman ngang si lo a, a unaunu berin a puih te chuan ka tan pawh a ngaihthat thlak ang chu" an inkar ah engemaw awm thin leh awm mek hi sawichhuak hmasa tu nih ka tum hauh lo.
.
" A nupui hual hlui pawh..."
.
" Hah! Kha kha chu in inhualna a tawp rual khan a tawp ve nghal ang chu. Mahni pasal hual ten hmeichhe dang vang a inhualna ti tawp a midang a neih hmak te chuan nang ang hmeichhe tha lutuk tan chuan hawisan hmak chi a ni tih te chu ka hrethiam ve alawm" kuangkuah at a ding chung chuan ka ti ve hmak a, ka nui lui sang bawk.
.
" Ilo haw tawh elaw?" ka pasal ngei mai chu inbual zo tih hriat zet in sam la huh chung chuan a rawn lang thut a, an pahnih in inbual zo hlim, enge ka rilru a awm tur awm ang chu lo ngaihtuah ve mai rawh u.
.
" Nia. Ka han intifai ve ange, in fai dun tawh sia" hlim hmel tak chuan ka lo ti vat a, Irene chu nuihsak pahin inchung lam ka pan zui nghal. Ka room ka luh chuan Vani chu tukverh bul ah alo ding a, a hmel chu a lungawi lo tih a hriat.
.
" Vani, ka heater hi min fit pui chhin la, room a lum nuam deuh dawn a ka tia, ka rawn lei risk ve tawp a" ka tih chuan Vani chu alo in her vat a, a mittui tla ka hmuh chuan mak ka ti kher mai.
.
" Hey, engatinge? Enge thil awmzia?" tih pah chuan ka pan vat a, chutah chhuak em em in a rawn tap ta. Ka va pawm vat a, hetiang ang hmel hian ka la hmu ngai lo.
.
" U Puite, haw ka duh" tap tiau a a tih chuan angaihna ka hre lo kher mai.
.
" Enge thil awmzia?"
.
" Tlai ah khan Pu a chhuak leh lawk a, chumi hlan chuan U Irene kha thingpui ka lum sak a, ka va pe tur kha ka tibaw palh a, min beng a" ka sa kher mai. Ka unaunu ang mai a ka en hi pawnlam mi in kut an thlak hi ka ngaithei hauh lo.
.
" Lawks" tih pah a ka kal tur chu Vani chuan min pawt bet a.
.
" Engtinmah ti suh. Pu ka hlau" an la ti zui zet phei chu ka thin a rim zual.
.
" I tan a hrehawm turin ka ti hauh lovang. Hetah hian lo awm..."
.
" Vani" inhnuai atang chuan vin zetin Irene chu a rawn au a, ka insum hman tawh lo. A awmpui a ni lo a, hlawh pe tu a ni hek lo. Vani min kuahbetna chu ka phihthla dawrh a, hlauthawng zet a Vani'n min auh pawh chu ka ngaithla hman tawh lo. He in a chhungpuinu hi ka ni. Ka pasal hmei ve mai mai in hetiang a ka inchhung a ro a rawn rel hi ka ngaithei hauh lo. Ka pasal min tawm a, kan nupa khum min tawm tawh bawk a, abak chu a kal belh ka phal hauh lo.
.
" Engatan nge i rawn koh?" inhnuai pan chhohna tur a Irene lo ding al chu ka zuk pan thla ve thung.
.
" Ka ril a tam a, chaw ei siam tawh se ka ti" pangai tak chuan a ti ve mai a, mahse ka lung a awi chuang lo.
.
" I ril a tam chuan lo ei ve mai rawh. I ei tur mah a siam tawh a, a dang kha chu lo inbuaipui ve mai rawh" bung hmak a ka tih chuan Irene chu a mengphawk nasa mai.
.
" Khatiang khan ka unaunu chung ah tawngkam i chheh tur a ni lo" Sangzuala chu a rawn kal phei a, ka thin a rim ngei mai.
.
" He inchhung ah hian chhungkaw nu..."
.
" Ramnunpui, min chhang suh" Sangzuala chuan a ti leh hrawk a, ka ngawi chiang teh e. Irene hnehtu in ti hmel chu ka zuk en a, ka inher a, ka hnung a Vani hlauh hmel tak a lo ding chu ka en a.
.
" Chaw ei chu zuk siam sak la, keichu min lo siam kep rih lo mai ta che aw" ka ti sap a, Sangzuala min auhna chu haiderin ka room lam panin ka tlanchho zui nghal.
.
Room ka lut chiah chu ka mutna ah ka bawk thlawp a, ka mittui tla chu ka dang hman lo. Khatiang ang a midang hma a min tawngkhum kha na ka ti bawk. Tukin vang a a lungawi lo anih pawhin midang hma ah khatiang a min tawngkhum kha ka beisei hauh lo. Midang hma a tlawm takin ka dah ngai lo a, a tan nupui tha ber ang maiin ka awm thin. Min chhanlet dan hian min ti na a, chupawh Irene thlavang a hauh vang ala ni zui kher bawk.
.
" U Puite, chaw ka lo pe ang che aw" Vani msg a ni.
.
" Aih, ka ril a tam lo. Ngaihngam deuhin mu rawh. A tam chuan nakin ah ka lo ei mai dawn nia" ka reply a, min rawn reply tawh lem lo. Ka khawngaih a, mahse chhuah thlak emaw, ka room ah emaw tumah an lo kal ka duh rih lo. Ka mittui a tla tih hi tumah in an hriat ka duh lo. Ka chaklohna hi tumahin an hmuh a an hriat ka duh lo.
.
Zing ka thawh thlak chuan Sangzuala alo tho tawh a, sofa-ah alo thu khur bawk. Ka chhuk chu min lo melh zawk a, a chanchinbu ken lai chu min melhsan lehnghal. Engpawhnise tun ah ngei hian hmachhawn ka duh a ni.
.
" Ka be duh che" a hma ah chuan ka thu a, ka kut ka kuangkuah at bawk. A chanchinbu kar atang chuan min rawn melh zawk a, chanchinbu bawk chu min bihsan lehnghal.
.
" Ka thusawi chu i hre lo em ni?" ka ti nawn veleh ngat a, min ngaihsak duh miah lo chu ka haw em em bawk.
.
" Sawi rawh"
.
" Enteh, pawnlam mi hma ah khatiang khan min ti tawh tur..."
.
" Ka unaunu hi pawnlam mi a ni lo. Tin, i pasal unaunu chu i awmpui ve mai mai vangin..."
.
" Ka awmpui mai mai a ni lo. Ka farnu ang chiah a ka en anih hi"
.
" Aw, chupawh lo ni ta se ka unaunu hi i unaunu ang a i en vang a i ankhum ka duh lo"
.
" I unaunu hian ka unaunu hi kut alo thlak tawh tur a ni lo."
.
" Chuzawng ka hriatpui hauh lo mai" a chanchinbu ken chu a dah ve ta nge nge.
.
" Ilo hre tawh dawn nia. Tin, he inchhung a i nupui ka nih chhung chuan he inchhung ah hian thuneihna ka nei ve tih hria la, pawnlam mi in duh duh a he inchhung thil an rawn siksawi ka remti ngai lovang. A ngam chuan ti lui rawh se, keimah ngei min hmachhawn ang. Tupawh, i nu leh pa an nih loh chuan i unaute pawh ka sawitel vek a nih chu. Tumah an rawn inrawlh tur a ni lo" ka thaw a chham lo chauh. Mahse ka sawichhung zawng min lo hnial lo hrim hrim pawh chu ka lawm a ni.
.
" A tha alawm. I duh ang ngei chuan ni rawh se. Mahse he inchhung a ka nupui i nih chhung chuan ka duh ang in i nung ve dawn nia"
.
" Min tihluih theihna i nei hauh lo. I mamawh ohuhruksak tur..."
.
" Ramnunpui, i tawng tam lutuk mah mah" a tawng ring lo, mahse a hlauhawm tih ka hria.
.
Ngawirengin ka tho a, ka tawng leh chuan a tawp thlen ka duh hial tawh dawn, mahse Irene lak a tlawm chu ka duh lo bur. Chuvangin ngawih mai kha a finthlak zawk a ni. Irene chu kan nupa room ah a riak tih Vani'n thingpui a han pek zawh chuan ka hre ve chiah. Vani chu a hlim lo a, nizan lam ah a tap nasa tih a mitmeng ah ka hre bawk. A innghahna ber kei hian ka chhan hleithei mang si lo a, ka khawngaih tak zet a ni.
.
Chaw eikham chuan Irene chu ala rawn tho lo cheu. Keichu ka insiam sawk sawk a, hna kal tur in ka kal zui nghal. Sangzuala nen vawikhatmah kan inbe leh lo. Scooty ka keng a, traffic jam avang chuan kawng hnai zawk lam pan in Bethlehem Veng Road-ah chuan ka tlan a, bridge ka tlan lai chuan Duster car lo tlan thla chak zet chu ka hmu hman zuaih, A ri bup a, engmah ka hre zui ta lo.
Comments
Post a Comment