LAWMSANGZUALA - 6
LAWMSANGZUALA - 6
.
ELTY LUHLUL AUG HNAMTE
.
" A rawn harh e" tih thawm chu ka hriat hmasak ber a ni. Ka meng dawn a, ka meng mai thei lo. Ka bul a ri deuh niaih niaih chu hla deuh tak atang ka hre thei. Mahse ka tawng chhuak thei hauh lo thung.
.
" Bawihte, min hria em?" ka nu hlauthawng aw chu ka hria, mahse ka chhang thei tlat lo.
.
" Khawngaihin lo kal kiang ula, kan check lawk ange" mipa aw-ri in a tih chuan ka bul vel a thawm chu a ri deuh hak a, kut dam zet in ka mar deh pah a ka kut a rawn deh chuan ka taksa chu a pangai leh tial tial in ka hria.
.
" Doctor, ka nupui chu enge a an?" Sangzuala aw-ri ka hriat chuan engemaw ti tak hian ka awm a, ka tah a chhuak. Mahse tap tur pawhin ka meng mai thei chuang lo.
.
" A tha e. A ngaihtuahawm loh. A taksa hi han hahdam leh deuh se pangai takin a rawn harh leh mai ang" doctor in a tih chuan Sangzuala thaw hawk ri chu ka hre reng a, a kut a vawn a, ka tha a ni tih hrilh ka chak kher mai.
.
Ka harhchhuak leh chu ka harh ve vak in ka hria. Ka bul ah ka nu leh pa leh Sangzuala an lo thu a, Sangzuala chu ka men rual chuan a rawn tho nghal a, a hmel chu a thlaphan hmel ngawih ngawih. Sangzuala chetrual chuan ka nu leh pa pawh an rawn tho ve nghal a, an zavai mai chuan an hlauhthawn hmel em em vek a ni ber mai.
.
" Mambawih, enge i an?" ka nu chuan a rawn ti vat a, ka lo nuih sak a, tih thlaphan hi ka duh loh ber a ni.
.
" Ka tha. Ka tui a hal" ka ti sap a, rangzetin Sangzuala'n tui min ran pe nghal a, ka pa erawh a tawng lo nangin ka harhchhuah avang chuan a lawm tih erawh a hmel ah ka hrethiam.
.
" Doctor kan ko ange" tih pah chuan Sangzuala chu a chhuak vut a, ka nu chuan ka kut chu a rawn dawm a, ka che tur chu ka kawng a na ve dat. Ka te that a, min rawn dawm vat.
.
" Indim deuh i ngai. I kawng leh i dar i sawh na ve deuh a, mahse hlauhthawnawm a ni lo" ka pa chuan a rawn ti ve nghut a, ka harhchhuah hnu a a tawng vawikhatna. Ani hi zawng, mipa tih tak ah a tlak duah lem lo khawp mai.
.
Doctor a rawn luh chuan Sangzuala chuan a rawn zui lut a, Doctor chu a aw-ri a dam ang bawkin a hmel pawh a tha. Tin, a hna leh a hawiher, a tawngkam engkim a inhmeh vel vek a ni ber mai. Na ka neih leh neih loh te min rawn zawt a, a fel ka ti kher mai. Doctor in min chhuahsan hnu chuan ka nu chuan min riahpui duh viau mahse Sangzuala chuan a remti tlat lo. Keipawhin ka pasal riahpui ka duh tlat. A chhan chu zanin hian ka pasal hi ti ti pui ka duh a ni.
.
Ka nu leh pa in min hawsan hnu chuan kan nupa chauh chuan cabin-ah kan awm dun ran a, a fel a, min ngaihsak bawk. Kan chaw ei tur a siam vek a, a che vel chu ka rinaiin a zei phian bawk. Na tuar mahni ila na over ka ni lem lo a, thisen ka hloh tam lem lo bawk. Ka n u leh pa sawidan khan Damdawiin awm kher pawh ngai lo tur kha ka pasalin in lam a in enkawl ai chuan ti in cabin a la lui a ni awm e. Ka damloh meuh chuan min ngaihsak ve khawp mai. Chaw kan eikham hnu chuan tho chhuak hleithei lo na na na chu khum ah ka awm chawt a, Sangzuala lahin a hna chungchang ah phone a hmang mawlh mawlh bawk. Ka mut a chhuah lem loh avangin facebook lam ah ka lut kual ve a, ka na a rawn chhuah deuh avangin ka inkhuh lum hlan a, Sangzuala chuan min mitmei tih reng reng ka hre lo, rangzetin a rawn tho a,.
.
" Na i nei ami?"
.
" Ka dar hi a vawh deuh vang nge a na ngut ngut mai"
.
" Ok. Damdawi i ei dawn nia. Doctor ka va ko duh angem?"
.
" Aih. Damdawi chu ka ei anga a zia leh mai ang" ka tih chuan damdawi chu min rawn pe a, ka ei zawh chuan ka puan chu min rawn sin that tir a, kalsawn tawh lem lo chuan ka khum ah chuan a rawn thu ve a, dim deuh chuan min rawn kuah a, a nuam ka ti. Mahse ka thil tih tum chu ka thulh thei chuang lo.
.
" Sangzual, thil kan sawidun thei angem?"
.
" Ummm.."
.
" Irene hi thawhpui lo la ka ti lo, mahse kan in a cheng tir kher hi ka duh lo a ni"
.
" Mutthilh tum phawt la, naktuk lam ah kan sawidun dawn nia"
.
" Aih, tunah ngei hian sawidun ka duh a ni"
.
" A tha alawm. Mahse ka unaunu a ni tih i hria alawm"
.
" I nupui hual hlui a ni tih pawh"
.
" Puite, inhauh loh ka duh. Kan buaina hi helai ah leh zel chuan luh pui lo hram ang"
.
" In a sawiturin in ah ka thu loh zia i tilang chiang tawh alawm"
.
" Tiang zawng khan sawi lo teh"
.
" Sawi lo thei lo in min siam si a ni. I duh chuan thawhpui la, in inkar ah pawh sawisel ka nei lo. Mahse kan in ah kher chuan rawn cheng lo se ka duh a ni"
.
" A tha alawm. Naktuk ah an in lam a insawn turin ka lo hrilh dawn nia. Kan in a awm tur a ka duh chhan chu kan pahnih a inhmuh fo a ngaih dawn avangin i hmuh phak loh a ka hmuh fo chuan i rilru tur ka hrethiam a, i hmuh phak loh a hmuh fo ka duh lo a ni"
.
" A tir ah min hrilh la ka hrethiam. Min rawn miah lo in i ti tlang a..."
.
" Zanah khan sawipui theih i ni ta si lo alawm"
.
" Mahse engvang a a hma ah khan min hau nge i nih? Vani pawh kut alo thlak a, ka duh lo"
.
" Ka hre hauh lo. Min hrilh tur i nia, keimahin ka hau mai tur a ni. I tan a mo sual nih theihna chance siam loh hi ka duh ber a ni" a theihtawp chuan min lo veng ve a ni mai thei. Mahse ka chhungril ah hian rinna aiin rinlohna a tam rih zawk miau avangin 100% in a thusawi hi ka awih diak diak diak thei lo.
.
" A engpawhnise kan in a a chen ka duh lo. Keichuan i unaunu anihna ang in ka en thei lo a, i nupui hual hlui anihna chiah hi ka hmu thiam a ni. Chuvangin ani nen a chendun ka duh lo tawp a ni"
.
" A tha e. Mutthilh tum rawh. Khua var se i duh ang ngei chuan ka ti dawn nia"
.
" Lunglo ah i lak loh hram ka beisei"
.
" Ok. Hlauthawng suh" a tih tak ah chuan a ban lukham chung chuan ka muhil ta siai siai a, pasal ka neih hnu a ka pasal bul a thlamuang tak a ka mut vawikhatna a ni.
.
Krismas thlen nan karkhat chiah a awm tawh. Damdawiin atang a ka chhuah atang ni 4-na chiah a ni bawk. Ka awmrei lem lo. Bakah ka ruh a khawih pawi over lo a, chet ala harsa deuh tih loh ah chuan harsatna em em ka nei lo. Ka hna lam ah pawh 15th January thleng chawlh ka la lawk bawk. Vani nen kan in awm deuh chawt a, Irene pawh a rawn lang ta miah lo. Sangzuala pawh loh theih lohna vangin Delhi lam ah ni 2 lek cham turin a kal a, Vani reng in ka awm chu nuam a ti ber mai. Unau ang chiah in kan ti ti a, hnathawh hun ah a hna a hrechiang thung.
.
" U Puite, Pu alo thleng...." Vani chuan inhnuai atang chuan a rawn au lang lang a, phur zet chuan ka tho chhuak ve vat a, tunah chuan kan nupa room lam ah ka mu phei veleh tawh.
.
Inhnuai ka thlen thlak chuan Sangzuala chu a rawn lut fel ve chiah a, a chauh hmel ang aiin a hlim hmel thung. Min rawn pan vat a, kei erawh ka kal chak hleithei lo bawk nen, ka kawng vang hian kawngkal ka la harsat ang reng a, khua alo vawt vei bawk nen, mahni inchhung dung pawh ka la tei vel hleithei meuh lo chu a ni.
.
" Enge ilo an?" tih pah chuan ka chal ah a rawn fawp zauh a, a mak a ni. Hlimna mak tak ka nei tlat pek. A chhan chu engkim mai hi innei thar hlim te ang maiin ka vawikhat tawnna a ni rih zel chu a ni. Kan nupa nun kha alo hrehawm dawn mange! A rei lo, mahse a rei thung si!
.
" Ka tha. I chau em?"
.
" Chau lo e. Vani, ka bag kha ka lehkha chhiarna pindan ah lo dah la, coffee sa tha ver vawr lum la, room lam ah i U nen kan lo in dawn nia" tih pah chuan zo zet in min pawm a, hei pawh a vawikhat na bawk. Zo zet a min pawm ka tih hian min dim lo ni lo in kan inlen hleih ve hrim hrim a ni ber mai.
.
Khum ah chuan dim deuhin min mut a, ani pawh ka bul ah a rawn mu ve nghal. Engkim hi a vawikhatna zel a ni. Awmdan tur pawh ka thiam meuh lo chu a ni. Ka beisei loh dan ber in a rawn haw ti ila a dik ber ang. Ka damdawiin chhuah hnu ah kan inngeih viau nangin hetiang em em hi chu ala thleng ngai lo. Ka beisei hek lo. Inhau lo a, tha tak a kan chendun tawp pawh hi ka lawm tawk em em. Khum khat ah mu dun tawh mahila puan kan sin hrang mai a, diktak chuan ka na avangin min veng a ni ber zawk.
.
" Inbual phawt la..."
.
" Chuan...." mitmeng chimawm zet a min melh pah a a tih chuan ka lai lutuk chu ka biang a sa hat thei.
.
" Coffee kan in dun thei dawn alawm" zahzel a ka tih chuan a nui hak a, ka biang a piai pah chuan a tho ve nulh a, a kamiz a phelh lai chuan ka inlukhup daih. Ka en duh lem lo. Nupa nun min hmanpui zan bak kha ka pian hnu ah mipa inphelh ruak ka la hmu lo. Khami zan lah khan ka hmu lo a ni ber zawk. Ka rilru na lutuk khan engmah ka hmuh pawh ka hre lo.
.
Zai rut rut pah a bathroom lam a a lut chu ka ngaithla kar a, bathroom kawngka a inkhar ri ka hriat veleh chuan ka inkhuhna chu ka hawng a, ka thaw huai thei. A inbual hlan chuan Vani chuan coffee a rawn dah a, lawmthu ka hrilh sap a, chawhmeh siam tur min zawh chu ka chhang nghal malh malh. Sangzuala hian mak deuh maiin behlawi rah, saum a bawl a ngaina riau a, alo haw dawn tih ka hriat lawk avangin chhunlam ah Vani ka bazar tir a, alo lei nghal bawk. A bak chu han duh em em leh duh loh em em a nei hran lo. Sa hi a duh tho rualin a ngaina over lo a, thlai hring a ei nasa in a hel ei chi phei chu duh loh a neih ka hre miah lo.
.
" Bawihi, ka thawmhnaw hak tur lo dah chhuak teh, a vawt ve hrep mai" bathroom atang a a rawn tih lung lung chuan ka hrechhuak zawk, kan inneih hnu ah vawikhatmah a thawmhnaw hak tur hi ka la dahchhuah sak ngai lo a, ka la thlan sak ngai lo bawk. Hei pawh a vawikhatna bawk. Phur zet in a thawmhnaw dahna lam chu ka pan nghal a, pyjama grey colour, lum over lo leh T-shirt ban tlawn dum ka dahchhuak a, ka dahchhuah pahin ka nui sak bawk. Nuam ka ti thar ta riau mai.
.
" Coffee chu a dai hman tep anih hi" a coffee tem hlak pah chuan a ti sup a, khum ah kan nupa in rizai sin chung in TV kan en dun a, hei pawh a vawikhatna leh bawk!
.
" I inbual rei lutuk a. Tak a, i ni hi krismas lo hman chhoh a tum lo ami?" a vawikhatna leh bawk a tan a chhungte chanchin ka zawt ve ta.
.
" Tum lovang. A buai emai" dar chhin ak a a tih chuan mipa naupang a ang tak zet a ni.
.
" Anih chu. Anih chuan krismas present engemaw tak tihsak ka va duh ve mawle..." min en deuh hu a, a nui suk bawk.
.
" Don't worry. Nimin khan car pakhat ka book sak a, i pek anih thu ka sawi a, ka rawn hmasa ta lo che a..."
.
" Oooh... A pawi lo e. Mahse min hrilh hmasa la chuan duhthusam" ka ti nghat a, ka kut a rawn vuan vat a.
.
" Car dawr ah kan kal dun a, kan customer te an nia, pakhat kha a nalh a tih thu a sawi sek a, a rukin ka book sak mawle. I chung ah a lawm lutuk asin. Rawn phone che a duh viau nangin ka la hrilh si lo che a, chhuanlam ka lo siam ta ringawt anih kha"
.
" A bak chu dawtsawi ching leh tawh miah suh" a thil tih chu pawi ka ti hran lo, mahse keimah vang a dawt a sawi vak vak chu ka duh hauh lo.
.
" Okay. Chaw ei hma in reilote muhil lak ang hmiang. Zan lam ah Irene kha lo phei turin ka hrilh lawk a, a pawi lovang chu maw?"
.
" Enge tih ngai a?" Irene hming a rik rual chuan ka sa leh ta zak mai.
.
" C'mon dear, thinrim nghal lo teh. Hna ka thawhpui a ngai sia lawm. Ka dinna bial tur hi an chhungkaw tamna bial ania, ka mamawh ve a ni"
.
" A tha alawm. Mahse ka hmu ve chak lem lo a, keichu ka mu daih ang" ka tih chuan min rawn kuah hlan a, ka thin a rim em em hran lo. Politics hre em em lo mahila ka pasal thusawi chu a dik tih ka hria. Ka pui ve vak thei lo a, a pui thei tu Irene anih miau avangin lo thinrim ve zel kha tul ka ti ber lem lo.
.
Ka muhil ka harh chu room light chu alo eng iarh tawh a, curtain kar a khua lo lang atang chuan khua a thim tawh tih ka hria. Sangzuala chu alo mu ve tawh lo a, sana kan en chu zan dar alo ri lek lek tawh. Ka pum ri raih ah chuan chaw ka la ei lo tih ka hrechhuak. Muangchangin ka tho a, inhnuai lam a ka chhukthlak chuan Vani chuan TV alo en a, min hmuh veleh min lo chiau-au vat a, ka riltam thu ka sawi chuan chaw ei min siam sak sawk sawk a, ka chaw ei lai chuan a pu awmna ka zawt a, lehkha chhiarna room lam ah Irene nen hna an thawh dun thu a sawi chuan ka lu ka bu nghauh a, ka phalna thlap a thawkdun an ni a, thinrim chhan tur ka hre lo.
.
Chaw ka eikham chuan rei ka thut peih loh avangin Vani chu mu mai tur leh keipawh ka mut ve nghal tur thu ka hrilh a, choka ka chhuahsan zui nghal. Inchung panna step ka rah rual chiah chuan lehkha chhiarna oindan kawngka lo in hawng deuh chu ka va melh a, engemaw takin min mawlh a, Irene hmu miah lo a mut ka tum tehreng nen ka pan ta tlat mai. Ka thin hi a phu dut dut a, mahse engvangnge tih erawh ka hre chuang hauh lo. Kawngka ka hawng a, ka thawm an hre lo. Mahse ka thil hmuh chuan min ti thinur ngei mai. Sangzuala chuan zu no alo dawm a, chair-ah a thu. Chu chu ala pawi lo. Mahse Sangzuala thutna chair ban a Irene thut dan chuan a ni min ti thinur ni. Khawvawt em em hnuai ah kawr ban bul a ha a, pawnfen chhing zet a feng bawk. Dawhkan ah chuan Irene coat hak ni awm tak a awm niaih bawk a, Irene chuan ka pasal chu a kuahbet lo chauh a ni. A mawi ah dawhkan ah chuan laptop leh lehkha eng eng emaw chu a darh ve nuaih tho.
.
' Oooh, ilo tho tawh elaw" Irene chuan min rawn hmu hmasa zawk. A hmel ah chuan zamna pakhatmah a awm lo.
.
" Nia, in hun hlu tak ka rawn tibuai ti dawn ila ka pasal zawk a ni sia" Sangzuala rawn tho vat chu ka melh kar a, ka thinur lutuk chu ka khur vek thei.
.
" Bawihi..."
.
" Engthil nge in tih sawifiah a ngai lo ve. Mangtha phawt u" tih pah chuan kawngka chu ka khar bur a, ka na reng reng ka ngaihtuah tawh lo. Inchung lam ah ka tlanchho a, room ah tlan lut in khum ah chuan ka bawk thlawp a, a vawihnihna atan ka mittui a ti tla leh ta! Tlai ah kha chuan kan la hlim asin. Beiseina tam tak ka nei ve hman, mahse ka beiseina nei ve chhun chu a hun chhung ava reilo si em!
.
" Bawihi..." ka dar a Sangzuala rawn khawihna chu ka thing thla a, ka mittui ka hru fai nghal bawk.
.
" Engmah sawi a ngai lo. I duh chu i hmu tiraw? A tha, a tha vek e. Politics hi ka hua. Politics chhuanlam a nangni pahnih awmdan phei hi chu ka ten hluah hluah. Awwww, in pahnih hian ka hua che u" ka insumtheihna a bo zo tawh. Ka au a ni ber mai.
.
" Ni lo, i hresual..."
.
" Nia, ka hresual a ni leh ngei ang. Sangzual, i nupui ka ni a, i nupui ka nihna angin i nupui hual hlui hi ka thik a ni. I duhzawk thlang rawh. Kei nge amah?" Sangzuala makti hmel chu ka pawi sa tawh lo. Inthen ka hnial tawh hek lo.
.
ELTY LUHLUL AUG HNAMTE
.
" A rawn harh e" tih thawm chu ka hriat hmasak ber a ni. Ka meng dawn a, ka meng mai thei lo. Ka bul a ri deuh niaih niaih chu hla deuh tak atang ka hre thei. Mahse ka tawng chhuak thei hauh lo thung.
.
" Bawihte, min hria em?" ka nu hlauthawng aw chu ka hria, mahse ka chhang thei tlat lo.
.
" Khawngaihin lo kal kiang ula, kan check lawk ange" mipa aw-ri in a tih chuan ka bul vel a thawm chu a ri deuh hak a, kut dam zet in ka mar deh pah a ka kut a rawn deh chuan ka taksa chu a pangai leh tial tial in ka hria.
.
" Doctor, ka nupui chu enge a an?" Sangzuala aw-ri ka hriat chuan engemaw ti tak hian ka awm a, ka tah a chhuak. Mahse tap tur pawhin ka meng mai thei chuang lo.
.
" A tha e. A ngaihtuahawm loh. A taksa hi han hahdam leh deuh se pangai takin a rawn harh leh mai ang" doctor in a tih chuan Sangzuala thaw hawk ri chu ka hre reng a, a kut a vawn a, ka tha a ni tih hrilh ka chak kher mai.
.
Ka harhchhuak leh chu ka harh ve vak in ka hria. Ka bul ah ka nu leh pa leh Sangzuala an lo thu a, Sangzuala chu ka men rual chuan a rawn tho nghal a, a hmel chu a thlaphan hmel ngawih ngawih. Sangzuala chetrual chuan ka nu leh pa pawh an rawn tho ve nghal a, an zavai mai chuan an hlauhthawn hmel em em vek a ni ber mai.
.
" Mambawih, enge i an?" ka nu chuan a rawn ti vat a, ka lo nuih sak a, tih thlaphan hi ka duh loh ber a ni.
.
" Ka tha. Ka tui a hal" ka ti sap a, rangzetin Sangzuala'n tui min ran pe nghal a, ka pa erawh a tawng lo nangin ka harhchhuah avang chuan a lawm tih erawh a hmel ah ka hrethiam.
.
" Doctor kan ko ange" tih pah chuan Sangzuala chu a chhuak vut a, ka nu chuan ka kut chu a rawn dawm a, ka che tur chu ka kawng a na ve dat. Ka te that a, min rawn dawm vat.
.
" Indim deuh i ngai. I kawng leh i dar i sawh na ve deuh a, mahse hlauhthawnawm a ni lo" ka pa chuan a rawn ti ve nghut a, ka harhchhuah hnu a a tawng vawikhatna. Ani hi zawng, mipa tih tak ah a tlak duah lem lo khawp mai.
.
Doctor a rawn luh chuan Sangzuala chuan a rawn zui lut a, Doctor chu a aw-ri a dam ang bawkin a hmel pawh a tha. Tin, a hna leh a hawiher, a tawngkam engkim a inhmeh vel vek a ni ber mai. Na ka neih leh neih loh te min rawn zawt a, a fel ka ti kher mai. Doctor in min chhuahsan hnu chuan ka nu chuan min riahpui duh viau mahse Sangzuala chuan a remti tlat lo. Keipawhin ka pasal riahpui ka duh tlat. A chhan chu zanin hian ka pasal hi ti ti pui ka duh a ni.
.
Ka nu leh pa in min hawsan hnu chuan kan nupa chauh chuan cabin-ah kan awm dun ran a, a fel a, min ngaihsak bawk. Kan chaw ei tur a siam vek a, a che vel chu ka rinaiin a zei phian bawk. Na tuar mahni ila na over ka ni lem lo a, thisen ka hloh tam lem lo bawk. Ka n u leh pa sawidan khan Damdawiin awm kher pawh ngai lo tur kha ka pasalin in lam a in enkawl ai chuan ti in cabin a la lui a ni awm e. Ka damloh meuh chuan min ngaihsak ve khawp mai. Chaw kan eikham hnu chuan tho chhuak hleithei lo na na na chu khum ah ka awm chawt a, Sangzuala lahin a hna chungchang ah phone a hmang mawlh mawlh bawk. Ka mut a chhuah lem loh avangin facebook lam ah ka lut kual ve a, ka na a rawn chhuah deuh avangin ka inkhuh lum hlan a, Sangzuala chuan min mitmei tih reng reng ka hre lo, rangzetin a rawn tho a,.
.
" Na i nei ami?"
.
" Ka dar hi a vawh deuh vang nge a na ngut ngut mai"
.
" Ok. Damdawi i ei dawn nia. Doctor ka va ko duh angem?"
.
" Aih. Damdawi chu ka ei anga a zia leh mai ang" ka tih chuan damdawi chu min rawn pe a, ka ei zawh chuan ka puan chu min rawn sin that tir a, kalsawn tawh lem lo chuan ka khum ah chuan a rawn thu ve a, dim deuh chuan min rawn kuah a, a nuam ka ti. Mahse ka thil tih tum chu ka thulh thei chuang lo.
.
" Sangzual, thil kan sawidun thei angem?"
.
" Ummm.."
.
" Irene hi thawhpui lo la ka ti lo, mahse kan in a cheng tir kher hi ka duh lo a ni"
.
" Mutthilh tum phawt la, naktuk lam ah kan sawidun dawn nia"
.
" Aih, tunah ngei hian sawidun ka duh a ni"
.
" A tha alawm. Mahse ka unaunu a ni tih i hria alawm"
.
" I nupui hual hlui a ni tih pawh"
.
" Puite, inhauh loh ka duh. Kan buaina hi helai ah leh zel chuan luh pui lo hram ang"
.
" In a sawiturin in ah ka thu loh zia i tilang chiang tawh alawm"
.
" Tiang zawng khan sawi lo teh"
.
" Sawi lo thei lo in min siam si a ni. I duh chuan thawhpui la, in inkar ah pawh sawisel ka nei lo. Mahse kan in ah kher chuan rawn cheng lo se ka duh a ni"
.
" A tha alawm. Naktuk ah an in lam a insawn turin ka lo hrilh dawn nia. Kan in a awm tur a ka duh chhan chu kan pahnih a inhmuh fo a ngaih dawn avangin i hmuh phak loh a ka hmuh fo chuan i rilru tur ka hrethiam a, i hmuh phak loh a hmuh fo ka duh lo a ni"
.
" A tir ah min hrilh la ka hrethiam. Min rawn miah lo in i ti tlang a..."
.
" Zanah khan sawipui theih i ni ta si lo alawm"
.
" Mahse engvang a a hma ah khan min hau nge i nih? Vani pawh kut alo thlak a, ka duh lo"
.
" Ka hre hauh lo. Min hrilh tur i nia, keimahin ka hau mai tur a ni. I tan a mo sual nih theihna chance siam loh hi ka duh ber a ni" a theihtawp chuan min lo veng ve a ni mai thei. Mahse ka chhungril ah hian rinna aiin rinlohna a tam rih zawk miau avangin 100% in a thusawi hi ka awih diak diak diak thei lo.
.
" A engpawhnise kan in a a chen ka duh lo. Keichuan i unaunu anihna ang in ka en thei lo a, i nupui hual hlui anihna chiah hi ka hmu thiam a ni. Chuvangin ani nen a chendun ka duh lo tawp a ni"
.
" A tha e. Mutthilh tum rawh. Khua var se i duh ang ngei chuan ka ti dawn nia"
.
" Lunglo ah i lak loh hram ka beisei"
.
" Ok. Hlauthawng suh" a tih tak ah chuan a ban lukham chung chuan ka muhil ta siai siai a, pasal ka neih hnu a ka pasal bul a thlamuang tak a ka mut vawikhatna a ni.
.
Krismas thlen nan karkhat chiah a awm tawh. Damdawiin atang a ka chhuah atang ni 4-na chiah a ni bawk. Ka awmrei lem lo. Bakah ka ruh a khawih pawi over lo a, chet ala harsa deuh tih loh ah chuan harsatna em em ka nei lo. Ka hna lam ah pawh 15th January thleng chawlh ka la lawk bawk. Vani nen kan in awm deuh chawt a, Irene pawh a rawn lang ta miah lo. Sangzuala pawh loh theih lohna vangin Delhi lam ah ni 2 lek cham turin a kal a, Vani reng in ka awm chu nuam a ti ber mai. Unau ang chiah in kan ti ti a, hnathawh hun ah a hna a hrechiang thung.
.
" U Puite, Pu alo thleng...." Vani chuan inhnuai atang chuan a rawn au lang lang a, phur zet chuan ka tho chhuak ve vat a, tunah chuan kan nupa room lam ah ka mu phei veleh tawh.
.
Inhnuai ka thlen thlak chuan Sangzuala chu a rawn lut fel ve chiah a, a chauh hmel ang aiin a hlim hmel thung. Min rawn pan vat a, kei erawh ka kal chak hleithei lo bawk nen, ka kawng vang hian kawngkal ka la harsat ang reng a, khua alo vawt vei bawk nen, mahni inchhung dung pawh ka la tei vel hleithei meuh lo chu a ni.
.
" Enge ilo an?" tih pah chuan ka chal ah a rawn fawp zauh a, a mak a ni. Hlimna mak tak ka nei tlat pek. A chhan chu engkim mai hi innei thar hlim te ang maiin ka vawikhat tawnna a ni rih zel chu a ni. Kan nupa nun kha alo hrehawm dawn mange! A rei lo, mahse a rei thung si!
.
" Ka tha. I chau em?"
.
" Chau lo e. Vani, ka bag kha ka lehkha chhiarna pindan ah lo dah la, coffee sa tha ver vawr lum la, room lam ah i U nen kan lo in dawn nia" tih pah chuan zo zet in min pawm a, hei pawh a vawikhat na bawk. Zo zet a min pawm ka tih hian min dim lo ni lo in kan inlen hleih ve hrim hrim a ni ber mai.
.
Khum ah chuan dim deuhin min mut a, ani pawh ka bul ah a rawn mu ve nghal. Engkim hi a vawikhatna zel a ni. Awmdan tur pawh ka thiam meuh lo chu a ni. Ka beisei loh dan ber in a rawn haw ti ila a dik ber ang. Ka damdawiin chhuah hnu ah kan inngeih viau nangin hetiang em em hi chu ala thleng ngai lo. Ka beisei hek lo. Inhau lo a, tha tak a kan chendun tawp pawh hi ka lawm tawk em em. Khum khat ah mu dun tawh mahila puan kan sin hrang mai a, diktak chuan ka na avangin min veng a ni ber zawk.
.
" Inbual phawt la..."
.
" Chuan...." mitmeng chimawm zet a min melh pah a a tih chuan ka lai lutuk chu ka biang a sa hat thei.
.
" Coffee kan in dun thei dawn alawm" zahzel a ka tih chuan a nui hak a, ka biang a piai pah chuan a tho ve nulh a, a kamiz a phelh lai chuan ka inlukhup daih. Ka en duh lem lo. Nupa nun min hmanpui zan bak kha ka pian hnu ah mipa inphelh ruak ka la hmu lo. Khami zan lah khan ka hmu lo a ni ber zawk. Ka rilru na lutuk khan engmah ka hmuh pawh ka hre lo.
.
Zai rut rut pah a bathroom lam a a lut chu ka ngaithla kar a, bathroom kawngka a inkhar ri ka hriat veleh chuan ka inkhuhna chu ka hawng a, ka thaw huai thei. A inbual hlan chuan Vani chuan coffee a rawn dah a, lawmthu ka hrilh sap a, chawhmeh siam tur min zawh chu ka chhang nghal malh malh. Sangzuala hian mak deuh maiin behlawi rah, saum a bawl a ngaina riau a, alo haw dawn tih ka hriat lawk avangin chhunlam ah Vani ka bazar tir a, alo lei nghal bawk. A bak chu han duh em em leh duh loh em em a nei hran lo. Sa hi a duh tho rualin a ngaina over lo a, thlai hring a ei nasa in a hel ei chi phei chu duh loh a neih ka hre miah lo.
.
" Bawihi, ka thawmhnaw hak tur lo dah chhuak teh, a vawt ve hrep mai" bathroom atang a a rawn tih lung lung chuan ka hrechhuak zawk, kan inneih hnu ah vawikhatmah a thawmhnaw hak tur hi ka la dahchhuah sak ngai lo a, ka la thlan sak ngai lo bawk. Hei pawh a vawikhatna bawk. Phur zet in a thawmhnaw dahna lam chu ka pan nghal a, pyjama grey colour, lum over lo leh T-shirt ban tlawn dum ka dahchhuak a, ka dahchhuah pahin ka nui sak bawk. Nuam ka ti thar ta riau mai.
.
" Coffee chu a dai hman tep anih hi" a coffee tem hlak pah chuan a ti sup a, khum ah kan nupa in rizai sin chung in TV kan en dun a, hei pawh a vawikhatna leh bawk!
.
" I inbual rei lutuk a. Tak a, i ni hi krismas lo hman chhoh a tum lo ami?" a vawikhatna leh bawk a tan a chhungte chanchin ka zawt ve ta.
.
" Tum lovang. A buai emai" dar chhin ak a a tih chuan mipa naupang a ang tak zet a ni.
.
" Anih chu. Anih chuan krismas present engemaw tak tihsak ka va duh ve mawle..." min en deuh hu a, a nui suk bawk.
.
" Don't worry. Nimin khan car pakhat ka book sak a, i pek anih thu ka sawi a, ka rawn hmasa ta lo che a..."
.
" Oooh... A pawi lo e. Mahse min hrilh hmasa la chuan duhthusam" ka ti nghat a, ka kut a rawn vuan vat a.
.
" Car dawr ah kan kal dun a, kan customer te an nia, pakhat kha a nalh a tih thu a sawi sek a, a rukin ka book sak mawle. I chung ah a lawm lutuk asin. Rawn phone che a duh viau nangin ka la hrilh si lo che a, chhuanlam ka lo siam ta ringawt anih kha"
.
" A bak chu dawtsawi ching leh tawh miah suh" a thil tih chu pawi ka ti hran lo, mahse keimah vang a dawt a sawi vak vak chu ka duh hauh lo.
.
" Okay. Chaw ei hma in reilote muhil lak ang hmiang. Zan lam ah Irene kha lo phei turin ka hrilh lawk a, a pawi lovang chu maw?"
.
" Enge tih ngai a?" Irene hming a rik rual chuan ka sa leh ta zak mai.
.
" C'mon dear, thinrim nghal lo teh. Hna ka thawhpui a ngai sia lawm. Ka dinna bial tur hi an chhungkaw tamna bial ania, ka mamawh ve a ni"
.
" A tha alawm. Mahse ka hmu ve chak lem lo a, keichu ka mu daih ang" ka tih chuan min rawn kuah hlan a, ka thin a rim em em hran lo. Politics hre em em lo mahila ka pasal thusawi chu a dik tih ka hria. Ka pui ve vak thei lo a, a pui thei tu Irene anih miau avangin lo thinrim ve zel kha tul ka ti ber lem lo.
.
Ka muhil ka harh chu room light chu alo eng iarh tawh a, curtain kar a khua lo lang atang chuan khua a thim tawh tih ka hria. Sangzuala chu alo mu ve tawh lo a, sana kan en chu zan dar alo ri lek lek tawh. Ka pum ri raih ah chuan chaw ka la ei lo tih ka hrechhuak. Muangchangin ka tho a, inhnuai lam a ka chhukthlak chuan Vani chuan TV alo en a, min hmuh veleh min lo chiau-au vat a, ka riltam thu ka sawi chuan chaw ei min siam sak sawk sawk a, ka chaw ei lai chuan a pu awmna ka zawt a, lehkha chhiarna room lam ah Irene nen hna an thawh dun thu a sawi chuan ka lu ka bu nghauh a, ka phalna thlap a thawkdun an ni a, thinrim chhan tur ka hre lo.
.
Chaw ka eikham chuan rei ka thut peih loh avangin Vani chu mu mai tur leh keipawh ka mut ve nghal tur thu ka hrilh a, choka ka chhuahsan zui nghal. Inchung panna step ka rah rual chiah chuan lehkha chhiarna oindan kawngka lo in hawng deuh chu ka va melh a, engemaw takin min mawlh a, Irene hmu miah lo a mut ka tum tehreng nen ka pan ta tlat mai. Ka thin hi a phu dut dut a, mahse engvangnge tih erawh ka hre chuang hauh lo. Kawngka ka hawng a, ka thawm an hre lo. Mahse ka thil hmuh chuan min ti thinur ngei mai. Sangzuala chuan zu no alo dawm a, chair-ah a thu. Chu chu ala pawi lo. Mahse Sangzuala thutna chair ban a Irene thut dan chuan a ni min ti thinur ni. Khawvawt em em hnuai ah kawr ban bul a ha a, pawnfen chhing zet a feng bawk. Dawhkan ah chuan Irene coat hak ni awm tak a awm niaih bawk a, Irene chuan ka pasal chu a kuahbet lo chauh a ni. A mawi ah dawhkan ah chuan laptop leh lehkha eng eng emaw chu a darh ve nuaih tho.
.
' Oooh, ilo tho tawh elaw" Irene chuan min rawn hmu hmasa zawk. A hmel ah chuan zamna pakhatmah a awm lo.
.
" Nia, in hun hlu tak ka rawn tibuai ti dawn ila ka pasal zawk a ni sia" Sangzuala rawn tho vat chu ka melh kar a, ka thinur lutuk chu ka khur vek thei.
.
" Bawihi..."
.
" Engthil nge in tih sawifiah a ngai lo ve. Mangtha phawt u" tih pah chuan kawngka chu ka khar bur a, ka na reng reng ka ngaihtuah tawh lo. Inchung lam ah ka tlanchho a, room ah tlan lut in khum ah chuan ka bawk thlawp a, a vawihnihna atan ka mittui a ti tla leh ta! Tlai ah kha chuan kan la hlim asin. Beiseina tam tak ka nei ve hman, mahse ka beiseina nei ve chhun chu a hun chhung ava reilo si em!
.
" Bawihi..." ka dar a Sangzuala rawn khawihna chu ka thing thla a, ka mittui ka hru fai nghal bawk.
.
" Engmah sawi a ngai lo. I duh chu i hmu tiraw? A tha, a tha vek e. Politics hi ka hua. Politics chhuanlam a nangni pahnih awmdan phei hi chu ka ten hluah hluah. Awwww, in pahnih hian ka hua che u" ka insumtheihna a bo zo tawh. Ka au a ni ber mai.
.
" Ni lo, i hresual..."
.
" Nia, ka hresual a ni leh ngei ang. Sangzual, i nupui ka ni a, i nupui ka nihna angin i nupui hual hlui hi ka thik a ni. I duhzawk thlang rawh. Kei nge amah?" Sangzuala makti hmel chu ka pawi sa tawh lo. Inthen ka hnial tawh hek lo.
0tristuso_ne Carmen Williams https://wakelet.com/wake/7vouUSK1dTq9WO9MTftqI
ReplyDeletetrogranmontgul