LAWMSANGZUALA - 7

" Ava ropui ve! I hna atan hian zu in dun a, thawmhnaw mumal pawh inbel lo a awm fo a ngai dawn i tihna aniang chu maw? A lawmawm e. Lo thawkdun zel ula, keipawh ka awmna tur ka pa in lam ah ka haw phei ange" ka thinrim lutuk avang a ka aw khur chu ka thup thei thlawt lo.


.


" Inthen i duh tihna em ni?"


.


" Aw. Ka pasal inihna ang in ka pasal ang in i awm ngai lo a, midang tawmpui theih pasal neih ka duh hek lo. Ilo hlimpui thin hmeichhia chu i tan ala hlu zawk tho tho a, keihi tihsual palh a min nei ah ngai ila, kan pahnih a awmdun tawh loh hi a tha ber ang"


.


" I duh chuan min then thei ang. Keichuan ka then ngai lovang che" nghet charh a a tih chuan ka thinrim zual sauh.


.


" Chuzawng, i ti hauh lovang. Nang hian keihi min mamawh lo. Helai a i hmeichhe kawp nen a inkhawsa lai..."


.


" I tawngkam kha fimkhur teh"


.


" Engmaw? I nun i fimkhur lo anih chuan keia tawngkam fimkhur lo mai mai chu ala ho mah mah. I hmeichhe kawp chu nei la, buaina a awm lo a ni mai" ka au vak vak a ni ber tawh. Inhnuai lam ah pawh an hre pha hial tawh ang. Thinrim lai a thinrim ang a awm ve duh miah lo mihring hmachhawn tluk a thinur thlak hi a awm lovang.


.


" Kan inkawp hauh lo. Tin, tawng zawi rawh. Mi nuihzat nih i duh anih loh chuan khatiang thu atthlak lutuk kha sawi tawh suh"


.


" A pasal in a nupui hual hlui a kawpsan reng ti a min nuihsawh ai chuan ala hlu zawk daih"


.


" Duhtawk tawh teh. I ngaih ang hian engmah a thleng lo"


.


" Anih chuan a lawmawm anih chiah chu. Engpawhnise ka pa in lam ah ka lo va awm phawt ange. Hetiang reng a awm chu ka tlin ta lo ni rawh se" inhnial rengin awmzia a nei lo a, a pha tlat dawn tho a, ka haw phawt anga, hun in ala hril ang chu.


.


Ka thawmhnaw chu ka siam mawlh mawlh a, room atang chuan chhuah a tum miah lo. Irene khan enge a tih lam kan care ta lo ve ve aniange. Ka thawmhnaw mamawh zualpui ka pack zo a, ngawirengin room atang ka chhuak a, ka scooty chahbi chu ka la a, Vani chu a mangang tih ka hria. Phone a ka biak tur thu ka hrilh a, Sangzuala chuan min rawn zui lo a, min dang hek lo. Ni e, hmeichhe rilru naupang chhia ka ni tawh lo a, min dang eng ang mahse ka tum chu ka ti tlang ang tih a ring bawk ang. Ka kawng nuam lo chung chuan scooty ka khalh lui a, a na thlawt a ni. Falkland peng ka thleng chho chiah chu ka inkhalh chhunzawm thei tawh lo a ni ber e. Khawvawt em em hnuai ah pawh ka thlanfim a tla bawrh bawrh thei. Kawngsir ah chuan ka inside fel a, a vawh vang ni lo in ka kawngna vang zawkin ka khur dar dar a, ka U phone ka tum a, ala tlang thei lo zui. Kawngsir ah chuan ka thu hnawk a, mahni pawhin ka ding zo meuh tawh lo a ni.


.


" Puite..." chu aw-ri chu ka hria, ka mit ka meng thei tawh lo. Ka ral riai riai ni ber in ka hria.


.


Ka taksa rawn lum pap pap avang chuan ka hriatna a rawn let leh riai riai a, ka mit ka meng chu kan nupa khum ah ka lo mu leh reng tawh. Ka bul ah Sangzuala a thu bawk a, alo muthlu deuh bawk. Sana ka en a, zinglam dar 3 alo pel tawh. Ka pum ri rak avang chuan ka che hret a, ka chet rual chuan Sangzuala a rawn harh zui ve nghal.


.


" Ilo harh tawh maw? Na i nei em?"


.


" Aih. Engtinnge min rawn hmuh?"


.


" I chhuak kha ka rawn umzui nghal che a, kawngsir ah ilo mu tawp a, khatiang khan vawikhatmah awm tawh suh aw" tih pah chuan ka bul ah chuan a rawn mu thla zui ve nghal. Diktak chuan ka tlawm la vawng vawng lutuk tlat. Ka U kha phone tlang thei ila khatiang khan ka awm bik hauh lovang.


.


" Ka ngaihdan kha ka la sawhsawn chuang hauh lo ania" tihngaihna ka hre lo lutuk chu ka ti ta ngawt. Ka la sawhsawn tlat lo tak tak a.


.


" Ka hrethiam che alawm. Thil ei la, khawvar ah kan sawidun dawn nia" a tih chuan keipawh ka ril a tam ve tho avangin pawi ka ti hran lo. Ka ngaihdan sawhsawn ka tum chuang lo a, tunah chuan a tlai tawh a, in ei puar a hahdam ka mamawh zawk a ni.


.


Ka zan mu chu ka mutui hrep. Ka harh meuh chuan a tlai tawh viau. Dar 10 a ri thuak tawh. Muangchangin ka tho a, ka kawng chu a nuam lo ang tulh tulh lehnghal a. Choka lam ah chuan ka intifai zo chu ka chhuk a, Sangzuala a awm ka beisei tawh lo hrim hrim. Mahse ka beisei hauh loh in Vani ni lo in Sangzuala chuan rawng alo bawl mek anih chu! A awihawm loh zawk!


.


" Hello, ilo tho thei ta maw?" nuisang a min lo tih chuan ka hamhaih lutuk chu mak ka ti zawk.


.


" Tinge hetah.... Englo, rawng i bawl a?" makti zet a ka tih chuan a nui hawk a, a hlim hmel phian bawk.


.


" Ka nupui damlo tan a rawngbawl sak hi ka tihtur a ni lo em ni?"


.


" Ka rilru ka thlak phah miah lo ania" a nui sak a, a ngaihna ka hre lo tak zet. Hetiang hian ka la hmu ngai lo a, mak ka ti. Mahse ka rilru ka thlak phah dawn chuang lo.


.


" C'mon honey, in ei puar phawt ila, chumi zawh ah kan sawidun dawn nia" tih pah chuan ka lam a rawn pan a, hlim hmel deuhin ka kut ah a rawn kai a, angaihna ka hre lo tulh tulh. Dinning chair-ah chuan min thut tir a, a tih ang ang chuan ka awm ta vel mai mai.


.


" Chaw eikham lam ah ka pa ka bia anga, ka haw phei phawt ang" chaw ei tur a kan thut dun lai chuan ka ti leh nghat a, thinrim hmel erawh a pu hauh lo thung.


.


" Irene chu thawhpui loh ka ti tlu ta mai" makti zet chuan ka en hau ringawt.


.


" Maw?"


.


" Khawvel a ka chhungkaw neihchhun chu nangmah hi i ni. I hlimna chu ka hlimna, i lungawi lohna chu ka lungawi lohna a ni. Nanghi engtikahmah chan che ka duh lo" ka mit ah tak en chung a a tih chuan ka awih lo zawk. Ka nghah, thleng tur a ka duh em em chu a thleng ve ta nge nge!


.


" Mahse...."


.


" Min ring turin ka ngen dawn lo che. Mahse i hmu ngei ang" a hmel a inrintawkna chuan min ti lawm a, min ti hlauthawng tho si a ni.


.


" Ka ring che em ka hre lo. Mahse insiamthat i duh anih chuan..."


.


" I rin ang kha engmah a thleng lo. Mahse Irene chuan min la duh alawm. Engvang a ani kha neih tum nge ka nih erawh hre turin nangmah ngei ila che chhuak dawn nia. Mahse inthen erawh ka duh ngai lovang"


.


" A tha e. Kan inthen ngai lovang tih ka tiam thei lo che. Mahse kan inthen lohna turin i theihtawp i chhuah ve a ngai ang" ka tih chuan a khi suk a, ka hmangaih a ni.


.


Naktuk hi Christmas a ni tawh. Kan nupa in kan bazar ti ila, MC lam ah ka chhungte thilpek tur kan lei a ni mah zawk. Duh angin ka la che tha ngam tlat lo a, bazar chhung lam ah kan lut thla ta lem lo. Vani pawh kan mamawh lei pahin thiante nen an bazar ho ve bawk. sangzuala ka fakna em em pakhat chu Vani ka ngainat vang chauh ni lo in, a fahrahna a hriatpui a, vawiin a bazar ve nan pawh pawisa a pe tam viau mai. Vani pawh a lawm hmel viau bawk.


.


" Nangni pahnih chu..." dawr pakhat a ka coat tur kan lei zo kan chhuak chu Irene a rawn lang hlawl mai.


.


" Eheu, i bazar ve elaw?" Sangzuala chuan a ti tha ve mai a, kei erawh ka insangmar leh teuh tawh. Keiaiin a nalh a, a hmel pawh a tha zawk bawk. Ka thik thin a, ka la thik reng bawk.


.


" Nia. Puite, i dam maw?" nuisang a a tih chuan nuih ve loh theih si loh.


.


" dam alawm" ka ti tawi tak ringawt.


.


" Sang, ka pa lo tlawh in tum miah nange?"


.


" Aaa..." Sangzuala hmel buai nak chu ka en reng a, engemaw awm a awm in ka hria.


.


" Ipa ngei pawh Hospital-a a awm i ngaihsak lo thei hi mak ka ti" Irene chuan a ti chang leh fak a, Lalpa, engthil nge thleng hi? Sangzuala hian engmah min hrilh lo.