VARGHESE ( FULL STORY)

VARGHESE - 1


ELTY LUHLUL AUG HNAMTE



' Nashik ka rawn pan mek a, hunawl i neih theih chuan i thil dil kha kan va bawhzui dawn em
ni?' ka thianpa hnen atang a ka sms dawn chuan min nuih tir var var.
Ka hna ka chawlh ni ani hlauh a, ka insiam malh malh a, mihring hun vawng dik tak a ni.
Traffic vang a nih lem loh chuan a sawi hun hi a bawhpelh ngai miah lo. Hei vang tak hian ania
kawm nuam ka tih em em. Kan kalna tur hi hmun pangai satliah anih loh avang in ka
thawmhnaw chu ka thlang uluk ve hle mai. Mahse thawmhnaw uar lo mi ka nih vang hian hak
tur ka nei tha lem lo khawp mai.
‘ Hi..... Dear, in in kawt ah ka ding, lo hmanhmawh la, dar 6-ah appointment kan nei’ ka
chhan hman hma in phone a dah zui nghal a, ka nui sak. A tih than loh pawh a ni lo. Mi thu pe
thang tak a ni. Ka bul ah hian sim a tum viau nang in a thei meuh lo. Keipawn ka ngai haw hran
lo. Ka bialpa chu ni se ka titau nasa ngawt thung ang.
Tlai lam dar 6-a nih chuan kan mi hmuh tur office-ah kan thu vang tawh. Ka zam chhe viau
mai. Mahse ka bul a thu, Ab-a vang hian hmun changkang tak tak ka lo kal ve tawh a, amah ka
hrechiang tawh bawk a, ka thla erawh a muang veng veng khawp mai.Kan kalchhan diktak chu
Ab-a chuan kan hma a thu, hmel changkang zet, mitmeng fim kar mai chu a hrilh mawlh mawlh
a, a tawng ve lem lo, mahse a bu nghauh nghauh thung.
‘ Hetiang thil hi kan ti ngai miah lo a, mahse Mr. Ab, nangma rawn hruai ngei anih vang in a
him chin ah chuan phalna ka pe ang che u. Mahse thil pakhat, thlalak erawh phal sak in ni lo a,
induh chuan pawnlam erawh in la thei ang. Chhunglam erawh kan duhna min ngaihpawimawh
sak dawn nia’ Mr. Manish chuan a ti bauh a, a awri chu a inrintawk hmel in a hawiher chu a
zahawm tak zet ani. Ka tawng ve lem loh avangin ka lam a hawi mang lo thung. A thusawi
avang a ka hlim zia chu ka hmel ah erawh a langchhuak in ka ring.

‘ Ka lawm e, Mr. Manish. I duh ang chu ni rawh se. Kan dilna min ngaihpawimawh sak avang in
ka lawm e’ Ab-a chuan a kut a pe a, an inchibai a, an lian dun bawk a, an hmuhnawm dun kher
mai.
‘ Pui thei cheu a ka awm hi ka lawm. Nangmahni hruai kual tu tur che u mi 2 ka rawn tir ang.
Meeting pawimawh ka neih avang in ka hnar phawt che u a ngai a, min hrethiam a niang chu.
In duh hun tur chu phone-in min rawn hrilh hre leh mai dawn nia’ nuisang chuan Ab-a chu a
melh a, pa upa lam mah nise a hmeltha kher mai. Chu zawng ai chuan ka thil duh a puitling
thei tur chu ka hlim tak zet ani.
Express Inn hotel gate kan chhuak chiah chu car chhung ah chuan ka khek raih a, ka hlim tak
zet ani. Ab-a hi ka tawng lovang tih ka hlau takzet a ni. Amah vang hian ka tawn phak ngai loh
tur ka tawng hnem tak zet a ni. Vai mipa ka hmuh dan her danglam thei tu chu amah hi ani
chiang alawm. Vai mipa hi tunhma chuan lerh tak, mi bumthiam tak, sex chauh duh ni in ka hre
thin a, hei vang hian vairam a awm e ti lo hian vai mipa hi ka ngaina hleithei lo. Mahse Ab-a ka
tawn atang hian ka ngaihdan thenkhat chu ka thlak ve ta deuh. Chumi rual chuan mipa dang ka
va kawm phah hran lo. A ni hi chu ka tan Vantirhkoh ang mai a ni.
‘ Tunah chuan kan hlawhtlinna lawm a ngai. Enge min treat dawn?’ car khalh chung chuan alo
ti zui ve zat a.
‘ Makaloo-ah chicken kebab a ni mai alawm’ nui sang chuan ka ti ve nghal a, a nui var var. Ka
hlawh a tam lo, ka inren zia a hria, hmun changkang ah engmah ka treat thei dawn lo tih a hre
sa ang. Mahse Chicken kebab a ngaina tih erawh a profile ka check atang ka hrechiang ve
tawk.
‘ In tur lampang te?’ ka teu leh hlar dawn tih a hriat avang a min chhaihna ani tih ka man
thiam nghal vek. Mahse vawiin chu ka teu hlar thei lo, ka hlim a ni.
‘ Yes, sure’
‘ Really?’ mak tih hmel zet chuan min melh zawk a, keilah ka lo nui ang sawng a. Ka hlim em a
ni.
‘ Yaaa...... ‘ ka mood fuh lai a tawng chu a vannei teh e.
Makaloo restaurant & bar- ah chuan dawhkan pakhat kil chuan kan thu dun a, ka tawng siam
siam a, ani chu a dan pangai te in min ngaithla leh kar a, hei hi kan tihdan than loh pawh a ni
lo. Engtinnge he mihring hian min kawm peih tlat ni? Ka thinchhe si, puih ka ngai reng a, ani
ang hnathawh sang tak thawk, hunawl pawh nei mang lo hian a hunawl neih ve ang ang ah hian
ka bul a awm a duh thin. Ka mood off in ka hau a, ka be peih lo a, mahse a thinrim ve ngai lo.
‘ I bialpa nen in boruak ala tha em?’ chu zawhna min zawh chuan ka bialpa, ni lo, ka bialpa ni
tawh lo zawk chu ka hrechhuak zawk. Ka hlim lutuk khan ka natna ka lo theihnghilh ve hial
anih hi.
‘ Aih. Kan inthen tawh’ hnuailam ka melh a, ka rilru natna chu ka hrechhuak lehnghal vek. Ka
mittui a tla tep a, ka khap sak a.
‘ Enge awmzia? I thinchhiat vang bawk em ni?’ ka bialpa nen a kan chungchang hi thenkhat ka
share ve thin. Awmdan tur pawh min hrilh nasa, a chhan chu ka thinchhiat zia a hrechiang ve
bawk em a ni.
‘ Ni lo, tun tum chu a ni lo. A tan ka tling tawk lo ani’ ka ti chuai raih a. A hmel a maktihna
chu ka hmuhhmaih hauh lo. Ni e, kha mihring kha ka duh zia a hrechiang. Ka tawn atang a ka
danglamna pawh a hre hial ani.
‘ How come? Elty, a theih loh. I hmangaihna kha a tawk ala ti lo ami?’ ka thianpa in ka
thlavang a hauhna ri chu ka tan ava hlu tak em!
‘ Ni lo, Ab, chutiang lam ani lo. A duhzawng tak ka lo ni lo zawk alawm’ ka nui lui sak a, kan
hlimna chu kha mihring vang bawk in a buai leh zo vek.
‘ Dear,lungngai suh. I thianpa ka awm a, harsa i tih chang apiang in i tan ka awm zel ang’ ka
kut chu a vuan a, hetiang ang thian tha ka nei hi ka vannei tak zet ani. Kan eitur chah alo
thleng a, Ab-a chuan Ballentine’s a lam tel a, kei erawh chuan ka vanneihna hi alcohol tel lo a
lawm ka duh zawk avang in ka in ve ta lo. Thudang min sawipui a, keipawh ka nui leh thei
nghal mai. Min hnawl tu vang a ka thian tha tak hi tih lunghnur ka tum lo.
Mr. Manish kan hmuh hnu ni 7 na ah Nashik-a hotel lar ber, Express Inn Hotel bihchiang tur
chuan Ab-a nen bawk kan chhuak dun leh a, ka hlim kher mai. He hotel-a thleng tur hian kei a
sum tlemte hian a pha lo chiang bal. Mahse ka story ziahna a tan hotel hi belhchian duhna ka
nei tlat a, Ab-a puihna hmangin phalna ka hmu a, ka tan chuan hlim lohna chi ni hek lo. Hotel
chhung ropui tak fang thei tur a hun ka nei thei chu nuih reng loh na chi a ni lo. Chuta kar ah
ka thianpa buai tak in ka tan a hun hlu lutuk min pe bawk a, mi vannei tak ka ni.
Chawhma dar 11 atang kan fang tan a, room te chu fan kim ngaihna a awm lo. Mahse a tam
thei ang ber erawh min fan kual pui a, an gym place te chu Mizoram a awm atan ka awt kher
mai. Nileng a kan fan kual hnu ah tlailam dar 7 rik hma deuh chuan kan duh ang te kan hmu
kim ta bawk a, an hotel chhung a O2 spa-ah chuan foot massage kan la a, nuam ka ti vang
vang.
Kan massage lak zawh chuan Ab-a chuan Mr. Manish chu a phone a, a office a a awm leh awm
loh a zawt a, alo awm hlauh a, lawmthu sawina nei tur chuan kan kal nghal a. Nileng a teikual
mah ni ila ka thil chak em em ti ka ni bawk a, hah reng reng ka hre lo. Lift-ah chuan kan
chuang a, chhawng chung ber, chhawng 7 na ah chuan kan tawlh chho a, a ropui thlawt a ni.
Hmanni khan ama office bik ah ni lo, manager ho awmkhawmna a a office te pen ah kan hmu
kha ania, tunah chuan ama office-ah ngei kan han hmu a, ropui tak ani.

‘ Hi.... Elty, i duhzawng i hmu kim ang chu maw?’ hman ni a a mizia ang lo tak in min lo
welcome tha kher mai. Hman ni khan a sual ka tihna ni lovin.
‘ Hi.... Hmu kim e. Ka lawm takzet ani. A ropui takzet bawk’ nuisang chuan ka lo ti let vat a.
Thutna min kawhhmuh hnu chuan kan thu nghal a, a hmel chu a nung vah a, hmachhawn a
hahdam thlak kher mai.
‘ Mr. Ab, in lung ka ti awi zo ngut emaw chu.... Ka lo buaipui hman mang si lo cheu a nui sang
chuan Ab-a chu a ti zui nghal zat a, sumdawng mi diktak amah ah chuan ka hmu ani. Min lo
welcome dan ah lah duhthusam.
‘ Ka boss hi a hlim dan ah kan lung a awi takzet anih hmel. Lawmthu sawi nan engemaw kan
buatsaih a, min hnial em lovang chu maw?’ Ab-a thusawi chuan min ti phu zawk. Chutiang lam
ka lo ngaihtuah miah lo a. Mahse a chetdan cool raih ah chuan lo chiai ci ani lo tih ka hria. Ka
rilru erawh chuan enge tih a tum ka inzawt nghal thung.
‘ Wow! A lawmawm viau nangin chutiang chu ti lo hram teh. I zar kan zo nasat tawh kha’ Mr.
Manish chuan alo ti vat a. Nia, Ab-a hi mi mai mai ani lo tih chu ka hrechiang tawh lutuk. He
hotel ngei pawh hian an chhawr tangkai tawh tih a hriattheih nghal.
‘ Ni lo e. Zan in chu ka in ah zanriah min kilpui la kan duh ani. Ka thian tha ber tan a i thil
tihsak hi a ropui tak zet ani. Inbuatsaih te kan ngai ve a, dar 10-ah kan lo beisei ang che’
thupe aw zet, mahse huatawm miah si loh chuan a ti leh nghauh a, a ding zui nghal. Ka ding ve
vat a, Mr. Manish chu ka nuih var var a, ani pawh a nui. Ab-a sawmna chu a hniallo tih ka
hrethiam nghal.
‘ Hey, enge i tih a? Min hrilh lawk bawk si lova’ car chhung kan thut luh rual chuan ka ti zui
nghal a, ani lah a nui suk a, ka vawm chawrh chak lutuk.
‘ Ka in ah ei siam tur ka ruai vek. Kan buaipui a ngai lo. Mahe wine erawh kan lei a ngai dawn.
Govinda wine shop ami lei ang. An dawr nghak tu kha a lawmawm tlat’ tih pah chuan Mumbai
Naka road lam ah chuan a tlan nghal vut a, hnial a sawt dawn chuang lo. Ka earphone ka
phawrh a, a ngaite in “ I LO NI RENG SI” Josephine sak chu ka ngaihthlak san daih a, hetiang
hun ah hi chuan biak buai ka duh lo thin tih a hria. A car khalh chiah a ngaihtuah ve nghal mai
thin.
Thla 2 zet chu ka thianpa nen pawh kan inbe ta lo. A sumdawnna zauh tur in Gujarat lam ah a
awm a, keipawh in min biak loh chuan ka be ngai lem bik lo. Bakah a bialnu nen pawh an inbe
ve duh anga, kei bialpa pawh nei lo hian lo biak buai ve chhen ka inthlahrung. Ka hna ah ka
tluang a, ka nun ah thil danglam em em a thleng lo. Mahse ka bialpa hnuhnung ber erawh ka
hrechhuak ve zeuh thin.

VARGHESE - 2
ELTY LUHLUL AUG HNAMTE
‘ Hey, Ka kalbo hlan in min lo ngai miah nange?’ ka hnathawhna atang a ka in lam pan a ka kal
lai chuan car chhung atang chuan ka thianpa ngei mai chuan min lo nuih var var a, ka hmu chu
ka phu zawk.
‘ Mawla, ilo let tih i sawi miah lo’ tih pah chuan ka tihdan ngaite in a chal ah ka zuk kuk lawlh
a, nui uarh uarh chung chuan a tuia vut vut a, hetia a tih hian ka lawm tlat zel.
‘ Lo lut rawh. Big news ka nei ania’ a tih chuan hnial eih lo chuan car ah ka thu lut zui ve
nghal. Big news a tih tawh chuan a bialnu nen an inhau a ni ziah.
‘ Zan in chu in ah dinner ei lo mai rawh. Engemaw sawi tur ka ngah a nia’ tih pah chuan a nui
var var a, ka hriatchian ve tawh em avang in pawi ka ti hran lo. Nashik-ah hian thian hran nei
lem lo in kan awm ve ve a, Krismas ni in inkhawmna ah kan intawng a, thian tha tak kan ni zui
nghal. Christian anih na hi a nun ah hmuh theih in a awm a, midang tan a in phal em em a, a
hausakna hi a chapo pui ngai hek lo. A bialnu erawh ka ngaina hlawl lo.
‘ Pune lam a ka sumdawnna zauh tur ah khan mizo mipa nen kan thawk dun dawn a’ 7Heaven
Hotel Restaurant-ah chuan kan zanriah ei tur nghak a kan thut lai chuan min hrilh a, ka lo nui
sak a.
‘ Wow! Ava ropui ve, ka lawmpui che’ tihpah chuan rem lo zet in a biang ka beng zeuh a, hei hi
kan tihdan ngei ngei a ni. Kan inlawmpui in biang kan in ben sak zeuh a, mahse tawrhna lam
anih chuan kut kan in vawn sak thin a ni.
‘ Hey, chu chauh a ni lo. Inhmelhriattir cheu ka duh a nia’ kan eitur lo thleng chu a ban nghal
zat a, hepa hi chu aw..... Ngaihzawng neih loh khawharthlak zia a hrechiang ania.
‘ A tha a lawm. Ei phawt ang. Ka ril a tam a nia. A dang chu haw pah in sawi ang’ tih pah
chuan rang zet in chilly chicken chu ka ban nghal a, ka ril a tam hi chuan engmah ka ti thei
ngai lo.
‘ Ti hian sawi pah ang. I duhzawng a ni dawn chiang a nia. 5’10 vel a niang’ nui vur vur chuan
a tihzawm leh a, ka mipa duhzawng hre tur in kan inkawmngeih ve tawk tlat a ni.
‘ Mawl suh. Ngaihzawng nei leh tur in ka la in peih lo. Tin, single life hi nuam ka ti ber’ ka thil
ei lai chu ka thial tawlh tawlh a, beidawn hmel zet in min en a, ka nui teuh lutuk.
‘ Hmu ve hrim hrim la ka duh a. I holiday-ah Pune chu kal ang. Amah chu a awm sa a, kan
STORYFB.COM • VARGHESE BY ELTY LUHLUL AUG HNAMTE https://storyfb.com/viewtopic.php?f=23&t=1083&view=print
5 of 12 3/5/2017 5:52 PM
hmun hma tur te zuk en dun ang. Amrita pawh ka sawm ve ang a’
‘ Ab, ka duh lo. Amrita te nen a zin ho ka duh lo. Ka ngaina lo, a ni pawn min ngaina lo bawk’
hei hi chu a hre zing tawh. A bialnu hi ka ngaithei lo tak zet a ni. Vawikhat party na ah zak tak
in min siam a, ka theihnghilh leh tawh ngai dawn lo a ni.
‘ Dear, puitling zawk i nih kha. Amrita hi mil hram tum teh’
‘ Aih. Khang thil zawng zawng a thlen hnu ah kha chuan ka tan chuan hmelma diktak a ni. I
bialnu ni lo se chuan ka sawisa hrep tawh ang’
‘ Ka hria a lawm. Vawikhat chauh tal hun han pe ve teh’ a hmel chu ka khawngaih takzet a ni.
Mahse a bialnu ka huatna hi ka thinlung ah a lian zawk miau sia.
‘ A phu lo. Ka puar tawh. I ei zawh tawh chuan bill siam tir ila, kal ang. Naktuk hna kal ka
ngai. Hahchawlh hma ka duh’
‘ Ok. Ka nawrlui lovang che. Mahse next week-ah chuan Pune chu Amrita tel lo in kan kal ang
tih min tiam rawh’
‘ Engvang chuan? Keimah avang a i bialnu in a chanvo a hloh ka duh lo. Theihnghilh rawh’
‘ A hloh dawn lo. Mahse tun ah hi chuan ka thian ka mamawh zawk che a, tin, ka hlawhtlinna
hi sum it vang a min lawmpuitu ai chuan thinlung tak a min lawmpui thin tu bul a awm ka
duhzawk’ a ti chuai raih a, thil alo hrethiam ve tan ta a ang hle mai. A bialnu hian a hmangaih
lo. Ab zawk hian a hmangaih em avang in a thlah thei lo a, a mamawh sum hmang in a
chelhbet hram hram a, hei hi ani ka huat lehzualna em em.
‘ Hun ala tam. Kan la sawitha leh dawn nia’ ka nuih ver ver a, a hmel hahdam huai hmel chu
ka en a, ka khawngaih a ni. Hetiang mipa tha lutuk hi engtinnge sum vang chauh a an kawp
phal le? Mihring hi alo va in an loh theih tak em!
Kartluan chuan phur lo em em in hna ka thawk ani ringawt. Khua a nawm loh avang in kan buai
lo ropui mai bawk si. Hunawl ka neih chuan min bumtu kha ka hrechhuak tlat zel. Ka na a ni.
Ka lak atang a kalbo vang ni lovin, ka thian ti a a chhal thin kha a thian alo nih loh zia ka
hriatchhuah a bum ka lo nihzia ka hriatchhuah avang hian ka na a, ka zak a, ka tlawm ngawih
ngawih a ni.
Ka beng ah hian ‘ Nupui ka nei a nih chuan *** kha ka nei ang’. ‘ Hmeichhe fel tak a ni’. ‘ Ka
thiannu a nia’ ti a ka bul a a sawi thin kha a nupui tur a a duh a nia, a thiannu chauh alo nih
loh zia hi a chiang vawng vawng a sin. Ka zak a, ka induhtawkna a chhe zo a, ka haw lo, ka
huat tlak pawh a ni lo. Mahse ka ten ngawih ngawih a ni. Amah kha rinlohna ka nei ngai lo. A
nun ah khan hmeichhe pakhat kha keimah hma in a awm tih ka hria, ka rual khan midang a
awm ve ka lo hre lo a, ka rintawkna chu bumna a rulhlet ka ni.
Engtinnge ngai ka awh leh theih ang? Mahse hei vang hian mipa zawng zawng hi an in ang vek
lo tih ka la pawm fan tho. Mahse ka ngaihdan avang hian ngaihzawng neih leh ka in peih nghal
a ni lo. Amah ang ni lo mipa ka tawn hun ah ka la nei ve mahna! Sual kai lo mihring a awm
theih loh. Nunhlui nei lo mihring hi an tlem khawp ang. Mahse a nunhlui kalsan a nunthar tha
zawk nei duh mi chu a nunhlui hriat reng sak loh a tha zawk. Nun ngai reng erawh mi
bawlhhlawh mai an ni.
Zirtawp zan chuan rilru tih thawven mamawh a ka inhriat avang in Ab-a ka va call a, tun tum
chu Bar-a kal ka rawt a ni. Mak a ti tih ka hria. Mahse phur tak in min kalpui a, a nihna hi mi
hriat a hlawh a, khawi ah pawh kal se zah a kai a, a bul a kal hi nuam ka tih rual in kei mi
mawl ve tak, hmun changkang kal tam lo ve takl hian ka tihmualpho ka hlau ve deuh thin.
‘ Tequila shot ang’ a hmel chu ka nuih a za lutuk. Ka thusawi chuan a thawng takzet tih ka
hria. Ka lo nui vak a.
‘ Enge i awmzia? I a deuh ami?’
‘ Zan in chu ka tem chhin chak a’ tih pah chuan Tequila chu ka lam nghal a, a nui vur vur a,
mahse kawngbo nuih deuh in a ni a nuih.
‘ Min hrilh teh. Hetiang hian i awm ngai lo’ ka kut ah chuan a vuan a, ka lo nuih sak.
‘ Nun ngai reng te pawh hi a ninawm ve thin alawm. Tequila shot chu a sual viau ami?’
‘ Ni lo e. Ka sawi awmzia chu rilru hahna i nei a mi?’
‘ Nei lo e. C’mon, 1.....2.....3’ ka tlak pap a, ka pum a sa thla ngei mai. ka lu ka thing sawk a,
ani pawh chuan alo tlak ve pap. Kan in en a, kan nui var var a, a tui loh lem loh hi.
‘ Dawt min hrilh a, min bum a. Ka ten ani’ Vat69 small dawm pah chuan ka ti sap a, ka na
alawm.
‘ Han sawichiang teh. Kha mihring khan a bum che a maw?’ ani pawh a kai ve deuh tawh. Kan
rawl a ring dun kher mai.
‘ Bum e. Mahse a pawi lo. Bum hmang chu ka lak ata a kalbo tawh. Ka zalen tawh’ ka no chu
ka tlak a, ka mittui erawh a tla eih lo. Ka mittui hi a phu hlawl lo.
‘ Chuvang ani maw helai hmun a kal i rawt? A no ka duh. I hmangaih zia a hre lo anih hi.
Tenawm’
‘ Biak a ngai lo reng reng. Ka hmangaih lo. Ka duh lutuk zawk thin a lawm. Ho lutuk. Hlim kan
mamawh. Pune chu kal ang. Ka Mizo pui chu ka hmu chak alawm’
‘ Really? I kal duh dawn ta lo a maw ka tia. Thanks. MMonday zan ah kan chhuak anga,
teusday-ah kan hna ah chuan kan va kal anga. Mr. Kim pawh ka lo hrilhlawk ang’ ka thianpa
phur ta lutuk chu ka nuih aza ru zawk.
VARGHESE - 3
ELTY LUHLUL AUG HNAMTE
Pune kan thlen meuh chuan zinglam dar 2 a ri der tawh. The Pride Hotel Pune-ah chuan kan in
nghat a. He hotel hi 5* hotel a nia, nuam ka ti ber bawk. Airport atang 11KM -a hla ania, A
hmun hma a nuam a, engemaw pawimawh ah ka thleng ve zeuh zeuh tawh. Ab-a pawh a thleng
zing tawh tih hriat tak in min lo welcome tha hle. Mahni room tur ve ve kan pan a, ka chauh ve
em avang in shower in ka in phuh tir thuak thuak a, ka neih phak ngai loh tur khum dup nuam
lutuk ah chuan ka mu a, ka muhil zui nghal.
Zing dar 6:30-ah ka tho a, khua chu ala eng chiang vak lo. Mahse ka taksa tih hrisel nan
swimming pool-ah ka kal a, darkar chanve vel ka cheng a, ka room-a ka let chuan Ab pawh alo
tho ve tawh tih hriat tak in a room kawngka chu alo in kau deuh a, ka intihfai chuan breakfast
ei a hun der a, Ab room lam ka pan nghal a.
‘ Good morning’ room kawngka min lo hawn chuan alo ti var a, a hmel chu hmuh a nuam
takzet ani.
‘ Morning. Room-ah nge khutah breakfast kan ei dawn?’
‘ Room-ah ni mai se. Ka room-ah hian ei mai ang. Hna khawih lawk tur ka nei’ tih pah chuan a
laptop chu a kawk zauh a, ka bu nghat. Keipawh in room-a ei mai kha ka duh zawk daih. Mi
hausa pui pui kar a thil ei hi nuam ka ti ngai lo.
‘ Dar engzatah nge kan chhuah dawn?’ thingpui khu vat vat chu ka dawm a, Ab-a chu a laptop
a khawih mawlh mawlh a.
‘ Dar 10 vel ah a rawn thlen ka beisei. Hetah engemaw paper tlem khawih dun tur kan nei a,
chumi zawh ah kan hmun ah chuan kan kal ang chu. Lunch zawh ah’ a thutna atang a rawn
thawh hluai pah chuan a thingpui tur chu a ban nghal a.
‘ A that chu. Inorbit Mall-ah kan kal hman angem?’
‘ ha ha ha.... Nang tak hi chu aw.... Ok, no problem. Kan kal hman ang. Mahse kan rei hman
dawn lo a, i duh kha ngaihtuah lawk sa ang che’
‘ Ok. Nihchuan tun ah dar 8 a nia, reilo te mutna hun ka nei. Ka va mu leh a nge. Dar 9 ah min
lo kaitho mai dawn nia’ ka phone lek zauh pah chuan ka tia. A nui zui hak hak chu ka
chhuahsan zui nghal.
Ab phone call ah chuan peih lo zet in ka tho a, kan mi hmuh tur Mr.Kim pawh chu ka ngei lek
lek. Ka mutui ve dawn chauh a. Zing ah ka lu ka suk tawh avang in ka taksa chu ka tleuh thuak
a. Inchei viau a ngai angem? Kan mi hmuh tur hi Mizo in ti changkang chi ani angem? Inchei viau
dawn pawh ni ila thawmhnaw ka keng lo hrim hrim. Ka kekawr dum, smart pant chu ka ha a, a
chung a kamiz thawl lam deuh chu bilh lo in ka ha bawk a, flats ka bun a, ka inpeih chuan Ab
phone a rawn kal leh tawh. Mr.Kim alo thlen thu leh counter-ah lo zuk hmuah a duh thu a sawi
a, amah a zuk kal tur in ka ti hmiah. Ka hna pawh ni ve hlei lo.
Ab-a room ka va luh chuan Mr.Kim chu min hnungchhawn zawng in a thu a, an ti ti a laklawh
hmel viau bawk. Ab khan room kawngka a kalh loh avang in ka lut tlang mai a, a english lam
chu a nalh kher mai. A tukhum atang chuan mipa luhlul tak a nih ka ring. A chhan chu a thle
nguai lo a. Ngil tak in a ring a tun vah a ni. Mahni lu zo tak a nih ngei ka ring.
‘ Hi... Elty, Mr.Kim a nih hi. Mr.Kim, hei hi Elty chu a nia. Mizo ve tho a nih hi. Ka thian tha
ber’ Ab-a chuan nuisang in min inhmelhriat tir a. muangchang chuan Mr.Kim pawh chu a rawn
hawi a. Lalpa leh! Hepa hi, ka thawk a tawp dawn in ka hria. Hman ah Zolife Magazine-ah a
chanchin an chhuah tawh. Laltlankima a ni. Nupui then tawh a ni bawk. Fahrah a ni bawk.
Mahse mi hlawhtling a ni.
‘ Ka hmu che chu ka lawm e’ Mizo tawng ngei mai chuan a ti a, a awri nalh zia leh pa zia chu.
Ka lam ah a kut a rawn phar a.
‘ Keipawh ka lawm e’ aw khur dar dar chuan a kut chu ka vuan zeuh a, a nui hmel chu ava han
tha tehkher em!
‘ Hey, not fair. In tawng in inbe rih suh u. Elty, lo thu la. II tum ang in Mr.Kim chu i hmu em?’
Ab-a chuan nui snag in min fiam zui nghal a, keipawh ka thu ve nghal.
‘ Ab, ka tum ang in ka hmu lo’

‘ Wow! Engtia min hmuh nge i tum? Hmeltha deuh in a niang a, ka lo chhe sia’ nuisang chuan
Kima(ti hlir hian keima lam atang chuan ka ko tawh ang) chuan alo ti ve vat a, kan nui ho dar
dar.
‘ Teuh lo. A hmu chak lo che a, b’coz a bialpa mawl zet vang in. Mahse a mitmeng ah khan a
inchhir lo a ang’ Ab thin hi chu aw.... Mizoram-ah chuan hepa hi mizo hmeichhe zing ah duh lo
an awm lovang tih tur khawp a mipa luck, ngaihsanawm a ni. A nupui hlui kha khawvel
hmeichhia a hmeichhe mawl ber a nih ka ring.
‘ Heyyy, ngawi rawh. Chutiang a ni lo. In hna sawi tawh ru’ ka lo ti vat a, mipa pahnih te chu
an nui ve nasa mai. Tunah tak hi chuan ka vannei thlawt. Mipa pahnih, hlawhtling dun tak,
hmeichhe hipna ngah em em te bul ah ka awm mek a, hmeichhe tam tak chak em em chu ka
chung ah a thleng a, ka vannei tak zet a ni. Ka bialpa bul a ka awm ai pawn nuam ka ti daih
zawk ang.
‘ Kan lo zo fel der tawh a. Mall-a kal i duh thu Mr.Ab hian min hrilh a, heta lunch ei lo in kan
kal hmasa anga, restaurant vel ah kan inhnawhpuar mai dawn mi? Enge in ngaihdan?’ Kima
chuan awki zang vah in a lo ti vat a, a tawng a piang hian tih at in ka awm ni mai in ka hria.
‘ Pawi hleinem’ Ab chuan alo ti vat a, keipawh in ka hnial lo. Tlai ah kan haw lehnghal dawn
avang in Hotel atang kan chhuak tlang dawn a ni. Ka thawmhnaw tlem te chu ka room ami chu
ka va la a, hotel thawk te kohbuai kher tul ka tih loh avang in ka bag chu ka khai a, Ab chuan
bill vel tihfel a ngaih avang in min chhuksan a, Kima chuan min lo nghak thung.
Lift-a kan chuan lai te chuan ka zam kher mai. Mahse mi pangai tih tak ah min be ve bawrh
bawrh a, ka zam lutuk chu a zia deuh. Ground floor kan thlen chuan ab pawn bill alo tifel zo
chiah a, mipa 2 in motor an keng ve ve a, Kima chuan a motor-a chuang zawk tur a min
sawmna chu Ab-a lawm ah alo tla. Amrita biak a chak tawh ang. Ka bul ah chuan a be hreh
deuh thin tlat a lawm.
‘ Engtinnge Mr.Ab nen hian in inhriat?’ a awri ah chuan mak tihna a awm deuh in ka hria.
‘ Nashik-ah hnathawk in ka awm a...’
‘ Chu chu ka hre tawh a’ alo ti nghut a, ab-a bul a a awmdan ang khan a nelawm tawh miah
loh.
‘ Nia, inkhawmna ah kan inhria a, chumi hnu ah bazar na ah kan inhmu leh a, tichuan kan
inkawmchho a ni mai’
‘ Thian choh maw in nih?’ a tawngdan chu ka ngei kher mai.

‘ Engatan nge i tih?’
‘ Engatan mah. Kan thleng e’ tih pah in a ding a, a car chu parking area-ah a park nghal a, ka
duh tehlul nen a awmdan kha ka ngei lutuk. Ka duhna a bo vek.
Car atang chuan ka chhuak a, Ab-a pawh alo in park fel chiah. A hmel chu a dur deuh a, Amrita
nen an inhau ani leh ngei ang. Mahse min hmuh chuan a rawn nui var var a, a mizia ka duhna
ber chu a mimal hlimlohna hi tuma bul ah a tilang ngai lo hi a ni.
‘ Vawiin chu hotunu duh zawng kan en dawn a, a ninawm leh dawn mange. Lut ila’ tih pah
chuan a nui vur vur a, Kima erawh a tawng lem lo. Ngawirengin Ab-a chu kan zui a, hmeichhe
thawmhnaw dawr ah chuan min luhpui a, kan lut chiah chu Kima chu dawr nghaktu te chuan an
lo welcome that dan ah a vawikhat kalna a ni lo tih a hriat.
Ka duhzawng chu ka enkual a, mahse a to hlawm em avangin ka lei ngam lo vek. Hmundang ah
kan kal leh a, dawr pakhat chu discount an lo kalpui mek a, ka lut chat. Ka mipa kalpui te chu
an ti ti bawrh bawrh a, ka duhzawng kekawr 2 leh pheikhawk 1 chu a man chanve zel a tlawm
in ka lei a, ka lungawi hle ani. Ka duhzawng ka lei zo a, duh dang ngah viau mah ila ka pawisa
neih in a daih ve lo. Ab-a chuan thil min leisak a tum viau nangin thinrim meuh a ka hnial avang
in a tilui ta lo. Sum vang a thian kawm ka ni lo. Hna ka thawk a, keiman ka lei ve thei.
An dawr thar tur awmna building kan thlen chuan mi vantlang tan pawh a kal nuamlo tur
khawp a dawr changkang ani dawn tih ka hrethiam nghal. A chhung chu ropui tak ani. Mi hausa
fa te sum khawhralna tur hmun changkang tak ani dawn tih a chiang. Engtikah mah ka kal ve
phak ngai lohna hmun tur a ni.
A mawi hawih a kan inbiak zeuh bak chu Kima nen chuan kan in be leh tawh lo hrim hrim. Ab-a
pawn a hriatthiam ka ring. Mahse engmah a tilang lo. Duhtawk a kan fankual hnu chuan keini
pawh Nashik pan zai kan rel nghal. Haw vat vat ka chak a ni. Kima min tihdan kha nuam ka ti
lo. Mi thenkhat te ngaihdan ang bawk in a ngai ve a ni. Mahse ka dem em em hran lo. Mizo chu
tlem in kan rilru a la zim a, hnamdang thian kawm ala harsa a ni. Min huat vang ni lovin hnam
hmangaihna lam hawi ni a ka ngaih avang in ka haw lem lo. Mahse tha tak in min sawipui thei
reng a, a tawngkam hman duhdan kha ka ngei ani.
VARGHESE - 4

ELTY LUHLUL AUG HNAMTE
Tun ah chuan ka dan pangai te in ka hna ka thawk leh tawh. Ab-a pawh a sumdawnna
bawhzuiin Nashik- ah a awm leh tawh lo. Thian ka kawm lova, ka hnathawhna a ka thawhpui
te nen hna ah kan inkawm ho bak ka chhuak ngai hek lo. Chhuah tam chu pawisa hekna ni
hriat avang in in a awm tam hi ka duhzawk a ni. Kima pawh ka hre zui tawh chuang lo. Ka tan
tangkaina a neih lem loh avang leh a thil min zawh dan ah khan ka ngei ve deu hrim hrim
bawk.
Zan khat chu kan thawhpui pakhat nen hna ban ah bag lei kan duh ve ve avang in Nashik-a mall
lian ve ber, City Center Mall-ah chuan kan kal a, ka kalpuinu pawh hi amah a in luah anih ve
tho avang in haw a rawngbawl chawp ai chuan ti in Barbeque Nation-ah chuan zanriah ei nghal
kan rawt a, he hmun kan thlan kher chhan pawh, non-veg unlimited Rs.750 in mi pakhat in kan
ei thei miau a, hmundang ah chuan ei ila a aia tam daih kan sen loh vek pawh sa kan hmu kher
lovang. Tin, an eitur hi sawisel tur a awm lo. A tui a ni tawp.
Kan eitur chah kan nghah lai chuan ka phone rawn nghawr dar dar chu ka en vat a, ka nu a nih
ka ring. A chhan chu zan ah ka hna ban apiang in kan inbe ziah tlat a ni. Mahse ka ring sual,
Ab-a phone a ni ve teh tlat. Ka nui suk a, Nashik a rawn let tawh tih ka ngaihtuah hman tlat. A
chhan chu Nashik chhung a a awm loh chuan tun ang hun ah min be ngai tlat lo a ni.
‘ Yep, Nashik ilo let tih min hrilh miah lo’ kan ti nghal thawr a, a nui hak ri chu ka hre zui
nghal.
‘ Khawnge ka awm tih ngaihven in vawikhat tal zawhna min pe bik em?’ a awri a hnehtu in ti
zet chuan min chhang zui nghal zat a.
‘ Hmmp... Nangte chu i buai a, Tin, Amrita nen in awmdun lai te lo ni ta se buaina....’
‘ Ohhh.... My dear, chhuanlam zawng kher suh. Aw le, ni 2 hmalam khan ka lo let. Hna ka ngah
deuh avang in ka rawn hrilh duh ta lo che a nih kha’ a ti zung zung a, ka nui sak.
‘ I hna chu i bialnu thikthu chhe zet kha a ni lehpek ang.Pha lo la, tun ah chuan Center mall-ah
kan awm. Dinner time, ka haw ah ka rawn bia ang che’ a tawng leh hma in phone ka dah daih.
A bialnu chungchang a a insawifiahna ka ngaithla leh dawn a, ka kalpuinu a zahawm.
Zanriah tui zet mai kan ei zawh chuan motor nei ve lo ta chuan inla chhelo zet in Auto
rickshaw driver kan han dawn leh tak tak a, hei hi chu ngai ah ka nei tawh. Heng lai rickshaw
driver ho hi 70% vel chu tlawm dil ngei ngei an ngai. Ka kalpui nu nen kan in kawng a in an loh
avang in auto hran ve ve ah kan kal a, ka chuanna driver lah chu music nei ring hrep. Puar nen
ava han inrem lo ber mai tak.
In ka thlen chuan ka inbual nghal a, inbual zawh ah whatsapp group ah ka pawt zuah zuah a,
hei hi thian ka kawm ve dan ber a ni. Group pakhat ah ka mi ei loh deuh pakhat in min rawn
tawngkhum fek a, mahse ka chhang ta lo. A chhan chu khami group-ah khan ka dream
boyfreind a awm ve tlat, in tih mark that viau ka ngai. Nihloh chuan ka leng tar mai dawn.
Bumtu chu liam rawh se.
Mutthilh tum in ka phone ka dah chiah a, Ab-a call bawk alo kal leh. Ka be leh ang tih ka sawi
kha ka hrechhuak chiah. He mihring perfect lutuk hi chu ava ngeiawm zawk thin tak. A lak ah
tihtur ka in tuk anih chuan hriattir leh lo in ka thulh ngawt thiang lo, a chhan chu ama tihdan
ani miau a, thusawi ang lo a awm hni hne chi a ni ve lo. Amrita hi ka haw takzet. Hetiang mipa
hi engtinnge a tihnat fo theih ni!
‘ Ab, sorry. Ka inbual zo ka lo online leh daih a’ ka nuih tlawn har har a, a hmel awmdan tur ka
mitthla. A mitmu uk khak, mithmul chhah la, hmui pawrh mawi tawk, khabe invuah fuh zet chu
a ner nang ngei ngei ang.
‘ I sim hun ka nghakhlel. I mu tawh dawn mi?’ a la lungawi chiah lo tih ka hre nghal. Thian
inkar a inhmangaihna ah hian tihtauhna te hi a awm tel ve miau a ni.
‘ Mu deuh tep. a hrim hrim in ni 2 chhung chuan engmaw i tih?’
‘ Aaaa.... Nia, Amrita khan Mumbai atang min zui haw a... englo...’

‘ Tichuan ni 2 chhung chu hna pawimawh tak, hmeichhe thawmhnaw thleh, ei siam... Omg! Ab,
i sim theih hun ka nghakhlel’ a sawi ang chiah chuan ka tihlet khum ve kher. A chhan chu ka
thianpa hi he mihring nu lak atang a talchhuak se ka tihzia chu a ni mai.
‘ Ka hria a lawm. I nghak chhuak har lovang’ a awri chu a tak ngun a, a hlim loh hmel viau
bawk.
‘ Hey, ka awih thei angem?’
‘ Dawt ka hrilh ngai lo che. Naktuk zan ah chaw ei ah min sawm la’ kum 3 dawn kan inkawm
hnu ah chaw ei a sawm min dil vawikhatna.
‘ Tehreng mai. Mahse ka life chu i hriat kha. 5* hotel ang mai a ropui ah ka cheng lo tih kha
hrereng la’ ka nui hak hak a, diktak chuan ka huphurh. Mahse hetiang khawp a mi hlawhtling in
ka in a chaw ei min dil a nih chuan a ngaihsanawmna ai mah in ka thian anih na ang in ka
welcome lo thei lo.
‘ Mimawlnu, i in ah chuan hlimna, lungawina leh hmangaihna a awm. A bak a ngai lo. Eitur ah
buai suh. Bungrua ah i buai a ngai lo. Thian kan nihna hi a tawk viau a ni. A aia hlu engmah a
awm lo. Naktuk zan i hna ban ah min lo call la, ka rawn phei ang’
Nileng chuan ka mikhual tur ka ngaihtuah a, inkawmngeih viau mah ila ka huphurh a ni. Mahse
ka rilru hahdam ve na riau chu eng pawh ei pui ila a ei thei vek dawn tih ka hria. Indian food
hranpa a ngai lo. Mizo duhdan ang in rawng ka bawl anih pawn a ei thei vek. Mahse a harsa tih
ber, chhuat a chaw ei a ngai dawn.
‘ Lo thu la, chaw kan chhuang nghal ange’ tih pah chuan thutna ka neih ve chhun, chair chu ka
kawhhmuh a, kitchen-ah chaw chhum tur in ka kal nghal. Sa a ngainat avangin pawnlam ami ka
order ve a, a bak chu hmarcha a ni mai. Artui ka kang leh a nga.
‘ Ka lo pui ve ang che’ ka choka chep zet a alo luh chuan kan khat vek mai hian ka hria. A
palian nasa mai si.
‘ Ngai lo. Chawhmeh siam a ngai lo. Khilam ah inkawm pah in chaw hi chu a vil theih’ tihpah in
gas ka on a, thutkhawmna lam ah chuan ka chhohpui nghal daih.
‘ Chuan, nizan a i thusawi kha?’ tih pah chuan ka melh kar a, a hmel ah chuan zamna ka hmu
tel deuh.
‘ Nia, kan tawp fel ta’ harsa ti zet chuan a sawi a, keilah ka meng phar kawk bawk. a chhan
chu Ab hian Amrita hi a then theih ka ring ngai lo. Mahse ani meuh in A TAWP a tih chuan dawt
a ni thei lo.

‘ Thil awmzia ka zawt thei che angem?’
‘ Hei vang hian alawm i in a lo kal ka duh chhan. Ka pa alo zuk bia a...’ a mit a chhing vang
vang a, hetiang a a awm hi ka hmuh vawikhat na.
‘ Chuan?’ a bak han sawi zawm mai tur ka hre lo.
‘ Min neih a duh thu a sawi a, ka pa chuan rem a ti thlap. Mahse sum leh pai chungchang ah a
tawng tam mah mah ani. Elty, i hriat kha. Unaupa ka nei ve, ro chungchang ah hian ka pa
tihdan bak a kalpui ka tum lo. Ka unaupa pawh mi hlawhtling tak a ni. Nupui nei mai tur a ni.
Ka pa chuan rethei tak in min chhuah lovang. Mahse Amrita tawng dan ah ka pa rilru a na a, ka
pa tihnat ai chuan Amrita kalsan ka thlang zawk a ni’ a kut hum ruh dan ah chuan a hun
paltlang ah hian a na takzet tih ka hria.
‘ Amrita nen chuan in sawidun lo ami?’
‘ Sawidun e. Kan inhau nasa bawk. Inneih chungchang hi kan la sawidun lo. Mahse ka chhungte
erawh ka hmelhriattir tawh ka tih kha. Ama thu a inneih chungchang ka pa alo sawipui mai leh
kan pahnih remtihna ang a alo sawi kha ka lung a awi lo a, ka pa ngaihdam dil turin ka tia, a
duh ta lo a’
‘ Tichuan i then ta a?’
‘ A ni ber mai. Ka nu hian i ngaihdan ang chiah hian a ngai ve tho a. Mahse ka hlimna tur anih
chuan ti in pawm thiam a tum a, vawikhat Mumbai-a kan inhmuhkhawm tum in Amrita awmdan
ah ka nu chu a lungawi vak loh avang in Amrita chu a khak a, chu chu Amrita hian a theihnghilh
thei lo a, engemaw hlek ah ka nu a sawichhia a, ka dawh hram hram thin. Tun tum ah pawh ka
nu hi a inrawlh miah lo. Ka zuk biak pawn engmah a sawi ve lo. Mahse ka nu a mawhpuh vek a,
tichuan hotel atang ka chhuahsan a, a hnen ah ka let leh tawh ngai loh tur thu ka hrilh a’
‘ Enge sawi tur ka hre lo. I nu chu keimah ang tho in a thaw hawk ngei ang. Mahse i na lai hmel
a hmuh erawh chuan tun a ka feeling ang chiah hi a nei ve tho ang. Ab, i future tihchhiat nan
hmang lo la, hmangaih lo tu che chu pawh beh talh tum lo mai la. I tan i thiannu hi ka awm
reng ang. Inchhir a lo let a duh a, a nun a sim anih te chuan i nu leh pa phalna thlapin i ta ala
ni leh dawn tho ania’ tih pah chuan a kut chu ka va vawnsak a, nghet deuh in ka kut chu alo
vuan a, a mit erawh a meng lo hrim hrim.
Hetiang khawp a mipa tha, hmeltha bawk, fel bawk, hmangaihna ngah bawk hi engtinnge na
tak a a siam theih? Ka lainat takzet a ni. Ka chaw chhum a phit ah chuan ka zuk en vat a, gas
ka herh hniam a, ka in kawngka rawn kik karh karh ri ah chuan ka chho vat a. (Ka door bell a
chhia a). Kawngka ka hawn chuan mipa pakhat, la tleirawl ve lam hian ka chawhmeh order a
rawn dah a, pawisa ka pek sa avang in lawmthu sawiin kawng ka khar zui lehnghal.

‘ Elty, ka lawm e aw.... Min ngaithla a. Ka nu leh pa hriat ah chuan na lo ang a ka lan a ngai a,
hlim hmel tak in phone-ah ka bia a. Mahse na ka ti ve lutuk. Ka hmangaih takzet a ni’ a mit la
chhing reng chung chuan a ti sap a, diktak chuan va kuah a, hnem ka duh. Mizo chu ni se ka
kuah anga, engkim a tha leh vek dawn tih hrilh ka duh. Mahse a theih miau si lo a.
‘ Lawmthu sawi a ngai lo. Chuan, thla leh ah chawlh lak a, Mizoram haw ka tum a, ka rual in lo
kal ve ta che’ a rilru lakpen dan tur ka zawn a ngai in ka hria.
‘ Really? a hma in engmah i sawi lo a’ a taksa chesawn chuang lo chuan a rawn meng a, a nui
nang in a mitmeng erawh a nui hauh lo.
‘ Nia, hrlhna hun che a awm lo em a lawm. Ilo kal ve duh em? Ticket en vat a ngai dawn a’ ka
nuih var var a.
‘ Mahse Mizo ka ni si lova, i Mizo pui ten an hrethiam thei dawn ami?’ a hma in kan society
kalphung te, hnamdang lak a kan thikthu chhiat zia te hi ka hrilh ve nual tawh a.
‘ A pawi hleinem. Thudik chu Pathian in a hria a alwm. Hotel erawh kan nei tha lo a nia, 2* a
awm a, mahse kan chhuang ve khawp mai’
‘ Ok. Hun ka lo insiam ang. E, tak a, Mr.Kim pawh ka be chhin anga, chawlh hmang a haw a
duh ve tak mial in’ a hmel chu a hma aiin a phur ve ta deuh. Mahse Kima a rawn sawichhuah
chuan ka hnual rawih. Ka hmu chak lo. Mizoram-ah meuh ka vai thianpa hi hruai ve ka tum sia,
ngaihdan tenawm zet kha alo nei leh pek ang tih ka hlau deuh a ni.
VARGHESE - 5
ELTY LUHLUL AUG HNAMTE

Mizoram haw nan kar khat chiah hun a awm tawh. Ka phur viau a ni. Ab-a pawh cham rei a
tum ve avang in a buai zak zak khawp mai. Kima kha, tel ve lo se ka tih tehreng nen alo remti
hmak mai sia, ka duh lo tak zet a ni.
'Hey, i phur tawh em?' Ab-a chuan phone atang chuan a rawn ti lang lang a, ka ding nuih sak.
' Dawn lawm ni? I hna i zo fel tawh em? Mumbai-ah kan inhmu dawn nge Nashik i rawn let
dawn?'
' Nashik-ah files pawimawh rawn dah ka ngai. Kan phei rual mai dawn nia. Ka car hi Mumbai-ah
ka hnutchhiah a ngai dawn bawk a'
' Yesss, Ac bus-a kal ka hreh zia i hriat kha' a nui hak hak a. Nia, Ac bus hi ka ngaina lo. Duh
hun ah a zun theih si loh. 2013, 8th August ni tak, ka birthday ni bawk ah khan Mumbai atang
Nashik pan in kan kal a, khua a nuam lo viau bawk. Ka zun chhuak lutuk kha bus conductor
hnen ah zun kan dil a, 15mins nghak tur in min tia, mahse a rei ta lutuk. Ka mittui a tla nasa
tawh. Vanneihthlak tak maiin kan thiannu pakhat khan a bag-ah kekawr pakhat alo ak hlauh a,
seat hnung ber ah chuan tumah thu an awm loh avang in kan thiannu pakhat dang nen chuan
kekawr chu phah in kan zung ta ngawt pek a, kan zung zo chiah a, bus chu a ding a, zunram
thiarna hun ala ni zui. Khata tang khan Ac bus hi ka ngaina tawh hlawl lo.
' I know. Ka car hi toilet a maw i ti em lovang chu'
' Ka hre lo le' kan nui zui hak hak a. A tuk tuk leh a kan chhuah hun tur te kan sawifel hnu
chuan phone kan dah zui nghal.
Mumbai a ni hnih kan bazaar chhungin Kima kan hmu lo. Airport-a inhmuh kan intiam hlawm
vang a ni. A ni chu Mumbai-ah hmelhriat a ngah a ni awm e. Keini thian dun erawh Ab-a
unaupa te in, Andheri lam ah kan thleng a, mi fel tak an ni. An Unau inbiak dan atang an
chhungkaw inrelbawl dan a hriat. An monu hlei hlei a fel.
Chawhma dar 10:30 ah chuan Airport-ah kan thleng vang tawh. Kima alo la thlen ve loh avang
in kan luhsan a, zing ah thawh ka hai avang in breakfast ka ei hman lo ani deuh ber. Ka ril a
tam deuh avangin Airport chhung ah chuan coffee kan in a, kawngka hnuchhawn zawng in ka
thu a.
' Hi, morning. Ka tlai deuh avang in pawi ka ti' ka hnunglam a awri ka hriat chuan ka coffee in
chu ka phuh tep.
' Morning. Ala tlai chhe hleinem. Lo dawm ve nghal la' tih pah chuan Ab-a chuan Kima chu
thutna a kawhhmuh nghal a. An va han chhelo dun Chiang tak em!
' Miss Elty chu i tho hma lo a ni maw? I mit ala bui tlat' nui var var chuan Kima chuan min fiam
a, ka va melh chuan a mitmeng thim raih chuan min lo melh a, fiamthu thawh ang a lang mah
ni se a phen a a sawitum chu a mitmeng ah a lang chiang hle thung.
' Nia. Ka mengrei deuh hlek a' ka ti sap a, ka thinrim lutuk hian ka tawng hleithei ngai lo.
' Anih hmel. Ohhh, chu, kan kal a hun anih dawn chu' tih pah chuan a tho hluai a, keini pawh
kan tho ve nghal. Kan chhuahna tur gate no.13 chu kan pan nghal a, kan ticket te an enfel hnu
chuan thlawhna lam chu kan pan nghal.
' Mr. Kim, Elty nen thudun ta che u. Keichu engemaw files khawih pah ka duh dawn a, a ning
leh palh ang' Ab-a chuan thlawhna kan pan lai chuan a ti a, ka ngei kher mai.
' A pawi hleinem. Amah in a hreh loh te chuan' a tawngkam hi a ngeiawm thin a ni.
' Pawi tih chhan tur a awm lo' ka ti nghat a, Ab-a lah chuan thlen hun a nghahhlelh zia a sawi
sek bawk. Thlawhna chhung kan luh chuan vanneihthlak tak in kan thu ho vek dawn hlauh.
Mahse ka duhloh dan tak. Tukverh bul ah keimah, a lai ah Kima, Ab-a a sir ber ah.
Kan thut fel hnu chuan reivaklo ah kan thlawk chhuak nghal a, Ab-a chu a files chu a khawih
mawlh mawlh a, keiin hla ka ngaithla a, Kima erawh chuan chanchinbu a bih thung. Darkar 2
leh a chanve zet Kolkata thlen nan hun kan hmang dawn a, hun a rei leh dawn mange.
' Harh rawh lem. Eitur i mamawh ang' ka dar a sawi dat dat tu an awm avang chuan ka meng
a, Kima chuan min lo melh kur a.
' Non-veg ka lo tihsak mai che a'
' A pawi lo. Ka lawm e'
' Nizan i che na deuh a niang. Ei that i mamawh hmel' Mizo tawng chuan a ti sup a, ka eitur
chuan vawm ka chak kher mai. Mahse a theih si loh.
' Elty, Mr.Kim chuan I duhzawng a hre khawp mai. Ei teuh ang aw' Ab-a chuan alo ti vat a, ka
nui var var. Kima erawh engmah sawi lo ang hmiah in a eitur a ei nghal hmak. Tenawm lutuk.
Kolkata (Calcutta) Airport kan tum chuan ka mawng hi a thip hlur hian ka hre tawh. Darkar 1
dawn Aizawl pan tur thlawhna kan nghah ala ngai. Ka peih lo kher mai. Ab-a lah a phur tawh
lutuk. A rilru natna te tilang miah lo in a awm thei hi a entawn tlak tak zet a ni. A phone
erawh a bih sek dan ah hman deuh a ka rilru ang kha a pu ve tih ka hriatthiam pui.
Ka kalpui mipa 2 an chhelo dun bawk a, min en duh hlawm viau a ni. Thlawhna nghak a kan
thut lai chuan ka naupan deuh lai a ka kawm thin, Julie nen chuan kan inhmu thut a, kan au
dun nasa ngei mai. Ani pawh Aizawl haw tur ve tho alo nia, Bangalore-ah hnathawk in alo awm
ve tho a. Ka kalpui te chu ka inhmelhriat tir a, a mitmeng mawlh kha ka nuih a za takzet.
Thlan tur zawk hre lo ang mai hian a meng a, hmeltha a ti dun hle tih ka hrethiam nghal. Kima
erawh a hriat sa, a tak ah a hria ni lovin Mizoram ah na na na chuan hmeichhe thalai tan hriat
loh tur thu awm suh.
‘ Elty, khawmaw phone number in pe teh ang. Aizawl-ah pawh thian ka nei tawh lo. Ka haw lo
rei tawh a, ka huphurh riau a nia’ Julie chuan a ti vat a, ka number a duh chhan awm ang chu
ka hrethiam mai. Kima leh Ab-a te lah chu an ti ti dun a, min ngaihsak vak lo.
‘ Keipawh ka ni tho alawm. Kan cham chhung chu inkawm teh ang’ tih pah chuan ka number
chu ka hrilh nghal a, ani in min miss call nghal a. Ti hi chuan Aizawl-ah pawh ka khawhar lutuk
lovang. Ab-a hi chu Kima nen an inkawm chawt ka ring.
Lengpui kan tum chuan ka phur lutuk chu ka mittui a hnam sawk thei. Ka chhungte erawh
surprise ka duh avang in ka hrilh lawk duh lo. Ab-a chu Hotel regency lam ah a thlang dawn a,
Kima erawh a nu nau te in hi in pui ah a hmang tih ka hria. Dawrpui Veng ah a thleng ang. Kei
Electric veng ka nia, kan inhlat lem lo hlawm. Julie pawh Zarkawt.
Lengpui Airport atang a kan chhuak chiah chu Julie chu a chhungte’n an lo hmuak a, keini 3
erawh taxi kan la a, Ab-a kan thlah hmasa ber anga, chumi zawh ah kei, Kima a hnuhnung ber
dawn a ni.
Ab-a room tur chu kan hauh lawk avangin buaipui chhung a rei lo. Hotel hnathawk ho an fel a,
Kima a awm tel bawk a, engkim hi a kaw duak ani ber mai. Vairam ah Ab-a a vawk lal len a,
Mizoram ah Kima. Ka ngaihtuahna chu ka nuihpui suk a, ka hawichhuak chu Kima chuan min lo
melh kur. Ka lai lutuk.
‘ I chhungte i hriattir dawn em?’
‘ Eng chu maw?’ a ngaihna ka hre lo kher mai.

‘ I mi hruai haw hi’ ka khawng awt thei. Hepa rilru hi a mak ka ti takzet a ni. Inngaizawng tur
ah min ngai tlat hi ka haw takzet.
‘ I lo buai a ngai lovang’ taxi tukverh ah chuan ka dakchhuak hmak a, ngawireng in ka kut a
rawn vuan a, ka phu nasa lutuk.
‘ Hahdam rawh. I mualpho loh nan ka pui ang che’ chhan pawh ka chhang peih lo. Kan in zawn
kan thleng a, taxi chu ka din tir a, ngawireng in ka bungrua ka khai a. Chawlh hmang tur
ringawt ka nih avangin bungrua ka ngah hran lo. Tlem a zawng ka chhungte leh thian te thil ka
hawn a a ni mai.
‘ Hun nuam deuh hmang ang che. Naktuk ah kan inhmu leh dawn nia’ Kima chuan a rawn ti
zauh a, ka nuih sak a, an tlan liam nghal.
Kan in ka lut chu ka nu in ei rawng alo bawl mek a, min hmu thut chu
a phu nasa kher mai. Min kuah a, a au chel chul a, midang ho pawh an rawn tlanchhuak sap
sap. Ka pa erawh a hna ala bang lo thung. Ka U te 2 pawh an la haw lo. Ka U 1 leh thingtlang
lam a kan chhungte hmeichhe pakhat kan awmpui leh ka u thiante ho an lo awm a, kan ri le lu
mai.
‘ Engmah sawi lawk lo in ngatinge ilo haw?’ ka nu chuan titau deuh si, hlim tih hriat tak mai
chuan min chhuahchhal a, ka va kuah bet chial a.
‘ Surprise cheu ka duh a lawm. Ka hmangaih che , Nu’ nuih var var pah chuan ka ti sap a, ka
nu chuan ka chal alo fawp zauh a, ka thla a muang ngei mai.
Ka pa chu ka nu in a phone nghal a, vawksa rep a rawn lei haw a, ka U te pawh an rawn ahw
tawh bawk. Nuam kan ti tlang ngei mai. Ka thil hawn te ka pe diat diat a, an lawm thiam ngei
mai. Ka thiante ho pawh ka phone kual hlawm a, zan ah erawh hahchalwh ka duh avang in
remchang a inhmuhkhawm kan rel a, kan hlim hlawm ngei mai.
Ka phone ri ah chuan ka tho vat a, kan en chu ka number hriat a ni lo. A number erawh Aizawl
number a ni tlat.
‘ Hello’
‘ Nuam bawk maw?’ a awri ka hriat chuan mak ka ti nasa. A chhan chu ka number ka pe si
lova, engtinnge a neih le? Ab-a a dil ani ngei ang.
‘ Uiha! Nang alaw? Nuam ani mai e. nangzawk?’

‘ Ka nutei te an lo zin daih a, keimahin ka awm. A khawharthlak ang reng’ ka mitthla a, in a
luh lai a lawmtu a nei lo tur chu ka khawngaih reuh.
‘ A nih chu. Rawng i bawl tawh em?’
‘ Bawl chiah lo. Chawhmeh leitur in ka chhuak leh lawk dawn. Mr.Ab nen in inbe tawh em?’
het, Ab-a ka lo manghilh daih.
‘ Be miah lo. Kan la buai lutuk a. Kan be ve nghal ange’
‘ Ooohh.... Ok. Be rawh’ phone chu a dah hmak a, a mizia hi mak ka ti riau a ni.
Ab-a chu ka call nghal a, ngaihtuahawm anih loh thu te, zan in chu hahchawlh hma a duh thu
te a sawi a, Mizoram boruak nuam a tih zia thu te min hrilh luam hnu ah a tuk a inhmu tur a
intiam chung in phone kan dah a. Ka chhungte chuanmin lo en thap a, Mizo tawng ni lo a phone
ka hman vang ani tih ka hre nghal. Thil awmdan ka hrilh hlawm a, Kima chungchang pawh ka
sawi nghal a, kan nau awmpui chu alo phur nasa mai. Ka pa te pawh chuan min hrethiam a,
mahse hnamdang thian ka neih avangin fimkhur tur erawh chuan min chah nasa ngei mai.
Chaw puar tak a kan ei hnu chuan thutkhawmna ah kan thu khawm a, ka awmna chanchin te,
thil chi hrang hrang min zawt a, thenawm hnai ho an lo leng bawk a, kan ri le lu reng mai. Mut
zal erawh ka chak takzet tawh a ni. Ka phone rawn rik chuan rang zet in ka en a, Julie alo nia,
a sawi tur rin ka nei nghal. Inleng te hnen a hriatthiam na dil pah chuan ka room-ah ka lut
nghal a.

VARGHESE - 6
ELTY LUHLUL AUG HNAMTE
'Hey, khapa kha tunge?' Julie tak hi chu aw.... Kan naupan lai deuh atang khan ani hi chu a ri
har a, mahse a sual miah lo.
' Tu chu maw?' Kima chanchin a ni lo tih ka hria. KKima chu ni se a hming a rawn sawi nghal
ang.
‘ Khaaa..... Kima lo zawk kha’ a aw ah chuan a phur zia ka hre thei. Mahse a tum ang a hmu
kher angem?
‘ Abraham anih kha. Ab tih in an ko’ ka ti hul hak a. Julie hi chu a zei a, a hmel pawh a tha. A
mah ang a hmeltha leh zei chu ni ila Mizo tlangval fel tak ka kherh thlu tawh ang.
‘ Christian elaw?’ a hma ai mah in a aw chu a phur hmel zawk.
‘ Ni e. Eki, hun ka ngah lo. Ka chau takzet. Mut ka duh. Naktuk ah kan inbe dawn nia’
‘ Lawks, i hmuh dawn hun ah min sawm ve ngei ka beisei’ a nui har har a. Ka bulo ah chuan
awm se ka melh hrep duh ang.
‘ Hey, i ngaizawng dawn ami?’ awrawl vin lek lek chuan ka tia, ka inthiam leh chiah lo. A duh
chuan ngaizawng se, ka lo inrawlhna tur a awm in ka hre lo leh hnuhnawh a.
‘ Mai thei. I bialpa anih loh chuan’ a aw chu a thutak ta deuh.
‘ Nope. Ka bialpa a ni lo. Mahse i tih loh tur a ni in ka hria. Mizo a nih loh hi’
‘ Ohhh, Elty, i mak. Ka serious dawn hleinem’
‘ A ho. Kalpah ngaihzawng nei rual pawh i ni tawh lo. Tin, i vawikhat hmuhna anih kha.
Zahawmna in siam ve deuh teh’ ka tawng tam hret in ka hria. Mahse ka inchhir lo. Vawikhat a
hmuhna ania, chupawh biak pawh an in be mang lo. Ab-a hian hria se easy a ti viau mai thei.
‘ Teh duah a che. Mu rawh. I chau a nih kha. Naktuk ah ka lo be leh ang che’ phone chu ka dah
nghal hmak. Inhriatchian hma a induh huam hi a fuh ber lo. Hmeichhe tan ngat phei chuan
fimkhur hle tur tih hi ka ngaihdan ani nghet bur tawh. Mi pakhat ka tawn sual a tang..
Kan inleng te pawn haw zai an rel tan avangin ka thochhuak peih tawh lo a, an haw fel hnu
chuan ka nu leh pa chu min mangtha tur in ka room-ah an rawn lut zawk a, min chhuahsan
lehnghal. Vairam lam ah kan mut har avang in ka muhil mai lo. Thil tam tak ka ngaihtuah a, ka
bialpa hlui khan ka haw tih hre ta se min hmu ve chak tho angem? Grrrrhhhhh, Elty, mawl viau
suh. Keimah leh keimah chu ka inhau a, ka nui vur vur.
‘ I mu tawh em?’ Ab-a msg a ni. Ka chhiar a, a khua a har viau in ka ring. Mahse zinkual thang
a nia, a ngaihtuahawm lutuk lem loh.

‘ Mu lo deuh. I khua a har em?’
‘ Har lo e. Mr.Kim alo kal a, kan inkawm reng a, a haw deuh chiah’
‘ Anih chu. Ava fel ve. Naktuk enge plan?’ diktak chuan ka chhuak peih lo. Mahse ka thianpa
ani tlat a, ka mawhphurhna anihna lai a awm tlat a ni.
‘ Mr. Kim khan kalna tur a hual a, i thiante i duh chuan i sawm thei ang. Car 2 kan book dawn
a’
‘ Wow! Khawiah nge niang le? Ka thiante chu ka lo hrilh dawn nia’
‘ Ok. Dear, muhil rawh. I chau lutuk ang. Keipawh ka muhil ange. Goodnight’
‘ Good night’
Ab nen kan in text zawh chuan keipawh mutthilh ka tum a, ka muhil tep tih chuan ka phone a
rawn ri a, peih lo zet a ka en chuan Kima alo nia.
‘ Hello’
‘ Ila mut ka ring lo a’
‘ Nia. Ka lo chhing hman sek. Engenita?’
‘ Naktuk ah Reiek tlang ah kal kan ti deuh a, i peih ve angem?’
‘ Ab nen kan lo sawi a, a hmun a hre lo a. Thiante ka hruai theih tur thu a sawi a’
‘ Chuan i kal ve dawn tihna ami?’
‘ Ka lo tum ang’
‘ Ok. Ka rawn tihbuai che avang in ka tihpalh. Muttui le’ phone a dah nghal a, mak tak maiin
ka chhungril hi a hlim veng veng. Tun tum chu tawngelna engmah ka tawng lo. Ab nen an lo
sawidun ani mahna!

Dan pangai te in ka nu bul ah chuan mut rei theih ani lo. Zing dar6 chuan kan in chu a ri leh
mam mam tawh. Peih lo zet in ka tho a, ka intihfai hnu chuan Ab morning wish-na chu ka reply
a, Kima wish-na ka dawng ve lo. Het, kei ve ngawt hi. He pa hi ka ngaizawng ang tih ka hlau
kher mai.
Chawi ei lai chuan ka tihtur ka sawi a, ka nu chuan a remti vak lo. A chhan chu motor a
chhuah hlat deuh hian a thla a phang hma thin a ni. Ka pa erawh chuan thu tha min hrilh
mawlh mawlh pah in hun nuam tak hmang tur in duhsakna min hlan zui nghal. Chaw eikham
chuan midang sawm hranpa lo in Julie ka phone a, alo phur nasa mai. Ka tisual ang tih erawh
ka hlau leh hnuhnawh. Mahse midang sawm ila kan kalpui tur te hi mi hriat hlawh tak leh vaipa
an ni miau a, min sawichhe duh tur an awm palh ka hlau a ni.
Motor pakhat kan keng a, kan vaiin kan khalh thiam vek. Mahse mipa 2 in an inkhalh chhawk a,
hla lo te mah ni se kawng a that lem loh avang in kawng a na duh phian. Julie lah inla polite
over. Mahse kan boruak erawh a ti zangkhai tak zet. Ab-a lah in Mizoram mawi a tihzia a sawi
kawngtluan bawk. kima nen erawh kan tawng tam lo dun viau. Keiphei chu motor ka ruih deuh
avang in a hnung ah, Julie ngheng in ka muthlu zeuh zeuh bawk.
A hmun kan thleng chu nuam kan ti tlang e. Kan eitur ken chu mipa 2 in an khai a, Julie chuan
Ab-a chu a ti ti pui bawrh bawrh a, an hnung ah Kima nen chuan kan kal ve hnak hnak a, kan in
be em em lo.
‘ I bialpa hlui chuan nupui chu a nei ta ami?’ ka phu nasa lutuk. Ab-a chuan ka chanchin alo
hrilh ve a ni ngei ang.
‘ Nei lo. Ala nei vat mahna!’ kan hma a Ab-a te 2 nui bawk bawk a an kal chu ka melh phei a,
Julie chu ka lawmpui a ni. A hmuh hnuhnun a piang hi a hlim pui thei zel mai dawn ni in ka
hria.
‘ Ka rin sual che avang in ka tihpalh. Chuan, i tawrhna ka hriatthiam pui che’ a ding dat a,
keipawh ka ding ve nghal.
‘ Thil nihna hriatchian hma a tawngkam thlahdah hi midang te ser siamna a ni tih i hre tawh
ang chu’
‘ Tichuan i single ami?’ ka en haw a, min zawh dan teh tawl chu ka nuih a za ang reng. Vai
style kher bawk.
‘ A ni ber e’ ka nui var var a, ka kal nghal a, ani pawn min rawn zui ve nghal.
Tlang chhip zawl kan thlen chuan Julie te chu an lo thu diai a, min lo nuih var var bawk. An bul
ah chuan ka let ve nghal tap a, boruak chu a nuam kher mai. Mi kal an awm lem lo bawk a, kan
piah ah chuan tleirawl rual an awm. A bak chu tumah ka hmu lem lo. Ka bul ah chuan Kima chu
a rawn thu a, ka mal ngheng deuh chuan a thu a, nasa mangkheng in ka tiril an khur pek a nih
kha.
‘ Elty, ngatinge hman ah khan min hruai tawh loh? Ka kal tawhna ah Mizoram tluk a mawi tih
ka nei lo. But, in kawngpui a te\zim mah mah’ nui vur vur chuan Ab-a chuan min ti nghal a, ka
lo nui thaw ringawt. Kan ram a zin tur hian hnamdang sawm tel inthlahrunawm zia a hrethiam
pha lo ang. Tun ah pawh Kima a awm hlauh a, mi in min sawi dan tur a zia deuh ang. Heti
pawh hian hre ta se min sawi leh duh tawk an awm dawn tho. Thu chiang hre lo a mi sawisel
peih ber hnam kan nih ka ring hial ani. Mahse khawvel ah hian piang nawn leh dawn pawh ni ila
Mizo ah tho pian ka la duh tho.
‘ Thla la ang u’ Julie chuan kan subject a rawn thlak ta hlauh. Lehlawk, Ab-a a awm ve avang
in Mizo tawng kan hmang lo vek ani.
‘ Yes’ Ab-a chu a tho nghal a, Kima erawh thatchhe zet in min delh a, thawh ve tum hmel
pawh a pu lo. A mit a chhing vang vang a, ka melh zeuh a, mipa hmeltha tak a ni. A hmui
hnuailam ah chuan khuavang fiah lo te in a awm a, a hnar ngul in vuah fuh zet leh a mithmul
er tan chun ka hmu hman vek. Ab-a leh Julie chu nui uarh uarh pah in thla an la kual a, keini 2
erawh kan chesawn lem lo.
‘ Keimah vang a ni em?’ meng chuang lo chuan a rawn ti sup a, ka phu deuh det.
‘ Engmaw?’
‘ I taksa khur der der hi’ a nui suk a, a meng chuang lo. Ka biang chu a sa hat hat thei.
‘ Kan kal chhohna ka hah vang anih ka ring’ a mit a men loh avangin ka dawtsawi hmel a hmu
thei lo hlauh chu ka lawm takzet ani.
‘ I hmai sen awp awp dan ah khan ka ring dik ani maw’ nui sawng chuan a rawn meng a, ka zak
lutuk chu ka mal a nghen na chu ka lasawn thut a, a lu a ri bawp mai.
‘ Ui! Ka tihpalh lutuk’ a lu chu rang fahran in ka chawi kang a. a ner sak.
‘ Ngaihzawng nei ngai lo ang mai a i chetbuai chiam chu’ tihpah in a thu chhuak a, a lu ala tuai
vut vut zui. Ka inthiamlo kher mai.
‘ Thla la tur in kan kal ve tawh teh ang.’ tih pah in thawh ka tum a, ka kut ah chuan rang
mangkheng in a rawn vuan a, ka in rin hma in min pawt thlu hnawk a, amah chu ka zuk bawh ti
tih a, ka meng ngam lo. Ka hmui chu hmui lum thar thar in a rawn deh chuan ka meng kawk a.
VARGHESE - 7
ELTY LUHLUL AUG HNAMTE
Namsawn pah chuan ka tho hluai a, ka taksa khur der der chu thunun tum in thawk ka la hak
a, melh pawh melh lo in ka kalsawn nghal. Kima min auh zuina chu hre awm pawn ka awm lo.
Ka hmui a fawh zeuhna ringawt pawh ka khurh pui nasa mai chu a nia. He pa hi ka duh a ni.
Mahse....
‘ Hey, ngatinge nangmah a ilo thut daih a’ Ab chu ka bul ah a rawn thu nghal a, a hmel nung
sar ah chuan a hlim hle tih ka hre thei nghal.
‘ Nuam i ti takzet tih ka hria. Julie chu enge a an?’ ka nuih sang a, ka mimal buaina vang a
midang nun tih nguai hi ka duh loh ber a ni.
‘ Hmeichhe fel tak a ni. Mahse a tluk lo che’ ka lu tuai zauh pah chuan min nuih var var a,
Amrita khan engtinnge he mihring hi a chhuah phal zawk ni? Mipa hmeltha tak, rilru thianghlim
ta, hausa leh hlawhtling tak a ni. Hmeichhe tam tak duhthusam mipa a ni.
‘ Ka lawm e. Mahse min khaikhin thei lovang’ tihpah chuan ka mit ka siai khum zauh a, a hmel
thutak ta thut ah chuan ka tawng sual tih ka inhrethiam.
‘ Dear, i sawi tum ang khan ka en lo. Ka thian i nih ang chiah in ka thian a ni ve tho. Chubak
chu kal ka tum lo’ a hmalam chu uluk tak in a melh a, keimah ang bawk in a nunhlui chuan a
vaw harh leh thin tih ka hriatthiam pui.
‘ Oooh, Ab, la serious suh. Ka fiam mai mai che anih kha’ tih pah chuan a dar chu ka hnek zauh
a, mi puitling tih tak ah a nui zui hak hak. Chhak lam atang chuan Julie chu a rawn au lauh
lauh a, chhun thil ei a hun tawh avang in phur zet chuan kan thian dun chuan kan tlan chho a,
Kima hmel erawh hmuh nuam fahran a ni lo. Mahse midang lak ah erawh a fel in a polite em
em reng tho.
‘ Dinner hi ka thlenna hotel-ah ei ang u aw’ Ab chuan kan thil ei lai chuan a rawn ti zauh a,
Julie hmel chu a phur kher mai. Ka lo lainat zawk.

‘ Keiman ka tum ve thung ang’ Kima chuan alo ti vat a, ka va melh chu min lo melh kur.
‘ No. Vawiin chu ka kut ni rawh se. Ka pa ai ka awh hnu a ka hun tawn nuam ber a ni. Chuvang
chuan engkim hi keima tum tur ah ka ngai. Min hrethiam aniang chu, Mr.Kim?’ Kima chu ava
melh a, Kima pawh chuan alo nuih var var a, mipa hmeltha tak an ni chiang e.
Thil kan ei puar fel hnu chuan haw lam hnaih kan tum a, Bak puk ah Ab-a a kal chak avang in
Julie chuan a hruai a, keichu hetiang lam hi ka ngaina hlawl lo. Kima pawh in a ngainat loh
avang in kan 2 chuan selfie stick nen thla kan la kual a, nichin boruak kha chu hrelo awm in a
awm leh hmak tawh. Min hnaih deuh a a rawn awm chuan ka chhungril a zam ngawih ngawih
zel.
‘ Ka sawi tur a awm em ka hre lo. Mahse Julie hian Ab-a hi a duh tiraw?’ phul cham dur ah
chuan kan thu a, rinaiin Julie te chu an rei hrep.
‘ Ngatinge?’
‘ A awmdan ah hian a hriat mai alawm. Theihnghilh daih rawh’ phul ah chuan a mu duai a, a
ban lukham in a mit a chhing zui daih bawk.
‘ Ab-a hian a duh lovang. A tan chuan Amrita vang a a natna khan hmalam ala pan theih ka
ring lo’ ka ti sap a. Ka sawi loh tur ka sawi angem aw.
‘ A that hlauh chu’ bung nghut chuan a ti a, sawi zui tur avang kher mai. Ka ngaihtuah a, mizo
mipa te hi an thikthu a chhia, a lawmawm ka ti. Mizo hmeichhia te kan mawi loh an hlau a,
thikthu an pe chhe duh hi keini Mizo hmeichhia te hi kan vannei ka ti takzet. Mahse Mizo mipa
thenkhat, hnamdang nupui ang mai a awmpui, zak map lo a facebook vel a Mizo hmeichhia,
hnamdang kawp te an han zilh ve khanglang thin hi chu ka ngaisang lo khawp mai. Mizo mipa
an thikthu a chhiat ang bawk hian Mizo hmeichhia te hi kan thikthu a chhe ve tho tih hi
ngaihtuah nachang hre ve se ka ti thin. ‘ Mipa te chuan a hnam a phatsan a ni lova’ tih
changchawi a Mizo hmeichhia te min nek thin na hi kan thinlung in kan pawm bik hlawl lo. Zu
ruiin zu rui dang zu in lo tur a a zilh nen ang khat reng kan ni. Tin, sap/ vun ngo nei kan
ngaisang a, vai nei erawh kan hmusit leh em em a. Hnamdang an nih chuan hnamdang an ni
tawp mai.
‘ I va ngaihtuah muk awm ve’ ka beng bul ah chuan a rawn ti sap a, ka phu deuh dawrh in ka
hria. A lo thut chhuah lai ka hre lo reng reng.
‘ Hehehe. An lo let har mange. In a haw hmasak ka duh dawn a sin le’ tih pah chuan ka phone
chu ka en a, chawhnu dar 3 alo pel tawh. Ka haw kawng tur nen ngaihtuah in kan tlai tawh ka
ti kher mai.
‘ An lo let tep tawh ang chu maw’ tih pah chuan a tho nulh a, a thawh pah a ka khup a tawh
chuan ka lo khur leh ti tih der tawh. He mihring mi hipna ngah zia hi Pune-ah khan ka hre lo
kha a mak zawk.
‘ Min lo hrethiam law’ kan chhak lam atang chuan tleirawl rual hian min lo en thap a, ka
hamhaih kher mai.
‘ Engenita? Harsatna in nei ami?’ rang fahran chuan ka lo ti vat a, Kima erawh a tawng lem lo.
‘ Ih, U Kima hi thlalak pui kan duh a, a rem angem?’ an ti chu ka kalpui pa hi Mizo thalai te star
rawn ani tih ka hrechhuak leh chiah.
‘ Amah hi han zawt chhin ula’ tih pah chuan ka nuih var var a, Kima lah ala tawng duh miah lo
zui. A hmel ah chuan a chawlh hman tihbuai anih vang a lungawi vak lo hmel a pu in ka hria.
‘ U Kim, vawikhat chiah thla kan la ho thei angem?’ tleirawl rual zing a hmeltha ber te chuan
tim dai chuan Kima chu a zawt a, Kima hmel ka en chu ka lo hlau deuh. A mitmeng thim raih
chuan chung tleirawl rual chu a melh a, ka rin loh deuh in a nuih var var hlawm.
‘ Tehreng mai’ tihpah chuan an zing ah chuan a ding ve nghal a, tleirawl ho lah chu an au teng
tung mai. An camera ken chu min pek pah in hmeh sak tur in min ngen a, lawm tak in ka lo ban
ve nghal. Camera chu ka tin vang vang a, ka thil hmuh chuan min ti na zawk. Kima chuan
tleirawl 1 chu a kuah kher a, a hmeltha ber kha ala ni zui. Ka hmet zauh a, ka rilru chu thikna
in a luah tlat pek.
Tleirawl rual ho chu lawm a ri teng tung chung chuan an kalsawn a, ral atang chuan Ab-a te lo
let chu ka hmu a, kan bungrua chu kan khungfel vek tawh avang in bag pakhat chu ka khai a,
Ab-a te lam chu ka pan nghal hmak. Kima chuan min rawn zui ve nghal. Ka awmdan atthlak tak
chu ka hrechhuak a, ka ding a, ka hawilet tur chu Kima awm ah ka intauh chawrh a, ka tlu
teuh lutuk.
‘ Fimkhur tawh la’ dam dap a min tih pah chuan ka bag khai chu a la a, a kal nghal nulh. A
hnunglam chu ka chhiat khum vak ringawt. Engvang a lo thik ve ngawt nge maw ka nih le?
Haw kawng tluan chuan ka tawng tawh lo. Ab-a leh Kima ti ti chu kan ngaithla a ni ringawt.
Julie chu a mizia a dang deuh avang in Ab-a chuan engemaw tak a sawipui anih ka ring. Pawi
ka tih pui. Mahse a tan a tha zawk ang tih ka ring. Ka hrilh ngai lova an 2 a an inchingfel chu
ka lawm daih zawk. Kan in ah Julie nen chuan kan chhuk dun a, a chhungte bia in kan in a
chaw ei tur ang in a in sawi a, ka thawmhnaw ka hawh tir a, engmah ka zawt duh lo. Ka nu
chu chaw ka ei chhuah leh dawn avang in a teu hlar a, mahse a biang ah ka fawh hnu chuan a
lungawi leh ta. A lungawi lo chu ka dem hran lo. Mahse rei ani tawh dawn lo.
Dar 7 vel ah Kima’n min lo lam a, a incheina chu a inhmeh kher mai. Cotton jeans uk duk a ha
a, a pian nalh tak ti lang chiang tur in t-shirt body fit, a var thianghlim zet a ha bawk a,
loafer, a kekawr rawng a bun bawk. In chhung a lo luh chuan ka thawk a chham lo chauh. Ka
nu leh pa ka inhmelhriat tir a, a mizia nghet churh, tawng nghet churh mai chu ka pa lung ti
awi tu ani tih kan chhuah dawn a ka pa min thlahdan atang ka hrethiam nghal.
Car chhung ah chuan tumah kan tawng lem lo. Hotel kan thlen chuan Ab chuan min lo hmuak a,
ani pawh a nalh kher mai. Dinning hall lam kan pan chuan hotel chhung a lo awm ve te chuan
min en duh hlawm kher mai. Ka rinloh tak maiin ka bialpa hlui pawh a bialnu ni awm tak nen
an lo awm ve tlat. Ka hmu chu ka ding dat a, ani pawn min rawn hmu ve chiah bawk.
Vanneihthlak tak in Julie leh Ab-a an kal rual a, Kima nen kan kal rual thung. Ka inrin hma in
Kima kut chu ka chelh a, ka hum nghet viau bawk.
Kan dawhkan kan thlen chuan Kima chuan thutna min pawhchhuah sak vat a, Ab-a lah a tawng
suam suam bawk. Hotel lian a chetla thang tih tak ah kan che buai lo tlang e. Kan thutna chu
ka duh lo kher mai. Kan ep chiah ah ka bialpa hlui te an thu a, kan in hmu thei tlat ani. Ka
insangmar teuh chu Kima chuan hrethiam tak in ka kut a rawn vuan a, min nuih var var. Mahse
a mitmeng ah chuan inthlahdul tur a min tihna a lang chiang hle a ni.
‘ Julie, enge i duhzawng?’ Ab-a chuan Julie chu duat tak in a bia a, ka hrethiam. Tihnat a hreh
tak zet ang. Mahse a rilru a inpeih loh miau avang in sumdawnna tih loh ah chuan risk ala hauh
lovang.
Kan ei duhzawng theuh kan order fel hnu chuan kan ti ti mam mam a, mi mit kan chung a a fu
thap pawh chu ka dem hran lo. Mizo tawng in kan ti ti thei miau si lova, ngaihdan maksak tak
nei te pawh an lo awm leh tawh mahna! Ka bialpa hlui te lam ka va melh zeuh chu min lo en
kar a, Kima kut bawk chu in phen nan ka hmang leh ta. Ka en na lam chu Kima chuan a melh
ve vat a, min rawn en a, min nuih var var pah chuan....
‘ I duh chuan min hmang thei ang’ ka beng bul ah a ti sap a, ka sa awp awp thei. Ab-a te lah in
min ngaihsak em em hran lo. Julie nen chuan Bangalore a Ab-a restaurant chungchang an
sawidun a, an ti ti tui phian. Tak a, Julie hi hotel a thawk ani ve tho.
Kan eitur chah kan nghah lai chuan ka zun a chhuah avang in washroom lam chu ka pan a, ka
chhuak leh chu washroom bul a thutna awm ah chuan ka bialpa hlui chu alo thu ran a, ka phu
chiang kher mai. Kal pelh mai ka tum lai chuan ka ban ah a rawn man lawk a, pawn lam ah min
phih chhuak a, ka hlau kher mai. A chetdan chuan min ti hamhaih bawk si.
‘ Engvang a hetiang min ti nge i nih?’ thinrim zet chuan ka melh a, a hmel rum lutuk chu ka rap
zawk. Mipa sual tak ani lo. Mahse a rinawm loh avang a in then kan ni.
‘ Kha kha maw i bialpa thar chu? Mi hausa lawm tak i ni tih ka lo hre lo a’ tih el zet chuan min
tih khum a, a hmai a beng lo tur chuan ka insum nasa kher mai.
‘ Chu zawng chu maw i sawi duh? Ka luhsan phawt mai ang che’ tih pah chuan ka pen nghal a,
min phih let leh ta dawrh mai. Tun tum zet chu ka thinrim lutuk a, ka tha a khur zawih zawih
thei.
‘ Khapa vang khan maw ka phone call i reject a, ka msg i reply ngai loh? Tenawm nu, tikhan
sual kai lo len in i leng a’ a tawngkam hman chu rapthlak ka ti takzet.
‘ Ilo buaina tur a awm in ka hre lo. I bialnu pawh khan a ngaihtuah tawh ang che’ kan
hnunglam a awri ka hriat chuan ka thaw huai mai. Kima hmel rum lutuk chuan Tenawm-a pawh
chu a ti zam ve deuh anih hmel.
‘ I hausakna a ei dak hun ah che ila haw ve khawp’
‘ Oooh... chu chu maw ilo buaina? Ani ei dak tur khawp lek te chu a tam nang. Min ei dak hma
in min hmangaih ngei ang. Tin, phatsan a bum ani tawh ngai lovang’ tih pah chuan min rawn
kuah a, min luhpui nghal. Ka tha khur ala reh fel loh avang in kawngka bul ah chuan kan ding
hlek a, thawk ka la a, boruak engmah awm lo ang in inchhung ah chuan kan lut zui nghal.
Puar tak a kan ei zawh chuan Julie kan thlah hmasa a, kan in lam kan pan zui nghal. Car
chhung chu a reh tlawk tlawk a, nichin ka thil tawn avang khan ka la pangai chiah lo in ka hria.
Tin, ka zak ngawih ngawih bawk. Tenawm-a kha a sum ka hmang ngai lo. Sum um lutuk ang a
min sawi kha mak ka ti ngawih ngawih bawk.
‘ Khatiang mihring vang khan maw ngaihzawng neih leh ilo ngam tawh loh?’ ka melh zeuh a,
chhan dan tur pawh ka hre lo.
‘ Theihnghilh la, i hmalam atan ke pen rawh. I duh chuan min rinchhan thei ang. Inngaihzawn
ngheh i duh loh pawn a chhin tal in’ a hmel thutak run chu ka en a, a thusawi hi ka hrethiam
chiah lo.
‘ I sawi awmzia ka hre lo’
‘ Inkawp chhin ang ka tihna a nih chu. Mipa i hlauhna hi siamthat ngei ka tum ang’ a hmel ah a
tihder loh zia a lang chiang si, mahse a ngaihdan chu mak ka ti takzet.
‘ Ummm.... Ka hre lo. Ka lo inngaihtuah ang’ enge ka sawi hi? Hnial tur ka ni. Mahse a game
sawi hi play chhin ka chak leh ta tlat pek. Keimah hi ka infiah a ngai ani. Tin, mizo hmeichhe
star rawn mipa bul ah ngat. Ka nui sak a.
Kan in kan thlen chuan car atang a rawn chhuk ve a, ka bul ah a rawn ding a, a biang a han
fawh zeuh pah chuan ka mangtha a, a mak a ti ve ngang aniang, engmah sawi nachang pawh a
hre bik lo. Nui var var in kawngka atang ka ban ka vai khum a, ka luhsan nghal. Ka nu leh pa
anlo la meng a, chanchin tlangpui ka hrilh hnu chuan mu tur in ka kal nghal.

VARGHESE - 8
ELTY LUHLUL AUG HNAMTE
Zing ka harh chu ka la thawh chhuah peih chiah loh avangin ka phone ka en a, WhatsApp lam
chu a lo buk leh viau tawh mai. Kima msg pawh 14 lai alo awm. Ka chhiar a, ka nui vur vur. Ka
mutsan daih avang a a vui thu a sawi tam ber. Bul chu ka tan pui chhin dawn chu a nia. Mahse
kan inhmuh hun chhung a rei tawh dawn lo. Karleh ah Ab-a nen let thlak an tum a, kei erawh
thla thar lam ah ka let ang. Kan awmna hmun a in ang lo bawk. Inhmuh mai mai a awlsam
lovang.
Vawiin chu ka thian te lo len an tum avang in chhuah ka tum lem lo. Kima leh Ab-a pawh
Aizawl Hotel lian zual leh Restaurant lian zual tlawh kual an tum a, an buai viau ka ring. Ab-a
hnen ah Kima nen bul tan kan tum tih ka hrilh a, a phur hmel kher mai. Mahse serious lo tur
erawh chuan min chah nasa kher mai. Ka nuih ringawt, mipa hi tumah ka lak serious leh mai
mai theih ka ring lo.
Ka thian te lo lengkhawm nen kan hlim viau. Ka thil hawn sak te chu an lawm thiam khawp
mai. Ka nu in tlai chaw ei a a sawm vek avang in kan phur hlawm khawp mai. Tlai lam dar 4
vel ah ka rin loh lutuk in Tlana( ka ex tenawm) a rawn lang ve hlawl bawk a, ka be chak hlawl
lo. Ka thiante lah chuan kan ni tha leh a maw ti in an lo welcome tha phian lehnghal. Ka nu in
chaw ei tur a a tih ve tlat avang in a ei ve nghal a, kei erawh ka ei tlem khawp mai.
Dar 8 vel ah ka thiante an haw kim a, Tlana tih loh chu. Ka pa lu a nat deuh avang in ka nu leh
pa an mu hma khawp mai. Ka u te lah games khel in computer room lam ah an awm daih bawk.
Ngawireng in TV kan en dun a, tawng hmasa tu nih ka tum lo. Hmanzan a tawngkam hman te
kha rapthlak ka ti ngawih ngawih. A hmel ka en a, ka hua a ni. Kima lah ala reh ang vung vung
a, msg 1 tal a rawn thawn ka rin tehreng nen.
‘ Elty, hmanzan kha ka tihpalh. Khapa kha ka hmuh khan ka thik lutuk a’ ka bul ah chuan a
rawn insawn a, ka tawlh sawn hrat thung.
‘ A thlen nawn tawh loh ka beisei’ bul nghat in ka ti a. diktak chuan ankhum hrep ka duh,
mahse chutiang ti mi chu ka ni lo. Hmeichhe ze zawi tak ni lo mah ila ngaihzawng/ ngaihzawng
hlui te ankhum hrep chi ka ni lo. Min ti na anih pawn ngawireng a inthiarfihlim mai chi ka ni.
Mahse ka duh loh chin a thlen erawh chuan chiang fak in min hlat tur in ka hrilh mai thin. Duh
ngawih ngawih pawh ni ila kan kar a khi a awm tawh chuan thian emaw, ngaihzawng pawh ni
se ka hlat mai thin.

‘ Ka tisual tih ka hria. Mahse khawngaih takin min ngaidam rawh’
‘ Ngaihdam i ni daih tawh’
‘ A nih chuan bul kan tan tha leh thei dawn tihna ami?’ beisei nei zet a min en pah chuan ka
kut chu a rawn vuan a, rang zet in ka kut chu ka lo la let nghal thung.
‘ Ni lo e. I tihsual ah chuan ka ngaidam ngei che alawm. Mahse nangnen bul tan leh tumna ka
nei tawh lo. I duh i pan tawh a, nghet tak in vuan ang che’ ka thinrim chu ka insum ve nasa
kher mai. Kei aia thlan zawk a neih thu ama ka atang ngei a ka hriat ni khan ka tap thei lova,
ka chawmawlh vek ani. A rei telh telh a, ka na tulh tulh bawk. Ka tlawm chiang lutuk kha ka
damchhung in ka theihnghilh leh tawh ngai dawn lo a ni.
‘ Khawngaihtakin chance vawikhat chiah min pe leh rawh. Ka ti na nawn tawh ngai lovang che’
‘ Na nawn leh tur chuang ka awm tawh lo. Min tihnat leh pawh tum la ka na thei tawh dawn
chuang lo. I kawng zawh la, hlim tak in awm ang che. Keipawh ka kawng zawh ah hian ka hlim
a, nangnen inzawmna neih leh hrim hrim ka duh tawh lo a ni. Ka haw lo che, mahse nang leh i
kaihhnawih thil reng reng chu ka vuiliam vek tawh. A tha ber ka duhsak zel tho che a, nun
nuam tak nei ang che. Ka chau deuh a, khawngaihin min haw san tawh mai rawh’ zah pawh ka
dawn zo tawh lo. Ka hnaih a a awm reng chuan ka ipik lutuk hi ka puak thei mai ang. A hmel ka
hmuh hian thil thleng zawng zawng kha ka hrechhuak leh vek a, keimah hi ka in haw zawk thin.
Khatiang em em a bum ka lo nuam kha.
Engmah a sawi tawh lo. Ngawireng in a chhuak a, thlah pawh ka tum buai lo. A hma te kha
chuan kawngka thleng ka thlah thin kha a nia. Tun ah chuan engkim a danglam tawh a ni.
Diktak chuan ka duh tawh miah lo a ni bik lo. Mahse a thil tih tenawm tak avang khan pawm
leh ka thei tawh tlat lo a ni. In ka tifel zung zung a, mu tur in ka room ka pan nghal. Khum ah
chuan ka phone chu ka en a, Kima msg engmah ala awm chuang lo. Ab-a msg thenkhat chu ka
en a, Kima nen tlai lam dar 5 vel ah an inthen thu leh a thlen na hotel neitu nen an inkawm
thu te, naktuk lam ah kan in lo tlawh ve a chak thu te a sawi a, keipawn a rem thu te hrilh in
ka reply nghal. Rei kan inbe lo, Kima nen kan inbiak leh biak loh te min zawt a, mahse thildang
ka sawisan zel a, dar 10;30 vel ah chuan ka mangtha a, ka phone ka silent a, chhun lam a ka
chauh deuh avang in ka muhil zui ve nghal.
Zing ah hma tak in ka tho a, Kima morning wish-na pawh alo awm ve ta. Mahse ka reply peih
lo. Nimin a min biak miah loh avangin ka lung a awi vak lo bawk. Ab-a lo len dawn avang in ka
lo inbuatsaih ve deuh. Ka chhungte pawh ka hrilh thlap a, Inrinni anih avang in ka pa pawh in
ah a awm dawn ani. Ka nu tih loh chuan english kan hman theih vek avang in hrehawm a tih
vak loh ka beisei. Ka pa in tlai chaw pawh ei nghal se a tih chuan ka nu chu alo tum buau. Ka
nuih aza kher mai. Ka nu hi chu nu tha ve tawp ania. Hnamdang thian han neih vel hi ala pawm
thiam meuh lo. Mahse Ab-a a hmuh hun ah chuan a ngaihdan a dang ve deuh mahna. Ka dem
hauh lo. Mahse ka pa thutlukna chu a hnial hauh lovang tih ka hria.

Ab-a nen pawh kan inbe mawlh mawlh a, chawhnu dar 2 vel a a lo kal tur thu min hrilh a, a car
hman tur ka biak sak tur thu ka sawiin a ngaih loh tur thu leh ka address thawn tur in min tih
tlat avang in ka hnial duh ta lem lo. Mi pangai anih avang in a rawn in zawng hmu ngeiin ka
ring. Alo kal hma vak dawn loh avang in keipawh ka nu nau te in ah ka leng ve phawt a, ka
nutei fapa chu ka awm a, thla 9 mi ania, a fel sia, ka rin aiin ka tui ta hrep. Sana en nachang
ka hriat loh vang leh ka phone in ah ka dah daih avangin ka hriatchhuah meuh chuan dar 3 alo
ri tep. Ka uanaupa hmeltha leh duhawm tak bul a awm a nawm em vang vek.
Hmanhmawh tawk a kan in kawt ka thlen chuan pawn ah Kima car alo awm a, Ab-a hian a
hmansak anih ka ring. In chhung ka lut a, sitting room lam a tawng thawm ka hriat chuan ka
phei vat a, Kima leh Ab-a an lo thu a, ka nu leh pa an lo awm bawk. Ka u te ho pawh leng lo
tur a ka ngen avang in an lo awm ve bawk a, thlan tla phung a ka lut chu ka nu in min lo hau
nghal mawlh mawlh. Ka pa te erawh Ab-a te nen an lo ti ti tui hmel khawp mai. Ab-a chuan
min hmuh veleh min lo nuih var var a, thupha ka chawi luam a, lo thu tur leh ka intihfai tur thu
ka sawi a, Kima chu ka nuih sak a, ka room ah ka lut nghal.
Ka inbual zawh chuan ka inthlak fel a, thutkhawmna lam ah chuan ka phei ve nghal a, ka nu
erawh rawngbawl a hun tawh avang in rawngbawl in choka lam ah a ri rak rak a, ka phone ka
ken loh avang in thupha te ka chawi luam a, Ab-a lah chuan ka pa bul ah ka haihawt zia leh ka
luhlul zia alo sawi a, kan nuih ho dar dar. Kima lah ka unaupa te nen an ti ti a inrual hrep
bawk. Hetiang chhungkua ka nei hi ka lawm takzet ani. An farnu neih chhun hi ka sual ber
chung pawn chhungkua atang a ka zahawmna tur ang hi ka chhungte hian an hlen thlap zel ani.
Ka haw tawh avang in ka pa leh ka u te pawh an inthiarfihlim ve ta a, keini thian 3 chu kan thu
a, Ab-a chuan ka chhungte fel a tihzia leh kan chhungkua ang neih ve a chak zia a sawi luam a,
Kima erawh a ngawi reng. A nu leh pa a ngai thar in ka ring thut a, ti ti dang ka vawrh nghal.
Ka unaupa pakhat chu a rawn chhuak leh a, kan bul ah thu in Ab-a chu a sumdawnna
chungchang a zawt nasa mai a, Kima pawh a zawt tho. Anni 2 lah an tuina ber ani bawk a,
sawi nuam an tih hmel kher mai. A changtu nu tur ber ka chuang ta daih. Mahse a pawi lo, ka
tho a, ka nu chu tihpui ngai ka va tih pui sawk sawk a, ka nu chuan Ab-a chu Mizo in
“Vaichhia” kan tih nen a in an loh thu a sawi chuan ka nuih nasa mai. Ka nu hi chu a
mawlmang ve ka tih kha. Mahse piang nawn leh dawn pawh ni ila ka nu tho hi nu ah ka la duh.
Kan chaw ei hun chu Ab-a tan a hma lutuk ka hlauh avang in keini chu kan ei tlai tur thu ka
sawi chuan Ab-a ber chuan a duh lo bur. Mikhual anih ang in a in neitu te chet rual a chet a
duh thu leh a vawikhatna tur anih avang a a phur zia a sawi teh mauh a, Kima nen kan in melh
a, kan in nuih sak. Ka thianpa hi a fel ka tih khan sawi over min ti in awm tiraw khah? A fel
alawm. Mihring ten gentleman kan tih ang chi dik tak hi ani. Ka fak chawp lo va, a che zia hian
amah a chawimawi zawk ani. Mizo mipa pawh in hetiang ang zia hi an pu thei, pu pawh an
awm bawk. Thenkhat tan inzir nan ani ka thianpa felna hi ka rawn sawi ve viau ni.
Masala tel miah lohna chaw a ei theih ka ring lo a, mahse alo thei chiang khawp mai. Vawksa
chhum te hlei hlei chu tui a ti khawp a, kut a chaw bar kher ka nu in a rawt mauh bawk a,
chutah pawh harsatna a nei hran lo. Kima nen chuan kan in melh a, nuih a za duh zawk. Sa-um
bawl te hlei hlei chu a ei ve tak ang hluam hluam a, kan vai mai chuan mak kan ti vek zawk.
Chu mai ala ni lo, Phuihnam leh khanghu tlak pawlh tui chu bowl-ah ka pa in a suah sak a, a
hawp ve hluam hluam a, ka insum thei lo. Ka nuih a, amah lah chu a thinrim em em khawp.

Kima chuan dawhkan hnuai atang ka ke chu a rawn kick zeuh a, ka nui ngam ta lo. Ka u te lah
in an duhsak nasa mai. Ka nu mawlh mai hi, Kima an duat khawp a, sa tha lai an suah sak ngei
bawk a, ka pa in alo thik der, chaw ei dawhkan chu inkhualtelem nan kan hmang ani ringawt.
Ka u chiah mipa, Mama chuan Kima nen kan boruak chu in la man tawk in min han chhaih pah
zauh ngei bawk a, ka hriat theih hnu ah kan chhungkaw chaw ei rei ber tum aniang.
Chaw eikham chuan ka chhungte ho chu inkhawm an duh avang in min chhuahsan vek a,
keipawh Ab-a chuan hna a neih avang in ka pa ka dil a, Kima nen kan va thlah ve bawk a, Ab-a
kan thlah zawh chuan kan in ah kan let lehnghal a, kawng ah chuan ka tawng miah lo. Kima
pawh a tawng chuang lo.
Inchhung kan lut chiah chu ka in rin hman hma in ka kawng ah ka hnunglam atang a rawn kuah
a, ka phu nasa kher mai. Ka tal pit vat a, nimin lam thil avang in ka la lungawi lo ve deuh a ni.
‘ Ka kuah i hlau ami?’ a aw ah chuan nuihzatna a lang tel a, ka ngei reuh lutuk.
‘ I hlauhawm ami?’
‘ I talchhuak rang em alawm. Nimin chu a nuam bawk maw?’
‘ Nuam ani ve mai’ tih pah chuan sitting room lam ka pan nghal a, ka hnung ah chuan min rawn
zui ve nghal.
‘ Ka ring ani. Di hlui lam pawn nuam an tih hmel kha’ tih pah chuan sofa-ah chuan a thu
thluang duai a, min en run zui.
‘ Sawm loh in alo tel ve ringawt a lawm’ engtinnge a hriat dawn ni?
‘ Vawiin hian keipawh sawm ka ni lo a’ mit ko san ak chuan a ti sup a.
‘ Sawm tur in nimin nileng in min rawn be lo a’ cho zet chuan ka ti let ve nghal a.
‘ In in kawt a CBR bike kha tu ta nge tih ka hre ta sia, ka rawn tlan lut lui ta lo a’ hneh tu in
tih hmel zet chuan min en a, ka dang chiang ngei mai.
‘ I chhuanlam chu paltlang ta la i vannei zawk ang’ kan ti leh hram a, a rawn dawk phei rang
teh e.
‘ Enge alo tih?’ tih pah chuan nghet fahran in min kuah a, ka thaw hlei thei lo.

‘ Alo kal ve tawp’
‘ Ilo ngaidam leh ta ami?’ a mitmeng chu a che sawn eih lo.
‘ Aih’ min kuah na chu a thlahdul a, a nui vur vur a, a awmdan hi a maksak thei ka ti.
‘ A that chu. I let leh duh anih chuan min hriattir hmasa dawn nia’ tih pah chuan sofa hnung
chu a ngheng a, a chauh hmel kher mai.
‘ Let tur a min duh viau chuan ka let leh mai dawn ami?’
‘ Hey, ka sawi tum i hre reng. Inhnial lovang. Bultan chauh kan nih kha, chuan, tum ai hma a
ka let a ngai dawn a, Nashik i let veleh ka rawn hmu ang che’ a thusawi chuan min ti hnual
rawih.
‘ Engtikah nge i let dawn?’
‘ Monday-ah ka let a ngai. Teusday ah meeting hmanhmawh thlak a awm a, chuan, ilo let hun
ah chuan news tha tak ka lo nei mai thei ani’ tihpah chuan ka hnar a khawih zeuh a, kan
awmdan hi reitak in ngaizawng tawh kan ang ka ti.
‘ A tha alawm. Naktuk chiah i awm tawh dawn a’ tihpah chuan a dar ah chuan ka lu ka nghat
a, a taksa nalh tak hian hmeichhe tam tak a hip ngei in ka ring. Kan awmdun loh chuan ka veng
pha hauh lovang.
‘ Chuvang chuan naktuk chu chaw ei ah nangmah chiah sawm che ka duh ani. I hreh a ngem?’
‘ Mahse Ab-a hi...?’
‘ Ab-a chu Julie te in ah chaw a ei hmel. Min hrilh a’ tih pah chuan a nui sak a, keihi, thlim ka
ni tlat in ka hria. Mahse Ab-a chuan min la hrilh leh tho ang.
Min kuahna chu thlahdul in ka dar ve ve ah a vuan a, a lam min hawi tir a, ka khabe a chawi
kan chuan ka meng ngam tawh lo. Ka zam kher mai. A hmui nem thep in ka hmui a rawn deh
chuan ka inveng hman lo, ka rum hak a, thiam tak mai a ka ka chhung a leiin a rawn hawl
chuan kum tam tak chhung ka tawn tawh lo phurna nasa tak chuan min rawn tuam a, Kima
nghawng ah chuan ka kuah a, duhthawh zet chuan ka fawp let tan tan a, hetiang em em hian
infawh hi alo nuam tih ka la hre lo.

Ka kawr awm a rawn zen chuan ka harh chhuak zawk a, ka inla hrang vat a, ani pawh chuan min hrethiamtak in duat tak in min kuah a, ka chal ah a fawp a, ka thla ava han muang teh
kher tak em!
VARGHESE - 9
ELTY LUHLUL AUG HNAMTE
Kima te in a chaw ei tur chuan ka insiam peih at tawh. Dar 2 bawr vel ah min rawn lam a, a
thawmhnaw chu a inhmeh kher mai. Kamiz body fit, a hring lam tial a ha a, kekawr suede
hring duk khak ha in loafer brown colour a bun bawk a, a rim pa hrak chuan car chhung a luah
hneh kher mai. Engvang a hetiang mipa tha lutuk hian kei ve mai te hi bul min tan pui duh tlat
nge anih ang? Mahse keipawh hi chhe zawk zawk ka ni bik lo alawm. Mahse ka zei lem loh
avang hian ngaihzawng tih tham sawi tur ka nei lem lo.
‘ Lo thu rawh’ tih pah chuan a car key chu a khai a, choka lam min pan san nghal daih. An
inchhung chu a nuam takzet a ni. A ropui lua lo, mahse a fai tha em em thung. A nutei te nupa
hian fapa 2 an nei ve tho a, an ni pawh India ram pawn ah hnathawk in an awm daih a, chu
chu nizan a min hrilh a ni. Awmpui 2 an nei a, mahse vawiin a tan bik riahchhuah phalna an
hmu a, an lawm khawp ang. Kima haw hlim khan a nutei te nupa zin avang in an awmpui te
pawh an thian te in ah an awm chhuak ve a, mahse Kima a haw thut si avang in an lo let leh ni
awm tak ani.
‘ Rawng kan bawl tan nghal dawn em ni?’ Kima rawn let chu ka lo ti vat a, tui um a rawn keng
phei a.
‘ A ngai lovang. Inkhawm lo in i eitur ka buatsaih a, tlai a chaw chhum chiah a ngai tawh ang’
tih pah chuan ka bul ah a rawn thu a, ka zam leh ti tih nghal der.
‘ I rawngbawl ka ei dawn amaw?’ tih pah chuan ka nui ver ver a, a inhmeh ka ti hlawl lo a ni. A
rawngbawl tur vel chu ka mitthla a, ka nui chhuak hak a.
‘ Pune-ah pawh a tam zawk hi keima inbawl chawp alawm. Mahse ilo awm ve hun ah chuan ka
bawl tawh loh ka beisei’ tih pah chuan ka kut chu a la a, a hum vang vang a, mak tak maiin
Tlana bul a ka neih ngai hauh loh, thlamuan veng veng na hi Kima bul ah chuan ka nei tlat thin
a ni. Tlana kha ka duh takzet, ka pha hauh lo. Mahse a bul ah khan ka thla a muang lo va,
tihsual neih ka hlau ngawih ngawih zel.
‘ I sawi thui mah mah lo maw?’ a kut chu ka lo hum let ve vat a.
‘ Vawiin a chaw ei a ka sawm chhan tak che ka la hrilh lo che. Ab-a nen kan sumdawnna thar
tur ah hian manager kan mamawh ngei dawn a, chu chu nang in i thawk thei dawn tih ka hria.
Staff lak chungchang ah chuan ka mawhphurhna a nih dawn avang in a hmasa ber ah nang hi ka
duh che a ni’ thutak hmel zet chuan a ti charh charh a, ka beisei loh lam thil daih a ni.
‘ Oooh.... Chutiang chu ka ti thei lovang. Ka line pawh a ni lo’
‘ I thei tih ka hria. Tin, i bul ah ka awm reng dawn a lawm. Hlawh pawh tun a i hlawh aia tam
hi i hmu ang’ a tawngdan ah chuan ka bialpa ni lovin, sumdawng mi diktak tawng dan ang chiah
a ni.
‘ Vawikhat pawh ka la thawh chhin ngai loh chu ka thiam ngawt lovang. Tin, tun a ka hna hi ka
lungawi tawk’
‘ C’mon, min hnial lo teh. Training i nei hmasa anga, i training chhung in tun a i hlawh zat hi i
la ang. Thla 2 hnu ah erawh i hna tur i vuan tawh thung ang’ tih pah chuan min nuih var var a,
a tawngdan chu a confi em em lehnghal. Ka ti thei in ka ring lo.
‘ Mahse...’
‘ Dear, chhuanlam siam lo teh. Keiman training ka pe dawn che ani. I trainer ka ni ang. Mahse i
training lai erawh chuan kei hi i bialpa ni lo in, i trainer ang a min en ka duh dawn ani. I
chawlh hman zawh hun ah i thawhna te hnen ah i let anga, thla khat chhung i aiawh tu tur an
zawn na hun i pe thung ang. Chumi zawh ah chuan ka hnen ah i awm ve tawh ang’ mahni
inrintawk hmel zet chuan min sawi khalh leh hmiah tawh. Ka duh aiin a kal chak lam hret chu a
ni.
‘ Ka thei lovang’ zawi sap chuan ka tia, ka theih ka in ring lo. Tin, a bul a khawsak ve ngawt
pawh ka thei hauh lovang. A nun hmasa lam engmah hriat ka nei lo, mi hlawhtling tak ani tih
chu ka hria. Mahse kawplai hmeichhia a neih leh neih loh pawh ka hre lo. Tun ah bul kan tan
chu ani teh meuh mai, mahse hei chu keimah ka infiahna tur kawng 1 chauh a ni. Inngaizawng
tak tak kan ni lo.
‘ I thei tih ka hria alawm. Ngaithla rawh, engvangin nge mahni in lum chhuahsan a vai ram a
hna i thawh chhan hi? Sum ani.Tun a i hlawh aia tha i hmu dawn. Kum naupang zawk zawk i ni
tawh lo. Pasal pawh ila duh ang, i hun tlem te neih hi sum siam nan hmang rawh. Sum
bawlhhlawh a ni lo, i thawh hlawh ani dawn. Hlawh tam zawk chu i tan a tha zawk ani’ a ti leh
charh charh a, sawi dik ka ti viau. Mahse tun ah chuan thutlukna ka la siam thei lo.
‘ Nakin ah kan sawi tha leh dawn nia’ ka tih chuan a nui var var a, a ha var mawi tak, a ha ui
ngho zum vang mai hi a inhmeh thlawt alawm. Ka chal a rawn fawh zeuh chuan ka lo en tui leh
tawh lutuk tih ka inhrechhuak chiah.
‘ Engemaw ei tur or in tur i duh em?’ tih pah chuan min kuahna chu a la thla a, ka kut erawh a
vuan reng tho.
‘ Ka puar rih viau. Bakah i rawngbawl ei tur in ka pumpui hi ka hrem rih a ngai dawn in ka hria’
tih pah chuan ka nui sak a, ka melh lai tak chuan uluk fahran in min lo en a, a mitmeng thim
raih hi chu a sexy ve thlawt.
‘ A nih chuan engemaw in ila, chuan movie en i duh em?’ tih pah chuan a tho hluai a, ka chhan
na nghak in ala ding thung.
‘ Killing me softly, Heather Graham channa kha i neih chuan ka en peih reng’ ka lo ti vat a, a
hmel ah chuan ka movie sawi chu a hre lo tih ka hria. Mahse a bu nghut a, choka lam ah chuan
min luhsan nghal.
Sofa-a thu dun chung chuan laptop-ah movie chu kan en a, he movie ka en hi chuan thildang ka
ngaihtuah thei ngai lo. A hmuhnawm ka ti a, a story kar a zir tur awm hi pasal ka neih hun ah
chuan ka tangkaipui ngei ka ring.

“ I juice kha amah in a zo thei dawn lo ania’ ka biang a rawn nawk zeuh pah chuan a rawn ti
sup a, Mango juice min chhawpsak chu ka la in lo tih ka hrechhuak chiah. Rang fahran chuan ka
ban vat a, ka inthlahrung zawk. Ka in khalh a, a tui tak zet ani. Mango juice hi ka ngaina a,
mahse fats a tam em avang in ka insum hram hram thin. Vawiin ah erawh chuan min
chhawpsak tu in a zir bawk a, insum lo leh phawt ang.
‘ He movie hi ka en chuan thildang ka ngaihtuah thei ngai miah lo’ thupha ka chawi deuh a, ka
inthlahrung ve miau a.
‘ A pawi hleinem. I mit kha hmundang ah a fu miah lo tih ka hria alawm’ tihpah chuan amah ka
nghen theih nan a lam ah min pawt hnai a, keipawh chuan ka ngheng sat sat a, uluk fahran in
laptop lam bawk ka melh leh tawh. Ani erawh chuan ka kut a hmer neuh neuh thung.
‘ Lai chu forward teh’ ka tih chuan a nui hak a, mahse chetsawn a tum chuang lo. Ka mit ka
chhing ta ringawt. Keimah a ka en chuan ka en ve mai ngam, mahse a bul ah kher chuan ka zak
a ni.
Ka nghawng chu hmui lum thar thar in a rawn deh chuan ka phu zawk a, ama lam hawi tur in
min pawt rem a, ka hmui ah chuan dam dap in min rawn fawp a, a kut lehlam in laptop a khup
hmiah bawk.
‘ Keiaiin i ngaihsak rei mah mah tawh’ tih sup pah chuan ka hmui hnuailam chu a pet hlak a, ka
lo thaw hak a, uluk tak a min rawn fawh leh tak ah chuan engdangmah ka ngaihtuah thei lo.
Uar leh duhthawh zet a min fawh hnu phei chuan amah aia uar mah zawk in ka lo chhang let
tan tan a. Ka kawr leh ka kawrhnuai hak chu a hlim chho pawk a, ka hnute hmur chu a hrual
na na a, thawk pawh ka thaw tha phal tawh lo.
Kan awmdan remlo zet chu min pawm kang deuh a, sofa-ah chuan min mut riai riai a, a hmui
erawh chuan ka hmui a kalsan lo hrim hrim. Ka ngaihtuahna fim ka hmang thei tawh lo. A
kamiz hak chu a phelh sawk sawk a, a awm bawr hlai tha tak, hrisel tih hriat ngawih ngawih
chu ka chul riai a, duhthawh zet chuan kan infawp tawn tawn a. A hmui chuan ka ir ah chhuk
thla in ka dar ruak kang chu a fawp kual den den a, ka awm ah chhuk thla in ka hnute hmur
chu a ka chhung lum ham ham chuan a hmuam chat a, ka rum hawk a, tunah chuan engdang
mah ka duh lo. Ka chakna tipuitling tur in ka rilru leh taksa a in peih thlap tawh.
Ka kekawr hak a phelh tur chiah chu a phone a rawn ri a, a chawl det a, mahse a aia
pawimawh a thil tih lai mek chu chhunzawm in ka kekawr chu a phelh a, kekawrte nen chauh a
hma ah chuan ka mu zar a, a rum nghat a, ka dul chu a fawp kual dan dan a, ka hriat loh laiin
ka aw rawl ka lo chhuah hak a, mahse a phone chu a rik reng avang chuan anchhia lawh sup
chung chuan a tho a, a phone chu room-ah a luhpui nghal.
Ka lak atang a kalsawn chiah chu vawt in min rawn man nghal a, engthil nge ka tih ka
inhrechhuak chiah. Ka zak lutuk leh ka tisa chakna inpawlh nuaih chung chuan ka khur der der
a, rang zet a thawh pah chuan ka thawmhnaw ka ha nghal sawk sawk a, room kawngka
inhawng atang chuan a thusawi tlem ka va hre pha a, ka na vawng vawng in ka hria. Ka in ten
ngawih ngawih bawk.
‘ Pune atang ania, hna chungchang ah a nia’ tih pah chuan ka bul ah chuan a rawn thu a, rang
fahran chuan ka lo tawlh sawn nghal thung.
‘ Chaw ei tawh ila, ka haw na a tlai lutuk ang’ theihtawp a in control tum chuan ka ti chhuak
thei hram. Diktak chuan kawplai a neih leh neih loh zawt miah lo in bul ka tan pui a, a thiam
loh ani bik vek lo. Mahse dawt a rawn sawi kher kha na ka ti.
‘ A tha alawm. Ab-a pawh chaw eikham ah a rawn kal kawi ka ring. BZ car rental atang khan
motor 1 a hire tawp a, i haw lam pawh a thlah haw theih che ka ring’ a ti nghal a, ka na
vawng vawng kher mai. Amah in chaw ei ah min sawm a, min thlah leh ka lo inbeisei a, mahse
ka rin loh dan deuh in a awm tlat thung. Hnial ka tum lo. Hnial thei dinhmun ah ka ding chiah
em ka in hre mai rih lo.
Chaw ei lai chuan a hna min offer chungchang chu a sawi leh a, keipawn ka chawlh hman zawh
lam ah ka thutlukna ka hrilh tur thu in ka chhang a, a bak chu kan tawng tam lo viau. Chaw ei
na chu tihfel a phal lo nang in Ab-a alo la thleng lova, a bul a thut ringawt pawh ka chak tawh
rih lo. Thleng chu ka sil lui a, min hnial ta bik lo. Ka thleng sil lai chuan room lam ah lut in
phone a hmang leh a, mahse a thusawi erawh ka hre phak lo. Min thlah dawn loh chhan erawh
ka hrechiang hle thung. A bialnu a titau tawh miau ani. Keihi chu min pui mai ani. A bialnu ka
ni lo.
Ka thil ngaihtuah avang chuan ka inkhawngaih em em a, mahse ka phu tawk chiah ani. Ka
mittui chu engtiklaiin nge a tlak ka hre lo. Kut lum takin ka mittui a rawn hruk chuan ka phu
zawk a.
‘ Ka tihpalh. Khang kha ka tum lawk a ni lo. I rilru a nat dawn ai chuan engkim kan ti tawp thei
ania’ ka kawng a min rawn kuah pah chuan a ti sup a.
‘ Ni lo. Khang vang kha ani lo’ ka ti chhuak hram. Enge ka hriat le? He thil hi ka ti tawp tur ani.
Mahse ka thei tlat lo. Min hip na hi a na lutuk mah mah ani. Thinlung ruak lutuk a ka awm laiin
ka tawng a, hma ka sawn theih nan min puih a duh a, mipa rinna ka hloh tawh chu ni hnih khat
chhung lek in min siamthat sak thei. Tu mipa mah in an la ti thei ngai lo. Ka natna tur ani tih
ka hriat hnu ah pawh tihtawp ka la phal chuang lo chu ania.
‘ Ka thlah lo tur che hi i lung a awi lo mai thei. Teusday- a kan meeting na tur engmah ka la
tifel lo a, buaipui ka ngaih vang ania. Mahse thlawhna chhung ah ka tifel thei mai ang. Ka thlah
ang che’ ka lu ah chuan a fawp a, chhang tur in ka ka ka ang thei lo.
Thleng ka sil zawh chuan Ab-a pawh alo thleng a, reivak lo kan ti ti ho hnu chuan Kima chuan
min thlah a, Ab-a te nen motor in kan inzui a, mahse ka tawng peih thlawt lo. KA thil tih ah
hian ka chiang lo takzet ani. Kima phone chu a ri leh thin, a pick up miah lo a, tunge anih ring
thiam lo tur khawp in ka mawl bik hauh lo.
‘ I phone kha i duh chuan i pick up thei ang. Ka mitmei ven a ngai lo’ tih pah chuan car tukverh
lam ah ka dakchhuak nghal a, ka thinlung hi chemte a vih ang mai hian a na ni ber in ka hria.
‘ |Hello’
‘ Ka hria’
‘ Ka chhuak rih. Ka haw hun ah kan sawi dawn nia’ a phone chu a dah nghal hmak a, a thaw
hak ah chuan a rilru a buai ve anih ka ring. Tawng tawh miah lo in kan in kan thleng a, leng lut
tur a sawm ka tum lo. Tun ah chuan hun ka mamawh. Car atang a ka chhuk tur chu min ko sap
a, mahse ka chhuk lui nghal. Tun ah rih chuan ka tawng anih chuan ka tap ngei ang.
‘ Ka tihpalh’ chu zawng chu Kima msg ka dawn ani. Chhanlet tumna ka nei lo. Ka kal thui hma
a ka tihtawp angai.
Ka phone chu a rik reng avang in phak zet in ka meng a, ka pick dawn chiah a, a tawp hman.
Kan en chu Kima leh Ab-a call vek ani. Ab-a chu ka call back a, Kima thlah pui ah min sawm a,
mahse chhuanlam siam in ka lo hnar. A thlah zawh a min tlawh tur thu a sawi a, phone kan dah
zui nghal. Ab-a alo kal chuan zawhna a ngah dawn ngei mai. Kima erawh call back ka tum lo.
Tihian ngawi reng in ka hawisan mai ang.
‘ Kan thlawk chhuak dawn chiah e. Thla 1 hnu ah kan inhmuh ngei ka beisei. Miss you’
tihzawng hi Kima msg ka dawn leh chhun ani. Ab-a lo kal kawi chuan thil awmzia min zawt ta
ngei, mahse pehhel deuh tak in ka kawp chi anih loh thu ka sawi a, mahse an hna min offer
chungchang ah erawh tih lunghnur ka duh loh avang in ka inngaihtuah tur thu ka hrilh thung.
Ka thawk dawn lo tih erawh ka chiang khawp mai.
Kima chhuk hnu ni 2 na ah Ab-a pawn min let san a, ka khua a har ve tak zet. Julie alo leng
zeuh zeuh a, Ab=a a ngaihsan zia leh fel a tih zia a sawi a, dawt a ni lo. Mipa tha tak ani. Ka
chawlh chhung in vawikhatmah Kima nen kan inbe leh lo. A ni pawn min rawn be bik lo a,
keipawn biak tumna ka nei lo. A BIALNU BUL AH A HLIM VIAU ANG. Kan inkawp rei hman lo
nangin ka bialpa ve tawh te ang lo tak a sulhnu min hnutchhiahtu anih avang in ka ngai ve thin
tak meuh. Mahse ka natna tur a inbarhluh luih erawh ka tum tawh lo.
Nashik ka let chuan Ab-a ka be nghal vat a, a chhan chu ka tiam tawh, an hna min offer
chungchang ah khan ka thutlukna ka hrilh vat duh ani. Midang an zawnna hun ka tihbuai ka
hlau ani. Ab-a chuan zan lam a a in a chaw ei ah min sawm a, keipawh chuan ka hnial hran lo.
Ka chhungte ka ngai ani. Mahni a lungleng deuh a awm ai chuan Ab nen ei dun ila, ani bul ah hi
chuan lunglen hi tawrh a ziaawm phian zel.
Hna ka la join loh avang in chhun lam ah ka mu a, zan dar 7 vel ah ka insiam a, auto la in Ab-a
in lam ka pan a, phone in ka thlen chin ka hrilh a, ka thlen phei chuan nui var var in min lo
hmuak. Ab hmel ka hmu chu ka thaw huai mai. Inchhung kan lut chu ka bag ka thehthla tawp
a, ka tihdan ngai te in sofa-ah chuan ka let tep a, Ab erawh chuan min nuih kur kur pah in
kitchen lam ah min luhsan nghal. An thil siam rim chuan ka hnar mai ni lovin ka thluak thleng a
fan in ka hria. Kelsa an siam tlat a.
‘ Biak pawwh i har hle mai’ chu awri ka hriat chuan ka meng kawk a, sofa atang ka let thla
tawp.

VARGHESE - 10

ELTY LUHLUL AUG HNAMTE
' Surprise' tih pah chuan Ab-a chu kitchen atang lo phei in min rawn kaitho nghal a, Kima erawh
chuan ngawi reng in min lo melh run a, ka tha te chu a zawi vek in ka hria. Ab-a lak ah ka
lungawi lo hle bawk. Mahse dem thei ka ni lo. Kima kalsan ka duh chhan kha thudik ka hrilh
miau lova.
‘ Engtikin nge Nashik ilo thlen?’ sofa thut pah chuan pangai thei ang ber in Kima chu ka bia a,
ka pangai loh zia chu ka taksa khur der der chuan a ti chiang hle thung. Mahse chu erawh
keimah chauh in ka hria.
‘ Chawhnu lam ah khan. Sumdawnna thil ah a nia’ tih pah chuan ka hma sofa-ah chuan a thu
ve nghal a, Ab erawh kitchen lam ah a let lehnghal thung.
‘ Nih chu’ keimah vang a helai lo kal hi ani lo tih ka hriat chuan tullo tak in ka lungawi lo veleh
ta ngawt e.
‘ Chuan eng vang a ka phone call reject list-a dah nge i nih a?’ zawi tak, fiah tak si chuan a ti
sup a, ka nui lui sak thung.
‘ Inbiak kan ngaihna ka hriat loh vang pawh ani mahna!’ thawven hmel zet chuan ka hawi vah
a, a hmel erawh ka en ngam lo.
‘ Chuan i tlanchhe leh ta tihna ani maw? Huh! Bultan pui tlak a ka lo ngai che chu ka thutlukna
siam dik loh hmasak ber ani hial ang’ tih pah chuan a tho uaih a, ka lam a rawn pan avang
chuan ka khur nasa em em thung. Mahse min kalpel in ka hnung lam Ab-a mini-bar ka tihsak
mai, zu dahna bik fridge tereuh te chu a hawng a, ka hawilet ngam lo. Ka tukhum erawh a za
mer mer thung.
‘ Thil hi kan ngaihdan ang ngawt alo ni lo thin a ni’ thawk halh pah chuan ka ti sap a, ka sawi
awmzia chu keiman ka hrechiang.
‘ Anih hmel. Beer i in duh angem?’ ngaihsam hmel zet a min chhan avang chuan ka ngei khawp
mai.
‘ Budweiser a awm chuan. A bak ka in peih rih lo’ ka ti let ve mai. Budweiser tih loh ah chuan
Tuborg ka duh ber. Ka budget mil Tuborg hi han talh parh hi ka ching ve khawp a.
‘ Tichuan tihtawp i duh tihna anianga?’ beer min pek pah chuan a thutna ngai ah chuan ava thu
leh a, beer chu ka kheuh hawng sat a.
‘ A ni ber ang chu. Midang tan hnawksak pawh ka ni palh thei. Cheers’ tih pah chuan ka beer
can chu ka chawi kang zeuh a.
‘ Chutiang tur i nei tih ka lo hrelo anih chu. Cheers’ a beer can chu a rawn chawikang ve zauh
a, a in chhunzawm nghal. A thusawi erawh ka ngei tawk a tling. amah zawk hi a fihlim lo zawk
ani sia.
‘ Ka tello in inlo cheers bik a’ Ab-a chuan vui nung nung chuan a beer tur chu a ban ve nghal a.
Ka bul ah chuan a rawn thu ve nghal a.
‘ Ka lo kal chhan tak sawi a hun chiah in ka hria. Kima alo awm ve ka beisei lo nangin alo awm
ve chu a lawmawm zawk. Hna min offer kha ka thawk thei lovang tih hriattir cheu ka duh a’ ka
sawi zo chu ka thaw hawk. A tu ve ve mah chu ka en ngam lo.
‘ Eng maw i sawi?’ Ab-a chu a tho zawk a, ka phu nasa kher mai. Nia, ka thawh ngei a ring ang.
Hlawh tam zawk ka duh thu hi he hna min offer hma hian ka sawi ve fo tawh. Tun ah lem ka
hnawl leh si chu a nia. A tan chuan mak tih loh rual ani lo.
‘ AAb, pawi ka ti. Ka hnathawhna ah hian ka hlim tawk a ni’ Kima chu a ngawireng a, Ab-a lah
a tei thuak thuak a, awmdan tur ka hre lo. Kima ka va melh chu hmuhsit hmel zet in min lo
melh a. Nia, amah vang ani tih hrethiam tur in a fing ve tawk miau ani.

‘ I mimal nun leh hna i kaihkawp chuan i hlawhtling ngai lovang’ Kima rawn tawng chuan min ti
phu deuh zawk. Kan 2 inkar hi Ab-a hriattir vek ka duh lo tih a hrereng.
‘ Mimal nun a inpawlhna ka hre lo. Ka hna ah hian ka lungawi tawk ani’ ka ti nghat a, pawm ve
ve mai se ka ti takzet. Sawi thui ka duh lo.
‘ Anih chuan naktuk hna i kal veleh in pu hnen ah i ban tur thu hrilh ang che. Thla 1 chhung in i
aiawh tur zawng hmu ula, a bak sawi zui ngaiin ka hre lo. I zawm dawn lo anih chuan ani hi
engkim ka hrilh ang. Engvang a tlanchhia nge i nih ka hrilh ang’ Mizo tawng ngei mai chuan a ti
nghat nghat a, ka insehruh nasa ngei mai.
‘ I ti thei lovang. Tin, nangmah vang ani lo bawk’ Ab-a hmel ah chuan maktihna hlir. Thinrim
insehruh teuh in Mizo tawng in kan inchhang bawk si, min melh tawn sek a, keini 2 lah kan
thinrim zia kan hmel ah a lang chiang ngang mai.
‘ Ka thei. Ka ti khawp ang. I thianpa hriat vek i duh loh chuan ka sawi hi zawm mai rawh.
Hnaih i duh lo anih pawn lungngai suh, ka in 1 ah i cheng thei ang.’
‘ Mr.Ab, a pawm anih chu’ a tih chhunzawm zat a, Ab-a chu a thaw huai a, mahse ngaihngam
chiah lo chuan min en a, tih theih tehvak ka nei tawh lo. Ka lo nuihsak a, chutah zet chuan a
thla a muang ta aniange, min rawn kuah a, lawmthu min hrilh malwh mawlh. Enge a chhan ka
hre lo. Engvang a he hna hi thawk tur a min duh viau nge anih? Experience ka nei lo tih an hre
vek, mahse min la duh tlat chu ania. Engpawhnise tunah chuan engmah ka la ngaihtuah thiam
rih lo. An sawi ang chuan ka awm ta mai mai a, Kima nen kan chengdun dawn chuang lo a, hna
ah kan inhrawn em em in ka ring lo bawk. A sumdawnna dang kalsan in he sumdawnna hi a
vuan lo tawp ang.
Dinner ei zawh chuan thu khawmuang rei tawh lovin an 2 chuan min va thlah a, thla 1 chhung
in ka awmna tur engkim a fel vek tur thu leh tha tak a ka hnathawhna sa te nen inthlah thei
tur in an rilru dam theih nan ber sawi tur in min ti mawlh mawlh a, engmah ka sawi ve lo. Ka
chawmawlh vek in ka hria.
In ka thlen chuan ka mu nghal hnak a, ka pa ka han bia a, ka thuthar ka hrilh chu an lo phur
nasa mai. Kima an fakna ri chu ka ning deuh avangin chhuanlam siam in phone chu ka dah thuai
a, ka inbual nghal.
Ka inbual zo ka phone kan en chu miss call alo awm tuarh a, kan open chu Kima hlir alo ni. Call
back ka tum lo. Biak ka chak hran lo. Ka hnathawhna chu ka ngai dawn takzet ani. Ka sawi hun
ah kan pu in engtinnge min chhan ang? Staff thlak mai mai chi a ni lo. Bakah chawlh hmang zo
chiah ka nia, chutia chhuah ka sawi lehnghal si chuan a pawm thiam meuh in ka ring lo. Ka
huphurh takzet ani.
‘ I phone lo pick rawh’ msg chu ka en a, ka phone chu ka en reng. Ka boruak tawn hi a ni teh
thut lutuk a, ka la chiai a ni.
‘ Sawidun tur kan nei lo’ ka phone ka pick rual chuan ka ti hmak a.
‘ I kawngka rawn hawng rawh’ ka phu nasa ngei mai. Tun ah ka in kawngka bul ah a awm
maw? Rang lutuk in ka zuang tho a, kawngka ka va hawng chu thatchhe zet in pawn ah alo ding
a, uluk zet chuan mi melh a, sawm pawh ngai lovin a rawn lut nghal hmak.
‘ Tun ang hun ah enge i rawn tih dawn?’ kawngka khar pah chuan nelawmna tel hauh lo chuan
ka ti hmak a.
‘ Inbiak kan ngai’
‘ Eng chungchang ah? I duh ang in hna chu ka thawk dawn. Hna chungchang anih chuan naktuk
lam ah kan sawi thei ang. A bak chu sawidun tur kan nei lo’ ka ti hmak a, kuangkuah than
chuan sofa-a a thu chu ka hmachhawn ran a.
‘ Engvang a hetia indang tlat nge i nih? Aizawl atang tawh ka msg, phone call engmah i chhang
duh lo a’ a lu a tuai puat a, a chauh hmel takzet ani.
‘ I tan a tangkai lo. Min chhuahsan tawh rawh’
‘ I sawi hma chu ka chhuak hauh lovang’ a hmel chu a rum ul a, mahse ka inchhung ani tlat. Ka
hlau bik lo.
‘ Anih chuan police ka call mai dawn ami?’ cho zet chuan ka melh ve ngat a.
‘ I thu thu alawm. Police ho in a chhan min zawh chuan ka sawi mai dawn a’ nuihzat hmel lek
lek chuan a ti nghat a, ka va han ngei thin tak. Mipa chimawm tak ani.
‘ Khawngaihin min chhuahsan rawh’
‘ Min chhan phawt ka phut a ni. Engvangnge?’
‘ A tha e. I hriat duh miau chuan, ka duh lo che. Nang nen a bul tan kha ka duh tak tak lo.
Aizawl i awmlai a han kawp ve mai mai che kha ka duhtawk’ ka sawi zo chu ka thaw a chham
lo chauh. Ka dawtsawi chu keimah ngei pawn rapthlak ka ti. Chu ai mah chuan Kima hmel
thinrim insum lutuk chuan min ti hlau lek lek ani.
‘ Ka lawm e’ a tho a, lo hawilet tawh hauh lovin a chhuak zui nghal. Min chhuahsan chiah chu
ka ruak huai in ka hria. Chhuat ah chuan ka thu sawp niaih a, kha dawt kha engvang a sawi nge
ka nih? Ka duh lutuk tih ka in hrereng. Ka chapo lutuk avang in ka tilang lo mai ani. An in a
chaw ka ei zan a a phone hman ri avang a hetiang a awm ta ka ni tih sawi ila, min nuihzat
dawn lutuk.
Reitak ka thut hnu chuan mahni inkhawngaihna keimah ah alo lut thut a, Tlana’n min bum hnu
ah Kima hi mipa ka hnaih leh hmasak ber ani. Ani pawn ngaihzawng atan min ti lo, ka nun ruak
lutuk leh mipa ka hlat tlatna atang a min chhanchhuak duh tu ringawt ani. Min duh vang ani lo.
Vanduai intih ngawih ngawihna in ka khat a, ka mittui a luang a, mahse ka tap ri thei lo thung.
‘ Hetiang hian awm tawh suh’ dam dap a ka mittui rawn hru tu chu ka melh ngawt ngawt a.

VARGHESE - 10
ELTY LUHLUL AUG HNAMTE

' Ngatinge i lo let leh?'
' Min en ngam miah lo a i dawtsawi vang khan mawle' tihpah chuan min kaitho a, hnial tumna
pawh ka nei hran lo. Sofa-ah chuan kan thu dun a, tawng hmasa tu nih ka hreh takzet a ni.
‘ Engvang a thudik chu pehhel tlat nge maw i nih le?’ min be awm pawn a tawng lo, a lu a
dawm a, a kiu chu a khup ah ah nghat a, a kun ngal a. Thudik sawi tur chuan ka chapo mah
mah a ni ber mai.
‘ Kal tawh rawh. Engmah a danglam phah lo. Mi tan a hnawksak nih ai chuan mahni a tal hi ka
thlang zawk tih hria la, chu chu kan inkawp theih lohna lchhan ah ngai mai rawh’ thaw halh
chung chuan ka ti sap a, a ruk tak chuan min kuah se, min ngaihzia thu min hrilh se ka ti takzet
ani. Chu erawh beisei bo ani thung.
‘ Tu tan nge hnawksak ni a i inhriat?’ ka mit ah chuan a en run a, sawi mai theih loh hian min
thunun vek ni ber in ka hria.
‘ Aw le, i hre duh takzet anih chuan Aizawl-a chaw ka lo ei ni a phone-a i biak kha’ ka sawi zo
chu ka sa awp awp in ka hria.
‘ Hah! A hma khan ngatinge min hrilh vat loh? Chuvang ani maw biak pawh theih a i awm duh
miah loh?’ a nui sang a, a hmel chu a zang hawk ni ber in ka hria. Keilah a nuih avang chuan ka
lo thinrim ve em em thung.

‘ Nuihzatthlak a awm ami? Ka awmlai a i biak duh loh chu i bialnu ani ngei ang. Tin,
ngaihzawng i neih leh neih loh pawh zawt lo che in bultan kha ka lo remti bawk a, ka
nuihzatthlak reng ani’ ka ti nghat a, tlawm hi ka va in ti ber mai tak.
‘ Hey, nangmah ni lovin i thikthu chhiatna kha ani ka nuih ti za tu chu. Tin, a hma pawn min
zawt thei reng a, thla 1 dawn i inhrem chhan hi i chapo vang ani’ tihpah chuan ka kut a rawn
la a, keiin rang lutuk in ka lo thing thla nghal thung. A nuih lah chu a zat hmel tulh tulh
kehnghal.
‘ Ka thik lo. Mi inkar a inrawlh ka duh loh vang zawk ani e’ ka dawtsawi, ni lo, thudik thup ka
tumna chu a hriatthiam loh hram ka beisei.
‘ Chpawh lo ni ta tehreng se tinge min zawh mai loh? Khata ka phone call dawn kha chu ka
bialnu thin chu ani ngei alawm, mahse thla 5 vel kan inkawp tawh lo. Sumdawnna kan khawih
dun avang in kan inbiak zeuh zeuh erawh ala ngai a, nangnen hun nuam tak kan hmandun lai a
min lo phone kha ka lungawi lo zawk ani. Tichuan harsatna kan nei leh ta lo’ tifuh intih hmel
zet chuan min en a, keilah ka dang chiang ngei mai.
Nunhlui nei lo kan awm lo, a nunhlui chu a nunhlui ani. Mahse inkawp tur tak tak hian ka inpeih
em ka hre chiah lo. Ka duh leh lutuk ang tih hi ka hlau ber. Mipa luck tak ani ang tih chu sawi
ngai lovin a lang chiang sa. Kei ve mai hi serious tak in min kalpui a tum hauh lovang. Chutih
kar ah kei hian lo hmangaih ta tlat si ila ka natna mai mai tur ani dawn si.
‘ Mahse nangnen a inkawp chu ka duh ta lo ni mai rawh se’ ka sawi zo chu ka inchhir lek lek
zawk. Min kalsan anih chuan hnathawk dun tur kan ni. Hmeichhe dang a kuah tur ka mitthla
ringawt pawn ka thik viau lawi si.
‘ I hlauhthawnna kha paih bo la, serious i duh anih erawh chuan a theih ka ring lo’ a thusawi
chu a chiang fek fawk hle mai. Mahse ka duhdan mizia tak a pu ani. Thu pehhel tak leh min duh
thu sawi hlarh hlarh a serious pui theih loh ai chuan sawi tlang mai thin mi hi ka duh chi an ni
ve tlat.
‘ Chuvang tak chuan ania nangnen inkawp loh ka duhna chhan. Ho lam tak a ngaihzawng neih
ka duh lo. Kal pah ngaihzawng neih ai chuan single reng ka thlang zawk’ ka ti ve hmak a, a nui
sak a. A chhe mawlh lo alawm. A hmui hnuai lam chhah tap fawh nawmzia hre tawh tu kei hian
a nui hmel mawi zia pawh ka hrechiang ani.
‘ Anih chuan sawi tur ka nei ta lo ve. I in tur chu ka lo tifel anga, mahse i rilru i thlak anih
erawh chuan min hriattir dawn nia’ a tho hluai a, ka hamhaih ang reng phian. Ka rin loh tak in
alo ngai awlsam leh phian a, lawm tur ka nih laiin ka lawm hauh chuang lo.
Khum ah chuan ka let ka let a, ka rilru erawh a mang vek thung. Tunah chuan hmaichhan ah
ngei kan sawidun a, min kalsan dawn tak tak ta e. Ka nui lui sak a, a tha alawm. Mipa pakhat,
inzawmna nghet duh miah lo chu ka tan a hlutna bik vak ka hre bik lo. Hmeichhe luck lo ngawih
ngawih ka ni bik lo. Tunah chuan Tlana vang a ka natna khan min chenchilh tawh hran lo tih ka
inhrethiam tawh. Ka theihnghilh chu ka ti lo, mahse hmalam ka pan ve thei tawh tih ka
hrechiang thung. Ka tan Pathian ruat chu ala rawn kal ve mai ang.
Ka hna ka chawlhsan tur thu kan pu hnen a ka sawi chuan a ngaithiam lo viau nangin chona
thar ka hmachhawn tur ah erawh duhsakna min hlan thung. Thla 1 chhung ka aiawh tur zawn
nan ka hmang a, Kima nen pawh ka hna thar tur chungchang ah kan inbe zauh zauh. Ab-a
erawh Spain lam a a sumdawnna ah buaina engemaw a tawk ve a, thla 4 vel a cham a ngaih
tur thu a sawi a, ka ngai takzet ani. A tello chuan he Nashik hi a reh huai hian ka hre thin.
Inhmu hman lo pawh ni ila Nashik chhung a a awm hi chuan ka thla a muang em em thin ani.
Ka aiawh tur hmeichhe fel tak ka hmuh hnu chuan ka hna kalphung tlem azawng ka hrilh a,
hmeichhe fel tak ani. Kan pu pawh a lawm khawp in ka ring. Chhun lam ah hna ka la kal a, kar
2 chiah hun ka nei tawh. Zan lam ah Kima’n ka hna thar tur a pawimawh zualpui min rawn
mail atang ka inzir ngar ngar bawk a, mutna hun ka ngah lem lo khawp mai. Keimah in ka
practise lauh lauh bawk. A chang chuan rilru la peng tu neih chu a lawmawm ka ti viau thung.
Ka hnathawhna ka bansan dawn ni chuan ka lung a leng ve kher mai. Kan pu pawh in min rawn
thlah thlap a, ka tum dan in zan ah dinner ka show ang ka tia, mahse Kima’n min rawn lam ta
thut sia, lunch erawh ka thawhpui te tan ka show hram a, in ngai tak chung in engtik hun ah
pawh let leh a rem thu kan pu in min hrilh mawlh mawlh chung in kan invai liam lawp lawp a,
ka ngai dawn takzet ani.
Bungrua ka nei em em lo. Bakah ka inluah chu ka aiawh a thawk thar tur nu khan a luah
chhunzawm ve dawn avangin ka thawmhnaw leh pawimawh zual bak chu ka hnutchhiah vek a,
a lawm ve kher mai. A tan chuan lei thar vek dawn se a hautak dawn lutuk ani. Ka in chu ka
thlir kual a, ka mangtha sap a, Kima chuan min nghah kur avang in ka duh ang pawn ka tap lo.
Ka inchhir ang tih ka hlau kher mai.
Kawngtluan chuan hna chungchang bak a sawi lo. Ni 2 chhung hahchawlhna hun min pe dawn
a, chumi chhung chuan ka leng chhuak duh anih chuan min kaihruai tur in mi 1 min pek tur thu
te, ka thawhpui tur ah Mizo 4 lai an awm ve tur thu te, nelawm tak, zuamawm si lo a awmdan
te min hrilh kawng tluan ani ber. A sawi zawng zawng chu ka chhinchhiah seng meuh lo. Hna
chungchang bak a sawi loh avang in a hma a kan boruak khan amah ah engmah effect alo nei
ve hauh lo tih erawh ka hrechiang hle thung.
Ka in tur kan thlen chuan ka rin aiin a changkang. Ka awma veng tur pawh Nashik ai ngawt
chuan a changkang chiang alawm. Building chu ka en vang vang a, ISHKUN SOCIETY tih a in tar
vang a, building lian tak ani. Lift-ah chuan kan chho a, 9th floor-ah chuan kan tawp chat a,
Kima’n kawngka a hawng chu ka meng kawk thei. Mi hausa chenna tih hriat ngawih ngawih,
engkim mai a awm thlap tih theih ani.
‘ Hrehawm i tih loh hram ka beisei’ ka luggage chu a nghat a, a nui sang a, a hmel ka enchiang
chu mut a hmu tlem tih hriat tak in a mit hnuai chu alo val kalh a, nui var var chung chuan ka
va kuah a, ‘ Ka lawm e’ ka ti sap a. Min kuah let tur erawh ka inla hrang rang kher mai.

Bedroom 1, kitchen, hall a awm thlap a, balcony mawlh chuan ka lung a ti awi. Khawihawi a
nuam in a fai tha bawk si. Bathroom leh toilet a awm hrang thlap a, inchhung mamawh engkim
a awm vek bawk. Ka awih thei lo hial zawk. Ka khum tur ah chuan ka thu a, ka hlim lutuk chu
ka au vak vak chak. Mahni a chenna atan a ka lo dream thin ngei mai ang ah chuan ka cheng
dawn ta rih chu ania. Engmah a lunghnur leh a thalo lam ka ngaihtuah duh rih lo.
‘ I lungawi anih ka ring’ ka bul a lo thut pah chuan a rawn ti sup a, tawng pawh ka tawng thei
rih lo. Ka lo nuih ver ver a, ka lu ah a tuai zauh a, khum bul a tukverh bul ah chuan ava ding a,
pawn lam chu a melh vang vang a, motor khalh hrep hmel reng reng a pu lo. A hmeltha takzet
ani.
‘ I ril a tam em?’ kawng ah thil kan ei thlak avang in ka tam lem lo. Mahse tun ah dar 9 a ri
chiah. Ala tam leh khawp ang.
‘ Tunah chuan a tam lo a, mahse nakin ah erawh ka hre lo’
‘ Anih chuan lo intifai la, thil ei tur in kan chhuak dawn nia. Nge order i duhzawk em?’
‘ Order ta ila savawm a order tel theih em?’
‘ Theih e. Mahse i mini-fridge ah khan i duhzawng chu a awm ka ring’ a tih chuan ka ang pham
ringawt. Rang zet in ka tho a, ka room luhna tur chhaklam ah chuan bang bet in mini-fridge
awm chu ka hawng a, Lalpa leh! Beer chi hrang hrang alo awm a, wine tlem a zawng nen.
‘ Heng zawng zawng hi ka ta tur maw?’ ka zawhna mawlzia ka hre tho nangin mak ka ti takzet
ani.
‘ I in nasat lutuk loh ka beisei’ tihpah chuan min nuih var var a, ka khek raih a, a lam a tlan
phei in ka va kuah a, lawmthu ka sawi sep. Beer hi chu ka ngaina ve thlawt alawm. Wine
erawh ka ngaina miah lo. Lu suk nan bak ka duh lem lo.
‘ Tunah hian chawhmeh leina hun kan la nei. I peih chuan i inbual hma in kan va lam dawn ami?
Order loh in kan siam thei ang. Buhfai erawh tlem a zawng leisa ka dah a’ a tih chuan ka hnial
hran lo. Vai thil siam hi ka ei peih lo thin em ani.
Chawhmeh zawrhna ah kan kal a, ka in atang a hla lem lo. Ke pawn 10mins kal bak ani lo. Kan
duhzawng kan lei zawh chuan haw lam ah buhfai leh engilo ka mamawh leina tur min
kawhhmuh nghal a, engkim chu a awlsam vek maiin ka hria. Ka awmna atang hla lo te ah park
nawm hmel zet a awm bawk a, ka tlei phian in ka ring.
Ka inbual chhungin Kima’n rawng alo bawl a, ka inbual zawh chuan ka pui ve nghal a, a kamiz
ban a thlep a, a che vel chu hmuhnawm tak ani. Rawngbawl pahin beer kan lem pah a, ka
hnathawhna tur pawh ka in atang auto-in 10mins kal vel anih thu te, naktuk lam ah staff 2
Mizoram atang an lo thlen tur thu leh zan 2/1 lek ka mikhual angaih tur thu te a sawi a, ka
pawi ti lo nasa mai.
Chaw ei hma in ka bungrua chu ka dahfel a, Kima thawmhnaw tlem la awm chu bag pakhat ah
ka dahsak a, ka intihfel chhung in alo intifai ve thung. Ka rilru ah chuan tihian nupa ni ta ila tih
alo lut leh hman pek. Ka lu ka thing nawk a, ka nui sak a, room kawngka ah chuan Kima chu
alo ding run a, ka phu nasa kher mai.
‘ Ka bungrua chu ava lainatawm ta ve’ nui sang chuan min fiam zauh a, ka inthiamlo ang reng.
‘ Heh... I hawn duh ang chu ka tia’ bah deuh nak chuan ka ti ngawt a.
‘ A tha alawm. Chaw kan ei tawh dawn mi?’ a tih chuan ka pum chu a rawn ri rak a, nui vur
vur chuan kitchen lam ah min kalsan nghal. Ka pum chu ka en a, ka nui ver ver.
Chaw ei lai chuan naktuk lam ah ka mimal mamawh lamkhawm tur leh min pui tu tur a rawn
thawn tur thu te, ani erawh ka mikhual tur te alo buaipui tur thu leh chawhma lam ah an
chenna tur in la peihfel loh tifel tur a a kal tur thu te a sawi a, a sawi ang ang chu ka aw liam
hmiah hmiah. Chaw eikham chuan a hma tawh lem loh avang in min mangtha a, harsatna ka
nei anih chuan phone nghal tur in min chah uluk hle. Diktak chuan haw lo se ka ti ru viau.
Mahse a in lam ah nghaktu pawh anei ve thei.
Zan chu ka mutui ngei mai. Ka harh meuh chuan dar 10 alo ri tawh. Ka awmna ka hai lek lek.
Rangzet in ka tho a, ka phone kan en chu Kima leh Ab-a miss call a tam ngei mai. Ka pa miss
call chu ka call back nghal a, Kima nen an inbiak thu te min lo hrilh a, an ngaih a that hmel
viau. Engtinnge ka pa number a neih ni? Ab-a ka call lehnghal a, a pick thei lo. A mu anih ka
ring. Kan timing a in ang lo tih ka hrechhuak. Ka miss call a hmuh hun ah min lo call back leh
mai aniang chu.
Kima ka call leh chu min lo vin lek lek. A phone call ka pick theih loh vang mai mai. Mahse ka
muttui zia ka sawi chuan a nui hak hak a, dar 12-ah min hruai kual tu tur in min lo lam tur thu
leh lo inpeih hman tur in min hrilh a, hna a ka hak tur uniform pawh ka measurement lak tir
nghal a ngaih thu te. zan dar 9-ah chuan in a lo awm hman tur in leh ka mikhual te tan chaw lo
chhum kep tur in min hrilh nghal zung zung a, chawhmeh erawh amahin a rawn ken tur thu a
sawi. A tawngdan chu thunei tak tawngdan diktak ani. Ngainatawm tak, mahse zuamawm hauh
lo mizia chu amah ah hian a awm ni ber in ka hria.
Peih lo zet chuan ka tho a. Nizan lam kan ei bang in ka inhnawh puar a, ka intifai a, mikhual ka
neih chuan khawnge an mut ang? Mutbu pawh ka nei si lova. Kima’n a rawn ngaihtuah mai tur
ah ka ngai. Mamawh lei ngai em em ka neih ka hre lo. Engkim alo lei fel sa thlap a,
thawmhnaw suk clip na tur chen in a thar vek alo awm a, ka vannei tak zet ani. Ka inpeih
chuan min hruaitu tur pawh alo thleng a, i20 var fai zet chuan kan chhuak a, min hruaitu pa
chu a fel hmel kher mai. Kima private secretary anih thu leh a pu fel a tihzia thu te min hrilh
a, sawi ve tur em em ka hre lo. Hmeichhe ngaihsak lo tak anih thu a sawi chuan ka beng a verh
viau nang in zawh thui vak ka duh rih lo.
‘ I thawmhnaw bazar-na tur in credit card ka rawn ken tir a, tun a i hak lai ang kha i hak
zawm a rem lovang. Zahawm tak a i inchei a ngai tawh dawn ani’ Kima msg ka dawn chuan ka
lung a awi lo kher mai. A tul anih chuan ka lei ve thei. Min hrilh se, ka lei mai ang. Reply pawh
ka reply lo.
Bazaar-na ah chuan Mr.Anil ( Kima secretary) chuan credit card chu min pe a, ngawireng in ka
la a, mahse ka hmang miah lo. Thawmhnaw ka lei nual a, eitur ka lei hnem na ngiang mai.
Mikhual dawnsawn ka thiam lutuk loh avang in eitur nei teuh ila, an ei char char anga, a tha
mai. Mr.Anil chuan ka thil lei chu a en a, a nui hawk hawk a, ka lo nuih let ve tawp.
‘ Sir hmeichhe thian ka hmuh tawh ah ila danglam ber’ nui hawk hawk chung chuan car chu a
khalh a, a thusawi chu ka beng ti vir tu bawk.
‘ Midang in eitur an lei ve ngai nange?’ ka lo ti vat a.
‘ Thawmhnaw an duhzawk tlangpui’ ala nui sang a, pa nelawm tak ani.
‘ Chuti chu mak min ti em?’ thil ka hriat chakna chuan min tur et et a, ka insum hleithei tawh
meuh lo.
‘ Ti lo. Mihring zia diktak i pu zawk ani. Miss Caro kha ka la ngaina....’ a tawp chat a, sawi tam
a in ti deuh nge ka hre lo.
‘ Keichu ei ka duh alawm’ a sawi lai chu zawh zui ka tum hran lo. Mahse a hmeichhe kawp te a
hre deuh vek in ka ring. Hriat chak viau mahila ka ngawi ta zawk. Ka lo buaina tur a awm lo.
Kan duhdan a in an loh avang in a staff pakhat ang bak in min en lo a, keipawh chumi bak
chuan khawsak ka tum lo bawk.
In kan thlen chuan dar 7 vel a ri tawh. Kan kual nasat bak ah traffic jam-ah kan tang zing bawk
a, a tlai tawh ang reng. Mr.Anil chuan ka bungrua chu min khailuh pui a, chawhmeh ka lei loh
avang chuan lei tur in kan va kal leh a, kan let chuan min hawsan ve nghal. Ka chau deuh bawk
a, ka mu hnawk a, ka bazar pawh engmah ka dahfel lo.
Door bell ri ah chuan ka harh zawk a, ka lo mutui hle aniang, khua pawh alo thim vek tawh.
Rang zet in ka tho a, kawngka ka va hawn chuan Kima chu chauh hmel zet in alo ding a. Ka
sawmna pawh nghak lovin a rawn lut nghal.
‘ I haw na ala rei nange?’ ka bungrua en pah chuan mak ti zet in min en a.
‘ Rei tawh e. Ka lo muhil daih a’ inthiam lo zet chuan ka bazar chu ka dahfel nghal a.
‘ Mut i duh dawn reuh hle mai’ tih pah chuan sofa-ah chuan a thatchhe zet in a thu a, a kamiz
hak chu a kilhna a phelh thawl hlek a, a mit a chhing vang vang a, a hmuhnawm takzet ani.
‘ Min en reng chuan i mikhual te lo thlen hma in i intifel hman lovang’ meng chuang miah loh
chuan a ti sup a, rangzet in ka che nghal. A mit a meng si lova, ka en tih engtinnge a hriat le?
Ka lu ka beng keuh a, ka indahfel sawk sawk a. Door bell rawn ri leh chu hawn tum a ka kal
hma in Kima zawk chuan ava hawng vat a, an tawngri ah chuan eitur a order-na te an nih
hmel.
‘ Vawiin chu ilo kal lawmna leh i mikhual turte lawm nan sea food lampang ka order a’ tih lung
lung pah chuan a rawn inkhai phei a, a hawn chuan ka au that. Ka ngainat ber lobster leh
prawn ani tlat. A dang ho chu en pawh ka en hman tawh lo. Ka phur lutuk chu ka zuang tarh
tarh a, lawmthu ka sawi chel chul mai.
‘ A chang hi chuan naupang chhia i ang thin’ tihpah chuan a lam ah min pawt phei a, uluk zet
chuan min melh a, ka va zam hman tehreng em. Ka biang a chul lai tak chuan door bell bawk.
Anchhia lawh sup pah chuan min thlah a, ka ding nghet zo lo teuh kher mai.
Ka mikhual turte an lo thleng anih hmel. Rang zet in ka phei ve nghal a, ka mikhual tur ka hmu
chiah chu ka ding khawng awt thei.
VARGHESE - 12

ELTY LUHLUL AUG HNAMTE

Kawngka a Puitei (ka school luh pui thin) leh hmeichhe pakhat ding chu ka en reng a, ka phur
lem lo khawp mai. Puitei hi Tlana nen kan nih lai a dawt thu vaivir peih tak ani. Ka ngaina ngai
lo. Mahse tun ah erawh kan thawkdun dawn chu ani ta reng mai sia. Ka tan chuan nunhlui
hriatchhuah leh na mai mai ani. Kima'n lut tur a a sawm chuan ka lo nui ve ngei a, Puitei lah in
a beisei loh lutuk min hmu tih hriat ngawih ngawih in a hamhaih hmel hrep lehnghal. An
bungrua te chu ka room lam ah ka dah tir ve mai a, tunah chuan thil hlui dahtha a hlim tak a lo
dawngsawng tur ka ni. Kima lah chuan engmah hrethiam ve hek lo, introduction a pe zung zung
a, keihi an hotu ber tur ka nih thu a sawi lai chuan Puitei chu ka melh zauh a, a tui loh hmel
ngang mai. Ka nui sak a, ka duhlohna lam a ka sual thiam zia hre tawh tu kha ani miau a.
Mahse ka mimal nun leh ka hna erawh kaihkawp ka tum hauh lo tih a hre lo thung.
' In mutbu tur an rawn dah anga, zan 2 chhung chu hetah in awm ve a ngai dawn a, Mizo vek
tho in ni bawk a, harsatna a awm lo tur ah ka ngai. Ni 2 hnu ah erawh chuan in awmna tur
peih fel ani ang. Sawi tur nei in awm chuan sawi hun tak ani e' Kima chuan awki zangkhai vah
chuan a ti a, sawi tur kan nei hran lo hlawm aniange.
' Aw le, in ril te pawh a tam ang, in tifai ula, eitur lam ah rilru kan pe thei tawh ang. Mamawh
in nei anih chuan Elty hi in hrilh zel thei ang' ati zung zung a, rang fahran chuan bathroom-ah
ka lut a, geyser chu ka on sak a, Sangtei (Puitei lo kalpui) chu a inbual hmasa a, a zahzum hmel
reuh kher mai. Puitei nen chuan inhresa ang in kan awm miah lo thung. Ka duhdan chiah ani.
Sangtei inbual hlan in an mutbu pawh alo thleng a, Kima chetdan hi mipa diktak anih zia a
lang. Engkim mai a ngaihtuah fel vek a, a hnuai a thawh a nuam khawp in ka ring. Mr.Anil
pawh kha kum 6 zet chu a hnuai ah a thawk tawh tlat ani.
Puitei inbual zawh ve meuh chuan zanriah ei a hun der tawh. Sangtei chu a chanchin te ka
zawt a, nu leh pa nei tawh lo, api leh a nau nen a cheng an nih thu leh tun a a hna pawh hi
Kima te in nen an inhnaih a, an chhungkua a hriat chian avang a thawk ve thei anih thu te a
sawi a, Kima chu alo nui suk a. Puitei pawh ka zawt nelnual nang in ka hriatsa vek anih avangin
ka zawt tam lem lo. A hna erawh a interview thlap tih a sawi thung.
Chaw eikham chuan rei thu lovin Kima pawh a haw thuai a, keini 3 erawh kan la thu muang a,
Mizo chawhmeh an lo ken te chu an phawrh hlawm a, mahse an indan hun ah an mamawh
dawn ka tih tlat avangin nghapih burte 2 chiah dahchhuah ka phal. Keichu ka chhungten min lo
thawn reng thin avangin ka rawp huam hran lo. Thla 1 chhung an pawisa neih sa an hman a
ngaih dawn avangin inrenchem tak a nun a ngaihthu te ka sawi ve ngei a, Puitei chu a tawng
tam lo khawp mai. Dar 11 a pelh hnu chuan mutna te siam in kan in mangtha a, rinloh tak in ka
mu tui em em lehnghal.
Choka lam ri rak rak thawm ah chuan ka harh a, sana kan en chu zing dar 7:30 chauh ala ri. Ka
mikhualte chu an tho hma ka ti ngei mai. Mahse a awm ve tho e. Vairam a an hun hman
vawikhatna ani miau a. Ka phone ka en a, miss call 4, Kima 3 times, Ab-a 1 time. Ka nui sak a,
WhatsApp msg ka hawng erawh ka nui rei lo. Kima msg leh Group msg hlir. Tlana msg pakhat
alo awm bawk. Tlana msg chu ka hawng a, Puitei lo kal thu a hre tlat. Ka awm an ti nuam zan
lo. Kima msg erawh ka nuihpui leh ta tho e. Min ngaihtuah thiam lutuk hi a lak ah ka tlu leh
ang tih erawh ka hlau. Inzawmna nghet nih duh lo mihring hi ka tan a tha tawk lo. Naupang
chhia ka ni tawh lo tlat. Ka phone chu ka dah a, mikhual te thawh tawh hnu a mut reng chu
mawi lo a ka hriat avangin ka tho ve nghal a, Sangtei chuan rawng alo bawl a, Puitei erawh
bathroom-ah a awm anih ka ring. Ka hmu mai lo.
' U Elty, ka bengchheng deuh ami' inthlahrun hmel deuh chuan Sangtei chuan alo ti vat a, a
mizia hi ka ngainat chi ni dawn tlat a hriatna ka nei. Mahse tumah hi belhchian hma a rin ka
thei tawh lo.
' Ni lo ve. I va tho hma ve. I chau lo ami?' nui sang chung chuan la ti let vat a, fridge-a tui vawt
chu la chhuak in no ah ka thli zui nghal a.
' Chau lo e. Thlawhna chuan te chu a hahthlak hleinem. Sir khan vawiin kan chawlh tur thu a
sawi sia, i chawl ve dawn em?' a thil siam chu chawk pah chuan min chhang let ve vat a.
' Aw, chawl ve dawn e. Puite, vawiin lam chu kan 3 hian kan chhuak ho dawn em ni niang?'
Puitei kitchen rawn lut chu ka lo be vat a.
' Ihhh, nia. In peih chuan keichu ka peih tho' alo ti ve mai a. Sangtei chu a nui ver ver a,
hmeichhe hmeltha tak ani in ka hria.
' Anih chuan Sir Kima ka bia anga, kalna tur kan zawt ange. Keipawh ka thleng thla ve chauh a,
hriat pawh ka nei vak bik lo' ka tih chuan an phur dun hmel khawp mai.
' Good morning. Ka tibuai che em?' Kima'n ka phone alo lak rual chuan ka ti vat a.
' Morning. Zingkar a i aw zangkhai vah hriat chuan buaina a kiang sawt' thophang aw sexy zet a
a rawn tih chuan ka lai kher mai. Ka hmai sen tan tan chu ka bul a awm ten min hmuh hlau in
room-ah ka lut nghal daih.
' Vawiin ah lenchhuah kan tum a, khawilai nge len nan nuam ang tih rawn zawh che ka tum a' a
thusawi chu hrelo ang hmiah in ka awm lui a.
' OK. Min sawm ve dawn nange?' titau aw zet a a tih chuan ka nuih a za ru khawp mai.
' I staff te nen a chhuah ho i hreh lo ami?'
' I tel ve na hmun ah chuan engmah hi hreh ka nei lo' aw ril ruih chuan a rawn ti leh khauh a,
ka zâm vek in ka hria. Mahse tihlan erawh ka tum bau lo.
' Anih chuan sawm ve i ni e' ka nui zui hak a.
' Chawhma chu lo mu hahdam ula, chawhnu dar 3-ah ka rawn lam ang che u. Tin, ka insum
theihna tichhe tur in kawr nghawng zau lo ha suh ang che' phone a dah nghal daih. Ka ngei
kher mai. Ka hnute hi a lian lam anih avang in kawr nghawng zim ka hak hi chuan ka lang bial
hian ka hre thin a, kawr hi a nghawng zau lam, over si lo hi ka ha tlangpui.
Kima thusawi chu ka mikhualte ka hrilh chuan an phur hmel kher mai. Ni e, tlangval hmeltha,
hnathawhna a boss ber ni bawk in min lenchhuah pui dawn a, a phurawm ve riau ani.
' U Kima oh Sir hi chu nupui ala nei tha ngawt ang. A fel si, fahrah te hmangaihtu diktak ani'
Sangtei chuan a ti sap a, a dik ka ring. Mizoram-ah pawh fahrah enkawlna in 2 chawm lai a nei
tih Ab-a khan min hrilh tawh tlat ani.
' Nia, mipa tha tak ani. Chuan, chaw ei har lo ila, in thawmhnaw suk ngai a awm chuan
machine-ah khan a suk theih ania. In in ah machine in kawl ka ring chiah lo a, duh leh a
remchan lai hian lo in su lawk ula. Boss lo thlen hma a kan in ready loh chuan a tihchi loh ang'
tih pah chuan chaw ei dawhkan chu ka tifai nghal a, kan 3 chuan phur zet in kan che nghal a,
chaw pawh kan ei tui hlawm ngei mai. Puitei hmel ah chuan a beisei loh dan in ka dawngsawng
tih ka hmu thiam. Ni e, thatna a mi hneh hmasak hi hmelma insiam lohna ani tih ka hrechiang
ve tlat ani.
' U Elty, suk tur i neih chuan ka lo su ve nghal ang. U Puitei'n in alo tifai anga, kei ka lo in su
dawn a' Sangtei chuan room-a ka awm chu a rawn ti lang lang a.
' Ngailo mai rawh se. Suk tur in ngah em?'
' Ngah lo e. Nimin a kan lo hak kha ani mai'
' Anih chuan ka thawmhnaw chinfel a ngai a, khalam chu in kut ah ka dah mai' ka ti zui ve mai
a, Sangtei mizia hi mawi ka ti tak zet. Aia U te a zahthiam hmel in hmeichhe taima tak anih ka
ring. Puitei pawh a thatchhe chuang lo. An in a enkawl fai thin tih hre tu ka ni.
Dar 3 rik nan 15mins ala awm tih ah chuan kan in peih vek tawh. Ka thawmhnaw hak chu ka in
en a, Kima thusawi vang a kamiz ka ha chu ka inchhir ta tlat. A thusawi zawng zawng zawm
tur ka ni lo. Ka inngaihtuah a, ka kawr chu ka thlak leh ngat. A duh leh in sum thei lo se, sexy
uchuak ka ha ngai pawh ni hlei lo. Ka t-shirt hak chu ka en a, ka lungawi thlap.
Kima alo thlen chuan inhnuai ah min lo nghak a, kan chhuk chu hlim deuhin min lo dawngsawng
a, mahse ka kawr a hmu chiah chu a insangmar teuh tih ka hmu nghal. Midang hmuh ah erawh
a nuisang a, a thu ka awih diak diak dawn lo tih hre ve rawh se. A duh leh a bialnu thunun mai
rawh. Car hnung ah chuan Puitei leh Sangtei a thut tir a, kei erawh a hma a thu tur in min ti
thung. Chu erawh hnial ka tum hran lo.
' I awm bawr khan min cho chhuah i tum ami?' Car kawngka min hawnsak a ka thut luh dawn
chuan a ti sup a. Rang zet in ka thu nghal.

VARGHESE - 13
ELTY LUHLUL AUG HNAMTE

Car a a rawn thut luh ve chuan a rim pa hrak chu ka hip kawk a, a huhang hi ka zo meuh lo chu
ani. Sangtei te 2 chu a be bawrh bawrh a, kei erawh awm ve lo ang hmak in min be lo thung. A
pawi erawh ka ti lo khawp mai. A thu ka zawm loh avang a min biak duh loh leh min be miah
suh se. Ka mimal nun ah a inrawlhna chhan tur pakhatmah ka hre tlat lo. Hna chungchang anih
loh chuan keiman tha ka tih leh dik ka tih ang in ka kal mai ang.
Phoenix mall-ah kan kal hmasa ber a, nimin lam ah bathrobe ka lei theihnghilh avang in inner
wear zawrhna dawr ah chuan kan lei hmasa ber a, kan kalpui te pawh an hlim khawp mai.
Kima lah in a hrilhfiah peih bawk si. Kei erawh an hnung ka zui dat dat ringawt. Mall atang kan
chhuah hnu chuan Papago park ah kal in ice cream ei pah in kan thu hahchawl a, darkar
chanve vel kan thut hnu chuan kan hnathawhna tur hmun min hmuh tir a duh avang in chu lam
pan chuan kan kal lehnghal.
Kan thlen chuan hnathawk ho an lo la ri mam mam a, naktuk ah hna kal pawh ni ila kan la
ready lo deuh dawn sa. Hna lian zawk ho erawh an peih fel tawh a, hnathawk ho chuan boss
ber kal chu an lo respect ngei mai. Kan fangkual a, ka awmna tur room chu a nuam dawn kher
mai. A chhuat ah carpet hmul a inphah a, engkim mai chu a nu em em vek ani mai. Office hran
han neih chu a huphurhawm rual in a phurawm viau dawn in ka hria. Restaurant satliah ani
dawn lova, bar nen a inkawp dawn bak ah mi hausa ho tuallen na tur ani dawn a, ka
mawhphurhna erawh a sang viau dawn ani.
‘ I room tur chu i duhthu a sam em?’ ka ngaihtuahna ka lo kawm leh veng veng tawh a, ka phu
zawk.
‘ Aw.... Englo, ka beisei phak bak ani’ nuih sang pah chuan ka lo ti let a. Sangtei leh Puitei chu
an uniform tur in teh a ngaih avang in Mr.Anil bawk khan ava hruai leh a, keini 2 erawh
hnathawk te lo enpui an ngaih avang in kan kal ve lem lo.

‘ Tihbuai i duh loh hun ah helai hi i hmet anga, glass zawng zawng hi alo thim vek ang. Tuman
an hmu thei dawn lo che ani. I rilru i thlak hun ah phei chuan’ tih pah chuan switch awmna chu
min kawhhmuh a, a thusawi tawp lam chuan min ti khur deuh in ka hria.
‘ Engtikah nge hna tak tak hi kan tan theih dawn?’
‘ Naktuk hi in join ni tur ang a duan ania. Mahse naktip-ah opening ceremony kan hmang anga,
a tuk leh atang chuan customer kan welcome tan ang. Thla 1 chhung training ka pe che anga,
a bak ah chuan nangmah in i manage a ngai tawh ang. Keichu Mumbai lam ah sumdawnna dang
buaipuiin thla 1 vel ka awm dawn a, thla 1 hun i neih hi tangkai tak a i hman ka beisei’ nichin
mai a a thusawi leh tun a a thusawi chu a hrang leh hlak tawh. Tun ah chuan sumdawng mi
diktak ani leh der tawh.
‘ Ka theihtawp ka chhuah dawn nia. Englo, Ab nen in inbe ngai em? Ka mut hnu ah alo call
chauh zel a, kan inbe ngai miah lo a’
‘ A dam tha. Ani pawh thla thar ah kar 2 vel cham in a rawn haw ang. Alo haw hun ah chuan
engkim perfect a duh ngei ang. Thian thatna hi heng lai hmun ah chuan hna nen an kaihpawlh
ngai lo tih i hriat vek ka ring. Tin, Sangtei bik hi ka chuam ani dawn tih hrereng ang che.
Engmah a hre dawn lova, tawng ah erawh harsatna a nei lem lovang. Mahse fahrah anihna ah
hian engemaw chang chuan inkiltawihna te, zam hma bik te, inthlahrung tak mi anih chnag te
a awm ang, chung hun ah chuan tuman an tihnat ka phal dawn lo ani. Hmeichhe tumruh tak
ani a, midang aiin ti huam rawh ka ti lo che. mahse midang aia ngaihsak leh ngaihven ruk deuh
erawh a mamawh ang. Ka pianpui ang in enkawl la, a dik lohna ah erawh hau hreh suh. Puitei
erawh hi chu hmeichhe vengva tak anih ka ring. Duhsak bik nei lo la, hnamdang lak ah an
zahawmna humhim hram hram i tum dawn nia’ ka lu ka bu nghauh a, min nuih sak a, Puitei te
lo let thawm ah chuan ka room tur atang chuan kan chhuak ve nghal.
‘ In va in teh fel thei maw?’ Kima chuan alo ti vat a.
‘ Ummm... U Kim oh Sir, sim card hi engtinnge kan neih theih ang? Api in min lo be peih sia, ka
phone balance a kal zel a’ tih pah chuan a phone, samsung model sang lem lo ve tak, hlui ve
lam tawh chu a melh vang vang a.
‘ Naktuk ah ka rawn keng dawn nia. Puite, nang mamawh i nei em?’ tih pah chuan Puitei chu a
melh a, ka lo thik leh ngawt pek a.
‘ Aih, nei lo ve’ no zet a Kima melh pah a a tih chuan ka sa pup pup thei. Henu hi a kuang lo a
anwr palh ang tih ka hlau.
‘ Ok. Tunah chuan thil ei tur in kan chhuak anga, thil ei zawh ah in in tur lam kan pan ang.
Mamawh lei ngai in en anga, chumi zawh chuan Elty in lam ah kan let tawh dawn nia’ tih pah
chuan kawngka lam a pan zui nghal a, keini 3 pawh chuan kan um zui ve nghal.
Thil kan ei zawh chuan Puitei te in tur ah chuan kan kal a, ka in nen a inhlat lutuk lo nang in
inkalpawh mai mai erawh a awlsam lutuk chuang lo. Helai pawh a hrehawm hmel hran lo.
Bedroom pakhat a awm a, hall leh kitchen erawh a inzawm nghal. A zau lutuk hran lo. Mahse
mi 2 chenna atan chuan a te lem lo. A chhung chu rawng an hnawih thar vek tih hriat tak in
rawng rim ala nam ram ram a, kitchen-ah chuan an mamawh chu a awm kim khawp mai. Khum
erawh Kima sawidan in an pe tel dawn lo thung ani. Mahse vairam ah te chuan khum an hmang
vek chuang lova, bak ah chhuat a mut hi tlak a hlauhawm loh ber.
‘ Sir, naktuk zan ah hetah kan awm ve tawh dawn tiraw?’ Puitei chuan alo ti a.
‘ Aw, naktuk ah chuan zing dar 10-ah hna thlen vek tur ania. Naktuk bik ah chuan chawhnu dar
2 thleng vel bak in kal lovang. A tuk leh kha opening ceremony kan hmang dawn a, inbuatsaih
te pawh induh ve anga’ Kima chuan alo ti vat a.
‘ Anih chuan khawiah nge buhfai vel hi kan lei ang?’
‘ Khachu Elty hian a kawhhmuh thei ang che u. Chuan, opening ceremony ah khan Sangtei leh
Puitei chu in practise nghal dawn avang in kawr var leh kekawr dum in hak a ngai dawn a, in
nei ang chu traw u?’
‘ Keichu ka t-shirt hi a var ani lo a...’ Sangtei chuan alo ti sep a, a mak lutuk. He nau hi ka
ngaina nge ka lainat pawh ka hre lo.
‘ Ka tawt tawh pakhat a awm. Kamiz var ka nei alawm, i ha dawn nia. Vawikhat chiah ka ha
hman, i tawk ka ring’ ka lo ti vat a, Puitei erawh chuan a neih thu a sawi a, Kima chu a bu
nghut a, min rawn melh a, ka thil tih vang chuan a lawm tih ka hrethiam. Mahse a lawm nan a
ti ka ni lo thung.
Ka in ah chuan kan let phei a, kan chau tlang aniang, sofa-ah chuan kan thu thatchhe hlawm
khawp mai. Inbual hmasa tur a ka ti chuan an inbual rual mai a, Kima chu a nuih aza kher mai.
Nia, Mizoram-ah a awm lo rei ve tawh a, haw zeuh zeuh mahse Mizo nun tam tak chu a hre
lutuk tawh lo ani.
‘ Ka lawm e’ a rawn ti sap a, a sawi chhan ka hrechiang ngang mai.
‘ I lawm nan a ti ka ni lo. Ka tihtur ka ti ani ve mai’ ka lo ti let hmak a, mahse a thinrim lem
lo. A nui suk a, thatchhe zet chuan sofa-ah a thu awn duai a, a mit min chhin san daih.
An inbual zawh chuan ka inbual ve nghal a, zanriah bawl a hun tan tawh avang in ka inbual
zawh chuan an 2 in an lo che dun mawlh mawlh a, an titi tui dun em em lehnghal. Nakin zel ah
pawh inkawmngeih zel se ka ti. Puitei hi kan inrual reng avangin Sangtei tan chuan u ang a en
mai a harsa hauh lovang.
‘ Tikhan in 2 in rawng lo bawl ula, ka in ah Elty hna pawimawh tur ho files a awm vek avang in
kan va la anga, dar 10;30 ai a tlai lo ah kan lo let tur ah ngai ang. In ril a tam chuan inlo ei
mai anga. Tikhan inthlak hranpa a ngai lovang, motor-in iva tlan zawk ang’ a tihzawm nghal
zat a, mak ka ti ngei mai. Chutiang engmah pawimawh a awm ka hre lo. Mahse ka hnial vaih
chuan a tihchi dawn si loh. Ka bu nghauh a, an ni 2 lah chuan an ril a tam loh thu an lo sawi
vat a, bet lo zet chuan ka zui ta ngawt. Ka ngei kher mai.
‘ Engvang a an ni hma ah khan dawtsawi nge i nih?’ kawngka kan pel fel deuh chauh chu vin em
em in ka ti zui nghal a.
‘ Shhhh, an hre pha ange. Nangmah kha intimualpho suh. Ka in ah i hna pawimawh a awm miau
alawm’ hneh tu in ti hmel tak chuan min nuih a, ka chum zawt chak ngei mia.
‘ Chupawhnise min hrilh lawk thei lo ami?’ a hma ai a zawi hret chuan lift-a luh pah chuan ka ti
leh khar khar a.
‘ Ka lo hrechhuak lo pawh ani mahna!’ a kut akuangkuah than a, min ngaihpawimawh loh hmel
kher mai.
‘ Oooh! I hnuai a thawk ka ni tak e’ ngeiawm fahran chuan ka ti let ve ngat a, a bek pawng
talh talh ah chuan ka chhaih thinrim ve tih ka hria, ka lawm kher mai.
Ngawireng in car-ah chuan ka chuang a, a in chu ka in atang a hla lutuk lo. Car-in 20mins vel
kal ani. A in chu in mal din, compound mawi zet mai hi ania, compound erawh a zau lutuk hran
lo. Gate-ah chuan duty 1 a awm a, gate min lo hawnsak vat a, an pu tu inbiak dan ah chuan an
in nel hle tih a hriat theih. Car a park fel hnu chuan kawngka chu min rawn hawnsak tum in a
rawn kal a, mahse tul ka ti lo. Hawng thei lo pawh ka ni lo, tin, a bialnu pawh ka ni lo.
Inchhung chu ka rin aiin a simple, mahse a mawi em em thung. Mipa thenkhat, hausa tak tak,
story vel a ka lo chhiar thin te in ang lo tak in bungrua manto pui pui a awm lem lo. Engkim
mai chu mamawh tawk chiah bak in a awm hran lova, mahse a fai em em thung. Thutkhawmna
lam ah min luh pui nghal a, helam pawh kitchen lam nen a danglam tehchiam lo. A bungrua te
hi manto uchuak tak a awm lem lo. Thutkhawmna pindan bang thlang lam erawh glass vek ani
thung a, pawnlam chu grass vek in a inphah thung. Light dul riai in a inchhi a, a nawm hmel
takzet ani.
‘ Lo thu lawk rawh’ tih pah chuan thutna min kawhhmuh a, khua a lum deuh avang in Ac chu a
on nghal a, kitchen-ah lut in Budweiser a rawn keng phei a, min rawn pek chuan ka hnial lem
lo. Beer hi chu hnar a har ve bawk em ani.
‘ Min lo nghak lawk la, ka intifai anga, i hna chu kan en dawn nia’ a tih chuan buk nghauh pah
in beer can chu ka kheuh hawng nghal a, room lam ah min luhsan nghal.
Tui ti zet chuan ka beer ken chu ka dawt khalh khalh a, ka hahdam huai in ka hria. Ka lo muhil
sek ni tur ani, ka dar a rawn sawi dat dat ah chuan ka meng a, ka bul ah chuan files pawimawh
hmel zet zet nen chuan alo thu khur tawh a, a mitmeng chu a cool raih a, min o nuih sang
bawk.
‘ Ka lo muhil daih ani maw....’ inthiam lo zet chuan ka ti sep a.
‘ I hnar ring lutuk mawle. tak tak a, i chau ve anih kha, heng files ho hi nakin a ilo en a tan ka
duh a’ tih pah chuan files ho chu a keu dan dan a, keilah mut ka kham lo nasa mai. Thil a sawi
nual a, ka ngaithla thei lo. Ka chau tawngkhawng ani ber mai.
‘ Elty, harh teh. Kan let tawh mai dawn nia. Chaw i ei anga, i mu dawn nia’ a rawn tih chuan
ka meng vat a, ka inthiam lo kher mai.
‘ Aw le. Ka tihpalh lutuk. Files ho chu ka lo en ang’ tih pah chuan ka tho hliai a, rang zet a lo
thawh pah chuan hnai zet ah min en a, ka akwng ah rang zet in a kuah nghal bawk. Ka
hamhaih lutuk chu chetsawn nachang pawh ka hre lo. Ka hmui a a rawn fawh chuan lo hnar ka
tum hran lo. rang zet in ka lo chhanglet nghal a, hei hi ani lawm ni ka chak em em kha, tun ah
ka hma ah a awm a, engvangin nge ka hnar tehlul ang?
Min pawm kang lawp a, a room lam chu min pan pui nghal, keiin nghet chial in ka lo kuah ve
bawk a, kan hmui chu a inkalsan lo hrim hrim. Khum ah chuan dimte in min nghat a, a
insiamrem tur chu rang fahran in ka lo kuahbet tlat a, duhthawh leh uar zet chuan ka fawp tan
tan a, ani pawh a duhthawh kher mai. Ka t-shirt hak chu a hlip a, ka kawrhnuai pawh a
phihthla rang ngei mai. Ka hnute chu a kut chuan a hum chat a, kan awmdan chu ramsa koham
tak kan ang dun ber in ka hria.
A t-shirt hak chu hnawk ti zet in a phelh swk sawk a, a awm pharh tha zet in ka taksa a rawn
deh chuan ka phur belh nasa ngei mai. Min fawp kual mawlh mawlh a, ka hnute hmur a rawn
hmuam chiah chu ka rum hak a, a dar chu ka lo tham tan tan a, ani pawh a thaw a rang kher
mai. Ka dul ah a fawp thla zel a, ka dul fawh pah chuan ka kekawr hak chu a pawt thla a, ka
kekawrte pawh a phelh tel nghal. Ka mal chu a fawp kual a, ka taksa chu a za chuaih chuaih ni
ber in ka hria.
Duhthawh tak a ka hmui a rawn fawh leh pah chuan a kekawr chu a pawt thla ve nghal a, a
mipatna khauh tang in ka mal a rawn deh chuan a lum tha ham ham ngei mai. Ka taksa chu a
fawp kham thei dawn lo ni mai awm hian min fawp kual chhuak leh vek a, ka hnute hmur chu a
kut in a hrual ne ne a, nuam ka ti lutuk chu ka awrawl ka chhuah lo thei lo.

‘ Kan in it tawn tak zet ani’ ka beng bul ah chuan a ti sap a, ka harh chhuak chiang ngei mai.
Inzawmna nghet nei duh lo mipa lak ah ka va tlawm teuh chiang em!
‘ He thil avang hian ka tan i rinawm tlat thei dawn ami?’ tisa chakna avang a aw khur dat dat
chung chuan ka rilru ka ti fim lui hram hram ani.
‘ Tenawm lutuk’ tih hluk pah chuan a tho hmak a, buaina ka pumpelh ta. A duh loh ber thil a
ka nawr chuan a inla hrang dawn tih ka chiang alawm. Mahse ka hlim hauh lo. Diktak chuan
kan chakna puitlin chu ka chak takzet. Mahse ka thluak kil sir pakhat hian a tha lo tih min
hriattir mawlh mawlh thung ani.

VARGHESE -14
ELTY LUHLUL AUG HNAMTE

A thawmhnaw chu a in bel mawlh mawlh a, chetsawn pawh ka chesawn mai thei lo. Ka
thawmhnaw chu a chhar a, ka lam ah a rawn theh phei a, ngawireng in room atang min
chhuahsan nghal. Ka thawmhnaw chu ka ha sawk sawk a, room atang ka chhuah chuan
thutkhawmna pindan thlang lam ah chuan ding in pawn lam chu alo thlir a, ka khuh kherh a,
muangchang in a rawn inher a, uluk tak a min melh vang vang hnu chuan a nui suk a.
‘ I inpeih chuan kan kal nghal dawn mi niang?’ a hma a thil thleng awm lo ang hmiah chuan
nuisang a min be thei chu mak ka ti takzet. Kei erawh ka la normal chiah lo deuh nang in ka bu
nghauh a, pawn ah kan chhuak dun nghal.
Kawngtluan chuan naktuk tihtur pawimawh a sawi mawlh mawlh a, ka rilru ah a lut mawh kher
mai. In kan thlen chuan rawng an lo bawl peih vek tawh a, Kima pawh in a ei ve nghal a, chaw
eikham te chuan engmah boruak thleng lo ang hmiah in a awm thei. Khangkha engahmah alo
ngai lo hle anih dawn hi. Mahse ka dem hran lo, keipawh vawikhat mah ka lo dang hran lova.
Rei awm lovin min haw san thuai a, keini 3 pawh a tuk lam a kan hak tur chu kan tifel a,
Sangtei pawn ka kawr tawk loh chu alo tawk thlap a, pian nalh lo tak ani lo tih a hriat.
Zing dar 10-ah chuan kan hnathawhna hmun kan thleng vah tawh. Keichu Kima min kohna ang
in ka room tur lam ah ka lut nghal a, vawiin kan hun hman dan tur leh VIP lo kal te lo
chhawnchhaih tur in min ti nghal a, Sangtei te pahnih tih tur pawh min hrilh zung zung a,
hunserh Dar 12-ah tan tur anih avang in engkim chu a fel deuh thlap tawh. Sangtei te tihtur
chu ka hrilh mawlh mawlh a, diktak chuan ka zam takzet ani. Mahse thla 1 lai ka lo inzir ve
tawh a, ka rin ai tak in ka harsat lo. Kima’n min vil ru reng bawk a, ka thla a muang takzet.
Hnamdang kan thawhpui tur te pawh an smart hlawm ngei mai. Manager ka nih ang in min zah
der thiam hlawm khawp mai. Hei tak hi Mizo ten hnamdang kan tluk lohna pakhat a ni in ka
hria.

Dar 11:30-ah chuan kan mikhual tur te ho pawh anlo thleng tan hlawm a, an vai mai chuan mi
hausa hlir an ni tih an hriat vek. An polite em em vek a, English an hman vek avang in ka nau
te 2 pawn harsatna an nei hran lovang. Kima thuchhuak ah chuan ‘ EEnglish a tam thei ang ber
hman tur. A tul tawp ah lo chuan Hindi hman loh tur’ tih ani tawp. A chhan chu WWestern
style ang a kan kal dawn vang anih ka ring.
Dar 4-a rik chuan kan mi sawm te ho pawh an haw kim ta. Ka ke chu a vung ni ber in ka hria.
Ka chau tak zet ani. Chair-ah chuan ka thu hnawk a, ka bul ah chuan Sangtei leh Puitei an thu
bawk a, Kima erawh kan thawhpui hnamdang ho nen Bar lam ah an awm a, a vin that that dan
ah a hau anih ka ring.
‘ In chau em?’ nuisang a rawn ti tu lam ka en chuan nichin lawk a staff dang te vin that that tu
kha a ni leh tawh miah lo. A hmel a dam dap a, hmuh a nuam tak zet.
‘ Chau love’ tih pah chuan ka tho vat a, a kut chuan min lo zap a, Sangtei te pawh ka thawh
rual chuan an tho ve vat. Pawnlam ah ri ho bawrh bawrh mahila hna chhung ah chuan kan Boss
anih avang in kan respect a ngai ani.
‘ Thu ru.... Engemaw in tur induh em?’ tih pah chuan kan piah a thutna ah chuan a thu ve
nghal a. Diktak chuan a nalh ani. Coat suit, dark grey colour a ha a, a hnuai ah kamiz var
thianghlim zet ha in necktie, a coat mil zet a awrh bawk a, hetiang a a inchei hi ka la hmu ngai
lova, gentleman diktak ani.
‘ Keichu ka chak lo mai. Puite, Sangte, nangni induh em? Induh chuan inthlahrung lo ula’ ka lo
ti vat a. Mahse anni pawh chuan an lo hnial avang chuan Kima chuan a hnar a tum dat a.
‘ Elty’n a in loh vang a in loh tur tihna ani miah lo ania, ha ha. Tak a, Puitei te insawn a ngai
bawk sia, Elty, i room-ah files thenkhat ka dah a, kha kha va la mai la, i room key chu kawngka
bulah ka dah. I lock nghal dawn nia. Tichuan tunah chuan Sangtei te mutia-ah ka tang leh tawh
dawn ani’ nelawm zet a nuih pah chuan min tir nghal zat.
Ka files hawn tur ka lak zawh chuan thawhpui dangte nen in bye bye in Kima rual chuan kan
kal nghal a, Kima chuan kan 3 chuan min fak mawlh mawlh a, a nuam ve duh khawp mai.
Hnamdang thawhpui te nel chintawk hre tur leh Mizo hmai ti bal zawng a khawsa lo tur in min
hrilh mawlh mawlh a. Mizomipa thenkhat te ang lo tak in min zilhna chu dawnsawn a nuam tak
zet. Min vau lova, tumah a sawichhe hek lo. Mahse a tawngdan ah Mizo hmai ti bal tu nih a
chakawm lo tak zet thung.

Zan dar 9 a rik chuan ka sofa-ah chuan zawi zet in ka thu a, tunah chuan Sangtei te pawh an in
an luah fel ve ta. Chaw ei nghal tur in min duh viau nang in naktuk zan ah party tenau nei tur a
intiam chung in ka hawsan. Kima pawh hna chungchang avang in bungraw thenkhat min tihfel
pui hnu in min kalsan lehnghal.

Ka phone ri chuan ka lo muthlu chu min tiharh zawk a, kan en chu Ab-a alo ni tlat. Phur zet
chuan...
‘ Hey, tinge hei leh chen min be lo in i awm theih?’ kan ti nghal thawr a.
‘ Dear, kan timing a in ang lo ve bawk em ani. Ka lo call in i pick ngai lo, ilo call in ka lo mu
ziah. Tunah pawh Mr.Kim nen kan inbe zo chiah a, ila men thu a sawi a, ka lo call che. Ka ngai
takzet che’ Ab-a aw ka hriat chuan ka hnuk a ulh lek lek zawk. Vairam a ka thian ti a ka chhal
chhun ania, amah vang in ka hna ka sawn a, mahse amah ber a awm si lova, kim lo riau a ka lo
inhriat thin na kha Ab-a awmloh vang alo nih chiah dawn hi. A aw ka hriat hian ka hrechhuak
chiah.
‘ Keipawn ka ngai che. Nangmah vang in helai hmun ah hian ka kal a, mahse min lo welcome
tur in i awm si lova’ ka ti sep a, a mak. Ngatinge ka tah a chhuah tlat ni?
‘ Ooohh, My Baby, i tah a chhuak elaw? C’mon, tiang hian min ngaih ka lo ring lova. Next
week-ah ka rawn haw zawk dawn, min mikhual dawn em?’ ka ngaih avang a ka lungchhia chu
lawm thiam tak si in min fiam zui leh nghal a, mipa tha tak chu ava ni chiang em!
‘ Pukka???? I duh phawt chuan ilo thleng thei ang. Mahse chhuat ah i mut a ngai’ ka nui hek hek
a, chutia ka nuih tak ah chuan a rawn nui ve huk huk a, kan boruak pawh a zangkhai leh ta
deuh. Darkar chanve zet kan inbiak hnu chuan thil tha deuh min hawn intiam chung chuan kan
in mangtha a, phone ka dah chiah chu ka thaw huai thei. Thian hi chu an lo hlu ani.
Ka doorbell ri ah chuan khum atang ka tho vat a, sana kan en chu zanlai, ni lo, zinglam dar 1 a
pel tawh. Ab-a nen kan inbiak zawh khan ka inbual a, ka chuah deuh avang leh files ka hawn
kha bih deuh ka duh avang in rawngbawl hranpa lovin noodles ka chhum a, thil ei pah in files
ka bih zawh chuan ka mu nghal a, ka mumang a ka nu nen kan inkuah lai tak in ka doorbell alo
ri. A tlai atwh em avang chuan ka hlau deuh a, kawngka kua atang chuan ka bih a, pawn a
Kima chauh hmel zet a lo ding ka hmuh chuan kawngka ka hawng thuai a, engmah sawi lo
chuan a rawn lut a, sofa-ah chuan a thu hnawk a, a hmel chu a thim khap bawk.
‘ Tun ang hun ah enge ni ta?’
‘ Khawngaihin min hahcawlh tir rih teh. Puan pan sin tur leh lukham min lo pe la, reivak lo kan
hahchawl rih anga’ a aw chu a chauh hmel kher mai. Keipawh chuan a thusawi chu hnial hran
lovin ka laksat vat a, sofa chu a mut nan chuan a te deuh ani. A mutna ka siamsak zawh chuan
a pheikhawk chu a hlip a, a thawmhnaw chu a ngai a hak tawh loh avang in thil a ei tawh ka
ring. A mutna ka siam a a mut chuan a muhilh zui nghal ani ringawt. Zu rim a nam bawk si lo,
mak ka ti. Nge vawiin lam ah a chau ve deuh pawh ani thei. Tlai ah khan meeting kha an nei
leh thut bawk sia. A chal a fawh sak zeuh pah chuan keipawh mu tur in ka room ka pan nghal.
Knor soup rim chuan ka mu lai chu min kaitho chiang ngei mai. Ka tho vat a, sana ka en zawk
a, zing dar 7 a pel hret. Ka tho chhuak a, kitchen lam ka phei chuan Kima chu kawr pawh ah
lem lo chuan boxer nen eitur alo siam a, min hmuh veleh chuan alo nuisang a, nizan a a chau
hmel zet kha hmuh tur a awm leh tawh lo. A inbual tawh tih hriat zet in a sam chu ala huh
deuh a.
‘ Good morning. Inbual vat rawh, hna i tlai anih chuan hremna a nep hauh lovang’ tihpah
chuan mit min siai khum zauh a, ka awm zawn chu a en pah zauh a, tul lo zet chuan ka hnute
chu kan hup ngawt pek a.
‘ Morning. A rimtui lutuk’ tih pah chuan bathroom-ah chuan ka lut nghal a, geyser ka on hnu
chuan ka inthlakna tur ka room-ah ka la zawk a, Kima lah chu a thil siam chu a uluk tih hriat
tak in a vil khuau bawk a, hmuhnawm a tling.
Ka inbual zawh chuan dawhkan a eitur lo awm chu ka melh kawk. A tui hmel takzet ani.
Omelette, chhangthawp leh soup alo chhawp a, nui var var a min lo en pah chuan ka thutna
ctur alo pawt chhuak vat a, a awmdan chu mak ka ti kher mai. Hamhaih deuh chung chuan ka
thu ve mai a, ka bul a chair-ah chuan a rawn thu ve nghal a, zing nuam tak ava ni tehlul em!
Hna ka thlen chuan Sangtei te pawh an lo thleng tawh a, Kima pawh ka thlen hnu lawk ah a
rawn thleng ve nghal. Kan kal rual lova, breakfast kan ei zawh in inthlak tur in a haw a, nizan
alo kal chhan erawh pakhatmah a sawi lo. Keipawn zawh ka tum hran lo. Mahse a duh hun hun
a a pal tur ka nih loh thu erawh ka la hrilh ang. A hnuai a thawk pawh ni ila ka mimal
zahawmna hum tur hian ka huaisen ve tawk tlat ani.
Chawhma lam chu kan buai lem lo ti ila keichu buai tak ka ni. Kima’n min thutchilh a, ka
hriattur apwimawh a sawi char char a, computer-ah ka hna tur min tihpui bawk a, a harsa
hran lo. Hei chu ka thawhna hmasa lam ah tawn hriat ka lo neih nual tawh avang in ka tan thil
harsa ani lo. Harsa ber chu ka tasa a tawh hlek a ka lo zam chhe em em zawk hi ani. Ani erawh
chuan hre awm pawn a awm hran lo. Hna chhung ah chuan hna bak a rilru ah a leng lo a ang
khawp mai. A khat tawk in a phone a ri reng bawk a, phone call pakhat erawh a reject hmiah
hmiah thung. A hming a save loh avang in amah star tu te tuemaw an nih loh pawn tuemaw, a
biak peih thlawt loh ani ngei ang.
‘ Elty, Sangtei’n no a tikeh palh a, a hlauthawng lutuk a’ ka room kawngka atang chuan Puitei
chuan a rawn tih chuan rang fahran in ka tho a, Kima erawh chuanmin lo melh tak a.
‘ Hnathawhna chhung ah chuan khatiang khan i ko leh tawh tur ani lo. Tin, mi room-a i luh
dawn in kawngka kik lo in lut tawh ngai suh ang che. Hei bak ka sawi nawn lovang. Tunah
Sangtei chu hetah rawn kaltir rawh’ Puitei melh ran chung chuan Kima chuan alo ti vat a, ka lo
ip nasa mai. Nia, min kohdan kha a dik chu ani lo. Ahma in Kima’n a hrilh vek tawh. Hna ah
chuan “ Ma’am” ti a min koh a ngai miau ani. Mahse tunah kha chuan ka lo ngaihtuah miah lo,
Sangtei chiah ka rilru ah a awm.
‘ Sorry Sir. Ma’am, sorry. Sangtei chu ka lo kaltir ange’ tih sap pah chuan Puitei chu a kal
nghal a, diktak chuan ka khawngaih reuh.
‘ Khatiang hun ah khan tun a i chetdan kha Manager chetdan tur ani lo. Tin, helai staff te hian i hming in an ko tur che ani lo. Chuan, phili chung hi buaina chinfelna ni lovin buaina thlen
belhna awlsam tak ani tih hrereng ang che’ tih nghut pah chuan computer chu min ensan
lehnghal hmak a, ka inthiam chiah lo ngei mai.
‘ Sir, ka lo lut thei angem?’ tim dai chuan Sangtei chuan a rawn ti a, a hmel ka hmuh chuan a
hlauthawng takzet tih a hriat. Ka lainat kher mai. Kima’n lut tur a a tih hnu chuan kan hma ah
chuan kut hma a suih chung chuan a rawn ding a, a mizia hi a mawi thin ani.
‘ No i ti keh ni in ka lo hria a?’ Kima chuan alo ti bauh a, a thutna atang chuan a tho a, Sangtei
hma ah chuan ava ding a, a hlauhawm hmel kher mai.
‘ Sir, ka tihpalh’ Sangtei aw ah chuan a inthiamloh zia a hriat theih vek. Kima chuan a hau ang
tih ka lo hlau ru em em thung.
‘ Ok. Tun atang chuan i fimkhur lehzual dawn nia. In lam ah tray chawi dan tur ilo zir belh
dawn nia. Tin, thil hi tihsual palh theih ani. I tihsual palh pakhat avang khan i next work-in a
tuar tawh tur ani lo. I tihsual palh hliahkhuhna tham in i next work chu i thawk tur ani. I
hrethiam em?’
‘ Aw le, Sir. Ka hrethiam e. Ka theihtawp a tha a thawh ka tum ang’
‘ A tha e. Va kal la, vawiin a i table chan kha hneh tak in iva enkawl ka beisei. i tihsual palh
chu theihnghilh la, a lehpek awm lo tur in va thawk ang che. Good luck’ Kima’n a tih chuan ka
lo thaw huai mai. Sangtei chuan lawmthu sawi pah chuan a chhuak nghal a, Kima chuan a
chhuak chu a en zui vang vang a. Mipa pakhatin a fanu hmangaihna mit a thlir lai hi a ang ka ti
ber.
‘ Tupawh, staff te zing ah thil tisual palh an awm thei. Khatiang hmel nen kha chuan
hmachhawn tawh ngai suh ang che. Ab pawh alo haw dawn a, tun a i tihdan ang kha chu a
hmuh veloh hram ka beisei’ tih nghut pah chuan chair-ah chuan a thu leh hmuk a, ka hna hi
ava awl dawn lo tak em! Mahse ka inzir ve zel thei alawm. Kima hi ka bul ah awm reng se
chuan a zia khawp ang. Mahse a theih der si loh.
Hna kan ban meuh chuan tlailam dar 7 a ri der. Kan duty hun hi 10 AM- 7 PM ania, 7 PM- 12 AM
thleng midang an duty ve thung ani. Manager hi 2 kan awm a, pakhat chu Marathi mipa ania,
ani chu experience a nei tha a, tin, kum naupang lutuk ani tawh lo. Ani pawh in ka room thlang
ah room hran ve deuh in a nei ve a, mahse ka room ang chuan a lian lem lo. KAn ban chuan ala
tlai chhiat lem loh avang leh Puitei te in a party ka lo tiam tawh avang in eitur kan bazaar
kawi a, Puitei chu vawiin a Kima’n a khak vang nge a tawng tam lo khawp mai. Mahse boruak
ti chhe khawp erawh ani lo.
Kima chu kan sawm tel ve hran lo. Eitur kan lei zawh chuan Puitei te in lam chu kan pan tlang
a. Sangtei chuan Kima fel a tihzia leh vawiin a a tawngdan ah te khan puitling a tihzia a sawi
siam siam a, Puitei erawh a ngawireng thung. Chaw kan eikham chuan Rickshaw min chan pui
a, in ka theln meuh chuan dar 10 alo ri tep tawh. Ka inbual a, tihtur a awm loh em avang
chuan Laptop ka on a, facebook lam ka lut ve a, ka home page pawh a hmuhnawm lehpek.
STORY group-ah lut in ka story duh ho alo in update nual bawk a, ka chhiar nghal a, ka phone
lam reng reng ka lo ngaihtuah tawh lo.
Story ka chhiar zawh chuan ka phone ka en a, Tlana msg alo awm a, chhiar hleilo chuan ka
delete nghal hmak. Kima erawh a reh hmiah. A online tih erawh a lang kuau. A DP chu ka en a,
ka hit mup thei. Hmeichhe pakhat nen biang insi chet a an lakna hi ania, an hlim hmel em em
lehnghal. Hei vang hi anih hi inzawmna nghet alo duh hauh loh. Ka out nghal hmak a, ka phone
chu ka lukham hnuai ah dah in ka inlukhup than a.
Ka whatsapp tone alo rik chuan peih lo zet in ka phone chu ka ban a, ka en chiah chu.....

VARGHESE - 15
ELTY LUHLUL AUG HNAMTE
Ka phone kan en chiah chu ka pa call ani tlat mai. Tun ang hun ah min lo call ngai si lova, ka
ngaih a thalo kher mai.
‘ Hello, Pa, ngatinge tun ang hun ah min lo call?’ a rawn tawng hma chuan ka ti nghal zung
zung pek a....
‘ Bawihi, nia, hei, i nu nen kan la meng a, engemaw sawipui lawk che kan duh a. Kan muhil
thei ngang lova, ka rawn call leh hnuhnawh che anih hi’ ka pa in dam dup a a tih chuan ka
thaw deuh huai. Mahse enge min sawipui a duh chu ni ta ang?
‘ Aw... Anih chu mawle. Engenita? Muhil thei lo meuh a invei chu ni ta?’ ka lo ti let vat a.
‘ Karleh Thawhtan hi i birthday ani tawh sia, engtia han lawm nge i duh? ‘ ka pa in a tih chuan
ka birthday ka hrechhuak leh chiah.
‘ Aaaaa, Pa, ka upa tawh emai. Lawm pawh ngaiin ka hre lo. Intih thin reng mahnise ka tan
tawngtaina min lo neihsak leh mai ula, kumin chu nikum ang in kan lawm thei dawn lo anih
hmel’ Nia, nikum ka birthday kha chuan ka nu leh pa nen hlimtakin kan in ah, ka chhungte
zawng zawng nen kan lawm anih kha. Kumin erawh chu ka hna sawn vel vangin ka lawm thei
dawn ta lo a ang. Ka thawhpui thar ho hian ka birthday an hre ve lem lo bawk a, sawi tumna
em em ka nei hran lo.
‘ A tha alawm. I duh phawt chuan naktuk a lo thlawk haw turin thlawhna ticket kan la mai ang
chu ka tia’ ka pa chuan a ti leh bauh a, min ngaihtuahna avang chuan ka lawm takzet ani.
‘ Ngailo mai rawh se. Ka hna ka tan ve chauh bawk a, min ngaihtuahna ah ka alwm. Pa, ka
hmangaih che. Ka nu pawh ka hmangaih.’ ka hlim avang a ka mittui tla chu ka hru zeuh a,
engemaw kan sawi kual hnu chuan kan in mangtha a, hlim takin ka muhil ta siai siai a.
Ka alarm bengchhet zet chu a chiau leh ta vawn vawn e. Peih lo zet chuan ka tho a, ka inbual
sawk sawk a, ka thawmhnaw ka hak fel hnu chuan breakfast ka ei a, hna lam pan in ka kal
lehnghal. Vawiin chu ka mood a fuh takzet. Ka pa nen nizan lam a kan inbiak vang pawh ani
mahna. Hna ka thlen chuan ka room-ah ka lut tlang nghal a, Kima lo thlen hma in nimin lam a
kan tihchhin ho kha lo peihfel hman ka tum tlat ani.
Powered by phpBB® Forum Software © phpBB Limited

‘ Good morning. Vawiin chu min thlen khalh tlat’ Kima awri ka hriat chuan ka hawi chhuak vat
a, kawngka ah chuan a ding a, min lo nuih sang a, a chhelo kher mai. Vawiin chu a dress a
dang. Jeans kekawr pawduk raih, t-shirt var thianghlim zet chung ah leather jacket dum a ha
a, khua a nawm loh avangin a inthuam lum te pawh anih ka ring. Keipawhin ka kekawr hnuai
ah stocking ka ha ve tlat.
‘ Morning. Ka thlenna ala rei lutuk lo. Nimin a kan khawih ho kha han tih ve chhin ka duh a, ka
lo ti zo chiah’ tihpah chuan ka tho a, ka thutna chair chu ka kian nghal vat a.
‘ Ni lo. Thu rawh. Vawiin chu thil pawimawh ah ka chhuak dawn a, khawimaw i thil tih chu
enchhin ila.... I tih theih chuan min mamawh rei vak dawn lo tihna ani mai’ aw zangkhai vah
chuan ka bul ah a rawn ding a, a thusawi tawp lam chuan min tina hle tih a hre hauh lovang.
‘ Nia, tihbuai reng loh hram che ka tum ania’ ka tih chuan a thawhalh a, mahse ka thusawi
hrelo awm ang tak chuan computer chu a khawih mawlh mawlh a.
‘ Good. Tihsual i nei lo. Vawiin nileng in nangmah in i enkawl theih ka beisei’ tih pah chuan a
ding mar a. a rim chuan min hip ngei mai.
‘ Zan lam pawh maw?’ maktih hmel zet chuan ka lo ti vat a, mahse a nuih dan ah ka duty hun
chauh ani tih erawh ka hrethiam.
‘ Mi hmuh tur ka nei a, lunch chu hetah kan rawn ei ang. Chuan, khawngaihin VIP room saw
chawhnu dar 3-5 inkar lo dah free ang che aw....’ a tih chuan ka bu nghauh a, tu tak rawn
hruai dawn ni maw? A nun a mi pawimawh tak anih ka ring, a chhan chu hetiang em em a hmel
hlim hian ka la hmu ngai lo tlat ani.
‘Aw le, Sir’
‘ Lehlawk, nangpawh dawhkan min kilpui dawn nia’ tih pah chuan min chhuahsan nghal a, tu
tak chu ni maw? A phur hmel em em lehnghal a. Huisss, lo ngaihtuah ve vak a ngai pawh ka ti
lo. Ka hna ah chuan ka bur leh chat tawh. E, tak a, ka room atang hian CCTV kan fit hi ka en
vek thei a, vawiin chu ka rinaiin customer kan nei hma phian lehnghal. Foreigner ho in min
rawn dawr hmasa ber a, an chhelo hlawm phian. An la naupan hmel viau bawk.

Dar 3 rik hma in vawi 2 ka va tei chhuak. Chupawh VIP customer kan neih vang chiah in. Abak
ah chuan ka chhuak lo. KA hna atan a pawimawh Kima files min pek ho chu ka bih mawlh
mawlh a, a tam zawk chu computer lam hna ani. Ka theih ang a tam practise nghal zel ka nih
avangin ka rinai tak in ka harsat lo phian. Sana ka en a, dar 3 rik nan 10mins ala awm tih ah
chuan ka tho a, ka room thlang lam a washroom-ah chuan lut in ka inchei tha a, ka uniform
chu ka pawt mar a, Boss Kima mikhual chiau-au tur chuan ka inready ta thlap e.
‘ Ma’am, Boss te an lo thleng’ washroom atang a ka chhuah chuan staff zing a pakhat, Vikram
chuan min lo hrilh vat a, ka bu nghauh a, ka kalsan nghal. VIP room lam pan a ka kal chuan ka
zam ve deuh hlek. Boss mikhual hi tunge tih ka hre bawk si lo. Kawngka chu ka kik karh karh a,
chhunglam thawm hi pawnlam atang a hriat lutuk theih loh. Lut tur a sawmna ka hmuh chuan
dimte chuan kawngka chu ka hawng a, a chhung a awm te ka hmu chiah chu ka mengphar awn
awn mai.
Ka pa, ka nu, Ab-a leh Kima te chuan min lo nuihsang a, chetsawn nachang pawh ka hre lo. Ka
hamhaih lutuk chu ka en reng hlawm a, ka nu in min rawn kuah chuan ka harhchhuak chiah. Ka
au that a, Kima chuan rang mangkheng in kawngka a khar nghal a, ka zuang zawk zawk ni ber
in ka hria. Ka pa chuan Kima vang a helai lo kal an nih thu leh nizan pawh khan Kima in ah an
riah tawh thu te, min surprise an duh avangin engmah an sawi duh loh thu te a sawi chuan
Kima chu ka melh a, ka nuih ver ver a, min lo nuih let ve sak.
‘ Tichuan keihi lawm ka hlawh ve lo ami?’ Ab-a chuan titau aw zet chuan alo ti a, nui hawk
hawk chung chuan ka zuk kuah a, ka hlim takzet ani. Ab chuan min lo kuahlet vat a, Ab dar kar
atang chuan Kima ka va en a, hlim hmel takin min lo melh a, lawmthu sawi dan ka thiam lo. Ka
lawm takzet ani.
Kan sa-hawk zualpui a reh chuan room chu kan chhuahsan a, customer an awm nual avangin ka
room lam ah kan phei a, Kima chuan ka nu leh pa te chu khawiah emaw hruai a duh avangin a
chhuahpui dawn a, Ab erawh a awm hnufual dawn ani. Chawlh min pek ka lo beisei ruk tehrng
nen chawlh lam reng reng an sawi ri lo. Kima chuan ka hna tur min hrilh a, ka nu leh pa te nen
min chhuahsan daih. Ka lung a awi lo ru kher mai.
‘ Tuemaw chu a lungawi lo viau ani maw?’ Ab chuan nui ruh ruh chuan min lo fiam a, hepa bul
ah hi chuan ka thinrim rei thei ngai miah lo.
‘ A fair lo ve deuh alawm’ ka ti nghut a, a nui kur kur a, ka chum chak ngei mai.
‘ Glass hi han khar teh’ a tih zawm zat a, keipawh chuan rangzetin switch chu ka on nghal.
Staff dangte hian Ab hi Boss ani ve tih anla hre lova, an ngai kawi thei tlat ani.
‘ Tichuan next week a ilo haw tur thu i sawi a, min bum a’ ka chair-ah chuan a thu a, a inher
che hluau hluau a, keichu dawhkan tlang ah chuan ka thu a.
‘ Ka duhdan tak chuan Monday-a surprise che ani. Mahse Kim khan i nu leh pa lo kal thu a sawi
khan lo inlan ve kha ka chak ta tlat a’ uluk zet chuan min melh a, mipa hmeltha tak chu ani
chiang alawm.
‘ Oooh.... Nangni ho hian min bum vek ani’ ka ti sap a, mahse ka thin erawh a rim miah lo
thung.
‘ Sorry, Dear’ tihpah chuan ka kut a rawn vuan a, ka lo nuih sak avang chuan a rawn tho lawk
a, min pawmkang a, min vir pui chiam pek a. Hetiang hian ala awm ngai lo. Mahse hlimna
engemaw tak a tawng anih ka ring. Ka hnial hran lo.
‘ I pa hian Kim hi a duh hmel ka ti’ chhuat a min nghah pah chuan a ti sup a, a awri a danglam
deuh avang chuan ka en vat a, a hmel chu a ngui deuhin ka hria.
‘ Chutiang pawh ka lo hre hleinem. Bak-ah, Kim nen chuan inkawp chi kan ni lo hrim hrim’ ka ti
vat a.
‘ Why???’ mak tih hmel zet chuan min en a, ka lu ka lo thing na na thung.
‘ Amah i zawt dawn nia’ ka ti sap a, Ab chuan min en uluk kher mai.
‘ Ka thian i ni. Thil awmzia ka hre duh. Kim hnen atang ni lovin nangma ka ngei atang’ hetiang
a a tih tawh chuan ka sawi hma chu min nawr leh reng dawn.
‘ Ok. Ka sawi ang. Kim chuan inzawmna nghet a duh lo. Chuvang chuan ka kawp thei lo ani’
‘ Wow! Ka hrethiam e. Mipa thenkhat chu an ni chawk alawm. A thiamloh pawh anih bik loh
chu. Nihleh inzawmna nghet neih duh mipa tawng ta la, i kawp dawn tihna ami?’ a zawhna
chuan min ti hamhaih phian lehnghal.
‘ Ni lo. Ab, chutiang lam ka ngaihtuah chuang lo. Tihian, single life hi ka la duh rih zawk’ ka tih
chuan a nui kur kur a, hepa han mak thin zia hi chu aw.
‘ A tha alawm. C’mon, tho la, i lal lenna chu min han fankual pui ta che. Kichen lam ka hmu
duh ania. Tawp deuh te hian an lo dah ange. Saw, customer an reh lai tak anih hmel. Staff ho
chu min han inhmelhriattir ta che’ tih pah chuan ka dar ah a beng thak thak a, keipawh chuan
hlim takin ka chhuahpui ve nghal.
Bar lampang ho staff hi ka la hrechiang hlawm lo a, mahse keimah erawh min hre viau thung.
Bar lampang ah chuan ka inhmehriattir hmasa a, an Boss pakhat zawk anih thu ka sawi chuan
an lo zahder thiam hle mai. Mahse rei kan din hma in customer an rawn luh avangin kan kalsan
lehnghal a. Restaurant lam ho ka hmelhriattir lehnghal a, Puitei te 2 pawh an chetdan a mawi
khawp mai. Sangtei chu a en uluk bawk. Kitchen lam kan luh chuan an lo che sap sap hlawm a,
sawisel tur a hmu lem lo anih ka ring.

Ka room lam a kan let chuan ka chair-ah chuan a thu leh kuk a, kan hnathawh dan ah leh staff
manner-ah a lawmthu te a sawi luam a, Sangtei chanchin chu min zawt chik viau bawk. Mahse
a mawi lo lam ni lovin a chetdan ah mi inthlahrung mi anih a rin thu a sawi ve khauh a,
keipawn ka hmuh dan te ka hrilh nual. Kima a rawn let chuan ka nu leh pa an tel ve tawh lo.
Kima in lam ah chaw eitur anih thu leh Puitei te 2 pawh hrilh tur in min ti a, mahse Ab erawh
chuan tul a ti lem lo ve tlat. Duh aia in pawh lutuk a hlauhawm thu a sawi chuan keipawn ka
thlawp hmiah. Kima pawn a tilui hran lo. Chawhmeh ka nu te lo ken erawh suah ve tur in ka lo
ti thung a, Kima chu a bu nghauh a, tihtur dang ala neih avangin min kalsan lehnghal a, Ab nen
a haw rual tur in min ti nghal.
‘ Dear, naktuk zan dinner eichhuah ka rawt dawn a, kawr thar i mamawh mai thei. Tun tum
chu kekawr hak ka duh dawn lo ania’ Ab chuan thawveng zet a a tih chuan ka nuih aza ngei
mai. Diktak chuan kekawr ka hak hian ka confi ber asin le.
‘ Wow! That chu. Nihchuan hna ban ah min lei kawi pui anga ni mai lawm’ ka tih awlsam et
avang chuan maktih hmel zet chuan min en thung. Ka nuih ati za tulh tulh. Ka hnial ngei a ring
ani ngei ang. Mahse ka lo hnial si lova, a hamhaih hmel chu ka nui tlarh tlarh a.
‘ Really???? Wowww...... Ka thiannu hi alo danglam hman takzet. Kim hian eng power nge a
neih bik le?” tih pah chuan min nuih hak hak a.
‘ Kim vang ani lo. Ani sawikai zel suh. Chuan, ban nan 20 mins chiah a awm tawh. Computer
kha ka lo hmang lawk ang’ ka tih chuan a tho ve vut a, thlang lam tukverh ah chuan a zuk ding
vung vung a. Ka hna ka zawh fel chuan dar 7 a pel hret. Ka insiam sawk sawk a, pawn kan
chhuah chuan Puitei te an lo chhuak ve chiah bawk. Ka room leh Staff changing room hi a
inhnaih loh avann in kan inhmu thei bik vak lo. Ab-a an hmuh chuan an lo ding ngil nghal vat a,
chawhmeh lo siam lo tur a ka hrilh hnu chuan kan in bye bye nghal.
‘ Hmeichhe duhawm tak i ni’ Car chhung a Ab alo thut luh chuan a ti sup a. A thutak hmel em
em lehnghal.

VARGHESE - 16
ELTY LUHLUL AUG HNAMTE

Ka lo nuih sak a, hmel thutak deuh chuan min en a, nuih ve suk pah in a tlan chhuak nghal. Tun
tum Ab nen kan inhmu hi nidang a ang lo in engemaw sawi phut phut a ching riau. Nidang a ang
lo riau a hriatna ka nei. Tin, Kima chungchang a rawn sawidan kha mak ka ti ve deuh hlek. A
thik ti dawn ila kan inkar ah inthian thatna bak a awm si lova, amah zawk khan min duh pui
viau khan ka hre bawk a.

‘ Enge i ngaihtuah vung vung?’ Ab-a tawng ah chuan ka phu deuh zawk a, hmeichhe
thawmhnaw zawrhna kan lo thleng der tawh.
‘ Aaaa, kan thleng der alaw?’ zik mar pah chuan ka ti vat a, uluk zet a min lo melh kur avang
chuan ka ip deuh chaih. Tunhma a min melh ang khan min melh lo a hriatna ka nei tlat hi a dik
nge keimah zawk hian ka ngaihbel mai mai ka hre bik lo.
‘ I in ready chuan kal ila’ tih pah chuan car atang chuan a chhuak nghal a, ka thutna lam car
kawngka a rawn hawn chuan ka chhuk vat a, Dawr-ah chuan kan lut nghal. Dawr a thawkte
chu an lo fel khawp a, thawmhnaw chi hrang hrang ka hak kual hnu chuan ka mit la ber leh ka
vun rawng mil ber tur a ka rin, nude colour, khup thleng, a kawng a kawnghren ang reng ve
deuh tereuhte awm tel, a kawng chin hnuai lam arh deuh, a ban bul, ka hnute tilang mawi zet
tu chu ka thlang a, Ab chuan a man pek a tum viau nangin ka duh bau lo. Ka tang nat em avang
chuan a tilui ta bik lo.
Keihi mahni induhtawk ve tak, mi neih ei duh lo ve tak ka nia. Thian tha chu han in treat
bawrh bawrh chang awm mahse thawmhnaw lei chungchang ah kher hi chuan ka duh lo bur.
Hna ka thawk ve a, hlawh tam tak ni lo mahila ka mamawh tawk leina tur khawp chu ka intuak
ve thei zel. Mihring, mi neih ei tum ran ho hi ka ngaina hlawl lo. Chuan, mi tlawn ching mihring
hian reitak min ngaina thei ngai lo. Tlawn nih ka duh lo a, mi tlawn pawh ka duh bawk hek lo.
Kan nihna ang ang a inkawm hi ka duhtawk viau. Tumah hi ka dahsang em em ngai lova, ka
dahhniam ngai lo bawk. Tin, thian kawm tam loh hi fihlimna tha tak ni in ka hre bawk. Thian
kawm tam chuan neuh neuh a awm duh avangin mahni a tal hran nalh hi ka duhdan ani thin.
Mahse tupawh tanpui ngai awm ta se, ka theihna kawng ah chuan ka tlanchhiatsan ngai hauh
lo. Mi reng reng ka lak a vawikhat an rinawm loh tawh chuan ka ring nawn ngai lo bawk. Ka
ngaihdan leh nihna thenkhat kan sawi ve zauh anih chu.
‘ Engtikahnge Spain-ah i let dawn?’ Car a kan tlan leh hnu chuan Ab chu ka zawt a, a mak
takzet. Nidang ang in a tawng bawrh bawrh lova, a hmel erawh a hlim viau thung.
‘ Thursday ah ka thlawk let lehnghal ang’
‘ Iva awmrei lo ve’
‘ I birthday vang chiahin ka lo haw. Engtinnge i hun pawimawh ah ka awmloh theih ang?’ mak
ti zet chuan ka va melh a, ani lah chuan a hmalam chiah alo en ngar a, a mitmeng chu
hriatthiam har zet in a thim raih thung.
‘ Ab, thil ka zawt thei che angem?’
‘ Tehreng mai. Enge i hriat duh?’ min rawn en zawk a, a nuisang nangin a mitmeng hlim lo riau
chu kei a thiannu hian ka hmu thiam lutuk tlat.

‘ I mizia a dang riau in ka hria a, engemaw thl diklo a awm em?’ ka sawi zawh chuan ka thaw
hak a, amah pawh ka en lo.
‘ Ummm..... chuzawng chu maw?’ a nui hak a, ka lo bu nghauh ringawt.
‘ Nia, engemaw vei ka nei alawm. Mahse ka dik chiah lo in ka hria. Ngaihtuahawm ka ni lo. I
rilru ka lo tibuai anih chuan hriatthiam ka dil nghal e’ awki zang vah chuan ati vat a, mahse a
awri ah chuan natna ka hre tel miau si a, eng thil chuan nge he mihring, mahni incontrol thei
tak hi tibuai ang le?
‘ I sumdawnna thil ami? Ka hriat ve chi anih chuan min share thei ang’ ka ti sap a, a nui leh
hak a, mahse a zat vang a nui ani hauh lo.
‘ Dear, sumdawnna ani lo. Ka mimal thil zawk ani. Englo..... ihhh’ a ngawi dat a, mak ka ti
tawlh tawlh. Hetiang hian vawikhatmah ala awm ngai lo.
‘ Englo chu enge?’
‘ Aw le, hriat ve chu i phu alawm. Mahse ka hrilh chin bak che chu min zawt lovang che’ a tih
chuan ka lu ka lo bu nghauh.
‘ Hmeichhe pakhat duh deuh ka nei. Ka duh tih ka hrechhuak har lutuk erawh a pawi ta anih
hi. Ka hriatchhuah meuh chuan hmangaih alo nei hman tawh a. Amrita kha ka hmangaih amaw
ka tih kha ka hmangaih lo anih ka ring. Min lo biak leh pawh a tum nasa, mahse ka hnar tluan
thei ta. Mahse tun a ka mi duh hi chu ka ta tur ani lo’ a sawi zo chu a thaw hak a, keilah
tawng nachang ka hre lo hrim hrim.
‘ Elty, tichuan ka danglamna chhan chu i hrethiam tawh em? Mahse lungngai suh. Ngai ka awh
leh vat dawn alawm. Ka tlai hret ani’ tih pah chuan a nui sak a, a hmeltha takzet ani.
‘ Ab, chu hmeichhia chu min hrilh thei angem?’
‘ No. Ka sawi tawh kha. Zawhna min zawt suh ka tih kha. Tun a ka sawi bak kha chu ka sawi
nawn ngai dawn lo. Theihnghilh zui lehnghal ang che. Lem, i inkawt-ah kan ding tih i hria em? I
inthlak phawt anga, Kim in lam kan pan dawn nia. I nu chawhmeh siam ka eichak tawh’ tih pah
chuan a nui hak hak a, zawtlui pawh ni ila a sawi ka ring lo.
Ka in ah chuan kan chho dun a, ka inbual chhung in beer alo in a, ka insiam zo ka va chhuak
chu sofa-ah chuan hahdam hmel zet in a lo thu awn duai a, a mit a chhin avangin a muhil anih
ka ring. Nia, ka insiam rei ve deuh bawk a, ani hi chu mutthilh a awlsam zia chu Saputara Hill
Station-a kan kal khan ka hrechiang ani. Nashik-ah khan hnamdang thian kan nei ve tho a,
mahse Ab nen kan inpawh ang em em a thian erawh an ni lo. An ni ho nen khan ka holiday-ah
khawiah emaw kan chhuak ho thin. Mipa 3 leh hmeichhe 2 kan ni ziah a, nuam kan ti thei viau.
Ngawirengin Ab chu ka en a, a hmeichhe hmangaih chu ka hrechak takzet ani. Ani meuh a chan
chu a vanduai ka ti. A mit hnuai val kual raih chuan a thawh nasat zia a lantir. Mahse engtiklai
mahin a hnathawh hah zia hi a sawi ri ngai lo. “Ka chau” han tih ve chang nei mahse a sawi
sek ngai lo. Mipa tak in a hma a tihtur awm chu a hlen mai thin. Kima nen an in ang. Mahse
Kima aia a that zawkna chu hmeichhia hi infiamna ang ah a ngai ve lo. Kima erawh chuan
infiamna ang lek in hmeichhia hi a ngai ni ber in ka hria. Mahse a dang zawng ah chuan perfect
ani tawp mai.
‘ Ab, kan kal a hun. Ka nu ten min nghak rei tawh lutuk ang’ tih pah chuan a dar chu ka sawi
dat dat a, peih loh hmel zet a rawn men pah chuan uluk zet in min en a, ka inrin hma in a lam
ah min pawh a, sofa-ah chuan ka zuk thu thla tawp a, rangzet chuan min kuah a, ka hamhaih
lutuk chu chetngaihna pawh ka hre lo. Nghet zet chuan min kuah vang vang a, chutah harh
chhuak thut ni awm tak in min thlah vat a, inthiam loh hmel zet chuan....
‘ Ka tihpalh. Ka chau ve deuh a, thian te bul ah ka pangchang ve ang ah i ngai dawn nia’ tih
pah chuan a tho a, chetsawn nachang ka la hrechuang lo. Tun tum a rawn haw a awmdan hi
mak ka ti tulh tulh.
‘ I chawlh hahdam rih a ngaiin ka hria. Spain -ah kir rih lo la, hetah awm in chawlh hmang rih
rawh’ tih pah chuan ka tho a, ka thianpa awmdan hian min ti awm nuam lo takzet ani.
‘ Min ngaihtuah suh.. Kal ila, kan thlen vat loh chuan i nu leh pa ka hlau ania’ nui var var
chuan min fiam a, kan chhuak nghal.
Kima in kan thlen chuan ka pa leh Kima chu an lo ti ti mawlh mawlh a, ka nu erawh choka-ah
vawksa rep a chhum rimnam ram ram mai. Mipa hi chu an inkawm khawm a, ka nu nen choka
lam ah rawng kan bawl dun a, ka hlim lutuk hi ka khi hui reng mai. Zan in chu Kima in ah kan
riak dawn anih hmel. Ab pawh Kima’n riak ve nghal tur a a tih tlat avangin chaw ei kan
hmanhmawh lutuk lem lo. Kima room-ah ka nu leh pa an mu anga, keichu mikhual room pakhat
ah ka mu ang. Kima leh Ab chu sofa-ah an mu dawn ni awm tak ani. Ka pa ten an hnial viau
pawn Kima chuan a thu chu sawhsawn a tum hmel lo. Ab lah sofa-a riak tur chuan a inhmeh lo
nasa. Mahse alo phur hrep mai.
Chaw te kan eikham chuan rei thu tawh lovin ka nu leh pa pawh an mu nghal a, keichu savawm
in ruk hram ka duh avangin ka nu te ka mangtha vat a, Ab chuan ka thil tum chu alo man ngang
mai. Ka nu te room-ah an lut fel ta maw tih ah Ab chuan rang fahran in savawm chu fridge
atang phawrh in min rawn pe nghal a, Kima lah alo nui nasa mai.
‘ I bialnu hi savawm pe hmasa la, chumi zawh ah a biak tlak chiah’ Ab chuan Kima chu a
tihkhum zauh a, ka nui tawp chiang ngei mai. Hman zan lawk pawh khan savawm ka in vang
chiah ania thil tul hauh lo kan tih tep chhan.
‘ Anih ka ring’ Kima chuan mit min siai khum zauh pah chuan alo ti vat a, ka zak lutuk chu ka
sa vek thei.
Beer dawm chung chuan pawn ah chuan kan thu a, Ab chuan Spain lam a hna chungchang te a
sawi a, Kima nen chuan kan dawr chungchang sawiin thuneihna hi Kima kut ah a awm hnem
zawk tih ka hre thei. 60% hi Kima kut ania, 40% chu Ab-a chan ani thung. Hei chauh lo pawh hi
hawn belh an la tum anih hmel. Mipa hlawhtling dun tak 2 kar a awm chu hriatzauna tha tak
pakhat ani.
‘ Ka mutsan ang che u’ Ab chu a tho uaih a, inchhung-ah min luhsan nghal.
‘ Ab bul ah enge i sawi?’ ka zawh dan teh tawng chu a mawi chiah lo nangin Ab hian kan
inngaizawng ang a a ngai tlat hi ka hrethiam lo. Ka hrilh thlap sia.
‘ Enge sawi se min tih?’ thatchhe zet chuan a thu a, a thawmhnaw hak chu a inhmeh kher mai.
‘ Ngatinge inngaizawng ang a min ngaih tlat?’ ka vin deuh lek lek tawh.
‘ Ab ngaihdan ai chuan nangnen kan inhiptawnna hi kan sawidun a tha zawk viau lo maw?’ a
beer can chu a hma a dawhkan awm ah chuan a hung a, uluk fahran chuan min rawn en a, ka
zam kher mai.
‘ Wow! Inzawmna nghet nei tur in i rilru a inpeih tawh tihna ami?’ zam chhe hman ka ni lo.
Hepa hi ka induhtawkna hian a hneh tur ani ringawt.
‘ Inzawmna nghet. Ummm, tu ta mah nih ka tum lo. Tin, sum ami i duh? Engvang a inzawmna
nghet ringawt buaipui nge i nih?’ a thutna hnung ngheng chuan a thu tha leh hmiah. Kan zia hi
a in ang mah mah thin.
‘ Sum mamawh lo kan awm lo. Chu aia pawimawh chu tu hmei mah ka ni ngai dawn lo’ beer
chu ka in hlek a, a nui lui hak bawk.
‘ Hmei neih ka tum hran lo. Chu aia pawimawh chu kan inmamawh tawnna hi inphuhru tawn
ang ka ti mai ani’ rapthlak hi ka ti zawk. Mizo mipa zing ah hetiang rilru pu tur hi an awm ka lo
ring pha ngai lo. Mahse ka hma ah ngei chuan a thu miau si.
‘ Ka nu leh pa awmlai ngei pawh i sex partner tur in min sawm ngam chu ania. Tenawm lutuk’
ka thinrim lutuk chu ka khur dar dar a, ka beer ken chuan ka avwm chak kher mai.

‘ An mu tawh alawm. An hre pha lovang. Nangpawn i mipa it tak mai chu i nu leh pa awmlaiin
inzawmna nghet neih pui tur in i sawm tho a, kan in ang tawk vel’ ngeiawm zet chuan a nui a,
ka thinrim lutuk chu ka tho hluai a, inchhung lam ka pan nghal. Mahse keiai chuan a che rang
hret. Ka banrek ah man in min rawn pawt let lawp a, ka inrin hman hma in na zet chuan min
fawp a, talchhuah ka tum nasat poh leh min fawp na ani mai.
TTalchhuah tum chu a sawt lo tih ka hriat tak avang leh a lei in a ka ka chhung zei tak a a
hawl tak ah chuan ka inthlahdul a, fawp let lo tur chuan ka insum nasa ngei mai. Ka inthlahdul
tih a hriat hnu chuan uluk leh dam zet in min fawp chhunzawm a, ka kawng ah nghet fahran in
a kuah bawk a, ka insum hleithei meuh lo chu ani. Fawp let tur a ka lei ka chet lo thei ta lo.
Ka chhanlet tak ah chuan a phur takzet tawh.
Ka beng, ka biang, ka nghawng a rawn fawp thla zel a, a hma ang bawk khan tihdanglam in ka
awm leh ta. Ka kawrkilhna phelh a ka hnute a rawn fawh tak ah chuan ka rum hawk a, ka
meng a, mahse glass door lam ka va melh phei chu khawng awt thei. Ab chuan ngawireng in
min lo en a, ka va hmuh chiah chuan rang zet a inher in curtain chu a zar nghal a, ka phurna
zawng zawng chu mak tak in a reh nghal vek thei.

VARGHESE - 17
ELTY LUHLUL AUG HNAMTE

Kima lak atang chuan ka talsawn vat a, engmah sawi tawh lovin inchhung ah chuan
hmanhmawh zet in ka tlan lut nghal a. Ab-a chu melh pawh ka melh ngam lo, rangtak in
room-ah ka lut a. Shower chuan ka intleuh thuak a, khum ah chuan ka lawn nghal. Ka phone ka
en a, dar 12:04 am chiah ani. Ka phone a ri nghal, Ab-a ani tlat. Kima inchhung ah a lut lo
ngemawnile....
‘ Happy Birthday’ aw zangkhai vah chuan a rawn ti a, ka nui sak a.
‘ Ka lawm e’ kan inhriat hnu ah kumtin hetiang hun ah hian min wish ngei ngei thin. Tunah
pawh in khat ah kan awm reng chung pawn phone call chuan min wish hram.
‘ Ilo chhuak lawk thei angem?’ ka tho a, sitting room ka va luh chuan ka nu leh pa, Kima leh
Ab-a chu an lo ding thap a, center table ah chuan cake mawi em em mai hi an lo dah bawk a,
anvai mai chuan hlim hmel tak in min lo melh sang a, sawitur ber pawh ka hre lo. Ka biang
dawm in ka ding reng a, Birthday hla an lo sa a, ka nu chuan min rawn kai a, cake bul ah, ka
nu leh pa inkar ah chuan ka ding a, ka tawng thei lo. Ka enkual a, nuih mai bak tih theih ka nei
lo.
‘ I cake-in a nghak che. Happy Birthday Elty’ Kima chuan alo ti sap a, cake chu ka zai nghal. Ka
nu leh pa ka barh hnu chuan Ab chu ka barh ve nghal a, Kima hmel tang teuh erawh ka hmulo
der hmiah thung. Mahse amah ka barh ve lai chuan hmel hlimtak in min lo dawngsawng thung.
‘ Pa, nu, Kim, Ab, ka lawm e’ ka tih chuan an zavai mai chuan min rawn kuah a, naupang thar
leh ni ber in ka inhria.
‘ Naktuk program kan tibuai palh ange, kan mut that loh chuan. Nangni thalai erawh induh
chen chen meng ula, keini chu kan mu ange’ ka pa chuan ka nu chu a kuah a, room lam min
pansan lehnghal.
‘ Engemaw buaipui a chhuah leh ka ngai a, min hrethiam dawn nia u. Hna chungchang ah ania,
ka rei lovang’ Kima chuan a ti nghat a, makti zet chuan Ab nen chuan kan en a, mahse min
melh eih lo.
‘ Kalpui i ngai angem?’ Ab chuan alo ti vat a, kan boruak hi a hahthlak takzet ani.
‘ Nope. Mahni a kalna chi’ tihpah chuan Ab chu a siai zauh a, min chhuahsan nghal. Ab nen
chauh chuan kan awm a, cake vel chu ka dahfel a, Ab chuan beer chu la chhuak in min rawn pe
a, tun ang hun a beer han in leh chu a tlai tawh viau in ka hre nangin ka mamawh chuan ka hre
thung. Ka hawng a, pawn a thutna ah chuan ka thu a, Kima awmdan hian min ti hah takzet
ani.
‘ Hna chungchang ah anih ka ring. I ngaih ti thalo duh suh’ ka bul chair-a rawn thut pah chuan
Ab chuan a ti zauh a, ka lo nui ringawt.
‘ Eng hun ah pawh, khawi hmun ah pawh kal se ka tan buaina a awm lo. Ka bialpa ani lo’
thawk halh pah chuan ka hma lam chu ka en ngar a, diktak chuan Ab chu ka melh ngam lo ani.
‘ Ka ring chiah lo. Inbum tum suh’
‘ Ab, ka hrilh tawh che kha. Ka type ani lo. Inzawmna nghet duhlo tu hi ka bialpa ani thei lo.
Tinge inngaizawng ang a min ngaih tlat’ beer chu ka lem khalh a, ka tah a chhuak ru kher mai.
‘ Mahse i hnar chuang si lova’ ka va en chu min en miah lo. A hmalam chu ngun zet hian a melh
a, nichin thil thleng chungchang kha a sawi tih ka hrethiam nghal. Ka zak chu ka sa vek thei.
‘ Khang vang khan ka bialpa ani chuang lo’ ka hnar ka tum dat a, ka bialpa diktak nise ka duh
zia chu van te khian min hriatpui mahna.
‘ Elty, aaaaa..... nia, ani lo. Ni lo, aaahhh..... Mu tawh ang hmiang’ Ab chu ka en vat a, uluk zet a min lo en ka hmuh chuan mak tak maiin ka zam tlat pek.
‘ Lo va mu ta che. I chau anih kha. Hei ka in zo anga, ka mu ang’ tih pah chuan ka beer ken
chu ka lek kang zauh a, min hnial lem lo chuan a tho a, ‘ Good night’ tih sup pah chuan ka lu
ah a rawn fawp zauh a, ka taksa chu a kang ta mai ni in ka hria. Enge ka awmzia ni le? Ab
awmdan hian min ti hamhaih viau rualin ka awmdan hian min tibuai daih zawk. Nidang ah pawh
kan chhuahdun in ka lu ah a fawp fo, hetiang hian ka la danglam ngai lo. Bere ka in vang
aniang.
Ka taksa kang delh delh ah chuan ka harh a, Kima chuan zo em em in min lo pawm a, khum ah
min nghat dawn chiah a, ka te that a, rang lutuk in khum ah min nghat a, ka ka a hup nghal. A
hmel chu a chauh hmel takzet ani. Khum bul ah sana inhung chu ka en zauh a, dar 3 a pel hret.
Pawn ah khan ka lo muhil ani ngei ang.
‘ Khatiang a pawn a mutthilh i chin dawn chuan chair khu ka dah bo ngei angai ang’ tih sup pah
chuan ka bul ah chuan zawi zet in a rawn mu a, rang fahran in rizai chuan ka inkhuh nghal vat
a, a nuih a zat hmel em em lehnghal.
‘ Hetah hian i mu duh anih chuan sawi la, sofa-ah ka riak mai ang’ ka ti nghat a, mahse sofa-ah
chuan min riahtir erawh ka ring miah lo.

‘ Shhh.... Muhil rawh. Midang kan tiharh anih chuan min ngaikhawlo ve ve dawn ania. Tikhan
muhil rawh. Hna i thulh thei dawn miah lo ania’ a hnuai a thawk ve mai ka nihna chu ka
hrechhuak chiang ngei mai. Hnial pawh ka tum hran lo. Rizai chuan nghet zet in ka intuam a,
lehlam hawiin ka mu a, mahse mutthilh erawh a har hrep. Rei tawk fang ngawireng a kan mut
hnu chuan a tho a, sitting room lam a pan tih ka hriat chuan ka thaw huai.
‘ Bawihi, i hna i tlai ange’ ka nu aw dam diai in min rawn kaihthawh chuan ka tho a tep. Sana
ka en a, ka zuang tho zawk. Inthlakna ka ken loh avang in ka in a ka kal phawt angai. Ka nu
chuan ka eitur alo siam a, bathroom-ah ka lut nghal. Ka inbual zawh chuan khum ah chuan
Smart pant dum leh kamiz navy blue nalh zet hi alo awm a, ka phu nasa kher mai.
‘ bawihi, i thawmhnaw kha ha vat rawh. I mut burh burh lai khan Kima’n alo va la hman vek
tawh alawm. Kima a inpeih tep ang, Ab pawh in a nghak chhuak zo lo che. Hmanhmawh rawh’
ka nu in a rawn tih chuan ka thin a rim kher mai. Mahse hnial tur in hun ka nei tawh lo. Tin, ka
nu te hmuh a Kima hnial kha chu ka ti thei hauh lovang. Thawmhnaw chu ka ha a, ka pian rem
thlap, engtinnge ka size a hriat zawk ni? Mahse a sex partner te ho a lei nasa tawh pawh ani
ang. He thamwhnaw ngei pawh hi a hmeichhe kawp tuemaw ber theihnghilh bak ani tawp
lovang. Ka birthday a ka rilru puthmang chu ka duh lo kher mai.
‘ Engvang a he thil hi ti nge i nih?’ car a kan thu lut chiah chu ka ti nghal bawrh bawrh a, ka
insum hleithei tawh lo.

‘ I nu saw nuisang in bye bye rawh le. Tun a i hmel ang ah kha chuan nileng in a awm a nuam
hauh lovang’ nui sang chuan min ti let a, ka nu lam hawi in a ban ava vai zauh a, thinrim ru zet
chuan ka nui a, ka nu chu ka bye bye ve nghal.
‘ Hetiang a i hmeichhe kawpte ang a thilpek a thlem chi ah min ngai ami?’ ka thinrim lutuk chu
ham bawrh bawrh mai ka chak ani.
‘ Chutiang a thlem ngai hmeichhia ka kawp ngai lo. Hmeichhia hi thlem ngai lovin min ngen
ngawih ngawihtu hi an tam’ ka thusawi ngaipawimawh loh hmel zet a a tih chuan ka haw
lehzual.
‘ A lawmawm anih chu. Heng thawmhnaw hi naktuk ah ka pe let dawn che nia’
‘ I duhlo anih chuan paih mai rawh. Ha tur ka in ah an awm lo’
‘ Anih chuan engvang a lei nge i nih?’
‘ Khatiang chen chen i mut kha chuan i in kalkawina hun i nei dawn hauh lo. I mut duh lutuk
vang a hna tlai chu ka ngaithei hauh lo bawk ang. Lawm viau tur i ni’
‘ A va lawmawm tehreng em’ awki sang vah, tih el aw zet chuan ka ti leh hram. A sawidik
phian bawk si. Min dangchep thiam kher mai.
‘ I thinrim mitmeng alh phat hi a nalh phian. Darkar 2 chhung in files kha chingfel ang che. Dar
1-ah i birthday party a intan ang. Chuan, Sangtei leh Puitei pawh vawiin chu chawlh ka pe hma
ang’ a thusawi inpersan lutuk chu ka nuih aza zawk.
‘ Engmah min rawn lo a program inlo set ve vak vak ringawt le....’
‘ Ooohhh. Elty, phunna tur zawng chhen lo teh. i nu leh pa duhdan ang bakin ka kal lo. I hmel
nur zet kha paih la, hna zuk thawk rawh lem’ a car tihdin pah chuan a ti leh hmak a, diktak
chuan chum pawp pawp mai hi ka chak thin.
Thinrim zet chuan car atang chuan ka chhuak a, kan gate duty-in min lo wish chuan ka nui leh
var var thung. Dawr chhung ka luh chuan customer an la awm lo, staff awm ho chuan min lo
wish sap sap a, a nuam ve reng mai. Kima’n alo sawi anih ka ring. Ka room-ah chuan ka lut a,
ka hnathawh tur chu ka thawk nghal mawlh mawlh a, hun ka ngah loh zia ka hria.
Ka hna ka zawh chuan dar 12:50 a ri chiah. Ka dingchhuak chiah tih in Kima pawh a rawn
thleng chiah. Ka room a rawn luhpah chuan a thil rawn ken chu min pe a, ka hawng chu
kawrfual, khup khuh lek, cream colour nalhzet hi alo nia, ka thaw kawk mai. A nalh takzet ani.
mahse ka ha thei lovang. Nimin ah ka thawmhnaw hak tur chu ka lei ve tho. A thlawn a dawn
ka duh reng reng lo.
‘ Lungngai suh. Hei hi chu i pa lei anih hi. Kan hmanhmawh loh chuan min nghak rei lutuk ang’
tih pah chuan min chhuahsan nghal a, ka room glass chu dark glass in ka thlak nghal a, hlim zet
chuan kawr chu ka ha a, nalh ka in ti kher mai. Hmeichhe naupang te pawh ka ang in ka hria.
‘ I hman chuan...’ Kima tawnglai chu a tawp chat a, uluk em em chuan min en a, ka lam pan
chuan muangchang in a arwn phei a, ka lo zam leh hman ngei mai. Ka lam a a ban a arwn ban
phei chuan rangzet in ka lo tawlhsawn a, mahse rangzetin min man bet ve nghal thung.
Ngawireng chuan ka sam ka kilh tawm chu a phelh a...
‘ I nalh takzet ani’ tih sup pah chuan min vawnna chu a thlah a, ka ding nghet zo lo teuh kher
mai.
Kan chhuah chuan staff dang te chuan mak min tih hmel hlawm khawp mai. Keipawh ka lai
takzet ani. Pawn ah Puitei te 2 an lo awm bawk a, kan kalna tur pawh hre lem lo chuan Kima
car-ah chuan kan lut diak a, Puitei te chuan mawi min tihzia min hrilh chuan ka alwm kher
mai. Mipa in nalh min tih aia hmeichhia in nalh min tih thu min hrilh hian ka confi zawk tlat
zel.
Ka birthday party kan hmanna hmun chu a pui ngei mai. Ab chu a nalh kher mai. Coat suit navy
blue a ha a, amah a palian in a hmel a tha sia, a nui sang thei reng te hi a ngaihawm lehzualna
ani. Puitei chuan a ngaihsak hmel viau nangin hmeichhe lak ah a inveng leh tung tawh. Hepa hi
chu aw.....
Kima pawh a nalh lo ka ti miah lo ania. Coat suit light grey a ha a, a khabe ruh kual mawi zet,
a phir hi a inhmeh thlawt alawm. Ani erawh Ab ang lo tak in a nui tam lo a, a mitmeng thim
raih erawh hmeichhe tam tak buaina thlen tu ani thun ang. Uluk tak a min melh tawh hi chuan
min hmu tlang vek thei hian ka ring thin.
Birthday nuam tak ani. Zan lam hun erawh ka in ah ka nu leh pa in hman an rawt avang in pawi
ka ti lem lo. Kima erawh kan rual in a rawn kal ve nghak thei dawn lo a, mahse min drop tho.
Puitei te pawn nuam an ti in ka nu leh pa bul a awm chuan an ti ve khawp mai. Ka nu leh pa te
hi rilru zau tak an nia. An fate thian te hi kawm theih loh an nei ngai lo. Kan thiante hian an
nel em em thei zel ani. Ka chhuang ve ania.
Zan lam party pawh nuam kan ti tlang viau e. Ka nu in zanriah tur min buatsaih sak a, ka pa ho
in kan lam ve nasa mai. Ab hi ani ka fak. Kan society mil hian a insiamrem ve thei zel mai a.
Diktak chuan ka kawm phak pawh ani lo. Mahse ka thian ania, a thian ka ni tlat tho si. Kima
pawh dar 9 vel ah a rawn thleng a, ka tan a ni pawimawh ah chuan zing a Kima nen kan
inhauhna bak chu boruak thalo pakhatmah awm lovin kan hmang tluan a, kan puar bawk. Ab
hian ka nu ei rawngbawl hi tui a ti thei hluam hluam ania.
Ka nu leh pa te chu Airport-ah ka va thlah a, Kima chuan min kalpui a duh viau nangin keimah
a kal ka duh tlat avang in min hnial zui lem lo. Ab pawh a awmna lam a let lehnghal bawk a, ka
khua a har dawn mange. Ka nu te an thlawh liam hnu chuan Airport kawt a thutna awm ah
chuan ka thu vang vang a, ala tlai lem loh avang leh chawlh min pek avang in ka hmanhmawh
tehchiam lo.
‘ Excuse me.... Ma’am, i bul ah hian ka lo thu ve thei angem? Thutna remchang a awm tawh si
lo va, ka ke hi a na riau a’ min ti tu lam chu ka en a, mipa mitmeng lutuk mai chuan min lo
melh run a, a nuisang bawk. A ke chu ka melh zauh a, a khup zawn a lian bik ka hmuh chuan a
inhliam anih ka ring nghal. Rang zet chuan ka tawlh a, harsa tih hmel zet chuan a rawn thu a,
a hnar chu a nalh kher mai.

VARGHESE - 18

ELTY LUHLUL AUG HNAMTE
' Hi.... Ka hming chu Randy M.s Varghese ania, i bul a thut ve i phal avangin ka lawm e' tihpah
chuan a kut a rawn phar chhuak a, mipa smart tak ani. A ha a var rual em em bawk. Tin,
Indian a ang lo. Mizo hmel a pu lek lek. Mahse a pian leh a hming erawh a Mizo lo bawk si.
‘ Elty ka nia. Ka ta bik ani hleinem’ nui sang chuang a kut chu ka vuan zauh a, a nuih suk chuan
a biangsum chu a lang chiang ngei mai. A khabe hmul to siar siar chuan a tilang pa takzet.
‘ Hetah hna i thawk nge lehkha i zir?’
‘ Hna ka thawk. Nangzawk?’
‘ Ka nu sumdawnna enkawl tur in thla hmasa khan ka rawn kal a, ka accident a, haw ka tum
deuh a, mahse ka flight ka nang lova’
‘ Ooohh... Anih chu. Ava pawi ve. Khawi atang nge ilo kal?’
‘ Kerala lam. Nangzawk?’
‘ Keichu Mizoram’ ka tih chuan ka ngaihbel nge a insangmar teuh in ka hria.
‘ Kan inhmu chu ka lawm hle mai. Nu leh pa hmeltha tak i nei anih kha’
‘ Ka lawm e. Ka kalsan phawt ang che. Bazar ka la duh a’ tih pah chuan ka tho hliai a, rang zet
chuan a rawn tho a, mahse a au tak thawt ah chuan thutthleng ah chuan a thu leh hnawk a,
rang zet chuan a kut ka zuk dawm a, a then chak chak chu ka en reng a, Kima ka mitthla ah a
rawn lang. An in ang reuh, a na ti then hmel chu hmuhnawm ka ti riau pek.
‘ Khawi hmun ah nge i chen? Taxi ka koh sak ang che aw...’

‘ A ngai lo ve. Ka driver ka phone tawh a, min rawn lam mai ang. Ka nu chuan hria se min
ngaihtuah leh khawp ang le’ a sawi hnuhnung lam chu min bia ani tawh lem lo. A nu nen chuan
an in nufa viau ani ngei ang.
‘ Ka lo nghahpui dawn che nia’ tihpah chuan a bulah chuan ka zuk thu ve nghal a, a hmelthat
vang pawh ni miah lo in Mizo ka nih ang in mi na tawrh lai a kalsan ka duh hauh lo.
‘ I hna ka tibuai palh ang che. Ka tha, ka na theihnghilh in ka ding thut pek alawm. Kal rawh’
inthlahrun hmel deuh chuan min melh a, mahse kalsan mai ka tum bik lo.
‘ Vawiin chu hna ka chawl alawm. Bazar bak hna ka nei lo’ nui ver ver chuan ka lo ti let vat a,
a inthlahrung hmel chu a reh ve nghal.
‘ Khawi hmun ah nge i chen?’ tihpah chuan a ban chu phar in a zi mar ar ar a, a lian rauh sia, a
bul ah chuan ka te chem chem ngei mai.
‘ Koregaon park lam ah. Nang zawk?’
‘ Wow! Kan chenna area a in ang anih chu. Mahse keichu khawi hmun mah ka la hre lo. Hna
vang in chhuahna hun ka la nei lova....’ a tawng duh dan chu kawm a nuam dawn viau in ka
hria. Tin, puitling hmel deuh tawh in a rilru ala naupang chhiat ve hmel reuh viau ka ti bawk.
‘ Keipawh ka lo awm thar ve chiah. Engmah ka la hre lo’ tihpah chuan ka awmna lai tak te chu
ka hrilh a, mak tak maiin ani pawh ka awmna building ah alo cheng ve reng. Ka awm flat chung
chiah ah a awm thu a sawi chuan mak kan ti dun nasa mai.
‘ Anih chuan thian kan ni thei angem?’ tihpah chuan a kut chu a rawn phar a, kan nih theih thu
hrilh pah chuan ka kut chu ka pe ve nghal a, a hmel nui sang chu hmuh a nuam kher mai.
A car chah a rawn thlen chuan a rual a kal ve tur leh ka kal duhna hmun a min thlah a tum thu
a sawi tlat avang chuan hnial tlat a mawi loh avangin ka kal ve ta nge nge a, a driver-in a biak
dan ah chuan mi mai mai anih ka ring lo. Kawng tluan chuan a ti ti bawrh bawrh a, a bul a
awm a hahdam kher mai. Ka kal duhna a min drop hnu chuan min kalsan ve nghal a, thian tha
tak ka tawng thar chu ka lawm kher mai.
Ka mamawh leh ka ei chak ho te ka lei nual a, chawhmeh erawh ka nu in min lo ken hnem ang
reng avangin ka lei ta lo. Fruits lampang erawh ka induham leh tan tan khawp mai.
Pantaloons-ah discount lai alo nih hlauh avangin Sandals 3 ngawt ka lei pek. Ka chin tha lo tak
chu discount lai a insum thei hauh lo a footwear ka lei thin hi. Ka addict ni ber in ka hre tawh.
Auto atang ka chhuk chu kan in gate bul-ah chuan Randy chu alo ding vang a, min hmu chiah
chu alo nuisang a, ka inkhaibawr bawk sia, ka thil khai chu min lo chhawk vat a, ka duhai in
min nel mah mah dawn in ka hria. Mahse a mawi lo zawng erawh chuan min be miah lo. Ka thil
lei ho chu dinning table-ah chuan kan dah a, sitting room lam a sofa-ah chuan a thu a, tuivawt
keng phei in a piah ah chuan ka thu ve nghal a. Ka in luah chu nuam a tih thu leh ka inhmeh
thu a sawi ve luam a, ka phone a rik avang chuan ka tho vat a, choka lam a ka dah chu ka pan
a, Kima ani tlat.
‘ Aw... Hello’
‘ Chanchin engmah i rawn sawi si lova. I lung a leng em?’
‘ Nia, ka bazar leh nghal daih a. Leng ve bawk e. Hna lam in buai em? Lo kal a ngai em?"
‘ Ngai lo ve. In ah i awm tawh ami?’
‘ Aw, ka thlenna ala rei lo’
‘ Zanriah eitur in min sawm dawn em?’ a nui huk huk a, a fiamthu tih ka hrethiam nghal.
‘ I duh phawt chuan’
‘ Ka uang miah lo. Nge ka in lam ah kan ei dun dawn ami?’
‘ Ni lo. Zanin chu hahchawlh ka duh. Mahni a awm ka duh’
‘ Elty, kawngka kik an awm?’ sitting room atang chuan Randy chuan a rawn ti lauh a, ka phone
chu ka hup vat. Mahse beng fing lutuk chu ka bum lo anih hmel.
‘ Tunge?’ Kima awri chu a rum ngei mai.
‘ Ka thian thar ania. Building khat ami’
‘ Zanriah ka rawn ei ang’ phone chu a dah hmak a, ka thaw hak a, sitting room lam-ah chuan
ka phei nghal a, kawngka ka va hawng chu ka thenawm pitar alo nia. A bathroom tui luanna
pipe ah a uite alo tan avangin min rawn pun alo nia, Randy chu a rawn chhuak ve vat a, pitar
in Randy a hmu chu mak a tih hmel nasa mai. Randy lah chuan pitar inchhung ah lut in
bathroom lam chu a pan nghal a, sawi miah lo a bathroom awmna a hre nghal chu mak ka ti ru
viau. Mahse chutiang ngaihtuahna hun a awm lo. Uite chu a chain alo tang alo nia, Randy
chuan ala chhuak a, pitar chuan lawmthu a sawi amwlh mawlh a, kan chhuahsan zui lehnghal.

‘ Tichuan zanriah kan kildun dawn em ni niang? Thian nih lawm nan’ sofa-a thut pah chuan
Randy chuan nuisang chuan a ti a, mahse ka hnial a ngai thung.
‘ Pawi ka ti. Nidang ah ti mai ang. Engemaw thil pawimawh tihtur ka nei a’ thudik ka sawi mai
hreh deuh chu mak ka in ti ru viau. Mahse sawi ila ka boss nen kan inkar a ngai diklo ngei ang.
Vawiin a ka hmelhriat chauh ani lehnghal.
‘ Ok. No problem. Nidang ah hun ala tam alawm. Ka chhoh san tawh ang che. Ka nu in min lo
call a hun tawh dawn’ tihpah chuan a tho nghal a, nuam lo ka ti ru takzet.
‘ Ala hma alawm. Pawi ka ti lutuk. Mahse nidang ah kan la eidun ngei ngei dawn nia’
‘ Heyyy, chutiang zawng in ngai suh. Keipawh hahdam ka mamawh. Mahse i contact number tal
chu min pe ve la’ nuisang chuan alo ti vat a, Ab nen an mizia a in ang ka ti kher mai. Mahse
Kima nen an hmel a in ang thung.
‘ Ok, lo type la..... 769*******’
‘ Thanks. Ok, hahdam tawh rawh. Kan inhmuh leh vat ka beisei’ tihpah chuan a chhuak zui
nghal a, hnunglam atang chuan a pian chu a nalh kher mai. Huisss, mipa pian sexy deuh hi chu
ka lawm ve riau ania.
Ka door bell rik mawlh mawlh ah chuan ka tho vat a, ka hawn dawn chuan ka thawhak. Tunge
lo kal tur hi ka hrechiang em ani.
‘ Khawnge i thian thar chu?’ kawngka rawn pen luh pah chuan a ti vin that a, mahse ka zam
hauh lo. A bialnu ka ni miau lova.
‘ Enteh, ka thian neih lehzel ah chuan min control tum hauh suh. He hmun a ka rawn kal hi ka
tisual ni in ka hria’ zam map lo chuan a mit ah ka en kal a, ka duh alawm. Mahse ka duhna hi
sex partner chauh ni tur in ani lo. A ta nih a, ka ta anih ve ka duh tlat a, a duh ngang si lova.
‘ Oooh.... Ka tihsual anih chu’ tihpah chuan sofa-ah chuan a thu a, a chauh hmel takzet ani.
Mahse a awmdan hi ka huat zawng tak anih vang hian ka khawngaih lo.
‘ Inluah tur ka hmuh veleh i in hi ka chhuahsan ang’ ka sawi tum ni miah lo chu ka sawi phawng
a, makti lutuk a min rawn en ka hmuh erawh chuan ka inchhir lo kher mai.
‘ Tunge chhuak tur in ti che?’

‘ Tuman. Mahse i in a chen reng hi ka tum lo. Ab vang ni lo se he hna pawh hi ka zawm hauh
lovang. I awmdan hian min ti hah. Enge ka ngaihdan pawh ngaichang hauh lovin helai a ni
reilote ka awm chhung lek hian min tikual nasa tawh lutuk. Ka tlin tawh lo’ ka aw ri chu a dam
dap a, mahse ka taksa erawh a khur dar dar thung.
‘ Chuvang ami mipa thian ilo zawn vat vat’ a ner sawk a, a ngaihdan tenawm lutuk chu ka rap
zawk.
‘ I ngaih ang kha engmah a awm lo. Mahse i thil engmah hi tawm che ka duh lo’
‘ Chuti em em a min haw tur in enge ka tihsual? Inzawmna nghet ka duh loh vang hian ami?’ a
chang hi chuan a mizia tlang leh lutuk hian a zawhna chhan ati har hrep zel.
‘ Ka haw lo che. Mahse mahni a nun ka duh. Nangpawh i duh ang in nung la, inngaizawng pawh
kan ni lo. Mahni kawng ve ve zawh ang’
‘ Ka duhdan ang a ka nun dawn chuan ka bul ah cheng rawh’ ka zuk melh kawk a, a hmel chu a
uang loo nasa mai.
‘ Infiamna ang lek ah min ngai tawh suh’ ka thinrim lutuk chu ka vun te hi a thip sup sup theiin
ka hria.
‘ Enteh, ka fiam lo che. Mahse ka bul ah cheng la ka duh ani. Kan inhiptawn zia pawh kan hre
ve ve. Hlimtak in kan awmdun thei ang’ a aw ri chu a dam dup tawh a, a inrintawk hmel em
em bawk.
‘ Hmeichhe dang i kawp ang chi kha ka ni lo tih ka hrilh ang che. Chuan, i bul a cheng tur chu i
hmeichhe kawp dang te kha sawm la ti nia. Nang leh kei hian eng inzawmna mah kan nei ngai
lovang. Min chhuahsan thei tawh angem?’ ka thinrim vang a ka aw khur dar dar chu thup pawh
ka thup thei tawh lo. Mahni a awm a tah vak vak mai ka duh.
‘ I luhlul ngei mai. I ngaih ang vek hi ka ni lo tih ila hre ve mai ang chu’ tihpah chuan a tho a, a
haw dawn amaw ka ti chu ka ring sual chiang ngei mai. Kitchen lam ah kal in mini-fridge-a beer
chu a phawrh a, balcony lam ah chuan a ding vang vang a, ngawireng in ka en a, ka phone a
rawn rik chuan ka en vta a, ka number hriat loh ani.
‘ Hello’
‘ Hi... Elty, it’s me Randy’
‘ Hi.... Hei hi i number ami?’

‘ Aw, lo save la. I hnathawk ka tibuai che em?’
‘ Aaaa.... ka la buai rih a, nakin ah kan inbe dawn nia’ ka phone ka dah chiah chu Kima chuan
uluk em em in min lo en a, a hmel chu sakeibaknei thinrim ai pawn a hlauhawm zawk ang.

VARGHESE - 19
ELTY LUHLUL AUG HNAMTE
' I duh duh i be thiang. Keimah vang a i tlangval biak i hreh anih chuan ka awm ve lo ang ah i
ngai thei ang' ten hmel zet a min melh pah chuan pawn lam a hawi leh hmak a, hriatthiam hi a
harsa ani.
‘ Chawhmeh hi enge ka siam dawn?’ a thusawi chu ngaihsak lo ang hmak in thudang ka sawi ve
hmiah a, a tukhum en hian mipa luhlul tak ani tih a hriay ngawih ngawih.
‘ Engpawh siam rawh, harsatna a awm lo’ a chesawn eih lo. A beer chu a in leh zauh zauh thin
tih bak chu inchhung lam a rawn hawi leh lo reng reng.
Rawng ka bawl zawh chuan sitting room lam ah chuan ka phei a, sofa-ah chuan alo thu duai a,
a lo muhil zui. A muhil hmel chu ka thlir vang vang a, a hahdam hmel in a men lai a a mizia ang
zawng zawng hi a put loh hmel ngawih ngawih. Sana ka en zauh a, ala hma deuh avangin ka
kaitho duh lova, ka room lam ah ka luhsan a, ka nu leh pa ka han bia a, an tluan thu leh mut
an tum hnaih thu te, min ngaihzia thu te an sawi luam a, keipawn ka ngai takzet ani.
‘ Hey, harh teh’ ka dar a sawitu an awm avang chuan peih lo zet in ka meng a, Kima’n chiang
deuh a min lo melh kur avang chuan ka tho a teuh kher mai.
‘ Dar engzatnge?’ lai zet chuan ka ti ta ngawt a, a bul a awm hi chu a huhang hi a na ve thlawt
ani.
‘ Dar 10 a ri tep. Ka ril a tam tawh ania’ nui vur vur chung chuan min pawt tho a, ka inthiam
lo ang reng. Ka phone hmang zo kha ka lo muhil ve daih alo nia.
‘ Ka tihpalh lutuk. Ka phone hmang ka lo muhil daih a’ tihpah chuan ka tho chhuak a, a nui hak
hak a, nichin a mi nunrawng leh tawngkam duhtui lo zet hmel kha a pu tawh lo.
‘ A pawi lo. Inphihfai la, chaw ei ka lo siam ang’ tihpah chuan ka dar ah vuan in bathroom lam
ah min nawr phei a, a awmdan chuan min ti hamhaih viau ani.
Ka inphihfai zawh chuan chaw ei alo siam peih thlap a, a che reng reng chu a zangkhai vah
bawk sia, min barakhaih takzet ani. Ka thutna tur chair a pawt chhuak vat a, sawitur pawh ka
hre lo. A tih ang ang chuan ngawirengin ka awm ani tawp mai. Chutah chaw ei lai te chuan a ti
ti suam suam a, a nui hawk hawk reng a, makti deuh chung chuan keipawh a thusawi te chu ka
lo nuihpui bawk bawk a, rinai daih in chaw pawh kan ei hnem.
‘ Mikhual ka ni sia, thleng ka lo sil dawn em ni?’ thleng sil tur a apron ka hak dawn chuan alo ti
fiam a, ka nuih nasa mai.
‘ Ngai lo mai rawh se. Sek deuh chung a thleng sil i inhmeh lo lutuk ang’ ka tih chuan alo in la
sek kual vel a, kan boruak thalo zet theihnghilh thak in kan nui dun a, hetiang reng hi ni se, ka
tan chauh rinawm thei se kan hlim a kim mai tur. Ni lo, a lungkuai zawng in engmah ka
ngaihtuah thei lovang.

A phone a rawn rik avang chuan sitting room-a a phone chu ava la vat a, an inbiak dan ah Ab-a
anih hmel. Ka in a chaw a ei thu te, eng eng amawni an sawi nual a, ka thlengsil ka zawh
chuan loud speaker a on a, Ab chuan min rawn ko a, keiin phur zet in ka lo be nghal a, kan 3
chuan tawng kan inchuh ani ber mai. Hetiang em em a kan 3 a kan inpawh hi ala awm lovang.
Phone kan dah hnu chuan Kima pawh thu rei tawh lovin min hawsan a, zing ah hna kal tur a
min rawn sawm a tum pawh ka hnial phal lo. Hetiang reng hian awm se, ka tan chauh nung
se.....
‘ Hey, i kal tawh dawn ami?’ Lift atang ka chhuak chiah chu Randy nen kan intawk a, a
awmhmun thawmhnaw a hak avangin a hmel chu a lang naupang lehzual.
‘ Ummm.... In ah i awm dawn ami?’
‘ Aw, ni 2 chhung chu ka la awm ahhdam ang. Zan ah dinner min kilpui thei tawh angem?’ a
hmel ah chuan hnial lo se min duhzia a lang.
‘ Kan tum dawn nia. Dar 6 velah ka rawn hriattir ang che’ nui sang a ka tih chuan a lawm hmel
kher mai.
‘ Chhuanlam awm tawh lo hram se’ tihpah chuan mit min siai zauh a, nimin lam a ka hnial
vangin min fiam tih ka hrethiam. Lu thing pah chuan ka nui a, ka kalsan nghal. Gate bul ah
chuan Kima chu alo ding vang tawh a, a bul ka va thlen chuan nizan a mizia ang kha a pu leh
tawh lo tih hriat zet in a hmel chu alo rum teuh a, ngawireng in car-ah ka thu lut a, tawng
hmasak chakna pawh ka nei leh tawh lo.

‘ Khapa kha mi?’
‘ Aw. Mahse thian satliah kan ni’ tullo tawp in ka insawifiah nghal chu ka in haw ru kher mai.
Enge ani mitmei hi ka venna chhan tur awm?
‘ Ok. Thian tha tak anih ka beisei’ ka rin aiin a tawngkam a dam leh rauh a, he mihring hi ka
hrethiam thei ngai dawn lo anih hi.
‘ Ka beisei’
‘ Naktuk zan ah kan hall kha birthday party nan an hmang dawn a, vawiin lam ah an rawn dawr
ang che. Mail-ah khan a pawimawh tur ang chu ka rawn thawn a, ilo en mai dawn nia. Chuan,
naktuk lam chu chhun lam i duty lo anga, zan lam i duty thung dawn nia’ a tih chuan ka bu
nghauh a, naktuk ka mu rei thei tih ngaihtuah chuan ka nui hak a, mak tih hmel zet in min
rawn en a, ka nui tawp daih.
‘ Nuihzatthlak ka sawi ami?’ mak tih hmel deuh chuan min en hu a, ka inthiamlo ngei mai.
‘ Ni love, naktuk ka mu rei thei tih ka lo ngaihtuah a, chuvang ania’ tih niah niah pah chuan ka
kawr tlang chu tul lem lo tak in ka pawt mar a, a nui hak ri ka hriat chuan phawk zet in ka en
ve thung.
‘ Mut duh lutuk’ tih pah chuan ka kut chu a rawn tuai zauh a, car cu a ding nghal. Rang zet
chuan ka chhuak a, security chu ka wish nghal zat a, ka mood a fuh leh phian tawh.
Nileng in kan buai a, ka rin ai takin kan lun. Kan tanna ala reiloh ngaihtuah in kan lun a, mahse
a awm ve tho e. Advertisement lam ah Ab-a hming a ri miau a, Pune a milian leh te ber thleng
in Ab hi chu an hre miau ani. A chhan chu mi hausa ten an tlawn a, mi rethei tan a neih a ui
ngai lo bawk. Kima lah mi hriat hlawh ve tak tho ani. Hemi te 2 thawkdun hian dawr thenkhat
chu a vawchhe pha dawn tih chu langtlang sa tluk ani.
‘ Ka in ah nge pawnlam ah ei chhuah i duh?’ Randy msg ka hmuh chuan sana ka en vat a, dar 7
a ri tep tawh. Ka theihnghilh avang chuan ka inthiam lo kher mai.
‘ Sorry. Kan buai deuh a. Khawi hmun pawh ni se kan inthian thatna a bo phah dawn hleinem. I
duhna hmun apiang ka pawm e’
‘ Ok. Ngaihdam i ni e. Ka in ah ti mai ang. Ka ke hi dim deuh ka la ngai sia, i hreh em lovang
chu maw?’
‘ No problem. Dar 8-ah in ka thlen hman ka inring. Ka rawn hriattir leh mai ang che’

‘ Ok, Madam’ A msg chu ka chhiar a, ka nuih ati za reuh. Mipa thothang tha tak anih ka ring.
Nileng in Kima ka hmu lova, mahse ka ngaihtuah chhuak lem lo. Kan buai em avang leh naktuk
lam a kan hall hmang duh ten min rawn hmu rei bawk sia, an haw hnu ah VVIP client kan nei
leh bawk nen. VIP client te hi staff dang kut a dah ka tum lo. A chhan chu mi khirh tak an nih
thin avangin keimah ngeiin hmachhawn ka duh thin.
Hna ban ah chuan Sangtei te nen kan haw ho a, anni pawh an fel a, ngaihsak ngai lutuk in an
awm lem lo. Puitei pawh ka rin phak bakin Sangtei tan U chan a chang thiam a, an fel dun
khawp mai. Wine shop awmna te ka zawn phei pui ang lawp lawp a, ka in atang hnai te ah alo
awm hlauh a, savawm an lei ve a, ka dem hran lo. Hna hah takin an thawk a, in loh chu
duhthusam ni mahse an hunawl a an in ve chu pawi tihna ka nei hran lo. Keimah ngei pawn
savawm te chu ka duh ve tho. Zu pangai erawh in lo hram tur in ka hrilh a, anni pawn in an
tum hmel lem loh.
IIn ka thlen chuan Randy ka hrilh a, ka intihfai zawh hun ah a in a ka chhoh tur thu ka sawi a,
phone ka dah nghal. Ka inbual a, pawnlam a ei tur kan nih lem loh avangin ka inchei hran lo.
Skirt khup khuh chiah chiah ka feng a, top thawl lam hret ka ha a, ka sandals lei thar ka bun a,
ka sam erawh ka thlah tawp. Hna ah sam tawn thlap a ngaih avangin hna pawnlam ah hi chuan
ka tawn peih tawh ngai lo.
Randy in ka chhoh chuan door bell ka hmet a, rangzetin min lo hawnsak a, a hmel hmuh a
nuam kher mai. Smart pant buang deuh thak a ha a, kamiz body fit var a ha bawk a, a inhmeh
kher mai. Mipa hmeltha leh pian nalh tak ani. Inchhung ah chuan kan lut a, a chungber a awm
ani bawk a, flat pumpui chu amahin a luah vek alo nia. A chhung chu a zau in a cool kher mai.
Kitchen ah chuan nuvalai lampang hian alo tifai mawlh mawlh a, min hmuh chuan min lo nuih
var var a, a intifai-tu anih ka ring.
Hall lam ah kan phei a, a zau nuam in bungrua engkim chu a felfai thlap a, a changkang em em
bawk. Aquarium lian tha zet ka hmuh chuan ka au hlut a, hnai zet ah ka va bih a, sangha mawi
tak tak leh duhawm tak tak an lo awm teuh a, ka hawisawn san thei lo. Ka bul ah chuan lo
kunhniam in a sangha ho chu an hming min hrilh diat diat a, an duhawm hlawm takzet.
‘ Aquarium ringawt i buaipui chuan terrace lam i hmu hman hauh lovang’ Randy’n a tih chuan
ka thil tih naupan chhiat zia ka hre chhuak. Aquarium ka hmuh hi chuan ka buai vek zel. Rang
zet in ka inher a, min lo nuih hawk hawk a, ka zak ve chem chem.
Inchung chhohna lam ah min kalpui a, kawngka a hawng chiah chu ka au chhuak thei lo zawk.
Green house ang chi hian a awm a, pangpar chi hrang hrang alo awm a, light en dan nen chuan
pangpar awmdan chu a inmil in awmze nei vek a rem thlap ani. Mipa chenna atan a mawi lo
zawk ani. Muangchang chuan kan pen lut a, pangpar awmna lai kan pel hret a, Lalpa leh!!!
Sava bawm hi 4 vel alo awm a, vaki nalh deuh deuh hi anlo awm a, an va duhawm tehreng em!
Hetiang hi ka inluah chung mai ah a awm tih ka hre lo chu ka in chungpa hi a vannei thlawt e.
Ni lo se chu kal ka han dil dawk dawk zel ang mawle!

‘ An va mawi em!’ ka ti sap a, sava bawm chu ka kal hual kual vel a, Randy chuan min lo nuih
var var.
‘ Engtinnge mipa ve si heng zawng zawng hi i neih theih zawk?’ mipa awmna atan inhmeh ka
tih loh em avang chuan ka ngaihtuahna chu thup lem lo chuan ka sawichhuak leh ta phawng
pek a.
‘ Haha.... Ka in hi ka nu buatsaih vek ania. Tin, sava te chu ka ngaina alawm. Pangpar hi chu
ka in enkawltu nu duhdan ang a dah ka nia’ tih pah chuan a nui var var a, a in enkawltu a en
dan ah mi ngilnei tak ani ngei ang.
‘ Anih chu. I nu chu nu remhre tak ani. Chuan , in nuam tak i nei bawk’ ka tih chuan a nui hak
hak a, a chang chuan a aw phawi leh a nuih dan hi a Indian lo ka ti tlat zel.
‘ Anih chuan inchhung kan lut tawh dawn em ni niang?’ a tih chuan sana ka en vat a, a hma
tawh lem lo.
Inchhung kan luh thlak leh hnu chuan hall-ah bawk chuan ka bur leh nghal. Randy erawh
kitchen lam ah a phei a, a rawn let leh meuh chuan Aquarium bulah ka lo awm leh vang tawh.
‘ I ril a tam tawh em?’ a rawn ti lang lang a, choka lam atang a rim rawn chhuak chuan ka
riltama rawn ko chhuak chiang khawp mai.
‘ A theih chuan ei ka pawi ti hran lo’ ka lo ti vat a, choka lam ah min let san leh nghal.
‘ Tun atang a 15mins vel ah kan ei thei ang. Ka in enkawltu nu rawngbawl hi ka duh ber ania,
pawnlam a eichhuah hi ka peih vak thin lo’ tih pah chuan ka bul ah chuan a rawn thu ve nghal
a, nutling leh patling Aquarium hma ah kan thu dun ran a, naupang chhia te pawh kan ang.
‘ Keipawh pawnlam chaw hi ka ngaina lo’ tihpah chuan ka tho hliai a, ani pawh a rawn ding ve
nghal. Sofa nalh zet inhung ah chuan ka thu a, ka opposite-ah chuan thu in a ti ti suah suah a,
mipa tawngduh ve tak ani. Mahse a tawngduh dan hi ka duhdan tak.
Chaw ei a peih thu a awmpuinu in a rawn sawi chuan choka lam ah kan phei vat a, ka kut chu
ka sil a, ani pawh chuan a rawn sil ve nghal. Chaw ei dawhkan chu eitur hlir in a khat ani
ringawt. A tui hmel em em vek lehnghal. Kan chaw ei chu vil kan ngaih loh thu leh a tul chuan
a koh tur thu a awmpuinu a hrilh chuan puar tak a ei tur a duhsakna min hlan hnu chuan min
chhuahsan zui nghal a, an inbiak dan ah chuan nufa an ang mah mah zawk. Awmpui te be
duhdah leh hnuaichhiah mi anih loh zia a hriat nghal. Tin, a awmpuinu pawn a zahder thiam
takzet bawk.
‘ I duhzawng ani meuh hlawm ang chu maw?’ tihpah chuan min rawn en a, a hmel hlim tak
hmuh hi a nuam ka ti riau. Hetiang chiah hian nizan khan Kima nen hlim takin kan awmdun kha
ania.
‘ Tehreng mai. A tui hmel hlawm lutuk’
‘ Kan inthianthatna atan cheers’ tihpah chuan a wine glass chu a chawikang a, ka lo cheers sak
a, wine chu tlem ka tem zeuh a, a tui hrep.
A hna chungchang a sawi bawrh bawrh a, Diamond leh gold dawr an neih thu te, Kerala lam ah
a nu in hmun 2 a enkawl thu leh Pune lam ami chu ama enkawl anih thu te a sawi a, a dawr
awmna lai te min hrilh a, engtikahmah ka lei ve thei ngai dawn lo tih erawh ka sawi duh bik
thak lo.
Chaw eikham chuan ka phone a rik sek avangin ka en a, Kima alo nia, Randy hnen ah
hriatthiam dil chungin kitchen lam ah ka phei pui daih.
‘ Hello’
‘ Ka rawn phone zing tawh hle mai che. Ka tibuai che em?’ thinrim aw ri a tel lem lo.
‘ Buai lo e. Engenita?’
‘ Naktuk ah Mumbai pan in ka kal dawn a, naktuk zan program ka awmpui hman dawn lo che a,
chu chu rawn hriattir che ka duh pah a’ a tih chuan ka zam kher mai. Program lian tham mahni
a han handle chu ka hreh khawp mai.
‘ Oooh.... Engtiknge ilo let ang?’ ka zamna chu ka thup hram angai. Manager ve meuh ka zam
chuan Owner tan chuan a thlaphan thlak dawn lutuk.
‘ Kar 1 vel ka cham ang. A aia rei pawh ani thei bawk. I ti thei ang tih ka ring. Sangtei te pawh
an shift ka sawi danglam sak kha. Intheihtawp in chhuah ka beisei’
‘ Aw le. Lo ngaihtuah suh’
‘ Ka lawm e. Ka be rei hman lo che. I hun ka tibuai anih chuan min hrethiam dawn nia.
Mangtha phawt’ phone chu a dah nghal a, ka chhanna hi a nghak ve ngai lo reng reng.
Ka let phei chuan Randy chuan TV alo on a, a kamiz nghawng phelh thawl in hahdam hmel zet
hian alo thu a, min hmuh chuan a thu tha vat a, sofa pakhat ah chuan ka thu ve nghal.

‘ Sorry. Boss ania, naktuk ah program a awm a, a awm hman dawn loh thu min rawn hrilh a’
thupha chawi ti tih deuh chuan ka ti nghal vat a.
‘ Pawi hleinem. Engtiknge i hnathawhna ka rawn tlawh ve theih ang?’
‘ I hman hun hun ah ani mai.’
‘ Anih chuan engtiknge ka hnathawhna hmun i rawn tlawh ve ang?’ min zawhna chu ka phu
zawk. Ka beisei loh lam daih.
‘ Ka hre lo. Sunday ah bak chawlh ka nei lova’
‘ Good. Tun sunday-ah ani mai’ alo ti vat a, ka nuih ati za zawk. Mipa rilru tluang tak anih ka
ring.
‘ Kan la ngaihtuah dawn nia. Ka chhuksan phawt ang che. Hna tlem khawih tur ka la nei a.
Chaw tui tak min kilpui avangin ka lawm’ tihpah chuan ka tho a, a rawn ding ve nghal.
‘ Ka sawmna min tihhlawhtlinsak avangin keipawh ka lawm. Chuan, i thawmhnaw kha i inhmeh
lutuk ania’ a ti zauh a, ka nui ver ver. Tunge lawm lovang? Fakna lawm lo mihring kan awm lo.
Min thlah a tum viau nangin tul ka tih lem loh avangin lift thleng min thlah a, inchhung ka luh
chuan ka in en a, ka nui nawn leh ver ver mai. Ka inthlak a, ka laptop la chhuak in hna tlem
awm chu ka ti sawk sawk a, beer ka dawm pah bawk. Ka laptop ka off a, ka mu tur chiah chu
whatsapp msg a rawn thleng a, group msg ani lo tih a tone atang chuan ka hriat avangin ka
open a.
‘ Hmeichhe duhawm leh hmeltha tak hi tui tak in mu rawh se. Good night, Sweet dream.
Inhmuh leh vat ka inbeisei’

VARGHESE - 20
ELTY LUHLUL AUG HNAMTE
Randy msg chu ka chhiar a, ka nui ver ver. Ka muhil zui nghal bawk.
Ka mumang chu ka duh lo kher mai. Kima'n nuam tih hmel tak in hmeichhia alo awmpui a, ka lo
thik viau. Tinge he mihring hian inzawmna nghet neih a duh tlat loh le?
ATER 1 YEAR
Kum 1 zet ka thawk ve ta. Kima pawh ka hmu tam lem lo. Randy erawh min duh ve deuh
nangin thian tha tak nih ka duh zawk miau avangin min nawrlui lem lo. Ab-a, ummmm, hepa hi
chu ka ngai bang thei ngai lo. New York lam ah sumdawnna dang a khawih leh avangin kum
chanve zet chu ka hmu ta lo. Kan dawr chu ka kut ah a innghat ve tak meuh a, Kima pawn min
ringtawk bawk. Mak tak maiin he kum 1 chhung hian Kima mizia ka rin thin ang kha ani vek lo
tih pawh ka hre hman. Hmeichhe mi tak anih ka rin tehreng nen hmeichhia a kawp awm hriat
ka nei lova, kei ngei pawh ngaihzawng ang in min en tawh lo tih theih ani. A chang erawh
chuan min lo melh leh vang vang thin.
‘ Hey, naktuk i chawl dawn tiraw?’ Randy aw ri chu a cool raih a, natna engemaw tak tuar a
ang.
‘ Ummm.... Min mamawhna i nei ami?’
‘ Ka in ah ilo leng duh angem?’
‘ Ka duh lo ka ti ngai ami? Dar engzat ah?’
‘ Dar 1 vel ah lunch rawn ei ta che aw.... Tu emaw hmelhriattir che ka duh ani’ mak ka ti ngei
mai. Hetiang ang hian Randy hian min be ngai miah lo. Kum 1 chhung hian anu hi vawikhatmah
alo kal ka hre lo. Randy erawh reilote cham in a haw zing viau thung.
‘ Ok.’ phone chu kan dah a, ka hna chu ka chhunzawm lehnghal. Ka room kawngka kik ri ah
chuan ka hawi chhuak vat a, kawngka biang ngheng a Kima lo ding nui var var ka hmuh chuan
ka ding vat a, lut tur in ka sawm nghal.
‘ Ilo let leh ta maw?’ tihpah chuan ka nui sang a, a thawmhnaw chu a inhmeh kher mai. A
jeans hak chu a malpui chuan a rawn tawn puar deuh a, a t-shirt hak, body fit nalh zet chuan a
awm pharh nalh tak chu a tilang chiang kher mai.
‘ I lang tha takzet e. Nimin ah ka rawn let a, thla 3 vel chu helam ah ka awm ve hmel’ tihpah
chuan ka thutna bul a chair-ah chuan a rawn thu a, a rim pa hrak mai chuan ka hnar a verh
tha ngei mai.
‘ Wow! Thu hriat nuam tak anih chu’ ka lo ti vat a, mahse amah ka va en phei chuan ka tim
sawk thei. Uluk zet a min lo melh chung in ka hnute, ka kawr do pawng alh tu chu a melh chat
a, a khi suk lehnghal.

‘ Thenkhat chuan an boss te awm ve hi an ning viau thin sia, i danglam reuh ngawt mai’ a mit
la sawn chuang miah lo chuan a ti leh nghut a, ka awm a nuam lo zo vek.
‘ Hehehe..... Boss te awm ve hian a thlamuan thlak zawk ka lo ti asin’ hmai sen tan tan chuan
ka ti let ve ngat a, a nuih zawng a a ha var rual that chu a mawi takzet ani.
‘ Ok. Naktuk lam ah chhuak tur in hunawl i nei em? Nge plan dang i nei tawh?’
‘ Sorry, naktuk chu Randy hnen ah ka lo tiam tawh a, lunch kan ei dun dawn a’
‘ Ok. Dinner tal chu ka hun ani ve thei ang chu maw?’ nui lui tih hriat zet chuan a nui a, a hmel
erawh a insangmar teuh thung. A awmzia ka hrethiam love. Kha leh chen kha min ngaihsak
tawh lova, tun atak a...
‘ Ka chiang lo. Dar 7 vel ah in be leh mai ila’ ka tih chuan a rum nghat a, nuam lo ka ti takzet.
Mahse Randy aw ri ah khan ngaihthah mai chi ni in ka hre lo.
‘ A tha alawm. Tlai lam dar 7-ah ka rawn call ang che’ tihpah chuan a tho a, engmah sawi
tawh lem lo chuan a chhuak nghal daih a, ka thaw halh ringawt.
Ka hna ban chuan Sangtei te chaw ei ah ka sawm avang in kan haw rual a, kan haw rual lutuk
tawh lem lo. Mahse kan in pawh reng tho. A chang hi chuan mahni a talhran te ka duh ve thin
a, naupang chhia lutuk an ni tawh bik lova, kum 1 teh meuh an awm ve tawh a, keiai mah in
an hrechiang tawh in ka ring. Keichu hna ban hian ka haw tlang leh daih zel. A chang in Randy
nen kan lengchhuak ve zeuh zeuh bawk.
In kan thlen chuan Puitei chu a bialpa in dine out pui ah a sawm ansat em avang in keipawn ka
dang lem lo. Hna pawn a an nundan ah hian sawi tur ka nei lo. Sangtei erawh hmeichhe lerh lo
tak leh nungchang tha tak ani. Puitei a lerh fal e ka tihna erawh ani nchuang lo a, Sangtei aiin
a tho thang a tha zawk tihna mai ani.
‘ U Elty, keiman ka lo bawl ang. Nangchu lo thu hahdam rawh’ Sangtei chuan chaw sil pah
chuan a ti siam siam a, beer ka phawrh a, kan 2 chuan kan dawm dun a, nuam kan ti ve kher
mai.
‘ Sangte, hna ah hian nuam lo tihna i nei em?’ arsa kan chawh pah chuan ka ti deuh teh tawp.
A chhan chu tun hnai ah hian a mizia hi a danglam deuh a ka hriat vang ani.
‘ Nei lo e. Invaiin min naute en a, nuam ka ti. Bakah ka chhungte pawisa ka thawn ve thei zel
bawk a, nuam ka ti lutuk’ tih pah chuan chair-ah chuan a thu a, mahse a hmel ka en in
engemaw thup nei tlat in ka hria ani.
‘ Ni e tiraw? Chhungte chawmtu i ni ve der tawh a. In lam ah te harsatna in nei em?’ a hmel
hlim lohna ruk hi ka hriatchhuah ngei a ngai ani.
‘ Ahhh..... Ihhh... Aih, nei hran lo ve. U Puitei pawh a fel lutuk’ tih pah chuan a beer chu a in
pah a, mahse a dawtsawi hmel chu ka hmu thiam ta tlat. Engtinnge ka sawi tir ang?
‘ Harsatna engemaw i neih chuan min hrilh hreh lo la aw...’ ka tih chuan a bu ngheuh a, kan
beer kan in zawh tawh avang in rei vaklo chu TV kan en leh phawt a, Sangtei chu vei nei hmel
a pu tlat a, engmaw tak ka tih a ngai ani.
‘ Sangte, zep nei lo in min hrilh rawh. Enge harsatna i neih?’ Sangtei chu ka en kal a, a hmel
chu a zam tlat bawk.
‘ U Elty, englo ania, zan ah keimah a riah chang ka nei thin a, U Puitei chu a thian te ho bul ah
a riak zeuh zeuh a, hrehawm ka ti. Ka hlau thin a’ ka thin a rim kher mai.
‘ A hma in ngatinge engmah i sawi loh?’
‘ Puitling ka ni ve tawh a, hlau ang a awm kha ka duh lo a. Bakah U Puitei tan a nuam dawn lo
va’ a kuttin chu a kheuh neuh neuh a, ka khawngaih reuh kher mai. Mahse han hau vak tur in an hna pawn lam ania, tih theih vak ka nei lo. Kima hrilh ila Puitei tan a tha ber dawn si lo.
‘ Ni khawp mai. In hna pawnlam ah hi chuan inrawlh theihna kan nei lo a, puitling tak a i awm
hram hram a ngai dawn ani. Puitei chu ka lo sawipui ve chhin dawn em ni?’ ka tih chuan a
arwn hawi phawk nasa mai.
‘ Aih. A ngai lo. Ka ti thang tawh a, ngai ah ka nei ve mai ang. Bakah riak chhuak reng ani
lova, a thian ten an lo sawm chauh in ania’ a ti vat a, a dinhmun tur chu ka hriatthiam pui. Mi
2 chiah an chengdun a, inngeih loh a duh lo tih ka hrethiam.
‘ A tha alawm. Zandang ah a riak chhuak leh dawn anih chuan ka in lam ah ilo phei zel mai
dawn nia. Chaw ei ve tawh ila...’ tihpah chuan ka tho a, rang zet in a rawn tho ve nghal a, a
zuan hi a zang tha reuh ania.
Rinai tak in chaw kan ei hnem. Chaw ei pah chuan kan ti ti a, a hmel ka en thin, kei tehlul hi
min thlamuanpui ve tih ka hmuh a ka hriat hian ka lawm takzet ani. Chutih rualin mahni a a mu
thin tur chu ka lainat em em bawk.
‘ U Elty, Sir Kima hi nei daih la’ a thleng sil pah a a tih chuan ka tui hmuam lai ka phuh teuh
kher mai.
‘ II ti awm ang lo lutuk. Min duh teuh lo mai’ ka ti vat a, min hnuchhawn zawng a a awm chu
ka vannei kher mai.
‘ Hehehe.... Ka ti mai mai anih kha’ tihpah chuan a zai chhunzawm rat rat a, engmah lah hi a
hre ve der si lova.
Puitei’n Sangtei a rawn msg a, a riah tur thu a rawn sawi chuan Sangtei chu ka in a riak tur in
ka sawm nghal a, min hnial tum viau mahse ka tihluih tlat avang chuan inthlahrung deuh chuan
a riak nge nge. Zan ah te chuan kan ti ti nasa a, ngaihzawng ala neih loh thu te min hrilh a, ka
awih thlap.
Sangtei a haw phei hnu chuan in ka tifai a, ka insuk zawh meuh chuan dar 1 alo ri tep. Ka
inbual sawk sawk a, Randy lah in min lo call chhen tawh. Ka inpeih chuan Randy in chu ka pan
nghal a, kawngka ka kik chuan Randy chuan min lo hawnsak a, inchhung kan luh chuan nu valai
tak, Randy nen in ang deuh mai hi alo awm a, min hmuh veleh chuan a lo ding vat a, Randy nu
anih thu Randy chuan a sawi a, min inhmelhriat tir a, Mizo a ang kher mai.
‘ Ka fapa ilo kawm hlim thin avangin ka alwm e’ Mizo tawng ngei mai a min lo biak chuan mak
ka ti nasa mai. Randy lah alo nui snag bawk.
‘ Engtinnge? Enge awmzia?’ bah nuaih chuan ka ti a, Mrs. Varghese ( Randy nu) chu a nuih alo
za khawp mai lehnghal.
‘ I Mizo pui ve tho ka ni alawm. Ka fapa in a hrilh loh che avangin ngaihdam ka dil e’

VARGHESE - 21
ELTY LUHLUL AUG HNAMTE
' Aaaaa, nia, engmah a sawi lo' ka ti ban chap a, min thawng lutuk nge ni, ka tawngkam pawh
a bul ang reng viau.
‘ Sorry. Thu phawt teh’ Mizo tawng pai miah lo chuan Randy chuan alo ti zui a, ka thluak a
buai vek dawn in ka hria.
Sofa-ah chuan ka thu a, Randy leh anu an thu dun a, en mai pawn nufa an ni tih a hriat takzet.
Ka hmuhtirh a Indian hmel pu lo ka lo tih rukna kha alo dik chiah anih hi. Lunch ei zawh lam ah
engemaw sawi pui min duh thu Randy nu chuan a sawi a, keipawn ka hnial hran lo. Lunch tui
tak kan ei zawh hnu chuan Randy chu dawr lam ah hna pawimawh, Pune Minister fanu in pasal
a neih dawn avangin an dawr bungrua en an duh avangin min kalsan a, an nufa inbiak dan chu
a hmuhnawm takzet. Tlangval puitling tawh in anu a zahder thiam dan ah Randy nu hi nu
namai lo tak anih ka ring.
‘ Aw le, Elty, inchung lam a ti ti nge i duh helam ah hian?’ tihpah chuan Randy nu chuan a hma
a glass-a tui inchhawp chu a in zauh a, keichuan sitting room-a thu chung a sawi mai ka thlang.
Darkar 2 dawn an nufa chanchin min hrilh hnu chuan a sawi zo thei ta hram a, a chang leh kan
tap a, a chang leh kan nui a. Story ngaihnawm tak ani in ka hria. Chutihrual in ka tawn atan
erawh zawng ka duhloh ber te zing ami anih ka ring. Randy nu tawn ang hi tawng ve ta ila ka
paltlang zo angem? Ka ngaisang takzet ani.
‘ A tawp ber atan thil pakhat ngen che ka duh. Ka fapa hian a hmangaih che a, i hriat hauh loh
in a nghak che a, amah i ngaihdan ani hriat ka duh’ a thusawi chuan min thawng takzet ani.
Vawikhatmah Randy hian ka hnen ah ala sawi ngai lo. Thian ang bak in min kawm ka hre lo.
‘ Englo... Ihhh, Mrs.....’
‘ Nu Hmuni’ a Mizo hming chu a rawn sawi zauh a, hmel dam tak in min la melh zui. Enge ka
sawi dawn ka hrethiam lo.
‘ OOhhh.... Nu Hmun, Randy chuan hetiang lam hi ka hnen ah ala sawi miah lo’
‘ Nia. Ka fapa hi chu ka hrechiang ani. A sawi lovang. Mipa dang ngaihsak i neih a rin thu
thleng in min hrilh a’
‘ Maw?!!!!’ ka ti tuarh a, mahse ka harhchhuak lehnghal. Mizo tawng a thiam chuan kan
chhuahdun lai a Kima min lo biakna te, ka in a alo len tum a Kima nen kan inbiakna te a hre
tak.
‘ Ka nawrlui che ani lova, mahse ka fapa i en dan hriat ka duh mai ania’ ka kut a rawn vawn
pah chuan a ti sap a, sawi ber tur pawh ka hre lo.
‘ Ni e. Thian ang bakin ka lo en miah lova. Chuan, mipa ka ngaihven ni a a sawi chu ka
hrethiam tho e. Mahse a ngaih ang lo tak in khapa nen pawh khan kan inkawp chuang lo’
thawhalh chuan tukverh lam chu ka en a, tinge ka inpuan kher?
‘ I vawiin hun ka tikhawlo zo vek mai. I hnathawhna ah engtiknge kan lo kal ve theih ang?’ nu
fing tak anih zia a lang.

‘ Oooh.... Induh hun hun ah ani mai. Engtik thleng nge i cham dawn?’
‘ Ni 3 vel bak ka cham hman lovang. Zinchhuah hi ka harsat tawh riau a’
Ka in ah chuan keimah chiah in ka awm a, Randy te nufa tawrhna mawlh chuan min tibuai ani.
Randy pa hi hmu ila, na tak a ankhum hial ani ka chak ni. Amah Nu Hmuni ngeiin a min hrilhna
ka share ve ang che u.
‘Mipa ve si, mahni tihsual ah pawh mawhphurhna la ngam lo. Ka haw thin asin. Delhi a
lehkhazir lai a intawng kan nia, chutihlai chuan Randy pa diktak erawh chu hnathawk a awm
ani. Hmeichhe hmelchhe lo tak ka ni. Khatihlai khan hostel-a awm ka peih loh avangin Mizo
awm ve dang te nen in kan luah ho a, kan in luahna piah lawk chu a hnathawhna ani. Mizo
theuh theuh chu inhmuh nikhua ah kan inbe ve fo a, kan innel tak tak hnu phei chuan phone
number te in pe in kan inbe zauh zauh a, mipa zei tak leh fing tak ani.
Thla 4 vel kan inbiak hnu chuan min duh thu a sawi chhuak ta nge nge. He thil a sawi hun hi ka
nghak char char thin. A chhan chu ka hmuh tirh atang tha ka ti ngawih ngawih. Mahse ka
awmna te ala rei loh bak ah ngaihzawng ka la neih tam loh avang in ka tilang ngam lo mai
zawk ani. A tawi zawng in, min duh thu a sawi zan atang chuan kan inngaizawng ta a, khatih
hun lai a ka hlim thin zia kha.
College chawlh ah Mizoram lam ah kan haw dun a, ani pawn chawlh alo la lawk thlap ani.
Keichuan pianpui unau mipa pakhat chiah ka nei. Chupawh rualbanlo ang chi hi ania.
Chhungkaw hausa tak kan ni hran lo. Mahse rethei ngawih ngawih erawh kan ni chuang lo. Kan
chawlh hman lai pawn a rawn leng a, kan hlim dun thei em em ani. Min care thiam si, ka
chhungte thleng in a tilawm hneh em em a, khawvel ah amah aia tha ka hmuh kha ka ring ngai
lo hrim hrim.
Thla 1 kan chawlh hnu chuan ani chu hna zawm a ngaih avangin min letsan a, kei erawh
chawlh kan neih rei deuh avangin ka la cham. Ka chawlh a zawh chuan keipawh phur tak in
Delhi pan in ka chhuak a, Airport-ah min lo hmuak a, haw kawng ah chuan ka inluah pui ten an
zirna hmun sawn an duh avangin in an chhuahsan thut thei tih min hrilh chuan ka down rawih.
Keimah mai chuan inluah amn ka pe thei dawn lo. Hostel ka luh ngei a ngai dawn. Mahse down
ang erawh chuan ka awm hran lo.
Kar 2 vel hnu chuan ka inluah pui te chu kan awmna lo lam veng ah an awm dawn avangin min
chhuahsan a, thla tawp nan kar 1 chiah a awm tawh. Peih lo viau mahila hostel lam a awm chu
ka tum ta a. Mahse U Mapuia ( Randy pa) chuan a inluah tawm mai tur in min sawm ta ngat
ngat a, keilahin hostel awm ka lo peih lo bawk nen, ni 3 vel min sawm hnu chuan ka remti ta
nge nge.
A in luah a ka insawnluh zan te chuan kan hlim dan chu engmah hian thleng ka phal ka ring lo.
Mahse ka vanduaina tur kawng ka zawh tih reng ka hre lo. Chutia mipa leh hmeichhia,
induhtawn tak cheng dun ta reng chu kan dai sual ta pheng phung mai a, mahse pawi tihna ka
nei hran lo. A chhan chu ka hmangaih a, min hmangaih ve bawk in ka hria. Nitin college ka kal
a, ani pawh hna a kal a, a chang chuan nupa kan ang hi ka ti thin. Min duat em em a, ei leh in

ah ngat phei chuan min duat mah mah deuh thin.
Kan college-ah hian thian ka nei nual a, chung zing ami chu ka pasal boral ta kha ani. U Mapuia
nen pawh an inkawmngeih em em a, kan chhuak ho fo ani. Christian ve tho anih avangin
Sunday te hian Biakin hrang hrang ah kan inkhawm ho a, mipa fel tak ani. Hetiang hian ka
pasal ani ang tih rinngaihna reng reng ka hre lo.
Kan inngaihzawn anniversary kan lawm na tur in ni 2 chiah in min dang tawh. Mahse ka khua a
sik reng a, engmah ka ei thei lo. U Mapuia lah hna a chawl thei si lo. Nileng in ka mu a, ka luak
deuh reng bawk. U Mapuia hna bang lo haw pawh in ka lo la thokang peih si lova, damdawiin
lam ah min hruai vat a. Mahse kan rin loh lam daih result kan hre ta. Nau ka lo pai reng alo
nia. Khatihlai a ka hlim zia kha.
U Mapuia chu a inngaihtuah nasa tih ka hria. Kan haw kawng ah te chuan thinrim hmel ni si
lovin a nui tlem em em a, mahse ka hlauthawng miah lo. Min neih loh ka ring lo hrim hrim.
Mahse ka rin loh dan tak in in kan thlen chuan min tawngkhum ta tlat. Nupui nei thei ala nih
loh zia leh naute chu titla rih tur in min ti ta tlat. Ka rilru natzia kha ka la theihnghilh thei lo.
Tawng ngaihna pawh ka hre lo. Mut a hun pawh in kan mu dun lova, ani chu sitting room lam
ah a mu daih.
Zankhua in ka tap a, mahse min hnem tumna a nei miah lo. A muhil bik lo tih erawh a thawm
neih dan atang ka hria. Khua var se a rilru a thlak mai thei asin tih in ka inhme a, mahse a
teuh lo lutuk. Hna pawh a kal lo a, nileng mai chuan kan inhau ani ringawt. Keiin ka fa chu
thah ka tum bik si lo. Ani in min tihtlak tir ngei ngei a tum thung si. A vawikhatna atan min
beng a, mahse ka rilru erawh ka sawhsawn chuang lo. Ka chhungten an hriat hun ah engtintak
ngai ang maw? Ka huphurh em em, mahse tualthah erawh ka tum chuang lo.
Zankhua in ka inngaihtuah a, ka tap nasa bawk. U Mapuia erawh tlai a a chhuak kha ala rawn
haw leh lova, ngaihsak tumna pawh ka nei lo. Naktuk khi kan anniversary ania, mahse
hlimtakin kan hmang dawn ta lo anih hmel. Chu zawng ai chuan ka nu leh pa rilru na lutuk tur
ka ngaihtuah a, ka bing mup mup thei in ka hria.
U Mapuia alo haw chuan vawikhatmah a tawng lova, a inthlak a, hna kal tur in min kalsan
lehnghal. Ka rilru natzia chu tumah hian min hriatthiampui phak in ka ring lo. Varghese hi ka
phone ta ngawt a, ka tah nasat em avang chuan engmah pawh ka sawi thei lo. Ka phone atang
a 20mins hnu vel ah a rawn kal a, ka hmu chu ka tap hlawp hlawp. KA nu pawh lo kal se
khatiang ang a nasa kha chuan ka tah ka ring lo.
Thil awmzia ka sawi chu ngun tak in a ngaithla a, a insehruh nasat dan ah min thinrim pui hle
tih ka hre thei. U Mapuia pawh biak a tum thu a sawi a, mahse engmah a sawt a ka rin loh
avangin be lo tur in ka ti thung. U Mapuia hna lo ban hma daih in min haw san a, engpawh
ahrsatna ka nei anih chuan amah be nghal tur in min chah a, thian nih a tlin takzet ani.
U Mapuia hna bang lo haw chu a rawn thinrim lut nghal a, Varghese in alo bia tih a sawidan
atang ka hrethiam. A fa ka pai chu a fa anih pawh a rin loh thu te, Varghese nen min ringhlel
vel anih chu. Ka thinrim lutuk chu khua ka hmu tawh lo. Ka bul a awm hnai ber lehkhabu chuan
ka vawm a, tawng pawh ka tawng thei lo. Min rawn pan nghal a, mahse ka bul alo thlen hma in
nikhaw hrelo in ka awmzui nghal.
Ka harh leh chuan damdawiin ah ka lo awm a, ka bul ah Varghese alo thu a, a tawngtai tih ka
hria. U Mapuia hmel reng reng ka hmu lo. Ka chet tak ah chuan Varghese chu a rawn meng vat
a, min duat in min ngaihsak takzet ani. U Mapuia chanchin zawh ka tum zuau a, mahse
engemaw ka hriat ni, ka zawt thei tlat lo.
Ni 5 zet damdawiin ah ka awm a, ka chhungte erawh ka hrilh hreh lutuk. Mahse ka hrilh ngei
an ngaih avang leh pawisa ka neih loh avangin ka han bia a, damdawiin ka awm thu leh ka
ngaihtuahawm loh thu te ka sawi a, ka awm chhan erawh dawt ka la sawi hram. Ka damdawiin
awm chhungin vawikhatmah U Mapuia a rawn lang lova, Varghese erawh nitin lo kal in min
duat em em thung.
Damdawiin atang ka chhuah ni chuan ka rilru a buai kher mai. U Mapuia in a haw ka hreh bawk
si. Mahse kalna tur dang ka hre mai bawk si lo. Hostel-ah lut dawn ila seat chan a har bawk si.
Ka thutlukna dikloh vang vek ani. Mahse inchhir a sawt tawh si lo. Mahse Varghese a rawn kal
a, ka dinhmun hrethiam tak in an in lam ah min hruai haw a, a chhungte pawh engkim alo hrilh
lawk thlap a, ka rai thu erawh a sawi lo. Inthlahrung viau mahila tun dinhmun ah chuan thlan
tur dang ka nei lo.
Varghese te in a ni 3 ka awm hnu chuan ngemaw tak ka tih a ngai tih ka hria. Ka nu leh pa ka
biak ngei a ngai. Varghese pawn min nawr nasa khawp mai. Mahse ka huphurh em ani. Ka pa in
a hriat chuan min haw dawn lutuk. Mahse ka biak ngei a ngai. Class ka kal lo rei tawh bawk si.
Ka a vek in ka hria.
Ka nu leh pa ka chanchin ka han hrilh chuan an thinrim bawk si, ka pa phei chuan min ngaihsak
leh tawh ngai loh tur thu a sawi hial a, mahse ka haw lo. Ka phu tawk chiah ani. Ka nu erawh
a tap nasa hle.
A tawi zawngin sawi ila, Varghese chuan nupui atan min neih a duh thu a sawi mauh mai. Ka
hnial nasa em em a, mahse a chhungte zawng zawng pawn ka chanchin an hria a, min pawm
thlap mai bawk si. Ka chhungte han biak ka tum lahin tumah in min be duh tawh lo. An
demawm loh. Lehkha zir tur in nei lo chung chung in vairam ah min dah ve a, keilah ka rai ta
mai sia, an dam lo ani.
Varghese chhungte pawn min iai loh tak ah chuan duhthlan tur dang vak ka nei lo. Ka chhungte
hriatpuina tello in pasal ka nei ta. Mak min ti em? Mahse ka dinhmun kha a chep em asin. U
Mapuia lah in min be duh hek lo. Ka tan chuan anni chhungkua bak kha neih ka nei lo. U Mapuia
in a ka bungrua awm ho pawh Varghese in ava la vek a, kei erawh ka kal ve duh ta lo.
Tichuan nupa kan lo ni ta reng a, mahse ka inchhir ngai lo. Ka fapa pian ni te khan maw,
keiaiin an chhungkua kha an lawm zawk asin. Apa diktak in a duh miau loh avangin a hnam
hming ah Varghese hi a chhawm ta a, mipa naupang vannei tak ani. Apa (tunah chuan apa tih

hian Varghese sawina ani tawh ang) lah in a fa ani lo tih hriat miah loh in a enkawl a, kum
naupang te a innei mah ni ila ka mo na chhungkua an fel a, mi puitling tak ah min chhuah ta
reng ani.
Tichuan Randy pa nen chuan sumdawnna bul kan tan a, ani erawh a zirna a chhunzawm pah
reng thung. Ka pasal pa in bultan nan ti in sum tam tham tak min hman tir a, chub chuan
tlereuh dawr atang bul kan tan a, kan thawk nasa in kan inlungrual bawk a, kum 5 hnu ah
chuan dawr lian tak kan nei ve thei ta ani.
Randy hi a nihna diktak hrilh kan duh loh vek avangin kan sawi ri ngai lova, a hringtu pa lah in
a arwn ngaihsak zui miah lo bawk. Mahse kan tumloh lam atang thil a rawn thleng. Ka nu leh
pa an rawn lang ve ta tlat. Chutah chuan engmah zep theih ni tawh hek lo. Randy chuan a
nihna a inhrechhuak a, kum 2 lai mai min be duh lova, apa ngei pawh a be duh chuang lo.
Inchhung ah mihrang ang in a awm a, khatihlai khan ka tawngtai nasa thin. Mahse hmangaihna
chuan engkim a hneh thei an tih ang deuh in apa hmangaihna nasat zia a hrechhuak a, ka
chhungkua chu ka nei let leh ta ani. Tunah chuan fapa chhuanawm tak ka nei ve ta a, U
Mapuia erawh a chanchin hriatzui tumna ka nei lo.
Mi tam takin min dem a, hnamdang pasal nei, hnamdang fa pai tih in min dem rawn thin.
Mahse ka dinhmun diktak an hriat loh vang zawk ani. Ka dem hran lo, mahse thil hrechiang lova
min ngaihdan an siam kha pawi ka ti. Ka fapa hi Mizo diktak ani. Ka pai lai zawng khan
vawikhatmah apa nen hian nupa nun kan hmang chhin lo. Ka mualpho na tur leh ka hmalam
hun chhe vek tur a ngaihngam loh vang a min nei ani. Tin, min hmangaih bawk’
Heng zawng zawng hi Nu Hmuni thusawi, a nun kawng harsat zia a sawina ani. Ka ngaihtuah let
a, hmeichhe ropui tak ani in ka hria. A tawrh ang hi tuar ve ta ila ka dingchhuak leh zo angem?
Mizo ten hnamdang nei kan sel dan hmuh a hriat phei chuan a tawrh hi a sawi phak bak aiin a
na ang tih ka ring.
Tunah chuan thutlukna ka siam ta.

by Ngaia
VARGHESE - 22

Ka phone ri-ah chuan ka harh zawk a, Randy te nufa ka lo ngaihtuah tui deuh ani mahna, ka lo
muthlu hmanhmawh bawk a. Ka nu nen chuan kan inbia a, rei deuh kan inbiak hnu chuan kan
dah thei hram. Ka nu biak hi chu kan tawp mai thei thin lo. Sana ka en a, dar 7 alo ri tep
tawh. Kima chuan a sawi ang ngeiin dar 7 ah chuan min rawn phone a, keipawhin min sawmna
chu ka hnial lem lo.
Dinner kan ei chhuah atang chuan Kima zia chu a danglam in min ngaihsak em em a, a hma a a
mizia, khirh tak kha a awm tawh lo. A nelawm in min duat em em a, mahse uchuak tak erawh
ani lo. Zing ah kan kal rual a, tlai ah erawh kan haw rual lo thung. Mahse tlai tin ka in ah a
rawn kawi a, engemaw tak min lo hawn ngei ngei bawk. A awmdan chuan min barakhaih hle.
Ka thutlukna siam pawh ka la sawichhuak miah lo.
‘ Zanin chu movie en i peih em?’ Kima chuan ka room-a rawn luh pah chuan a ti lang lang a,
tunlai a awmdan hian min tibuai fo ani.
‘ Movie chhuak thar a awm dawn ami?’ ka lo ti vat a. Movie en hi chu ka peih ve chiang alawm.
Nashik-ah khan ka hrat ve viau thin. Mahse hetah erawh ka la en miah lo. En pui tur ka neih
loh mai bak ah chhuah hi ka peih ta lutuk lo bawk a ni.
‘ Hmanni lawk a an released ania, RUSTOM ania, Hindi movie. Akshay Kumar channa ania, i
peih chuan kan en dawn nia. I ngainat chi anih ka ring’ tih pah chuan ka bul ah chuan a rawn
thu a, a hahdam hmel tak zet.
‘ Ohhh.... Ka peih ka ring. Bollywood actor-ah chuan ka duh ber pawl. Tin, ka Putea nen an in
ang ka tia, Akshay hi, he he he’ ka tih chuan a nui hak hak a, ka thusawi chu a naupang chhia
viau tih ka hria. Mahse in ang ka ti miau alawm.
‘ Anih chuan online-in ticket kan book ange. Dar 8 show en ila, a zawh ah chaw kan ei chhuak
nghal anga’ tih pah chuan a phone chu a hmet nghal a, ka thutlukna min theihnghilh tir tep
thin. Sawi ta ila engtin tak min ngai ang maw?
‘ Chaw chu ka in ah kan ei dawn ami? Arsa lei sa ka nei a, kan bawl chawp anga, a hmin har
chuang hleinem’ ka lo ti vat. Nia, pawn lam a ei hi ka peih lo. Mahni rawngbawl ngei hi ei ila,
ei a tui ka ti zawk.
‘ A pawi hleinem. Ban ah min lo nghak dawn nia. Chhuah lawkna tur ka nei’ thawh pah chuan a
ti chhunzawm nghal a, ka bu nghauh.
Kan movie en chu a hmuhnawm rual in changtu nu ber a tahbelh mah mah. Akshay erawh in a
hnehsawh lehpek viau. True story tih tak ah story field-a zau viau lo nangin zirtur erawh a
awm tha phian. Movie ka en apiang a ka tihdan ziah, a tha lai leh entawn tlak lai tur hi ka lo
hre hman ziah. Chutiang bawk in story ka chhiar reng reng pawn a ni tho.
Movie kan en atang kar 1 lai a liam leh tawh. Kima lah a ze ngai reng, min ngaihsakna ala reh
lo. Tin, kan inkar siamthat a duh tih pawh a chezia in a tilang zauh zauh tawh bawk. Mahse thutlukna ka siam tawh a, Randy birthday-ah a bialnu ka nih tur thu hrilh ka tum ani. A chhan
chu a rilru hliam hi tlem te tal a chhawk ka duh ani. Tunah erawh a zin avang in kan inhmu
thei lo. Phone call erawh chuan kan inbe zeuh zeuh. Ka rilru a mak lo ti suh u. Ka duh ber chu
Kima ani chiang alawm. Mahse inzawmna nghet duh lo tu tan a nung tur chuan ka hlu mah mah
ve tho asin. Hmeichhia chuan min hmangaihtu hi kan tan an hlu ber ka ti ve tlat tawh ani.
Randy hian min hmangaih tih ka hria. Chu chu ka tan a tawk viau ani. Keipawn ka ngaina, ka la
hmangaih ve em em ang.
‘ Zan in chu chaw lo ei ta che, thil hrilh che ka duh a’ Kima msg ani. A sawi tum awm ang chu
ka hret thiam in ka hria. Mahse ka hnial duh lem lo. Ka rilru dik tak ka sawi mai dawn ani.
Inzawmna nghet neih ka duh ngawih ngaiwh lai a min chhanna kha ka la hre ve reng ani.
Hna ban ah chuan Kima nen kan haw rual a, chawhmeh kan lei kawi a, a ei siam sak tu a
chawlh thu a sawi a, nidang aiin a nelawm loh. Vei nei hmel a pu, mahse a awm tho e. A
awmdan ah hian kei hi min thlem leh a tum tih ka chiang. A thlemna a lut lo tur in ka chak
tawk tih pawh ka hria.
Rawng kan bawl dun a, chaw ei kan peih chuan ala hma viau. Pawn ah chuan kan thu dun a,
helai hmun ah ngei hian a bumna thang ah ka awk tep tawh kha ania, mahse Ab-a vang liau
liau in ka talchhuak thei kha ania. Chair-ah kan thu ve ve a, beer emaw, eng in chi mah a
phawrh lo. Tin, keipawn in ka chak lem lo. Ka nui vel hawr hawr nangin kan boruak chu a ipik
ru churh mai.
‘ Elty, Randy hi khawnge a zin?’ a rawn tih chuan mak ka ti angreng viau. Randy chungchang hi
a sawi ngai meuh lo.
‘ Jaipur lam ah ani awm e. Ngati teh thut nge?’ en deuh ha chuan ka zawt let a, a hmel chu a
thu tak em em bawk si.
‘ A sumdawnna thil ah ami?’ ka zawhna chu a chhang lem hlei lo.
‘ Aniang. Ngatinge min zawh thut a?’ ka ti nawn leh kher. A chhan chu Kima hian mi chanchin a
sawi ngai ka hre lo tlat ani.
‘ Ngati lo e. I pa nen in inbe ngai em?’ a ti leh daih a, a awmdan hian tunlai chu min barakhaih
deuh reng mai.
‘ Be vak lo. Ka nu nen erawh kan inbe tam. Ka pa chu ka hman ve meuh chuan a mu hman ziah
a. Ngatinge?’ ka ti leh hram a.
‘ Ka zawt ve mai mai che. I ril a tam tawh em?’ a ti leh daih a, a awmdan hi a mak ka ti
thlawt.

‘ Tam lo e. I ril a tam ami? A tam chuan ei ila, keipawh haw phei hma ka duh’ ka tih chuan a lu
a thing a, hmalam chu a melh reng a, a cool takzet ani.
‘ A la tam lo. Hmanhmawh suh. Ka thlah dawn che alawm. Naktuk i chawlh ani bawk a’ tih pah
chuan min rawn en a, min khawngaih hmel a pu tlat a ka hriat avangin ka ngaih a tha thei tlat
lo.
‘ I awmdan hi a mak. a hrim hrim ah enge min sawipui duh chu? Vawiin khan i sawi sia’ ka ti ta
ringawt. Sawi mai tur pawh ka hre lo, a awmdan hian min tibuai zo. Kan inkar siamtha tur in
min sawipui tur ah ka ngai a, mahse chutiang lam engmah a sawi bawk si lo.
‘ Ni tak e. Chaw ei phawt ila, kan sawi zawk dawn nia. Chaw ei i siam thei, mipa chu thut mai
mai tur’ nui var var chuan a ti vat a, rilru bet vak lo chung chuan ka nui ve tho a, chaw ei siam
tur chuan ka tho nghal.
Chaw ei lai chuan chawlh ka lak duh leh duh loh te min zawt a, mahse Sangtei leh Puitei ten la
phawt se, an ni lak zawh lam ah ka la ve ang tih ka sawi chuan min hnial hran lo. Ab nen pawh
an inbiak zauh zauh thu te, kan inbiak leh biak loh te min zawt ve luam a, tha tak in ka chhang
ve zel. Mahse a thusawi tur chuan ka rilru a kap ber thung.
Chaw eikham chuan sitting room-ah kan thu dun a, thingpui sen hang kan dawm dun a, chaw ei
lai a a mizia kha a bo leh hmak tawh. A thutak em em a, kei erawh a thusawi tur hre chakin ka
rilru a phili vek thung. Mahse ka tilang hran lo.
‘ Ka nupui i ni duh angem?’ ka thingpui in lai chu ka phuh teuh kher mai. A hmel ka va en vat a,
a fiamthu in a lang si lo.
‘ Infiamna hun ni in ka hre lo’ ka ti hmak a, ka lungawi lo viau bawk. Inngaihzawnna kan nei lo,
nupui pasal hi fiamthu na chi ah ka ngai lo.
‘ Ka fiamthu lo. Fiamthu sawi hmel pu in min hmu em?’ mahni inringtawk zet chuan min melh
a, keimah zawk chu ka zam lek lek. Ni lo, Randy neih ka tum. Kima ni lovin.
‘ Anih chuan i mi sawmna chu ka hnawl ni mai rawh se’ ka chhungril khur der der chu thup ka
tum viau nag in a tawp lam erawh ka aw a lawi lek lek.
‘ A chhan ka hre thei angem?’ ka thusawi chuan a thawng lem lo tih a aw ki danglam hauh lo
ah chuan a hriat theih.
‘ A chhan chu kei aiin i hre chiang tur ah ka ngai’ ka ti leh leh hmak a, ka induhtawkna hi a
hun ah tak a lang thin hi chu ka vanneihna ani hial in ka hria.

‘ Ka hre hauh lo. Kan tunhma ngaihdan vang kha anih chuan mihring chu a danglam thei. Nge
mipa dang awm an lo awm reng tawh zawk?’ min melh eih lo, mahse mipa dang a sawi lai a a
ner sak tak ah chuan ka lawm ru viau thung.
‘ Mipa dang lo awm tawh tur in nang leh kei hian inzawmna dik tak kan nei ngai lo’
‘ Chuti maw? Aizawl atang khan han chhut let la, a tawp kan thlen teuh viau thin lai khan kan
inzawmna chu alo nghet miah lo tihna maw?’ a nui sak a, mahse hlim vang a nui ani lo tih a
mitmeng chuan a hril chiang hle thung.
‘ Khangkha inzawmna nghet ah ilo chhiar anih chuan a hma khan min lo hrilh daih tawh tur che
ania. Inzawmna nghet neih duh lo tu kha i ni a maw ka tia’ ka tawngkam hman chuan a ti
thinur viau tih a bek pawng talh talh chuan a tilang chiang hle.
‘ I hmui ka fawh a, duhthawh tak a min fawh let hlawih hlawih lai te, i hnute hmur nalh zet ka
fawh lai a nuam ti tak a ilo rum ri te, i taksa ka fawh kual lai a i hmeichhiatna hnawng chap te
kha thian leh thian inkar a thil thleng mai mai ah i chhiar anih chuan i thu thu le’ mitmeng
thim raih a min rawn en pah chuan a ti nghat a, a thusawi chuan min ti khur thei hial ani.
Chutih rualin a mitmeng thim raih a ka taksa a melh kual dan dan lai chuan ka sa hat hat thei.
Min en dan chu saruak a awm ang mai ni in ka in hria.
‘ Kha.... kha chu..... ihhh, hmeichhia leh mipa inkar a thil thleng palh thei vek ani’ ka thusawi
chu keimah ngei pawn a dik vek lo tih ka hrechiang. Khami ni, an in a chaw ka ei ni a kan
awmdan kha tun thleng hian ka la feel vang vang thei tlat ani.
‘ Anih chu. Chutiang ang chuan ka lo ngai ve tawh dawn nia’ hawisawn hmak pah chuan a ti
nghat a, a kut chu a hum ruh nasa hle thung.
‘ Ka haw tawh ange. Auto ka la mai ang’ tih pah chuan ka tho nghal a, a che sawn eih lo. Ka
bag ka la a, kawngka lam ka pan nghal. Ala chesawn chuang lo. Mahse pawi ka ti lo. Tun
dinhmun ah chuan a bul a awm loh ka duh zawk. Kan nunhlui min hriatchhuah tir leh chuan min
tibuai tlat ani. A hmui fawh nuam tak leh a kut, a awmna tur hre zet te chuan min ti chaklo
palh ang tih ka hrechiang. Randy ngaihtuah ngial ka tum pawn ka hlawhtling lo. Gate ka thlen
chuan gate vengtu alo awm lo a, gate lah a inkalh tlat bawk si. Lawn liam ngaihna awm miah
lo ani bawk. Thinrim deuh chuan gate chu ka chhir a...
‘ Ka thlah ang che ka ti ani lawm ni?’ ka hnunglam chu ka hawi a, Kima chu hmel rum zet in alo
ding a, tun dinhmun ah chuan hnial ka chak lo.
‘ Ka haw tur thu ka sawi lai khan khawnge i beng a awm?’ ka ti ve ngat. Mahni inthiam zet
chuan ka hawi vah a, mahse ka hawi vah rei lo khawp mai. Ka ban ah chuan na tawkin a rawn
phih lawp a, ka inring hman si lo a, a in lam ah chuan min kai phei dawr dawr a, a chetdan teh
thut chuan min ti hamhaih em avangin tan lo tum na em em pawh ka nei lo. Inchhung ah chuan
min phih lut ani ber mai. Sitting room a sofa-ah chuan min thut tir hnawk a, rum zet in ka lo
melh nghal.
‘ Hmeichhe kawlh lutuk hi ka ngaina lo ania’ ka piah a sofa-ah chuan a thu veleh nghal a, kei
erawh ka thinrim lutuk avang chuan tawng pawh ka tawng hlei thei lo.
‘ Min ngainat loh chuan engvang a min hruai let leh nge i nih? Chupawh tharum nen’ thinrim leh
uar zet chuan ka lo ti let nghal a, mahse min chhang hauh lo. Ngawireng chuan a hmalam a en
a, a inngaihtuah muk hmel em em lehnghal. Ka thin in a tuar leh ta lo.
‘ Enteh, i gate khi hawng la , ka haw duh. Tin, nang hian vawikhat mah min tibuai leh tawh
suh’ khur dar dar chung chuan ka ding a, hlauh vang a khur ni lovin thinrim vang zawk in.
‘ Ka sawi nawn leh ang, MIN NEI RAWH’ ka hma ah chuan a arwn ding a, tun tum chu a
mitmeng ah inrintawklohna ka hmu ve tlat.
‘ Vawi za tam pawh sawi nawn la ka nei lovang che. Nang neih che hi ka plan ani ngai lo’ uar
zet chuan ka ti let ve salh. A duh hun hun a inlaichinna neih pui tur a a tan a piang ka ni tlat
lo. Tin, min zah lo ka ti hle bawk.
‘ Tun ah chuan i plan ah ka tel ve a ngai tawh anih chu. I pa ka bia anga, nang hi ka nupui i ni
ngei ngei ang’ tih pah chuan a inher vut a, min hnuchhawn zawngin a ding a, kei erawh ka
thinrim lutuk ringawt.
‘ Ka pa chuan chutiang chuan alo ti hauh lovang. Ka duhthlan ngei mipa ani ka neih dawn.
Nang ni lovin, Randy ani ka neih dawn’ Lalpa! Ka tum ani hauh lo. Randy pawn a hriat hma
hauh in Kima bul ah ka sawi ri palh.
‘ Engmaw?’ rawn inher nghal vat in a au tuarh a, a mitmeng chu mak tihna in a khat bawk.
‘ Nang ni lovin, Randy ani neih ka tum. Min hmangaih a, keipawn ka ngaina’ ka sawi atwh ta sa
sa, ka thu ka zuk leh hni hne lovang.
‘ I chiang em?’ a hmel ah chuan thinrimna a lang tawh lo. Mak tihna in a khat zawk ani. Chu
chu keiin mak ka lo ti mah zawk thung.
‘ Amah chu ka la hrilh lo, mahse min hmangaih tih erawh ka hria’ ka ti sap a, Randy hnen ah
aia Kima hnen a ka sawi hmasa chu ka inthiam lo kher mai. Randy birthday a hnai tawh asin
le.....
‘ I unaupa chu pasal ah i nei thei lovang’
P
VARGHESE - 23 (LAST)


Kima thusawi chu a awmzia ka man lo kher mai. A hmel ka en a, a thutak ngang mai bawk si.
‘ Tu maw ka unaupa chu?’ mak ti zet chuan ka en ha a.
‘ Randy hi i pa fapa ani. I unaupa ani. Hei hi i nu leh pa thuruk ani’ tih pah chuan min melh a,
ka awih thei lo.
‘ Dawt sawi suh. Ka nu leh pa chuan engmah inchhung ah an zep ngai lo’ ka ti nghek a, hepa
rilru chhiat zia hi a mak ka ti takzet ani.
‘ Elty, awih lo mah la thudik ani. I nu leh i pa i zawt thei ang. I unaupa chu pasal ah i neih an
phal ka ring lo’ min hmusit hmel a pu lova, min khawngaih hmel pawh a pu chuang lo.
‘ Dawt i sawi ani’ ka awih thei chuang lo. Randy pa chu Mizo ani tih ka hria, mahse ka pa ani
thei lo hrim hrim.
‘ Enteh, ka lo sawi tur chu a awm hauh lo nangin i nu leh i pa zawt mai rawh. Hetiang a dawt
sawi chi ka ni lo. Randy ngei pawh zawt la, thudik ani tih a hrilh che ka ring’ a ti dam dap a,
sawi tur reng reng ka hre lo. Randy nu khan a fapa pa chu Aizawl-ah nupui fanau neiin a
khawsa tih chu a sawi ngei, mahse a hming reng reng a sawi lo. An awmna veng pawh a sawi
chuang lo. Ka pa hi a tlangval laiin vairam ah a awm thin tih chu ka hria, mahse khawi hmun
ah nge a awm tak ka hre hauh lo. A chhan chu a vairam awm lai chanchin hi ka nu nen hian
sawi tam vak an duh lo tlat thin ani.

‘ Ka haw duh’ ngawireng chuan a tho a, ka tho ve nghal. Tun ah tak hi chuan mahni a awm ka
duh ber. Ka nu leh pa biak pawh ka duh, mahse ka ngam lo. Thudik ani tih min hrilh ka hlau
ani.
Haw kawng ah chuan vawikhatmah kan inbe lo. Ngawireng in car atang ka chhuk a, min
mangtha na pawh ka chhanglet lo. In chhung ka luh chuan sofa-ah ka thu hnawk a, enge ka
melh ber pawh hre lo in ka hmalam chu ka en tlawk tlawk. Ka phone chu a rawn ri a, ka
chhang peih lo. Tu call nge pawh ka en lo. A rik nawn chhen ah chuan ka en a, Ab-a a ni tlat.
‘ Hello’
‘ Phone iva la thei lo ve. Tun ah hian Pune Airport-ah ka awm mek. Naktuk ah ka rawn kal ang’
nidang ang chu ni se ka au leh tuarh tuarh ang. Mahse tun tum chu engmah in min ti phur zo lo.
Ab tak ngial pawn.
‘ Ok. Naktuk ah kan inhmu dawn nia’
‘ Hey, enge awmzia? Harsatna i tawk ami?’ a aw ah chuan a hlauhthawn hmel em em lehnghal.
‘ Ka tha alawm. Min ngaihtuah suh’ ka ti sap a, mahse ka aw ri chuan ka that tawk loh zia a ti
lang. Ab-a, ka thian tha ber hian chu chu a hriat hmaih hauh lo.
‘ Anih chuan lo la meng ang che. I in ah ka rawn kal hmasa dawn’ ka chhan hma chuan phone a
dah daih a, ka phone chu ka melh reng ringawt. Hnial pawh ni ila alo kal tho ang. Ka tho a, ka
intifai a, TV en pah chuan beer ka in a, engmah thleng lo ang a awm ka duh ani. Mahse kei mi
lang tlang tak hian ka thei thlawt lo chu ani. Ka beer in lai chu ka in zo a, a dang ka la leh a,
ka in tan chiah tih chuan door bell a rawn ri a, ka hawng a, Ab chu nuisang in alo ding a, za lo
zet chuan ka nuih let a, inchhung a rawn lut nghal.
A bag chu bang kil. sofa leh sofa inkar ah chuan a dah a, center table-a ka beer dah chu a en
zauh a, min en leh nghal a, ngawireng in keiin beer dang ka laksak nghal. Beer chu a in pap a,
a chauh hmel hle bawk. Mak tak maiin Ab bul a ka awm hi chuan ka rilru hahna hi tlem in a
kiang deuh tlat zel. Ka tan thian tha tak anih vang pawh ani mahna.
‘ I duh chuan min share thei ang’ a beer in lai chu dawhkan ah chuan a dah a, hei hi alawm
Ab-a mizia a ka duh em em chu. Min nawr ngai lova, harsatna leh rilru natna ka nei a a hriat
chuan ka bul ah a awm a ( a remchang anih phawt chuan), min zawt ngai lo. Mahse ka tan
inbunruahna tur in a inhawng mai thin.
‘ Randy kha, khami chungchang ah khan ania’ ka ti sap a. A hma in Randy nen hian ka
inhmelhriat tir tawh a, chawlh hmang a alo haw zawk tum in. Ka thian tha tak ve ve an ni.

‘ Chuan’ a thle bak a, sawi zawm tur nge ka hrethiam lo. Thudik nge dawt ka hre miau lova.
‘ Kima’n ka unaupa anih thu a sawi a, mahse pasal ah ka nei ang tih ka sawi hnu ah ania’ ka
tawng bah niaih a, sawi dan tur ber ka hre miau lo ani.
‘ I fiah tawh em?’ a thu tha a, ka kut chu a rawn vuan a, hmangaihna mitmeng diktak in min en
ni ber in ka hria.
‘ Aih. Ka nu leh pa pawh in an hria a, Randy pawn a hria a tia’ ka lu ka thing na na a, ka awih
thei lo. Mahse thudik ani ve thei tho. Mahse Randy khan kum 28 anih thu ka hnen ah a sawi
atwh tih ka hrechhuak thut.
‘ Enteh, Ab, dawt ani. A theih loh. Randy chu kum 28 chauh alawm. Keimah aiin kum 1 chiah in
a upa. Kima hian min bum ani’ phur hmel zet in Ab chu ka en a, mahse ani erawh chu alo
thutak hmel em em thung.
‘ Dear, ngaithla teh. Randy hi kum 28 hmel a pu chiah em? Kim chuan engvang a dawt hrilh
ngawt che nge a nih ang?’ hriatthiam loh hmel zet chuan min en a, chhan ngaihna mai ka hre
lo.
‘ Mahse Randy chuan amah ngei in a kum zat min hrilh kiau a, dawt a sawi ngawt lovang’ ka ti
chuai raih a, Ab chu ka bul ah a rawn thu phei a, min kuah vang vang a, hetiang a min kuah
lohna hi a rei ta.
‘ Mu phawt la a that ka ring. Keipawh hetah hian ka riak anga, tunah chuan motor a vang tawh
ang, Naktuk lam ah ka in ah ka phei mai ang. Va mu rawh le. Naktuk ah kan ngaihtuah tha leh
dawn nia’ a ti sup a, keipawn ka hnial hran lo. Tun ah sawidun chiam pawh ni ila engmah kan
sawi chhuak lovang. Tin, a rawn haw kawng ah a chau viau bawk ang.
Kan in mangtha hnu chuan ka room-ah ka lut a, khum ah chuan ka mu meng kar a, ka rilru a
buai takzet. Ab pawh sitting room lam ah ala ri sat sat a, a laptop a khawih rik dan ah hna a
thawk leh rih dawn anih ka ring.
Ka harh meuh chuan ni alo chhuak vek tawh a, choka lam a ri sat sat thawm ah chuan Ab-a a
awm ve tih ka hrechhuak chiah. Nizan lam a ka thu hriat bawk chuan min rawn thing leh a, ka
awm a nuam thlawt lo. Kima lah a ngawi hmak a, Randy morning wish-na ka dawng lo bawk.
Ka va thochhuak chu ab chuan breakfast alo siam mek a, a inbual tawh tih hriat zet in a sam
chu alo huh hliam bawk a, min lo hmuh chuan min lo wish vat a, wish let pah chuan bathroom
lam ah ka lut nghal. Ka intihfai zawh chuan kitchen-ah ka phei a, dawhkan ah chuan sandwich
leh mango juice alo inchhawp a, Ab chuan nui var var in min lo en a, lawmthu hrilh zauh pah
chuan chair-ah chuan ka thu nghal a, breakfast chu tui ti deuh chuan ka ei ta teuh a, Ab chung
ah ka lawm tak zet ani.

‘ I ei zawh chuan vawiin i chawlh tih ka hria a, ka in lam ah phei dun ang hmiang. nge tih tur
pawimawh ilo nei tawh zawk?’ tih pah chuan chair atang chuan a tho a, a kut ava sil a.
‘ Engmah plan ka nei lo’ ka ti sap a, mahse chhuah ka chak lo hle ani. Ka nu biak ka duh viau
bawk.
‘ Anih chuan engemaw hmuh tir che ka duh a, insiam la, kal ila’ tih pah chuan ka thil eina chu
min rawn seng sak a, keiman tih ka tum pawn a phal lo. Insiam tur a min tih tlat avang in ka
room lam ah ka luhsan ta nge nge.
Inchei vak ngai ka ti lo bawk a, ka insiam rei lo khawp mai. Ka insiam zawh chuan kan chhuak
nghal a, kawng kan kal lai chuan Kima a bia a, alo haw thu leh vawiin ah keimah nen a
chhuahdun kan tum thu te, zanriah erawh a in a kan ei dun tur thu a hrilh a, ka chak lo kher
mai. Mahse lo hnial ka tum chuang lo. Engmah tih ka chak lo a, ka nu biak erawh ka tum ruh
viau.
Ab in kan thlen chuan a in dahfel sawk sawk a, kei erawh ngawireng in sitting room-ah chuan
ka lo thu thung. A indahfel zawh chuan laptop nen a rawn chhuak a, ka bul ah a rawn thu
nghal. Laptop chu a on a, a hmeh neuh neuh hnu chuan min rawn pe a, a tawng lem lo. Laptop
chu ka mal chung ah ka dah a, kan en chu Randy chanchin alo awm nual mai. Mak ka ti lutuk. A
kum zat chu chiang takin a lang, kum 34 lai alo ni tawh. Anih chuan kan unau zing a upa ber
aiin kum 2 in a upa tihna.
A chanchin ka chhiar zel a, thudiklo min hrilh nual. Mahse anu erawh kha chuan dawt min hrilh
pakhatmah ka hre lo thung. Ab chu ka bul ah ngawirengin a thu a, ka chhiar zel a, Mizoram ah
apa a han hmuh thu thleng in a inziak. Chu chu ama sawina ang in a inziak. Mak ka ti lutuk.
Anih chuan Randy chuan min hre sa vek tihna ami? Anu kha dawtsawi hmel pu in ka hre si lo.
Anu khan min hre awm in a awm hauh lo bawk.
‘ Keihi a phuba lakna ka ni tih nge? A unaunu ka ni tak tak em?’ tumah ak be lo. Keimah leh
keimah ka inbia ani.
‘ I pa ngei i han zawt fiah thei alawm’ Ab chuan ka dar ah a rawn vuan a, min khawngaih hmel
tak zet ani.
Ka phone ka la kang a, thudik chu ka hre ngei tur ani. Ka pa hming zawn ka thlen chuan ka
tawp chat a, mahse ka dial ngam thlawt lo. Ka pa, pa fel tak hian Randy nu kha a bum hauh in
ka ring lo. Hriat sual palh anih ka ring. Mahse ka thinlung ah hian thudik ni a hriatna ka nei tlat
bawk. Ka nu hming zawn ah ka tawp leh a, ka nu number chu ka dial ta. Ka pa ai chuan ka nu
chu ka zawt ngam in ka ring.
‘ Aw, Bawihi, min va lo be hma ve’ ka nu chuan a rawn ti lang lang a. Nia, ka off day hi chuan
chawhnu lam ah bak ka be ngai lo.

‘ Nu, in ah i awm em?’
‘ Aw, awm e. Engenita?’
‘ Thil zawh che ka duh a, dik tak a chhanna ka duh bawk’ ka tawngdan chu nu te biakna
tawngkam lo viau nangin mak deuhin huaisenna ka nei tlat.
‘ Eng thil nge ni ta?’
‘ Ka pa hian tlangval lai fa a nei em?’ ka sawi zo chu ka thaw huai in ka hria. Mahse ka nu chu
a reh hmak thung.
‘ Nu, ila awm em?’ ka ti sap a, diktak chuan a ngawihreng khan chhanna chu ka hre tawh ani.
‘ Englo ania.... ihhh....’
‘ Nu, min chhan a ngai tawh lo. A fapa kha ka hmelhriat ani. Engtinnge hetiang thu lian tak hi
in thup theih?’ ka tap pur a, Ab chuan ngawirengin room lam ah min luhsan thung.
‘ Bawihi, kan tihpalh ani. Ipa kha ka hmangaih em avangin ka thup pui tlat thin a’
‘ Chupawh chu ni se eng vangin nge min hrilh ve loh? Ka pa i hmangaih chu sual ani lo.
Mahse.... Nu, ka hua che u’ ka tap zawih zawih a, ka nu pawh a tap tih ka hria. Mahse tunah hi
chuan ka hua ani. Ni lo, ka rilru ana ani.
‘ Bawihi...’ ka nu chu a tap hlap hlap a, mahse ka rilru a nat em avang chuan a tap ri ai chuan
ka rilru natna keimah ah a lian zawk ani. Hei ai hian Randy hi rilru lo pe hman ta ila.... Ka
ngaihtuah chhunzawm duh lo.
‘ Tunah rih chuan ka dah ange. Nakin ah ka la rawn be leh ang che u’ phone chu ka off a, ka
mittui chu ka hrufai a, tunah chu ka hmabak chu ka hria. Randy biak ani.
‘ Hello’ Randy aw ka hriat chuan ka thin a phu dawt dawt a, ka nei ang tih thleng a ka lo
ngaihtuah, min hmangaihtu ni a ka lo hriat thin chu ka unaupa alo ni reng si.
‘ Engtikah nge i rawn let dawn?’
‘ Ni 3 hnu ah ka rawn let ang. Thil diklo a awm ami?’ engmah hre lo ang a a awm chu ka haw
takzet ani.
‘ Ilo let hun ah kan sawidun dawn nia’ phone chu ka dah a, Ab chu ngawireng in ka bul ah a thu
a, enge ka sawi a hre thiam lo.
‘ Hei hi i hre lawk tiraw?’ a mit ah chuan ka en kal a, tupawh hian min bum vek ni in ka hria.
‘ No. Mahse nizan ah khan Kim ka bia a, chuan mu miah lo in Randy chanchin hi ka chhuizui
nghal. Sumdawng lian tak ani, a chanchin hi hmuh tur a awm nual dawn tih ka hria. Kim sawi
kha ka awih nghal bik lo. Mahse zankhua a ka chhui hnu ah chuan ka hre ta a, hrilh che ka hreh
vang ania ka in a ka hruai che’ a ti dam dap a, ka awih thlap. Ab chiah hi thudik min hrilh thin
tu ani. Hei bak a thian tha hi an awm leh tawh dawn em ni?
AFTER 2 YEARS
‘ Ka nupui i ni ang tih hi ka hmuh turh che khan ka ring thlap ani’ hmangaihna mitmeng diktak
nen a min melh tu, ka pasal hual Kima chuan ka beng bul ah a ti sap a, ka hlim tak zet ani.
Inzawmna nghet neih duh ngai lo mihring khan kha harsatna ka tawh lai khan ka tan a awm
reng a, ka nu leh pa te nen kan sawi ho hnu, Randy te nen engkim kan sawi khawm hnu ah
pawh min thlah thlam ngai lo. Kum 2 a liam leh meuh chuan ka bialpa dik tak ni tur in thu kan
thlung a, Ab pawh a lawm viau ani. Chuan ka hna ka bansan a, a chhan chu Kima nen inneih
vat kan duh vang ani. Randy pawh in ka unaupa nih a tlin teh e. Puitei nen an inhual ve vat ka
beisei. Sangtei pawh a chhungte a chawm hneh ta viau. A chhan chu Ab leh Kima hian an
duhsak em ani.
‘ Fapa duhawm tak i nei e’ nurse in min tih chuan ka hlim tak zet ani. Apa ang a mi lunglian
lutuk anih loh hram ka beisei.
Kima sumdawnna avangin Pune chu kan chhuahsan thei ta meuh lo ani. Ka fapa, Abraham
Lalawmpuia Varghese Hnamte chu khawvel a fapa vannei ber ani hial ang. Ab-a’n a hming ang
phuah ve a duh tlat avangin kan hnial lo, tin, a Pu Randy Ms Varghese Sailo pawn a paharwn
hnam hming alo pe ve hmiah bawk. Ka fapa hi a vannei nge kei hi ka vannei zawk ak hre teh
nuaih tawh lo. Mipa 5, min hmangaih em em tu te, ka u Lalrinawma leh Lalnunpui a hming
kaihkawp leh Ab leh Randy hming kaihkawp nuaih hming pu thei fapa ka nei hi ka hlim takzet.
Tin, Pasal min hmangaih em em tu leh ka hmangaih ni bawk Kima ka nei bawk. Keimah hi ani
khawvel a hmeichhe vannei ber chu.
‘ U Elty, Ab Sir-in nupui atan min sawm a’ ti tu Sangtei chu ka lawmpui takzet. Mipa tha tak
pasal a neih dawn avang in.

A TAWP TA.

( KA STORY MIN CHHIARSAK A MIN HLUT SAK TU, INBOX LEH COMMENT LAM A DUHSAKNA THU
MIN HLAN A MIN FUIHTU TE, INZAVAI CHUNG AH KA LAWM. KA HUN TIAM A KA ZAWM THEIH LOH
CHUNG PAWH A DAWHTHEIHNA NEN A MIN NGHAH HRAM HRAM THIN AVANG HIAN KA LAWM TAK
ZET ANI.)