LAWMSANGZUALA - 16 (LAST)

LAWMSANGZUALA - 16 (LAST)


.


ELTY LUHLUL AUG HNAMTE


.


Kan chhungkaw nun a pangai chho ve zel a, ka ni beng chu vanneihthlak tak in Doctor kan panpui tum in siamthat theih a nih thu an lo sai hlauh a, a mit erawh beisei a bo a ni ber mai. Ka raino awm nawm loh pawh a zo a, kan pa erawh chuan min duat zual sauh emaw tih tur a ni. Ka ni beng an zai ni chuan ka nu ngei maiin a rawn awmpui a, ka nu hi ka fak lo thei lo. Kei ni ila ka pasal ngaihzawng hlui hi enkawl harsa ka ti ngawt ang. A enkawl mai pawh a ni lo, a thian kawm bawrh bawrh a, ka ni pawhin ka nu chu ngawirengin ngaihsan hmel zet in a en vawng vawng thin reng a ni. Ka pa erawh a rawn lang tam lem lo nangin Sangzuala campaign pui lam ah erawh pa chan a chang hneh tak zet. Irene pawh Dan in thiam a chantir loh miau avangin Jail lam ah damchhung tang tur a thawn liam a ni. Phai lampang misual ho pawh John puihna a zar ah an man chimit thei hlauh bawk a, a hna ah a kaisan phah hial reng a ni. A phu ve reng e.


.


Vawiin hi inthlanni a ni. Kan in chu a ri deuh laih laih reng a ni ber mai. Ka nu leh pa leh campaign committee leh thiantha zual thenkhat leh kan chhungkua kan awm a, party mi leh sa thenkhat an awm bawk. Kan nupa chuan lehkha chhiarna room lam ah kan awm a, kan pa chu a awmdan a danglam ve bawk nen, ka pa in helam a chawl hahdam rih tur a min tih avang leh ka nau pai a fual ve deuh avangin kan nupa chuan thutthleng sei ah chuan inngheng rial in kan thu dun a, mahse kan boruak in min chiah hneh ve bawk a, sawitur kan van dun ngei mai.


.


" Papa, hahdam deuh a awm tum rawh aw" tih pah chuan a kut chu ka la a, ka dul ah chuan ka nghat a. Ka koh dan vang nge ka hre lo, a hamhaih deuh chuan ka hria.


.


" Ka hlauthawng ve deuh a ni" thaw-hak pah a a tih chuan ka hrethiam tih lantir nan a dar a bei pah chuan a kawng ah ka kuah a, hnem dan ka thiam lo, mahse ka hmangaih a ni tih hi chetzia a lantir ka duh thin a ni.


.


" Engpawh thleng se Pathian remruat ah kan dah anga, chuaimah chuan kan la sawidun ngai miah loh sawidun lawk ka duh a" ka ti sep a,min rawn en hau a,a hmel confi lo lutuk chu ka khawngaih zak.


.


" Sawi la" a in la hrang deuh a, ka lo nuih seih thung.


.


" Kan fapa lo piang tur hi a hming ka phuah duh a" ka tih chuan a thaw-hawk mai. Chutah maktih hmel zetin min rawn en a, ka lo nui var var. Ni e, mipa nge hmeichhia anih dawn tih hi keipawhin nimin ka in check-up khan ka hre chiah. Chupawh a ruk tak meuh meuhin doctor in min hrilh. Hriat lawk hi inbuatsaih lawk thiam nan a that rualin that lohna tam tak a nei. Keichuan engpawh nei ila pawi tihna ka nei lo. Fuke kim emaw, kim lo emaw, ka fa a nih kha ka tan a tawk em em a ni.


.


" Maw?" a aw khur leh phur hmel si chu mipa naupang a ang zawk.


.


" Fapa, apa chhun em em LALAWMPUIA kan nei dawn alawm" ka tih chuan a tho hluai a, chutah min rawn en a, a mitmeng a lawm leh hlim mitmeng chu ka hmuh hmaih hauh lo.


.


" Ka lawm e aw.." tih pah chuan ka hma ah a rawn thingthi a, ka biang ah dawmin min rawn fawp a, duhthawh zet in ka lo chhanglet ve nghal. Kawngka kik ri ah chuan kan inthlah vat a, phun hluk chung chuan kawngka chu ava hawng a, kawngka ava hawng chiah chu boruak a ring tha kher mai. Nichin khan kan thusawi avang khan pawnlam boruak engmah kan lo ngaihven lo a, kawngka a rintea lo ding hmel ka hmu chu ka hlim kher mai.


.


" Ka pu, i tling" kan pa in Rintea a en vung vung a, chumi hnu a an putu a an inkuah hlim hmel chu nui sangin ka thlir a, ka hlim a ni. Chutihrual chuan ka pumchhung a kan fapa muhil pawh apa hlawhtlinna hriatpui ni awm takin ka pum chu a rawn tlawh che dat dat a, ka pasalin hlim hmel tak a min rawn pan chu en in ka ban ka lo phar chhuak a, min rawn kuah a, khata a thusawi tawite kha engtikahmah ka theihnghilh tawh ngai lovang. PATHIAN KA FAK VE TAWH ANG.


.


Kan in chu a ri le lu a ni ber mai. Ka pa reng a fakawm e. Pa chan a chang thiam a, buai nuaih nuaih tur lak ah min veng ka ti ber mai. Ro fel tak in a rel a, kan pa erawh ka rinaiin a zei rih lo. A lai vel vek in ka hria. Mahse ka kut a vuan tlat thung. Chibai duh an tam si, vengchhung reng in min lawmpui thiam. Kan nupa a mi kan lawm loh tehlul nen.


.


Fapa ka hrin zan chuan ka pasal ka bul ah a awm hman ta lo. Ka dem lo. A chhan chu ram tan a thawk tur in mipa a penchhuak tawh a, bul a tan chiah a, ngaihtuahawm kan ni lo bawk a, ka nu in min awmpui bawk a, a hna tibuai zawng a lo awm ve loh hram ka tum. Ka fapa tap ri ka hriat chuan ka chhungril a hlim vawng vawng thei.


.


" Apa hnar ang chiah chiah" ka nu chuan ka fapa chu a rawn pawm phei a, ka bul ah chuan a rawn mut a, a hmeltha tak zet a ni.


.


Door bell ri avang chuan ka fapa chu walker-ah chuan ka dah a, kan hlimpui ve tawh viau. Tunah chuan thla 5 a ni ve tawh. Apa ang mai a lian ala ni dawn a ni. Nau chak tak a ni a, tlei loh em em a nei le lo. Vani nen an in awrh nasa bawk a, ka leh awl phian. Apa mawlh hian a atchilh. Hna a ngah si, a ngai ve thin bawk si, a hunawl apiang ah kan chhungkua te in room pakhat ah kan awmkhawm thap thin.


.


Kawngka ka va hawng chu ka rinloh lutuk in Sangzuala nu alo ding. Dik tak chuan Sangzuala hi anu pawh turin ka tur nasa a, mahse pasal a nei si a, a tlawh chhuak duh ta reng reng lo a, tunah a rawn lang ta nge nge chu a nia.


.


" Puite, ka tupa ka hmu chak lutuk a" inthlahrun hmel deuh a a tih chuan ka tah a ti chhuak zawk.


.


" Ka nu, lo lut rawh" ka ti vat a, a rawn lut chu a hawi kual a, sitting room lam a kan phei chu Bawihtea chuan phur zet in min lo pan nghal a, mahse a hmelhriat loh hmel a hmu chu a tim ve reuh emawni, a ding dat a, tah a tum nghal a, rangdeuhin ka pawm vat a, ka nu chuan a en tlawk tlawk a, sawi tur a vang kher mai.


.


" Nu,lo thu rawh. Bawihte, api anih hi" tih pah chuan sofa-ah chuan ka thu a, ka nu chu a thu ve nghal a, a lo upa ve tawh kher mai. Ka mitthla in kan naupan lai a tlai thingpui in lumsak thin lai a lang nghal uarh uarh thei. Nu hmeltha tak ni thin kha ala hmeltha reng mai.


.


" Bawiha hi khawnge a awm?" ka nu chuan ka fapa en reng chung chuan a fapa chungchang min zawt ta.


.


" Hna lam ah a kal a,alo haw tep ang. Chaw ei ve nghal rawh aw..."


.


" Ni lo e. Ka tupa ka hmu chak em a, ka insum zo ngang tawh lo a, ka rawn lut kawi mai mai a ni. Bawihpui, lo kal teh.." tih pah chuan Bawiha chu a ko a, thisen inzawm na na na chu Bawiha chuan api chu a ban veleh mai a, an pi tu a an han inpawm chu an mit ah ka nu an lo chhun pafa zia ka hrethiam chiah.


.


Vani a chhuah avangin ka nu awmlai ka chuh a, rawng ka bawl a, ka nu te pi tu lah an in awm tlei nasa mai bawk. Ka rinaiin Bawihtea pawhin a duh. Ngawirengin ka nu chu chaw ka chhum kep a, duh lo mahse chelh ka tum tlat a ni. Sangzuala nen inhmachhawn ngei ngei se ka duh a ni.


.


" Puite, Bawihtea hi a muhil a, khum ah ka mut mai dawn em ni niang?" bai ka siam lai a ka nu in a rawn tih chuan ka hawi let vat a, ka ngaihtuahna ka seng nasa lutuk a, an thawm neih leh neih loh pawh ka lo ngaihtuah lehpek tawh lo.


.


" Awi, ilo ti mu daih elaw? Nu, ka la laklawh sia, khum a mut chuan a mu rei duh dawn si lo a, ka rawngbawl peih hun hi min lo nghak lawk thei angem?" dawt ni chiah lo, mahse ka nu ka pawh tlai theih dan tur ka dap a ni ber mai.


.


" Aaaaa, ni e. Ni rawh se. Mahse in lam kan bia ange, tikhan lo bawl rawh" a hmel buai nak chu ka hmu reng, mahse a tupa a ni miau a, ka fapa ngei remchang a ka hmang chu ka inthiam chiah lo nangin duhthlan tur dang ka nei miau lo a ni.


.


Kawngka in hawng ri rak ka hriat chuan ka hawi let vat a, kan pa hna bang chu a rawn lut a, a tihdan fo ang in rose par sen a rawn hawn leh a, a kut lehlam in kan fapa lawm tur a rawn hawn bawk.


.


" Khawnge Bawiha?" hlim hmel pu tak si chuan a fapa chu a zawng nghal ruai a,nidang ang lo takin ka thin a phu tlat pek. Ka nu nen an inhmachhawn hun ah enge ka sawi ang?


.


" Ilo haw tawh maw? I chau em?"


.


" chau lo e. Bawihtea a mu ami? Vani kha a riak nghal dawn tih ka hre bawk sia"


.


" Nia.Englo, Papa, insum la, Bawiha chu api in paw mu a, sitting room lam ah phei ila" tih pah chuan gas chu ka off nghal a, kan pa mitmeng buai nak chu hmu lo der in a ban ah ka kai a,sitting room lam ah ka phei pui nghal hmak.


.


Sitting room akn lut chu ka nu chuan Bawihtea chu hmathlak chung in alo muthlu lawp lawp a,kan pa ding khawng at chu a kawng ah ka kuah tlat a.


.


" Engkim ah mawh ka phur ngam" ka ti ve nghal hmak thung.


.


" Ka nu..." harsa tih hmel zet chuan a ti chhuak hram a, ka nu chu a rawn che dat a, ka pasal hmel a hmu chiah chu thlahrang hmu ang mai a ni. A zam hmel em em a, chutihrualin a mitmeng a hmangaihna lo langchhuak chu tumahin an hmuh hmaih hauh lovang.


.


" Bawiha, ka tihpalh ania aw... ka haw..."


.


" Nu, i tihsual a awm hleinem...." ka lo ti vat a, ka pasal awmdan atang chuan a thinrim lo tih ka hria. Mahse na tak tuar hmel erawh ka hmu chiang em em thung.


.


" Aaaa, englo, ka lo mutthlu palh a ni.Khawnge Puite, Bawihpuia hi la la, ka va haw phei ange" ka nu chuan a ti sawk sawk a, awmdan tur ka hrethiam lo.


.


" Min kalsan leh i tum ami?" ka pasal chuan a rawn tichhuak nghut a, ka nu makti hmel chu ka en reng. Keipawhin mak ka ti ve tho.


.


" Maw?" ka nu chuan hamhaih zet a a tih chuan kan pa chu ka kuahna atang chuan kalsawn in ka nu lam chu a pan a,ka nu makti hmel leh zam hmel chu ka en reng a, chet ngaihna pawh ka hre lo. Sangzuala chu ka nu ke bul ah chuan ava thingthi a, ka nu hamhaih bawk, keilah ka ang hau ringawt bawk.


.


" Nu, min ngaidam rawh aw. Ka hmasial vangin ka hua che a, mahse min kalsan tawh lo hram rawh" ka pasal in a tih chuan ka mittui a tla lo thei lo.


.


" Bawiha, tho rawh. Ka haw ve ngai reng reng lo che.Ka hmangaihna che a ngai reng alawm" ka nu chuan Sangzuala kaihthawh pah chuan a ti ve vat a, ka rinaiin a awlsam phian. Sangzuala a thinri ka rin tehreng nen, ka nu lam a tang tur a inpeih at a ka lo awm kha ka tisual mah zawk in ka hria.


.


Sangzuala leh ka nu chu an ti ti mawlh mawlh a, keierawh Bawihtea chaw ka hrai a,ka nu chu Sangzuala ngenna ang in a pasal ava phone a, a pasal lah alo fel phian mai. Zankhat chauh riah kan dil chu a lo remti thlap a, khawvar lam ah alo kal ve tur thu a sawi nghe nghe.


.


After 3 months...


.


Ka ni pawh vanneihthlak takin Doctor thia tak hmangin Pathianin damna a pe leh ta. A beng tha lo chu beng dar hmangin ri a hre leh thei ta hlauh mai. Tawng erawh a thei tawh ngai dawn lo thung. Mahse a beng ringawt pawh a dam leh chu a lawmawm tak zet a ni.


.


" Bawihi,ka nu te hi inchung lam ah khian in sak zawm ila,an nupa in cheng ve ta se oawi i ti angem?" kan zan mu chu kan pa chuan in kuah hlun a,ka nu pasal hi mipa tha tak a ni. An nupa in fa an nei lo a, mahse nupa inngeih tak an ni.


.


" Hetah an cheng ve thei mai lo e ni?" ka rilru tak tak a ni. An nupa in min uap lum se ka ti tak tak a ni.


.


" Ni lo e. A tir atang a cheng ho kan ni lo a, duhdan leh ngainat zawng pawh a in ang lo thei a, inchung a an awm khan an tan pawh a nuam zawk anga, in khat a awm ang tho kan ni dawn alawm" kan pa in a tih chuan ka hrethiam tho mai.


.


Ka nu te nupa in in an rawn luah luh ni chuan keima chhungte lam pawh an rawn phei bawk a,kan hlim tlang kher mai. Chaw te eikhawm in kan ri ve le lu a. Mahse MLA in tih tak ah lut chhuak an awm ve reng avangin kan pa erawh inleng kawm pah in a rawn tel ve  a ni deuh ber mai.


.


Tunah chuan ka fapa ngaihtuah over a ngai ta lo a, Vani pawh a hahdam phah ta deuh bawk. Ka nu ai mahin ka pa chuan Bawiha chu a lawm zawk emaw tih mai tur a ni. A thisen tel ve miah lo mahse a tupa anih lohna bik a lang hauh lo. Apa a awm loh phei chuan ka chang mang lo a ni ber mai. Zan kan riahpui ve hman tawk ti ila a dik ber ang. Api te in lam ah a tal hnem zawk a, a tawng ve thei tawh bawk nen, amah alo tahbelh lo bawk si a, ka nu te nupa in an chang rawt a ni ber a.


.


" Bawiha tello in program ka siam a" Bawihtea api te in a riah a ngen nasat em avangin a riakchho a, kan nupa chuan khum ah TV en pahin kan thu mu a.


.


" Eng lampang?"


.


" Kan inneih hnu a honeymoon kan la hmang miah lo a.."


.


" Chuan?"


.


" Thla thar chu ni 2 chawlh ka la anga, tuirial kawng a ka huan ah khan kal dun ila ka ti" ka mit ka chhing a, khami ni, a bo emaw kan tih tum a kan zuk hmuhchhuahna hmun kha a sawi tih ka hria, ka thin a phu dawt dawt thei.


.


" Ka duh lo" ka insum hman thlawt lo.


.


" Nihleh khawi hmun ah nge i duh?"


.


" Khawi hun mah ka duh lo.Kan in ah awm ila, ni 2 i chawlh chhungin chhungkua in awm ho ila ka duh ber" ka ti vat a, ka duh dan tak tak a ni. Khawiahmah zin chhuah vel hi ka chak lo. Ka chhungkua bul a awm tluk a nua tih ka nei chuang lo. Mahse a chang chuan ka pasal hun nei lo lutuk hi ka thin a ur ve lek lek thin.


.


" I thu vek alawm Boss" tih pah chuan min rawn kuah a, ka hnute lian zet chu a rawn hum chat a, hetiang ang a a hum lohna hi a rei tawh. Diktak chuan nupa nun hmanna hun tha pawh kan ngah tawh lo. A hna ah a buai em em a, tihbuai loh ka duh ber. Kan mu rual hleithei lo a, mahse chumi vang rigawt erawh chuan kan nupa nun a nghing phah ngai hauh lo thung.


.


" Zanin hian ration ka dawng dawn e ni?"in la no zet a melh pah a ka tih chuan a itko a san ak a, rangzet a ka kawr hak a rawn phelh chuan ka lo phur kher mai. Lei eden van pialral kan chen meuh chu lo rawp tawh nen, kan duhthawh dun tan tan a.Enge pawi? Nupa kan ni alawm le, duh leh cher vek khawp pawn ti ila sual kan ti miau lo a.


.


Ka story LAWMSANGZUALA chu a tawp ta e. Harsatna tam tak ka tawh lai pawh a min fuih a, min support tlat reng thin tu nangni vang hian beidawng thei ka ni lo tih ka inhrethar leh a, inzavai chung ah ka lawm. Next story chu SWEET LIPS leh LAWMSANGZUALA chhunzawmna inpawlh ani dawn a, March thla chawhnu atnag rawn ziah tan ka tum ang. Tunah rih chuan short story nen ka lo lang thin rih ang.