ECCITATO - 7

ECCITATO - 7


ELTY LUHLUL AUG HNAMTE


`Ka phone ilo khawih ami?` ka phu nasa lutuk chu ka phone ken lai chu ka thehthla dawrh a, mahse khum ah a tla hlauh. Rangzetin Noah chu a rawn phei a, phone chu a chhar a, a beng ah vuahin a ngaithla vung vung a, a hmel chu to haw tur ai pawhin a rapawm hial zawk.


`A neitu hriat loh in mi thil khawih tawh ngai suh ang che` a phone chu khum ah a thehthla a, min kal pel vut pah chuan a ban a vai thuak. A ban a vai thuak tawh chuan rilru hahna engemaw a nei tih ka hre ve tawh.


`Hmingliana ani tiraw?` a ding dat a, a kut a humruh em em a, rawn hawi let miah lo chuan room atang a chhuak zui nghal.


Ka rilru a buai tak zet. Engvang a keihi an kut a dah tur a nawr nge an nih? Ka pa sum leh pai an it vang ani tih chu hre mahila engvang a hetiang dinhmun hlauhawm a ding tur khawp a Noah hian ka lak ah risk a lak? Min nei lo se he buaina lak ata hi a fihlim mai tur. Tunah chuan min neih avangin ka nu dinhmun thlengin a hlauhawm tawh ania, hrehawm ka ti takzet a ni.


`Rosa chu kan thulh tih ka hrilh leh mai dawn mi niang?` Noah chu a dawhkan ah lehkha a bih kual a, hei hi chu a zan tin dan a ni. Zan mu tur a room kan pan hnu hian kei khum ah TV en pahin ka mu a, ani erawh hna a thawk leh thin a ni.


`A ngai lovang. Kan ti dawn nia. Mahse Ruatkimi te nupa erawh hrilh hma la, mamawh i neih chuan i sawi mai dawn nia` nichin a a mizia ngaihtuahin tunah chuan a dam leh dup tawh thung.


`Mahse an hrechhuak che sia` ka ti sap a, hrehawm ka ti takzet.


`Harsatna a awm lovang` a ti leh mai a, a hnathawh lai chu a chhunzawm mawlh mawlh. Kei erawh ka TV en chu ka rilru ah a lut miah lo.


`Keimahni vang a hetiang dinhmun a in din a ngai hi hrehawm ka ti takzet` ka ti sep a, ka rilru tak tak a ni bawk.


`A pawi lo. Chuan, nichin ah ka nu nen kan ti ti a` ka insuk hlan anih ngei ka ring. Kan nupa thawmhnaw hi keimah vekin ak su. Ka nu thawmhnaw tha ho pawh ka suksak fo thin. Noah hi thawmhnaw duh uluk mi ani tih ka hria, a thawmhnaw reng reng sukfai sa hi nawh leh vek a ngai thin. Kan awmpuite kut ah ka dah ngai lo bawk.


`A hre ve ami?` ka hlauthawng takzet. A fapa leh amah thlengin keimahni vangin harsatna an tawk tih a hriat chuan ani ang nu invawngfel tak hi a lawm hauh in ka ring lo.


`Ni lo e, tu a duh` sawichhuah harsa a tih hmel ve takzet. Keilah ka ang pham ringawt. Pawnlam ah nupa ni mahila a chhungril ah erawh nupa nun vawikhatmah kan la hmang ngai lo. Hetiang lam hawi hian kan la ti ti ngai bawk hek lo.


`Maw?` ka nui hawk bawk. Ka nuih chhan erawh a hre miah lo thung.


`Ka nu hian fa nei ila a duh a ni. A chiang em?` ka lam a rawn hawi a, a hmel chu a thutak ngang bawk.


`Mahse nupa tak tak kan...`


`C`mon, hriatthiam tum rawh. Kan inneihna hi a lem a ni lo` ka nui leh hak a, pawnlam ah bak a tak a ni lo tih chu a hrechiang khawp.


`Nang leh kei hian inngaihzawnna pawh kan nei lo. Bakah fa neih te chu sawi pawh....`


`Tun atang chuan sawi ringawt ni lovin, fa neih lam kan ngaihtuah a ngai tawh dawn anihchu`


`Enteh, nangnen hian fa kan neih dun chhan tur...`


`Nupa kan nih miau chuan a chhan dang kan mamawh vak ami?` a thle buk a, a awmdan chuan min ti hrilhhai lutuk chu tawng ngaihna pawh ka hre lo.


Fa neih chungchang kan sawidun atang karhnih a liam leh tawh. Rosa te in a kan party pawh eng teh ual kan ang pawhin ka hre lo. Mahse Noah erawh a tawng tlem tulh tulh thung. Ka nu lahin fa neih chungchang a sawi zauh zauh bawk. Kan boruak engmah a hre si lo. Noah lah zan a chhuah a, lo haw lo a awm a ching zauh zauh a ching a, ka nu erawhin a hre ngai lo thung. Spi rawn lan zauh zauh a ching bawk, mahse ka nu awmlaiin a rawn kal ngai miah lo thung.


`Bawihi, kan office ho hna chungchang ah kan zin dawn a, in pa hi a hna a tul si a, biakna hun pawh kan chang meuh lo ani mai sia, vawiin chu min va bazar pui ta che` ka nu nen chiah chaw kan ei. Noah chu zingkar ah a chhuak leh daih tawh thung.


`Pawi hleinem. nia, tunlai chu a hna lam an ngawrh aniang. Engtikah nge in kal dawn?` room khat a a awmpui pawn ka be hman lo ania, ka nu tan biak hman ngaihna a awm lo ve alawm.


`Zirtawp ni ah kan kal anga, nilaini ah kan lo let leh ang`


`Ka khua a har ngawt ang` ka ti mai mai lo. Ka khua a har dawn. A chhan chu zan ah Noah alo haw hma ngai lo a, alo haw hma ve pawhin chaw eikham veleh chhuanlam siamin room-ah hna a thawk a, ka nu mut hnu vel ah phone a hmang a, a chhuak leh thin miau a, engmah ka sawisel lo, mahse hrehawm ka ti takzet a ni. A hma kha chuan in be em em lo pawhin ka mutna bul ah hna a thawk a, ka thla kha a muang em em thin.


Ka nu nen chuan kan bazar dun a, mamawh em em a nei tam lo. A mamawh kan lei zawh chuan kan inhnawh puar a, nufa tak tak pawh kan ang viau. Ka pa te dawr lam a kawi a rawt nangin ka pa ka phone a, dawr ah a awm loh thu leh ka U transfer na tur buaipui a a chhuah thu a sawi avangin kan kawi tum kan thulh leh. Kan inneih hnu hian Noah in rem a tih loh avangin a tul tawp ah lo chuan kan in ka tlawh meuh lo. Tin, kal chak ngawih ngawih na ka nei lo. Ka chhungte chu ka ngai teh meuh mai, mahse thil thup nei chung a hmuh fo nuam ka ti hran tlat lo a ni.


`Nangni hetah maw?` ka nu hawina lam chu ka hawi vat a, Noah leh hmeichhe pakhat an ni. Hmeichhe hmeltha tak a ni bawk.


`Ka nu, ilo dam maw?` chu nu chuan ka nu chu a nuih sang a, Noah erawh min hre lo ang hmakin a awm thung.


`Mama, rawn haw hma ang che. Bawihi, kal ang` ka nu chuan ka ban ah a kai a, a awmdan chuan min ti hamhaih tak zet. Khanu biakna kha hre awm pawhin a awm hek lo. Ka nu in min kai dawr dawr a, ka va lehhawi hram, chu nu chu a hmel alo nur nang a, Noah chuan a kut ah a vawnsak a, ka kawchhung chu a so bawrh thei.


In kan thlen thleng chuan ka nu nen vawikhatmah kan inbe ta lo. Ka ngaihtuahna a kal thui em em a, khanu kha tunge anih? Hna buai in ti em em in ka pasal chu hmeichhe dang a chhuahpui thei a, keichu engpawh lo ni ta ila ka nu tan pawh hun a nei mumal lo a, engtinnge hetiang hian a khawsak theih? Khanu mawlh kha, ka nu kha `KA NU` ti in a ko thei anihchuan an inhre tha khawp ang tih sawi ngai lo a chiang sa a ni.


`Bawihi, i muhil ami?` ka inbual zo chu khum ah ka tlu zal a, mutthilh erawh ka muhil lem lo. Ka ngaihtuahna erawh ak kawm nasa khawp mai.


`Muhil lo e. Lo lut rawh` ka ti vat a, keipawh ka thu chhuak nghal vat. Ka nu hi ka mo tirh atang sawiselna tur pakhatmah ka la hre lo. min duat hluak lova, mahse a tawk te in min ngaihsak thiam em em thung. Mo ang in min en lova, fanu ang thlapin min en bawk a, a awm hian ka thla a muang em em ani tawp mai.


`Enteh, vawiin khan ka nungchang kha a mawi lem lo tih ka hria...` sawi zawm leh mai tur hre lo ni awm takin a chawl dat a, a thaw hak bawk.


`Ka nu i ni a, i lawm lohna tur a awm anihchuan i thiam loh a awm hleinem` ka ti sap a, han sawi mai tur ka van a ni.


`Mama hian engmah a hrilh lo che anih ka ring. Lo sawi tur ka ni em ka hre lo, mahse khanu kha i hre miah lo ani tiraw?` a tih chuan ka bu nghat a, sawithiam chiah lo hian ka awm a nuam lo ru nghal teuh thung.


`Englo ania, ipa damlai atang tawh a kan chhungkaw thian pakhat te fanu ania, Mama nen hian tette atang a inkawm an ni a, an lo lian a, inthian thatna bak a thleng chho a, duhlohna kan nei lo. Mahse nau alo pai a, kan lawm khawp. Innei tur a kan beisei laiin Kimkimi khan thil zir laklawh lai nei alo ni nen, naute chu tumah rawn lovin alo titla a, keini chuan a chhiat tur ah kan ngai a, mahse Mama kha a thil zirna hmun a a zuk kal tumin a nau tihtlakna a lehkha pawimawh ho a zuk hmuchhuak a, engkim kha a tawp a ni mai. Mama thinrim lutuk in a zawh khan zam map lovin a tihtlak thu leh a nih tum dal thei tur engmah a duh loh thu alo hrilh ani awm e. Mama chuan tawngka in min hrilh chiah lo nangin a diary a a ziah ka chhiar fuh palh a, ipa ka hrilh khan ipa rilru an lutuk khan kan chhungkaw inthianthatna zawng zawng a chhu chat ta a, khatihlai a i pasal talbuai zia kha tun thleng hian ka la mitthla thei. Aizawl ah sumdawnna a rawn tan dawn tih ka hriat khan Mama hnen ah nau keng vat tur in ka chah a, mahse Pathian in ala remti lo aniange, naute a awm chuan Mama pawhin rilru dang a put theih ka beisei tlat a ni` ka nu in a tih chuan ka thaw a tawt up up mai.


`An inkawp leh tawh tihna ni maw?` ka ti sap a, mak tak in ka chhungril a na vawng vawng mai.


`I kut ah engkim ka dah. Ipa thlarau vang tal pawhin thlen tir lul suh` ka nu aw ah chuan manganna te, beidawnna te ka hre thei a ni. A sawi bak hi a awm ngei ang tih pawh ka ring. Chuerawh chu ka zawt lovang.


Dar 11 a ri tawh. Khum ah ka mu meng kar a, Noah ala rawn haw lo cheu. Zanin chu ka nghak chhuak ngei ang. Tin, a hming a nupa kan nih miau avangin hmeichhe dang a kawp a mualphona kan tawk dawn anih chuan ka sual ve khawp bawk ang. Pawnlam ah motor thawm ka hriat avangin khum atang ka tho vat a, tukverh atang a ka zuk thlir thlak chuan motor a side tha chu ka en reng a, inhauh inpeih at in khum lam ah ka let lehnghal.


`I haw tlai dawn anihpawhin phone talin sawi ve thin la a tha lo maw?` room a rawn luh rual chuan ka lo ti nghat a, ka lo la meng a hmuh chuan mak a tih hmel viau a, mahse a hmel a siam danglam vat thung.


`Min nghak turin tumahin an phut lo che` a bag chu sofa-ah a theh thla a, a thu thla zui hnawk bawk. A necktie a inphelh thawl a, a chauh hmel viau bawk. Chau ve ang chu, a bialnu nen duhtawk a an khawsak hnu ah a rawn haw a, chau awm pawh a ni alawm.


`Kei min ngaihtuah lo anihpawhin ka nu hi ngaihtuah ve ta che`


`I sawi ngai lovin ka hria e`


`Khanu kha tunge?` ka ti ta nge nge. Ka nu in min hrilh vek tawh mahse ama ka atang ngeiin ka hre duh miau a ni.


`Nupui tak tak ang mai a i tawng reuh le` a nui hak a, min ngaipawimawh lo lutuk chu ka haw lutuk.


`Nupui tak tak emaw, a lem pawh ni ila hetah hian i nupui ni turin ka lo lut. Ka hrilh ang che, kan nupa kar hi hmeichhe dang vang a mi hmuh a mualpho ka duh hauh lo`


Min chhang lovin a tho nalh a, a thawmhnaw a phelh a, bathroom lam ah a lut zui nghal hmak. Thil sawipui a harsa em em a, a luhlul em em bawk. A inbual zo alo chhuah pawhin mu lovin khum ah chuan ka lo la thu. Boxer nen chiah a rawn chhuak a, nidang ah chuan bathroom-ah a in ha nghal mai thin a, a saruak hi ka la hmu ngai miah lo. A lu hruk hul pah chuan chair-ah chuan a thu a, ka awm ve tih hre lo ang hmakin hna a thawk zui lehnghal hmak bawk. Keipawh tihngaihna vak ka hre lo, ka muthla a, ka mit ka chhing zui nghal hmak bawk.


`...ka nu hi rilru dam tak a ka dah hmasak a ngai tih theihnghilh lo la, a bakchu chinfel a harsa tawh lovang` phone a mi a be thawm ah chuan ka muthlu diar diar tawh chu ka harh zawk mai. A thusawi chuan min thawng em em bawk. Chinfel harsa lo chu keimah bak ka nih ka ring hauh lo. Ka nu hmin phawt a, keimah min thehchhuah a khanu kha neih a tum chiang lutuk. Ni lo, ka thlen tir hauh lovang. Diktak chuan hmeichhia a kalpui ka hmuh rual khan Noah hi ka tan enge anih ka hrechiang chiah. Ka hmangaih em ka hre lo, mahse ka duh hle a ni tih erawh chu ka hrechiang tawh.


Ka nu zin tur chu ka huphurh kher mai. A zin dawn zing chuan Noah pawh kan rualin chaw a ei ve a, kan inbe ngai mang lo a ni ber. Ka nu in thu tha te min hrilh dun malh malh a, kan chhungkaw boruak chu a rit luk a ni ber mai. Chutiang kar a ka nu zin tur chu ka lainat ru em em bawk. A rilru a nuam chiah lo tih ka hria, mahse thulh turin a hotu ber ania, thil theih a ni lo tih ka hre bawk. Noah lah a tanwg tha duh lo em em a, ka nu chu a hna kal dawn ah duhsakna a hlan a, abak chu a biak awm pawh ka hre lo.


`Chaw ei kan nei dawn a, kan rawn haw hma ang` Noah msg a ni. Ka mo hnu ah tumah chaw ei kan la nei ngai lo. Inleng chu kan nei fo, mahse chaw ei erawh akn la nei hauh lo.


Kan nula in min rawn koh chuan sana ka en a, dar 3 a pelh awrh chauh. Noah te an lo haw thu a sawi nghal a, ka rinaiin an lo haw hma phian bawk. Ka tho a, inhnuai ka zuk chhuk chuan mipa 2 leh hmeichhe pakhat an ni. A hmeichhia ka hmuh chuan ka lung a awi lo kher mai. Kimkimi bawk kha. Ka nu zin lai lehnghalin engvanginnge chaw ei an rawt kher?


`Ilo dam maw? Kan rawt chawp thut sia, kan tibuai awm che` Kimkimi chuan min lo be vat a, a nuisang phen a min hmuhsitna hmel chu ka hmuh hmaih hauh lo. Noah lah min ngaihsak hmel a pu eih lo bawk.


`Buai lo e. Pasal te rawngbawl sak te chu a nuam alawm` ka ti ve ngat a, a mitmeng er zawk chu ka hmuh hmaih hauh lo, mahse zamna engmah ka nei bik lo. Kan inneihna hi dawt ni miau hek lo.


`Ruatsang, anni hi hnathawhna lam a ka thawhpui te bak ah ka lehkha zirpui thin te an ni hi. Micky leh Zuala. Kimkimi hi chu i hriat ka ring` Noah chuan a ti nghut a, a thian mipa te hming a sawi lai chuan an lo phar zauh a, Micky chu ka ngainat chi tak ni dawn in ka hria. A palian a, a hmel a dam duam bawk.


`Kan inhmu chu ka lawm e. Thingpui in in duh angem?` ka nui var var a, Noah min kohdan chuan min ti lawm lo viau mahse engmah ka tilang duh bik lo.


`Aaaa, thingpui lo deuh kan dawm ang chu kan tia` Micky chuan nui var var in alo ti vat a, ka nu awm loh lai ani chu pawi ka ti vawng vawng. Inchhung ah hian zu lampang lakluh hi a duh hauh lovang tih ka hria.


`Liani kha kan mamawh tur lo hrilh la, inchung lam ah rawn dahchho rawh se. Nangpawh lo chho ve la` Noah chuan a ti nghut a, a hming a min sawm khaw mawina chu zawm tumna pakhatmah ka nei lo.


Liani chu an mamawh ka dah chhoh tir a, keierawh chuan rawngbawl ka en pui a, salad hi keima siam kher Noah hian a duh deuh thin avangin ka siam pah bawk. Ka nawm meuh loh avangin salad ka siam zawh chuan Liani chu ka mut zal lawk tur thu ka hrilh a, inchung lam ah ka chhohsan. Tak a, tun a Noah te thutkhawmna hi chu kan nupa room thlang ah hian special room deuh hlek a awm a, Noah hna thil pawimawh a an inhmuhkhawmna a ni deuh mah zawk. Room ka lut tur chu room kawngka alo inhawng deuh a, ka chhuk dawn khan ka khar tha thlap tih ka hria. Mahse Noah a lut anih ka ring a, kawngka ka hawng chiah chu ka thil hmuh chuan min ti ding dawt thei. noah chu khum ah a thu a, a hma ah Kimkimi a thingthi a, Noah kut chu Kimkimi biang ah a awm bawk.


`Oohhh... sorry lutuk` Kimkimi chuan min rawn hmu a, a nui sak bawk.


`Induh chuan hetah ni lo...`


`Kawngka kik nachang hre ta che` Noah tawng chuan ka thusawi lai a ti tawp chat. A bialnu hma ah a nupui hi an nupa khum ah ngei min tawngkhum dan chuan min ti tlawm chiang ngei mai.


`Kan nupa room hi kik chawp a ngai tih ka lo hre lo a ni` ka ti ve ngat.


`F***.... Kimkim, lo va phei rawh` a tih chuan Kimkimi chu a tho vat a, hnehtu intih hmel zet a min en pah chuan a chhuak zui nghal.


`Ka la hrilh lo che. Kan nupa room ah kher hi chuan hmeichhe dang awmpui tawh lo la ka duh`


`Ka mikhual te hma ah zahna min thlen hlek suh. Anihloh chuan keiaia sual hi i hmu lovang` ka nui hawk.


`Enteh, zahna chu kei ni lovin a siamtu chu nangmah i ni` ka au a ni ber mai. Zaklo ka ti lutuk chu theih ni se amah chu pawhsawm vek mai ka duh hial.


`I aw-rawl ti zawi rawh. Nakin ah kan sawidun dawn nia` dam dap a a tih chuan ka haw lutuk chu bathroom ah ka tlan lut ringawt. Mikhual dang chu awm lo se an pahnih khan na takin ka ankhum ngei ang. Mahse an thian dangte hma a mualpho chu ka duh bik hauh lo.


Chaw ei tur a an rawn chhuah thlak chuan an mitmeng a pangai lo tlang tawh. Kimkimi ngei pawh a bang bik lo. Beer in ve thin ka ni, mahse ka pa sumdawnna ka enkawl dawn khan ka thlah hmak thung. Chaw ei kan siam mawlh mawlh a, anni erawh sitting room-ah an thukhawm leh rih. Chaw ei kan peih tih ka va hrilh chuan an rawn phei ve nghal a, an rual a ei tur nge tur loh ka inngaihtuah a, ka pasal ania, a nupui ka ni bawk, engvanginnge ka ei loh tehlul ang?


`Bawiha, i bulah ka thu duh` Kimkimi chuan in ti no zet a a tih chuan ka thaw hak ringawt. Micky chuan min lo en reng a, ka nui sak ringawt.


Ngawirengin ka thut tumna ka sawn a, Noah in min dang hek lo. Kimkimi lah phur zetin ka thutna kalsan tak ah chuan a thu a, hre lo ang hmakin ka thutna tur a ka pan ah chuan ka thu zui nghal. Chaw ei chhung zawng chu an ti ti a, ngawirengin kei ka ei ve thung. Kimkimi erawh chaw aiin a bul a ka pasal chu a ngaihven zawk. A ei duhzawng pawh a hre nalh nalh e, a thleng ah a suahsak vat vat a, ka ner nawk thung.


`Hrethiam rawh aw... A kai ve deuh a` chaw eikham chuan kawt ah ka chhuak a, pawn a thutna awm ah chuan ka thu a, ka bul ah Micky a rawn kal ve nghal.


`A ho lutuk. I puar em?` ka lo ti vat a, ka tawngkam chuan ho a ti a ni mai thei, mahse ka chhungril ah erawh ka na vawng vawng thung.


`Helam ah in lo awm daih elaw. Micky hi chu i che rang thin` Kimkimi aw-ri lo chhuahna lam chu ka hawi a, kan piah lawk ah chuan a rawn phei a, ka lo ner nak thung.


`Lo thu ve rawh. Hei, thla a eng phian lehnghal` Micky chuan alo ti vat a, keierawh ka ding nghal uaih thung. Henu bul a awm hi ka chak hlawl lo.


`Enteh, Rs, nichin kha ka tihpalh lutuk. In pa khan room-ah ilo chhoh a rinloh thu a sawi vang ania` ka kal lai chu ka ding chat. Muangchangin ka lehhawi a.


`A lehpek ah chuan kan nupa room ni lo ah in awm tawh dawn nia` ka ti fak a, min tham lo zetin Kimkimi chu ala nui zui.


`Kim, i kai anih kha` Micky chu alo inrawlh vat a, keierawh ka inher lehnghal a.


`Nooo... Ka kai lo lutuk. I hriat kha, ka Bawiha hian eng ang pawn nupui nei mahse keimah lo chu hmeichhe khawih chak a nei lo. I hria em, an nupa hian an la mu dun lo mawle` nui ar ar a a tih chuan ka khawng vek thei. Chu lehzel chu alo sawi amaw? Ala kawp duh anihpawhin nupa nun chungchang kher chu pawnlam a a sawi ka lo ring ngai hauh lo.


`Hei em em chu i ti mah mah tawh lo maw?` a thiante haw a thlah zo room a rawn lut chu ka lo ti nghal. Ni e, ka zak a, ka tlawm a, ka mualpho bawk. Eng ang pawh ni se keipawhin nupa nun inkar hi tu hnen ah mah ka la sawichhuak ngai lo.


`Enge?` tih liam puat pah chuan a kawr hak chu a hlip a, min ngaipawimawh lo lutuk chu nidang ah chuan ka hrethiam, tun tum zet chu thinrim tawpin ka thin a rim ve tawh a ni.


`I hria. Mipa i ni emaw ka tia, nupa kar mahni ngaihzawng hlui, oh, i fa thahsaktu che hnen a sawitur....` ka bek a ri chawrh a, ka lu a hai nghal. Tlu lo turin tang viau mahila ka ke ka ring zo lo. Chhuat ah ka thu sawp hnawk a, ka bek a na nghal vang vang.


`I ka bawlhhlawh zet kha chip hmak rawh` a aw chu a hlauhawm takzet a ni. Mahse eng huaisenna nge ka neih ka hre lo, ka tho phat a.


`Kha hmeichhe bawlhhlawh zet hnen ah khan kan nupa kar hi sawi lo la a tawk a ni mai` ka au a ni ber tawh.


`Hmeichhe nasa lutuk` tih hluk pah chuan bang chu a hnek dawp a, na ti awm pawhin a awm lo. A nunhlui sawichhuah sak chu na a ti hle ang. Keipawhin kan nupa kar sawichhuah kha na ka ti ve tho alawm, a phu tawk chiah.


`Ka hrilh ang che. Min duh lo a, ani kha i duhzawk ani tih hrilh la, ka hrethiam. Mipa ni a i inngai anih chuan i nupui nen a in inkar thuruk chu sawi tawh ngai suh, i nula hnen ah ania ka tih` ka tawng zo chu ka thaw huai thei. Ka tawng nge ka au ka hre hrep lo ve.


`Mipa ka ni lo vem ni? I fiah duh ami?` tih pah chuan min rawn pan a, hlauh nachang pawh ka hre lo. Ka ban ah man a khum a min thehthluk tak ah chuan ka hlauhna in min tuam zui nghal. Thawh tum a ka inbeng kang chu min rawn nem mu lehnghal a, na zet in min rawn fawp a, duh lo eng ang mahila tha ah ka hneh thlawt si lo. ka kawr a pawtthler a, ka kawrhnuai pawh ka kawr a pawhchhiat ang chiahin a pawt chhe zui lehnghal. Enge thleng dawn tih hrilh hriat ka ngai lo, ka tha chu a khur nasa ngei mai. Theihtawpin do let mahila ka hneh thlawt si lo. Ka thawmhnaw a pawtthla zo vek tawh, a khup in ka bawp pakhat a delh bet a, a kekawr hak chu a phelh pah bawk. Talchhuah tum a ka che chu ka bawp a delhna chu a na zawk a, ka che chhunzawm ngam lo.


Ka hnute chu a kut hrawl zet chuan a hup a, a hmur chu dimna tel hauh lovin a sawisa a, nawmna chu khawilamah, hlauhna avangin ka tha a khur vek a, lo tang tur pawh ka awm tawh lo. Ka bawp chu a mal chuan a nawr kau a, dimna tel hauh lo chuan ka taksa chhung ah a rawn lut ta. Ka au that a, a na lutuk chu ka kawchhung a chhuak emaw ka ti bial. A chawl dat a, chutah duat em em in min rawn fawp a, chhanlet lam a lang lo. Ka chhungril hi a na vawng vawng, ka thianghlimna chu ka pasal ngeiin tihluihna in min laksak ta. A duhtawk a ngah hnu chuan ka chung atang a let thla tawp a, kei erawh chetsawn pawh tum lovin ka mut ngaiin ka mu thung. Ka taksa natna aiin ka thinlung na chu na ka ti zawk.


`Va intifai rawh` a inbual zo alo chhuah pawh chuan ka mut ngaiin ka la mu. Ka mittui a tla lova, ka chhungril erawh a tap nasa thung.


Room atang a chhuak a, darkar khat zet hnu ah pawh ala rawn luh loh avangin muangchangin ka tho a, ka chetzawng te chuan ka taksa chu a na thawt thawt thei. Harsa ti zetin bathroom-ah chuan ka lut a, shower a ka inphuh hnu chuan keimah pawh ka rilru a pangai chho ta deuh. Kan khum khuhna puan a thisen kai chu ka en a, ka kawchhung a so bulh thei. Harsa ti zetin ka thlak a, chu thisen chu ka mitthla ah a lang tawp tawh ngai lovang.


Zing ka thawh a choka a ka luh chuan Noah alo awm ve tehmial. Ngawirengin a hma a chair-ah chuan ka thu a, Liani`n thingpui min lo pe vat a, vawikhatmah a rawn hawichhuak lo thung. A thingpui a in zawh ah a tho a, a kalsawn chu ka thaw huai thei. Ka taksa sil thum avang chuan Liani rawngbawl pui lo chuan room lam ah ka let chho a, room ka lut chu sofa-ah thu in TV alo en a, zing dang ah tun ang hun ah TV a en ngai hauh lo.


`Vawiin ah ipa te in ah chaw kan ei dawn a` ka luh chuan alo ti nghut a, mahse min en miah lo thung. Chhan pawh ka chhang peih lo.


`I U te an lo chho dawn a, hmuahna ah i kal ve duh em?` chu zet chu ka beng a ver zar mai. Engtinnge kei min hrilh lo a ani an hrilh bik? Mahse a awm tho a, ka tello in kan in a tlawh fo a, ka nu leh pa lahin an ring em em bawk.


`Kal lo mai ang` ani nen chauh Lengpui thleng a motor khat a chuan dun ka chak lo ve. Ka U te chu ka hmu dawn tho alawm le.


`A that chu. Insiam la, ka dah phei che anga, i nu leh pa in min lo nghak rei lutuk ang. Chaw chu sawtah i ei mai dawn nia` a tih chuan phur ru deuh chuan phur lo ang takin ka insiam a, ka taksa na pawh ka theihnghilh hman tep zawk a ni.


Kan in lam kan thlen chuan ka nu leh pa chu an lo inchei var tawh a, an hmel a nung sar bawk. Engmah min hrilh ve loh avang chuan vui rilru viau mahila ka pasal ber an hrilh miau a, ka lawm lohna tihlan a rem miah lo thung. Chaw kan ei a, an ti ti dan ah chuan ka nu leh pa pawh an kal dawn anih hmel. hmela chuan min hrilh tel hauh lo. Amah ber lah chuan ka nawmsam loh avangin ka kal ve dawn loh thu a sawi hmiah mai bawk si, nichin a ka kal loh tur thu ka lo sawi chu ka inchhir ru takzet a ni. Chaw eikham veleh an vai chuan min kalsan a, mahse ka pa in Ruatkimi te nupa lo phone phei tur a min tih tho avangin an rawn phei a, a zia ta deuh.


Ka U an rawn sawn tih pawh hre lo khawpin ka pasal te in ah ka lo tawm bo tih ka inngaihtuah chhuak chiah. Mahse kan han inhmukhawm chu kan hlim khawp mai. Naktuk mai ah ka nu alo haw dawn avangin keini nupa pawh rei tak kan awm lova, a chhan chu ka nu lo haw lawmna ni pahin ka pa te chhung chu Noah in chaw ei ah a sawm ve nghal a ni. Makpa tihtur a hai lo lutuk hi alawm ka nu leh pa in an duh a an duat em em chhan. An fanu hi min pawngsual ani tih hria se tun a an en ang hian an en kher angem?


`Ka U an rawn sawn tih engmah min hrilh lova` room kan luh pah cuan ka ti nghat a, amhse ka thin erawh a rim tak tak chuang lo.


`Surprise che kan duh vang ania. I inbual hmasa dawn nge?` sofa-ah chuan a thu hnak a, keierawh hlauhthawnna in ka khat nghal thung.


`Hlauthawng suh, a thleng nawn tawh lovang` ka ngaihtuahna hria ni awm takin a ti nghut a, nuam chu ka ti chiah bik lo. Khatiang lo khan tha tak leh induhtawn tak a nupa nun hmang chu ni ila ka hlauthawng bik lovang.


Ngawirengin bathroom-ah ka lut a, ka inbual zawh chuan a inbual ve nghal a, a zawh hma a mut hman ka duh avangin rang zetin khum ah ka inthawlh nghal a, alo chhuah meuh chuan ka lo mu lum hman lek lek tawh. A inthlak lai chuan mutchhuahna in min zem chiai chiai a, engtiklaiin nge ka mutthilh ka hre lo. Khum hniam sut ah chuan ka harh a, hlauh bawkin min man leh tawh. Ka te that a, ka thu chhuak nghal.


`Shhh... Keimah. I mumang a tha lo nge i tal nasa lutuk a` inthiam lo hmel deuh chuan a ti sup a, a dik chiah, ka mumang a tha lo alawm. Noah hmai thi hnuang a min lo pan kha ka hmu miau a ni.


`Ihhh, eng lo, ka mumang ah i hmai alo thi vek a` ka ti sep a, dam dap a min kuai mut chuan ka tha khur ala reh fel chiah lo.


Ka mut thlak hnu pawh chuan ka bul ah chuan a thu a, ka thla a muang riau bawk. Ka muthilh leh lai ka hre lo, a ngaite bawkin ka mang a tha lo lehnghal. Noah chu a hma aia nasa in a hmai chu alo thler a, abul ah chuan ka hriat ngai loh mi pakhat a ding a, alo nui uarh uarh lehnghal.


`Bawihi, i harh em?` min sawi nawk nawk ah chuan ka harh chhuak a, ka hlau lutuk chu ka thaw hlawp hlawp a, Noah chu ka pawmbet a, ka hlau takzet a ni.


`Ka hlau` ka ti tiau a, ka tha khur chu a reh mai thei lo.


`Shhhh.... I bulah ka awm alawm. Tui i induh em?` min kuah a, a aw a dam dap bawk.


`Aih. Hetah i mu ve thei angem?` ka ti ta nge nge.


`Ummm... Hahdam tum la` a tih chuan ka thaw huai mai.


Ka mutthilh theih tak lawk loh avang chuan ka meng kar a, anierawh a chau ve aniang, a muhil thung. Ka mumang chu ka ngaih a tha chiah lo a, amhse ngaihtuah loh luih erawh ka tum thung. Ka bul a hnar sak sak chu ka kuah a, keima thu a ka kuah vawikhatna a ni hial ang. A taksa lum ham ham chu deh nuam ka ti kher bawk. A rawn che sut a, ka lamhawiin a rawn inlet a, mahse a harh lo. Min rawn kuah ta hlun a, ka thla a muang tlat pek. A awm ah chuan ka hmai ka phum kak a, a thawk zawng a a awm in sep chuan ka thla a ti muang zual.


Ka mutthilh ve lai ka hre lo, ka hnute za mer mer vang chuan ka harh a, ka kawrchhan a Noah in ka hnute alo khawih niap niap chu ka hre nghal. Ka chesawn ngam lo. Ka thawk erawh a sak talh thung. Nawmna mak deuh chuan min tuam a, ka kawrchhung a rawn zen a, ka kawrhnuai ti kau a ka hnute a lawng a a khawih lai chuan ka insum hman lo, ka thaw hak a, ka harh tih a hria aniang, a lam hawi turin min pawt a, ka zam lutuk, mahse ka taksa a phurna awm chu ka hneh lo a ni e. Dam dap a min rawn fawh chuan ka chhanglet lo thei lo. A leiin zei tak a ka ka chhung a a rawn hawl chuan ka kawchhung thlengin a fan a ni ber. A kut lah a awm mai mai lo nasa bawk.


Duhthawh leh duat tak a min fawh pah chuan a in nem kang a, a kut lehlam in ka hnute a sawisa pah bawk. Ka kawr leh ka kawrhnuai nawrchho a a ka lum ham hamin ka hnute a rawn hmuam chuan ka rum hak a, chumi pah a ka hmeichhiatna a kut a zei zet a a rawn khawih leh phei chu ka mamawh ngawih ngawih a ni ber mai. Ka thiam ang ang in ka lo chhanglet a, ka kekawr a hak a pawhthlak lai chuan nghakhlel zet in ka lo insiamrem a, a thawmhnaw a phelh zui ve nghal. A pian nalh zet chuan min tiphur zual sauh bawk. Ka bawp nawr kau in ka kekawrte chhan ah chuan a mipatna khauh tang chuan min rawn nek a, awmngaihna ka hre tawh lo. Ka thaw a chham ni maiin ka hria, muangchang leh duat zet a min sawisak hnu chuan ka kekawrte phelhin kan tum ram pan turin a insiamrem a, ka hmeichhiatna chhung a a rawn luh chuan ka te that a, a vawrtawp ka thlen meuh chuan che tur pawh ka awm tawh lo.


Zawi zet a ka sir a a rawn lehthlak hnak pah chuan min rawn kuah nghal a, lungawi vang a nui tih hriat zetin a nui hak a, keipawh ak lung a awi rih vang vang viau. Hetiang hian nupa nun hi a nuam ang tih rinngaihna reng ka hre lo. A phone a rawn rik chuan a phun hluk a, a inlet a, khumsir a a phone dah chu a ban a, a thochhuak zui nghal. Sana ka en a, zing dar 2 a ri tawh. tunang hun a phone call chu a pawimawh viau aniang, balcony lam a pan zui nghal bawk.


`Kim,Tunah rih chuan ka thei lo. Naktuk ah ka rawn hmu ang che, lo in enkawl tha ang che` ka intifai tur bathroom ka pan lai a a thusawi ka zuk hriat palh chuan min ti na vawng vawng teh e. Tunge nupa nun nuam tak hman zawh chiah a pasal ten an bialnu an be lai hria a lungawi awm ang?