GEORGE (Complete)

GEORGE

Tuipui rim nam veng veng chu duhthawh takin ka hip vang vang a, tun bak chu helai hmun ah hian ka kal leh ka inring tawh lo. A chhan chu vawiin hi ka pasal nen a kan awmdun hun tawp ber ani dawn a, inthen chu duh lo eng ang mahila ka dan theih ani tawh si lo. Naktuk zing dar 6-ah ka unaunu awmna lam pan in ka chhuak dawn ani. Engvangin nge ka hringnun hi a fair loh bik viau reng le? KKa hmangaih em em chung pawn Tim chuan ka hmangaihna a duhkhawp ngang si lova. Nge hei hi alo tum sa reng ni a fa neih kha alo duh loh em em ni?

Ka dinna piah lawk a hmeichhe pakhat thu ve reng chu ka va melh a, keimah ang bawk a rilru hahna nei anih ve tho ka ring. A mittui chu a hru zauh zauh a, a thaw leh hak thin. Ngawiengin ka inher a, chaklo tak chungin ka pasal nen a hlim tak a kan lo nuihdun na thin in chu ka pan hnak hnak a, hundang nen a ka ke pen dan in ang ta lo lutuk chuan min ti lungchhe ru ve det.

Inchhung ka lut chu a reh thap a, Tim chu a tawpna atan hmuh leh hram chak viau mahila  beisei ngam ani tawh lo tih chu nimin tlai a min rawn phone khan a chiang tawk viau ani. Rawngbawl ka tum buai peih lo. Cup noodle lei sa ka neih chu tuilum nen ka chiah a, ei chak lo viau mahila naktuk thlawhna chuang tur ka nih avangin ka ei luih a ngai ani. Harsa ti tak chuan ka ei zo a, ka intifai a, a tawpna atan tak tak kan nupa khum ah chuan ka mu a, la hma viau mahse tihtur dang awm hek lo, mut pah chuan ka rilru ka kawm melh melh a, a chang leh ka  nui a, a chang leh ka tap a, zankhua mai chuan ka muhil lo chiang kher mai.

Dar 4 a rik chuan ka inpeih at tawh, ka bungraw tlem neih ve chu ka luggage ah chuan ka khung vek a, ka ding a, kan in chu uluk tak in ka melh kual leh a, " Mangtha" tih sawi sep pah chuan ka chhuak ta hnak hnak a, ka rilru chu a chawmawlh vek. Mahse ka tuarchhuak thei ang tih ka ring a, ka unaunu in min lo hruai a tum pawh ka duhlo tlat ani.

Thlawhna a thlawk chhuak chiah chu ka insumtheihna zawng zawng a kehchhe ta, ka mittui a luang zawih zawih a, ka bul a thu pawh chu ka zahder peih ta lo. Chhuak em em in ka tap a, a hawihai ve khawp ang. Ngawirengin romol min rawn pe a, a hmel pawh en hran lovin ka la a, ka hmai chu ka hup tlawk tlawk ani.

'  Thil i ei duh em?' chu zawhna ka hriat chuan muangchangin ka meng riai riai a, ka lu ka thing a, ka bul a thu pa chuan chik zetin min lo melh a, ka inthiamlo kher mai.

'  Min hrethiam la, engmah ka ei chak lo mai' ka ti sap a, ani pawh chu a bu nghut a, ama eitur chu a la zuinghal a, keipawh ka mit ka chhing zui lehnghal mai.

'  I harh em?' chupa bawk chuan ka dar ah a rawn sawi det det a, ka lo chhing ve sek aniange. Kan thleng tawh ami?' thlawhna tukverh atang chuan kan tum dawn tih ka hrethiam ve nghal.  ' Aw, i hnar nasa lutuk a, ka beng a na vek' a nui var var a, a ha chu a var nalh kher mai.

'  Ka tihpalh. Nizan ka mu tlem deuh a... ouchhhh' thlawhna a tum dawt ah chuan ka phu nasa lutuk a, chupa kut chu ka va vuan chawt a, ka lasawn leh rang kher mai.

'  Keipawh hman ah chuan tikhan ka phu zawk zel' nui vur vur pah chuan alo tia, ka zak ru kher mai.

Kan tum fel a, bungrua la turin bungrua lo tawlhchhuah hun nghakin kan ding ran a, ani pawh chu ka bulah a ding a, kan tawng lem lo. A palian hrep a, chuan a rimtui em em bawk. A hmel chu a confi em em a, thuneihna ngah deuh hmel a pu ni ber in ka hria.

Ka luggage chu a rawn chhuak a, a rih ve deuh avangin min lo pui vat a, ka nuih sek a, a ni pawh chuan min lo nuihlet ve mai a, kal nghal mai ka tum chu ka luggage-ah chuan a rawn vuan a...

'  George ka nia' uluk deuhin min en a, ka hamhaih ang reng khawp mai. ' Lidya ka nia' ka nui sek a...

'  Hming mawi tak ani. Ka bungrua hi min lo nghahpui ve la'

'  Awle, a tha alawm' ka ding veleh mai a, ani pawh chu a bu nghut a, a bungrua chu a rawn chhuak har hrep.

'  Khawilam nge i pan dawn?' Airport kawt ah chuan kan ding dun a, motor hire tur chu ka melh kual a....

'  Sanjo Lane-IV ah. Nang?'

'  Kei Lan-VI ah ania, motor kan la dun mai dawn mi?'

Ka hnial hran lo bawk a, ka unaunu te in thleng chuan min thlah hmasa a, ani chu a awmna lam pan chuan a tlan liam zui nghal a, mak takin ka ruak deuh hiai in ka hria.

Kawngka chu ka kik karh karh a, ka unaunu leh a fate thawm chuan a rawn zui nghal. Kawngka an rawn hawn chuan kan ri chelchul a, pasal then hlim pawh ka ang lo. Nia, ka tap zo tawh a, tah nawn ka tum lo. Liz (ka unaunu hming) pawh chuan ka nuisang min hmuh chuan mak a ti hman deuh a, mahse ani tluk a min hrechiang an awm lo.

Naupang ho chu chocolate ka hawnsak chu ei in tv hma ah chuan an thu far a, kei leh Liz  erawh kitchen lam ah kan awm a, ka thawmhnaw ka la thlak lo. Liz chuan zanriah a siam mek a, Bawngsa kan rim chuan ka riltam zia min ti hrechhuak. Fridge ka hawng a, eitur ei awlsam ber Kimchi chu a lawngin kan ei nulh pek a, hehehe. Liz bulah chuan naupang chhia ang mai ka ni leh dawn anih hi.

2

'  Tichuan Tim chu i chhuah dawn ah pawh a rawn haw duh miah lo amaw?' Liz hmel chu ka en a, a lungawi lo takzet ani.

Ni e, Tim nen hian kum 4 lai nupa kan ni ve tawh a, fa neih hi a hmanhmawh loh thu a sawi tlat zel a, ka hmangaih em avangin keipawn a thu ka awih a, ka indang mai ani. Bakah kan nupa chauh a han hlimdun rih te kha a nuam ka ti ve hrim hrim bawk. Mahse kum 1 liam ta atang khan a mizia a dang tan a, hmeichhia min kawpsan tih ka hriat meuh chuan a thawhpui te zawng zawng tan chuan thuthar alo ni hauh lo. Ka na ngawih ngawih a, titi pui ka tumin a

theih loh bur. A hmeichhe kawp chungchang ka sawi vaih chuan lungtum biak ang chiah. Theihtawpin kan nupa kar siamthat ka tumna chu a hlawhchham chiang hle ani.

'  Ummm...... Liz, min ngaihtuah suh aw. Tihian reivaklo chu in hnen ah ka khawsa anga, hna ka hmuh veleh keimahin ka awm hrang ve dawn ania'

'  Lidya, awm hrang turin kan ti lo che. Mahni awm ka remti lo. Mahse hna erawh i duh chuan i thawk dawn nia'

Liz pasal hian Hospital pahat a an hotu ber ania, an harsa lem lo. Mahse makpa te thawhchhuahsa rin erawh ka tum hauh lo. Liz fapa naupang ber Eddie aka Ed chu a rawn phei hrat hrat a, ka pawm a ngen a, ka pawm a, zawhna a ngah lutuk tlat. Duh angin Liz nen pawh kan titi hman meuh lo chu ania.

Edward (Liz pasal) chu zan dar 9 vel ah a rawn haw a, min hmu chu a lawm thiam hle mai. Ka makpa hi zawng mipa fel leh mahni lu zo ve tawk tak ani. A nu[ui fanau te a hmangaih em em a, ka hriat chin ah an nupa hi an inhau ka la hmu lo a, ka la hre bawk hek lo. Liz zawng a vannei teh e.

Zanriah tuihnai tak kan eikham meuh chuan naupang ho pawh an muhil hlawm tawh a, puitling 3 chu tv enna room-ah chuan kan thu thap a, he hun hi ka peih loh ber ani. Edward chuan zawhna min zawt chik leh viau dawn tih ka hresa. Liz pawn alo pui leh thlap ang.

'  Lid, Tim chuan inthen hi a duh takzet amaw?' ninawm, duhlo se kan inthen nang. Mahse Edward hi zawng, mi thil chik mi ngang ania.

'  Nia. Amah chhuahsan tur leh nupui dang a neih tur thu min hrilh miau si alawm' ka thawhalh a, ka rin aiin ka sawi pangai thei viau.

Liz chuan ka kut vawn pah chuan, ' My dear, lungngai miah suh aw...' ka mitmeng ah chuan ka chhungril natzia chu ka unaunu hian a hmuh hmaih hauh lovang.

'  Ni e, lungngai lo la, i hnathawh tur pawh a awm mai ang. Chhungkua kan hlim anga, harsatna paltlang theih loh tak tak hi a awm ngai lo. Pathian kan rin tlat chuan' Edward chuan alo ti ve bawk a, ka thawhuai mai.

'  Nia, hnathawh tur ka hmuh veleh keipawh ka in bawl hrang ve anga, unaupa, hnathawh tur min melhpui anga. Hnathawk vat ila thil ngaihtuahna hun neih loh ka duh ber ani'

'  In bawl hran chu tun a sawi a hun ka ti lo e. I hnathawh tur chu naktuk ah kan hospital lam ah ka lo enchhin dawn nia. Receptionist tur pawh kan mamawh in ka hre tlat' Edward chuan alo ti bauh a, ka lawm ru kher mai.

Ka chauh deuh avangin mut hma ka duh thu ka sawi a, ka room tur a min lo siamsak lam chu ka pan a, ka intihfai zawh chuan khum ah chuan ka mu nghal a, ka taksa rawl them thum chu a   zia huaiin ka hria. Mu pah chuan thil ka ngaihtuah kual a, mahse ka chau deuh aniange, ka rinloh laiin ka lo muhil daih mai.

Ka room kawngka bul a naupang ho ri nak nak thawm chuan min tiharh a, ka awmna ka hai teuh kher mai. Muangchangin ka tho a, room kawngka ka va hawn chuan Mary, Linda leh Ed te chu ka room kawngka bulah ka thawhhun nghak tih hriat zetin an lo ding far a, min lo wish nghal sap sap a, nuam ka ti reuh kher mai.

Room kawngka ka hawngzau deuh tih ah chuan an rawn tlan lut nghal vat a, an ri chelchul mai.

Naupang ho vang hian ka lunglen a zia dawn tih ka ring nghal. Ka khum ah Ed chu a tlan lawn nghal a, keipawh rang fahran in ka va lawnkai veleh nghal. An unau 3 nen chuan khum ah kan ri chelchul a, an awm lovang tih ka hlau takzet.

'  Breakfast ei a hun e' Liz chuan a rawn ti lang lang a, rang fahranin naupang ho chu an tlan tho a, an hmuhnawm takzet ani.

Kitchen a ka luh phei chuan naupang ho chuan juice leh sandwich an lo ei mek a, Liz chuan min lo nuih var var a, ka eitur min rawn chhawpsak nghal. Pasal then hlim e ti lo chuan ka hlim takzet ani. Chhungkua diktak bulah ka cheng a, naupang te nen. Tim khan fa neih kha lo duh se chuan kan hlim ve tur zia hi......

'  Vawiin chu Sunday ani bawk a, Aunty te nen Biakin ah kan kal anga, chumi zawh a Papa ho in Aunty kan lenkual pui anga, movie kan en bawk ang' Liz in a tih chuan naupang ho chu an phur kher mai. Kei erawh ka phur lo. A chhan chu Biakin kal hi ka naupan lai atang ka peih lo. Liz erawh Sunday apiangin ka nu rualin a kal thin thung.

'  Edward a hman dawn ami?' hman lo se ka ti kher mai. Diktak chuan vawiin chu hahchawlh pah a mahni a awm mai mai ka chak ani. Mahse chu chu Liz chuan min tihtir hauh lovang.

Inngaihtuahna hun min pek a tum dawn lo tih ka chiang.

'  Inkhawm hun kha chawhnu dar 1 ah ania. Edward chu dar 11 vel ah a rawn haw ang' ka peih lo eeeee......

Liz nen chuan kan thil ei na vel kan tihfel zawh chuan ani in naupang alo tifai a, keiin inchhung tihtur awm ang ang ka lo ti bawk a, nuam ve reuh phian. Liz sawi hun ah thlap Edward chu a rawn haw a, lunch ei nan ala hma deuh bawk a, khua a vawt deuh bawk nen coffe kan in a, chumi zawh chuan kan insiam zui nghal.

Ka rinai takin inkhawm boruak a ninawm loh a, inkhawm ban ah Biakin atang hla lo te ah lunch kan ei a, tui ka ti kher mai. Hmun hrang hrang ah kan kal kual a, movie hmuhnawm deuh kan en zawh chuan Edward chuan dinner chu pawnlam ah kan ei tur thu a sawi a, naupang ho nen chuan kan phur kher mai.

Restaurant nuam ve tak pakhat ah chuan kan dinner tur chu kan nghak thap a, kan titi nasa hlawm ngei mai.

'  Mr. Collin, kan va inhmu khat ve' ka hnunglam atang chuan Edward chu an rawn bia a, ka hawilet hran lo.

'  EEkhai! Mr. Ray, i tha maw?' Edward chu a ding hluai a, ka hawilet chu ka phu zuk. Nimin a ka thlawhna chuanpui pa kha alo nia.

'  Ka tha alawm. Wow! Lidya, nang maw? Mrs. collin unaunu maw i nih?' a hmel ah chuan maktihna hmel a lang zauh.

'  George, kan va intawng fuh ve. Nia, Liz hi ka pianpui neihchhun ania' ka lo ti sap a, Liz leh Edward chuan mak an tih hmel kher mai.

'  Nimin khan kan rawn thlawk dun a' George chuan Liz te lam hawi chung chuan a sawifiah zauh a, Liz thawhuai hmel chu ka hmu reng.

Edward nen chuan an inbe mawlh mawlh a, reivaklo hnu chuan a kalsawn zui ve nghal a.

'  Lidya, khapa nen khan thlawhna pakhatah in rawn chuang ho amaw?' Liz hmel chu maktihna in a khat.

'  Aw, ngatinge?' ka hawi a kher mai.

'  Awiiii..... I va han vannei chiang em! I hming ala hre thlap bawk a' Liz hmel chu a phur hmel ta tlat. Henu hi engemaw a hriat le?

'  Liz, pangai deuh teh. Lidya iti hawihai alawm' Edward chuan alo khap vat a, kan sawizui ta lem lo. Sawizui tur a awm lo hrim hrim bawk a.

Vanneihthlak takin Edward te hospital-ah chuan receptionist part time job hna chu ka hmu ve hlauh a, zinglam ah ka duty a, chawhnu dar 2-7 inkar ah lam zirna school-ah ka kal bawk. Lam hi nuam ka tia, Tim khan zir min remtihsak ngai lova, a chhan ni a a sawi chu ka hah anga, ani chhunlam hnathawk a kal ziah chu ka lo welcome that peih loh a hlauh vang ni in a sawi thin. Keipawn a sawi anih chuan ka awih hmiah. Tunah erawh min khaptu an awm ta lo bawk a, Liz lahin nuam ka tihzia a hrechiang bawk a, ka duh ang takin ka zir ve thei ta.

Kum 1 zet hospital-a ka thawh hnu chuan in luah hran ve ka duh thu ka sawi a, phallo viau mahse ka tum tlat avangin Liz te in atanga hla lo te ah chuan ka inbawl hrang ve ta. Ka riahluh hmasak ber zan chuan ka lungleng lutuk hi ka mu thei thlawt lo. A tuk zan ah Linda ka hruai phei a, tui takin kan mu ve ve ani.

'  Kan la tawn ngai loh thil kan tawng a, 20th March hian kan area mai pawh ni lo, khawvel hriat khawp a farm hlawhtling, LASA FARM chuan an farm din cham kum 21 na lawm nan kan Academy zirlai thlan bikte min sawm a, vawiin atang a tel tur kan enthla tan dawn a, kan zavaia tel thei vek turin inbuatsaih vek ang u aw....' lam min zirtirtu pa chuan a ti chiah chu kan ri chelchul a, kan phur hlawm kher mai. Keipawh tel ve ngei ka tum ani.

3

Ka lamzir ka tang deuh aniange, ka hna a ka duty pawh ka mutthlu lek lek fo mai. Diktak chuan lamzirna school hi hawn ve theih ka chak takzet ani. Ka tleirawl chhuahtirh atang a ka dream  ve ber thin kha ania, mahse Timnen kan intawn takah khan kan innei zui mai bawk nen, ka tihzawm thei ta lo ani.

'  Ava chhuak awm ve?' chu awri ah chuan ka mutthlu suar suar chu ka phu zawk a, a nui zui hak chu kan en a, George chuan uluk fahranin min lo melh a, ka zak ve kher mai.

'  Ui..... Enge ilo tih dawn a?' ka sam tuai puat pah chuan ka ding hliai a, ka pawnfen chu ka siamrem nghal a.

'  I mutthlu lai ka rawn en mai mai chu ani lo phawt a....' nui huk huk pah chuan min fiam zui hlak a, ka ngei reuh ngei mai.

'  I in entir ve dawn ami?'

'  Ni chiah lo. Mr. Collin hmuh ka tum a, ka nu chungchang ah. Amah a awm em?' hmel thutak deuh zawk chuan min lo chhang vat a.

'  Aaaa..... Kan zawt hmasa ange aw... Lo thu rawh. Meeting an zawh tawh leh zawh tawh loh  ka hre mai lo a.....' tihpah chuan thutna tur chu ka kawhhmuh a, phone chu ka la kang nghal a.

'  Mr. Collin chu a free tawh e. A room-ah iva hmu thei ang' ka phone ken lai dah pah chuan

George lam chu ka hawi a, ani lah chuan uluk zetin min lo melh a, ka lai lek lek ani.

A tho a, Edward room lam chu a pan zui nghal a. Ka thlir zui vang vang chu min hmu an awm leh awm loh ka enkual zuk zuk a, ka nuih aza ru kher mai. Tim nilo mipa ka mit la awmchhun ani ngei ang.

Hna ban chuan lamzirna hmun lam pan chuan chak deuhin ka kal a, kawng ka cross lai tak chuan car chakzet hi a rawn tlan thut a, insaseng na hman a awm tawh lo. Ka harhchhuah meuh chuan hospital khum ah ka lo mu a, ka bul ah Liz, Edward leh George an lo awm thap a. Chet ka tum chu ka kawng chin hnuailam chu an lo pawt khawng vek mai. Ka hlauthawng ta khawp a, Liz chuan mittui tling piau chuan ka kut a rawn vuan a, sawifiah a ngai lo. Ka dinhmun chu a tha lem lo tih ka hrethiam nghal.

'  Lydia, na i nei em?' Edward chuan dam dup in min rawn bia a, mahse a hmel ah chuan ngaihthatlohna lian tak ka nei.

'  Aih. Ka che thei lo hi ani mai. Enge ka dinhmun?'

'  I kal leh mai thei rih lovang. A chhan chu i kawng ruh a kau a, i khel ruh a pelh deuh bak ah i kephah kha a hliam ve deuh a' Edward hi chuan a damlo te hi tlang takin an natna a hrilh mai thin tih ka hrechiang. Mahse Doctor thenkhat ang lo takin hetia tlang tak a a sawi hian amah ah damlo te hian hahdamna an hmu tlat zel. Keimah ngei pawn.

'  LASA FARM anniversary-ah ka lam ve thei dawn lo ani maw?' ka rilru a awm hmasa ber ani miau a....

'  Nakum ah chuan i lam thei tawh ngei ang' George chu a vawikhatna atan a rawn tawngchhuak ve bauh a...

'  Nia. Edward, engtik chhung nge hun ka mamawh ang?' harsatna paltlang dan hi khawi atang a ka zirchhuah nge ka hre lo. Mahse ka hmachhawn tur thil chu puitling tak a hmachhawn tlat ka tum thin.

'  Ka hre lo le. Naktuk lam ah test ngai te kan test zawh lam ah i hmalam hun chu kan la sawi  tha leh dawn nia. Chuan, nangmah sutu che kha police lam in an la a, a ruih lutuk vang ani  awm e. Khalam kha chu i buaipui a ngai lovang. Ka hrilh hre hrim hrim che anih chu. Zan in chu George hian riahpui che alo tum tawh sia. Liz nen kan va haw anga, naktuk zing ah a hmalam   in kan rawn phei dawn nia' Edward chuan a ti zung zung a, hnial dawn mahila a hnial theih loh tih ka hria. Liz chu a fate bul ah a awm ngei a ngai.

Ka zun chu an siak a, thil tuiril bak ei min phalsak lova, Edward leh Liz ten min hawsan hnu chuan George chu ka khum sir ah chuan a thu kur a, han biak dan tur ka hre lo kher mai.

Engvang a min riahpui duh nge anih? Nupui a neilo emawni...

'  I chhungten an phal ami?' a nuih rik huk ah chuan ka zawhna naupan chhiat zia ka hrechhuak. Ka khi ve suk.

'  Tlangval senior kum 40 tling dawn tawh hi chhungten ka riahbo loh an hlauh zia chu' nui vur vur chuan min chhang a, ka lo nui ve tawp. Nupui ala neilo chu ani phawt anga....

'  Bakah inhmelhriat tha em em pawh kan ni lem si lova, engvang a min riahpui tum ngawt nge i nih?' ka mitmeng chu a buai nak. A chhan chu ka hmelhriat tha tak ani lem si lova.

'  Thlawhna a hnar ring zet kha ka hmelhriat tha tak ah ka ngai hmiah mai asin. Riahpui i duh

vak nange?' ala nui vur vur tho mawle.

'  Aaaa.... Duhlo chuang lo ve. Zanriah chu Liz khan min lo pe dawn a, enge i ei duh ang?' ka sawitur hrelo chuan kan ti ve ngawt a.

'  Liz chuan min lo pe lovang. A fapa a nuamsam lo a, bakah ka order vek tawh. I tan beef mushroom soup leh buhhawp tlem ka chah a. A bak chu i ei phalsak ini lo a' Liz chu ka va ngei tak. Ed damloh te chu min hrilh ve awm. Ka fapa ang tho ania.

'  Harsatna em em a awm lo. Ei leh in lam chu ka ti thei zul. Puar loh ka hlau ber zawk' ka nui hak hak a, chu chu ka nu min sawi thin dan chiah chiah ani. Ka lung a leng reuh.

Ka ke chu a rawn tur deuh veng veng avang chuan ka awm a nuamlo tan kher mai. George erawh ka hrilh inthlahrung tlat. Lehkhabu a chhiar mulh mulh a, kei erawh ka ke tur vang chuan ka thlan huh deuh phang tawh.

'  Awkhai! Na i nei ami?' a lehkhabu chhiar lai dah a lo hawichhuah pah chuan hlauthawng hmel takin min rawn en a....

'  Ka ke hi' ka sawi hleithei tawh lo.

A tho vut a, a tlanchhuak nghal a, alo let leh chu Doctor Franklin nen an rawn lut. Lawks, ka awmna hi ka thawhna Hospital kha ania. Dr. Franklin chuan min rawn jection vat a, reilo te ah ka pangai zui veleh nghal. Dinner ei a hnaih tawh avangin dinner ei zawh ah min rawn chiu leh tur thu leh a theih ang a tam muhil tur a min duh thu sawi pahin min chhuahsan zui veleh nghal

a. George ka va en chu a inthiam loh hmel kher mai.

'  A ho lutuk. A reh ve mai ka rin vang ania ka sawi duh loh' a inthiamlo lutuk tur chu ka duh lo ani.

'  Lehkhabu ka chhiar hian khawnge ka awm hrelo khawp a chhiar ka ching a, a thleng nawn tawh lovang' a lehkhabu chhiar lai chu a khup thak a, min rawn nuih var var a, mak deuhin hepa hi ka duh tih ka pawm thlap.

4

Kan dinner tur a rawn thlen chuan ka mut a chhuak riai tawh a, min chiu na hnathawh anih ka ring. Ka chaw ei pawh ka hre mumal lo. Ka lo mutthilh san daih a, engtinnge George chu a awmzui tak ka hre lo.

Ka harh chuan ka awmna room chu alo thim riai a, ka khum tlang bawhin George chu alo muhil a, ka kawng hnuailam chu ana ngut ngut a, ka che thei der lo. Ka thlan a tla barh barh a, George chu ka au ve ngeiin ka hria, mahse a harh thei lo. Ka awmna chu a thim mup a,   engmah ka hre zui ta lo.

Ka harh leh chuan Doctor leh nurse thenkhat in min lo bawr laih laih a, George chu hlauhthawn hmel zetin asir ah alo ding bawk a, ka meng chiah chu an thawhuai hlawmin ka hria.

'  I zia deuh em?' Dr. Franklin chuan min lo ti vat a, ka tha tih entirn nan ka lu ka bu zeuh a, George hmel ka va en chu alo nui var var a, ka dam sawng sawngin ka hria.

'  Dar 10 ah Dr. Edward alo thleng anga, test ngai hrang hrang kan ti thei ang. Chumi hma a na i neih chuan min rawn hrilh vat dawn nia' Dr. Franklin chuan tih pahin nurse ho nen chuan min chhuahsan zui nghal a.

'  Min kaithawh ve vat tur ania' George chuan ka khum bul a rawn thut pah chuan min ti nuah nuah a, ka lo nui ringawt.

'  Koh harh theih loh in riahpui tir chu ka sim mai thei ani' nuihza ru deuh chuan ka lo ti zauh a, a mengphar nasa mai.

'  Ohhh.... Min ko amaw? Ka hre miah lo. KKa zunchhuakin min tiharh a, ka en che khan thlan in alo bual huh vek che a....' a inthiamloh hmel kher mai.

'  A ho lutuk. A hun takah min hmu tho alawm' Nurse pakhatin kan breakfast tur a rawn chawi luh chuan ka riltam zia ka inhrechhuak.

Breakfast kan ei zawh chuan engemaw ho mai mai kan titi a, a bul a awm a nuamin mipa tawhkhirh em em anih loh zia a lang ka ti mai. A titi duhzawng leh ka titi duhzawng a in ang em em a, a hriatna a zau tha ve tawk tih a hriat hle bawk. An chhungkaw chanchin erawh a sawi ri miahlo thung.

'  Good Morning' Liz awri ka hriat chuan ka hawichhuak vat a, naupang ho nen chuan kawngka ah anlo ding thap a, naupang a rawn hruai chu ka lawm hle ani.

'  Morning. Ed, enge i an?' ka lo ti let vat a, Mahse Ed chuan min hlau deuh ani mai thei. Anu awm ah a bei tlat a, a awm ve tho e. Min hmuh ngailoh dan ang takin ka bawrchhawr ru reuh riau a, bakah naupang tan chuan hospital hi a ngainatawm loh em ani.

'  Mr. Ray, ka lawm lutuk ania. Kan harsat lai takin min tanpui a' Liz chuan George en pah chuan lawmthu a sawi sep a...

'  Chutiang lam sawi a ngai lo. Kan damlo nu hi duhaiin a luhlul a, a nat deuh pawn min hrilh tha duh lo reng reng' nui huah huah chuan Liz chu alo chhang vat a, ka ngei reuh lutuk. Min hek tel kher a.

'  A naupan lai zia ala paih thei lo anih hi. Harsatna a neih pawn a ngawihpui tlat zel. A luhlul reuh ania' Liz chuan a ti bawrh bawrh a, George chu alo nui sak a, Liz pawh chu a!

'  A tawk tawh. Liz, Edward khawnge?' a sawitui leh hma chuan ka lo pawtchat vat a.

'  I test na tur vel a buaipui nghal anih hmel' Liz in a tin zo deuh chiah chu Edward alo lang zui nghal a...

'  In lo tha maw? Mr. Ray, i chau tawh awm sia, i duhleh lo va hahdam ta che. Awm lo la chu kan buai ngawt ang' Edward chuan a rawn ti lut nghal mawlh mawlh a. Ka makpa hi chu ka unaupa ang zawk hial ni awm ani.

'  Chau hran lo ve. In lo thlen tawh chuan duhleh ka va inthlak anga, hna lam ah pawimawh tihtur ka nei nual a, tlailam ah ka rawn kal leh ang' tih pah chuan a tho a, engemaw ka hriat ni? A kal tur chu ka huphurh tlat pek a.

Nileng chuan test hrang hrang ka neih zawh chuan ka chau ve hnak mai. Naupang ho chu nau awmtu in a rawn hruai a, Eddie erawh anu kalsan a duh tlat loh avangin kan bul ah a awm ve mai a, mahse naupang fel tih takah buaipui a ngai lem lo.

Thla 2 lai mai mut hahchawlh ka mamawh dawn avangin leh a ke chu zai a ngaih dawn avang chuan ka huphurh ru khawp mai. Liz a buai ve si, thian ka nei em em hran bawk si lo. Ka lam

zirpui ten min rawn kan liam liam a, ka kawmngeih ve ber Angie a nu leh pa damloh avangin an khawlam ah a haw lai ani bawk si. Tunge min awmpui ta ang?

Tlailam dar4 a rik chuan sana ka melh ru zeuh zeuh tawh a, George chu alo kal ka beisei tlat. Mahse dar 7 a rik pawn alo la lang lo. Liz te nufa pawh Edward rualin haw turin ka tur lui tlat a, min zai hma chu ka tha tho a, naupang an la te deuh bawk nen, hnathawk ho in min duat tho a, awmpui ka duh rih lo ani. Ni lo, George kha a rukin ka beisei tlat zawk in ka hria.

Dar 8 a ri leh tawh, George alo lang thei lo. Keihi ka zaktheilo reuh mange. Hmelhriat tha pawh nilo, zan khat min riahpui vang a zan dang lo beisei leh ringawt kha.... Lunghnur ru zet chuan Liz min lo kensak lehkhabu chu ka chhiar nuap nuap a, ka rilru ah a lut lo kher mai.

Liz chuan min rawn phone zawk a, rei inbe lovin ka dah vat a, tumah ka be chak lo. Ka rilru hi a lunghnur ru ve em em mai ani. Damdawiin chaw chu dinner ah ka hmang ve mai a, chaw eikham chuan damdawi ka ei zawh ah min rawn chiu a, lehkhabu chu ka chhiar leh malh malh a, engtiklaiin nge ka mutthilh ka hre lo.

Ka chal chu kut lum thar thar in a rawn deuh chuan ka harh zawk a, ka bul ah George chu alo ding reng a, ka hmu thut chu ka lungawi lo ve ringawt.

'  Sorry lutuk. Nileng in ka buai a, rawn phone mai awm che ka nihlaiin ka phone a thi daih pek a, ka charge hman lo a... Ka tiharh che a pawi lutuk. Muhil leh rawh' a awri dam dup chu a thlamuan thlak kher mai.

'  A ho lutuk. I mawhphurhna ka ni hleinem. Engtikin nge ilo thlen a?' ka rilru chu a phur ru leh surh tawh.

Darkar 1 vel chu i hnar ri ka ngaithla tawh' nui vur vur a min tih chuan ka zak kher mai.  ' Naaa... i van sual tak' ka biang sa hat chu a rawn khawih zeuh a...

'  Ka ti mai mai anih kha. Ka lo thlenna ala rei lo. Dinner i ei tha em?'

'  Ummm.... Engtiknge i haw dawn?' diktak chuan min riahpui loh ka hlau ru em em a, mahse ka beisei ngam tawh meuh lo ani.

\

'  Haw turin min duh ami?' a mit chu a ti zim san a...

'  In chhungte pawh ka ni lova' kei hi chu hetiang hun a tawngkam hman dan tur hi ka thiam thlawt lo.

'  Ila ni lovang tih tunge sawithei?'

'  Dinner i ei tawh em?' titi dang ka vawrh mai loh chuan beiseina ka neih palh ka hlau ta det.

'  Aaaa... ei tawh e. Hnathawk ho nen zanin chu kan kilho a, engemaw rel a ngai a' thut pah chuan a ti liam puat a, a mit chuan min en reng thung.

'  Eng hna?' zawhna hi chu ka pe mawl ve thei ania.

'  I unaunu in a hrilh lo che ani maw? Nakin ah ila zawt mai dawn nia. Chuan, i inzai hun ah chuan private male nurse a ka tan i remti angem?' a nui sang a, mahse a uang miahlo tih erawh a hriat viau thung.

'  Hnathawh i ngaih chu... Bakah engtinnge i hriat?' ' Ka lo thlen in ka zawt nghal alawm'

Vanneihthlak takin zankhua mai chuan ka na a chhuak lova, mut pawh ka mu tha khawp mai. Ka harh zeuh zeuh a, ka harh apiangin George chuan min lo buaipui hman ziah. Nuam ka ti ru kher asin.

Damdawiin atang pawh ka chhuak felin ka dam vah tawh. Ka kawng erawh dim deuh ka ngaih dawn avangin lamzir lampang ka chawlhsan rih a ngai dawn a, ka lungawi lo kher mai. Ka tui  ve na ber hi harsatna vangin ka ti theilo zel a.

'  Liz, LASA FARM neitu pa ani tih tinge a hma khan min hrilh loh? Ka unaunu chu ka ngei kher mai. A chhan chu an farm anniversary a ka lam ve theih dawn loh avang a ka lunghnur zia te, ka hmuh ve chak zia te leh a neitupa a chhelo an tihzia thu te kha George bulah khan ka sawi chiam a, ka zak leh hnuhnawh kher mai.

'  Oooh, i hre tur ah ka ngaih vang alawm. Bakah nangte chu annihna in a tibuai ve ngai si lo che a' Liz chuan engahmah ngai lo zet chuan a cake siam lai chu a cheimawi chhunzawm miah miah.

'  Chupawhnise,..... Hmmp... Pawi lo. Ka hmu tawh dawn chuang lo a. Chhiat erawh a chhelo tak tak anih kha' ka thusawiin Liz a tihphurzia chu a... Ka hamhaih zawk alawm le,...

'  Ohhh... Lydia, iti tak tak amaw? Enteh, Tim hnu ah mipa hmeltha i sawi vawikhat na' Liz chu a ri chelchul mai a. Enge? Mihring ve tho ka nia. Tha ka lo ti ve ani mai. Phul hlut a ngai pawn ka hrelo.

'  Tim chu sawi tawh lovang. I cake siam lai kha zo vat teh. Naupang lo haw hma in i zo hman lo ange. Edward tan nalh takin lo inchei la'

Vawiin hi Edward birthday ani. Amah chuan a hre der lo. Surprise kan duh avangin LIz pawn ala wish duh lo. Liz hi cake siam thiam tak ania, vawiin pawh hian a pasal tan cake nalh leh tui hmel zet mai a siam ani.

Naupang ho lo haw hnu chuan naupang ho ka lo tifai a, Liz erawh an pa tan intuaifaina hun a hmang mek ani. Door bell r ah chuan naupang ho chu ka signal a, an thu thap. Liz ka han ko vat a, kawngka hawng turin a kal nghal. Light kan off vek a, candle pakhat chiah ka chhi.

Liz kawngka hawng chu tuemaw a rawn kai lut a, Liz chu a nuih sang ka ring. Edward ani ngei bawk ang.

'  HAPPY BIRTHDAY' tihpah chuan light kan on a, naupang ho pawh an au ring. Mahse tunge ka hmuh hi? Lalpa, ani thei lo. Edward ani hauh lo. Ka thisen chu a khang vek mai hian ka hria ani.

GEORGE - 5

Kawngka ah chuan Tim alo ding kur a, ka hamhaih kher mai. Liz pawh chu a ding chat a, Tim

hnung ah chuan Edward a rawn lut zui ve nghal. Inchhung chu a reh thap a, naupang ho lah an hawihai bawk. Edward chu a harhchhuah hmasa ber a,...

'  Tim, ilo kal ani maw? Lo thu rawh.... Liz, Lydia, ka fate u, ka lawm e.....' tih pah chuan Tim chu thutna a kawhhmuh a, Tim pawh chu a thu zui ve nghal. Liz hmel chu hmu ula innuih aza ve mai thei. Tim chu ei zawh vek duh hmel a pu. Nia, ka dem lo. A unaunu hmuhsitawm tak a siamtu kha ani miau a.

'  Ka lo kal hun hi a fuh lo in ka hria' Tim chuan a ti bauh a. A hmel chu ala tha reng mai. Tlemin a mitkhur a thuk ta deuh tih loh ah chuan.

'  Nia. Edward birthday lawm kan lo tum a' Liz chuan alo ti hmak a, ka nuih aza ru tlat pek anih chu.

'  Min telpui ve nghal ang chu' Edward chuan Liz chu mitmei a khak zauh pah chuan alo ti vat a, kei erawh ka la ngawireng.

'  Happy Birthday.... Ka kal phawt ange... Lid, naktuk ah hun remchang i nei thei angem?' thawh hluai pah chuan a ti zui nghal a...

'  Engatan?' alo luh atang a vawikhat nan ka tawng ve ta.

'  Khawngaihin kawngka thleng min thlah thei angem?' ka zawhna a ngaipawimawh lo leh ta kher asin.

'  Lydia, only 5 mins' Liz chuan alo ti zauh a, phur lo zet chuan ka zui ta nge nge.

Kawngka chu ka khar a, pawnlam boruak chu a vawt ser mai. Liz khan 5 mins chiah atih  avangin keipawn hnial ka tum lo. Kan ding ngawidun vang vang a, tawng hmasak a tumloh hmel bawk si.

'  Engvang a helai thleng hi rawn kal nge i nih?' ka aw chu a chang rat rat kher mai.  ' Lid, min ngaidam rawh' ka kut chu rawn vawn a tum a, ka la sawn rang kher mai.

'  Min lo hrethiam la, Edward birthday lawm kan tum a, kan hun hlimawm tak hi min rawn tibuai lo turin ka duh che ani. Min kalsan tawh la ka lawm ngawt ang' ka tawngkam chu keipawn mak ka in ti. A hma ang te kha chu ni se ka tuiral leh tawh mai thei. Mahse tunah chuan ni lul tawh lo ve.

'  Ka tihpalh ani. Naktuk ah kan in hmu thei angem? Vawikhat chiah' a hmel ah chuan natna tuar hrep hi a ang.

'  Kan inkar siamthat leh i duh anih chuan inhmuh a ngai tawh lovang. Mahse i lungdamna tur anih a min kalsan hlen theihna tur anih phawt chuan vawikhat chauh chu ka hmu ang che' mak  ti hmel tak chuan min en a, keilah ka hawi vah tawh. Hman a a duhloh a paih chhuah ngei khan ka hawisan khum ve tawh asin.

'  Ka lawm e. I hna ban ah ka lo nghak ang che' A kal zui nghal a, ka thlir reng. A motor tlanliam thleng chuan ka thlir zui a, diktak chuan ka chhungril hi chuan ala ngai ve alawm. Mahse khati khawp a min nghaisa tu, ka ngen ngawih ngawih pawh a phone hmang a min hnawtchhuak tu kha ani miau a, ka mitthla ah in ka chhuahsan tur kha a rawn lang leh iarh iarh a, ka mittui   chu a tla fap a, ka lu ka thing sawk.

Ka mit ka meng chu ka hmalawk ah chuan George chuan uluk fahran in min lo thlir a, ka phu nasa kher mai.

'  Tahbelhte, kha kha ami?' alo hmu vek ani ngei ang le. Ka zak ve det. ' Enge i lo tih dawn?' a zawhna chu pehhel hram ka duh ani.

'  Birthday party a tel tur a sawmna ka dawn hi ka rawn umzui' a nui sang a, Liz ani lehpek tawh ang.

'  Nihchuan lut ila' kawngka chu hawn tumin ka ban nghal a, mahse ka kawngah chuan nghet zetin a rawn kuah a....

'  Tihian ding lawk ang' a rimtui hman rim chu ka duhzawng tak. Engmah sawisel lo chuan ka ding ngawi hle hle a. Inchhung lam a naupang hlim thawm ah chuan ka harhchhuak zawk.

'  Lut ang' min kuahna atang a talpit pah chuan kawngka chu ka hawng zui nghal a, kan lut dun min hmuh chuan Liz chu alo phur hmel nasa mai.

'  Happy Birthday.... Mr. Collin....' present bawm tereuhte pek pah chuan Edward chu a chibai zui nghal a, Liz mitmeng hlim teh sawr lutuk chu ka ngei lek lek. Tim bul ah lem keite ang chiah hmel leh mitmeng a pu a...

Cake kan zai zawh chuan naupang ho an zawi tan a, dinner kan ei ta vat a, keichu morning duty ka neih avang in riah ka tum lem lo. Edward chuan min thlah mai tur ah ka ngai.

'  Lydia, George hian a thlah thei mai che in ka ring' Liz chuan chaw eikham thingpui kan in lai chuan a rawn ti leh ta khat mai le.

'  Ka thei alawm.....' George lah chuan ka chhan hma in lo ti vat pek. Edward lah alo nui sawng.... Hmmmp

Liz te in leh ka in chu a inhlat lem loh avangin kawng ah chuan tawngna hun a awm lem lo. Leng lut tur chuan ka sawm zui ve nghal a, ani pawn a hnial lem lo. Ka in kan luh chuan a enkual a, ka lo zak ru reuh. An hausa si, keive chu ka in pumpui hi a thawmhnaw bawm vel anih ka ring hial.

'  A nuam reuh. Bakah a thianghlim' chair a thut pah chuan a ti zui nghal a, ka thaw huai mai. 'In tur i duh em?' zahzel ah chuan ka ti ringawt a...

'  Duh lo mai ang. Rei ka thu hman tawh lo. Hnathawh tur ka la inchhawp a'

'  Farm neitupa i ni tih ka lo hre miah lova' inthiamlo zet chuan ka ti sap a....

'  Chu chu ka duhdan ani. Farm neitu pa ni lovin George, mi pangngai ve mai ang a min en tu tur hi ka mamawh zawk' a mitmeng chu ka lak atang a kalsawn mang lo.

'  Nihchuan pawi iti lo tihna ni maw?'

A nui hawk a, ' A chang hi chuan i chhaw reuh thin....' ka bul a rawn insawn pah chuan ka biang chu a chul a, ka lo mur leh ta seng seng e.

'  Haw tawh rawh' sawitur ka hre tawh thlawt lo. Ni e, diktak chuan ka duh ve takzet n ka hria.

A huhahng hian min tibuai thin. Kum 40 ral kai dawn tawh mahse a landan ah chuan 32 bawr vel a ang. A taksa a mawi a, a vun rawng uk khak leh a khabe phir lek lek, a hnar zum vah leh a mithmul buk lam, a hrawk bawk zawng zawng nen hian a fuh thlawt alawm...

A tho vut a, ' I bul a awm chu hun a rei dawn lo hle mai a...' a nui var var a, ka tha ala khur tlat. A rim ringawt pawh hian min ti phur thei tlat pek zu nia!

Ka hna ah chuan ka rilru ka pe hleithei lo. Tim chuan min nghah tawh thu msg a rawn thawn a, ka hmu chak lo. Ni e, hmuchak lo pawh ni ila min dem suh u. Khawvel mipa a ka hmangaih hmasak ber leh awmchhun, ka engkim ka hlan, min uire san chung pawh a atan la ti ve fan fan thin, min hnawhchhuah hma zawng a inchhung ah a lo haw hun hun atan ti a rawng ka lo bawl sak thin khan min hnawtchhuak a, chu mai pawh ni lovin ka chhuah ni ah pawh a hmel takngial pawh a rawn inlan duh lo va, ka tan chuan ana a sin.

HMANGAIHNA HI HUATNA AH A INLEH TAWH CHUAN INCHHIR IN AWMZIA A NEI TAWH NGAI LO. KA HMANGAIHNA DUHKHAWP LO MAI PAWH NI LOVA HMUHSITAWM A MIN SIAMTU HI KA TAN CHUAN LUNGAWI TAK A HMUH LEH HI HARSA TAK ANI TAWH ANI. KA HMANGAIHNA KHA A TLUAN TLING LO IN TI ANI MAHNA, MIHRING VE BAWK KA NI.

Chhun dar 12 a rik chuan ka hna ka zo, peih lo zet chuan ka chhuak a, pawn ah chuan Tim chu alo ding vang a, ngawireng in a car ah chuan ka lut a, engmah ka sawi peih lo. Kan tlanchhuak tur chu car darthlalang atang chuan George ka va hmu thut, chiang em em in min lo en a, a nui lo a, thinrim hmel pawh a pu chuang lo. Tim chuan engemawni a sawi tih ka hria, mahse enge   a sawi pakhatmah ka hre lo.

Restaurant pakhat ah chuan kan thu dun ran a, kan awmna room hi a fal deuh a, alo hauh lawk anih ka ring.

'  Lido, ka thiltih zawng zawng ah khan ngaihdam tlak ka ni lo. Mahse i tello chuan engmah ka ni lo ani. Khawngaihtakin chance min pe leh rawh' Tim chuan min en ngawih ngawih a, ka ten a zual tlat.

'  Ka sawi lawk ani lawm ni? Bultan tha leh turin ka hmu lo che. Min hnawhchhuah lai khan vawikhat chauh hmuh che ka ngen che a, ka hlawhchham a.....'

'  Ka tihpalh ani'

'  Khati lai khan hmuh che a, mangtha nan i kut vawn ringawt kha ka chak asin. Mahse chupawh ka ti thei lo a. Khang kan inneih chhung zawng khan min lo hmangaih ngai lo tih ka hrechhuak tawh a, tunah pawh min hmangaih vang ni lovin min mamawh vang ani tiraw... Hei hi ka thutawp ani. I hnen ah rawn let ka tum tawh lova, i in ka chhuahsan rual khan ka thinlung atang nangpawh i thi tawh ani. Khawngaihin min rawn tibuai zui tawh lovang che' ka tho a,  Tim chu a thu ngawireng a, room chu ka chhuahsan zui nghal.

Restaurant kawt ah chuan motor hman tur ka nghalk a, diktalk chuan Tim bul a ka thusawi kha dawt a tel ani. Ka thinlung atang hian a thi lova, ka la ngai fo thin. Mahse keimah a induhtawkna hian a hnen a let leh turin min tlawm tir thei tawh lo ani. Ngawirengin taxi lo kal ah chuan ka lut a, ka address ka sawi a, ngawirengin taxi pawh a tlan nghal. Ka mittui luang ngiai ngiai chu hrukhul ka tum lo.

In ka thlen chuan ngawirengin room ah ka lut a, Tim hmel a natna kha ka hmulo ani lo, ka hmuchiang lutuk. Mahse mihring rinawm lo tawh chu rin leh an harsa tawh. Ser nen a inpawm leh ai chuan mahni kawng hran ve ve zawh ila kan hlim zawk ang tih ka ring tlat ani.

Ka kawngka bell ri ah chuan ka tho vat a, zawi zet chuan kawngka ka va hawng a, ka rinloh takin George alo ding. Ka meng phar nasa mai. Ka sawmna pawh nghak lo chuan a rawn lut tlang nghal a, ngawirneg in ka zui ve tawp.

Sitting room sofa-ah chuan a thu run a, a awmdan chu mak ka ti kher mai. A hma ah chuan ka thu a, a tawng hun ka nghak hmak.

'  Engtinnge i tih dawn?' a sawi awmzia chu ka man lo kher mai. ' Enge i sawi awmzia?'

'  Lydia, i pasal hlui hnen ah khan i let dawn em?' a zawhna chu mak ka ti zual deuh deuh. ' Chu chu enge i tan a tangkaina?'

'  Ka hre duh. Chuan, nanghi ka duh bawk che' Lalpa! Ka phu nasa lutuk! George hian min duh amaw? Ka awih thei lo.

'  Ka ring lo. MMipa ho hian infiamna amaw min ti suh u...' ka lu ka thing na na a, ka thu hriat kha ka awih thei lo ani.

'  Lydia, ka uang lo a, ka fiam lo che. Mipa thenkhat ang in thu ka ti thlum thiam ve lo ani mai thei. Mahse ka chiang ani. Nang hi ka duh che' ka bulah chuan a rawn thu phei a, ka buai ru leh ta.

'  George, mipa ring leh tur chuan ka la in peih lo in ka hria' ka ti sep a, ka kut a rawn la vat a, a awm a dah pah chuan......

'  I mi rinna chu pawimawh dawn viau mahse chu ai a pawimawh hmasa chu i tan ka rinawm dawn ani. I pasal hmasa ang mai mai ni lo khan' maktak maiin George thusawi chu ka ring nghal thlap pek.

Liz hnen ah George nen kan inkawp tih ka hrilh chiah chu a au ring ngei mai. Ni e, ka unaunu hian min duhpui em ani. Tunge duh lovang? HHmeichhiat mipatna lam a hmingchhiatna nei eih lo, taima si, mipa rintlak tak ani miau alawm. Ka pasal hlui pawh a reh zui nghal hmiah a, a chhan chu George khan chanchinbu mi a kawmna ah a tan hmeichhe special tak ka nih thu a sawi miau alawm.

GEORGE ( LAST)

Tlangval senior tawh leh nuthlawi han inngaihzawn chu inhauhna tur a awm khat viau mai. Mahse min duat lutuk hi a chang chuan ka pangchan phah fo thin a, han tihtauh ve te hi nuam ka ti thar ta riau. Tim bulah kha chuan puitling tak khan ka awm a, amah a pangchan zawk  thin avangin pangchanna hun ka nei ve hman meuh ngai lo. George nen chuan an in ang lo kher mai.

'  Lo insiam rawh' hetia tih tawp hi a ching ve hrim hrim a, lam ka zir chhunzawm theih loh avangin ka hna ka zawh hi chuan hunawl alo insiam ve vat thin ani.

Nidang ang bawkin tlailam ah tuipui kam vel a min lenpui leh ka rin avangin kawrfual pan lampang, a ban bul leh sandal ka bun a, ka kawr chung ah a duhdan ang in puan pan te ka bat

bawk a, ka sam chu ka tawn tawp a, ka hmui ah lipstick sendang, pan te in ka hnawih bawk a, mit dum hi a duh lem loh avang leh ka ngainat vak loh avangin ka dum lo bawk.

Tlailam dar 5 a rik chuan min rawn lam a, a inchei dan chu ka duh kher mai. Cotton jeans dum dak nalh zet a ha a, a chung ah t-shirt grey colour a ha bawk a, loafers a t-shirt mil zet mai a bun bawk. A rimtui kher mai bawk. Uluk zet a min en hnu chuan ka khabe a rawn dawm kang  a, ka lo nuih sang a...

'  Tun ah chuan a hun lo. Ka lipstick hi kiss proof a ni lo ania' ka lo ti zauh a, a tum chu thulh in a kut chu a la sawn a...

'  Lipstick reh thei lo siam tir a ngai anih hi. Chhuanlam ah i hmang ziah' tih nui nui pah chuan car lam min pan pui nghal a, ka nuih a za kher mai.

Kan kalkawng chu nidang a kan kalna thin kawng ani ta miah lo. Mahse engmah ka zawt duh lo. Ka ring tawk a, ka himna hmun lo ah min kalpui lovang tih ka chiang ani. Tin, zawhna zawh sek hi a ngaithei lo bawk. Thlamuang zet chuan a music play ' If u wanna find love' chu ka ngaithla a, he hla hi chu kan ngaina dun ve tawk ani.

'  Kan thleng e' a tih ri ah chuan ka muthlu chu ka harh a, kan hma a in in pharh duai, ropui tak ti a sawi tur ni miah lo, mahse thlamuanthlak hmel zet chu ka en a, ka ring thei lo. An chenna hmun ah min hruai anih chu. Thla 7 zet kan inkawp chhung khan vawi 1 chiah min sawm a, mahse ka hnial avangin min sawm nawn leh lo. Tunah chuan min sawm miah lovin min hruai tawp ani.

'  Welcome to our house' min rawn melh pah chuan a nui sang a, keilah ka lo ka hau bawk.  ' Engmah i sawi lawk lova'

'  Ka sawi lawk chuan min hnial leh dawn sia, ka nu in a hmu chak tawh che a, min nawr sek bawk nen. Hetia ka tih mai loh chuan ka hlawhtling leh dawn in ka hre lo ani' ngaihdam dil hmel zet chuan min melh a, ka nuih aza bawk si. Mi hi a hrechiang hrep lehnghal a.

'  Mahse ka thawmhnaw hi....' ka kawr chu ka en a, a chhungte hmelhriat nan chuan ka sit ani.

'  Thawmhnaw a buai hmeichhia hi ka ngaina lo ania. I nihna ang tawp khan ka duh che. Kal ang le, ka nu leh ka unaunu in min nghakhlel tawh lutuk ang' car kawngka a chhuah pah chuan a ti zui mawlh mawlh a. Chet nachang ka hre chuang lo. Ka thutna lam kawngka a rawn hawn chuan thawhak chungin ka chhuak a, ka zam ve takzet ani.

Ka kawng a kuah pah chuan muangchangin inchhung lam chu kan pan a, kawngka bul ah chuan thawk ka la leh hak a, min hrethiam takin min rawn nuih a, ka confi veleh ta deuh.

'  OMG! G, engtinnge hetiang ang hmeichhe hmeltha hi i hmuh theih?' hmeichhe pakhat, naute pawm, George nen a in ang zet mai chuan alo ti chul a, a fel hmel kher mai.

'  Lydia, hei hi ka farnu neihchhun Sandra anih hihi. Dandra, hei hi Lydia chu anih hi' George chuan alo ti vat a, ka kut phar chhuah pah chuan..

'  Lydia ka nia. Ka hmu che chu ka lawm hle mai' tih pahin Sandra kut lo phar chhuak chu ka vawn sak a, George ang bawk a hmeltha ani. A fel hmel hle bawk.

'  Sandra ka nia, George unaunu ka ni e. Keipawh ka hmu che chu ka lawm e. Lo kal ru, ka nu in a hmu chak tawh lutuk che ania' tih pah chuan room pakhat min pan pui a, a mizia chu ka

ngainat chi tak ani. An hausa hle chungin a inthuamna a uchuak lova, ni lo, mi pangngai inthuamna ve tho ani a inbel. A nui sang bawk a, chhungkaw fel tak an nih ka ring.

'  Mom, alo thleng e' Sandra chuan room kawngka hawn pah chuan a ti zui nghal a. Khum a nu upa lam tawh lo mu chu George nen an hmui a in ang kher mai.

A ban lo phar chhuah pah chuan, ' George nu ka nia, Lydia, ka hmu thei che chu ka lawm e' a kut chu lo vawn vat pah chuan...

'  Keipawh ka hmu thei che chu ka lawm e' ka lo ti vat a, ka ngainat chi tak ani dawn in ka hria.

'  Keihi hlamchhiah ka ni mai dawn ami?' George chuan titau der tih hriat tak chuan alo ti ve a, kan zavai chuan kan nui hak a....

'  Ka fapa, i mi nghah char char chu kan chhungkaw zing a mi ni sa ang mai alawm. Lydia, ka fapa luhlul zet hi engtinnge i enkawl thiam bik ni?' nui hak hak chuan George nu chuan a tia, kan nui zui leh hak hak a. An chhungkaw bul a awm a nuam kher mai.

Zanriah kil ve tur a min tih tlat avangin keipawn hnial chi ah ka ngai lova, rawngbawl erawh an awmpui ten an tih avangin George nen chuan an compound chu kan fang kual a, a zawl nuam   in a hahdam thlak takzet ani. Khawpui ri bengchheng in a tibuai ve lova, engkim chu plan fel tak nei a siam ani tih hriat takin a fel thlap a, nuam ka ti takzet.

'  Enge i ngaihdan?' ka beng bul ah chuan a rawn ti sap a....

'  Ropui lutuk ringawt. I chhungte an fel si, ka beisei phak bakin min lawm a.... George, ka tawng lovang che tih ka hlau thar leh ani' George kut hmet niap niap pah chuan ka ti sep sep a.

'  Keitak hian ka tawng lovang che tih ka hlau ania. Hetah hian kan inneih hun ah pawh kan cheng anga, kan fate nen phaitual hnim chung ah kan infiam thin anga'

'  George, min nei duh tak tak dawn ami?' ka inthlahrunna hi ka control theih piah lam ah hian ka tilang chhuak hma leh thin ani.

'  KA nupui atan ka duh tur loh chu ka kawp lovang tih thutiam ka nei a, ka duhtak chu ka kawp che a, abak enge sawi tur la awm? Nang bak hi nupui tur tha ka hre lo. I inpeih hun ka nghak thei ang che. Mahse ka kum hi ngaihtuah tel la' nui sang chuan min melh a, ka zak chu ka sen tawn tawn thei.

KUM 1 A LIAM HNU CHUAN....

Biakin chhung a Edward nen kan inkailut chu mipui mit ka chung ah a fu thup ni ber hian ka hria. Ni e, George hi mi hriat hlawh ani. Hetiang mipa tha lutuk ka nei thei hi vannei min ti hlawm ni berin ka hria.

'  I nalh lutuk' ka beng bul ah chuan a rawn ti sap a, ka zam chhe leh ta pek. Inneih thutiam kan neih zawh chuan honeymoon hmang tur in George chuan hmundang pan lovin an farm bul lawk a in te a sak ah chuan min kal pui a, ka hlim takzet ani.

'  Ka lawm e. Ka nun tikim tur a min neih duh avangin' George chuan ka kawng a min rawn kuah pah chuan a ti sup a, hawilet vat pah chuan...

George, keipawh ka lawm ani. Thiamlohna ka neih ah min zilh hau la, khawngaih takin min rinawm loh san lo hram ang che aw....' Ni e, Tim ang mai khan ka chan leh ang tih ka hlau ani.

'  I nunhlui ang kha tawn nawn tir leh che ka tum lova. I nunhlui theihnghilh thak khawp a siam che ka tum ani. Min rinngam chhung piah lam ah i tan ka rinawm reng ang' ka hmui ah a rawn fawp vawng vawng a, khawvel piah lam a cheng ang mai ni in ka inhria.

Tunah chuan fapa duhawm tak neiin chhungkaw hlim tak ka nei ve ta. Liz te nupa pawh in min lawmpui takzet ani. Ka pasal ang tluk a mipa tha hi an awm leh tawh pawh ka ring lo.

A TAWP TA.