SEE YOU IN HEAVEN (Complete)

Chapter - 1


Ka hma a nunna nei tawh hauh lo a mu ka nu chu ka en tlawk tlawk a, a fair lo. Ka neihchhun asin. Kha natna tihbaiawm tak, cancer-in a luhchilh hma kha chuan khavel ah hian engdangmah kan ngai bik lo. Pathian zar ah sawrkar han sang vak lo a thawk a, kan nufa ei khawp chu a thawkchhuak ve. Keiin ka zirlai ah ka insawrbing bawk a, Doctor ka la ni ngei ang. Ka nu duh ber hna a ni miau a.


.


" Nula, khawngaihin min lo zui lawk thei angem?" ti tu Doctor chu ka en hu a, ka mawl vek ti ila a dik ber ang. Mahse ka harhfim kur tho bawk si.


.


" Thiannu, va kal lawk la" ka thiannu, ka thian neihchhun tak meuh meuh, Rampuii chuan ka dar ah a rawn vuan a, naupang thuawih thei ang maiin ka tho nulh a, chu Doctor, ka nu huntawp thleng a dawmhlumtu awmchhun chu ka zui mawl tawp a, a room chhung ah chuan lehkha pawimawh ni awm tak chu min sign tir a, a sawi ang ang chuan ka sign mawl tawp tawp a ni ber mai.


.


AFTER 3 MONTHS


.


" Thiani, ilo in enkawl uluk lovang tih ka hlau emai. Ka zuk tifel anga, ka rawn let lehnghal ang" ka thiannu, Rampuii chuan min ngaihtuah takzet tih ka hria. Ni e, ka nu boral hnu ah class ka kal chhunzawm peih lo ani ber mai. ka nu boral khan ka nu unaupa neihchhun ka Putea chiah hi kan chhungte ah hmuh ka nei. Ni e, ka nu hi hmeichhe luhlul tak a ni. Ka pa ka hre lo. A chhan chu ka pa hian min duh lo a ni awm e, Ka nu hian kum 18 ka tlin ni in min hrilh a, keipawhin ka nu mitmeng ka en khan tunge ka pa tih hi hriat ka duh ngai lo. Kei min pai avang a ka nu kha tuithlar a ni. Kohhran Upa tunu ka ni tih hi in awih kher lo mai thei. Mahse ka ni miau si a ni.


.


' Min ngaihtuah suh" tih pah chuan ka nui sak a, mahse ka ngaihtuahawm zia chu keimah pawhin ka hai lo. Ka nu a chauh zual hma deuh khan doctor zir tur in ka tling tih kan hria a, mahse ka nu boruak khati kha anih avangin Doctor zir lam dahtha in Hotel management lam ka zir ta kha ania, mahse rei erawh ka kal hman ta lo.


.


" Class kal chhunzawm la ka duh. Anih loh chuan ila tlai chuang lova, doctor zir tur chuan kal leh mai la ka ti" ka thiannu hian min ngaihtuah tih ka hria. Mahse doctor zir chu ka duh tawh lo bur. ka zirchhan ber tur min laksaktu hi ka dem bawk. Pathian hi ka hua a ni. Ni e, ka neihchhun, ka engkim ka NU in laksak miau alawm. Ka mamawhna san zia a hria, engvang a min laksak nge anih? Ka nu thih hnu hian vawikhatmah ka tawngtai leh ta lo.


.


Ka insiam a, hna ka neih a ngai tih ka hria. Ka nu min hnutchhiah hian rei ka daih hauh lovang. Tumah kan chhungte ti a pan ngam ka nei hek lo. Ka putea ve lah khan ka nu pension chan tum in hma ala a, a hlawhchham a, a bak chu ka hmuh ah a rawn lang leh ta lo. Darthlalang ah ka in en a, ka hmel dawldang lutuk chu thup bo nan ka hmai chu ka hnawih tai a, ka hmui pawh pan te in ka hnawih ve ngei e. Ka nu damlai a ka hmel tai tak thin kha hmuh tur keimah ah a awm lo tih chu tu sawi mah ngai lovin ka hmu chiang ve ta e.


.


" Laltlanmawii, i lut thei e" ka hma dawhkan a hmeichhe hmel fel vang thu chuan min rawn ko a, ka zam em ka hre lo. Ni lo, zamna ka nei hran lo. Keimah hrim hrim hi ka chawmawlh vek tawh a ni. Tawngtai ka rilru ah a rawn awm zawk a, mahse ka nu ka mitthla ah a rawn lang zawk a, ka lu ka thing a, inringtawk zet chuan kawngka ah chuan ka lut zui nghal. Mahse ka hma a Putar lo thu ka hmuh chuan ka phu zawk thei. Ka nu pa, ka pu ngei mai chu alo thu a, ka nu nen an in ang kher mai. Min hriat ka ring lo. A chhan chu vawikhat pawh an tunu hmu tur hian ka nu chhungte kha an rawn kal miau lo a ni.


.


" Nula, lo thu rawh. Laltlanmawii maw inih kha?" dam dup a a tih chuan ka pum chu a so bulh thei. Ka nu khan alo chhun hle a ni. Engtinnge ka pu a ni tih ka hriat in ti em? Keichuan min duh lo mahse ka nu chhungte hi ka hre vek. An in ah ngei pawh ka va kal tawh miau a ni.Mahse an tu nu ang ni lovin, an tu nu Lalbuatsaihi thian, school kalpui ang zawk in. Ka Putea erawh in hrang chang anih tawh bakah a nupui vangin inpui an kalngai vak lo tih ka hrechiang em em bawk.


.


" Aw, ni e" nuisang a tih pah chuan ka pu hma a thuthleng ah chuan ka thu a, a hnar a tuai zauh a,ka nu tihdan thin tho. Ka luak a chhuak up up thei.


.


" Le, khawi veng ah nge in awm ve le?"


.


" Bungkawn veng ah"


.


" Engvang a he hna hi rawn dil nge i nih le?"


.


" Ka mamawhna vangin"


.


" I tui zawng a ni hrim hrim em?"


.


" Ka hre lo. Mahse ka mamawh anih chuan tuiloh chhan tur a awm ka ring lo" dawtsawi ka duh loh bakah tlin ka duh lo.


.


" Chhungkua in em ni in awm?"


.


" Ni lo e. Ka nu in min boralsan tawh a, keimahin ka awm" ka sawi zawng a ka thin tawt up up chu ka thaw chhuak ham ham a, ka kut ka hum ruh hle bawk.


.


" Ka tawrhpui hle mai che. I kal thei tawh e. I tlin leh tlin loh chu i contact dah ah hian kan rawn hrilh leh mai dawn che nia" a hmel ah chuan min tawrhpui hmel tak tak a ni. A fanu chungchang kan sawi tih a hria angem ka hre lo. Mahse Kohhran Upa ve meuh mahni fanu tuithlar thei anih avangin a fanu chungchang kan sawi tih pawh a hre nek lovang.


.


In ka thlen chuan Rampuii nen kan inbia a, lo let a tum hun a pel tawh. Mahse a zirna tur ah pawimawh a tam avangin a tum ang in a awm thei lo a, ka hrethiam lutuk. Nitin kan inbia a, amah chiah hi khawvel ah ka awm ve tih hre tu awmchhun a ni ngei ang. Ka inluahna te erawh an fel khawp mai. Rampuii nen kan inbiak zawh chuan mutthilh zawk ka tum a, ka mit ka chhing chiah chu ka pu hmel kha ka mitthla ah a rawn lang uarh uarh thei. Tunah chuan sumdawnna lian tak an nei tawh a, ka nu U mipa in bul a tan a ni. Police officer a ni. Ka nu hnawtchhuak tur a phusa ber pawh a ni. A nupui, MLA thin fanu nasa zetin ka nu a huat em avangin a nupui duhdan in ka nu kha thehchhuak an ni tih pawh ka hria. An fanu neihchhun pawh tuithlar duhkhawp a nu leh pa tenawm neitu ka nu ka lainatna hi a nasa tulh tulh a ni ber mai.


.


Zing chaw ka ei ngai lo. Thingpui ka in a, ka hna interview tumna pakhat chu call ka tum a, mahse an pick up theih loh avangin phone lawk lo a kal mai chu ka rilruk. Ka pu te hnen aiin hlawh chhe zawk mahse ka tlin hlauh chuan thawh ka thlang zawk. Nitin mai a ka nu thisen zawm te hmuh chu ka zuam chiah lo a ni.


.


" hello" ka phone ri ka pick up rual chuan ka ti nghal a, nichin a ka call tum te kha an nih ka ring ngawt.


.


" Laltlanmawii i ni em aw?" ka pu aw ngei chuan a rawn ti. Ka phu nasa kher mai.


.


" Aw ni e. Khawi atang nge le?" ka pu aw chu ka hai miah lo. A chhan chu ka nu nen an thluk dan zawng zawng nen a in ang vek tlat a ni.


.


" Nimin lam a i rawn interview-na, JK Industries atang khan ania. I hna dil ah i tlin thu rawn hrilh che ka tum a. I hman chuan vawiin chawhnu dar 1-ah ka office lam ah min rawn hmu dawn em ni niang?" ka beisei mawlh lo. Nimin khan hna chungchang kan sawi hauh lo. Ka mimal nun bak min zawt hman meuh lo kha ania.


.


' Aaaa, nia... aw.... nia, ka lo kal dawn nia" ka thusawi chu hriat pawh ka hrechiang lo a ni ber mai. Ka kal tur thu ka sawi hnu chuan lawmthu a sawi a, phone a dah zui nghal.


.


Ka helhhawlh nge ka hre lo, ka insiam hleithei lo. Hna ka hmuh vang a phili ka ni lo tih ka chiang. Dar 12 a rik chuan ka insiam zo a, ka hna hmuh tharna hmun lam pan chuan ka kal a, ka thlen chuan dar 1 a ri deuh der mai. Hun tiam vawn dik ka duh vang a kal hma ka ni. A vawikhatna atang a ka tlai chuan thil tha ber ni in ka hre lo.


.


" May i come in sir?" ka pu room kawngka kik pah chuan ka ti zui nghal a, ka tha a khur lek lek mai. Ka interview dawn a ka inrintawkna kha ka nei leh ta hauh lo mai.


.


" Lo lut rawh. Hun i vawng dik hle mai. Ka duhzawng tak i ni" ka pu chuan nui sang a alo tih chuan ka khur pawh chu a ziaawm veleh ta deuh.


.


" Ka lawm e"


.


" Counter-a thu tur chuan ka duh viau nang che in ka P.A tur hi ka mamawh dawn tho a, i awm zawk hreh em?" a tih chuan ka phu nasa kher mai.


.


" Ka lo ngaihtuah ngai miah lo a" thudik tak a ni ka sawi ni.


.


" Lo inngaihtuah ta che aw.... I duh loh pawhin ka hnial lo che. I duhthlanna a ni e. Hlawh erawh a in ang lovang" a tih chuan ka nui sak a, ka mamawh chu a hre kher mai.


.


" Ka lo inngaihtuah ange"


.


" Appointment letter chu hei hi ania, naktuk atang hna ilo zawm thei anga, naktuk i rawn kal hun ah i thutlukna hriat ka lo beisei ang. Kan company rules chu lehkha ah khan a awm a, ilo en mai dawn nia. Vawiin atan chuan lo va inbuatsaih la, naktuk ah kan inhmu leh dawn nia" a tih chuan ka lu ka bu nghauh a, lawmthu ka sawi zawh chuan ka chhuahsan zui nghal.


Ka dar a min rawn su pawp tu ka en chiah chu ka taksa a sa pup thei.


***   ***   ***


CHAPTER -2


A kut min rawn pe tu mipa chu khawvel mipa piang tawh zing a ka hmeichhe nihna tichhuak thei awmchhun ala ni ang. Ni e, ani hi mi hausa a ni. A hausak leh hmelthat vang a mi hriat hlawh a ni. Jonah Ramropuia a ni. Apu sumdawnna a rochun vang a hausa ringawt a ni lo. Ama thiamna vang a Hospital lian tawk tak nei a ni. Doctor a ni bawk. Tin, nupui hmeltha zet a nei bawk.


.


" I na em?" a aw chu a mawi kher mai.


.


" Ihhh... Awww... Aih, englo, ka tha" ka ti bah nawk nawk a, ka thlan bawrh bawrh thei hial a ni.


.


" A that chu. Nidang ah chuan i kalna i en uluk tawh dawn nia" tih pah chuan ka mit ah tak a en a, a inher a, a kalsawn nghal hmak bawk. Polite tehchiam lo hle mai.


.


Ka hna pawh ka tan tawh. Ka pu chu ka rinai daihin hrawn a nuam. A P.A nih chu a hrehawm hran loh. Bakah midang tumah an rawn lang ngai vak lo. Ka nu U mipa erawh alo lang veleh zauh thin. Karhnih ka awm ve ta a, thawhpuite an fel a, bakah lehkhathiam rual kar a han awm chu a nuam phian mai.


.


" Lt, vawiin ah ka doctor alo kal dawn a, mahse alo kal hun tur a kan tih kha meeting pawimawh a awm dawn avangin min lo nghah a ngai dawn a, ka be tlang thei lo a, ilo buaipui mai dawn nia. A tul leh eitur te ilo lamsak anga, i kut ah ka dah mai e" ka pu in a tih chuan ka lo buaipui tur thu ka hrilh vat a, meeting na ah puih a ngaih loh tur thu a sawi leh hnu chuan meeting room lam ah a lut zui nghal. Ka pu hi ka pu diktak ni lo se chuan ka ngaina viau in ka ring. Amah ngawr ngawr hi chu a tha lo a ni lo. engvang a ka nu kha tuithlar tawp thei nge anih ka hrethiam lo.


.


" Pu Nghakliana doctor ka nia" ti tu lam chu ka hawi a, ka phu lehpek. Jonah bawk kha maw?


.


" Aaa... nang.... Eng lo, ka pu chu emergency meeting a nei a, lo nghak tur che in a duh a" min hria ang a a awm loh avang chuan hmanni a thil thleng kha a hre zui lo tih ka chiang.


.


" Anih chu. Helai ah hian lo thu ila a pawi em lovang chu maw..." tih pah chuan sofa chu a kawk a, a lu a thle buk bawk. A luhlul ngawt in ka ring.


.


" Pawi lo e. Coffee i in duh angem?"


.


" A theih chuan thingpui hang ka lo duh zawk ang"


.


" A sen nge a paw?"


.


" A sen hang" van tih chi tak. A sen hang te chu ka dawhkan ah ka lum thei hlauh.


.


" I thawhna ala rei vaklo em ni?" thingpui ka pek rual chuan min zawt a, hmanni a a mizia ni awm a ka rinai chuan a tawngduh ve deuh. A khabe ruh kual chu mawi ka ti tak zet.


.


" Thla 1 ala tling lo deuh"


.


" Anih ka ring. Ka thingpui duhzawng ila hre tlat lo a ni" a nui hak a, a duhtu tan chuan a duhawm in a pa hluah hluah ang. Mahse keichu min sut hnu atang khan keimah a a thawh ang kha a bo nghal vek thei.


.


" Next atang chuan tihsual a awm tawh lovang" ka nuisang a, ka induhtawk hmel viau bawk in ka ring.


.


" I lawmawm reuh riau. Ka hming chu Jacob ania, engtinnge ka koh ang che" makti zetin ka en a, ani kha chu Jonah a ni sia.


.


" Maw?" mawl hmel zet a ka tih chuan a nui hawk a.


.


" Ka phirpui zawk i hria anih hmel. Jonah kha ka U zawk ania, keihi a ruk a doctor ka ni ve mai. Just only for ur boss"


.


" ooohhh... Anih chu. Lti ti in min ko thin" tiang em em a in ang hi ka la hmu ngai lo. Phir pawh ni se phir dang te chu an hmel hmai ah danglamna tlem tal a awm thin. Anni erawh an hmel atang ringawt chuan danglamna pakhatmah a awm lo.


.


" In lo inkawm thei em?" ka pu a rawn lang ve ta hlawl a, a hnung ah chuan patling pakhat a ding ve bawk.


.


" I P.A thar chu kawm a nuam khawp mai" Jacob chuan alo ti vat a, a ding zui nghal bawk.


.


" Keihi chuan mi tha apiang ka nei thin alawm" nui hak hak a a tih chuan ka lo ner sawk. Khawvel a mihring tha ber ka nu, ama fanu ngei kha a hnawl anih kha.


.


Ka pu te luh hnu chuan ka pu hnung a ding pa chu sofa-ah chuan a thu a, a hmel chu a nelawm loh hran loh. Mahse min en duh dan atang chuan ka ngaina hran lo.


.


" Nula, eng veng ah nge i awm?"


.


" Dinthar ah"


.


" Anih chu. Helai a thawh chu a nuam awm em?" min biak tlangnel a tum viau nangin ka ngainat chi a ni mawlh lo.


.


" Nuam khawp mai"


.


" I pu hi mi tha tak ania, i vannei khawp mai" a nui sang a, pa hmelchhe tak a ni lo. Mahse hlauhna riau ka nei tlat pek.


.


" Nia. Ka vannei khawp mai" ka nui ve tho nangin a zat miau loh a nuih chu harsa ru ve viau.


.


Ka pu leh jacob an lo chhuah chuan engmah a sawi zui lem tawh lo. Ka pu leh Jacob chu an rawn nui chhuak hawk hawk a, thian inkawmngeih tak an ang zawk.


.


" Lt, hei, kan doctor hian zanriah kilpui che min dil a, rem i ti em han hrilh teh" ka pu in nuisang a a tih chuan ka thin a ur ru teuh. Tu mipa mah ka la chhuahpui ngai lo.


.


" Aaaa.... Thil tih tur ka lo nei tawh sia, remchang dang ah ni mai se" dawt sawi hi ka thiam loh lam ni mahse a hun ah chuan ka sawi ve thei tlat.


.


" Chu, Pu Nghak, min hnawl tihna ani ngei ang" Jacob chuan mit min siai zauh chung chuan nui var var in a ti a, nuam lo ka ti ru angreng khawp mai.


.


" Remchang dang ala tiam che chu. I nupui tur buai in kan buai mai si a, nanglah i he ti roh a, nula mi hek lo che" ka pu in nui hawk hawk a a tih chuan ka lo nui ve nasa mai.


.


Ka phone ri rang rang chu ka en vat a, ka number hriat ngai loh a ni. Rampuii bak biak ka nei ngai lova, tumahin min be ngai hek lo.


.


" Hello"


.


" Tunge inih ka hria. I hnathawhna hmun hi chhuahsan in Mizoram hi chhuahsan ang che" mipa aw in a rawn tih chuan ka phu nasa kher mai.


.


" Tunge i nih?"


.


" I hriat a ngai lo. Ka thusawi hi uluk tak in ngaithla rawh. Nang hian i nu phuba lak nan a i hna hi thawk i ni tih ka hria, i chung ah thil thalo a thlen hma ngeiin inthiarfihlim ang che" a sawi zawh chuan phone chu a off zui nghal hmak. Call back ka tum a, a in switch off zui nghal. Ka hlau em ka hre lo. Mahse ka rilru hre thei ang mai a a rawn tawng chu mak ka ti. Rampuii takngial pawh ka hrilh lo ania, engtinnge kha mihring khan a hriat theih? Tunge anih ang?


***   ***   ***



CHAPTER -3


ka hnathawhna ka thlen chuan nidang ang lo tak in ka pu mai bakah ka pi alo awm tel ve tlat mai.


.


" Good morning. Tukin chu kan thlen khalh che. Hei hi ka nupui anih hi" tih pah chuan ka pi chu a kawk a, muangchangin ka pi chu ka en a, ka nu hian ka pu a chhun zawk tih ka hre thei nghal.


.


" Ka hmu che chu ka lawm e, ka pi" tih pah chuan ka nui sang a, mahse ka ngaina lo. A mitmeng chu a thip riau in ka hre bawk.


.


" Keipawh ka lawm e. Kan vawikhat inhmuhna a ni em?" a mitmeng fing zet chuan min melh a, ka hlauthawng hman kher mai. A tunu nen kan inkawm ve zeuh ti ila, school kan kal ho a, an in ah ngei pawh ka kal tawh ka tih kha. Mahse min hriatchhuah ka duh lem lo.


.


" Ka hre lo le. Ka lo thawh hnu ah kan vawikhat inhmuhna ania" nuisang chuan a mit ah chuan ka en ve kar a, ka thin erawh a phu ve deuh.


.


" Anih dawn chu. Hnathawh nuam le" a tih chuan ka lu ka bu nghauh a, ka pu lo nui vur vur chu nuih let in ka thutna lam pan tur in kawngka lam ah ka kal zui nghal.


.


Ni hneawm tak a ni. Ka pi leh ka pu chu ka pu room lam ah an awmdun a, anmahni hmu tur mi an lo kal deuh reng bawk. Chuan, nimin lam a ka pu rawn zuitu pa pawh kha a rawn lang leh a, mahse min be lem lo. Thingpui pe a ka luh bak chu ka pu room pawh ka lut hek lo. A nuam zawk tho nangin hna ka tifel hma si a, a ninawm deuh hlek chu a ni.


.


" Lt, lunch ei tur in kan chhuak dawn a, min lo zui ve duh angem?" ka pu te nupa lo chhuak chu ka en hau a, ka pu in lunch ei tur a min sawm vawikhatna.


.


" Aaaa, aih. Ni lo, ka lo zui lo mai ang che u. Tiffin ka pai a" ka tih chuan ka pi chu alo nui sak a, pitar mahnise a hmeltha in a la nalh ve tlat.


.


" Helai ah hian nula tiffin pai, artui kan chiah chawhmeh nei tiffin ei pui turin ka rawn kal a" ti tu lam ka hawi chu Jacob a ni. Alo nui var var bawk. A kut in paper bag lian ve deuh a khai bawk.


.


" Nang maw?" ang pham chuan ka en a, a nui hmel chu a ngainatawm tak tak a ni.


.


" Mahni a tiffin ei ka peih bik lo a, ka rawn join dawn che" tih pah chuan a paper bag khai chu ka dawhkan ah chuan a rawn nghat a, a rim chu a rawn nam nghal hak, rimtui lutuk.


.


" Ka ei pui peih ngawt lo che"


.


" Pawi lo. I ei ka lo en mai ang. Bag kha hawng la, ka tiffin pai ve a awm kha. Mahse artui kan ka ei chak" tih pah chuan a mitko a san zauh a, ka chawhmeh pai a risk dik avangin ka nuih a za kher mai.


.


" Phal ta lo ila"


.


" Ka chawhmeh pai rim in i hnar a verh zia hmuh kha chuan i ui vak ka ring lo" nui hak hak a a tih chuan ka ngei zawk kher mai.


.


" I duhzawng a ni em?" ka thil thial lai chu ka chawl a, ka bu nghauh. Ka nu awm loh hnu ah rawng ka bawl tha peih lo a, chawhmeh pangai ka ei ngai meuh lo. Phuihnam leh khanghu tlak pawlh ei chu a nuam ngei mai. Mahse alo kengtu hian a inhmeh hlawl lo thung. A ei ve awm pawh ka hre hek lo.


.


" I ei ve miah lo" ka en hu a, alo nui sak a.


.


" Uih lampang ka ei lo, mahse tupawhin ei se ka ngaithei vek. Abikin..." a mit a siai zauh a, he mihring hian min ngaihzawn a tum em lovang chu maw?


.


" Keichu ka duh vek. Mahse..." ka ngawi dat a.


.


" I nu boral hnu khan i ei leh ta miah lova"


.


" Engtinnge i..."


.


" Shhh.... ei rawh. Kan ngaihsak zawngte chu kan hre ve thei alawm. Tak a, i pi chu a fel em?" a ti vat a, mak ka tihna chu a zawhna vang chuan a reh chawpchilh veleh nghal mai bawk.


.


" Fel ang. Pitar hmeltha tak a ni" ka ner sak a, ka ngaina hlawl lo.


.


" a khirh em em bawk. Fimkhur viau ang che" a hmel chu a thutak ngut a, mahse min lo en a ka lo melh kar avang chuan a nui leh vat a, engemaw tak hriat a nei a ang ka ti. Amah hi a ni angem nizan a min lo be tu kha? Ka hrechhuak veleh chiah.


.


" Tak a, ka phone number i nei em?" ngaihtuah chiang hman lo chuan ka zawt nghal phawng.


.


" Nope. Nei ila chuan vawiin hian lunch ka ei chhuahpui zawk ang che" nui hak hak a a tih chuan ka thaw huai mai. Nizan ami kha a ni lo phawt. Mahse dawt a sawi ve thei tho mai.


.


" Lo duh ta lo ila"


.


" Min hnial reng duh bik in ka ring lo a" a dar a san ak a, kan tiffin ei na chu ka tifai malh malh a, mipa danglam tak, nelawm tak kar ah fing em em a ni. Tin, an hausak ngaihtuahin a chapo hmel loh viau bawk.


.


" Ka hna ka tan lehnghal a ngai dawn a.." ka pu te lo let hma in kal hman se ka duh kher mai.


.


"Inhnarna mawi tak mahnise i pu ka lo nghah a ngai dawn sia, sawlai ah sawn naupang fel ang maiin ka lo va thu ange" nui hawk hawk a a tih chuan ka zak ru chem chem. Keimah vang a lo kal emaw ka lo ti ve ngawt chu ka zak a ni. Ka lo beisei sang mah mah a ni.


.


" Anih chu a. Thingpui i duh angem?" zahzel ah kan ti ngawt a, ka zak hmel chu thup bo tum in ka hawi vah bawk.


.


" Hnathawh tur i neih chuan ngai lo mai rawh se. Keipawh phone atang hna kan lo thawk ve pah ange" tih pah chuan sofa-ah chuan a thu a, a palian in a bawp a sei sia, hmeichhe tam tak chuan an star ve khawp ang le!


.


Ka hna bang ka haw thleng pawh Jacob chu ka pu room atang ala rawn chhuak lo. Ka pu in haw tur a min rawn hrilh pawhin a hmel ka hmu leh ta lo. Chawhmeh pangai lei ve duh viau mahila pawisa ren ka ngaih avangin bazar ka lut kawi duh ta lo. Bakah ka nu tello a nawmsak hi ka hlau tlat. A tawrh tawhna ah khan a thlarau hahdamna tur ka tih hma chuan engmah nawmsakna emaw, ei tui emaw ka duh lo. Ka taksa mamawh tawk ka ei chuan a tawk ka ti viau rih mai.


.


In ka lut chu engemaw ti tak hian ka zam tlat a, ka kawchhung hi a so tlat pek. Ka nu boral dawn khan tiang chiah hian ka awm tawh a ni. Room ah ka lut a, ka intifai sawk sawk a, ka thawmhnaw ka ha tur chiah chu ka in kawngka a rawn inkik a, mak ka ti ngei mai. Inleng ka nei ngai lova, tumah ka len pawh ngai hek lo. Ka inluahna te takngial pawh ka pawh lo. Tunge tn ang hun ah kawng rawn kik ta ang?


.


Hlauthawng ru deuh chuan kawngka lam chu ka pan a, kawngka kalna ka hawng a, pawn a lo ding ka hmuh chuan ka phu nasa ngei mai. Ka pi nen ngei mai kan inhmachhawn ta ran mai. A mitmeng thip ram chu ka en reng a, tunge ka nih a hria tih hrilh nawn ka ngai hauh lo.


***   ***   ***


CHAPTER -4


" Enge hetah... nang..." ka tawng bah nak chu ka duh lo kher mai. Mahse ka hamhaih bawk em a ni.


.


" Lut turin min sawm dawn lo em ni?"


.


" Ka tihpalh. Lo lut rawh" tih pah chuan kawngka chu ka hawng zau a, ka nu thlalak lian tak a ka tar chu a pan ding nghal nalh.


.


" Nu hmeltha tak a ni. Mi pasal a ngaihzawn hma kha chuan" ama fanu ngei pawh a hmuhsitzia tilang khawp a tawngkam leh aw-ka chhuak a nei thei chu rapthlak ka ti takzet.


.


" Enge helai hmun ah hian duh i neih?" ka hhnathawhna a ka pi a ni. Tin, ka nu nu a ni bawk. Mahse ama fanu ngei pawh tuithlar a a thlarau pawh la diriam duh pitar hi ka zahna chhan vak tur ka hre lo tlat a ni.


.


" Nula, thurawn pe tur che a lo kal ka ni. Ka pasal hian tunge i nih a hre hauh lo, mahse keichuan tunge i nih tih leh tu fa nge i nih tih ka hria. Engvang a kan company a rawn lut nge inih pawh rindan ka thiam. Mahse hei hi ka hrilh ang che, i nu vang a rawn lut i nih chuan inthiarfihlim rang ang che" a hmel chu ka en reng a, a fiamthu lo tih ka hria. Pitar rapthlak tak a ni. Mahni tu te ngei pawh vau duh pitar chu!


.


" Ka pi, i thurawn avangin ka lawm. Mahse i thurawn chu ka hnawl mai ange. A chhan chu hna ka mamawh miau a ni" ka ti ve ngat a, ka rinloh takin a nui sak mai.


.


" I nu ang chiah i ni"


.


" Ka nu pawh kha a nu ang chiah anih ka ring"


.


" I sawidik e. Mahse i nu ang mai khan i boral ve mai ang tih ka hlauhpui che. Hna dang ka hmuhsak thei reng che ania" a mitmeng chu a nem deuh a, mahse a hlauhawmna a nep phah chuang lo.


.


" Ka lawm e. Mahse tun a ka hna ah hian ka lung a awi tawk e"


.


" Naupang luhlul tak i ni. I nu pawh kha a luhlul vang a tun dinhmun hi thleng a, fahrah siamtu a ni" ka khur dat dat thei. Ka nu chungchang a chhe zawng a sawi ka duh lo.


.


" Ka pi, khawngaihin min chhuahsan thei angem?" insum zawh loh ka hlauh lutuk avang chuan ka ti ta thlawt. Ni e, ka neihchhun ka nu chungchang mawilo tak a sawi hi ka remti ngai lova, ka remti ngai hek lovang, tun atang a kumkhua in.


.


" Ka ti tak tak ania. Hna dang, tun a i hlawh aia tha zawk hi ka pe ang che, mahse kei leh ka chhungkua i rawn hnaih ngai hauh tur a ni lo..."


.


" Ka sawi tawh kha. Ka hna ah hian ka lungawi tawk. Ka pu in min ban anih ngawt loh chuan ka bang hauh lovang" a hmel sen vek chu ka en reng a, engtinnge hetiang hmeichhia hian ka nu kha alo hrin theih? Ka nu khan vawikhat pawh a chhungte chanchin hi a chhe zawngin a sawi ngai lo.


.


" A tha e. I nu nge chak nang kan en dawn nia" tih pah chuan a tho a, kawngka a chhah thleng chuan ak tawng tawh lo. Ama fanu ngei pawh haw em em tu NU hi engtinnge an awm theih? Ka nu kha amah ngai hian a tap ru fo thin si a, ka nu kha la dam se tun a ka pi awmdan hi hmu in hre ve ta se engtinnge a awm ang le? Ka gaihtuah zui ngam lo.


.


" Good morning. Ekhai, i damsam lo em ni?" ka pu lo lut chuan a ran ti hluai a, ni e, nizan lam ka muhil ta miah lo a,ka hmel chu make-up a thup mai tum viau mahila ka thup seng lo deuh a ni.


.


" Morning. Dam e. Nizan lam ah lehkhabu ka chhiar rei deuh a. Thingpui ka rawn dahlut nghal dawn em ni niang?" nui sang chuan ka lo ti vat a, ka pi chuan min ban tur chuan alo ti em lo anih hmel.


.


" A pawi hleinem. Tak a, zanin chu kan haw hma thei dawn lo a ang riau. Office ban hnu ah meeting ka nei dawn a, RT Construction nen a kan contract chungchang ah khan paper hlui ho kha lo dahchhuak ta che aw" a tih chuan ka bu nghauh a, ka pu hi pa tha tak ni in ka hria.


.


Nilengin zan lam meeting-na a mi tur buaipuiin ka buai ve a, mahse awm ngawt ngawt ai chuan nuam ka ti zawk tho.


.


" Lt, boss hi a awm em?" ka hma a pa tar lampang tawh, kan office gate-keeper chu ka en a, he pa pui hi ka ngaina riau. Engtiklaipawhin a hmel hi a hlim a, a dam dap thei reng bawk.


.


" Aw awm e.Pu Kap, enge i duh tehmial a?" sana ka en zauh a, office ban a hun daih tawh. Ka hnathawk tui talangin sana ka lo en hauh lo a.


.


" Aaaa, kan nu a tha vak lo a, hlawh dil hma mai ka rilruk mawle. Khawngaihin luh min han dilsak ta che aw" a tih chuan ka pu chu ka phone vat a, luhtir tur a in tih hnu chuan phone ka dah a,Pu Kapa chu a luh theih thu ka hrilh chuan lawmthu min hrilh sap a, ka lo nuih var var.


.


Ka pu te meeting chu ka ning tawh khawp mai. mahni in ka dawhkan ah ka thu a, Hotel atang a an eitur order chu ka ei mial mial a, haw daih mai ka chak tawh a ni. Sana ka en a, dar 8 a ri thuak tawh. Inchhunglam atang a thawm rik dan atang chuan kan bang thei dawn anih hmel.


.


" Lt, ka rualin i haw dawn nia. Motor a awm vak tawh awm si lo a" a inleng te haw hnu chuan ka pu chu haw tur in a rawn chhuak a, ka dawhkan bul ah a ding a.


.


" Aih, a ngai lo mai. Inhnuai ah taxi a awm leh mai ang" ka lo ti vat a, ka in awmna a hriat ka duh lo bur.


.


" Tunang zan ah chuan a him ber lo. i inthlahrung lutuk anih kha" ka pu in a tih leh chuan hnial a nuam tawh hauh lo. Engemaw tak ka tih a ngai a ni. Chhan tum a ka ka ka an ziau lai chuan ka phone a rawn ri a, ka pu chuan pick up tur chuan min rawn zauh a, ka phone ka en chu ka number hriat loh atang bawk.


.


" Hello"


.


" In office hnuai ah ka awm. Ka thlah dawn che" a aw-ri atang chuan Jacob ani tih ka hre nghal. Ka number a neih dan ngaihtuah ai chuan min chhanchhuaktu anihna ka ngaihtuah zawk.


.


" Aw le. Kan lo chhuk e" tih pah chuan ka off nghal a, ka pu chuan min lo en reng a, ka nuisak.


.


" Jacob ania, inhnuai ah min nghak a" ka zah vang a ka hmaisen chu hmu lo hram se ka duh.


.


" Kan vala chu ava che rang deuh ve. Kan chhuk dawn em ni niang?" nui vur vur a ka pu in a tih chuan ka nuk ve hak a, kan inzui thla nghal.


.


" Engtinnge ka phone number i neih?" motor a kan tlanchhuak chiah chu ka zawt nghal tawng.


.


" A harsa vak hleinem. Ipu hi ka enkawl lai anih hi i theihnghilh ta em ni?" a tih chuan ka nui hak. Ka pu chu ka rinaiin a lerh dawn riau.


.


" Mahse engtinnge hna ah ka awm tlai tih i hriat?"


.


" RT Construction nen contract in pawtsei dawn tih ka hre miau alawm. Akhai, chulam chu duhtawk ila. i in awmna lai tak ka hre lo ania. Pu Roliana te in atang in engzatna nge?" a tih chuan a hma aiin ka phawk. Pu Roliana te lane ah ka awm tih te alo hre lehzel a, ka hlau thar leh thut.


.


" Heyyy, i hmel kha. Ka hre leh si, zawhna i inzawt ani tiraw? ipu hnen atang bawk i awmna veng hming ka hria. Abak chu hriat i harsa vak tawh lo." nui hawk hawk a a tih chuan ka awm a nawm phah chuang der lo.


.


" Pu Roliana inbul ah khan ka chhuk mai ang" ka ngaihtuahna mawl zet chu ka thup leh hman ta pek lo.


.


" I inkawt thleng ka thlah dawn che. Mahse ka rawn leng lut hman dawn lo thung. Tak a, naktuk enge i tih ang?"


.


" Ka mu nileng ang" ka tih chuan a nui hak a. Mahse diktakin ka chhang a ni. Ka inkhawm ngai lova, ka mu nileng mai dawn a ni. Thian ka nei lo a, nei pawh ni ila ka kawm peih kher chuang lovang.


.


" I peih chuan damlo kan ang hmiang" ka rinloh deuh a sawi vang nge ka nui hawk a, ka nu damloh atang khan vawikhatmah damlo dang hi ka kan leh tawh lo. mi na tuar hmel hmuh ka chak hlawl lo.


.


" Kan ngaihtuah dawn nia" a mawi hawi ah chuan kan ti ve tak nangin a hun lo thleng se ka hnial dawn tho tho.


.


Thla 3 zet ka pu hnuai a ka thawh hnu chuan ka pi a rawn lang leh tawh lo. Mahse phone atang erawh chuan ka hna bansan tur a vauna ka dawng zeuh zeuh. Ka pu berin min ngaina a, min duat in min ringngam bawk a, an family thil pawh ka khawih hnem ta viau. Chuan, Jacob nen pawh kan inzui chho ve tan a, mipa harhvang tak a ni. Tin, a rilru a tluangin ka tan a hlauhawm in a awm ngai lo. Rampuii ka hrilh ni chuan min lawmpui kher mai. Mahse ka sawichhuah ngam loh, thudik chiang sa, khawsak phung ah kan inthlau a, a chhungten min duh dawn lo tih chu a rawn sawichhuak nghal. Min hmangaih vang tih ka hria.


***   ***   ***



CHAPTER -5


Ka hna ah ka tluang phian a, ka pi a rawn ri ngai lem lo. Vauna tenau chu ka tawk zeuh zeuh nangin khawi atang a lo kal nge ka hrechiang tawh a, ka kum ngaihtuahin ka puitling chak viau. Ni e, puitling chak tur ka ni tlat a ni. Mi fa te ang in nghenchhan tur ka nei ve lo va, khawvel hi keimah a ka hmachhawn a ngai miau a, rilru no hman ka ni lo. A chang a mut hmun a tah vawng vawng chang ka nei ve tho. Mahse tu mit hmuh ah mah ka mittui ka ti far ngai lo. Jacob, ani hi ka nun tihlim tu ber pakhat a ni. A hnen atang hian ka pi chungchang pawh ka hriat belh nual tawh. Mahse mipa tih tak ah mi chanchin a sawi tha duh em em lo nangin ka pi erawh hnaih lutuk lo turin min duh tih erawh a tilang zauh zauh.


.


" Lt, ni 3 chhung zin tur in lo inbuatsaih la. Chuan thawmhnaw kha ken vak a ngai lovang. Kolkata -ah meeting ka nei dawn a, nang leh kei leh Jacob te unau kan kal ang" ka pu in office a rawn thlen hlim a a thusawi chuan min ti phur viau. A chhan chu zinchhuah a, hawi harh ka chakna a rei ve ta.


.


" Engtikahnge kan kal dawn?" phur hmel zet chuan ka lo ti vat a, ka phurna chu ka thup thei lo.


.


" Ni 2 hnu ah. Mahse chumi hma chu Jonah nen zawk paper inzir dun a ngai dawn a, Jacob nen in inhmu tlem deuh dawn tihna a nih ber chu" nui sang chuan min chhang let a, a mitko a san zauh dan ah min fiam pah tih ka hre bawk.


.


" Pawi hleinem. Thingpui ka rawn lak ang che aw..." nui hawk hawk a ka tih let chuana  duh loh thu leh Jonah alo thlen har loh tur thu a sawi a, a room lam ah min luhd=san zui nghal.


.


Ka pu luh hnu chuan ka phur kher mai. Kan mamawh tur file chu eng ber nge ka hriat loh avangin file ho ka enkual a, ka zai rat rat bawk. Jacob tel ve tur chu ka lawm bawk. A kal chhan tur chu zawh hranpa ka ngai lo. Ka pu hriselna veng tur in a kal ve ang tih ka hre nghal. ni e, ka pu hian lung lam natna a neih bak ah a zun a thlum a, thawhah a nei ve bawk. Mahse a in enkawl uluk bawk a, a hna tibuai tur khawp a a natna a lanchhuah ka la hre lo.


.


" Iva buai awm ve" ti tu lam ka hawi chu ka phu leh zawk tho. Jacob a ni lo tih lanna chu a tawngkam chhuak ah chiah. An hmel ah danglamna a vang viau. Mahse enchik chuan Jonah hmai tlang a hriam deuh zawk.


.


" Buai lo e. Ihhh... I lut nghal dawn nge?" a hmel tak ngul leh a mitmeng nelawm loh zet avang chuan  ka kawchhung a nuam lo nghulh thei. A unaupa nen an in an loh dan hi a rapthlak zawk.


.


" Ka lut tlang mai ang. Tak a, i sam kha ka unaupa hian ti dum tur in ala hrilh lo che anih ka ring" tih pah chuan a mitko a san ak a, kawngka ah a lut zui nghal hmak. Ve ngawt chuan! Ka sam hi ka dum ang maw? Teuh lo. Ka pianpui sam rawng awt hi an tam emai! Bakah Jacob hian ka pian phung sawisel pakhatmah a nei ngai lo.


.


Ni 2 ninawm tak a ni. Jonah chu a nelawm loh tak zet. Jacob pawn min ngaihtuah viau nangin hna thil a ni miau a, bakah a phirpui nen a hnathawk dun kan nia, a ngaih pawh a ngam deuh ang. Office lam ah ka pu a kal loh avangin loh theih lohna avangin Jonah chu ka in ah a rawn kal mai a, ka pu thu ka hnial thei lo. Mahse ka nu thlalak erawh ka room lam ah ka tar thung. Engvangnge ka hre chiah lo nangin Jonah te leh ka pu te hi an inhnaih hmel em a, min hriatchhuah ka duh lo. Ka nu pawh kha an hriat ka ring tlat bawk a ni. Chuvang a ka nu thlalak tar sawn ka ni.


.


" Zanriah ei nghal ila pawi i ti em?" Laptop khawih mawlh mawlh chung chuan Jonah chuan a ti nghut a, sana ka en zauh a, a tlai tawh viau. Naktuk hi kan zin hun tur a ni. Lehkha pakhat tihfel loh kan la nei, a chingchivet viau a, engchennge kan la buaipui dawn ka hre hauh lo.


.


" Harsatna a awm lo. Mahse rawng ka lo va bawl zawk anga, chawhmeh hi..."


.


" Dal chhum han leh artui kan tur a awm chuan abak a ngai lovang"


.


" Anih chuan ka va siam lawk ange. Hmarcha..."


.


" Ka ei ngai lo. Ka sawi bak kha chu i duhzawng siam mai la, abak ka tan siam a ngai lovang" a ti veleh mai a, a awlsam hmel phian. Jacob nen an in an lohna ka hmuh belh. Jacob chuan bai a ngaina a, sa rim nam lo a chaw ei a hreh hle tih ka hre bawk.


.


Rawng ka bawl zo sitting room a ka phei chu Jonah chu a laptop a malchung a dah chungin alo muthlu a, a chau ve hle anih ka ring. Ni e, nimin nileng vawiin nileng kan thawk tawh a, ani phei chu nizan ah ka in atang a haw hnu ah ka pu nen kan papaer khawih an tifel dun leh a, vawiin ah lah a rawn lang hma viau bawk. Chau awm a ni. Keipawh ka chau ve hnap thei ani.


.


" Jo..." a dar khawih ka tumna kut chu alo man a, remlo zet chuan a bul ah min pawt thu a, ka hamhaih lutuk chu chet ngaihna pawh ka hre lo.


.


" Chesawn suh" ka beng bul ah chuan a ti sup a, ka beng chu a thawk khum ham ham a, ka taksa chu a sa pup thei. Hetiang hian Jacob bul ah ka la awm ngai hauh lo.


.


" I taksa duhawm zet hi hmangaihna chenpui che ka chak a ni" chu thu avang chuan ka harhchhuak zawk ti ila a dik ber ang. Engtinnge hetiang hian ka awm theih. Ka bialpa unaupa, chupawh ka hnathawhpui mek a ni bawk.


.


" ka tihpalh" tih pah chuan min kuahna atang chuan ka talchhuak nghal a, ka taksa chu a khur dar dar thei. A nui hawk a, ka va haw ber mai tak.


.


" Ka ril a tam ta hle mai" tih pah chuan a rawn ding hluai a, keilah ka lo petek dawrh. Rangzetin ka tlu tur chu min rawn ban a, alam ah min pawt phei dawrh a, ka inveng leh hman ta lo.


.


" Fimkhur lo thei lutuk" tih pah in ka hnar a piai zauh a, amah atang chuan min nawrsawn zui nghal. Ka awmdan zet chu ka haw ngei mai. Engatinge ka awmdan phung a danglam ziah he mihring bul ah hian? Ka bialpa phirpui lehnghal!


.


Chaw ei lai chuan thu pangai sawiin a tawng ve luam a, keierawh ka tawng thei thlawt lo. Ka mitthla ah Jacob a rawn lang a, ka inthiam thei thlawt lo. Engtin awm lo mahila a unaupa lak a ka feeling kha ka inten ngawih ngawih. Hna kan thawh zawh meuh chuan zan dar 9 a ri der tawh. Ka phone ka silent daih avangin Jacob in alo call leh call loh pawh ka hre lo.


.


" Naktuk zing dar 7-ah ilo inpeih dawn nia" Jonah chuan a haw dawn chuan a ti vut a, ka lu ka bu nghauh a, a nui suk a, min kalsan zui nghal.


.


Ka room tur chu a nuam kher mai. Kan 4 in room hran theuh ah kan awm a, mahse room indawt vekin kan awm thung. Ka pu leh Jacob in min laitat a, a thlamuanthlak deuh. Kan thlen ni chu ka pu leh Jonah an chhuak dun a, Jacob pawh hna tlem a neih avangin a room ah ala awm. Keierawh ka mu hahchawl a, pawnlam a swimming pool-ah chuan ka cheng chak viau nangin han inphelh ka zak deuh a, ka thulh leh ta zawk.


.


Ka taksa chu khawihtu awm tih hriat takin ka dar chu kut lum deuh hian a rawn hmer a, ka harh chiang thei lo. Mahse Jacob anih ka ring. Infawh te, han inkuah te chu kan inkar ah a thleng ve thin ngei alawm. Mahse sex erawh kan la hmang miah lo thung. Min tilui lo a, ka rinngam mipa a ni bawk. Ka hmai a rawn chul a, ka mit ka meng hleithei lo. Ka benga  rawn fawp a, mahse ka harhchiang nghal kawk. Ka beng fawptu chu Jacob a ni lo tih ka chiang lutuk tlat.


.


" Kalsawn nghal rawh" ka hma a Jonah thingthi chu ka en kal a, ka ten hluah hluah. Mahse ka taksa a tawhna erawh nuam ka ti viau thung.


.


" Hmeichhe thianghlim ang mai a awm tum duh suh. Ka hrechiang viau che ania" a hmel chu a tur khai a, a hmui a ner nawk bawk.


.


" Eng chu nge i hriat anga?" ka ti ve hmak. Min hrechiang lo hle zawk anih hmel.


.


" Mi pasal duhlai sawn, a nu pawh an tuithlar, nu thihsan hmeichhia. Tenawm lutuk" a thusawi zawng zawng avang chuan ka hrawk chu a tawt up up thei. Ka pu te nen an in close zia hre mahila chung em em chu a hriat ka ring hauh lo asin le!


.


" Nang..." ka tawng chhuak hleithei lo.


.


" Ni e. i nu vang khan fahrah kan ni hman tep asin. kha i nu, tenawm, bawlhhlawh hlawm. Ngaithla rawh, ka unaupa hian engmah i chanchin a hre lo. Mahse ka hrilh ang che, hlat ang che. Anih loh chuan keimah min hmachhawn ngei a ngai ang" a hmel ah chuan dawt a sawi loh zia a lang. Chu zawng zawng ai chuan an ni nen hian unau maw kan nih? Pa thuhmun! Ka awih thei lo.


.


" Dawt vek a ni" ka aw chu a ri chhuak chang chang a ni ber mai. Jonah chu ka en ngawt ngawt a, ka awih lo. Ka awih hlawl lo.


.


" Ipi khan a hrilh chian viau che ka ring. I hna hi kalsan la, ka unaupa biakpawh theihin lo awm tawh lo bawk ang che. Tun kan zin haw veleh i hna atang in resign la, ipi hna offer che i duh loh chuan keiman i hna tur ka pe ang che. Mahse Mizoram chhung ah i awm tur ani lo kum 3 chhung chu" ka chawmawlh vek. Ka pi leh Jonah hi an tangdun a. Jonah te unaunu ka ni bawk a.


.


" Khawngaihin ka room atang hian chhuak rawh" ka aw chu na tuar tih a hriat miah loh. Jonah chuan min en zawk a, a thutna atang chuan tho in a chhuak zui nghal.


.


Engkim mai chu mumang vek ni se ka ti. Ka pa hi hetiang ang a mi challang hi a ni tih ka hre hauh lo. Ka bialpa hi ka unaupa maw? Ka awih thei lo. Ni lo, thil ni thei a ni lo. Mahse Jonah hmel kha ka mitthla a, dawt a sawi ka ring hauh lo. Ka phone a rawn ri a, ka phu zawk nghe nghe. Kan en chu Jacob a ni. Ka natna a belhchhah sauh. He mipa tha tak chung ah hian thilthalo thlen tir ka duh hauh lo.


.


" Hello"


.


" I pu nen kan chhuak lawk a, ka unaupa in alo hrilh che em?" a aw-ki zangvah chuan ka mittui a ko mai dawn.


.


" Err... aaaa... Aw, nichin khan min hrilh zo chiah. In lo let dawn tawh em?" ka aw atang ka mood a hriat ka hlau tak zet.


.


" Kan lo thleng tep. Lo insiam la, zanin chu kan pahnih chauhin chaw ei chhuah phalna kan nei e. Simple tawpin ni mai aw" a rawn ti leh vat a, a hlim hmel in a phur hmel takzet. Lainatawm hian!


.


Kan chaw eina tur hmun chu Hotel pakhat ania, restaurant area chu a cool raih a, an music play leh an cheidan zawng zawng nen chuan a inrem vel vek a ni ber mai. Jacob chuan dawhkan alo hauhsa thlap a, a phur in a hmel a nung sar bawk. Ka mood chu tihlan loh hram ka duh. Ani hi ka unaupa a ni. A hriat hun ah min va haw dawn tak em!


.


" In tur i duh em?" a tih chuan ka lu ka lo thing a.


.


" Alcohol telna hrim hrim ka in ngai lo. Coke ka in mai ang"


.


" Ni dawn tak. Keipawh ka in lo ang. I ril a tam tawh em?"


.


" Tam ve lek lek. Ei vat ila, chumi zawh ah kan ti ti dun thei angem?" ka tih chuan min rawn melh zawk a, ka lo nui lui hram hram.


.


" Harsatna a awm lo. Mahse i hmel a diklo tlat" min ngaihtuah hmel zet chuan min en a, ka lo nui leh sak. Nakin lawk ah ama hmel zawk hi a diklo zawk dawn a ni.


.


" Ka tha. Chuan, enge kan ei dawn?" ka lo ti vat a, diktak chuan engmah ak ei chak lo. Mahse ka ei ngei a ngai a ni.


.


Kan eitur a thlan zawh chuan kan ti ti dun a, mahse thil serious erawh akn sawi lo. Mahse an chhungkaw chanchin erawh ka zawt lui ve tlat. Mak deuh chu Jacob hian an chhungkaw chungchang ka zawh apiangin a nu chanchin bak a sawi luam ngai lo. Jonah nen chiah unau an nih thu erawh a sawi tawh. Apa chungchang hi a sawi ri ve ngai meuh lo. Dinner kan ei zawh chuan Hotel lam ah kan let a, room a lut nghal lo chuan kan thlenna Hotel kawt, phul cham ruih ah chuan kan thu dun a, boruak a dai nuam kher mai.


.


" Enge sawi i duh chu han sawi ta che? I chaw ei thleng a tibuai thei thil i tawn chu ka hrechak tawh ania" Jacob chuan a rawn ti ta nge nge. Ni e, chaw kha ka ei amng lo a ni.


.


" Jacob, engpawhnise min haw lovang tiraw?" a mit ah ka en ngam lo.


.


" Lt, thu pehhel kual chi mihring i ni ngai lo. Sawi tawp rawh" a hmel ah chuan a hlauthawng tih ka hre ve tho. Ani ai hian ka hlauthawng daih zawk asin.


.


" Aw le. Ih, Jonah nen hian kan inngaizawng a...." boruak chu a ding ta emaw tih mai tur a ni. Chutah Jacob chu a rawn nui chhuak hawk a, ka en haw a, a hmel chu a dang vek.


.


" Dawt sawi thiam ve deuh rawh. Ka unaupa hi nupui nei lai a ni tih i hria ani lawm ni?" ka mit ka chhing a, ka game ah hian duh lo mahila pawisawi lo ka hnuh luh tho tho a ngai tih ka hrethiam chiah.


.


" Mi pasal anih leh nih loh ai chuan ka duhzawng a ni a, ani in min iai lo bawk a, ka hnar phallo a ni" ka sawi zawng chuan ka kut ka hum ruh ngar ngar.


.


" Keiaiin a hmasa leh ta! Ka tlawm e. Duhsakna ka hlan a che" Jacob chu a inher a, a kal zui nghal. Ka thinlung chu a tap vawng vawng. Mahse engvang a Jonah kha ka bialpa ang a sawi nge ka nih ka hre lo. Mahse ka nu hmusit tak a sawitu chu harsatna chhete ka pe ve lo thei lo. A unaupa ngei hian a haw tawh ngei ang. Mahse tinge ' keiaiina  hmasa leh ta' a tih kher chhan kha ni ta ang?


***   ***   ***

CHAPTER -6

" Jacob hnen ah enge i sawi?" ka room lam pan tum a ka in her chu Jonah ka hma ah a lo ding khur a, a hmel ka hmuchiang thei lo nangin a aw-ri ah chuan thihna rim a nam thei hial a ni.


.


" Then dan tha ber chu a tluk loh mihring in a ta a chhuhsak thu hrilh kha a ni mai ang chu ka tia" ka zam tih tihlan ka duh lo bur. Min vau a, engemaw tal harsatna ka pe ve ngei tur a ni.


.


" Kan farnu i nih hi hre ta che"


.


" Mahni farnu te beng bul a thawk khum suk suk thu awm suh. Thisen a inzawmna kan nei lo ang ah ngai hmiah rawh" ka khabe ka poh lah a, ka hlau lo ang a ka lan ngei ngei a ngai.


.


" I thiltih hi i hrechiang ang chu maw?"


.


" Ka thiltih engpawh hi hrechiang lo chuan ka ti ngai lovang. Mi pasal kawp ang a ka lan dan tur zawng zawng nen" ka kut ka kuangkuah a, ka inrintawk hmel viau in ka hria.


.


" A that chu. Ka bialnu ni ta chu fawh duh hun ka la nei ngei ang tih i hria em?" ka beisei loh lutuk a a tawng avang chuan ka en haw a.


.


" I ti duh hauh lovang"


.


" Ka duh ka ring. A chhan chu hmeichhia min cho hmasa bertu hi ka fawp chak takzet. A bak..."


.


" Ngawi hmak rawh" ka lo ti vin that a, tenawm lutuk hian!


.


" Huh! I bialpa chu fawh pawh hlawh tir i tum miah nange?" mipa chimawm tak chu a ni.


.


Ka hnar ka tum dat a, ka chhang buai peih tawh lo. Ka room lam pan turin ka kal zui nghal hmiah. Hnunglam atang a a nui zui hak ri chuan keihi ka thil tum ah ka tum aiin a khirh dawn tih ka hrechiang ta viau. Mahse ka ti tawh a, ka ti tlang ngei ang. Jacob ka mitthla a, a mitmeng a tlawm in tihna leh natna kha ka hrereng tawh ang. Mahse inngaihzawnna thil avangin ka nu tan a ka beihna hi ka tibuai tur a ni lo.


.


Kolkata kan cham chhung chuan Jacob nen kan inhmu leh mang lo. Haw lam pawh chhuanlam siam in kan haw hnu ah a rawn haw. Jonah a chimawm em em a, min chhuah a tum miah lo bawk. Ka pu erawh kan boruak engmah a hre lo anih hmel.


.


" Lt, biak che ka duh" ka pi a ni. Kan zin avangin ka pu in ni 2 chawlh min pe a, in ah ka awm.


.


" Engenita?"


.


" I in kawngka lo hawng la, hmaichhan ah engemaw kan sawidun a ngaiin ka hria" ka pi zet chu a upat tawh ngaihtuahin a chimawm ve hle dawn anih hi.


.


Kawngka ka va hawn chuan ka pi chu a rawn lut a, enge sawidun a duh ang ka hre lo. Mahse hei erawh ka chiang, ani hian ka thisen hip kang vek a duh ang tih ka chiang.


.


" Enge sawidun tur kan neih chu ni ta ang?" sofa-ah chuan a thu a, a kum ngaihtuahin a nalh thlarh mai chu anih hi.


.


" Bangalore-ah hna tha tak pek che ka duh a, hlawh pawh..."


.


" Ka pu in a hria em?" a sawi zawh hma chuan ka lo ti nghat a, a nui sak.


.


" I pu chuan ala hre vat dawn alawm" a aw-ki ngeiawm zia chu. Engtinnge hetiang pitar hian sualna bak ngaihtuah a neih loh le?


.


" A lawmawm chu. Mahse pawi ka ti hle mai, ka nu i hnawhbo ang kha chuan keihi chu hnawhbo ka harsa tawh ang" ka kut ka kuangkuah than a, a mit ah ka en ngar bawk.


.


" Ilo puitling ve ta maw? A lawmawm. Ka hna pek che chu i hnar tihna em ni?" ka mit ah chiang takin min en a, ramhuai pitar a ni hawt e.


.


" Min hrethiam mai la, ka pu veng tur hian ka puitling ve tawh. I pasal, i fapa pa ni lo, ka nu pa saw ka kalsan ngai lovang" ka thusawi avang chuan a meng phar awk a, ni e, sawichhuah ka la duh lo viau nangin ka duh aia thui min nawr tawh tlat a ni.


.


" Engmaw i sawi?" a aw a hlauhthawnna  chu ka hriat hmaih hauh lo.


.


" Theihnghilh rawh. Chuan, vawiin hi ka chawlh hahdam ni ania, mut hahdam ka duh a, min hrethiam mai dawn em ni niang?" ka zah der buai peih lo. An hnathawk mahni ila ka in chhung ania, ka thuneihna hmun a ni ve tlat tawh.


.


" I nu ai pawhin i rapthlak zawk anih hi. Naupang sual lutuk" tih hlak hlak pah chuan a tho a, ka tawng tawh lo. Kawngka a chhuakfel chiah a, ka kalh zui leh hmiah. Ka nu ka mitthla a, min pui zel tur in ka ngen rilru nghal. Ni e, ka tawngtai ngai lo ka tih tawh kha. Ka neihchhun min laksaktu hi ka bia ka be dawn lo reng reng.


.


Ka pu bul a ka awm hi chuan ka thla a muangin ka hahdam ru phian zel. Jacob pawh a rawn kal reng a, mahse a hma ang in min be lo a, a duty a rawn hlen a, chuzawng chu a ni mai. Mahse ka thil tih fuh loh ber chu Jonah hi a ni. Min tibuai ang a lang miah si lo a min tibuaitu a ni. Mahse harsa khawp chu a ni lo.


.


" Lo leng rawh u. Puih theihna che ka nei em?" ka hma a hmeichhe nalh tak ding chu ka en a, tunge anih ka hrechiang khawp mai. Jonah nupui a ni. A hmeltha tak phen a a mitmeng dul raih pawh ka hmuh hmaih lo.


.


" Min pui thei dawn tih ka hriat vang a rawn hmu che ka nia. Joana ka nia" a nui sek a, hmeichhe hmeltha tih zawng zawng amah ah a awm ngei ang.


.


" Lo thu ta che. Eng lampang nge ni ta?" ni e, mak ka ti viau.


.


" I hnathawk ka tibuai ang che tih ka..."


.


" Aih. Ka pu meeting in a chhuak a, keimahin ka awm. Dar 4 velah bak alo let lovang. Thingpui in ang aw..." a mak lutuk. A mitmeng dul raih avang chuan ka khawngaih tlat a ni.


.


" Aih. In lovang. Rei phei chu awm ka tum lo. Thil pakhat ngen tur che in ka rawn kal a ni" a thaw hak a, a mit a chhing sak bawk.


.


" I duh duh sawi tur in i zalen e" engvang a chu thu chu sawi nge ka nih ka hre lo. Mahse ka bul ah hian a zalen a ni tih hriattir ka duh a ni.


.


" Englo ania... ih.... Jacob hi... aaaa, ka pasal unaupa anih rualin ka bestfriend a ni. In chanchin ka lo hria a, chuan, dawt i sawi tih pawh ka hria. Ka pasal nen hian eng inzawmna mah in nei lo tih pawh ka hria. Jacob hi engvang a kalsan duh nge i nih ka hre lo. Mahse a hnen ah let leh turin ka rawn ngen che a ni. A bestfriend ka nihna ang in a tan ka rawn kal a ni" a tawng chhung zawng chuan a mit ah ka en a, dawt a sawi hauh lovang.


.


" Enge sawi tur ka hre lo" ka ti sap a, keipawhin Jacob chu ka ngai alawm. Mahse unau kan ni miau a, ni lo, thisen inzawmna kan nei lo. Anni unau chu ka pa te fa lak a ni. Engtinnge ka hriat i hre chak tiraw? A tul hun ah ka la sawichhuak ngei ang.


.


" Lo inngaihtuah tha leh la, |Jacob nun in hniam lam a pan lai hmuh hi hrehawm ka ti a, a nun a hmeichhia a ngaihven hmasak ber i ni tih pawh ka hria, ka pasal nen in inkawp hauh lo tih erawh a hre lo thung. Chhuanlam a i hmang hi haw tur ka ni, mahse chhan tha tak i nei ang tih rinna ka neih ve miau avangin ka hriatchian hma chuan ka haw lovang che. Lo inkawp ta pawh ni ula ka tawrh thang thil a ni miau a, ka na chuang lovang." a thusawi zawng zawng avang chuan ka hawi mawl mawp thei. He hmeichhia hi eng ang hmeichhia nge anih? A pasal ngeiin hmeichhe dang a kawpsan chung pawhin na a ti lo a, enge an awmzia hi ka hrethiam teh nek lo ve.


.


" I pasal chhuanlam a ka hman avangin i hriatthiamna ka dil e. Ni e, ka lo inngaihtuah dawn nia. I thian tha ber tan a i thil tih hi i fakawm" ka nui seih a, a mitmeng a phurna awm chu ka hmuh hmaih lo. Ni e, Jacob hi keipawhin ka ngai alawm. Ka ngai a, ka mamawh a, amah nen a kan hun hman dun tawh ngaihtuah let vak vak pawh ka ching bawk.


.


Joana lo kal atang a karhnih hnu ah chuan Jacob nen bul kan tan tha leh ta. Enge Joana hian alo sawi ka hre lo, vawikhatmah Jacob hian Jonah nen kan inkar min zawt hauh lo. Pawi ka tih loh rualin ka awm erawh a nuam chuang hauh lo. Mahse a hma aiin kan boruak a nuam zawk emaw tih mai tur a ni. Kan inthen lai chungchang a sawi ri ngai lo va, Jonah hming pawh kan lamri ngai hek lo. Joana chu ka thian ruk a ni ta thung. Henu hi ka hrethiam lo, a pasal hi a hmangaih em ka hre lo, mahse Jacob nen kan that leh chungchang ah hian Jonah hriat loh a duh ber tih ka hria. A chang chuan engemaw hriat a nei ni a hriatna ka nei tlat thin.


.


" Ka pasal lak ah lo inveng ang che" Joana msg ka dawng a, chutihrual chiah chuan ka thutna room kawngka a rawn intheh hawng lawp. Ka pu a awm lova, kawngka a rawn lut ka hmuh chuan ka boruak tawn tur ka hrethiam nghal vek.


.


" Enge i duh?" ka aw chu a ngaihnobei chiam lo.


.


" Ka unaupa hi hnaih lo turin ka hrilh che ani lawm ni?" a hmel chu a hlauhawm takzet.


.


" Ka nun a inrawlh turin tunge i nih?" ka kut ka kuangkuah a, ka hlau anih pawhin hlau ang a ka lan a thiang lo tih ka hria.


.


" Ka unaupa chungchang zawk a ni ka sawi ni. Lo inthiarfihlim ang che. Hei hi ka warning tawpna che a ni ang"


.


" A pawi ka ti hle mai. Tuemaw thusawi vang mai maiin ka nun hi ka tidanglam ve ngai lo"


.


" Luhlul chhuah hun a ni lo. Tunah hian ka hrilh che a, i tilui anih chuan i inchhirna rum rum tur in thil ka ti ngei ang." a nui nangin a thusawi chu a ti duh ngei ngei ang tih a mitmeng ah hai chi a ni lo.


.


" Ka then chhan tur ka hre hauh lo. Nangni nen hian thisen inzawmna pakhat..." ka hmai a ri pawp a, ka lu a hai nghal bawk. Ni e, a rinaia thui ka hre tawh miau ani.


.


" Joana hi hlat ang che. I nunna a tan a tha zawk ang"

***   ***   ***

CHAPTER -7

" I nupui in inhnamhnawih..."


.


" Ka nupui hi tunge anih ka hria. Hlat la, i hlat loh a, pawi a thleng anih chuan inchhir ngai hauh suh ang che" a hmel chu ka en a, angaihna ka hre lo. Joana hian enge tel ve na a neih? Ani chuan Jacob vang a min kawm a ni. A pasal in a lerhsan chang pawhin a tuar tang tang a, puhchhiatna a zawng mai a ni.


.


" I thurawn avangin ak lawm. Mahse mahni nupui te ngei pawh puhchhe duh mipa hi ka rin chhan tur che ka hre lo. Hna ka thawk laklawh a, ka pu i nghak duh anih chuan sofa-ah khan lo thu ta che aw" tih pah chuan thutna ka kawhhmuh hmak.


.


A in her a, a chhuak zui hmiah. Ka rilru erawh a nuam chuang hauh lo. Ka phone ka en a, Joana msg bawk. ' Ka pasal kha awih miah suh. Jacob nen in inkawp leh tih a hrechhuak a, a lungawi lo a' huiham, ka rilru an tibuai ve kher mai.


.


" Dinner ei chhuak ila" Jacob car ah chuan ka thu kak a, ruah a sur avangin ka hna bang min rawn lam a, mipa tha tak chu a ni. Min ngaihtuah em em reng a, ka innghahna tak tak a ni tep tawh hial in ka hria.


.


" Khawi ah?"


.


" Falkland-ah ka thiante dawr ah. Nuam i ti viau ang, an bai siam a tui thei lutuk" ka chak hran lo nangin ka hnial duh lo. A chhan chu vawiin lam aha unaupa nen kan inhnial erh a, ka mood a dik thei tlat lo.


.


" Pawi hleinem. Mahse haw hma deuh ka duh" ka tih chuan a bu nghat a, pawnlam ruahsur chu car darthlalang atang chuan ka bih a, vawiin tlai hian engemaw ti takin ka awm a nuam thlawt lo, engemaw a thleng dawn a hriatna ka nei tlat a ni.


.


Jacob nen chuan a thiannu te dawr kan thlen chuan dar 7 a ri tep tawh a, a phone lawk avangin kan room tur ah chuan kan lut tlang nghal a, a hmun chu a nuam reuh phian. Mahse ka awm nuam thei tlat lo chuan min tibuai ve tlat a ni. Kan chaw ei tur kan order zung zung a, haw vat ka duh tlat. Ruah lah a bang duh der mai bawk si lo. Chaw ei lai pawh chuan ka tawng tam lo kher mai. Jacob pawh a tawng tam bik lem lo. Ka taksa tang auh reng mai chuan thil tha lo thleng mai tur awm ang mai ni in ka ngaihtuah phah hial a ni.


.


" Ka puar e" ka ei thei ngang lo.


.


" Iva ei tlem ve. Nawmlohna i nei em ni? Zanin chu i awmdan a dik tlat lo" Jacob chuan min en a, a mitmeng a thutak viau bawk.


.


" Aih, ka tha. Ka chaw ei a tui lo a ni ber" ka nui lui sak a, mahse nidang ang in a nui ve lo. Thinrim hmel a pu lo a, mahse nidang ang a a rik bawrh bawrh ang in a ri bawrh bawrh lo thung.


.


" Anih chuan kut kan va sil dawn mi niang?" a tih chuan ka tho vat a, diktak chuan keimah a awm ka chak ber tawh. Kutsilna a kut kan sil zo chu Jacob chu ka kalsan vei nulh a, inchhung ka lut chu kan awmna room chhak chiah a Joana lut chiah chu ka hmu a, mak ka ti kher mai. Ka au hman tep a, mahse midang pawh an awm ve nual avangin ka au ta lem lo. Jonah nen nge an kaldun ang tih ka rilru ah a awm nghal. Jacob lo lut ve chiah chu hrilh ka tum ziau a, mahse ka hrethiam lo, sawiloh a tha zawk a hriatna ka neih leh si avangin ka ngawi ta thung.


.


Kan haw kawng ah pawh chuan nidang kan pha lo, kan tawng tam lo a, Jacob pawh a ngawi ve ran mai. A hrehawm ka ti, mahse enge dik lo ka hre thei bawk si lo. Ngawirengin kan tlan a, ruah a sur nasa bawk si. ITI atang a haw tum kha kawng alo pin avangin Mualpui lam kan pan phei a, SIBY Farm kan pel phei, kawi 3 na vel kan thleng tih chuan ruah chu a hma aia nasa in a rawn sur a, diktak chuan ka hlau tak zet. Henglai phei chu leimin neuh neuh hi a awm ve reng a, awm chu a nuam chiah lo.


.


" Ding rawh" ka au tuarh. Motor break ri tuarh leh ka taksa insawi lawp chuan a chhunzawm nghal.


.


" Eng thil nge ni ta?" Jacob chu a rum hrawk a, mihring kan su ngei a ni.


.


" Jacob, enge thleng?" car atang a Jacob chhuak chu ka zui chhuak ve nghal a, mahse enge thleng hi? Jacob chu motor light chhun en hma ah chuan a ding a, a bul ah engmah a awm lo. Mahse mihring ni awm tak kha kan su chiang bawk si.


.


" Kan hresual anih ka ring" Jacob chuan a ti sup a, makti zet chuan ka va kalhnai a, engmah a awm bawk si lo.


.


" Mahse kan su ngei sia" ruah in min nan huh pawh chu kan ngaihsak tawh lo. Kan su chiang alawm.


.


" Lut ang le, i damlo palh ang" tih pah chuan min rawn kuah a, ka khur nasa ngei mai. A vawt ka tih chu thuhran, kan huntawn hian min ti pangai thei thlawt lo.


.


Car chhung a kan luh hnu pawh chuan ka normal thei lo. Kha thil kha enge ni ta ang? Sut chu kan nei chiang si a, ka mit ngeiin ka hmu tlat a ni. Jacob pawh a ngawireng. Kan boruak chu a uap churh a ni ber mai. Ka in kan thlen chuan Jacob chu a rawn lut ve nghal a, ani pawh a normal hmel bik chiah lo.


.


" Va inti hul la, engmah ngaihtuah suh. Zanin chu hetah ka riak ang" ka pawm zawng tak a ni. Mahni a awm chak em em kha ka chak ta hlawl lo.


.


" I intih hul ve loh chuan..."


.


" Ka thawmhnaw hak tur i nei awm si lova. Lo va inti hul phawt la, keichu ti hian ka ro veleh mai ang"  a tih chuan room lam ah ka lut nghal a, mahse ka awm a nuam thei thlawt lo. Ka thawmhnaw bawm ka hai a, pyjama lian lampang ka neih chu ka la chhuak a, a tan a chhing anih pawhin a pum tuk ah chuan a tawk ve mai chuan ka ring. A chhan chu online-a ka chah ania, ka tan a len em avangin ka ha ta lo kha a nia, ha ve chhin phawt rawh se.


.


" Hei hi ha la, a bak ka nei lova" sitting room tukverh bul a a ding chu ka va pan a, la tawngri ah chuan a phu zuk lehnghal.


.


" Aaaa, ka lawm e. Va inti hul vat teh, i damloh ka hlau ania" tih pah chuan ka kekawr pek chu a la a, ka lu ka bu nghat a, towel la in bathroom ah ka lut zui ve nghal.


.


Bathroom atang ka chhuak chu ka in kawngkapui alo in hawng a, hlauthawng zet chuan Jacob chu ka au nghal a, mahse min chhang miah lo. Ka chhungril ah chuan hlauhna in min rawn tham nghal a, ruah ala sur bawk si. Sitting room lam ah chuan ka phei vat a, hlau viau mahila Jacob awm leh awm loh ka hriat hmasak phawt a ngai a ni. Tumah an lo awm lo. Kawng lam a rawn ri leh rak a, hlau zet in ka hawi phei nghal a, current a thi zui nghal bawk.

***   ***   ***

CHAPTER -8

" Lt" chu awri ka hriat chuan ka thaw huai mai. Jacob lo kal phei chu ka lo kuah chawt a, ala inthlak lo ani ngei ang. Mahse overcoat kha a ha si lo a.


.


" Tunge i nih?" tih pah chuan ka pe tek dawrh a, current a rawn awm leh chiah. Ka hma a ding chu Jacob ni lovin Jonah zawk a ni.


.


" Nang... Khawnge Jacob?"


.


" A haw tawh. Chuan, fimkhur turin ka hrilh che ani lawm ni?" a aw chu a ngaihnobei lo kher mai. A hmel a rum hle bawk.


.


" Engtinnge..." ka buai vek thei.


.


" Ka nupui leh i bialpa hi an inngaizawng a, chuan, hre rawh, ipi tunu neihchhun a ni. Tichuan a chiang tawh em?" ka dang sawp sawp thei. Ka hre vek rawh emaw ka tia, ka lo hre vek hauh lo. Mahse engtinnge a thlen theih?


.


" Maw?"


.


" Zanin hian lo kal lo ila ka unaupa kut ah i thi ngei ang. Hre rawh, inthiarfihlim tur a ka tih lai che khan ka thu awih la buaina i nei lo tur. Tunah chuan talchhuak tur in kawng i nei tawh lo. Nang leh kei hi kan inngaizawng tawh ang. A chiang em?" au vak mai ka duh. Engtinnge ka rin theih ang? Mahse dawtsawi hmel a pu eih lo.


.


" Dawt i sawi leh sawi loh ka hre hauh lo" ka thinlung chuan a thusawi chu awihna a nei chiang em em thung.


.


" Enteh, nanghi ka ven tur i ni lo. Mahse ka kawng i tihhnawk tawh miau avangin engtikawngmahin ka kaltir mai mai lovang che. Ka thu lovin Jacob emaw, Joana emaw pawh mi se i hmu tur a ni lovang. Mi mai mai i hmachhawn lo tih inhria ang che. Nanghi ka bialnu i ni, mi hmuh ah pawh kan inkawp ngei ang" a aw chu a ring hran lo nangin ka sawifiah thiam dan ber in a nghet a ni ber mai. Hnial ngam tur hmel a pu eih lo bawk.


.


" Thil awmzia hi engmah ka man lo e" keimah leh keimah ka inbia ani ber mai.


.


" Ka ngaihdan chuan mu phawt la a tha in ka hria. Naktuk hna i kal a ngai lovang. A chhan chu i pu nupui hmasa thihcham a nia, a mamawh lovang che. Zing ah an rawn hrilh tho che in ka ring. Khawvar hun ah engemaw chu ka hrilhfiah dawn che nia. Mu phawt la, ka lo veng ang che" a tih chuan mak ka ti lehpek! Ka pu hian nupui hmasa a nei tih ka hre hauh lo.


.


" Mahse...."


.


" Ka hria. Mahse mu phawt rawh. Chuan, i khum ka tawmpui che i duh loh chuan va mu vat rawh" tih hluk pah chuan tukverh lam a pan a, tah chuan Jacob hnen a pyjama hak tur ka pek chu sofa-ah ala awm tih ka hmu chiah. Huiham, ka bo mawp mawp. Mahse Jonah hi zawt turin a nelawm thlawt loh. Bakah a sawiduh chin bak ka zawt chhuak theiin ka ring lem lo bawk. Lungawi vak lo chung chuan ka room lam ka pan ta nge nge.


.


Ka harh chuan khua alo eng tawh a, ruah erawh ala sur. Ka lu na bur avang chuan ka thochhuak peih lo kher mai.  Sana ka en a, ka inperh tho rang kher mai. Dar 10 a ri tep. Ka phone ka ban a, ka pu miss call alo awm nual. Jonah! Lalpa leh! Ani kha. Ka khum atang ka zuangthla a, mahse kitchen lam atang a rimtui zet rawn chhuak avang chuan ka nuisak a, eng story emaw a a changtupa in rawng alo bawl vel ka ngaihtuah chhuak zawk a, story ami ni awm maiin ka inhria.


.


" Good morning" kitchen ka va lut phei chu apron alo ha ut a, a lan dan ah chuan a inbual tawh anih hmel.


.


" Morning... Thawh ka hai a..."


.


" A pawi lo. Thingpui i duh dawn nge i intifai anga chaw kan ei dawn?" a aw-ki a zang vah a, a inhmeh lo hial zawk.


.


" Chaw ei nghal pawh a pawi lo" nuam ti chiah lo mahila ka tilang duh bik lo.


.


Ka intihfai zawh chuan chaw kan ei nghal a, chaw ei lai chuan kan tawng em em lo. Ka rinloh dan takin a rawngbawl ala thiam em em zui. Chaw eikham chuan thingpui hang ka lum sak a, thleng ka seng zawh chuan ka pu ka va phone a, chawlh anih thu min lo hrilh bawk. Nizan ah Jonah in a sawilawk tawh avangin ka phone hmanhmawh over lo bawk a, hahdam takin in ah ka awm thei tawh ang chu.


.


" I haw dawn lo ami?" mi pasal awmpui reng chu nuam ka ti hauh lo. Jacob emaw, joana emaw pawhin min rawn be miah lo chu mak ka ti deuh. Jacob pawh vawikhattal a rawn insawifiah ka rin vei nen, Jonah thusawi kha a dik ni a rinna ka nei hial a ni.


.


" La dawn lo. Vawiin hi kan misual rual ho chet ni a ni. Tihian in ah kan awm ang. Mahse i nu thlan erawh tlawh ka duh viau mai" a awmdan chu mak ka ti tulh tulh. Ka nu thlan hi a boral hnu ah vawikhat chiah ka la kal. Mak ti suh u, ka nu an zalhna hmun kal hi ka thei ngang lo. Beisei tur awm tawh miah lo beiseina hi keimah ah a thi thei miau lo a ni.


.


" Ruah a sur hi...." chhuanlam tur ka hre lo kher mai.


.


" Ruahsur hnuai ah pawh i nu khan i tan a ke a pen chhuak ziah asin"


.


" Enge ka lak ah hian i duh?" ka ti ta khawl. Engmah min hrilhfiah bawk si lo.


.


" Chu chu nakin ah kan la hria ang. Tunah chuan i nu hnen ah thu i tiam tur a ni. Kan hmelma te chu i pi, i putea, Jacob leh Joana te an ni. Chu chu hrereng ang che" a ti nghut a, ka thil hriat tawh thenkhat nen chuan engemaw tak chu ka hrethiam. Joana hi ka pi tunu diktak zawk maw? Khawvel hi a buai nuaih chu anih ber hi.


.


Enge tih a tum ka hre lo, mahse rinna nghet tak ka nei miau a, ka nu thlan tlawh tur chuan ka insiam ta nge nge. Ka insiam chhungin phone a hmang a, a driver a bia ni ngei tur a ni, a thawmhnaw rawn dah tur in a hrilh a, he mihring hian ka in a chen ve a tum tihna em ni? Cheng lo se ka duh em ka hre lo, mahse mi hmuh ah a mawi hauh lo tih ka hre ve thung.


.


" I hman chuan kal ila. Taka, motor hi a hnawk angem?" ka in luahna kawt hi a zau tha a, a hnawk ka ring hran lo.


.


" Chhoh pahin kan hrilh dawn nia" ka ti ve mai a, thlanmual ah motor ken a ngai lo a, ke a kan kal ve ngei hmel. A inhmeh lo khawp ang le.


.


Thlanmual kan thlen chuan ngawirengin ka nu thlan chung ah chuan ka ding a, tah loh hram ka duh. Ka mittui hi a tla tur a ni lo. Mahse ka insum thei ta ngang lo. Ka mit ka chhing a, Jonah chuan min rawn kuah a, ka mittui chu a kut chuan a rawn hru a, ruah ala hmi seng seng bawk.


.


" Tun bak hi i mittui tla hmuh nawn ka duh lovang. I duhtawkin tap la, i nu phuba i lak zawh hma chuan he hmun hi tlawhna hun i nei tawh dawn lo ania" ka lu a fawp zauh a, pafa inhnem kan ang ber in ka hria. Engvang a min pui nge anih ang? Ni lo, ani pawhin phuba lak tur a neih ve tho kha maw. Min pui ni lovin lamtang a neih belh zawk mai a ni. Engvang a phuba lak duh nge anih ka hrechhuak ngei ang.


.


" Haw tawh ang" tih pah chuan min kuahna atang chuan ka talchhuak a, mahse ka ruak huaiin ka hria. Rinchhan tur mihring ka mamawh zia ka inhre thar. Jacob khan ka ring lo a ni lo. Mahse amah ah khan feeling ka nei tak tak lo. Mahse tinge Jonah ber kher? Jacob U ania, mi pasal a ni bawk.


.


In kan thlen chuan ka in kawt ah a driver alo awm a, bag in thil a khai bawk. Min hmuh veleh Jonah chu a pan a, a mitmeng ah engemaw sawi duh nei ni in ka hre bawk a, ngawirengin ka luhsan nghal.


.


" Lt, tumah hian i pu a thalo a, kan kal a ngai a ni" kawngka a rawn luh rual chuan a ti nghal a, angaihna ka hre lo tawp. A chhan chu zing ah khan ala tha viau sia.


.


" Mahse..."


.


" Vawiin hi i pi diktak thih champha ania, i nu in atang a hnawhchhuah anih champha a ni bawk. Inthlak a ngai lovang"


.


" Oooh... engkim hi..."


.


" Hun in ala hrilhfiah ang che. Kan hmanhmawh a ngai. Chuan, ka lak atang engvangmahin i pu te in ah i kalsawn tur a ni lo" thupek a ni. Ka hrethiam chiah em ka hre lo, mahse zawm ngei a ngai tih erawh ka hrechiang em em thung.


.


Ka pu te in kan thlen chuan an awmpui nula in min lo chhawn hmasa ber a, ka pu room-ah min hruai lut a, ka zam a ni. Jonah chuan ka kut ah a vuan a, a ding dat a, tawng tum a a ka a ang zuau lai chuan room kawngka atang ka pi a rawn chhuak chiah bawk. Kan pahnih a min hmu dun chu a meng buai nak a, mahse a insiamtha leh vat thung.


.


" In lo kal ani maw? In nu pawh a awm kha, lo va lut ru" a tawng chu a tluangtlam angreng viau nangin ka rap tlat tawh.


.


" Aw le" Jonah chuan a ti nghut a, room kawngka chu a hawng zui nghal.


.


Room chhung kan lut chu Joana, Jacob leh patling pakhat an lo thu a, min hmu dun chu makti hmel an pu hran lo. Ka pu erawh a muhil ni ngei tur a ni.


.


" Ka pa, nang maw?" Jonah khawng deuh luh chu ka hre thei. Ni lo, ani hi ka pa, ni lo, Jonah pa.... Ka awih thei lo. He mihring hi ka pa chu maw? Thil ni thei a ni lo. Ani hi ka nu boral tum a min hnem tur a lo kal, tunge anih ka hriat si loh kha a ni. A hming takngial pawh ka hre lo, ka nu thian tha thin anih thu a sawi bak engmah hriat ka nei lo. Vawikhat chu ka tah vangin a mittui a tla ve anih kha. Mahse ka nu boral atang karhnih hnu ah erawh alo lang tawh ngai lova, keipawhin ka hre zui tawh chuang hek lo. Engemaw change rawh chuan ka rilru a alo luh chang chu a awm ngei mai.


.


" Lo thu rawh u. Lt, ilo kal ve thei animaw?" dam dup a a tih chuan ka kawchhung a fan rawih rawih thei.


.


" In pahnih kher chuan ka lo...." Joana a ni.


.


" I beisei apiang pe tur che ka ni hauh lo" Jonah chuan a ti hmuk a, ka lo ip chawih thei. Jacob erawh kan lam hawiin vawikhatmah ala rawn awm lo.


.


" Nupui te chhanna atan chuan a zialo lam hret lo maw? Mi hrang bul ah lehnghal" ka pi chu engtiklaiin nge alo luh ka hre hauh lo. Ka hnung mai ah chuan a ding a, ka lo ip leh chawih pek. Boruak awmdan hi a hrehawm tawp a ni mai. Kan kal chhan ber ka pu leh nikhaw hrelo in a awm bawk si.


.


" Mi hrang tumah kan awm ka hre lo" Jonah bawk chuan a ti leh nghut a, zep thu cheng lo. Au vak a, tlanchhuah mai ka duh tawh. Ka ipik ngawih ngawih.


.


" Jonah, i duhtawk thei angem?" Joana bawk.


.


" Aih, helai ah hian Lti hi a pu damlo kan tur a lo kal a ni. Tin, apu diktak a ni bawk. Mi hrang a ni lo tih sawi nawn ngai tawh suh se" a luhlul hmel tak zet a ni.


.


" Ka inchhung ah hian buaina a awm ka duh hauh lo. Nangpawh engvanga lo kal ngam nge i nih?" ka pi chuan min ti lehnghal. A hrehawm tak zet. Jonah chuan ka tlanchhuah hlau ni awm fahran in min vawnna chu a hma aiin a ti nghet zual sauh a, a manganthlak tak zet a ni.


.


" Apu hmu tur a lo kal chu a tan thiang ...."


.


" Duhtawk rawh u. Ka haw ange, engkim avangin ka tihpalh ni rawh se" ka tawngchhuak ve ta nge nge. Mahse thildang zawng aiin ka pa chuan ka mit a la zawk.


.


" Ngaihdan tha tak anih ka ring" ka pi zet chu a tawngthei ka ti ve tlat ta.


.


" Jo, kan kal leh mai dawn mi?" tih pah a Jonah chu ka melh zauh, makti deuh a min en hu chu ka nuih saih a, tunge ka nih a lang ve tan tawh ngei ang le.

***   ***   ***

CHAPTER -9

Jonah chuan a mitko a san uk a, engmah sawi tawh lem lo chuan min zuichhuak ve nghal hmak a, mi pasal mahnise inthiamlohna nei ru chungin ka hma a tihtur awm hi hlenchhuak tur chuan mi pasal ani tih ka hriatlohder mai a ngai rih anih hi.


`Khawiahemaw hawi thawven i duh em?` motor khalh pah chuan hmalam a en ngur a, ka pu te in kan chhuahsan atang kan la inbe miah lo.


` Ka hre lo. Mahse i let leh vat a ngaiin ka hria. I nupui....`


` Engmah thildang sawi a ngai lovang. Khatiang hmel pu chung kha chuan i nu phuba ila thei ngai hauh lovang` tih nghut pah chuan motor chu a her mawp a, Aizawl khawpawn lam hawiin a tlanzui nghal. Hnial tumna ka nei hran lo. Mahse ani nen a hmunfal a awm erawh ka duh lem lo viau.


` Helai hmun ah hian ka rilru tawt changin ka kal thin. Mimal ram ani hran lova, a hahdamthlak phian bawk` motor atang a ka chhuah ve chuan motor hma ah chuan a ding a, kan hmalam a ramngaw hring dup lam chu a en a, a sawi ang chiahin a hmun chuan min hip viau. Tin, a reh tha em em bawk.


` Sawrkar ta tihna mi?` a bul chiah ah chuan ka va thu a, a tih ang chiahin ka kuangkuah ve than bawk.


` Ni love. Pawl ta zawk ania, industry din an tum tawh a, mahse kan ram sawrkar lamin phalna an pe thei si lo a, tihian an dah tawp a, nakin ah chuan engemaw tak ala ding ngei ang tih erawh ka chiang` a khi suk a, a hmel hi ka rinlohlaiin ka lo en leh reng thin.


` Zawh duh che ka nei a...`


` Sawi la` a bul tek tawk hle. Mahse a mizia pakhat tih ka hre tawh tlat a, ka ngaipawimawh hran lo.


` Ka pi leh i unaupa...`


` I hre dik. Chuan, ka nupui hi an sipai rinawm` a hmel chu a lang hriam sawt a, a khabe ruh kal tawlh dan ah a thusawi chuan a ti thinrim hle tih pawh ka hria, mahse chuvang ngawt chuan thudik ka hriat duhna hi a bo phah hauh lo.


` Keihi engvang a min dahbo duh em em nge an nih?`


` Ipi hausakna i dal miau alawm le` a khi suk a, a mitmeng erawh ala thip ram thung.


` Nihleh engvang a he thil ah hian tel tlat nge i nih?`


` I hriat a hun ah ila hre ve mai ang. I ril a tam em?` teh daih chuan. Zawt lui pawh ni ila min hrilh dawn lo tih ka hrethiam.


` Tam hran lo. Nang?`


` Keichu a tam tawh reng. Heta tang 2KM vel ah thingpui dawr a awm a, iva kal ang hmiang. Tahchuan tuemaw pawhin an hmuchak viau ang che` tih pah chuan a thutna atang chuan a zuangthla thak a, chumirual chuan ka kut ala a, car lam ah chuan min kai phei nghal.


`In lo dam tha maw?` thingpui dawr lo nghaktu nu upa lampang, cher ve tak chu Jonah chuan a be nghal sawt sawt a, a kal thang viau tih a hriat bawk.


` Ekhai, nang i ni maw? Kan dam e. Iva reh ve, i damlo aniang kan lo ti mai asin. Hei, khawilam nula nge i rawn hruai ve mial?` chu pitar chuan hlim deuhin alo be nghal siam siam a, an innel viau tih chu sawi ngai lovin a hria nghal vek mai.


` Ka dam tha e. Nu Ngurpui, ka thil tiam che ti hlawhtling tur chuan hna ka thawh nasat a ngai miau a ni` Jonah chuan nui var var a a tih chuan chu pitarte, Nu Ngurpuii a tih chuan phawk zetin min rawn en a, a ngaihna ka hre lo kher mai.


` Bawihte, kum tam tak liam hnu ah ka hmu leh ta che. I ni meuh amaw?` ka lam chu a rawn pan a, keilah ka lo hawihai nasa mai.


`Nu Ngurpui, insum teh. Engmah ka la hriattir lo ania. Lt, ani hi i nu thiantha ber anih hi` Jonah chuan ka dar ah a rawn kuah a, ka hawihai lehzual. Enge ka sawi dawn ka hrethiam lo. Nu Ngurpuii lah chuan min kuah a, a tap rawih rawih mai bawk si.


`Bawihi, i thu ang u. Jonah, ka lawm e aw....` Nu Ngurpuii chuan thutna awl ah chuan min kuah thu a, angaihna engmah ka hrethiam lo. Ka nu khan hetiang thian a nei tih min hrilh ngai hauh lo.


`I nu kha hmuh leh ka chak ngawih ngawih a, mahse ka ngam ngang si lo` Nu Ngurpuii bawk chuan mittui hruk fiap fiap pah chuan a ti melh melh a, angaihna ka hre lo tih hian a sawifiah zo lo a ni ber mai.


`Tinge?` han sawingaihna vak ka hre lo.


`I nu in a pai che hian a hre hmasa ber ka ni a, i nu khan harsatna tam tam nen a hring che a, mahse pawi ta ber chu maw, ipi rilru chhe lutuk ka lo hrethiam lo kha a ni. Thiani, i fanu hma ah hian enge ka sawi dawn?` nutling rawl chhuah meuh in a tap a, a chhan hre kilh kelh lo mahila chhungril rum vawng vawng a tap ani tih erawh hai rual a ni lo.


` Ihhh, englo, ka nu chuan engpawh lo ti mahla a ngaidam ngei ang che` chu thu chu engvang a sawi nge ka nih ka hre lo. Mahse ka chhungril atang a chhuak a ni miau si a ni.


Nu Ngurpuii kan hmuh atang karhnih lai a liam tawh. Ka nu lo tawrh nasat zia ka hriat belh nual a, na ka ti thar ngawih ngawih. Jacob nen kan inbe leh tawh ngai lova, ka hna erawh pangai takin ka kal a, ka pu pawh a rawn kang chho veleh deuh tawh. Hna erawh a rawn akl lo a, ka pi nen kan inhmu zauh zauh nangin kan boruak engmah kan tilang ngai lo. Jonah nen erawh kan inhmu tam khawp mai. Nu Ngurpuii zar ah kan inpawh lehzual a, a lang ah a ngaihzawng ka ni nangin kan inkar ah inngaihzawnna erawh awm lo ang hmiah a ni. Min ngaihsak a, mahse ngaihzawng ngaihsak ang erawh a ni lo. Keierawh chuan a bul a ka awm tam pauh leh ka ngaina zual tulh tulh thung.


`Vawiin chu ka rawn lamkawi ang che, mi hmuh tur kan nei a` Jonah msg ka chhiar a, ka nui sak. A bul a awm hi nuam ka ti tulh tulh.


` Kan mi hmuh tur hi advocate tha lutuk ania, i pu pawh alo awm dawn a, i bo lutuk loh nan i pu hian a ro hi i hming in a dah dawn a, ka hrilh lawk che anihchu`


`Maw?` ka au ring ngei mai. Ni lo, a theih loh. Ro ka duh lo. Mahse ka nu thlan chung ah erawh ka pi hian ngaihdam a dil ka phut. Abak duh ka nei tawh lo. Anni nen a buaina neih reng hi ka kham hluah hluah tawh.


`I rilru ka hre lo. Mahse nakin a i hawihai lutuk ai chuan ka hrilh lawk che anihchu. Kan thleng e` a tih chhunzawm zat a, pawn ah ka pu leh mipa pakhat an lo awm a, kan kalna chu ka la hre ngai lo. Hlimen lampang chu a ni tih ka hria.


`In lo thleng thei maw?` motor atang kan chhuk veleh chuan ka pu chuan min lo be vat a, ka hmuh hnuhnun ber ngaihtuahin a hmel pawh a tha tawh ngei mai. Mahse a wheelchair sir lam a a khawl awm tup mai chuan a dinhmun a san lem loh zia a tilang chiang ngei mai.


`Enge ilo an?` ka nuih sang a, a bul a mipa ding chu ka en a, ka hmu tawh in ka hria, mahse ka hrechhuak zo mai lo.


`Ka tha e. Inchhung lam ah i lut ang u hmiang` tih pah chuan a khuh kharh kharh a, a taksa ala chaklo tih hriat tak a ni. Abul a mipa ding chuan a wheelchair chu nawr a tum a, mahse a vawikhatna atan ka pu chu keimah ngeiin inchhung ah ka nawrlut a, tumahin min hnial hran lo bawk.


`Puite, thingpui kha lo lum ta che. Mambawihi tan erawh theitui kha han chhawp la` ka pu chuan inchhung a nula lo awm chu a bia a, chulaikar ah makti takin ka en thung. Engtinnge thingpui aiin theitui ka duh zawk tih a hriat theih? Abul ah chaw eiin kalchhuak fo mahila midangte ei ang apiang sawisel lo in ka ei ve mai zel tlat a ni.


Thingpui kan in lai chuan kan ti ti ho sap sap a, kan advocate pawh tunge anih ka hrechhuak chiah. Ka thian pakhat, Lucy unaupa a ni. An in ah vawikhat chu chaw kan va ei tawh. Ani chuan min lo hre phian a, keimah bawkin ka lo chiang tawh lo mai mai zawk a ni. Ka pu pawh ka rinaiin a fit a, chutihrual erawh chuan a chau ve tih a hriat viau thung.


`Mambawih, vawiin hian koh chhan che ka nei a, Jonah hian a hrilh tawh che chuan ka ring tho a, ka ro neihchhun ve hi i hming a dah ka duh a, i nu lak a ka ngaihdam dilna....`


`Pu, khawngaihin i sawi zawh hma in thil ka dil thei che ngem?` ka pu tawng laklawh kai chu mawi lo tih hre tho mahila ka pawtchat lui nhram.


`Enge ni ta?`


`Ka nu ngaihdamna i duh anihchuan i ro min pek tum hi min pe lo la, mahse ka pi hnen ah erawh ka nu thlan chung a ngaihdam dil turin ti la ka duh. Abakchu i lak atang engmah duh ka nei lo` ka sawi zo chu ka thaw kawk thei. Ni e, ka pu tan thil harsa tak ka tuk a ni, mahse khang kum tam tak chhung ka hrehawm tawrhna bakah ka nu mittui ka ngaihtuah a, ka pi hian ngaihdam a dil ngawih ngawih tur a ni. Ka sen tet atanng min tihhlum a tum avang a ka nu in ramhnuai a min riahpui lai te khan ka nu kha ala naupang ve asin, a hlauh ve dan tur zia te ka ngaihtuah hian ka kawchhung hi a so bulh zel.


`Lt..`


`Ni lo, Jonah, he thil ah hi chuan khawngaihin...` Jonah tawng tur chu ka lo pawt chat vat a, ka thil phut hi a harsa ang tih ka hria. Ka pi tluk a mi chapo leh huaisar an awm lo ang. Ka pu duh angin a ro hi ka hmingin dah ta se tun a ka nu a huat avang a buaina ai hian buaina hi a nasa zawk ngei ang tih ka chiang a ni.


`Mambawih, ka lawm e. Ka tu neihchhun, ka tu ang pawh a ka enkawl theih loh, ipu hian ka va tluk lo tak che em! I duh ang chuan ipi hnen ah ka hrilh ngei ang, mahse a tihlawhtling tur chu ipi ani miau a, a ti duh ta lo anihpawhin min dem lo aniang chu` ka pu chuan a ti bauh a, ka hrethiam takzet. A theihtawp a chhuah ang tih pawh ka ring bawk.


`Ka lawm e. Chuan, ka hna hi ka kalsan a ngai dawn a...` Jonah chu ka melh zauh a, a dar a san uk ringawt. Ni e, tun hi sawina hun remchang tak a ni. Ka pu hlat a awm chu ka duh hauh lo, mahse ka thawh chhan ni ta ka pu berin hna a thawk tehi tawh miau lo a, ka tan kalsan vat kha a him zawk ang tih hrethiam rual ka ni ve tawh miau a ni.


`I tello chuan ka office chu a ho viau dawn anihchu. Mahse i tan engmah thil tha ka ti ngai lova, harsatna bak ak thlen lo che a, i duh dan a i awm chu a thiang a ni. Mahse ka tunu neihchhun i ni tih hrereng la, min hlatsan hlen lo hram ang che. Ka khawvel i ni tawh ania` ka pu chu ka en a, ak lainat takzet a ni. Mahse ka pi vangin ka hlat a ngai tlat si.


`Lungngai lo la, i tan ka awm reng dawn alawm. Jonah te hospital ah hian ka thawk dawn a, ngaihtuahawm ka ni dawn lo ania. Min mamawh hun apiangin min ko thei reng ania` ka pu chu ka hnaih a, a kut ah ka vuan a, ka lo huat thin tehreng nen ka pi suahsual lutuk vang a a fanu leh a tunu chan ani tih ka hriat hnu atang khan ka pu hi ka haw thei tawh lo.


`Ka hria alawm. Thil pakhat, he ka in hi tumahin an hre lova, nangni 3 leh kan nula hian in hre ve ani mai a, hei erawh hi chu ka tunu inihna angin thilpek ah ka pe dawn che a, hei hi chu min hnial lo aniang chu` a tih chuan Jonah chu ka va melh a, alo bu nghauh a, engvang a ani va rawn deuh tlat nge ka nih ka hre lo, mahse rinchhan tur nei ngai lo kha ani alo lan chinah hian amah ah ka innghat tam lutuk a, engpawh ti dawn ila ka rawn deuh tlat zel tawh.


`A tha alawm. Mahse kal mai tur ang a i awm hi ka hrethiam lo` thil zep hi ka zei lo, ka rilru a awm ang ang hi ka rik pui pawp zel.


`Ni lo e. Reitak ka la dam dawn alawm. Thil pakhat, ka boral anihchuan i nu thlan ah ka zal ve thei angem?` chu kher chu ka beisei lo lutuk nge tawng mi nachang ka hre lo. Ka nu thlan ah hian ka boral hun ah mut ve ngei chu ka tum a, mahse ka pu hian min dil ve ka ring lo reng reng a ni.


`Keimah hian mut ve ka duh dawn a` ka ti sap a, nuam erawh ka ti chiah lo.


`Harsatna a awm hleinem. Thlan 1 ah mi 3 pawh an zalh thin alawm` ka pu chuan a ti leh bauh a, kan bul a awm ve te lam kan ngaihtuah hlek lo.


`Chulam chu sawi tawh rih lovang u. Lt, i in a rawngbawl leh ai chuan i pu hi i rawngbawl thiam zia han hmuhtir teh. Chawhmeh chu ka lei vek a, nangin rawng va bawl rawh` Jonah chu alo inrawlh vat a, pawi ka ti hran lo.


Ka rawngbawl chu Puitei chuan min pui a, mipa ho erawh ka pu in min pek tur ram chin vel an sawi ho a, a lawmawm rualin ka duhdan erawh a ni hauh lo thung. Ni e, a thlawn a thil dawn hi ka duh hauh lo. Mahse ka pu hnen atang a ka dawn tur a ni miau a, lakloh duh viau mahila khawvel ah amah chiah pu ka nei, kan hun hmasa lam fuhlo mahse hmeichhe pakhat sual avang a ala dam te inhmelmak reng a tulna ka hre tawh tlat lo a ni.


`Ipu hnen a i thil ngen kha zahna i nei miah nange?` ka hma a ka pi ding chu a mit ah tak ka en kal a, ka in ah lehzel min rawn kalchilh ngam anihchuan ka lo zahder chiam chhan tur ka hre tlat lo.


`I ti thei lo anihchuan ka phut lui hauh lo che` ka awki chu a dam raih a, thinrim hmel ka hmuh hek lo.


`Nang naupang zaktheilo, nu leh pa kar a seilian lo...`


`Nangang mihring hi awm lo se nu leh pa kar ah ka seilian ve ngeiin ka ring. Nangmah avang a sawn dinhmun luah ka nih hi hrereng rawh` ka zam map lo. Ka nihna a rawn sawi avangin ak thinrim hek lo, mahse a tawngkam hman ang chiah a na pe let tur erawh chuan ka inpeih thlap reng thung.


`Naupang zakthei...`


`Apu nupui a chhun a, a zaktheilo anih hi` ka nui sak a, a mitmeng chu a alh pawp duh hmel hial a ni. Theihnise chuan a kut lawngin min pawtsawm vek duh hmel a pu.


`I nu thlan chung a ngaihdam ka dil chu lo beisei ngai suh. Ipu, damlo thi lek lek tawh hi a rosum it in ilo nawr vel a, a damlohin zankhat pawh i awmpui em? I nu ang chiah, zahna nei reng reng lo mai` ka in chhuat ah chuan a vei tawn sek a, ka pi ka ti nangin tarchhia ala ni lova, duham tawk lek a thluak la hmang thei ang vel a ni.


`Oxygen nen a awm zan khan engvang a i bialpa nen room hrang a mu daih nge innih?` ka duh loh lutuk ka sawichhuak ta nge nge. Ni e, khami zan khan ka pu a tahlo lutuk tih kan hria a, Jonah nen kan tlan phei a, ka pi leh Jacob kha mikhual room ah an lo mu dun daih anih kha. Kan kal tih hrilh hre lo turin an awmpuinu kha kan chah diam a, tumahin an hre ta lo reng a ni.

***   ***   ***

CHAPTER -10

Ka pi in ka in a min lo ankhum atang ni 3-na chiah a ni. Ka hna kal tur chu khua a nawm meuh loh avang leh ruah a tlak deuh reng avangin ka phur zawk zawk lo khawp mai. Ka hnathawhna ka sawn hnu in scooty ka lei thar ve a, ruah a tlak avangin ka keng ta lo. Hna ka thlen hnu ah pawh ka ruhna avangin ka la lum mai thei lo. Vanneihthlak takin damlo serious em em an tam lo a, mi veivak, damlo kan tur pawh an vang deuh bawk. Ka duty pui Rempuii nen chuan kan ti ti malh malh a, chumi pahin vawiin lam a discharge tur ho file kan khawih pah mawlh mawlh. Ka hna sawn hi ka hlim phian bawk. Thawhpui fel tak tak te zarah mi rual ka pawl ve phah bawk a, thian satliah pawh ka ngah tawh phian.


`Ipu a zual a` kan dawhkan hma ah chuan Jonah chu a ding run a, a hmel a buai ve nak mai.


`Tunah khawnge....` ka thin chu a phu zawih zawih a ni ber. Ni e, ka chhungkaw neihchhun tak tak a ni tawh tlat a ni. Tin, kan inngeih em em tawh bawk.


`An rawn phur phei mek e` a hma ai chuan a aw pawh a zia deuh ta.


Ka pu damdawiin an rawn thlenpui chuan ka pi ka hmu ve hauh lo. Mahse zawhna engmah neih hman a ni lo. Mahse mak takin Joana a rawn lang tel ve tlat mai. Jacob pawh ka hmu hek lo. Ka pu chu nawrlirhna hmang chuan an rawn nawr a, ka hna ka ngaihtuah hman lo, rangtakin ka pu bulah chuan ka kal a, a kut ka vuan a, mahse a chauh em avangin a mit a meng hauh lo. Hlauhthawnna tam tak ka nei, mahse ka in control ngei a ngai tih ka hria.


`Ipu chu VIP room lam ah kan dah lut a, tunah chuan a zia deuh tawh e. Mahse darkar 1 hnu ah i hmu thei tawh ang?` Jonah chuan a room ah min ko lut a, a hmel a phelh ve phang mai.


`Ka pi leh i unaupa ka va hmu lo ve` ka pu chu a zia tawh tih ka hria, ka rilru a lian ber ka sawichhuak ta nge nge. A pasal thichhawng a a awm laiin a bialpa nen nuam an lo tawl ang maw? ka ngaihtuah zawng ringawt pawhin ka luak a chhuak nghulh thei. Tenawm lutuk!


`Vanduaithlak takin anni chu jail lam ah i duh chuan i tlawh dawn nia` a mitmeng rum ul mai chu a rapawm lam lek lek a ni.


`Enge awmzia?`


`Sum vang a khaw hmulo te chuan hremna an pumpelh ngai lovang. I hna zuk thawk phawt la, Joana thusawi engmah lo ngaithla lovang che` min melh eih lo, mahse a mitmeng atang chuan thil tam tak a ngaihtuah tih a hriat vek thung lawi. Hriat duh ka ngah, mahse zawh hun a ni lo tih ka chiang. Ka inher a, counter lam chu ka pan zui nghal.


`Ipu chu enge a an?` Rempuii chuan min lo zawt vat a, ani hi ka thawhpui ah chuan ka ngainat ber a ni ang. Keiang bawk a fahrah ve bawk a ni. Mahse ani chu a vannei a, unau a nei a, chhungte mi pangai tak tak a nei bawk.


`A tha veleh vat tur ah ngai ang. Ilo buai em?` chair ah chuan ka thu hnak a, ka thluak hi a buai deuh nuaih a ni ber mai.


`Buai lo e. Coffee i duh em?`


`Whitemalt zawk. Coffee ka in thei lo tih i theihnghilh ziah` ka nui var var a. Ka buaina avanga ka bul ami tan a awmpui hrehawm khawp a awm ka duh ngai lo.


`Ni dawn tak. Sandwich i duh tel angem?` bang a sana intar chu ka en zauh a, lunch time alo ni der tawh. Mahse ka ril erawh a tam hauh lo.


`Pawi lo. Mahse veg min lo order sak mai la, sa lampang hi ka ei tha peih lo riau` ka ti ve mai a, ka ei chakloh avang a Rempuii`n min lo nghahna tih thlawn ka duh lem lo. Rempuii chu a vir vat a, phone mai theih mahse ani hi chu nu chimlim tak mai hi ania, an siam lai a endik duh deuh kher thin. Kan duty hun a in ang hi chuan nuam ka ti viau thin. A chhan chu keiaiin kum 4 laiin a upa a, min duat thiam em em bawk.


`Ka pasal chu dawtthu ilo fah hnem hle mi maw?` ka hma a hmeichhe ding chu ka en a, a sawi awmzia ka hre chiah lo. Mahse hlauhna pakhatmah ka nei lo thung.


`A hming a i pasal, karleh mai a i pasal hlui ni tur zawk` ka then sak a, kan bul ah mi an awm lem lo bawk a, zamna pakhatmah ka nei lo.


`Ka pawm miau loh chuan kan inthen hauh lovang` in control tum viau mahse ama thusawi ah ngei pawh a inrintawk lohna a lang chhuak tho a ni.


`Engpawhchunise ka hna ban ah i duh chuan min rawn be ta che. I pasal damdawiin hi i tih mualpho duh ka ring chiah lo` ka vei nuih sak a, a mitmeng alh hlar mai chu ka melh ve ngar bawk.


`Ka hrilh ang che. Ipi leh Jacob hi dawt in inpuh a ni`


`I sawi awmzia ka hre hauh lo mai. Anni chu khawnge an awm?` Jonah zawh ai chuan Joana chhaihkawlh a thil thlen dan hriat a awlsam zawk dawn tih ka chiang.


`Hre lo der suh. Ipi tar tawh tak hi jail luhtir duh khawp a rilru chhia inih em chu ka lo ring lo a`


`Anihchu mawle. Jail lut tur khawp a pitar sual anih ka lo ring bik hleinem. Dan in rorel rawh se`


`Rapthlak lutuk. Jonah lo bia la, he case hi hnukdawk vat rawh se. Anihlohchuan....`


`Case hi hnuhdawh ani ngai lovang` Jonah chu engtiklaiinnge kan bul alo thlen ka hre hauh lo. A hmel chu a hahdam thluam tawh lehnghal.


`I hnukdawk lo anihchuan kan inthenna paper ka sign hauh lovang` Joana chu a kawtawp a tang ang mai ani tawh.


`A lawmawm khawp ang chu. Nanghi then leh loh che ka lo ngaihtuah mek a` dar chhin uk a a tih chuan mak ka ti kher mai.


`Mi tenawmpa, in tluang chuang lovang` Joana chu a au in a au a ni ber tawh. Mi awm ve te chu n rawn hawi ta thap lehnghal a.


`Au vak vak lo khan ipi leh a kawppuipa fihlimna tur zawngin kal tawh la a tha ang. Lt, khawngaihin i in ei puar zawh ah ka room ah min rawn hmu ta che` a kekawr ipte a zen a, a inher a, a room lam a pan zui nghal. Ka hamhaih lutuk chu tawng nachang ka hre lo a ni ber mai. Joana pawh chu thinrim zet chuan kawngka lam a pan tau nghawng nghawng a, keierawh ka dinna ngai ah ka la ding reng thung.


Rempuii a rawn let chuan keipawh ka normal leh tawh viau. Ka ngaihtuahna erawh a kal kual nasa ngang mai. Enge thil thleng ka hre lo. Engvang a ka pi leh Jacob chu jail tang tur nge an nih ka hre lo. Mahse pawi nasa tak an khawih ang tih erawh ka ring. Jonah hnen ah ka zawh ngei a ngai dawn a ni. Thil kan ei zawh chuan Rempuii bul ah boss hmuh ka ngai tih ka hrilh a, ka kalsan zui nghal.


`Lo thu rawh. Thil tam tak i hriat ngai a awm a, huaisen tak a i awm ka duh a ni` Jonah room ka luh chuan alo ti vat a, ka bu nghauh a, a hma a chair awm ah chuan ka thu a, mahse a chhan ka hre lo, ka tha a khur tlat pek.


Jonah thusawi chhung zawng chuan ka thaw tha thei meuh lo. Tikhawp hian mihring hi alo rapthlak theih tih ka hre lo. Ka pu mangang talbuai lai tur ka mitthla a, ka na vawng vawng mai. Tinge thil harsa tak ti tur khan ka lo nawr kher le? Ka chapo lutuk avang a ka pu tawrhna ah hian tumah ka dem lo, keimah hi ka in haw ngawih ngawih. Khawvel a chhungte ka neihchhun tak meuh meuh asin. A tunu neihchhun duhzawng ti puitling turin a theihtawp a chhuah ngei ang tih ka chiang. A duh ang khan lo pawm in kha thil kha ti turin lo nawr lo ila tunah hian damdawiin ah a awm a ngai hauh lo tur.


`Ipu te in ah CCTV ka dah ruk avangin anni 2 hian talchhuahna chance an nei dawn hauh lova, chutihrualin ipu erawh engchennge kan pawhbeh theih ang ka hre hauh lo` Jonah aw ah chuan beidawnna a lang tel tih ka hria.


`Engtinnge unau pawh innih theih zawk le?` ka rilru a awm hmasa ber a ni miau a ni. Phir zawng zawng ah an in ang lo ber awm e.


`Ka tan pawh ka unaupa hrem chu a harsa ve khawp ang. Mahse dik chu dik, diklo chu diklo a ni mai` a khabe a tuai a, ka hrethiam lutuk. Midang ang chu ni se ukil tha ber ruaiin an unau, phir pui tan chuan theihtawp an chhuah ang. Mahse midang ni lovin Jonah ani miau a ni.


`dan in rorel se, ka pu erawh keimahin enkawl ka duh. Putea hi khawnge?`


`Ipi te chungchang buaipuiin a buai mek ang. Ipu chu i awmpui thei ang. Mahse Joana lak atang a hla thei ang ber ah lo awm thung ang che. Ani hi a awm ami mai dawn lo a, thla 1 chhung chawlh ila anga, ipu i enkawl ang. Ipu hi kalsawn san miah lo turin ka duh che. Keierawh buaipui ngai a tam avangin kan inhmu zen zen lovang. Mahse enkawlna tha ber erawh ipu chuan a dawng ang` ka thaw huai mai. Ka hriat bak tam tak a hria anga, keiaiin heng misual ho hi a hrechiang bawk. A sawi ang a awm mai chu ka tan a tha miau a ni.


Ni 3 na a ni ta. Ka pu chu ala harhchhuak lo a, ani telin a hniam zel tih pawh hrilh hranpa ka ngai hauh lo. Vawikhat tal biak leh theih ka chak tak zet a ni. Kan huntha zawng zawng inhuat nan kan hmang zo a, tunah kan inkar a tha chho a, mahse biak leh tur a awm tawh si lo. A kut hi ka vuan deuh reng ti ila ka tisual lovang. Jonah sawi ang chiahin enkawlna pawh a dawng tha. Mahse a taksa a tur awm chu an lachhuak zo thei si lo. Chu tur chuan zawi muangin a ei hlum mek zel chu a nia. Jacob chu ka haw takzet. Hetiang tur hlauhawm lutuk siamchhuak tur a finna pe tu Pathian pawh ka dem lo thei lo. Tinge maw vanduai tur bik a min lo siam kher kher le? Enge ka tihsual a heti em em a hremna nasa ka tawrh bik le?


`Doctor, nurse, lo tlan ru...` ka aw chu a ring kher mai. ni e, ka pu thawk dan chu dik mawlh hek lo. Zan dar 11 vel a ni.


Ka au ri hria in Doctor leh nurse an rawn tlan lut vat a, keierawh nurse pakhatin room pawnlam ah min hruaichhuak a, ka tha a khur nasa lutuk. Pawnah chuan keimahin ka ding ran a, ka chawmawlh vel vek a ni ber mai. 15mins vel ka din hnu chuan ka pu chu hmanhmawh zetin an rawn nawrchhuak a, ka lo pan vat a, amhse nurse pakhat chuan min lo vuanbet vat a, ka pu chu ICU lam ah an sawn tur thu leh ka luh ve a rem loh thu te, Jonah pawh alo tlan mek thu te chu min hrilh malh malh a, ka bing mup mup ani ber mai. ICU a an sawn chuan a dinhmun a that loh zual vang tih hrilh kher ka ngai lo. Ka hlau takzet a ni.


`Lt` Jonah aw ka hriat chuan ka inher vat a, a hma a tap miah lo kha ka tah a chhuak ta ngawih ngawih. Min rawn pan a, min kuah a, tah meuh chuan ka tap chhuak ve ta. Ka sam ah a chul a, ani pawh a insangmar teuh tih ka hre thei. Kan tawng lo ve ve, mahse thinlung hmun khatin kan awm thung.


`Sir, tunah chuan a zia leh deuh tawh e. Ventilator in a pui tha lutuk e` kan bul a ka pu enkawltu Doctor Yash chuan Jonah chu a rawn bia a, ani hi Bangalore atang ka pu enkawl tur a Jonah chah chhuah ani tih a hma in ka hre tawh.


`A lawmawm chu. A tha thei ang ber ka duh aw` Jonah chuan min kuahna chu a thlahdul deuh a, keierawh chuan ka la thlah phal lo. Ka la normal hlawl lo.


`A dam leh ang tiraw?` Dr.Yash kal hnu chuan ka ti sap a.


`Pachang tak a i awm a ngai ania. I duh chuan ipu room ah hian i mu thei anga, anihloh leh staff room ah pawh i riak thei tho. Hahdam i mamawh` ka zawhna chu a chhang lem lo.


`Ka pu room lam ah ka awm zawk ang. A hlauhthawnawm tawh lovang tiraw?`


`Ngaihtha deuhin i mu thei tawh ang. Keipawh hetah ka riak tlang dawn a, mamawhna min neih chuan min lo hrilh dawn nia, va hahchawl phawt rawh` a tih chuan ka thaw huai mai. Diktak chuan haw tawh lo tur a ngen mai kha ka duh a, mahse ka ngen ngai lovin a riak dawn hlauh a, ka lawm ru khawp mai.


Zing dar 7-ah ka pu ka hmu thei a, tlai dar 5-ah nen. Chumi ah bak chuan a hmuh theih loh. Mahse ICU awmna bul ah chuan waiting room a awm tho a, chulai chu ka kalsan phal meuh lo a ni. Hmasawn lam ni lo mahse hniam lam a pan hran lo ringawt te chu ka lawmna tawk a tling em em. Putea vawikhatmah a rawn lang lo chu mak ka ti hran lo. Anu te jail lam ah an awm miau a, Jonah lahin bail theih lohin a dah hmiah mai bawk a, anu pasal thi tep ai chuan anu jail tang chu a tan a pawimawh zawk daih lo thei lo. Jonah erawh in min ngaihsakin hahdam turin min nawr nasa viau, mahse ka awmloh hlanin ka pu hi a kal ang tih ka hlau ngawih ngawih.


`Lt, min rawn zui rawh` Jonah chu hmanhmawh zetin waiting room ah a rawn tlan lut a, ka thin a phu nghal zawih zawih thei. Pheikhawk pawh ka bun hman lo, ka tlanchhuak zui ve nghal.


ICU chhung kan luh chuan Jonah ka tlan pel a, ka pu awmna lam ka pan a, Lalpa, ka nu chatthla lai kha ka hmu tawh, ka pu chatthla lai hmuh loh hlau em em khan ka hmuh meuh chuan ka tha a khur zawih zawih thei. Jonah chuan min rawn kuah vat a, abak chu chiang kuang pawhin ka hre zui tawh lo. Ka tap nasa hle tih erawh ka hria. Jonah chuan vawikhatmah min kalsan lo a ni ber mai.


Ka pu ruang awm ni chuan ka pi chu an rawn chhuahtir ve zawk a, a tap nasa hlarh hlarh teh e. Ka pi mittui ka hmuh hnu chuan keierawh ka hul hlauh thung. Amah vang a thi ani tih hre awm pawn a awm lo, a tuar ngawih ngawih a ni ber mai. Ka pu thlarau zah viau mahila ka pi in ruang a kil chhung chu ka kalsawn ta hmak. Thlalak pui dawn te chuan tap chung khan ama chhungte ho kha a ko khawm ang zawt zawt a, ka ten tih hian a sawifiah zo lo. Jonah min nawr vang liau liau in keimahin ka lakpui ve a, ka mittui hul ta hmak erawh ka inthiam chiah bik lo. Thlanmual kan pan pui dawn chuan ka pi chu police lamin an let pui ta a, a tap ring hlarh hlarh khawp mai. Khawngaihna pakhatmah ka nei eih lo. Joana rawn lang ve miah lo erawh mak ka ti ru viau nangin Jonah bulah chuan ka sawichhuak hran lo.


`Thla khat chawlh ila tho a, la tlang law law la, awm hahdam i ngaiin ka hria` ka pu a boral a, ka pi jail lam ah a awm. Ka pu in chu Putea leh an awmpui ten an luah lum a, a boral ni leh a tuk inleng awmlai lo chuan ka lang leh ta miah lo. Min dem an awm pawhin ka haw hran lo.


`In a awm ringawt chu a ninawm ve lutuk a, ka rawn kal leh tawh mai dawn mawni ka tia` thingpui chu a hma a dawhkan ah chuan ka chhawp sak a. Jonah hi ka thian ania, ka unaupa ani bawk a, ka pa a ni bawk ti ila ka sawisual lo ber ang. Engtiklaipawhin ka tan a awm a, keimah vangin a unaupa a hrem a, apa, ni lo, ka pa ni ve bawk nen an inhuat phah a, a nupui a then loh phah a, mahse in hran ah a khawsa ta thung.


`Tunah rih chuan inboruak hi a thang nasa tawh a, zin harh rih te i duh em? Delhi ka kal dawn a, karual a hawi thawven i duh leh sawi la` a thingpui chu a dawt khalh a, mipa tha tak a ni.


`Mahse kan 2 a kan kal chuan Joana...`


`Buaina a awm lo. Chuan, a rai a` a sawi zawng chuan a ner nawk a, kei erawh ka pum alo so nghal barh thung. Ka lo na ve ngawt chu ka inthiamlo ru tak zet.


`Ka lawmpui che u` ka tawng chhuak thei chu ka lawm kher mai. Mahse a ring hran lo.


`Keipawh ka lawm. Ka buaina a kiang ta` a nui hawk a, angaihna ka hre lo kher mai. A nuih dan chu hmusit nui kan tih ang hi a ni tlat.


`I fa lo piang hmasa ber tur chu apa ang a rilru tha ni mawlh rawh se` ka in control leh thei ta chu ka lawm. Keihian ani hi ka unaupa ani tih ka theihnghilh ngai tur a ni lo.


`A nu ang a huaisen ni bawk se` a vei nuih suk a, a hlim hmel chuan min ti na tlat. Ni lo, Lt, tiang hian awm suh.


`Delhi chu ka lo kal ve lo mai ang. Ka chawlh dawn tho chuan khawiah emaw kal duhna ka nei ve deuh riau mai` sawi chhunzawm ka duh tawh loh avangin thudang ka sawi ta ringawt.


`Ka khua ava har dawn ve aw.... Mahse i tih tlat chuan le... Tak a, i pu ro vel kha ka rawn haw ah chinfel a ngaih hmel a, ni 4 ka cham ang` a kut 2 suihin a tukum ah a dah a, a hahdam hmel phian. Fa nei mai tawh tur ania, lo inngeih lo viau tawh mahse fa te nu chu ngaihdam a harsa lo tawp ang.


`Aw le. Chaw ei ve mai la ti dawn ila in lam ah nghaktu i nei tha bawk sia, ka sawm lo mai ang che` nui var var a ka tih chuan a nui hawk a, harsa ti viau mahila a nuih chuan ka nuih ve a ngai miau sia, ka nui ve hak hak tho.


`Mi hnar haw dan i thiam dawn riau mai. Tak tak a, zanriah ei chhuak turin ka rawn hruai dawn zawk che nia, ipu ukil te nen engemaw sawi pawh a dine out ka lo ngaihtuah deuh a` a tih chuan keipawhin ka thlawp ang reng viau mai.


`Pawi hleinem. Mahse hmundang a kal ai chuan hetah bawl mai ila tha lo mi?`


`A pawi hran chuang lo. Mahse bawl chawp ngai lovin kan order ange. Falkland ah sawn a order theih alawm. An rawn deliver thei tho a, hahdamthlak mai alawm` atih chuan ka hnial lo lehzual. Mahse chutiang a ti thei ka lo la hre ngai miah lo.


`A pawi lo lehzual. Mahse chutiang a deliver thei chu ka va hre ngai lo ve`


`Bon Appetite restaurant khan an deliver thei tawh alawm. Mahni a awm tan phei chuan a awlsam phian ania` a tih chuan tha ka tih thu ka lo sawi nghal mawlh mawlh. Kei ei rawngbawl taima em em lo tan ava tha dawn tak tih ka ngaihtuah a, ka nui var var mai.


Ka pu ukil pawh a rawn thleng hma angreng viau. Ei rawngbawl a ngai lem lo bawk a, duhtawkin kan titi thei a, a nuam phian. Ka hriat ve lem loh thil alo tam khawp a, ka pi lo rapthlak zia ka hriat belh nasa hle thung. Joana pawh a inrawlh hnem in ka pu ro pawh a hmingin alo dah hnem na ngiang mai. Keichuan pawi tihna pakhatmah ka nei lo, ka pu kha a ro ni lovin amah ani keichuan ka duh ni. Mahse mak tak maiin a in pui ber erawh a nupui emaw, midang tan dah lovin Jonah tan a dah hlauh thung. Chuerawh Jonah pawhin a hre lawk lo tih a chiang.


`Hei hi chu ka ti thei lovang` inngaihtuah muk fe chuan a rawn ti chhuak hlawl a, sawi tur a vang teh e.


`Mahse a duhdan a ni tih chiang takin ka hria. Lti`n a duhdan a hnawlsak zan la la khan he thurochhiah hi a siam miau a ni. Chuvang a boral ta a ni tih pawh kan sawitel law law ange` Tony, ka pu ukil in a tih chuan Jonah chuan a lu a thing mut mut a.


`Mahse ka la thei lovang. Lti ta tur a ni`


`Ni lo, ka duh chu ka sawi tawh. Ka pu thlarau vang tal pawhin i pawm mai a ngai a ni` ka lo ti vat thung.


`Hei chu nakin ah kan sawitha mai dawn nia. Ipu kha khami ni khan ka thleng hman ta lo a, ipi leh Jacob ten inhmun Jonah hming a a dah ani tih an hriat ni khan. Chuan, company hi Lti hmingin a dah lehzel bawk nen, mahse hei erawh a dah tih ka hria a, lehkha pawimawh erawh ka kut a a hlan hma in a chesual ta si a. Khami ni, a vanduai ni khan ka kut ah lehkha dah a tum ni ania, hna pawimawh avangin kan intiam hun ah ka thleng hman ta si lo a, lehkha pawimawh chu ka kut ah a awm hman ta lo a ni` Tony in a tih chuan Jonah chu a chek tlak tlak.


`A pawi lo. An duh anihchuan nei rawh se. He buaina hi kalsan ka duh takzet tawh. Tunah chuan anni nen kan inzawmna a tawp tawh a, eng inzawmna mah ka duh tawh hek lo. Mihring pangaiin mahni mihring pui hmangaihna an neih thin ang pawh nei miah lo a sum chauh hmu lian ho nen hian inhlat thei ang ber a awm ka duh tawh a ni. Ka pu thlarau hahchawlh nan buaina siambelh leh ka duh tawh lo ve` ka rilru diktak a ni ka sawi ni. Ni e, ro kha engmah ka it lo. A bul a cheng ka ni lova, a bul a cheng zawkte chan tur ah ka dah mai. Mahse a damlai ngeiin ka pu in ka kut a dah hial pawh a tum a, a chenpui te pamham zia a hria ani mahna! Mahse tul ka ti lova, Pathian zar ah hna ka la thawk thei a, ka inchawm thei tlat a ni. Mahse ka pu ngei chu that in a thu hnutchhiah ngei pawh tihdanglam duhna thinlung sual an la pu tho a, Setana pawhin EM EM A a tih hial ka ring a ni.


`Ka hrethiam lutuk che. Mahse i hming a a dahna lehkha hi nuai bo mahse phone a kan inbiakna voice record hi chu an nuai bo thei dawn chuang lova, ipu duhdan hrechiangtu ka nih ang in ka ngawihsan mai mai dawn lo a ni. I duh lo a, anni i hlan duh anih pawhin dan ang thlap a i hlan ka beisei tlat a ni. Uluk takin ngaihtuah la, ipu company hi nanglo in enkawl ta se eng ang chiahin nge a kal zel ang tih ngaihtuah hram ang che` Tony bawk chuan a ti leh a, ka hrethiam. Mahse anni nen a inzawmna neih leh ai chuan an duh a, an hui a, diklo tak a neih pawh pawi an ti lo a, nei mai rawh se. Ka hna hi min laksak thei dawn chuang lova, ka lungawi tawk zawk e.


`Anni biak a inhmuh leh ka duh tawh lo ve. Ka ngen a che, company chu an duh leh an sum thianghlim lo zet hmangin an hmingin an dah thei pawh a ni mahna, an hlimpui rei chuangin ka ring lo. Inrawlhbuai eih ka duh tawh lo` ka tih tak tlat avangin leh Jonah pawhin min lo thlawp avangin Tony pawh chuan lungdam lo tih hriat zeuh tho in kan duhdan zawm a remti ta nge nge.


Ka pi leh Jacob pawh ro chungchang a ka duhdan ka sawifel hnu ah Jonah hmalakna in bail in an chhuak ve ta. Court reng erawh a ngai tho. Company chungchang ah engmah ka sawi rik loh vang nge tumahin min rawn tibuai chhunzawm lem lo. Chutihrualin Jonah erawh a buai viau tih ka hria. Thuthang atang Joana fa pai kha a fa a ni lo ang in an sawi lehnghal a, amah lah chu kan inhmu ngai der lo lehnghal.


`Chaw rawn ei ka tum a` Jonah msg a ni. Hospital-ah a rawn kal ngai lova, a aiawh pakhat a dah thung. Min rawn be ngai hek lo. A zin lo haw na lah a rei leh tawh viau bawk si.


`Ok` chhan vak ngaihna ka hre lo.


`Damdawiin ah ka rawn lam kual ang che` ka chhang tawh lem lo. Ka phur ru viau tih erawh ka zep hran lo mai ang. Rempuii hnen a ka sawi chuan a mitmeng chuan min chhaih zauh a, ka lai em em. Ani hian ka hrilh ngai miah lovin ka awmdan ah a man vek. Joana fa paina midang tih pawh a hnen atang a hria ka ni nghe nghe.


`Mahse Joana....` ka hnual rawih. Nupa an la ni miau alawm.


`Engmah i hre ve nange?` phawk deuh chuan min en a, a awmzia ka hre der lo. Enge hriat tur awm?


`Eng chu?`


`An inthen fel daih tawh alawm. Nang hi enge maw i hriat le?` mak ka ti lutuk chu ka ang pham ringawt. Engmah ka hre reng reng lo. Jonah pawhin min rawn hrilh miah lo. Mahse engvanginnge min hrilh ngawt ang? Min pui fel vek tawh a, a tan chuan engmah ka ni tawh hleinem.


`Ka lo hre miah lo a` hul deuh chuan ka ti ngawt pek. Hre miau hek lo le.


`Joana khan Jacob fa alawm a pai` chu zet chuan min ti phu nasa lutuk. Ka pi bialpa ania, a pasal nau a ni bawk.


`A theih loh`


`Keipawn a mak ka ti lutuk. Mahse a ni miau. Jacob leh Joana chu an awmdun daih alawm. Ka thiannu te flat an lei a ni awm e` Lehzel chuan le! Hei vang hi aniang Jonah pawh a reh vang vang ni. Ka pi kha engtinnge a awm ve tak ang? Ni lo, ka ngaihtuah chhan tur a awm hauh lo. Ka neihchhun ka nu leh ka pu min laksaktu hi ka lo ngaihtuah ve vak a ngaihna ka hre lo.


Hna ban a hun chuan Jonah chuan min rawn sawm a, Rempuii chuan mit min siai zauh pahin min bye bye a, ka nuih a za reuh phian. A kum a tam ve tawh nen hian a hot thei reuh phian lehnghal. Mahse a bul a awm hi nuam ka ti em em thung. Mi chanchin a sawi khat em em a, mi rel ngat phei chu a ti ngai lo tluk a ni.


`Alu ka lei. I kan kher ka ei chak a` dawhkan a Alu dah pah chuan a nui sang a, a hmel hmuh a nuam tak zet a ni.


`Tehreng mai. Keichu Laphetauh ka ei chak` a ner nawk a, chawhmeh hang lutuk ei hi min zilh fo a, mahse ka sim thei der mai si lo.


`Sawlai dawr ah khan an zawrh kha ka va lei ange` a ti ve mai bawk. Ka nuih a za ru phian.


Chaw kan eikham meuh chuan a hma tawh viau lo. Nge a bulah hian hun hi a kal chak ka ti mah mah zawk thin ka hre lo. Chaw eikham thingpui ka lum a, sitting room ah chuan kan thu dun a, tum dang zawng aiin a bul a awm a hahdam zawk lehnghal.


`Thil zawh duh che ka nei a` ka rilru ah a len em avangin ka zawt lo thei tawh lo.


`I thu hriat kha a dik. Chuan, min ngaihtuah duh suh, ka hrilh hlim che khan ka hre daih tawh alawm` a nui var var a, keimah bawk hi engmah hre ve lo awmchhun ka ni leh ta.


`Sawi mai tur ka hre lo`


`Sawitur vak a awm lo. Ipi erawh a lainatawm ta phian anih hi. Kan inneihna kha plan sa a ni miau a ni. Tunah chuan ka zalen ta alawm` a nui sak a, mahse a mitmeng ah chuan a hun liam tawh chu anchhia lawh a duh ang tih ka ring thlap.


`II fa tur emaw ka tia, ka lawmpui tehreng che nen`


`Min lawmpui tak meuh amaw? Min lawmpuina thu i sawi lai a i hmel in i thusawi a phatsan lai kha ka mitthla ah a lang fo thin` sawi tur pawh ka hre lo. He mihring hian min hrechiang mah mah a ni.


`Mahse....`


`I thinlung thusawi kha ngaithla la, zawm tawp mai rawh` ka bulah chuan a rawn thu hnai a, chetsawn ngaihna pawh ka hre lo. Ka kut a rawn vuan a, a lam hawiin min pawt her a, a tih ang ang chuan ka awm a ni ber mai. A kut lian tha tak chuan ka hmai a rawn chul a, amah ka en kiau a, mahse khua erawh ka hmu  miah lo in ka hria. Ka taksa a dehna apiang mai chu a sa hat hat zel maiin ka hria. Ka nghawng a nul thla a, ka meng phal tawh lo. A hmui lum thar thar in ka hmui a rawn bawh thuah chiah chuan thir hip thei in a hip beh ang mai ka ni ber in ka hria. A lei in ngenngawl leh dam dap a ka ka chhung a rawn ahwl tak ah chuan ka fawp let lo thei lo.


`Ni lo, tun ah ni lo` a phun chhuak sup a, a inlakhran meuh chuan ka t-shirt hak chu chunglam ah inhlimin ka kawrhnuai hak chu alo inphelh niaih tawh. Ka hnute chu khuhtu nei lovin alo lang hiang tawh. Keihi eng thlarau in nge min man ta mai?


`Ihhh... englo...` ka tawng bah nawk nawk lehnghal.


`A pawi lo. In ha tha la, ka phei ange. Mahse thil pakhat, engmahin min dal tawh lo a, ka ngaihzawng tak tak i ni tawh` thunei zet a a tawng chu midang chu ni se ka ngaithei lo khawp ang. Mahse ka lakah thuneitu ni tur a ka dream thin awmchhun mipa ani miau a, ka haw phal lo.

***   ***   ***

CHAPTER - 11

Ka dul puar lian ve tawh tak chu darthlalang hma ah chuan ka en a, ka nui sak mai. Ni e, kum 2 lai kan nghah hnu ah damchhung leh pialral thleng pawh a ka pasal ni turin Jonah nen kan innei a, kan inneih atang kumkhat hnu ah nau kan keng a, kumkhat chhung kha chu kan nupa khan nuam kan tawl ani ber mai. Mipa innghahna tlak, engkim a min thlawp em em tu, zilh ka ngaih chang pawh a min zilh hreh lo, duat lam ah phei chuan duhthusam, engkim a ka engkim a ni tawp mai. Mahse innei tur hian hun harsa kan paltlang hnem leh hle a, tumahin kan inneih an remti lo. Diktak chuan min hringtupa kha amah leh a unaupa fa a la tu a ni bawk si, Joana leh Jacob lahin apa ngaihdamna changin in an luah hmiah mai bawk si. Jonah erawh Joana leh Jacob an tlan dun tirh atang ama pual a a in, tun a kan nupa in ni ta ah a insuanlut nghal thung. Fahrah takin ka man chu ka thiannu Rempuii`n engpawh huamin a dawng hmiah a, lawmthusawi ngaihna pawh ak hre lo. Mittui nen ka man a dawng chu ka kuah tlawk tlawk a ni ber mai. Dan 1-na kan tlin miau avangin Dan 1-na ngeiin Rempuii te chhungkua leh Jonah thian tha pahnih te hriatpuina in kan innei nghe nghe a ni.


`Thiani, ka rawn phei dawn. Ka naute an zin ve ve dawn a, ka rawn riak dawn` Rempuii chu phone atang a rawn au lauh lauh a, ka lawm kher mai. Jonah hna atang alo haw hma theih dawn loh zan ani zui.


`Yes... I peih leh vawksarep lo lei haw la, kan lo kawl tawh lo a, ka ei ve chak riau` ka tih chuan a nui hawk hawk a, ka rai hnu a ei ka duh zia leh sa ka heh tak zia hi kan pa nen min chhaih nan an hmang ziah. Rai thil huat em em ka nei map lo lehnghal a, a chang chuan kan pa lak ah ka inthlahrung hial thin. Anilahin thil ka ei thei chu nuam a ti em em lehnghal. Kan nula hi ka eitur ngawr ngawr bazar turin a tir fo, kan nula lah hian bazar kal nuam a ti bawk si, kan chhungkua chu kan inhmeh vel vek a ni ber mai.


`Hmanni chu ipi alo leng hlawl a` ka rih deuh tawh avangin kan nula rawngbawl ka pui meuh ta lo. Tunah pawh Rempuii nen sitting room ah kan thu mu a, TV kan en dun.


`Anihchu, kan inneih hma a bazar a ka hmuh zawk bak kha ka la hmu leh miah lo` ka ngaihven lo khawp mai.


`A tar tawh khawp mai. Chuan, hmuh che a duh ani awm e, a pawh mai ngam lo che tih a sawi a`


`Nihchu. Inhmuh chhan tur kan nei lo emai` ka ti liam puat a, mahse a ruk tak chuan ka beng erawh a verh tho. Ka pi diktak ni lo mahse khawvel ah pi ka nei tih ka mit a ka hmuhchhun a ni miau a ni.


`Mahse a inchhir hmel ve khawp asin. Joana khan awmpui a duh si lo a, i putea lahin nupui a nei a, a nupui te in lam ah an awm bawk sia`


`Chuan awmpui se min ti ami?` ka lo ti khauh.


`Ni lo, chutiang lam a ni lo. Ipu sum tlem alo khawl ve khan in chhete a lei ve a, dawr te a siam a ni awm e. Ka sawi awmzia zawk chu ngaihdam dil che a duh a`


`Ka hnen ah ni lovin ka nu thlan chung ah zawk le` Hman a ka ngaihdan kha tunah pawh ala pangai reng. Ka pu phuba kha Jonah vang liau liau in ka la ta lo a, a vannei viau zawk a ni.


Ka pum na lutuk chu ka thlan huh vek. Ka neih ala hun chiah lo nangin nau ka vei tih chu ka hrethiam ve. Ka pasal bathroom a awm chu ka au tuarh a, khum mawng chhuat ah chuan ka thingthi a, thawm pawh ka chhuah thei meuh lo. Jonah hmanhmawh lutuk a bathroom atang alo tlanchhuak a, khumbul a a phone chu a ban a, ka bul ah rawn thut hniam pahin ka hnung a chul a, a tawngdan atang hospital lam a bia tih ka hrethiam. Kan nula a au a, kan mamawh tur ka peih fel sa ho chu motor a dah turin a hrilh a, Doctor tih takah a talbuai chung lem lo. Min pawm nawlh a, motor a min dahluh hnu chuan amah pawh a rawn lut ve nghal a, chumipahin Rempuii a phone nghal bawk. A offday anih avangin in ah a awm a, damdawiin a rawn pan nghal tur thu a sawi a, midang han hriattir tur kan nei hran lo.


`Fapa duhawm tak i nei e` chu nurse upa lam tawh chu theih ni se ka kuah nawk nawk chak lutuk. Fapa ka awt bawk a, ka dilna Pathian in min chhang a ni. A hming tur pawh kan nei lawk vek tawh. Mipa ani emaw, hmeichhia ani emaw, LALAWMPUIA emaw LALAWMPUII emaw ani tawp mai.


Kan fapa chu kan tleipui nupa ngar ngar khawp mai. Jonah pawh ka nau neih atang hna a kal rih lo a, a aiawh a enkawltu kut ah a dah rih a ni. Kan nula hlei hleiin nuam a ti a ni ber mai. Rempuii, ani hi ka hmelhriat lovang tih ka hlau ngawih ngawih. Jonah a zeilo chi alo ni bawk nen, min awmpui chawt a, Jonah lahin ka chet theih hma chu a duty a siksawi sak bawk nen, ka tan vantirhkoh ropui ber a ni. Ka chung a a thiltih hi ka nu kha la dam se hetiang bak chuan a ti kher in ka ring lo. Zanah erawh Jonah hi a mu mang ngai lo thung. Hlum na ka nei rei deuh bawk nen, nau zun leh ek thlak chu ka rinaiin a awlsam phian lehnghal a.


`Ka rawn haw hma thei dawn lo a, inu lo tibuai lo la aw` Jonah chuan kan fapa mu lai chu a be mawlh mawlh a, emergency meeting a ngaih thut avangin tlailam ah chuan hospital lam a pan dawn a ni.


`Jacob chuan engvang a lo inrawlh nge anih ang le?` ni e, he meeting hi Jacob vang a ni. A chhan ka hre chiah biklo nangin a case a serious ang tih erawh ka hrechiang. A chhan chu Jonah aiawhtu hian a tawpkhawk anihloh chuan a rawn ko dawn hauh lo tih ka hrechiang a ni.


`Shhhh..... Bawiha hian apatea chanchin tha lo a hriat a tha lo e. Ka lo haw veleh kan sawidun dawn nia` tih pah chuan khum a ka thu chu min kaitho a, duhthawh zet chuan min rawn fawp a, kan inhne thei meuh lo chu a ni. Ka nau neihna hliam vang a a duh ang ka la tihsak thei lo te hi ka khawngaih hnup hnup tawh asin.


Rempuii hna bang pawh an in a tlang lovin kan in lam ah a rawn kawi nghal a, Jonah in min lo va ngaihven turin a ngen anih ngei ka ring. Keipawh ka dam viau tawh a, buaipui em em ka ngaih tawh loh nen Jonah hi chuan min ngaihtuah over thei lutuk a, a inthlahrunawm thei zawk. Kan thiandun chuan rawng kan bawl dun a, Bawihtea a mutui bawk a, kan nula a intifai a, a nuam phian. Kan nula hi awmpui ang em em pawhin kan en lo, kan chhungkaw member a ni ve mai. Fahrah ania, nuhrawn a hrawn ve thin a, mahse a nuhrawn in a ngaihtheih loh avangin api te bul ah a awm a, mahse a pi a boral leh sia, a putea nupui alo fel em em lo bawk nen, Aizawl lam ah awmna a rawn zawng a, ka bazar in ka tawng fuh a, a thiante a fin ve na atang kan va la chhuak a, tihian haw na tur nei lem lo bawk chu kan bulah a nghet charh mai a, amah pawh a intithu thiam phian a, intawng tur tak kan intawng a ni ber.


`Lt, i phone a ri ania` bathroom a ka awm chu ka chhuak vat a, mut kan tum hnai tawh a ni. Jonah nen kan inbiakin nghah chi anih loh thu leh ka mut theih chuan lo muhil hram turin min chah bawk nen, muhil lo mahila khum a lo nghah tum ka ni.


`Hello` ka number hriat ngai loh atang a ni.


`Lt, i pasal a tlusual a, khawngaihin hospital lam ah in lo kal theih chuan a lawmawm ngawt ang` min rawn be tu chu kan pa in a chhawrlai doctor Sangtea a ni. Ka kawchhung chu a sa pawp thei.


`Engtinnge a awm?` ka aw khur vek chu ka control thei lo. Lalpa, ani lehzel chu min laksak tawh suh aw...


`A tha e. Mahse naute hruai lo a lo kal tum ta che aw... Rempuii ka lo bia anga, in in ah lo awm turin ka lo hrilh ang. Nangmah hruai tur che in motor alo kal mek e` tawng leh nachang ka hre tawh lo. Ni lo, ka ngaihtuahna ang hi thleng lul suh se.


Ka phone chu ka en reng a, Rempuii lo luh lai pawh chuan ka ngawireng. Ka hlau takzet a ni.


`Lt, insiam la, naute chu hetah ka lo awmpui mai ang. Hruai ve chi ani dawn si lo a, hnute pawh a awm vek tho a` tih pah chuan min kaitho a, min khawih ang ang chuan ka awm vel mai mai a ni.


`Engtinmah a awm lovang tiraw?` ka tawng chhuah leh hmasak ber a ni.


`Awm dawn lo. Mahse i sam kha tawn fel la. Chu, motor pawh alo thleng chiah alawm` tihpah chuan dressing table a ka samtawnna bawm atang chuan samtawnna a phawrh mawlh mawlh a, ka sam ka tawn zawh chuan tlemin ka normal leh deuh tawh.


`Naute hi hruai ve ila, lo kal ve la ka ti`


`Mahse..... Aw le, kal rawh, naute chu keiman ka lo pawm ang. Nu-i, lo inpeih rawh` kan nula chu a au lang lang a, ka naute tan a pawi thei angem tih ka ngaihtuah lo, apa hospital ah a awm a, a tlusual a, hetah ka dah ngawt thei lovang.


Damdawiin kan thlen chuan kawt ah Dr.Sangtea chuan min lo hmuak a, a hmel ka hmu chiah chu hlauhthawnna ka nei nasa lehzual. Ngawirengin ka zui tawp a, cabin ah pawh ni lo, ICU lam min panpui tak ah chuan ka ke pen a sak ta talh mai.


`Madam, khawngaihtakin chaktakin awm ang che` Dr.Sangtea chuan ka kut ah a rawn kai a, ka taksa chu a khur satliah lo, a inshake nawk nawk ni ber in ka hria.


Room chhung ka luh a ka thil hmuh chu ka va han lawm lo ber mai tak em! Sawng khawl zawng zawng saw ka pasal hian a inhmeh hlawl lo. A bul ka thlen chuan engmah a hre lo tih a hriat takzet a ni. A kut chu ka vuan a, mahse min vuan let tawh miah lo. Lalpa, enge ka tihsual em em? Tinge ka hnaih apiangte hi i lak zel? Ka neihchhun ani tawh asin. Tidam hram rawh.


`Madam, hahchawlh i mamawh rih. Sir chu alo tha leh ngei ang, khawngaihin ama hahchawlhna room lam ah i phei ang hmiang` Sangtea`n a tih chuan dik ka ti. Mahse ka pasal kalsan chu ka hreh ngang mai. Ka fapa ngaihtuah a ngai bawk tih ka hria. Ka phur hi ava han rit tak em!


Jonah hahchawlhna room ah chuan Rempuii leh kan nula leh ka fapa bakah Doctor engemawzat an lo awm nual a, min ngaihtuah hmel zetin min lo en vek bawk. Ka rilru a fim a ngai tih ka hria. Ka pasal a theih loh chhungin he damdawiin hi ka kut ah a innghat tih ka hria. Ka fapa pianna la rei bawk si lo. Keimah ngei pawh ngai ka la awh chiah lo a ni a, heng zawng zawng hi tinge ka chungah a thlen bik le?


`Min ngaihtuah a, inzavai chung ah ka lawm. Khawngaihin a chetsual lai a a bul a awm ka va hre duh ve` ka chau hluah hluah, mahse chau thei ka ni si lo. Ka fapa tui tak a muhil, Rempuii`n a pawm chu ka en zawk a, engmah a hrethiam ve si lo.


`Englo, min lo hrethiam la, Sir chetsual lai hian a bul ah tumah kan awm lo. Meeting room atang an chhuak a, Sir Jacob te kha a thlah tur thleng kan hria. Keimahin ka hmu hmasa ber, chu chu mi thlah tur a a kal hnu darkar chanve vel ah a ni` Sangtea bawk chuan min lo chhang a, midang chu an ngawi thap bawk. Ka kawchhung chu a so nghal bawrh thei. Ka rilru a lo lang hmasa ber chu Jacob a ni. Ni lo, chutiang em em in a rilru a chhe lovang. Mahse a chetsualna an sawi ngaihtuahin Jonah hi amah mai chuan a chetsual ka ring thei lo. Chu chu midang ngaihdan chiah pawh anih ka ring.


`Sangtea hi ka be duh a, khawngaihin midang chu inhna lo va thawk lawk ta che u` Jonah seat ah chuan ka thu a, ka tha chu a khur der der tawh. Engemaw tak ka in a ngaiin ka hria.


`Khawngaihin thingpui min laksak thei angem?` Jonah tirhkah awm ve chu ka en nghal a, ka mamawh tak zet a ni. Ka fapa lo harh hma a thil tam tak ka tih hman a ngai.


`Madam, FIR hi thehluh chi ani angem?` midang zawng an chhuak tawh a, Rempuii leh ka fapa leh kan nula chu thutkhawmna lam ah an awm a, kei leh Sangtea erawh kan pa office thuk lam ah kan awm thung.


`Meeting ah tu tu nge lo kal?` ka pasal in min hrilh lawk loh miau avangin ka zawh a ngai tlat a ni.


`Sir Jacob te nupa an lo kal a, chuan mipa pakhat alo tel bawk. Ani erawh ka hriat ngai mi a ni lo`


`Nihleh enge an meeting chhan i hria em?`


`A zawng zawng chu ka hre lo a, mahse Sir Jacob leh Sir an inhnialna ka hriat ah chuan hospital hi an inchuh ni in ka hria` ka rindan nen a in ang tawk viau a ni.


`Anih ka pasal in enge a sawi?`


`A lungawi lo hle tih chiah ka hria. Damlo serious an awm avangin ka tlan chhuah san a, ka let leh lam in ania Sir pawh ka va hmuh`


`Nihleh Jacob te chu a chesual tih in va hrilh tawh em?`


`Hrilh ka tum a, mahse a phone a in off tlat a, ka hrilh thei ta lo`


`Ka lawm e. A tul anihchuan FIR pawh kan thehlut ang. Mahse khawngaihin engmah lo sawi ri lo la, enge thudik kan hriat hmasak a ngai. Chuaia pawimawh chu sir hi a damtha leh ngei ngei tur a ni` ka thaw hawk a, mahse ka ipik lutuk vang zawk a ni.


Ka awmdan hahthlak tak chu mumang mai ni se ka ti ngawih ngawih. Jonah pawh ni 3 chhung a awm ta, ala harh lo. A ringruh a tliak tep a, a thin lam a khawih tel bawk a, a hmel erawh a him pial thung. A taksa ah tur an hmu lova, mahse a thin zawn ah erawh na tak a tlawh tih hriat ngawih ngawihin a duk dup thung. A chhungte ka va hrilh a, mahse tumah rawn lang an awm hauh lo. Mak ka ti lutuk thlawt. Rempuii te unau an fakawm tak zet. An unau in min awmpui deuh reng a, Rempuii phei chu mamawh lam anih loh chuan min kalsan ngai lo. A hna a thawk pah thei reng bawk a, chawlh ka pe chung pawhin nau pawm chung ten counter alo va thu thul. Keini chhungkua erawh Jonah hahchawlhna room ah kan awm tawp a, kan nula rawngbawlin a haw zauh zauh a, kan thawmhnaw pawh kan sawn phei nual a ni. Ni e, hawsan ka duh miau loh avangin kan chenna atan kan siksawi a ni ber mai.


`Ka fapa chu enge a an?` sofa ah chuan nau hnute ka pe zo ka lo muthlu a, tawngri chuan min tiharh chiang kher mai.


`Enge hetah i rawn tih dawn?` ka pa chu ka en kal a, Rempuii hmanhmawh zetin a rawn tlan lut. Bawihtea a rawn la nghal a, mutna lam ah a luhpui zui nghal.


`Ka fapa thi tep in a awm a, enge rawn ti se min tih?` ka ner nawk mai. hei hi min hringtu ka pa chu a ni thei meuh ang maw? Awih harsa ka ti tak zet.


`Ka rawn hrilh hlim che u khan in rawn lan ka ring a, in buai hle aniang chu maw...` ka nui hak a, a zat vang erawh a ni lo chiang.


`Thupha ka chawi e. Chhungkaw lam buaina vang a ni e. Naute kha ka tupa chu ami?` ka luak lo chauh a ni. Zawh leh hranpa a ngai meuh emawni... Ka nu in he mihring alo nei lo hi Pathian chu fakin awm mawlh rawh se.


`Ka pasal chu i hmu duh anihchuan ICU bed no.32 ah a awm ang`


`Ka lawm e. Tak a, i pasal theih loh chhung chu Jacob hian hospital hi lo enkawl se a that ka ring` ka sa ta phat mai le.


`Ni lo ve KA PA. I thisen zawk i fanu hian ka pasal duhdan angin Jacob enkawl turin he hospital hi ka dah hauh lovang` a hma ah ka ding a, a mit ah ka en kal. A mitmeng a dawihzepna lang zawk chu ka hmuh hmaih lo chiang hle bawk.


`Sen tet atang a ka chawilen te hi ka tan an hlu zawk tih hrilh nawn kher i ngaih ka ring lo. Ka fapa hospital a ni, mahse apa ka la dam a, a damlo a, rorel tur pawh a awm lo a, apa ka nih ang in kaldan tur chu ka rel mai tur a ni` a kut chu a kekawr ipte ah a zen a, a induhtawk zia tilang chiang lehzual tur in a khabe a poh vah bawk. Mahse chumi phen a a mitmeng a dawihzepna chu ka hai bik si lo.


`Min hmangaih zawk turin ka phut hauh lo che. Ka pa ilo ni kher hi ka zah tawh naklai a min hmangaih ka hlauh dan tur chu hrilh hriat kher i ngaih ka ring lo. Mipa chuan nupui a nei anih chuan a chhungkua a kalsan tawh a ni. A nupui ka la dam a, ka pasal ngei pawh mithi a ni lo. Damdawiin hi chu in lo ngaihtuah a ngai lovang` a tawngkam a na bawk a, keipawhin ka dim bik chhan tur a awm lo.


`I nu i chhun hle mai` a mit a zim sun a, ka nui sak thung.


`Ka pa ka chhun ang tih hlauh naklaiin ka lawm e` ka kut ka kuangkuah at a, ka hma a ding ka pa hi engtinnge ka pa anih theih ka hre hrep lo ve.


Ka pa lo kal atang chuan an chhungkaw ho an rawn lang zauh zauh a, Jacob erawh a rawn lang miah lo thung. Phir ni si hi engtinnge tiang em em a an in an loh theih? Nge kan ngaihdan ang chiah khan Jonah hi kut alo thlak zawk ni ang? Joana nen innei pawh ni se a unaupa thichhawng a a leh laiin vawikhatmah alo lang lo thei hi a mak ka ti lo thei lo.


Ka pasal awm insep dawrh chu a kut ah ka hum a, a tawpna atan a rawn meng a, min rawn en a, a chatthla zui nghal. Ka tap lova, ka ruak vek in ka hria. Ani em em tawh lo. Jonah, ilo harh leh anga, i chung a thil thleng hi engkim min hrilhfiah ang chu tihlaiin tinge i kal daih? I nupui mawl tak, nangmah a rinna zawng zawng nghattu hi engtinnge i kalsan theih? Bawihtea hi engtinnge ka enkawl ang? Anu ang bawkin PA mamawh ngawih ngawih bawkin a seilian veleh dawn asin. Engtikahmah min kalsan ngai lovang tih min tiam kha tinge i sut leh tak?


Ka pasal boral boruak vel ah chuan ka rilru a fim ngai meuh lo a ni ber mai. Rempuii leh Sangtea, kan pa ukil, ka pu ukil a rochun tak te zar ah ka mawi ve hram hram a ni. Ka pasal ruang lak tum a a chhungte rawn kal pawh Rempuii`n alo ankhum nasa viau tih a hnu ah ka hre leh chauh. Thla 1-na cham chiah chiah a ka rinloh lutuk in ka pa leh Jacob an rawn kal a, ro chungchang bawk! Huiham, tinge mi hi ro ah an buai em em mai le? Kan pa ukil in engkim felfai takin ka pasal kutziak ngei mai alo kawl thlap si avangin kutbengin an haw leh tak hnu hnu kha.


`Jo, ilo hmu em? Enteh, i nupui fahrah tak hian i fapa hi engtinnge ka enkawl ang tih ka hre lo asin. Kan thutiam te, tihdun tur kan la neih te kha kan la tihlawhtling lo asin. Ka nu te, ka pu te nen in awm ho ngei ang tiraw? Inzavai khan ka ngai lutuk che u. Ihmaw, i tello a kan khum mut te hi ka ngam lo asin. Tinge maw min kalsan daih kher kher le? Vanram ah chuan min lo nghak la, i fapa nen kan lo thlen ve hun ah kan chhungkua in hlim takin awm leh ang u aw.... Ka ngai lutuk che`



SEE YOU IN HEAVEN JONAH.....