ECCITATO - 15

ECCITATO - 15


ELTY LUHLUL AUG HNAMTE


In kan thlen thleng chuan ka awmdan chu ka sawithiam lo. Ka chhungril chu a hlim rualin mak tihna in min kalsan lo. Ni e, ka beisei hauh lohin Noah a rawn lang a, engkim mai kha a mak vel vek a ni ber mai. Micky nen thil sawidunna hun kan la nei a, mahse ka thil hriat ang erawh a hre tawh tih ka ring a ni. Zan lam zanriah min kilpui a duhthu a sawi a, ka pa in pawi a ti lo bawk a, an in ah chaw ei turin min sawm zuinghal. A nupui fanau te hmuh te pawh ka chak ve tho mai.


`Chawlh chu ila thei dawn ami?` Micky nen chuan in lam a a office ve deuh ni awm tak ah chuan kan thu dun a, a nupui a fel a, a fapa lah a duhawm em em bawk.


`Ka hre lo le. A harsa tawh mai thei a, mahse tihdan kan ngaihtuah mai aniang chu` a bawp sei zet chu a khawkherh a, a hmel a hahdamna hmuh chu a nuam takzet a ni. Chuaimah chuan ka chhungril a hlimna hi sawifiah dan ka thiam lo zawk. I pasal kha ngawirengin pilbo ta se, i hmuh leh hmasak ber ah huat hmel zet che in melh che se, chutah i hmelma te zing ah lo tal ta se, i beisei hauh lohin i tan ala awm thu hre leh si la i hlim lo bik hauh lovang. Zawhna zawh duah ka ammawh lo, a sawi kha ka ringtawk em em a ni.


`Ka chhungte hi engtinnge ka hriattir ang tih ka ngaihtuah a ni` ka thaw halh a, ka pa dinhmun en in a chauhpui ka ring bawk si.


`Ka chawlh ka pawhsei tir zo anga, kan pahnihin kan hrilh dawn nia. Taka, Spi chanchin kha i hria em?`


`Enge hriattur awm?`a hming ka hriatrual chuan ka mitthla ah kha thil, Noah office dawhkan a kawr ha mang lo a alo awm niaih kha a lang nghal, ka ner nawk bawk.


`Damdawi tam tham tak man sak a nia. An man theih chhan ah hian Noah hi a tel ka ring ta riau. Ka hriatruk dan chuan tu tih hriat loh hnen atang a damdawi tawlhluh dan tur hriattirna an dawng a, chumi chu bawhzuiin an man ta a ni awm e` mak ka ti lutuk. Apa kha khehpuam lalpa ti a koh ruk thin ni mahse Spi em chu a inhnamhnawih ka ring ngai lo a, nula nih lai a tiang ang a a mualpho chuan a hmalam hun ava eng lo ve dawn chiang ve.


`Ava lainatawm ve` ka ti tak tak. Hua in ka pasal min chuhpui a kan inngeihlohna bul ni mahse keima chan ah ka indahchhin a, ka khawngaih ve tho a ni.


`Rs` chu aw chu ka hai mawlh lo. Ka phone chu ka hum nghet sauh.


`Noah` ka aw chu a richhuak em ka hre lo zawk. Ka thinphu ran dan chu nasa tak a ni.


`Ummm.... Ngaithla rawh aw, hun ak ngah lova, zanin ah ka nu alo kal dawn a, zawhna tam tak a zawt ngei ang che. Mahse thinrim in lo chhang lo hram la, nangchu hmeichhe in control thei tak i nih kha. He hun hrehawm tak hi kan paltlang zo tep tawh a, chuan, ka hmangaih che` ka thaw a chham mai dawn. ni lo, enge a sawi kha? Min hmangaih anihchu.


`Aaaa... Awww... Nia, keipawh ka hmangaih che` ka sawi tum ni miah lo mahse ka thinlung atang zawk a ri chhuak a ni.


`In lo chhuk hun ah engkim ka hrilhfiah thei ang che. In thlenna tur Hotel pawh ka tifel vek tawh a, chuan, thil pakhat, i kawr, a hring, a nghawng zau deuh hlek, kan leidun kha lo keng ang che` a nui hak a, a kawr sawi chu ka hrechiang khawp mai. Kan nupa hlim lai khan MC ah kan leidun a, inhmeh min ti hle bawk. Pawn a incheina kawr a ni lo, in awm kawr deuh ania, ka hnute a tih kan nanlh thu a sawi fo thin. A hnathawk a rei deuh leh a chauh zual changin ka lo ha fo, a chhan chu a hahdam phah thu a sawi tlat alawm.


`Heh, a awmna pawh ka hre tawh lo` ka fiam zauh a, hetiang a fiamthu a kan inbiak lohna rei tawh zia hi. A thleng leh ang tih pawh ka ring pha tawh lo kha a nia.


`I tibo anihchuan a hremna a na khawp ang` ka thusawi chu a awih lem lo tih a rawn uan let dan ah chuan ka hre thei.


`Hotel-ah chuan nangmah ilo riak ve angem?`


`Nangmahin zan 3 vel chu i riah a ngaih hmel. Chumi hnu ah erawh ka bulah lo i mut ka remti tawh ngai lovang` a aw chu a ril ruih a, ka kawchhung a fan rawih rawih thei. Ni e, ka pasal hi ka lo ngaih zia ka hrechhuak deuh deuh.


`Nihleh tunah tu nen nge inchen?` ka rilru a thikna awm chu ka thup thei meuh lo.


`Ohh, C`mon honey, keimahin. Nakin ah ka la hrilh vek dawn che lawm. Ka dah phawt ang, Kimkimi alo thleng tep tawh ang`


`Ani ber kher...`


`Bawihi, ngaihtha tak khan awm rawh. Ka dah, ka rawn be leh lawk thei lo ang che. Mahse kawr chu rawn ken theihnghilh lo la, i mail lo check ang che` ka tawng leh tur chiah chu Kimkimi aw-ri ka hre zui nghal. Phone a in off nghal bawk.


Noah sawi ang chiahin ka nu a rawn kal ta ngei. A zak map lo lehnghal a, mahse Noah min hrilh lawk avangin vawikhatmah thinrim in ka chhang let lo thung. Dawt chitin rengin min puh a, ka nu leh pa an awm lo chu ka lawm kher mai. Ka pa nau mipa hi damlo in thingtlang atang an rawn phur a, a serious deuh avangin damdawiin ah ah dahlut nghal a, chumi va buaipui chuan ka nu leh ka U nen an kal a, U Partei te nufa room lam ah an awm daih bawk. NNoah nen kan inhmu tih a hria tih a tawngdan atang chuan ka hria, mahse engmah ka sawi si loh avangin a ruhlangin a sawi dawt hreh ve tho tih ka hriethiam. Mahse chiang tak a a sawi chu an in ah ka let a duh tawh loh thu leh a fapa nun tichhetu ka nih thu a sawi chu a ni. Na chu ka ti ve lutuk, mahse Noah ka sawipui hma chuan tu hnen ah mah ka luh leh luh loh tur thu hi sawi tumna ka nei lo.


Ka chhungte hnen ah Micky nen Noah chungchang kan hrilh tum chuan ka chhungte an mengphawk nasa mai. Zin kan ngaih thu ka sawi chuan ka nu chu a hlauthawng deuh nangin ka pa chuan duhsakna min hlan a, ka phirpui chungchang erawh engmah ka la sawi lo thung. Anni pawhin a thi tawh a an ngaih avangin mit ngei a an hmuh hun ah chauh hria se pawi ka ti lo. Bakah ka nu leh pa hma ah ka hruai thleng thei angem ka hre tlat lo a, chuvangin tih phawklek vak kher kha ka duh lo a ni.


Kolkata Airport kan thlen chuan ka chhungril hi engtinemawni a awm nghulh thei. Ni e, tumdang nen tun a ka kal hi chu in ang mawlh hek lo. Kan motor tur kan nghah laiin Noah pawhin min rawn phone a, min lo hmuah theih loh vang a pawi a tih thu te, Hotel chu kan tan a him that thu leh ni 3 hnu ah min rawn zawm tur thu te chu a sawi nuaih a, keierawh chuan a thusawi ka ngaihsak lo, a aw ka hre leh ringawt pawh chu ka hlim tawk em em a ni. Micky nen Hotel kan thlen chuan ka rinaiin a ropui. A man to zia tur ka ngaihtuah hmanhmawh pek. Mahni room tur ve ve ah min hruai a, room indawt chiah ah kan awm a, Micky room chu single ania, keierawh double room min pe thung.


`Pool lam ah kan zuk inchiah dai dawn mi niang?` ka room khum ah chuan ka mu diai a, ka beng ah ka phone ka dah bawk.


`Pawi ka ti miah lo. Mahse tui chen kawr ka nei lo. Va hawiharh pahin va lei lawk ila` tuichen hi chu nuam ka ti viau, mahse ka thiam lem hlei lo a.


Dar 4 velah bazar lam kan pan a, tihtur em em kan nei chuang lo a, room a tawm tawp ai chuan nuam ka ti zawk daih. Micky lah tawm veng veng thei lo chi alo ni bawk nen, kan inthurual phian. Restaurant pakhat ah kan chawl dun a, ka rin aia tam daih thil ka ei bawk. Micky lah in hmeichhe chhuahpui a nin zia a sawi chamchi bawk. A awm ve reng e, en tur ka hre ve bawk em a ni.


Ni 3 chhung chu hna em em awm bawk si lo, vawihnih chiah tihtur neiin kan chhuak. Chupawh Pu dinga te in ah ve ve. Noah remruatna kan va ngaithla a ni ber. Amah tak lo kal lo mahse a aiawh a rawn tir mai a, ka rin phak bakin ka pasal hian remruatna alo nei tha. Tin, ka hriat lawk hauh loh in kan rual khan Mizoram CID thenkhat an lo chhuk ve tih Pu Dinga te in a kan kal hnu ah ka hre ve chiah bawk.


`Room service` peih lo zetin ka tho a, Pu Dinga te in atang a kan haw hnu ah Micky chu CID ho nen hna tlem an neih avangin min chhuahsan leh a, vawiin hi Noah ka hnen a alo kal ni tur a ni.


`Ma`am, hei i lehkha tur` tih pah chuan hotel a tirhkah pakhat chuan lehkha hi min pe a, lawmthu ka hrilh zauh a, kawngka ka khar san lehnghal. Khawi atang a lo kal ngei tih zawh nachang reng reng ka hre lo.


`Inhnuai ah lo chhuk la, Swimming pool bul ah nghah mek i ni` a ngaihna ka hre lo kher mai. Hlauhthawnna ka nei bawk. Ka phone ka la vat a, Micky biak ka tum, mahse a pick up miah lo. Ka harhchhuak thut a, khua a thim vek tawh tih ka hrechhuak bawk. Ka kal ang nge kal lovang tih ka ngaihtuah a, helai hmun ah hian Mizotawng a lehkha min rawn thawn turin Micky leh Pu Dinga te bak an awm ka hre lo, Noah chuan hetiang hian a ti hauh lovang, room ah a rawn luttlang mai thei tlat a ni. Mut leh mai ka tum zet a, mahse fiah chakna ka neih tlat avangin ka t-shirt chu ka ban a, ka hmai ka tuai thuak a, inhnuai lam pan in ka chhuk zuinghal.


`Happy birthday` ka hma a mipa ding chu ka hau in ka en a, vawiin hi ka birthday tih ka lo theihnghilh hmin hmak. Mahse tinge ka nu leh pa, ka thian te tumahin min wish loh? Kumdang ah chuan ka pa in min wish hmasa ber ziah sia. Tunah zan dar 8 a ri tep tawh a, tu hnen atang mah wish ka la dawng lo, amah ka pasal hnen atang chiah. Mahse ava lawmawm dangdai si em!


`Nangmah....` sawi mai tur ka hre lo. Kan bul velah chuan tumah an awm lo. Mahse ka lo hmuh miah loh chu swimmimg pool bul vel chu mawi tak a chei a ni. Chuan, ka colour duh ber, black&white vekin a inchei bawk.


`Keimah. Min kuah dawn lo ami?` Noah hmel nung sar, ding nuih deuh bawk a ban phar duai lam ah chuan ka tlan phei a, ka va pawm chawt a, a rim te chu alo la ngai reng. Lalpa, ka mumang a ni lo tiraw?


`Ka innghahrei tir che avangin ka tihpalh lutuk` ka lu ah a fawp a, ka chhang thei lo. Ka suangtuah phak ngai loh leh ka beisei tawh ngai loh dinhmun ah min dah a, ka mittui ka dang thei lo.


`Min kalsan tawh suh aw` ka tawng chhuah theih hmasak ber chuan tap tiau in ka ti a, ka kuahna chu ka thlah phal tawh lo, min kalsan leh daih ang tih ka hlau ber a ni.


`Khawiah mah ka kal tawh lovang. Tunah chuan nang leh kei min pawt then thei tur engmah a awm tawh lo` a aw ah chuan a inrintawk hmel takzet.


`Khawnge Micky?` ka normal deuh hnu chuan thutna awm ah chuan a thu a, a malchung ah min pawm a, ka va han hmangaih tak em!


`Tunah tak chuan a room lam ah a intifai mek ang. Naktuk ah ani chu CID ho rualin a haw anga, keini pahnih erawh honeymoon hmangin Goa lam ah kan chhukthla dun ang` tih pah chuan min kuaikun a, min rawn fawp zauh a, a thusawi chuan min ti phur ngei mai.


Kan room kan lut a, Noah chuan TV a on nghal. News ah India ram a misual rual khat man an nih thu leh an zing ah Mizo an awm nual thu te, Mizoram chhung a damdawi tawlh luttu lian ber an nih thu te an lo puang chuaih chuaih a, Noah ka va melh a, anierawh hahdam hmel zetin Sofa-ah alo thu thluang duai thung.


`Heng zawng zawng hi nangmah vang vek a ni tiraw?`


`Heng chungchang hi chu dahtha rih ang. Zanin chu ka thian tha te leh ka pa te chhungkua nen zanriah kan kil ho dawn a, i kawr hak tur khum ah khan a awm ang. I birthday pualin ka pa in chaw ei a buatsaih a, dar 10 ah ei an rawt a, kan hmanhmawh a ngai ang` ka zawhna chu a ngaihven duh lem lo. Ni e, a tan pawh heng thil hi kalsan a chakawm ve dawn lutuk.


Room ah ka va phei a, khum a kawrfual nalh zet, a dum, a var a inchei ka hmuh chuan ka au that a, he kawr hi mall pakhat ah ka hmu a, mahse designer lar zet pakhat dawr ami ani. A man zat pawh ka hrechiang. Ka au that a, ka hnung lawk ah Noah alo ding reng, a nui hak a, ka inher a, ka va kuah a, ka hlim takzet a ni.


`Ka tawk engtinnge i hriat theih?` ka ha zo chu darthlalang hma ah ka in en a, sawisel lai tur engmah a awm lo. Nalh ka va in ti tehreng tak em!


`Keiin ka hriat lohin tunge hria se i tih?` ka hnunglam atang chuan min rawn kuah a, ka dar ah a khabe a rawn nghat zui nghal bawk.


`Ka mumang ani lo tih ka inhrilh nawn fo a ngai` ka ti sap a, a hmuiin ka dar a rawn nawk kual a, ka mit ka chhing a, ka taksa pengtin chuan amah mamawhin a insangmar vel vek a ni.


`Ni lo, tunah chuan kan kal a ngai` a in la hrang a, diktak chuan kal loh a kan pahnih chauh a hun hmandun mai ka chak takzet a ni. Apa min buatsaih sak chu ni lo se chuan ka hnial ngei ang.


`Kal ang le` anipawh a aw a lawi ve rut thei. Thawk kan la dun hak a, kan inmelh a, kan innuih sak a, a ban chu ka vawn turin a rawn dah a, ka thla ava muang tak em!


Noah pa te in kan thlen chuan Micky bakah patling 8 vel an lo awm a, min lo lawm thiam khawp mai. Micky leh Noah inhmu chiah chu an tawng lo, mahse an inngaihzia erawh patling pahnih unkuah vang vang dan atang a hriat vek thung. Noah nuhrawn rengin nu nih a tlin e. Noah hi apa bulah awm ta se a nun a hahdam ngawtin ka ring. Fanu en in min en nghal thei a, kan ti ti dun bawrh bawrh a, kan kalsan hun tur a huphurh zia te min hrilh a, kan la inhmu tam lo nangin min ngaina ve tak tak ni in a lang. Mizoram a insawn tur a ka sawmna chu a pasal alo sawipui tur thu leh Mizoram a in bengbel a chak ve zia thu a sawi a, ka lawm kher mai. Noah hringtu ai chuan ani hian ka thla a ti muang zawk daih a ni.


Noah pa in riak turin min duh viau mahse naktuk zan lam ah kan riah phei tur thu Noah in a sawi chu min hnial tung lem lo. Ni e, zanin chu kan pahnih chauh a hun hman a, ka hriat duh tam tak te min hrilh tur in ka duh a ni. Hotel kan let leh hnu chuan Micky kan room-ah a rawn leng kawi a, zawhna kan ngah a, sawitur lah kan ngah. Tawng kan inchuh nak nak a, a chang leh ka tap thul, kan awmdan chu drama te pawh a ang zo in ka hria. Reitawk fang kan ti ti hnu chuan a tuk mai a haw tur anih avangin Micky pawhin min tansan a, kan nupa chiah in kan awm ta.


`Inbual ang aw` tih pah chuan a kamiz hak chu a phelh a, a taksa nalh zet mai chu a hma aiin alo len belh deuh tawh a, amah a palian bawk nen, a nalh tih hian engkim a huam vek a ni mai.


`Ihhh... Englo, tinge ngawireng a i kal daih?` khum ah kan mu dun a, min kuah hlun bawk. A kut chu a awm mai mai hek lo.


`Shhhh, zan in ah ni lo e. Zanin chu hunrei tak ka lo nghah tawh hi nghak leh turin hun ka nei tawh lo` tihpah chuan ka hnute chu a kut lian zet chuan a rawn hup a, a hmur a hrual zuinghal. Ka thawhak a, keipawhin ka lo thlakhlelh tawh zia ka hrechhuak leh ta. Ka taksa chu a khawih rem tur in ka lo insiamtha sat sat a, ka hriat duh te chu min hrilh turin hun kan la ngah lutuk tlat alawm. A inbengkang a, a lam ah min pawt hnai a, a ka lum ham ham chuan ka beng bawr a rawn nul a, ka taksa chuan ava dawngsawng tha tehlul em!


`I rim hi ka hnar ah a cham reng thin` tih pah chuan ka chung ah a rawn pakai a, ka chhang thei lo. Ka taksa a dehna apiang mai chu a sa nghal hat hat zel a ni ber mai. Duhthawh zet, mahse dam dap si in min rawn fawp a, keimah zawkin ka nghak thei lo, duhthawh leh uar zetin ka lo fawp let nghal a, a rum nghat a, a kut chuan a awmna tur a hai mawlh lo. Ka kawr hak lai chu ka hnute chung ah a nawr tawm chho a, min fawh lai chawl chuang hauh lo in ka hnute kawhlah chuan a hum leh chat a, a kutzungtang chuan zei zetin a hmur a hrual leh nghal a, ka kang awk thei.


Min fawhna thlahin a tawlh hniam hrat a, a ka lum ham mai chuan ka hnute chu a hmuam chat a, thawm chhuah lo thei lo in min siam a ni ber mai. Chet ve ngaihna pawh ka hre lo, a lu chu ka lo tuai a, ka hnute fawh pah chuan a kut chuan zei zetin ka kekawr haklai chu a phih thla a, chumi rual deuhthaw chuan ka bawp chu a nawr kau a, kei ka lo insiamrem sat sat thung. Ka hnute lehlam lehlam a sawisak hnu chuan thiam leh zei zetin ka dul a liak thla a, a rum nghat nghat pah bawk nen, ka chakna chu a rawn in mung chho a, a alh hian a alh hlap hlap a ni ber mai. A fawp hniam thla zel a, ka hmeichhiatna zawn a thlen chuan a tawp chat a, ka kekawrte chhan ah chuan hnim pahin a fawp dan dan a, awmngaihna ka hre meuh tawh lo.


Ka kekawrte chu zei zetin a phelh leh nghal a, a chawl dat a, a thawmhnaw a hlip zui ve nghal. A thun tawh mai dawn emaw ka tihlaiin a kut chuan ka hmeichhiatna, ka chaklohna point ah tak chuan a rawn khawih a, ka ip zawk nghe nghe. Chumai duhtawk lo chuan a kut chu a ti che kual a, ka heh ka pet zo tawh lo, ka te that a, ka thaw halh halh nghal. A mipatna khauh tungin ka mal a rawn deh chiah chuan a khawngaihna ngen mai ka chak tawh hial zawk a ni. Ka mal a fawp kual a, ka bawp chu ka lo kau belh sawt sawt. Ka insum thei tawh lo, a ban ah ka vuan a, ka pawt pah a, ka duh chu sawi ngai lovin a hria, a nui hak a, chutah rawn tawlhchho in duhthawh zet a min rawn fawh leh hnu chuan ka chhung ah a rawn lut ta.


`Good morning` ka beng bul a a rawn thaw ri ah chuan ka meng a, alo inbualfai sar tawh.


`Min thawhkhalh a ni maw?` tih pah chuan ka lo fawp zauh a, a nui hak. Nizan khan vawi engzatnge hmangaihna kan chendun ka hre tawh lo. Kan tih apiang khan a hma aiin nuam ka ti zawk zel tih erawh chiang takin ka hria.


`Ka nupui mutduh tak hi alo thawh hma in breakfast ka order hman loh ka hlau alawm` tih pah chuan ka bul ah a rawn muthla zui veleh nghal a, hetiang reng hi ni tawh ila tih ka lo ngaihtuah leh hman.


`Dar engzatahnge ka pa te in ah kan phei ang?` thatchhe zet chuan ka lo kuah a.


`Ka lawm e` tehdaih chuan!


`Timaw?` maktih hmel deuh chuan ka en hu a, ani erawh chuan thutak zetin min lo melh thung.


`Ka pa i tih avang khan` a aw a lawi rat a, ni e, nimin kha chuan Pu Dinga tih hlir khan ka sawiin ka ko miau alawm.


`Ummmm.... Ipa chu ka pa a ni. Ka ko ve thei lo ami?` ka nui var var a, a hmel a inrintawklohna chu a reh lehnghal vat.


`Thei tehreng mai. Dar 12 hi kan check out hun tur ania, chuan chumi zawh ah kan bungrua kan va dah zawk anga, chumi zawh ah chuan ka Hotel ka pa hming a thlakna tur lehkha tifelin kan kal zawk anga, abakchu i duh duh na ah kan kal ang` a hotel lei kha alo lei mai mai lo tih ka hrethiam chiah. Ka pa hming a a dah tur chu ka lawm kher mai. Ni e, hunrei tawh tak hnathawh nei tawh lovin a pension ringin an awm a, khawsak nuamsa tak an ni bik lo. Harsa ni lo mahse lakluhna dang awm em em lo chu nuamsa tak an ni lo tih an inchhung dinhmun atang a hriat vek.


`Ka pa te sawmin movie kan en thei ang tiraw?`


`Tehreng mai. Mahse tinge kan pahnih chauhin i peih lo ami?`


`Aih, ni lo, ka peih vek. Mahse kan kalsan leh mai dawn a, a tam thei ang ber an bul a awm ka duh. Ka nu kha ka ngaina takzet bawk` ka tih chuan nghet zetin min rawn kuah a, ka beng ah rawn fawpin lawmthu min hrilh zauh a, a tho zui nghal.


Nilengin Noah sawi ang chuan kan phe buai a, tlai dar 6 show movie ticket online in a la a, ka pa pawh a lawm thiam kher mai. Ka nu nen kan inkai chawt a, a landan ah chuan Noah nu diktak ni zawk awm a mawi a ni. Movie en hma in darkar 1 hun kan la nei a, theater bul chiah mall ah kan lut a, ka nu leh pa thawmhnaw tur ka leisak a, Noah tan necktie ka leisak bawk. Thil min leisak ve ka nu in a duh tlat avangin an tan a hautak lo tur, chapal man tlawm te ka thlang a, nuam kan ti tlang e.


`Hello` theater kan luh hma chiah chuan Noah phone a ri a, kan ding leh rih.


`Maw? aw..... Tunah inkalpui nghal ami?........ Aw le, ka lawm e........ Ka lo ngaichang ang` phone a dah chuan kan lo en thap a, a hmel atang chuan thil diklo a awm tih ka hrethiam nghal.


`Ka nu a chesual a, damdawiin ah an kalpui a` ka thaw hawk, ka lakah sual viau mahse a chhiatna tur ka duh bik kher lo.


`A dinhmun enge?` ka pa a rawn tawng chhuak hmasa ber a, movie en lam a lang tawh lo. Ka nu in Noah kut ah a vuan vat a, keierawh ka hamhaih tlat pek.


`A tha vak lo a, naktuk lam ha kan chhoh mai a ngai dawn a ni` a ti nghat a, ka harhchhuak chiah.


`Engkim a tha leh vat mai ang` tih pah chuan ka pan hnai vat a, a kut lehlam chu ka vuan a, thlamuan dan ka thiam lo.


`I haw phawt teh ang u. Ticket te kan ngaihtuah vat a ngai anihchu` ka pa in alo ti ve vat a, Noah erawh a inngaihtuah muk hmel khawp mai. Ngawirengin kan haw leh ta dial a, ka nu in tawngngaihna a hre vak lo, mahse a hmel ah a tawrhpui tih erawh a hriat thung.


Lengpui ah ka U in min lo hmuak a, Noah erawh biak a nuam lem lo. Ka U nen kan tawng bawrh bawrh a, in pan hmasa lovn Damdawiin lam kan pantlang nghal thung. Ka nu chu ICU-ah an lo dah a, a dinhmun a tha lo hle tih chu sawi kher ngai lovin a ka a ventilator invuah dan atang chuan a hriat vek a ni. Doctor hmu in kan nupa in reitak doctor room ah kan awm a, enkawl a chak thei dawn lo a, beisei awm miahlo anihloh thu erawh a sawi thung. A accident na lam ah a lu a sawh a, amah a harh hma chuan engmah a test theih rih loh thu leh a harh veleh a dinhmun diktak zawk a hriat theih tur thu a sawi a, ka rinai takin Noah pawhin a dawngsawng thiam.


`Lo va haw la, i thawmhnaw chu naktuk lam ah kan la phei dawn nia. Micky ka va hmuh lawk a ngai dawn a` doctor room atanga kan chhuah chuan Noah chuan a ti nghut a, a ngaihtuahna a seng nasa hle tih ka hrethiam.


`Aw le. Chaw ei ah ka lo nghak ang che` hnial a hun lo tih ka hria. Ka nu awmpui turin ka nu u fanu a awm a, bakah awmpui vak theih a ni hek lo. Intihfai hmasak phawt ka ngai bawk a ni.


`Aw le. Ipa ka lo bia anga, ilo haw nghal tih ka lo hrilh ang` a ti leh mai a, ni e, tlan pawh ka ni lo a, ka in chu Noah in hi a ni. A awmloh chhungin ka pa in lam ah awm mahila inthenna engmah kan nei lo a, ka haw dawn anihchuan Noah in ah ngei ka haw tur a ni.


Ka chhungte an rawn kal a, inleng neuh neuh kan nei nual bawk. Noah rawn haw pawhin inbiakfalna hun kan nei hran lo. Inleng awm chungin chaw kan ei sawk sawk a, Noah lo let leh lawmna ni pah fawmin ka nu damlo min tuarpui pah bawk a, zin chauh nen ka mut a chhuak lam lek lek chu a ni. Dar 10 velah inleng an tin a, ka chhungte an haw bawk. Keini nupa leh kan nula chiah kan awm leh ta.


`Liani, hetah lo phei teh` room lam pan tum a ka ding chu Noah aw fiak thak chuan min ti ding chiang ngei mai. Liani choka atang hlauhthawn hmel zetin a rawn phei bawk.


`Nimin ah tunge ipi hmu tur a lo kal?` a aw ah chuan hremhmun rim a nam a ni. Enge thil awmzia ka hrethiam lo.


`Ihhhh, englo....`


`I sawi dawn nge ka sawi dawn?` Noah chu a vin tuarh a, ka phu zawk nghe nghe.


`U Rsi U chiah alo kal` ka dang sawp sawp thei. Enge thil awmzia hi ni ta ngai? Ka U chuan ka nu a khawih anga maw? Ni lo, a ni thei lo. Noah hmel ka va en a, thinrim satliah a ni lo, tualthat duh khawp hmel a pu.