MEZZANOTTE - 4

MEZZANOTTED - 4


ELTY LUHLUL AUG HNAMTE


Lola POV


Ka nutei lo kal hun chu ka haw ngei mai. Kha mihring chapo zet thuhnuai a ka kun a ngaih phah avangin ka haw tak zet. Mahse ka pa min hnutchhiah awmchhun kan chhungkaw chenna in ka chan loh phah erawh ka lawm ru viau thung. Ka sangha zawrhna atang leh ka part time job atang ringawt chuan khatiang zat sum kha ka rul thei hauh lovang.


A office atang a ka chhuah hnu chuan ka sangha lakna tur lam ka pan nghal a, diktak chuan ka phur hlawl lo. Mahse ka ngaihtuah a, kum khat chhung chauh a hnen ah hlawh nei chungin ka thawk anga, ka nu leh pa in hah tak a a an lo thawhchhuah kan in ah ngei ka let leh thei anga, kan khua ah ngei dawr te ka hawng ve thei anga, kum khat chhung chauh chu hrehawm dawn mahse ka tuar mai aniang chu. Anihloh chuan kha pawisa kha engtinnge ka rulh tak ang?


`Lalremsang, iva reh ve` min ko tu lam chu ka hawi vat a, Nupuii ka hmu hlawl. Ani hi ka naupan lai atang tawh a ka thian tha ber a ni. Ka nu damloh tan tirh khan a cancer tih kan hre lo a, amahin in entir turin Aizawl ah a kal a, ka Putea te a zuk bel a, mahse alo cancer si a, ka pa in kum 10 ka nihin min boralsan avangin kan nufa chauh kan ni. Vawk te kan vulh nual avangin ka nu damlo zuk awmpui tur khan ka kal hma thei tlat lo a ni. Mahse ka Putea nupui a fel vak loh avangin kan vawk vulh lai ho chu ka Patea te min lo tihralsak mai tur a ka ngen hnu ah ka nu awmpui turin ka kal ta kha ania, ka thiannu hian ka chanchin engkim a hre vek a ni.


`Awi, Lalnupui, ka van ngai tak che. Engtikin nge ilo kal?` ka ti ve chul a. Keini thiandun hi chu kan in ko duat tehchiam ngai lo a ni.


`Nimin ah ka lo kal a, i Putea te ka va tlawh a, i awmdan an lo sawi a, hetah hian sangha i zuar thin tih an sawi a, ka lo kal vang vang` tih pah chuan ka sir a bawm ah chuan a thu nghal sawt sawt a, a bul a awm hi ava hahdam thin tak.


`Anihchu, lo riak rawh aw...`


`Dawn chiang. Ka pa ka hrilh tawh a, hna ka dil dawn a, ka Ni te in ah ka thleng a, mahse in ilo luah ve si ah chuan ka rawn insawn dawn` a nui uarh uarh a, rilru hah hi a ti dam thin.


.


.


.


`Enteh, Thiani, i Nutei khan bialpa i nei tih a sawi a?` chaw kan ei lai chuan Nupuii chuan a ti siam siam a, ka nui hul hak mai. Ka Nutei chuan a tawng alo thlahdah lehpek viau tawh anih hmel.


`A hresual anihchu`


`Ka ring reng ah! Naktuk ka interview na tur pa hi a chhelo an ti fo a, ka phur riau` he nu tak hi chu a thawveng ve thlawt alawm. A awm tho e, unau a hmeichhe awmchhun, chhungkaw khawsak harsa bawk si lo an ni bawk a, amah lah duat sual theih loh an tih ang hi a ni bawk nen, a nu leh pa pawhin an chhuang ru fo thin reng a ni.


`Chu, i ngaizawng nghal der ami?`


`Hahaha.... a teuh lo mai. Aizawl tlangval hausa, bialnu nghet nei lehnghal te chu keini thingtlang nula mawl ve tak te chuan kan kherhthlu zo lul lovang` a nui hak hak a, ka nu boral hnu a hlim tak a ka awm veleh hmasak ber a ni ang.


.


.


.


`Hna thar thawh nuam le` ka hna kal tur chu ka thiannu chuan min vai liam a, ka nu ka ngai kher mai. Thiani erawh chawhnu dar 1 ah chauh interview a neih dawn avangin a hmanhmawh hran lo.


`E, ilo thleng tawh elaw? Lo kal rawh, helam ah i shirt hak tur a awm a, i kekawr kha chu a ngai i ha thei ang` hmeichhe pakhat chuan min lo welcome vat a, min lo hriat lawk chhan chu nimin lam ah khan Opa khan alo hrilh sa a ni ngei ang.


Ka inthlak zawh chuan dawr hma lam ah ka va phei a, enge tih tur ka hre lo kher mai. Nimin khan hmunphiah te kha a sawi sia ti in hmunphiah awmna lam chu ka melh kual ru deuh a, ka hmu mai lo.


`Asangi ka nia, Sir khan a room lam ah lut turin a ko che a, lo va lut phei mai la` nichin a min lo welcome tu khan nui ver ver in min lo hrilh a, ka ngainat chi tak a ni.


`Ka lo lut thei angem?` room kawngka kik pah chuan ka ti sap a.


`Lo lut rawh` a aw hi a nelawm ngai loh.


`Asangi khan min ko tih a sawi a....` lai zet chuan kawngka bul ah ka ding a, han sawi mai ngaihna ka hre lo. Bakah a thawmhnaw hi a inhmeh lutuk mah mah.


`Ok, vawiin chu ka room lam ah min lo pui la, inleng ka nei dawn a, kan thil sawi ang te ilo record anga, khata paper kha la la, heta pen hi la bawk ang che. Chuan, Asangi bulah va kal la, i hmui kha tlemin iva hnawih sen deuh thei angem?` a tih chuan ka ner nak. Ka hmui ah hian lipstick ka la hnawih ngai hauh lo.


.


.


.


Opa POV


A hmui hnawihsen tur a ka tih chuan a ner nak chu ka hmu a, ka nuih a za ru kher mai. He hmeichhia te hian keimah ah engemaw takin phurna min pe tlat a, a hmui, lipstick hnawih miah lo a sen siah mai te, a biang tai tek mai te chuan min ti phur ru riau a, lipstick hnawih tur a ka tihchhan pawh ka inleng tur hian a duhawmna a hmuh ve ka phal lo.


Ka room atang a a chhuah hnu chuan chair-ah ka thu hnak a, ka hma a paper chu ka en zui nghal. Agatha hnu ah khan hmeichhia ka nghei hmak hauh lo, mahse a hma ang erawh chuan ka tal ta lem lo thung. Bakah kum naupang ka ni tawh lo a, nupui neih la peih lem lo mahila ho tak a tal mai mai erawh tul ka ti tawh lo. Chutihrual erawh chuan sarai tur tha tak an awm chuan ka hreh hran chuang lo.


`Hey Man, staff chu i la thar dawn ta mi?` Jerome chu ka bia a, ani hi a staff 2 in an lo eiruk nasat avangin a talbuai ve nawk a, mahse sumdawng mi tih tak ah a kawng zawh tur a hai chuang lo. Vawiin hian staff thar lak a tum tih nizan lam ah min hrilh a, ka va ngaihven ve chu ania.


`Thar mai loh chuan. Mi thar han enkawl that leh chu a peihawm tehchiam loh khawp mai` a thaw halh a, ka hrethiam. Sumdawn hi chu a nuam, mahse staff neih ngai chi sumdawnna hi chu pawnlam landan aia nasa in a hahthlak. Mihring enkawl hi thil hahthlak tak a ni.


`Tha deuh i la dawn nia. Hnute lian deuh te awm se` a boruak tih zangkhai nan chuan fiamthu ka thawh khum zauh a, a nui hak.


`Chu chu chiang sa. Ka office chhuat phah hi ala bel lo tlat` a lawm zawng tih fuh dan chu ka hrechiang ve em asin.


`A kawh ai chuan a bial lian i duh zawk bawk a, duhsakna bial lianpui ka hlan a che` nui hawk hawk chuan ka ti leh zauh a, kan thiandun inbiak dan hi chu mi hriat atan a mawi chiah lem lo nangin kan sim thei lo chu a nia!


Kawngka kik ri a awm a, lut tur a ka tih hnu chuan Asangi a rawn lut a, ani hi kum 6 zet ka hnen ah a thawk tawh a, a zuan a zang a, a lerh lo a, an chhungkua an harsa ve reuh a, mi biang biak a thiam em avangin a hlawh pawh ka pe sang viau tawh bawk. Ka inleng tur alo thlen thu a sawi cuan lo luhtir tur leh Lola lo lut ve nghal tur a ka hrilh hnu chuan a chhuak zui veleh nghal.


.


.


.


Lola POV


Meeting hneawm tak a ni. Ka pu thar chu ka rin phak piah lam in a khirh lehnghal a, a sumdawnna a hrechiang a, a inlengpa lah sumdawng thiam tak tih a hriat bawk. An thusawi ah chuan eng ber nge chhinchhiah tur pawh ka hrethiam teh nuaih lo. An ti ti dan ah chuan contract lian tham tak an an sign dun dawn ni in ka hria.


`Lola, coffee lo va la ta che` Boss in a tih chuan rangzetin ka tho a, ka zun a chhuak tawh takzet a ni.


`Asang, khawi ami nge coffee ka lak dawn?` Asangi chu ka va pan chat a, nichin khan hnathawk dang ka hmu hman ta hlawm lo a, hmeichhe 2, Asangi ni lo leh mipa 3, chutah manager room ah pa upa lam tawh lo thu ka hmu bawk.


`Helam ah. Lo kal rawh` tih pah chuan a tho vat a, hmeichhe pakhat chuan min lo en kar a, ka ngaina lo nghal tawp. A make-up inhnawih a nasa ka ti.


`Asang, min lo thlit sak la, ka va zung lawk` ka tih chuan Asangi chuan alo yes var a,toilet lam ka pan zui nghal.