MEZZANOTTE - 6

MEZZANOTTE - 6


ELTY LUHLUL AUG HNAMTE


Opa POV


Ka lu na lutuk avang chuan ka mengchhuak a, ka hmuh hmasak ber chu ka nu a ni. Ka mit ka men rual chuan mittui nen lawm hmel lutuk a min lo en chu ka hmu hmasa ber a.


`Alo harh. Pa-a, Bawiha alo harh` ka nu chuan ka pa a au chul a, ka lu chu a ri tluk tluk in ka hria.


`Bawiha, min hre thei em?` ka nu bulah ka pa a rawn ding nghal a, ka awmdan chu ka hrethiam chiah lo.


`Engtinnge ka awm?` ka aw chu a ring hlei thei lo.


`Hahdam rawh... Doctor...` ka pa in a tih chuan ka mit chu ka pa bul a hmeichhe pakhat, doctor form ha ding lak ah chuan a fu nghal a, keihi... Ka hrechhuak e, kan accident a ni. Lola.... Ni lo, ani kha engtinnge a awm?


`Lola...`


`Thianpa, hahdam rawh. Lola pawh a tha e` Doctor chuan dam dap in alo ti vat a, ka nu tap pur leh ka pa mitmeng hlauthawng tak chu hmu mahila kha hmeichhia kha engtinnge  a awm ang tih ka rilru ah a lian zawk.


`Tunah chuan a ngaihtuahawm tawh loh e. Amah hi hahdam se, ni 2/3 hnu ah chuan inchhuak thei mai ang. Mahse thla 1 tal chu hnathawk lo a a chawlh a ngai ang, chumi chhung chuan physiotherapy a lak a ngai anga, a hnungzang hi 100% a recover leh tur chuan hun a nghah ve deuh a ngai ang` Doctor in ka pa a hrilh chuan ka lo ner sawk.


`Kan lawm e Nula. Pawn ah kan inbe thei angem?` ka pa in a tih chuan Doctor chu a bu nghauh a, ka lam hawiin a rawn nui var var a, ka pa nen an inzuichhuak ve nghal.


`Bawiha, na i nei em? I ril te a tam em?` ka nu chu ka sir a thutna awm ah chuan a rawn thu hnai a, ka kut a vuan a, ka dam sawng sawngin ka hria.


`Ka tha e. Lola kha....`


`Ipa nen insawidun dawn nia. Thil engemaw ei rawh aw` ka nu chuan ka sawi zawh hma a min chhan vat dan ah thil tha lo tak a awm ngei ang tih ka ring nghal hmiah.


`Pa, enge a an?` ka nu ka chhan hma in ka pa rawn lut chu ka lo zawt nghal.


`Aaaaa, a malpui ruh a tliak a, an zai a, mahse a ngaihtuahawm loh e` ka pa chu a thawhak a, Lola chu tunge enkawl ang?


`A chhungte lo kal an awm em?`


`A thiannu a rawn kal a, a putea a rawn lang ve bawk a` ka pa thusawi dan atang chuan Lola chu buaipuitu a nei lo viau tih ka hrethiam.


`Ka pa, a in enkawlna senso hi ka tum duh ani`


`Ngaihtuah buai a ngai lovang. I hnathawk ani a, hna vang a i hruai chhuah a vanduai ta ania, kan mawhphurhna a ni` ka pa in a tih chuan ka hahdam huai mai. A dinhmun ka hre ve viau a, khawi ami mah inzaina tur te, damdawiin bill te hi a nei hauh lovang tih ka hria, bakah kemah vang a hetiang dinhmun a ding hi a ni bawk a, ka tihtur a ni tlat a ni. Lo hruai lo ta ila tunah hian dam takin a awm zawk tur ania.


Doctor sawi ang chiah in ni 3 hnu ah damdawiin ka chhuahsan a, Lola erawh dressing ngai ala nih avangin ala chhuak thei lo. Hmu tur a ka awmna ward atang a ka va kal hmasak ber ni chuan amah te hian khum ah alo mu bal a, a muhil nghe nghe. A bulah ngawirengin ka thu a, a hmel dang lap te, a sam hnawk niaih te chu ka en vang vang a, keimah ka inthiamlohna ava sang si em! A hna tur ni miah lo ah ka ko buai a, phun hauh lovin min zui a, mahse natna bak ka pe ta si lo.


`Bawiha, khawnge i kal dawn?` ka insiam mawlh mawlh lai chuan ka nu chu ka room ah a rawn lut a.


`Hospital-ah` min hnial leh ngei dawn tih ka hria, mahse ka awm mai mai thei tawh lo. NNi 4 ngawt in ah ka mu tawh. Ka U te nupa in Lola an buaipui hneh viau a, a thiannu pawh Jerome hnen ah ka ngen ang in chawlh a pe a, a thiannu a awmpui chawt a, a chhungte erawh tumah an lo lang nawn tawh lo anih hmel.


`Mahse Doctor...`


`Ka nu, ka ngaihtuahawm loh. Driver ka hruai dawn tho a, ka lo haw har lovang` ka ti dam dap a, ka nu hi thlaphang hma tak a ni. Mahse ka hrethiam, a chhan chu ka pa nen an inneih tirh chho a a huntawn rapthlak tak tak te kha Pa Micky hnen atang ka hre tawh a, chuvangin ka nu tih thlaphan leh hi ka duh ngai lo. Chutihrualin hmeichhe mahni lu zo tak, phili chung mi ani lo tih erawh ka nu ah hian ka hmuchiang thung. Ka pa a hnial hi vawikhatmah ka la hre ngai lo bawk.


`I damdawi te i keng em?`


`Aw, keng e. Min lo ngaihtuah lo la. Chuan, Lola hi a chhuah theih hun ah kan in lam ah enkawl zui ka duh a` ka tih chuan ka nu chuan a dar a san ak a.


`Ipa nen a sawidun chi anih ka va ring ve. Va kal vat rawh, ilo haw har chuan ka ngaih a tha dawn lo ania` a tih chuan ka nuih khum hak a, a sawi ang ngeiin haw tlai ta ila a mang a ang ngei ang tih ka chiang.


Damdawiin kal hma in dawr ah ka kawi zawk a, staff ho in ka hmel an lo hmu chu an lo phu suau a, a awm ve tho e, vawikhat pawh hna chawl ngai lo khan reitak hna ka kal thei tawh lo a, an zavaiin an fel em em vek a, ka awm loh lang miah lo in an lo tifel thei vek a, lawmthu te hial ka va sawi nghe nghe. Ka room ah ka lut zawk a, paper work alo tam viau mai, Manager khawih theih tur chi ka thliar zung zung a, a kut ah ka dah a, a bak erawh kan in lam a lo dah phei turin ka ti thung.


Damdawiin kan thlen meuh chuan dar 11 a ri thuak tawh. Cabin lam ah a awm avangin luh a buaithlak lem loh a, ka va luh chuan Nupuii nen chuan an lo ti ti a, a hma ai chuan a hmel hmuh pawh a nuam tawh a, alo intifai tawh bawk nen, hmuh a hahdam tawh viau e.


`Enge in lo an tawh a?` tih pah chuan an bulah chuan ka zuk thu ve nghal a, Nupuii hian a boss thianpa ka nih avang hian mi a zah tut zel a, ka bulah hian chesual a hlau thei lutuk hi ka khawngaih zawk thin.


`Ka tha, nangzawk?` Lola zawk chuan alo ti vat a, alo nui var var bawk.


`Ka tha e. Asangi khan hei hi a thawn che a` tih pah chuan apple ka lei chu ka pe a, diktak chuan keima lei a ni tih sawi kha ka hreh ta tlat pek.


`Ka van lawm ve` tih pah chuan alo ban vat a, Nupuii chuan thawh hliai pahin ka apple kensak chu bawm chhung ah chuan a dah a, dawr ah a kal lawk tur thu sawi pah chuan min chhuahsan ta daih bawk. Kan pahnih chauh a kan han awm tak ah chuan sawi tur ka hre lo viau. Anipawh a ngawi kar a, ka inthiamloh thu sawi ka duh rualin ka ka atang a inthiamloh thu ka staff pakhat ve mai hma a sawi chu harsa ka ti tlat lawi si.


`I mal chu enge a an?` ka tho a, tukverh bulah chuan ka ding a, boruak chu sawithiam si loh hian a uap khurh ka ti mai.


`A tha. Englo, hna ka thawk thei lo rei dawn sia, midang i lak a ngai ngei awm sia....` a tawp lam chu a riat nawi a ni ber mai. Chulam chu ka lo la ngaihtuah chhin hauh lo. Midang ka mamawh ka hre hek lo, a dam hun hun ah a rawn zawm leh mai ang chu tih chu ka ngaihdan a ni.


`Chuan?`


`Ka ba kha ka dam veleh nasa takin ka thawk anga, ka rul ngei ngei ang che` ka nui hawk a, a ba lam phei chu pakhatmah ka ngaihtuah eih lo.


`I sangha zawrhna in i tihna a ni em lovang chu maw?` a sangha zawrhna ah hian tam a la lut hauh lo tih ka hria, a nghei lo anga, mahse khawl tur a nei lem lo thung ang.


`Ka rul ngei ngei ang che` a aw a mahni inkhawngaihna chu ka hai hauh lo. Ni e, a dinhmun ah hian tupawh ding se mahni inkhawngaihna an nei ve ngei ngei ang. Mahni nunna lak hial pawh pawisa lo an awm thei bawk. Chhungte belh tur nei lo, ba nei bawk, tunah heti hi a ni leh bawk si.


`Min rul lovang chu ka ti miah lo, mahse duh hma ta ila engtia tih nge i tum?`


`Ka damchhung a rulh tur pawh ni se ka rul mai ang che` ka inher a, amah en thei zawngin. Inchung lam a hawi a, a mit a chhing a, a mit atang a mittui rawn chhuak chu ka en rei duh lo, he nu hian hmangaih tak a enkawl a mamawh a ni. A kum ngaihtuahin a hun tawn hi a harsa lam hret chu a ni.


`Dam phawt la kan la sawidun leh dawn nia. Taka, Asangi khan naktuk zan ah riahpui ve che a chak tlat a, i permit kan mamawh a` tukverh lam ka hawisan leh daih a, ka nui lui hak bawk.


`Aaaaa.... A inthlahrunawm eeee`


`Inthlahrunawm loh e. I thiannu pawh alo chau ve thei a, naupangchhia tak a awm loh tur` ka ti hluk a, ka inher zui nghal.


`Aaaaa, nia, i tih dan dan` a ti sap a, duhthlan tur a nei lo viau chu ka khawngaih, mahse Nupuii kha a chau ve tawh anga, zankhat lek chu hahdam ve a ngai a, Asangi lah khan riahpui ve a duh thu alo sawi ve bawk nen, remchang ka ti ta zawk.


.


.


.


Duh lo viau teh mahse Lola damdawiin chhuah ni chuan ka pa nen kan in lam ah kan hruai haw a, a thiannu lah hna a chawlh rei tawh avangin hna a zawm a ngai ve tawh nen, amahin ala kal tha thei lo a, zakdawhtiang a hmang a, bakah Doctor in indim turin a ti bawk nen, duhthlan tur a nei lo leh ta! A hma kha chuan khawvel nunphung hi ka khawvel ang tur hrim hrim ah hian ka ngai a, mahse he hmeichhia ka tawn hnu ah hian ka ngaihdan engkim hi a inthlak hlawk a ni ber mai.


`Vawiin chu inlam ah paper work tlem ilo khawih dawn mi niang?` a room tur a ka nu in a thlansak, balcony hnaih ber a room awl, ka room hlui ah chuan a awm a, tukverh atang thui tak a hmuh theih a, TV lian vaklo kan dahsak bawk.


`Aaaa... Ka la thawk zel dawn mi?` makti zet chuan min en a, a chang hi chuan duat tak a kuah vang vang ka chak fo thin. A nun hi inthlahrung reng rengin hun a hmang ni berin ka hria. Ka U nupui leh ka nu in kawm tlangnel tum viau mahse a inthlahrung lutuk hi a zia hleithei lo. Ka U nupui ngat phei chu lo inhre sa, inthenawm an nia, ri ho bawrh bawrh mahse a tlangnel hleithei tlat lo.


`I thawk tawh dawn lo tih tunge sawi?` tih pah chuan a khum ah chuan file chu ka theh thla a, a nui ver ver a, kan in a a rawn luh hnu a nuih tak tak a a nui ka hmuh vawikhatna!


`Ka lawm e aw...` a ti sep a, file chu a ban zui nghal.


`Dam vat la, i ba i rulh vat vat a ngai ani` tih pah chuan ka inher a, ka chhuak zui nghal vat. Diktak chuan a hmel innocent lutuk, a ti lo mawi chho tan leh bawk si hi hmuh reng ka duh lo.


Office ka thlen chuan Jerome pawh ka room ah alo thu vang tawh. Vawiin hian ka dam leh lawmna neih pahin party a buatsaih a, ka phur lem lo nangin ka tan a buatsaih an nih miau avangin ka telloh a chi miah loh. Kan accident atang khan zu lam hi ka ti leh ta rih lo a, chakna ka nei hran lem lo bawk.


`Iva hma ve` tih pah chuan chair ah chuan ka thu zuinghal a, ani hi chu zing lam ah ka chetkhalh ngai miah lo tih ka pha lo.


`Nangangin zinglam ah mu ve burh burh ngai hek lo` alo ti zat a, hei hi chu zinglam a kan inchhan dan ziah a ni.


`Ok, anihchuan enge ilo kal chhan ni ta?` diktak chuan zan ah party tur ni mahila tunah hian alo kal chhan tur ang ka hre hauh lo.


`Aaaa, sawtah ka kal lawk a, ka rawn tlawh kawi che` a tawng bah nak ah chuan thil thup chu a nei chiang e.


`Hey, mipa i ni nange?` ka nui hak a, a nui ve hawk tho.


`Tak tak a, Nupuii hruai ka tum a zanin chu` a tho nulh a, tukverh bulah a ding nghal. Ka rinloh lam mah ni se ka phu tehchiam lo. Hmeichhe hmelchhia ani lova, bakah Lola aiin a hnute bu a lian tha zawk daih, ka ngaihtuahna avang chuan ka khi suk.


`Chuan?`


`I tan a nuamlo angem tih ka ngaihtuah a`


`Problem a awm lo. Mahse tinge thawmhnaw dawr lam te?` a dar a san uk a.


`Agatha aiin a ropui zawk` a ner sawk a, a nui hawk bawk. Ka damloh lai hian enge thleng ka hre hauh lo mai. An nghet viau in ka hria a, han flirt ve zauh zauh mahse keiaiin Jerome hi a flirty lo zawk tih ka chiang a ni.


`Min hrilh zau duh em?` ka thle buk a, a nui hawk thung.


`Liam tawh hnu sawi zui vak hi a tulna a awm lem lo e. Mahse i bo lutuk loh nan, ama cousin nen an dawr thlang lam ah an lo standing pek a, ka awm laiin` ka nui chhuak hawk. Hmeichhe thenkhat hi chu an huai a ni e.


`Lawks, ka hre zau chak riau, i zuk lut ami?` ka tihdan ngai lohin ka zawt zui chu maktih hmel zet chuan min rawn en a, mit ka lo siai khum hmak thung.


`A cctv dah an theihnghilh palh aniange` a nui tawi tak, keierawh za em em in ka nui thung. Room lehlam ah bialnu te leh an cousin in sarai lai CCTv a lo thlir chu thil nuam tak a ni hauh lovang.


`Min nuih hlek suh, Tarhur ta ai chuan khapa ta kha ala mar tha zawk dawn ania` a tih tak hluk ah phei chuan ka nuih a za zual sawt. Ngaihzawng, sex line ah leh eizawnna a duhthusam ve ve ngaihzawng kan nei a, kan lerh leh hmeichhe dang kan sarai kan thulh chuang lo a, kan phutawk kan hmu ve ah ka ngai hmiah.


`I duh duh i hruai thei alawm. Tinge min venthawn a?`


`Ele, Lola nen hian...` a nui hak a.


`Enge sawi zawm la` ka lo ti hmuk.


`Thiana, inbum lo mai teh. He hmeichhia hi i duh anih hi. Mahse Nupuii sawi atang ani hi chu i flirt san dawn chuan bultan pui lovang che` a thutak ngang mai.


`Teh thut che chuan. Ni e, ka duh mai thei, mahse ka kawp chi hmeichhia a ni angem pawh ka hre lo. Nihleh nang Nupuii hi?`


`Aw, nupui tlak khawp a hmeichhe tha, sarai theih der loh anih hi` A nui nangin a mitmeng ah erawh a uang lo tih ka chiang. He mihring hi a insiamtha dawn tihna mawnile?


`A tha. Mo lawm a hlat dawn loh chu. I dawr a i buai loh chuan bank va kal ila, drinks lam pawh kan ngaihtuah loh chuan` in chakna nei lo amhila thian ten an duh leh dawn tho a, tunah phei chuan Joseph alo haw lai ania, ani hi Norway lam ah Central tirh in a awm a, kum 5 term ania, kum 1 chiah a bak tawh a, chawlh hmangin a rawn haw a ni. Zu hi a in nasa lo nangin friend party chu zu tello a tih a duh dawn loh tih a sawi ngai lovin kan hrechiang hlawm.


`Pawi miah lo. SBI manager thar saw hmuh ka ngai tak asin. Kal ila ni mai lawm` a tih chuan kan inzuichhuak nghal a, nileng deuhthaw in ka chalan buaipui leh bank dawrin kan teichhuak ta ringawt.


.


.


.


In ka thlen chuan U Remi alo thleng tawh a, Mama erawh meeting an neih dawn avangin a tlai dawn anih hmel. Ka nu in kawt alo phiat a, ka pa erawh TV alo en thung. Lola kha hna ka pek avangin a room lam ah ka lut phei tlang a, ka va luh chuan khum ah file alo inchap darh nuaih a, a sir ah alo muthlu bam thung. Muangchangin ka pan phei a, a muhil hmel chu ngawirengin ka en a, nidang aiin a hmel hmuh a nuam a, hnathawh tur pek fo tha in ka hre ta bawk.


`Ummmm.... Ilo haw tawh law?` ka ngaihtuahna ka lo kawm lai tak chuan a rawn meng a, a mit a nuai chat chat bawk.


`Hnathawk muthlu reng chu chhawr tlak ava ni awm lo ve` ka nui suk a, anipawh a nui ve hak. Ka hmu zing tawlh tawlh a, a ngainatawm tawlh tawlh bakah a hmeltha tawlh tawlh bawk. Nupuii ang in a hnute lian lo mahse, Agatha ang in mawng bawr poh tak nei lo mahse ama tawk ah a nalh ka ti viau tho.


`Ih, englo, JK company nen a contract chungchang ah hian hriatthiam chiah loh ka nei a, ila sign bawk si lo a` tih pah chuan paper hrang hrang kar a pakhat chu a rawn phawrh a, min rawn pe a, ka lo ban zui nghal.


`Ok, hei hi chu cancel tur a ka tih kha ania, an thil duh hi a lakna a sang tawh a, rate hlui a supply an duh tlat a, loss turin tumah contract ka sign pui hauh lovang` ka ti nghut a, paper chu ka pawtthler zui nghal hmak.


`Mahse....`


`Zanin ka chhuak dawn a` engvang a chu thil chu hrilh nge ka nih ka hre lo. Ka nupui ani lova, ka bialnu lah ani hek lo.


`Khawi ah?` min rawn en vat a, ka lo en ngur bawk nen, a mit ala sawn rang kher mai.


`Thian ho party ania, i thiannu pawh a tel ve dawn a` shit! Mipa tawng thei tak ka ni. Engvang a he nu bulah hian sawi tur leh sawi loh tur hre thei tlat lo nge ka nih ka hrethiam tehnek lo ve.


`Anihchu. Hun nuam tak inhmang dawn nia` a ti sap na, a kal ve chak angem tih ka ngaihtuahna ah alo lut zawk. Hruai ve ta ila a tiang hawl chuan a bai ve sawih sawih thei ngei ang, mahse a inthlahrung leh ngei ang.


`Ilo tel ve duh angem?` ka ti ta nge nge. Kal ve ta se keipawhin nuam ka ti zawk mai thei.


`A! Ka kal ve theih loh hi. Bakah thianho party anihchu` ka rin ang chiah.


`Ok, i duh loh chuan a pawi chuang lo. Zan lam chu ilo hahdam dawn nia. Tak a, U Remi bulah i thil tur ka dah a, ilo dil mai dawn nia` tih pah chuan ka inher vut a, ka chhuak zui nghal. Min zawh chik ka hlau a ni. Phone ka leisak a, keimahin ka pek chuan a duh lo ngei dawn a, U Remi kut ah ka dah ta hmak a ni.


.


.


.


Party ninawm tak a ni. Jerome leh Nupuii lah inkawp thar tih takah an inngheng ve reng a, thiante hmeichhe rawn hruai ho lah make-up chhung a cheng vek, tumah it na ka nei lo. Min hnaih tum an awm thin nangin ka lo hnar thla thei zel a, mahni in dawhkan bul chair ah ka thu a, muangchangin ka lem a, Joseph nen kan ri dun hlut a, mahse anipawh keini ang tho mawngbawr lian tha zet mai nen room lam pan a an luh tak kha. An tihtur chu sawi ngai lo a chiang sa a ni.


`Kan intawng leh ta nge nge maw?` ti tu lam chu muangchangin ka hawi a, ka nuih aza lem lo kher mai.