MEZZANOTTE - 7

MEZZANOTTE - 7


ELTY LUHLUL AUG HNAMTE


`Helai ah hmuh che ka lo inring hauh lova` ka hmel chu a nelawm tehchiam lovang, tunah tak hi chuan thian ka mamawh lo tlat a ni. Hmeichhia ngat phei chu!


`C`mon dear, Jerome hi ka thianpa ve tho alawm` a nui sawng a, hmanzan party ah khan ka sarai hman teuh viau a, mahse boruak khati teh nuaih ah khan ka sarai thei ta lo a, mahse tunah hian han it na miah ka nei lo.


`Anihchu. Jerome chu sawlam ah a awm` tih pah chuan Jerome te thutna lam chu ka kawk zauh a, min kalsan vat se ka ti ber a ni.


`Ka hria alawm, an bul atang ka rawn pan zawk che a` ka bul a thutna awm ah chuan a rawn thu ve nghal a, ka hnawhbo tumna a fail ta bawk si, ka ner nawk.


`Anihchu` ka ti nghut a, ka lung a awi lo em em ringawt bawk.


`Ti teh, i party ania, a changtupa ber hetia thut luk reng tur a ni lo, iva lam teh ang` tih pah chuan a no chu a tlak pap a, a sawi dik viau, bakah engvang a cool bur nge ka nih ka ngaihtuah a, ka nui suk. Tinge hmeichhe pakhat, ka duh tih pawh hre lo tan ka hun hlu tak ka liamtir ang?


`Pawi hleinem` tih pah chuan ka tho ve vat a, lamtual lam ah chuan kan inzui phei a, lam pawh a thiam narawh e! Agatha kha zei ka ti viau thin a, a tluk an awm ka ring ngai lo, mahse Nunpuii zet chu mipa te mipatna kaitho thei a lam pawh a thiam thlawt.


`Ka rindan chuan kan hah deuh tawh in ka hria` awmze nei zet a ka beng seh zeuh pah a a rawn tihsap ah chuan a duh chu hai rual a ni lo. Ka lu buk nghat pah chuan a kawng ah ka pawt hnai sauh a, hman a Opa, hmeichhe mi tak kha ka ni leh ni maiin ka hria.


Room pakhat ah min luhpui a, khum pakhat a awm a, a sir ah sofa chair pakhat a awm bawk. Dawhkan a awm bawk a, thawmhnaw dahna chu bangbet in a awm nghal bawk a, room nuam ve tak chu a ni. Thil a awm teuh lova, mahse a awmchhun te a faiin a man a to viau bawk, bathroom a chhungah a awm nghal a, balcony lian vaklo a awm bawk.


`Kan lem leh hlek dawn mi niang?` no zet chuan min melh a, a kawr awm zau zet a a hnute rawh poh chhuak lah chu en sawn a har phian.


`Ka hnial hran lo` tih pah chuan pawnlam ah chuan ka va dak chhin a, khaw hawi lah a nuam phian.


`Kha lem` ka hnunglam atang chuan ka kawng ah a rawn kuah a, a kut chuan mi tiphur tawk lekin ka mipatna hnaih tak ah chuan a kut a rawn kal tir pah zai zai a, rei erawh a ni lo. A no min pek chu ka la a, cheers lam pawh ka ngaihsak lo, ka tlak pawp a, duhtawk a khawih kual ka chak ve tawh tak zet a ni.


`Khum ah nge hetah?` a mit ah chuan ka en a, anipawhin min en ve ran bawk. A mit a tisa chakna chu ka hmuh hmaih hauh lo.


`I hmanhmawh deuh lo maw?` tihpah chuan ka nghawng ah min rawn kuah a, kan party na hmun hi ka hriat ngai ani lem lo a, mahse hmun nuam tak erawh a ni. Khawpui daifem ah a awm a, bengchheng siam pawh a inthlahrunawm loh. Thenawm hnai ber pawh 3km vel a hla a ni.


.


.


.


Ka harh hlawl a, ka awmna ka hai tep. Ka lu na tluk tluk chu ka han hmet a, tahchuan keimahin ka mu lo tih ka hrechhuak. Shit! Hmeichhia ka awmpui fo, mahse riahpui em chu Agatha bak kha ka la nei hauh lo. Rangzetin ka thu chhuak a, Nunpuii chu phak zetin a rawn meng a, engmah kan ha lo bawk. Nizan khan ka ruih vak ka hre lo, mahse ka in hnuhnung ber kha ka hrechiang a, abak chu hriat chian lutuk ka nei tawh lo. Nasa takin sex kan hmang tih erawh ka hrechiang viau thung.


`Good morning`


`Midang hi khawnge?`


`Nizan ah khan hawsan turin i hrilh a, an hawsan che` a rawn che tiah tiah a, a rawn thuchhuak ve. Engmah a inbel lo tih pawh a ngaihven hran lo anih hmel.


`Ka rualin ilo kal ve nghal dawn nge ka kalsan dawn che` ka tho a, anipawhin saruak anih a zah loh chuan kei mipa hian zah chhan tur ka nei lo. Ka thawmhnaw ka ha mawlh mawlh a, ka rilru a nuam ngang lo. Lola, nimin ka kal chhuak dawn tih ka hrilh lai a a mitmeng kha ka mitthla ah a rawn lang zawk.


`Hei hi ka in ania, thil ei hmasa la` ka melh zawk a, chuvang anihchu nizan party ah pawh a inthlahrun viau loh.


`Anihcu. Ka kal phawt ange` ka chhuak zui nghal a, ka rilru a hmanhmawh takzet. Zing dar 9 a ni, ka pa a lawm lo viau ang tih ka ring.


.


.


.


In ka thlen chuan ka nu ka hmu hmasa ber. A lawm lo hle tih ka hria, U Remi leh Lola chu sitting room lam ah an lo thu dun a, U Remi`n min hmuh veleh chaw ka ei duh leh duh loh min lo zawt a, pawi ka tih loh thu a chhangin ka room lam ka pan nghal, ka pa ka hmu mai lo a, ka U erawh hna a kal tawh ang. Shower in ka inphuh tir a, ka zia hawk in ka hria. Ka inbual zawh veleh aspirin ka hmawm a, chaw eiturin inhnuai lam ka pan zui nghal.


Ka nu a ang ve hlak hlak a, a awm lo hran lo e. Ka pa erawh pawimawh ah a chhuak tih ka nu an hla atang ka hre thei. U Remi hna a kal dawn lo a, keipawh in ah chawlh hahdam ka tum. Bakah paper work khawih ngai a tam avangin in a ka khawih leh dawr a ka khawih a in ang reng. In ah ka hahdam deuh zawk. Ka hnungzang vang hian ka duh ang a rei ka thu thei tawh lo hi ka buaina ania, mahse tawrh hrehawm khawp erawh a ni lo.


Chaw eikham ah ka nu pangpar dahna ka sawn pui zawk a, ka nu pawh ang hlak hlak chungin a nui leh har har tawh. Ka nu tihlawm dan chu ka hre viau. Pawnlam ah mipa takin awm thin mahila ka nu bulah hi chuan pangchan chang ka la nei ve lo thei lo. Ka nu ka tihpui zo a, ka manager ka bia a, ka hna pek a zo tawh thu a sawi a, ka thaw huai. Ka kal theih dawn loh thu leh RT Instruction ho lo bia a, contract chungchang ah naktuk lam a meeting ka duh thu lo hriattir tur in ka hrilh a, phone ka dah zui nghal.


`Hna kha ka zo tawh a` ka room kawngka a Lola lo ding reng chu ka hmu a, a tiang hawl chungin inchung ah alo chho amaw? A leh lutuk hian!


`Dawhkan ah khan lo dah rawh` ka ti hmuk a, a hmel ka hmuh hian ka rilru tihlan ka hlau ber. A chhan chu he hmeichhia hi hnaih lutuk ka duh lo a ni.


`Ih, englo, nizan ah ilo haw lo a....`


`Chuan?`


`Aaaaa, engmah ni lo e. Mahse i nu leh pa ngaihtuah lo takin riakbo mai mai lo la ka ti` a hmui a pet zeuh a, a inthlahrun hmel viau bawk.


`Chuan min zilh tihna mi?` ka nui hak a.


`Aih, chulam ani lo. I nu kha a mu lo hrim hrim a, an lo phone che in i switch off bawk sia, Nupuii ka bia a, i riah thu a sawi a` a thaw hak a, a sawidik ang. Ka nu chu a mu miah lovang. Harh ila keipawh ak riak bik hauh lo bawk ang.


`Ok, i thusawi chu ka lo hrereng dawn nia Miss` ka nui suk a, a sen tan tan a, a tiang nen chuan a inhawl chhuak leh bauh bauh.


Nilengin hna ka thawk a, room ka chhuahsan lem lo. Lunch pawh ka room lam ah min rawn pe a, dar 4 velah ka inzo fel thei hram. Ka inbual a, inbual zawh chuan inhnuai lam ka chhukthla a, U Remi leh Lola chu kitchen ah rawng an lo bawl a, Lola chu che ve vak lo mahse U Remi chu a theih ang ang in thu chungin alo pui ve a, an inkawmngeih sawt bawk a, Lola pawh a zia tawh viau, a hma ang em chuan a inthlahrung du tawh lo.


`Thingpui i duh angem?` U Remi chuan alo ti vat a, ani hi zawng kan mo lovang tih a hlauhawm, mo tha tak a ni.


`Duh lo mai. Ka nu hi pangpar ala khawih ami?`


`Aih, a mu chawl anih kha. Bawiha, nizan ang khan awm tawh suh aw... Lola thiannu kha awm lo ta se chuan mibo zawn in kan zawng hial ang che` U Remi`n a tih chuan ka nui suk a, ka kum tamin in la upa ve tawh viau mahila chhungkaw naute ka la ni reng tho a, nupui ka neih hma chuan tupawh hian min naute chei vek mai chu anih hi.


`Mipa puitling zankhat lek riakbo a an ri chul ngai lo` tih hmuk pahin sitting room lam ah ka phei ta daih a, kitchen a hmeichhe pahnih nui zui hak hak ri chu ka nuih pui suk.


`Sir, meeting kha dar 1 ah ka ti mai aw` dawr ka thlen rual chuan ka manager chuan min lo hrilh vat a, ka lu ka bu nghauh.


`Zuala kha lo hrilh la, ka meeting chhungin bank ah lo va kal se, deposit lo va ti rawh se. MOB manager kha hmu se, ka thil dil kha enge chanchin lo ngaihven rawh se. Meeting tan hma chu tumahin min rawn tibuai suh se` tih pah chuan ka room lam ah ka lut nghal a, ka mood a chhe tak zet. A chhan chu ka kal dawn ah Lola khan phone a hmang a, a biak dan atang hmeichhia a be lo tih ka chiang, Robert tih hi hmeichhia an awm ngai lo. Phone thar a nei dek dek a, mipa a be nghal a, lawmthu min hrilh eih lo bawk.


Kan meeting a tluang a, thla 3 hnu ah chuan ka sumdawnna pawhin hma nasa takin a sawn ngei dawn bawk. Sawrkar nen inthlunzawmna duh viau mahila kha Tarhur zet vang khan sawrkar lam dawr chu ka ngaihtuah duh tawh lo. A chhan chu Agatha ngaihzawng ka ni tih a hrereng a, ka ngaihzawng ngei chu a duhtawkin ka awm ve lai pawhin a talpui thei a, ka hnunglam atang min nuihzat ngei ang, chuvang tak chuan ani nen a inhmuh leh vel ka chak tawh eih lo a ni.


Tlai in ka haw chu Lola hmel ka hmu ta hauh lo. U Remi hna a kal a, ka nu in rawng alo bawl. Nidang aiin ka haw hma a, a chhan chu Lola hna tur ka hawn a, a bul a awm ka chak miau a ni. Ka nu in thingpui min lo pe vat a, ka inzawh chuan ka room lam ah inthlak turin ka chho zui nghal. Inhnuai ka chhuk leh chuan Lola chu ka la hmu ta chuang lo.


`Lola hi khawnge?` ka nu chu ka zawt ta nge nge.


`E, ka hrilh theihnghilh che. Vawiin khan an khua a a thianpa ni awm tak a rawn kal a, chuan amahin a in lam a insawn phei a duh ta deuh bawk nen, a insawn phei ta nih kha. Ama tan pawh a nuam zawk ang, mi in a awm reng chu mi pangai tan chuan a nuam thin lo` a tih chuan ka insehruh teuh thei. A thianpa chu tunge ni ta ang? Zing a a biak ngei kha a ni ngei ang.


`Anihchu` ka ti nghut a, ka room lam ah ka chho zui lehnghal hmiah.


LOLA POV


Ka in ka thleng phei leh chu ka dam deuh huai in ka hria. Diktak chuan Opa te in kha a nuam a, inthlahrunna tur engmah a awm lo, an fel em em vek a, mahse hrehawm ka tihna ber chu ka boss ani a, a pawisa ka ba bawk, chutichungin keimah a a huhang chu tawrh hrehawm ka ti takzet. Ka rilru ang hi pakhatmah a pu ve hauh lovang tih ka chiang si, in khat a kan awm reng chuan ka inthup thei dawn lo tih ka chiang. Robert a rawn zin a, ani hi kan inbe ve reng a, mahse ka Patea fapa ani tlat a, anu thiltih dan duh lo viau mahse tih theih a nei lo, kan in pawh a rukin min enkawl sak a, mi ka luah hawh tir a, ani in inluahman te alo la a, min rawn thawn ru veleh thin a ni.


`U, ka chamrei thei dawn si lo a, hetia ke bai chung a letsan che ka va huphurh ve` kan unau in chaw eikham ah ka sitting room neih ve chhun ah chuan kan thu dun a, chhungte, thisen zawm bul a han awm chu alo nuam phian. Aizawl ah collage a rawn kal ve tawh dawn a, admission a rawn buaipui a ni. Inluah tur a rawn zawng pah a, ka bul a awm ve ka remti viau nangin a nu a hlau lo thei lo a, mahse Aizawl a rawn awm ve tur erawh ka thla a muang em em thung.


`Tunah chuan ka zia tawh alawm. Reilote ah ka hna pawh ka zawm leh thei tawh anga, min ngaihtuah lutuk duh suh` ka ti ve vat a, anu hi hetiang mi ni lo se helai ah mal tak a awm lovin an unau hi ka unau te an ni ve thei mai tur ania. Mahse Pathian remruatna chu keini dal theih a ni si lo a.


`I damloh lai a ka awm ve thei lo kha hrehawm ka ti lutuk` a sawidik thlap ang, mahse anu in a khapbet dawn miau a, ka dem hauh lo. Anu mizia hrechiangtu ka ni miau a.


`I tawngtaina kha ka tan a hlu alawm.... bakah....` kawngka ri dawt thawm ah chuan Robert chu a inperh tho vat a, mahse Opa lo lut ka hmuh chuan ka thaw huai mai.


`Lo kal rawh. Ve tehkhiah che chuan` ka lo ti vat a, Robert pawh a thu thla veleh mai.


`Naktuk atang hna rawn zawm ang che` a ti nghut a, a hmel chu a nelawm loh em em bawk.


`Maw?`


`Sawi nawn leh kher a ngai ami? I rawn zawm lo anihchuan kan deal kha ngaihtuah ang che` a ti leh hmuk a, engvang a thinrim em em nge anih ka hre hauh lo.


`Aw le, ka lo....`


`Ngawiteh, ani hi a ke vangin pawn ala chhuak thei lo a, chutia rawn nawrluih vak chu a mawi dawn ami?` Robert chuan alo ti ve vat a, mahse Opa hmel ka hmu chiah chu ka ip zawih thei.


`Nang ka be lo che. I bialnu hian ka hna a thawk a, a thawh chhan chu amahin a hria, lo inrawlh ve hlek suh`