MOONLIGHT LOVE (Complete)

GUARITO - 1

ELTY LUHLUL AUG HNAMTE


• Chu thawm bengchheng zet avang chuan ka mutna a atang chuan ka tho a, kawmthlang nu bawk! He nu zet hi chu engvang a inhnaih tak a awm turin nge Pathian hian min siam ni la ti hial mai! Thawveng si, zah hre si lo, drinks ngai lo ka ni bik lo, mahse drinks zantin bakah party tenau nei reng ringawt hi ka hmeichhiatpui mahnise ka hne em em a ni tawp mai. Ngawirengin ka khum sir a side table ka hun chung a ka zu dah chu ka ban a, tak tha leng lawng chuan ka tlak pap a, tukverh bulah chuan ka va ding ta ngawt.

Ka hming chu Laltlanmawii a ni. Kum 29-na ka hmang mek a, hmeichhia, mahni lu zo vehvawh, harh tha ve tak thin ka ni. Ka nu leh pa hian fa 4 min nei a, keihi a pang ber dawttu ka ni. Kum 10 zet liam ta ah khan mipa hmangaih zet mai ka nei a, mahse chunglam khian ka tan alo ruat lo aniange, ho takin kan tawp ta der mai. Kha mihring nen kan inkar a tawp khan ka na a, ka tuar a, ka nun a nghawng khawlo viau bawk. Pathian zarah ka nu leh pa zar zo in hna pangai tak ka thawk ve a, mahse kha mihring in keiaia midang apan tak ah khan ka nun a buai zo a, ka nu leh pa inchhung nuam tak thin pawh ka thlahlel zo lova, mahni a din tum chhuanlamin kan in atang nula ka indang ta rup anih kha! Ka chhungte in lo dem mai thei, mahse inhriat loh chu, keihi mi luhlul, he story ziaktu ai pawh a luhlul hmeichhia kha ka ni miau a, ka nu leh pa rilru dam nan erawh ka pa in tho ah ka indang a ni.

‘Hey’ ka phone ri bengchheng zet pick pah chuan ka ti nghut a. Tunang hun a lo call tur chu mi pahnih chiah, ka nu leh Maengi.

‘I tha em?’ henu zet hi chu min ngaihtuah thin lutuk hi ka inthlahrung ru fo mai. Mahse ani leh Nutei aia min ngaihtuah tur an awm miau lo alawm. A chhan chu ka sahal thin tih hrechiangtu te an ni tlat a!

‘Tha. Mahse kawmthlangnu erawh ka talh chak' a nui ri hak ah chuan ka khi ve suk tho. Midang bulah tawngkam duhthawh lutuk hi hmang tam lo mahila ka thiante pahnih bulah erawh ka tawngkam a tladah thin khawp mai. Ngaiah an nei thei mai bawk a.

'Nangaiin a kai leh hlak tawh ani maw?’ nui hak hak a a rawn tih chuan keipawh ka nui ri hak tho. Ka drinks thin hi an hrechiang bawk a, min zilh rualin min sawi zui ru duk duk ngai lo thung. Ka sahal chang in ka drinks thin miau alawm.

'Ka la nghei san hmiah ang. A hrim hrim in, I mu thei nange?’ Sana chu ka en zui zat a, ala tlai chhe hran lo. Vawiin chu ka hna bang ka haw lam ah Kan zawnghmelchhephak ka hmu khanglang a, Chaw pawh ei lovin ka drinks ngawt pek alawm le!

'Ala hma lawm. Enteh, naktuk zan chu Nutei nen kan lo rel a, night out lam te ngaihtuah ve ila kan tia. Khatia I awm ngut ngut chuan i chhur(helai chhur tih tawngkam hi ka ngai ania – Elty) vek dawn' a rawn ti leh hap a, min ngaihtuah thei lutuk hi an zahawm thin asin.

‘Pawi hleinem. Mahse…..’

'Ka hria. In duhleh savawm in ru. Mahse mahni theuhin lirthei kan vuan dawn a, mahni zawh tawk hria ang cheu' a rawn ti leh hmawk hmawk a, ka nui zui hak. Henu tak hi chuan min va han hrechiang si tak em!

‘Okay. Riakchhuak law law ang u. A tuk hna kal in ngai em?’

‘Aih, naktuk thleng chiah kan kal tawh ang. Nutei te an chawl tawh. Nanghi, Nutei msg pawh I reply lehpek tawh lo tih ka hria ania. I rilru kha control tum teh. I mak em em…'

'Ok. Ka hria. I sawi chhunzawm tur pawh ka hria. K dinhmun ah hian ding ve ta la min zilh ang hian ka zilh ve lovang che, drinks tur ka ngaihtuahsak char char zawk ang che' a sawi zawh hma in ka lo tihkhalh zat zat thung. Min zilhna hi ka hua ni lovin ani hi chu thian zingah pawh ka NU en deuh hi ania, a thinchhiat hmel ber a, mahse a rilru a tluangin hmangaihna a ngah ber thung.

‘A that chu. Mutthilh tum rawh. Keipawh kan mu Ange. Naktuk chu tlai Chaw ei lo ila, dine out pah ila tha zawk ang. Nanga parawl khan engmah i ei lehpek lovang' a tih chuan ka nui hawk hawk. A sawidik, zanriah hi ka ei khât tak tak a ni. Anipawh a parawl ve tho a, mahse kan in ang lo turu buru. Anihchu timing thlap in a ei a, taksa sawizawi a ngaipawimawh em em bawk.

‘Lalpa’ au that rualin kawngchhak ah chuan ka tlu zui nghal. Ka scooty in min delh bet tlat a, ka che thei hlek lo.

'I tha em?’ rawn ti tu lam chu rum zetin ka melh a, Amah vang a accident ka ni. Scooty delh beh tlat chung chuan ka that hmel lem loh!

'Fumkhur ta che' ka lo ti vin hlar a, ka scooty chu hneh zetin a pawtsawn a, ava hun rem lai chuan chet ka lo tum a, ka kawng a na thawt mai. Ka che thei der lo.

‘Hmanhmawh lo la, ka lo kaitho ang che aw' ka vin hrep na pawh kha hre awm pawn a awm hran lo, a tawng dam dup ringawt a ni mai.

‘Dear, a na viau ami?’ hmeichhe aw-ri chu car dum fai hmel zet atang a lot chhuak tih ka hre thei.

‘Kan kuah tho anga, a zia mai ang' min rawn puitu pa chuan chunu chu a chhang lauh a, ka lo ner sawk thung.

'Min kalsan rawh, ka tha veleh mai ang' engemawti tak hian ka hnuk a ulh tlat pek. Ni e, Krismas a hnai tawh a,khua a vawt sur tawh a, tupawh mai a kawp te te in an chhuak tawh. Ka thiani te pawh an kawppui te nen an inhmu ve duh tawh a, an kar a lo tel ve sek nuam ka tih loh avangin zanin pawh hian keimah a teichhuak ka ni reng bawk. Inngaizawng inngeih deuh ka hmuh hian ka kawchhung hi a so leh bulh thin.

'Hospital lam ah ka hruai ang che' ka thusawi ngaipawimawh lo zet chuan min pawm tho a, tal thlak ka duh, mahse ka kawng chu a na ve reuh riau tlat.

‘Aih, min dah teh. Ka thiante ka be zawk ang' ka zu rim chu a hre ngei anga, nuam ka ti lo ngei mai.

‘I thiante I biak chhung motor-ah lo thu la, kan lo nghahpui thei ang che' a tih leh chuan ka hlauthawng zual sa. Ka thiante Koh tumna ka nei lo hrim hrim. Ka scooty seat hnuai ah in tur ka la nei a, ka lem belh chuan ka inkhalh haw thei mai ang tih ka chiang. Ka taksa na vangin tu puihna mah ka la ngai lo.

'Aih, ka lawm e. Mahse min kalsan mai teh u' min pawmna atang chuan zawi muangin ka chhuk lui a, min dang chuang bik lo, mahse min dim viau thung.

'Tunang hun a hmeichhia mahni a chhuah chu ava him lo ve' car atang a hmeichhe nalh zet lo chhuak chuan a rawn ti lang lang a, ka lo ner sawk thung.  Amah angin bialpa ka nei miau lo a, mahni lo in tu nen nge maw chhuak se min tih le?

'Car-ah lova thu rawh' ka bul a mipa ding chuan a ti bak hluk a, chunu chu lungawi loh hmel zetin car-ah chuan a thu lut leh tharh a, chawh ka ti ru hle.

‘I thiante chu call la, an lo thlen hma I scooty khu ka lo check anga, an lo thlen ah ka kalsan dawn che nia' a ti leh sup a, ka va haw kher kher tak.

‘Aih, min hrethiam la, I motor light eng lutuk vang a accident ka nia, min kalsan loh chuan Police ka ko anga, harsatna I neih phah zawk ang. Ka ngaihdam theih…..’

'I duh chuan I ko thei. Hmeichhia akar a zu in lehnghal, rui Chung a lirthei khalh hian thiam I chang miah lovang. Ka sawi ang khan I thiante chu call mai rawh' ngaipawimawh lo zet chuan min nuih a, a sawidik. A tir atang khan police ko ta ila min test vaih chuan ka thiamlo zawk ngei dawn tih ka hriat avang a pawr lem lo ka ni reng bawk.

‘Enteh, min kalsan zawk teh u' ka thaw hawk a, kalsawn tir dan ka hriatchhun in hna a thawk lo a, tihngaihna ka hre vak tawh lo.

‘I scooty ka endik chhung lo call ang che' tih pah chuan ka scooty lam min pansan hmak a, ka haw kher mai. Ka thiante ka call chuan an lo tlan nghal ngei ang tih ka hria. Mahse ka tibuai hnem tawh. Hmanzan ah keimah vangin Nutei the huan ah vawt ti zetin kan riak tawh lehnghal a. Tunah Maengi leh a bialpa, David an dine out a, Nutei leh Noah hospital ah Nutei U fanu tlawhin an kaldun bawk. Ka tibuai thei lovang.

'I scooty chu a ngaihtuahawm loh a, I thiante chu engtiknge an lo thlen Ang?’ ka bulah chuan a rawn ding a, ka kawng na fiak thak thak tawh chuan din min ti har sawt viau. Drinks leh vat ka chak tawh takzet a ni.

'An lo thleng har lovang. Kal ru, min puia, ka lawm lutuk' ka ti ta ngawt. Ka dawtsawi a awih loh vang nge a nui hawk zui!

'A that chu. Motor-ah nge helai khawvawt ah hian kan lo nghah ang?’

‘Aih, enteh, ka call lo. A chi loh alawm. Kal….

'Dear, a rei tawh eee…' khanu bawk kha!

‘Chu, in nu pawh a lungawi lo palh ang. Kal ru' ka lo ti vat.

'Kan nu tih ka sawi ami? Lo buai duh suh. A hmanhmawh leh alo va kal mai ang' a ti duh lek a, mak ka ti zawk.

‘Aaaa, enteh…..’

‘Rinpuia ka nia' alo ti vat. Hming nalh lo Tak a ni lem lo.

'Elty ka nia. Enteh, kal ru. Zu ka inbelh duh' ka insum peih tawh lo a ni e. Ka kawng na fiak thek thawk lutuk chuan zu a mamawh takzet tawh. Vawt ropui si.

‘Huh! I scooty seat hnuai a ri ruk kha ni maw…. Ka zuk lak ang che' a nui hawk a, ka zak ve reng alawm. Mahse enge pawi? Kal turin ka ti mawlh mawlh a, tinge a kal mai loh teh ni a.

‘Hmeli, hmanzan ah I accident tih I sawi lo?’ lungawi lo hmel pu zetin ka in kawngka a ding chungin Maengi a rawn ri lut nghal. Engtinnge maw alo hriat pek ni?

'Aaaa, a ho em alawm…. Mahse engtinnge I hriat?’

'U Mama thianpa anihkha! Lucy Khan a hria che a, a hmun ah khan a hre lo der che. U Mama te Chaw eikhawm in an sawi a, U Mama pawn min zilh phah. Zu ila in zui a' a bag chu dawhkan ah a dah a, thaw hak chungin thutthleng sei ah chuan a rawn thu ve nghal.

‘Sorry. Hria ila ka in bik nang! Bakah chupa pawh chu ava tawng thei ve' ka lo ti ve nghat thung. Amah vang a accident tawk chu mi zawng zawng hrilh kher a chak viau anih dawn chu! Tenawm lutuk a!

‘Nope. U Rinpuia'n a sawi lo, Lucy zit zet. An Chaw eikhawm apiangin ka tungrung siam an ei duh ziah a, siam sak tur a ka va luh in min hmuh veleh alo sawi. Ka huat zia chu! U Rinpuia hi a zar hneh si. E, taka, U Rinpuia I number ka pe. Min Dil a' a tih zawm zat.

‘A tullo hle. Min dil hmasa lo a ka number I pek hmasak ber chu ni lo se ka vaw chhuak nghal ang che' ka lo ti hlar. Khapakhan ka number a neih a tulna ka hre lo.

‘Ka hria. Mahse alo biak che chuan min hrilh ve vek ang che. Hepa hi chu luck si, a lerh turah an ngai vek a, a teuh lo lutuk sia. Lucy lah hian a bialpa chei a, an ni lo tih ka chiang mai sia' he hmeichhe cool tak thin hi a tawngduh a chhuah ve tawh chuan ka lo ngawi tawp thin. A tawng suam suam hi hmuhnawm ka ti thei em em bawk.

‘Vak a che. An lo ni ve thei reng'

‘Awi, an ni lo. Vawiin pawh ka lo kal hma in U Mama te balcony-ah an lo ding dun a, min hmu lo a, U Rinpuia pawn a bialnu anih loh thu leh harhchhuak tur a a duh thu a hrilh. Hmeli kha a tap pur a, ka lo hlim tawp' a tih chuan ka nui hak. Kan duh loh leh ei loh kan pe na dun lutuk hi kan duh loh te tan a hrehawm thin ngawtin ka ring.

'A ho. Kan lo buaina tur a awm lo. Lalnu-I pawh chu ava rei' ti ti dang thlak ka duh avang chuan ka lo tihsak daih.

'Alo thleng tep ang. Tak a, urlawk zan chu I in ah hmang tak ang u. Ka in chu ka hne. Bakah nangchu building neitu ang I nia, a nuih rin ngam ang' a ti leh suah suah a, hei tak hi lawm henu ka ngainatna em em pakhat. A rilru a awm hi a rikpui pawp a, a rilru tluan zia hre lo thenkhatin an han sel a, a thlavang pawh ka hauh na ngang mai thin.

‘Pawi hleinem. Kumthar chu thil pakhat project ka nei a…'

'Eng?’ phur hmel zetin min rawn melh a, bialpa neih ka tum tih ka sawi a ring ngawt Ang.

'Zu nghei' a hmel ah maktihna, awihlihna, lawmna, lungchhiatna ka hmu kim vek. Ni e, zu hi a ngaina lo a, mahse ka lawm in miau avangin min hau bawrh bawrh chungin min hrethiam leh thin. Nghei Turin min hrilh fo a, harsatna hi Zuin a chhawk loh thu a sawi fo. Ka pawm thlap, mahse mahni tawk a mi luhlul lo nih ve chuan ka duh hun te ah lo chuan thlah ka tum tlat lo.

‘I theih loh pawn I tumna ringawt ah pawh ka lawm tho ania' a mittui a tling pap a, a kut ka va vuan a, a nui a, hei hi ka thusawi dan zing a a nghet ber ani tih hre tur khawpin kan inzawmna a thuk tawh.

'Ka lawm e aw…. I zu in pawn ka hmangaih tho che a, I in loh chuan ka lawm ngawt ang. I nihna ang ang in ka pawm che ania aw….. I hun tawn tawh, I paltlang nun hi a harsa em a, hmanhmawh suh aw…. Ka hauh thin vang che te hian ilo inthlahrung ange aw….’

‘Aih, min zilhna tawh zawng zawng ah khan ka lawm ania aw…. Ka duhtawk tawh a, mipa ah ni lovin ka nun hrim hrim ah hmasawn zai ka rel tawh dawn ani. Mahse urlawk Zan ah erawh ka la rui dawn ania' ka nui var var a, mittui karah a rawn nui ve hawk hawk a.

‘Tehreng. A tukah I lu nat thu hriat erawh ka duh dawn hlek lo' a an hla ngai bawk tho, mahse min hmangaih vang tih ka chiang em a, ka haw eih lo.

‘Alo nat tak leh inkhawm loh….’

'I zaklo. Inkhawm thulh awih loh bur' a tih chuan ka nui vak vak.