MOONLIGHT LOVE (Complete)

GUARITO – 2

ELTY LUHLUL AUG HNAMTE


• 'In office kawt ah ka awm' ka WhatsApp msg dawn chu ka en a, ka mitko ka san zauh. A chhan chu a number hi nei lo mahila a dp ah chuan tunge anih ka hre nghal thung.

'Ave ngawt a! Tunge I nih a?’ ka hre lo der hram.

‘Min hriat reng kha. Insiam vat mai teh' engemaw ti tak chuan ka hlim reuh pek. Ka number Maengi'n a pek atang karkhat a liam na chiah. Min biak vawikhatna!

'I rawn hman vat ang tih ka ring reng a ni. I scooty I keng lo tih ka hria, bike ka keng a, ka thlah ang che' a bul ka thlen chuan alo ti nghal hmiah a, kei leh kei lo ang takin ka nui suk a, ka hnial buai peih lo. Ka scooty kenloh thu chu Maengi hnen atang bak a hre dawn lo. A tlan loh ni ania, hna pawimawh a neih avangin ka scooty a hmang tlat a ni.

‘I ril a tam em?’

'Aih, in thlen vat ka duh' hna laklawh a awm avangin Krismas leh kumthar inkar office ka kal zuaih a, a vawt em em bawk.

'Ok' a ti nghut a, a rim pa zet chu a hnunglam atang chuan ka hip ru Vang vang.

'Thingpui in Turin min sawm dawn lo mi?’ bike atang a ka chhuk a, kawngka ka pan lai chu ka ding chat a, lawmthu takngial pawh ka hrilh lo tih ka hrechhuak.

'Aaaa…. Ka lawm lutuk aw. Chuan, englo, aw, a, lo lut la' ka tih chuan rang zetin a bike chu a side tha nghal a, sawm awlsam tak chu a ni.

'Iva luah nuam reuh ve' inchhung kan luh chuan a hawikual a, a sawidik. Ka in hi keimah ngeiin ka duhtawk a ka cheibawl ania, Kan chhungkaw sum in a daih bawk a, a mawi a, a nuam bawk. Lian tak ni lo mahse engkim a awm vek a ni mai.

‘Ka lawm e. Lo thu la, ka va inthlak fel lawk ange' tih pah chuan thutna ka kawhhmuh a, room lam ka pansan zui nghal.

'Thingpui hi ka lum khât khawp a, a tui loh pawhin sawisel awih loh' tih pah chuan thingpui tur chu ka chhuang pah a, a nui ang suk a, a hmelchhe miah lo tak tak, Lalengi hian hmeltha hi alo hre be tak tak anih hi. A bialpa David chhiat tehreng nen.

‘Kumhlui engtia thlah nge I tum deuh?’

'Zu ngh…..’ ngaihtuah lo zet a ka tawng chu ka haw tak tak a ni.

‘Sawi zo law law rawh' thutak zet a min lo melh avang chuan khawvawt hnuai ah pawh ka thlan deuh hial in ka hria.

'Aaaa, nia, nghei ka tum a. Ka tih awmzia chu, a ngawlvei ka ni miah lo ania, mahse in tawh loh ka tum tihna' ka ti ta duah. Engvang a insawifiah chiam nge ka nih ka hrelo emaw ti duh suh u, ka hria, hepa hi ka duh tih ka hria.

‘A tha alawm. Hmeichhe zu in chu a mawi lo, bakah I inhmeh lo' a ti hluk a, keierawh ka lo nui hak thung. Ka thiante lem in inhmeh min tih tawh nen…. Lol.

‘A chang chuan ka khawhar a hnem ve thei lutuk tho' ka ti hram. Dawt ni hek lo. Thian kawm ai chuan mahni a zu in a, khawvel dang daih a chen veng veng hi nuam ka ti miau thin a ni.

‘Ka hrethiam che alawm. Mahse Pathian aia khawhar min hnem kim thei thildang a awm lo tih hriat a zawm mai hi a finthlak fo ania' a thingpui tur ka pek chu a in zauh a, a tui pawh ka ring lo. K engemaw zat hnu a ka thingpui lum leh hmasak ber ania, a pawlh tawk pawh ka hre tawh lo.

‘A tui lo em?’ inthlahrung ru zet chuan ka zawt nge nge.

'Tui lutuk. I thingpui lum in fo ka duh dawn nia' min rawn en a, a nui sang a, a ha var mawi zet, a ha hmai tlem a sawi deuh, mahse a inhmeh zet si chu a lang that a, kan hmelphaka hnu a mipa ka ngaihven leh hmasak ber ani hial ang.

'Hmmmp…. Ka awih lo. E, tak a, rawng ka bawl anga, Chaw ei ve daih la' ka rilru naupangchhia zet chu a rawn lang leh ta zauh e. Kum a vei fe hnu a keima mizia tak Tak ka phawrh leh na hmasa ber ani hial ta ve ang!

‘Khaia! Nidang ah le. Keipawh ka nu eitur Sangha lak phei ka ngai a, ka haw phawt ang. Remchang ah ka la rawn leng leh ang' a tih chuan ka hnual rawih thei. Ka indan hnu a midang (ka thian te tello) nen a awm ka chak lehna hmasa ber a ni.

Rinpuia haw hnu chuan ka ruak huai hian ka hria. Ami uap kha na chuang miah lo in a hahdam thlup a, a thlamuanthlak tak zet bawk.

'Eki, Vawiin ah alo Leng a…..’

'Het, chuannnnn????’ Maengi msg rawn reply rang lutuk chu mahni in ka nui ri hawk thei.

'Chuan ENGMAH. Ka office kal min rawn hruai ni mai. Scooty ka Ken loh thu a hriat dan ah ilo sawi ni maw?’

‘I scooty number a hria tih hre hek lo, min zawt a, dawt ka sawi thiam hleinem'

'Ok. A ngainatawm ka ti'

'Yessssss….. Bem rawh' henu the tawp thin hi chu aw…. Amahpawhin tumah ala bem bik si lo a, engtia han bem tur nge min hrilh thei awm tawp si lo.

‘Ngawt a che. Ka thiam lo'

‘Ka duh che ti tawp rawh'

'Ka zak e a. Bakah hmeichhia zawkin han bem chu zahthlak awm eeee'

'Ni ve tho. Mahse a luck si, I muang sual ange' huiham, keini thianho zet hi chu kan manganthlak lam deuh chu a ni.

‘Mu tawh em?’ ka msg dawn chu ka hawng a, Rinpuia! Ka thaw dep dep. Hei hi move on kalkawng pakhat chu ni in ka ring.

'Mu dawn chiah. Nangzawk?’

'Kan indraw' teh tawk chuan! Sawi leh tur ka vai ta hle mai.

'Enteh….’

‘En a har, sawi la' a nghal hmel be pangai.

'A ho thei emai a! Ihmaw, cas I nei em?’ a bakin bultan ngaihna ka hre lo a. Bul a tan hun nghah ka duh thak lo. Mipa in min bem chuan ka ngaisang tehchiam lo nangin mipa ka bem ngai lo thung. Inbem lo a nihtawp life ang kha a that rualin tun tum chu bem ve ka tum ran mai.

‘Nei ta ila tinge?’ ava han nghal thiam tak.

‘Timah’ ka nute thin a thawk leh ta tlat.

'Haha… tak Tak a, nei lo e…..’

'Anihchuan ka duh che a' ka send zo chu ka sa hulh hulh hialin ka hria. Ka thiam dan tawk ni miau hek!

'Chuan?’ hmmmp….

'Ni ila'

'Haha… Van ho tak e aw….’

‘Mipa ka bem thiam lo a, ka thiam dan tawk ania. Min duh lo ni maw… naaaa, van zahthlak tak!’ zu lo in ila chuan hei ai hian ka zei mai thei, mahse zanin hian ka in eih lo ve tlat.

'Naaa, ka thiante msg ka reply lawk a. Duh lo ka sawi loh hi….’

‘Nihchuan kan ni tihna ami?’ tawk mai a!

‘Ummm…. I va han a reuh tak'

‘Yessss… lerh loh tur aw' ka nun ah Awma hnu a ka rilru hlim ber tum anih hial ka ring.

'Nangpawh aw….’

Rinpuia nen karkhat chu kan Ni ve ta. Kumhlui thlah zan ah pawh kan awm ho a, Maengi leh Nutei an hlim khawp mai. Hmalam pan thei lo hial a min ngaih hnu a mipa tha tak ka tawng a, chutah Pathian tih em em, hmeltha bawk si ala ni zui! Kumhlui thlah zan erawh a tawpna atan zu ka in leh hram! Haha…. Rinpuia pawn min han khak hlak nangin a tawpna ka tih tlat avangin thinrim ah ala lem lova, hnaih erawh min hnaih tam duh lo. Ka vui lo a, min hriatthiam na ah erawh ka lawm viau thung.

'Chhur, tahsawn thil va en lawk ila' Ka chhurpuia, ka bialpa duhtak chuan min kai a, dawr pakhat chu a kawk va a, a en duh ka hria. Karleh hian Nutei pasal neih a ni tawh a, kal ve tur a a rin avangin necktie en a duh tih ka hria.

'Ummm' ka tih rual chuan min kai phei nghal dat dat a, a palian sia, kei ka te sia, mi lah chuan min la en duh hlawm em em lehnghal.

Dawr chhung kan lut tur chiah chu dawr kawngka atang a rawn penchhuak mipa leh hmeichhia ka hmuh rual chuan ka ding dat a, Kum engemaw zat hnu ah hmaichhan a hmeichhia nen an kaldun han hmuh thut chu ka lo la zo chiah lo ani mahna!

‘T, I dam maw?’ Awma zawk a rawn harhchhuak hmasa a, a hmeichhe kalpui chu a chhelo lehpek kher mai! Ni e, Awma chu a hmeltha a, hmeichhe hmeltha kawp awm a ni. Engtinnge kei kha min lo kawp theih zawk le????

‘Aaaa…. Aw…. Nia…..’

‘Hei hi maw Elty chu? Hi…. Josephine ka nia, I hming hi ka hre fo ania' hmeichhe hmeltha zet chuan min nuih sang a, Bella Hadid a ang kher mai!

'Nia… Aw, Kan inhmu chu ka lawm e. Hei hi Chhur…. Oh, Rinpuia ania. Chhur, hei hi Awma chu…..’ a hma in ka nun buai chhan ka hrilh vek tawh avangin a hming a hre lawk tawh.

'Hi… Kan inhmu chu a lawmawm. Ka chhurpuii hian in chanchin min hrilh nual a, I chungah ka lawm lutuk ania' ka kawng a rawn kuah pah chuan Rinpuia chuan Awma te pahnih chu a nuih sang a, ka inthlahrung ru kher mai.

'Tunah chuan I duh Ang mipa hausa chu I hmu ta maw?’ Awma tawng chhuak chu makti zetin kan en thap a, ka thaw kawk mai.

‘Maw?’ tun a ka tawngchhuak hmel kha ka mawl hmel ngawt Ang. A chhan chu hetiang tawngkam hmang tur hian hausakna ka thlakhlelh thu hi ka la sawi ri ngai lo, tu hnen ah mah!

‘Kan Kal phawt ange' Rinpuia chuan min kuah a, min kalsawn pui nghal. Mahse ka normal zo tawh lo. Kha tawngkam kha a hnen atang hriat ka inring ngai lo. Ka hmangaih zia a hria, Amah zawkin anihkha midang min vawnsan tak! Rapthlak hian!